Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၁၃.၁၁.၂၀၁၁

ဆောင်းပါးကဏ္ဍ

  1. လမ်းမကြီးများနှင့် မော်တော်ယာဉ်ကြီးများ သံသရာ

************************************************************************************

ဆောင်းပါးကဏ္ဍ

လမ်းမကြီးများနှင့် မော်တော်ယာဉ်ကြီးများ သံသရာ

“ကျွန်တော်လေ ရွှေဖီချိန်ခါ လဘက်ပေါ်တဲ့အခိုက်မှာ ဂျီအမ်စီလိုကားကြီးမျိုးနဲ့ မန်းလေးဘက်သို့ ကုန်တင်ကာ သွားတယ်၊ လမ်းတွေက ဆိုးဆိုး၊ ချိုင့်တွေကပေါ တောတန်းကလေးများ ပျံနေအောင်မောင်းတယ်၊ တစ်ခါတစ်လေ ကုန် တင်များလွန်းလို့ လေးကျိုးရင် ဒရိုင်ဘာ အိမ်ပြန် နောက်ကျခဲ့ရတယ်၊ အို...မြောက်ပိုင်းလမ်း၊ မူဆယ်နမ့်ခမ်းလမ်း၊ အို... ဝိုး..ဝိုး ..မြောက်ပိုင်းလမ်း ”

တစ်ခေတ်တစ်ခါက ရှမ်းပြည်နယ်မြောက်ပိုင်းနှင့် မန္တလေးမြို့ကို ဆက်သွယ်ပေးသော လမ်းမကြီးများအကြောင်းကို ဖွဲ့ဆိုထားသော အဆိုတော် စိုင်းဆိုင်မောဝ်၏ သီချင်းသည် ယခုအခါတွင် ရှမ်းပြည်မြောက်ပိုင်း၏ အတိတ်ကို ပြောပြနေသော သမိုင်းလေးတစ်ခုသာ ဖြစ်သွား တော့သည်။ ထို့ပြင် ထိုခေတ်ထိုအခါက ကားသမားကြီးများအတွက် အလွမ်းပြေတေးတစ်ပုဒ်အဖြစ်လည်း အမှတ်တရတစ်ခုအဖြစ် ပြန်ပြောင်း အောက်မေ့ဖွယ်ရာ အလွမ်းပြေပြဇာတ်တစ်ပုဒ်အဖြစ်သာ ရှိပါတော့သည်။ ယနေ့ ရှမ်းပြည်မြောက်ပိုင်း၏ လမ်းမကြီးများသည်  ကားဒက်ရ်ှဘုတ်ပေါ် ရေဗူးတင်မောင်းလျှင်ပင် ရေဗူးမလဲရလောက်အောင် ချောမွေ့ ကောင်းမွန်လွန်းလှသည်။ စီစီပန်တာဝမ် တိုက်ပွဲအပြီး ဗ.က.က တို့ ကျဆုံးသွားပြီး နောက် အိမ်နီးချင်း တရုတ်နိုင်ငံသည် မြန်မာနိုင်ငံနှင့် ကုန်သွယ်မှု တိုးမြင့်နိုင်ရန်အတွက် ရှမ်းပြည်မြောက်ပိုင်းကို ဖြတ်၍ မန္တလေးနှင့် ဆက်သွယ်ပေးမည့် လမ်းမကြီးများ စီမံကိန်းအတွက် များစွာ အကူအညီပေးခဲ့သည်။ ယခင်က လူမျိုးစု လက်နက်ကိုင် ခေါင်းဆောင်ဟုဆိုသော ဘိန်းဘုရင် လောစစ်ဟန်၏ သားဖြစ်သူ စတီဗင်လော(ခ) ဦးထွန်းမြင့်နိုင် ပိုင်ဆိုင်သည့် အေးရှားဝါး ကုမ္မဏီသည် အဆိုပါ လမ်းမကြီးများကြောင့် အကျိုးကျေးဇူး များစွာဖြစ်ထွန်း ခဲ့ပြီး ယနေ့တိုင် လမ်းဖြတ်သန်းအသုံးပြုခများ ကောက်ခံရရှိနေသည်။ အေးရှားဝါးကုမ္မဏီသည် ဧရာဝတီမြစ်ဆုံ စီမံကိန်းကြောင့် လူထု၏ ငြိုငြင်မှုကို ခံနေရသော်လည်း အဆိုပါဖြစ်ရပ်တွင် သင်ခန်းစာ ယူနိုင်သည်မှာ ပုဂ္ဂလိကကို လွှဲပြောင်းပေးခြင်းဖြင့် ဖြစ်ပေါ်တိုးတက်လာမှုကို မြင်တွေ့နိုင်ခြင်း ဖြစ်သည်။

အေးရှားဝါးက လမ်းဖောက်တာလဲကောင်းတယ်၊ ငွေတောင်းတာလဲ လွန်တယ်၊ ကောင်းလဲကောင်း၊ တောင်းလဲ တောင်းတယ်ဆိုရမှာပေါ့၊ ဖြစ်သင့်ဖြစ်ထိုက်သလောက် လျော့ပြီးကောက်နိုင်ရင်တော့ တော်တော်လေးကောင်းမှာပါ၊ ရှမ်းပြည်တောင်ပိုင်းကိုလည်း လမ်းပန်းဆက်သွယ်ရေး ကောင်းဖို့ အေးရှားဝါးလို လုပ်နိုင်မယ့် ကုမ္မဏီမျိုးကို ရွေးချယ်သင့်တယ်ဟု ရှမ်းပြည်တောင်ပိုင်းလမ်းကို သွားလာနေသည့် ကားဆရာတစ်ဦးက ဆိုပါသည်။

