Transparency Myanmar

transparency.myanmar@gmail.com

yangonchronicle2011
yangonchronicle2011

၆.၂.၂၀၁၂

ပြည်တွင်းသတင်းများ

  1. NLD ပါတီအား ဗထူးကွင်းမငှားရမ်းနိုင်မှုအပေါ် ဘောလုံးဝက်ဆိုဒ်မှတစ်ဆင့် MFF ရှင်းလင်း
  2. နိုင်ငံခြားရင်းနှီးမြှုပ်နှံမှု ဥပဒေသစ်အား ဖေဖော်ဝါရီလအတွင်း ပြဋ္ဌာန်းနိုင်ရန် စီစဉ်
  3. ယာယီနိုင်ငံကူးလက်မှတ် ထုတ်ပေးရေးအဖွဲ့ ထိုင်းနိုင်ငံသို့ ဝင်ခွင့် သဘောတူညီချက်ရရှိ

ပြည်တွင်းပါတီ၊ နိုင်ငံရေးသတင်းများ

  1. ခြောက်ရက်ကြာ မြန်မာနိုင်ငံခရီးစဉ် ပြီးဆုံးပြီးနောက် မစ္စတာကင်တားနား သတင်းစာရှင်းလင်းပွဲပြုလုပ်
  2. လူ့ဘောင်သစ်ဒီမိုကရက်တစ်ပါတီနှင့် ပအို့ဝ်အမျိုးသားလွတ်မြောက်ရေးအဖွဲ့ချုပ်တို့အား အစိုးရမှ တွေ့ဆုံ

 သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

NLD ပါတီအား ဗထူးကွင်းမငှားရမ်းနိုင်မှုအပေါ် ဘောလုံးဝက်ဆိုဒ်မှတစ်ဆင့် MFF ရှင်းလင်း

      အမျိုးသားဒီမိုကရေစီအဖွဲ့ချုပ်(NLD) ပါတီ၏ လူထုတွေ့ဆုံပွဲပြုလုပ်ရန် မန္တလေးမြို့ရှိ ဗထူးအားကစားကွင်း မငှားရမ်းနိုင်မှုအပေါ် မြန်မာနိုင်ငံ ဘောလုံးအဖွဲ့ချုပ် (MFF) မှ Myanmar National League Website မှတစ်ဆင့် ရှင်းလင်းပြောကြားခဲ့ကြောင်း သိရသည်။

        မြန်မာနိုင်ငံဘောလုံးအဖွဲ့ချုပ် (MFF) သည် မန္တလေးရှိ ဗထူးကစားကွင်အား အစိုးရထံမှ နှစ်၃၀ စာချုပ်ဖြင့် ငှားရမ်းထားခြင်းဖြစ်ပြီး ၎င်းအားက စားကွင်းအား အားကစားဖွံ့ဖြိုးရေးလုပ်ငန်းများတွင်သာ အသုံးပြုရမည်ဖြစ်ကြောင်း သက်ဆိုင်ရာမှ ညွှန်ကြားထားသည့်အတွက် အမျိုးသားဒီမိုကရေစီအဖွဲ့ချုပ်(NLD)ပါတီအား လူထုတွေ့ဆုံပွဲပြုလုပ်ရန် မန္တလေး ဗထူးကွင်းမငှားရမ်းနိုင်ရခြင်းဖြစ်ကြောင်း မြန်မာနိုင်ငံဘောလုံးအဖွဲ့ချုပ် (MFF) မှ တာဝန်ရှိသူ တစ်ဦးက ပြောကြားသည်။

မန္တလေးမြို့တွင် ၂၀၁၂ ဖေဖော်ဝါရီလ ၄ ရက်နေ့တွင် အမျိုးသားဒီမိုကရေစီအဖွဲ့ချုပ်(NLD) ပါတီမှ လူမြောက်အမြား နေရာယူနိုင်သော မန္တလေး မြို့ရှိ ဗထူးအားကစားကွင်း၌ လူထုတွေ့ဆုံပွဲပြုလုပ်ရန် စီစဉ်ခဲ့သော်လည်း နေရာအခက်အခဲ အဆင်မပြေသည့်အတွက် ဒေါ်အောင်ဆန်းစုကြည်၏ မန္တလေးမြို့ခရီးစဉ်းကို ဖျက်သိမ်းလိုက်ရကြောင်း သိရသည်။

အမျိုးသားဒီမိုကရေစီအဖွဲ့ချုပ်(NLD) ပါတီ၏ မန္တလေးခရီးစဉ်ဖျက်သိမ်းလိုက်ရခြင်းနှင့် ပတ်သက်၍ NLD ပါတီမှ ပြောရေးဆိုခွင့်ရှိသူတစ်ဦးက “အခု မန္တလေးခရီးစဉ် ရွှေ့ဆိုင်းလိုက်ပါတယ်။ ရွှေ့ဆိုင်းလိုက်ရတဲ့အကြောင်းကတော့ ပိာုမှာလာမယ့် ပရိသတ်တွေက အရမ်းများတယ်လို့ သိရတယ်။ အဲဒီပရိသတ်တွေအတွက် နေရာအခက်အခဲဖြစ်သွားလို့ပါ။ ပရိသတ်တွေအတွက် အဆင်ပြေအောင်နေရာစီစဉ်ပြီးရင် မန္တလေးခရီးစဉ်ကို သွားဖြစ်လိမ့်မယ်။ သွားဖြစ်ရင်တော့ ထုတ်ပြန်ကြေညာပေးသွားမှာပါ” ပာု ပြောကြားသည်။

ပြည်ထောင်စုရွေးကောက်ပွဲကော်မရှင်မှ တာဝန်ရှိသူတစ်ဦးကလည်း NLD ပါတီ၏ မန္တလေးခရီးစဉ်ဖြတ်သိမ်းရခြင်းနှင့် ပတ်သက်၍ ပြည်ထောင် စု ရွေးကောက်ပွဲကော်မရှင်နှင့် လုံးဝသက်ဆိုင်မှုမရှိကြောင်း ပြောကြားသည်။

YC

-----------------------------------------------------------------------------------------------------------------------------------

