Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၉.၃.၂၀၁၂

ဆောင်းပါးကဏ္ဍ

  1. ပန်းပြားပင် နိုင်ငံရေး

****************************************

(ဘေးမှရပ်ကြည့်သူ၏ ထင်မြင်ချက်များ)

ကျော်ဝင်း

အဖွင့်

ယခုစာစာကို ဦးကုလားမဟာရာဇဝင်ကြီး (ပထမအုပ်)မှ သံဝဝေဂစကားတစ်ရပ်ဖြင့် ဖွင့်လိုသည်။ သံဝေဂစကား မြွတ်ကြွားခဲ့သူကား ပုဂံခေတ် ပညာရှိအမတ်ကြီး ရာဇသင်္ကြန်။ ဇတ်ရည်လည်စေရန် အဆိုပါ သံဝေဂစကားလေး ဗျူပ္ပတ်ကို ဆိုပါမည်။ တစ်ခါသော် အမတ်ကြီး မင်းမျက်သင့်၍ တလ(ဒလ)သို့ နယ်နှင်ခံရသည်။ လမ်းခရီးတွင် လေပြင်းလာသဖြင့် သစ်ပင်ကြီးများကျိုးပဲ့သည်ကိုမြင်သောအခါ အမတ်ကြီးက ယခုလိုသံဝေဂယူ၍ ဆိုသည်ဟူ၏။ “ငါသည် ရေပန်းပြားပင်ခန့်မျှမလိမ္မာချေ။ သစ်ပင်ကြီးကဲ့သို့ကျင့်၍ ဤသို့ပျက်စီးရချေသည်…”

ငါ့ဒိန်ခဲဘယ်သူရွှေ့

ယနေ့ မြန်မာ့ နိုင်ငံရေးအလှည့်အပြောင်းကို ပြည်တွင်းပြည်ပ နိုင်ငံရေးအင်အားစုတော်တော်များများ သိမှတ် လက်ခံလာကြပြီ ထင်ပါသည်။ သို့နှင့်တိုင် ‘ငါ့ဒိန်ခဲဘယ်သူရွှေ့’ ဆိုသောပုစ္ဆာနှင့် ပတ်သက်လျှင်မူ တစ်ကျောင်းတစ်ဂါထာ ရှိနေဆဲကိုသာ တွေ့ရသည်။ အချို့က “ငါရွှေ့တာ” ဟု ပြောသည်။ အချို့က “သူရွှေ့တာ” ဟုဆိုသည်။ ‘နိုင်ငံတကာ’ကို အမှတ်ပေးကြသည်များလည်း ရှိသည်။ နာမည်ကြီး နိုင်ငံရေးဂျာနယ်တစ်ခုမှ ပင်တိုင်ဆောင်းပါးရှင် တစ်ဦးကမူ အဆိုပါ အရွှေ့သုံးခုစလုံးကို စာရင်းတင်သည့်တိုင် ၂၀၁၀ ရွေးကောက်ပွဲဝင်ပါတီများနှင့် လွှတ်တော် ကိုယ်စားလှယ်များ၏ တွန်းအားမပါဟု ခပ်တင်း တင်းရေးသည်။ ထားတော့……။

အမှန်စင်စစ် ၂၀၀၉ ခုနှစ်လောက်ကပင် ဒီမိုကရက်တိုက်ဇေးရှင်း တတိယလှိုင်းနှောင်းပိုင်းတွင် ပေါ်ထွက်လာတန်ရသည့် အပြောင်းအလဲ ပုံစံ တစ်ရပ်ကို ပညာအသိုင်းအဝိုင်းမှ ဖော်ထုတ်ညွှန်းဆိုပြီး ဖြစ်ပါသည်။ အီတလီ ဖလော့ရင့်တက္ကသိုလ်မှ နိုင်ငံရေးသိပ္ပံပါမောက္ခ ဖိလစ်ပီရှမစ်တာက အဆိုပါ အပြောင်းအလဲ ပုံစံကို သတ်မှတ်ပြဋ္ဌာန်းပြီး အပြောင်းအလဲ (Imposed Transition)ဟု အမည်ပေးသည်။ ပြောင်းလဲလာသည့် ခေတ်ရေစီးကို သိမြင်နားလည်သော တည်ဆဲ အီလစ်များကိုယ်တိုင်က အခြေအနေတစ်ရပ်သတ်မှတ်ပြီး ဦးဆောင်ပုံဖော်သည်ဖြစ်၍ အပေါ်မှလာသောအပြောင်းအလဲ (Eliteled change)ဟု ဖွင့်ဆိုသည်။ ဤပုံစံမှာ ခက်ခဲသိမ်မွေ့သည်နှင့်အမျှ အချိန်မရွေး နောက်ကြောင်းပြန်နိုင်သည်ဖြစ်၍ တဖြည်းဖြည်း ပြောင်းဖို့လိုလိမ့်မည် (Gradual Change)ဟု မှတ်ချက် ပြုသည်။ ပဒေသာစုံအင်အားစုများ အတူလက်တွဲ ကြိုးပမ်းရသည်ဖြစ်၍ ဘုံတူညီချက် (Common Ground) ရှာဖွေသွားနိုင်ဖို့ အထူးအရေးကြီးလိမ့်မည်ဟု အကြံပြုသည်။ ကြုံတွေ့လာနိုင်ဖွယ်ရာရှိသော ရယ်ဒီကယ် အန္တရာယ်နှင့် ရှော့(ခ်)ရိုက်ကုထုံး ဘေးထွက်ဆိုးကျိုးများကိုလည်း သတိပေးသည်။

စာရေးသူက ပါမောက္ခရှမစ်တာ၏ ဆိုခဲ့ပါအနုမာနကို မြန်မာ့နိုင်ငံရေးအပေါ် တင်ကြည့်သည်။ ယနေ့ အပြောင်းအလဲမှာ ယခင် တပ်မတော်အစိုးရ ကြီးမှူးကျင်းပပေးခဲ့သည့် ၂၀၁၀ ရွေးကောက်ပွဲမှ ထွက်ပေါ်လာသည်ဟု မြင်သည်။ တပ်မတော်က စဖွင့်လိုက်သော ဤအရွေ့တွင် ဒီမိုကရက်တစ်အင် အားစုများ ပူးပေါင်းပါဝင်လာရာမှ မြန်မာပြည်ဒိန်ခဲကြီး ရွေ့လာခြင်းဖြစ်သည်ဟု သဘောရသည်။ သို့နှင့်အမျှ ပါမောက္ခရှမစ်တာ၏ အကြံပြုချက်နှင့် သတိ ပေးစကားများကို နှလုံးသွင်းပြီး မြန်မာ့နိုင်ငံရေးအရွေ့ကိုစောင့်ကြည့်နေမိသည်။