ရှမ်းပြည်တောင်ပိုင်းသည် မြောက်ပိုင်းနှင့်ခြားနားစွာပင် လမ်းပန်းဆက်သွယ်ရေး ဆိုးဝါးလျှက်ရှိပါသည်။ မန္တလေးဘက်မှ ရှမ်းပြည် တောင်ပိုင်း တောင်ကြီးမြို့ကို တက်သည့် လမ်းနှစ်လမ်းရှိသည်။ တစ်လမ်းမှာ သာစည်-မိတ္ထီလာဘက်မှ တက်ရပြီး နောက်တစ်လမ်းမှာ ရွာငံဘက်လမ်းမှ တက်ရ သည်။ ရွာငံဘက်လမ်းသည် လမ်းပန်းဆက်သွယ်ရေး အလွန်ကြမ်းတမ်းပြီး ကျောက်ခဲစားသွားလျှင်ပင် အစာကြေသည်ဟု ပြောစမှတ်တွင်ရသည်။ သာစည်-မိတ္ထီလာလမ်းကမူ ရန်ကုန်-မန္တလေးလမ်းမကြီးနှင့် ချိတ်ဆက်မိသည်အထိ လမ်းပန်းဆက်သွယ်ရေး ဆိုးဝါးလှသည်။ ရွာငံလမ်းမှာ ပို၍ ဆိုးဝါးသော်လည်း မန္တလေးဘက်မှ တက်လျှင် သာစည်ဘက်မှ တက်သည်ထက် ၇၇ မိုင် သက်သာသဖြင့် ကားလေးတွေက ရွာငံဘက်က တက်တာ များသည်။

ရွာငံလမ်းကို အထင်မသေးနဲ့ဗျ၊ အလောင်းဘုရား ယိုးဒယားကို စစ်ချီတဲ့လမ်း၊ အရင်က အင်္ဂလိပ်ဖောက်ထားတဲ့လမ်းက ကောင်းတယ်၊ နောက်ပိုင်း ကားကြီးတွေဝင်လာတော့ ပျက်စီးသွားတာပဲ၊ မခံနိုင်ဘူး၊ ဆောက်လုပ်ရေး ဝန်ကြီးဌာနက လိုက်ဖောက်လဲ ဘာမှမခံနိုင်ဘူး၊ တန်ပိုတွေက မတရားတင်တာကိုး ဘယ်တတ်နိုင်မလဲ၊ သမင်မွေးရင်း၊ ကျားစားရင်းပဲ၊ ဖောက်လို့မနိုင်ဘူးဟု ယာဉ်ပိုင်ရှင်တစ်ဦးက ဆိုပါသည်။

မည်သည့်လမ်းက တက်သည်ဖြစ်စေ၊ လမ်းပန်းဆက်သွယ်ရေး ခက်ခဲနေဆဲဖြစ်သည်ကတော့ အမှန်ပင်ဖြစ် ပါသည်။ အဓိက ပြဿနာမှာ မော်တော်ယာဉ်ကြီးများ တန်ပိုတင်ဆောင်သောကြောင့် လမ်းများ ပျက်စီးရခြင်း ဖြစ်သည်။

“ဘယ်တင်ချင်မလဲဗျ။ ကိုယ့်ကားလဲနာသေးတယ်၊ လူလဲ အန္တရာယ်ရှိသေးတယ်၊ မကိုက်လို့ တင်ရတာပေါ့”ဟု ကားဆရာတစ်ဦးက ရှင်းပြသည်။ သို့ရာတွင် ထိုလမ်းတစ်လျှောက် မောင်းနှင်နေသည့် ယာဉ်ကြီးမှန်သမျှ တန်ပိုတင်ရသည်။ ခံနိုင်ဝန်ထက်ပိုတင်တာက တကြောင်း၊ စတင် ဖောက်တည်းက စံချိန်စံညွှန်းလိုက်နာမှု အားနည်း၍လည်းကောင်း၊ မသမာမှုများကြောင့်လည်းကောင်း လမ်းမကြီးများသည် ကြာကြာမခံပါ ခင်းပြီးသည်နှင့် ပြင်ပြီးသည်နှင့် ပျက်စီးရပြန်သည်။

ကားဆရာပြောသလို သမင်မွေးရင်း ကျားစားရင်းနှင့်ပင် ဂျာအေးသူ့အမေရိုက် လုံးချာလည်လိုက်နေပါသည်။ ယာဉ်ကြီးတွေ တန်ပိုမတင်နှင့်ဟု အမိန့်ထုတ်လိုက်လျှင်လည်း အလုပ်မဖြစ်ကြောင်း လက်တွေ့သိခဲ့ရပြီး ဖြစ်သည်။ အာဆီယံ စံနှုန်းအတိုင်းသာ တင်ရမည်ဟု အမိန့်ထုတ်ပြန်လိုက်သဖြင့် သယ်ယူပို့ဆောင်ရေးစရိတ်တွေ ရုတ်တရက် တက်သွားပြီး ကုန်ဈေးနှုန်းများ ကြီးမြင့်သွားသဖြင့် အဆိုပါအမိန့်ကို ပြန်လည်ရုပ်သိမ်းပေးခဲ့ရသည်။ ထိုကဲ့သို့ ရှုံ့ချည်နှပ်ချည် ဥပဒေမျိုးတွေ ဒီနေ့ခေတ်တွင် မရှိသင့်တော့ပေ။ သို့ရာတွင် ထိုပြဿနာမှာ တိမ်မယောင်နှင့်နက် လွယ်မယောင်နှင့် ခက်နေပါသည်။ အတော်အတန်ပြေလျော့သွားစေနိုင်မည့် အခြေအနေတစ်ရပ်ကို လေ့လာလျှင် ကုန်တင်ယာဉ် မလုံလောက်မှုကြောင့် သယ်ယူစရိတ် မြင့်မားနေသည်ကို တွေ့ရပြီး ကုန်တင်ယာဉ်ကြီးတွေသာ အလွယ်တကူ ဈေးနှုန်းသက်သာစွာ တင်သွင်းခွင့်ရပြီဆိုလျှင် အထက်ပါ ပြဿနာတွေ ပြေလည်နိုင်ဖွယ်ရှိသည်။