နိုင်ငံခြားရင်းနှီးမြှုပ်နှံမှု ဥပဒေသစ်အား ဖေဖော်ဝါရီလအတွင်း ပြဋ္ဌာန်းနိုင်ရန် စီစဉ်

မြန်မာနိုင်ငံအတွင်း အစိုးရသစ်လက်ထက်မှ စတင်၍ နိုင်ငံခြားရင်းနှီးမြှုပ်နှံမှုများ တရှိန်ထိုးဝင်ရောက်လာမှုများနှင့်အတူ နိုင်ငံခြားရင်းနှီးမြှုပ်နှံမှု ဥပဒေအား ပြန်လည်ပြုပြင်ရေးသား၍ နိုင်ငံခြားရင်းနှီးမြှုပ်နှံမှု ဥပဒေသစ်အဖြစ် ဖေဖော်ဝါရီလအတွင်း ပြဋ္ဌာန်းနိုင်ရန် စီစဉ်ဆောင်ရွက်လျက်ရှိကြောင်း လွှတ်တော် ကိုယ်စားလှယ်တစ်ဦးမှ ပြောကြားသည်။

မြန်မာနိုင်ငံ၏ နိုင်ငံခြားရင်းနှီးမြှုပ်နှံမှု ဥပဒေကို ၁၉၉၉ ခုနှစ်တွင် စတင်အတည်ပြုခဲ့ပြီး ၎င်းဥပဒေများတွင် တစ်နှစ်တာ ရင်းနှီးမြှုပ်နှံမှုဥပဒေ၊   ရေရှည်ရင်းနှီးမြှုပ်နှံမှု ဥပဒေနှင့် နှစ်ရှည်နှစ်လတ် ဥပဒေပာူ၍ အမျိုးအစားခွဲခြားထားကြောင်း သိရသည်။

မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံခြားရင်းနှီးမြှုပ်နှံမှုများမှာ တရှိန်ထိုးဝင်ရောက်လာခဲ့သည့်အတွက် ယခင်သုံးစွဲခဲ့သည့် နိုင်ငံခြားရင်းနှီးမြှုပ်နှံမှု ဥပဒေကို ခေတ်နှင့်လျော်ညီမှုရှိစေရန် ဂျပန်နိုင်ငံ၏ အကူအညီကိုရယူ၍ ပြန်လည်ပြင်ဆင်ရေးဆွဲခဲ့ပြီး ဖေဖော်ဝါရီလအတွင်း ပြဋ္ဌာန်းနိုင်ရန် စီစဉ်ဆောင်ရွက်ရခြင်းဖြစ်ကြောင်း သိရသည်။

ထို့ပြင် မြန်မာနိုင်ငံအတွင်း ပြည်ပ ရင်းနှီးမြှုပ်နှံမှုများ ပိုမိုဝင်ရောက်လာနိုင်စေရန်  နိုင်ငံခြားရင်းနှီးမြှုပ်နှံမှုဆိုင်ရာ အကောက်အခွန်ဥပဒေကို ပြန်လည်ပြင်ဆင်၍ ဥပဒေသစ်ကို မကြာမီအချိန်အတွင်း ပြဋ္ဌာန်းနိုင်တော့မည်ဖြစ်ကြောင်း စက်မှုဝန်ကြီးဌာနမှ ပြည်ထောင်စုဝန်ကြီး ဦးစိုးသိန်းမှ ဆွစ်ဇာ လန်နိုင်ငံ ဒါဘို့စ်မြို့၌ ပြုလုပ်ခဲ့သည့် နိုင်ငံတကာစီးပွားရေး ညီလာခံတွင် ပြောကြားသည်။

နိုင်ငံခြားရင်းနှီးမြှုပ်နှံမှုဆိုင်ရာ အကောက်အခွန်ဥပဒေကို ၁၈၇၈ ခုနှစ်ကတည်းကပင် စတင်ပြဋ္ဌာန်းခဲ့ခြင်းဖြစ်ပြီး ယခုပြင်ဆင်ပြဋ္ဌာန်းမည့် နိုင်ငံခြားရင်းနှီးမြှုပ်နှံမှု အကောက်အခွန်ဆိုင်ရာ ဥပဒေသစ်၌ မြန်မာနိုင်ငံ၏ အစိုးရသစ် လက်ထက်တွင် ကောင်းမွန်သည့် ဘဏ္ဍာရေးစနစ်နှင့် ဘဏ္ဍာရေး ဆိုင်ရာ မူဝါဒများ ချမှတ်နိုင်ရေးအတွက် ပြင်ဆင်ထားကြောင်း သိရသည်။

                YC

-----------------------------------------------------------------------------------------------------------------------------------

ယာယီနိုင်ငံကူးလက်မှတ် ထုတ်ပေးရေးအဖွဲ့ ထိုင်းနိုင်ငံသို့ဝင်ခွင့် သဘောတူညီချက်ရရှိ

တရားမဝင် ထိုင်းနိုင်ငံသို့ ရောက်ရှိသွားသည့် မြန်မာလုပ်သားများ၏ ပြည်နှင်ခံရမည့် အရေးမှ ကာကွယ်နိုင်ရန် မြန်မာယာယီနိုင်ငံကူးလက်မှတ် ထုတ်ပေးရေး အဖွဲ့(၅) ဖွဲ့ ထိုင်းနိုင်ငံသို့ ဝင်ရောက်ဆောင်ရွက်နိုင်ရေးအတွက် မြန်မာ-ထိုင်း နှစ်နိုင်ငံ သဘောတူညီချက် ရရှိခဲ့ပြီဖြစ်ကြောင်း အစိုးရပြည်ပ အလုပ်အကိုင်ရှာဖွေရေး အေဂျင်စီမှ တာဝန်ရှိသူတစ်ဦးက ပြောကြားသည်။

