Transparency Myanmar

transparency.myanmar@gmail.com

yangonchronicle 2011
yangonchronicle 2011

၃.၉.၂၀၁၁

ဘာသာပြန်သတင်းများ

  1. မြန်မာခေါင်းဆောင်တို့ Plan B ကို ထုတ်သုံးရန် ကြိုးစားလာ

(The Diplomat မှ 31 August 2011 ရက်စွဲပါ "Burma's Leadership Tires Plan B" သတင်းဆောင်းပါးကို ဘာသာပြန်ဆိုသည်)

  1. မြန်မာနိုင်ငံ၏ လူ့အခွင့်အရေး ညှင်းပန်းမှုများကို ကုလသမဂ္ဂ အထောက်အထားဖြင့် ထုတ်ဖော်သင့်

               (Wall Street Journal မှ 2 Sept, 2011 ရက်စွဲပါ "The UN should document Burma's abuses" ဆောင်းပါးကိုဘာသာပြန်ဆိုသည်။)

*********************************************************************************

ဘာသာပြန်သတင်းများ

မြန်မာခေါင်းဆောင်တို့ Plan B ကို ထုတ်သုံးရန် ကြိုးစားလာ

(The Diplomat မှ 31 August 2011 ရက်စွဲပါ "Burma's Leadership Tires Plan B" သတင်းဆောင်းပါးကို ဘာသာပြန်ဆိုသည်)

နိုင်ငံတကာ၏ လက်သင့်ခံ အသိအမှတ် ပြုခြင်းကို ရရှိရန်အတွက် မြန်မာနိုင်ငံ၏ သမ္မတသစ်က နိုင်ငံတွင်း ပြောင်းလဲမှု ပြုလုပ်သည့် ပုံသဏ္ဍန် ပေါ်အောင် ပြုလုပ်လိုသည့် လက္ခဏာရှိနေရာ အာဆီယံ အဖွဲ့အနေဖြင့် အရူးမထသင့်တော့ပါ။

မြန်မာနိုင်ငံ၏ ခေါင်းဆောင်သစ်သည် သမ္မတ ရာထူး၏ ခက်ခဲသော တာထွက်မှုကို မည်မျှ အတွေ့အကြုံ ကောင်းကောင်း ရှိနေကြောင်းကို မေလက Diplomat တွင် ရေးသားပြီး ဖြစ်သည်။ ပြီးခဲ့သော နိုဝင်ဘာလတွင် ရွေးကောက်ပွဲ အတုများ ကျင်းပခြင်း၊ ထို့နောက်တွင် ဒေါ်အောင်ဆန်းစုကြည် ကို လွှတ်ပေးခြင်းတို့သည် နိုင်ငံတကာက လက်သင့်ခံမှုကို ရရှိသော မြန်မာအာဏာရှင် အုပ်ချုပ်သူများ၏ အစီအစဉ် တစ်ရပ်သာ ဖြစ်သည်။ လွှတ်တော်သစ်ကို ဖွင့်လှစ်စည်းဝေးကာ အပြောင်းအလဲလုပ်ရန် ကတိပြုသည့် အပျံစားမိန့်ခွန်းကို ခြွေပြီးချိန်တွင်မူ ဦးသိန်းစိန်အနေဖြင့် သူ တမ်းတနေသော တရားဝင် အသိအမှတ် ပြုခံရခြင်းကို နောက်ဆုံးတွင် ရရှိတော့မည် ဖြစ်ကြောင်း သံသယ ကင်းကင်းဖြင့် မျှော်လင့် နိုင်ခဲ့သည်။

သို့သော်လည်း သူတို့စီစဉ်ထားသည် ဆိုသော အရာများ လက်တွေ့ ဖြစ်မလာခဲ့ပါ။ ထိုအခါတွင် ပထမ ဦးစွာ အမေရိကန် ပြည်ထောင်စု၊ ဥရောပ သမဂ္ဂနှင့် ကနေဒါတို့က စီးပွားရေး ပိတ်ဆို့မှုများ ဖြေလျှော့ပေးရန် ငြင်းဆန် လိုက်ကြသည်။ ထို့နောက်တွင်မူ အားလုံးအနက် အဆိုးဆုံးဟု ဆိုရမည့် ထိုးနှက်ချက် ပေါ်ထွက်လာခဲ့ကာ ၂၀၁၄ တွင် အလှည့်ကျ ဥက္ကဌ နေရာကို လိုချင်သည့် မြန်မာနိုင်ငံအား ခွင့်ပြုရေး ကိစ္စကို အာဆီယံအဖွဲ့က ဆုံးဖြတ်ရန် ရွှေ့ဆိုင်းထားလိုက်ကြခြင်းပင် ဖြစ်သည်။

ယခုအချိန်ထိ မည်သည့် ပြောင်းလဲမှုမှ မရှိခဲ့ခြင်းကြောင့် ဦးသိန်းစိန်သည် တစ်လှမ်းဆုတ်ကာ Plan B ကို ပွဲထုတ်လိုက်ပြီး ပြောင်းလဲတော့မည့် သဏ္ဍန်ပေါ်အောင် ဖန်တီးထားသည့် လိုက်လျောမှု လက္ခဏာသစ်ကို ပြသလိုက်ပြန်ပြီ ဖြစ်သည်။ နွေရာသီ အပြီးတွင် စတင်တာထွက်မှု အသစ်များ ရုတ်တရက် လေပြင်းလို တိုက်ခတ် ဝင်ရောက် လာခဲ့သည်။ ဆက်ဆံရေး အထူး တာဝန်ပေးထားသော ဝန်ကြီး ဦးအောင်ကြည်ကို ဒေါ်အောင်ဆန်းစုကြည် နှင့် ရှေးဦးစွာ တွေ့ဆုံစေပြီးနောက်တွင် သမ္မတ ဦးသိန်းစိန် ကိုယ်တိုင် ဖိတ်ခေါ် တွေ့ဆုံခဲ့သည်။ အစိုးရပိုင် သတင်းစာများ၏ ကျောဖုံးပေါ်မှ အနောက် မီဒီယာကို တိုက်ခိုက်သည့် ဝါဒဖြန့် စာတမ်းများကို ဖယ်ရှား ပေးလိုက်သည်။ ဒေါ်အောင်ဆန်းစုကြည် ကို ရန်ကုန်မြို့ အပြင်ဖက် ထွက်၍ စည်းရုံးခွင့် ပေးလိုက်သည်။ ပြည်ပရောက် နိုင်ငံရေး လှုပ်ရှားသူများကို အိမ်ပြန်လို့ရပြီ ဟု ဆိုလိုက်သည်။ လက်နက်ကိုင် တိုင်းရင်းသား နိုင်ငံရေး အုပ်စုများကို အပစ်ရပ်၊ ငြိမ်းချမ်းရေး ဆွေးနွေးရန် ကမ်းလှမ်းလိုက်သည်။

မြန်မာနိုင်ငံတွင် လူသားခြင်း နှိပ်ကွပ်သည့် ရာဇဝတ်မှုများ၊ စစ်ရာဇဝတ်မှုများ အလွန်အကျွံ ဖြစ်ပွားနေကြောင်း စွပ်စွဲမှုများ မှန်ကန်သည့် အလားအလာ ရှိနေ၍ စုံစမ်း စစ်ဆေးရေး ကော်မရှင် ဖွဲ့စည်းသင့်ကြောင်း ကုလသမဂ္ဂကို အကြံပြု တင်ပြခဲ့သဖြင့် အငြိုးထားခံရကာ ပြည်ဝင်ခွင့် ဗီဇာ အကြိမ်ကြိမ် ပယ်ချခံနေရသူ ကုလသမဂ္ဂ အထူး ကိုယ်စားလှယ် ကိုလည်း ယခင်အပတ်က မြန်မာနိုင်ငံသို့ ပြန်လည် ဝင်ရောက်ခွင့် ပေးခဲ့သည်။ မထင်မှတ်ထားသော အကွက်တစ်ခုမှာ Quintana အား လွှတ်တော်သို့ ဖိတ်ခေါ် လေ့လာစေခဲ့ခြင်း ဖြစ်၍ အာဏာမဲ့ တံဆိပ်တုံးထု လွှတ်တော်ဘဝမှ ဒီမိုကရေစီသို့ ရွေ့နေကြောင်း အသိအမှတ်ပြု ခံရစေရန် ရေလာမြောင်းပေး လှုပ်ရှားမှုဟု အများစုက သတ်မှတ်ကြသည်။

ယင်းကဲ့သို့ စတင်ကန်ချက်များကို အတွဲလိုက် ပစ်ထည့်လိုက်ခြင်းကြောင့် သံတမန် အသိုင်းအဝိုင်းနှင့် မီဒီယာ လောကကို အံ့အားသင့် သွားစေခဲ့သော်လည်း တစ်ချက်ပြီးတစ်ချက် စစ်ထုတ် စစ်ဆေး လိုက်သောအခါ သမားရိုးကျ မဟုတ်သည့် အချက် ၂ခု ပေါ်ထွက်လာသည်။ ပထမ တစ်ချက်မှာ ယခု ပြသသည့် လက္ခဏာ အားလုံးသည် တစ်ခုမှ အဓိက မကျခြင်း ဖြစ်သည်။ ဒုတိယ အချက်မှာ လက္ခဏာ အသစ် တစ်ခုမှ မပါခြင်း ဖြစ်သည်။

ဒေါ်အောင်ဆန်းစုကြည် နှင့် မြန်မာ့ ဒီမိုကရေစီ လှုပ်ရှားမှု အသိုင်းအဝိုင်းက သတ်မှတ်ထားသော ပြောင်းလဲရေးအတွက် ထိပ်တန်း ဦးစားပေး ၃ ချက်မှာ နိုင်ငံရေး အကျဉ်းသားများ အားလုံး လွှတ်ပေးခြင်း၊ နိုင်ငံလုံးကျွတ် အပစ်ရပ်စဲခြင်းနှင့် စစ်မှန်သော ဒိုင်ယာလော့ တို့ဖြစ်သည်။ လတ်တလော စတင် အစပျိုးမှုများ အပြင် အပြုသဘော ဆောင်သော ရည်ရွယ်ချက်ကို လက်ခံ ရရှိခဲ့ကြသော်လည်း နိုင်ငံရေး အကျဉ်းသား တစ်ယောက်မှ လွတ်မလာသည့် အပြင် ပြီးခဲ့သော အပတ်အတွင်း နောက်ထပ် နှစ်ယောက် ထပ်မံ၍ ပြစ်ဒဏ် ကျခံခဲ့ရသည်။ ဦးသိန်းစိန်၏ အစိုးရသစ်သည် အပစ်ရပ် သဘောတူညီချက်များကို ချိုးဖောက်ခဲ့ခြင်း ဖြစ်ပေရာ ယခု ကမ်းလှမ်းမှုသည် အသစ် မဟုတ်ပေ။ တွေ့ဆုံဆွေးနွေးမှုများ ရှိနေပြီ ဆိုသော်လည်း စစ်မှန်သော ဒိုင်ယာလော့ခ် လုပ်ငန်းစဉ် ဖြစ်မလာသေးပါ။

