Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၅.၅.၂၀၁၂

ဆောင်းပါးကဏ္ဍ

  1. နိုင်ငံတော်သမ္မတကြီးခင်ဗျား

*****************************************

ဆောင်းပါးကဏ္ဍ

နိုင်ငံတော်သမ္မတကြီးခင်ဗျား

ဆရာဝန်တစ်ဦး

(မေ ၄ ထုတ် Myanmar Times အတွဲ (၂၉) အမှတ် (၅၆၇) မှ ထုတ်ယူဖော်ပြသည်။)

နိုင်ငံတော်သမ္မတကြီးခင်ဗျား . . ။ ရေကြည်ရာ မြက်နုရာဆိုတဲ့ စကားအတိုင်း ရေကြည်မြက်နုရှိတဲ့ ပြည်ပမှာ ခေတ္တအလုပ် လုပ်နေရပေမယ့် သမ္မတကြီးရဲ့ ကောင်းသတင်းများဟာ ပြည်ပနိုင်ငံများအထိ ပျံ့လွင့် ကြားသိနေရပါကြောင်း ဦးစွာတင်ပြပါရစေ။

မြန်မာနိုင်ငံကို ခေတ္တပြန်လာတဲ့အခါများမှာလည်း ဒီမိုကရေစီရဲ့ အငွေ့အသက်တွေရှူရှိုက်ရလို့ အားအင်တွေတောင် ပြည့်ဖြိုးလာပါတယ်။ မီဒီယာ တွေမှာလည်း ဒီမိုကရေစီသတင်းတွေနဲ့ ဖုံးလွှမ်းလို့နေပါတယ်။ နိုင်ငံတော်နဲ့ ပြည်သူလူထုအတွက် သမ္မတကြီးတတ်နိုင်သလောက် ဆောင်ရွက်ပေးနေတယ် ဆိုတာ ပြည်သူလူထုကြီးကလည်း သိမြင်လာကြပါပြီ။  ခေတ်အဆက်ဆက်မှာ မပြောဝံ့မဆိုဝံ့နေခဲ့ရသမျှ အခုအချိန်မှာ ဒီမိုကရေစီရဲ့ အလင်းရောင်ကို စတင်မြင်ဖူးလာကြပါပြီ။ လွှတ်တော်အရပ်ရပ်မှာလည်း အရင်တုန်းက လက်ဖက်ရည်ဆိုင်မှာတောင် ကျယ်ကျယ်မပြောဝံ့တဲ့ ကိစ္စတွေကို ခေါင်းပေါင်းစ တလူလူနဲ့ ပြောဝံ့ဆိုဝံ့ရှိလာကြပါပြီ။ ပြည်ထောင်စုဝန်ကြီးတချို့ကလည်း ဒီမိုကရေစီစကားတွေ ရဲရဲဝံ့ပြောလာကြပါပြီ။ မျက်မှန်စိမ်းနဲ့ ပုဂ္ဂိုလ်တချို့ တွေ့မြင် နေရသေးပေမယ့် ပြည်သူတို့ရဲ့စစ်မှန်သော သဘောထားဆန္ဒများကို မထီမဲ့မြင်ပြုသူများအတွက်တော့ တဖြည်းဖြည်း နေရာတွေကျဉ်းမြောင်းလာမှာ ဖြစ်ပါတယ်။

သမ္မတကြီးခင်ဗျား . . ။ သမ္မတကြီးရဲ့ဝန်းကျင်မှာ အင်မတန်မှ အရည်အချင်း ပြည့်ဝတဲ့ အကြံပေးပုဂ္ဂိုလ်တွေ ဝန်းရံနေတာဟာလည်း ပြည်သူတွေ အတွက် အလွန်အားတက်ဖွယ်ရာပါပဲ ခင်ဗျား။ သန်းပေါင်း ၆၀ ကျော်သော ပြည်သူအများစုအတွက် လိုအပ်ချက်များကို အဲဒီ ပုဂ္ဂိုလ်များဟာ ကြားနိုင်မြင်နိုင် စွမ်းရှိကြပါတယ်။ သမ္မတကြီးအတွက် အဖိုးတန်တဲ့ အကြံကောင်း၊ ဉာဏ်ကောင်းများစွာကို ပေးနိုင်ကြမယ့် ပုဂ္ဂိုလ်ကြီးများ ဖြစ်ကြပါတယ်။ ဒီမိုကရေစီ အပြည့်အဝရှိတဲ့ နိုင်ငံကြီးတွေမှာ သမ္မတသစ်တစ်ဦးရဲ့ လုပ်ဆောင်ချက်တွေ၊ မူဝါဒသဘောထားတွေကို ရက်ပေါင်း ၁၀၀ စွမ်းဆောင်ချက်တွေနဲ့ လေ့လာ ဝေဖန်ကြပါတယ်။ သမ္မတသစ်တွေကလည်း ဒီပထမရက်ပေါင်း ၁၀၀ အတွင်းမှာ မိမိတို့အစိုးရအဖွဲ့ရဲ့ မူဝါဒ၊ ရှေ့လုပ်ငန်းစဉ်တွေကို ကြေညာပြီး လုပ်နိုင် သလောက်လည်း လုပ်ပြကြတယ်။

