Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၂၆.၈.၂၀၁၂

ဆောင်းပါးကဏ္ဍ

  1. ထိုသုံးဦး

*****************************************

ဆောင်းပါးကဏ္ဍ

ထိုသုံးဦး

ဇေယျသူ

သြဂုတ်လ ၂၅၇က်နေ့ထုတ် THE Voice ဂျာနယ်အတွဲ(၈)အမှတ်(၃၄)တွင် ပါရှိသည့် ဆောင်းပါးကို ထုတ်ယူဖော်ပြချက်

ထင်ရှားသော ခေါင်းဆောင်မှုသီအိုရီတစ်ရပ်အရ အဖြစ်အပျက် အပြောင်းအလဲ ကြီးကြီးမားမားနှင့်အတူ ခေါင်းဆောင်များ ပေါ်ထွက်လာကြသည့် အတိုင်း မြန်မာ့သမိုင်းအပြောင်းအလဲ ထူးထူးခြားခြား ဖြစ်ပေါ်နေချိန် ယနေ့အခါသမယတွင် ခေါင်းဆောင်သုံးဦး ထင်ထင်ရှားရှား ပေါ်ထွက်လာသည်။ ထို ခေါင်းဆောင်သုံးဦး၏ ဥာဏ်အမြော်အမြင် လုပ်ဆောင်ချက်များနှင့် သူတို့အကြားဆက်ဆံရေး ပူးပေါင်းဆောင်ရွက်မှုတို့သည် နိုင်ငံ၏ပစ္စုပ္ပန်ကိုသာမက မဝေးလှသည့် အနာဂတ် အနဂတ်ခပ်ဝေးဝေး အနာဂတ်ကိုပါပုံဖော်ပေးသည်။

သမ္မတကြီး ဦးသိန်းစိန် 

ယခင်အစိုးရလက်ထက်က ဝန်ကြီးချုပ်ဖြစ်ခဲ့သော ဦးသိန်းစိန်သမ္မတအဖြစ် တက်လာစအချိန်တွင် စောင့်ကြည့်ရဦးမည် ဟူသော ထင်မြင်မှုများ ရှိခဲ့သော်လည်း လပိုင်အကြာ၌  ရင်သပ်ရှုမောရသော ပြုပြင်ပြောင်းလဲရေးများ ဆက်တိုက်ပြုလုပ်ခဲ့ပြီး နိုင်ငံတွင်သာမက တစ်ကမ္ဘာလုံးက အသိအမှတ် ပြုရသော ပြုပြင်ပြောင်းလဲရေးခေါင်းဆောင်အဖြစ် ထွက်ပေါ်လာခဲ့သည်။

ယိုင်တိုင်တိုင် စီးပွားရေးကို ထောင်မတ်ရန်၊ နိုင်ငံေ၇းစနစ်ကို ဗဟိုဦးစီးစနစ်မှ ဒီမိုကရေစီစနစ်သို့ ကူးပြောင်းရန်၊ ပြည်တွင်ငြိမ်းချမ်းရေးမှသည် တစ်နိုင်ငံလုံး စည်းလုံးညီညွတ်ရန်၊ နိုင်ငံတကာတွင် ဂုဏ်သိက္ခာတက်အောင် ဆောင်ရွက်ရန်တို့သည် မြန်မာနိုင်ငံကို ဦးသိန်းစိန် တစ်ပြိုင်နက်တည်း ဦးဆောင်ချီတက်ရသည့် အဓိကပန်းတိုင်များဖြစ်ပြီး တစ်ခုချင်းစီပင် ဖြစ်မြောက်အောင် လုပ်ဆောင်ရန် မလွယ်လှသည့် ရည်မှန်းချက်များ ဖြစ်သည်။ စွမ်းရည်မြင့် လူသားအရင်းအမြစ်များ ရှားပါးမှု ရိုးသားကြိုးစားခြင်းတို့ကို တန်ဖိုးထားသော်လည်း လက်တွေ့ကျင့်သုံးမှု အားနည်းသော လူ့အဖွဲ့အစည်း၊ အာနည်းသော ဝန်ထမ်းအဖွဲ့အစည်း ပြောင်းလိုသူနှင့် မပြောင်းလိုသူ၊ ပြောင်းနေမှန်း မသိသူတို့အကြား လွန်ဆွဲပွဲစသော စိန်ခေါ်မှု ကြီးများ ရှိနေသည့်ကြားမှ အထက်ပါ ပန်းတိုင်များသို့ ချီတက်ရသည်မှာ ဧရာမတာဝန်ပင် ဖြစ်သော်လည်း နိုိင်ငံအရွေ့သို့ အချိန်တိုအတွင်းရောက်ခဲ့သည်မှာ သမ္မတဦးသိန်းစိန်၏ ဇွဲနပဲ တို့ကြောင့်ဖြစ်သည်။