မြန်မာ့ရေးရာကို နှစ်ပေါင်းများစွာ တောက်လျှောက် လိုက်ပါ လေ့လာနေသူများ အတွက်ဆိုလျှင်လည်း အသစ် မဟုတ်သည့် တစ်ပတ်ရစ် ခံစားမှုကိုသာ ဖြစ်ပေါ်စေသည်။ ဦးသိန်းစိန်သည် အာဏာရှင်ကြီး ၂ ဦးဖြစ်သည့် ဦးနေဝင်းနှင့် ဦးသန်းရွှေ တို့နှစ်ဦး လုပ်ခဲ့ဖူးခြင်း မရှိသည့် အရာများကို သူကလည်း လုပ်ဆောင်ခြင်း မပြုပါ။ အပြောင်းအလဲကို သူတို့ ဦးဆောင်ခဲ့ခြင်း မရှိသည့်အတွက် ယခု အချိန်၌ သံသယ မျက်စိဖြင့် အကြည့်ခံရခြင်းမှာ ဖြစ်သင့်သည့် ဆီလျော်မှု တစ်ခု ဖြစ်ပေသည်။ တစ်ခုတည်း သော အသစ်မှာ ထုတ်ပြလေ့ ရှိသည့် စတင် ကန်ချက်များ တစ်ခုနှင့်တစ်ခု ပို၍ နီးလာခြင်းသာ ဖြစ်သည်။

ယခုကဲ့သို့ အစောတလျင် ကန်ချက်များ ဆက်တိုက် ထွက်လာခြင်းသည် အာဆီယံ ဥက္ကဌ နေရာကို ရရှိရန် ဆန္ဒ ပြင်းပြနေခြင်းကြောင့်ဟု ယူဆ၍ ရနိုင်သည်။ ယခု Plan B သည် ကွဲပြားခြားနားမှု တစ်ခုမှ မလုပ်ပဲ ပြောင်းလဲနေသည့် သဏ္ဍာန် ဟန်ဆောင်နေခြင်း ဖြစ်ပုံရသည်။

ဦးသိန်းစိန် အစိုးရ တကယ့်ပြုပြင် ပြောင်းလဲခြင်းဆီသို့ ခြေလှမ်းလေးများ ရွေ့လာအောင် တွန်းအားပေးရန်အတွက် အလှည့်ကျ ဥက္ကဌနေရာ ကိစ္စကို အခွင့်အလမ်းအဖြစ် အာဆီယံ အဖွဲ့က အသုံးပြုသင့်ကြောင်း ယခု ဆောင်းပါးရှင်က မေလတွင် ရေးသားခဲ့ပြီး ဖြစ်သည်။ ထို အခွင့်အလမ်းသည် ယနေ့အထိ ရှိနေပါသေးသည်။ အာဆီယံ အဖွဲ့အနေဖြင့် နိုဝင်ဘာ ရွေးကောက်ပွဲနှင့် ဒေါ်အောင်ဆန်းစုကြည် အား လွှတ်ပေးခြင်းကို အရေးကြီးသော ပြောင်းလဲခြင်းဟု သတ်မှတ် လက်ခံခြင်း မရှိခဲ့သလို ယခုတစ်ကြိမ် လိုက်လျောဟန်ဆောင် ပြသမှုကိုလည်း အရေးကြီး၍ အဓိကကျသော ပြောင်းလဲမှု အဖြစ် မသတ်မှတ်သင့်ပါ။

အာဆီယံအဖွဲ့ အနေဖြင့် မူလ ခံယူချက်အတိုင်း ခိုင်ခိုင်မာမာ ဆုပ်ကိုင်ထားကာ နိုင်ငံရေး အကျဉ်းသားများ လွှတ်ပေးခြင်း ကဲ့သို့သော အဓိက ကျသည့် အဆင့်များ လုပ်ပြရမည့် Plan C ကို ထုတ်ပြလာအောင် ဦးသိန်းစိန်တို့ မြန်မာ အစိုးရကို ဖိအားပေးရပါမည်။

အာဆီယံအနေဖြင့် မမှီသည့် ပန်းကို တုံးခု လှမ်းနေသည့် မြန်မာ အစိုးရအား ယင်းတို့ လိုချင်သော အရာကို ဈေးပေါပေါဖြင့် မရနိုင်ကြောင်း ကိုတော့ အသိပေး ကမ်းလှမ်းဖို့ လိုသည်။

*********************************************************************************

 မြန်မာနိုင်ငံ၏ လူ့အခွင့်အရေး ညှင်းပန်းမှုများကို ကုလသမဂ္ဂ အထောက်အထားဖြင့် ထုတ်ဖော်သင့်

(Wall Street Journal မှ 2 Sept, 2011 ရက်စွဲပါ "The UN should document Burma's abuses" ဆောင်းပါးကိုဘာသာပြန်ဆိုသည်။)

ဥရောပနိုင်ငံခြားရေး ဝန်ကြီးများသည် ကုလသမဂ္ဂအထွေထွညီလာခံတွင် တင်ပြမည့် မြန်မာနိုင်ငံအပေါ် ဆုံးဖြတ်ချက်ချမှတ်ရေးကိစ္စကို ဆွေးနွေးရန် ဘရပ်ဆယ်တွင် ယနေ့တွေ့ဆုံစည်းဝေးလျှက် ရှိကြသည်။ ယခုလကုန်ပိုင်း တွင် အရှေ့တောင်အာရှနိုင်ငံများမှ လွှတ်တော်အမတ်များ သည်လည်း အာဆီယံလွှတ်တော်များအသင်း၏ အစည်းအဝေးအတွက် ဖနွမ်းပင်တွင် စုဝေးကြမည်ဖြစ်သည်။

အထက်ပါ အုပ်စု ၂ စု စလုံးတွင် မြန်မာနိုင်ငံ၏ လူသားထုအပေါ် ကျူးလွန်ခဲ့သည့် ရာဇဝတ်မှုနှင့် စစ်ရာဇဝတ်မှုများအပေါ် ကုလသမဂ္ဂ ဦးဆောင်သော စုံစမ်းရေးကော်မရှင် ဖွဲ့စည်းရေးအတွက် အရှိန်မြှင့် ဆောင်ရွက်နိုင်မည့် အခွင့်အလမ်းများ ရှိနေသည်။

ယနေ့အထိ အမေရိကန်ပြည်ထောင်စု၊ ကနေဒါ၊ ဗြိတိန်၊ သြစတေးလျနှင့် ချက်ရီပတ်ဗလစ်တို့ အပါအဝင် ၁၆ နိုင်ငံခန့်က စုံစမ်းရေး ကော်မရှင်ဖွဲ့ရန် တောင်းဆိုထားကြသည်။ မြန်မာနိုင်ငံ၏ အာဆီယံအိမ်နီးချင်းနိုင်ငံများကမူ အသံတိတ်နေကြဆဲဖြစ်သည်။ ယခုကိစ္စကို လူမုန်းများ၍ သူတပါးအရေး ကြားဝင်စွက်ဖက်ခြင်းဟု အချို့က ယူဆသောကြောင့်လည်း ဖြစ်နိုင်ပေသည်။ သို့သော်လည်း အကယ်၍သာ အာဆီယံအနေဖြင့် "မြန်မာသိုးမဲလေး" ကို သူတို့၏ အလှည့်ကျ ဥက္ကဋ္ဌအဖြစ် ကမ္ဘာ့စင်မြင့်တွင် ပွဲထုတ်တော့မည် ဆိုပါက ယင်းကဲ့သို့သော လူသားချင်း မစာနာသည့် ရာဇဝတ်မှုများသည် ဒေသကြီးတစ်ခုလုံးကို ထိခိုက်စေသဖြင့် ဆက်လက်သည်းခံနေတော့မည် မဟုတ်ကြောင်း ရှင်းရှင်းလင်းလင်း အသိပေးရန် လိုအပ်ပါသည်။

စုံစမ်းရေး ကော်မရှင်သည် ရာဇဝတ်မှုမြောက်ကြောင်း သတ်မှတ်မည့် နိုင်ငံရေး လက်နက်ကရိယာတစ်ခု မဟုတ်ဘဲ မြန်မာနိုင်ငံတွင် နှစ်ပေါင်းများစွာ ကျူးလွန်ခဲ့သည့် ရက်စက်ကြမ်းကြုတ်မှုများကို မှတ်တမ်းတင်ရန် နှင့်မြန်မာတရားစီရင်မှုစနစ်တွင် မူဝါဒပြုပြင်ပြောင်းလဲရေးကို အားပေးခြင်းဖြင့် နောင်တွင် ရက်စက်ကြမ်းကြုတ်မှုများ မရှိအောင် တားဆီးရန် အကူအညီပေးသော လုပ်ငန်းစဉ်သာ ဖြစ်ပေသည်။ ထို့အပြင် မြန်မာနိုင်ငံ၏ မပြီးနိုင်သော ပြည်တွင်းစစ်ဒဏ်ခံသားကောင်များအား သူတို့၏ နစ်နာမှုများအတွက် တရားမျှတမှု ရရှိနိုင်မည့် အခွင့်အလမ်းကို ဖြည့်ဆည်းပေးမည့် အပြင် ရေရှည်ခံမည့် ငြိမ်းချမ်းရေးတည်ဆောက်ရာတွင်လည်း ပူးပေါင်းကူညီပေလိမ့်မည်။

လူ့အခွင့်အရေးစောင့်ကြည့်လေ့လာသူများက မြန်မာနိုင်ငံမှ ညှင်းပန်းနှိပ်စက်မှုများကို နှစ်ပေါင်း ၂၀ ကျော်မျှ အထောက်အထား မှတ်တင်ထားခဲ့ကြပြီး လူ့အခွင့်အရေးချိုးဖောက်သည့် ရာဇဝတ်မှုများနှင့် သက်ဆိုင်သည့် ဆုံးဖြတ်ချက်ပေါင်း ၂၀ ခန့်ကိုလည်း ကုလသမဂ္ဂ အထွေထွေ ညီလာခံတွင် ထုတ်ပြန်ခဲ့ကြပြီးဖြစ်သည်။ ၂၀၁၀ မတ်လတွင် မြန်မာနိုင်ငံဆိုင်ရာ ကုလသမဂ္ဂအထွေထွေညီလာခံတွင် ထုတ်ပြန်ခဲ့ကြပြီးဖြစ်သည်။ ၂၀၁၀ မတ်လတွင် မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးအထူးစုံစမ်းရေး ကိုယ်စားလှယ် Tomas Ojea Quintana က စုံစမ်းရေး ကော်မရှင် ဖွဲ့စည်းစစ်ဆေးရန် အကြံပြုတင်ပြခဲ့သည်။ ပြီးခဲ့သော သီတင်းပတ်တွင် မြန်မာနိုင်ငံသို့ ၅ ရက်ကြာ ခရီးစဉ်သွားရောက်ပြီး ပြန်ရောက်လာသည့် Quintana က သူ၏ သဘောထားကို ထပ်မံပြောဆို အတည်ပြုသည်။