သမ္မတကြီးရဲ့ အစိုးရသစ်တက်လာပြီး ရက်ပေါင်း ၁၀၀ အတွင်းမှာ ဘာမှထူးထူးခြားခြားဖြစ်မလားဘူးလို့ ဝေဖန်သူတချို့က ဆိုကြပါတယ်။ ကျွန်တော့်အမြင်တော့ ဒါဟာ အဆိုးမြင်ဝါဒီတချို့၊ ဒါမှမဟုတ် တိုင်းပြည်ကို တိုးတက်ချင်တဲ့ဆန္ဒတွေ သိပ်စောနေတဲ့ လူတချို့ရဲ့ ဝေဖန်ချက်လို့ပဲ ထင်မိပါ တယ်။  တိုက်ကြီးအပေါ် အဆင်သင့်တက်ထိုင်တဲ့ အခြေအနေနဲ့ အခုမှ ခြံစည်းရိုးခုတ်၊ တဲထိုးနေရတဲ့အခြေအနေကို နှိုင်းယှဉ်ဖို့ဆိုတာ အင်မတန်မှ ခက်ခဲပါ လိမ့်မယ်။  ကျွန်တော်တို့နိုင်ငံလို အခုမှ ဒီမိုကရေစီလမ်းဖွင့်ပြီး ကုန်းရုန်းထနေရတဲ့နိုင်ငံမှာ ရက်ပေါင်း ၁၀၀ ဟာ ဘာမှသိသာလာစရာအကြောင်း မရှိပါဘူး။ ဒီတော့ ပြည်သူလူထုကြီးကို ကျွန်တော်မေတ္တာရပ်ခံချင်တာကတော့ ကျွန်တော်တို့ငါးဆလောက် စိတ်ရှည်ရှည်ထားပြီး ရက်ပေါင်း ၅၀၀ လောက် စောင့် ကြည့်ပြီးမှ အဆိုးအကောင်း ဝေဖန်ကြတာပေါ့ ခင်ဗျား။

သမ္မတကြီးခင်ဗျား . .။ သိပြီးသားဖြစ်သော်လည်း သည်းခံပြီးနားထောင်ပါဦး ခင်ဗျား။  ကျွန်တော်တို့နိုင်ငံဟာ အင်မတန် သယံဇာတ ပေါ ကြွယ်ဝ တယ်ဆိုတာ သမိုင်းအဆက်ဆက်ကစပြီး ယနေ့အထိ ကမ္ဘာအသိပါပဲ။  သဘာဝဓာတ်ငွေ့၊ ဆန်စပါး၊ ပဲမျိုးစုံ၊ ကျွန်းသစ်၊ ကျောက်စိမ်း၊ ပတ္တမြား အပါအဝင် ကျောက်မျက်ရတနာမျိုးစုံ ဒီလောက် ကြွယ်ဝတဲ့ တိုင်းပြည်မှာ ပြည်သူတွေ ဆင်းရဲတွင်း နက်သထက်နက်ခဲ့ကြပါတယ်။ ကုန်ဈေးနှုန်းကြီးမြင့်မှုဒဏ်ကို ခုခံနိုင် စွမ်းမရှိတဲ့ ဝန်ထမ်းအားလုံးလိုလိုဟာ လာဘ်စားမှုနဲ့ပဲ အသက်ဆက်ခဲ့ကြရပါတယ်။ ကြာတော့ ဝန်ထမ်းလာဘ်စားတယ်ဆိုတာ မြန်မာနိုင်ငံရဲ့ ပုံမှန်ကိစ္စ တစ်ရပ်လို ဖြစ်ခဲ့ပါတယ်။ လာဘ်မရတဲ့ဝန်ထမ်းက လာဘ်ရဖို့အတွက် နည်းပေါင်းစုံနဲ့ ကြိုးစားကြပါတော့တယ်။  လွယ်တဲ့အလုပ်တွေ မှန်သမျှကို ခက်ခဲ နိုင်သမျှ ခက်ခဲအောင် ပြုလုပ်ကြပါတယ်။  အဲဒီတော့တိုင်းပြည်ဟာ ရှေ့မတိုးဘဲ နောက်ကိုသာ ဆုတ်သထက်ဆုတ်ခဲ့ရပါတယ်။