ရိုးသားခြင်း၊ အခြားသူတို့အမြင်ကို နားစိုက်ထောင်ခြင်း၊ ပြုပြင်ပြောင်းလဲရေး သနိဋ္ဌာန်မြင့်မားခြင်းတို့မှာ ဦးသိန်းစိန်၏ ထူးခြားသော စရိုက် လက္ခဏာများဖြစ်ပြီး ပြည်တွင်းတွင်လည်း ယုံကြည်မှု အထူးပင်မြင့်တက်နေခဲ့သည်။

ပြည်သူ့လွှတ်တော်ဥက္ကဋ္ဌ ဦးရွှေမန်း

ယခင်အစိ်ုးရလက်ထက် နံပါတ်သုံးနေရာတွင် ရှိခဲ့သော သူရဦးရွှေမန်း  ပြည်သူလွှတ်တော်ဥက္ကဋ္ဌ ဖြစ်လာသောကြောင့် ဘေးသို့ရောက် သွားသည်ဟု အထင်အမြင်ရှိခဲ့သော်လည်း ယင်းမှာစနစ်သစ်တွင် လွှတ်တော်၏ ကြီးမားသောအခန်းကဏ္ဍကို အမှတ်တမဲ့ ဖြစ်နေသောကြောင့် ဖြစ်သည်။

အမေရိကန်ပြည်ထောင်စုတွင်လည်း ကျင့်သုံးသည့် သမ္မတစနစ်တွင်  အုပ်ချုပ်ရေးမဏ္ဍိုင်နှင့် ဥပဒေပြူရေးမဏ္ဍိုင်တို့ အပြန်အလှန် ထိန်းညှိခြင်းဖြင့် ဒီမိုကရေစီကို ထိန်းထားသလို နိုင်ငံကိုလည်း ချော့မွေ့စွာလည်ပတ်စေသည်။ အထူးသဖြင့် ဗဟိုဦးစီးစနစ်မှ ကူးပြောင်းစနိုင်ငံတို့တွင် အုပ်ချုပ်ရေးမဏ္ဍိုင်မှာ အားကောင်းမြဲဖြစ်သည့်အတွက် လွှတ်တော်ပါ လိုက်ပါအားကောင်းပါမှ ဖွဲ့စည်းပုံအခြေခံဥပဒေက ရည်ရွယ်သည့် အပြန်အလှန် ထိန်းညှိခြင်း (Chechs & Balance) အထမြောက်မည်။ ထိုသို့အထမြောက်မှသာ သမ္မတစနစ် အစက်ဝင်ကာ ဒီမိုကရေစီခိုင်မာ အားကောင်းမည်။

