Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၃.၆.၂၀၁၂

ဆောင်းပါးကဏ္ဍ

  1. ခွင့်သာခိုက်

*****************************************

ဆောင်းပါးကဏ္ဍ

ခွင့်သာခိုက်

ဇေယျသူ

(ဇွန်လ ၄ရက်နေ့ထုတ်The Voice ဂျာနယ် အတွဲ(၈) ၊အမှတ်(၂၄)မှ  ဆောင်းပါးမှ ထုတ်နှုတ်ဖော်ပြသည်)

မြန်မာပြည် စန်းထနေပြီ။ နိုင်ငံရေး၊ စီးပွားရေး ပြုပြင်ပြောင်းလဲရေးများ အရှိန်ရစပြုနေပြီ။ အားလုံးကလည်း စိတ်ဝင်စားသည်။ စောင့်ကြည့် သည်။ လက်ခုပ်တီးကြသည်။ နှုတ်သာမက လက်ကလည်း ပါကြဦးမည်။ ယခင်ကတည်းက ရောက်နှင့်သူရော၊ ယခုမှဝင်မည့်သူတို့ရော အားလုံးက     ခါးတောင်းကျိုက်သူကျိုက်၊ အင်္ကျီလက်ကို လိပ်တင်သူကတင်။ တိုင်းပြည်ဖွံ့ဖြိုးတိုးတက်ရန် အခွင့်သာနေပြီ။ လွန်ခဲ့သော တစ်နှစ်ကျော် ပြုပြင် ပြောင်းလဲ ရေး စတင်ကတည်းက မြန်မာနိုင်ငံသည် နိုင်ငံတကာတွင် ရေပန်းအစားဆုံး၊ နှုတ်ဖျားမှ တရွရွရွတ်ဆိုရသည့် နာမည်ဖြစ်လာသည်။ မြန်မာနိုင်ငံတွင်   ဖြစ် သမျှ နိုင်ငံတကာသတင်းတွင် ပါသည်။ နိုင်ငံရပ်ခြားမြို့ငယ်လေးတို့ရှိ သတင်းစာများတွင်ပင် မြန်မာအကြောင်းကို တွေ့ရသည်။ အများ အားဖြင့် နိုင်ငံ ရေးနှင့် စီးပွားရေး။ တဖြည်းဖြည်းနှင့် ယဉ်ကျေးမှု၊ လူမှုဘ၀ စသည်တို့ကိုပါ စိတ်ဝင်စားလာသည်၊ သတင်းဖြစ်လာသည်။ အချို့သတင်းများ ဆိုလျှင် မြန်မာ နိုင်ငံတွင်းတွင် မဖော်ပြသေးမီတွင်ပင် နိုင်ငံတကာတွင် ဖော်ပြနေပြီ။

လာလိုက်ကြသည့် နိုင်ငံတကာခေါင်းဆောင်များလည်း ၀င်လာမစဲတသဲသဲ။ နာမည်ကျော် ထိတ်ထိတ်ကြဲ ပုဂ္ဂိုလ်များချည်း။ အမေရိကန်နိုင်ငံခြား ရေးဝန်ကြီး ဟီလာရီကလင်တန်။ ဗြိတိန်ဝန်ကြီးချုပ် ဒေးဗစ်ကင်မရွန်း။ ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်း။ တောင်ကိုရီးယားသမ္မတ။ အိန္ဒိယ၀န်ကြီးချုပ်။ မြန်မာပြည်နှင့် အဆက်အစပ်မရှိလှသည့် အီတလီ၊ ပိုလန် စသည့်နိုင်ငံတို့ပင် ပါသေးသည်။ သင်္ကြန်တွင်းတွင်ပင် လာနေသဖြင့် သတင်းထောက်တွေပင် ရက်အားမရသောကြောင့် လာပဲလာနိုင်ကြသည်ဟု ညည်းရသည်အထိ။ အချို့က နိုင်ငံရေးအတွက်လာသည်။ အချို့က စီးပွား ရေး။ များသောအားဖြင့် နှစ်ခုလုံးတွဲပြီးလာသည်။ ပြန်အထွက်တွင် ပေးသွားသော မှတ်ချက်များက အပေါင်းလက္ခဏာ ဆောင်ကြသည်ချည်း။

နိုင်ငံရေးအရ ယခု အရှိန်အတိုင်းဆက်သွားလျှင် အရှေ့တောင်အာရှ ဒေသတစ်ခုလုံးတွင် စံပြဒီမိုကရေစီ ဖြစ်သွားနိုင်သည်ဟု ဟောကိန်းထုတ် သူက ထုတ်ကြသည်။ စီးပွားရေးအရလည်း အာရှကျား နောက်တစ်ကောင် ဖြစ်လာနိုင်သည်တဲ့။ အခြားနေရာများတွင် စီးပွားရေးကျနေချိန်တွင် မြန်မာ သည် အလားအလာအကောင်းဆုံး ဖြစ်နေသည်။ ရင်းနှီးမြှုပ်နှံရန် နောက်ဆုံးကျန်နေသည့်အရပ် (Last Frontier) ဟု လက်ခံလိုက်ကြသည်။ မြန်မာပြည် တွင်းသို့ ဘယ်သူအရင် ရောက်ရောက် ပြိုင်ပွဲသဖွယ် ဖြစ်လာတော့မည်။ စိန်တွေ့သည်ဆိုလျှင် ထိုနေရာသို့ အမြန်သွားကြ၊ ရွှေတွေ့သည်ဆိုလျှင် ထိုနေရာ သို့ အမြန်ပြေးကြသည်ကို Diamond Rush၊ Gold Rush ဟု ခေါ်ကြသည်။ ယခုကတော့ Myanmar Rush။

