Transparency Myanmar

transparency.myanmar@gmail.com

yangonchronicle 2011- (1)
yangonchronicle 2011- (1)

၁၄.၂.၂၀၁၂

ဘာသာပြန်သတင်းများ အပိုင်း(၃)

  1. အာရှမဟာမိတ်နိုင်ငံများကို သတိထားလာသည့် တရုတ်ပြည်

(The Statesman သတင်းစာမှ 12 Feb 2012 ရက်စွဲပါ China getting wary of allies ကို ဆီလျော်အောင် ဘာသာ ပြန်ဆိုသည်)

  1. စီးပွားရေးနှင့် မဟာဗျူဟာမြောက်အကျိုးအမြတ်အတွက် ငြိမ်းချမ်းရေးဆွေးနွေးပွဲများတရုတ်လက်ခံကျင်းပ

(VOA News မှ 9 Feb 2012 ရက်စွဲပါ China Hosts Burma Rebel Peace Talks for economic strategic benefit သတင်းဆောင်းပါးကို ဘာသာ ပြန်ဆိုသည်)

**************************************************************************************

အာရှမဟာမိတ်နိုင်ငံများကို သတိထားလာသည့် တရုတ်ပြည်

(The Statesman သတင်းစာမှ 12 Feb 2012 ရက်စွဲပါ China getting wary of allies ကို ဆီလျော်အောင် ဘာသာ ပြန်ဆိုသည်)

အမေရိကန်ပြည်ထောင်စုက အာရှပစိဖိတ်ဒေသသို့ ချဉ်းကပ်ဝင်ရောက်လာကာ အိန္ဒိယနှင့် ဂျပန်ကဲ့သို့သော နိုင်ငံများနှင့် ချစ်ကြည်ရင်းနှီးမှုများ တိုးမြင့်အောင်လုပ်ဆောင်လျက်ရှိရာ တရုတ်ပြည်အနေဖြင့် ၎င်း၏  မဟာမိတ်နိုင်ငံများ ဖြစ်သည့် မြောက်ကိုရီးယား၊ ပါကစ္စတန်၊ မြန်မာတို့နှင့်ပတ်သက်၍ သတိထားရမည်ဖြစ်ကြောင်း နိုင်ငံပိုင်မီဒီယာက ဆောင်းပါးတစ်ပုဒ်ဖြင့် ရေးသားဖော်ပြသည်။ တရုတ်၏ အဆိုပါ မဟာမိတ်နိုင်ငံများသည်လည်း အနောက်၏ သြဇာလွှမ်းမိုးမှုကြောင့် ယိမ်းယိုင်နေပြီဖြစ်သည်ဟု ဆိုသည်။

"လက်ရှိအနေအထားတွင် ဂျပန်၊ အိန္ဒိယ၊ အာဆီယံနိုင်ငံများနှင့် တရုတ်နိုင်ငံဆက်ဆံရေးမှာ အတန်ငယ် တင်းမာလျက်ရှိသည်။ တစ်ချိန်တည်းမှာပင် ယခင် အနီးကပ်မဟာမိတ်များဖြစ်ကြသည့် မြောက်ကိုရီးယား၊ မြန်မာနှင့် ပါကစ္စတန်တို့သည် အနောက်နိုင်ငံများအတွက် တံခါးဖွင့်ပေးလျက် ရှိသည်" ဟု တရုတ်အစိုးရ၏ တရားဝင် ဝက်ဘ်ဆိုက်ဖြစ်သော China.org.cn မှဆောင်းပါးတစ်ပုဒ်တွင်ဖော်ပြထားသည်။ အထူးသဖြင့် အဆိုပါသုံးနိုင်ငံကို တရုတ်ပြည်က "ယခင်အနီးကပ်မဟာမိတ်"နိုင်ငံများအဖြစ် ဖော်ပြသည်ကိုတွေ့ရသည်။

"မြောက်ကိုရီးယားဟူသည် တရုတ်နိုင်ငံက ထောက်ပံ့မှုအများဆုံးပေးရသောနိုင်ငံဖြစ်သည်။ မည်သို့ပင်ဆိုစေ မြောက်ကိုရီးယားသည် တရုတ်အပေါ် အနီးကပ်မိတ်ဆွေအဖြစ်ဆက်လက်ရပ်တည်တော့မည်မဟုတ်ပေ။ တရုတ်အစား အမေရိကန်ပြည်ထောင်စုနှင့် တိုက်ရိုက်ဆက်ဆံရေး ထူထောင်ရန် ဆန္ဒရှိနေသည်" ဟု ဆောင်းပါးတွင်ရေးသားထားသည်။ မည်သို့သော အင်အားကြီးနိုင်ငံကမျှ တရုတ်နိုင်ငံလောက် မဟာမိတ်နိုင်ငံများအပေါ် စေတနာထားကာ လုပ်ဆောင်ပေးမည် မဟုတ်ကြောင်း၊ ယင်းအင်အားကြီးနိုင်ငံများဟူသည် ဂုဏ်ပြုမှု သို့မဟုတ် လေးစားမှုရရှိရန်သာ ကြိုးပမ်းကြ လိမ့်မည် ဖြစ်ကြောင်း ဆောင်းပါးကဆိုသည်။ "မြောက်ကိုရီးယားတွင် ကင်ဂျွန်အန်(ကင်ဂျုံအီလ်၏ အငယ်ဆုံးသား) တိုင်းပြည်ခေါင်းဆောင် ဖြစ်လာသောကြောင့် တရုတ်ပြည်အပေါ်မည်မျှအတိုင်းအတာအထိ လေးစားသမှု ပြုမည်ဟူသော အချက်ကို မတွေ့မြင်နိုင်သေးပေ" ဘေဂျင်းအစိုးရ အတွက် ပါးစပ်ဟောင်းလောင်းဖြစ်သွားစေသည့် နိုင်ငံတစ်နိုင်ငံမှာ မြန်မာပင်ဖြစ်သည်။ မြန်မာဟူသည် တရုတ်နိုင်ငံက စွမ်းအင်ပိုက်လိုင်း သွယ်တန်းရေးအတွက် ဒေါ်လာဘီလီယံအကုန်အကျခံကာ အခြေခံ အဆောက်အဦများ ဝင်ရောက်တည်ဆောက်နေသည့် နိုင်ငံလည်းဖြစ်သည်။