ယခုကဲ့သို့ နိုင်ငံတကာစုံစမ်းစစ်ဆေးမှုကို အရေးပေါ်လိုအပ်နေရခြင်းမှာ မြန်မာအစိုးရက မြန်မာပြည်သူများ၏ မေတ္တာရပ်ခံ၊ အသနားခံမှုများကို တုန့်ပြန်ရန် ပျက်ကွက်နေခြင်းကြောင့်ပင်ဖြစ်သည်။ ၂၀၀၇ ခုနှစ်တွင် မကျေနပ်မှုများ နက်ရှိုင်းစွာ အမြစ်တွယ်ခဲ့သည့် အလျောက် ပြောင်းလဲရေးကို တောင်းဆိုရန် အရေအတွက်သောင်းနှင့်ချီသော သံဃာတော်များ လမ်းပေါ်သို့ထွက်လာခဲ့ကြသည့် ဆန္ဒပြသံဃာတော်များကို အပြုသဘောဆောင်သော ဆွေးနွေးမှုများဖြင့် တွေ့ဆုံရမည့်အစား တပ်မတော်အစိုးရက သေနတ်ဖြင့်ဖြေရှင်းခဲ့သည်။ ယခုအခါ ယုံကြည်ချက်ကြောင့် အကျဉ်းကျခံနေရသူများဟု နာမည်ပြောင်းတပ်ခံရသည့် နိုင်ငံရေးအကျဉ်းသား ၂၀၀၀ ကျော်ကို အစိုးရထောင်များထဲတွင် ဖမ်းဆီးထားဆဲဟု သိရှိရသည်။

လတ်တလောတွင် မြန်မာအစိုးရက ပြုပြင်ပြောင်းလဲရေးကို စတင်တော့မည်ဖြစ်ကြောင်း မျှော်လင့်ချက်များပေးခြင်းဖြင့် စုံစမ်းရေးကော်မရှင် ဖွဲ့စည်းမည့်ဖိအားကို ဖယ်ရှားရန် ကြိုးစားနေပါသည်။ မြန်မာစစ်ဘက်အုပ်ချုပ်သူများက အရပ်ဖက်အုပ်ချုပ်ရေးပုံစံသို့ပြောင်းရန် အခြေခံဥပဒေတစ်ခု ဖန်တီးကာ ၂၀၀၈ တွင် ဆန္ဒခံယူပွဲကျင်းပအတည်ပြုခဲ့ကြသည်။ မည်သို့ပင်ဆိုစေ ယခင်က ဥပဒေချိုးဖောက်ညှင်းပန်းနှိပ်စက်သူများကို အကာအကွယ် ပေးထားသည့်နောက်တွင်မူ ယင်းအခြေခံဥပဒေသည် ဆိုးဆိုးရွားရွားပင် အပြစ်အနာအဆာများ ရှိနေပေသည်။

အာဆီယံနိုင်ငံများကမူ မြန်မာအစိုးရသစ် ပေါ်ပေါက်လာခြင်းကို ရှေ့တိုးသည့်ခြေလှမ်းတစ်ခုအဖြစ် ချီးကျူးကာ အရေးယူဒဏ်ခတ်မှုများကို ရုပ်သိမ်းပေးကြရန် ဥရောပသမဂ္ဂနှင့် အမေရိကန်ပြည်ထောင်စုကို တောင်းဆိုခဲ့ကြသည်။ သို့သော်လည်း ယင်းရွေးကောက်ပွဲများက မြန်မာနိုင်ငံ၏ ပြည်တွင်းစစ်ပြဿနာအပေါ် ရှုပ်ထွေးသောရလာဒ်များ ဖြစ်ပေါ်စေမည့်အချက်ကို အာဆီယံနိုင်ငံများ မစဉ်းစားမိခဲ့ကြပေ။ ရွေးကောက်ပွဲ၏ နောက်ဆက်တွဲ အကျိုးဆက်အဖြစ် အစိုးရနှင့် တိုင်းရင်းသားလက်နက်ကိုင်အုပ်စုများကြားမှ အပစ်အခတ်ရပ်သဘောတူညီချက် အတော်များများ ကျိုးပျက်သွားခဲ့ တော့သည်။

၂၀၁၁ ဇွန်လထဲတွင် အစိုးရတပ်များနှင့် KIA တပ်များအကြား တိုက်ပွဲများ ပြန်လည်စတင်ဖြစ်ပွားလာသောအခါ ကချင်ပြည်နယ်အတွင်းမှ ဒေသခံအရပ်သားများအပေါ် ညှင်းပန်းနှိပ်စက်မှုများ ကျယ်ပြန့်လာကာ လူပေါင်း ၂၀၀၀၀ကျော် နေအိမ်များ စွန့်ခွာထွက်ပြေးသွားခဲ့ရပြီး စစ်ပြေးဒုက္ခသည် ထောင်ပေါင်းများစွာမှာ ထိုင်းနှင့်တရုတ်နိုင်ငံဖက်သို့ နယ်စပ်ဖြတ်ကူးခိုလှုံလျှက်ရှိကြသည်။ တုံ့ပြန်ရန်နှေးကွေးနေသည့် အာဆီယံအဖွဲ့သည် အရပ်သားများအား လူ့အခွင့်အရေး ညှင်းပန်းနှိပ်စက်ခံရခြင်းမှ အကာအကွယ်ပေးရန်နှင့် ဒုက္ခသည်များအား အကာအကွယ်ပေးရန် လုပ်ငန်းစဉ်များကို ယခုတိုင် အကောင်အထည်မဖော်နိုင်သေးပါ။

အစိုးရတပ်များက ရှမ်းလက်နက်ကိုင်တပ်များကို ဆက်လက်တိုက်ခိုက်လျှက်ရှိသည့် ရှမ်းပြည်နယ်တွင် တိုက်ပွဲဖြစ်ပွားရာ ဧရိယာများအတွင်း၌ စနစ်တကျ မုဒိမ်းမှုများကျူးလွန်ခြင်းအပေါ် သက်သေခိုင်မာသည့် အစီရင်ခံစာများ ထွက်ပေါ်လာခြင်းကြောင့် အာဆီယံလွှတ်တော်များအကြား ပူးပေါင်းဆောင်ရွက်မှု ကော်မတီဥက္ကဋ္ဌ၊ အင်ဒိုနီးရှားလွှတ်တော်အမတ် အီမာကူဆူမာဆောင်ဒါရီက ဂျူလိုင် ၂၂ ရက်နေ့တွင် ထုတ်ပြန်သောကြေညာချက်၌ "မိမိတို့ အာဆီယံ လွှတ်တော်များဆိုင်ရာ ကော်မတီ (AIPMC)က မြန်မာ့တပ်မတော်အား လူ့အခွင့်အရေးညှင်းပန်းနှိပ်စက်မှုများ ရပ်ဆိုင်းရန်၊ အထူးသဖြင့် တိုင်းရင်းသား အမျိုးသမီးများကို နှိပ်ကွပ်ရန် လက်နက်သဖွယ် မုဒိမ်းမှုစနစ်တကျ ကျူးလွန်ခြင်းကို အသုံးပြုမှုရပ်ဆိုင်းရန်၊ တိုင်းရင်းသား လက်နက်ကိုင် တပ်များနှင့် ငြိမ်းချမ်းရေးဆွေးနွေးပွဲများကို အမြန်ဆုံးစတင်ရန် တောင်းဆိုသည်" ဟု ဖော်ပြခဲ့သည်။

မြန်မာသမ္မတ ဦးသိန်းစိန်သည် မကြာသေးမီက နိုင်ငံရေးအတိုက်အခံများအား သံလွင်ခက်ကမ်းမည့် လက္ခဏာပြသခဲ့ပြီး ဒေါ်အောင်ဆန်းစုကြည်နှင့် တွေ့ဆုံခြင်း၊ တိုင်းရင်းသားလက်နက်ကိုင်အုပ်စုများကို ငြိမ်းချမ်းရေးဆွေးနွေးရန် ကမ်းလှမ်းခြင်းတို့ကို ပြုလုပ်ခဲ့သည်။ အုပ်စုပေါင်းစုံ ပါဝင်သည့် စစ်မှန်သော ဒိုင်ယာလော့ခ်ကို ကြိုဆိုရမည်ဖြစ်သော်လည်း မှန်ကန်မှုနှင့်တရားမျှတမှုရှိရေးကိစ္စကို နိုင်ငံရေးစေ့စပ် ညှိနှိုင်းမှုသို့ဦးတည်သည့် လုပ်ငန်းဖြင့် လဲလှယ်အစားထိုး၍မရပါ။ မြန်မာအစိုးရရော၊ တိုင်းရင်းသားအုပ်စုများရော နှစ်ဖက်စလုံး ကျူးလွန်ခဲ့ကြသည့် လူ့အခွင့်အရေးဖောက်ဖျက်မှုသတင်း အစီရင်ခံစာများကို စစ်ဆေးမည့် ကုလဦးဆောင်သော စုံစမ်းစစ်ဆေးမှုသည် ငြိမ်းချမ်းရေး စေ့စပ်ဆွေးနွေးမှုများ၏ အဖြည့်သဘောသာ ဖြစ်ပေလိမ့်မည်။

သမ္မတဦးသိန်းစိန်က မြန်မာနိုင်ငံသည် ဒေသတွင်းခေါင်းဆောင်မှုကို ရယူရန်အဆင်သင့်ဖြစ်နေကြောင်း မကြာသေးမီက ကြေညာခဲ့ပြီး သူ၏အစိုးရသည် ၂၀၁၄ တွင် အာဆီယံဥက္ကဋ္ဌ တာဝန်ကို ထမ်းဆောင်ရန် ရည်ရွယ်ထားကြောင်း သြဂုတ်လ ၂၁ ရက်က လွှတ်တော်တွင် ထုတ်ဖော် ကြေညာခြင်းဖြစ်သည်။ မြန်မာအစိုးရအနေဖြင့် ဒေသတွင်း အဖွဲ့အစည်းတွင် ဥက္ကဋ္ဌလုပ်ရန်အဆင်သင့်ဖြင်ကြောင်းကို အပြောနှင့်သာမကပဲ အလုပ်နှင့်ပါ သက်သေပြရပါမည်။ အလားအလာရှိ နိုင်ငံတကာစုံစမ်းစစ်ဆေးမှုကို ပူးပေါင်းဆောင်ရွက်ခြင်းသည် လမ်းကြောင်းမှန်ပေါ်က ခြေလှမ်းတစ်လှမ်း ဖြစ်လာပါလိမ့်မည်။

