Transparency Myanmar

transparency.myanmar@gmail.com

yangonchronicle 2011
yangonchronicle 2011

၂၈.၉.၂၀၁၁

ပြည်တွင်းသတင်းများ

  1. အာဆီယံစီးပွားရေး အသိုက်အဝန်းသို့ဝင်ရောက်ရန် မြန်မာ အဆင်သင့် မဖြစ်သေး
  2. လုပ်ငန်းလိုင်စင်အတွက် လာဘ်ထိုးရလျှင် ထိရောက်စွာ အရေးယူမည်

ပြည်တွင်းပါတီ၊ နိုင်ငံရေးသတင်းများ

  1. တိုင်းရင်းသားလူမျိုးရေးရာဝန်ကြီးများ တိုင်းရင်းသားရေးရာကိစ္စဆောင်ရွက်ပေးနိုင်မှု အားနည်းနေ
  2. ဂျပန်နှင့် ကမ္ဘောဒီးယားနှစ်နိုင်ငံရှိ ဝန်ကြီးနှင့် ပါလီမန်အမတ်များ ပြည်ခိုင်ဖြိုးပါတီနှင့် တွေ့ဆုံဆွေးနွေး

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. စိတ်ရှည်သည်းခံခြင်းနှင့် သမိုင်းသင်ခန်းစာ

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

အာဆီယံစီးပွားရေး အသိုက်အဝန်းသို့ဝင်ရောက်ရန် မြန်မာ အဆင်သင့် မဖြစ်သေး

မြန်မာနိုင်ငံအနေဖြင့် အာဆီယံစီးပွားရေးအသိုက်အဝန်း AEC သို့ ဝင်ရောက်ရန် လတ်တလော လေ့လာဆန်းစစ် မှုများအရ အဆင်သင့်ဖြစ်မှု အနေအထားမှာ နည်းပါးနေသေးသည်ဟု ရန်ကုန်စီးပွားရေးတက္ကသိုလ် စီမံခန့်ခွဲမှုပညာဌာနမှ ပါမောက္ခ ဌာနမှူး ဒေါက်တာ ဒေါ်စန္ဒာဦးက ဝန်ကြီးဌာနများနှင့် ကုန်သည်စက်မှုအသင်းချုပ်တို့ တွေ့ဆုံပွဲ၌ ထုတ်ဖော်ပြော ဆိုလိုက်သည်။

“ စီမံ/ စီးပွားက တာဝန်ရှိသူတွေနဲ့ ပူးပေါင်းပြီး ဒီဆန်းစစ်ချက်ကို လုပ်ဆောင်နေတာပါ။ အဲဒီမှာတွေ့ရတာက အဆင်သင့်ဖြစ်မှု ရှိမနေတာပဲ။ ဒါကြောင့် ပညာရှင်ပိုင်းက ပြောရလျှင် ပိုမိုပူးပေါင်းဖို့ လိုနေပါပြီ ” ဟု ဒေါက်တာ ဒေါ်စန္ဒာ ဦးက ပြောကြားသည်။

မြန်မာနိုင်ငံသည် အာဆီယံအဖွဲ့ဝင်တစ်နိုင်ငံ ဖြစ်သည့်အလျောက် ၂၀၁၅ ခုနှစ်တွင် အဆီယံစီးပွားရေး အသိုက် အဝန်းအတွက် မဖြစ်မနေ လက်ခံကျင့်သုံးရတော့မည်ဖြစ်ရာ လွတ်လပ်စွာဖြင့် နိုင်ငံအချင်းချင်း ကုန်စည်များစီးဝင်လာပါက ပြည်တွင်းတွင်ရှိသည့် အသေးစား၊ အလတ်စား လုပ်ငန်းများ ရပ်တည်နိုင်မှုအခြေအနေမှာ စိုးရိမ်ဖွယ်အခြေအနေရှိကြောင်း လုပ်ငန်းရှင်အချို့ထံမှ သိရှိရသည်။

ကုန်သွယ်မှုနှင့်တစ်ဆက်တည်း ပြည်ပမှ ရင်းနှီးမြှုပ်နှံမှုများ ဝင်ရောက်လာမည်ဖြစ်သည့်အတွက် ပြည်တွင်းလုပ် ငန်းရှင်များ တောင့်မခံနိုင်ပါက နေ့ချင်း၊ ညချင်း အလုပ်ရှင်ဘဝမှ အလုပ်သမားဘဝသို့ ရောက်ရှိသွားနိုင်ကြောင်းကို စီးပွားရေး လုပ်ငန်းရှင်အချို့မှ သုံးသပ်ပြောဆိုနေကြသည်ကို သိရသည်။

အထူးသဖြင့် ၂၀၁၅ခုနှစ်တွင် အကောက်ခွန် သုညဖြစ်သွားပါက နိုင်ငံတကာမှ ဈေးပေါပေါဖြင့် ဝင်ရောက်လာ မည့် ပစ္စည်းများကြောင့် ပြည်တွင်းရှိ လုပ်ငန်းအချို့ ရပ်တည်ရန်ခက်ခဲလာပြီး၊ မပြိုလဲရန်အတွက် အစွမ်းကုန် တည့်မတ် နေကြရတော့မည့် အခြေအနေရှိလာနိုင်သည်ကို ထည့်သွင်းစိုးရိမ်နေရကြောင်း လုပ်ငန်းရှင်အချို့ထံမှ သိရှိရသည်။

မြန်မာနိုင်ငံအနေဖြင့် အာဆီယံစီးပွားရေးအသိုက်အဝန်းကို အကောင်အထည်ဖော်မှုအနေဖြင့် ၂၀၁၀- ၂၀၁၁ ခုနှစ်တွင် လုပ်ငန်းစဉ် ၁၇၈ ခု ရှိသည့်အနက် ဇွန်လကုန်ထိ ၈၄ ခု ဆောင်ရွက်ပြီး ဖြစ်ကြောင်း စာရင်းဇယားများအရ သိရသည်။

YC

-----------------------------------------------------------------------------------------------------------------------------------

