Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

၂၅.၄.၂ဝ၁၂

ဘာသာပြန်သတင်းများ အပိုင်း(၂)

  1. တောင်တရုတ်ပင်လယ်တွင် တင်းမာမှုများ မြင့်တက်

(CNN Money မှ 24 April 2012 ရက်စွဲပါ Steve Hargreaves ရေးသားသော Tensions heat up over oil, gas in South China Sea ကို ဘာသာ ပြန်ဆိုသည်)

  1. ပိတ်ဆို့မှုများ ဖြည်းဖြည်းသာ ရုတ်သိမ်းရန် ပြည်ပရောက်အုပ်စုများ တိုက်တွန်း

(Associated Press မှ 23 April 2012 ရက်စွဲပါ Go slow on lifting sanctions: Myanmar activists ကို ဘာသာ ပြန်ဆိုသည်)

************************************

တောင်တရုတ်ပင်လယ်တွင် တင်းမာမှုများ မြင့်တက်

(CNN Money မှ 24 April 2012 ရက်စွဲပါ Steve Hargreaves ရေးသားသော Tensions heat up over oil, gas in South China Sea ကို ဘာသာ ပြန်ဆိုသည်)

တောင်တရုတ် ပင်လယ်ပြင်တွင် နယ်နိမိတ်ချင်း ထိစပ်နေသော တရုတ်နှင့် အခြားတိုင်းပြည်များအကြား တင်းမာမှုသည် ပိုမိုမြင့်တက်လျက် ရှိရာ ရေအောက်ရှိ ရေနံနှင့် သဘာဝ ဓာတ်ငွေ့ အရင်းအမြစ်များက ပြဿနာ၏ ဗဟို ဖြစ်လျက်ရှိသည်။

အမေရိကန် ပြည်ထောင်စု ဘူမိဗေဒ တိုင်းတာရေး အဆိုအရ တောင်တရုတ် ပင်လယ်ပြင်တွင် ရေနံစိမ်း စည်ပေါင်း ၄.၈ ဘီလျံနှင့် သဘာဝ ဓာတ်ငွေ့ ၆၄ ထရီလီယံ ကုဗပေ ရှိမည်ဟု ခန့်မှန်းထားသည်။ အဆိုပါ ပမာဏသည် အလက်စကားမှ ရှာဖွေ တွေ့ရှိထားသော ရေနံသိုက်နှင့် တူညီပြီး မက္ကစီကို ပင်လယ်ကွေ့တွင် ရှာဖွေ တွေ့ရှိထားသော ဓာတ်ငွေ့သိုက်ထက် များပြားနေသည်။

တရုတ်၊ ဗီယက်နမ်၊ ဖိလစ်ပိုင်နှင့် မလေးရှားတို့သည် အဆိုပါ သယံဇာတများအပေါ် စီမံခန့်ခွဲနိုင်ရေး အတွက် အငြင်းပွားနေသည်မှာ အချိန်ကြာမြင့်နေပြီ ဖြစ်သည်။ အငြင်းပွားမှုတွင် ရေနံနှင့် သဘာဝ ဓာတ်ငွေ့သာမက ငါးဖမ်းခြင်းနှင့် သတ္တုဆိုင်ရာ ရပိုင်ခွင့်များလည်း ပါဝင်သည်။

တရုတ်က ပင်လယ်ပြင် သယံဇာတများကို စီမံခန့်ခွဲခွင့် ရှိသည်ဟု ဆိုခဲ့ရာ အိမ်နီးချင်းများက ယင်းမှာ ရန်လိုသော သဘောထား ဖြစ်သည်ဟု စွပ်စွဲခဲ့သည်။ "တရုတ်က လွန်ခဲ့တဲ့ နှစ်အနည်းငယ်အတွင်းမှာ စီးပွားရေးအရ အင်အားကြီးမားခဲ့ပါပြီ။ ဒီတော့ သူက ဩဇာ လွှမ်းမိုးမှု ရှိနေပြီလို့ ယုံကြည်တဲ့အတွက် ဒါကို စမ်းသပ်နေတာ ဖြစ်ပါတယ်" ဟု မဟာဗျူဟာနှင့် နိုင်ငံတကာ လေ့လာရေး ဗဟိုဌာနမှ အရှေ့တောင်အာရှ အစီအစဉ် ဒါရိုက်တာာ အားနက်စ် ဘောင်ဝါ (Ernest Bower)က ပြောကြားခဲ့သည်။

ဘောင်ဝါက လွန်ခဲ့သော ၃ နှစ်အတွင်း ထိုဒေသတွင်းတွင် ထိပ်တိုက် ရင်ဆိုင်မှု ၂၃ ကြိမ် ဖြစ်ပွားခဲ့ကြောင်း ဆိုသည်။ နောက်ဆုံး အဖြစ်အပျက်မှာ ယခု အစောပိုင်းက ဖိလစ်ပိုင်၏ အကြီးဆုံး သင်္ဘောကြီးသည် တရုတ် ငါးဖမ်းသင်္ဘောများနှင့် ရင်ဆိုင် တွေ့ခဲ့ပြီးနောက် တရုတ် ကင်းလှည့်ရေယာဉ် နှစ်စီးနှင့် ထိပ်တိုက် တွေ့ဆုံခဲ့ခြင်း ဖြစ်သည်။

ပြီးခဲ့သည့်နွေဦးက ဖိလစ်ပိုင် ကမ်းရိုးတန်းတွင် Forum Energy အတွက် တိုင်းတာရေး လုပ်ငန်းများ ဆောင်ရွက်ပေးနေသော ဗြိတိသျှ သင်္ဘောကို တရုတ်၏ လက်နက်တပ်ဆင်ထားသော သင်္ဘောငယ်များက နောက်မှ လိုက်ပါခဲ့သည်။ များမကြာမီတွင် ဗီယက်နမ် နိုင်ငံပိုင် ရေနံကုမ္ပဏီပိုင် သင်္ဘောမှ ပိုင်ဆိုင်သော ရေအောက် ကေဘယ်ကြိုးများကို တရုတ်ကင်းလှည့်သင်္ဘောက ဖြတ်ပစ်ခဲ့သည်ဟု ဗီယက်နမ်က ဆိုသည်။

