Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၈.၄.၂၀၁၂

ဆောင်းပါးကဏ္ဍ

  1. တည်ဆောက်ရဦးမည့် စတုတ္ထမဏ္ဍိုင်

*****************************************

ဆောင်းပါးကဏ္ဍ

တည်ဆောက်ရဦးမည့် စတုတ္ထမဏ္ဍိုင်

အောင်မောင်း

ပြန်ကြားရေးဝန်ကြီး ဦးကျော်ဆန်းက လုံးဝလွတ်လပ်သော မီဒီယာအဖြစ် ခွင့်မပြုနိုင်သေးခြင်းမှာ နိုင်ငံရေး အပြောင်းအလဲတွင် ဒီမိုကရေစီကို တလွဲအသုံးချ၍ ပုဂ္ဂိုလ်ရေး တိုက်ခိုက်မှုများ ဖြစ်ပေါ်လာနိုင်ခြင်းကြောင့် ဖြစ်သည်ဟု ပြောကြားခဲ့သည့် စကားမှာ မီဒီယာတို့အတွက် မျက်စိစပ်စရာ ဖြစ်ခဲ့ရ သည်။ စာရေးသူ ကိုယ်တိုင်ပင်လျှင် မီဒီယာသမားတစ်ဦး၊ လွတ်လပ်သော သတင်းသမားတစ်ဦးအနေဖြင့် ဦးကျော်ဆန်း၏ မှတ်ချက်စကားကို ကျွဲမြီးတို ခဲ့ရသည်။ ယခု မီဒီယာဥပဒေကိုလည်း လူထုဦးစိန်ဝင်းက ကိုယ့်လည်ပင်း ကြိုးကွင်းစွပ်မယ့် ဥပဒေကို ဘာကြောင့် ထောက်ခံရမည်နည်းဟု ဆိုလိုရင်း ရှိသည့် ဆောင်းပါးတစ်ပုဒ်ကို ရေးသားခဲ့သည်။

ပွင့်လင်းစ မြန်မာ့စာနယ်ဇင်းလောကတွင် စာပေစိစစ်ရေးနှင့် စာပေလောကမှာ ယခင်အစိုးရလက်ထက်က လင်ဆိုးမယားတဖားဖား ဖြစ်ခဲ့ရ သော်လည်း လက်ရှိအခြေအနေမှာ မတည့်အတူနေဆိုသည့်အဆင့်ထိ အထိုက်အလျောက် တိုးတက်လာသည်ဟုသာ ဆိုရပေမည်။ သို့ရာတွင် အစိုးရ ဘက်က ဖြေလျော့ပေးသမျှ မီဒီယာဘက်ကလည်း အပြုသဘောဆောင်သော တုန့်ပြန်မှု လိုအပ်နေသေးသည်ကတော့ အသေအချာပင် ဖြစ်ပါသည်။ ဆိုရ လျှင် စာရေးသူတို့ နိုင်ငံတွင်  အကြောင်းအမျိုးမျိုးဖြင့် ရှိခဲ့သော ပိတ်ဆို့မှုများ၊ တင်းကျပ်မှုများကြောင့် မတိုးတက်ရသည့် အထဲတွင် မီဒီယာလည်း ပါဝင် သည်။ ယခု ဒီမိုကရက်တိုက်ဇေးရှင်းဖြစ်စဉ်တွင် ဇောင်းပေးပြောဆိုနေကြရသည့် Capacity  ဆိုသော အရည်အသွေးဆိုင်ရာ ကိစ္စတွင် မီဒီယာ၏ Capacity မှာ များစွာ လိုအပ်နေသေးပြီး ပရော်ဖက်ရှင်နယ် မဖြစ်သေးပါဟု ဆိုရမည်ဖြစ်သလို စာရေးသူကိုယ်တိုင်လည်း ထိုသံသရာမှ ရုန်းမထွက် နိုင်သေးပါ။ ဂလိုဘယ်လိုက်ဇေးရှင်းခေတ်တွင် အရာရာသည် ပရော်ဖက်ရှင်နယ်သဘောကို ဆောင်သည်။ နိုင်ငံရေးသမားလုပ်မည့်သူမှာ လက်သီးလက်မောင်း တန်းတတ်ရုံမျှ မရတော့ဘဲ အနည်းဆုံး နိုင်ငံရေးသိပ္ပံမဟာဘွဲ့၊ ဥပဒေမဟာဘွဲ့၊ စီးပွားရေးမဟာဘွဲ့ တစ်ခုခုတော့ လိုပေလိမ့်မည်။ တက္ကစီမောင်း သူမှာလည်း ယာဉ်အကြောင်း၊ လမ်းအကြောင်း သိရုံသာမက အင်္ဂလိပ်လိုပါ အခြေတော့ တတ်မှရသည့် အနေအထားသို့ ရောက်လာသည်။ ကုန်ကုန်ပြော ရလျှင် စားပွဲထိုး၊ ပန်းကန်ဆေးရာထူးများပင်လျှင် ဖြစ်ကတတ်ဆန်းလုပ်၍ မရတော့ပြီဖြစ်သဖြင့် ယနေ့ဟိုတယ်ကြီးများတွင် ဧည့်ခံကျွေးမွေးရေး သင်တန်း များ ရှိနေရခြင်းဖြစ်တော့သည်။