မြန်မာနိုင်ငံသားများ၏ လူ့အခွင့်အရေးနှင့် ဂုဏ်သိက္ခာကို ဂရုစိုက်နေပါသည်ဟု ဆိုသူအားလုံးသည် စုံစမ်းရေးကော်မရှင်ဖွဲ့စည်းရေး တောင်းဆိုမှုကို ထောက်ခံပံ့ပိုးကြရလိမ့်မည်။ ယင်းသို့သာ တာဝန်ယူမှုမရှိပါက အထက်ပါဆိုးရွားသော လူ့အခွင့်အရေးချိုးဖောက်ကြောင်း စွပ်စွဲတိုင်တန်းမှု များက မြန်မာနှင့်အာဆီယံ၏ တိုးတက်ဖွံ့ဖြိုးမှုကို ဆက်လက်၍ အဆိပ်အတောက်ဖြစ်စေပါလိမ့်မည်။

 ********************************************************************************* 


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle 2011
yangonchronicle 2011

၃.၈.၂၀၁၁

ပြည်တွင်းသတင်းများ

  1. တန်ဖိုးငွေချေပြီးသည့် နိုင်ငံပိုင် စက်ရုံ၊ မြေ၊ သိုလှောင်ရုံ (၆) မျိုး ပုဂ္ဂလိကသို့ ပေးအပ်
  1. သစ်၊ ဝါး၊ ကြိမ်တို့ဖြင့် ပြုလုပ်သည့် ကုန်ပစ္စည်းများ အခွန်ခြောက်လ ကင်းလွတ်ခွင့်ရ
  2. လမ်းဘေးတောင်းရမ်းသူများအား ဒုတိယအကြိမ်ဖမ်းဆီးမည်

ပြည်တွင်းပါတီ၊ နိုင်ငံရေးသတင်းများ

  1. DKBA အဖွဲ့အစည်း မရှိတော့ပြီ ဖြစ်ကြောင်း ကြေငြာချက်ထုတ်
  1. ငြိမ်းချမ်းရေးကော်မတီဖွဲ့စည်းရန်အဆိုကို လွှတ်တော်မှအတည်ပြုခဲ့ခြင်းကို ကြိုဆိုမှုများရှိ

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. ဧရာဝတီကို ကယ်တင်ကြ

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

တန်ဖိုးငွေချေပြီးသည့် နိုင်ငံပိုင် စက်ရုံ၊ မြေ၊ သိုလှောင်ရုံ (၆) မျိုး ပုဂ္ဂလိကသို့ ပေးအပ်

              နိုင်ငံပိုင် စက်ရုံ၊ မြေ၊ သိုလှောင်ရုံ (၆)မျိုးအား ဝယ်ယူခွင့်ရရှိခဲ့သည့် ပုဂ္ဂလိကလုပ်ငန်းရှင်များက တန်ဖိုးငွေပေးချေပြီး ဖြစ်သည့်အတွက် ပုဂ္ဂလိကပိုင် ပြုလုပ်ရေး ကော်မရှင်က မူဝါဒနှင့်အညီ ပုဂ္ဂလိကသို့ လွှဲပြောင်းပေးအပ်ရန် စီစဉ်လျက် ရှိကြောင်း သိရသည်။

ပုဂ္ဂလိကလုပ်ငန်းရှင်များက ဝယ်ယူခွင့်ရရှိခဲ့သော နိုင်ငံပိုင်ပစ္စည်းများမှာ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ မြန်မာ့လယ်ယာ ထွက်ကုန်ပစ္စည်း ရောင်းဝယ်ရေးလက်အောက်ရှိ ကွမ်းခြံကုန်းမြို့နယ်၊ မင်းပိုင်းရပ်ကွက်၊ မြေ ၉ ဒသမ ၄၉ ဧက ပေါ်ရှိ မြေနှင့် သိုလှောင်ရုံ ၆ လုံးကို ဦးညီညီထွေးက ကျပ်သန်း ၃၁၅ ဖြင့်လည်းကောင်း၊ လှိုင်သာယာ မြို့နယ် ဆန်စက်အမှတ် ၂၈၂ ၏ ဆက်စပ်မြေ ၅၁ ဒသမ ၂၇၃ ဧကကို ပြည်ထောင်စု မြန်မာ့စီးပွားရေး ဦးပိုင်လီမိတက်က ကျပ်သန်း ၁၈၃၈ ဒသမ ၈၉၈ ဖြင့်လည်းကောင်း၊ မင်္ဂလာတောင်ညွန့်မြို့နယ် တိုက်ရိုက်ကုန်တင် ကုန်ချဌာနစု(၂) အုပ်စု (၁၂) ဝင်းရှိ သိုလှောင်ရုံ ၁၇ လုံး၊ ရေဆင်းတံတား ၂ခု၊ အဆောက်အအုံနှင့် လုပ်ငန်းသုံးပစ္စည်းများကို ပြည်ထောင်စု မြန်မာ့စီးပွားရေးဦးပိုင် လီမိတက်က ကျပ်သန်း ၃၆၂၃ ဒသမ ၉၂၂ ဖြင့်လည်းကောင်း ဝယ်ယူခွင့် ရရှိခဲ့ကြောင်းသိရသည်။

ထို့ပြင် ပုဂ္ဂလိကလုပ်ငန်းရှင်များ ဝယ်ယူခွင့်ရရှိခဲ့သည့် နိုင်ငံပိုင် စက်ရုံ၊ မြေ၊ သိုလှောင်ရုံများမှာ  အမှတ်(၁) စက်မှုဝန်ကြီးဌာန မြန်မာ့အိမ်သုံး ပစ္စည်း လုပ်ငန်း လက်အောက်ရှိ ကမာရွတ်မြို့နယ် မြန်မာ့ထီးစက်ရုံ (ကြက်ဆင်)ကို ပြည်ထောင်စု မြန်မာနိုင်ငံ စီးပွားရေး ဦးပိုင်လီမိတက်က ကျပ်သန်း ၃၃၈၈ ဒသမ ၀၇ ဖြင့်လည်းကောင်း၊ အမှတ်(၁) စက်မှုဝန် ကြီးဌာန မြန်မာ့ဆေးဝါးနှင့် စားသောက်ကုန်လုပ်ငန်း လက်အောက်ရှိ လှိုင်မြို့နယ် ၇ ရပ်ကွက်ရှိ ရန်ကုန်ပုလင်းသွင်း စက်ရုံခွဲ (စက်ကရိယာမပါ မြေနှင့် အဆောက်အအုံသာ)ကို ဦးလှရွှေက ကျပ်သန်း ၃၉၉ ဒသမ ၇၃၉ ဖြင့်လည်းကောင်း၊ အမှတ်(၁) စက်မှုဝန်ကြီးဌာန မြန်မာ့အထည်အလိပ်လုပ်ငန်း လက်အောက်ရှိ မရမ်းကုန်းဆေးဂွမ်းနှင့် ပတ်တီးစက်ရုံ အမှတ်(၂၆) ကို ဒေါ်အုံးတင်က ကျပ်သန်း ၅၉၇၀ ဖြင့်လည်းကောင်း ဝယ်ယူခွင့်ရရှိခဲ့ကြောင်း News Watch ဂျာနယ်တွင် ဖော်ပြပါရှိသည်။

၎င်း စက်ရုံ၊ မြေ၊ သိုလှောင်ရုံ ခြောက်မျိုးကို နိုင်ငံတော်ပိုင်အဖြစ်မှ ပုဂ္ဂလိကပိုင်လုပ်ငန်းရှင်များလက်သို့  လွှဲပြောင်းပေးအပ်နိုင်ရန် ပုဂ္ဂလိကပိုင် ပြုလုပ်ရေးကော်မရှင်က စီစဉ်ဆောင်ရွက်လျက်ရှိကြောင်း သိရသည်။

                                                                                                                Ref: News Watch

-----------------------------------------------------------------------------------------------------------------------------------

 သစ်၊ ဝါး၊ ကြိမ်တို့ဖြင့် ပြုလုပ်သည့် ကုန်ပစ္စည်းများ အခွန်ခြောက်လ ကင်းလွတ်ခွင့်ရ

နိုင်ငံတော်မှ ပြည်ပပို့ကုန် တိုးမြှင့်ရေးကို အားပေးသည့်အနေဖြင့် သစ်၊ ဝါး၊ ကြိမ်တို့ဖြင့် ပြုလုပ်သော တန်ဖိုးမြင့် ကုန်ပစ္စည်းများ ပြည်ပသို့ တင်ပို့ ရောင်းချသည့် အပေါ်တွင် ကုန်သွယ်လုပ်ငန်းခွန် ခြောက်လ ကင်းလွတ်ခွင့် ပြုခဲ့ကြောင်း သိရသည်။

၎င်း ပြည်ပပို့ကုန်ပစ္စည်းများ အခွန်ကင်းလွတ်ခွင့်ကို စက်တင်ဘာလ ၁ ရက် နေ့စွဲနှင့် အမိန့်ကြော်ငြာစာ အမှတ် (၃၃/၂၀၁၁) ဖြင့် ထုတ်ပြန် ကြေညာခဲ့ခြင်း ဖြစ်ကြောင်း စက်တင်ဘာလ ၁ ရက်နေ့ထုတ် နိုင်ငံပိုင်သတင်းစာတွင် ဖော်ပြပါရှိသည်။

မြန်မာနိုင်ငံမှ ပြည်ပသို့ တင်ပို့ရောင်းချလျက်ရှိသည့် သစ်၊ ဝါး၊ ကြိမ်တို့ဖြင့် ပြုလုပ်ရသည့် တန်ဖိုးမြင့် ကုန်ပစ္စည်းများ ရောင်းရသည့်အပေါ်တွင် စည်းကြပ်ကောက်ခံလျက်ရှိသည့် ကုန်သွယ်လုပ်ငန်းခွန်ကို ကုန်သွယ်လုပ်ငန်းခွန် ဥပဒေ ပုဒ်မ ၈၊ ပုဒ်မခွဲ (ဃ) အရ အခွန်ခြောက်လ ကင်းလွတ်ခွင့် ပြုခဲ့ခြင်း ဖြစ်ကြောင်း သိရသည်။