ပြီးခဲ့သည့်နှစ်ကလည်း Exxon Mobil အနေဖြင့် ဗီယက်နမ် ကမ်းရိုးတန်းတွင် ရေနံ ရှာဖွေရေး ဆက်လက် လုပ်နေမည် ဆိုပါက တရုတ် ဈေးကွက်တွင် ပိတ်ပစ်မည်ဟု တရုတ်အစိုးရက Exxon Mobil အား ခြိမ်းခြောက်ခဲ့သည်ဟု သုံးသပ်သူများက ပြောသည်။

Exxon မှ ပြောခွင့်ရပုဂ္ဂိုလ်က တရုတ်နှင့် ဆွေးနွေးမှုများအပေါ် မှတ်ချက် မပြုသော်လည်း ဗီယက်နမ်တွင် ဆက်လက် တူးဖော်မည့် အစီအစဉ်များကို ပြောကြားခဲ့သည်။

သို့သော် BP ကမူ ဗီယက်နမ်တွင် ရေနံရှာဖွေရေးကို ရပ်ဆိုင်းခဲ့သည်။ BP ပြောခွင့်ရပုဂ္ဂိုလ်က ကုမ္ပဏီသည် မက္ကစီကိုပင်လယ်ကွေ့ ရေနံ ယိုဖိတ်မှုတွင် သုံးစွဲရန် ယင်း၏ ပိုင်ဆိုင်မှုကို ရောင်းချခဲ့ခြင်း ဖြစ်သည်ဟု ပြောကြားခဲ့သော်လည်း သုံးသပ်သူများကမူ တရုတ်၏ ခြိမ်းခြောက်မှုက တစ်စိတ်တစ်ပိုင်း ပါဝင်နိုင်ကြောင်း ဆိုကြသည်။

နိုင်ငံတကာ ရေနံ ကုမ္ပဏီကြီး အများစုသည် အဆိုပါဒေသတွင် လုပ်ကိုင်လျက် ရှိရာ Shell အပြင် Chevron သည်လည်း ထိုင်းပင်လယ်ကွေ့ အနီးတွင် လုပ်ကိုင်လျက် ရှိသည်။ အမေရိကန် အခြေစိုက် Murphy နှင့် Exxon တို့သည် မလေးရှားတွင် လုပ်ကိုင်နေသော ရေနံ ကုမ္ပဏီများ ဖြစ်သည်။

အမေရိကန်ပြည်ထောင်စုမှ ဟီလာရီကလင်တန် ဆိုခဲ့သည့် အာရှဒေသကို ဗဟိုပြု၍ ဦးတည်မည် ဆိုခြင်းကို စတင်နေပြီ ဖြစ်သောကြောင့်လည်း တင်းမာမှုများမှာ တစ်စိတ်တစ်ပိုင်းအားဖြင့် ပိုမိုမြင့်တက်လာခြင်း ဖြစ်သည်။ အဆိုပါ မဟာဗျူဟာမှာ ဒေသတွင်း အမေရိကန် ပြည်ထောင်စုက ပိုမို ပါဝင်လာရန် ရည်ရွယ်ပြီး တရုတ်၏ ခြိမ်းခြောက်မှုများကို တန်ပြန်ရာတွင် အထောက်အကူ ပြုနိုင်မည် ဖြစ်သည်။ အမေရိကန်၏ ဒေသတွင်း ပင်မ အကျိုးစီးပွားမှာ သင်္ဘောများ လွတ်လပ်စွာ သွားလာနိုင်ရန် အာမခံချက် ရရှိရေး ဖြစ်သည်။ တစ်ကမ္ဘာလုံး၏ ကုန်သွယ်မှု သင်္ဘောများ၏ သုံးပုံတစ်ပုံသည် တောင်တရုတ်ပင်လယ်တွင် သွားလာလျက် ရှိသည်။

ယခုလ အစောပိုင်းက ဩစတြေးလျ မြောက်ပိုင်းတွင် အမေရိကန် မရိန်းတပ် အင်အား ၂၅ဝဝ ချထားခဲ့ရာ အမေရိကန်တို့၏ ပါဝင်မှု တိုးတက်လာခြင်းကို သိသာစွာ သတိပြုမိလာသည်။

စစ်ရေးအရ ပဋိပက္ခ ဖြစ်နိုင်သည့် အန္တရာယ် တိုးတက်လာကြောင်း Euroasia Group မှ အာရှသုံးသပ်သူ မစ်ချယ်မိုင်ဒန် (Michal Meidan) က ပြောကြားခဲ့သည်။ သို့သော် ယခုထိမူ စိုးရိမ်ရသည့် အနေအထားတွင် မရှိသေးပေ။ လူတိုင်းအကျိုးအတွက် နိုင်ငံအားလုံး အတူတကွ ပင်လယ်ပြင်၏ သယံဇာတများကို ထုတ်လုပ်ကြရန် ဖြစ်နိုင်ကြောင်းလည်း ဘောင်ဝါက ပြောသည်။

****************************************

ပိတ်ဆို့မှုများ ဖြည်းဖြည်းသာ ရုတ်သိမ်းရန် ပြည်ပရောက်အုပ်စုများ တိုက်တွန်း

(Associated Press မှ 23 April 2012 ရက်စွဲပါ Go slow on lifting sanctions: Myanmar activists ကို ဘာသာ ပြန်ဆိုသည်)