စောင့်ရဲတဲ့သတ္တိ

ယခုတစ်လော စာရေးသူ အထူးဂရုဓမ္မထား၍ စောင့်ကြည့်နေရသော ဖြစ်ထွန်းမှုနှစ်ရပ် ရှိပါသည်။ ပို၍ပို၍ အသက်ဝင်လာသော ကြားဖြတ်ရွေးကောက်ပွဲ အကြို မဲဆွယ်လှုပ်ရှာမှုများ (Election Campaign) တို့ဖြစ်သည်။ အမှန်စင်စစ် အသက်ဝင်လာသော ဒီဘိတ်နှင့် ပြိုင်ဆိုင်သော မဲဆွယ်လှုပ်ရှားမှုများမှာ ဒီမိုကရက်တစ် နိုင်ငံရေးစနစ်၏ အခြေခံလက္ခဏာများပင် ဖြစ်လေရာ သဘာဝကျကျပေါ်ထွက်လာသော ဖြစ်ထွန်းမှုနှစ်ရပ်ဟု အသေအချာဆိုနိုင်ပါသည်။ ဤ ဖြစ်ထွန်းမှုနှစ်ရပ်မှ ပေါ်ထွက်လာသော ပဒေသာစုံအမြင်များမှာလည်း ဒီမိုကရေစီ၏အလှဟု ဆိုရမည်သာ ဖြစ်ပါသည်။ သို့တစေ ဘက်ပေါင်းစုံ နုနယ်သိမ်မွေ့ဆဲ ရှိသော လက်ရှိအခြေအနေတွင် ဘုံလမ်းကြောင်းတစ်ရပ် မျက်ခြေပြတ်မသွားစေရေးကိုလည်း မမေ့မလျော့ သတိပြုကြဖို့ လိုမည်ထင်သည်။ စာရေးသူအနေနှင့် ‘ဒိုင်ဗာစတီ’ ဘရိတ်ပေါက်ပြီး ‘ယူနတီ’ ပျောက်သွားမှာ စိုးရိမ်မိသည်။

အဆိုပါ ရွေးကောက်ပွဲ မဲဆွယ်လှုပ်ရှားမှုများမှ ထွက်ပေါ်လာသောအသံတစ်သံနှင့် ပတ်သက်၍လည်း ဘေးမှရပ်ကြည့်သူတစ်ဦး၏ စိုးရိမ်မကင်း ဖြစ်ရသည်များကို ဖော်ပြခွင့်ပြုစေလိုသည်။ ‘အခြေခံဥပဒေပြင်ဆင်ရေး’ ဆိုသောအသံ ဖြစ်ပါသည်။ ဒီမိုကရက်တစ် နှုန်းစံများဘက်မှကြည့်လျှင် ဖြစ်သင့် ဖြစ်ထိုက်သည့်တိုင် ပကတိအရှိ၏ အသိမ်အမွေ့နှင့် ချိန်ထိုးစဉ်းစားဖို့ လိုလိမ့်မည်ထင်သည်။ စာရေးသူ အမြင်အရ ၂၀၀၈ အခြေခံဥပဒေမှာ ‘စံကိုက်ဒီမိုက ရေစီ’ မဟုတ်သေးသည့်တိုင် အလုပ်ထောင့်မှကြည့်လျှင် လက်တွေ့ အလုပ်လုပ်၍ ရနိုင်သော ‘ကြားအဖြေတစ်ခု’ဟု ဆိုချင်သည်။ ဤသို့ဆိုသည်နှင့် ကြားအဖြေကို အသေဖက်တွယ်ထားရမည်ဟု မဆိုလိုပါ။ အလုပ်ဖြစ်ရေးရှုထောင့် (တနည်း- မဟာဗျူဟာသဘော)အရ အဆင့်နှစ်ဆင့်ခွဲသွားဖို့ လိုမည်လား စဉ်းစားမိသည်။ ပထမ အဆင့်- လက်ရှိ အခြေခံဥပဒေ ပုံမှန်လည်ပတ်စေရေး၊ ပြီးမှ ဒုတိယ လိုအပ်သလိုပြင်ဆင်ရေး။ နိုင်ငံရေးတွင် အချိန်စောင့်ဖို့ လိုလိမ့်မည်ဟု သဘောရသည်။ စိတ်လိုက်မာန်ပါ လုပ်ကြ သည်ထက် ‘စောင့်ရဲတဲ့သတ္တိ’ ရှိဖို့လိုမည်လားစဉ်းစားမိသည်။

‘လွှတ်တော်တွင်းနိုင်ငံရေး၊ လွှတ်တော်ပြင်ပနိုင်ငံရေး’ဆိုသော အပြောအဆိုများကိုလည်း ယခုတစ်လော ခပ်စိပ်စိပ်ကြားနေရသည်။ ဒီမိုကရက်တစ် နိုင်ငံရေးတွင် လွှတ်တော်တွင်း နိုင်ငံရေးသည်သာပင် မရေစီဖြစ်ပါလိမ့်မည်။ သို့နှင့်တိုင်အောင် အရပ်ဘက်အဖွဲ့အစည်းများ၏ ‘အား’လည်း လိုသည်ဖြစ်၍ လွှတ်တော်ပြင်ပနိုင်ငံရေးကို ကျယ်ကျယ်ပြန့်ပြန့် ဖွင့်ပေးရသည်များလည်းရှိသည်။ လွှတ်တော်တွင်းဖြစ်စေ လွှတ်တော်ပြင်ပဖြစ်စေ အားလုံး၏ တူရူချက်မှာ ခေတ်မှီ ဒီမိုကရက်တစ်နိုင်ငံတော် ထူထောင်ရေးပင်ဖြစ်သည်။ ဖြစ်သင့်သည်။ ဤနေရာတွင် သတိပြုကြဖို့လိုသည်မှာ လွှတ်တော်ပြင်ပ နိုင်ငံရေးအနေနှင့် ဥပဒေ အပြင်ဘက် မြေအောက်နိုင်ငံရေးထဲ လိမ့်ကျမသွားဖို့ ဖြစ်မည်ထင်ပါသည်။ ‘အတွင်းအပြင် ညှပ်တိုက်ရေး’ ဆိုသော အလုပ်မဖြစ်ခဲ့သည့် တစ်ခါက လက်ဝဲ ဗျူဟာတွေထဲ ပိတ်မိသွားမှာစိုးရိမ်မိသည်။ စာရေးသူက သမိုင်းကို သူရဲကောင်းပုံပြင်အဖြစ်ထက် လမ်းပြမြေပုံအဖြစ် ကြည့်မြင်စေချင်သည်။ အမှားကျော့ သံသရာတွေ ထပ်မလည်စေချင်။

ဖတ်ညွှန်း

စကားအလျဉ်းသင့်လာ၍ ယခုရက်ပိုင်းဖတ်ဖြစ်လိုက်သော စာတစ်ပုဒ်ကိုညွှန်းလိုသည်။ ၂၀၁၂ ဖေဖော်ဝါရိ ၂၀-၂၆ နေ့ထုတ် The Voice ဂျာနယ်ပါ ဒေါက်တာမင်းဇော်ဦး၏ ဆောင်းပါးဖြစ်သည်။ ‘ကမ္ဘာ့ဒီမိုကရေစီရေစီးကြောင်းနှင့်ယှဉ်ပြီး မြန်မာ့ဒီမိုကရေစီအရေးကို ဘယ်လို လက်တွေ့ကျကျ သုံးသပ်မလဲ’ ဆိုသောဆောင်းပါး။ မြန်မာ့ဒီမိုကရေစီရေးအတွက် အလေးထား စဉ်းစားဖွယ်ရာများပါသည်ထင်၍ အကျဉ်းမျှ ညွန်းလိုက်ရပါသည်။ ဒေါက်တာမင်းဇော်ဦး၏ အလိုအရ ၁၉၅၅ နောက်ပိုင်း ဒီမိုကရေစီအပြောင်းအလဲများမှ ရလဒ်လေးမျိုးထွက်ပေါ်လာသည်ဟုဆိုသည်။ ဤသည်တို့မှာ-