စာရေးသူတို့ မီဒီယာသမားများလည်း ပရော်ဖက်ရှင်နယ်ဖြစ်ဖို့ လိုအပ်နေသည်မှာ အသေအချာပင်ဖြစ်ပါသည်။ ယနေ့မြန်မာသတင်းမီဒီယာ လောကကိုကြည့်လျှင် တတ်လို့လုပ်သည့် မီဒီယာသမားနည်းပြီး  ဝါသနာတစ်ခုတည်းဖြင့် လုပ်နေကြရသည့် မီဒီယာသမားက အများစုဖြစ်သည်။ မဖြစ်စ လောက် ငွေကြေးအနည်းငယ်ဖြင့် မိုးရွာရွာနေပူပူ သတင်းတစ်ပုဒ်ရရေးအတွက်  တစ်နေကုန်နေ၍ ရေတစ်ဗူးပင် မသောက်လိုက်ရသည့် မြန်မာမီဒီယာ သမား လူငယ်များ၏ စိတ်ဓာတ်အခံကို လေးစားမိပါသည်။ သို့ရာတွင် ထိုခံယူချက်များကို ထိထိရောက်ရောက် အသုံးမချနိုင်ခြင်းမှာ အလွန် နှမြောဖွယ် ဖြစ်သည်။ ယနေ့မြန်မာမီဒီယာသမား လူငယ်များ၏ အရည်အသွေးမှာ စိုးရိမ်ဖွယ်ရှိလောက်အောင်ပင် လိုအပ်လျှက်ရှိပါသည်။ အထူးသဖြင့် ဝမ်းစာအား နည်းခြင်းပင်ဖြစ်သည်။  သတင်းမီဒီယာသမားဆိုသည်မှာ “ဘခြောက်လုံး” ကို အခြေခံ၍ အလုပ်လုပ်သည်၊ မိမိ၏ အမြင်၊ မိမိ၏ အာဘော်မဖြစ်စေရဟု လှေနံဓားထစ်မှတ်ယူ၍ မေးခွန်းထုတ်ခြင်း နည်းလာသည်။ လေ့လာမှုအားလည်း အလွန်နည်းသည်။ ဧပြီလ ၆ ရက်နေ့က ကျင်းပသည့် K.N.U နှင့် ပြည် ထောင်စုအစိုးရ ငြိမ်းချမ်းရေးဖော်ဆောင်ရေးအဖွဲ့တို့၏ ငြိမ်းချမ်းရေးဆွေးနွေးပွဲတွင် မြန်မာလူငယ်သတင်းထောက်များ၏ အရည်အသွေးကို စိတ်ပျက်ဖွယ် ကောင်းလောက်အောင် တွေ့ခဲ့ရသည်။ သတင်းယူခြင်း၊ မေးခွန်းမေးခြင်းတွင်သာမက ကိုယ်ရည်ကိုယ်သွေးအရပါ များစွာ ကျဆင်းနေပြီး လေ့လာမှုအား လည်း အလွန်နည်းသည့် ဖြစ်ရပ်များတွေ့ခဲ့ရသည်။ သတင်းထောက်တစ်ဦးက ယခု အပစ်အခတ် ရပ်စဲရေးများသည် ပြည်နယ်အဆင့်ဟု ဆိုလျှင် ပြည် ထောင်စုအဆင့်တွင် အပစ်အခတ်ရပ်စဲနိုင်ရန် အချိန်မည်မျှ ယူရမည်နည်းဟု K.N.U မှ တာဝန်ရှိသူတစ်ဦးကို မေးမြန်းခဲ့သည်။ ထိုသတင်းထောက်လူငယ် အမျိုးသမီးမှာ ယခု ပြည်ထောင်စုအဆင့်ဆွေးနွေးပွဲသည် ငြိမ်းချမ်းရေးအတွက်ဖြစ်ပြီး အပစ်အခတ်ရပ်စဲရေးမှာ တစ်နိုင်ငံလုံး အတိုင်းအတာဖြင့် ရပ်စဲပြီး သည်မှာ လွန်ခဲ့သည့် လအနည်းငယ်ကပင် ဖြစ်သည်ဆိုသည့်အချက်ကို လုံးဝသိရှိပုံမရပေ။ သတင်းဂျာနယ်များတွင် K.N.U နှင့် ၆၃နှစ်တာကာလ အတွင်း လုံးဝအပစ်ရပ်ရန် သဘောတူလက်မှတ်ထိုးကြောင်း ဓာတ်ပုံများနှင့်ဝေဝေဆာဆာ ဖော်ပြခဲ့ခြင်းကို ထိုသတင်းထောက် လုံးဝသိရှိခြင်း မရှိသည့် ပုံစံပင်။ အချို့နေရာများတွင် နားလည်မှု အသေးအဖွဲကြောင့် အကျအဆုံးမရှိသည့် ပစ်ခတ်မှုအချို့ ရှိသည်မှလွဲ၍ လုံးဝအပစ်ရပ်ထားကြောင်း K.N.U မှ ဗိုလ်မှူး ကြီးများနှင့် ဦးအောင်မင်း၊ ဦးခင်ရီတို့က တရားဝင်ပြောကြားထားသည်။ သတင်းစာရှင်းလင်းပွဲတွင် မေးမြန်းကြသည့် မေးခွန်းများမှာလည်း အလွန်ပင် ယေဘုယျဆန်ပြီး ငြိမ်းချမ်းရေးအကြောင်း၊ အပစ်အခတ်ရပ်စဲရေးအကြောင်း၊ K.N.U သမိုင်းစသည်တို့နှင့် ပတ်သက်၍ ချိတ်ဆက်မေးမြန်းသည့် မေးခွန်းမျိုး လုံးဝ မတွေ့ခဲ့ရပေ။