အီးယူက မြန်မာအပေါ် ချမှတ်ထားသော စီးပွားရေးဒဏ်ခတ် ပိတ်ဆို့မှုများကို ရပ်ဆိုင်းထားလိုက်ခြင်းသည် အမေရိကန် ပြည်ထောင်စုက ထိုလမ်း အတိုင်း မလိုက်မီ တပ်မတော်အစိုးရ ပိုမိုပြောင်းလဲလာအောင် ဖိအားပေးရန် တိုက်တွန်းနေသော ပြည်ပရောက် မြန်မာနိုင်ငံရေး လှုပ်ရှားသူများကို စိတ်အနှောင့်အယှက် ဖြစ်စေခဲ့သည်။

ပြည်ပရောက် နိုင်ငံရေးသမားတို့၏ ကန့်ကွက်မှုသည် ပိတ်ဆို့မှုများ ရှေ့တန်း ရောက်လာစေခဲ့သော နှစ်ပေါင်း ၂ဝ အတွင်း ယင်းတို့ ထောက်ခံ အားပေးခဲ့သည့် ဒေါ်အောင်ဆန်းစုကြည်နှင့် အမြင်ကွဲလွဲမှုများကိုလည်း ထင်ဟပ် ပြသနေသည်။

ဗြိတိန် ဝန်ကြီးချုပ် ဒေးဗစ် ကင်မရွန်း၏ ယခုလ မြန်မာခရီးစဉ်တွင် ဒေါ်အောင်ဆန်းစုကြည်က အီးယူ၏ လုပ်ဆောင်မှုကို အားပေး ထောက်ခံခဲ့သော်လည်း ပြည်ပရောက် နိုင်ငံရေးလှုပ်ရှားသူများကမူ အကယ်၍သာ မြန်မာနိုင်ငံ၏ ပြုပြင် ပြောင်းလဲမှုများ နောက်ပြန် ဆုတ်သွားပါက ပိတ်ဆို့ အရေးယူမှုများ ပြန်လည် ချမှတ်ဖွယ် ရှိသည်ဟု သံသယ ရှိနေသည်။

ကြားဖြတ် ရွေးကောက်ပွဲတွင် ဒေါ်အောင်ဆန်းစုကြည် အနိုင်ရရှိသွားသကဲ့သို့ အစိုးရကလည်း တိုင်းရင်းသား လက်နက်ကိုင် အုပ်စုများစွာနှင့် အပစ်ရပ် သဘောတူညီမှုများ ရရှိထားသော်လည်း ထိုအပြောင်းအလဲများက မြန်မာနိုင်ငံသားတို့၏ ခက်ခဲသော ဘဝများနှင့် ကြီးမားသော လူ့အခွင့်အရေး ချိုးဖောက် ညှင်းပန်းမှုများ ဆက်လက် ဖြစ်ပွားနေခြင်းတို့အပေါ် ယခုတိုင် အကျိုးသက်ရောက်မှု မရှိသေးပါဟု ယင်းတို့က ဆိုသည်။

"အီးယူဟာ သူတို့ရဲ့ 'မှန်းချက်'ဖြစ်တဲ့ နိုင်ငံရေးအကျဉ်းသား အားလုံး ခြွင်းချက်မရှိ လွှတ်ပေးရေးနဲ့ တိုင်းရင်းသား အုပ်စုများအပေါ် တိုက်ခိုက်မှု ရပ်ဆိုင်းရေး ကိစ္စတွေမှာ 'နှမ်းထွက်' မကိုက်သေးဘူးဆိုတာ သိရက်နဲ့ ပိတ်ဆို့အရေးယူမှုတွေကို ရပ်ဆိုင်းလိုက်တာပါ" ဟု ထိုင်းအခြေစိုက် Forum for Democracy in Burma မှ ဦးစိုးအောင်က ပြောကြားခဲ့သည်။ မြန်မာအစိုးရ၏ "ဝါးတားတား ပြုပြင် ပြောင်းလဲမှု" ကို အီးယူက အပြေးအလွှား ချီးမြှောက် တုန့်ပြန်နေသည်လည်း ဦးစိုးအောင်က ဝေဖန် ပြောဆိုလိုက်သည်။ "ဒါဟာ ကျိုးကြောင်း မဆီလျှော်ဘဲ နည်းနည်လေး အကဲပိုနေတယ်" ဟု ယင်းက မှတ်ချက်ပေးသည်။

၁၉၈၈ အရေးတော်ပုံအပြီး မြန်မာနိုင်ငံမှ ထွက်ပြေးလွတ်မြောက်လာသော ပြည်ပရောက် မြန်မာနိုင်ငံရေး သမားများ၏ ဩဇာလွှမ်းမိုးမှုသည် နေပြည်တော်က တံခါးဖွင့်လိုက်ခြင်းကြောင့် ယခင်ကထက် မှေးမှိန် ကျဆင်းသွားသော်လည်း အငြင်းအခုန်ကိစ္စများတွင် ပါဝင်သူများ ဖြစ်နေဆဲ ဖြစ်သည်။ ပြီးခဲ့သော သီတင်းပတ်အတွင်း အမေရိကန် နိုင်ငံခြားရေးဌာနနှင့် ကမ္ဘာ့ဘဏ် အပါအဝင် ဝါရှင်တန်မှ မူဝါဒ သုံးသပ်သူများကို ယင်းတို့ အုပ်စုက ဆွေးနွေး ပြောဆိုမှုများ ပြုလုပ်ခဲ့သည်ဟုလည်း သိရသည်။