“သိတဲ့အတိုင်းပဲ ကျွန်တော်တို့နိုင်ငံမှာက ကားဈေးတွေက သူများထက်ပိုမြင့်တယ်၊ ဒီတော့ ကျွန်တော်တို့နိုင်ငံက ကုန်တင်ယာဉ်က သူ့အတွက် အရင်းကြေဖို့နဲ့ အမြတ်ကျန်ဖို့ဆိုရင် သူများနိုင်ငံက ကုန်တင်ယာဉ်ထက်ပိုတဲ့ နှုန်းထားတရပ်နဲ့မှ အဆင်ပြေမယ်။ ဒါက တစ်ချက်၊ တန်ပိုတင်ရတဲ့အတွက်၊ လမ်းတွေကြမ်းတဲ့အတွက် ကားတွေက သူများထက်ပိုပြီး ပျက်စီးလွယ်တယ်၊ ဒီအတွက် ဈေးတင်ရပြန်တယ်၊ ဒါကတစ်ချက်၊ ဆိုတော့ ဒီမှာတင် စရိတ်တွေက သိပ်များနေပြီ၊ လမ်းမကြီးတွေက ကောက်ချင်တိုင်းကောက်နေတော့ ဒီစရိတ်ကို ကုန်တင်ခပေါ်မှာ ထပ်တင်ရပြန်ရော တကယ့်ကို မလို လားအပ်တဲ့ အခွန်အခတွေ ပေးဆောင်နေရတာပါ၊ တကယ်လို့ ကားတွေသာ များလာမယ်ဆိုရင် လမ်းဖောက်တဲ့ ကုမ္ပဏီတွေကလည်း ကားတွေ များလာခဲ့ရင် အခွန်အခနဲနဲနဲ့ ယာဉ်အစီးရေများများကောက်ရတော့ အဆင်ပြေမှာပေါ့၊ ဒါဆို ကျွန်တော်တို့လည်း တန်ပိုတင်ဖို့မလိုဘူး၊ အန္တရာယ်လည်း ကင်းတယ်၊ ကားအတွက် ပြုပြင်စရိတ်လဲသက်သာမယ်”ဟု  ယာဉ်ပိုင်ရှင်တစ်ဦးက ရှင်းပြသည်။

ယခုမူ အစိုးရသစ်၏ မူဝါဒကြောင့် မော်တော်ယာဉ်အဟောင်းတွေ အသစ်နှင့် လဲလှယ်ခွင့်ရလာပြီဖြစ်သည်။ မကြာမီ အချိန်ကာလတွင်  မော်တော်ယာဉ်ပြခန်းတွေ လာရောက်ဖွင့် လှစ်ရောင်းချတော့မည်ဖြစ်ရာ ကားဈေးတွေ နိုင်ငံတကာပေါက်ဈေးအတိုင်း ဝယ်ယူနိုင်တော့မည်လည်း ဖြစ်ပါသည်။ သို့ရာတွင် လက်ရှိမြင်နေရသည်မှာ အ်ိမ်စီးကားတွေ များနေပြီး ထရပ်ကားနှင့် ကုန်တင်ယာဉ်တွေ အဝင်နည်းနေ ခြင်းဖြစ်သည်။ ထိုယာဉ်ကြီးများ ဝယ်ယူတင်သွင်းခွင့်ကို အားပေးသည့် အနေအထားမျိုးလည်းမတွေ့ရသေးပေ။ ၁၃၀၀ စီစီအထက် ဇိမ်ခံကားတွေထက် နိုင်ငံအတွက် တကယ်လိုအပ်နေသည့် ကုန်တင်ယာဉ်ကြီးကို ဦးစားပေးတင်သွင်းစေသင့်ပြီး တင်သွင်းနိုင်ရန်လည်း အစိုးရအနေဖြင့် အားပေးသင့်ပါသည်။ ထိုသို့ ခွင့်ပြုလိုက်သည်နှင့် တပြိုင်နက် လမ်းဖောက်လုပ်မည့် ကုမ္မဏီတွေလည်း အလျှိုလျှို ပေါ်လာကြမည်ဖြစ်ပြီး ဈေးကွက်သဘောတရားအရ သူ့ထက်ငါ အပြိုင်အဆိုင်ဖြင့် လမ်းတံတားကြေးတွေလည်း လျော့နည်းလာမည် ဖြစ်ပါသည်။ နိုင်ငံတော်ပိုင်းတွင်လည်း ဝန်ထုပ်ဝန်ပိုး များစွာ လျော့ပါး သွားဖွယ်ရာ ရှိပါသည်။ မန္တလေးအနေဖြင့် မူဆယ်ဈေးကွက်မှ ဈေးကွက်အသစ်အဖြစ်  ထိုင်းနိုင်ငံဘက်သို့ပါ လှည့်နိုင်လာမည်လည်း ဖြစ်ပါသည်။