ထို့ပြင် ယခု ကုန်သွယ်လုပ်ငန်းခွန် ခြောက်လ ကင်းလွတ်ခွင့် ပြုလိုက်သည့် ကုန်ပစ္စည်းများသည် နိုင်ငံပိုင်ကဏ္ဍနှင့် လုံးဝ သက်ဆိုင်ခြင်း မရှိကြောင်း နိုင်ငံပိုင် သတင်းစာတွင် ဖော်ပြပါရှိသည်။

ပြည်ထောင်စု အစိုးရအဖွဲ့သည် နိုင်ငံတော်၏ ပြည်ပပို့ကုန်တိုးမြှင့်ရေးကို အားပေးသည့်အနေဖြင့် သစ်၊ ၀ါး၊ ကြိမ်တို့ဖြင့် ပြုလုပ်သော တန်ဖိုးမြင့် ပစ္စည်းများ၏ ပြည်ပပို့ကုန် ရောင်းရငွေအပေါ် စည်းကြပ်ကောက်ခံသည့် ကုန်သွယ်လုပ်ငန်းခွန်ကို ကုန်သွယ်လုပ်ငန်းခွန် ဥပဒေပုဒ်မ ၈၊ ပုဒ်မခွဲ(ဃ)အရ ကင်းလွတ်ခွင့် ပြုလိုက်သည်။ အထက်ပါ ကုန်သွယ်လုပ်ငန်းခွန် ကင်းလွတ်ခွင့်သည် နိုင်ငံပိုင်ကဏ္ဍနှင့် သက်ဆိုင်ခြင်းမရှိစေရ။ ဤ အမိန့်ကြော်ငြာစာအမှတ် (၃၃/၂၀၁၁) သည် ၂၀၁၁ ခုနှစ် စက်တင်ဘာလ ၁ ရက်နေ့မှ ၂၀၁၂ ခုနှစ် ဖေဖော်ဝါရီလ ၁၄ ရက်နေ့အထိ အကျိုးသက်ရောက်စေရမည်ဖြစ်ကြောင်း ၂၀၁၁ ခုနှစ် စက်တင်ဘာ ၂ ရက်နေ့ထုတ် မြ၀တီ သတင်းစာတွင် ဖော်ပြထားပါသည်။

YC

-----------------------------------------------------------------------------------------------------------------------------------

လမ်းဘေးတောင်းရမ်းသူများအား ဒုတိယအကြိမ်ဖမ်းဆီးမည်

ရန်ကုန်တိုင်းဒေသကြီးအတွင်းရှိ လမ်းဆုံများ၊ မီးပွိုင့်များနှင့် အများပြည်သူသွားလာနေကြသည့် လမ်းမကြီးများပေါ်တွင် တောင်းရမ်း    စားသောက်နေသူများကို ထပ်မံတွေ့ရှိနေရသေးသည့်အတွက် သက်ဆိုင်ရာမှ ဒုတိယအကြိမ်မြောက် စီမံချက်ဖြင့် အရေးယူ ဆောင်ရွက်လျက် ရှိကြောင်း သိရသည်။

လမ်းဘေးတောင်းရမ်းနေသူများကို ဒုတိယအကြိမ်မြောက် သက်ဆိုင်ရာမှ ဥပဒေအရ ဖမ်းဆီးဆောင်ရွက်သွားမည် ဖြစ်ပြီး ဖမ်းဆီးရမိသော တောင်းရမ်းသူများကို မှော်ဘီမြို့နယ် ဝါးနက်ချောင်း လူမှုစောင့်ရှောက်ရေးစခန်းသို့ ပို့ဆောင်သွားမည်ဖြစ်ကြောင်း သိရသည်။

လမ်းဘေးတောင်းရမ်းနေကြသူအများစုမှာ ကလေးသူငယ်များ ဖြစ်ပြီး နိုင်ငံတော်မှလည်း ၎င်း မိဘမဲ့လေလွင့် ကလေးငယ်များနှင့် အခြေ      အနေမဲ့များ ပပျောက်ရေးအတွက် မြန်မာနိုင်ငံရှိ မြို့နယ်အသီးသီး၌ လမ်းဘေး တောင်းရမ်းစားသောက်သူ ပပျောက်မှု ကြီးကြပ်ရေးအဖွဲ့များကို အသစ် ပြန်လည် ဖွဲ့စည်းလျက်ရှိကြောင်း သိရသည်။

ထိုသို့ အခြေအနေမဲ့များနှင့် မိဘမဲ့လေလွင့်ကလေးငယ်များ၏ လမ်းဘေး တောင်းရမ်းစားသောက်နေမှုများကြောင့် နိုင်ငံ၏ ပြယုဂ်ကို ပျက်ပြား စေသည့်အပြင် မြို့ပြအင်္ဂါရပ်များကိုလည်း ပျက်စီးစေနိုင်သည့်အတွက် ယခုကဲ့သို့ လမ်းဘေး တောင်းရမ်းစားသောက်နေသူမျာအား သက်ဆိုင်ရာမှ ဒုတိယ အကြိမ်မြောက် ဖမ်းဆီးအရေးယူဆောင်ရွက်ရခြင်း ဖြစ်ကြောင်း သိရသည်။

ယခုကဲ့သို့ သက်ဆိုင်ရာမှ လမ်းဘေးတောင်းရမ်းနေသူများကို အရေးယူ ဆောင်ရွက်မှုများပြုလုပ်သည့်အပြင် နိုင်ငံတော်မှလည်း ၎င်းတို့အတွက် အလုပ်အကိုင်အခွင့်အလမ်း တစ်ရပ်ရပ် လုပ်ဆောင်ပေးမှသာလျှင် လမ်းဘေး တောင်းရမ်းစားသောက်မှု ဈေးကွက်မှာ ပပျောက် သွားနိုင်မည်ဖြစ်ကြောင်း သက်ဆိုင်ရာတာဝန်ရှိသူတစ်ဦးက ပြောကြားခဲ့သည်။

ရန်ကုန်တိုင်းဒေသကြီးအတွင်း၌ လမ်းဘေးတောင်းရမ်းနေသူများအား အရေးယူဆောင်ရွက်မှုများကို လူမှုဝန်ထမ်းဦးစီးဌာနနှင့် သက်ဆိုင်ရာ အဖွဲ့များမှ စီမံချက်ဖြင့် အရေးယူဆောင်ရွက်လျက်ရှိပြီး အခြေအနေမဲ့နှင့် မိဘမဲ့ကလေးငယ်များကို တွေ့ရှိပါက သက်ဆိုင်သည့် သင်တန်းကျောင်းများသို့ ပို့ဆောင်ထိန်းသိမ်းစောင့်ရှောက်ပေးလျက်ရှိကြောင်း သိရသည်။

၂၀၁၁ ခုနှစ် ဇွန်လ ၆ ရက်နေ့တွင် လမ်းဘေးတောင်းရမ်း စားသောက်မှုပပျောက်ရေးအဖွဲ့အား အသစ်ပြန်လည် ဖွဲ့စည်းခဲ့ပြီး ၎င်းအဖွဲ့တွင် အထွေထွေအုပ်ချုပ်ရေးဦးစီးဌာန၊ ရဲတပ်ဖွဲ့၊ တရားရေး၊ လဝက၊ စည်ပင်၊ လူမှုဝန်ထမ်း၊ ကျန်းမာ ရေး၊ သာသနာရေး၊ ပြည်တွင်း ကုန်တင်ကုန်ချ ကော်မတီ၊ မြန်မာ့ဆိပ်ကမ်းအာဏာပိုင်နှင့် သက်ဆိုင်ရာ လုပ်ငန်းဌာနများမှ တာဝန်ရှိသူများပါဝင်ကြောင်း သိရသည်။

Ref:News Watch

 ××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ  

DKBA အဖွဲ့အစည်း မရှိတော့ပြီ ဖြစ်ကြောင်း ကြေငြာချက်ထုတ်

ကရင်အမျိုးသား အစည်းအရုံး (KNU)မှ ဘာသာရေးအကြောင်းပြချက်ဖြင့် ခွဲထွက်ဖွဲ့စည်းခဲ့သော တိုးတက်သော ဗုဒ္ဓဘာသာ ကရင် တပ်မတော် (Democratic Karen Buddhist Army) သည် မရှိတော့ပြီဖြစ်ကြောင်း ယင်းအဖွဲ့အစည်းတွင်  ပါဝင်ပတ်သက်ခဲ့သူများက နိုင်ငံပိုင် သတင်းစာတွင် စက်တင်ဘာ ၃ရက်နေ့က ကြေငြာချက် ထုတ်ပြန်ခဲ့သည်။

အဆိုပါထုတ်ပြန်ချက်ကို ကရင်ပြည်နယ်၊ ဘားအံမြို့နယ် အခြေစိုက် ကရင်ပြည်နယ် ဒီမိုကရေစီနှင့် ဖွံဖြိုးတိုးတက်ရေးပါတီ (KSDPP)မှ ထုတ်ပြန်ခဲ့ခြင်း ဖြစ်ပြီး၊ DKBA အဖွဲ့သည် သြဂုတ် ၁၈ ရက်နေ့တွင် ၂၀၀၈ ဖွဲ့စည်းပုံအခြေခံ ဥပဒေနှင့်အညီ နယ်ခြားစောင့်တပ်ရင်း ၁၂ ရင်းအား ဖွဲ့စည်းခဲ့ပြီး အသက် ၅၀ ကျော်သည့်  DKBA အရာရှိစစ်သည်ဟောင်းများသည် နိုင်ငံတော် တည်ဆောက်ရေး လုပ်ငန်းစဉ်များတွင် ပါဝင် ဆောင်ရွက်နိုင်ရန် ကရင်ပြည်နယ် ဒီမိုကရေစီနှင့် ဖွံဖြိုးတိုး တက်ရေး ပါတီ (KSDPP )အား တရားဝင် ဖွဲ့စည်းနေကြောင်း ပါရှိသည်။

ယခုကဲ့သို့ ကြေငြာချက် ထုတ်ပြန်ရခြင်းမှာ နိုင်ငံတော်အစိုးရမှ သြဂုတ် ၁၈ ရက်နေ့တွင် ငြိမ်းချမ်းရေး ဆွေးနွေးရန် ဖိတ်ခေါ်ကြေငြာခဲ့ချက် ထုတ်ပြန်ခြင်းအား DKBA အနေဖြင့် တစ်ဖွဲ့ခြင်းဆွေးနွေးမည် မဟုတ်ဘဲ တပ်ပေါင်းစုအနေဖြင့်သာ ဆွေးနွေးမည်ဖြစ်ကြောင်း ပြည်ပသတင်းဌာန တစ်ခုမှ ကြေငြာသွားခြင်း ရှိသည့်အတွက် DKBA အဖွဲ့အစည်း မရှိတော့ပြီဖြစ်ကြောင်းကို ပြည်သူများ သိရှိစေရန် အသိပေးရှင်းလင်းရခြင်း ဖြစ်ကြောင်း ယင်း အဖွဲ့အစည်းနှင့် နီးစပ်သူ တစ်ဦးကဆိုသည်။