ပို၍ ဆိုးသည်မှာ ကိုယ်ရည်ကိုယ်သွေး ကျဆင်းသည့် ပြဿနာပင်ဖြစ်သည်။ သတင်းစာရှင်းလင်းပွဲမလုပ်မီ မီဒီယာများကို ဓာတ်ပုံရိုက်ခွင့်ပြု ထားသည်။ သို့ရာတွင် သတင်းစာရှင်းလင်းပွဲလုပ်သည့် အချိန်မှသာ မေးခွန်းများမေးရန် မေတ္တာရပ်ခံထားသည်။ ထို့ကြောင့် ဓာတ်ပုံရိုက်ခွင့်ပြုသည်နှင့် တပြိုင်နက် သူ့ထက်ငါ အလုအယက် ရိုက်ကြရသည်။ ဓာတ်ပုံကောင်း တစ်ပုံရရန် ကြိုးစားအားထုတ်မှုကို အသိအမှတ်ပြုနိုင်သော်လည်း ရုပ်ပျက်ဆင်း ပျက် ဖြစ်လောက်အောင်ပင် အတင်းတိုးဝှေ့ရိုက်ကြခြင်း၊ သတင်းထောက်အချင်းချင်း အပြန်အလှန်အော်ဟစ်ကြခြင်း၊ အဆိုးဆုံးမှာ K.N.U ခေါင်းဆောင် များ၊ ပြည်ထောင်စုဝန်ကြီးများ၏ ခေါင်းပေါ်မှ ကျော်၍ ရိုက်ကြသည့် အဆင့်ပင်ဖြစ်သည်။ သတင်းထောက်တစ်ဦးမှာ ဓာတ်ပုံအလုအယက်ရိုက်ရင်း ကရင် တပ်မတော် စစ်ဦးစီးချုပ် ဗိုလ်ချုပ်ကြီး စောမူတူးစေးဖိုး၏ ခေါင်းပေါ်ကျော်၍ ရိုက်ရာ လက်နှင့်ခေါင်းထိသွားပြီး ဗိုလ်ချုပ်ကြီးစောမူတူးစေးဖိုး မျက်နှာပျက် သွားသည်မှာ မဖြစ်သင့်မဖြစ်ထိုက်သည့် ကိစ္စဖြစ်သည်။ ဓာတ်ပုံရိုက်ပြီးကြသော်လည်း သတင်းစာရှင်းလင်းပွဲ မလုပ်သေးသဖြင့် မီဒီယာသမားများ ထိုင် စောင့်ကြရသည်။ အပြင်ဘက်တွင် မီဒီယာသမားများ ထိုင်စောင့်ရန် ခုံများချပေးထားသည်။ အတွင်းတွင် ထိုင်စရာခုံမရှိသည်မှာ မှန်သော်လည်း ကြမ်းပြင် ပေါ်တွင် ခြေပစ်လက်ပစ် ထိုင်ခြင်း၊ လှဲအိပ်ခြင်းတို့မှာ မြန်မာသတင်းထောက်များအတွက် လွန်စွာသိက္ခာကျဆင်းစေသည့် အပြုအမူများဖြစ်သည်။ ထိုင်ခုံ မလုံလောက်၍ဟု အကြောင်းပြ၍ရသော်လည်း နိုင်ငံခြား သတင်းထောက်များအားလုံး တစ်ချက်မျှ မထိုင်ဘဲ စိတ်ရှည်လက်ရှည် မတ်တပ်ရပ် စောင့်သွား ကြသည်မှာ မြန်မာသတင်းထောက်များ ပရော်ဖက်ရှင်နယ်ဖြစ်ရန် များစွာ လိုအပ်နေသေးကြောင်း ပြသသွားသလိုပင်ဖြစ်သည်။

ယနေ့ မြန်မာသတင်းမီဒီယာမှာ အချက်အလက်ပေးပို့သည့် အဆင့်ထက် မပိုသေးပေ။ ဆိုလိုသည်မှာ တစ်ဖက်က ဘာပြောသည်၊ တစ်ဖက်က ဘာပြန်ပြောသည်၊ ယခင်က မည်သို့ဖြစ်ခဲ့သည်ဆိုသည့် အချက်များကိုသာ အခြေခံ၍  Data Reporting လုပ်သည့် အခြေအနေပင်ဖြစ်သည်။ ဆင့်ပွား မေးခွန်းများ၊ နောက်ကြောင်းနှင့်ချိတ်ဆက်၍ မေးခွန်းများ၊ ရှေ့လာမည့်အခြေအနေများနှင့် ချိတ်ဆက်မေးသည့် မေးခွန်းများလည်း မတွေ့ခဲ့ရပေ။ လေ့ လာမှု အားနည်းသည့် အပိုင်းတွင်လည်း ဆိုစရာမရှိ။ လွန်စွာရိုးအပုံရသော ဗိုလ်ချုပ်ကြီး စောမူတူးစေးဖိုးက စကားတစ်လုံးမျှ မပြောဘဲ သတင်းစာရှင်း လင်းပွဲုပ်သည့်အချိန်မှသာ သတင်းသမားများက မိမိအား အဘိုးနာမည် ဘယ်လိုခေါ်သလဲဟု ခနခန လာမေးကြကြောင်း၊ မေးတိုင်းဖြေနေရ၍ မပြော သေးကြောင်း ယခုမိမိမှာ ဗိုလ်ချုပ်ကြီး စောမူတူးစေးဖိုး ဖြစ်ကြောင်း၊ မိမိနာမည်ကို ရေးမှတ်ထားကြစေလိုကြောင်း ပညာသားပါပါဖြင့် ပြောကြားသွား သည်။ သတင်းစာရှင်းလင်းပွဲတွင်လည်း စိတ်ဝင်စားစရာကောင်းလောက်သော မေးခွန်းများ မေးမြန်းသည်ကို မတွေ့ရ။ မေးခွန်း နှစ်ခုသုံးခုသာ စိတ်ဝင်စား လောက်သည့် အခြေအနေရှိသည်။ နိုင်ငံခြားသတင်းထောက်များသည် မြန်မာလို အတော်အသင့် နားလည်ကြပြီး အချို့က ဘာသာပြန်များ ခေါ်လာသည်။ နိုင်ငံခြား သတင်းထောက်အချို့ကမူ ခေါင်းဆောင်များဖြစ်သည့် ဦးအောင်မင်းနှင့် ဦးစိုးသိန်း၊ နော်စီဖိုးရာစိန်နှင့် နော်မေဦးတို့ကို အဓိကထား၍ မေးသွား သည်။ ထိုနိုင်ငံခြားသတင်းထောက်များမှာ K.N.Uအကြောင်း နောကျေအောင် သိပြီးဖြစ်ကြသလို ဦးအောင်မင်း၊ ဦးစိုးသိန်းတို့၏ ရာဇဝင်ကိုလည်း မြန်မာ သတင်းထောက်များထက် ပို၍သိသည်မှာ ပရော်ဖက်ရှင်နယ် စစ်စစ်ဖြစ်ကြောင်း အထင်အရှား ပြနေသလိုပင်။ မေးမြန်းသည့် မေးခွန်းများသည်လည်း ပညာသားပါလှသည်။ မည်သူ့ကို မေးရမည်၊ မည်သည့်ရာထူးဖြစ်သည်ကို နိုင်ငံခြားသတင်းထောက်များ ကောင်းစွာသိပြီးဖြစ်သည်။