ထိုသို့ ထိုင်းနိုင်ငံအတွင်း မြန်မာယာယီနိုင်ငံကူးလက်မှတ်ထုတ်ပေးရေး ဝင်ရောက်ဆောင်ရွက်ခွင့် သဘောတူညီချက်ရရှိပြီးဖြစ်သည့်အတွက် ယာယီနိုင်ငံကူးလက်မှတ်ထုတ်ပေးရေး အဖွဲ့ငါးဖွဲ့အား ထိုင်းနိုင်ငံသို့ မကြာမီအချိန်အတွင်း စေလွှတ်သွားမည်ဖြစ်ပြီး ပြည်ပရောက် မြန်မာလုပ်သားများ၏ ယာယီနိုင်ငံကူးလက်မှတ်အား သက်တမ်းတိုးဆောင်ရာတွင် ယခင် ဘတ် ၂,၀၀၀ သတ်မှတ်ထားသော်လည်း ယခုအခါ ဘတ် ၅၀၀ သာကောက်ခံသွား တော့မည်ဖြစ်ကြောင်း ၎င်းက ဆက်လက်ပြောကြားသည်။

လက်ရှိအချိန်တွင် ထိုင်းနိုင်ငံသို့ တရားမဝင်သွားရောက် အလုပ်လုပ်ကိုင်လျက်ရှိသည့် မြန်မာလုပ်သား နှစ်သိန်း ကျော်မှာ ပြည်နှင် ခံရနိုင်ဖွယ် ရှိနေပြီး ထိုင်းနိုင်ငံရှိ မြန်မာလုပ်သားများကိစ္စများကို ကူညီဖြေရှင်းဆောင်ရွက်နိုင်ရန် မြန်မာနိုင်ငံမှ အလုပ်သမားအရာရှိတစ်ဦးကိုပါ အင်အားဖြည့်တင်း၍ ထိုင်းနိုင်ငံသို့ စေလွှတ်မည်ဖြစ်ကြောင်း သိရသည်။

ယခင်နှစ်၌ ထိုင်းနိုင်ငံတွင် သဘာဝပတ်ဝန်းကျင်ဆိုင်ရာ ထိခိုက်မှုများနှင့် ရေကြီးမှုများကြောင့် အများအပြား ပျက်စီးဆုံးရှုံးခဲ့ရပြီး ထိုင်းနိုင်ငံ ပြန်လည်ပြုပြင်တည်ဆောက်ရေးလုပ်ငန်းများအတွက် မြန်မာနိုင်ငံအလုပ်သမား အများအပြားကို ထိုင်းနိုင်ငံသို့ လာရောက်အလုပ်လုပ်ကိုင်ရန် ကမ်းလှမ်း ထားကြောင်း သိရသည်။

ထိုင်းနိုင်ငံရောက် မြန်မာလုပ်သားတို့သည် အခွင့်အရေးရရှိမှုနည်းပါးခြင်း၊ အလုပ်ရှင်များ၏ ခေါင်းပုံဖြတ်ခြင်းနှင့် ယာယီနိုင်ငံကူးလက်မှတ်မရှိ သောကြောင့် ထိုင်းရဲတို့၏ ဖမ်းဆီးမှုများကို မကြာခဏခံရလေ့ရှိသည့်အတွက် မြန်မာအလုပ်သမားဝန်ကြီးဌာနမှ ထိုင်းနိုင်ငံရောက် မြန်မာအလုပ်သမားများ အရေးဖြေရှင်းပေးနိုင်ရန် ယာယီနိုင်ငံကူးလက်မှတ်ထုတ်ပေးရေးအဖွဲ့ငါးဖွဲ့နှင့် မြန်မာအရာရှိတစ်ဦးအား ထိုင်းနိုင်ငံသို့စေလွှတ်ရခြင်းဖြစ်ကြောင်း သိရ သည်။

မြန်မာနိုင်ငံရှိ အလုပ်သမားဝန်ကြီးဌာန၏ အလုပ်သမားတင်ပို့မှု အစီအစဉ်အရ ဇန်နဝါရီလ ၃၀ ရက်နေ့အထိ အလုပ်သမားအသစ်အတွက် ယာယီနိုင်ငံကူးလက်မှတ် ၁၀၄၅၆ စောင်ထုတ်ပေးထားကြောင်း သိရသည်။

                YC

*****************************************

ပြည်တွင်းပါတီ၊ နိုင်ငံရေးသတင်းများ

ခြောက်ရက်ကြာ မြန်မာနိုင်ငံခရီးစဉ် ပြီးဆုံးပြီးနောက် မစ္စတာကင်တားနား သတင်းစာရှင်းလင်းပွဲပြုလုပ်

ဖေဖော်ဝါရီလ ၅ရက်နေ့တွင် မြန်မာနိုင်ငံ၏ လူ့အခွင့်အရေးဆိုင်ရာ ကုလသမဂ္ဂ၏ အထူးကိုယ်စားလှယ်တစ်ဦးဖြစ်သူ မစ္စတာ ကင်တားနားသည် ၎င်း၏ ခြောက်ရက်ကြာ မြန်မာနိုင်ငံခရီးစဉ် ပြီးဆုံးသွားပြီးနောက်တွင် ရန်ကုန်အပြည်ပြည်ဆိုင်ရာလေဆိပ်၌ သတင်းစာ ရှင်းလင်းပွဲပြုလုပ်၍ ပြန်လည် ထွက်ခွာသွားခဲ့သည်ဟု သတင်းရရှိသည်။

ထိုသတင်းစာရှင်းလင်းပွဲတွင် ၎င်းအနေဖြင့် မြန်မာနိုင်ငံမှ လူ့အခွင့်အရေးဆိုင်ရာကိစ္စရပ်များသည် စိုးရိမ်စရာကောင်းသည့် အနေအထားဖြစ်နေ ကြောင်း၊ ထို့ပြင် မြန်မာနိုင်ငံမှ လုပ်ဆောင်နေသည့် ပြုပြင်ပြောင်းလဲမှုများအား ကြိုဆိုကြောင်း နှင့် အရေးကြီးသည့် လုပ်ဆောင်မှုများလည်း ကျန်နေသေး ကြောင်းစသည်ဖြင့် ပြောကြားသည်။

