Transparency Myanmar

transparency.myanmar@gmail.com

yangonchronicle 2011
yangonchronicle 2011

၂၈.၈.၂၀၁၁

ပြည်တွင်းသတင်းများ

  1. ထားဝယ်ရေနက် ဆိပ်ကမ်းကိုအမှီပြု၍ ပုဂ္ဂလိကပိုင် လေကြောင်းလိုင်းသစ် တစ်ခုပေါ်ပေါက်လာရန်ရှိ
  1. ရထားစက်ခေါင်းသစ်နှင့် တွဲသစ်စက်ရုံ  တရုတ်ချေးငွေဖြင့် တည်ဆောက်မည်
  2. အလုပ်သမားအခွင့်အရေး အပြည့်အဝ မရရှိသေး

ပြည်တွင်းပါတီ၊ နိုင်ငံရေးသတင်းများ

  1. မြန်မာနိုင်ငံတွင် လွတ်လပ်သော လူ့အခွင့်အရေးအဖွဲ့ ဖွဲ့စည်းမည်
  2. ဦးသိန်းညွန့်ပါတီသစ်မှ ဒဂုံဆိပ်ကမ်းမြို့နယ်တွင် ဝင်ရောက်အရွေးချယ်ခံမည်ဟုသိရ

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

ထားဝယ်ရေနက် ဆိပ်ကမ်းကိုအမှီပြု၍ ပုဂ္ဂလိကပိုင် လေကြောင်းလိုင်းသစ် တစ်ခုပေါ်ပေါက်လာရန်ရှိ

ထားဝယ်ရေနက် ဆိပ်ကမ်းကို အမှီပြု၍ ထားဝယ်လေဆိပ်မှ ပြည်တွင်း၊ ပြည်ပခရီးစဉ်များ ပြေးဆွဲမည့် ပုဂ္ဂလိကပိုင် လေကြောင်းလိုင်းသစ်    တစ်ခု ပေါ်ပေါက်လာရန်ရှိကြောင်း လေကြောင်းလိုင်း အသိုင်းအ၀ိုင်းမှ စုံစမ်းသိရှိရသည်။

ထားဝယ် ရေနက်ဆိပ်ကမ်း စီမံကိန်းအရ မြန်မာနိုင်ငံသို့လာရောက်ရာတွင် ထိုင်းနိုင်ငံ ဘန်ကောက်မြို့မှတစ်ဆင့် ရန်ကုန်သို့ လေကြောင်းဖြင့် ဦးစွာ လာရောက်ရပြီး ထိုမှ ထားဝယ်မြို့သို့ ပြန်လည်သွားရောက်ရသည်။ ထိုသို့ ခရီးစဉ် အဆင့်ဆင့်ဖြင့် အချိန်ယူသွားရောက်ရခြင်းမှ ပြေလည် စေရန်နှင့် ဒေသဖွံ့ဖြိုးရေးဆိုင်ရာများအတွက် ထားဝယ်လေဆိပ်မှ ပြည်တွင်း၊ ပြည်ပပုံမှန်လေကြောင်း ခရီးစဉ်များကို ပုဂ္ဂလိကပိုင် လေကြောင်းလိုင်း အသစ်တစ်ခု တည်ထောင် ပြေးဆွဲသွားရန် စီစဉ်လျက်ရှိကြောင်း သိရသည်။

ထားဝယ်လေဆိပ်မှ ပြည်တွင်း၊ ပြည်ပခရီးစဉ်များ ပြေးဆွဲရန်ရှိသည့် ပုဂ္ဂလိကပိုင် လေကြောင်းလိုင်းသစ်၏ အမည်ကို တနင်္သာရီလေကြောင်း လိုင်းဟု အမည်လျာထားပေးထားမှု ရှိကြောင်း သိရသည်။

မြန်မာနိုင်ငံတွင် တိုင်းရင်းသားပိုင် ပုဂ္ဂလိက လေကြောင်းလိုင်း သုံးခုရှိပြီး ၎င်းတို့မှာ Air Bagan ၊ Asian Wings  နှင့် Air KBZ တို့ဖြစ်သည်။

Ref: WEEKLY ELEVEN

--------------------------------------------------------------------------------------------------------------------------------

ရထားစက်ခေါင်းသစ်နှင့် တွဲသစ်စက်ရုံ  တရုတ်ချေးငွေဖြင့် တည်ဆောက်မည်

တရုတ်နိုင်ငံချေးငွေဖြင့် ရထားစက်ခေါင်းသစ်စက်ရုံနှင့် တွဲသစ် တည်ဆောက်ရေး စက်ရုံတို့ကို တည်ဆောက်မည် ဖြစ်ကြောင်း မြန်မာ့     မီးရထားမှ တာဝန်ရှိသူတစ်ဦး၏ ပြောကြားချက်အရ သတင်းရရှိသည်။

တရုတ်နိုင်ငံမှ ချေးငွေ ၄၇ သန်းကို အသုံးပြု၍ နေပြည်တော်ဘူတာကြီးအနီးတွင် ရထားစက်ခေါင်းသစ် တည်ဆောက်ရေးစက်ရုံကို လည်းကောင်း၊ ချေးငွေ ၄၇ ဒသမ ၅၂ သန်းဖြင့် မြစ်ငယ်ဒေသတွင် လူစီးတွဲနှင့် ကုန်တွဲသစ်တည် ဆောက်ရေးစက်ရုံကို လည်းကောင်း တည်ဆောက်ရန် စီစဉ်နေသည်ဟု  ၎င်းက ဆက်လက်ပြောကြားသည်။

မြန်မာနိုင်ငံတွင် အသုံးပြုနေသော လူစီးတွဲများ၊ ကုန်တွဲနှင့် စက်ခေါင်းများသည် သက်တမ်းကြာမြင့်နေပြီဖြစ်ပြီး အစိုးရ၏ ရင်းနှီး ထောက်ပံ့   ငွေဖြင့် လမ်းဟောင်းများ ပြုပြင်ရေး၊ စက်ခေါင်းနှင့်တွဲများ  အစားထိုးရေး၊ စက်ရုံများအဆင့်မြှင့် တင်ရေးတို့ကို ပြုလုပ်သင့်သည်ဟု ယင်းက ဆိုသည်။