လုပ်ငန်းလိုင်စင်အတွက် လာဘ်ထိုးရလျှင် ထိရောက်စွာ အရေးယူမည်

ရင်းနှီးမြှုပ်နှံမှုလုပ်ငန်းများ လုပ်ကိုင်ခွင့်ရရှိရန်အတွက် လာဘ်ထိုးရ၊ လာဘ်ပေးရလျှင် သက်ဆိုင်ရာသို့ အသိပေး နိုင်ပြီး ထိရောက်စွာ အရေးယူမည် ဖြစ်ကြောင်း မြန်မာနိုင်ငံရင်းနှီးမြှုပ်နှံမှု ကော်မရှင်ဥက္ကဋ္ဌ ဦးစိုးသိန်းက စက်တင်ဘာလ ၂၀ ရက်နေ့တွင် ဘိလပ်မြေစက်ရုံလုပ်ငန်းရှင်များနှင့် တွေ့ဆုံပွဲ၌ ပြောကြားခဲ့သည်။

“ကျွန်တော်တို့ ရှင်းရှင်းလင်းလင်းပဲ ဆောင်ရွက်ပါမယ်။ လုပ်ငန်းလိုင်စင်တွေ ရဖို့အတွက် လာဘ်ထိုးရတယ်၊ လာဘ်ပေးရတယ်ဆိုရင် အချိန်မရွေးပြောနိုင်ပါတယ်။ ဘိလပ်မြေစက်ရုံအတွက် လိုင်စင်ရဖို့ ငွေများစွာ ကုန်ရတယ်ဆိုတာ အလွန်တရာ နားကလောတယ်။ ဒီခေတ်မှာ မဖြစ်သင့်တော့ဘူး” ဟု ပြောကြားသွားခဲ့သည်။

ထို့အပြင် ဘိလပ်မြေစက်ရုံတည်ဆောက်လုပ်ကိုင်ခွင့်ရရန် အဆိုပြုလာသော လုပ်ငန်းရှင်များကိုလည်း ငွေကြေး ဆိုင်ရာမူဝါဒများ၊ မြေအသုံးချမှုဆိုင်ရာ အမိန့်ကြော်ငြာစာများအတိုင်း လိုက်နာသွားရန်၊ ဘဏ်တွင် စာရင်းဖွင့်ကာ ဝင်ငွေ၊ ထွက်ငွေများ အတိအကျထားရှိဖို့ လိုအပ်လာမည်ဖြစ်ပြီး ပြင်ပစာရင်းစစ်များ ဝင်ရောက်စစ်ဆေးပါက အဆင်သင့်ရရှိနိုင် လုပ်ဆောင်ထားဖို့ လိုအပ်ကြောင်းလည်း တိုက်တွန်း ပြောကြားခဲ့သည်။

မြန်မာနိုင်ငံတွင် လည်ပတ်လျက်ရှိသော စက်ရုံ (၁၅) ရုံ၊ စိစစ်ဆဲစက်ရုံ (၇) ရုံ၊ အဆိုပြုစက်ရုံ (၁၃) ရုံ၊ ထပ်မံတိုး ချဲ့ စက်ရုံ (၆) ရုံ နှင့် အသစ်စီမံကိန်းစက်ရုံ (၄) တို့ ရှိကြောင်းသိရှိရသည်။

Ref : 7 Days

××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

တိုင်းရင်းသားလူမျိုးရေးရာဝန်ကြီးများ တိုင်းရင်းသားရေးရာကိစ္စဆောင်ရွက်ပေးနိုင်မှု အားနည်းနေ

ပြည်ထောင်စုသမ္မတ မြန်မာနိုင်ငံတော်တွင် တိုင်းဒေသကြီး သို့မဟုတ် ပြည်နယ် တိုင်းရင်းသားရေးရာ ဝန်ကြီးများ ကို (အမိန့်အမှတ် ၂၃/၂၀၁၁) ၂၀၁၁ ခုနှစ် မတ်လ (၃၀) ရက်နေ့စွဲဖြင့် ခန့်အပ်တာဝန်ပေးအပ်ခဲ့သော်လည်း တိုင်းရင်းသား ရေးရာကိစ္စများ ဆောင်ရွက်ပေးနိုင်မှု နည်းပါးနေသေးကြောင်း တိုင်းရင်းသားလူမျိုးရေးရာဝန်ကြီးများက ပြောဆိုသည်။

တိုင်းဒေသကြီး တစ်ခုတွင် တိုင်းရင်းသားရေးရာကိစ္စများ ဆောင်ရွက်ရန် ချင်းတိုင်းရင်းသားလူမျိုးရေးရာနှင့် ရှမ်း တိုင်းရင်းသားလူမျိုးရေးရာ ဝန်ကြီးနှစ်ဦးမှာ ယခုအချိန်အထိ ရုံးခန်းမရရှိသေးကြောင်း ရန်ကုန်မြို့တွင် ခေတ္တလာရောက် နေထိုင်သူ တိုင်းရင်းသားရေးရာဝန်ကြီးတစ်ဦးက ပြောကြားသည်။

ဖွဲ့စည်းပုံအခြေခံဥပဒေအရ တိုင်းရင်းသားရေးရာကိစ္စများ ဆောင်ရွက်နိုင်ရန် တိုင်းရင်းသားလူမျိုးရေးရာ ဝန်ကြီးများအား လိုအပ်သော အထောက်အပံ့များ ဖြည့်ဆည်းပေးရန် လိုအပ်ကြောင်း ရန်ကုန်တိုင်းဒေသကြီးရှိ ရခိုင်တိုင်းရင်းသား ရေးရာဝန်ကြီး ဦးဇော်အေးမောင်က ပြောကြားသည်။

တိုင်းရင်းသားလူမျိုးရေးရာ ဝန်ကြီးများ၏ လုပ်ပိုင်ခွင့်အနေအထားမှာ သက်ဆိုင်ရာတိုင်းဒေသကြီးနှင့် ပြည်နယ် ဝန်ကြီးချုပ်များ၏ သဘောထားရပ်တည်ချက် ပေါ်တွင်သာ မူတည်ကြောင်း ရန်ကုန်တိုင်းဒေသကြီး ကရင်တိုင်းရင်းသား ရေးရာဝန်ကြီး ဦးစောထွန်းအောင်မြင့်က ပြောဆိုသည်။