မြန်မာနိုင်ငံတွင် စီးပွားရေးဘယ်လိုလုပ်ကြမလဲ ဆွေးနွေးကြသည့်ပွဲများမှ နိုင်ငံခြားသားပုဂ္ဂိုလ်တို့၏ မျက်နှာတို့မှာ ဝင်းလက်၊ စိတ်အားတက်ကြွ မှု အပြည့်။ ဧရာမပုဂ္ဂိုလ်တွေလည်း ပါတတ်သည်။ သူတို့နိုင်ငံမှ အငြိမ်းစား၊ ပင်စင်စားများကို အငြိမ်းစားလစာငွေပေးရန် ဝင်ငွေရအောင် လိုက်လံရင်းနှီး မြှုပ်နှံနေသည့် Pension Fund စသည့် Fund ပေါင်းစုံမှ အရာရှိလည်း ပါသည်။ သိသည့်အတိုင်း ဒေါ်လာဘီလီယံချီငွေများ လက်ဝယ်ရှိသည့် ပုဂ္ဂိုလ်တို့။ ပုဂ္ဂလိကကုမ္ပဏီကြီးတို့၏ ကိုယ်စားလှယ်များ၊ ပညာရှင်များလည်း ပါသည်။ မြန်မာတို့ ဆွေးနွေးသမျှ မလွတ်တမ်းစာအုပ်နှင့် မှတ်သလို၊ လျှပ်စစ် ကျောက် သင်ပုန်းခေါ်ရမည့် i Pad နှင့် ဟိုခြစ်သည်ခြစ်။ မြန်မာနိုင်ငံအကြောင်း များများစားစား သူတို့သိချင်မှ သိကြမည်။ မြန်မာနိုင်ငံတွင်း ရင်းနှီးမြှုပ်နှံလိုစိတ် ပြင်းပြနေကြသည်ကတော့ အထူးအကဲခတ်ရန်မလို။

အမေရိကန်စီးပွားရေးလုပ်ငန်းကြီးအချို့၏ ကင်းထောက်ပုဂ္ဂိုလ်ကို အမေရိကန်စီးပွားရေးလုပ်ငန်းရှင်တွေ မြန်မာနိုင်ငံတွင် ဘယ်နယ်ပယ်ကို စိတ်ဝင်စားလဲမေးကြည့်တော့ သူက ပြန်ဖြေသည်မှာ တစ်လုံးတည်း။ Everything  "အားလုံး ပဲ" တဲ့။ မြန်မာ့စီးပွားရေး အောက်ကျနောက်ကျဖြစ်ရသည့် အဓိက အကြောင်းအရင်းတစ်ရပ်ဖြစ်သည့် အရေးယူပိတ်ဆို့မှုများလည်း အတော်များများ ဖယ်ရှား၊ သို့မဟုတ် ဆိုင်းငံ့လိုက်ပြီ။ ရင်းနှီးမြှုပ်နှံမှု ဥပဒေ ထွက် ပေါ်လာလျှင် အတော်ကောင်းသွားပြီ။ သူ့ထက်ငါ ဝင်လာကြတော့မည်။

နိုင်ငံခြားရင်းနှီးမြှုပ်နှံမှုသည် မြန်မာ့လိုအပ်ချက်ဖြစ်သည်။ ဝင်လာလေလေ၊ ကောင်းလေလေ။ တာဝန်သိသော၊ ပစ်စလက်ခတ်မဟုတ်သော လုပ် ငန်းကြီးများ ၀င်လာလျှင်သာ ကောင်းသေးသည်။ ထိုသူတို့အားဖြင့် မြန်မာ့စီးပွားရေး တစ်ခေတ်ဆန်းနိုင်မည်။ Made in Myanmar "မြန်မာပြည်တွင်လုပ် သည်" စာတမ်းများနှင့် ကုန်ပစ္စည်းများ နိုင်ငံတကာသို့ ဖြန့်ကြက်နိုင်မည်။

သို့သော် မြန်မာနိုင်ငံ တံခါးဖွင့်ခြင်းမှာ မြန်မာတို့အတွက်ဖြစ်သည်။ ဝင်လာသမျှ ပြည်ပရင်းနှီးမြှုပ်နှံသူတို့၏ အားကိုယူကာ မိမိတို့ဘဝ တိုးတက် အောင် ဆောင်ရွက်ကြရန် ရည်ရွယ်ရင်းဖြစ်သည်။ အစိုးရ၊ ပြည်သူ၊ စီးပွားရေးလုပ်ငန်းရှင်တို့ အားလုံးအခွင့်ကောင်းကို ယူတတ်ရန်လိုသည်။ ပြည်ပအား ၀င်လာသည်ချင်း တူသော်လည်း အချို့တိုင်းပြည်တို့ ထိုးတက်သွားပြီး အချို့နောက်တွင်ကျန်ခဲ့ခြင်းမှာ အခွင့်အလမ်းကို ရအောင်မယူတတ်သော၊ မယူနိုင် သောကြောင့် ဖြစ်သည်။

