Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၂.၁.၂၀၁၂

ဆောင်းပါးကဏ္ဍ

  1. မင်္ဂလာရှိသော ၂၀၁၂နှင့် ကျန်ရှိနေသေးသော ပြုပြင်ပြောင်းလဲမှု

****************************************

ဆောင်းပါးကဏ္ဍ

မင်္ဂလာရှိသော ၂၀၁၂နှင့် ကျန်ရှိနေသေးသော ပြုပြင်ပြောင်းလဲမှု

နှစ်သစ်တစ်ခုသို့ ကူးပြောင်းခဲ့ပါပြီ။ ပြည်သူအများ စောင့်မျှော်နေသည့် မျှော်လင့်ချက်ရောင်ခြည်မှာလည်း တဖြည်းဖြည်း ရုပ်လုံးပေါ်လာပြီ ဖြစ်သည်။ ကုန်လွန်ခဲ့ပြီဖြစ်သော ၂၀၁၁ နှစ်ဟောင်းသည် အပြောင်းအလဲများ ဆက်တိုက်ဖြစ်ထွန်းခဲ့သော နှစ်တစ်နှစ် ဖြစ်ပါသည်။ မျှော်လင့်ချက်မဲ့သွားသော ရွေးကောက်ပွဲ ဖြစ်စဉ်များအပေါ် စိတ်အချဉ်ပေါက်သွားခဲ့သည့်လူထုမှာ အစိုးရသစ်၏ လုပ်ဆောင်ချက်များကြောင့် ကင်းမဲ့သွားသော မျှော်လင့်ချက်များ တဖန်ရှင်သန်လာခဲ့ ပါသည်။ ပြုပြင်ပြောင်းလဲမှုများသည် ပြည်သူများ၏ နိုင်ငံ့အရေးအပေါ် ပိုမိုလာခဲ့ပါသည်။ ဤသည်ပင်လျှင် ဒီမိုကရေစီသစ်ပင် ရှင်သန်ဖို့ ကောင်းမွန်သည့် မျိုးစေ့များပင်ဖြစ်သည်။

နိုင်ငံရေး ဖြစ်ထွန်းပြောင်းလဲမှုများမှာ ထင်မှတ်မထားလောက်အောင်ပင် တစ်နှစ်အတွင်း ဆောင်ရွက်နိုင်ခဲ့သည့်အတွက် အပြောင်းအလဲများတွင် ပါဝင်ခဲ့သည့် Players များ၏ အားထုတ်ကြိုးပမ်းများကို လှိုက်လှိုက်လှဲလှဲချီးကျူး ဂုဏ်ပြုပါသည်။ နိုင်ငံရေးဆိုသည်မှာ ညစ်ပတ်သည်ဟုဆိုခဲ့သည့် အမြင်ထက် နိုင်ငံရေးဆိုသည်မှာ အားလုံးနှင့်သက်ဆိုင်သည့် နိုင်ငံ၏အရေးအရာဖြစ်သည်ဟု ပြည်သူများ ပိုမိုသဘောပေါက်နားလည်လာသည်မှာလည်း ဒီမိုကရေစီစနစ် ရှင်သန်ရေးအတွက် များစွာအထောက်အကူပြုမည့် အခြေခံအတွေးအမြင်များပင် ဖြစ်သည်။ နိုင်ငံတော်ဆိုသည်မှာ လူပုဂ္ဂိုလ်အရောင်အသွေးများ ကင်းမဲ့သည့် နိုင်ငံသားအားလုံး၏ စိတ်ကူးမျှော်မှန်း လူ့အဖွဲ့အစည်းသဏ္ဍန်ဖြင့် ဖြစ်တည်နေသော အရာပင်ဖြစ်သည်။ ယင်းစိတ်ကူးဖြင့်ပင် နိုင်ငံကိုချစ်သည့် အမျိုးသား ရေးစိတ်အခြေခံဖြစ်ထွန်းရသည်။ ထိုအတွက်ကြောင့် နိုင်ငံကိုချစ်သောသူတိုင်းသည် အရောင်အသွေးရှိသည့် လူပုဂ္ဂိုလ်ကို သစ္စာခံခြင်းထက် နိုင်ငံတော် ကိုသာ သစ္စာခံကြသည်။ ယင်းသဘောတရားကို မြန်မာနိုင်ငံ အစိုးရသစ်၏ အုပ်ချုပ်ရေးတွင် တာဝန်ထမ်းဆောင်နေသူ တစ်ချို့၏ လုပ်ရပ်များနှင့် ချိန်ထိုးအကဲဖြတ်ပါက ကွဲလွဲမှုများ ရှိနေသေးသည်။ မူပြောင်း၊ လူမပြောင်းဖြစ်ခဲ့ရသော အုပ်ချုပ်ရေးယန္တရားတွင် ယခင်အာဏာပိုင်စနစ်၏ ဆိုးကျိုးဟုသတ်မှတ်ရမည့် အထက်က အမိန့်မှားမှားမှန်မှန် နာခံကျင့်သုံးသည့်အကျင့်ဆိုးမှာ ယခုအုပ်ချုပ်မှုကာလတွင်လည်း စွဲစွဲမြဲမြဲစူးဝင်နေသည်ကို တွေ့ရသည်။ ယင်းစွဲမြဲစွာ စူးဝင်နေသည့် မပြုပြင်နိုင်သော အကျင့်ဆိုးသည်ပင် နိုင်ငံတော်သမ္မတ ဦးသိန်းစိန်ပြောသည့် ကောင်းမွန်သည့်အုပ်ချုပ်ရေး ဖြစ်လာဖို့ ခဲယဉ်းနေပါဦးမည်။ ဖြတ်သန်းရတော့မည့် ၂၀၁၂ တွင် အုပ်ချုပ်ရေးယန္တရား၏ ယင်းလိုအပ်ချက်ကို တာဝန်ရှိသူများအကြား ညှိနှိုင်းအဖြေရှာလိမ့်မည်ဟု အထူးပင် မျှော်လင့်မိပါသည်။ သို့မှသာ ဒီမိုကရေစီ စနစ်၏ အနှစ်သာရ တစ်ခုဖြစ်သော ဒီမိုကရက်တစ် တာဝန်ခံမှုကို ပြည်သူများ ယုံကြည်သက်ဝင်စေပြီး အစိုးရတစ်ရပ်၏ တရားဝင်မှုလည်း မြင့်မားလာနိုင်ပါမည်။