ဖွဲ့စည်းပုံအခြေခံဥပဒေပုဒ်မ ၂၆၂ (ဈ) တွင် နိုင်ငံတော်သမ္မတသည် ဝန်ကြီးချုပ်နှင့်ညှိနှိုင်း၍ ကိုယ်ပိုင်အုပ်ချုပ်ခွင့် ရ တိုင်း( သို့မဟုတ် ) ကိုယ်ပိုင်အုပ်ချုပ်ခွင့်ရဒေသဆိုင်ရာ ဝန်ကြီးများအားလည်းကောင်း၊ တိုင်းရင်းသားလူမျိုးရေးရာ ဝန်ကြီး များအားလည်းကောင်း အခြားဝန်ကြီးဌာန တာဝန်များကိုလည်း ပူးတွဲတာဝန်ပေးအပ်နိုင်သည်ဟု ဖော်ပြထားသည်။

“ စစ်မှန်တဲ့ ပြည်ထောင်စုကို လိုချင်ရင် ကျွန်တော်တို့ကို လုပ်ပိုင်ခွင့်လေးတော့ ပေးစေချင်တယ်။ ကိုယ့်တိုင်းရင်း သား လူမျိုးစုကိစ္စနှင့် ကိုယ့်ယဉ်ကျေးမှုကိစ္စတွေကို မြင့်တက်အောင် ဆောင်ရွက်ချင်တယ်။ ကျွန်တော်တို့မှာလုပ်ပိုင်ခွင့်တွေ ရှိလာရင် တင်းတိမ်ရောင့်ရဲမှုလည်း ရှိလာမယ် ” ဟု တိုင်းရင်းသားလူမျိုးရေးရာဝန်ကြီးတစ်ဦးက ပြောကြားခဲ့သည်။

တိုင်းရင်းသားလူမျိုးရေးရာဝန်ကြီးများသာမက တိုင်းဒေသကြီးနှင့် ပြည်နယ်များရှိ အခြားသော ဝန်ကြီးဌာနများပါ လုပ်ငန်းတာဝန်များမရှိပဲ မည်ကဲ့သို့ လုပ်ဆောင်ရမည်ကို မသိရှိဖြစ်နေပါသည်။

YC

-----------------------------------------------------------------------------------------------------------------------------------

ဂျပန်နှင့် ကမ္ဘောဒီးယားနှစ်နိုင်ငံရှိ ဝန်ကြီးနှင့် ပါလီမန်အမတ်များ ပြည်ခိုင်ဖြိုးပါတီနှင့် တွေ့ဆုံဆွေးနွေး

နှစ်နိုင်ငံစီးပွားရေးလုပ်ငန်း ပူးပေါင်းတိုးမြှင့်နိုင်ရန် ကမ္ဘောဒီးယားနှင့် ဂျပန်အဖွဲ့ လာရောက် ဆွေးနွေးမှု ပြုလုပ် လျက်ရှိကြောင်း နေပြည်တော်ရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ သိရသည်။

နေပြည်တော်ရှိ USDP ဌာနချုပ်သို့ ကမ္ဘောဒီးယားနိုင်ငံ ဆောက်လုပ်ရေးနှင့် ကုန်းလမ်းပို့ဆောင်ရေးဝန်ကြီး Mr.Ing Bun Hoaw ခေါင်းဆောင်သည့် အဖွဲ့သည် စက်တင်ဘာလ ၂၂ ရက်နေ့ က လာရောက်တွေ့ဆုံဆွေးနွေးခဲ့ပြီး ဂျပန်လွှတ်တော် ပါလီမန် အမတ်များ ခေါင်းဆောင်သည့် အဖွဲ့သည် စက်တင်ဘာလ ၂၄ ရက်နေ့တွင်  လာရောက်ဆွေး နွေးခဲ့ကြောင်း သိရသည်။

ကမ္ဘောဒီးယားနိုင်ငံ ဆောက်လုပ်ရေးနှင့် ကုန်းလမ်းပို့ဆောင်ရေး ဝန်ကြီးဌာနက မြန်မာနိုင်ငံ၏ခရီးသွား လုပ်ငန်းကဏ္ဍ၌ အပြန်အလှန်ရင်းနှီး မြှုပ်နှံမှုများကို လိုလားနေသည့်အပြင် တခြားသောကဏ္ဍများ၌ပါ စိတ်ပါဝင်စားနေကြောင်း ဆွေးနွေးပွဲတက်ရောက်ခဲ့သူ ပုဂ္ဂိုလ်တစ်ဦး၏ ပြောကြားချက်အရ သိရသည်။

ထို့အတူပင် ဂျပန်မှလွှတ်တော်ပါလီမန် အမတ်ခေါင်းဆောင်သည့် အဖွဲ့ကပါ နိုင်ငံ၏စီးပွားရေးလုပ်ငန်းများ ဖြစ်သည့်သတ္တုစွမ်းအင် အစရှိသည့်ကဏ္ဍများ၌ပါ ရင်းနှီး မြှုပ်နှံလိုကြပြီး ကမ္ဘောဒီးယားနိုင်ငံကလည်း ထိုနည်းအတိုင်းပင် ဖြစ်ကြောင်း ထပ်မံသိရသည်။

Ref: Popular News

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

မေး- အခုလို ကားတင်သွင်းခွင့်ကို အတိုင်းတစ်ခုနဲ့ပဲဖြစ်ဖြစ်၊ ခွင့်ပြုလိုက်တာက ကားဈေးကွက်အပြင် မြန်မာ့စီးပွားရေး ကဏ္ဍကြီးတစ်ခုလုံးအပေါ်ကော ဘယ်လိုသက်ရောက်မှုတွေရှိလာနိုင်တယ်လို့ စီးပွားရေးလုပ်ငန်းရှင် တစ်ဦးအနေနဲ့ သုံးသပ်မိလဲ။