"ယခင်က တရုတ်ပြည်၏ အနီးကပ်မဟာမိတ်ဖြစ်ခဲ့သော မြန်မာနိုင်ငံသည် ယမန်နှစ်ကစ၍ အမေရိကန်ပြည်ထောင်စုအပေါ် ထားရှိသည့် သဘောထားကို စတင်ပြောင်းလဲပစ်ခဲ့သည်" ဟု ဆိုပြီး 'ကန်' နိုင်ငံခြားရေးဝန်ကြီး ဟီလာရီကလင်တန် ဒီဇင်ဘာလအတွင်း မြန်မာနိုင်ငံသို့ သမိုင်းဝင် ခရီးစဉ်အဖြစ် အလည်အပတ် ရောက်ရှိလာပုံကို ညွှန်းဆိုသည်။ "ယင်းဖြစ်ရပ်သည် မြန်မာနှင့် အမေရိကန် တစ်ဦးနှင့် တစ်ဦးချင်းကပ်နိုင်ရေးအတွက် သဘာဝကျနမှုရှိသော လှုပ်ရှားမှုတစ်ရပ်ဖြစ်သည်။ ဟီလာရီကလင်တန် မလာရောက်မီ မြန်မာအစိုးရက အတိုက်အခံခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ်မှ လွတ်မြောက်ခွင့်ပေးခဲ့သည်။ ထို့နောက် မြစ်ဆုံ ရေအားလျှပ်စစ် စီမံကိန်းတွင် တရုတ်ပြည် ဝင်ရောက် ရင်းနှီးမြှုပ်နှံမှုကို ရပ်ဆိုင်းပစ်သည်" ဟု ဆိုသည်။ "အကယ်၍ ယခုအတိုင်းသာဆက်သွားမည်ဆိုပါက မြန်မာအနေဖြင့် နောက်ဆုံးတွင် အနောက်၏ သြဇာအာဏာ အောက်၌ နစ်မြုပ်သွားမည်ဖြစ်ပြီး တရုတ်နယ်စပ်ဒေသများတစ်လျှောက် အမေရိကန်ပြည်ထောင်စု တပ်ဖြန့်နေရာယူရေးအတွက် နယ်ရုပ်တစ်ခု သဖွယ်ဖြစ်လာပေလိမ့်မည်" ဟု ဆိုသည်။ တရုတ်နိုင်ငံသည် မြန်မာနိုင်ငံတွင်း ဓာတ်ငွေ့ပိုက်လိုင်းသွယ်တန်းရေး၊ မီးရထားလမ်း ဖောက်လုပ်ရေးအစရှိသည့် အခွင့်အလမ်းများရရှိအောင် ကြိုးပမ်းလျက် ရှိသည်။

"အကယ်၍ မြန်မာကသာ အမေရိကန်ပြည်ထောင်စုကို နွေးနွေးထွေးထွေးဆက်ဆံသွားမည်ဆိုပါက ယင်းကိစ္စသည် တရုတ်ပြည်၏ စွမ်းအင်ဆိုင်ရာ မဟာဗျူဟာအတွက် အနှောင့်အယှက်တစ်ခုဖြစ်လာပေလိမ့်မည်။ မြန်မာပြည်တွင်း စွမ်းအင်ဖွံ့ဖြိုးမှုသည် တရုတ်ပြည်အတွက် အကောင်းဆုံးသော အဖြေတစ်ခုအဖြစ် ဆက်လက် တည်ရှိနေမည်ဖြစ်သည်။ အကြောင်းမှာ မလက္ကာရေလက်ကြားအတွင်း အမေရိကန်ပြည်ထောင်စုနှင့် ပဋိပက္ခများ ရှောင်းရှားရန်ဖြစ်သည်" ဟု ဆိုသည်။ ထို့အတူ မိတ်ဆွေနိုင်ငံတစ်ခုဖြစ်သော ပါကစ္စတန်နှင့်ပတ်သက်၍လည်း စိုးရိမ်ကြောင့်စရာများ ရှိနေသည်။ ပါကစ္စတန်သည် တရုတ်ပြည်၏ အကောင်းဆုံးမိတ်ဆွေနိုင်ငံဖြစ်သည်ဟူသောအချက်မှာ သံသယဖြစ်ဖွယ်မရှိပေ။ ယင်းအချက်ကြောင့်ပင် ပါကစ္စတန်သည် အမေရိကန်ကာကွယ်ရေးမဟာဗျူဟာအတွက် ဆုံချက်တစ်ခု ဖြစ်လာခြင်းပင် ဖြစ်သည်" ဟု ဆောင်းပါးက ခပ်ပြင်းပြင်းဝေဖန်သည်။

"ယမန်နှစ် ဒီဇင်ဘာလအတွင်း ပါကစ္စတန်နယ်စပ်စခန်းများကို နေတိုးလေယာဉ်နှင့် ရဟတ်ယာဉ်တို့က ပစ်ခတ်တိုက်ခိုက်သွားခဲ့သည်။ ယင်းဖြစ်ရပ်ကိုကြည့်လျှင် တရုတ်၏ အိမ်နီးချင်းနိုင်ငံများအနေဖြင့် မည်သူမည်ဝါကို မိတ်ဆွေအဖြစ်ဆက်လက်ပေါင်းသင်းသင့်သည်ဟူသောအချက်ကို သတိပြုနိုင်သည်" ဟု ဆောင်းပါးက ထောက်ပြသည်။ "မျက်မှောက်ခေတ်တွင် အာရှနိုင်ငံများသည် တရုတ်ပြည်၏ ယဉ်ကျေးမှုနှင့် တန်ဖိုးများကို အသိအမှတ်ပြု လေးစားခြင်းမရှိကြပေ။ ၎င်းတို့သည် ယခင်တစ်ချိန်က ကုန်သွယ်ရေးအခွင့်အလမ်းများ ရယူရန်အလို့ငှာ တရုတ်ပြည်နှင့် စေ့စပ်ညှိနှိုင်းမှုများ ပြုလုပ်ခဲ့ကြသည်။ တရုတ်ပြည် စီးပွားရေးနှေးကွေးသွားသည်နှင့် တစ်ပြိုင်နက်တည်း တရုတ်ပြည်၏ ဆွဲဆောင်မှုမှာလည်း ကွယ်ပျောက်သွားမည်သာ ဖြစ်၏။ တရုတ်အနေဖြင့် ပါဝါအပျော့ကို အသုံးပြုပြီး အာရှသူ အာရှသားများ၏ နှလုံးသားကို ဖမ်းဆုပ်နိုင်ရန်အရေးကြီးသည်"

"အမေရိကန်ပြည်ထောင်စုသည် အာရှကို မည်သည့်အခါမှ လက်လွှတ်လိမ့်မည်မဟုတ်ပေ။ သို့အတွက်ကြောင့် ဝါရှင်တန်နှင့် ဘေဂျင်းအနေဖြင့် အာရှဒေသတွင်း ငြိမ်းချမ်းစွာ တွဲဖက်နေနိုင်မည့်နည်းလမ်းများကို မဖြစ်မနေ သင်ယူရပေလိမ့်မည်" ဟု ဆောင်းပါးက သတိပေးရေးသားသည်။ တစ်ချိန်တည်းမှာပင် တရုတ်အနေဖြင့် အိမ်နီးချင်းနိုင်ငံများနှင့် အမေရိကန်ပြည်ထောင်စု ချစ်ကြည်ရေးအားနည်းသွားအောင် ရိုးရိုးရှင်းရှင်း လုပ်ဆောင်ခြင်းထက် ၎င်းတို့ကို ဆွဲဆောင်နိုင်မည့် နည်းလမ်းများကို ရှာဖွေသင့်ကြောင်း ရေးသားသည်ကိုတွေ့ရသည်။

*****************************************************************

စီးပွားရေးနှင့် မဟာဗျူဟာမြောက်အကျိုးအမြတ်အတွက် ငြိမ်းချမ်းရေးဆွေးနွေးပွဲများတရုတ်လက်ခံကျင်းပ

(VOA News မှ 9 Feb 2012 ရက်စွဲပါ China Hosts Burma Rebel Peace Talks for economic strategic benefit သတင်းဆောင်းပါးကို ဘာသာ ပြန်ဆိုသည်)

မြန်မာအစိုးရသည် တောင်တန်းဒေသမှ ကိုယ်ပိုင်အုပ်ချုပ်ခွင့်အတွက် တိုက်ပွဲဝင်နေကြသော တိုင်းရင်းသား လက်နက်ကိုင်များနှင့် အပစ်ရပ် လက်မှတ်ရေးထိုးမှုများကြောင့် ဝိုင်းဝန်းချီးကျူးခြင်း ခံနေရသော်လည်း ကချင်လွတ်မြောက်ရေး တပ်ဖွဲ့ KIA နှင့် တိုက်ပွဲပြန်လည် ဖြစ်ပွားနေခြင်းကြောင့် အရေးကြီးသောတရုတ် နိုင်ငံနှင့် နယ်စပ်ဒေသမှ ငြိမ်းချမ်းရေးကို ခြိမ်းခြောက်လျက်ရှိသည်။