အစိုးရအုပ်ချုပ်မှုအပြင် နောက်ထပ် နိုင်ငံရေး အင်စတီကျူးရှင်းများဖြစ်သော လွှတ်တော်နှင့် တရားစီရင်ရေးတို့သည်လည်း အပြန်အလှန်ထိန်းကျောင်းမှု ပီပြင်စေမည့် အသက်သွင်းမှုမှာလည်း နိုင်ငံအရေး၏ သိမ်မွေ့သောအနုပညာတစ်ရပ်ပင် ဖြစ်သည်။ အပြန်အလှန်ထိန်းကျောင်းမှု ရှိခြင်းသည်ပင်လျှင် ဒီမိုကရေစီမှာ အခြားနိုင်ငံရေး စနစ်များထက် သဘောတရားရေးအရ အသာစီးရသွားသည့် အခြင်းအရာပင်ဖြစ်သည်။ ၂၀၁၀ရွေးကောက်ပွဲအပြီး လမ်းညှိုးထောင် ခေါင်းညိမ့် လွှတ်တော်ဖြစ်လိမ့်မည့်ဟု ပြည်သူများ ထင်မှတ်ထားခဲ့သော လွှတ်တော်မှာ မေးခွန်းမေးသူက မေး၊ အဆိုတင်သွင်းသူက တင်သွင်းနှင့် အတော် မြိုင်ခဲ့သည်ကို မီဒီယာမျက်နှာစာတွင် တွေ့မြင်ခဲ့ရပြီးဖြစ်သည်။ အတိုက်အခံ အနည်းငယ်သာ ရှိခဲ့သောလွှတ်တော်သည်ပင်လျှင် ထင်မှတ်ထားသည်ထက် ပိုမိုလုပ်ဆောင်သွားနိုင်လျှင် ကြားဖြတ်ရွေးကောက်ပွဲအပြီး အတိုက်အခံအင်အားစုများ အမတ်နေရာ အများစုရရှိသွားပါက ပိုမြိုင်ပိုသွက်သွားနိုင်မည်ဟု ခန့်မှန်၍ ရနိုင်ပါသည်။ မြန်မာနိုင်ငံရေးဖြစ်စဉ်တွင် နောက်ထပ်ပါဝင်လာဦးမည့် Players များအနေဖြင့် ဒီမိုကရေစီအားသာချက်ကို အသုံးချ၍ နိုင်ငံဖွံ့ဖြိုးရေးလမ်းကြောင်း ဆီသို့ ဦးတည်သွားနိုင်သည်ကို ယုံကြည်စေချင်ပါသည်။

နိုင်ငံရေးပြုပြင်ပြောင်းလဲမှုများအပြီးတွင် နောက်ထပ် အရေးတကြီးဆောင်ရွက်ရဦးမည့် ကိစ္စရပ်မှာ စီးပွာရေး ပြုပြင်ပြောင်းလဲမှုများပင် ဖြစ်သည်။ ကမ္ဘာအဆုံးရဲဆုံး နိုင်ငံစာရင်းဝင် နိုင်ငံတစ်ခုတွင် နေထိုင်နေရသည့် ပြည်သူများအဖို့ စီးပွားရေးပြုပြင်ပြောင်းလဲမှုအား မည်မျှလိုလားကြောင်းကို ပြောဆို နေစရာပင် လိုလိမ့်မည်မထင်ပါ။ စီးပွားရေးဘဝ အဆင် ပြေမှုသည် ဒီမိုကရေစီစနစ်ရှင်သန်ဖို့အတွက် လိုအပ်ချက်တစ်ခုပင်ဖြစ်သည်။ သို့သော် ၂၀၁၁ခုနှစ်၌ အစိုးရ၏ စီးပွားရေး ပြုပြင်ပြောင်းလဲမှုများမှာ နိုင်ငံရေးပြုပြင်ပြောင်းလဲမှုများလောက် ဖြစ်ထွန်းမှု မရှိခဲ့ပေ။ ယင်းမှာလည်း စီးပွားရေးဖွံ့ဖြိုးဖို့အတွက် နိုင်ငံရေး ရေခံမြေခံကောင်းကို ပေါ်ဖော်နေရသည့်အတွက်ကြောင့်ပင် ဖြစ်သည်။ ယခုအခါတွင် နိုင်ငံရေးအင်အားစုများကြား ဘုံသဘောတူညီချက်နှင့် တိုင်းရင်းသား လက်နက်ကိုင်များနှင့် ငြိမ်းချမ်းရေးဆွေးနွေးပွဲများကို အရယူနိုင်ခဲ့ပြီဖြစ်ရာ စီးပွားရေးရင်းနှီးမြုပ်နှံမှုအတွက် နိုင်ငံရေးစွန့်စားရမှုကို အနည်းဆုံးဖြစ်သွားပြီဟု တွက်ချက်၍ ရနိုင်ပါသည်။ ထိုအတွက်ကြောင့် ယခု ၂၀၁၂ ခုနှစ်သည် နိုင်ငံ၏ စီးပွားရေးကို စနစ်တကျတည်ဆောက်ရတော့မည့်နှစ် တစ်နှစ်ပင် ဖြစ်သည်။

မြန်မာနိုင်ငံမှာ သဘာဝသံယံဇာတများပေါများပြီး အလွန်နေထိုင်၍ ကောင်းသည့် နိုင်ငံတစ်နိုင်ငံပင် ဖြစ်ပါသည်။ ကမ္ဘာလှည့်ခရီးသည်များ၏ အာရုံကို သိမ်းယူထားနိုင်လောက်အောင် လှလွန်းပါသည်။ သို့သော် အကြောင်းအမျိုးမျိုးကြောင့် မြန်မာနိုင်ငံမှာ ကမ္ဘာ့အလည်တွင် နာမည်ဆိုးဖြင့်ကျော်ကြားခဲ့ရသည်။ ယခုအခါတွင်တော့ ထိုတွင်းနက်ကြီးထဲမှ မြန်မာနိုင်ငံမှာ ထွက်စပြုနေပြီ ဖြစ်သည်။ မြန်မာနိုင်ငံ၏ တိုးတက်ဖွံ့ဖြိုးမှုကို လိုလာသည့် Stake holders များအားလုံး အနေဖြင့် အပြီးတိုင်ရုံးထွက်နိုင်ရန် ယခု မင်္ဂလာရှိသော နှစ်သစ်မှ စတင်ကြိုးပမ်းရမည်ဖြစ်ပါကြောင်း….။

***************************************************************************************                                                                                 

 

 

 


Google Docs makes it easy to create, store and share online documents, spreadsheets and presentations.
Logo for Google Docs

0 comments:

Post a Comment