မီဒီယာဆိုသည်မှာ ခံစားချက်ကင်းရမည်၊ မည်သည့်ဘက်မှ မယိမ်းရဟု ဆိုနေကြသော်လည်း စိတ်ခံစားမှု၊ အများကြိုက်မှုနှင့် ကျင့်ဝတ်မဆန်မှု တွေ များစွာတွေ့ရသည်။ မီဒီယာသည် တိုင်းပြည်အတွက် မဏ္ဍိုင်ကြီးတစ်ခုဖြစ်၍ နိုင်ငံရေးလုပ်ခြင်း တစ်မျိုးဟု ဆိုနိုင်သော်လည်း အစိုးရကို အတိုက်အခံ လုပ်ရန် မဟုတ်ပေ။ အစိုးရအဖွဲ့ဆိုလျှင် ခပ်နာနာရေးမည်။ အတိုက်အခံဆိုလျှင် မြှောက်ပင့်ရေးမည်၊ အစိုးရကို နာနာဆဲနိုင်လေ သတင်းစာရောင်းကောင်း လေဟူသည့် မှတ်ချက်မျိုးကို ကုလသမဂ္ဂ အထွေထွေအတွင်းရေးမှူးဖြစ်ခဲ့သူ ဦးသန့်က မှတ်ချက်ပြုခဲ့ဖူးသည်။ ယနေ့လည်း ထိုနည်းနှင်နှင်ပင်။ ကြား ဖြတ်ရွေးကောက်ပွဲသတင်းများကို ပြည်သူစိတ်ဝင်တစားရှိ၍ ဝေဝေဆာဆာ ဖော်ကြသည်မှာ သဘာဝကျသော်လည်း အချို့သတင်းများမှာ စေတသိက် တွေပါသည်။ အချို့သတင်းများမှာ ရှုံးနိမ့်သွားသည့် ပြည်ခိုင်ဖြိုးပါတီကို ရိတိတိရေးသည့်၊ သရော်သည့် ပုံစံတွေဖြစ်သည်။ မတော်တဆ ရှုံးမဲမဲသွား၍  တိုင်းပြည်နောက်ကြောင်းပြန်သွားလျှင် အဓိက လက်သည်မှာ မီဒီယာဟု စွပ်စွဲရတော့မည်ဖြစ်သည်။

တိုင်းပြည်တွင် မီဒီယာအပါအဝင် မဏ္ဍိုင်ကြီးလေးခုရှိရာ တစ်ခုချို့ယွင်းနေလျှင် တိုင်းပြည်လည်း ယိုင်နဲ့နဲ့သာဖြစ်နေမည် ဖြစ်သည်။ မီဒီယာမှာ အုပ်ချုပ်ရေး၊ ဥပဒေပြုရေး၊ တရားစီရင်ရေးကဲ့သို့ မဟုတ်သော်လည်း ထိုမဏ္ဍိုင်ကြီးသုံးခု တိုးတက်ကောင်းမွန်လာစေရေးအတွက် အဓိက စောင့်ကြည့် စစ်ဆေးသူ အကဲဖြတ်သူဖြစ်သည်။ ထို့ကြောင့် တိုင်းပြည်၏ မဏ္ဍိုင်ကြီးသုံးခု အားကောင်းခိုင်မာရေးသည် မီဒီယာဟူသည့် မဏ္ဍိုင်အပေါ်တွင် များစွာ မူတည်နေသည်။ မီဒီယာမခိုင်လျှင် ထိုမဏ္ဍိုင်ကြီးများလည်း ဆက်လက်ယိုင်နဲ့နဲ့ ဖြစ်နေဦးမည်ဖြစ်ရာ မိမိတို့ မီဒီယာအနေဖြင့် ခိုင်မာသည့် ပရော်ဖက်ရှင် နယ် ပီသသည့် မီဒီယာဖြစ်စေရန် အထူးကြိုးပမ်းရတော့မည်ဖြစ်ပါကြောင်း…………………………………။

*****************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၈. ၄.၂၀၁၂

ပြည်တွင်းသတင်းများ

  1. မြန်မာ-ကိုရီးယား စီးပွားရေးပူးပေါင်းဆောင်ရွက်မှုဖိုရမ်(၂၀၁၂) ကျင်းပ
  2. သင်္ကြန် ရေပက်ခံကားများတွင် နိုင်ငံတကာအလံ တပ်ဆင်ပါက အရေးယူမည်

ပြည်တွင်းပါတီ၊ နိုင်ငံရေးသတင်းများ

  1. လွှတ်တော်ထဲသို့ ပါဝင်ရန် နိုင်ငံတော်သမ္မတမှ KNUအား ဖိတ်ခေါ်
  2. KNUနှင့် အမြင်သဘောထားခြင်းတူသည်ဟု ဒီချုပ်ဥက္ကဋ္ဌ ပြောကြား
  1. မြန်မာအပေါ် ပိတ်ဆို့အရေးယူမှုအချို့ အမေရိကန် စတင်ရုတ်သိမ်း

သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

မြန်မာ-ကိုရီးယား စီးပွားရေးပူးပေါင်းဆောင်ရွက်မှုဖိုရမ်(၂၀၁၂) ကျင်းပ

၂၀၁၂ ဧပြီ ၆ ရက်နေ့တွင် မြန်မာနိုင်ငံ ရင်းနှီးမြှုပ်နှံမှုကော်မရှင်နှင့် ကိုရီးယားသမ္မတနိုင်ငံ Knowledge Econ- omy ဝန်ကြီးဌာနတို့မှ ပူးပေါင်း ကျင်းပခဲ့သည့် မြန်မာ-ကိုရီးယား စီးပွားရေးပူးပေါင်းဆောင်ရွက်မှုဖိုရမ်(၂၀၁၂) (Korea-Myanmar Economic Cooperation Forum 2012) ကို နေပြည်တော်၊ ဇမ္ဗူသီရိမြို့နယ်ရှိ မြန်မာအပြည်ပြည်ဆိုင် ကွန်ဗင်းရှင်းဗပာိုဌာန (MICC) Banquet Hall ၌ ကျင်းပခဲ့ကြောင်းနိုင်ငံပိုင် သတင်းစာများတွင် ဖော်ပြပါရှိသည်။

မြန်မာ-ကိုရီးယား စီးပွားရေးပူးပေါင်းဆောင်ရွက်မှုဖိုရမ် ဆွေးနွေးပွဲ၌ နိုင်ငံတော်သမ္မတဦးသိန်းစိန်မှ ယခုကဲ့သို့ ကိုရီးယားစီးပွားရေး လုပ်ငန်းရှင် များအဖွဲ့ လာရောက်သည့်အတွက် နှစ်နိုင်ငံအကြား စီးပွားရေးနှင့် ချစ်ကြည်ရင်းနှီးမှုကဏ္ဍများတွင် ပိုမိုတိုးမြှင့်တည်ဆောက်နိုင်မည်ပာု ယုံကြည်ကြောင်း နှင့် မြန်မာနိုင်ငံ၏ လက်ရှိကာလ စီးပွားရေးအခြေအနေများကို လေ့လာကာ အနာဂါတ်အခွင့်အလမ်းကောင်းများကို ချဉ်းကပ် သုံးသပ်လုပ်ကိုင် ဆောင်ရွက် ကြရန် တိုက်တွန်းပြောကြားသည်။

ထို့ပြင် ကိုရီးယား-မြန်မာ နှစ်နိုင်ငံပူးပေါင်း၍ နိုင်ငံ၏ ထွက်ကုန်များကို တန်ဖိုးမြှင့်ထုတ်ကုန်(Value Added) များအဖြစ် ဆောင်ရွက်နိုင်ရေး၊ IT ကဏ္ဍတွင် နည်းပညာပိုင်းဆိုင်ရာ အကူအညီနှင့် ရင်းနှီးမြှုပ်နှံမှုများ ပြုလုပ်နိုင်ရေး၊ အလုပ်အကိုင်အခွင့်အလမ်းများစွာ ရရှိနိုင်သည့် ရော်ဘာ၊ ဆီအုန်း၊ စားသောက်ကုန် စသည့်လုပ်ငန်းများတွင် အသေးစားနှင့် အလတ်စားစက်ရုံ တည်ထောင်နိုင်ရေး၊ မြန်မာနိုင်ငံတွင် အထူးစီးပွားရေးဇုန်သုံးခု ထူထောင် ဆောင်ရွက်သွားမည်ဖြစ်ရာ ထားဝယ်အထူးစီးပွားရေးဇုန်၊ ကျောက်ဖြူအထူးစီးပွားရေးဇုန်တို့တွင် ရင်းနှီးမြှုပ်နှံမှုများ ပြုလုပ်နိုင်သကဲ့သို့ သီလဝါ အထူး စီးပွားရေးဇုန်ကို ရန်ကုန်မြို့ ဖွံ့ဖြိုးတိုးတက်ရေးနှင့် ပတ်သက်၍ ကားလမ်း၊ ရထားလမ်းဆိုင်ရာ အဆင်မြှင့်တင်မှုများတွင် ရင်းနှီးမြှုပ်နှံမှုများ ပြုလုပ်သွား နိုင်ရန် သမ္မတဦးသိန်းစိန်က ညွှန်ကြားခဲ့သည်။

ယခုကျင်းပသည့် ကိုရီးယား-မြန်မာ စီးပွားရေးပူးပေါင်းဆောင်ရွက်မှုဖိုရမ်တွင် နှစ်နိုင်ငံကုန်သွယ်မှုနှင့် ရင်းနှီးမြှုပ်နှံ မှုဆိုင်ရာ ပူးပေါင်းဆောင် ရွက်ရေး နားလည်မှုစာချွန်လွှာကို မြန်မာနိုင်ငံဘက်မှ ကုန်သည်များနှင့် စက်မှုလက်မှု လုပ်ငန်းရှင် များအသင်းချုပ် ဦးဝင်းအောင်မှ လက်မှတ်ရေးထိုးခဲ့ပြီး ကိုရီးယားနိုင်ငံဘက်မှ ကိုရီးယားကုန်သည်နှင့် စက်မှုအသင်းချုပ် (KCCI) မှ Mr.Sohn Kyung Shik တို့က လက်မှတ်ရေးထိုးခဲ့ကြောင်း သိရသည်။

YC

--------------------------------------------------------------------------------------------------------------------------------