ဆင်းရဲမွဲတေသော နိုင်ငံတွင် တရားသော ဥပဒေ မစိုးမိုးမီ နိုင်ငံခြား ရင်းနှီးမြှုပ်နှံမှုများ ပြုလုပ်ခြင်းသည် ကောင်းကျိုးထက် ဆိုးကျိုးက ပိုများ၍ အမြတ်အစွန်း များသော သယံဇာတများကို လက်ဝါးကြီး အုပ်ထားကြသည့် တပ်မတော်နှင့် အပေါင်းပါ စီးပွားရေးသမားများကိုသာ အကျိုး ဖြစ်ထွန်း စေလိမ့်မည်ဟု ယင်းတို့က ပြောဆိုထားသည်။ အထူးသဖြင့် ယင်းသယံဇာတများသည် စစ်ပွဲနှင့် တပ်မတော်၏ ညှင်းပန်း နှိပ်စက်မှုများကြောင့် ဒေသခံ ပြည်သူများ စွန့်ခွာ ထွက်ပြေးနေရသော စစ်ဘေးသင့် နယ်မြေများမှ ထုတ်ယူကာ ဖြတ်သန်း သယ်ဆောင်ရခြင်း ဖြစ်သည်ဟု ဆိုသည်။

အဆိုပါ ပြဿနာကို စိုးရိမ်ပူပန်နေသော အိုဘားမား အစိုးရက အရေးယူမှုများ ရုတ်သိမ်းရေး ကိစ္စကို အီးယူထက် နှေးကွေးစွာ ဆောင်ရွက်လျက် ရှိရာ မြန်မာနှင့် သံတမန် ဆက်ဆံရေးကို အဆင့်မြှင့်ကာ အချို့ကဏ္ဍများတွင် အမေရိကန် ရင်းနှီးမြှုပ်နှံမှုများကို ခွင့်ပြုနေသော်လည်း ပြည်သူ အများစု အကျိုးရှိမည့် ကဏ္ဍများကိုသာ ဆုံးဖြတ်ခွင့် ပြုထားခြင်း ဖြစ်သည်။

အာရှရေးရာ မူဝါဒကို ကြီးကြပ်သော လွှတ်တော် ကော်မတီများက ယခု သီတင်းပတ်တွင် နိုင်ငံခြားရေးဌာန၊ နိုင်ငံတကာ ဖွံ့ဖြိုးရေးဌာန၊ ဘဏ္ဍာရေး ဌာန တို့မှ အကြီးတန်းအရာရှိများ၏ ထွက်ဆိုမှုကို ကြားနာ စစ်ဆေးမည် ဖြစ်သည်။

အာရှနိုင်ငံများစွာတွင် အခြေစိုက်ထားသော Burma Partnership မှ ညှိနှိုင်းရေး တာဝန်ခံ ဒေါ်ခင်ဥမ္မာက မြန်မာနိုင်ငံတွင် မီဒီယာဆင်ဆာ လျှော့ပေါ့ကာ ငြိမ်းချမ်းစွာ ဆန္ဒပြခွင့် ပြုထားသော်လည်း တပ်မတော်အနေဖြင့် ဘေးကင်း ရန်ကင်း ထင်တိုင်းကြဲနိုင်ဆဲ ဖြစ်သည်ဟု မှတ်ချက် ပေးသည်။

"လူတွေက ဦးသိန်းစိန်ဟာ ပြုပြင်ပြောင်းလဲရေးသမားလို့ ပြောတာဟာ မှန်ကန်ပါလိမ့်မယ်။ ဒါပေမဲ့ မြန်မာနိုင်ငံမှာ တစ်ဦးချင်း အခြေခံ ပြောင်းလဲမှု တွေထက် အခြေခံဥပဒေဆိုင်ရာ ပြောင်းလဲမှုတွေကို ပိုမိုလိုအပ်ပါတယ်" ဟု ဒေါ်ခင်ဥမ္မာက ဝါရှင်တန်တွင် ပြောသည်။

လွှတ်တော်အပေါ် တပ်မတော် ထိန်းချုပ်မှုကို စိန်ခေါ်မည့် ၂ဝ၁၅ ရွေးကောက်ပွဲသည် နိုင်ငံရေး ပြုပြင် ပြောင်းလဲမှုကို အကဲဖြတ် စမ်းသပ်လိမ့်မည် ဟုလည်း သူမက ဆိုသည်။

အနောက်နိုင်ငံ အစိုးရများအနေဖြင့် အပြောင်းအလဲကို ဆန့်ကျင် နောက်ပြန်ဆွဲလိုသူများ အားနည်းသွားစေရန် ဦးသိန်းစိန်အစိုးရကို အားပေးခြင်းဖြင့် ယင်းတို့၏ အရေးပါမှုကို ထိန်းသိမ်းလျက် ရှိသည်။ အီးယူက အကဲဖြတ်ကာလ တစ်နှစ်အတွင်း လက်နက် ရောင်းဝယ်မှု တားမြစ်ချက် မှအပ အခြားပိတ်ဆို့မှုများကို ဆိုင်းငံ့ထားမည်ဟု တနင်္လာနေ့တွင် ထုတ်ပြန် ကြေညာသည်။ ဂျပန်ကလည်း ကြွေးမြီဒေါ်လာ ၃.၇ ဘီလျံ လျှော့ပေါ့ပေးကာ ဖွံ့ဖြိုးရေး အကူအညီ အပြည့်အဝ ပြန်ပေးတော့မည်ဟု ကြေညာခဲ့သည်။

ယခုတစ်ပတ် ကွန်ဂရက် ကြားနာပွဲသို့ တက်ရောက် နားထောင်မည့် US Campaign for Burma မှ ဦးအောင်ဒင်က "အနောက်ကုမ္ပဏီများ မြန်မာနိုင်ငံသို့ ဝင်လိုက်သည်နှင့် တပြိုင်နက် ပိတ်ဆို့မှုများ ပြန်လည် ချမှတ်ရန် ခက်ခဲသွားမည် ဖြစ်ပြီး ဒီမိုကရေစီ လိုလားသူများ အနေဖြင့် တပ်မတော် အစိုးရ အပေါ် ဖိအားပေးနိုင်တော့မည် မဟုတ်" ဟု သုံးသပ် ပြောဆိုခဲ့သည်။ ဒေါ်အောင်ဆန်းစုကြည်နှင့် NLD ပါတီသည် အီးယူ၏ ဆောင်ရွက်ချက်ကို မထောက်ခံမီ အန္တရာယ်များကို တိကျစွာ သိရှိထားပါရဲ့လားဟုလည်း ဦးအောင်ဒင်က မေးခွန်းထုတ်သည်။