သယံဇာတ ကြွယ်ဝသော နိုင်ငံမြောက်ပိုင်း ကချင်ပြည်နယ်တွင် ပြင်းထန်သောအချေအတင် ပဋိပက္ခများကြောင့် ၁၇ နှစ်ကြာ အပစ်ရပ်ငြိမ်းချမ်းရေး ပျက်ပြားသွားခဲ့ပြီးနောက် ဇွန်လမှ စ၍ နေရာအနှံ့တိုက်ပွဲများ ဖြစ်ပွားခဲ့သည်။ ယင်းတိုက်ပွဲများကြောင့် ဒေသခံရွာသား ထောင်ပေါင်းများစွာ နယ်စပ်ဖြတ်ကူး၍ တရုတ်နိုင်ငံထဲသို့ ထွက်ပြေးသွားခဲ့ကြသည်။ ကချင်ပြည်နယ်တွင်းနယ်စပ်ကုန်သွယ်ရေးနှင့် စွမ်းအင် စီမံကိန်းများတွင် ဒေါ်လာဘီလျံနှင့် ချီ၍ ရင်းနှီးမြှုပ်နှံထားသော ဘေဂျင်းကတင်းမာနေသော အနေအထားကို ကူညီဖြေရှင်းရန်အတွက် မြန်မာအစိုးရနှင့် ကချင်တပ်ဖွဲ့အကြား ငြိမ်းချမ်းရေးညှိနှိုင်းဆွေးနွေးပွဲများကို တိုးတိုးတိတ်တိတ် လက်ခံကျင်းပ ပေးခဲ့သည်။

မြန်မာနိုင်ငံနယ်စွန်နယ်ဖျားမှ ကလေးသူငယ်များ၏ အရေးကိုဦးစားပေးဆောင်ရွက်နေသော နိုင်ငံတကာခရစ်ယာန် ရန်ပုံငွေအဖွဲ့ Partners in Relief and Development မှ ဘရိုင်ယန်အဲရစ်ဆန်က မြောက်ပိုင်း နယ်စပ်ဒေသတစ်လွှား အိုးအိမ်စွန့်ခွာထွက်ပြေးသူအရေအတွက် ၆၀၀၀၀ ကျော်သည်ဟု ခန့်မှန်း ပြောကြားသည်။

အထက်ပါ မြန်မာနိုင်ငံအတွင်းမှ ဒုက္ခသည်များသည် အစာရေစာလုံလောက်မှုမရှိသည့်အပြင် ရာသီဥတု အအေးဒဏ်ကြောင့် ဖြစ်ပွားသော အသက်ရှုလမ်းကြောင်းဆိုင်ရာ ရောဂါများကိုခံစားနေကြရသည်။ “ဒီလိုအရေအတွက် ထောင်ပေါင်းများစွာရှိတဲ့ ဒုက္ခသည်တွေဟာ မြန်မာတပ်မတော်နဲ့ တိုက်ရိုက်တိုက်ပွဲတွေ၊ မြေယာပိုင်ဆိုင်မှုဥစ္စာ၊ အပြင်လူတွေကိုပါ အဓမ္မသိမ်းပိုက်ခံရတဲ့ တိုက်ရိုက်ဘေးအန္တာရယ်တွေ ကြောင့် ထွက်ပြေးလာကြရတာပါ။ သူတို့ဟာ ကျည်ဆံတွေ ပတ်လည်ဝိုင်းနေတဲ့အနေအထားကြားက ကြောက်ရွံ့စွာ ထွက်ပြေးလာသူတွေဖြစ်ပါတယ်” ဟုလည်း ဆိုသည်။

နိုင်ငံတကာအဖွဲ့အစည်းများနှင့် သတင်းထောက်များသည် ကချင်ပြည်နယ်အတွင်းသို့သွားရောက်ရန် ကန့်သတ်ချက်ရှိနေသောကြောင့် ပြဿနာ အနေအထား၏ အသေးစိတ်အချက်များကိုအတည်ပြုရန် ပိုမိုခက် ခဲစေခဲ့သည်။ ဒုက္ခသည် ပြဿနာမှန်သမျှကိုအသိအမှတ်ပြုခြင်း မရှိသော တရုတ် အာဏာပိုင်များသည် တင်းမာနေသော အုပ်စုနှစ်ခုအကြား စေ့စပ်ဆွေးနွေးမှုများကိုမူအိမ်ရှင်အဖြစ် လက်ခံကျင်းပပေးခဲ့သော်လည်း ယင်းတို့ဖက်မှလည်း အသေးစိတ် သတင်းအချက်အလက်များ မရရှိပါ။

ယခုကဲ့သို့ ကြားဝင်ဖြတ်ဖြေသူအဖြစ် တရုတ်နိုင်ငံပါဝင်လာရခြင်းမှာ ၂၀၀၉ ခုနှစ်ကယင်းတို့၏ အကျိုးစီးပွားများ အလားတူပျက်စီးဆုံးရှုံးခဲ့ရသည့် ကိုးကန့်ပြဿနာ၏ ရလဒ်ဖြစ်သည်ဟုပြောကြားသူမှာထိုင်ဝမ် National Chengchi University မှ သုတေသနပညာရှင် ရာပီပရာဆတ်နာရာယာနမ် ဖြစ်သည်။ “အခုတစ်ကြိမ်ဘေဂျင်းက စိတ်ဝင်တစားပါဝင်လာတာဟာ ၂၀၀၉ ခုနှစ်ကိုးကန့်ပြဿနာရဲ့ သင်ခန်းစာကြောင့်ပါပဲ။ လောလောဆယ် တရုတ်-မြန်မာ နယ်စပ်မှာဒုက္ခသည် ပြဿနာဖြစ်ပေါ်နေပါပြီ။ ဒီကိစ္စဟာ ဒေသအာဏာပိုင်တွေကို သာမကပဲ ဘေဂျင်းကအာဏာပိုင်တွေကိုပါ မရှုနိုင်မကယ်နိုင် ဖြစ်စေပါတယ်။ ဒါကြောင့် ဒီစည်းဝိုင်းထဲကနေ သူတို့ ဘေးရောက်မသွားသင့်ဘူး။ မိပြီးသားငါးလွတ်မသွားအောင် ကာကွယ်ရမယ် လို့ ဘေဂျင်းက အာဏာပိုင်တွေခံစားနေရပါပြီ” ဟု ယင်းကသုံးသပ်ပြောကြားသည်။

ကချင်ပြည်နယ်တွင် တိုက်ပွဲများဆက်လက်ဖြစ်ပွားနေခြင်းသည် နယ်စပ်ငြိမ်းချမ်းရေးကိုသာမကပဲတရုတ်တို့၏ နယ်စပ်ကုန်သွယ်ရေးနှင့် ရင်းနှီးမြှုပ်နှံမှုကဏ္ဍမှ ဒေါ်လာဘီလျံများစွာကိုလည်း ခြိမ်းခြောက်လျက် ရှိသည်။ ဒေါ်လာ ၃.၅ ဘီလျံတန် အငြင်းပွားဖွယ် မြစ်ဆုံရေလှောင်တမံ စီမံကိန်းအနီးတွင် ပစ်ခတ်မှုဖြစ်ပွားလာချိန်တွင် သမတဦးသိန်းစိန်က တမံစီမံကိန်းကို ရုတ်တရက်ရပ်ဆိုင်းလိုက်သောအခါ တရုတ်တို့ အံအားသင့်ကာ ဒေါသထွက်ခဲ့ကြသည်။