တပ်မတော်အစိုးရလက်ထက်တွင် လမ်းတံတား အမြောက်အမြား တည်ဆောက်နိုင်ခဲ့သည်မှာ ဂုဏ်ယူဖွယ် ဖြစ်ပါသည်။ သို့သော် အရေအတွက်ထက် အရေအသွေးမှာ များစွာအရေးကြီးသည်။ ယနေ့လမ်းဖောက် နောက်နေ့လမ်းပျက် ဆိုသည်က မဖြစ်သင့်သော ကိစ္စဖြစ်ပါသည်။ နိုင်ငံ၏ ဘဏ္ဍာငွေတွေ များစွာဆုံးရှုံးရသည်။ ပြည်သူလူထုအနေဖြင့်လည်း ထူးခြားအကျိုးပြုသွားသည်ဟူ၍ ရှားရှားပါးပါး ကြားရခဲပါသည်။ ထိုလမ်းမကြီးတွေ ဖောက်ခြင်းဖြင့် ပြည်သူတွေထက် ဆောက်လုပ်ရေးဝန်ကြီးဌာနက ဝန်ထမ်းတွေနှင့် လမ်းဖောက်သည့် ကုမ္ပဏီတွေက ပို၍ အကျိုးဖြစ် ထွန်းနေပြီး ကုန်ကျစရိတ်တွေကိုတော့ ပြည်သူတွေကသာ ကျခံနေရခြင်းလည်းဖြစ်သည်။

မော်တော်ယာဉ်တွေ တင်သွင်းခွင့်ရဖို့၊ လမ်းမကြီးတွေ ဖောက်လုပ်ခွင့်ရဖို့ဆိုသည့် နေရာတွင်လည်း ဈေးကွက်သဘောတရားနှင့်အညီ လွတ်လပ်စွာ တင်သွင်းနိုင်ခွင့်နှင့်၊ လွတ်လပ်စွာ ယှဉ်ပြိုင်နိုင်ခွင့်တွေလည်း လိုအပ်ပါလိမ့်ဦးမည်။ မည်သို့ပင်ဆိုစေကာမူ ကုန်တင်ယာဉ်ကြီးများ တင်သွင်းခွင့်နှင့် လမ်းမကြီးများ ဖောက်လုပ်ခွင့်အတွက် မျှတစွာယှဉ်ပြိုင်နိုင်မည့် မူဝါဒတွေသာ ထွက်ပေါ်လာလျှင် မော်တော်ယာဉ်ကြီးများနှင့် လမ်းမကြီးများပျက်စီးမှု ပြဿနာမှာ အတော်အတန်ပင် ပြေလည်သွားနိုင်မည့် အခြေအနေပင်ဖြစ်ရာ ထိုကိစ္စအတွက် တာဝန်ရှိသူတွေအနေဖြင့် အလေးအနက် ထားဖို့လိုနေသည်ကတော့ အမှန်ပင်ဖြစ်ပေသည်။

***************************************************************************************

 


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၁၃.၁၁.၂၀၁၁

ပြည်တွင်းသတင်းများ

  1. ဒေါ်လာတစ်သိန်းနှင့် ငွေကျပ် သိန်းသုံးထောင်ရှိမှသာ ကားအရောင်းပြခန်း ဖွင့်ခွင့်ပြုမည်
  2. UMFCCI အကြံပေးအဖြစ် အမေရိကန်စီးပွားရေးပညာရှင်အားခန့်အပ်

ပြည်တွင်းပါတီ၊ နိုင်ငံရေးသတင်းများ

  1. လူ့အခွင့်အရေးကော်မရှင်မှ သမ္မတထံ ဒုတိယအကြိမ် အိတ်ဖွင့်ပေးစာပေးပို့
  1. ရခိုင်အမျိုးသားပါတီတစ်ခုပေါ်ထွန်းလာရန် RNDP မှဆောင်ရွက်နေ

သတင်းနှင့် ဆောင်းပါးများမှ ကောက်နှုတ်ချက်များ

***************************************************************************************

ပြည်တွင်းသတင်းများ

ဒေါ်လာတစ်သိန်းနှင့် ငွေကျပ် သိန်းသုံးထောင်ရှိမှသာ ကားအရောင်းပြခန်း ဖွင့်ခွင့်ပြုမည်

မြန်မာနိုင်ငံ၌ ယာဉ်ပောာင်းအစားထိုး ယာဉ်သစ်တင်သွင်းခြင်း အစီအစဉ်တွင် ကားအရောင်းပြခန်းဖွင့်လှစ်၍ ကားရောင်းဝယ်ရေးပြုလုပ်မည့် လုပ်ငန်းရှင်များအနေနှင့် အမေရိကန်ဒေါ်လာ တစ်သိန်းနှင့် မြန်မာငွေကျပ် သိန်း(၃၀၀၀) ရှိမှသာ ကားအရောင်းပြခန်း ဖွင့်လှစ်ရောင်းချခွင့် ပေးသွားမည် ဖြစ်ကြောင်း သက်ဆိုင်ရာမှ သတင်းထုတ်ပြန်ခဲ့သည်။

ပြည်ပနိုင်ငံမှ မော်တော်ယာဉ်တင်သွင်းလိုသူများအား ထပ်မံခွင့်ပြုပေးရာ၌ ပြည်ပပို့ကုန် လုပ်ငန်းရှင်များ၊ သင်္ဘောသားများနှင့် ရှိုးဂျော့ သမားများပါ ပါဝင်ကြောင်း သိရသည်။