ရန်ကုန်မြို့ အမေရိကန်သံရုံး ယာယီ တာဝန်ခံ ဖြစ်ခဲ့ဖူးသူ ပရီဆိုင်လာ ကလပ် (Priseilla Clapp) က "ဒီအချိန်ဟာ မြန်မာနိုင်ငံ အပြင်ဖက်က အကဲခတ်သမား အများစုအတွက် ပြည်တွင်းက အသွင်ပြောင်းလဲမှုနဲ့ စေ့စပ် ညှိနှိုင်းရမယ့် အချိန်ကောင်းပါပဲ။ မညှိဘူးဆိုပြီး ခေါင်းမာနေဖို့ မဖြစ်နိုင်တော့ပါဘူး" ဟု သုံးသပ် ပြောကြားသွားသည်။

***************************************


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle2011 Op-Ed
yangonchronicle2011 Op-Ed

၂၅.၄.၂၀၁၂

ဆောင်းပါးကဏ္ဍ

  1. အကွက်ရွှေ့မှားခဲ့သော NLD နှင့် အမြတ်မထွက်ခဲ့သော နိုင်ငံရေး ကုန်ရှုံးမှု

****************************************

ဆောင်းပါးကဏ္ဍ

အကွက်ရွှေ့မှားခဲ့သော NLD နှင့် အမြတ်မထွက်ခဲ့သော နိုင်ငံရေး ကုန်ရှုံးမှု

အောင်မောင်း

NLD လွှတ်တော်မတက်နိုင်သည့် ကိစ္စသည် နိုင်ငံရေးအကျပ်အတည်း တစ်ခုအဖြစ်သို့ ရောက်ရှိမသွားနိုင်ပါဟု ဒေါ်အောင်ဆန်းစုကြည်က ပြောကြားခဲ့သော်လည်း ထိုကိစ္စသည် သမ္မတနှင့်သူမအကြား ရရှိထားသော ဆက်ဆံရေးကောင်းကိုမူ သက်ရောက်မှု တစုံတရာ ရှိကောင်းရှိနိုင်ပါသည်။ သို့ရာတွင် သမ္မတနှင့်သူမ နှစ်ကြိမ်တိုင်တွေ့ဆုံဆွေးနွေးမှု၏ နောက်ကွယ်တွင် မည်ကဲ့သို့သောနားလည်မှုများ ရရှိထားသည်ဆိုသည့်အချက်ကို မသိရခြင်း ကလည်း NLD အနေဖြင့် ယခုကဲ့သို့ လွှတ်တော်တွင်း မဝင်ရောက်မီပင် အစိုးရကို အားပြိုင်ဝံ့သည့် အကြောင်းအရင်းကို စဉ်းစားရကျပ်စေသည်။ နှစ်ပေါင်း နှစ်ဆယ်ကျော်ကြာ ထိပ်တိုက်ရင်ဆိုင်ခဲ့ရသည့်  အဖွဲ့အစည်းနှစ်ခု၊ နိုင်ငံ့ဥသျှောင်သမ္မတနှင့် လူထုခေါင်းဆောင် စသည့် အခြေအနေများဖြင့် အပြန်အလှန် ယုံကြည်မှု ပြန်လည်တည်ဆောက်နေရသည့် အချိန်မျိုးတွင် ထိပ်တိုက်ရင်ဆိုင်လာသော NLD ၏ လုပ်ရပ်မှာ စဉ်းစားဖွယ်ရှိသည်။ နှုန်းစံသတ်မှတ်ချက်များ အရ အစိုးရနှင့် အတိုက်အခံဖြစ်၍ ပုဂ္ဂိုလ်ရေး မည်မျှရင်းနှီးသည်ဖြစ်စေကာမူ နိုင်ငံရေးတွင် အလျော့မပေးနိုင်ဟု ဆိုနိုင်သော်လည်း ယဉ်ကျေးမှုအရမူ ဒေါ်အောင်ဆန်းစုကြည်အနေဖြင့် သူမအပေါ် စေတနာမှန်သော၊ သူမ၏ အကူအညီကိုမျှော်လင့်နေသော၊ သူမထက် အသက်အရွယ်အရ ကြီးသော သမ္မတ ကို အားနာသမှုတော့ ရှိတန်ကောင်းသည်ဟု ဆိုရမည်ဖြစ်သည်။ သို့သော် သမ္မတနှင့်သူမအကြား မည်မျှအထိ နားလည်မှုရှိနေ၍ ယခုကဲ့သို့ သူမ၏ ထိပ် တိုက်ရင်ဆိုင်မှုကို သမ္မတက အပြစ်မဆိုဘဲ ရှိနေသနည်း၊ သူမကလည်း ထိုကိစ္စကို သိသိကြီးနှင့် အဘယ့်ကြောင့် သမ္မတကို အားမနာဘဲ ထိပ်တိုက်ရင် ဆိုင်သနည်း။ ထိုအဖြေကို သမ္မတနှင့် သူမသာ သိပေလိမ့်မည်။ နောက်ကွယ်တွင် တစုံတရာ ရှိပါစေဟုသာ မျှော်လင့်မိ ပါသည်။ သမ္မတ နှင့် သူမ စည်းဝါး ရိုက်ထားပြီး ကြိုတင်ဇာတ်တိုက်ထားသော ကိစ္စမဟုတ်ခဲ့လျှင် အသွင်ကူးပြောင်းစ နိုင်ငံအတွက် ၊ ပြည်သူများအတွက်သာမက NLD ကိုယ်တိုင်အတွက်ပါ ထိခိုက်လာစရာရှိပါသည်။

                လက်ရှိအခြေအနေအရင် NLD လွှတ်တော်မတက်ခြင်းနှင့် ပတ်သက်၍ နိုင်ငံရေး အမြတ်ထုတ်မှုဟု ရှုမြင်ခြင်းခံလာနေရသည်။ နိုင်ငံတကာ အသိုင်းအဝိုင်း အထူးသဖြင့် အမေရိကန်နှင့် ဗြိတိန်၊ ဥရောပသမဂ္ဂအဖွဲ့ဝင်နိုင်ငံအချို့သည် ယခင်က ဒေါ်အောင်ဆန်းစုကြည်၏ အခန်းကဏ္ဍကို အလေး ပေးပြောဆိုခဲ့သော်လည်း ယခုအချိန်တွင် မြန်မာအစိုးရကို ဒီမိုကရေစီအပြောင်းအလဲအတွက် အကူအညီပေးခြင်းဖြင့် မြန်မာ့ဒီမိုကရက်တိုက်ဇေးရှင်း ပိုမိုမြန်ဆန်စေသည်ကို မြင်လာကြသည်က တကြောင်း၊ အိန္ဒိယသမုဒ္ဒရာနှင့် ပစိဖိတ်ဒေသအတွင်း တရုတ်၏ သြဇာချဲ့ထွင်လာမှုကို အင်အားထိန်းညှိ လိုကြ သည်က တကြောင်း၊ ၂၀၁၀ ရွေးကောက်ပွဲကို အသိအမှတ်မပြုခဲ့သလို အစိုးရသစ်ကိုလည်း အသိအမှတ်မပြုခဲ့သော ၎င်းတို့အနေဖြင့် မြန်မာအစိုးရ၏ ဒီမို ကရက်တိုက်ဇေးရှင်း အောင်မြင်သွားလျှင် တချိန်ချိန်၌ မြန်မာ့ဒီမိုကရေစီ အပြောင်းအလဲကို အားပေးကူညီခဲ့သည့်စာရင်းတွင် အမေရိကန်၊ ဗြိတိန်နှင့် သဘောထားတင်းမာသည့် ဥရောပနိုင်ငံအချို့တို့ မပါခဲ့ဟု မဖြစ်စေလိုသည်ကတကြောင်းတို့ကြောင့် ယခင်က NLD နှင့်ဒေါ်အောင်ဆန်းစုကြည် ရှုထောင့်မှ ပြောဆိုနေရာမှ ယခုအခါ မြန်မာအစိုးရကို အကူအညီပေးရေးရှုထောင့်ကပါ ပြောဆိုလာကြသည့်အတွက် NLD နှင့် ဒေါ်အောင်ဆန်းစုကြည်တို့၏ အရေး ပါမှု၊ အဆုံးအဖြတ်ပေးနိုင်မှုတို့ကို မြန်မအာအစိုးရနှင့် အခြားဒီမိုကရက်တစ်ပါတီများ၊ တိုင်းရင်းသားများကို ခွဲဝေပေးလိုက်ရသကဲ့သို့ ရှိစေသည်။ အထူး သဖြင့် မြန်မာနိုင်ငံကို ပြန်လည်ထိတွေ့ဆက်ဆံလိုနေသည့် ၎င်းတို့အနေဖြင့် မြန်မာအစိုးရမှာ အပြောင်းအလဲကို ဖော်ဆောင်နေသည့် အချက်ကို သံသယ မရှိဘဲ အကူအညီပေးခြင်း၊ ပိတ်ဆို့ဒဏ်ခတ်မှုများကို ရုပ်သိမ်းပေးခြင်းများ ပြုလုပ်လိုကြသော်လည်း ဒီမိုကရေစီနှုန်းစံများကို အလေးထားသော ၎င်းတို့ အနေဖြင့် ဒေါ်အောင်ဆန်းစုကြည်နှင့် NLD ပါဝင်သော အပြောင်းအလဲသာရလျှင် မြန်မာနိုင်ငံကို ပိတ်ဆို့ဒဏ်ခတ်မှုများကို ဖယ်ရှားပေး နိုင်မည်ဟု မြန်မာ အစိုးကို နောက်ဆုံးအနေဖြင့် ဈေးဆစ်ခဲ့ခြင်း ဖြစ်ကောင်းဖြစ်နိုင်ပါသည်။ ဤအချက်သည် ဒီမိုကရေစီအပြောင်းအလဲကို ဖော်ဆောင်နေ သော မြန်မာအစိုးရ အတွက်ရော၊ မြန်မာ့နိုင်ငံရေးတွင် တရားဝင်လမ်းကြောင်းတစ်ခုရရန် လိုအပ်နေသော NLD အတွက်ရော၊ မြန်မာနိုင်ငံနှင့် ပြန်လည်ထိတွေ့ဆက်ဆံ လိုနေသော အနောက်နိုင်ငံများအတွက်ရော သုံးဦးသုံးဖလှယ်အကျိုးရှိစေမည့် ကိစ္စလည်းဖြစ်ရာ ၎င်းတို့အနေဖြင့် NLD ကို ကြားဖြတ်ရွေးကောက်ပွဲတွင် ပါဝင်နိုင်စေရန် မြန်မာအစိုးရနှင့် အောင်သွယ်လုပ်ပေးခဲ့ပြီး လွှတ်တော်အတွင်း မည်သို့မျှ အာဏာချိန်ခွင်လျှာ အပြောင်းအလဲ ဖြစ်စေနိုင်မည် မဟုတ်သည့် ကြားဖြတ်ရွေးကောက်ပွဲကို တခမ်းတနား ပုံကြီးချဲ့၍ လွတ်လပ်၊ သန့်ရှင်း တရားမျှတသော ရွေးကောက်ပွဲများဖြစ်စေရန် ဆော်သြခဲ့ သည်။ ၎င်းတို့ပြောဆို သည့် လွတ်လပ်၊ သန့်ရှင်းတရားမျှတသော ရွေးကောက်ပွဲဆိုသည်မှာ NLD က ထိုကြားဖြတ်ရွေးကောက်ပွဲများတွင် သန့်ရှင်းစွာ အနိုင်ရခြင်း ဖြစ်သည်ဟု သဘောပေါက်ထားသော မြန်မာအစိုးရကလည်း သန့်ရှင်းရုံသာမက လက်ရှိအာဏာရပါတီ ပြည်ခိုင်ဖြိုး အနိုင်ရနိုင်ခြေရှိသော နေပြည်တော်ရှိ မဲဆန္ဒနယ် များတွင်ပါ NLD အနိုင်ရရှိစေရန် တမင်တကာ ဖန်တီးပေးခဲ့သလား ထင်ရလောက်အောင်ပင် မည်သည့် ဖိအားပေးမှုမျိုးမှ မပြုလုပ်ခဲ့သည်ကို တွေ့ရသည်။ ထို့ကြောင့် ကြားဖြတ်ရွေးကောက်ပွဲရလဒ်များသည် အံ့သြဖွယ်ကောင်းလောက်အောင် တရားမျှတမှုရှိသည်၊ ထို့ကြောင့် မြန်မာအစိုးရကို ဒဏ်ပေးသည့် အချိန်ကျော်၍ ဆုပေးသည့်အချိန်ရောက်ပြီဟူသော ကြိုတင်အကွက်ချရေးသားထားသည့် ဇာတ်ညွှန်းကြီးအရ မြန်မာနိုင်ငံအပေါ် ပိတ်ဆို့ထားမှုများကို ပြန် လည်ရုပ်သိမ်းပြီး အကူအညီပေးခြင်း၊ ရင်းနှီးမြှုပ်နှံခြင်းများ ပြုလုပ်သွားမည်ဟု အမေရိကန်နှင့် ဗြိတိန်တို့အပါအဝင် မြန်မာ နိုင်ငံကို နှစ်ပေါင်းများစွာ ပိတ်ဆို့ ထားခဲ့သည့် နိုင်ငံများက ကြေညာခဲ့ကြသည်။

မြန်မာအစိုးရအနေဖြင့် ကြားဖြတ်ရွေးကောက်ပွဲတွင် NLD  အပြတ်အသတ်အနိုင်ရရှိသွားသော်လည်း လွှတ်တော်တွင်း ရှိ အာဏာကို ဆက်လက် ဆုပ်ကိုင်ထားနိုင်ခြင်း၊ ပိတ်ဆို့အရေးယူမှုများ ရုပ်သိမ်းသွား၍ တိုင်းပြည်ဖွံ့ဖြိုးရေးအတွက် နိုင်ငံတကာ အကူအညီများ စီးဝင်လာခြင်းများအပြင် နှစ်ပေါင်း များစွာ အနောက်နိုင်ငံများက ပုံဖော်ခဲ့ကြသည့် အတ္တကြီးပြီး ရက်စက်သော အာဏာရှင်များဟူသည့် ပုံရိပ်ဆိုးကိုလည်း ခွာချပြီးဖြစ်စေခြင်း၊ အထူးသဖြင့် ယခင်က မြန်မာအစိုးရ ခေါင်းဆောင်များကို  ပုဂ္ဂိုလ်ရေးအရ ပိတ်ဆို့ဝိုင်းကြဉ်ထားသည့် အနေအထားမှ တန်းတူရည်တူ လေးစားဆက်ဆံလာခြင်း စသည့် နိုင်ငံရေး အမြတ်ထွက်မှုများကို တနင့်တပိုး ရရှိသွားသည်ဟု ဆိုရမည်ဖြစ်သည်။ ထိုသို့သော အခြေအနေမျိုးတွင် NLD အတွက် လွှတ်တော်တွင်း ၄၃နေရာ ရရှိခြင်းသည် အလွန်နည်းပါးသည့် နိုင်ငံရေးအမြတ်ဟု တွေးထင်၍ ယခုကဲ့သို့ လွှတ်တော်မတက်နိုင်ဟူသော နိုင်ငံရေး စတန့်ဖြင့် နိုင်ငံရေး အမြတ်ထုတ်ရန် ကြံစည်လာခြင်းလည်းဖြစ်နိုင်သည်။ ပြည်သူလူထုက တစ်ခဲနက်ထောက်ခံသောပါတီ၊ နိုင်ငံတကာအသိုင်းအဝိုင်းက အထူးအရေးပေးသော လူထုခေါင်း ဆောင်တို့သည် စစ်အစိုးရနှင့်ပူးပေါင်းပြီး အမတ်နေရာအနည်းငယ်ဖြင့် တင်းတိမ်လိုက်သည်ဆိုသည့် ပြောဆိုမှုမျိုး မခံရစေရန်နှင့် လွှတ်တော်တွင်း၌ မိမိတို့ပါတီ အင်အားနည်းပါးသော်လည်း မိမိတို့နောက်တွင် နိုင်ငံတကာအသိုင်းအဝိုင်းနှင့် ပြည်သူလူထု တစ်ရပ်လုံးရှိသည်ဟု လက်ရှိအစိုးရကို အင်အားပြ လိုခြင်းတို့ကြောင့် ယခုကဲ့သို့ နိုင်ငံရေး စတန့်ထွင်၍ အမြတ်ထုတ်လိုက် ခြင်းလည်းဖြစ်သည်။

သို့ရာတွင် NLD ၏ နိုင်ငံရေး ကစားမှုမှာ ထင်သလိုမဖြစ်ခဲ့ဘဲ ပြည်သူလူထုနှင့် နိုင်ငံတကာအသိုင်းအဝိုင်းက NLD လွှတ်တော်မတက်သည့် ကိစ္စကို နှုတ်ဆိက်နေကြသည်။ နိုင်ငံတကာ အသိုင်းအဝိုင်းအနေဖြင့် ၎င်းတို့၏ နိုင်ငံရေးဈေးဆစ်မှု ကုန်ဆုံးသွားပြီဖြစ်သလို NLD ပါလာလျှင် လွှတ်တော် တွင်း အပြောင်းအလဲဖြစ်တန်ကောင်းသည်ဟူသည့် မျှော် လင့်ချက်ဖြင့် NLD ကို ရဲရဲဝံ့ဝံ့ ရွေးချယ်လိုက်ကြသည့်  ပြည်သူတွေကလည်း NLD ၏ ယခုလုပ်ရပ် ကြောင့် မိမိတို့မျှော်လင့်သလို NLD လွှတ်တော်မတက်၍ အောင့်သီးအောင့်သက် စိတ်အနှောက်အယှက် ဖြစ်ခဲ့ရသည်ဖြစ်ရာ NLD သည် နိုင်ငံရေး အမြတ် မထွက်ရုံမျှမက အနည်းငယ်ပင် ရှုံးသွားသည်ဟု ဆိုရမည်ဖြစ်သည်။ ထိုသို့သော အခြေအနေမျိုးတွင် သမ္မတ ဦးသိန်းစိန်က ဂျပန်နိုင်ငံရောက်ရှိနေခိုက် ပြုလုပ်သည့် သတင်းစာရှင်းလင်းပွဲတွင် NLD လွှတ်တော်မတက်ခြင်းမှာ ၎င်းတို့၏ဆန္ဒသာဖြစ်ကြောင်း၊ ဒေါ်အောင်ဆန်းစုကြည်ကို လွှတ်တော်က ကြိုဆို လျက်ရှိကြောင်း၊ ပြည်သူအကျိုးရှိမည့် ကိစ္စရပ်ဆိုလျှင် ဖွဲ့စည်းပုံအခြေခံဥပေဒကို ပြင်ပေးနိုင်ကြောင်း ပြောကြားရင်းဖြင့် မြန်မာအစိုးရ သဘောထား ကြီး ပါပေသည်ဟူသော နိုင်ငံရေးအမြတ်ထွက်မှုကို ထပ်မံရရှိလိုက်ပြန်သည်။ နိုင်ငံတကာ အသိုင်းအဝိုင်းအနေဖြင့် NLD ထက် မြန်မာအစိုးရဘက်သို့ ယိုင်လာ ခြင်းမှာ NLDအတွက် အကြီးမားဆုံးသော နိုင်ငံရေးဝေစုကြီး ဆုံးရှုံးလိုက်ရခြင်းပင်ဖြစ်သည်။ တစ်ချိန်တည်းမှာပင် ပြည်ခိုင်ဖြိုးပါတီမှ ထိပ်တန်းခေါင်းဆောင် များကလျှင် NLD လွှတ်တော်မတက်သည့် ကိစ္စကို ဝေဖန်ခြင်း၊ ရှုံချခြင်းမပြုဘဲ NLD၏ဆန္ဒကို လေးစားကြောင်း၊ ဖွဲ့စည်းပုံအခြေခံဥပဒေကို ဝိုင်းဝန်းပြင် ဆင်နိုင်ကြောင်း စသည်ဖြင့် သဘောထားကြီးကြောင်းပြသ၍ ခရီးသွားဟန်လွှဲ ဝင်ရောက်၍ နိုင်ငံရေးအမြတ်ထုတ်သွားခြင်းကို ခံလိုက်ရ ပြန်သည်။

ပြည်ခိုင်ဖြိုးပါတီ အထွေထွေ အတွင်းရေးမှူး ဦးဌေးဦးနှင့် ပြည်ပအခြေစိုက် မီဒီယာတစ်ခုတို့ တွေ့ဆုံမေးမြန်းခန်းတွင် NLD ပြင်ဆင်လိုသည့် ကျမ်း ကျိန်လွှာသည် ပြည်သူလူထုအတွက် မည်သို့အကျိုးရှိမည်ဆိုသည့်ကိစ္စတစ်ခု ဟုတ်မဟုတ် စဉ်းစားရန်လိုကြောင်း ဖြေကြားခဲ့ရာ NLD ကို ပညာသားပါပါ နှိပ်ကွပ်သွားခဲ့ခြင်းဖြစ်သည်ကို တွေ့ရသည်။ အလွန်တော်သော ရှေ့နေအမြောက်အများရှိသည့် NLD သည် ဖွဲ့စည်းပုံအခြေခံဥပဒေကို သဘောမပေါက် စရာမရှိသလို ကျမ်းကျိန်စာသားသည်လည်း ယခုကဲ့သို့ ချဲ့ကားပြောဆိုရလောက်အောင် ပြောပလောက်သည့် ကိစ္စမဟုတ်ကြောင်းကိုလည်း ကောင်းစွာ နားလည်ပြီးဖြစ်ပေလိမ့်မည်။ ထိုသို့ ကောင်းစွာနားလည်သဘောပေါက်ပြီး ဖြစ်သည့်တိုင် နိုင်ငံရေးအမြတ်ထုတ်ရန် ရည်ရွယ်ချက်ဖြင့် ယခု တစ်ကြိမ် နိုင်ငံရေး အကွက်ရွှေ့မှားမှုသည် NLD အတွက် ကြီးမားသော နိုင်ငံရေးသိက္ခာ ရှုံးနိမ့်မှုကို ရရှိလိုက်ခြင်းပင် ဖြစ်တော့သည်။ နိုင်ငံရေးအမြတ် မရရုံမျှမက နိုင်ငံရေး လှေမှောက်သည့်၊ နိုင်ငံရေးကုန်ရှုံးသည့် NLD ၏ နိုင်ငံရေးအကွက်ရွှေ့မှားမှုဟုသာ ဆိုရတော့မည်ဖြစ်သည်

****************************************

 


Google Docs makes it easy to create, store and share online documents, spreadsheets and presentations.
Logo for Google Docs