(၁) ရင့်ကျက်ခိုင်မာသော ဒီမိုကရေစီတည်ဆောက်နိုင်သော နိုင်ငံများ (၈၆နိုင်ငံတွင် ၁၅နိုင်ငံသာရှိ-၁၇ရာခိုင်နှုန်း)

(၂) နောက်ကြောင်းပြန်သွားသော နိုင်ငံများ (နိုင်ငံပေါင်း ၃၂ နိုင်ငံတွင် ဖြစ်ခဲ့သောအပြောင်းအလဲ ၄၄ခု)

(၃) ဆူပူမငြိမ်သက်မှုများ၊ စစ်ပွဲများဆက်လက်ဖြစ်ပေါ်နေသည့်နိုင်ငံများ (နိုင်ငံပေါင်း ၄၀ရှိ၊ ၅၀ရာခိုင်နှုန်းနီးပါး)

(၄) ရှေ့မတိုးနောက်မဆုတ်သော ဖြစ်နေသော နိုင်ငံများ(နိုင်ငံပေါင်း ၂၄ နိုင်ငံရှိ)

ဤသို့ နိုင်ငံတကာနောက်ခံကားကိုခင်းပြပြီးမှ ဆောင်းပါးရှင်က မြန်မာ့နိုင်ငံရေးနှင့် ပတ်သက်သောသူ့အမြင်ကို ယခုလို ထိပြသည်။ ‘လက်ရှိအနေ အထားမှာ စစ်မှန်တဲ့ဒီမိုကရေစီကို ဘယ်လိုရမလဲဆိုတာထက် နောက်ပြန်လှိုင်းမထိဖို့ ဘယ်လိုကာကွယ်ရမလဲဆိုတာ အဓိကပါ။ မတည်ငြိမ်မှုတွေဖြစ်ပြီး ဒီမိုကရေစီကြိုးတမ်းပေါ်က ပြုတ်မကျဖို့လည်း လိုပါတယ်…..’စ သဖြင့်။

မြန်မာ့နိုင်ငံရေးပလေယာများ၊ အထူးသဖြင့် ပေါ်လစီမိတ်ကာများ၊ စိတ်ကိုဖွင့်၍ ဖတ်ကြည့်ကြစေချင်ပါသည်။ ယနေ့ ရောက်ရှိနေသောအဆင့်မှာ စိတ် လှုပ်ရှားမှုနှင့်ယှဉ်သည့် လှုံ့ဆော်နိုင်ငံရေး (Agitate Politcis)မျိုး မဟုတ်တော့။ ပညာနှင့်ယှဉ်သည့် ရည်မှန်းချက်ရှိရှိနိုင်ငံရေး (Deliberated Politics)မျိုး ဖြစ်ဖို့ လိုပါပြီ။ အများကြိုက် စကားတန်ဆာတွေကိုကျော်ပြီး မဟာဗျူဟာကျကျ စဉ်းစားကြဖို့လိုပြီထင်ပါသည်။

အပိတ်

ဆောင်းပါအစ အမတ်ကြီးရာဇသင်္ကြန်စကားကို ပြန်ပြောပါမည်။ ‘သစ်ပင်ကြီးလို မကျင့်ရာ၊ ရေပန်းပြားပင်လို ကျင့်ရာ၏။ ခေတ်အဆက်ဆက် မြန်မာ့ နိုင်ငံရေးသမား တော်တော်များများ (အထူးသဖြင့် လက်ဝဲဆရာများ)က အမတ်ကြီးစကားကို ခံတွင်းတွေ့ကြဟန်မတူပါ။ ယုံကြည်ချက်မခိုင်မာသည့် သဘော ဟိုပင် ဒီပင်ကူးလိုသည့် သဘောစသဖြင့် ဝေဖန်ကြသည်။ ဝန်ခံရလျှင် ဤသို့ စဉ်းစားထင်မြင်ခဲ့ကြသူများထဲတွင် စာရေးသူကိုယ်တိုင်လည်း ပါဝင်ခဲ့ပါသည်။

ယခုဤသို့မဟုတ်တော့ပါ။ ‘ပေါ်လစီပျော့ပျောင်းမှုသဘော’ဟု ဆင်ခြင်မိပါသည်။ လှိုင်းထန်လေထန်ခရီးတွင် ယုံကြည်မှု ခိုင်မာရုံနှင့်မပြီး။ ပေါ်လစီ ပျော့ပျောင်းပါမှ ထိခိုက်နာကျင်မှု အနည်းဆုံးဖြင့် လိုရာခရီးသို့ ရောက်နိုင်မည်ထင်သည်။ အထူးသဖြင့် အတိမ်းအစောင်းမခံသော လက်ရှိအလှည့်အပြောင်းတွင် အမတ်ကြီးရာဇသင်္ကြန်၏ သံဝေဂစကားကို အခြားတစ်ဖက်မှ ဆင်ခြင်ကြစေလိုသည်။ ကျွန်းပင်ကြီးတွေလို တောင့်တောင့်တင်းတင်းကြီး တွေမြင်ရတိုင်း စာရေးသူမှာ စိတ်မသက်မသာရင်မနေတော့သည်။

“ပန်းပြားပင်နိုင်ငံရေး”ကို နှလုံးသွင်းနိုင်ကြပါစေသတည်း။

****************************************

                                                                                                                            

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၉.၃.၂၀၁၂

ပြည်တွင်းသတင်းများ

  1. နေပြည်တော်စီမံကိန်းများသည် လိုအပ်သည့် စီမံကိန်းများဖြစ်ကြောင်း ပြောကြား
  2. အလုပ်သမားအဖွဲ့အစည်း နည်းဥပဒေထုတ်ပြန်
  3. တရုတ်နိုင်ငံရှိ တရားရုံး၌ တရုတ်ကုမ္ပဏီတစ်ခုအား မြန်မာတရားစွဲ

ပြည်တွင်းပါတီ၊ နိုင်ငံရေးသတင်းများ

  1. ကေအိုင်အိုနှင့် အစိုးရငြိမ်းချမ်းရေးအဖွဲ့ ဆွေးနွေးမှု သုံးရက်ကြာ ပြုလုပ်မည်
  1. ဒီချုပ်ဥက္ကဋ္ဌ မဲဆွယ်စည်းရုံးရန် မော်လမြိုင်မြို့နယ်တွင် နေရာအခက်အခဲဖြစ်

သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

နေပြည်တော်စီမံကိန်းများသည် လိုအပ်သည့် စီမံကိန်းများဖြစ်ကြောင်း ပြောကြား

၂၀၁၂ မတ်လ ၅ ရက်နေ့တွင် ကျင်းပခဲ့သည့် ပထမအကြိမ် ပြည်ထောင်စုလွှတ်တော် တတိယပုံမှန်အစည်းအဝေး ၁၈ ရက်မြောက်နေ့၌ သက်ဆိုင်ရာ မြန်မာ့စက်မှုဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးသိန်းဌေးမှ နေပြည်တော်စီမံကိန်းများသည် မဖြစ်မနေ လုပ်ဆောင်ရန် လိုအပ်သည့် စီမံကိန်းများဖြစ်ကြောင်း ပြောကြားခဲ့သည်။

ပြည်ထောင်စုလွှတ်တော်ရှိ ကိုယ်စားလှယ်များမှ ပြည်ထောင်စုအစိုးရအဖွဲ့၏ တင်ပြလာသောစီမံကိန်းများအနက် ကျပ်ဘီလျံပေါင်း ၃၇၆ ကုန်ကျမည့် စက်မှုဖွံ့ဖြိုးရေးစီမံကိန်းနှင့် ကျပ်ဘီလျံပေါင်း ၅၅၀ ကုန်ကျမည့် နေပြည်တော်ဖွံ့ဖြိုးရေး စီမံကိန်းများအား ရပ်ဆိုင်းထားရန် အဆိုကို ပြည်ထောင်စုဝန်ကြီးမှ အထက်ပါကဲ့သို့ ပြန်လည်ဖြေကြားခဲ့ခြင်းဖြစ်သည်။

ပြည်ထောင်စုလွှတ်တော် တတိယပုံမှန်အစည်းအဝေး ၁၈ ရက်မြောက်နေ့တွင် နေပြည်တော်စီမံကိန်း ရပ်ဆိုင်းထားရန်ကိစ္စနှင့် ပတ်သက်၍ မြန်မာ့စက်မှု ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးသိန်းဌေးက ''ပြည်သူ့လွှတ်တော် ကိုယ်စားလှယ် ဒေါက်တာဗညားအောင်မိုး ဆွေးနွေးခဲ့သော ကိစ္စရပ်များနှင့် စပ်လျဉ်းပြီး ပြန်လည်ရှင်းလင်းတင်ပြသွားမှာ ဖြစ်ပါတယ်။ စက်မှုဖွံ့ဖြိုးရေး စီမံကိန်းများသည် တရုတ်ပြည်သူ့သမ္မတ နိုင်ငံ၏ အထူးချေးငွေဖြင့် ဆောင်ရွက်သော စီမံကိန်းများဖြစ်ပြီး ၂၀၁၀ ပြည့်နှစ်ကပင် Loan Agreement များ သဘောတူ လက်မှတ် ရေးထိုးခဲ့ပါတယ်။ ချေးငွေသက်တမ်းမှာ နှစ်၂၀ ဖြစ်ပါတယ်။ စီမံကိန်းများကို ရပ်ဆိုင်းခြင်းဖြင့် ယင်းချေးငွေများကို တခြားလွှဲပြောင်းသုံးစွဲရန် မဖြစ်နိုင်ကြောင်းနှင့် ဘတ်ဂျက်သဘောအရလည်း ပိုငွေ မထွက်ပေါ် လာနိုင်ကြောင်း တင်ပြပါတယ်'' ဟု ပြောကြားခဲ့ကြောင်း နိုင်ငံပိုင်သတင်းစာများတွင် ဖော်ပြပါရှိသည်။

ယင်းကိစ္စရပ်နှင့်ပတ်သက်၍ နေပြည်တော်ကောင်စီဥက္ကဋ္ဌ ဦးသိန်းညွန့်က ''၂၀၁၂-၂၀၁၃ ဘဏ္ဍာရေးနှစ်အတွက် နေပြည်တော် အထူး စီမံကိန်းအတွက် တောင်းခံထားတဲ့ ငွေလုံးငွေရင်းပမာဏကို တင်ပြသွားမှာဖြစ်ပါတယ်။ အထူးစီမံကိန်းအတွက် ငွေကျပ် ၄၅၀ ဘီလျံဖြစ်ပါတယ်။ တပ်မတော် အင်ဂျင်နီယာ ညွှန်ကြားရေးမှူးရုံးကို လုပ်ငန်းအပ်ငွေအနေနဲ့ အပ်နှံတာဝန်ပေးမယ့်လုပ်ငန်းက ကျပ်ဘီလျံ ၁၀၀ ဖြစ်ပါတယ်။ နေပြည်တော် တည်ဆောက်ရေးအတွက် ယခင် တည်ဆောက်ပြီး အခြေအနေများကို ဖော်ပြပြီးဖြစ်ပါတယ်။ တည်ဆောက်ဆဲ လုပ်ငန်းတချို့ကို ၂၀၁၁ခုနှစ် ဇူလိုင်လကစပြီး လုပ်ငန်းတွေအားလုံးကို ဆိုင်းငံ့ ထားပြီး ၂၀၁၃ ခုနှစ် ဒီဇင်ဘာလမှာ ကျင်းပမယ့် (၂၇)ကြိမ်မြောက် ဆီးဂိမ်းနှင့် ၂၀၁၄ ခုနှစ်မှာ ကျင်းပမယ့် ASEAN Summit နှင့် တခြားဆက်စပ် အစည်း အဝေးများအတွက် မဖြစ်မနေလိုအပ်သော ယခင်အစိုးရ လက်ထက်မှ ဆောက်လုပ်ဆဲ လုပ်ငန်းများကိုသာ ဆက်လက်ဆောင်ရွက်နေခြင်းဖြစ်ပြီး ယခု ပြည်ထောင်စုသမ္မတ မြန်မာနိုင်ငံတော် အစိုးရသစ်လက်ထက်မှာ လုပ်ငန်းသစ်များ ဆောင်ရွက်ရန် မရှိကြောင်း၊ အထက်က တင်ပြခဲ့တဲ့ဆောင်ရွက်ဆဲ လုပ်ငန်းများ ဟာလည်း မဖြစ်မနေ ဆောင်ရွက်ရန် လိုအပ်တဲ့အတွက် ကိုယ်စားလှယ်တော်ကြီးများအားလုံး အလေးထား စဉ်းစားပေးပါရန် တင်ပြပါတယ်'' ဟု ပြန်လည် ပြောကြားခဲ့သည်။

YC

-----------------------------------------------------------------------------------------------------------------------------------

အလုပ်သမားအဖွဲ့အစည်း နည်းဥပဒေထုတ်ပြန်

ယခု ၂၀၁၂ ဖေဖော်ဝါရီ ၂၉ ရက်နေ့ ရက်စွဲဖြင့် အလုပ်သမားအဖွဲ့အစည်းများ ဖွဲ့စည်းတည်ထောင်ရာတွင် အခြေခံအကျဆုံးဖြစ်သည့် အလုပ်သမား အဖွဲ့အစည်းနည်းဥပဒေများကို အလုပ်သမားဝန်ကြီးဌာနမှ ထုတ်ပြန်ခဲ့ကြောင်း သိရသည်။