ဖြေ- အများကြီးသက်ရောက်မှုရှိတာပေါ့။ ပညာရှင်တွေကတော့ မြန်မာ့စီးပွားရေးကို ရေရှည်ကောင်းမွန်အောင် အတွက် ဈေးကွက်စီးပွားရေးကို ပီပြင်အောင်သွားဖို့ အကြံပေးနေကြတယ်။ ဈေးကွက်စီးပွားရေးဆိုတာကတော့ မျှတတဲ့ ယှဉ်ပြိုင်မှု ပေါ့လေ။ အလုပ်လုပ်နိုင်တဲ့ နိုင်ငံသားတွေ အလုပ်လုပ်ခွင့်ရဖို့ကို ဥပဒေနဲ့အညီဆောင်ရွက်ပေး နိုင်ဖို့လိုတယ်။ ပြီးရင်တော့ ပွင့်လင်းလွတ်လပ်တဲ့အခြေအနေတစ်ခုရောက်ဖို့၊ ပြီးရင် Rule and Regulation တွေက အများအတွက် လွယ်ကူအောင် လုပ်ပေးဖို့ဆိုတဲ့ဟာမျိုးတွေဖြစ်တယ်။ အခုလုပ်နေတဲ့ ကားသွင်းခွင့်ပြုလိုက်တယ်ဆိုတာမျိုးက လူအများစုကိုပေးလိုက်တာ။ လူအများစုပေးလိုက်တယ်ဆို တစ်ဖက်မှာ ဈေးကွက်စီး ပွားရေးကို သွားချင်တဲ့ပုံစံတစ်ခု၊ အားလုံးလက်ခံနိုင်တဲ့ ပုံစံတစ်ခု လိုပါတယ်။ ကျွန်တော်တို့ထက် အများကြီးရှေ့ရောက်နေတဲ့ အချို့နိုင်ငံတွေမှာလည်း အကန့်အသတ်ရှိနေပါတယ်။ ဒါကြောင့် ဈေးကွက်စီးပွားရေးလို့ ပြောရင် လူအများလက်ခံပြီး လူအများအလုပ်လုပ်လို့ရတဲ့ အနေအထားဖြစ်ဖို့လိုတယ်။

စက်တင်ဘာ ၂၉ ထုတ် ရန်ကုန်တိုင်းမ် အတွဲ (၇) အမှတ် (၃၇) တွင်ပါသည့် “ကားတင်သွင်းသည့်လုပ်ငန်းကို နှစ်ပေါင်း များစွာ လုပ်ကိုင်လာခဲ့သော စီးပွားရေးလုပ်ငန်းရှင် ဦးလှမောင်ရွှေနှင့် တွေ့ဆုံခြင်း” ကောက်နှုတ်ချက်

-----------------------------------------------------------------------------------------------------------------------------------

မေး- ပြည်သူတွေက စီးပွားရေးတည်တည်ငြိမ်ငြိမ်နဲ့ လုပ်ကိုင်စားသောက်နေတာလေးကို (STABLE) ဖြစ်ချင်ကြ တာပေါ့။ အဲဒီအပေါ်မှာ အန်တီစုအနေနဲ့ ဘယ်လို ပံ့ပိုးပေါ်နိုင်မလဲဆိုတာ ပြောပြပေးပါ။

ဖြေ- နိုင်ငံတစ်နိုင်ငံရဲ့ တည်ငြိမ်မှုဟာ အဓိကအားဖြင့်တော့ နိုင်ငံရေးပေါ်မှာ တည်တယ်။ စီးပွားရေး တည်ငြိမ်မှုဆိုတာကလည်း နိုင်ငံရေးပေါ်မှာ တည်တယ်။ ဥပမာဆိုလို့ရှိရင် စီးပွားရေးဖွံ့ဖြိုးဖို့လိုအပ်ချက်ကဘာလဲ။ အလိုအပ်ဆုံးတစ်ခုက ယုံကြည်မှုပဲ။ စီးပွားရေးအရယုံကြည်မှု မရှိလို့ရှိရင် ဘယ်လိုမှတိုးတက်နိုင်မှာ မဟုတ်ဘူး။ တိုးတက်မှု မရှိဘဲနဲ့လည်း တည်ငြိမ်တယ်ဆိုတာ မဖြစ်နိုင်ဘူး။ စီးပွားရေးတည်ငြိမ်မှုရှိဖို့ဆိုတာက နိုင်ငံရေး တည်ငြိမ်မှုလည်း ရှိဖို့လိုတယ်။ တချို့က စီးပွားရေးကောင်းရင် တော်ပါပြီဆိုပေမယ့် စီးပွားရေးကောင်းဖို့ကို နိုင်ငံရေးပြဿနာတွေကို လစ်လျူရှုလို့ မရဘူးဆိုတာ အများပြည်သူက ပိုပြီးတော့လက်ခံနားလည်ဖို့ လိုမယ် ထင်တယ်။

စက်တင်ဘာ ၂၉ ထုတ် NEWSWEEK အတွဲ (၂) အမှတ် (၉၇) တွင်ပါသည့် “နိုင်ငံတစ်နိုင်ငံရဲ့ တည်ငြိမ်မှုက အဓိကအား ဖြင့်တော့ နိုင်ငံရေးပေါ်မှာ တည်တယ် စီးပွားရေးတည်ငြိမ်မှုဆိုတာလည်း နိုင်ငံရေးပေါ်မှာ တည်တယ်ဆိုတဲ့ ဒေါ်အောင်ဆန်း စုကြည်နှင့် တွေ့ဆုံခြင်း” မှ ကောက်နှုတ်ချက်

-----------------------------------------------------------------------------------------------------------------------------------