DKBA အဖွဲ့တပ်မဟာ ၄ ခုနှင့် ဗဟိုလုံခြုံရေးတပ်ဖွဲ့ဟူ၍ ဖွဲ့စည်းထားသည့် လက်နက်ကိုင် အဖွဲ့အစည်းတစ်ရပ်ဖြစ်ပြီး ၁၉၉၅ ခုနှစ်တွင် ကရင် အမျိုးသားအစည်းအရုံးမှ ဘာသာရေးကိစ္စရပ်များကြောင့် ခွဲထွက်ခဲ့ကာ တပ်မတော်အစိုးရနှင့် ပူးပေါင်းကာ KNU အား ထိုးစစ်ဆင်ခဲ့သည့် လက်နက်ကိုင် အဖွဲ့အစည်းဖြစ်ကြောင်း သိရှိရသည်။

YC(KS)

-----------------------------------------------------------------------------------------------------------------------------------

ငြိမ်းချမ်းရေးကော်မတီဖွဲ့စည်းရန်အဆိုကို လွှတ်တော်မှအတည်ပြုခဲ့ခြင်းအပေါ် KNU ကြိုဆို

ပြည်တွင်းငြိမ်းချမ်းရေးကော်မတီ ဖွဲ့စည်းရန် အမျိုးသားလွှတ်တော်အမတ် ဦးထွန်းလွင်၏ အဆိုတင်သွင်းမှုကို အမျိုးသားလွှတ်တော်မှ အတည်ပြုခြင်းကို ကရင်အမျိုးသားအစည်းအရုံး(KNU)မှ ကြိုဆိုခဲ့ပြီး လက်တွေ့ အကောင် အထည် ဖော်ဆောင်ရွက်ရန် တိုက်တွန်းလိုက်ကြောင်း သိရသည်။

ကချင်ပြည်နယ် မဲဆန္ဒနယ်အမှတ်(၉)မှ အမျိုးသားလွှတ်တော်အမတ် ဦးထွန်းလွင်၏ မြန်မာနိုင်ငံအတွင်း ထာဝရ ငြိမ်းချမ်းပြီး တည်ငြိမ် အေးချမ်းမှု တည်ဆောက်ထိန်းသိမ်းရေး အမြဲတမ်းကော်မတီတရပ် ဖွဲ့စည်းရေးအတွက် ပြည်ထောင်စု အစိုးရအား တိုက်တွန်းကြောင်း အဆိုကို သြဂုတ်လ ၃၀ ရက်နေ့က အမျိုးသားလွှတ်တော်မှ အတည်ပြုပေးခဲ့ပြီး မြန်မာ အစိုးရမှ စေတနာအမှန်ဖြင့် ပြုလုပ်မည်ဆိုပါက ကြိုဆိုကြောင်း ကရင်အမျိုးသားအစည်းအရုံး အထွေထွေအတွင်းရေးမှူး နော်ဖိုးရာစိန်မှ ပြောကြားသည်။

အမျိုးသားလွှတ်တော်မှ အတည်ပြုခဲ့သော ပြည်တွင်းငြိမ်းချမ်းရေးကော်မတီ ဖွဲ့စည်းရန်အဆိုကို ကြိုဆိုခဲ့ပြီး မည်ကဲ့သို့သော စည်းမျဉ်း၊ စည်းကမ်း များနှင့် လုပ်မည်ဆိုသည်ကို စောင့်ကြည့်ရအုံးမည်ဖြစ်ကြောင်း ၎င်းမှဆက်လက် ပြောကြားသည်။

ပြည်တွင်းငြိမ်းချမ်းရေး ကော်မတီဖွဲ့စည်းခြင်းမှာ အစိုးရ၏လုပ်ရပ်သာဖြစ်ပြီး ၂၀၀၈ ဖွဲ့စည်းပုံအတွင်းမှသာ ငြိမ်းချမ်းရေး ဖော်ဆောင်မည်   ဆိုပါက ထူးခြားမှုများ ရှိလာနိုင်မည်မဟုတ်ကြောင်း ကချင်လွတ်လပ်ရေးအဖွဲ့ တွဲဖက်အတွင်းရေးမှူး ဦးလနန်းမှ ပြောကြားသည်။

ပြည်တွင်းငြိမ်းချမ်းရေးရရှိရန် ၁၉၆၉ ခုနှစ်တွင် ဆွေးနွေးမှုများရှိခဲ့သော်လည်း တိုင်းရင်းသား လက်နက်ကိုင် အဖွဲ့အစည်းများမှ အခြေခံ ဥပဒေပါ ပြဋ္ဌာန်းချက်အချို့ကို လက်မခံနိုင်သဖြင့် ပြင်ပေးရန် တင်ပြခဲ့ခြင်းကို ပြင်ဆင်မပေးနိုင်ခဲ့ခြင်းကြောင့် ငြိမ်းချမ်းရေး ဆွေးနွေးမှုများ ပျက်ပြားခဲ့ရပြီး ယခု တစ်ကြိမ်တွင်လည်း ၂၀၀၈ ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်များကို ပြင်မပေးနိုင်ပါက ပြည်တွင်း ငြိမ်းချမ်းရေးရရှိရန် မဖြစ်နိုင်ကြောင်း ပြည်တွင်း ငြိမ်းချမ်းရေး လေ့လာနေသူတစ်ဦးမှ ပြောကြားသည်။

ငြိမ်းချမ်းရေးနိုဘယ်ဆုရှင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြည်တွင်း ငြိမ်းချမ်းရေး ရရှိစေရန် အစိုးရနှင့် တိုင်းရင်းသား လက်နက်ကိုင်တပ်ဖွဲ့များအကြား တွေ့ဆုံဆွေးနွေးရေး လုပ်ငန်းစဉ်များတွင် ကူညီသွား ရန် အသင့်ရှိကြောင်း ပြောကြားထားသည်။

YC

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“မူအားဖြင့် အင်မတန်ကောင်းတဲ့အရာပါ။ အဲဒါကို လက်တွေ့ကျကျလုပ်နိုင်ဖို့ လိုပါတယ်။ မူအားဖြင့် ကျွန်တော် ကြိုဆိုပါတယ်။ ပါတီအနေနဲ့ မဟုတ်ဘဲ ကျွန်တော့်အနေနဲ့ပြောရရင် သမ္မတနဲ့ ဒေါ်အောင်ဆန်းစုကြည်နဲ့ တွေ့တဲ့အခါ နိုင်ငံမှာ ဘာတွေအဓိက လိုအပ်တယ်ဆိုတာ အရေးကြီးပါတယ်။ ကျွန်တော်တို့နိုင်ငံမှာ နိုင်ငံရေးကြောင့် အခက်အခဲ တွေ့နေတဲ့သူတွေ ရှိပါတယ်။ နိုင်ငံရေး အခင်းအကျင်းကလည်း ပြောင်းလဲသွားပါပြီ။ အထွေထွေ လွတ်ငြိမ်းချမ်းသာခွင့် မရရင်တောင် အကျဉ်းကျနေတဲ့သူတွေ လွတ်မြောက်လာဖို့ လိုပါတယ်”

သြဂုတ် ၂၉ ထုတ် The Voice weekly အတွဲ (၇) အမှတ် (၃၇) တွင်ပါသည့် “နိုင်ငံတော်သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ တွေ့ဆုံခြင်းအပေါ် နိုင်ငံရေးပါတီများ၏ သဘောထား” မှ ဦးဇိုဇမ် (ချင်းအမျိုးသားပါတီ (CNP) ဥက္ကဋ္ဌ) ၏ ပြောကြားချက်အပေါ် ကောက်နှုတ် ချက်

-----------------------------------------------------------------------------------------------------------------------------------

“ဝန်ကြီးဌာနတွေကို သတင်းသွားယူရင် အချို့က အဝင်မခံဘူး။ အချို့ကြတော့လည်း လိမ္မာပါးနပ်စွာ ဖြေကြားခွင့် မရှိဘူးလို့ ငြင်းကြတယ်။ ပြည်သူတွေ အမှန်တကယ် သိသင့်တဲ့ ကိစ္စရပ်မျိုးတွေကို ဒီမိုကရေစီနိုင်ငံတွေမှာဆိုရင် အပတ်စဉ် သတင်းစာရှင်းလင်းပွဲလုပ်နေကြပါ။ ပွင့်လင်းမြင်သာမှုဆိုတာ ထင်ထင်ရှားရှားပြသရင် ပိုကောင်း ပါတယ်”

သြဂုတ် ၂၉ ထုတ် The Messenger အတွဲ (၂) အမှတ် (၁၅) တွင်ပါသည့် “ဝန်ကြီးဌာန အသီးသီးတွင် Contact person ထားရှိပါက အတား အဆီးမရှိလျှင် ပိုမိုကောင်းမွန်ဟုဆို” သတင်းမှ ပြည်တွင်း အပတ်စဉ်ထုတ်ဂျာနယ်မှ အယ်ဒီတာတစ်ဦး၏ ပြောကြားချက်အပေါ် ကောက်နှုတ် ချက်

-----------------------------------------------------------------------------------------------------------------------------------

“နေပြည်တော်မှာ မြေအောက်ရထားလမ်း ဖောက်ဖို့ဆိုတာ၊ မြေကြီးတိုင်းတာထွာတာတွေ မှန်ပါတယ်။ ဒါပေမဲ့ ဖောက်ဖို့စီမံချက် မရှိသေးပါဘူး။ အဲလို ဖောက်မယ်ဆိုရင် ပိုက်ဆံတွေအများကြီးကုန်မယ်။ ဘယ်သူမှ စီးပွားရေး တွက်ခြေကိုက်အောင် ပိုက်ဆံပိုက်ပြီး လာမဖောက်ဘူး။ နေပြည်တော်ရဲ့ လူဦးရေ သိပ်သည်းမှုကို ပြန်ကြည့်ရင် ရထားကို တောက်လျှောက်စီးနေမယ့် လူလည်းမရှိပါဘူး။ အကျိုးအမြတ်မရရင် ဘယ်နိုင်ငံခြားကုမ္ပဏီမှ လာလုပ်မှာ မဟုတ်ဘူး။ နိုင်ငံတော် ကလည်း အဲဒါလုပ်ဖို့ ပိုက်ဆံမရှိပါဘူး”