“အခုလို နိုင်ငံရေးအကျဉ်းသားတွေ အားလုံးကို ပြန်လွှတ်ပေးတာရယ်၊ ဆန္ဒပြခွင့် ဥပဒေနဲ့ အလုပ်သမားသမဂ္ဂဆိုင်ရာ အဖွဲ့အစည်း ဥပဒေတွေ၊ ဥပဒေဆိုင်ရာ အပြောင်းအလဲတွေနဲ့ အမျိုးသားလူ့အခွင့်အရေးကော်မရှင်တွေ ဖွဲ့စည်းတာတွေကတော့ တော်တော်ကျေနပ်ဖို့ကောင်းပါတယ်။ ဒါပေမယ့် ကျန်နေသေးတဲ့ နိုင်ငံရေးအကျဉ်းသားတွေထပ်လွှတ်ပေးဖို့နဲ့ တိုင်းရင်းသားအချင်းချင်း ခွဲခြားဆက်ဆံခြင်းတွေရပ်ပြီး စနစ်တကျ ဖွံ့ဖြိုးတိုးတက်အောင် လုပ်ဖို့လည်း ကျန်သေးတယ်”ဟု ၎င်းမှ ထိုသတင်းစာရှင်းလင်းပွဲတွင် သတင်းမီဒီယာများအား ရှင်းလင်းပြောကြားသည်။

၎င်းသည် မြန်မာနိုင်ငံမှ မထွက်ခွာမီ အချိန်ပိုင်းတွင်လည်း ကရင်ပြည်နယ်တွင် ဖြစ်ပေါ်နေသည့် အပစ်အခတ်များရပ်ရန် နှင့် အမျိုးသားလူ့အခွင့် အရေးဆိုင်ရာကိစ္စများကိုလည်း ကရင်ပြည်နယ်ဝန်ကြီးအဖွဲ့နှင့် လွှတ်တော်အမတ်များအား ပြည်နယ်လွှတ်တော်တွင် တွေ့ဆုံပြောကြားသွားခဲ့သည်ဟု သိရသည်။

ထို့ပြင် အစိုးရသစ်လက်ထက်တွင် ပြဋ္ဌာန်းပြီးသည့် အီလက်ထရောနစ်ဥပဒေ၊ အသင်းအဖွဲ့ ဖွဲ့စည်းခြင်း ဥပဒေနှင့် စုပေါင်း လှုပ်ရှားခွင့်ဆိုင်ရာ ဥ ပဒေများသည် အကန့်အသတ်များရှိနေသောကြောင့် ပြန်လည်ပြင်ဆင်သင့်ကြောင်းကိုလည်း ပြောကြားထားခဲ့သည်ဟု သိရသည်။

မြန်မာနိုင်ငံ၏ လူ့အခွင့်အရေးဆိုင်ရာ ကုလသမဂ္ဂအထူးကိုယ်စားလှယ် မစ္စတာ ကင်တားနားသည် ၎င်း၏ ခြောက်ရက်ကြာ မြန်မာနိုင်ငံခရီးစဉ် တွင် မြန်မာနိုင်ငံမှ အစိုးရဝန်ကြီးများ၊ လွှတ်တော်ကိုယ်စားလှယ်အဖွဲ့များ၊ ဒေါ်အောင်ဆန်းစုကြည် အပါအဝင် ၈၈ကျောင်းသားခေါင်းဆောင်များနှင့် အစိုးရမဟုတ်သည့်  NGO အဖွဲ့အစည်းများကိုလည်း တွေ့ဆုံခဲ့သည်ဟု သိရသည်။

မြန်မာနိုင်ငံမှ တွေ့ရှိချက်များအား မတ်လပိုင်းထဲတွင် လူ့အခွင့်အရေးကောင်စီသို့ တင်ပြမည်ဖြစ်ပြီး အောက်တိုဘာလအတွင်း ကုလသမဂ္ဂမှ ကျင်းပသည့် အထွေထွေညီလာခံတွင်လည်း တင်ပြသွားရန်ရှိသည်ဟု ယင်းသတင်းစာရှင်းလင်းပွဲမှ ပြောဆိုချက်အရ သိရသည်။

ATM

-----------------------------------------------------------------------------------------------------------------------------------

လူ့ဘောင်သစ်ဒီမိုကရက်တစ်ပါတီနှင့် ပအို့ဝ်အမျိုးသားလွတ်မြောက်ရေးအဖွဲ့ချုပ်တို့အား အစိုးရမှ တွေ့ဆုံ

ဖေဖော်ဝါရီလ ၅ရက်နေ့တွင် မြန်မာအစိုးရအဖွဲ့မှ မီးရထားဝန်ကြီး ဦးအောင်မင်း ဦးဆောင်သည့် ငြိမ်းချမ်းရေး ကိုယ်စားလှယ်အဖွဲ့သည် ထိုင်း- မြန်မာနယ်စပ် အခြေစိုက် လူ့ဘောင်သစ် ဒီမိုကရက်တစ်ပါတီနှင့် ပအို့ဝ်အမျိုးသား လွတ်မြောက်ရေး အဖွဲ့ချုပ်တို့မှ ခေါင်းဆောင်များနှင့် တစ်ဖွဲ့ချင်းစီ အလွတ်သဘောတွေ့ဆုံခဲ့သည်ဟု သိရသည်။

၎င်းတို့၏ တွေ့ဆုံမှုသည် ပဏာမသဘောတူညီချက်ရရှိစေရန်နှင့် လက်ရှိဖွဲ့စည်းထားသည့် အခြေခံဥပဒေတွင် ဒီမိုကရေစီနည်းလမ်းကျကျ လုပ်ဆောင်နိုင်ရန်အတွက် ယခုလို တွေ့ဆုံရခြင်းဖြစ်သည်ဟု လူ့ဘောင်သစ်ပါတီ (DPNS)မှ ဥက္ကဋ္ဌ ဦးအောင်မိုးဇော်က ပြောကြားသည်။

ထို့ပြင် မီးရထားဝန်ကြီး ဦးအောင်မင်းဦးဆောင်သည့် ကိုယ်စားလှယ်အဖွဲ့များသည် ထပ်မံ၍ ပအို့ဝ်အမျိုးသား လွတ်မြောက်ရေးအဖွဲ့ချုပ် (PLNO) များနှင့် ပဏာမအဆင့်သဘောတူညီမှုရရှိရန်အတွက် ယခုလို အလွတ်သဘောတွေ့ဆုံခြင်းဖြစ်သည်ဟု ပြောကြားသည်။