“၂၀၁၁ ခုနှစ်၊ လယ်ယာမြေဥပဒေမူကြမ်းပြုစုကတည်းကိုက ဒါက လက်ရှိနိုင်ငံရဲ့ ၇၀ ရာခိုင်နှုန်းသော တောင်သူ လယ်သူ တွေအတွက် အရေးပါတဲ့ ဥပဒေတစ်ရပ်ဖြစ်တယ်။ ဒီအတွက် တည်ဆဲဥပဒေဆက်စပ်ဥပဒေ တွေ အပါအဝင် နိုင်ငံတကာ လယ်မြေတွေနဲ့ ပတ်သက်တဲ့ ဥပဒေတွေကို တက်ကျွမ်းနားလည်သူတွေနဲ့ ပေါင်းစပ်လေ့လာပြီးမှ အသုံးအနှုန်းကအစ အမှားအယွင်းအနည်းဆုံးဖြစ်အောင် အချိန်ယူပြီး ပြုစုထားတာပါ။ ဒီအတွက် တောင်သူတွေကို အများကြီး အကာအကွယ် ပေးထားပြီးဖြစ်ပါတယ်”

စက်တင်ဘာ ၂၉ ထုတ် POPULAR NEWS အတွဲ (၃) အမှတ် (၃၈) တွင်ပါသည့် “လယ်ယာမြေ တရားဝင်လွှဲပြောင်း ရောင်းချခွင့် ဆောင်ရွက်နိုင်တော့မည်ဟုဆို” သတင်းမှ ပြည်သူ့လွှတ်တော်ကိုယ်စားလှယ် ဦးဌေးဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

မေး- အရင်က လွှတ်တော်ဥပဒေမှာ ပြဋ္ဌာန်းထားတာ ဗြောင်မဲပေးစနစ်ရော လျှို့ဝှက်မဲပေးစနစ်ရောရှိတယ်။ အခု ဗြောင် မဲပေးစနစ်ပဲဖြစ်သွားပြီ။ အဲဒါကောင်းလား။

ဖြေ- သာမန်အဆိုတွေ မေးခွန်းတွေ ဥပဒေကြမ်းတွေကိုတော့ ဗြောင်မဲပေးတဲ့စနစ်နဲ့ ဆန္ဒယူတာ ကောင်းပါတယ်။ အရေး ကြီးတဲ့ဟာတွေကျတော့ လျှို့ဝှက်မဲပေးတာ ကောင်းတာပေါ့။ သာမန်ဥပဒေလောက်ကို ဗြောင်မဲ ပေးတာလည်းကောင်း တာပေါ့။ တစ်မျိုးတည်းထားမယ်ဆိုရင်တော့ သိပ်မကောင်းဘူး။ ဖဆပလလက်ထက် တုန်းကတော့ ခလုတ်နှိပ် မဲပေးတာ မရှိဘူး။ ဟောခန်းကြီး ၂ ခန်းရှိတာပေါ့။ ထောက်ခံနဲ့ ကန့်ကွတ် ၂ခန်း ရှိတာပေါ့။ ထောက်ခံအခန်းထဲမှာ ဘယ်နှစ် ယောက်လဲ၊ ကန့်ကွတ် အခန်းထဲမှာ ဘယ်နှစ်ယောက်ရှိလဲ ရေတာ ပေါ့။

စက်တင်ဘာ ၂၉ ထုတ် ပြည်သူ့ခေတ်ဂျာနယ် အတွဲ (၂) အမှတ် (၆၂) တွင်ပါသည့် “ဒီမိုကရက်တစ်ပါတီဥက္ကဋ္ဌ ဦးသုဝေနှင့် အင်တာဗျူး” ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

စိတ်ရှည်သည်းခံခြင်းနှင့် သမိုင်းသင်ခန်းစာ

စိတ်ခံမှုကို ဦးစားပေးတတ်ခြင်း၊ စိတ်အလိုကိုလိုက်တတ်ခြင်းတို့မှာ မြန်မာလူမျိုးတို့၏ မွေးရာပါ ဂုဏ်သတ္တိများဟု ဆိုရ ပေလိမ့်မည်။ စိတ်ရှည်သီးခံ ဇွဲရှိရန်၊ လဘက်ကောင်းစားလိုလျှင် ပလောင်တောင်တက်နှေး၊ တစ်နေ့ တစ်လံ ပုဂံ မရွေ့ဟု နှုန်းစံများဖြင့် စိတ်ရှည်လက်ရှည်ထားရှိရန် စကားပုံများ၊ ဆောင်ပုဒ်များ ရှိနေသော်လည်း စိတ်မြန်လက်မြန် ရှိ သည့် နေရာတွင်လည်း စံချိန်တင်လောက်အောင် မြန်သည့် လူမျိုးပင်ဖြစ်သည်။ ဤကား မြန်မာလူမျိုးတို့၏ စိတ်ရှည်မှု မရှိခြင်းဟူသော စိတ်နေသဘာဝကို ဖော်ပြလိုခြင်း ဖြစ်သည်။

မြန်မာလူမျိုးတို့ အခြားစိတ်နေသဘောသဘာဝတစ်ခုမှာ သူရဲကောင်းကို မြတ်နိုးတတ်ခြင်းပင်ဖြစ်သည်။  မြန်မာ လူမျိုးဟုစပေါ်တည်းက တောက်လျှောက်စစ်တိုက်လာရသော လူမျိုးဖြစ်ပြီး လွတ်လပ်ရေးရပြီးနောက်ပိုင်း၌ပင် တိုင်းရင်း သားအရေး၊ နိုင်ငံရေးအိုင်ဒီယိုလိုဂျီများအရေး စသည်ဖြင့် တောက်လျှောက်တိုက်ပွဲဆင်နွှဲလာခဲ့ရသည်ဖြစ်ရာ စစ်စိတ်စစ် မာန်ပြည့်ဝနေသော လူမျိုးသည် တိုက်ချင်ခိုက်ချင်စိတ်နှင့် သူရဲကောင်းဖြစ်လိုစိတ် ကိန်းအောင်းနေသည်မှာ အဆန်း တကျယ်တော့ မဟုတ်တော့ပေ။  မြန်မာတို့သဘာဝအရ သူရဲကောင်းဖြစ်ချင်သည်။ သူရဲကောင်းဖြစ်လျှင် သားစဉ်မြေး ဆက် ဂုဏ်တက်မည့်အပြင် သမိုင်းတလျှောက် အရိုးစွဲလာသည့် အာဇာနည်ဟူသော ဂုဏ်ထူးဝိသေသကို ပိုင်ဆိုင်မည်၊ ထို့ကြောင့် သူရဲကောင်းဖြစ်ရန် ကြိုးပမ်းလိုကြ သည်။ ကောင်းမွန်သော ယဉ်ကျေးမှုအစဉ်အလာတစ်ရပ် ဖြစ်သည့် အများ အကျိုးဆောင်၊ ကိုယ့်အကျိုးအောင်၊ အများအတွက်စွံ့ဝံ့သူ စသည်ဖြင့် စိတ်နှလုံးတွင် သံမှိုစွဲအောင် ရိုက်နှိပ်ထားခြင်း ခံရသော သြဝါဒများကြောင့်လည်း မိမိရပ်ရွာ၊ မိမိဒေသ၊ မိမိ နိုင်ငံနှင့် လူမျိုးအတွက် အသက်စွန့်ရန် ဝန်မလေးတော့ပေ။