ဗိုလ်ချုပ်အောင်ဆန်း မိန့်ကြားခဲ့သလို သူများခြေတစ်လှမ်းလှမ်းရင် ကိုယ်ကခြေဆယ်လှမ်း လှမ်းရမယ်ဆို တဲ့စကားကို တစ်သွေမတိမ်း လိုက်နာပြီး နောက်ပြန် ဆယ်လှမ်းလှမ်းခဲ့ကြပါတယ်။ ဝန်ထမ်းတွေဟာ ကြီးငယ်အလတ်မရွေး လိမ်နိုင်သမျှလိမ်၊ ကောက်နိုင်သလောက်ကောက်၊ ကျစ်နိုင်သမျှ ကျစ်ခဲ့ ကြပါတယ်။ အဲဒီဒဏ်ကို ပြည်သူတွေက အလူးအလဲလှိမ့်လှိမ့်ပြီး ခံစားခဲ့ရပါတယ်။ ခေါင်မိုးက မလုံရုံတင်မကဘူး၊ သွပ်ပြားကြီးပါ အချပ်လိုက်ကွာနေတော့ အပေါ်က အောက်ကို လက်ညှိုးထိုး၊ အောက်က အပေါ်ကို လက်ညှိုးထိုး၊ အပေါ်က တာဝတိံသာကို လက်ညှိုးထိုးနဲ့ တိုင်းပြည်ကြီးဟာ မရိုသေ့စကား ဗိုလ်ချုပ်အောင်ဆန်း ပြောခဲ့သလို "... နိုင်ငံကြီး" ဖြစ်ခဲ့ရပါတယ်။

ဗိုလ်ချုပ်အောင်ဆန်း မူလမိန့်ကြားခဲ့စဉ် အဓိပ္ပာယ်က တစ်မျိုးဖြစ်သော်လည်း အဲဒီလိုနိုင်ငံမျိုးဖြစ်ခဲ့တာ အမှန်ပါပဲ။ ကုန်ဈေးနှုန်းကြီးမြင့်မှုဒဏ်ကို မခံနိုင်လို့၊ မိသားစုငတ်နေတာကို မကြည့်ရက်လို့ အရွယ်ကောင်း သမီးပျိုလေးတွေဟာ ကိုယ့်ဘဝကိုစတေးပြီး ငွေရှာတဲ့အလုပ်ကို လုပ်ကြရပါတယ်။ အနိမ့် ဆုံး စင်တင်တေးဂီတ၊ ကာရာအိုကေ၊ အနှိပ်ခန်း၊ အဲဒီ ကမှတစ်ဆင့် တက်လှမ်းပြီး မထူးဇာတ်ခင်းကြတဲ့ သမီးပျိုကလေးတွေ၊ သူတို့ပို့ပေးတဲ့ ဝင်ငွေလေးနဲ့ အသက်ဆက်နေရတဲ့ မိသားစုတွေက အများကြီးပါပဲ။  သားသမီးချင်း ကိုယ်ချင်း စာကြည့်ရင် အင်မတန်မှ ရင်နာဖို့ ကောင်းလှပါတယ်။

သမ္မတကြီးခင်ဗျား . . ။ မိန်းမပျိုကလေးတွေ ဒီဘဝရောက်သလိုပဲ၊ အားကောင်း မောင်းသန် ယောက်ျားတွေ ကျ ပြန်တော့ သူများနိုင်ငံ၊ အဓိက အားဖြင့် ထိုင်းနဲ့ မလေးရှားကို တရားမဝင်ရော၊ တရားဝင်ရော သွားပြီး ကျွန်ခံကြရပြန်ပါတယ်။  ကျွန်သပေါက်သာသာ ပေးတာယူ၊ ကျွေးတာစား၊ ထားရာ မှာနေ၊ မော်မကြည့်နဲ့ ဆိုတဲ့ဘဝမျိုးမှာ နေကြရပါတယ်။ ကိုယ်ကမဟုတ်တော့ သူများနှိပ်စက်တာ ခံကြရရှာပါတယ်။ ကွာလာလမ်ပူလို မြို့လယ်ကောင် နေပူကျဲကျဲ ပလက်ဖောင်းမှာ မြန်မာ Without တွေကို ဆောင့်ကြောင့်ထိုင် ခိုင်းထားပြီး ရဲတွေက ဖမ်းဆီးစစ်ဆေးနေတဲ့ မြင်ကွင်း၊ စိတ်မထင်ရင် မထင်သလို ဆောင့်ကန်ပစ်လိုက်တဲ့ မြင်ကွင်းတွေဟာ ရိုးလှပါပြီ။

အဲဒီတော့ သမ္မတကြီးက မေးပါလိမ့်မယ်။ ဒီကလေးတွေ ကိုယ့်တိုင်းပြည် ကိုယ်ပြန်လာပြီး လုပ်စားကြပါလားကွာ။ ငါလည်း အခုပြန်ခေါ်နေတာပဲ လို့။ ဟုတ်ကဲ့ပါခင်ဗျား၊ ဒါပေမယ့် သူတို့ ပြန်မလာနိုင်ကြသေးပါဘူး။ ဘာဖြစ်လို့လဲဆိုတော့ အဲဒီကျွန်ဘဝသာသာနဲ့ ရတဲ့ဝင်ငွေဟာ မြန်မာပြည်မှာ အဲဒီ ကလေးတွေ ရှာနိုင်စွမ်းရဲ့ သုံးဆနဲ့ ငါးဆကြားလောက် ရပါတယ်။ စားပြီးသောက်ပြီး တစ်လကို တစ်သိန်း၊ တစ်သိန်းခွဲလောက် စုမိကြတော့ ကျွန်ဖြစ်ကာမှ ဖြစ်စေတော့ ဆိုပြီး နေကြရပါတယ်။  အမေကျော် ဒွေးတော်လွမ်းတာမျိုး မဟုတ်ကြရှာပါဘူး။