 သင်္ကြန် ရေပက်ခံကားများတွင် နိုင်ငံတကာအလံ တပ်ဆင်ပါက အရေးယူမည်

ယခုနှစ်၌ ကျရောက်မည့် အတာသင်္ကြန်တွင် ရန်ကုန်တိုင်းဒေသကြီးအတွင်းရှိ ရေပက်ခံကားများတွင် နိုင်ငံတကာအလံများ တပ်ဆင်၍ မောင်းနှင် သွားလာပါက တည်ဆဲဥပဒေအရ ထိရောက်စွာ အရေးယူ ဆောင်ရွက်သွားမည်ဖြစ်ကြောင်း ယာဉ်စည်းကမ်း ထိန်းသိမ်းရေးကော်မတီ ထုတ်ပြန်ကြေညာ ခဲ့သည်။

ထို့ပြင် သင်္ကြန်ရေပက်ခံကားများ အပြိုင်အဆိုင်မောင်းနှင်ခြင်း၊ သောက်စားမူးယစ်၍ မောင်းနှင်ခြင်း၊ ယာဉ်နံပါတ်ပြားများ မပါရှိခြင်း၊ အခြားယာဉ် နံပါတ်ပြားများ တပ်ဆင်မောင်းနှင်ခြင်းနှင့် ယာဉ်ဘေးတံခါးဖြုတ်၍ မောင်းနှင်ခြင်းများ မပြုလုပ်ရန် ညွှန်ကြားထားပြီး အရက်သေစာ သောက်စားထားခြင်း ရှိ/မရှိများကိုလည်း ကိရိယာများအသုံးပြု၍ စစ်ဆေး ဆောင်ရွက်သွားမည်ဖြစ်ကြောင်း သိရသည်။

ထို့ပြင် သင်္ကြန်ရက်များအတွင်း မတော်မဆမှုများမရှိနိုင်စေရန် အင်းလျားကန်နှင့် ကန်တော်ကြီးများတွင် အသက်ကယ်လှေတစ်စီးစီ ထားရှိပေး သွားမည်ဖြစ်ပြီး ယခုကဲ့သို့ အင်းလျားကန်နှင့် ကန်တော်ကြီး၌ အသက်ကယ်လှေများ ထားရှိရခြင်းမှာ ယခင်သင်္ကြန်နှစ်များ၌ ရေဆင်းကူး၍ မတော်တဆ ဖြစ်မှုများ ဖြစ်ပွားခဲ့သည့်အတွက်ဖြစ်ကြောင်း သိရသည်။

သင်္ကြန်ပွဲတော်ကာလနှင့် ရုံးပိတ်ရက်များအတွင်း လျှပ်စစ်မီးအား ပိုမိုရရှိနိုင်စေရန် လုပ်ဆောင်ပေးသွားမည်ဖြစ်ပြီး ဧပြီ ၂ရက်နေ့မှ စတင်၍ အသုံးပြုလျက်ရှိသည့် အချိန်ပိုင်း လျှပ်စစ်မီးပေးနေမှုများကိုလည်း ပုံစံတစ်မျိုးဖြင့် လျှပ်စစ်ဓာတ်အား ပိုမိုဖြည့်ဆည်းပေးသွားမည်ဖြစ်ကြောင်း ရန်ကုန် မြို့တော် လျှပ်စစ်ဓာတ်အားပေးရေးအဖွဲ့မှ တာဝန်ရှိသူတစ်ဦးက ပြောကြားသည်။

YC

*****************************************

ပြည်တွင်းပါတီ၊ နိုင်ငံရေးသတင်းများ

လွှတ်တော်ထဲသို့ ပါဝင်ရန် နိုင်ငံတော်သမ္မတမှ KNUအား ဖိတ်ခေါ်

ကရင်အမျိုးသားအစည်းအရုံး(KNU)အဖွဲ့သည် ဧပြီလ ၇ရက်နေ့ မနက်တွင် နိုင်ငံတော်သမ္မတ ဦးသိန်းစိန်၏ ဖိတ်ခေါ်မှုကြောင့် နေပြည်တော်တွင် သွားရောက်တွေ့ဆုံခဲ့ကြကြောင်း ယင်း KNUအဖွဲ့မှ တာဝန်ရှိသူတစ်ဦး၏ ပြောကြားချက်အရ သိရသည်။

ယင်းသို့ တွေ့ဆုံရာတွင် “နိုင်ငံတော်သမ္မတက ကိုယ့်ရဲ့ ကရင်ပြည်နယ်ဒေသကို အုပ်ချုပ်ပြီး နိုင်ငံရေးပါတီတစ်ခု အနေနဲ့ နောက်ရွေးကောက်ပွဲမှာ ဝင်ပြိုင်ပြီး လွှတ်တော်ထဲမှာ ပါဝင်ဖို့ ကမ်းလှမ်းပါတယ်။ ပြီးတော့ တခြား တိုင်းရင်းသား လက်နက်ကိုင်တွေနဲ့လည်း ထာဝရငြိမ်းချမ်းရေးရဖို့ သဘောထား အမှန်တကယ်ရှိကြောင်းကိုလည်း ထည့်သွင်းပြောကြား သွားပါ တယ်”ဟု အထက်ပါပုဂ္ဂိုလ်တစ်ဦးမှ ပြောသည်။

၎င်းတို့အဖွဲ့သည် ဧပြီ ၄ရက်နေ့မှစ၍ အစိုးရငြိမ်းချမ်းရေးဖော်ဆောင်ရေးအဖွဲ့နှင့် အပစ်အခတ်ရပ်စဲရေး သဘောတူလက် မှတ်ရေးထိုးရန် ရန်ကုန်သို့ ရောက်ရှိခဲ့ပြီး ဧပြီလ ၆ရက်နေ့တွင် လက်မှတ်ရေးထိုးခဲ့ကြောင်း သိရှိရသည်။

ATM

-----------------------------------------------------------------------------------------------------------------------------------