ဘေဂျင်းသည် ကချင်ပြည်နယ်တွင် ရေအားလျှပ်စစ်စီမံကိန် ၇ ခုတည်ဆောက်ရန် သဘောတူထားပြီးထွက်ရှိသမျှ ဓာတ်အားအများစုကို တရုတ်နိုင်ငံသို့ တင်သွင်းရန် စီစဉ်ထားသည်။ ထို့အပြင် မြန်မာ့ဓာတ်သတ္ထု၊ ကျောက်မျက်ရတနာနှင့် သစ်လုပ်ငန်းနယ်ပယ် (တရားမဝင် ရောင်းဝယ်မှုများရှိ) များတွင် ရင်းနှီးမြှုပ်နှံ၊ ဝယ်ယူလျက်ရှိပြီးအပြန်အလှန်အားဖြင့် ဈေးပေါပေါထုတ်လုပ်ထားသောကုန်ပစ္စည်းများကို ပြန်လည် တင်ပို့ရောင်းချသည်။

ရွှေလီအခြေစိုက် စစ်ရေးအကဲခတ် ဦးအောင်ကျော်ဇောက တရုတ်နိုင်ငံသည် ယင်း၏ စီးပွားရေး အကျိုးအမြတ်များကို ကာကွယ်ရန်အတွက် ငြိမ်းချမ်းရေးဆွေးနွေးပွဲများကို လက်ခံကျင်းပနေခြင်းဖြစ်သည် ဟု မှတ်ချက်ပေးသည်။ “မြောက်ပိုင်းဒေသ၊ အထူးသဖြင့် KIA နယ်မြေဟာအစိုးရအတွက် ငွေတွင်းဖြစ်သလို တရုတ်အစိုးရအတွက်လည်း ငွေတွင်းဖြစ်နေပါတယ်။ ဒါကြောင့် သူတို့အတွက် ငြိမ်းချမ်းရေးလိုအပ်တယ်”ဟု ယင်းက သုံးသပ် ပြောကြားသည်။

တရုတ်နှင့် မြန်မာတို့ ပူးပေါင်းသွယ်တန်းနေကြသောရေနံနှင့် ဓာတ်ငွေ့ပိုက်လိုင်းများသည် အရာအားလုံးအနက် အရေးကြီးဆုံးဖြစ်သည်ဟု ပြောကြားသူမှာ London School of Economics မှ မောင်ဇာနည် ဖြစ်သည်။ ယာဉ်ကြောထူထပ်၍ ပင်လယ်ဓားပြရန် ကြောက်ရသော မလက္ကာ ရေလက်ကြားကို ရှောင်လွှဲရန်အတွက် မဟာဗျူဟာမြောက်လမ်းကြောင်းအဖြစ် စီစဉ်ထားသောရခိုင်ကမ်းရိုးတမ်းမှ သွယ်တန်းယူလာမည့် ရေနံနှင့် ဓာတ်ငွေ့ ပိုက်လိုင်းများ ရောက်ရှိမည့် ရွှေလီသည် ယခုတိုက်ပွဲများဖြစ်ပွားနေသောကချင်ပြည်နယ်နှင့် မဝေးလှပေ။ ယင်းပိုက်လိုင်းများသည် တရုတ် အာဏာပိုင်များအား မြန်မာအစိုးရနှင့် ကချင်တပ်များ ငြိမ်းချမ်းရေးရအောင် စေ့စပ်ပေးရန် တိုက်တွန်းစေခိုင်နေသည်ဟု မောင်ဇာနည်က တင်စားသည်။

“ကချင်ပြည်နယ်ဟာ ပိုက်လိုင်းလုံခြုံရေးသာမကပဲ နယ်စပ်ကုန်သွယ်ရေးနဲ့ပါ ဆက်စပ်နေတဲ့အတွက် နေပြည်တော်နှင့် ဘေဂျင်းအတွက် အသက်တစ်မျှ အရေးကြီးလာပါတယ်”ဟုမောင်ဇာနည်ကဆိုပါသည်။ ထို့အပြင် တရုတ်နိုင်ငံသည် အရှေ့တောင်အာရှ၏ အကြီးဆုံးမူးယစ်ဆေးဝါး အဖွဲ့အစည်းဟု သတ်မှတ်ခံရသော၊ ခန့်မှန်း လက်နက်ကိုင်အင်အား ၃ သောင်းခန့်ရှိသော ဝ သူပုန်တပ်ဖွဲ့ UWSA ကိုလည်း အဓိကလက်နက်များ ထောက်ပံ ဖြည့်ဆည်းပေးလျက် ရှိသည်ဟု စစ်ရေးအကဲခတ်လေ့လာသူများက ပြောကြားသည်။ သို့သော် ဟန်ချက်ထိန်းသည့် အနေဖြင့် မြန်မာ့ တပ်မတော်အတွက်လည်း လက်နက်များရောင်းချပေးခဲ့သည်ဟုဆိုသည်။

မောင်ဇာနည်က ဆက်လက်၍ “အခု မြန်မာ့စီးပွားရေးတံခါးဖွင့်လိုက်တာဟာဘီဂျင်းနဲ့ နေပြည်တော် ဆန္ဒချင်း ထပ်တူကျသွားတာပါ။ ဘီဂျင်းနဲ့ နေပြည်တော် ဆန္ဒခြင်းထပ်တူကျသွားတာပါ။ တရုတ်တွေဟာသူတို့ ရဲ့ အကျိုးစီးပွားကိုကာကွယ်ရမယ့်အချိန်မှာတိုင်းရင်းသားလက်နက်ကိုင်တပ်တွေ၊ အထူးသဖြင့် ဝ နဲ့ ကချင် တပ်ဖွဲ့တွေကို ဖိအားပေးထားပါလိမ့်မယ်။ ဘီဂျင်းရဲ့ အားထုတ်မှုဟာအပြုသဘောဆောင်မှာလား၊ မြန်မာအစိုးရဘက်ကို လိုက်မှာလား ဆိုတာကိုတော့ ပြောလို့မရသေးပါဘူး။ အခုလိုအချိန်မှာတရုတ်တွေဟာသူပုန်တွေနဲ့ နယ်စပ်မှာငါးမျှားတာထက် နေပြည်တော်မှာ ငါးကြီးကြီးမျှားဖို့ ပိုပြီးသဘောတူမှာပါ”ဟုသုံးသပ်ပြော ကြားသည်။

တိုင်းရင်းသားလက်နက်ကိုင်များနှင့် တိုက်ပွဲများအဆုံးသတ်ရေးသည် မြန်မာနိုင်ငံအပေါ် စီးပွားရေး Sanctions များချမှတ်ထားသော အနောက်နိုင်ငံများက သတ်မှတ်ထားသော အဓိကတောင်းဆိုချက်များထဲတွင်လည်းပါဝင်သည်။

ယခုအခါ မြန်မာအစိုးရသည် ဝ၊ ကရင်နီ၊ ရှမ်း၊ ချင်းစသောအဖွဲ့များနှင့် သဘောတူညီမှုများရရှိထားပြီးဖြစ်ပြီး နှစ်ပေါင်း ၆၀ ဆက်တိုက် တိုက်ပွဲဝင်ခဲ့သောကရင်အုပ်စုနှင့်လည်းသမိုင်းဝင် အပစ်ရပ်စဲမှု လက်မှတ်ရေးထိုးနိုင်ခဲ့သည်။

*****************************************************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle 2011 - (2)
yangonchronicle 2011 - (2)