ဘဏ္ဍာရေးနှင့် အခွန်ဝန်ကြီးဌာနမှ ကားပြခန်းဖွင့်လှစ်မည့် ကုမ္ပဏီ များအတွက် လိုက်နာရမည့် စည်းကမ်းချက်များ ထုတ်ပြန်ထားပြီး ၎င်း စည်းကမ်းချက်များနှင့် ကိုက်ညီမှုရှိသည့် လုပ်ငန်းရှင်များကိုသာ ပြည်ပမှ ကားတင်သွင်းခွင့် လုပ်ငန်းလိုင်စင် ချထားပေးသွားမည်ဖြစ်ကြောင်း သိရသည်။

ပြည်ပနိုင်ငံများမှ မော်တော်ယာဉ်တင်သွင်းလိုသည့် သင်္ဘောသားများအနေနှင့် သက်ဆိုင်ရာပို့ဆောင်ရေးဌာနမှ တစ်ဆင့် လျှောက်ထားရမည် ဖြစ်ပြီး သင်္ဘောသားများအနေနှင့် ရှိုးဂျော့သမားများမှ မော်တော်ယာဉ်တင်သွင်းလိုပါက အလုပ်သမားဝန်ကြီးဌာနမှတစ်ဆင့် လျှောက်ထားရမည် ဖြစ်ကြောင်း သိရသည်။

ပြည်ပမှ ကားမှာယူတင်သွင်း၍ မြန်မာနိုင်ငံအတွင်း ကားအရောင်းပြခန်းဖွင့်လှစ်လုပ်ကိုင်မည့် လုပ်ငန်းရှင်များသည် သက်ဆိုင်ရာမှ သတ်မှတ်ထားသည့် ငွေကြေးရှိရမည့်အပြင် ကုမ္ပဏီတည်ထောင်ဖွင့်လှစ်ထားသည့် မြန်မာနိုင်ငံသား ဖြစ်ရမည်ဖြစ်ပြီး စီးပွားရေးအမည်ပျက်စာရင်းတွင် မပါဝင်သူဖြစ်ရမည်ဖြစ်ကြောင်း ကားအရောင်းစင်တာဖွင့်လှစ်မည့် ကုမ္ပဏီတစ်ခုမှ တာဝန်ရှိသူတစ်ဦးက ပြောကြားခဲ့သည်။

                                                                                  YC

-----------------------------------------------------------------------------------------------------------------------------------

UMFCCI အကြံပေးအဖြစ် အမေရိကန်စီးပွားရေးပညာရှင်အား ခန့်အပ်

မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်(UMFCCI) ၏ စီးပွားရေးအကြံပေးအဖြစ် ဆောင်ရွက်ရန် အရှေ့တောင်အာရှဆိုင်ရာ ကျွမ်းကျင်သူ အမေရိကန်စီးပွားရေးပညာရှင် Lex Reiffei အား ခန့်အပ်မည်ဖြစ်ကြောင်း UMFCCI မှ တာဝန်ရှိသူတစ်ဦးက ပြောကြားခဲ့သည်။

UMFCCI အသင်းချုပ်အား ပြုပြင်ပြောင်းလဲမှုများ လုပ်ဆောင်နိုင်ရန် အမေရိကန် စီးပွားရေးပညာရှင် Lex Reiffei အား သုံးလကြာ အကြံပေး အဖြစ် ဌားရမ်းလိုက်ခြင်းဖြစ်ကြောင်း သိရသည်။

ထို့ပြင် UMFCCI အသင်းချုပ်၏ ပြုပြင်ပြောင်းလဲရေးဆိုင်ရာ မူဝါဒများအရ စီးပွားရေးဆိုင်ရာ အကြံပေးအဖြစ် Lex Reiffei ကိုသာမက ဥရောပသမဂ္ဂ(EU) မှ စီးပွားရေးပညာရှင်တစ်ဦးကိုပါ ခန့်အပ်ရန် အစီအစဉ်ရှိကြောင်း သိရသည်။

မကြာသေးမီအချိန်က UMFCCI အသင်းချုပ်၏ စီးပွားရေးအကြံပေးအဖြစ် ခန့်အပ်မည့် Lex Reiffei သည် မြန်မာ နိုင်ငံ၏ စီးပွားရေးဆိုင်ရာ ပြုပြင်ပြောင်းလဲမှုများအတွက် စာတမ်းအချို့ထုတ်ဝေခဲ့သော်လည်း လက်ရှိအချိန်တွင် ၎င်းသည် မြန်မာနိုင်ငံ၏ စီးပွားရေးဆိုင်ရာ ကိစ္စရပ်များအပေါ်တွင် သဘောထားမှတ်ချက် ပေးထားခြင်းမရှိသေးကြောင်း သိရသည်။

ပြီးခဲ့သည့် ၂၀၀၇ ခုနှစ်တွင် Lex Reiffei သည် အင်ဒိုနီးရှားစစ်တပ်၏ ပြုပြင်ပြောင်းလဲရေးဆိုင်ရာ ကိစ္စရပ်များ အတွက် အထူးပြုသော မူဝါဒ ဆိုင်ရာ စာအုပ်တစ်အုပ်ကို တွဲဖက်ရေးသားထုတ်ဝေခဲ့ကြောင်း သိရသည်။

