Transparency Myanmar

transparency.myanmar@gmail.com

yangonchronicle2011
yangonchronicle2011

၁၈.၂.၂၀၁၂

ပြည်တွင်းသတင်းများ

  1. Maxဆီဆိုင် ငွေသိမ်းယာဉ် သိမ်ဖြူမီးပွိုင့်တွင် ငွေသိန်းရာချီ အလုခံရ
  2. လာမည့် ၂၀၁၃-၂၀၁၄ ဘဏ္ဍာနှစ်မှသာ လုပ်ခလစာများ တိုးမြှင့်ရန် အဆိုတင်သွင်း
  3. အထူးစီးပွားရေးနှင့် ရန်ကုန်ရေနက်ဆိပ်ကမ်း ပူးတွဲဆောင်ရွက်မည်

ပြည်တွင်းပါတီ၊ နိုင်ငံရေးသတင်းများ

  1. ပယ်ဖျက်ခံပါတီနှစ်ခုမှ တစ်သီးပုဂ္ဂလအဖြစ် ကြားဖြတ်ရွေးကောက်ပွဲဝင်မည်
  1. NLD ပါတီဝင်ပောာင်းတစ်ဦး တစ်သီးပုဂ္ဂလအဖြစ် ကြားဖြတ်ဝင်ရောက်ယှဉ်ပြိုင်မည်

 သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

Maxဆီဆိုင် ငွေသိမ်းယာဉ် သိမ်ဖြူမီးပွိုင့်တွင် ငွေသိန်းရာချီ အလုခံရ

ဖေဖော်ဝါရီလ ၁၆ရက်နေ့ ရန်ကုန်မြို့တွင်ဖွင့်လှစ်ရောင်းချနေသည့် Max’s ဆီဆိုင်များထံမှလိုက်လံ၍ ငွေသိမ်းသည့်ကားပေါ်မှ ငွေသိန်းပေါင်း ၃၂၅သိန်းပါအထုပ်တစ်ထုပ်အား လုယူထွက်ပြေးသွားသည့် လုယက်မှုတစ်ခု သိမ်ဖြူမီးပွိုင့်တွင် ဖြစ်ပွားခဲ့ကြောင်း မျက်မြင်သက်သေတစ်ဦး၏ ပြောကြားချက်အရ သိရသည်။

“အဲဒီကားက မက်စ်ဆီဆိုင်တွေကနေ ငွေလိုက်သိမ်းတဲ့ကားလို့တော့ ပြောသံကြားရတယ်။ အလုံဘက်ကနေပတ်ပြီး ငွေလိုက်သိမ်းပြီး ပြန်လာတာလို့ ကြားတယ်။ သိမ်ဖြူမီးပွိုင့်မှာ မီးပွိုင့်မိလို့ ရပ်နေတာ။ အဲဒါကို မီးပွိုင့်လမ်းဆုံမှာ ရပ်စောင့်နေတဲ့ လူနှစ်ယောက်က အနောက်မှာ ထားထားတဲ့ ငွေထုတ်ကို ယူပြီးပြေးသွားတာ။ သူတို့က ကားမပါဘူး။ တက္ကစီငှားပြီး ထွက်ပြေးသွားတာ။ ယူပြေးသွားတာကို ငွေသိမ်းတဲ့ကားပေါ်က လူ သုံးယောက်လုံးက မသိဘူး။ နောက်ကနေ ကျော်တတ်လာတဲ့ကားက လူပြောတော့မှ သိရတာ။ ပိုက်ဆံပမာဏကတော့ တော်တော်များတယ် ထင်တယ်။ သူတို့ ပြောတာကြားရတာတော့ သိန်းပေါင်း ၃၂၅သိန်းလို့ကြားတယ်”ဟု ယင်းဖြစ်စဉ်အား မြင်တွေ့လိုက်သူတစ်ဦးက ပြောကြားသည်။

ထိုသို့ Max’s ဆီဆိုင်များမှ လိုက်လံ၍ ပိုက်ဆံသိမ်းသောကားသည် Light Truck ကားအမျိုးအစားဖြစ်ပြီး ရှေ့ခန်းတွင်သာ လူသုံးယောက် ရှိသည်ဟုလည်း သိရသည်။ ထို့ပြင် လုယက်ရန်အတွက် အစီအစဉ်ချထားသည့် လူနှစ်ယောက်သည် နောက်မှ ငွေကျပ်သိန်းပေါင်း ၃၂၅သိန်းပါ ပိုက်ဆံထုတ် တစ်ထုပ်အားယူ၍ တက္ကစီတစ်စီးဖြင့် ထွက်ပြေးသွားသည်ဟု ၎င်းက ဆက်လက်ပြောကြားသည်။