အလုပ်သမားအဖွဲ့အစည်း ဥပဒေကို ၂၀၁၁ အောက်တိုဘာ ၁၁ ရက်နေ့တွင် နိုင်ငံတော်သမ္မတမှ လက်မှတ်ရေးထိုးခဲ့ပြီး လေးလအကြာတွင် အလုပ်သမားဝန်ကြီးဌာန ပြည်ထောင်စုဝန်ကြီး ဦးအောင်ကြည်မှ လက်မှတ်ရေးထိုး၍ အလုပ်သမားအဖွဲ့အစည်း နည်းဥပဒေများကို ထုတ်ပြန်ကြေညာခဲ့ခြင်း ဖြစ်သည်။

“အလုပ်သမားအဖွဲ့အစည်းတွေ ဖွဲ့စည်းချင်တယ်ဆိုရင် အခုထုတ်ပြန်လိုက်တဲ့ ဥပဒေ၊ နည်းဥပဒေပါ ပြဋ္ဌာန်းချက်တွေနဲ့အညီ သက်ဆိုင်ရာ မြို့နယ် မှတ်ပုံတင်အရာရှိထံမှာ လျှောက်ထားရမှာဖြစ်ပါတယ်။ မြို့နယ်မှတ်ပုံတင်အရာရှိကတစ်ဆင့် မှတ်ပုံတင်အရာရှိချုပ်ထံကို ဆက်တင်ပြရမှာ ဖြစ်ပြီး မှတ်ပုံတင် အရာရှိချုပ်ကသာ အလုပ်သမားအဖွဲ့အစည်း ဖွဲ့စည်းခွင့်ပြုတယ်၊ မပြုဘူးဆိုတာ အဆုံးအဖြတ်ပေးမှာလို့ နည်းဥပဒေမှာ ဖော်ပြထားပါတယ်”ပာု အလုပ်သမား ဥပဒေရေးရာ ကျွမ်းကျင်သူတစ်ဦးက ဆိုသည်။

မြန်မာနိုင်ငံရှိ အလုပ်သမားရေးရာကိစ္စရပ်များ ဖြေရှင်းနိုင်ရန် အလုပ်သမားအဖွဲ့အစည်းများ ဖွဲ့စည်းတည်ထောင်ရာတွင် နည်းဥပဒေ၌ ဖော်ပြ ထားသည်မှာ အခြေခံအလုပ်သမားအဖွဲ့အစည်း ရှိမှသာလျှင် မြို့နယ်အလုပ်သမားဖွဲ့စည်းနိုင်မည်ဖြစ်ကြောင်း၊ မြို့နယ် အလုပ်သမား အဖွဲ့အစည်း ရှိမှသာလျှင် တိုင်းဒေသကြီး/ပြည်နယ် အလုပ်သမားအဖွဲ့အစည်း ဖွဲ့စည်းနိုင်မည်ဖြစ်ကြောင်း၊ ပြည်နယ်/တိုင်းဒေသကြီး အလုပ်သမားဖွဲ့အစည်း ရှိမှသာလျှင် အလုပ်သမား အဖွဲ့ချုပ် ဖွဲ့စည်းခွင့်ရှိမည်ဖြစ်ကြောင်း၊ အလုပ်သမားအဖွဲ့ချုပ်ရှိမှသာလျှင် မြန်မာနိုင်ငံလုံးဆိုင်ရာ အလုပ်သမားရေးရာ အဖွဲ့ကို ဖွဲ့စည်းနိုင် မည်ဖြစ်ကြောင်း ဖော်ပြပါရှိသည်။

“နည်းဥပဒေထဲမှာတော့ လုပ်ငန်းသဘာဝတွေ၊ ပထဝီ အနေအထားအရတွေနဲ့ ပင်လယ်ရေကြောင်းကဏ္ဍတွေအနေနဲ့ကတော့ အလုပ်သမား အဖွဲ့ချုပ်ကို တိုက်ရိုက်ဖွဲ့စည်းခွင့် ရှိတယ်လို့ ဖော်ပြထားပါတယ်။ ဒီလို အလုပ်သမားအဖွဲ့အစည်းတွေ ပေါ်ပေါက်လာမယ်ဆိုရင် မြန်မာနိုင်ငံထဲမှာ ရှိတဲ့ အလုပ်ရှင်နဲ့ အလုပ်သမားကြားက ပြဿနာအချို့ ပြေလည်သွားနိုင်လောက်ပါတယ်။”ပာု အလုပ်သမားဝန်ကြီးဌာနမှ တာဝန်ရှိသူတစ်ဦးက ဆိုသည်။

                YC

-----------------------------------------------------------------------------------------------------------------------------------

တရုတ်နိုင်ငံရှိ တရားရုံး၌ တရုတ်ကုမ္ပဏီတစ်ခုအား မြန်မာတရားစွဲ

တရုတ်နိုင်ငံရှိ ကျောက်မျက်ကုမ္ပဏီတစ်ခုအား မသမာမှုကျုးလွန်ခဲ့သည့်အတွက် မြန်မာနိုင်ငံရှိ သီတာမြနန်း ကျောက်မျက်ရတနာ တူးဖော် ထုတ်လုပ် ရေးကုမ္ပဏီမှ တရုတ်နိုင်ငံရှိ အလတ်စားတရားရုံးတစ်ခုတွင် ဖေဖော်ဝါရီ ၁၆ရက်နေ့မှ စတင်၍ တရားစွဲဆိုခဲ့ကြောင်း သီတာမြနန်းကုမ္ပဏီမှ တာဝန်ရှိသူ တစ်ဦးက ဆိုသည်။

လွန်ခဲ့သည့် ငါးနှစ်ခန့်က ရန်ကုန်မြို့တွင် ကျင်းပပြုလုပ်ခဲ့သည့် (၂၂)ကြိမ်မြောက် ကျောက်မျက်ပြပွဲတွင် သီတာမြနန်းကျောက်မျက်ကုမ္ပဏီမှ ယူရို ၁၈ သန်းတန် ကျောက်စိမ်းအရိုင်းတုံး ၂တုံးအား တရုတ်နိုင်ငံရှိ ချန်လုံကုမ္ပဏီနှင့် အရောင်းအဝယ်ပြုလုပ်ခဲ့ပြီး ချန်လုံကုမ္ပဏီမှ တရုတ်နိုင်ငံ ကွမ်တုံ ပြည်နယ်ရှိ ကုမ္ပဏီ ရုံးခွဲသို့ ထိုကျောက်စိမ်းအရိုင်းတုံး ၂တုံးကို သယ်ယူခဲ့ကြကြောင်း သိရသည်။

“ဒီကျောက်စိမ်းအရိုင်းတုံး ၂တုံးကို တရုတ်နိုင်ငံဘက်ကို သယ်ယူခဲ့တာမှာ သယ်ယူစရိတ်နဲ့ အခွန်အခတွေကို ကျွန်မတို့ကုမ္ပဏီကပဲ ကျသင့်ခံရ ပါတယ်။ ကျောက်စိမ်းတွေ တရုတ်ပြည်ဘက်ကို ရောက်ရှိသွားပေမယ့် ချန်လုံကုမ္ပဏီဘက်က တရားဝင်အခွန်ဆောင်ထားတဲ့ ပြေစာတွေ၊ စာရွက်စာတမ်းတွေကို သီတာမြနန်းကုမ္ပဏီကို ပြန်လည်ပေးအပ်ခြင်းမရှိခဲ့တဲ့အတွက် အခုလို တရားစွဲဆိုရတာပါ”ပာု သီတာမြနန်း ကျောက်မျက်ရတနာ တူးဖော်ထုတ် လုပ်ရေးကုမ္ပဏီမှ တာဝန်ရှိသူတစ်ဦးက ဆိုသည်။