မြန်မာနိုင်ငံတွင် လက်ရှိ အသုံးပြုနေသော လူစီးတွဲ ၁၂၅၂ တွဲအနက် နှစ် ၄ဝ သက်တမ်းရှိ လူစီးတွဲ ၃၂ ရာခိုင် နှုန်း၊ ကုန်တွဲ ၃၃၁၁ တွဲအနက် နှစ်၎ဝ သက် တမ်းရှိ တွဲ ၅၆ ရာခိုင်နှုန်းရှိကြောင်း သိရသည်။ စက်ခေါင်း စုစုပေါင်း ၃၈၆ ခေါင်းရှိသည့် အနက် ၄၇ ရာ ခိုင်နှုန်းသည် နှစ် ၃ဝ အထက် သက်တမ်းရှိ စက်ခေါင်းများဖြစ်သည်ဟု သိရသည်။

မြန်မာ့မီးရထားအနေဖြင့် ယခင်က ချေးငွေရရှိသည့်အပေါ် မူတည်၍ ဂျပန်၊ ဂျာမနီ၊ ပြင်သစ်၊ တရုတ်၊ အိန္ဒိယတို့မှ စက်ခေါင်းများကို ဝယ်ယူ ခဲ့ရပြီး မြင်းကောင် ရေ ၂ဝဝဝ၊ ၁၆ဝဝ၊ ၁၅ဝဝ စသဖြင့် ကွဲပြားနေသောကြောင့် ပြုပြင်ထိန်းသိမ်းရန် ခက်ခဲကြောင်း၊ လိုအပ်သည့် အရန်ပစ္စည်းများ ဝယ်ယူသည့် အခါတွင်လည်း အရေအ တွက် အနည်း ငယ်စီသာ ဝယ်ယူသဖြင့် ဈေးနှုန်းကြီးမြင့်ကြောင်း သိရသည်။

လက်ရှိတွင် မြန်မာ့မီးရထားမှ စက်ခေါင်းပြင်စက်ရုံ ၂၇ ရုံ၊ နယ် လူစီးတွဲနှင့် တွဲပြင်စက်ရုံ ၅၂ ရုံနှင့် မြစ်ငယ် လူစီးတွဲနှင့် ကုန်တွဲစက်ရုံ တို့ဖြင့် လုပ်ငန်းများ ဆောင်ရွက်နေကြောင်း သိရသည်။

Ref: Popular News

--------------------------------------------------------------------------------------------------------------------------------

အလုပ်သမားအခွင့်အရေး အပြည့်အဝ မရရှိသေး

မြန်မာနိုင်ငံရှိ စက်ရုံ၊ အလုပ်ရုံများတွင် လုပ်ကိုင်လျက်ရှိသော လုပ်သားအများစု၌ အလုပ်သမားအခွင့်အရေး အပြည့်အဝ မရရှိသေးကြောင်း သိရသည်။

မိသားစု စားဝတ်နေရေး အဆင်ပြေနိုင်စေရန် စက်ရုံများတွင် ဝင်ရောက် လုပ်ကိုင်နေရသည့် ပြည်တွင်းလုပ်သား အများစုမှာ အလုပ်ချိန် ပိုမို များပြားခြင်း၊ အလုပ်နားရက်အပြည့်အဝ မရရှိခြင်း၊ ခွင့်ပျက်ရက်များအတွက် ဒဏ်ကြေးပေး ဆောင်ရခြင်း၊ အချိန်ပိုကြေး နည်းပါးခြင်း စသည့် ဒဏ်များ ကိုသာ အပြည့်အဝ ခံစားရလျက်ရှိကြောင်း သိရသည်။

ယခင် ပြည်တွင်းရှိ စက်ရုံများတွင် အခြေခံဝန်ထမ်းခေါ်ယူမှု အေးစက်နေရာမှ ယခုအခါ အခြေခံဝန်ထမ်း ပြန်လည်ခေါ်ဆိုမှုများ တိုးမြင့်လာ ကြောင်း သိရသည်။ ထိုသို့ အခြေခံဝန်ထမ်း ခေါ်ဆိုမှု ပြန်လည်မြင့်တက်လာခဲ့သော်လည်း ပြည်တွင်းရှိ အခြေခံလုပ်သားများ၏ အလုပ်သမား အခွင့်  အရေးမှာမူ အပြည့်အဝရရှိခြင်း မရှိသေးကြောင်း သိရသည်။

ထိုကြောင့် ပြည်တွင်းရှိ စက်ရုံ၊ အလုပ်ရုံများတွင် လုပ်ကိုင်ရန် သွားရောက်လျှောက်ထားမည့် အလုပ်သမားများအနေနှင့် အင်တာဗျူးဝင်စဉ် ကတည်းကပင် အလုပ်ပိတ်ရက်နှင့် ခွင့်ရက်ရရှိနိုင်မည့် ရက်များကို သေချာစွာမေးမြန်းထားပြီး ထိုသို့ မေးမြန်းထားခြင်း မရှိပါက အလုပ်ခွင် ဝင်ရောက်  သည့်အချိန်တွင် အလုပ်သမား အခွင့်အရေး အပြည့်အဝရရှိခြင်း မရှိဘဲ အလုပ်ရှင်များက သတ်မှတ်ပေးမည့် စည်းကမ်းများအရ လုပ်ကိုင်ရမှာ ဖြစ်ကြောင်း အလုပ် အကိုင်ရှာဖွေရေး အေဂျင်စီ တစ်ခုမှ တာဝန်ရှိသူတစ်ဦးက ပြောကြားခဲ့သည်။

                                                                                                                  Ref: Modern

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

မြန်မာနိုင်ငံတွင် လွတ်လပ်သော လူ့အခွင့်အရေးအဖွဲ့ ဖွဲ့စည်းမည်

မြန်မာနိုင်ငံတွင် လူ့အခွင့်အရေးနှင့်သက်ဆိုင်သည့် ကိစ္စရပ်များဆောင်ရွက်ရန်အတွက် အစိုးရနှင့်သက်ဆိုင်ခြင်း မရှိသည့် လူ့အခွင့်အရေး အဖွဲ့ တစ်ခု ဖွဲ့စည်းသွားရန် ရှိကြောင်း နိုင်ငံတော်သမ္မတ၏ စီးပွားရေးဆိုင်ရာ အကြံပေး ဦးနေဇင်လတ်က ဆိုသည်။