Lex Reiffei သည် အရှေ့တောင်အာရှ၊ တိုးတက်လာသော ဈေးကွက်များ၏ ဘဏ္ဍာရေးအနေအထား၊ ကမ္ဘာ့ဘဏ်၊ အပြည်ပြည်ဆိုင်ရာ ငွေကြေး ရန်ပုံငွေအဖွဲ့(IMF) တို့၏ ပြုပြင်ပြောင်းလဲမှုများ၊ ကမ္ဘာလုံးဆိုင်ရာ အုပ်ချုပ်မှုစနစ်တို့နှင့် ဆက်စပ်သော မူဝါဒရေးရာများ လုပ်ဆောင်လျက် ရှိကြောင်း သိရသည်။

                                                                                                                                        Ref:Voice

 ***************************************************************************************

ပြည်တွင်းပါတီ၊ နိုင်ငံရေးသတင်းများ

လူ့အခွင့်အရေးကော်မရှင်မှ သမ္မတထံ ဒုတိယအကြိမ် အိတ်ဖွင့်ပေးစာပေးပို့

အမျိုးသားလူ့အခွင့်အရေးကော်မရှင်မှ နိုင်ငံတော်သမ္မတကြီးထံ ဒုတိယအကြိမ် အိတ်ဖွင့်ပေးစာ ပေးပို့လိုက်ကြောင်း နိုဝင်ဘာ ၁၃ ရက်နေ့ ထုတ် နိုင်ငံပိုင်သတင်းစာများ၏ ဖော်ပြချက်အရ သိရသည်။

အဆိုပါ အိတ်ဖွင့်ပေးစာကြောင့် တင်္နလာနေ့တွင် နိုင်ငံရေးအကျဉ်းသားများ ဆက်လက်လွတ်မြောက်လာရန် ရှိကြောင်း မြန်မာ့နိုင်ငံရေး လေ့လာသုံးသပ်သူများက ဆိုသည်။

 “ရိုးရိုးလေးတွေးကြည့်ရင် အရင်တစ်ခါတုန်းကလည်း သူတို့အိတ်ဖွင့်ပေးစာကို သမ္မတဆီပို့ပြီးတော့ နောက်တစ်ရက် လွတ်ငြိမ်းချမ်းသာခွင့်ကို ကြေငြာတာပဲ”ဟု ပြည်တွင်း သတင်းဂျာနယ်တစ်စောင်၏ တာဝန်ခံ အယ်ဒီတာတစ်ဦးက ဆိုသည်။

နိုင်ငံတော်သမ္မတကြီးထံ ပေးပို့လိုက်သည့် အိတ်ဖွင့်ပေးစာတွင် အပိုဒ် ၈ ပိုဒ်ပါဝင်ကာ နိုင်ငံတော် တည်ဆောက်ရေးနှင့် အမျိုးသား စည်းလုံး ညီညွတ်ရေးကို အနှောင့်အယှက် မဖြစ်စေနိုင်သည့် နိုင်ငံရေးအကျဉ်းသားများနှင့် သာမန်အကျဉ်းသားများအား လွှတ်ပေးရန် တောင်းဆိုသည့်အပြင် ဝေးလံသည့် အရပ်ဒေသများရှိ အကျဉ်းကျနေသူများကို မိသားစုနှင့်နီးကပ်သည့် အကျဉ်းထောင်များသို့ ပြောင်းရွှေ့ပေးရန်ကို တင်ပြထားသည်။

“အိတ်ဖွင့်ပေးစာမှာပါတဲ့ နိုင်ငံရေးအကျဉ်းသား အရေအတွက်ကိုတော့ ကျွန်တော်တို့ ပြန်စိစစ်သင့်တယ်”ဟု နိုင်ငံရေးအကျဉ်းသားများ အကျိုးဆောင် ကွန်ယက်ဝင်တစ်ဦးက ပြောကြားသည်။

အဆိုပါ အိတ်ဖွင့်ပေးစာတွင် နိုင်ငံရေးအကျဉ်းသား ၅၀၀ ခန့်သာရှိပြီး ၂၀၀ ကျော်အား ဒုတိယအကြိမ် လွတ်ငြိမ်းချမ်းသာခွင့်တွင် လွှတ်ပေး လိုက်ကြောင်း ပါရှိသည်။

ဒုတိယအကြိမ် လွတ်ငြိမ်းချမ်းသာခွင့်ကြောင့် မြစ်ကြီးနားထောင်မှ လွတ်မြောက်လာသူ ဦးဇာဂနာက နိုဝင်ဘာ ၁၄ ရက်တွင် တတိယအကြိမ် လွတ်ငြိမ်းချမ်းသာခွင့် ထုတ်ပြန်ပေးရန်ရှိကြောင်း ၎င်းစီစဉ်ကျင်းပသည့် ရုပ်ရှင်ပွဲတော်၏ သတင်းစာရှင်းလင်းပွဲတွင် ဆိုသည်။

နိုဝင်ဘာ၁၄ရက်သည် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာသည့် တစ်နှစ်ပြည့်ရက် ဖြစ်သည်။

YC(KS)

-----------------------------------------------------------------------------------------------------------------------------------

ရခိုင်အမျိုးသားပါတီတစ်ခု ပေါ်ထွန်းလာရန် RNDP မှဆောင်ရွက်နေ

ရခိုင်ပြည်သူတစ်ရပ်လုံးကို ကိုယ်စားပြုသည့် ရခိုင်အမျိုးသားပါတီတစ်ရပ် ပေါ်ထွန်းလာရန် ၂၀၁၀ ရွေးကောက်ပွဲအနိုင်ရ ရခိုင် တိုင်းရင်းသားများ တိုးတက်ရေးပါတီက ဆောင်ရွက်နေကြောင်း သိရသည်။

