Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၃၁.၇.၂၀၁၂

ဆောင်းပါးကဏ္ဍ

  1. မြန်မာ့နွေဦးစိန်ခေါ်မှုနှင့် ဒုတိယလှိုင်း

*****************************************

ဆောင်းပါးကဏ္ဍ

မြန်မာ့နွေဦးစိန်ခေါ်မှုနှင့် ဒုတိယလှိုင်း

မှူးဇော်

(ဇူလိုင် ၃၀ရက်နေ့ထုတ် ရန်ကုန်တိုင်းမ်ဂျာနယ် အတွဲ(၈) အမှတ်(၂၉)မှ ထုတ်ယူဖော်ပြချက်။)

မြန်မာနွေဦး နိဒါန်းအစ

နိုင်ငံတော်သမ္မတနှင့်ဒေါ်အောင်ဆန်းစုကြည်တို့ ဗိုလ်ချုပ်အောင်ဆန်း ဓာတ်ပုံအောက်မှ တွေ့ဆုံပွဲသည်ပင် မြန်မာ့ နွေဦးနိဒါန်းဖြစ်ကြောင်း အချို့က ဆိုကြသည်။ အချို့ကလည်း နိုင်ငံတော်သမ္မတကြီး၏ ရာထူးလက်ခံ ကတ်သစ္စာပြုပွဲသည်ပင် မြန်မာနွေဦးသည်ကား ပုရစ်ဖူးတို့တစ်ဝေဝေ ဖြစ်နေသည်မှာ နိုင်ငံတကာမှ လက်ခံထားသော အမှန်တရားဟု ဆိုကမှာမည်မထင်ပေ။ ကမ္ဘောဒီးယားနိုင်ငံ၌ ပြောကြားခဲ့သော သမ္မတကြီး၏ မိန့်ခွန်း တွင် ခြေလှမ်းတိုင်းကို သတိကြီးကြီးထားပြီး လှမ်းနေရသည်။ အကြောင်းမှာ ဒီမိုကရေစီ အတွေ့အကြုံများ အားနည်းခဲ့ခြင်းကြောင့် မြန်မာ့ဒီမိုကရက် တိုက်ဇေးရှင်းတွင် အမှာမခံနိုင်သောသဘောမျိုး ပြောသွားခဲ့သည်ကို တွေ့ရှိရသည်။ မှန်ပါသည်။ မြန်မာ့နွေဦးသည် မြန်မာနွေဦးသာဖြစ်၍ ဆောင်းလက် မည်းကြီး၏ ဖုံးအုပ်မှုကို မခံရရေးသည်ပင် နိုင်ငံတည်ဆောက်ရေး ဖြစ်ပေလိမ့်မည်။

နွေဦးကိုစိန်ခေါ်နိုင်သော  အကြောင်းအချက်များများ မရှိသလို နောက်ပြန်လန်ကျစေနိုင်သော ဆုံးဖြတ်ချက်များသည်လည်း လက်ချိုးရေ၍ ရနိုင်ပေသည်။ သို့သော် ဆိုခဲ့ပါပုရစ်ဖူးတို့ ဝေစာစ၊ ရွက်နုဝေတို့ စိမ်းစိုစ နွေဦးပုံရိပ်တွင် အလှတရားတို့ ဆင်မြန်းနိုင်ရန်အတွက် ပါဝင်ကြကုန်သော Stakeholderများ၏ ရင့်ကျက်မှုရေချိန်တို့မှာ အဓိကအကြောင်းတရား ဖြစ်နေသည်။ စွမ်းရည်မြှင့်တင်ရေးဟူသော စိန်ခေါ်မှုနှင့် အနာဂတ်အိမ်မက်များ အကြား အချိန်ခွဲဝေရရိမှုမလုံလောက်သော အကြောင်းအရင်းခံများကြောင့် ဦးစားပေးနယ်ပယ်အလိုက် တွန်းတင်မှရမည်ဟူသော သဘောတရားတစ်ခု သည်လည်း မြန်မာနိုင်ငံဆိုင်ရာ စိတ်ဝင်စားသူများအတွက် ပုစ္ဆာတစ်ပုဒ်သဖွယ် ဖြစ်လာနေသည်။

နွေဦးကို စိန်ခေါ်မည့်သူများ

မြန်မာ့နွေဦးကိုလေ့လာကြည့်လျှင် နွေသီးကို စိန်ခေါ်မည့်သူ တော်တော်များများမှာ External Factor များ ဖြစ်နေသလို နိုင်ငံတော်သမ္မတကြီး တရားဝင်ထုတ်ပြန်ကြေညာထားသည့်  ပြုပြင်ပြောင်းလဲရေး ဒုတိယလှိုင်း၏ အရှိန်အဟုန်သည်လည်း အရေးကြီးသည်ဟု တော်တော်များများက လက်ခံ ထားကြသည်။ ဒုတိယလှိုင်းသည် ဆိုခဲ့ပါစိန်ခေါ်မှုများကို အံတုရင်ဆိုင်ရပေလိမ့်မည်။ ဒုတိယလှိုင်းသည် နောင်တွင်ကြုံလာရမည့် အတားအဆီးများကို ကျော်ဖြတ်ရပေလိမ့်မည်။ ဒုတိယလှိုင်းသည်ပင် ပြည်သူများ၏ အနာဂတ်ကို လွှမ်းခြုံနိုင်သောစွမ်းရည်များ တည်ဆောက်ပေးရပေလိမ့်မည်။ အချုပ်အား ဖြင့်ဆိုသော် ဒုတိယလှိုင်းသည်ပင် ပြည်သူများ၏ မျှော်လင်အ်ိပ်မက်များ ဖြစ်လာနေသည်ကို တွေ့ရှိနိုင်သည်။

ဗျူရိုကရေစီယန္တရားမှ ကြိုးနီနီများ၊ ပြုပြင်ပြောင်းလဲရေးနှင့် ခေတ်နောက်ပြန်ရေး နှစ်ခုအကြားမှာ စိတ်ဓာတ်နှင့်ခံယူချက်များ၊ ဒီမိုကရေစီနှင့် ဥပဒေစိုးမိုးရေးနှစ်ခုကြားမှ ချိန်ခွင်လျှာများ၊ ထာဝရငြိမ်းချမ်းရေးသို့ ချီတက်ရာလမ်းတစ်လျှောက်ရှိ အခုအခံအဟန့်အတားများ မဏ္ဍိုင်များအချင်ချင်း ထူထောင်တည်ဆောက်သွားရမည့် နားလည်မှုနှင့် ယုံကြည်မှုများ၊ ပါဝင်ပတ်သက်သူအားလုံးအတွက် အရေးကြီးလှသော ဘုံအကျိုးစီးပွားများ၊ ပွင့်လင်းမှု နှင့် ခေတ်မီမှုတို့၌ ကြုံတွေ့ရလေ့ရှိသော စည်းခြားရေးပြဿနာများ အစရှိသည့် အစွန်းထွက်တန်ဖိုးများကို ဒုတိယတန်ဖိုးများကို ဖြတ်ကျော်နိုင်စွမ်း ရှိပါ လိမ့်မည် ။အကြောင်းရင်းမှာ ဒုတိယလှိုင်းဟူ၍ ယင်းအခက်အခဲများကို အောင်မြင်စွာဖြေရှင်းနိုင်ရန် ရည်ရွယ်ထားသောကြောင့်ဖြစ်သည်။

သို့သော်ဒုတိယလှိုင်းအတွက် အဓိကစိန်ခေါ်မှုမှာ ခေတ်မီရေးသို့ ဦးတည်လျှောက်လှမ်းရာ၌ အရေးကြီးလှသော စီးပွားရေးမဏ္ဍိုင် သိသိသာ သာ မြင့်တက်လာရေးအတွက် ဖြစ်ပေါ်နေသော အတားအဆီးများ ဖယ်ရှားနိုင်ရေးပင် ဖြစ်ပေလိမ့်မည်။ အချို့သော နိုင်ငံရေးသမားများ ထောက်ပြဝေ ဖန်မှုပြနေသည့် Internal Sanction များကို ဒုတိယလှိုင်းက ဝါးမြိုဖုံးအုပ် ရှင်းလင်းပေးနိုင်မည်ဖြစ်သော်လည်း  Exteral Sanction များကမူ ဒုတိယလှိုင်း က အပြီးတိုင် ဖယ်ရှားနိုင်ရန် မလွယ်ကူသောကြောင့် ဖြစ်သည်။ ခြေလှမ်းခြေလှမ်းတိုင်းကို ခြေလှမ်းတိုင်းနှင့် တုန့်ပြန်မည်ဟူသော အမေရိကန်ပြည် ထောင်စု၏ ကတိကဝတ်သည် ရှုပ်ထွေးနက်နဲလှသော၊ နိုင်ငံရေးတိုက်ကွက်များနှင့် ပြည့်လွှမ်းနေသော ကွန်ဂရက်အသိုင်းအဝိုင်