သီတာမြနန်းကျောက်မျက်ကုမ္ပဏီမှ ကွမ်တုံပြည်နယ် ဖူစန်မြို့ရှိ အလတ်စားတရားရုံးတွင် တရုတ်နိုင်ငံရှိ ချန်လုံကုမ္ပဏီအား တရားစွဲဆိုထား ခြင်းဖြစ်ပြီး တရားရုံးမှလည်း တိုင်ကြားမှု သတ်မှတ်ချက်နှင့် ကိုက်ညီနေသည့်အတွက် အမှုကို လက်ခံစစ်ဆေးပေးရန် သဘော တူညီခဲ့ကြကြောင်း သိရ သည်။

ထို့ပြင် တရားရင်ဆိုင်နေစဉ် ကာလများအတွင်း ယင်းကျောက်စိမ်းတုံး ၂တုံးအား မည်သူမျှ ကိုင်တွယ်ခွင့်မရရှိနိုင်စေရန် ချိတ်ပိတ် ထားခဲ့ကြောင်း သိရသည်။

“ကျောက်စိမ်း ၂ တုံးနဲ့ ပတ်သက်ပြီးတော့ အရင်ကတည်းက အကြိမ်ကြိမ်ညှိနှိုင်းမှုတွေ လုပ်ခဲ့ပါသေးတယ်။ ဒါပေမယ့် သူတို့ဘက်က မသိချင်ယောင် ဆောင်နေတဲ့အတွက် အခုလို တရုတ်နိုင်ငံအထိ တရားစွဲဆိုရတာဖြစ်ပါတယ်။”ပာု ၎င်းမှဆက်လက်ပြောကြားသည်။

YC

 *****************************************

ပြည်တွင်းပါတီ၊ နိုင်ငံရေးသတင်းများ

ကေအိုင်အိုနှင့် အစိုးရငြိမ်းချမ်းရေးအဖွဲ့ ဆွေးနွေးမှု သုံးရက်ကြာ ပြုလုပ်

မတ်လ ၉ရက်နေ့တွင် အစိုးရ၏ ပြည်ထောင်စုအဆင့် ငြိမ်းချမ်းရေးဖော်ဆောင်သည့်အဖွဲ့တွင် ဦးအောင်သောင်းမှ ဦးဆောင်၍ ကချင် လွတ်မြောက်ရေး အဖွဲ့(KIO)နှင့် ဒုတိယအကြိမ်အဖြစ် တရုတ်နိုင်ငံ၊ ရွှေလီမြို့တွင် ထပ်မံတွေ့ဆုံဆွေးနွေးပြီး အပိုင်းသုံးပိုင်းဖြင့် ဆက်လက် ဆွေးနွေးမှုများ ပြုလုပ်ခဲ့ကြသည်ဟု သတင်းများအရ သိရသည်။

ထိုဆွေးနွေးမှုတွင် ပထမပိုင်း၌ အချက်၈ချက်ပါဝင်ပြီး ယင်းအချက်များထဲမှ တစ်ဖက်နှင့် တစ်ဖက် စွပ်စွဲပုတ်ခတ်ခြင်းများ ရှောင်ကြရန်နှင့် အစိုးရမှ ဖမ်းဆီးထားသူများအား ပြန်လည်လွှတ်ပေးရန်တို့ပါရှိသည်ဟု အစိုးရအဖွဲ့မှ တာဝန်ရှိသူ တစ်ဦး၏ ပြောကြားချက်အရ သိရသည်။

“ပထမပိုင်းမှာတော့ အချက်ရှစ်ချက်ပါတယ်။ အဲဒီထဲကမှ လက်ရှိမှာ ဖမ်းဆီးထားတဲ့ လူတွေကို ပြန်လွှတ်ပေးဖို့နဲ့ တရားဝင် ထုတ်ပြန် ကြေညာဖို့ရယ်၊ ပြီးတော့ ဒုတိယပိုင်းမှာ အချက် ၅ချက်ပေါ့။ အဲဒီအချက်တွေထဲက ပင်လုံညီလာခံတစ်ခု ကျင်းပပြီး တိုင်းရင်းသားတွေရော အစိုးရပါ လူထုက သဘောတူညီတဲ့ လုပ်ရပ်တစ်ခုကို ရအောင်လုပ်ဖို့ဆိုတဲ့ အချက်တွေပါတယ်။ နောက်ပြီး တတိယပိုင်းနေနဲ့ကျတော့ အစိုးရအဖွဲ့နဲ့ တိုင်းရင်းသား ခေါင်းဆောင်တွေထဲက တာဝန်ရှိ သူတွေနဲ့ဆက်ပြီး သဘောတူထားတဲ့ အချက်တွေကို ဆောင်ရွက်သွားဖို့ ပြောပြပါတယ်”ဟု အထက်ပါပုဂ္ဂိုလ်၏ ပြောပြ ချက်အရ သိရသည်။

ထို့ပြင် ယင်းအဖွဲ့နှစ်ဖွဲ့သည် မတ်လ ၈ရက်နေ့တွင်လည်း ဆွေးနွေးမှုများပြုလုပ်ခဲ့သော်လည်း အစိုးရမှဘက်မှ ငြိမ်းချမ်းရေး ဖော်ဆောင်ရေး အဖွဲ့၏ လမ်းစဉ်နှင့် ကချင်လွတ်မြောက်ရေးအဖွဲ့တို့၏ လမ်းစဉ်တို့မှာ ကွဲလွဲမှုများရှိနေခဲ့ပြီး ထပ်မံ၍ မတ်လ ၉ရက်နေ့ မနက်ပိုင်းတွင် ဆွေးနွေးခဲ့သည့် တွေ့ဆုံဆွေးနွေးမှု တွင် အစိုးရဘက်မှ ဦးအောင်သောင်း ဦးဆောင်သည့် ငြိမ်းချမ်းရေးဖော်ဆောင်ရေးအဖွဲ့မှ သဘောတူညီခဲ့ခြင်းကြောင့် အဆင်ပြေမှုများ ဖြစ်ပေါ်ခဲ့ပြီး အပစ် အခတ်ရပ်စဲရေးအား ဆက်လက်ဆွေးနွေးရန် ဖြစ်နိုင်သည့် အခြေအနေသို့ ရောက်ရှိနိုင်သည်ဟု အထက်ပါပုဂ္ဂိုလ်၏ ထပ်မံပြောကြားချက်အရ သိရသည်။