ထိုသို့သော စိတ်ဓာတ်တန်ဖိုးများသည် အသုံးချတတ်လျှင် အကျိုးရှိသော်လည်း အသုံးမချတတ်ပါက သဲထဲရေသွန် အလဟဿ ဖြစ်ရုံထက်မပိုပေ။ သာဓကပြရလျှင် ဘုရင့်နောင်လက်ထက်က သူရဲကောင်းရွေးချယ်ရာတွင် လက်မထိပ်တွင် အပ်စိုက်၍ သံတူနှင့်ရိုက်သည်။ နောက်မတွန့်သူကိုသာ သူရဲကောင်းအဖြစ် ရွေးချယ်သည်။ တစ်ကြိမ်တွင် တပ်မှူးငယ် တစ်ယောက် ဝင်ရောက်အရွေးခံသည်။ သတ္တိကောင်းသော်လည်း ဘေးပတ်ဝန်းကျင်မှ မလိုသူတို့၏ အာရုံပျက်အောင် ဝိုင်းအော်ခြောက်လှန့်မှုကြောင့် ထိုတပ်မှူးငယ်မှာ အာရုံပျက်ကာ ဘေးသို့လှည့်ကြည့်ရာမှ လက်မကို သံမှိုရိုက်ချိန်တွင် အနည်းငယ်တွန့်သွားသည်။ ထိုအခါ သူရဲကောင်း ရွေးချယ်ရေးအဖွဲ့က လက်နောက်တွန့်၍ တပ်မတော် သို့ ဝင်ရောက်ခွင့်ကို ငြင်းဆိုလိုက်ရာ ဒေါသဖြစ်သွားသော တပ်မှူးငယ်မှာ ၎င်းကား သတ္တိခေသူမဟုတ်၊ မတော်တဆ လက်တွန့်သွားခြင်သာ ဖြစ်သည်၊ သူရဲကောင်း စင်စစ်ဖြစ်ကြောင်း သိစေရမည်ဟု ကြိမ်းဝါးကာ ဘုရင့်နောင်ရှေ့တွင်ပင် ၎င်း၏ဝမ်းဗိုက်ကို ကိုယ်တိုင် ဓားဖြင့်ထိုးခွဲ၍ အူအသည်းတို့ကို ဘုရင့်နောင်၏ လက်သို့ အပ်လိုက်လေသည်။ သတ္တိကောင်းမှုကို ပြလိုသော တပ်မှူးငယ်မှာ သတ္တိကောင်းခြင်းမဟုတ်၊ မိုက်ရူးရဲခြင်းသာ ဖြစ်သောဟူသော မှတ်ချက်ကို ရရှိသွားလေသည်။ လူလည်း အသက်ဆုံး၊ ဂုဏ်သိက္ခာလဲမဲ့ရသည်။ အမှန်စင်စစ်တွင် မည်သူက မည်မျှနှောင့်ယှက်သည်ဖြစ်စေ မိမိအလုပ် မိမိလုပ်နေ လျှင် ထိုသို့ဖြစ်စရာအကြောင်းမရှိပေ။ ဗီယက်နမ်၊ စင်္ကာပူတို့နှင့် မြန်မာအသင်းယှဉ်ပြိုင် ကစားရသော ဘောလုံးပွဲများတွင်လည်း ထိုအချက်ကို အထင်အရှား တွေ့ရသည်။ ဘောလုံးစည်းကမ်းဘောင်အတွင်းမှ စနစ်တကျ ညစ်တွန်းပြီး ဆွပေးသော စင်္ကာပူအသင်းကို မြန်မာတို့က ဇာတိမာန်အပြည့်ဖြင့် ဘောလုံးအလွတ်လူကန်ခြင်း၊ ဒိုင်ကို ကန်ကျောက်ခြင်း များကြောင့် လူလဲရှုံး၊ သိက္ခာလည်းရှုံး၊ အသင်းလဲရှုံးခဲ့ရသော ဖြစ်ရပ်ကို ယနေ့ထိ တွေ့နေရဆဲ ဖြစ်သည်။ ထိုအချက်မှာ ပတ်ဝန်းကျင်၏ လွှမ်းမိုးမှုကို မခံနိုင်ခြင်း၊ စိတ်ဓာတ်ရေးရာအရ အားနည်းခြင်း၊ အညှာလွယ်ခြင်းတို့ကို ဖော်ပြခြင်းသာ ဖြစ်သည်။ ထို့ကြောင့် ရန်သူက မခံချင်စိတ်ဖြင့် ဆွပေးလျှင် အသက်ပင်သေသေ စွန့်စားတတ်ခြင်းကြောင့် ဤ အားနည်းချက်ကို အသုံးချ၍ ရန်သူက အနိုင်ယူသွားသော ဇာတ်လမ်းများကို မြန်မာ့သမိုင်းတလျှောက် မကြာခဏ တွေ့ရ မည်ဖြစ်သည်။