KNUနှင့် အမြင်သဘောထားခြင်းတူသည်ဟု ဒီချုပ်ဥက္ကဋ္ဌ ပြောကြား

ဧပြီလ ၈ရက်နေ့ မနက် ၁၀နာရီခွဲခန့်မှစတင်၍ တက္ကသိုလ်ရိပ်သာလမ်းရှိ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်၏ နေအိမ်၌ KNUမှ ငြိမ်းချမ်းရေးဖော်ဆောင်ရေးအဖွဲ့တို့နှင့် တွေ့ဆုံ၍ တိုင်းရင်းသားအရေးနှင့် ပတ်သက်၍ ဆွေးနွေးခဲ့ကြသည်ဟု သတင်းရရှိသည်။

“ဒီလိုတွေ့ဆုံမှုမှာ သူတို့တွေရဲ့ တိုင်းပြည်ငြိမ်းချမ်းရေးဖော်ဆောင်ရေးကိစ္စတွေရယ် ပြီးတော့ တိုင်းရင်းသားအရေးကိစ္စတွေနဲ့ ပတ်သက်ပြီး ဒီမို ကရေစီ ဖော်ဆောင်တဲ့အခါမှာ စည်းစည်လုံးလုံး လုပ်ဆောင်ဖို့ကိစ္စတွေကို ဆွေးနွေးခဲ့ ကြပါတယ်။ နောက်ပြီး ဒေါ်အောင်ဆန်းစုကြည်ကလည်း သူနဲ့ KNU အဖွဲ့တို့ရဲ့ ဒီဆွေးနွေးမှုမှာ အမြင်ချင်းတူတာလေးတွေလည်း ရှိတယ်ဆိုတဲ့အကြောင်းကိုလည်း ပြောသွားခဲ့ပါတယ်”ဟု ယင်းပွဲသို့ တက်ရောက်ခဲ့သည့် ပြည်တွင်းမီဒီယာမှ သတင်းထောက် တစ်ဦးက ပြောကြားသည်။

ထို့နောက် ယင်းတို့ နှစ်နာရီကျော်ကြာ တွေ့ဆုံဆွေးနွေးမှုအပြီးတွင် ထိုတွေ့ဆုံပွဲသို့ လာရောက်စောင့်ဆိုင်းနေကြသည့် ပြည်တွင်းပြည်ပ မီဒီယာ များဖြင့်လည်း တစ်နာရီကျော်ကြာ သတင်းစာရှင်းလင်းပွဲတစ်ခု ပြုလုပ်ခဲ့သေးသည်ဟု လည်း အထက်ပါပုဂ္ဂိုလ်၏ ထပ်မံပြောပြချက်အရ သိရသည်။

ထို့ပြင် KNUငြိမ်းချမ်းရေးဖော်ဆောင်ရေးအဖွဲ့သည် ဧပြီလ ၆ရက်နေ့၌ ဦးအောင်မင်း ခေါင်းဆောင်သည့် ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့နှင့် တွေ့ဆုံခဲ့ပြီး အပစ်အခတ်ရပ်စဲရေး သဘောတူညီချက်လက်မှတ် ရေးထိုးခဲ့ကြပြီး ဧပြီလ ၇ရက်နေ့မနက်တွင် နိုင်ငံတော်သမ္မတ ဦးသိန်းစိန်နှင့်လည်း ထပ်မံတွေ့ဆုံခဲ့ကြ သည်ဟုလည်း သတင်းရရှိ သည်။

ATM

-----------------------------------------------------------------------------------------------------------------------------------

မြန်မာအပေါ် ပိတ်ဆို့အရေးယူမှုအချို့ အမေရိကန် စတင်ရုတ်သိမ်း

မြန်မာနိုင်ငံ၌ ပြီးခဲ့သည့် ဧပြီ ၁ရက်နေ့၌ ကျင်းပခဲ့သည့် ကြားဖြတ်ရွေးကောက်ပွဲရလာဒ်များအပေါ် အမေရိကန်နိုင်ငံမှ ကျေနပ်အားရမှုများ ရှိခဲ့သည့်အတွက် မြန်မာနိုင်ငံအပေါ် အမေရိကန်နိုင်ငံမှ လုပ်ဆောင်ထားသည့် စီးပွားရေးပိတ်ဆို့မှုအချို့ကို စတင်ရုတ်သိမ်းသွားမည်ဖြစ်ကြောင်း ဧပြီ ၄ရက်နေ့တွင် အမေရိကန်နိုင်ငံမှ ထုတ်ပြန်ကြေညာခဲ့သည်။

မြန်မာနိုင်ငံအပေါ် အမေရိကန်နိုင်ငံမှ ပိတ်ဆို့အရေးယူမှုပြုလုပ်ထားသည့် အချက်များထဲမှ မြန်မာအစိုးရနှင့် လွှတ်တော်ကိုယ်စားလှယ်များကို အမေရိကန်သို့လာရောက်ခွင့်ပြုမည့်အချက်များအပါအဝင် မြန်မာ-အမေရိကန် နှစ်နိုင်ငံပို့ကုန်ကဏ္ဍ၊ ဘဏ္ဍာရေးရင်းနှီးမြှုပ်နှံမှု၊ ငွေကြေးဆိုင်ရာ အချက်များ အပါအဝင် အခြားစီးပွားရေး ကန့်သတ်ချက်များကို ဖယ်ရှားပေးသွားမည်ဖြစ်ကြောင်း သိရသည်။

“အမေရိကန်နိုင်ငံရဲ့ စီးပွားပိတ်ဆို့အရေးယူမှုတွေ ဖယ်ရှားလိုက်ပြီဆိုရင် မြန်မာနိုင်ငံရဲ့စီးပွားရေးတိုးတက်မှု ကဏ္ဍတွေက အနှေးနဲ့အမြန် ဆိုသလို ဖြစ်လာမှာပါ။ ချက်ချင်းကြီးတော့ စီးပွားရေးက တရှိန်ထိုး တိုးတက်သွားမှာတော့ မပာုတ်ဘူး။ ဖြည်းဖြည်းချင်း လုပ်ဆောင်သွားရမှာပါ”ပာု မြန်မာ့ နိုင်ငံရေးလေ့လာနေသူတစ်ဦးက ဆိုသည်။