“ကျွန်တော်တို့အနေနဲ့ကတော့ တစ်နိုင်ငံလုံး အပစ်ရပ်ရေးကိုကြေညာစေပြီး ကြေညာပြီးသည့်နေ့မှ ရက်ပေါင်း ၆၀ အတွင်း နိုင်ငံရေးအင်အားစု အဖွဲ့များနှင့် နိုင်ငံရေးဆိုင်ရာကိစ္စရပ်များအား ဆွေးနွေးနိုင်ရန်ဆိုပြီး ဒီတွေ့ဆုံမှုမှာ အစိုးရကို တောင်းဆိုထားပါတယ်”ဟု ပအို့ဝ်အမျိုးသား လွတ်မြောက်ရေး အဖွဲ့ချုပ် အထွေထွေအတွင်းရေးမှူး ဦးခွန်မြင့်ထွန်းမှ ပြောကြားသည်။

လူ့ဘောင်သစ် ဒီမိုကရက်တစ်ပါတီ(DPNS)အဖွဲ့သည် ၁၉၈၈ခုနှစ် လှုပ်ရှားမှုအပြီး ပြည်တွင်းမှ ကျောင်းသားများနှင့် ဖွဲ့စည်းထားပြီး ၁၉၉၁ခုနှစ် တွင် ထိုင်းနိုင်ငံ၌ ပြန်လည်ဖွဲ့စည်းခဲ့ခြင်းဖြစ်ပြီး ပအို့ဝ်အမျိုးသား လွတ်မြောက်ရေးအဖွဲ့ချုပ်(PNLO)သည် ပအို့ဝ်တိုင်းရင်းသားများထဲမှ အတိုက်အခံနိုင်ငံ ရေးသမားများနှင့် လက်နက်ကိုင်အဖွဲ့များအားစု၍ မကြာသေးမီကာလအတွင်းကမှ ပြန်လည်ဖွဲ့စည်းထားခဲ့ခြင်းဖြစ်သည်ဟု သိရသည်။

ATM

*****************************************

သတင်းနှင့် ဆောင်းပါးများမှ ကောက်နှုတ်ချက်များ

“ဒီနှစ်ကစပြီးတော့ အစိုးရရဲ့ အသုံးစရိတ်တွေ ဘဏ္ဍာငွေ ခွဲဝေသုံးစွဲမှုတွေမှာ မြင်သာထင်သာရှိတဲ့ ပုံစံနှစ်မျိုးနဲ့ ပွဲသွားမှာပါ။ ဘယ်ကဏ္ဍအတွက် ဘယ် လောက်သုံးမယ်၊ ဘာကြောင့်လုပ်တယ်ဆိုတာတွေကအစ ပြည်သူကို ချပြမှာပါ။ ဘာပဲဖြစ်ဖြစ် သေချာတာကတော့ ပြည်သူအကျိုးရှိတဲ့ ငွေကြေးသုံးစွဲမှုကို တွေ့ရမှာပါ။

ဖေဖော်ဝါရီ ၆ ထုတ် The Messenger အတွဲ (၂) အမှတ် (၃၈) တွင်ပါသည့် “ယခုနှစ်မှစ၍ ပြည်သူများ အဓိက အကျိုးခံစားရမည့်နေရာ များ၌သာ နိုင်ငံတော်စီမံကိန်းနှင့် ရင်းနှီးမြုပ်နှံမှုများ လုပ်ဆောင်သွားမည်” သတင်းမှ ပြည်ထောင်စု လွှတ်တော်ကိုယ်စားလှယ် ဦးဌေးဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ဗထူးကွင်းရဖို့ ဆယ်ရက်ကြိုလျှောက်တယ်။ မန္တလေးဗထူးကွင်းဥက္ကဋ္ဌက ဝမ်းသာစွာ ကြိုဆိုတယ်။ ဒီကိစ္စက အဖွဲ့ချုပ်နဲ့ ဆိုင်တယ်လို့ ပြောတယ်။ အဖွဲ့ ချုပ်ရုံးဆီကို ကျွန်တော်ကိုယ်တိုင် စာသွားတင်တယ်။ ပွဲကျင်းပရမယ့် ရက်နီးမှ စည်းမျဉ်း စည်းကမ်းအရ ဌားရမ်းခွင့်မရဘူးလို့ သိခဲ့တယ်။ ဒေါ်အောင်ဆန်းစု ကြည်အနေနဲ့ မန္တလေးလူထုနဲ့တွေဖို့က အဆင်မပြေဖြစ်ခဲ့ရတယ်”

ဖေဖော်ဝါရီ ၆ ထုတ် The Messenger အတွဲ (၂) အမမှတ် (၃၈) တွင်ပါသည့် “ဒေါ်အောင်ဆန်းစုကြည်၏ မန္တလေး ခရီးစဉ်တွင် ဗထူးကွင်းဌားရမ်းအသုံးပြုခွင့်မရခြင်းမှာ ဖီဖာစည်းမျဉ်းများကြောင်ဟုဆို” သတင်းမှ NLD ပါတီမှ ဦးအုန်းကြိုင်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ဖွဲ့စည်းပုံအခြေခံဥပဒေကို ရေးဆွဲချင်တဲ့သူကတော့ ပြင်ချင်တဲ့စိတ်နဲ့ ရေးတာမဟုတ်ဘူးလို့ ထင်ရမှာပေါ့နော်။ အစကတည်းက ပြင်ချင်လည်း ပြင်ထား မှာပေါ့။ ဒါပေမယ့် အန်တီတို့ကနေပြီးတော့ ပြည်သူတွေအတွက် အကျိုးမရှိတဲ့ အပိုင်းတွေကို ပြင်သင့်တယ်လို့ ဆိုရတာက အန်တီတို့ ယုံကြည်ချက်အရ ပြောတာ”