ထိုလုယက်မှုနှင့် ပတ်သက်၍ သက်ဆိုင်ရာမြို့နယ်မှ တာဝန်ရှိသူများက တက္ကစီသမားနှင့် တွေ့ဆုံမေးမြန်းရာ တက္ကစီသမားမှ ထိုလုယက်မှု ပြုလုပ်ခဲ့သည့် လူနှစ်ယောက်၏ ပုံပန်းသဏ္ဍာန်အား ပြောပြခဲ့ပြီး သုဝဏ္ဍတွင်ဆင်းသွားခဲ့ကြောင်း ပြောကြားသောကြောင့် တာဝန်ရှိသူများမှ ထိုလူများ၏ ရုပ်ပုံအားပန်းချီဆွဲ၍ ယင်းအမှုအား ဆောင်ရွက်ဖော်ထုတ်နေပြီဖြစ်ပြီး ယင်းကဲ့သို့ လုယက်မှုဖြစ်ပွားရခြင်းမှာ အတွင်းလူတစ်ယောက်နှင့် ပေါင်း၍ အစောကတည်းမှ အစီအစဉ်ချ၍ လုပ်တာဖြစ်မည်ဟု Max ဓာတ်ဆီဆိုင်မှ ဝန်ထမ်းတစ်ဦးမှ ပြောကြားသည်။

ATM

-----------------------------------------------------------------------------------------------------------------------------------

လာမည့် ၂၀၁၃-၂၀၁၄ ဘဏ္ဍာနှစ်မှသာ လုပ်ခလစာများ တိုးမြှင့်ရန် အဆိုတင်သွင်း

၂၀၁၂ ဖေဖော်ဝါရီ ၁၆ ရက်နေ့၌ ပြုလုပ်ခဲ့သည့် ပြည်ထောင်စု လွှတ်တော်အစည်းအဝေး ၁၂ ရက်မြောက်နေ့တွင် ဘဏ္ဍာရေးနှင့် အခွန် ဝန်ကြီးဌာနမှ တာဝန်ရှိသူတစ်ဦးက နိုင်ငံဝန်ထမ်းများ၏ လစာ၊ လုပ်ခများ တိုးမြှင့်ပေးနိုင်ရန် လိုအပ်သည့် ကြိုတင်ပြင်ဆင်မှုများ ပြီးမြောက်စေရန် ဆောင်ရွက်ပြီး ၂၀၁၃-၂၀၁၄ ဘဏ္ဍာရေး နှစ်မှသာ ဝန်ထမ်းလစာ တိုးမြှင့် ရေးဆောင်ရွက်သင့်ကြောင်း အဆိုတင်သွင်းခဲ့သည်။

                လာမည့် ၂၀၁၃-၂၀၁၄ ဘဏ္ဍာရေးနှစ်မှသာ နိုင်ငံဝန်ထမ်းများ၏ လစာ၊ လုပ်ခတိုးမြှင့်ပေးရေးနှင့် ပတ်သက်၍ ဘဏ္ဍာရေးနှင့် အခွန် ဝန်ကြီးဌာနမှ တာဝန်ရှိသူတစ်ဦးက နိုင်ငံသားများ ဝန်ထမ်းများ၏ လုပ်ခ၊ လစာနှင့် ချီးမြှင့်ငွေများကို လာမည့်ဘဏ္ဍာရေးနှစ်အစတွင် မဖြစ်မနေတိုး မြှင့်ပေးရေး” အဆိုမှာ ပြည်ထောင်စုအစိုးရမှ အကောင်အထည်ဖော်ဖို့ စဉ်းစားနေတဲ့ကိစ္စ ဖြစ်သလို နိုင်ငံ့ဝန်ထမ်းများအတွက်လည်း ဆောင်ရွက် ပေးသင့်တဲ့ကိစ္စဖြစ်လို့ ကြိုဆိုပါကြောင်း၊ နိုင်ငံတော်အနေနဲ့ ပုဂ္ဂလိကပိုင်အခန်းကဏ္ဍရဲ့ ပါဝင်မှုအချိုးကို တိုးတက်အောင် ဆောင်ရွက်သွားဖို့ ရည်မှန်းထားတဲ့အတွက် နိုင်ငံ့ဝန်ထမ်းများရဲ့ လစာ၊ လုပ်ခတိုးမြှင့်မှုဟာ ပုဂ္ဂလိကကဏ္ဍမှာရှိတဲ့ အလုပ်သမားများအပေါ်လည်း အကျိုးသက်ရောက်မှု ရှိနိုင်တာကြောင့် ပုဂ္ဂလိကကဏ္ဍမှာရှိတဲ့ လုပ်ခ၊ လစာအခြေအနေအပြင် ပြည်သူလူထုတစ်ဦးချင်းရဲ့ ပျမ်းမျှဝင်ငွေဟာ ဖြစ်ပေါ်လာမယ့် အခြေအနေနဲ့ လိုက်လျောညီထွေရှိရန်ကိုလည်း ထည့်သွင်းစဉ်းစားဖို့ လိုအပ်မည်ဖြစ်ကြောင်း ပြောကြားခဲ့သည်။

နိုင်ငံဝန်ထမ်း လစာတိုးမြှင့်ရေးအတွက် ၎င်းမှဆက်လက်၍ “၀န်ထမ်းလစာ တိုးပေးရေးကိစ္စ ဆောင်ရွက်ရာမှာလည်း နိုင်ငံတော်ရဲ့ စီမံခန့်ခွဲမှု စနစ် အကောင်းဆုံးအနေအထားကို ရောက်ရှိစေဖို့ အဓိကလိုအပ်ပါတယ်။ အဲဒီလို ရောက်ရှိ နိုင်ရန်မှာ နိုင်ငံတကာမှ ဆောင်ရွက်တဲ့ နည်းလမ်းများကို စံနမူနာထားပြီး ပြည်တွင်း၊ ပြည်ပမှ ပညာရှင်များနှင့် အစိုးရဌာနမှ ပညာရှင်များပါဝင်တဲ့အဖွဲ့ကို ဖွဲ့စည်းရမှာဖြစ်ပါတယ်။ အဲဒီအဖွဲ့အနေနဲ့ အမျိုးသား စီမံကိန်း ရည်မှန်းချက်များ အောင်မြင်စွာ အကောင်အထည်ဖော် ဆောင်ရွက်မှုကို အခြေခံပြီး နိုင်ငံ့ဝန်ထမ်းများရဲ့ လစာတိုးမြှင့်ရေး အစီရင်ခံစာများ အပေါ် သုံးသပ်ပြီးတော့ နိုင်ငံ့ဝန်ထမ်းများရဲ့ လုပ်ခ၊ လစာနှင့် ချီးမြှင့်ငွေများ တိုးမြှင့်ပေးရေးကို ဆောင်ရွက်ပေးသွားရမှာ ဖြစ်ပါတယ်။ လတ်တလော ဆောင်ရွက်မှုကို ၂၀၁၂-၂၀၁၃ ဘဏ္ဍာရေးနှစ်မှာ ဆောင်ရွက်မယ်ဆိုရင် ပိုမိုကုန်ကျလာမယ့် လစာနှင့် အခြားအသုံးစရိတ်တွေ များပြားလာမှာဖြစ်လို့ နိုင်ငံတော်ရဲ့ ဘတ်ဂျက်မှာ အခက်အခဲတွေ့လာနိုင်မှာဖြစ်ပါတယ်။ သို့ပါ၍ နိုင်ငံ့ဝန်ထမ်းများရဲ့လစာ၊ လုပ်ခများ တိုးမြှင့်ပေးနိုင်ဖုိ့ လိုအပ်တဲ့ ကြိုတင် ပြင်ဆင်မှုများ ပြီးမြောက်အောင် ဆောင်ရွက်ပြီးနောက် ၂၀၁၃-၂၀၁၄ ဘဏ္ဍာရေးနှစ်မှသာ နိုင်ငံ့ဝန်ထမ်းများရဲ့ လစာ၊ လုပ်ခများ တိုးမြှင့်ရေးကို ဆောင်ရွက်သင့်ပါကြောင်းနှင့် ဝေးလံခေါင်သီဒေသများမှာ တာဝန်ထမ်းဆောင်နေကြတဲ့ ဝန်ထမ်းများကို ငဲ့ညှာထောက်ထားသောအားဖြင့် ၄င်းတို့ရဲ့ ဒေသစရိတ်နှုန်းထားများကို ၂၀၁၂-၂၀၁၃ ဘဏ္ဍာရေးနှစ်တွင် စတင်တိုးမြှင့်ပေးနိုင်ရန် ညှိနှိုင်းဆောင်ရွက်ပေး သွားမည်ဖြစ်ကြောင်း ပြောကြားခဲ့သည်။

၎င်း ကိစ္စရပ်နှင့် ပတ်သက်၍ နိုင်ငံဝန်ထမ်း တစ်ဦးက “ဝန်ထမ်းတွေရဲ့ အခြေခံလစာတွေကို တိုးမြှင့်ပေးမယ် ဆိုတဲ့ကိစ္စကို ကြိုဆိုပါတယ်။ ဒီလို တိုးမြှင့်ဆောင်ရွက်ပေးလိုက်တဲ့အခါမှပဲ ကျွန်တော်တို့နိုင်ငံမှာ လက်ရှိဖြစ်နေတဲ့ အကျင့် ပျက်ခြစားမှုတွေ လျော့ကျသွားနိုင်မှာပါ”ပာု ပြောကြားခဲ့သည်။

YC

-----------------------------------------------------------------------------------------------------------------------------------

အထူးစီးပွားရေးနှင့် ရန်ကုန်ရေနက်ဆိပ်ကမ်း ပူးတွဲဆောင်ရွက်မည်

လက်ရှိဆောင်ရွက်လျက်ရှိသည့် ရန်ကုန်ရေနက်ဆိပ်ကမ်းအား အထူးစီးပွားရေးဇုန်နှင့် ပူးတွဲ၍ ဆောင်ရွက်သွားမည်ဖြစ်ကြောင်း အမျိုးသား စီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။

လက်ရှိအချိန်တွင် ရန်ကုန်ရေနက်ဆိပ်ကမ်း၌ တန်ချိန်နှစ်သောင်းခန့်ရှိသည့် သဘောင်္များ ဝင်ထွက်သွားလာလျက်ရှိပြီး သင်္ဘောများ ပိုမို ဝင်ထွက်သွားလာနိုင်ရန် အထူးစီးပွားရေးဇုန်နှင့်အတူ ပူးတွဲဆောင်ရွက်သွားမည်ဖြစ်ကြောင်း သိရသည်။

ယခုကဲ့သို့ အထူးစီးပွားရေးဇုန်နှင့် ရန်ကုန်ရေနက်ဆိပ်ကမ်း ပူးတွဲဆောင်ရွက်ရာတွင် ရေနက်ဆိပ်ကမ်းနှင့်အတူ ကျောက်တန်းမြို့နယ် တောင်ဘက်ပိုင်းရှိ နယ်မြေအား ပြည်တွင်းရှိ လုပ်ငန်းရှင်များပါဝင်သည့် အများပိုင်ကုမ္ပဏီ ထူထောင်ကာ နိုင်ငံခြားကုမ္ပဏီများဖြင့် ဖက်စပ် ဆောင်ရွက်သွားမည်ဖြစ်ကြောင်း သိရသည်။

သီလဝါ စက်မှုဇုန် တည်ဆောက်ရန် လျာထားသည့် နယ်မြေများတွင် ဂျပန်၊ ကိုရီးယား၊ တရုတ်၊ စင်္ကာပူ၊ ထိုင်း၊ မလေးရှားနှင့် အခြားနိုင်ငံများမှ ရင်းနှီးမြှုပ်နှံလိုသူများ၊ ၎င်း စက်မှုဇုန်များတွင် ရင်းနှီးမြှုပ်နှံလိုသည့် မြန်မာနိုင်ငံရှိ ပြည်တွင်း လုပ်ငန်းရှင်များနှင့်အကျိုးတူ ပူးပေါင်းဆောင်ရွက်သွားမည် ဖြစ်ကြောင်း သိရသည်။

ထို့ပြင် ၂၀၁၂ ဖေဖော်ဝါရီလ ၅ ရက်နေ့၌ သက်ဆိုင်ရာတာဝန်ရှိသူများက လက်ရှိ အကောင်အထည်ဖော် ဆောင်ရွက်လျက်ရှိသည့် သီလဝါ စက်မှုစီမံကိန်းတွင် လျှပ်စစ်ဓာတ်အား ဖြန့်ဖြူးပေးနိုင်ရန် 230/33 KV(100 MVA) ဓာတ်အားခွဲရုံ တည်ဆောက်နိုင်ရန် သက်ဆိုင်ရာ မြေပိုင်ရှင်များနှင့် တွေ့ဆုံဆွေးနွေးညှိနှိုင်းမှုများ ပြုလုပ်ခဲ့ကြောင်း သိရသည်။

ပြည်တွင်း၌ ဂျပန်ကုမ္ပဏီများမှ သီလဝါအထူးစက်မှုဇုန် စီမံကိန်းများတွင် စီးပွားရေး ရင်းနှီးမြှုပ်နှံမှုများ ပြုလုပ်ရန် သက်ဆိုင်ရာ တာဝန်ရှိသူ များနှင့် လာရောက်ဆွေးနွေးမှုများ ပြုလုပ်ခဲ့ကြောင်း သိရသည်။

YC

 *****************************************

ပြည်တွင်းပါတီ၊ နိုင်ငံရေးသတင်းများ

ပယ်ဖျက်ခံပါတီနှစ်ခုမှ တစ်သီးပုဂ္ဂလအဖြစ် ကြားဖြတ်ရွေးကောက်ပွဲဝင်မည်

ဖေဖော်ဝါရီလ ၇ ရက်နေ့တွင် ပြည်ထောင်စုရွေးကောက်ပွဲကော်မရှင်၏ ပယ်ဖျက်ခြင်းခံခဲ့ရသည့် ပါတီနှစ်ခုမှ ပုဂ္ဂိုလ်များ ယခုလာမည့် ကြားဖြတ်ရွေးကောက်ပွဲတွင် တစ်သီးပုဂ္ဂလအဖြစ် ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။

ပြည်ထောင်စုရွေးကောက်ပွဲကော်မရှင်၏ ပယ်ဖျက်ခြင်းခံခဲ့ရသည့် ပါတီနှစ်ခုမှာ ဒီမိုကရက်တစ် မပာာမိတ်များပါတီနှင့် ၈၈ ပြည်သူ့အင်အားစု ပါတီတို့ဖြစ်ပြီး ၎င်း ပါတီများမှ ဧပြီလ ၁ ရက်နေ့၌ ကျင်းပမည့် လွှတ်တော်တွင်း လစ်လပ်နေရာ ပြန်လည်ဖြည့်တင်းမည့် ကြားဖြတ်ရွေးကောက်ပွဲ ဝင်ရောက်ယှဉ်ပြိုင်မည့် ကိုယ်စားလှယ်လောင်းအမည်စာရင်း တင်သွင်းရန် နောက်ကျသွားသည့်အတွက် ပယ်ဖျက်ခံရခြင်းဖြစ်ကြောင်း သိရသည်။

လက်ရှိအချိန်တွင် ပယ်ဖျက်ခံပါတီနှစ်ခုမှ တစ်သီးပုဂ္ဂလအဖြစ် ကြားဖြတ်ရွေးကောက်ပွဲဝင်မည့် ကိုယ်စားလှယ်လောင်း ၃ ဦးအထိ ရှိနေပြီး ၎င်း ၃ ဦးမှ ပူးတွဲ၍ ကြားဖြတ်ရွေးကောက်ပွဲမတိုင်မီ ပောာပြောပွဲများ ပြုလုပ်ရန် စီစဉ်လျက် ရှိကြောင်း သိရသည်။

        ၂၀၁၂ ဖေဖော်ဝါရီလ ၇ ရက်နေ့တွင် ပြည်ထောင်စုရွေးကောက်ပွဲကော်မရှင်မှ ဒီမိုကရက်တစ်ပါတီနှင့် ၈၈-ပြည်သူ့အင်အားစု ပါတီတို့အား ကြေညာချက်အမှတ်(၁၀/၂၀၁၂) ဖြင့် နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၁၂(ခ) အရ နိုင်ငံရေးပါတီအဖြစ် မှတ်ပုံတင်ခွင့်ပြု ထားခြင်းကို ပယ်ဖျက်ကြောင်း ကြေညာခဲ့သည်။

YC

-----------------------------------------------------------------------------------------------------------------------------------

NLD ပါတီဝင်ပောာင်းတစ်ဦး တစ်သီးပုဂ္ဂလအဖြစ် ကြားဖြတ်ဝင်ရောက်ယှဉ်ပြိုင်မည်

အမျိုးသားဒီမိုကရေစီအဖွဲ့ချုပ်(NLD) ပါတီဝင်ပောာင်းတစ်ဦးဖြစ်သည့် ဒေါ်မြင့်မြင့်အေးမှ ဧပြီလ ၁ရက်နေ့၌ ကျင်းပမည့် ကြားဖြတ် ရွေးကောက်ပွဲများတွင် မိတ္ထီလာမြို့နယ်မှ ပြည်သူ့လွှတ်တော် တစ်သီးပုဂ္ဂလကိုယ်စားလှယ်လောင်းအဖြစ် ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။

ကြားဖြတ်ရွေးကောက်ပွဲ၌ ဝင်ရောက်ယှဉ်ပြိုင်မည့် ကိစ္စရပ်နှင့်ပတ်သက်၍ တစ်သီးပုဂ္ဂလကိုယ်စားလှယ်လောင်း ဒေါ်မြင့်မြင့်အေးမှ ၂၀၁၂ ဖေဖော်ဝါရီလ ၁၅ ရက်နေ့၌ မပာာဗန္ဓုလပန်းခြံလမ်းရှိ Mr.Brown ကော်ဖီဆိုင်တွင် သတင်းစာရှင်းလင်းပွဲ ပြုလုပ်ခဲ့ကြောင်း သိရသည်။

၎င်း သတင်းစာရှင်းလင်းပွဲ၌ ဒေါ်မြင့်မြင့်အေးက “ကျွန်မဝင်ပြိုင်မယ့်နေရာမှာ ကြံ့ခိုင်ရေးကလည်း ပါတီအကြီးကြီးပါ။ NLD ကလည်း ပါတီအကြီးကြီးပါ။ ကျွန်မ ပါတီဝင်ပြိုင်တဲ့အတွက် ဘာကိုမှလျှော့တွက်လို့မရပါဘူး”ပာု ပြောကြား ခဲ့သည်။

ထို့ပြင် ယခုလာမည့် ကြားဖြတ်ရွေးကောက်ပွဲတွင် တစ်သီးပုဂ္ဂလအဖြစ် ရွေးကောက်ပွဲဝင်ရောက်ရာတွင် မည်သည့်ပါတီကြီးများ၏ စည်းရုံးမှု မျိုးကိုမျှ လက်ခံမည်မပာုတ်ဘဲ  ကိုယ်ပိုင်ငွေဖြင့်သာ စည်းရုံးရေးလုပ်ငန်းစဉ်များကို လုပ်ဆောင်သွားမည်ဖြစ်ပြီး ကြားဖြတ်ရွေးကောက်ပွဲ ယှဉ်ပြိုင်အနိုင် ရရန် ယုံကြည်မှုအပြည့်ရှိကြောင်း ပြည်သူ့လွှတ်တော် တစ်သီး ပုဂ္ဂလကိုယ်စားလှယ်လောင်း ဒေါ်မြင့်မြင့်အေးက ပြောကြားခဲ့သည်။

အမျိုးသားဒီမိုကရေစီအဖွဲ့ချုပ်(NLD) ပါတီဝင်ပောာင်းတစ်ဦးဖြစ်သူ ဒေါ်မြင့်မြင့်အေးသည် ၁၉၈၉ ခုနှစ်တွင် NLD ပါတီသို့ ဝင်ရောက်ခဲ့ပြီး ယခုလာမည့် ကြားဖြတ်ရွေးကောက်ပွဲတွင် တစ်သီးပုဂ္ဂလအဖြစ် ဝင်ရောက်ယှဉ်ပြိုင်ရန် ပြည်ထောင်စု ရွေးကောက်ပွဲသို့ လျှောက်ထားခဲ့ရာတွင် ပြည်ထောင်စု ရွေးကောက်ပွဲကော်မရှင်မှ ဖေဖော်ဝါရီလ ၁၃ ရက်နေ့တွင် ခွင့်ပြုမိန့်ချပေးခဲ့ကြောင်း သိရသည်။

၂၀၁၂ ဧပြီလ ၁ ရက်နေ့၌ ပြုလုပ်မည့် ကြားဖြတ်ရွေးကောက်ပွဲများတွင် မန္တလေးတိုင်းဒေသကြီး၊ မိတ္ထီလာ မြို့ နယ်မှဝင်ရောက်ယှဉ်ပြိုင်ကြမည့် ကိုယ်စားလှယ်လောင်းများနှင့် ပါတီများမှာ အမျိုးသားဒီမိုကရေစီအဖွဲ့ချုပ်(NLD) ပါတီမှ ဦးဝင်းထိန်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဦးလှမြင့်၊ အမျိုးသားနိုင်ငံရေး မပာာမိတ်များအဖွဲ့ချုပ်မှ ဦးဝင်းဇော်နှင့် တစ်သီးပုဂ္ဂလကိုယ်စားလှယ်အဖြစ် ဒေါ်မြင့်မြင့်အေးမှ ဝင်ရောက်ယှဉ်ပြိုင် သွားမည် ဖြစ်ကြောင်း သိရသည်။

YC

 ****************************************

သတင်းနှင့် ဆောင်းပါးများမှ ကောက်နှုတ်ချက်များ

“တကယ်စစ်မှန်တဲ့ ပြည်ထောင်စုကြီးတစ်ခု ထူထောင်နိုင်မယ်ဆိုတာ ကျွန်မတို့ ယုံကြည်နိုင်တဲ့အဆင့်ကို ကျွန်မတို့ ယုံကြည်နိုင်တဲ့ အဆင့်ကို ရောက်လာပါတယ်။ ဘာဖြစ်လို့လဲဆိုတော့ ကျွန်မတို့ဟာ အခက်အခဲအမျိုးမျိုးကို အတူပဲရပ်ဆိုင်ခဲ့ပါတယ်။ ၁၉၉၀ ရွေးကောက်ပွဲတွေမှာ ရွေးချယ် တင်မြှောက်ခံရတဲ့ တိုင်းရင်းသားအဖွဲ့အစည်း အတော်များများဟာ ၁၉၉၀ နောက်ပိုင်းမှာ ဖျက်သိမ်းခံရပါတယ်။ ဒါပေမယ့်လို့ ကျွန်မတို့ဟာ ပြည်သူ့ ကိုယ်စားလှယ် လွှတ်တော်ကိုယ်စားလှယ် ပြုကော်မတီအနေနဲ့ ဒီတိုင်းရင်းသားအဖွဲ့အစည်းတွေနဲ့ ခိုင်ခိုင်မာမာ မဟာမိတ်များအနေနဲ့ ကျွန်မတို့ ရပ်တည်ခဲ့ပါတယ်။ အဲဒီလို ခက်ခဲတဲ့ကာလတွေမှာ ကျွန်မတို့ရဲ့ အကောင်းဆုံး၊စိတ်အချရဆုံး မဟာမိတ်တွေဟာ ဒီတိုင်းရင်းသား အဖွဲ့အစည်းတွေပဲ ဖြစ်ပါတယ်။ ဒါကြောင့်မို့လို့ တကယ့်ကို ခိုင်မာတဲ့ညီညွတ်တဲ့ ပြည်ထောင်စုကြီး ထူထောင်နိုင်ဖို့ဆိုတာဟာ အိမ်မက်တစ်ခုမဟုတ်ဘူး။ တကယ်လက်တွေ့ ကျကျ ဖြစ်နိုင်တယ်ဆိုတာ ကျွန်မတို့ရဲ့ အတွေ့အကြုံတွေက ကျွန်မတို့ကို သင်ပေးခဲ့ပါတယ်”

ဖေဖော်ဝါရီ ၁၇ ထုတ် BiWeeklyELEVEN အတွဲ (၄) အမှတ် (၄၆) တွင်ပါသည့် “စစ်မှန်သည့် ပြည်ထောင်စုကြီး တစ်ခုထူထောင်နိုင်မည် ဆိုသည်ကို ယုံကြည်နိုင်သည့်အဆင့် ရောက်လာပြီဖြစ်ကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ပြောကြား” သတင်းမှ ကောက်နှုတ် ချက်

-----------------------------------------------------------------------------------------------------------------------------------

“သူတို့က စီးပွားရေးနဲ့ဝင်လာတော့ အပေါင်းအသင်းကလည်း ကောင်းတယ်မဟုတ်လား။ သူတို့က တိုင်းရင်းသားတွေထက် သာတယ်။ ဆိုင်တွေမှာပါ ရေးပြီး သုံးစွဲလာတာပေါ့။ အခုအထိလည်း မူဆယ်လို နယ်စပ်မြို့မှာ ရှမ်းစာနဲ့ဖော်ပြတာ လုံးဝမရှိဘူး။ မြန်မာစာရယ်၊ တရုတ်စာရယ် ပူးတွဲဖော်ပြတယ်။ ဆိုင်တော်တော်များများကလည်း တရုတ်စာတွေနဲ့ ဖြစ်လာတယ်။ တိုင်းရင်းသား ဘာသာစကားကတော့ ပျောက်သလောက်ပေါ့။ တိုင်းရင်းသား ဘာသာစကားသင်ရင်၊ ဖော်ပြရင် အမျိုးသားရေး စိတ်ဓာတ်ရှိတယ်၊ ကျဉ်းမြောင်းတယ်လို့ အမြင်ရှိကြတယ်။ တိုင်းရင်းသားကို ကြောက်တယ်။ တရုတ်ကို တော့ မကြောက်ဘူး။ ရှမ်းရွာတွေဆိုလည်း အရင်က ရှမ်းစာနဲ့ နာမည်ရေးကြတယ်။ အခုတော့ မြန်မာစာနဲ့ပဲ ရေးထားကြ တယ်”

ဖေဖော်ဝါရီ ၁၇ ထုတ် BiWeeklyELEVEN အတွဲ (၄) အမှတ် (၄၆) တွင်ပါသည့် “မြန်မာနိုင်ငံမှာ တရုတ်ဘာသာ စကားက တရားဝင်ဒုတိယ နိုင်ငံခြား ဘာသာစကားဖြစ်လာတော့မှာလား” သတင်းမှ  ရန်ကုန်ရှမ်းစာပေနှင့် ယဉ်ကျေးမှုကော်မတီမှ တာဝန်ရှိသူတစ်ဦး၏ ပြောကြားချက်အပေါ် ကောက်နှုတ်ချက်

----------------------------------------------------------------------------------------------------------------------

”အုပ်ချုပ်ရေးက လွှမ်းမိုးသော တရားစီရင်ရေးစနစ် ရှေ့လာမယ့် အနာဂတ်မှာ ရှိတော့မှာ မဟုတ် ဘူး။ တည်ဆဲဥပဒေအရ တရား စီရင်ရေးလုပ်ငန်းမှာ ပါဝင်ပတ် သက်နေတဲ့ တရားသူကြီးတွေ၊ ဥပဒေဝန်ထမ်းတွေ၊ ရှေ့နေတွေနဲ့ အမှုလိုက် အမှုပွဲစားတွေအပါအဝင် သက်သေ ဆင့်ခေါ်သူများကိုပါ အဂတိ လိုက်စားရင် ထိထိရောက်ရောက် အရေးယူသွားမှာ ဖြစ်ပါတယ်။  ဒီလိုမှ ဟန့်တားလို့ မရရင် လွှတ်တော်ကို ဥပဒေကြမ်းတစ်ခု ရေးဆွဲပြီး တင်ပြသွား မှာပါ”

ဖေဖော်ဝါ၇ီ ၁၆ ထုတ် Popular News အတွဲ (၄) အမှတ် (၇) တွင်ပါသည့် “အဂတိလိုက်စားမှု နောက်ထပ်မရှိ ရေးနှင့် ရှိနေဦးမည်ဆိုပါက ဥပဒေကြမ်း ရေးဆွဲကာ လွှတ်တော်သို့တင်ပြမည်” သတင်းမှ ပြည်သူ့လွှတ်တော်၊ တရားစီရင်ရေးနှင့် ဥပဒေရေးရာကော်မတီ ဥက္ကဋ္ဌ သူရဦးအောင်ကို၏ ပြောကြား ချက်ကို ကောက်နှုတ်ချက်

**************************************

 


Google Docs makes it easy to create, store and share online documents, spreadsheets and presentations.
Logo for Google Docs

0 comments:

Post a Comment