၁၄.၂.၂ဝ၁၂

ဘာသာပြန်သတင်းများ အပိုင်း(၂)

  1. မြန်မာနိုင်ငံခြားကုန်သွယ်မှု ပမာဏ ၃၈ %မြင့်တက်

(News Kerala မှ 13 Feb 2011 ရက်စွဲပါ “Myanmar Foreign trade to grow by 30 percent” သတင်းကို ဘာသာ ပြန်ဆိုသည်)

  1. ဖိလစ်ပိုင်နိုင်ငံခြားရေးဝန်ကြီး မြန်မာရောက်ဖိလစ်ပိုင်များကို တွေ့ဆုံ

(CBN News မှ 14 Feb 2011 ရက်စွဲပါ “DFA Chief Meets Filipinos in Myanmar” သတင်းကို ဘာသာပြန်ဆိုသည်)

  1. ရွေးကောက်ပွဲမျှတစွာ ကျင်းပမည်ပာု အီးယူကို မြန်မာကတိပြု

(AFP သတင်းမှ 13 Feb 2012 ရက်စွဲပါ “Myanmar Promises EU to hold fair vote” သတင်းကို ဘာသာပြန်ဆိုသည်)

  1. အစိုးရသစ်က တရုတ်၏ လွှမ်းမိုးမှုအရိပ်အောက်မှ လွတ်ရန်ကြိုးစား

(Brisbance Times မှ 9 Feb 2011 ရက်စွဲပါ Hamish McDonald ရေးသားသော News Regime tries to rise above growing shadow of Beijing’s influence” ကို ဘာသာပြန်ဆိုသည်)

******************************************************************************

မြန်မာနိုင်ငံခြားကုန်သွယ်မှု ပမာဏ ၃၈ %မြင့်တက်

(News Kerala မှ 13 Feb 2011 ရက်စွဲပါ “Myanmar Foreign trade to grow by 30 percent” သတင်းကို ဘာသာ ပြန်ဆိုသည်)

မြန်မာနိုင်ငံ၏ နိုင်ငံခြားကုန်သွယ်ရေးသည် ၂၀၁၁-၂၀၁၂ ဘဏ္ဍာရေးနှစ်အတွင်း ၃၀ ရာခိုင်နှုန်းကျော် ကြီးထွားကာ အမေရိကန်ဒေါ်လာ ၁၆.၁ ဘီလျံသို့ ရောက်ရှိလိမ့်မည်ပာု စီးပွားကူးသန်းဝန်ကြီးဌာနက ပြောကြားသည်။ ပြီးခဲ့သော ဘဏ္ဍာရေးနှစ်က နိုင်ငံခြားကုန်သွယ်မှုတန်ဖိုးမှာ ဒေါ်လာ ၁၂ ဘီလျံသာရှိခဲ့သည်ပာုလည်း သိရှိရသည်။ သဘာဝဓာတ်ငွေ့ တင်ပို့ရောင်းချမှု တိုးမြှင့်လာခြင်းကြောင့် ၂၀၁၁-၂၀၁၂ ဘဏ္ဍာရေးနှစ်၏ ပထမ ၁၀ လ(ဧပြီမှ ဇန်နဝါရီ) အတွင်း ကုန်သွယ်မှု ပမာဏတန်ဖိုး အမေရိကန်ဒေါ်လာ ၁၄ ဘီလျံသို့ ရောက်ရှိခဲ့ခြင်းဖြစ်သည်။ အဆိုပါ ကာလအတွင်း စုစုပေါင်း ကုန်သွယ်မှုတန်ဖိုးတွင် ပို့ကုန်တန်ဖိုး အမေရိကန်ဒေါ်လာ ၇.၁ ဘီလျံနှင့် သွင်းကုန်တန်ဖိုး ဒေါ်လာ ၇.၃ ဘီလျံ အသီးသီးပါဝင်သည်။ ယင်းသို့ ကုန်သွယ် ရောင်းဝယ်မှု ပြုလုပ်ရာတွင် သဘာဝဓာတ်ငွေ့အပြင် ရေထွက်ကုန်ပစ္စည်းများ၊ ဆန်၊ ဓာတ်သတ္တု၊ပဲအမျိုးမျိုးတို့လည်း ပါဝင်ကြသည်ပာု သိရှိရသည်။

လက်ရှိ မြန်မာအစိုးရက ဆန်၊ ပဲအမျိုးမျိုး၊ ပြောင်း၊ နှမ်း၊ ရာဘာ၊ ရေချိုနှင့် ရေငန်ထွက်ကုန်များ၊ သားငါး ထွက်ကုန်များ၊ သစ်၊ ဝါး၊ ကြိမ်ဖြင့် ပြုလုပ်သော တန်ဖိုးမြှင့် ထုတ်ကုန်များစသောပို့ကုန် အမျိုးအစားများပေါ်တွင် ကုန်သွယ်ခွန်လျှော့ချပေးထားသည်။ မြန်မာနိုင်ငံသည် လယ်ယာ စိုက်ပျိုးရေး၊ ဓာတ်သတ္တု၊ သစ်တေထွက်ကုန်များ၊ လက်မှု ပစ္စည်းများ အဓိကတင်ပို့ရောင်းချပြီး ဘိလပ်မြေ၊ လယ်ယာကဏ္ဍသုံး စက်ကိရိယာ၊ မော်တော်ကား၊ လျှပ်စစ်ပစ္စည်း မျိုးစုံ စသဖြင့် ပြန်လည်တင်သွင်းလျက်ရှိသည်။ မြန်မာ့စီးပွားရေးကဏ္ဍ၏ စိတ်ချယုံကြည်ရမှု ပိုမိုတိုးမြင့်လာခြင်းကြောင့် ရင်းနှီးမြှုပ်နှံမှုတိုးပွားလာခြင်း၊ ပို့ကုန်လုပ်ငန်း တိုးတက်လာခြင်း တို့ကြောင့် မြန်မာနိုင်ငံ၏ အသားတင်ထုတ်လုပ်မှုတန်ဖိုး GDP သည် ၂၀၁၁-၂၀၁၂ ဘဏ္ဍာရေးနှစ်တွင် ၅ ရာခိုင်နှုန်း၊ လာမည့် ၂၀၁၂-၂၀၁၃ ဘဏ္ဍာရေးနှစ်တွင် ၆ ရာခိုင်နှုန်း အသီးသီးတိုးတက်လိမ့်မည်ပာု မျှော်လင့်ရသည်။

************************************************************************

ဖိလစ်ပိုင်နိုင်ငံခြားရေးဝန်ကြီး မြန်မာရောက်ဖိလစ်ပိုင်များကို တွေ့ဆုံ

(CBN News မှ 14 Feb 2011 ရက်စွဲပါ “DFA Chief Meets Filipinos in Myanmar” သတင်းကို ဘာသာပြန်ဆိုသည်)

ဖိလစ်ပိုင်နိုင်ငံခြားရေးရာဝန်ကြီး အဲလ်ဘတ်ဒယ်ရိုစာရီယိုသည် မြန်မာနိုင်ငံရောက် ဖိလစ်ပိုင်လူမျိုး အသိုင်းအဝိုင်းနှင့် ယခင်အပတ်က တွေ့ဆုံခဲ့သည်။ ဖေဖော်ဝါရီ ၈ ရက်က ရန်ကုန်မြို့ ဖိလစ်ပိုင်သံရုံးတွင် ဒယ်ရိုစာရီယိုအား ကြိုဆိုသည့် ဂုဏ်ပြုညစာစားပွဲသို့ ဖိလစ်ပိုင် လူမျိုး တစ်ရာခန့် တက်ရောက်ခဲ့ကြသည်ဟု သိရသည်။