လွတ်လပ်ရေးကာလတစ်လျှောက် ရဲရဲတောက်သူရဲကောင်းများ ပေါ်ပေါက်ခဲ့ကြပါသည်။ သို့ရာတွင် လွတ်လပ် ရေးကိုမူကား တိုက်ပွဲများထက် နှလုံးရည်ဖြင့် ရယူခဲ့ရခြင်းဖြစ်သည်။ မြန်မာ့တပ်မတော် မည်မျှပင် တိုက်ရည်ခိုက်ရည် ကောင်းသည် ဆိုငြားအံ့၊ တိုက်ပွဲတစ်ခုတည်းဖြင့် မဟာအင်အားကြီး အင်္ဂလိပ်ကို ရေရှည်တွင် မယှဉ်နိုင်သည်ကို ထိုစဉ်က စစ်သားကြီးတစ်ဖြစ်လဲ ဗိုလ်ချုပ်အောင်ဆန်းက ကောင်းစွာ သဘောပေါက်ခဲ့ပါသည်။ ထို့ကြောင့် ပါဝါနိုင်ငံရေး၊ တနည်း အားဖြင့် နှလုံးရည်၊ ဦးနှောက် စွမ်းအားတို့ဖြင့် တိုက်ပွဲဝင်ရန် အင်္ဂလိပ်တို့နှင့် စေ့စပ်ဆွေးနွေးခဲ့ရခြင်းဖြစ်သည်။ ဗိုလ်ချုပ်၊ ဦးနု အစရှိသည်ဖြင့် အင်္ဂလိပ်ကို ဥာဏ်ခြင်းယှဉ်နိုင်သော နိုင်ငံရေးသမားများရှိနေချိန်တွင်ပင် ရဲရဲတောက် တော်လှန်ရေးကို ပါးစပ်ကမချသော ကွန်မြူနစ်များ ကြောင့်လည်း မြန်မာ့သမိုင်းမှာ ပြည်တွင်းစစ်ဇာတ်နာကြီးနှင့် နှစ်ပါးသွားခဲ့ရသည်။ အမျိုးသားပြန်လည်စေ့စပ်ရေးအတွက် နှစ်ဖက်စလုံးက စိတ်ခံစားမှုတွေ မလျော့နိုင်၍ ယနေ့ထိတိုင် ပြည်တွင်းငြိမ်းချမ်းရေး မယ်မယ်ရရ ဖြစ်မလာသေးပေ။ သမိုင်းက ပေးသော ဒဏ်ရာများကို သင်ခန်းစာအဖြစ်မှတ်ယူ၍ ပြောင်းလဲသွားရမည်ဟု ကြွေးကြော်နေသော်လည်း ယနေ့တိုင် လက်တွေ့ဖြစ်မလာသေးဘဲ စိတ်ခံစားချက်နောက်ကိုသာ လိုက်လျက် ရှိနေသေး သည်ကို တွေ့ရသည်။

ယနေ့ အရှေ့အလယ်ပိုင်းဒေသတစ်ခွင်လုံး လူထုအုံကြွမှုကြီးများနှင့် ဆက်တိုက်ရင်ဆိုင်ရလျှက်ရှိနေသည်။ သို့ရာတွင် ထိုနိုင်ငံများတွင် ဖြစ်ပေါ်နေသော လူထုအုံကြွမှုကြီးများ၊ သွေးမြေကျရမှုများကား မြန်မာ့သမိုင်းနှင့်နှိုင်းယှဉ်လျှင် အသေးအဖွဲမျှ သာဖြစ်သည်။ ၁၃၀၀ပြည့် အရေးတော်ပုံကြီးမှစကာ ၈၈အရေးအခင်း၊ ၂၀၀၇ကဲ့သို့ ကမ္ဘာမှာမရှိသေးသည့် သံဃာ့အုံကြွမှုကြီးများ စသည်ဖြင့် လူထုတိုက်ပွဲကြီးများ၏ အသက်သွေးချွေးနှင့် လူငယ်တို့၏ အနာဂတ်များ ပေးဆပ် ရသော ကြီးကျယ်ခမ်းနားမှုမျိုးကို အရှေ့အလယ်ပိုင်းနိုင်ငံများ လိုက်မှီနိုင်မည်မဟုတ်ပါ။ သို့သော် အရှေ့အလယ်ပိုင်း နိုင်ငံတွေက အောင်ပွဲရ၍ မြန်မာတို့က အဘယ့်ကြောင့် အောင်ပွဲမဆင်နိုင်ခဲ့ရသနည်းဆိုသည်ကို လေ့လာလျှင် စိတ်ခံစားမှု ကြောင့်သာဖြစ်သည်။ အရှေ့အလယ်ပိုင်းနိုင်ငံက လူတွေက အချိန်ကိုက်လှုပ်ရှားသည်၊ အုံကြွမှုနှင့် ပါဝါနိုင်ငံရေးကို ယှဉ်တွဲသုံးသည်။ အနောက်နိုင်ငံ ပညာတတ်တွေပေါသလို တပ်မတော်တွေကလည်း ပညာတတ်တွေများသည်၊ ထို့ကြောင့် အောင်မြင်ရခြင်းဖြစ်သည်။ မြန်မာ့အရေးတွင်ကား ထိုသို့မဟုတ် ပြည်သူက စိတ်ကြီးသလို စစ်တပ်ကလည်း စိတ်မြန်လက်မြန်ရှိလှသည်။ စိတ်အလိုကိုလိုက်လွန်းသည်။ ဥပမာပြရသော် ၁၉၉၀ ရွေးကောက်ပွဲ NLD အနိုင်ရစဉ်က လက်ထဲအာဏာမရမီ အောင်ပွဲအပေါ် အလွန်အကျူးသာယာကာ စစ်အာဏာရှင်တွေကို စစ်ခုံရုံးပို့မည်ဆိုသော အသံတွေ ကြောင့် စစ်ဖိနပ်အောက်မှ လွတ်မြောက်ရန် နှစ်ပေါင်းနှစ်ဆယ်ကျော်ထပ်စောင့်ခဲ့ရသည်။ ထိုအမှားကို သင်ခန်းစာယူ၍ ၂၀၁၀ ရွေးကောက်ပွဲကို ထောက်ခံခဲ့ကြသည်။ ဆွေးနွေးခြင်းဖြင့် ဒိုင်ယာလော့ဖြစ်မည်။ သူရဲကောင်းဝါဒတွေက အသက်  ပေါင်းများစွာနှင့် အနာဂတ်ပေါင်းများစွာကို စတေးခဲ့ကြပြီကို ကောင်းစွာသိပြီးဖြစ်၍ ပေါ်ပေါက် လာသော လွှတ်တော်နိုင်ငံ ရေးမှတဆင့် ဒီမိုကရေစီဟူသော ဟောင်းနွမ်းနေပြီဖြစ်သည့် အိုင်ဒီယာတစ်ခုကို ယခုမှ အသစ်ကပြန်စရန် ကြိုးပမ်းနေကြ ရသည်။