အောက်တိုဘာ ၁၅ ရက်နေ့က ပါတီဗဟိုကော်မတီ အစည်းအဝေးအရ ရခိုင်အမျိုးသားနိုင်ငံရေး အင်အားစု များနှင့် ပူးပေါင်းရန် ဆုံးဖြတ်ခဲ့ပြီး ဖြစ်ပြီး ဖျက်သိမ်းခံထားရသည့် ရခိုင်အမျိုးသားဒီမိုကရေစီအဖွဲ့ချုပ်နှင့် ပူးပေါင်းရန် ဆွေးနွေးမှုများ လုပ်ဆောင်နေကြောင်း ယင်းပါတီ၏ ဗဟို ကော်မတီဝင်တစ်ဦးက ပြောကြားသည်။

“အဓိက တိုင်းရင်းသားပါတီကြီးတစ်ရပ် ပေါ်လာဖို့ပါ။ ဒီလိုမှမလုပ်ရင် ရွေးကောက်ပွဲတွေကျရင် မဲတွေကွဲပြီး ကြားက အချောင်ဝင်စားမှာ စိုးလို့ပါ”ဟု ယင်းက ဆိုသည်။

ရခိုင်တိုင်းရင်းသားများ တိုးတက်ရေးပါတီက နိုဝင်ဘာ ၇ ရက် နေ့စွဲဖြင့် ဖိတ်ခေါ်ကမ်းလှမ်းခြင်းဖြစ်ပြီး ယင်းဖိတ်ခေါ်ချက်တွင် အချက်သုံးချက် ပါဝင်ကာ ၁၉၉၀ အတွေ့အကြုံများကို နှိုင်းယှဉ်၍ ဖော်ပြထားကြောင်း သိရသည်။

 “ကျွန်တော်တို့က ရခိုင်အမျိုးသားအရေးကို ဦးတည်ပြီး ဆွေးနွေးမယ့် အင်အားစုတိုင်းကို တန်းတူအဆင့် သတ်မှတ်ပြီး ဆွေးနွေးမှာပါ”ဟု ရန်ကုန်တိုင်းဒေသကြီး RNDP ရုံးမှ တာဝန်ရှိသူတစ်ဦးက ပြောကြားသည်။

နိုင်ငံရေးပါတီများ မှတ်ပုံတင်ခြင်းဥပဒေကို ပြင်ဆင်ခဲ့ပြီးနောက်တွင် အင်အားကြီးနိုင်ငံရေးပါတီ ဖြစ်သော အမျိုးသားဒီမိုကရေစီအဖွဲ့ချုပ်က နိုင်ငံရေးပါတီအဖြစ် မှတ်ပုံတင်လျှင် ခွဲထွက်ခဲ့သည့် ၂၀၁၀ ရွေးကောက်ပွဲဝင် နိုင်ငံရေးပါတီများက ပူးပေါင်းရန် ပြင်ဆင်နေကြောင်း သိရသည်။

ရခိုင်တိုင်းရင်းသားများတိုးတက်ရေးပါတီသည် ပြီးခဲ့သည့် ၂၀၁၀ ရွေးကောက်ပွဲတွင် ကိုယ်စားလှယ်နေရာ ၃၅ နေရာ အနိုင်ရရှိခဲ့သည့် ပါတီတစ်ခုဖြစ်ပြီး တိုင်းရင်းသားပါတီများတွင် ဒုတိယအင်အားအကြီးဆုံး ပါတီ ဖြစ်သည်။

YC(KS)

 ***************************************************************************************

သတင်းနှင့် ဆောင်းပါးများမှ ကောက်နှုတ်ချက်များ

“မသွားခင်မှာ အထူးသတင်းတပ်ဖွဲ့ကို အကြောင်းကြားပါတယ်။ သူတို့ခွင့်မပြုဘူးဆိုရင် ကျွန်တော်မသွားဘူးပေါ့။ အခု သူတို့က လိုအပ်တာရှိရင် ပြောပါဆိုတော့ သွားလှူနိုင်ခဲ့တာပါ။ အပြင်ကအလှူငွေကို လက်မခံပါဘူး။ ငွေကြေးကြောင့် အရှုပ်အရှင်းဖြစ်မှာ စိုးလို့ပါ။ ကျွန်တော်ကတော့ လွတ်လာပြီပေါ့။ သူငယ်ချင်းတွေ ထောင်ထဲမှာ ကျန်နေပါတယ်။ သူတို့တွေအတွက် ကျွန်တော့်မှာ တာဝန်ရှိတယ်လို့ ခံစားရတယ်၊ ဒါကြောင့် သူတို့တွေကို ထောက်ပံ့ဖို့ ဆုံးဖြတ်ပြီး ဒီလိုလိုက် လှူဒါန်းတာပါ၊ အဖွဲ့အစည်းနဲ့ဆိုပြီးလုပ်တာ မဟုတ်ပါဘူး။ ကူညီချင်တဲ့သူတွေက လိုက်လံကူညီ ပေးကြတာပါ”

နိုဝင်ဘာ ၁၅ ထုတ် News Watch အတွဲ (၇) အမှတ် (၂၀) တွင်ပါသည့် “ယုံကြည်ချက်ကြောင့် အကျဉ်းကျနေသူထံ ဇာဂနာ ဦးဆောင်လျက် လှူဒါန်းနေ” သတင်းမှ ဇာဂနာ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

 