ယူတတ်ရန် ယူနိုင်ရန်မှာ အခံရှိဖို့လိုသည်။ ဝရှိမှ ဝိလုပ်နိုင်မည်။ နယ်ပယ်တိုင်းတွင် ချို့တဲ့နေသည်မှာ Capacity ခေါ် စွမ်းရည်ဖြစ်သောကြောင့် မိမိတို့၏ စွမ်းရည်ကို အပတ်တကုတ် ဖြည့်ဆည်းရန်လိုသည်။ မိမိတို့ အဖွဲ့အစည်း၏ တည်ဆောက်ပုံတို့ကိုပါ ခေတ်မီအောင် ပြုပြင်ဖို့လိုသည်။ ပြောင်းလဲ လာသော အခြေအနေကို ရင်ဆိုင်နိုင်အောင် စိတ်ဓာတ်အခံ  Mindset တို့ ပြောင်းရန် လိုသည်။

အခွင့်အလမ်းကောင်းဆိုသည်မှာ နှစ်ခါပြန်လာလေ့မရှိ။ ယခု မြန်မာနိုင်ငံရနေသည့် အခွင့်အလမ်းသည် ရှာမှရှားသည့် အခွင့်အလမ်း ဖြစ်သည်။ အင်္ဂလိပ်လိုဆိုလျှင် Once-in-a-Lifetime-chance ဟု ဆိုရမည်ပင်။ ထိုအခွင့်အလမ်းကို အရယူနိုင်မှ မိမိအကျိုး၊ နိုင်ငံအကျိုး ဖြစ်ထွန်းမည်။

ငယ်စဉ်က ဖတ်ခဲ့ရသည့် လယ်တီဆရာတော်၏ တေးထပ်မှာ လောကုတ္တရာရေးကို ရည်စူးသော်လည်း မိမိကို ဦးတည်ပြောနေသည်ဟု ခံစားရ လောက်အောင် ထိမိလွန်းလှသဖြင့် လောကီအရေးဖြစ်သည့် မြန်မာ့အရေး၊ ကျွန်တော်တို့အရေးတွင် ထုတ်နုတ်သုံးစွဲလိုက်ပါသည်။

ခွင့်သာခိုက်မှ မလိုက်ချင်လျှင်

အမိုက်နင့်ပြင် ရှိသေးလေလိမ့်လား။

ခွင့်သာဆဲမှ မခဲချင်လျှင်

အလွဲနင့်ပြင် ရှိသေးလေလိမ့်လား။

ခွင့်သာတုန်းမှ မရုန်းချင်လျှင်

အရှုံးနင့်ပြင် ရှိသေးလေလိမ့်လား။

 *****************************************

 

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle2011
yangonchronicle2011

၃.၆.၂၀၁၂

ပြည်တွင်းသတင်းများ

  1. ဘားအံ အုပ်ချုပ်ရေးမှူးမှ လာဘ်စားမှုများ ဖြစ်ပေါ်
  2. ရမည်းသင်း၌ တတိယမြောက်နေ့အဖြစ် ရွှေလုပ်သားများ ထပ်မံဆန္ဒပြ

ပြည်တွင်းပါတီ၊ နိုင်ငံရေးသတင်းများ

  1. အာရှဒေသဆိုင်ရာ လုံခြံရေးညီလာခံ၌ ကာကွယ်ရေးဝန်ကြီးမှ နျူကလီးယားကိစ္စ အတိအလင်းပြောကြား
  1. ဒီချုပ်ဥက္ကဋ္ဌ မယ်လဒုက္ခသည်စခန်းသို့ ရောက်ရှိသော်လည်း ဒုက္ခသည်ပြည်သူများနှင့် တွေ့ဆုံဟောပြောခွင့်မရရှိ

သတင်းနှင့် ဆောင်ပါးများမှ ကောက်နုတ်ချက်များ

****************************************

ပြည်တွင်းသတင်းများ

ဘားအံ အုပ်ချုပ်ရေးမှူးမှ လာဘ်စားမှုများ ဖြစ်ပေါ်

ကချင်ပြည်နယ် ဘားအံမြို့ အမှတ် (၉) ရပ်ကွက်တွင် ရပ်ကွက်အုပ်ချုပ်ရေးမှုး၏ ဆိုးရွားစွာ လာဘ်စားမှု့ကြောင့် ရပ်ကွက်အတွင်းရှိ ပြည်သူများ အခက်အခဲအမျိုးမျိုးနှင့် ကြုံတွေ့ နေရကြောင်း ပြည်သူများ၏ ပြောကြားချက်အရ သိရသည်။