“ဒီလိုအဖွဲ့ကို ဖွဲ့ဖို့ စီစဉ်ထားတာရှိပါတယ်၊ နိုင်ငံတော်ကလဲ လူ့အခွင့်အရေးဆိုင်ရာ အဖွဲ့တစ်ခုဖွဲ့ထားတာရှိတော့ ဖွဲ့ဖို့ နည်းနည်း ချိန်ဆ      နေရတာပါ”ဟု ဆိုသည်။

လူ့အခွင့်အရေး အခြေအနေနှင့် ပတ်သက်၍ အစီရင်ခံစာတင်သွင်းသူ မစ္စတာ သောမတ်ကွင်တားနားသည် နိုင်ငံတော်သမ္မတ၏ အကြံပေး   များနှင့် တွေ့ဆုံစဉ် အခါကလည်း လွတ်လပ်၍ အစိုးရ၏ မှီတွယ်မှုကင်းသည့် လူ့အခွင့်အရေး အဖွဲ့ ဖွဲ့စည်းရန် အကြံပေးခဲ့ကြောင်း သိရသည်။

မြန်မာနိုင်ငံတွင် လူ့အခွင့်အရေး အခြေအနေများကို ပြည်ထဲရေးဝန်ကြီးဌာနနှင့် သက်ဆိုင်ရာ ဝန်ကြီးဌာနများ ပူးပေါင်းဖွဲ့စည်းထားသည့်    အဖွဲ့ကသာ အကဲဖြတ်မှုများ လုပ်ဆောင်နေသည့်အတွက် တိကျ၍ ဘက်မလိုက်သော အကဲဖြတ်ချက်နှင့် အစီရင်ခံစာများ ပေါ်ထွက်လာစေရန် ယင်းကဲ့သို့ တိုက်တွန်းရခြင်း ဖြစ်ကြောင်း မစ္စတာ သောမတ် ကွင်တားနားက ဆိုသည်။

YC(KS)

--------------------------------------------------------------------------------------------------------------------------------

ဦးသိန်းညွန့်ပါတီသစ်မှ ဒဂုံဆိပ်ကမ်းမြို့နယ်တွင် ဝင်ရောက်အရွေးချယ်ခံမည်ဟုသိရ

ကြားဖြတ်ရွေးကောက်ပွဲတွင် ပြည်သူ့လွှတ်တော်အမတ် ဦးသိန်းညွန့်၏ ပါတီမှ ဒဂုံ(ဆိပ်ကမ်း) မြို့နယ်တွင် ဝင်ရောက် အရွေးချယ်ခံ သွားမည် ဖြစ်ကြောင်း ရန်ကုန်တိုင်းဒေသကြီးအမတ်( သင်္ဃန်းကျွန်း) ဦးကျော်၏ ပြောကြားချက်အရ သိရသည်။

ဒဂုံဆိပ်ကမ်းမြို့နယ်တွင် ဝင်ရောက်အရွေးချယ်ခံမည့်သူမှာ စာရေးဆရာကောင်းစံဝင်း(ဦးဝင်းရွှေ)ဖြစ်ပြီး အနိုင်ရနိုင်သည့် အနေထားရှိကြောင်း ဦးသိန်းညွန့်ပါတီသစ်အဖွဲ့ဝင်များက ပြောကြားသည်။

 “မရမ်းကုန်းမြို့နယ်ကိုလည်း နောက်ထပ်တစ်နေရာအနေနဲ့ယာထားပါတယ်”ဟု အဆိုပါ လွှတ်တော်အမတ်က ဆိုသည်။

ဦးသိန်းညွန့်ပါတီသစ်သည် အမျိုးသားဒီမိုကရေစီပါတီသစ် အမည်ဖြစ် သြဂုတ်လ၂၃ရက်နေ့တွင် ရွေးကောက်ပွဲကော်မရှင်က ပါတီ တည်     ထောင်ခွင့် ပြုလိုက်ပြီဖြစ်သည့်အတွက် ပါတီမှတ်ပုံတင်ခွင့်ကို ဆက်လက်လျှောက်ထားရန် ပြင်ဆင်နေကြောင်း သိရသည်။

ရန်ကုန်တိုင်းဒေသကြီးတွင် ပြည်သူ့လွှတ်တော်အတွက် လစ်လပ်နေရာ ရှစ်မြို့နယ်ရှိပြီး တစ်နိုင်ငံလုံး အတိုင်းအတာအနေဖြင့် ပြည်သူ့  လွှတ်တော်အတွက် နေရာသုံးဆယ်နှင့် အမျိုးသားလွှတ်တော်အတွက် သုံးနေရာ လစ်လပ်ကြောင်း သိရသည်။

ရန်ကုန်တိုင်းဒေသကြီးအတွက် လစ်လပ်နေရာ ရှစ်နေရာမှာ မင်္ဂလာတောင်ညွန့်မြို့နယ်၊ လှိုင်မြို့နယ်၊ မရမ်းကုန်းမြို့နယ်၊ ကျောက်တံတား မြို့နယ်၊ လှည်းကူးမြို့နယ်၊ တိုက်ကြီးမြို့နယ်၊ ဒဂုံ (ဆိပ်ကမ်း)မြို့နယ်၊ သုံးခွမြို့နယ် တို့ ဖြစ်ကြောင်း သိရသည်။