ဖေဖော်ဝါရီ ၈ ထုတ် Weekly ELEVEN NEWS အတွဲ (၇) အမှတ် (၁၉) တွင်ပါသည့် “အမျိုးသားဒီမိုကရေစီအ ဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် Toma’s Ojea Quintana နှင့် တွေ့ဆုံ ဆွေးနွေးပြီးနောက် မီဒီယာများနှင့် သီးသန့်တွေ့ဆုံရာတွင် ပြောကြားချက်အချို့” သတင်းမှ ကောက်နှုတ်ချက်

***************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011 Op-Ed
yangonchronicle2011 Op-Ed

၆.၂.၂၀၁၂

ဆောင်းပါးကဏ္ဍ

  1. စကားနောက်တရားပါ

***************************

ဆောင်းပါးကဏ္ဍ

စကားနောက်တရားပါ

မောင်ဝံသ

(ဖေဖော်ဝါရီ ၆ ထုတ် The Messenger အတွဲ (၂) အမှတ် (၃၈) မှ ထုတ်ယူဖော်ပြသည်)

                မကြာသေးမီရက်ပိုင်းအတွင်း သတိပြုပြီးဖတ်မိခဲ့တဲ့ အင်တာနက်သတင်းနှစ်ပုဒ်နဲ့ ဆက်စပ်ပြီးတွေးဖြစ်ခဲ့တဲ့ အတွေးတစ်ချို့ အကြောင်းပြော ပြချင်တယ်ဗျ။ သတင်းတစ်ပုဒ်က ချီလီကလာတဲ့ သတင်းဖြစ်တယ်ဗျ။ နိုင်ငံတကာရေးရာများကို စိတ်ဝင်စားသူတွေသိကြပါလိမ့်မယ်။ ချီလီနိုင်ငံမှာ လက် ဝဲဝါဒီရွေးကောက်ခံသမ္မတ အာယန်ဒေးဦးဆောင်တဲ့ အစိုးရကို လက်ယာဝါဒီစစ်တပ် အကြီးအကဲ ဗိုလ်ချုပ်ကြီးအောင်ဂတ်စတို ပီနိုချေဟာ ဖယ်ရှားဖြုတ်ချ အာဏာသိမ်းပြီး ၁၉၇၃ က ၁၉၉၀ အထိ အုပ်ချုပ်ခဲ့တယ်။ သူ့အစိုးရအုပ်ချုပ်ခဲ့တဲ့ ကာလအတွင်း ချီလီပြည်သူ ၃၀၀၀ ကျော်လောက် ပျောက်ဆုံး ဒါမှမ ဟုတ် အစိုးရလက်နက်ကိုင်တပ်ဖွဲ့တွေလက်ချက်နဲ့ သေဆုံးခဲ့ပြီး နောက်ထပ်ပြည်သူ ထောင်ပေါင်းများစွာတို့ကလည်း နှိပ်စက်ညဉ်းပန်းခြင်း ဒါမှမဟုတ် တရားမဝင် ဖမ်းဆီးထိန်းသိမ်းခြင်းခံခဲ့ကြရတယ်။ (ချီလီအရေးအခင်းကို ကျွန်တော်က ၁၉၇၅ မှာ “ပြည်သူ့သမ္မတ အာယန်ဒေး သို့မဟုတ် ချီလီပြည်ပေါ်က ကြယ်နီ” ခေါင်းစဉ်နဲ့ စာအုပ်တစ်အုပ် ထုတ်ဖြစ်ခဲ့ပါတယ်)

                ဗိုလ်ချုပ်ကြီး ပီနိုချေ အစိုးရကို ချီလီပြည်သူတွေကရော နိုင်ငံတကာ အသိုင်းအဝိုင်းကပါ “အာဏာရှင် အစိုးရ”လို့ သဘောထားခဲ့ကြပြီး အဲဒီ ခေတ်နောက်ပိုင်းချီလီနိုင်ငံရဲ့ ကျောင်းသုံးသမိုင်းစာအုပ်တွေမှာလည်း အဲဒီ အသုံးအနှုန်းနဲ့ပဲ အဲဒီ ကာလကို ဖော်ပြခဲ့တယ်ဗျ။

အာဏာရှင်ခေတ်ဆိုတာကို မသုံးရတော့

                ဒါပေမဲ့ ချီလီမှာ လက်ရှိအာဏာရနေတဲ့ ဗဟိုလက်ယာယိမ်းဝါဒီ အစိုးရက အခုကစပြီး ကျောင်းသုံးသမိုင်းစာအုပ်တွေမှာ အာဏာရှင်ခေတ်အ စိုးရလို့ ရည်ညွှန်းတဲ့ Dictatorship ဆိုတဲ့ အသုံးအနှုန်းနဲ့ အစားထိုးဖို့ ဆုံးဖြတ်ခဲ့တယ်ဗျာ။ အစိုးရက ဒီလိုဆုံးဖြတ်ရာမှာ နိုင်ငံရေးအသွေးအရောင် လုံးဝ မပါပါဘူးလို့ ရှင်းပြပေမယ့် လက်ဝဲဝါဒီအတိုက်အခံတွေကတော့ ဒါဟာ သမိုင်းဖြစ်ရပ်မှန်တွေကို ထုံးသုတ်ဖျောက်ဖျက်ဖို့ကြိုးစားတာပဲလို့ စွပ်စွဲပြီးကန့် ကွက် နေကြတယ်ဗျ။

ကမ္ပည်းစာတန်း ပြောင်းလဲလို့

              နောက်သတင်းတစ်ပုဒ်က ရုရှားကလာတဲ့သတင်းဗျ။ ဒွန်ရော့စတော့ဆိုတဲ့ မြို့လေးတစ်မြို့မှာရှိတဲ့ နာဇီခေတ် ကြေကွဲဖွယ်အမှတ်တရ ကျောက် ပြားတစ်ခုမှာ ထွင်းထုထားတဲ့ စာသားတစ်ခုကို ပြောင်းလဲပစ်ခဲ့တာကြောင့် ပြဿနာတက်နေတဲ့သတင်းဖြစ်တယ်ဗျ။ အရင် ကျောက်ပြားဟောင်းမှာက နာဇီတွေလက်ချက်နဲ့ သေဆုံးခဲ့ကြရတဲ့သူတွေကို “ဂျူးများ” လို့ ရှင်းရှင်းလင်းလင်း ဖော်ပြထားခဲ့ပေမယ့် ကျောက်ပြားအသစ်မှာ “ငြိမ်းချမ်းရေးလိုလား သော ရော့စတော့ မြို့သူမြို့သားများ” ဆိုပြီး ယေဘုယျအသုံးအနှုန်းနဲ့သာ ဖော်ပြထားတာကြောင့် ရုရှားအခြေစိုက် ဂျူးအဖွဲ့အစည်းတစ်ခုက တရားဥပဒေ ကြောင်းအရ ကန့်ကွတ်ဖို့ ပြင်ဆင်နေတဲ့ သတင်းဖြစ်တယ်ဗျ။