“အဓိကစစ်မှန်တဲ့ ငြိမ်းချမ်းရေးဖြစ်ဖို့က စစ်အသုံးစရိတ်တွေဟာ တိုင်းရင်းသားဒေသတွေမှာ စစ်ဖြစ်တဲ့အခါ စစ်အသုံးစရိတ်တွေ သုံးစွဲတာကို လျှော့ချပေးဖို့ လိုပါတယ်။ တိုက်ပွဲဖြစ်နေတဲ့ တိုင်းရင်းသားတွေနဲ့ အပတ်အခတ် ရပ်စဲပြီး အမျိုးသားအဆင့် အလုပ်ရုံဆွေးနွေးပွဲတွေမှာ အဖြေရှာဖို့ လိုပါပြီ။ မငြိမ်းချမ်းတဲ့ဒေသမှာစစ်မှန်တဲ့ ငြိမ်းချမ်းရေးတွေ ငြိမ်းချမ်းရေး ကော်မတီတွေဖွဲ့ပြီး ဇစ်မြစ်ကို အရင်ဆုံးအဖြေရှာရပါမယ်။ အယူဝါဒကြောင့် လက်နက်ကိုင် တိုက်ပွဲဆင်နွှဲပြီးသွားတဲ့ နောက်မှာ တိုင်းရင်းသားအချို့နဲ့ ဘာကြောင့်တိုက်ပွဲဝင်လဲဆိုတာကို အဖြေရှာဆွေးနွေးဖို့လိုပါပြီ။ ဥပမာ- ကချင် တိုင်းရင်းသားအချို့နဲ့ စစ်ဖြစ်ဖို့ သိမ်းပိုက်သွားနိုင်လည်းစစ်မှန်တဲ့ ငြိမ်းချမ်းရေးအစစ်အမှန်က တိုင်းရင်သားညီအကိုတွေနဲ့ စစ်မှန်တဲ့ အလုပ်ရုံ ဆွေးနွေးပွဲတွေ ဆွေးနွေးပြီး ငြိမ်းချမ်းရေးလမ်းကြောင်းဆီသွားဖို့ပါပဲ”

နိုဝင်ဘာ ၁၁ ထုတ် First Weekly အတွဲ (၁) အမှတ် (၂) တွင်ပါသည့် “စစ်မှန်တဲ့  ငြိမ်းချမ်းရေးပေးပါ” သတင်းဆောင်းပါးမှ ချင်းအမျိုးသား ပါတီအတွင်းအရေးမှူး (၁) ငယ်ပီး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

စစ်တိုက်ခဲ့ရတဲ့အတွက် တိုင်းပြည်ထူထောင်ရေးမှာ အင်မတန်အသုံးဝင်မည့် လူအင်အားတွေ အလဟဿ ပြုန်းတီးခဲ့ရပါတယ်။ နိုင်ငံရေး ခေါင်းဆောင်တွေ၊ စစ်ရေးခေါင်းဆောင်တွေ၊ အဖိုးတန်လူငယ်လူရွယ်တွေရဲ့ အဖိုးတန် အင်အားတွေ ပြုန်းတီးသွားရတာဟာ လွတ်လပ်ကာစ  နိုင်ငံတစ်ခုအဖို့ ကြီးမားတဲ့ ဆုံးရှုံးမှုပါပဲ။ ဒါ့အပြင် စစ်ရေးအတွက် သုံးလိုက်ရတဲ့ အသုံးစရိတ်တွေဟာ နိုင်ငံတည်ဆောက်ရေးမှာသာ အသုံးချနိုင်ခဲ့မယ် ဆိုရင် တော်တော် တန်ဖိုးရှိမှာပါ။ အခုတော့ လူသတ်တဲ့နေရာမှာ အသုံးပြုခဲ့ရတာကြောင့် ပါလီမန်ဒီမိုကရေစီခေတ်က လွှတ်တော်ထဲမှာ အစိုးရ ဘတ်ဂျက်ကို ‘ပေါရိသာဒဘတ်ဂျက်’ လို့ အမည်ပေးခဲ့ရသည်အထိ ဖြစ်ခဲ့ရပါတယ်။ ဒါ့အပြင် တစ်ဖက်နဲ့တစ်ဖက် တိုက်ခိုက်ကြရင်း ပျက်စီး ဆုံးရှုံး ခဲ့ရတာတွေကလည်း မနည်းပါဘူး။ လူမှုရေးအရကြည့်ရင် လည်းစစ်ဒဏ်ကိုခံနေရတဲ့အတွက် ပညာရေး၊ ကျန်းမာရေး၊ ယဉ်ကျေးမှု  စတဲ့ကဏ္ဍတွေမှာ တိုးတက်သင့်သလောက် မတိုးတက်နိုင်ခဲ့ဘူးဆိုတာတွေ့ခဲ့ရပါတယ်။ ကလေးငယ်တွေ ငြိမ်းချမ်းစွာ ပညာမသင်ကြားနိုင်ခဲ့ခြင်းတို့ဟာ နိုင်ငံရဲ့ ဖွံ့ဖြိုး တိုတက်မှုကို များစွာ အဟန့်အတား ဖြစ်စေခဲ့ပါသည်။

နိုဝင်ဘာ ၁၁ ထုတ် First Weekly အတွဲ (၁) အမှတ် (၂) တွင်ပါသည့် ဆောင်းပါးရှင် စီမံကိန်းဝင်းနိုင်၏ “စစ်မှန်တဲ့ ငြိမ်းချမ်း ရေးသို့” ဆောင်းပါးမှ ကောက်နှုတ်ချက်

***************************************************************************************


Google Docs makes it easy to create, store and share online documents, spreadsheets and presentations.
Logo for Google Docs