Peace Press

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“မရိုးသားတဲ့ ဆိုင်ဝန်ထမ်းတွေက တခြားကုမ္ပဏီတွေမပြောနဲ့ ကျွန်တော့်ကုမ္ပဏီမှာ တောင်ရှိတယ်။ တကယ်တမ်း ရဲစခန်းမှာ အမှုဖွင့်အရေးယူရင် ထောင်ဒဏ်သုံးနှစ်လောက်အထိ အရေးယူခံရနိုင်လို့ ငဲ့ညှာတဲ့အနေနဲ့ အလုပ်က ထုတ်ပစ်တာမျိုးပဲ လုပ်ခဲ့တယ်။ ဒါပေမယ့် ပိုပိုဆိုးလာလို့ မလွှဲမရှောင် သာဘဲ နောက်နောင် မသမာမှု ရှိခဲ့ရင် အမှုဖွင့်အရေးယူရတော့မယ်”

သြဂုတ် ၂၂ ထုတ် The Messenger အတွဲ (၂) အမှတ် (၁၄) တွင်ပါသည့် “ဓာတ်ဆီရောင်းချရာတွင် ဖြစ်ပွားနေသည့် မသမာမှုများ၌ မန်နေဂျာအဆင့်အထိ ပါဝင်ပတ်သက်မှုရှိနေ” သတင်းမှ မြတ်မေတ္တာမွန်ကုမ္ပဏီ၏ မန်းနေဂျင်းဒါရိုက်တာဖြစ်သူ ဒေါက်တာဝင်းမြင့်၏ ပြောကြားချက်အပေါ် ကောက်နှုတ်ချက်

--------------------------------------------------------------------------------------------------------------------------------

“ပြည်တွင်းအခွန်များဦးစီးဌာနက မြန်မာငွေနဲ့ပဲရတာ။ အစိုးရက တစ်ဒေါ်လာကို ၆ ကျပ်နှုန်းနဲ့ပဲ လွှဲပေးတာဖြစ်လို့ အခွန်တွေ လျှော့လိုက်ပေမယ့် မြန်မာငွေ လက်ခံရရှိမှုကတော့ လျော့မှာမဟုတ်ဘူး”

“အပြင်မှာပေါက်နေတဲ့ ငွေဈေးနဲ့ဆိုရင် တစ်နှစ်ကို မြန်မာငွေ သန်းတစ်သိန်းလောက်ရတယ်” ဟု ၎င်းက သတ်မှတ်ငွေလဲနှုန်းနှင့် ရရှိသည့် အခွန်ကို ပြင်ပငွေ ပေါက်ဈေးဖြင့် တွက်ချက်၍ ပြောသည်။

သြဂုတ် ၂၅ ထုတ် Popular New အတွဲ (၃) အမှတ် (၃၃) တွင်ပါသည့် “အခွန်လျှော့ချခြင်းကြောင့် ပြည်တွင်း အခွန်ဦးစီး ထိခိုက်နစ်နာမှု မရှိဟုဆို” သတင်းမှ ကောက်နှုတ်ချက်

--------------------------------------------------------------------------------------------------------------------------------

 “အခုအခြေအနေမှာ ခရီးစဉ်ဈေးနှုန်းတွေကို ထပ်တိုးမှ ခရီးသွားလုပ်ငန်းကုမ္ပဏီတွေလည်း တွက်ခြေကိုက်မှာ ဖြစ်ပါတယ်”

“မြန်မာနိုင်ငံက နဂိုကတည်းက ခရီးသွားစရိတ်ကြီးတဲ့ နိုင်ငံဖြစ်ပါတယ်။ အခုလိုအခြေအနေမှာ ခရီးစဉ်ဈေးတွေကိုလည်း ထပ်တိုးလိုက်မယ်ဆို ခရီးသွား လုပ်ငန်းလည်း တော်တော်လေး ထိခိုက်နိုင်ပါတယ်”

သြဂုတ် ၂၆ ရက်ထုတ် မြန်မာတိုင်းမ် အတွဲ (၂၇) အမှတ် (၅၃၁) တွင်ပါသည့် “ဒေါ်လာဈေးကျ၍ ခရီးသွားလုပ် ငန်း ထိခိုင်မှုရှိနိုင်” သတင်းမှ ကောက်နှုတ်ချက်

--------------------------------------------------------------------------------------------------------------------------------

“အခု ကားဈေး တက်တယ်ဆိုတာကတော့ စက်မှု (၂) က ဇုန်ကားတွေအပေါ် ဒဏ်ကြေးတပ်ရိုက်တာ တိုးမြှင့်လိုက်တဲ့ အတွက်ပါ။ ဒါပေမယ့် ကားဈေး   တွေကတော့ အမျိုးသားအဆင့် အလုပ်ရုံဆွေးနွေးပွဲ ရလဒ်တွေအရတော့ ပြန်ကျလာမှာပါပဲ။ အဓိကအကြောင်းကတော့ အခု ဂယက်ရိုက်နေတဲ့ ငွေဈေးကို ထိန်းသိမ်းပြီးလည်းဖြစ်၊ ပြည်သူတွေ သယ်ယူစရိတ် ဝန်ထုတ်ဝန်ပိုးဖြစ်တာကလည်း သက်သာမယ့်အချက်တွေကြောင့် ဒီကားတင်သွင်းခြင်း ဒါမှမဟုတ် လိုင်စင်မဲ့ကားတွေကို လိုင်စင်ဝင်ခိုင်းတာမျိုး ဖြစ်လာနိုင်လို့ပါ။ အခုငွေဈေးက ကျနေတဲ့အတွက် ဒေါ်လာဝယ်လိုအား တက်အောင်လုပ်ရမယ့် အနေအထား ရှိတယ်။ အဲဒီအတွက်လက်ရှိ ဒေါ်လာဖြုန်းအားကောင်းမယ့် ကုန်စည်တွေကို ကြည့်လိုက်ရင် ကားကအဓိကပဲ။ အသစ်တင်သွင်းခွင့် ပေးရင်လည်း ဒေါ်လာဝယ်လိုအား မြင့်တက်လာနိုင်သလို လိုင်စင်မဲ့ကားကို လိုင်စင်ခွင့်ပြုတဲ့အခါ ပေးဆောင်ရမယ့် ဒဏ်ကြေးကို ဒေါ်လာနဲ့ ပေးဆောင်ခိုင်းရင်လည်း ဒေါ်လာလိုအပ်ချက် ပြန်မြင့်တက်နိုင်တယ်။ အဲဒီအတွက် ကားတင်သွင်းခွင့်ပေးခြင်းဟာ ဒီအချိန်မှာ နှစ်ဖက် သုံးဖက်ကို အကျိုးဖြစ်ထွန်းနိုင်လို့ ခွင့်ပြုမယ်လို့ လည်း ထင်ပါတယ်။ အဲဒါဆိုရင်တော့ ကားဈေးလည်း ပြန်ကျမှာပါပဲ”

သြဂုတ် ၂၆ ရက်ထုတ် မြန်မာတိုင်းမ် အတွဲ (၂၇) အမှတ် (၅၃၁) တွင်ပါသည့် “ပို့ကုန်သွင်းကုန်မှ ရငွေနှင့်သုံးငွေ မျှခြေကို ကြည့်၍ ကားတင် သွင်းခွင့်ပြုရန် စဉ်းစားပေးမည်ဟု နိုင်ငံတော်သမ္မတပြောကြား” သတင်းမှ မြန်မာနိုင်ငံ ငါးလုပ်ငန်းအဖွဲ့ချုပ် ဒုတိယဥက္ကဋ္ဌ၏ ပြောကြားချက် အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

လွှတ်တော်သည်သာ ပြည်သူ့အင်အားနှင့် တပ်မတော်သည် အမျိုးသားရေးကို သစ္စာမဖောက်

ယခုလ ၂၆ ရက်နေ့က ကျင်းပခဲ့သော ပြည်သူ့လွှတ်တော် အစည်းအဝေးတွင် အံအားသင့်ဖွယ် အဆိုတစ်ခု အောင်မြင်ခဲ့ပါသည်။ သင်္ဃန်းကျွန်း မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသိန်းညွန့် တင်သွင်းခဲ့သော ယုံကြည်ချက်ကြောင့် အကျဉ်းကျခံနေရသူများကို ချွင်းချက်မရှိ လွှတ်ပေးရေး အဆို ဖြစ်သည်။ ယင်းအဆိုကို ထောက်ခံခဲ့ကြသူ ၁၅ဦးအထိရှိပြီးခဲ့ပြီး တပ်မတော်သား ကိုယ်စားလှယ်နှစ်ဦးကပါ ဝင်ရောက် ထောက်ခံခဲ့ကြသဖြင့် မြန်မာမှာ သာမက ကမ္ဘာကပါ အံသြခဲ့ရသည့် အခြေအနေတစ်ရပ်လည်း ဖြစ်သည်။

မြန်မာစစ်ဗိုလ်ချုပ်ဟောင်းကြီးများ နားခါးသည့် စကားလုံးများတွင် နိုင်ငံရေး အကျဉ်းသားနှင့် လူ့အခွင့်အရေး ကိစ္စရပ်များမှာ ထိပ်ဆုံးက ပါသည်။ မြန်မာပြည်တွင် နိုင်ငံရေး အကျဉ်းသားမရှိ၊ ရာဇဝတ်မှု ကျူးလွန်၍သာ ဖမ်းဆီးထိန်းသိမ်းထားခြင်း ဖြစ်သည်။ ထို့ပြင် ထောင်ထဲတွင် နိုင်ငံရေး အကျဉ်းသား များကို လူမဆန်စွာ နှိပ်စက်ညှဉ်းပမ်းနေသည် ဆိုခြင်းမှာမဟုတ်မှန်၊ ဆိုသည့် သတင်းများကို စစ်အစိုးရအဆက်ဆက် ခေါင်းဆောင်များက ပြောကြားခဲ့ သလို ယခုအစိုးရ သစ်ပင်လျှင် မြန်မာပြည်တွင် နိုင်ငံရေးအကျဉ်းသား လုံးဝမရှိပါဟု ငြင်းဆိုခဲ့သည် မဟုတ်ပါလား။

သို့သော် မြန်မာပြည်ရှိထောင်များတွင် နိုင်ငံရေးအကျဉ်းသား ၂၀၀၀ကျော်ရှိနေသည်။ အစိုးရကို ထိထိရောက်ရောက် ပြင်းထန်စွာ ဆန့်ကျင်၍ ထိန်းသိမ်း ခံရသူတွေပါကဲ့သို့ မစို့မပို့ စာတမ်းလေးများ ဖြန့်ဝေခြင်း၊ ရွှေတိဂုံဘုရားပေါ်တက်၍ ဆုတောင်းခြင်း၊ အသင်းအဖွဲ့များ ဖွဲ့စည်းခြင်း စသည့် မပြောပလောက်သည့် ပြစ်မှုလေးများကြောင့် ထိန်းသိမ်းခံရသူတွေလည်း ပါသည်။ မည်သို့ပင်ဆိုစေကာမူ သူတို့အားလုံးသည် အများပြည်သူလူထု အတွက် တတ်နိုင်သည့်နေရာမှ စစ်အစိုးရကို ဆန့်ကျင်ခဲ့ကြခြင်း ဖြစ်သည်။ မေတ္တာပို့၍ အဖမ်းခံရသော သံဃာများတောင် ပါသေးသည်။ ထိုသူများကိုလည်း ပြည်သူလူထုကြီးက လွတ်မြောက်စေချင်သည်မှာ လုံးဝငြင်းပယ်၍ မရသည့်အချက်ဖြစ်ပြီး မည်သည့်ပြည်သူတစ်ဦး တစ်ယောက်ကို မေးသည် ဖြစ်စေ နိုင်ငံရေးအကျဉ်းသားများ လွတ်မြောက်စေလိုသည်ဟု ဖြေကြားကြမည်ဖြစ်သည်။ သူရဲကောင်းကို ကိုးကွယ်သော၊ အနစ်နာခံသူကို ချီးမြှင့်မြောက်စားလို သော ပြည်သူများ ဖြစ်နေသောကြောင့်ပင်။

နိုင်ငံရေး အကျဉ်းသားများ လွတ်မြောက်ရေးအတွက် အဖွဲ့အစည်းအသီးသီးက ကြိုးပမ်းခဲ့ကြသည်။ ကုလသမဂ္ဂကြီးလည်း ကြိုးပမ်းသည်။ နိုင်ငံတကာအသိုင်းအဝိုင်းတွင် သြဇာကြီးသော နိုင်ငံကြီးများကလည်း ဖိအားပေးသည်။ သို့ရာတွင် အဆိုပါကိစ္စကား ပြော၍လည်းရတော့မည့် ကိစ္စ မဟုတ်ဟု သဘောပိုက်ကာ မတတ်သာ၍ လက်မှိုင်ချနေရသည့် အခြေအနေတွင်သာ ရှိနေခဲ့သည်။

ယခု အရပ်သားအစိုးရ ဖြစ်ပြီဟူ၍ ယခင်က ပြောဆိုခွင့်မရခဲ့သော နိုင်ငံရေးအကျဉ်းသားကိစ္စကို ပြန်လည် ပြောဆိုလာကြသည်။ ဒီမိုကရေစီ အစိုးရ မှန်လျှင် လွတ်လပ်စွာ ဆန္ဒဖော်ထုတ်ခွင့်၊ ယုံကြည်ခွင့်တို့ကို အသိအမှတ်ပြုရမည်ဟု ဘက်ပေါင်းစုံမှ တောင်းဆိုမှုတွေပေါ်လာသည်။ ပထမအကြိမ် လွှတ်တော်အစည်းအဝေးတွင်  နိုင်ငံရေးအကျဉ်းသား ကိစ္စကို သမ္မတကသာ ဆုံးဖြတ်ပိုင်ခွင့် ရှိကြောင်း ဖြေကြားခဲ့သဖြင့် ထိုကိစ္စကို ဆုံးဖြတ်ပိုင်ခွင့်ရှိသည့် သမ္မတကြီးထံသို့ နယ်ပယ် အသီးသီးမှ ပုဂ္ဂိုလ်များက နိုင်ငံရေးအကျဉ်းသားများ လွတ်မြောက်ရန်        စုပေါင်းလက်မှတ်ထိုး တောင်းဆို ကြသည်။  သို့ရာတွင် နိုင်ငံရေးအကျဉ်းသား မရှိဟု ကြေငြာထားသော အစိုးရနှင့် သမ္မတကြီးအနေဖြင့် ထိုကိစ္စကို အကောင်အထည်ဖော်ရန် ခက်ခဲသည်။ ထို့ကြောင့် အခြား အကျဉ်းသားများနှင့်ရော၍ အထွေထွေလွတ်ငြိမ်းချမ်းသာခွင့်ကို ထုတ်ပြန်ကာ ၂၀၀၈ ဖွဲ့စည်းပုံကို မဆန့်ကျင်နိုင်သည့် နိုင်ငံရေးအင်အားစု အချို့ကို လွှတ်ပေးသည်။ သို့ရာတွင် တစ်နှစ်သာ ကျန်တော့သည့်သူများကို လွှတ်ပေးခဲ့ရာ နှစ်ပေါင်းဆယ်ချီ၍ ကျခံနေရသော နာမည်ကြီး နိုင်ငံရေးသမားများ မပါဘဲ လူဆိုးသူခိုးတွေ အများကြီး လွတ်ကုန်သည်။ သမ္မတကြီးနှင့် အစိုးရအဖွဲ့အနေဖြင့် ခေါင်းကိုက်နေရပြီဖြစ်သည်။ အမှန်တကယ်အားဖြင့် ဒီမိုကရေစီ အစိုးရ ဆိုသည်ကို ပီပြင်လိုသော၊ သန့်ရှင်းသော အစိုးရဖြစ်ရေးကို ရည်မှန်းချက်ကြီးကြီးထားသော သမ္မတကြီးအနေဖြင့် ယခုအခါ ပြည်သူတစ်ရပ်လုံးက နိုင်ငံရေး အကျဉ်းသားများ လွတ်မြောက်ရန် လိုလားလျက်ရှိသည်ကို လုံးဝသိရှိသွားသည်။ နိုင်ငံတကာ အသိုင်းအဝိုင်းသို့ မြန်မာနိုင်ငံ ဝင်ဆံ့လာရန် ထိုကိစ္စမှာ မဖြစ်မနေ လုပ်ဆောင်ရမည့် ကိစ္စဟုလည်း သဘောပေါက်သည်။ ထို့ကြောင့် ၂၀၀၈ ဖွဲ့စည်းပုံကို လက်ခံလာစေရန် ကြိုးစားလုပ်ဆောင်သည်။ နိုင်ငံရေး လုပ်လိုပါက ဤ ၂၀၀၈ ဘောင်ထဲမှသာ လုပ်ဆောင်ကြပါရန် တဖွဖွပြောသည်။ သမ္မတကြီးအနေဖြင့် ထိုကိစ္စကို လုပ်ဆောင်ရန် ဆုံးဖြတ်ပြီး ဖြစ်သည်။

ဤနေရာတွင် အကောင်းချည်းမျှော်မှန်း၍မရ။ အစိုးရအဖွဲ့ထဲတွင် ဒုသမ္မတနှင့် ပြန်ကြားရေးဝန်ကြီးကဲ့သို့ သဘောထား တင်းမာသူများလည်း ရှိသည်။ သမ္မက  လွှတ်ချင်သည့်တိုင် အစိုးရအဖွဲ့ထဲမှာ အားပြိုင်မှုရှိနေသဖြင့် လွယ်လွယ်ကူလုပ်ဆောင်၍မရ။ အမျိုးသားလုံခြုံရေးကောင်စီ၏ သဘောတူ ချက် ပါမှဖြစ်မည်။ ထို့ကြောင့် အမျိုးသားလုံခြုံရေးကောင်စီတွင် အဆိုပါကိစ္စကို ထောက်ခံသူ၊ လိုလားသူတွေ များအောင် လုပ်ရမည်ဖြစ်သည်။ ထိုသို့ အမျိုးသားလုံခြုံရေး ကောင်စီတွင် သဘောတူညီမှု ရရန်မှာ တပ်မတော်နှင့် လွှတ်တော်ဥက္ကဋ္ဌ၏ မဲက အဆုံးအဖြတ် ဖြစ်ပေလိမ့်မည်။ ကာကွယ်ရေး ဦးစီးချုပ် ကား ငယ်ရွယ်ပြီး ခေတ်အမြင်ရှိသူ၊ ပြည်သူ့လွှတ်တော် ဥက္ကဋ္ဌကြီးက လွှတ်တော်များ အားကောင်း ခိုင်မာရေးနှင့် ပြည်သူ၏ ကိုယ်စားပြုမှုကို ပြသလိုသူ ဖြစ်၍ နိုင်ငံရေး အကျဉ်းသားများ လွတ်မြောက်ရေးကိစ္စကို ခေါင်းညိတ်ခဲ့ကြသည်။ ထိုသို့ဖြင့်ပင် အကျဉ်းထောင်ထဲမှာ ရှိနေကြသော နိုင်ငံရေး အကျဉ်းသား များ လွတ်မြောက်ရေးကို စီစဉ်နိုင်ခဲ့ပြီ ဖြစ်သည်။

ထိုသို့ အများပြည်သူတစ်ရပ်လုံး မျှော်လင့်တောင့်တလျက်ရှိသည့် နိုင်ငံရေးအကျဉ်းသား လွတ်မြောက်ရေးအတွက် စေတနာကောင်းခဲ့သူမှာ သမ္မတကြီးဟုဆိုလျှင် ကာကွယ်ရေးဦးစီးချုပ်နှင့် ပြည်သူ့လွှတ်တော်ဥက္ကဋ္ဌ ကြီးတို့၏ အရေးပါမှုကိုလည်း ချန်လှပ်၍မဖြစ်ပေ။ သမ္မတကြီး၏ အကြံအစည်ကို ကိုယ်ရောစိတ်ပါ စေတနာဖြင့်  အဓိက အကောင်အထည်ဖော်ခဲ့သူမှာ ပြည်သူ့လွှတ်တော်ဥက္ကကြီး သူရဦးရွှေမန်းနှင့် တပ်မတော်သာ ဖြစ်သည်။  ပထမ အကြိမ် လွှတ်တော် အစည်းအဝေးတွင် ဤကိစ္စကား ထိရောက်မှုမရှိခဲ့။ ယခုတစ်ကြိမ် ထိရောက်မှုရှိဖို့ လိုသည်။ မျှော်မှန်းထားသည့်အတိုင်း နိုင်ငံရေး အကျဉ်းသားနှင့်ပတ်သက်သည့် တင်သွင်းသူများ ဦးသိန်းညွန့်ဖြစ်ပြီး ပါတီတည်ထောင်ခွင့် ရထားသည်မှာ မကြာသေးသည့် ပါတီအငယ်လေးမှ ခေါင်းဆောင်တစ်ဦး ဖြစ်သည်။ ထိုကိစ္စကား လွှတ်တော်တွင် ဖြစ်ပေါ်ရန် လွယ်ကူသည်မဟုတ်။ ပါတီကြီးများပင် ဆောင်ရွက်နိုင်ရန် မလွယ်။ မဲအများစု ရှိနေသော ပြည်ခိုင်ဖြိုး ပါတီက ကန့်ကွက်လိုက်လျှင် အဟောသိကံ ဖြစ်ပေလိမ့်မည်။ ထင်သည့်အတိုင်းပင် ပြည်ခိုင်ဖြိုးအမတ်နှစ်ဦးက ထ၍ ကန့်ကွက် သည်။ ဦးစံလင်းနှင့် ဒေါ်လဲ့လဲ့ဝင်းဆွေ။ သို့သော် ထောက်ခံသူဦးရေက ၁၅ဦး၊ တ.စ.ညအပါအဝင် ဒီမိုကရက်ပါတီများ၊ တိုင်းရင်းသားပါတီများက အပြင်းအထန် ထောက်ခံသည်။ တပ်မတော်သားများကပါ ပါဝင်ထောက်ခံခဲ့ကြပြီး အကျဉ်းထောင်များတွင် နိုင်ငံတော်အတွက် ပေးဆပ်ခဲ့ကြသော ရဲဘော်ဟောင်းများ ရှိနေ၍ အဆိုပါကိစ္စကို ထောက်ခံပါကြောင်းပြောကြားခဲ့သည်။ တပ်မတော်သား ကိုယ်စားလှယ်တွေအနေဖြင့် လုံခြုံရေးနှင့် ကာကွယ်ရေး ကိစ္စရပ်များမှအပ ကျန်ကိစ္စရပ်များတွင် ဝင်ရောက်ဆွေးနွေးခြင်း မပြုဘဲ ယခုကိစ္စကို ဝင်ရောက်ထောက်ခံလိုက်ကြ၍ အများတကာ အံသြစရာ ဖြစ်ခဲ့ရသည်။

ထိုကိစ္စတစ်ရပ်လုံးအတွက် ကျေးဇူးတင်သင့် တင်ထိုက်သည်မှာ ပြည်သူ့လွှတ်တော်ဥက္ကကြီး သူရဦးရွှေမန်းပင် ဖြစ်သည်။ ဦးသိန်းညွန့်၏ အဆိုကို ထောက်ခံသူနှင့် ကန့်ကွက်သူတွေ ရှိနေကြချိန်တွင် ခေတ္တအနားပေးလိုက်သည်။ အစည်းအဝေးပြန်လည်စတင်ချိန်တွင် တပ်မတော်သားတွေက ထောက်ခံ သည့် အခြေအနေ ဖြစ်လာသည်။ တပ်မတော်တွင် နံပါတ်သုံးနေရာယူခဲ့သူ ဗိုလ်ချုပ်ဟောင်းကြီးအနေဖြင့် တပ်မတော်သားတွေ ထောက်ခံစေရန် တိုက် တွန်းနိုင်စွမ်း ရှိသည်။ ထို့ပြင် လက်ရှိ ကာကွယ်ရေးဦးစီးချုပ်ကပင် ပြည်သူအတွက် တပ်မတော်သား ကိုယ်စားလှယ်များက လွှတ်တော်တွင် ဘက်မလိုက် တမ်း ဆောင်ရွက်ရမည်ဟု သြဝါဒချွေထားခဲ့ရာ ဗိုလ်ချုပ်ကြီးမင်းအောင်လှိုင်သည်လည်း ကျေးဇူးတင်ရမည့်သူတစ်ဦးပင် ဖြစ်ပြီး တပ်မတော်သည် အမျိုးသားရေးကို သစ္စာမဖောက်ဟူသည့် ပုံရိပ်ကောင်းကို ပြန်လည်တည်ဆောက်နိုင်ခဲ့သည်။

သူရဦးရွှေမန်းအနေဖြင့် ယခုအဆိုကို မဲခွဲထောက်ခံလျှင် ဦးသိန်းညွန့်ရှုံးမည်ကို သိသည်။ ပြည်ခိုင်ဖြိုးအမတ်များကား သမ္မတကြီး ဘာလုပ်ချင်လဲ၊ လွှတ်တော်ဥက္ကဋ္ဌဘာလုပ်ချင်လဲ။ ပါတီအထွေထွေ အတွင်းရေးမှူး မည်သို့ဆန္ဒရှိသလဲ နားမလည်။ ဒီမိုကရက်တွေ တင်သွင်းသမျှ ဆန့်ကျင်ဘက်လုပ်ရမည် ဟုသာ သိထားကြသည်ကို ပြည်သူ့လွှတ်တော် ဥက္ကဋ္ဌကြီးက ကောင်းကောင်းသိသည်။ ထို့ကြောင့် လွှတ်တော်ဥက္ကဋ္ဌတစ်ဦး၏ အာဏာဖြင့် ဦးသိန်းညွန့် တင်သွင်းသော အဆိုကို သုံးသပ်ချက်ပေး၍ ပြည်ထဲရေးဝန်ကြီး ဒုတိယဗိုလ်ချုပ်ကြီး ကိုကိုအား အဆိုပါ ကိစ္စရပ်ကို ဆွေးနွေးစေသည်။ ဒုတိယ ဗိုလ်ချုပ်ကြီး ကိုကိုသည်လည်း အများတကာ၏ အဆိုကို ငြင်းဆန်ခြင်းမပြုဘဲ အလိုက်သင့် ဆွေးနွေးဖြေကြား၍ မီးစိမ်းပြလိုက်သည်။  ကျေးဇူးတင်စရာ တပ်မတော်သား တစ်ဦး ထပ်မံတွေ့ရခြင်းဖြစ်သည်။ အားလုံး၏ ဆွေးနွေးဖြေကြားချက်အပြီး ပြည်သူ့လွှတ်တော် ဥက္ကဋ္ဌကြီးက ယခုအဆိုကို အားလုံးက ထောက်ခံကြမည်ဟု ထင်ပါကြောင်း၊ ပြည်ထဲရေးဝန်ကြီးမှလည်း လက်ရှိအခြေအနေကို သဘောပေါက်နားလည်ကြောင်း ထို့ကြောင့် မဲခွဲခြင်း မပြုတော့ဘဲ ယခုကိစ္စကို တိုက်ရိုက် ဆုံးဖြတ်ပိုင်ခွင့်ရှိသည့် သမ္မတကြီးထံသို့ ပြည်သူ့လွှတ်တော် ဥက္ကဋ္ဌမှ ဦးဆောင် မေတ္တာရပ်ခံတင်သွင်းကြမည်ဟု ဆုံးဖြတ်ပေးလိုပါကြောင်း ပြောကြားခဲ့ သဖြင့် မဲခွဲရန်မလိုဘဲ နိုင်ငံရေးအကျဉ်းသားများ ကိစ္စ အောင်မြင်သွားခဲ့သည်။

ထိုကဲ့သို့ နှစ်ပေါင်းများစွာ မျှော်လင့်ခဲ့ကြသော ကိစ္စရပ်တစ်ခုသည် လွှတ်တော်ပေါ်လာသည့်အခါကျမှ ဖြေရှင်းပေးနိုင်ခဲ့ခြင်း ဖြစ်သည်။ မူလက ပြည်ခိုင်ဖြိုးပါတီမှ တင်မည်ဟု သတင်းထွက်နေသော်လည်း အမှန်တကယ်တင်သည့် ပါတီက ပါတီငယ်လေး။ ပြည်ခိုင်ဖြိုးတင်လျှင် လူတွေ အထင်မကြီး သည့်အပြင် အစိုးရ၏ထွင်လုံးဟု ယူဆကြမည် ဖြစ်သဖြင့် ပါတီငယ်လေးမှ တင်သည့်အဆိုကို ဥက္ကကြီးက လက်ခံလိုက်သည်။ ပြည်သူ့လွှတ်တော်ကြီး အနေဖြင့် ပြည်သူကို ကိုယ်စားပြုကြောင်း၊ ပါတီငယ်လေးများကိုလည်း ပစ်ပယ်ထားခြင်းမရှိဘဲ ဒီမိုကရေစီစံနှုန်းများ ပြည့်ဝလျက်ရှိကြောင်း ပြသလိုက် သကဲ့သို့ ရှိသဖြင့် ဒီမိုကရေစီထွန်းကားရေး အတွက် အားတက်မိရပြန်သည်။

မည်သို့ပင်ဆိုစေ ယခုအဆိုအောင်မြင်လိုက်ခြင်းတွင် ဒီမိုကရေစီထွန်းကားခြင်း၊ ပြည်သူ့လွှတ်တော်များအား ကောင်းခြင်းနှင့် တပ်မတော်သည် အမျိုးသားရေးကို သစ္စာမဖောက်ဟူသော အတွေးအခေါ်များကို ပေးလိုက်သည်မှာ အမှန်ပင်ဖြစ်ပြီး ယခုကဲ့သို့ ဒီမိုကရေစီ စံနှုန်းများ ပိုမိုတိုးပွားလာပြီး လွှတ်တော်များ၏ အခန်းကဏ္ဍခိုင်မာလာပါစေကြောင်း ဂုဏ်ပြုရေးသားလိုက်ရပေသည်။

×××××××××××××××××××××××××××××××××××××××××××××××××××××××××××××××

 

 


Google Docs makes it easy to create, store and share online documents, spreadsheets and presentations.
Logo for Google Docs