စက်တင်ဘာ ၁ ထုတ် 7DAY NEWS အတွဲ (၁၀) အမှတ် (၂၄) တွင်ပါသည့် “နေပြည်တော် မြေအောက်ရထား လမ်းဖောက်လုပ်ရန် လောလောဆယ် အစီအစဉ်မရှိသေး” သတင်းမှ ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်း၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ငွေကြေးဖလှယ်နှုန်းသတ်မှတ်ရာမှာ ပြည်ပပို့ကုန်၊ သွင်းကုန်ဆောင်ရွက်နေတဲ့ လုပ်ငန်းရှင် Exporter၊ Importer များ ထိပါးမှုမရှိစေဖို့၊ စားသုံးသူများ အနေဖြင့် ထိပါးမှုမရှိစေဖို့၊ လယ်ဝယ် နိုင်ငံခြားငွေ ကိုင်ဆောင်သူတွေအနေနဲ့ ထိပါးမှု မရှိစေဖို့၊ နိုင်ငံတော်ရဲ့ ကုန်ထုတ်လုပ်မှု၊ ကုန်သွယ်မှုနှင့် ငွေရေးကြေးရေးကဏ္ဍများမှာ ထိပါးမှုမရှိစေဖို့ အဘက်ဘက်က ဘက်စုံထောက်စုံ စိစစ်ညှိနှိုင်းပြီးမှ ဆောင်ရွက်မှာဖြစ်ပါတယ်။ ဒါကြောင့် စီးပွားရေး လုပ်ငန်းရှင်တွေအနေနဲ့ Unification of Exchange Rate ပြောင်းလဲကျင့်သုံးမယ့် ကိစ္စကို သောကမထားဘဲ မိမိတို့ဆောင်ရွက်နေတဲ့ စီးပွားရေး လုပ်ငန်းကိုသာ အာရုံစိုက်ပြီး ဆောင်ရွက်ရန် လိုအပ်ပါမယ်”

စက်တင်ဘာ ၁ ထုတ် ရန်ကုန်တိုင်းမ် အတွဲ (၇) အမှတ် (၃၃) တွင်ပါသည့် “ငွေကြေးလဲလှယ်နှုန်းကို နိုင်ငံတော်၊ ပြည်သူနှင့် လုပ်ငန်းရှင်များ မထိခိုက်စေရန် ဘက်စုံထောင့်စုံ ညှိနှိုင်းဆောင်ရွက်သွားမည်” စက်မှုလုပ်ငန်းနှင့် ဖွံ့ဖြိုးတိုးတက်ရေး ကော်မတီဥက္ကဋ္ဌ၊ အမှတ် (၁)နှင့် အမှတ် (၂) စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်း၏ ပြောကြားချက်အပေါ် ကောက်နှုတ်ချက်

 ×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ဧရာဝတီကို ကယ်တင်ကြ

“စနစ်ကျတဲ့ ဦးဆောင်မှုအောက်မှာ ကျနော်တို့ ဒီဧရာဝတီစီမံကိန်းကို အချိန်မီ လုပ်ဆောင်ခြင်းနဲ့ တရုတ် ရေအားလျှပ်စစ် စီမံကိန်းကို ပုံရိပ်ကောင်း ပေါ်စေပြီး မြန်မာနိုင်ငံမှာ ဈေးကွက်တွေ ထပ်ချဲ့သွားမယ်”

ဧရာဝတီ မြစ်ဆုံတွင် တည်ဆောက်လျက်ရှိသော ရေကာတာ စီမံကိန်းအကြောင်း ရိုက်ကူးတင်ပြထားသည့် ဇာတ်လမ်းတိုတစ်ခုတွင် ယင်း ရေကာတာ စီမံကိန်းကို တာဝန်ယူ ဆောက်လုပ်လျှက်ရှိသည့် CPI ကုမ္ပဏီ၏ အတွင်းရေးမှူးနှင့် မြစ်ဆုံစီမံကိန်း၏ လက်ထောက် ညွှန်ကြားရေးမှူးဖြစ်သူ Dong Kequan က အထက်ပါအတိုင်း ပြောကြားခဲ့သည်။

အဆိုပါ ဇာတ်လမ်းတိုကို “ခက်ခဲပြင်းထန်သော မြစ်ကြီးနားတိုက်ပွဲ” ဟု အမည်ပေးထားပြီး CPI ကုမ္ပဏီအနေဖြင့် မည်မျှပင် ခက်ခဲသော အခြေအနေကို ရင်ဆိုင်နေရသည်ဆိုစေကာမူ ဧရာဝတီမြစ်ဆုံ စီမံကိန်းကို အောင်မြင်အောင် တည်ဆောက်သွားမည်ဟု ပြောကြားထားချက်များ၊ ယင်း စီမံကိန်းတွင် တရုတ်လူငယ်ပေါင်း ၇၀၀ ကျော်ကို အလုပ်အကိုင် အခွင့်အလမ်းနှင့် သင်တန်းများ ပေးထားနိုင်ကြောင်း ဂုဏ်ယူဝင့်ကြွားစွာ ပြောဆိုထားချက် များလည်း ပါဝင်သည်။ စီမံကိန်း၏ ပထမအဆင့်ကို ယခုနှစ်အတွင်း အပြီးသတ် တည်ဆောက်သွားနိုင်မည်ဟု ကြွားဝါ ပြောဆိုထားသည်။

မြန်မာနိုင်ငံ၏ ကမ္ဘာကျော် ဧရာဝတီမြစ်ကြီး၏ ထိပ်တည့်တည့်တွင် တရုတ်အစိုးရ၏ ရှယ်ယာအများစု ပါဝင်သော ကုမ္ပဏီက ဆည်တည်ဆောက် မည့် ကိစ္စနှင့် ပတ်သက်၍ မြန်မာနိုင်ငံသားများနှင့် နိုင်ငံတကာ ပတ်ဝန်းကျင် ထိန်း သိမ်းရေးဆိုင်ရာ အဖွဲ့အစည်းများက ကန့်ကွက်ပြောဆိုနေခဲ့သော်လည်း မြန်မာအစိုးရနှင့် တရုတ်အစိုးရတို့က မသိကျိုးကျွံပြုကာ စီမံကိန်းကို အလျင်အမြန်ပင်လုပ်ဆောင်နေသည်။ ထိုစီမံကိန်းတွင် မြန်မာပြည်တွင်းမှ မြန်မာ့ လျှပ်စစ်လုပ်ငန်းနှင့် အေးရှားဝါးကုမ္ပဏီတို့က ပူးပေါင်းပါဝင်နေသည်။ အေးရှားဝါးကုမ္ပဏီသည် ယင်းစီမံကိန်း ပြီးဆုံးသွားသည့်တိုင် အဆိုပါ ဆည်ကြီး ရှိနေသမျှ ကာလပတ်လုံး နှစ်ပေါင်းများစွာ အကျိုးအမြတ်ကို ခံစားရှိတော့မည်ဖြစ်သည်။ အေးရှားဝါးကုမ္ပဏီကို ပိုင်ဆိုင်သူမျာ ဘိန်းဘုရင် လောစစ်ဟန်၏ သားဖြစ်သူ စတီဗင်လော(ခ) ထွန်းမြင့်နိုင်သည် ဒုတိယသမ္မတ တင်အောင်မြင့်ဦးနှင့် နီးစပ်သူတစ်ဦးဟု နာမည်ကြီးသည်။ ကိုးကန့်လည်းမဟုတ်၊ ဝလည်း မဟုတ်သော တရုတ်လူမျိုးတစ်ဦးပင် ဖြစ်သည်။ တရုတ်နိုင်ငံကလည်း မြန်မာနိုင်ငံကို ဝါးမြိုရာတွင် လုပ်ဆောင်ရမည့် စီမံကိန်းများအတွက် ၎င်းကို အသုံးချ၍ ရမည့်သူတစ်ဦးအဖြစ် ရှုမြင်ထားသည်။ မြန်မာခေါင်းဆောင်ကြီးများ၏ တရုတ်ပြည် ခရီးစဉ်များတွင် အရေးပါသည့် လူတစ်ဦးအဖြစ် လိုက်ပါရ လေ့ရှိသည်။ စင်စစ်တွင်ကား မြန်မာပြည်ကို တရုတ်လက်သို့ တစ်စိတ်ချင်းဖဲ့ရောင်းရာတွင် အရောင်းအဝယ်ဖြစ်မြောက်အောင် ဆောင်ရွက်ပေးရသော ကျွမ်းကျင်လှသည့် ပွဲစားကြီးတစ်ဦးသာ ဖြစ်သည်။

ဧရာဝတီမြစ်ဆုံ စီမံကိန်း မည်မျှအထိ အန္တရာယ်ကြီးမားကြောင်းကို သတင်းစာမျက်နှာများတွင် အကြိမ်ကြိမ် ပါဝင်နေသောကြောင့် အထူးတလည် မဖော်ပြလိုတော့ပါ။ အဓိက အန္တရာယ်များအဖြစ်  ထိုဆည်ကြီး ကျိုးပျက်ခဲ့လျှင် မြစ်ကြီးနားမြို့သည် စက္ကန့်နှစ်ဆယ်အတွင်း ရေအောက်သို့ နစ်မြုပ်သွားမည်။ မြစ်ဝကျွန်းပေါ်ဒေသများသည် တချိန်ချိန်တွင် ပင်လယ်အောက်သို့ ပြန်လည်နစ်မြုပ်သွားနိုင်မည်၊ လယ်ယာစိုက်ပျိုးရေးကို အမှီပြုသော မြန်မာလယ်သမား များသည်  တချိန်ချိန်တွင် မြန်မာနိုင်ငံအတွင်း ဖြန့်ကျက်လာမည့် တရုတ်ကုမ္ပဏီများတွင် လုပ်သားများအဖြစ် ဝင်ရောက်လုပ်ကိုင်ကြမည်၊ အချို့မှာ ရေကြည်ရာ မြက်နုရာ နိုင်ငံခြားတိုင်းပြည်များသို့ ထွက်ခွာသွားကြပေလိမ့်မည်၊ ဧရာဝတီမြစ်ပျောက်လျှင် ယင်းမြစ်ကြီးကို အမှီပြု၍ လူသားယဉ်ကျေးမှု စတင်ခဲ့သော မြန်မာဆိုသည့် လူမျိုးလည်းပျောက်သွားမည်၊ စသည့်စိတ်ကူးနှင့်ပင် မတွေးရဲလောက်သည့် အချုပ်အခြာ အာဏာဆုံးရှုံးမှု၊ လူသားသမိုင်း ပျောက်ဆုံးမှုကြီးများကို မြင်နိုင်ပေလိမ့်မည် ဖြစ်သည်။ တရုတ်ပညာရှင်များ ကိုယ်တိုင်တင်သွင်းခဲ့သော လေ့လာရေး စာတမ်းများတွင်ပင် အဆိုပါ စီမံကိန်းမှာ အလွန်အန္တရာယ်ကြီးမားပြီး မြန်မာနိုင်ငံအတွက် ဝမ်းနည်းဖွယ် အိပ်မက်ဆိုးကြီးများ ရင်ဆိုင်ရလိမ့်မည်ဟု ဖော်ပြထားသော်လည်း တရုတ်နှင့် မြန်မာ အာဏာပိုင်တို့က မသိကျိုးကျွံပြု၍ ဆက်လက်အကောင် အထည် ဖော်နေကြသည်။