နိုင်ငံတော်မှာ ရေကြည်တွေ မြက်နုတွေပေါများအောင် သမ္မတကြီး လုပ်ပေးနိုင်တဲ့ တစ်နေ့မှာ သူတို့ကလေးတွေ ပြန်လာကြပါလိမ့်မယ်။ ဝန်ထမ်း ခြစားမှု ပြဿနာဟာ နိုင်ငံတစ်နိုင်ငံမှာ အဆိုးဝါးဆုံးကိစ္စပဲ ဖြစ်ပါတယ်။ တစ်နွယ်ငင်တစ်စင်ပါဆိုသလို ဘာကိစ္စမှ ဖြောင့်ဖြောင့်ဖြူးဖြူး ဆောင်ရွက်လို့ မရ တော့ပါဘူး။ ပြည်သူရဲ့ဝန်ကိုထမ်းရမယ့် ပြည်သူ့ဝန်ထမ်းက ပြည်သူကို သဟောက်သဟမ်းလုပ်ပြီး 'လာဘ်ပေးလာဘ်ယူ တို့ကြည်ဖြူ' ဆိုနေမှတော့ တိုင်း ပြည်ပျက်ပြီပေါ့ ခင်ဗျာ။  ရိုးရိုး သားသားလုပ်ကိုင်နေကြတဲ့ ၀န်ထမ်းတွေကိုတော့ ခွင့်လွှတ်ဖို့ တောင်းပန်ပါရစေ။  ထိုသူများကိုတော့ လေးစားဂုဏ်ပြုပါတယ် ခင်ဗျား။

ကျောင်းဆရာ/ဆရာမတွေ ထမင်း မဝတဲ့အခါကျတော့ ကျူရှင်ပြစားကြရပါတယ်။ ကျူရှင်ပြစားတဲ့အခါကျတော့ ကိုယ့်ကျူရှင် လူလာအောင်တော့ လုပ်ကြရပါပြီ။ အဲဒီကစလို့ တဖြည်းဖြည်းနဲ့ ပညာရေးစနစ်ကြီးတစ်ခုလုံး ယိုယွင်းလာလိုက်တာ၊ အခုလက်ရှိအနေအထားအတိုင်း ဖြစ်လာကြတော့တာပါပဲ။ စနစ်ကိုယ်၌ကိုကလည်း အရည်အချင်းထက် အရေ အတွက်ကို ဦးစားပေးပြီး အရင်တုန်းက တစ်နှစ်ကို လူ ၅၅၀ လောက်ပဲခေါ်တဲ့ ဆေးတက္ကသိုလ်တွေမှာ လူပေါင်း ၂,၀၀၀-၃,၀၀၀ လောက် ခေါ်တဲ့အခါ ဆေးကျောင်းသားတွေ၊ ဆရာဝန်ပေါက်စတွေရဲ့ အရည် အချင်းတွေ အောက်ကို ဇောက်ထိုး ဆိုက်ဆင်းခဲ့ရ ပါတယ်။

ပညာရေးလောကမှာ ထိပ်ဆုံးက ပညာရှင်တွေလို့ မြန်မာပြည်မှာ သတ်မှတ်ခံရတဲ့ ဆေးတက္ကသိုလ်ကျောင်းသူ ကျောင်းသားတွေတောင် ဒီလိုစာ ကောင်းကောင်းမတတ်၊ စိတ်မပါ လက်မပါ ကျူရှင်ပတ်လည်ဝိုင်းလို့ နေရတဲ့ ခေတ်မှာ ကျန်တဲ့ဘာသာရပ်တွေဆို ပြောဖို့တောင်မလိုတော့ပါဘူး။ English Major နဲ့ ဘွဲ့ရသူတွေဟာ Internet Chatting မှာ Myanglish တွေနဲ့ပဲ ပြောနေကြပါတယ်။ ဓာတုဗေဒ၊ ရူပဗေဒဘွဲ့ရသူတွေဟာ သူတို့ ဘာသာရပ်ဆိုင်ရာ မှာ ဘာမှထူးထူး ခြားခြား တတ်ကျွမ်းမှုတွေ မရှိကြပါဘူး။ ရှိဖို့လည်းမလိုပါဘူး။ ဘာဖြစ်လို့လဲဆိုတော့ ဘွဲ့တစ်ခုရပြီးတာနဲ့ အဲဒီဘွဲ့နဲ့ ဘာမှပတ်သက်မှု မရှိတဲ့ လာဘ်လာဘပေါများတဲ့ နေရာတွေမှာပဲ အလုပ်ရှာကြပါတယ်။ ဆရာဝန်တောင် ဝက်သားတုတ်ထိုး ရောင်းနေမှတော့ တိုင်းပြည်ရဲ့ ပညာရေးစနစ်ကြီးဟာ ဘယ်လောက်ယိုယွင်း ပျက်စီးနေလဲဆိုတာ မှန်းဆလို့ရပါတယ်။ တစ်ချိန်တုန်းက အရှေ့တောင်အာရှမှာ နာမည်ကြီးခဲ့တဲ့ ရန်ကုန်နဲ့ မန္တလေး ဝိဇ္ဇာသိပံ္ပ တက္ကသိုလ်ကြီးတွေဟာ အခုဆို ကျီးနှင့် ဖုတ်ဖုတ်ပါပဲ။

သမ္မတကြီးခင်ဗျား . .။ ဒါတွေဟာ ဘယ်သူ့ကိုမှ အပြစ်တင်နေခြင်းမဟုတ်ဘဲ ဖြစ်ခဲ့ရတဲ့ အခြေအနေဆိုးတွေကို တင်ပြခြင်းသာ ဖြစ်ပါတယ်။ တစ် နည်းအားဖြင့် တိုင်းပြည်ရဲ့ အဖြစ်မှန်တွေကို ဒီမိုကရေစီမီးမောင်းနဲ့ ထိုးပြနေခြင်းသာ ဖြစ်ပါတယ်။ လစာနဲ့ ဘယ်လိုမှ စားလို့မလောက်နိုင်တဲ့ခေတ်မှာ ဝန်ထမ်းတွေ လာဘ်ပေးလာဘ်ယူမှုတွေဟာ လူမျိုးရဲ့စရိုက်ကိုတောင်မှ အသွင်ပြောင်းလာခဲ့ပါတယ်။အဆင့်အသီးသီး၊ နယ်ပယ်အသီးသီး၊ နေရာအသီး သီးမှာ ထိပ်ဆုံးက ဆောင်ရွက်ရမယ့်ကိစ္စဟာ အပေးအယူပဲ ဖြစ်ပါတယ်။ အဲဒီကိစ္စပြီးမှ နောက်တစ်ဆင့် အလုပ်လုပ်လို့ရပါတယ်။ သမ္မတကြီးရဲ့ လက်ထက် မှာ Clean Government လို့ တရားဝင် ကြေညာခဲ့ပြီးတဲ့နောက် ဒီကိစ္စတွေမှာ အနည်းငယ် တုံ့ဆိုင်းသွားကြောင်း ကြားသိရပါတယ်။အမြစ်ပြုတ်တိုက်ဖျက်ဖို့ ဆိုတာကတော့ အချိန်ယူရဦးမှာ ဖြစ်ပါတယ်။

အနိမ့်ဆုံးဝန်ထမ်းတစ်ယောက်ရဲ့ လစာဟာ သူ့မိသားစုအတွက် ဝမ်းဝ၊ ခါးလှနိုင်တဲ့အချိန်ကျမှ အမြစ်ပြုတ်သုတ်သင်လို့ ရပါလိမ့်မယ်။ မလေးရှား မှာ အနိမ့်ဆုံးအလုပ်သမားရဲ့ လစာဟာ ရင်းဂစ်ငွေ ၁,၀၀၀-၁,၅၀၀ လောက် ရှိပါ တယ်။ မြန်မာငွေ နှစ်သိန်းခွဲ၊ သုံးသိန်း လောက်ဖြစ်တဲ့အတွက် မိသားစု ဖူလုံပါသေးတယ်။ စင်ကာပူမှာဆို ပိုတောင်မှ များပါသေးတယ်။ အဲဒီတော့ လာဘ်ပေးလာဘ်ယူလုပ်သူဟာ မသမာသူလို့ ပြတ်ပြတ်သားသား ဆုံးဖြတ်ပြီး အရေးယူကြပါတယ်။

သမ္မတကြီးခင်ဗျား . . ။  ဝန်ထမ်းတွေကို ဝိသမလောဘသားတချို့ကလည်း ဖျက်ဆီးပါတယ်။ လာဘ်ပေးလာဘ် ယူဆိုတာ ပေးသူရော ယူသူပါ တာဝန်ရှိပါတယ်။ ဆတူလောက်အပြစ်ရှိပါတယ်။ ဒါကြောင့် ဒီမိုကရေစီနိုင်ငံကြီးတွေမှာ လာဘ်ပေးသူကိုလည်း အရေးယူပါတယ်။ ဒီမှာတော့ လာဘ်ပေး ရတဲ့ ပြည်သူကလည်း ပြောပါလိမ့်မယ်။ မပေးရင် အဆင်မပြေတော့ ပြေအောင်ပေးရတာပဲလို့။ အဲဒီတော့ ဝန်ထမ်းဟာ လစာနဲ့ မလုံလောက်သရွေ့က တော့ ကြက်ဥနဲ့ ကြက်မ ဘယ်ကစသလဲဆိုတဲ့ Chicken and Egg ဇာတ်လမ်းမျိုး၊ ဘယ်သူ့ကို အရေးယူမလဲ မဆုံးဖြတ်တတ်အောင် ဖြစ်ကြရပါတယ်။

သမ္မတကြီးခင်ဗျား . . ။ သမ္မတကြီးလက်ထက်မှာ ပထမဦးဆုံး ကျက်သရေမင်္ဂလာနဲ့ ပြည့်ဝတဲ့ကိစ္စတစ်ရပ်ကတော့ ပင်စင်လစာတွေ တိုးမြှင့် ပေး လိုက်ခြင်းပဲ ဖြစ်ပါတယ်။ ဝန်ထမ်းတွေအနေနဲ့ ကြံလို့ဖန်လို့ ရသေးပေမယ့် ပင်စင်စားများမှာတော့ ရာဂဏန်း၊ ထောင်ဂဏန်း အသေးလေးတွေနဲ့ အင်မတန် ခဲရာခဲဆစ် အသက်ဆက်နေရတဲ့ ဘဝကနေ နတ်ရေကန်ထဲ ပစ်ချလိုက်သလို နေ့ချင်းညချင်း စားနိုင်သောက်နိုင်ရုံမက လှူနိုင်တန်းနိုင်တဲ့အဆင့်ထိ ရောက် ခဲ့ကြတာ သမ္မတ ကြီးဦးဆောင်တဲ့ အစိုးရအဖွဲ့၊ အဆင့်ဆင့်သော လွှတ်တော်အသီးသီးမှ ပြည်သူ့လွှတ်တော် ကိုယ်စားလှယ်များရဲ့ မှန်ကန်တဲ့ စေတနာကို အထင်းသား မြင်လိုက်ကြရပါတယ်။ နတ်လူ သာဓုခေါ်ကြပါတယ်။ ဒီကိစ္စကို ပင်စင်စားကြီးများသာမက တစ်တိုင်းပြည်လုံးက ဝမ်းသာပီတိ ဖြစ်ကြပါတယ်။ နိုင်ငံတော်ရဲ့ ဘဏ္ဍာတွေတော့ ကုန်ပါပြီဗျာလို့ ဝေဖန်သူတစ်ဦးတလေမှတောင် မကြားရပါဘူး။ တစ်နည်းပြောရရင်တော့ ခေတ်စနစ်ကြောင့် ယိုယွင်းပျက် စီးနေတဲ့ စိတ်ဓာတ်တွေ ကြား ထဲက တကယ့် ဗုဒ္ဓဘာသာတို့ရဲ့ စိတ်ရင်းအမှန်တွေကို ဖျတ်ခနဲ တွေ့လိုက်ရပါတယ်။

သမ္မတကြီးခင်ဗျား . . ။ မြစ်ဆုံရေကာတာစီမံကိန်းကို သမ္မတကြီးအမိန့်နဲ့ ရပ်ဆိုင်းလိုက်တာဟာလည်း တိုင်းပြည်အတွက် အင်မတန်ကျက်သရေ ရှိတဲ့ လုပ်ရပ်တစ်ခုပါပဲ ခင်ဗျား။ ပြည်သူလူထုကြီးရဲ့အသံဟာ သမ္မတကြီးရင်ထဲ ရောက်သွားတယ်ဆိုတာ ထင်ရှားလှပါတယ်။ ဒီအတွက်သမ္မတကြီးမှာ ပြည် တွင်း ပြည်ပဖိအားပေးမှုတွေဟာ ဆုံးဖြတ်ချက် မချခင်ရော၊ ချပြီးချိန်ရော ရင်ဆိုင်ကြုံတွေ့ခဲ့ရမှာ အမှန်ပါပဲ။ သမ္မတကြီးဟာ နိုင်ငံတော်မှာ တရားဝင် အမြင့် မားဆုံးရာထူး တာဝန်ထမ်းဆောင်နေသော်လည်းပဲ ကျွန်တော်တို့မသိနိုင်တဲ့ ဖိအားပေးမှုတွေလည်း ရှိကောင်းရှိနိုင်ပါတယ်။ မြန်မာလူမျိုးတွေရဲ့ အသည်း နှလုံးဖြစ်တဲ့ ဧရာဝတီကို သမ္မတကြီးက ကယ်တင်ပေးခဲ့တဲ့အတွက် အထူးပဲကျေးဇူးတင်ရှိပါတယ်။  တိုင်းပြည်အတွက် အရေးကြီးဆုံးဖြစ်နေချိန်မှာ တည်ငြိမ် စွာနဲ့ ပြည်သူ့ဆန္ဒကို အလေးထားပြီး ဆုံးဖြတ်ချက်ချပေးခဲ့တဲ့ သမ္မတ ကြီးရဲ့ စွမ်းရည်ကို တစ်တိုင်းပြည်လုံးက လေးစားခဲ့ရပါတယ်။

သမ္မတကြီးခင်ဗျား။ သမ္မတကြီးဟာ အကျဉ်းသားထောင်ပေါင်းများစွာကို လွတ်ငြိမ်းချမ်းသာခွင့် ပေးခဲ့ပါတယ်။ ထို အထဲကမှ ယုံကြည်ချက်ကြောင့် အကျဉ်းချခံထားရသူ တချို့လည်း ပြန်လည်လွတ်မြောက်လာကြပါတယ်။ အခြေအနေနဲ့ အချိန်အခါပေါ်မူတည်ပြီး ကျန်တဲ့ ယုံကြည်ချက်ကြောင့် ကျခံနေ ရတဲ့ အကျဉ်းသားတွေကို သမ္မတကြီးက နိုင်ငံတော် ဖွဲ့စည်းပုံအခြေခံဥပဒေနှင့်အညီ လွှတ်ပေးလိမ့်မယ်လို့ ကျွန်တော်ယုံကြည်မိပါတယ်။ ပြည်သူလူထုကြီး ကလည်း နည်းနည်းလောက်တော့ စိတ်ရှည်ပေးစေချင်ပါတယ်။ သမ္မတကြီးမှာလည်း သူ့အတိုင်း အတာအလျောက် ဖိအားပေးမှုတွေနဲ့ ရင်ဆိုင်နေရမယ်ဆို တာလည်း နားလည်ပေးစေချင်ပါတယ်။

အခုဆိုရင် အရင်ကယောင်လို့တောင် မပြောဝံ့ခဲ့တဲ့ ငြိမ်းချမ်းစွာ စုဝေးခွင့်၊ ချီတက်ခွင့် ဥပဒေတောင် ပေါ်ထွန်းလာပြီဆိုတော့ ယုံကြည်ချက် ကြောင့် အကျဉ်းကျခံရသူတွေအဖို့ လွတ်လပ်ခွင့်နီးကပ်နေပြီလို့ ထင်မိပါတယ်။ သမ္မတကြီးရဲ့ အစိုးရကို အသိအမှတ်ပြုတဲ့အနေနဲ့ ကမ္ဘာ့နိုင်ငံအသီးသီးက ခေါင်းဆောင်တွေဟာ မြန်မာနိုင်ငံကို နေ့စဉ်နဲ့အမျှ ရောက်နေကြတာကို သတင်းစာတွေမှာ တွေ့မြင်နေရပါတယ်။ အထူးသဖြင့် တစ်ချိန်လုံး မြန်မာနိုင်ငံ အစိုးရကို ဆန့်ကျင်ခဲ့တဲ့ အမေရိကန်နိုင်ငံက နိုင်ငံခြားရေးဝန်ကြီး ဟီလာရီကလင်တန် ကိုယ်တိုင် သမ္မတအိုဘားမားရဲ့စာကိုကိုင်ပြီး ရောက်ရှိလာခဲ့တာ ကတော့ အင်မတန်ထူးခြားကောင်းမွန်တဲ့ ကိစ္စပါပဲ။ မြန်မာနိုင်ငံကို ဒီမိုကရေစီလမ်းကြောင်းပေါ် ကြိုးစားပြီး စွဲတင်နေတဲ့ သမ္မတကြီးရဲ့ လုပ်ရပ်တွေကို အပြည့်အဝ ထောက်ခံကြောင်း အိုဘားမားရဲ့ စာထဲမှာဖတ်ရတော့ အထူးပဲ ဂုဏ်ယူမိကြောင်းပါ ခင်ဗျား။

သမ္မတကြီးခင်ဗျား . . ။ သမ္မတကြီးရဲ့ လက်ထက်မှာ မီဒီယာတွေသည် စတုတ္ထမဏ္ဍိုင်၊ ပြည်သူလူထုသည် ပဉ္စမမဏ္ဍိုင်လို့ အဆိုရှိခဲ့ပါတယ်။  အခု ဆိုရင် Media တွေမှာ လွတ်လပ်ခွင့်များစွာ ရနေပါပြီ။ ဘယ်တုန်းကမှ မပြောဝံ့၊ မရေးဝံ့ တာတွေကို ရေးဝံ့ပြောဝံ့လာကြပါပြီ။ မရဲတရဲပြော ခွင့်ရမယ် ဆိုရင် ဖြင့် ဒီကနေ့မီဒီယာတွေအနေနဲ့ကလည်း မိမိတို့ရဲ့ ကလောင်သွားတွေကို ထိန်းသိမ်းကြဖို့ တာဝန်ရှိပါတယ်။ ဒီမိုကရေစီရပြီဆိုတိုင်းလည်း စည်းဘောင် ကျော်တာမျိုးတော့ မဖြစ်သင့်ပါဘူး။ ပြည်သူတွေကို မှန်ကန်တဲ့သတင်း အချက်အလက်ပေးဖို့ တာဝန်ရှိပါတယ်။ တိုင်းပြည်တစ်ခုမှာ မီဒီယာတွေရဲ့ အခန်း ကဏ္ဍဟာ အင်မတန်အရေးကြီးသလို အင်မတန်တာဝန် ကြီးမားလှပါတယ်။ မီဒီယာလွတ်လပ်ခွင့် မရှိစဉ် ကာလက မသိသာပေမယ့် လွတ်လပ်ခွင့်ရပြီဆိုတဲ့ အချိန်မှာ တာဝန်အလွန်ကြီးလာပါပြီ။  တချို့နိုင်ငံတွေမှာ မီဒီယာတွေရဲ့ ဖိအားပေးမှုကြောင့် နိုင်ငံ့အကြီးအကဲတွေ၊ အစိုးရအဖွဲ့တွေတောင် အပြောင်းအလဲ ဖြစ်ခဲ့ဖူးတဲ့ သာဓကတွေ ရှိခဲ့ပါတယ်။ တန်ရင်ဆေး လွန်ရင်ဘေးဆိုတာလေးတော့ သတိပြုကြစေချင်ပါတယ်။

သမ္မတကြီးခင်ဗျား . . ။ တိုင်းပြည်ရဲ့ ဂုဏ်သိက္ခာညှိနွမ်းစေမယ့် ကားအိုကားဟောင်းတွေကိုလည်း သမ္မတကြီးဦးဆောင်တဲ့ အစိုးရအဖွဲ့က လမ်း ပေါ်ကနေ မှန်ကန်စွာ ရှင်းထုတ်ပစ်တာကို တွေ့မြင်နေရပါပြီ။ အမှန်တော့ ဒီကားတွေကို လက်ရှိပေါက်ဈေး သိန်းနှစ်ဆယ်၊ အစိတ်နဲ့ နိုင်ငံတော်က ဈေးဖြတ် ပြီး သုတ်သင်ရှင်းလင်းနိုင်သော်လည်းပဲ သမ္မတကြီးရဲ့ စေတနာကြောင့် သိန်း ၈၀ မှ ၁၀၀ ကျော်လောက် ပါမစ်ဈေးရကြပါတယ်။ အဲဒီမှာလည်း ထုံးစံအတိုင်း အကျင့်ပါနေကြတဲ့ မြန်မာ့ဈေးကွက် စနစ်အတိုင်း ကားအိုကားဟောင်းတွေက ဈေးတွေ သိန်း ၈၀၊ ၁၀၀ ကျော်ဖြစ်၊ ကားသွင်းတဲ့သူတွေ အလု အယက်သွင်း၊ ကားဟောင်းတွေ အောက်ဈေးနဲ့ရနိုင်သမျှ ဝယ်တဲ့သူက ဝယ်နဲ့ကြီးပွားသူတွေ ကြီးပွားကုန်ကြပါတယ်။ အပေါ်ကားဈေးတွေလည်း ဇောက်ထိုးကျဆင်းခဲ့ ပါတယ်။ အရင်ကကား ပါမစ်ဆိုတာ အခွင့်ထူးခံ လက်တစ်ဆုပ်စာ လူတစ်စုအတွက်သာ ဖြစ်ခဲ့ပေမယ့် ဒီနေ့အဖို့ကတော့ ကားအို၊ ကားဟောင်းရှိသူတိုင်း ပါမစ်ကိုင်နိုင်တဲ့ ဘဝရောက်ကြရပါပြီ။ ကား ကောင်းကောင်းတွေအတွက် လမ်းကောင်းကောင်းလည်း လိုအပ်လာပါပြီ။

သမ္မတကြီးခင်ဗျား . . ။ အခြေခံဥပဒေ ပုဒ်မ ၅၇ မှာ နိုင်ငံတော်သမ္မတသည် နိုင်ငံတော်ကို ကိုယ်စားပြုသည်လို့ အတိအကျဖော်ပြထားတဲ့အတွက် သမ္မတကြီးဟာ နိုင်ငံကိုယ်စားပြုတဲ့ တစ်ဦးတည်းသော ပုဂ္ဂိုလ်ဖြစ်ပါတယ်။ ထိုသို့သော ပုဒ်မနဲ့ လျော်ညီစွာ သမ္မတကြီးဟာ တိုင်းပြည်အတွက် မင်းကျင့် တရားဆယ်ပါးနဲ့ လျော်ညီစွာ အုပ်ချုပ်နေတာကို ပြည်သူ တွေ သိမြင်ကြပါပြီ။ ရှေ့ဆက်လက်ပြီးလည်း သမ္မတကြီးဟာ တိုင်းပြည်အတွက် မဆုတ်မနစ်သော ဇွဲလုံ့လနဲ့ ဆောင်ရွက်မယ်လို့ ပြည်သူများကလည်း ယုံကြည်ကြပါတယ်။ အဆင့်ဆင့်သောလွှတ်တော်များကလည်း တိုင်းပြည်အကျိုးအတွက် အကောင်းဆုံး ညှိနှိုင်းဆွေးနွေးပြီး ဆုံးဖြတ်ချက်တွေ ချမှတ် အကောင်အထည်ဖော်မယ်လို့ ပြည်သူများက အားကိုးယုံကြည်ကြပါတယ်။

  *****************************************

 


Google Docs makes it easy to create, store and share online documents, spreadsheets and presentations.
Logo for Google Docs