စကားလုံးတွေ အရေးပါမှု

              အဲဒီသတင်းနှစ်ပုဒ်နဲ့ ဆက်စပ်ပြီး ကျွန်တော်စဉ်းစားဖြစ်ခဲ့တာက စကားလုံးများအကြောင်းဖြစ်တယ်ဗျ။ အထူးသဖြင့် ကမ္ဘာ့လူ့အဖွဲ့အစည်းကြီး က တစ်နေ့တခြားပိုပိုပြီး ဆက်စပ်ဖွဲ့နှောင်မိလာလေလေ လူတစ်ဦးနဲ့တစ်ဦးအကြား၊ လူ့အသိုင်းအဝိုင်း တစ်ခုနဲ့ တစ်ခုအကြား၊ လူ့အဖွဲ့အစည်းတစ်ခုနဲ့ တစ်ခု အကြား ထိတွေ့ ဆက်ဆံရာမှာ အဓိကကြားခံ ကိရိယာဖြစ်တဲ့ ဘာသာစကား သို့မဟုတ် စကားလုံးတွေရဲ့ အရေးပါမှုအကြောင်း အတွေးနယ်ချဲ့မိခဲ့ တာ ဖြစ်တယ်ဗျ။

                ကျွန်တော်က ဝါသနာအရရော အလုပ်သဘောအရပါ နိုင်ငံတကာရေးရာတွေနဲ့ ထိတွေ့နေသူဖြစ်သူမို့ နိုင်ငံတကာ ခေါင်းဆောင်တွေရဲ့ အစည်း အဝေးတွေမှာပူးတွဲကြေညာချက် သို့မဟုတ် ဆုံးဖြတ်ချက် ထုတ်ပြန်ကြတော့မယ်ဆိုတဲ့အခါ အဲဒီထုတ်ပြန်ကြေညာချက်မှာ ပါမယ့်စကားလုံး အသုံးအနှုန်း တွေနဲ့ပတ်သက်ပြီး အားလုံးသဘောတူညီမှုရအောင် အကြိတ်အနယ် ညှိနှိုင်းကြရတယ်ဆိုတဲ့ သတင်းတွေ မကြာခဏဖတ်ရလေ့ရှိတယ်ဗျ။ အထူးသဖြင့် အငြင်းပွားဖွယ်ကိစ္စတွေမှာ အမြဲလိုလို အမေရိကန်၊ ဗြိတိန်နဲ့ ပြင်သစ်တို့ကတစ်ဖက် တရုတ်နဲ့ ရုရှားတို့ကတစ်ဖက် သိသိသာသာ ကွဲပြားနေလေ့ရှိတဲ့ ကုလသမဂ္ဂလုံခြုံရေးကောင်စီမှာ ဆုံးဖြတ်ချက်တစ်ခု ချမှတ်ဖို့ရှိလာတဲ့အခါ စကားလုံးတစ်လုံးကြောင့် ရက်တွေအကြိမ်ကြိမ်ရွှေ့ရ၊ အကြိတ်အနယ် အပြင်းအထန်ဆွေးနွေးငြင်းခုံကြရတယ်ဆိုတဲ့သတင်းတွေ မကြခဏ ဖတ်ခဲ့ရဖူးတယ်ဗျ။

နှုတ်ထွက်တဲ့စကား

              လူတစ်ယောက်ဟာ လိမ်ညာနေတာ မဟုတ်ဘူးဆိုရင် သူ့နှုတ်က ထွက်လာတဲ့စကားဟာ အဲဒီလူရဲ့ ယုံကြည်ချက်၊ ခံယူချက်၊ သဘောထားတွေ ကို ဖော်ပြနေတာမို့ ဒီလူအကြောင်း စူစမ်းလေ့လာရာမှာ သူပြောတဲ့ စကားတွေဟာ သိပ်ကိုအရေးပါတာဖြစ်တယ်ဗျ။ ဒါကြောင့်လည်း လူမှုဆက်ဆံရေး၊ နိုင်ငံတကာဆက်ဆံရေးတွေမှာ စကားလုံးတွေကို မှန်ဘီလူးနဲ့ကြည့်ပြီး ခွဲခြမ်းစိတ်ဖြာကြည့်နေကြရတာ ဖြစ်တယ်ဗျ။

                အားလုံးသိကြတဲ့အတိုင်း အခြားသောကမ္ဘာနိုင်ငံ အားလုံးတို့လိုပဲ စကားလုံးပြနာကနေ ကျွန်တော်တို့နိုင်ငံဟာလည်း ကင်းလွတ်ခွင့်ရတာ မဟုတ်ဘူးဗျ။ လောလောဆယ်ကိုပဲကြည့်ဗျာ။ အစိုးရသစ်လက်ထက် လွတ်ငြိမ်းချမ်းသာခွင့် ၄ ကြိမ် ထုတ်ပြန်ခဲ့ရာမှ လွတ်မြောက်လာခဲ့ကြသူတွေထဲက တချို့ဟာ ရာဇဝတ်သားတွေလား၊ ဒါမှမဟုတ် ရာဇဝတ်ပြစ်မှု ကျူးလွန်ခဲ့ကြတဲ့ နိုင်ငံရေးသမားတွေလား၊ ဒါမှမဟုတ် ယုံကြည်ချက်ကြောင့် အကျဉ်းချခံခဲ့ ကြရသူတွေလား၊ ဒါမှမဟုတ် နိုင်ငံရေးအကျဉ်းသားတွေလားဆိုပြီး အငြင်းပွားမှုတွေရှိနေသေးတာ ဖြစ်တယ်ဗျ။ ယုံကြည်ချက်အကျဉ်းသားဆိုပြီး ယေဘု ယျ လက်ခံထားကြတဲ့ အသုံးအနှုန်းတစ်ခုရှိပေမယ့် အဲဒီ အသုံးကိုပဲချဲ့တွေးရင် အငြင်းပွားစရာတွေ ရှိနေသေးတာ ဖြစ်တယ်ဗျ။ အဲဒီလိုပဲ ကျွန်တော်တို့နိုင် ငံကို အင်္ဂလိပ်ဘာသာနဲ့ တချို့က ‘Burma’ လို့ သုံးနေပြီးတချို့က ‘Myanmar’ လို့ သုံးနေကြတဲ့ ကိစ္စမှာလည်း နက်ရှိုင်းတဲ့ အငြင်းပွားစရာတွေရှိနေ သေးတာဖြစ်တယ်ဗျ။