ထို့ပြင် မကြာသေးမီကာလအတွင်းက ဖနွမ်းပင်၌ ကျင်းပပြုလုပ်ခဲ့သည့် အကြိမ်(၂၀)မြောက် အာဆီယံထိပ်သီး နှစ်စဉ် ပုံမှန်အစည်းအဝေး၌ အာဆီယံခေါင်းဆောင်များက မြန်မာနိုင်ငံအပေါ် အရေးယူပိတ်ဆို့မှုများကို အမြန်ဖယ်ရှားပေးရန် တောင်းဆိုခဲ့ကြောင်း သိရသည်။

အမေရိကန်နိုင်ငံသည် ၁၉၉၅ ခုနှစ် ဒီဇင်ဘာ ၂၉ရက်နေ့တွင် မြန်မာနိုင်ငံအပေါ် အမေရိကန်နိုင်ငံမှ ရင်းနှီးမြှုပ်နှံမှု အကူအညီပေးခြင်း၊ ခရီး သွားလာခြင်းနှင့် မြန်မာနိုင်ငံမှ ပို့ကုန်များပိတ်ပင်ခြင်း စသည့် စီးပွားရေးပိတ်ဆို့မှုများကို စတင် လုပ်ဆောင်ခဲ့ခြင်းဖြစ်ကြောင်း သိရသည်။

YC

 ****************************************

သတင်းနှင့် ဆောင်းပါးများမှ ကောက်နှုတ်ချက်များ

“ဒီနှစ်လူငယ်တွေ တော်တော်များများက သံချပ်တွေထိုးဖို့ ပြင်နေကြတယ်လို့ကြားရတယ်။ ရေပက်မဏ္ဍပ်တွေမှာ လုပ်မယ်ထင်တယ်။ ကျွန်တောလဲ သံချပ် အလွမ်းဆိုပြီး ဆောင်းပါးတစ်ပုဒ်ကို ပြည်သူ့ခေတ်ဂျာနယ်မှာ ရေးလိုက်သေးတယ်။ ဒီမို ကရေစီခေတ်သစ်မှာ အမျိုးသားယဉ်ကျေးမှုအစဉ်အလာ၊ ပြည်သူရဲ့ ရင်ဖွင့်သံ၊ အနုပညာအသွင်နဲ့ ဟာသနှောပြီး သရော်တဲ့ပုံစံမျိုးနဲ့ ထောက်ပြဝေဖန်တဲ့သံချပ်တွေကို ပြန်လည်မြင်ချင်ပါတယ်။ ခွင့်ပြုသင့်ပါတယ်။ အစိုးရ အနေနဲ့လဲ သံချပ်တွေကို နားဆင်ရင်း ပြည်သူတွေရဲ့ အသံအစစ်၊ တိုင်းပြည်ရဲ့ အခြေအ နေမှန်ကို ရိပ်စားသိရှိနိုင်ပါလိမ့်မယ်”

ဧပြီ ၅ ထုတ် ရန်ကုန်တိုင်းမ် အတွဲ (၈) အမှတ် (၁၄) တွင်ပါသည့် “ဒီမိုကရေစီသင်္ကြန်၊ သံချပ်သင်္ကြန်၊ ပြည်သူတွေရဲ့ ရင်တွင်းအသံ” သတင်း ဆောင်းပါးမှ မောင်ဝံသ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“မကြာသေးခင် အခွန်အခနှုန်းထားများ တိုးမြှင့်ခြင်းကို နိုင်ငံတကာနှုန်းများဖြင့် နှိုင်းယှဉ်ပြသွားတာတွေ ကြားသိ လိုက်ရသည်။ ဟုတ်ပါသည်။ ခေတ်နှင့် အညီ ဖြစ်စေဖို့အတွက် ဒါတွေကို လေ့လာနှိုင်းယှဉ်ကြရပေမည်။ တစ်ဖက်တွင်လည်း မြန်မာပြည်သူ လူများစုကြီး၏ ဝင်ငွေအဆင့်အတန်းကို နိုင်ငံတကာ စံများဖြင့် ‘မှန်မှန်ကန်ကန်’ တွက်ချက်ကြည့်ရန် လိုပါသည်။ ယခု ကြားဖြတ်ရွေးကောက်ပွဲများပြီး၍ နိုင်ငံရေးအခြေအနေတည်ငြိမ်လာမည်။ နယ်စပ် ဒေသ များမှာလည်း ပိုမို အေးချမ်းလာမည်။ ဒါတွေကို နိုင်ငံတကာက အသိအမှတ်ပြုပြီး ဝိုင်းကြဝန်းကြ မည်ဆိုလျှင် အခြေအနေတွေ တိုးတက် ကောင်းမွန် လာပါ လိမ့်မည်။ နိုင်ငံအစိုးရနှင့်သက်ဆိုင်ရာ တာဝန်ရှိသူ အသီးသီးကလည်း နိုင်ငံ့စီးပွားရေးဖွံ့ဖြိုးတိုးတက်မှုဆီ ပိုမိုအာရုံစိုက်လာနိုင်လိမ့်မည်ဟု လည်း မျှော်လင့် မိပါသည်”

ဧပြီ ၅ ထုတ် 7DAYS NEWS အတွဲ (၁၁) အမှတ် (၅) တွင်ပါသည့် ဆောင်းပါးရှင် ထင်အောင်ကျော်၏ “ဝမ်းဝလို့ ခါးလှ စေချင်” သတင်း ဆောင်းပါးမှ ကောက်နှုတ်ချက်

**************************************

 


Google Docs makes it easy to create, store and share online documents, spreadsheets and presentations.
Logo for Google Docs