“ဒီနေ့မှာ သူတို့ဘက်က တပ်ကိစ္စတွေ အပြီးပြတ်ဆောင်ရွက်ထားရန်၊ မနေ့က အဆိုပြုချက်ပေါ်မှာ နှစ်ဖက်သဘောတူရန်နဲ့ နိုင်ငံတကာရဲ့ စောင့်ကြည့် လေ့လာမှုအောက်မှာ လက်မှတ်ထိုးကြရန် တောင်းဆိုထားပါတယ်။ အဲဒါကြောင့် ပြည်ထောင်စုအဆင့် ငြိမ်းချမ်းရေးကိုယ်စားလှယ်အဖွဲ့က အပစ်အခတ်ရပ်စဲဖို့ ဆွေးနွေးရန် ဖြစ်နိုင်ချေရှိပါ တယ်လို့ ပြောဆိုနေကြတယ်”ဟု ကေအိုင်အိုမှ တာဝန်ရှိသူတစ်ဦးက ဆိုသည်။

ယင်းကချင်လွတ်မြောက်ရေး အဖွဲ့(KIO)သည် စစ်ရေးလှုပ်ရှားမှုများကြောင့် ပျက်စီးသွားသော ကျေးရွာများအား ပြန်လည် တည်ဆောက်သွားရန်နှင့် ဒေသတွင်းရှိ ပြည်သူများ၏ လမ်းပန်းဆက်သွယ်ရေး လုံခြုံကောင်းမွန်ရေးနှင့် လူမှုစီးပွားဘ၀ မြှင့်တင်တိုးတက်စေရေးဆိုသည့် အချက်များကိုလည်း တောင်းဆို ထားသည်ဟု သိရပြီး ယင်းဆွေးနွေးမှုအား မတ်လ ၈ရက်နေ့မှစတင်၍ သုံးရက်ကြာပြုလုပ်သွားမည်ဖြစ်ကြောင်း သတင်းများအရ သိရသည်။

ထိုကချင်လွတ်မြောက်ရေးအဖွဲ့သည် ယခင် ၁၉၉၄ခုနှစ်အချိန်တွင်လည်း အစိုးရနှင့် အပစ်အခတ်ရပ်စဲရေး သဘောတူညီမှု လက်မှတ်အား ရေးထိုး ခဲ့သော်လည်း နအဖအစိုးရလက်ထက်မဖျက်သိမ်းခင်အချိန်၌ပင် ယင်းသဘောတူညီချက်မှာ ပျက်ပြားသွားခဲ့ပြီး ထိုသို့ပျက်ပြားရခြင်းမှာ ယင်းကဲ့သို့ လက်နက်ကိုင် တိုင်းရင်းသားအဖွဲ့များအား နယ်ခြားစောင့် တပ်များပြုလုပ်ခိုင်းခြင်းနှင့် လက်နက်ချခိုင်းခြင်းများ ပြုလုပ်ခိုင်းသောကြောင့် ဖြစ်သည်ဟုလည်း သတင်းဖော်ပြချက် များအရ သိရသည်။

ATM

-----------------------------------------------------------------------------------------------------------------------------------

ဒီချုပ်ဥက္ကဋ္ဌ မဲဆွယ်စည်းရုံးရန် မော်လမြိုင်မြို့နယ်တွင် နေရာအခက်အခဲဖြစ်

မတ်လ ၁၁ရက်နေ့တွင် ပါတီစည်းရုံးရေးအတွက် NLDပါတီဥက္ကဋ္ဌ ဒေါ်အောင်ဆန်းစုကြည်၏ မွန်ပြည်နယ် ခရီးစဉ်တွင် ဟောပြောရန်အတွက် နေရာ အဆင်မပြေဖြစ်ခြင်းကြောင့် သက်ဆိုင်ရာကော်မတီမှ ခွင့်ပြုလိုက်သည့် ယင်းမြို့နယ်ရှိ လူဦးရေ တစ်သိန်းခန့် ဆန့်သည့် ဘောလုံးကွင်း တစ်ကွင်းသို့ သွားရောက် ဟောပြောရမည်ဖြစ်ကြောင်း သတင်းရရှိသည်။

“ပထမဟောပြောမယ့်နေရာက မော်လမြိုင်မြို့မှာရှိတဲ့ သံလွင်ဥယျဉ်မှာ ဟောပြောမယ်ဆိုပြီး သက်ဆိုင်ရာကို တင်ပြထားတယ်။ ဒါပေမယ့် စည်ပင်က ဥယျာဉ်မှာရှိတဲ့ ပန်းပင်တွေပျက်စီးမှာစိုးလို့ဆိုပြီး မြို့နဲ့ ၆မိုင်ကျော်လောက်ဝေးတဲ့ ကျွဲခြံကုန်းကျေးရွာက ဘောလုံးကွင်းကို ပေးခဲ့ပါတယ်။ အဲဒီကွင်းကို သွားရ တာလဲ ခက်ခဲသလို တော်တော်လေးလဲ ဝေးတဲ့နေရာတစ်ခု ဖြစ်ပါတယ်”ဟု ဒေါ်အောင်ဆန်းစုကြည်၏ ခရီးစဉ်များတွင် လိုက်လံကူညီသည့် NLD အဖွဲ့ဝင် တစ်ဦး၏ ပြောပြချက်အရ သိရသည်။

ပါတီစည်းရုံးရေးအတွက် မော်လမြိုင်မြို့နယ်ရှိ ဘိုကုန်းရပ်ကွက်မှ သံလွင်ဥယျာဉ်တွင် ဟောပြောရန်အတွက် သက်ဆိုင်ရာ ကော်မတီထံသို့ ခွင့်ပြုချက် တောင်း၍ တင်ပြခဲ့သော်လည်း ယင်းဥယျာဉ်အား ခွင့်မပြုခဲ့ဘဲ နောက်ထပ်တင်ပြခဲ့သည့် မော်လမြိုင်မြို့မှ ၆မိုင်အကွာတွင် တည်ရှိသည့် ကျိုက်မရော မြို့နယ်အနီး ကားလမ်းမဘေးမှ ကျွဲခြံကုန်းကျေးရွာတွင်ရှိသည့် ဘောလုံးကွင်း၌သာ ခွင့်ပြုခဲ့ကြောင်း ၎င်း၏ ပြောပြချက်အရ သိရသည်။

ထို့ပြင် NLDပါတီဥက္ကဋ္ဌ ဒေါ်အောင်ဆန်းစုကြည်သည် မော်လမြိုင်မြို့ရှိ Strand Hotelတွင် မွန်အမျိုးသား ဒီမိုကရေစီအဖွဲ့နှင့် ညစာစားပွဲ တစ်ခု ပြုလုပ်မည်ဖြစ်ပြီး ယင်းမြို့နယ်တွင် ကြားဖြတ်ရွေးကောက်ပွဲအတွက် လစ်လပ်မဲဆန္ဒနယ်ဖြစ်သော ပြည်သူ့လွှတ်တော် ကိုယ်စားလှယ် နေရာအား NLD ပါတီမှ ဒေါ်ခင်ဌေးကြွယ် အပါအဝင်၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ မွန်ဒေသလုံးဆိုင်ရာ ဒီမိုကရေစီပါတီနှင့် တစညပါတီတို့လည်း ဝင်ရောက်ယှဉ်ပြိုင် မည်ဟု သိရသည်။

ဒေါ်အောင်ဆန်းစုကြည်နှင့် ညစာစားပွဲ၌တွေ့ဆုံမည့် မွန်အမျိုးသားဒီမိုကရေစီအဖွဲ့(MNDF)သည် ၁၉၉၀ ရွေးကောက်ပွဲတွင် ပါဝင်ယှဉ်ပြိုင်ခဲ့သည့် ပါတီဟောင်းတစ်ခုဖြစ်ကြောင်းလည်း သိရှိရသည်။

ATM

****************************************

သတင်းနှင့် ဆောင်းပါးများမှ ကောက်နှုတ်ချက်များ

''နိုင်ငံခြားငွေလဲနှုန်း တန်ဖိုးမြင့်ပြီး  ကူးစက်တတ်တဲ့ Dutch Disease ပြဿနာကို ရှောင်ရှားနိုင်ဖို့ အရေးကြီးဆုံး ဖြစ်ပါတယ်။ အဲဒီလို ငွေတန်ဖိုးတက် တာက ဖွံ့ဖြိုးတိုးတက်မှုကို အတားအဆီးဖြစ်စေတာကြောင့် နိုင်ငံခြားငွေလဲနှုန်းကို ကောင်းစွာစီမံခန့်ခွဲနိုင်ရမှာ ဖြစ်ပါတယ်။ တရုတ်နဲ့ အရှေ့အာရှနိုင်ငံတွေမှာ နိုင်ငံခြားငွေလဲနှုန်း စီမံခန့်ခွဲမှုကို ထိရောက် ကောင်းမွန်စွာ ဆောင်ရွက်နိုင်ခဲ့တဲ့ သာဓကကောင်းတွေ ရှိပါတယ်။ ဒါကြောင့် ဖွံ့ဖြိုးရေးလမ်းမှာ တစ်ခုတည်းသော နိုင်ငံခြားငွေလဲနှုန်းသာ ရှိစေတဲ့နည်းနဲ့ ဖွံ့ဖြိုးမှုကို မြှင့်တင်သင့်ပါတယ်။ ငွေလဲနှုန်းအမျိုးမျိုးကြောင့် ဘတ်ဂျက် ခွဲဝေမှုမှာ ထင်သာမြင်သာမရှိဘဲ ထိရောက်မှုကိုလည်း အားနည်းစေတယ်။ ဘတ်ဂျက်ခွဲဝေမှု စနစ်မကျတာနဲ့ မထိန်းချုပ်နိုင်တာတို့က ငွေကြေးဖောင်းပွမှုကို ဖြစ်စေတယ်။ တစ်ခုတည်းသော နိုင်ငံခြားငွေ လဲနှုန်း မထား  နိုင်သေးရင်တောင် ဈေးကွက် ပေါက်ဈေးအရ ဖြစ်ပေါ်နေတဲ့ နိုင်ငံခြားငွေလဲနှုန်းကိုတော့ နိုင်နင်းစွာ စီမံခန့်ခွဲနိုင်ရပါမယ်''

မတ် ၇ ထုတ် BiWeekly ELEVEN အတွဲ (၄) အမှတ် (၄၈) တွင်ပါသည့် “၂၀၁၂ခုနှစ် ဧပြီလ ၁ရက်နေ့မှစ၍ ငွေလဲနှုန်းကို ဈေးကွက်ပေါက် ဈေးအတိုင်း နှုန်းရှင်အဖြစ် ထားရှိမည်”သတင်းမှပါမောက္ခ Dr. Joseph Stiglitz ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ကျွန်တော်က အင်္ဂလန်နိုင်ငံကို ဥပမာနှိုင်းပြီးပြောမယ်။ အင်္ဂလန်အစိုးရက ကျောင်းတွေရဲ့ စီမံအုပ်ချုပ်မှု မှန်သမျှကို သူ့ကျောင်းနဲ့သူ ပေးထားတယ်။ ဒါပေမယ့် လွှတ်တော့မထားဘူး။ စီမံအုပ်ချုပ်မှုကောင်းရင် ကောင်းတဲ့ကျောင်းဆိုတာမျိုးနဲ့ ညံ့ရင်ညံ့တယ်ဆိုတာမျိုး အဆင့်ခွဲပေးထားတယ်။ ဒါက ဘာဖြစ်လာလဲဆိုရင် ကျောင်းတွေရဲ့ အပြိုင်အဆိုင် ကြိုးစားမှုကို ဖြစ်ပေါ်စေတယ်။ နောက်တစ်ခုက သက်ဆိုင်ရာ ဝန်ကြီးဌာနတွေရဲ့ အောက်မှာရှိနေရင် တစ်ခုခုဆို ရင် တင်ပြရ၊ ခွင့်ပြုမိန့် တောင်းရနဲ့ မလွတ်လပ်တာမျိုးတွေက ရှိနေမှာပဲ”

မတ် ၈ ထုတ် Popular News အတွဲ (၄) အမှတ် (၁၀) တွင်ပါသည့် “တက္ကသိုလ်၊ ကော်လိပ်များ ကိုယ်ပိုင် အုပ်ချုပ်ခွင့်ရှိလျှင် အနာဂတ်ပညာ ရေး ပိုမိုဖွံ့ဖြိုးမည်” သတင်းမှ နိုင်ငံတကာ ပညာရေး အတိုင်ပင်ခံ ဒေါက်တာ နေဝင်းနိုင်၏ ပြောကြားချက် အပေါ် ကောက်နှုတ်ချက်

-----------------------------------------------------------------------------------------------------------------------------------

“ဒါဟာ စစ်မှန်တဲ့ ပြည်ထောင်စုကို သွားရာလမ်းကြောင်းပေါ်ကို ရောက်နေတယ်လို့ မြင်ပါတယ်။ အဲဒါကို ဘယ်လောက် အကောင်အထည်ဖော်နိုင်မလဲ၊ လက်ရှိနိုင်ငံရေးဖြစ်စဉ်လမ်းကြောင်းမှာ ရှိနေတဲ့ ပါတီတွေ၊ လွတ်လပ်တဲ့ လူမှုအဖွဲ့အစည်းတွေ၊ Stake holder တွေ ပေါ်မူတည်တယ်။ အဲဒီလိုဖြစ်လာဖို့ ဘယ်လောက် စည်းရုံးနိုင်မလဲ၊ စည်းရုံးနိုင်တဲ့ ပမာဏာပေါ် ဘယ်လောက်ထိ ဖော်ဆောင်နိုင်မလဲ၊ အဲဒီအပေါ်တွေမှာ မူတည်ပြီး ပေါ်ပေါက်လာမယ်လို့မြင် တယ်”

မတ် ၈ ထုတ် Popular News အတွဲ (၄) အမှတ် (၁၀) တွင်ပါသည့် “တိုင်းရင်းသားကိစ္စ သမ္မတ၏ ပြောကြားမှုအပေါ် ရေးရာကျွမ်းကျင်သူ များ ကြိုဆို” သတင်းမှ တိုင်းရင်းသားရေးရာ ကျွမ်းကျင်သူတစ်ဦးဖြစ်သူ တောင်တွင်းကြီး လစ်လပ်မဲဆန္ဒနယ် ကိုယ်စားလှယ်လောင်း ဦးအောင်ကြည်ညွန့်၏ ပြောကြားချက် အပေါ် ကောက်နှုတ်ချက်

**************************************

 


Google Docs makes it easy to create, store and share online documents, spreadsheets and presentations.
Logo for Google Docs