သို့ရာတွင် မည်မျှပင် သင်ခန်းစာယူပါသည်ဟုဆိုသော်ငြား လက်ရှိအနေအထားကို စိတ်ရှည်သည်းခံ နိုင်မှုမရှိဘဲ သင်ခန်းစာမယူနိုင်သေးကြောင်း တွေ့နေရပြန်သည်။ ယခုလ  ၂၆ရက်နေ့က ပြည်တွင်းမှ နိုင်ငံရေးအင်အားစုတစ်ချို့က လက်ရှိအစိုးရ၏ လုပ်ဆောင်ပုံတွေမှာ နှေးလွန်းသည်၊ အားမရဟုဆိုကာ ၂၀၀၈ခုနှစ်ဖွဲ့စည်းပုံအရ လွတ်လပ်စွာ ဆန္ဒဖော် ထုတ်မည်ဟု ကန့်လန့်တိုက်ကာ ဘုရားပေါ်မှာ စုပေါင်း ဆုတောင်းပွဲတွေ လုပ်ကြသည်။ ဤဖြစ်ရပ်ကို မှန်သည်၊ မှားသည် ဟု အငြင်းမပွားလိုသော်လည်း ထိုသို့လုပ်ဆောင်သူများ၏ ရည်မှန်းချက်ဖြစ်သည့် နိုင်ငံရေးအကျဉ်းသား လွတ်မြောက်မှု၊ ပြည်တွင်း စစ်ရပ်စဲရေးနှင့် ဧရာဝတီမြစ်ဆုံဆည်ရပ်တန့်ရေးကို လက်ရှိ လွှတ်တော်နိုင်ငံရေး အခင်းအကျင်းမှ လုပ်ဆောင် နေချိန် ဖြစ်ပါသည်။ ထိုသို့ လုပ်ဆောင်နေသည့်ကြားမှ ပွဲပြီးအောင် စိတ်မထိန်းနိုင်ကြသော လုပ်ရပ်များကြောင့် သံသယ ကြီးလွန်းသော စစ်တပ်က အချိန်မရွေး အာဏာ ပြန်သိမ်းသွားလျှင် ယခုကဲ့သို့ အသက်ရှုစရာ နှာခေါင်းတစ်ပေါက် ရနေ သည့် အနေအထားကို ပြန်လည် စွန့်လွှတ်လိုက်ရတော့မည့် သဘောရှိနေသည်။ မည်မျှကြာမည်ကို မသိနိုင်၊ အနှစ် နှစ်ဆယ်လော၊ လေးဆယ်လော ဖြစ်ချင်ရာ ဖြစ်နိုင်သည်။ ထိုနေ့က ကိစ္စမှာ လက်ရှိဆွေးနွေးဆဲအချိန်တွင် မိမိဘက်မှ စည်းဖောက်သလို ဖြစ်နေသည်။ ပြုလုပ်သူများသည် တိုင်းပြည်နှင့်လူမျိုးအတွက် မခံစားနိုင်လွန်း၍ လုပ်ခြင်းဖြစ်သဖြင့် အပြစ်မတင်ရက်သော်လည်း မလိုလားအပ်ပဲစွန့်စားမှုကို ဂရုဏာဒေါသဖြစ်ရသည်။ အခြေအနေ မဆိုးခဲ့၍သာ တော်တော့သည်။ ထိုသို့မဟုတ်ပါက ယနေ့အချိန်မှာ မာရှယ်လောဆိုသည့် ဆေးခါးကြီးနှင့် နှစ်ပါးသွားနေရနိုင်သည်။

ဆိုလိုသည်မှာ ဒီမိုကရေစီ ကျင့်စဉ်အရ၊ ၂၀၀၈ ဖွဲ့စည်းပုံအရ လူထုသည် ငြိမ်းချမ်းစွာ စီတန်းလှည့်လည်ခွင့် ရှိသည်မှာ မှန်ပါသည်။ သို့ရာတွင်မိမိတို့နိုင်ငံသည် အမေရိကန်ပြည်ထောင်စုမဟုတ်ပါ၊ ထိုနိုင်ငံကြီးကဲ့သို့ stakeholder အသီးသီးက ကျင့်သုံးနိုင်ရန်မှာ ယခုအချိန်တွင် စလုံးရေစ သာရှိပါသေးသည်။ အချိန်မကျသေးဘဲ မိမိအားကို ဖြုန်းတီးရာ မရောက်သင့်ပေ၊ စိတ်ခံစားချက်ပြင်းလွန်းခဲ့၍၊ စိတ်နောက်ကိုယ်ပါ လိုက်မိ၍ သင်ခန်းစာ အကြိမ်ကြိမ်ယူခဲ့ရသည်ကို ယခု တစ်ကြိမ်တွင်လည်း အမှန်တကယ် သဘောပေါက်နားလည်၍ သင်ခန်းစာရယူနိုင်စေရန်သာ  အကြံပြုတိုက်တွန်းလိုခြင်း ဖြစ်ပါသည်။

××××××××××××××××××××××××××××××××××××××××××××××××××××××××××××××

 

 


Google Docs makes it easy to create, store and share online documents, spreadsheets and presentations.
Logo for Google Docs