ယခုအခါ အမျိုးသားဒီမိုကရေစီ အင်အားစု ပါတီမှ ဒေါ်ဘောက်ဂျာ၊ ဦးမင်းအောင်နှင့် တသီးပုဂ္ဂလ အမတ်တစ်ဦးဖြစ်သူ ဦးဝင်းချိုတို့က မြစ်ဆုံ စီမံကိန်းနှင့် ပတ်သက်၍ မြန်မာအစိုးရကို တရားစွဲဆိုရန် ပြင်ဆင်နေကြပြီ ဖြစ်သည်။

“အဲဒီမြစ်ဆုံဆည်ကြီးဟာ အကျိုးဖြစ်ထွန်းမှုမှာ ကျနော်တို့ နိုင်ငံသားတွေ ဘယ်လောက်ထိသက်ဆိုင်မှု ရှိသလဲ။ ဒီအတိုင်းပဲ အကျိုးရှိမှာဖြစ်သလို အပြစ်ရှိမှာဖြစ်တဲ့အတွက် အပြစ်နဲ့ပတ်သက်တဲ့ ဒုက္ခတွေ၊ ဒီမြစ်ဆုံဆည်ကြီးနဲ့ ပတ်သက်တဲ့ အပြစ်တွေကို ကျနော်တို့ ပြည်သူပြည်သားတွေ ဘယ်လောက် ထိခံရမလဲ” ဟု ဦးဝင်းချိုက မဇ္ဈိမသတင်းဌာနကို ပြောသည်။

“အဲဒီဆည်တွေ အားလုံးရဲ့ဆိုးပြစ်တွေကို မြန်မာပြည်သူတွေ ခံရမှာ ကျိန်းသေတယ်။ ဒါပေမဲ့ကောင်းကျုိုး ဘယ်လောက် ခံစားရမလဲဆိုတဲ့ ကိစ္စ ကိုကျတော့ ကျနော်တို့ကိုယ်တိုင် တိတိကျကျ မသိဘဲနဲ့ ပြည်ပမီဒီယာတွေက နေပြီးတော့ ထုတ်လွှင့်သလောက်ကိုပဲ သိရတဲ့အခါမှာ ကျနော်တို့ ပြည့်ပြည့် စုံစုံ နားထောင်ချင်တာပါ။ သိချင်တာပါ” ဟု ဦးဝင်း ချိုက ပြောကြားခဲ့သည်ကို ထိုသတင်းဌာနတွင် ဖော်ပြထားသည်။ တရားစွဲဆိုရာတွင် ၂၀၀၈ ဖွဲ့စည်းပုံ အခြေခံ ဥပဒေကို ကိုင်စွဲ၍  ပုဒ်မ  ၃၇၇၊ ၃၇၈၊ ၃၈၁၊ ၃၉၀ ပါ အချက်များကို ကိုးကားသွားဖွယ် ရှိသည်။ ယခုကဲ့သို့ အစိုးရကို တရားစွဲဆိုမှုသည် နိုင်ငံတော်တွင် ဒီမိုကရေစီ မည်မျှအပြောင်းအလဲ ဖြစ်သနည်းဆိုသည့် စမ်းသပ်မှုလည်း ဖြစ်သည်။ ထိုကိစ္စတွင် အဆိုပါ ပုဂ္ဂိုလ်များ၏ မျိုးချစ်စိတ် ထက်သန်မှုကို ရာနှုန်းပြည့် တွေ့နိုင်သော်လည်းတည်ဆောက်လျက် ရှိသည့် စီမံကိန်းကို ရပ်တန့်ပစ်ရန် လုံလောက်သော အခြေအနေတစ်ရပ်တော့ မဟုတ်သေး သည်ကို တွေ့ရသည်။

ပြန်ကြားရေးဝန်ကြီး ဦးကျော်ဆန်းလည်း အဆိုပါ မြစ်ဆုံကိစ္စမေးခွန်းနှင့် ပတ်သက်၍ မျက်ရည်ကျသည်အထိ ဖြေရှင်းခဲ့ရဖူးသည်။ သို့သော် အစိုးရ၏ ဖြေကြားမှုများတွင် သတင်းထိန်ချန်မှုများ၊ အလွန်အမင်းကာကွယ်မှုများ၊ သောင်မ တင်ရေမကျ ဖြေကြားမှုများဖြင့် ပြည့်နှက်နေခဲ့သည်။ အမေရိကန်ကဲ့သို့ နိုင်ငံကြီးပင်လျှင် ကိုလိုရာဒိုမြစ်ပေါ်တွင် ရေကာတာဆောက်မိသည့် အကျိုးဆက်ကို ယခုအထိ နည်းလမ်းပေါင်းစုံသုံး၍ ဖြေရှင်းနေရ သည့်တိုင် မြစ်ကြောင်း ကျဉ်းသထက် ကျဉ်းလာသည့် ဒဏ်ကိုခံစားနေရသည်ဖြစ်ရာ ယခုကိစ္စမှာ လုံးဝစိုးရိမ်ဖွယ်ဖြစ်သည်ကတော့ အမှန်ပင်ဖြစ်ပြီး အစိုးရ သတင်းစာများ ရေးသားဖြေရှင်းသလောက် မလွယ်ကူဟု ယူဆရမည်ဖြစ်သည်။

အနုပညာရှင်များ၊ ထင်ရှားကျော်ကြားသူများအပါအဝင် ပြည်သူအများစုပါဝင်သော ဧရာဝတီမြစ်ဆုံ စီမံကိန်း ရပ်တန့်ရေးကို လက်မှတ်ရေးထိုး၍ သမ္မတထံ တင်သွင်းသည့် လှုပ်ရှားမှုလည်း ရှိနေသည်။ ထိုကိစ္စသည် မည်မျှအကျိုးသက်ရောက်မှု ရှိနိုင်မည်နည်းဆိုသည် ကလည်း စိတ်ဝင်စားစရာ ဖြစ်နေပြန်သည်။

ဦးဝင်းချိုပြောသကဲ့သို့ပင် ယခုအချိန်ထိ လွှတ်တော်တွင် ဧရာဝတီကိစ္စကို မဆွေးနွေးသေးပေ။ ဤမျှလောက် နိုင်ငံနှင့် လူမျိုးအတွက် အသက်တမျှ အရေးကြီးသည့် ကိစ္စကို ပစ်ပယ်၍ ဘူတာရုံတွင် ရထားကို နှစ်မိနစ်လောက် ရပ်တန့်ပေးနိုင် မပေးနိုင်ဆိုသည့် မေးခွန်းလောက်သာ မေးမြန်း နေခြင်းမှာ လွှတ်တော်ကိုယ်စားလှယ်များ၏ အားနည်းချက်လား သို့မဟုတ် ဧရာဝတီကိစ္စမှာ အထိမခံဖြစ်နေ၍လား တွေးစရာရှိသည်။ လွှတ်တော်တွင် အဆိုပါကိစ္စရပ်နှင့် ပတ်သက်၍ စနစ်တကျ မေးခွန်းများ၊ အဆိုများ တင်သွင်းရန်လိုပြီး သက်ဆိုင်ရာဝန်ကြီးများက လည်း ရှင်းလင်းစွာဖြေရှင်းရန် လိုပေ လိမ့်မည်။ မဲခွဲဆုံးဖြတ်ရာ၌လည်း ပါတီစွဲ၊ ပုဂ္ဂိုလ်စွဲမထားဘဲ မိမိတို့အားလုံးသည် မြန်မာလူမျိုးများဖြစ်ပြီး ဧရာဝတီသည် နိုင်ငံ့အသက်သွေးကြောဖြစ်ကြောင်း ခံယူတတ်ရန်လိုပေလိမ့်မည်။ ယခုကိစ္စမှာ ပြည်သူအားလုံးနှင့် သက်ဆိုင်နေသော ကိစ္စရပ်ကြီးလည်းဖြစ်သည်။

မည်သို့ပင်ဖြစ်စေ ပြည်သူလူထုတစ်ရပ်လုံးက ဧရာဝတီ ကွယ်ပျောက်မည့် အရေးနှင့်ပတ်သက်၍ စိုးရိမ်တကြီး ရှိနေကြမှုကို အစိုးရနှင့် လွှတ်တော်များ သိရှိလာအောင် ကြိုးပမ်းဆောင်ရွက်မှုဖြစ်၍  ကြိုဆိုရမည့်ကိစ္စတစ်ခုဖြစ်သည်။ ယခုကဲ့သို့ လှုပ်ရှားမှုများကြောင့် စီမံကိန်းကို လုံးဝ ပယ်ဖျက်ခြင်း မပြုနိုင်စေကာမူ လက်ရှိဆောင်ရွက်နေမှုများကို ရပ်တန့်၍ အနာဂတ်အတွက် လေ့လာမှုများကို ပြန်လည်ပြုလုပ်နိုင် မည်ဖြစ်သည်။ အကယ်၍ အနာဂတ်တွင် ပယ်ဖျက်ရန် ဆုံးဖြတ်နိုင်ခဲ့မည်ဆိုပါက ယခုကတည်းက ရပ်တန့်ထားလျှင် ပျက်စီးမှုနှင့် နှစ်ဦးနှစ်ဖက်ဆုံးရှုံးမှုများကို သက်သာစေနိုင် လိမ့်မည် ဖြစ်သည်။ အရှိန်လွန်မှ ပြန်၍ နောက်ဆုတ်ရလျှင် တည်ဆောက်ပြီး လုပ်ငန်းများအတွက် အရှုံးရှိနိုင်သလို သဘာဝ ပတ်ဝန်းကျင် ပျက်စီးမှုလည်း များပြားသွားနိုင်သည်ဖြစ်ရာ လွှတ်တော်တွင်းနှင့် လွှတ်တော်ပြင်ပ နိုင်ငံရေးအင်အားစုများ အပါအဝင် ပြည်သူတစ်ရပ်လုံးကပါ လူမျိုးနှင့် သမိုင်း မပျောက် စေရေးအတွက်  အရှိန်တိုးမြှင့် ဆောင်ရွက်ရန် လိုအပ်နေပြီ ဖြစ်ပါသည်။

×××××××××××××××××××××××××××××××××××××××××××××××××××××××××××××××

  

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs