Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၁၆.၁.၂၀၁၂

ဆောင်းပါးကဏ္ဍ

  1. နိုင်ငံရေးချိန်ခွင်လျှာများ ပြောင်းလဲချိန် မင်္ဂလာသတင်း

*******************************************

ဆောင်းပါးကဏ္ဍ

နိုင်ငံရေးချိန်ခွင်လျှာများ ပြောင်းလဲချိန် မင်္ဂလာသတင်း

ဇန်နဝါရီ ၁၃ သည် မြန်မာတစ်နိုင်ငံလုံးရှိ ပြည်သူအများ ဝမ်းမြောက်ဝမ်းသာဖြစ်စေခဲ့သော နေ့တစ်နေ့ဖြစ်ပါ သည်။ နိုင်ငံတော်သမ္မတကြီး ဦးသိန်းစိန်သည် အကျဉ်းသား ၆၅၁ ဦးအား ပြစ်မှုဆိုင်ရာကျင့်ထုံးပုဒ်မ ၄၀၁ ပုဒ်မ ခွဲ ၁ နှင့်အညီ လွတ်ငြိမ်းချမ်းသာခွင့်ပေးလိုက်ကြောင်း နိုင်ငံပိုင်သတင်းမီဒီယာများက ထုတ်ပြန်ကြေညာလိုက် သည်။

လွတ်မြောက်လာသူများတွင် နိုင်ငံရေးနယ်ပယ်တွင် အထင်ကရ ပုဂ္ဂိုလ်များဖြစ်သော ၈၈ မျိုးဆက် ကျောင်းသားဟောင်းများ ဖြစ်သည့် မင်းကိုနိုင်၊ ကိုကိုကြီး၊ ကိုဌေးကြွယ်တို့လည်းပါသလို တိုင်းရင်းသားခေါင်း ဆောင်တစ်ဦးဖြစ်သည့် ခွန်းထွန်းဦးလို ပုဂ္ဂိုလ်မျိုးလည်း ပါဝင်ပါသည်။ ထို့အပြင် ယခင် တပ်မတော်ဗိုလ်ချုပ်ကြီးဟောင်းနှင့် အစိုးရအဖွဲ့ဝန်ကြီးချုပ်ဟောင်းဖြစ်သူ ဦးခင်ညွှန့် နေအိမ်အကျယ်ချုပ်ကျခံနေရာမှ ပြန်လည် လွတ်မြောက်လာခဲ့သည်။

အစိုးရသစ်၏ လွတ်ငြိမ်းချမ်းသာခွင့်မှာ တနည်းအားဖြင့်ဆိုရလျှင် အားလုံးပါဝင်နိုင်သည့် နိုင်ငံရေးဖြစ်အောင် တနည်း နိုင်ငံရေးချိန်ခွင်လျှာ ညီမျှအောင် အသုံးပြုလိုက်သည့် ကုထုံးတစ်မျိုးဖြစ်သည်။ အလေးထားရမည့် နိုင်ငံရေးစေတနာ မြန်မာနိုင်ငံ၏ နိုင်ငံရေးအပြောင်းအလဲများသည် အတုအယောင်မဟုတ်သည့် စစ်မှန်သည့် အပြောင်း အလဲများဖြစ်သည်ဟု စာရေးသူအနေဖြင့် ယုံကြည်ပါသည်။

နိုင်ငံတော်အကြီးအကဲများသည် ကမ္ဘာနိုင်ငံရေး အပါအဝင် သတင်းနည်းပညာအပြောင်းအလဲများကြောင့် အပြောင်းအလဲကို လုပ်ဆောင်ရန် နိုင်ငံရေးစေတနာ ထက်သန်မှု ရှိနေသော်လည်း အပြောင်းအလဲကို ခုခံသည့် အင်အားစုကြောင့်သော်လည်းကောင်း၊ လူမှုရေး၊ စီးပွားရေး မတည်ငြိမ်မှုဖြစ်ပေါ်လာမည်ကို စိုးရိမ်၍သော်လည်းကောင်း အပြောင်းအလဲကို မရဲတရဲနှင့် ဖြည်းဖြည်းမှန်မှန် လုပ်ဆောင်လျက်ရှိသည်ဟု သုံးသပ်ရပါသည်။

စာရေးသူအနေဖြင့် အလေးထား ယုံကြည်ရသည်ဟု ပြောလိုခြင်းမှာ နိုင်ငံတော် အကြီးအကဲတို့၏ နိုင်ငံရေးစေတနာကိုပင်ဖြစ်ပါသည်။ ဝေဖန်မှုတွေ မြိုင်လာမည် နိုင်ငံရေးအင်စတီကျူးရှင်း များဖြစ်သည့် လွှတ်တော်အတွင်းနှင့် အစိုးရအတွင်း ဝင်ရောက်နေသည့် နိုင်ငံရေးအင်အားစုမှာ တနည်းအားဖြင့် ပြောရလျှင် တရားဥပဒေအရ အာဏာအပ်နှင်းခြင်းခံရသည့် အင်အားစုပင်ဖြစ်သည်။

ထိုအင်အားစုမှာ ၎င်းတို့၏ အဓိက နိုင်ငံရေးအတိုက်အခံဖြစ်သည့် NLD ပါတီအား လွှတ်တော်နိုင်ငံရေးတွင် ပါဝင်လာနိုင်အောင် ဆောင်ရွက်နိုင်ခြင်း၊ ယခု နိုင်ငံရေးအကျဉ်းသားအများစုကို လွတ်ငြိမ်းချမ်းသာခွင့်ပေးခြင်းတို့ကို ဆောင်ရွက် နိုင်ခဲ့သည်။ တနည်းဆိုရလျှင် နောင်တွင် အစိုးရနှင့် အာဏာရပါတီကြီးတို့၏ မူဝါဒရေးရာ အကောင်း၊ အဆိုး အဖြာဖြာကို အဆိုပါ အတိုက်အခံအင်အားစုများက လွှတ်တော်တွင်းရော ၊ လွှတ်တော်ပြင်ပကပါ ဝေဖန်မှုများပိုမို ရှိလာမည်မှာ အသေအချာပင်ဖြစ်သည်။

စီးပွားရေးအခင်းအကျင်းအသစ် အထူးသဖြင့် စီးပွားရေးနှင့် ပတ်သက်သည့် မူဝါဒများတွင် ပိုမိုကောင်းမွန်သည့် ရလဒ်မျိုး တနည်း စီးပွားရေးဖွံ့ဖြိုးမှု ရရှိလာအောင် ဝေဖန်ပြောကြားနိုင်သည့် လမ်းကြောင်းများ ပိုရှိလာမည်ဖြစ်သည်။ နိုင်ငံ၏ စီးပွားရေးအခင်းအကျင်းမှာ ယခင် နိုင်ငံရေးထိပ်သီးအင်အားစုနှင့် ယင်းတို့ မွေးထုတ်ထားရာ စီးပွားရေးသမား များ၏ လက်ထဲတွင် ရှိနေသေးသည်ဟူသော အနေအထားမှ ယတိပြတ်စွန့်ခွာသွားပြီဖြစ်သည်။ နောက်ထပ် ဖြစ်ထွန်းလာမည့် စီးပွားရေးအခင်းအကျင်းမှာ နိုင်ငံသားတိုင်း ဝင်ရောက်ယှဉ်ပြိုင်ခွင့်ရှိသည့် အပြိုင်အဆိုင် လည်းများမည့် အခင်းအကျင်းဖြစ်နိုင်ခြေများသွားပြီဖြစ်သည်။

တနည်းဆိုရလျှင် မြန်မာနိုင်ငံ၏ အနာဂတ်နိုင်ငံရေး အခင်းအကျင်းမှာလည်း တစ်နည်းတစ်ဖုံ ပြောင်းလဲကောင်း ပြောင်းလဲသွားနိုင်သောကြောင့် နောင်ဖြစ်ထွန်း လာတော့မည့် နိုင်ငံရေးအခင်းအကျင်းသည် နိုင်ငံသားတိုင်းဝင်ငွေမြင့်မားရေးနှင့် လူနေမှုအဆင့် အတန်းမြင့်မားရေးကို ဦးတည်ဆောင်ရွက်လာနိုင် ခြင်းကြောင့်ဖြစ်သည်။ နိုင်ငံရေးအကျဉ်းသားများ လွှတ်မြောက်ရေးကို စွဲစွဲမြဲမြဲတောင်းဆိုလာခဲ့သည့် အနောက်နိုင်ငံများ မှလည်း ယခုလို မင်္ဂလာရှိသည့် လုပ်ရပ်အပေါ် အကောင်းမြင်မည်မှာ အသေအချာပင်ဖြစ်သည်။ နိုင်ငံရေးကြောင့် အရေးယူ ပိတ်ဆို့ထားခဲ့သည့် စီးပွားရေးပိတ်ဆို့မှုမှာလည်း နိုင်ငံရေးကြောင့်ပင် ပြန်လည် ရုတ်သိမ်းနိုင်ချေများသွားပြီဟု ဆိုချင်ပါသည်။

ရနိုင်ခဲသော အမျိုးသားညီညွတ်ရေး လွတ်ငြိမ်းချမ်းသာခွင့်ရရှိလာသည့် နိုင်ငံရေးအင်အားစုများမှာ လက်ရှိနိုင်ငံရေး အခင်းအကျင်းကို လေ့လာဖို့ အချိန်ယူရဦးမည်သာဖြစ်သည်။ မည်သို့သော နေရာမှ နိုင်ငံ့အရေးအတွက် ပါဝင်ဆောင် ရွက်ရမည်ကို သုံးသပ်ရပေဦးမည်။ မည်သို့ပင်ဆိုစေ အဆိုပါနိုင်ငံရေးအင်အားစုများမှာ နိုင်ငံဖွံ့ဖြိုးတိုးတက် အောင်ဆောင်ရွက်လိုစိတ် ပြင်းပြသည့် အမျိုးသားရေးအင်အားစုသာဖြစ်ပါသည်။ မြန်မာနိုင်ငံတွင် အမျိုးသားရေးအင်အားစုများကြား ညီညွတ်မှုမရရှိခဲ့သည်မှာ နှစ်ပေါင်းများစွာ ကြာခဲ့ပြီဖြစ်သည်။ ယခု တဖန်ပြန်ရလာပြီ ဖြစ်ရာ ရနိုင်ခဲသော ညီညွတ်ရေးကို နိုင်ငံဖွံ့ဖြိုးရေးတွင် စနစ်တကျ အကောင်အထည်ဖော် ဆောင်ရွက်လိုပြီဖြစ်ပါကြောင်း တိုက်တွန်းပြောကြားလိုပါသည်။

*************************************************************************************

 

 

 

 

 

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs

0 comments:

Post a Comment