သမ္မတစနစ်၏ လွှတ်တော်ကဲ့သို့လွှတ်တော်မျိုး မြန်မာနိုင်ငံ လွတ်လပ်ရေးရပြီးချိန်မှစကာ မပေါ်ဘူးသေးခြင်း၊ မြန်မာနိုင်ငံ၏ ဥပဒေ အများအပြားမှာ အိုမင်းဟောင်းနွမ်းပြီး ခေတ်မမီခြင်းကြောင့် ပြင်ဆင်အသစ်ရေးဆွဲရန် လိုအပ်ခြင်းတို့ကြောင့် လွှတ်တော်အသက်ဝင်ရန် လိုအပ်ခြင်း ဖြစ်သည်။ ပြည်သူ့လွှတ်တော် ဥက္ကဋ္ဌ ဦးရွှေမန်းက လွှတ်တော်ကိုယ်စားလှယ်များအနေဖြင့် ရဲရဲဝံ့ဝံ့ဆောင်ရွက်ကြရန် အစဉ်တစိုက် ဆော်သြခဲ့သလို အခြေအနေကောင်းများ ဖန်တီးပေးခဲ့သောကြောင့် လွှတ်တော်အမတ်များ တစ်စတစ်စ ပြောရဲဆိုရဲရှိလာကာ လွှတ်တော် စတင်အသက်ဝင်လာခဲ့သည်။ ခုနောက်ပိုင်း လွှတ်တော်အရှိန်ရလာချိန် အရေးပါသောအချိုးအကွေ့များတွင်လည်း ဦးရွှေမန်း၏ ခေါင်းဆောင်မှုမှာ အရာရောက်ခဲ့သောကြောင့် (Reformist Figure) အဖြစ် အသိအမှတ် ပြုလာရသည်။

ဒေါ်အောင်ဆန်းစုကြည်

      အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ငြိမ်းချမ်းရေးနိုဗယ်လ်ဆုရှင်  ဒေါ်အောင်ဆန်းစုကြည်သည် တောင်အာဖရိက သမ္မတဟောင်း နယ်လ် ဆင်မင်ဒဲလား နောက်ပိုင်းတွင် အကြော်ကြားဆုံးသော နိုင်ငံတကာခေါင်းဆာင်နေရာကို ရရှိထားသော ပုဂ္ဂိုလ်ဖြစ်သည်။ မြန်မာ့အရေးနှင့် ပတ်သက်လျှင် သူ၏အမြင်၊အတွေးတို့သည် နိုင်ငံတကာအသိုင်းအဝိုင်း စက်မှုအင်အားကြီးနိုင်ငံတို့ကို သြဇာလွှမ်းမိုးသည်။ ကြားဖြတ်ရွေးကောက်ပွဲတွင် အောင်ပွဲခံ နိုင်ခဲ့ခြင်းမှာ ဒေါ်အောင်ဆန်းစုကြည်အား အဓိက (Aung San Suu Kyi Factor)ဟု မြန်မာနိုင်ငံရေးသုတေသီများက အကဲဖြတ်သည်အထိ ပြည်တွင်းတွင်လည်း ထောက်ခံမှု အားကောင်းခဲ့သည်။

မူလက အလုပ်သဘော နိုင်ငံရေးဖြစ်စဉ်တွင် မပါဝင်ဘဲ ရှိနေခဲ့သည့် ဒေါ်အောင်န်းစုကြည်သည် ရွေးကောက်ပွဲအနိုင်ရကာ လွှတ်တော် ကိုယ်စားလှယ် ဖြစ်လာချိန်တွင် ထိုဖြစ်စဉ်ထဲသို့ ဝင်ရောက်ခဲ့ပြီး ယင်းဖြစ်ရပ် တစ်ခုတည်းကပင် မြန်မာ့နိုင်ငံရေးမျက်နှာစာ၏ အလှည့်အပြောင်း တစ်ရပ် ဖြစ်ခဲ့သည်။

ရွေးကောက်ပွဲလာဒ်အရ လွှတ်တော်အတွင်းတွင် ဒုတိယနေရာ အများဆုံးရပါတီ၏ ခေါင်းဆောင် ဖြစ်လာခဲ့သလို လွှတ်တော်ကော်မတီ တစ်ရပ်၏ ဥက္ကဋ္ဌလည်း ဖြစ်လာခဲ့သည်။ လွှတ်တော်အတွင်း ဒေါ်အောင်ဆန်းစုကြည် ဝင်ချိန်မှစကာ လွှတ်တော်ကို ပြည်သူလူထု စိတ်ဝင်စားမှု မြင့်တက်လာခဲ့ပြီး မြန်မာလွှတ်တော်သည် ကမ္ဘာလွှတ်တော်များအနက် နိုင်ငံတကာ စိတ်ဝင်စားခြင်းခံရဆုံးသော လွှတ်တော်တစ်ရပ်ဖြစ်လာခဲ့သည်။

သုံးဦးသုံးဖလှယ်

မြန်မာနိုင်ငံတွင် Democratic Institution (ဒီမိုကရေစီအစဉ်အလာ၊ လုပ်ထုံးလုပ်နည်း၊ အဖွဲ့အစည်းများ) ဖြစ်တည်စ ရှိနေသေးသော ပုဂ္ဂိုလ် (Individual) ကို အခြေပြုနေရသေးရာ မြန်မာ့ပြုပြင်ပြောင်းလဲရေးသည် ခေါင်းဆောင်များအပေါ်တွင်သာ မူတည်နေရဦးမည်။ သက်တမ်းရလာသည်နှင့် အမျှ Institution များ ပုံပေါ်လာသည့်အချိန်တွင်မူ မည်သူတက်တက် ထိုInstitution များအတိုင်း လိုက်ပါလုပ်ဆောင်ခြင်းဖြင့် နိုင်ငံကို ရှေ့သို့တွန်းနိုင်မည်။ ထိုကြောင့် ခေါင်းဆောင်သုံးဦး တစ်ဦးနှင့်တစ်ဦး ဆက်ဆံရေး၊ပူးပေါင်းဆောင်ရွက်ရေးသည် Institution များပုံပေါ်လာရေး၊ ထိုမှတစ်ဆင့် အနာဂတ် နိုင်ငံတော်အတွက် များစွာ အဓိကျသည်။

သမ္မတဦးသိန်းစိန်၊ ပြည်သူ့လွှတ်တော်ဥက္ကဋ္ဌ ဦးရွှေမန်း၊NLD ဥက္ကဋ္ဌ ဒေါ်အောင်ဆန်းစုကြည်တို့ သုံးဦးလုံးသည် သူတို့နှင့်ဆိုင်ရာ အရေးကြီး အခန်းကဏ္ဍများကို ပါဝင်ထမ်းဆောင်ခြင်းဖြင့် ပြုပြင်ပြောင်းလဲရေးတွင် ရှေ့ဆုံးမှပါဝင်နေကြသူများ ဖြစ်သည် (Role Play)။ ယင်းတို့၏တာဝန်များသည် စနစ်သစ်၏ သဘောအရ အချို့နေရာများတွင် အပြန်အလှန် (Competitive)ဖြစ်သကဲ့သို့ မြင်ရသော်လည်း အမှန်တကယ်တွင် စနစ်အောင်မြင်စွာ လည်ပတ်စေရန် အပြန်အလှန် အားဖြည့်ကူညီရေး (Complementary Role)ပင် ဖြစ်သည်။

ဒေါ်အောင်ဆန်းစုကြည်နှင့် ဦးသိန်းစိန်တို့ ပထမဆုံးအကြိမ်တွေ့ဆုံအပြီးတွင် ပြည်တွင်းရင်ကြားစေ့ရေး၊ အခန်းသစ် ဖွင့်လှစ်နိုင်ခဲ့ကာ ပြုပြင်ပြောင်းလဲရေး များပိုအရှိန်မြန်လာသလို နိုင်ငံတကာပံ့ပိုးမှုများ ရောက်ရှိလာခဲ့သည်။  ဒေါ်အောင်ဆန်းစုကြည် ရွေးကောက်ပွဲ ဝင်ခဲ့ခြင်း၊ နိုင်ခဲ့ခြင်း၊ လွှတ်တော်ကိုယ်စားလှယ် ဖြစ်လာခြင်းတို့မှာ  ယင်းတို့နှစ်ဦးတွေ့ဆုံခြင်းမှ အစပျိုးခဲ့ ပြီး တစ်ဦးနှင့်တစ်ဦး အပြန်အလှန် လေးစားမှု ပြသခဲ့သည်။

ကျရာတာဝန်တို့ကို ထမ်းဆောင်ရာတွင် အပြန်အလှန် ထိန်းညှိကြသည့် အုပ်ချုပ်ရေး မဏ္ဍိုင်အစိုးရနှင့် ဥပဒေပြုရေးမဏ္ဍိုင်နှင့် တရားစီရင်ရေး တို့ကို ကိုယ်စားပြုသည့် လွှတ်တော်တို့အကြား ပွတ်တိုက်မှုရှိသည်မှာ ဓမ္မတာဖြစ်သော်လည်း ဓမ္မတာကို ကျော်လွန်မသွားစေရန် မဏ္ဍိုင်နှစ်ရပ် ကိုယ်စားပြု သမ္မတကြီးဦးသိန်းစိန်နှင့် ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့သည်လည်း ယခင်အစိုးရလက်ထက်က လက်တွဲလုပ်ကိုင်ရေးကို အကူအညီ ပေးသည်။

ဦးရွှေမန်းနှင့် ဒေါ်အောင်ဆန်းစုကြည်တို့သည်လည်း ယခုလွှတ်တော်အတွင်းတွင် လွှတ်တော်ကိုယ်စားလှယ်များအဖြစ် အတူတကွ လက်တွဲ လုပ်နေပြီး ဒေါ်အောင်ဆန်းစုကြည် အားသန်သည့် တရားဥပဒေစိုးမိုးရေးကော်မတီ ဥက္ကဋ္ဌအဖြစ် တာဝန်ယူစေရန် ဦးရွှေမန်းက လမ်းခင်းပေးခဲ့သလို ဒေါ်အောင်ဆန်းစုကြည်ကလည်း လက်ခံခဲ့သည်။

ကိုယ်တိုင်အသွင်ကူးပြောင်း

နိ်ုင်ငံအသွင်ကူးပြောင်းရေးကို ဦးဆောင်နေသည့် ယင်းတို့သုံးဦးကိုယ်တိုင်သည်လည်း အသွင်ကူးပြောင်းရေးကာလကို ဖြတ်ကျော်နေရသည်။ ဦးသိန်းစိန်သည် ယခင်အစိုးရလက်ထက်က ဝန်ကြီးချုပ်ဖြစ်ခဲ့ပြီး ဆုံးဖြတ်ချက်များကို ချမှတ်သလို အကောင်အထည်ဖော်သည့်နေရာ (Leader + Manager) ကိုတာဝန်ယူရသည်။ ဦးရွှေမန်းည် ယခင်အစိုးရလက်ထက်က အုပ်ချုပ်ရေးတွင် ထိပ်တန်းနေရာမှ ပါခဲ့ပြီး ယခုအချိန်တွင် အုပ်ချုပ်ရေးမဏ္ဍိုင်ကို ထိန်းညှိမည့် ဥပဒေပြုရေးမဏ္ဍိုင်ကို ဦးဆောင်နေရသည်။ ဒေါ်အောင်ဆ်းစုကြည်သည်လည်း ယခင်က မူဝါဒချမှတ်ရေးဖြစ်စဉ်တွင် မပါခဲ့သော်လည်း ယခုအချိန်တွင် လွှတ်တော်ကိုယ်စားလှယ်အဖြစ်လည်းကောင်း လွှတ်တော်အတွင်း ဒုတိယအင်အားအကြီးဆုံး ပါတီ၏ ခေါင်းဆောင်အဖြစ် လည်းကောင်း မူဝါဒချမှတ်ရေးဖြစ်စဉ်တွင် ပါဝင်ပတ်သက်နေသည်။

စနစ်သစ်တည်ဆောက်စ အရေးကြီးကာလတွင် ထိုဂ္ဂိုလ်ကြီးသုံးဦး၏အခန်းကဏ္ဍမှာ ယင်းတို့အကြား ပူးပေါင်းဆောင်ရွက်ခြင်း၊ အပြန်အလှန် ထိန်းညှိခြင်းဖြင့် ယင်းတို့သုံးဦး မျက်နှာလွှဲသွားချိန်၊ အနားယူသွားချိန်တွင် ဆက်လက်တည်ရှိမည့် ကြာရှည်ခံ နိုင်ငံတည်ဆောက်ရေး၊ ဒီမိုကရေစီ ယဉ်ကျေးမှု တည်ဆောက်ရေး၊ နောင်လာနောက်သားများအား အမွေပေးခဲ့ရေးတို့ ဖြစ်သည်။

*****************************************


Google Drive: create, share, and keep all your stuff in one place.
Logo for Google Drive

0 comments:

Post a Comment