သမ္မတသဝဏ်လွှာထဲမှာ

              မကြာသေးမီက ပြန်လည်ကျင်းပခဲ့တဲ့ လွှတ်တော်အစည်းအဝေးများအတွက် သမ္မတကြီးကပေးပို့ခဲ့တဲ့ သဝဏ်လွှာထဲမှာ ကျွန်တော့်စိတ်ထဲ ထူး ခြားတယ်လို့ ယူဆမိတဲ့စကားလုံး အသုံးအနှုန်းတချို့ကို ကျွန်တော် သတိပြုမိခဲ့ကြောင်း လက်တို့ပြီး ပြောပြချင်တယ်ဗျ။

                ပထမဆုံး သတိပြုမိတာက အပိုဒ်များမှာပါတဲ့ “နိုင်ငံ၏ ပကတိ အရှိတရားနှင့် အတိတ်သမိုင်းအတွေ့အကြုံများအပေါ် အခြေခံလျက် ယခင်ကနှင့် မတူသည့်မူများကို ကျင့်သုံးကာ” ဆိုတဲ့ အသုံးအနှုန်းဖြစ်တယ်ဗျ။ ဒီအသုံးအနှုန်းကိုကြည့်ရင် လက်ရှိနိုင်ငံတော်အစိုးရဟာ နိုင်ငံရဲ့ ပကတိအရှိတရားများ ကို မျက်ကွယ်ပြုပြီး ပြည်သူ့ဆန္ဒကို ကမ္ဘာသိကြေညာ လိုက်တာပဲဖြစ်တယ်လို့ ယူဆနိုင်တယ်ဗျ။

                နောက်တစ်ခုက စာပိုဒ် ၁၂ မှာပါတဲ့ ‘မိမိတို့နိုင်ငံသည် ပါတီစုံဒီမိုကရေစီစနစ်နှင့် နှစ်ပေါင်း ၄၀ကျော် ကင်းကွာခဲ့သည့်အတွက်’ ဆိုတဲ့စကားဖြစ် တယ်ဗျ။ ဒီစကားဟာ တချို့ပြောပြောနေကြတဲ့ ၁၉၈၈ လူထုဆန္ဒ ပြမှုကြီးအပြီး မြန်မာနိုင်ငံမှာ ပြန်လည်ပေါ်ထွက်လာခဲ့တဲ့ ပါတီစုံဒီမိုကရေစီစနစ်ဆိုတာ အမည်ခံသာဖြစ်ကြောင်း တရားဝင်ဝန်ခံလိုက်တဲ့ စကားဖြစ်တယ်လို့ ယူဆနိုင်တယ်ဗျာ။

                နောက်ဆုံး အသုံးအနှုန်းကတော့ အပိုဒ် ၁၄ မှာပါတဲ့ “ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်ကြီး”ဆိုတဲ့အသုံးအနှုန်းဖြစ်တယ်ဗျ။ ကျွန်တော်ပဲ သတိထားလွန်နေသလားတော့ မသိဘူးဗျ။ ၁၉၈၀ က ၂၀၁၀ အထိ တာဝန်ရှိပုဂ္ဂိုလ်များ တစ်လျှောက်လုံးသုံးစွဲလာခဲ့ကြတဲ့ “စည်းကမ်းပြည့်ဝ သော” ဆိုတဲ့ နာမဝိသေသနကို သမ္မတကြီးက ဒီမိုကရေစီ ရှေ့မှာ ထည့်သွင်းအသုံးပြုခြင်းမရှိတော့တာကို ကျွန်တော်သတိပြုမိခဲ့တယ်ဗျ။

                အချို့သော ကမ္ဘာပြည်သူတွေအတွက်တော့ အဲဒီ ‘စည်းကမ်းပြည့်ဝသော ဒီမိုကရေစီနိုင်ငံတော်ကြီး’ ဆိုတဲ့ အသုံးအနှုန်းဟာ ဘာထူးခြားတဲ့ အဓိပ္ပယ်သက်ရောက်မှုမှ ရှိချင်မှ ရှိမှာဖြစ်ပေမယ့် ၁၉၆၂ က ၁၉၈၈ အထိ ၂၆နှစ်လုံးလုံး ‘မြန်မာ့နည်းမြန်မာ့ဟန်ဆိုရှယ်လစ်ပါတီလမ်းစဉ်’ ဆိုတဲ့ အသုံးအ နှုန်းကြောင့် (ဆရာကြယ်နီရဲ့ ကိုတံငါစာအုပ်ထဲက ငါးတွေလို) ‘မှိန်းလန့်’ နေကြတဲ့ ကျွန်တော်တို့ မြန်မာပြည်သူတွေအတွက်တော့ အင်မတန်မှ ထူးခြားပါတယ်လို့ပြောရင် ကျွန်တော်နဲ့ သဘောတူသူအတော်များများ ရှိလိမ့်မယ်လို့ ယုံကြည်မိတယ်ဗျာ။

***************************************************************************************


Google Docs makes it easy to create, store and share online documents, spreadsheets and presentations.
Logo for Google Docs