“ဂျာနယ်တွေထဲမှာ ရေးထားတာက ရပ်ကွက်လူကြီးတွေ လာဘ်စားလို့ မရဘူးဆိုပြီး ကျွန်တော်တို့ ရပ်ကွက်လူကြီး ဦးမိုးအောင်က လစဉ်ကြေး တောင်ကောက်တယ် မပေးရင် မနေနိုင်အောင်ကိုလုပ်တာ ဘယ်သူကမှလည်း အရေးမယူဘူး”ဟု ဘားအံမြို့ အမှတ် (၉) ရပ်ကွက်တွင် နေထိုင်သူ အငြိမ်း စား တရားသူကြီး ဦးမြင့်စိုးက ဆိုသည်။

ဘားအံမြို့ အမှတ် (၉) ရပ်ကွက်တွင် နေထိုင်သူများသည် ရပ်ကွက်အုပ်ချုပ်ရေးမှူးဆိုသူအား လစဉ်ကြေးအဖြစ် တစ်အိမ်ထောင်ကို (၁၀၀၀) ကျပ် ပေးဆောင်ရသည်။ အဆိုပါ လစဉ်ကြေးအား ပုံမှန် မဖြစ်မနေ ပေးကြရသည်။ ရပ်ကွက်ရံပုံငွေဟုဆိုကာ တောင်းခံခြင်းဖြစ်သော်လည်း ရပ်ကွက် အတွက် ကုန်ကျခံ ပြုပြင်ပေးခြင်းမရှိပဲ အုပ်ချုပ်ရေးမှူး၏ ကိုယ်ရေးကိုယ်တာအတွက်သာ အသုံးပြုနေကြောင်း သိရသည်။

“ပြောတော့ ရပ်ကွက်ရံပုံငွေတဲ့ ရပ်ကွက်ထဲမှာ တစ်ခုခုဆိုရင် ငွေထပ်ကောက်တယ် ။ ဧည့်စားရင်းတိုင်ရင်တောင် ပိုက်ဆံပေးမှရတယ်။ မပေးရင် စာရင်းမသွင်းပေးဘူး” ဟု အဆိုပါရပ်ကွက်တွင်နေထိုင်သူ ဦးဇော်မင်းဦးက ဆိုသည်။

အဆိုပါရပ်ကွက်တွင် ဧည့်စာရင်းနှင့် နေထိုင်သူများသည် အများစုမှာ လက်လုပ်လက်စားများ ဖြစ်ကြသည်။ စားဝတ်နေရေး အဆင်မပြေချိန်များ တွင် ငွေမပေးနိုင်သည့်အတွက် ဧည့်စာရင်းမတိုင်ဖြစ်သည့် ရက်များလည်း ရှိသည်။ ရပ်ကွက်အတွင်း နေထိုင်သူများက ဧည့်စာရင်းတိုင်လိုသော်လည်း ငွေမပေးလျှင် တိုင်ခွင့်မပြုတာကြောင့် မတိုင်ကြရကြောင်း သိရသည်။

“ပိုက်ဆံမရှိလို့  ဧည့်စာရင်းမတိုင်ဖြစ်တဲ့ နေ့တွေဆိုရင် ဧည့်စာရင်းစစ်ပြီး တစ်ယောက်ကို ဒဏ်ငွေ ၅၀၀၀ ပေးရတယ် ဒါလည်း သူပဲယူတာ” ဟု အဆိုပါ ရပ်ကွက်တွင်နေထိုင်သူ ဦးကျော်ဇံက ဆိုသည်။

အဆိုပါရပ်ကွက်တွင် နေထိုင်သူများသည် ရပ်ကွက်ထောက်ခံစာလိုအပ်လျှင်တောင် ငွေ ၅၀၀ အနည်းဆုံးးပေးမှ ရသည်။ နိုင်ငံတော်အစိုးရက ရပ်ကွက်အုပ်ချုပ်ရေးမှူးများ လာဘ်စားမှုရှိခဲ့လျှင် ထိထ်ိရောက်ရောက် အရေးယူမည်ဆိုသော်လည်း အဆိုပါ အုပ်ချုပ်ရေးမှူးမှာ ယခုအချိန်ထိ နေရာရရှိ နေပြီး စိတ်ကြိုက်လာဘ်စားနေဆဲဖြစ်ကြောင်း ရပ်ကွက်နေ ပြည်သူများထံမှ သိရသည်။

အလင်းရောင်

-----------------------------------------------------------------------------------------------------------------------------------

ရမည်းသင်း၌ တတိယမြောက်နေ့အဖြစ် ရွှေလုပ်သားများ ထပ်မံဆန္ဒပြ

ရမည်သင်းအနီးရှိ မိုးထိမိုးမိဒေသ အမျိုးသားကြီးပွားတိုးတက်ရေး ကုမ္ပဏီလီမိတက်ရှေ့တွင် ရွှေလုပ်သားများမှ မေလ ၁ ရက်နေ့ နေ့လည်မှ စတင်၍ တတိယမြောက်နေ့အဖြစ် ထပ်မံဆန္ဒပြ တောင်းဆိုခဲ့ကြကြောင်း ဆန္ဒထုတ်ဖော်ပွဲလုံခြုံရေးတာဝန်ခံ ကိုနိုင်ဝင်း၏ ပြောကြားချက်အရ သိရှိရသည်။

"ကျတော်တို့ ဒီမှာ ရင်းနှီးမြုပ်နှံခဲ့တာ ခြောက်လကျော်ရှိပါပြီ။ ကုမ္ပဏီနဲ့က ငါးနှစ်စာချုပ်ရှိတယ်။ လယ်တွေအိမ်တွေ ရောင်းချပြီးတော့ လာရောက် ရင်းနှီးမြုပ်ခဲ့ရတာခုမှ သူတို့က ဒီနေရာတွေကိုသိမ်းပြီး သူတို့ဝန်ထမ်းလုပ်ဆိုတော့ တရားမျတမူမရှိဘူးပေါ့ဗျာ"ဟု ဆန္ဒထုတ်ဖော်သူတဦးမှ ပြောကြား သည်။

တောင်းဆိုချက်ငါးချက်ဖြင့် တောင်းဆိုခဲ့ပြီး အဓိကတောင်းဆိုချက်များမှာ လေးပေကျင်းများပြန်လည်ရရှိရေး၊ လက်ဝါးကြီးအုပ်အရင်းရှင်စနစ် ပပျောက်ရေး၊ ဒီမိုကရေစီစီးပွားရေးစနစ် အောင်မြင်ရေးတို့ဖြစ်ကြောင်း၊ အမျိုးသားကြီးပွားတိုးတက်ရေးကုမ္ပဏီမှ ယခုလ ၁ရက်နေ့တွင် ၎င်းတို့၏ စည်း မျဉ်းစည်းကမ်းများကိုသာချပြပြီး၊ တောင်းဆိုချက်များ လုံးဝလိုက်လျောမူမရှိသေးကြောင်း၊ ဆန္ဒထုတ်ဖော်မူများကို မိမိတို့တောင်းဆိုချက်များမရမခြင်း ဆက်လက် ဆောင်ရွက်သွားမည်ဖြစ်ကြောင်း ကိုနိုင်ဝင်းမှ ထပ်မံပြောကြားသည်။

ယင်းအလုပ်သမားဆန္ဒပြပွဲသို့ ILOနှင့် မိတ္ထီလာမှ ကြားဖြတ်ရွေးကောက်ပွဲ၌ တစ်သီးပုဂ္ဂလအဖြစ် ဝင်ရောက်ယှဉ်ပြိုင်ခဲ့သည့် ဒေါ်မြင့်မြင့်အေးတို့မှ လာရောက်ကူညီမှုများရှိပြီး အလုပ်သမားများအကျိုးအတွက် ညှိနှိုင်းဆောင်ရွတ်ပေးနေကြောင်းသိရသည်။

PL

*****************************************

ပြည်တွင်းပါတီ၊ နိုင်ငံရေးသတင်းများ

အာရှဒေသဆိုင်ရာ လုံခြံရေးညီလာခံ၌ ကာကွယ်ရေးဝန်ကြီးမှ နျူကလီးယားကိစ္စ အတိအလင်းပြောကြား

ဇွန်လ ၂ရက်နေ့တွင် စင်ကာပူနိုင်ငံ၌ ပြုလုပ်ကျင်းပသည့် Shangri-La Dialogue ခေါ် အာရှဒေသဆိုင်ရာ လုံခြုံရေးညီလာခံသို့ မြန်မာနိုင်ငံမှ ကာကွယ်ရေးဝန်ကြီး ဒုတိယ ဗိုလ်ချုပ်ကြီး ဦးလှမင်းမှ နျူကလီးယားစွမ်းအင်စီမံကိန်းနှင့် ပတ်သက်၍ ရပ်ဆိုင်းလိုက်ခြင်းအား အတိအလင်းပြောကြားသွား ကြောင်း သတင်းရရှိသည်။

အဆိုပါညီလာခံ၌ ယခင် စစ်တပ်အုပ်ချုပ်စဉ်ကာလ၌ ယင်းနျူကလီးယားစွမ်းအင် စီမံကိန်းလုပ်ဆောင်ခဲ့ခြင်းများရှိခဲ့ပြီး ယခု အရပ်သားအစိုးရ လက်ထက်၌ ရပ်ဆိုင်းလိုက်ပြီဖြစ်ပြီး ယင်းစီမံကိန်းနှင့် သုတေသနလုပ်ရခြင်း ရည်ရွယ်ချက်မှာလည်း နျူကလီးယားစွမ်းအင် ထုတ်လုပ်ခြင်းမျိုးမဟုတ် ကြောင်း ၎င်း၏ မိန့်ခွန်းထဲ၌ ထည့်သွင်းပြောကြားသည်။

ထို့နောက် ၎င်းမှ မြန်မာနှင့် မြောက်ကိုရီးယားတို့၏ ဆက်ဆံရေးနှင့် ပတ်သက်၍ စိုးရိမ်မှုရှိနေခြင်းနှင့် ပတ်သက်၍ မြောက်ကိုရီးယားနိုင်ငံနှင့် ဆက်ဆံရေးအား ပွင့်လင်းမြင်သာသည့်ပုံစံဖြင့် ပြောဆိုသွားကြောင်း သိရသည်။

ထို့ပြင် ယင်းညီလာခံသို့ အမေရိကန်နိုင်ငံမှ ကာကွယ်ရေးဝန်ကြီး Leon Panetta လည်း တက်ရောက်ခဲ့ပြီး မြန်မာနိုင်ငံအား ဒီမိုကရေစီစနစ် လမ်းကြောင်းပေါ်မှာ ဆက်လက်ရပ်တည်ပြီး ပြုပြင်ပြောင်းလဲမှုတွေပြုလုပ်သွားမည်ဆိုပါက ၎င်းတို့အနေဖြင့် နှစ်နိုင်ငံပူးပေါင်း၍ စစ်ရေးဆောင်ရွက်မှုများ ပြုလုပ်သွားမည်ဖြစ်ကြောင်း ၎င်း၏ မိန့်ခွန်းထဲ၌ ထည့်သွင်းပြောကြားသွားကြောင်း သတင်းရရှိသည်။

အဆိုပါ ညီလာခံသို့ နိုင်ငံတကာ မဟာဗျူဟာ လေ့လာရေးဌာနမှ ပြုလုပ်ခြင်းဖြစ်ပြီး နိုင်ငံတကာမှ နိုင်ငံပေါင်း ၂၇နိုင်ငံတက်ရောက်ကြောင်း သတင်းရရှိသည်။

ATM

-----------------------------------------------------------------------------------------------------------------------------------

ဒီချုပ်ဥက္ကဋ္ဌ မယ်လဒုက္ခသည်စခန်းသို့ ရောက်ရှိသော်လည်း ဒုက္ခသည်ပြည်သူများနှင့် တွေ့ဆုံဟောပြောခွင့်မရရှိ

မေလ ၂၉ရက်နေ့မှစတင်၍ ထိုင်းနိုင်ငံသို့ ရောက်ရှိနေသည့် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ထိုင်းနိုင်ငံနယ် စပ်ရှိ ဒုက္ခသည်စခန်းအချို့နှင့် အလုပ်သမားအချို့အား တွေ့ဆုံဟောပြောမှုများ ပြုလုပ်ခဲ့သော်လည်း ထိုင်းနိုင်ငံနယ်စပ်ရှိ အကြီးဆုံး ဒုက္ခသည်စခန်း တစ်ခုဖြစ်သည့် မေလဒုက္ခသည်စခန်းသို့ မေလ ၂ရက်နေ့၌ သွားရောက်ခဲ့ပြီး ယင်းစခန်းရှိ အလုပ်သမားများနှင့် ဒုက္ခသည်ပြည်သူများအား အကြောင်း ကြောင်းကြောင့် တွေ့ဆုံခဲ့ခြင်းမရှိခဲ့ကြောင်း သတင်းများအရ သိရသည်။

"ဒေါ်အောင်ဆန်းစုကြည်ရဲ့ ထိုင်းခရီးစဉ်ထဲမှာတော့ မယ်လဒုက္ခသည်စခန်းကိုသွားပြီး အဲဒီကအလုပ်သမားတွေနဲ့ သူ့ကိုအရမ်းတွေ့ချင်နေကြ တဲ့ ဒုက္ခသည်တွေကို အားပေးစကားပြောမယ်ဆိုပြီး ခရီးစဉ်ထဲမှာ ထည့်သွင်းထားတယ်လို့တော့ ကြားတယ်။ ဒါပေမယ့် တကယ်တမ်းကျတော့ သူက အဲဒီ ဒုက္ခသည်စခန်းက စခန်းလူကြီးတွေနဲ့ တွေ့ပြီး ချက်ချင်းမဲဆောက်လေဆိပ်ကို တစ်ခါတည်းသွားတာ။ ကျွန်တော်တို့လည်း အဲဒီစခန်းမှာ သတင်းယူလို့မရ ခဲ့ဘူး"ဟု ပြည်ပသတင်းမီဒီယာတစ်ဦးက ဆိုသည်။

၎င်းသည် ထိုင်းနိုင်ငံနယ်စပ်ရှိ အကြီးဆုံး ဒုက္ခသည်စခန်းဖြစ်သည့် မယ်လဒုက္ခသည်စခန်းအား သွားရောက်ခဲ့သော်လည်း ယင်းစခန်းရှိ ၎င်းအား မြင်တွေ့ချင်ကြသည့် ပြည်ပရောက် အတိုက်အခံအဖွဲ့အစည်းများနှင့် မြန်မာ့ရွှေ့ပြောင်းလုပ်သားများသည် တွေ့ခွင့်မရရှိခဲ့ကြသည့်အတွက် ဝမ်းနည်းမှု များ ဖြစ်ပေါ်လျက်ရှိကြောင်း ယင်းဒုက္ခသည်စခန်းရှိ မြန်မာအလုပ်သမားတစ်ဦး၏ ပြောကြားချက်အရ သိရှိရသည်။