နိုင်ငံခြားရေးဝန်ကြီးက အမှာစကားပြောကြားရာတွင် ပင်လယ်ရပ်ခြားရောက် ဖိလစ်ပိုင်များကို အကာအကွယ် ပေးခြင်း၊ အားပေးမြှင်တင်ခြင်းကို ဦးစားပေး ဦးတည်ထားသော ဖိလစ်ပိုင်နိုင်ငံခြားရေးမူဝါဒ၏ မဏ္ဍိုင် ၃ ရပ်ကို ရည်ညွှန်းဖော်ပြခဲ့သည်။ ထို့အပြင် မြန်မာနိုင်ငံ၌ လူမှု-စီးပွားရေး ပြုပြင် ပြောင်းလဲမှုများ ပြုလုပ်နေချိန်တွင် ပါဝင်ကြသော ဖိလစ်ပိုင်အသိုင်းအဝိုင်း၏ ကဏ္ဍကိုလည်း အလေးထားထည့်သွင်းပြောကြားခဲ့သည်။ မြန်မာနိုင်ငံရောက် ဖိလစ်ပိုင်အသိုင်းအဝိုင်း ဥက္ကဋ္ဌ ဒေါက်တာ မလယ်လ်ဂါကာဖီစထရာနို ကလည်း ၎င်းတို့၏ အခက်အခဲများကို တင်ပြဆွေးနွေးရာတွင် ဖိလစ်ပိုင်သို့ ငွေပေးပို့မှု အလားအလာနှင့် မြန်မာ-ဖိလစ်ပိုင် တိုက်ရိုက်လေကြောင်း ပြန်လည်ပြေးဆွဲရေးကိစ္စတို့ကို ထည့်သွင်းပြောကြားခဲ့သည်။ နိုင်ငံခြားရေးဝန်ကြီးက အထက်ပါ ကိစ္စများကို ဖြေရှင်းဆောင်ရွက်ပေးမည်ပာု ပြန်လည်ပြောကြားသည်။

လက်ရှိ မြန်မာနိုင်ငံတွင် ဖိလစ်ပိုင်လူမျိုး ၃၆၂ ဦးခန့်နေထိုင်လျက်ရှိပြီး ကုလသမဂ္ဂနှင့် NGO အဖွဲ့များတွင် လုပ်ကိုင်နေသော ပညာရှင်များ၊ ဆရာ၊ ဆရာမများ၊ မန်နေဂျာများ၊ အင်ဂျင်နီယာများ၊ ဗိသုကာပညာရှင်များ၊ ကြီးကြပ်ရေးမှူးများ၊ ဖျော်ဖြေရေးအနုပညာရှင်များ ပါဝင်ကြသည်ပာု သိရှိရသည်။

ဖိလစ်ပိုင်နိုင်ငံခြားရေးရာဝန်ကြီး ဒယ်ရိုစာယိုသည် ယခင်သီတင်းပတ်အတွင်း မြန်မာနိုင်ငံသို့ လာရောက်၍ သမ္မတဦးသိန်းစိန်၊ ဒီမိုကရေစီ လှုပ်ရှားမှုခေါင်းဆေင် ဒေါ်အောင်ဆန်းစုကြည် စသူတို့နှင့် တွေ့ဆုံဆွေးနွေးခဲ့ခြင်းဖြစ်သည်။

***********************************************************************

ရွေးကောက်ပွဲမျှတစွာ ကျင်းပမည်ပာု အီးယူကို မြန်မာကတိပြု

(AFP သတင်းမှ 13 Feb 2012 ရက်စွဲပါ “Myanmar Promises EU to hold fair vote” သတင်းကို ဘာသာပြန်ဆိုသည်)

မြန်မာ့နိုင်ငံရေး ပင်မရေစီးထဲသို့ အတိုက်အခံပါတီ ပြန်လည်ဝင်ရောက်လာတော့မည်ဖြစ်သော လာမည့် ရွေးကောက်ပွဲကို ဒီမိုကရေစီ ပြည့်ဝစွာ ကျင်းပမည်ပာု မြန်မာနိုင်ငံသို့ အလည်အပတ်ရောက်ရှိနေသော အီးယူ တာဝန်ရှိများကို မြန်မာအစိုးရက တနလာင်္နေ့တွင် အာမခံပြောကြားခဲ့သည်။ “လိုအပ်တဲ့ အစီအစဉ်တွေကို ဆောင်ရွက်ထားတဲ့အတွက် လာမယ့်ကြားဖြတ်ရွေးကောက်ပွဲပာာ လွတ်လပ်မျှတပြီး အားလုံးလက်ခံယုံကြည်နိုင်ပါလိမ့်မယ်” ပာု အောက်လွှတ်တော်ဥက္ကဋ္ဌ ဦးရွှေမန်းက အီးယူ ဖွံ့ဖြိုးရေးဆိုင်ရာ ကော်မရှင်နာမင်းကြီး Andris Piebalgs အား ပြောကြားခဲ့ခြင်းဖြစ်သည်။

ဒီမိုကရေစီလှုပ်ရှားမှုခေါင်းဆောင် ဒေါ်အောင်ဆန်းစုကြည် ပထမဦးဆုံးအကြိမ် လွှတ်တော်ကိုယ်စားလှယ်နေရာ အတွက် ယှဉ်ပြိုင်မည့် ဧပြီ ၁ ရက် ရွေးကောက်ပွဲများသည် မြန်မာအာဏာပိုင်များ၏ ပြုပြင်ပြောင်းလဲရေး ကတိကဝတ်များ အပေါ် အဓိကစမ်းသပ်မှုတစ်ခုဖြစ်လာလိမ့်မည်ပာု အများစုက ရှုမြင်ထားကြသည်။

လက်ရှိ အာဏာရ တပ်မတော်နောက်ခံ နိုင်ငံရေးပါတီ အနိုင်ရရှိခဲ့သော ၂၀၁၀ ရွေးကောက်ပွဲများမှာမူ ခြိမ်းခြောက်မှု၊ မဲလိမ်မှု စွပ်စွဲချက်များကြောင့် များစွာ နာမည်ပျက်ခဲ့ရပြီးဖြစ်သည်။အတိုက်အခံ NLD ပါတီအနေဖြင့် ကြားဖြတ်ရွေးကောက်ပွဲ၌ ယှဉ်ပြိုင်သော ကိုယ်စားလှယ်နေရာ ၄၈ နေရာစလုံးတွင် အနိုင်ရရှိသည့်တိုင်အောင် လက်ရှိအာဏာရပါတီကို စိန်ခေါ်ခြိမ်းခြောက်နိုင်မည် မပာုတ်သော်လည်း သူမသာအနိုင်ရရှိသွားပါက နိုင်ငံ၏ အပျံသင်စ လွှတ်တော်ကို တရားဝင် အသိအမှတ်ပြုခံရအောင် ဆောင်ကြဉ်းပေးလိမ့်မည် ဖြစ်သည်။

လာမည့် ၂ နှစ်အတွင်း မြန်မာနိုင်ငံသို့ ယူရိုသန်း ၁၅၀ (ဒေါ်လာ သန်း ၂၀၀) ထပ်မံကူညီမည့် အီးယူ၏ ကတိကဝတ်များကို သယ်ဆောင်လာသော Piebaigs သည် ဆက်လက်၍ သမ္မတဦးသိန်းစိန်နှင့် နှစ်နာရီကြာ တံခါးပိတ် ဆွေးနွေးခဲ့သည်ပာု သိရှိရသည်။ “ဒီမှာ ဖြစ်ပျက်နေတာ တွေကတော့ အဆက်မပြတ်ဆက်တိုက်ပါပဲ။ ဒါပေမယ့်လည်း ဆက်ပြီး လေ့လာစောင့်ကြည့်ရဦးမှာပါ။ ဒီမှာဖြစ်နေတဲ့ အနေအထားကို သဘောကွဲလွဲမှု တစ်ချို့ရှိနိုင်ပေမယ့် ပြုပြင်ပြောင်းလဲမှု ဖြစ်ရပ်မှန်ကို သံသယဝင်သူမရှိဘူးဆိုတာ ခင်ဗျားခံစားမိပါလိမ့်မယ်” ပာု Piebalgs က မှတ်ချက်ပေးသည်။ ဂျာမန် ဖွံ့ဖြိုးရေးဝန်ကြီး Dirk Niebel ပါ အတူတကွ လိုက်ပါလာသော ကော်မရှင်နာမင်းကြီး Piebalgs သည် ၃ ရက်ကြာ မြန်မာခရီးစဉ်အတွင်း ဒေါ်အောင်ဆန်းစုကြည်နှင့်လည်း တွေ့ဆုံရန် စီစဉ်ထားသည်။

မြန်မာနိုင်ငံ၌ ရာစုနှစ်ဝက်နီးပါး စစ်အုပ်ချုပ်ရေးကို ကျင့်သုံးခဲ့သော မြန်မာအစိုးရသည် အတိုက်အခံပါတီအား တရားဝင်နိုင်ငံရေးနယ်ပယ်ထဲသို့ ပြန်ဝင်ရန် ဖိတ်ခေါ်ကြိုဆိုခြင်း၊ နိုင်ငံရေးအကျဉ်းသားအရေအတွက် ရာနှင့်ချီ၍ လွှတ်ပေးခြင်းတို့ အပါအဝင် ပြုပြင်ပြောင်းလဲမှုများ ဆက်တိုက် ပြုလုပ်ခြင်းဖြင့် ပြည်တွင်း၊ ပြည်ပမှ မြန်မာ့နိုင်ငံရေးအကဲခတ် လေ့လာသူများကို အံ့သြသင့်စေခဲ့ပြီဖြစ်သည်။

လက်ရှိ အောက်လွှတ်တော်ဥက္ကဋ္ဌ ဗိုလ်ချုပ်ကြီးပောာင်း ဦးရွှေမန်းက နိုင်ငံရေးအကျဉ်းသားများ ကျန်ရှိနေကြောင်း ဝန်ခံသော်လည်း ၎င်းတို့မှာ ရာဇဝတ်မှုခင်းများနှင့် ပတ်သက်သူများ ဖြစ်ကြသည်ပာု ပြောကြားခဲ့သည်။ ဥရောပသမဂ္ဂသည် မြန်မာနိုင်ငံ၏ အပြောင်းအလဲကို အသိအမှတ်ပြုသည့် အနေဖြင့် အရေးယူဒဏ်ခတ်မှု Sanctions များစတင်ဖြေလျှော့ပေးရန် ဇန်နဝါရီလတွင် သဘောတူခဲ့ကြပြီးမြန်မာ အစိုးရခေါင်းဆောင်များအပေါ် ပြည်ဝင်ဗီဇာ ပိတ်ပင်မှုကို ဖယ်ရှားပေးခဲ့သည်။ ပြုပြင်ပြောင်းလဲမှုများ ဆက်တိုက်ပြုလုပ်ပါက Sanctions များကို ဆက်လက် ဖြေလျော့ပေးမည်ပာုလည်း ကတိပြု ထားသည်။ “လာမယ့် ကြားဖြတ်ရွေးကောက်ပွဲတွေ လွတ်လပ်မျှတပြီး ဒီမိုကရေစီရှိတယ်လို့ ကျွန်တော်တို့ ယုံကြည်သွားပြီ ဆိုရင် Sanctions တွေလည်း ရုတ်သိမ်းပေးလို့ရတော့မယ်လို့ ကျွန်တော်မျှော်လင့်ထားပါတယ်” ပာု Piebalgs က တနင်္လာနေ့ ဆွေးနွေးမှုများအပြီးတွင် ပြောကြားခဲ့သည်။

********************************************************************

အစိုးရသစ်က တရုတ်၏ လွှမ်းမိုးမှုအရိပ်အောက်မှ လွတ်ရန်ကြိုးစား

(Brisbance Times မှ 9 Feb 2011 ရက်စွဲပါ Hamish McDonald ရေးသားသော News Regime tries to rise above growing shadow of Beijing’s influence” ကို ဘာသာပြန်ဆိုသည်)

မြန်မာစစ်အစိုးရသည် ပြီးခဲ့သည့်မတ်လက ရွေးချယ်တင်မြှောက်ထားသော အစိုးရအား သေချာစွာစီမံပြီး အာဏာလွှဲပြောင်းပေးခဲ့ရာ တကယ့်ပြောင်းလဲမှုများ ဖြစ်ပေါ်လာလိမ့်မည်ပာု အနည်းငယ်ခန့်ကသာ ခန့်မှန်းခဲ့သည်။ သမ္မတဦးသိန်းစိန် အပါအဝင် စစ်အရာရှိ အတော်များများ သည် ယူနီဖောင်းချွတ်၍ အစိုးရအဖွဲ့နှင့် ပါလီမန်တွင် ပါဝင်ခဲ့ကြသည်။ ခြောက်လခန့်ကြာသောအခါ ဦးသိန်းစိန်သည် အံ့သြဖွယ်ရာတစ်ခုကို လုပ်ဆောင် ပြသခဲ့သည်။ ကချင်ပြည်နယ်မြစ်ဆုံတွင် တရုတ်အစိုးရပိုင် China Power International နှင့် ပြည်တွင်းပါတနာ Asia World တို့လုပ်ကိုင်နေသော မြစ်ဆုံရေလှောင်တမံစီမံကိန်းကြီးကို ရပ်ဆိုင်းကြောင်း ကြေညာခဲ့သည်။

ရန်ကုန်တွင်နေထိုင်သူများက ပြောကြားရာတွင် သမ္မတ၏ပုံရိပ်သည် ရုတ်တရက် ပေါ်ပြူလာဖြစ်လာသည်ပာု ဆိုသည်။ “အဌားယာဉ်မောင်းတွေနဲ့ ရုံးဝန်ထမ်းတွေကို အကြမ်းဖျဉ်း ဆန္ဒမဲယူကြည့်တော့ ၇၀% ကထောက်ခံကြတယ်” ပာု နိုင်ငံခြားကုမ္ပဏီကိုယ်စားလှယ်တစ်ဦးက ပြောသည်။ “တကယ်ပဲ တိုင်းပြည်ခေါင်းဆောင်တစ်ယောက်အတွက် ဆုံးဖြတ်ရခက်တဲ့အခြေအနေပါ။ အခြေအနေက သိပ်တင်းမာနေပါတယ်။ ပြည်သူ့အမြင်ရော မီဒီယာတွေမှာ ရောပေါ့။ ဒါကို ကျွန်တော်တို့ လစ်လျူရှုခဲ့မယ်ဆိုရင် မလိုလားအပ်တဲ့ ရလဒ်တွေ ဖြစ်လာနိုင်ပါတယ်။ ဒါကြောင့် သမ္မတကြီးက ရဲရဲဝံ့ဝံ့ ဆုံးဖြတ်ချက် ချမှတ်ခဲ့တာပါ” ပာု သမ္မတ၏ နိုင်ငံရေးအကြံပေး ဦးကိုကိုလှိုင်က ပြောသည်။

အစိုးရနှင့် နီးစပ်သော သတင်းများက ပြောသည်မှာ သမ္မတကြီးသည် တရုတ်ဘက်မှ တုန့်ပြန်လာမည့် ကိစ္စကို ကြောက်ရွံ့ကြောင်းပြောသည်။ တရုတ်သည် အနည်းငယ်သာ တုန့်ပြန်ခဲ့ပြီး ရပ်ဆိုင်းမှုကို လက်ခံခဲ့သည်။ သို့သော် China Power International ကမူလုပ်ငန်းပြန်လည် စတင်နိုင်ရေး အတွက် အချိန်စောင့်၍ ပြန်လည်ကြိုးစားသွားမည်ပာု ပြောခဲ့သည်။

ဆယ်စုနှစ် တစ်ခုကျော်ကျော်ကတည်းက တရုတ်သည် မြန်မာနိုင်ငံမှ တဆင့် အိန္ဒိယသမုဒ္ဒရာတွင် တံခါးပွင့်ရေးအတွက် အစီအစဉ်များကို ငွေကြေး သယံဇာတကို သုံး၍ လည်းကောင်း၊ ကျွမ်းကျင်မှု နည်းပညာများ သုံး၍ လည်းကောင်း၊ လျင်မြန်စွာကြိုးစားခဲ့သည်။ ထို့ကြောင့် ယခုအခါ မြန်မာနိုင်ငံ၏ ရခိုင်ကမ်းရိုးတန်းမှ ယူနန်ပြည်နယ်အထိ ကီလိုမီတာ ၂၀၀၀ ရှည်သော ရေနံနှင့် သဘာဝဓာတ်ငွေ့ပိုက်လိုင်းကို ဆောက်လုပ်လျက်ရှိသည်။

မြန်မာနိုင်ငံ၏ ကမ်းလွန်သဘာဝဓာတ်ငွေ့ ရှာဖွေရေးတွင် အိန္ဒိယသည် တရုတ်၏ အဓိကပြိုင်ဖက်ဖြစ်သည်။ ၂၀၀၄-၂၀၀၅ က ကြီးမားသော ရွှေသဘာဝဓာတ်ငွေ့ လုပ်ကွက်ကို တင်ဒါခေါ်ယူစဉ်က အိန္ဒိယသည် ရှေ့ဆုံးက ရှိနေသင့်သည်။ သို့သော် အိန္ဒိယသည် လျင်မြန်စွာ လှုပ်ရှားနိုင်ခဲ့ခြင်း မရှိပေ။ ထိုစဉ်က အိန္ဒိယသည် ရှုတ်ထွေးသော လေးနိုင်ငံညှိနှိုင်းမှုနှင့် အချိန်ကုန်ခဲ့ရသည်။ ဘင်္ဂလားပင်လယ်အောင်၏ ကြမ်းပြင်သည် ဂင်္ဂါမြစ်နှင့် ဗြမ္မာပုတ္တရမြစ်တို့မှ ပလပ်စတစ် အနည်ထိုင်မှုများကြောင့် ပိုက်လိုင်းများချရန် တည်ငြိမ်မှုမရနိုင်ပေ။ ထို့ကြောင့် အိန္ဒိယကိုဖြတ်၍ ဓာတ်အားသယ်ယူရန် မြေတောင်းဆိုခဲ့သည်။ “မြန်မာစွမ်းအင်ဝန်ကြီးက ကျွန်တော့်ကိုပြောတယ်။ သူတို့အနေနဲ့ တရုတ်အပေါ် အရမ်းမမှီခိုလိုဘူး။ ဒါပေမယ့် ကျွန်တော်တို့ အိန္ဒိယဖက်က တက်လာမှဖြစ်မယ်။ မပာုတ်ရင် သူတို့မှာ ရွေးစရာမရှိဘူး။ တရုတ်ကို ပဲပေးရမယ်လို့ပြောတယ်” ပာု ထိုစဉ်က အိန္ဒိယ ရေနံဝန်ကြီး Mani Shankar Aiyar ကပြီးခဲ့သည့်အပတ်က ဒေလီတွင် Herald သို့ပြောသည်။ အိန္ဒိယ၏ သုံးမရသော နိုင်ငံခြားရေးဝန်ကြီးဌာနမှာလည်း အဆိုပြုလွှာကို အချိန်မီမတင်နိုင်ခဲ့ပာုလည်း ၎င်းက ပြောသည်။

တရုတ်သည် လာမည့်နှစ်တွင် ဓာတ်ငွေ့ပိုက်လိုင်းပြီးစီးတော့မည်ဖြစ်ပြီး၊ ထုတ်လုပ်မှု စတင်ပါက မြန်မာနိုင်ငံအတွက် တစ်နှစ်လျှင် အခွန်ငွေ ဒေါ်လာ ၃ ဘီလီယံရရှိမည်ဖြစ်သည်။ ထို့အပြင် ရေနံပိုက်လိုင်းမှ တဆင့် အရှေ့အလယ်ပိုင်းနှင့် အာဖရိကမှ ရေနံစိမ်းများအားလည်း ယူနန်သို့ ပို့လွှတ်နိုင်မည်ဖြစ်သည်။ တရုတ်သည် ပိုက်လိုင်းနှင့် အပြိုင် ရထားလမ်းကိုပါ စကားပြောလျက်ရှိသည်။ မြန်မာအတွက် မရှိမဖြစ် အရေးကြီးသော ပါတနာမှာ တရုတ်ဖြစ်နေဆဲဖြစ်ကြောင်း မြန်မာသံတမန်များက ပြောသည်။ “တရုတ်က လုံခြုံရေးကောင်စီမှာ အမြဲတမ်းအဖွဲ့ဝင်ဖြစ်တော့ သူ့ရဲ့ ဗီတို အာဏာပာာ ကျွန်တော်တို့အတွက် အရေးကြီးပါတယ်” ပာု သံတမန်တစ်ဦးက ပြောသည်။ “အခုအချိန်အထိတော့ တရုတ်က အသာစီးရနေတုန်းပါပဲ” ပာု ၎င်းကပြောသည်။

ပြီးခဲ့သည့်လက သမ္မတဦးသိန်းစိန်သည် မြန်မာနိုင်ငံတောင်ပိုင်း ထိုင်းတို့၏အထူးစီးပွားရေးဇုန်သစ်အတွက် အဆိုပြုထားသော ကျောက်မီးသွေးသုံး ဓာတ်အားပေး စက်ရုံကို ပယ်ချခဲ့သည်။ အဆိုပါ ကိစ္စသည် မြစ်ဆုံကိုလည်း ပတ်ဝန်းကျင်ဆိုင်ရာ အကြောင်းများကြောင့်သာ ရပ်ဆိုင်းရခြင်း ဖြစ်ပြီး တရုတ်ကို ဆန့်ကျင်သည့် သဘောမပာုတ်ကြောင်း ပြသလိုက်ခြင်းဖြစ်သည်။ တရုတ်အပေါ် ဝေဖန်ခြင်းကို အစိုးရ ဆင်ဆာများက ဖိနှိပ်ဆဲဖြစ်သည်။ သို့သော် မြစ်ဆုံ ဆုံးဖြတ်ချက်သည် လွတ်လပ်သော မြန်မာနိုင်ငံတွင် တရုတ်၏ သြဇာလွှမ်းမိုးနေမှုကို မြိုသိပ်ထားရမှုများ ရေတံခါး ဖွင့်ပေးလိုက်သကဲ့သို့ ပွင့်ထွက်သွားခဲ့ရသည်။

*****************************************************************************


Google Docs makes it easy to create, store and share online documents, spreadsheets and presentations.
Logo for Google Docs