"ကျွန်တော်တို့တွေကတော့ ကိုယ့်နိုင်ငံက ခေါင်းဆောင်တစ်ယောက်ဖြစ်တဲ့ ဒေါ်အောင်ဆန်းစုကြည်လာမယ်ဆိုလို့ မျှော်နေတာပေါ့။ ဒါပေမယ့် သူက ဒုက္ခသည်စခန်းက စခန်းလူကြီးတွေနဲ့တွေ့ပြီး ပြန်သွားတယ်။ အရိပ်တောင်မမြင်လိုက်ရဘူး။ အဲဒီအပေါ်မှာလည်း တော်တော်စိတ်မကောင်းဖြစ်မိ တယ်"ဟု အထက်ပါပုဂ္ဂိုလ်က ဆိုသည်။

ယင်းသို့ တွေ့ဆုံခွင့်မရရှိသည့်ကိစ္စနှင့် ပတ်သက်၍ ထိုင်းနိုင်ငံမှ မြန်မာနိုင်ငံနှင့်အကြား မျက်နှာပျက်စရာကိစ္စများ ဖြစ်ပွားမည်စိုးသောကြောင့် ၎င်း၏ ဒုက္ခသည်စခန်းရှိ မြန်မာအဖွဲ့အစည်းအချို့နှင့် အလုပ်သမားများအား ဟောပြောတွေ့ဆုံမည့်အစီအစဉ်အား ဖျက်သိမ်းလိုက်ရခြင်းဖြစ်ပြီး နိုင်ငံတ ကာသတင်းထောက်များမှ သတင်းယူခွင့်ကိုပါ တားမြစ်ခဲ့ကြောင်း နိုင်ငံခြားမီဒီယာအချို့၏ ဖော်ပြချက်အရ သိရှိရသည်။

ထို့ပြင် ၎င်း၏ ပြည်ပသို့ ပထမဦးဆုံးလေ့လာရေး ခရီးစဉ်ဖြစ်သည့် ထိုင်းနိုင်ငံနှင့် ပတ်သက်၍ ကြိုတင်ပြင်ဆင်မှုအပေါ် ထိုင်းနိုင်ငံမှ အရာရှိတစ် ချို့မှ ဘဝင်မကျမှုများဖြစ်ပေါ်လျက်ရှိပြီး နိုင်ငံခြားသတင်းဌာနတစ်ချို့မှလည်း ယင်းခရီးစဉ်အပေါ် အစီအစဉ်များနှင့် ပတ်သက်၍လည်း သိပ်မနှစ်သက်ကြ ကြောင်း နိုင်ငံခြားသတင်းဌာနတစ်ချို့၏ သတင်းဖော်ပြချက်များအရ သိရှိရပြီး ၎င်းသည် မယ်လဒုက္ခသည်စခန်းမှအပြန် မဲဆောက်လေဆိပ်သို့သွားရာ လမ်းကြောင်းပေါ်ရှိ ဒေါက်တာ စင်သီယာမောင်၏ မယ်တော်ဆေးခန်းနှင့် ပညာသင်ကျောင်းသို့ ဝင်ရောက်ခြင်းမရှိခဲ့ကြောင်း သိရသည်။

"ပထမ သူက ဒေါက်တာ စင်သီယာမော်ဆေးခန်းကို ဝင်မယ်လို့ လုပ်ထားတာ။ ဒါပေမယ့် မဝင်ပဲနဲ့ မဲဆောက်လေဆိပ်ကို သူ့ယာဉ်တန်းက မောင်းထွက်သွားတာတွေ့လိုက်ရမယ်။ အားလုံးကတော့ တွေ့ချင်လို့မျှော်နေကြတဲ့သူတွေချည်းပဲ။ သူနဲ့တွေ့ရင်လည်း နယ်စပ်အခြေအနေနဲ့ ပတ်သက်ပြီး ပြောဖို့ရှိတယ်လို့ ပြောတယ်"ဟု ယင်းဆေးခန်းနှင့် နီးစပ်သူတစ်ဦးက ဆိုသည်။

ထို့နောက် ဒေါ်အောင်ဆန်းစုကြည်သည် မဲဆောက်လေဆိပ်၌ သတင်းစာရှင်းလင်းပွဲတစ်ရပ်ပြုလုပ်သွားခဲ့ပြီး မေလ ၂ရက်နေ့ ညနေ လေယာဉ် ဖြင့် ရန်ကုန်မြို့သို့ ပြန်လည်ထွက်ခွာသွားခဲ့ကြောင်းနှင့် ထိုင်းနိုင်ငံ မဲဆောက်လေဆိပ်တွင်လည်း မြန်မာရွှေ့ပြောင်းအလုပ်သမားအချို့မှ လာရောက်နှုတ် ဆက်ခြင်းများရှိကြောင်း သတင်းရရှိသည်။

ATM

****************************************

သတင်းနှင့် ဆောင်းပါးများမှ ကောက်နှုတ်ချက်များ

“‘ဒီနေ့ ဆွေးနွေးတဲ့ပွဲမှာ အဓိက ဆွေးနွေးတာကတော့ တိုက်ပွဲဖြစ်ပွားနေသော ဒေသများတွင်ရှိသော နှစ်ဖက်တပ်စခန်းတွေကိစ္စကို အဓိက ဆွေးနွေး သွားတာဖြစ်ပြီး နှစ်ဖက်လုံးက ပွင့်ပွင့်လင်းလင်းနဲ့ ဆွေးနွေးခဲ့တာဆိုတော့ ငြိမ်းချမ်းရေးအတွက် ရလဒ်ကောင်းဖြစ်တယ်လို့ပဲ မှတ်ချက်ပေးလိုတယ်”

ဇွန်လ ၄ရက်နေ့ထုတ် The Street View ဂျာနယ် အတွဲ ၁ အမှတ် ၂၁ တွင်ပါရှိသည့် “ပြည်ထောင်စုဝန်ကြီး ဦးအောင်မင်းနှင့် KIO အဖွဲ့မှ တာဝန်ရှိသူများ ဒုတိယအကြိမ်တွေ့ဆုံ”သတင်းမှ KIO အဖွဲ့မှ ငြိမ်းချမ်းရေးအကျိုးတော်ဆောင် ဦးအယ်ခွန်းအောင်၏ ပြောကြားချက်အား ကောက်နှုတ် ဖော်ပြချက်

-----------------------------------------------------------------------------------------------------------------------------------

The Voice: i Pay ကတ်ကို ပြည်တွင်းရေကြောင်းမှာ အလွယ်တကူအသုံးပြုလို့ရနိုင်ပါ့မလား။ အခက်အခဲရှိနိုင်လား။

UHL: အဲဒီတော့ ပြည်တွင်းရေကြောင်းမှာ i Pay ကတ်သုံးဖို့က ဘုန်းကြီးကျောင်းမှာ ဘီးရောင်းသလို ဖြစ်နေတယ်။ i Pay ကတ်ဆိုတာက တစ်ယောက် စာကိုပဲ တွက်ချက်ထားတာ။ ပြောရမယ်ဆိုရင် ပုံသေခရီးကို ပုံသေနှုန်းထားနဲ့ ကြိုတင်ငွေပေးတဲ့စနစ်ပဲ။ ပြည်တွင်းရေကြောင်းမှာ သွားလာနေတဲ့ ခရီးသည်တွေက လူတစ်ဦးတည်းမဟုတ်ဘူး။ ကုန်တွေ၊ တန်ဆာတွေပါတယ်။ လူခ၊ တန်ဆာခ၊ လက်ဆွဲတစ်နိုင် တန်ဆာခတွေ အများကြီးရှိတာ။ i Pay ကတ်မှာ အဲဒီဝန်ဆောင်မှုအဆင့်တွေ မပါဘူး။ ပြည်တွင်းရေကြောင်းက လက်ရှိဝန်ဆောင်မှုပေးနေတဲ့စနစ်နဲ့ ကိုက်ညီတဲ့နည်းပညာ i Payမှာ မပါသေးဘူး။ ပြည်တွင်းရေကြောင်းမှာက ဥပမာပြောရမယ်။ ဆယ်မိုင်ကို တစ်ရာကျတယ်ဆိုရင် မိုင်တစ်ရာကို တစ်ထောင်ကျတယ်ဆိုပါစို့။ ဒါပေမဲ့ ခရီးရှည်သွားတဲ့ အတွက် လျှော့ပေးလိုက်တယ်။ ရှစ်ရာလောက်ပဲ ကျတာမျိုးပေါ့။ အဲဒီလို ဝန်ဆောင်မှုတွေ ပေးနေတာပါ။ ဒါကြောင့် လုပ်ငန်းသဘောအရ ကိုက်ညီမှုမရှိပါ ဘူး။ ပြည်တွင်းရေကြောင်းမှာသွားလာနေတဲ့ လယ်သမားကြီးတွေကရော ကြိုတင်ငွေဖြည့်တာတို့၊ Password ပြောင်းတာတို့ သူတို့ဘယ်လိုလုပ်မလဲ။ ကိုယ်တောင်မှ ကတ်ဝယ်သုံးတာ Password ပြောင်းရမယ်ဆိုလို့ သူတို့ Ststionကို သွားပြတာ။ ဟိုဟာပြော ဒီဟာပြောနဲ့ နောက်တော့ ပြောင်းပြီး သွားပြီတဲ့။ အဲဒီလို Password ပြောင်းရမယ်၊ ဘယ်ခလုတ်နှိပ်၊ ဘာလုပ်၊ ကြိုတင်ငွေဖြည့်ဆိုတာတွေကို လယ်သမားကြီးတွေကရော လုပ်နိုင်မှာတဲ့လား။

ဇွန်လ ၄ရက်နေ့ထုတ် The Voice Weekly ဂျာနယ် အတွဲ ၈ အမှတ် ၂၄ တွင်ပါရှိသည့် “i Pay ကတ် ပြည်တွင်းရေကြောင်းမှာ အသုံးပြုဖို့က ဘုန်းကြီးကျောင်းမှာ ဘီးလာရောင်းသလိုဖြစ်နေတယ်”သတင်းမှ ပြည်တွင်းရေကြောင်းမှ မန်နေဂျာ ဦးထိန်လင်းနှင့် တွေ့ဆုံမေးမြန်းခြင်းမှ ကောက်နှုတ် ဖော်ပြချက်

-----------------------------------------------------------------------------------------------------------------------------------

*************************************

 

 

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs