Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၃.၇.၂၀၁၂

ဆောင်းပါးကဏ္ဍ

  1. ရွေးကောက်ပွဲဒီမိုကရေစီနှင့် လစ်ဘရယ်ဒီမိုကရေစီ

*****************************************

ဆောင်းပါးကဏ္ဍ

ရွေးကောက်ပွဲဒီမိုကရေစီနှင့် လစ်ဘရယ်ဒီမိုကရေစီ

ဖေမြင့်

(ဇွန်လ ၂၈ရက်နေ့ထုတ် ပြည်သူ့ခေတ်ဂျာနယ် အတွဲ(၂)၊ အမှတ်(၁၀၀)မှ ထုတ်ယူဖော်ပြသည်။)

ဒီမိုကရေစီစနစ်ကို ရွေးကောက်ပွဲများနှင့် တွဲဖက်မှတ်သားလေ့ရှိကြသည်။ သို့သော် ရွေးကောက်ပွဲများ ကျင်းပပေးရုံဖြင့် ဒီမိုကရေစီကို မည်ကာ မတ္တအဆင့်မှ တင်းပြည့်ကျပ်ပြည့်အဆင့်အထိ ဒီဂရီအနိမ့်အမြင့်အရ အမျိုးမျိးအပြားပြား ခွဲခြားပြောဆိုကြသည်။

ဒီမိုကရေစီစနစ်တွင် အများဆန္ဒသည် ပဓာနဖြစ်သည်။ တိုင်းပြည်အတွက် မူဝါဒများချမှတ်သည့်အခါ လူထုအများဆုံး ထောက်ခံသည့်မူဝါဒကို ရွေးချယ် အကောင်အထည်ဖော်ရမည်ဟု ယုံကြည်သူတို့က အနိမ့်ဆုံးအားဖြင့် ရွေးကောက်ပွဲစနစ် ရှိရလိမ့်မည်။ နိုင်ငံသားတို့သည် သတ်မှတ်သက်တမ်း ကာလ တစ်ခုအတွင်း တိုင်းပြည်ရေးရာများကို စီမံခန့်ခွဲမည့် ပြည်သူ့ကိုယ်စားလှယ်များ သို့မဟုတ် နိုင်ငံရေးခေါင်းဆောင်များကို ဆန္ဒမဲပေးရွေးချယ်နိုင် သည့် အနေအထားမျိုး ရှိရလိမ့်မည်ဟု ဆိုကြသည်။

ထို့နောက် ဆန္ဒမဲပေးခွင့်၊ ရွေးကောက်ခံပိုင်ခွင့် စသည်တို့ အပါအဝင် ရွေးကောက်ပွဲစနစ် သင့်တော်မျှတမှု ရှိမရှိကို အကဲခတ်ကာ လွတ်လပ်၍ တရားမျှတသောစနစ်ဟု ဆိုနိုင်လျှင် အခြေခံအဖို့ လုံလောက်သည်ဟု မှတ်ယူကြသည်။

တနည်းပြောရသော် တိုင်းပြည်အတွက် နိုင်ငံရေးဆိုင်ရာဆုံးဖြတ်ချက်များကို ပြည်သူတို့ကိုယ်စား ချမှတ်မည့်သူများအား ပြည်သူတို့ကိုယ်တိုင် ဆန္ဒမဲပေး ရွေးချယ်နိုင်မည်။ ရွေးကောက်ပွဲတွင် ပြည်သူထဲမှ တရားနည်းလမ်းကျသော ချွင်းချက်အချို့မှအပ မည်သူမဆို ဝင်ရောက်ယှဉ်ပြိုင် ရွေးချယ်ခံ နိုင်မည်ဆိုလျှင် ဒီမိုကရေစီ (လူထုအုပ်စိုးမှု) ကျင့်သုံးသော နိုင်ငံစာရင်းတွင် ထည့်သွင်းခွင့်ရပြီဟု ဆိုလိုသောသဘော ဖြစ်သည်။

အများအုပ်စိုးမှု ပြည့်ဝမှန်ကန်စွာဖြစ်ပေါ်ဖို့

ရွေးကောက်ပွဲတွင် လူတိုင်း ဆန္ဒမဲပေးနိုင်မည်။

ရွေးကောက်ပွဲတွင် မည်သူမဆို ဝင်ရောက် ယှဉ်ပြိုင်နိုင်မည်။

အဲဒါဆိုရင် တကယ်ပြည့်စုံပြီလား။

ဒီမိုကရေစီ သုတေသီတို့ကတော့ အထက်က အချက်နှစ်ချက်သည် စာထဲတွင်ပါရုံ (အခြေခံဥပဒေတွင် ရေးသားပြဋ္ဌာန်းထားရုံ) သက်သက်မ ဟုတ်ပဲ တကယ်လက်တွေ့ဖြစ်ရန်အတွက် နောက်ထပ်အချက်တစ်ရပ် လိုအပ်သည်ဟု ဆိုသည်။

အဲဒါ ပြည်သူ့လွတ်လပ်ခွင့်များပဲ ဖြစ်ရမည်ဟု ဆိုသည်။

လွတ်လပ်၍ တရားမျှတသော ရွေးကောက်ပွဲများ အရည်အသွေးမီဖြစ်ပေါ်စေရန်နှင့် မဲဆန္ဒရှင်တို့အနေနှင့် အကောင်းဆုံး အသင့်တော်ဆုံးကို နားလည်သိရှိစွာ ရွေးချယ်နိုင်ကြရန်အတွက် အများပြည်သူအကြားတွင် လွတ်လပ်စွာ ပြောဆိုခွင့်၊ လွတ်လပ်စွာ စည်းရုံဆော်သြခွင့်များ ရှိဖုိ့လိုသည်။ တစ်ဦးတစ်ဖွဲ့က မိမိ၏ နိုင်ငံရေးအယူအဆကို ဟောပြောခွင့်၊ ရေးသားပြောဟောခွင့် ရှိနေချိန်တွင် ၎င်းတို့နှင့် အမြင်မတူသူတို့ကလည်း ၎င်းတို့၏ အယူ အဆကို လွတ်လပ်စွာပင် ဟောပြောခွင့် ရေးသားဖြန့်ချိခွင့် ရှိဖို့လိုသည်။ ထို့ပြင် အယူအဆနီးစပ်တူညီသူများ အချင်းချင်း ဆက်သွယ်စုစည်း၍ အသင်း အဖွဲ့များ ဖွဲ့စည်းကာ မိမိတို့အယူအဆ ပြန့်ပွားရေးအတွက် ပိုမိုကျယ်ပြန့်စွာ ဆောင်ရွက်နိုင်ခွင့်ရှိဖို့ လိုသည်။

အဲသည် ပြည်သူ့လွတ်လပ်ခွင့်များ တည်ရှိပြီး ၎င်းအား လက်တွေ့ခံစား ကျင့်သုံးကြသည့်အခါ နိုင်ငံလူထုအတွင်း အယူအဆ စိတ်ကူးစိတ်သန်းစုံ တိုင်းပြည်နှင့် စပ်လျဉ်းသည့် အကြံဉာဏ်စုံ၊ မူဝါဒစုံပြန့်နှံ့သဖြင့် အများပြည်သူသည် မိမိတို့တိုင်းပြည်အတွက် အကောင်ဆုံးဟု မိမိတို့နှင့် မိမိယုံကြည် သည့်အရာကို ကိုယ်တိုင်စဉ်းစားရွေးချယ်ကာ ရွေးကောက်ပွဲကျင်းပသည့်အခါ၌ မိမိနှင့်ယုံကြည်မှုချင်း အများဆုံးနီးစပ်တူညီသူကို မိမိကိုယ်စားလှယ် အဖြစ် ဆန္ဒမဲပေး ရွေးချယ်နိုင်လိမ့်မည်။ ပြည်သူအများစုကြီးက အဲသည်လို နားလည်သိရှိစွာ ရွေးချယ်ပေးလိုက်သူတို့ နိုင်ငံရေးအာဏာရရှိကာ တိုင်း ပြည်ကို စီမံအုပ်ချုပ်နိုင်မှသာလျှင် လူထုအုပ်စိုးမှု အနီးစပ်ဆုံး အမှန်ကန်ဆုံးဖြစ်မည်ဟူ၍ ရှုမြင်ကြပါသည်။

ရွေးကောက်ပွဲဒီမိုကရေစီတွင် သတိပြုစရာအချို့

ရွေးကောက်ပွဲကျင်းပရခြင်းကို အကြောင်းပြု၍ ဒီမိုကရေစီဟု ဆိုကြသည့်အခါ ပထမဆုံးသတိပြုရန်က အာဏာတရားဝင် ကိုင်တွယ်ကျင့်သုံး မည့် အဓိက ရာထူးများအားလုံးအတွက် ရွေးကောက်ပွဲဖြင့် ရွေးချယ်ခန့်အပ်ခြင်း ဟုတ်မဟုတ်ဟူသော အချက်ဖြစ်သည်။

ထုံးစံအားဖြင့်တော့ တိုင်းပြည်နှင့်ဆိုင်သည့် စည်းမျဉ်းစည်းကမ်းနှင့် မူဝါဒအရပ်ရပ်ကို ရွေးချယ်ချမှတ်မည့် ဥပဒေပြု လွှတ်တော်အမတ်များကို ရွေးကောက်ပွဲများမှသာ တင်မြှောက်ရသည်။

ထို့အပြင် အုပ်ချုပ်ရေးမဏ္ဍိုင်၏ အကြီးအကဲဖြစ်သည့် သမ္မတ သို့မဟုတ် ဝန်ကြီးချုပ်တို့အားလည်း ပြည်သူတို့က တိုက်ရိုက် ရွေးကောက်တင် မြှောက်ခြင်း ပြုရသည်။

ထို့ကြောင့် ရွေးကောက်တင်မြှောက်ရာတွင် ဒီမိုကရေစီစံချိန် မပြည့်ဝသော အနေအထားများ မဖြစ်ပေါ်စေရန်နှင့် အကယ်၍ ဖြစ်ပေါ်လာပါက ယင်းတို့ကို ထောက်ပြခြင်း၊ ဝေဖန်ခြင်း၊ ကန့်ကွက်ခြင်း၊ ပြောင်းလဲပြင်ဆင် တွန်းအားပေးခြင်းများ၊ ပြုလုပ်နိုင်ရန်အတွက် လွတ်လပ်စွာပြောဆိုခြင်း အပါ အဝင် ပြည်သူ့လွတ်လပ်ခွင့်များ ပြည့်ဝဖို့လိုသည်ဟု ဆိုကြခြင်း ဖြစ်သည်။

လစ်ဘရယ်ဒီမိုကရေစီ

ရွေးကောက်ပွဲဒီမိုကရေစီထက် ပို၍ အနှစ်သာရပြည့်ဝသည့် လစ်ဘရယ်ဒီမိုကရေစီမှာ အဘယ်လက္ခဏာများ ပါရှိပါသနည်း။

၁။ နိုင်ငံတော်အာဏာကို အသုံးပြုကာ တိုင်းပြည်အတွက် အရေးကြီးသော ဆုံးဖြတ်ချက်များ ချမှတ်လုပ်ဆောင်ပိုင်ခွင့်သည် ရွေးကောက်ခံ ကိုယ်စားလှယ်တို့၌သာ ရှိပြီး ရွေးကောက်ခံမဟုတ်သူတို့ကို မြင့်မားသော အခွင့်အာဏာများကို သုံးစွဲခွင့်မရှိစေမည့် ကန့်သတ်ချက်များကို ဖွဲ့စည်းပုံ အခြေခံဥပဒေ၌ ထည့်သွင်းပြဋ္ဌာန်းထားသကဲ့သို့ တကယ်လက်တွေ့ ကျင့်သုံးရာ၌လည်း ၎င်းအတိုင်း ဖြစ်သည်။

၂။ အုပ်ချုပ်မှုအာဏာကို အခြားသီးခြားရပ်တည်သည့် နိုင်ငံတော်အဆောက်အအုံများဖြစ်သည့် ပါလီမန်လွှတ်တော် လွတ်လပ်သော တရားစီ ရင်ရေးစနစ် စသည်တို့က တန်းတူရည်တူအဆင့်မှ ထောက်ပြထိန်းကွပ်နိုင်သည့် အခွင့်အရေးအာဏာသည် ဖွဲ့စည်းပုံအခြေခံဥပဒေ၌ ပြဋ္ဌာန်းပါဝင်သကဲ့ သို့ တကယ်လက်တွေ့လည်း ရှိသည်။

၃။ ရွေးကောက်ပွဲများတွင် မည်သည့်ပါတီက အနိုင်ရမည်ဟု သေချာပေါက် မှတ်သားထား၍မရ။ အများပြည်သူဆန္ဒအပေါ် မူတည်၍ ရွေး ကောက်ပွဲရလဒ်တို့ အမြဲပြောင်းလဲနေနိုင်ပြီး၊ ပါတီအဖွဲ့အစည်းတို့သည်လည်း ကာလသက်တမ်းအလျောက် အစိုးရအရာရသည့်အခါ ရ၍ အတိုက်အခံ အဖြစ် ရပ်တည်သည့်အခါလည်း ရပ်တည်ရသောသဘော ရှိသည်။ ထို့ပြင် ဖွဲ့စည်းပုံအခြေခံဥပဒေပါ ပြဌာန်းချက်များနှင့် ညီညွတ်သည့် မည်သည့် လူ အုပ်စုများ မဆိုသည်လည်း ပါတီဖွဲ့စည်းခွင့်  ရွေးကောက်ပွဲများ ပါဝင်ယှဉ်ပြိုင်ခွင့် ရှိကြသည်။

၎။ လူမျိုး၊ ဘာသာ၊ ထုံးဓလေ့အရ လူနည်းစုဖြစ်နေသူတို့သည် လည်းကောင်း၊ လူများစုဖြစ်သော်လည်း နှစ်ပေါင်းများစွာ တစ်ပန်းရှုံးခဲ့သူများ သည်လည်းကောင်း နိုင်ငံရေးတွင် ပါဝင်ခွင့်၊ ကိုးကွယ်သည့်ဘာသာ၊ ဘာသာစကားထုံဓလေ့များကို ကျင့်သုံးခွင့်၊ စသည်များအား ဥပဒေပြဌာန်းချက်များ အရလည်းကောင်း တကယ်လက်တွေ့တွင်လည်းကောင်း ခံစားခွင့်ရှိ ကြသည်။

၅။ နိုင်ငံသားတို့အနေနှင့် မိမိတို့စိတ်ဝင်စားသော၊ အလေးထားသော၊ ဖြစ်စေချင်သော ကိစ္စရပ်များကို ဖော်ထုတ်ရန်၊ တင်ပြရန် မြှင့်တင်ရန် အတွက် နိုင်ငံရေးပါတီများကို ထောက်ခံခြင်း၊ ရွေးကောက်ပွဲတွင် ဆန္ဒမဲပေးခြင်း ဆန္ဒမဲပေးခြင်းများသာမက မိမိတို့ဘာသာ အသင်းအဖွဲ့မျိုးစုံ ဖွဲ့စည်းခြင်း လှုပ်ရှားမှုမျိုးစုံ ပြုလုပ်ခြင်း စသည့်  နည်းလမ်းအဖုံဖုံတို့ကိုလည်း သုံးစွဲခွင့် ရှိကြသည်။

၆။ နိုင်ငံသားများ၌ သိလိုသော သတင်းအချက်အလက်တို့ကို ကြားသိနိုင်ရန်အတွက် လွတ်လပ်သော စာနယ်ဇင်း၊ မီဒီယာများအပါအဝင် သတင်းအရင်းအမြစ် မျိုးစုံရှိကြသည်။

၇။ တစ်ဦးချင်းသော ပြည်သူတို့၌ မိမိဘာသာ လွတ်လပ်စွာ ယုံကြည်ခွင့်၊ ထင်မြင်ယူဆချက်ကို လူသိထင်ရှား ပြောကြားဆွေးနွေးခွင့်၊ စာဖြင့် ရေးသား၍ ပုံနှိပ်ထုတ်ဝေဖြန့်ချိခွင့်၊ အများနှင့်အတူ စုဝေးခွင့်၊ ဆန္ဒပြခွင့်၊ အာဏာပိုင်တို့ထံ ဆန္ဒလွှာ တင်သွင်းခွင့်များ ရှိကြသည်။

၈။ နိုင်ငံသားတိုင်း နိုင်ငံရေးဆိုင်ရာ၌ အခွင့်အရေးတန်းတူညီမျှ ရှိစေမည့် တရားဥပဒေများ ပြဋ္ဌာန်းထားရှိသည်။

၉။ တစ်ဦးချင်း ပုဂ္ဂိုလ်များ၊ လူစုများ၏ လွတ်လပ်ခွင့်များကို အခြားအာဏာအဆောက်အအုံတို့၏ သြဇာမှ ကင်းလွတ်၍၊ ဘက်လိုက်မှု ခွဲခြားမှု များလည်း မရှိသည့် တရားစီရင်ရေးမဏ္ဍိုင်က အကာအကွယ်ပေးသည်။ တရားရုံး၏ ဆုံးဖြတ်ချက်တို့ကို အခြားသော အာဏာအစိတ်အပိုင်းတို့လည်း လေးစားသိမှတ်ကာ ၎င်းအတိုင်း တည်အောင် ဆောင်ရွက်ပေးရသည်။

၁၀။ တရားဥပဒေစိုးမိုးမှု ရှိ၍၊ ယင်းက နိုင်ငံသားတို့အား နိုင်ငံတော်အဖွဲ့အစည်းများက ဖြစ်စေ၊ အခြားသောအဖွဲ့များ ဂိုဏ်းများ အင်အားစုများ က ဖြစ်စေ၊ မတရားဖမ်းဆီး ချုပ်နှောင်ခြင်း၊ နယ်နှင်ဒဏ်ပေးခြင်း ခြိမ်းခြောက်ခြင်း၊ အကြမ်းဖက်ခြင်း၊ ညှင်းပမ်းခြင်း၊ နေ့စဉ်လူမှုဘဝတွင် ဝင်ရောက် နှောင့်ယှက်ခြင်း၊ စသည်များ မပြုလုပ်နိုင်အောင် စောင့်ရှောက်ကာကွယ်ပေးသည်။

၁၁။ အထက်ကအချက်များအပြင် ယင်းတို့၏ အချုပ်ဟုဆိုရမည့် အရာတစ်ခု ရှိသေးသည်။ ဒါက ဖွဲ့စည်းပုံ အခြေခံဥပဒေ ဖြစ်သည်။

အထက်ကအကြောင်းအရာ အချက်အလက်များအားလုံးကို ဖွဲ့စည်းပုံအခြေခံဥပဒေတွင် ရှင်းလင်းတိကျစွာ ရေးထိုးထားသည့်အခါ အုပ်ချုပ်သူ အစိုးရတို့ လုပ်ပိုင်ခွင့်ရှိသောအရာနှင့် လုပ်ပိုင်ခွင့်မရှိသည့် အရာတို့ကို ကွဲပြားစွာမြင်ရသည်။

အုပ်ချုပ်သူတို့သည် ထိုစည်းဘောင်များကို ကျော်၍မရ။ ကျော်လာခဲ့သည်ရှိလျှင်လည်း လွတ်လပ်သော တရားရေးမဏ္ဍိုင်က ထောက်ပြ ကွပ် ညှပ်မှုပြုမည် ဖြစ်သည်။

ဥပဒေပြုမဏ္ဍိုင်မှ ပုဂ္ဂိုလ်တို့သည်လည်း မိမိတို့ချမှတ်လိုသည့် မူဝါဒများ အကောင်အထည်ဖော်ရန်အတွက် ဥပဒေများ ပြဋ္ဌာန်းသည့်အခါ အခြေ ခံဥပဒေနှင့် ညီညွတ်မှုရှိမရှိ စိစစ်ရသည်။ မညီညွတ်သော် ၎င်းတို့အား ကွပ်ကဲပိုင်ခွင့်ရှိသည့် အခြားသော အာဏာအဆောက်အအုံတို့က တည့်မတ် ထိန်း ကွပ်ကြမည်။

တရားစီရင်ရေးမဏ္ဍိုင်နှင့် စပ်လျဉ်း၍လည်း ထိုနည်း၎င်း။

ထို့ပြင် အများပြည်သူတို့သည်လည်း အခြေခံဥပဒေပါ ပြဋ္ဌာန်းချက်များကို ဖော်ထုတ်ပြောဆိုကာ မိမိတို့ လွတ်လပ်ခွင့်များကို ပိုင်ပိုင်နိုင်နိုင် ရယူ ခံစားနိုင်ကြမည်၊ အကယ်၍ မရရှိခဲ့သော် တရားဝင်တောင်းဆိုခြင်း၊ ကန့်ကွက်ခြင်းများ ပြုနိုင်ကြလိမ့်မည်။ ယင်းအား ချုပ်ချယ်တားမြစ်သော် ချုပ်ချယ် တားမြစ်သူတို့သည် အခြေခံဥပဒေပါ ပြဋ္ဌာန်းချက်ကို ဖောက်ဖျက် ကျူးလွန်သူများ ဖြစ်လာကြလိမ့်မည်။

ဤသည်က၊ ပြည်သူ့လွတ်လပ်ခွင့်များကို အလေးထားသည့် လစ်ဘရယ်ဒီမိုကရေစီစနစ်၏ လက္ခဏာရပ်တို့ကို ချုပ်၍ တင်ပြခြင်း ဖြစ်ပါသည်။

[ရည်ညွှန်း။ ။Larry Diamond ’Developing Democracy’]

*****************************************

 

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle2011
yangonchronicle2011

၃. ၇.၂၀၁၂

ပြည်တွင်းသတင်းများ

  1. အရည်အသွေး ညံ့ဖျင်းသည့် ဓာတ်မြေသြဇာများ တရုတ်နိုင်ငံမှတင်သွင်း
  2. ပြည်တွင်းအဖွဲ့ရှစ်ခုတွင် ကလေးစစ်သားအသုံးပြုလျက်ရှိ

ပြည်တွင်းပါတီ၊ နိုင်ငံရေးသတင်းများ

  1. ၂၀၁၅ မတိုင်မီ တိုင်းရင်းသားညီလာခံကျင်းပမည်
  2. လာမည့်လွှတ်တော်စည်းဝေးပွဲများတွင် မီဒီယာနှင့်ပတ်သက်၍ အဆိုတင်သွင်းမည်
  1. ရွေးကောက်ပွဲစနစ် ပြုပြင်ပြောင်းလဲရေးနှင့် ပတ်သက်၍ ဒီမိုမိတ်ဆွေပါတီများ ထုတ်ပြန်ကြေညာ

သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

အရည်အသွေး ညံ့ဖျင်းသည့် ဓာတ်မြေသြဇာများ တရုတ်နိုင်ငံမှတင်သွင်း

မြန်မာနိုင်ငံ၏ လယ်ယာကဏ္ဍတွင် အခက်အခဲများဖြစ်ပေါ်စေရန်နှင့် ထုတ်လုပ်မှုနှုန်းများ ကျဆင်းသွားနိုင်စေရန် အရည်အသွေးညံ့ဖျင်းလျက် ရှိသည့် ဓာတ်မြေသြဇာများကို တရုတ်နိုင်ငံမှ ပြည်တွင်းသို့ တင်သွင်းလျက်ရှိကြောင်း တောင်သူတစ်ဦး၏ ပြောကြားချက်အရ သိရသည်။

“တရုတ်နိုင်ငံကလာတဲ့ ဓာတ်မြေသြဇာတွေကို သုံးလိုက်တာ ထုတ်လုပ်မှုတွေကျဆင်းသွားတယ်။ ထုတ်လုပ်မှုတွေကျဆင်းသွားတော့ တောင် သူတွေအတွက် အရှုံးပေါ်တာပေါ့။ နိုင်ငံတော်အနေနဲ့ ဒီကိစ္စကို သေသေချာချာ စစ်ဆေးကြပ်မတ်မှုတွေ လုပ်သင့်ပါတယ်”ပာု ၎င်းက ဆိုသည်။

လက်ရှိ ပြည်တွင်းစိုက်ပျိုးရေးသုံး ဓာတ်မြေသြဇာ ဈေးကွက်အတွင်းသို့ ဝင်ရောက်လျက်ရှိသည့် တရုတ်နိုင်ငံထုတ် ဓာတ်မြေသြဇာများမှာ အခြားဓာတ်မြေသြဇာများနှင့် ပါဝင်မှုပစ္စည်းရာခိုင်နှုန်းများ တူညီသည့်အပြင် ဈေးနှုန်းမှာလည်း သက်သာသည့်အတွက် တောင်သူများမှ ယင်းဓာတ်မြေ သြဇာကိုသာ ဝယ်ယူသုံးစွဲခဲ့ပြီး ရာသီချိန် အသီးထွက်ပေါ်လာသည့်အခါ တရုတ်ဓာတ်မြေသြဇာ သုံးထားသည့် စိုက်ခင်းများမှာ အခြားစိုက်ခင်းများနှင့် အသီးအောင်နှုန်းများ မတူညီသည့်အပြင် လယ်မြေများလည်း ပျက်စီးဆုံးရှုံးခဲ့ရကြောင်း သိရသည်။

“တရုတ်ဓာတ်မြေသြဇာသုံးထားတဲ့ စိုက်ခင်းတွေဆိုရင် အရမ်းသိသာတယ်။ သူတို့ရဲ့ အသီးအောင်နှုန်းနဲ့ အခြားစိုက်ခင်းတွေက ရရှိတဲ့ သီးနှံ အောင်နှုန်းတွေက မတူညီဘူး။ ဒီလိုဖြစ်တော့ အဓိကနစ်နာတာက တောင်သူတွေပဲ။ တရုတ်နိုင်ငံရဲ့ ဘယ်သူသေသေ ငတေမာရင်ပြီးရောဆိုပြီး ထုတ် ထားတဲ့ ဓာတ်မြေသြဇာတွေကို မသုံးဖို့အတွက်လည်း နိုင်ငံတော်က စီမံချက်ချပြီး တခြားတောင်သူတွေသိအောင် အသိပညာပေးတာတွေ လုပ်ဆောင် သင့်တယ်”ပာု ရှမ်းပြည်နယ်တောင်ပိုင်းမှ တောင်သူတစ်ဦးက ဆိုသည်။

လက်ရှိအချိန်တွင် ပြည်တွင်းရှိ တောင်သူများမှာ စပါဈေးနှုန်းများကျဆင်းခြင်း၊ လယ်ယာမြေလုပ်သားရှားပါးခြင်းနှင့် စိုက်ပျိုးစရိတ်ချေးငွေ အပြည့်အဝ မရရှိမှုများကြောင့် အခက်အခဲအကြပ်အတည်းနှင့် ရင်ဆိုင်ရလျက်ရှိကြောင်း သိရသည်။

YC

-----------------------------------------------------------------------------------------------------------------------------------

ပြည်တွင်းအဖွဲ့ရှစ်ခုတွင် ကလေးစစ်သားအသုံးပြုလျက်ရှိ

မြန်မာနိုင်ငံအတွင်းရှိ ပြည်တွင်းလက်နက်ကိုင် အဖွဲ့ရှစ်ခုတွင် ကလေးစစ်သားအသုံးပြုလျက်ရှိကြောင်း ကုလသမဂ္ဂမှ စာရင်းထုတ်ပြန်ကြေညာ လိုက်ကြောင်း သတင်းမီဒီယာများ၏ သတင်းဖော်ပြချက်အရ သိရှိရသည်။

ကလေးစစ်သားများ အသုံးပြုလျက်ရှိသည့် ပြည်တွင်းအဖွဲ့ရှစ်ခုမှာ တပ်မတော်၊ ဒီမိုကရက်တစ် ဗုဒ္ဓဘာသာစစ်တပ်၊ ကချင်လွတ်မြောက်ရေး တပ်(KIA)၊ ကရင်အမျိုးသားလွတ်မြောက်ရေးတပ်၊ ကရင်အမျိုးသားလွတ်မြောက်ရေးတပ်-ငြိမ်းချမ်းရေးကောင်စီ၊  ကရင်နီတပ်၊ ရှမ်းပြည်နယ်တပ် (SSA) တောင်ပိုင်းနှင့် ‘ဝ’ အမျိုးသားတပ်မတော်တို့ဖြစ်ကြောင်း သိရသည်။

“ပြည်တွင်းမှာ ကလေးစစ်သားတွေ စုဆောင်းနေတာ တပ်မတော်အပါအဝင် အဖွဲ့ရှစ်ခုရှိတယ်လို့ ကုလက သတင်းထုတ်ပြန်ထားပါတယ်။ ဒီထဲ မှာ တိုင်းရင်းသားလက်နက်ကိုင်တပ်တွေလည်း ပါဝင်ပါတယ်။ ကလေးသူငယ်တွေရဲ့ အခွင့်အရေးဆိုင်ရာတွေအတွက် တိကျတဲ့ ဥပဒေပြဋ္ဌာန်းဖို့တွေ လို နေပါပြီ”လူ့အခွင့်အရေးလှုပ်ရှားသူတစ်ဦးက ဆိုသည်။

ပြီးခဲ့သည့် ၂၀၁၂ ဇွန်လ ၂၉ ရက်နေ့တွင် မြန်မာနိုင်ငံအစိုးရနှင့် ကုလသမဂ္ဂတို့အကြား ကလေးသူငယ်များအား စစ်မှုထမ်းခြင်းမှ ကာကွယ်တား ဆီး ထိန်းသိမ်းရေးဆိုင်ရာလုပ်ငန်းစီမံချက်ကို လက်မှတ်ရေးထိုးခဲ့သော်လည်း အရွယ်မရောက်သေးသူ ကလေးသူငယ်များအား စစ်မှုထမ်းခြင်းမှ ကာ ကွယ်ရန်အတွက် လုပ်ငန်းအစီအစဉ်လက်မှတ်ရေးထိုးရာတွင် တပ်မတော်နှင့်သာ လက်မှတ်ရေးထိုးနိုင်ပြီး အခြားလက်နက်ကိုင်အဖွဲ့အစည်းများနှင့် လက်မှတ်ရေးထိုးနိုင်ခြင်းမရှိသေးကြောင်း ကုလအတွင်းရေးမှူးချုပ်၏ ကလေးသူငယ်နှင့် လက်နက်ကိုင်ပဋိပက္ခဆိုင်ရာ အထူးကိုယ်စားလှယ် မစ္စရာဒီ ကာ ကုမာရဆွာမိက ပြောကြားကြောင်း ပြည်တွင်းဂျာနယ်များတွင် ဖော်ပြပါရှိသည်။

“တပ်မတော်နဲ့ လက်မှတ်ရေးထိုးပြီးလို့ ကလေး ၅၂၅ ယောက်မှာ ၄၀၀ ကို နေရပ်ပြန်ပို့တော့မှာပါ။ နောက်ကျန်တဲ့ တိုင်းရင်းသားလက်နက်ကိုင် အဖွဲ့အစည်းတွေက ကလေးတွေအတွက်လဲ ဆက်လက်ဆောင်ရွက်ခွင့်ရထားတယ်။ သူတို့တွေနဲ့ တွေ့ဆုံဆွေးနွေးသွားဖို့တွေလဲ ရှိပါတယ်”ပာု ၎င်းက ဆက်လက်ပြောကြားသည်။

လက်ရှိအချိန်တွင် မြန်မာအစိုးရသည် ပြည်တွင်းလက်နက်ကိုင်တပ်များနှင့် ငြိမ်းချမ်းရေးညှိနှိုင်းဆွေးနွေးမှုများ ပြုလုပ်လျက်ရှိပြီး ကလေးသူငယ် များ၏ အခွင့်အရေးဆိုင်ရာများအတွက် ကြိုးပမ်းလျက်ရှိကြောင်း ပြည်ထောင်စုငြိမ်းချမ်းရေးဖော်ဆောင်ရေးအဖွဲ့မှ တာဝန်ရှိသူတစ်ဦးက ဆိုသည်။

YC

 *****************************************

ပြည်တွင်းပါတီ၊ နိုင်ငံရေးသတင်းများ

၂၀၁၅ မတိုင်မီ တိုင်းရင်းသားညီလာခံကျင်းပမည်

လာမည့် ၂၀၁၅ မတိုင်မီကာလအတွင်း ပြည်တွင်းရှိ လက်နက်ကိုင်တိုင်းရင်းသားတပ်ဖွဲ့များ အပါအဝင် တိုင်းရင်းသားပေါင်းစုံပါဝင်သည့် တိုင်းရင်းသားညီလာခံကို နေပြည်တော်၌ ကျင်းပသွားမည်ဖြစ်ကြောင်း ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းက ၂၀၁၂ ဇူလိုင် ၁ ရက်နေ့တွင် နေပြည်တော်ရှိ စက်မှုဝန်ကြီးရုံးတွင် ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားချက်အရ သိရသည်။

''ကျွန်တော်တို့ နိုင်ငံတော်သမ္မတကြီးရဲ့ Road Map မှာ အဆင့် ၃ ဆင့် ပြောထားပြီးဖြစ်ပါတယ်။ အဲဒီအဆင့် ၃ ဆင့်ထဲမှာ ပထမဆင့်မှာ အပစ် အခတ်ရပ်စဲဖို့ ဒုတိယအဆင့်မှာ Political Dialouge တွေ လုပ်မယ်။ နေရာချထားရေး၊ ဖွံ့ဖြိုးရေးတွေလုပ်ပြီးလို့ စိတ်ချရတဲ့အနေအထား တိုင်းရင်းသား ၁၃၅ မျိုးလုံးပါဝင်တဲ့ အစည်းအဝေးကြီးတစ်ခုလုပ်ပါမယ်။ အဲဒီအစည်းအဝေးမှာ နိုင်ငံရေးပါတီတွေလည်းပါမယ်။ အန်င်ဂျီအိုတွေလည်းပါမယ်။ အဲဒီအဖွဲ့ တွေ အားလုံးပါဝင်တဲ့ အစည်းအဝေးကြီးတစ်ခု နေပြည်တော်မှာ ကျင်းပပါမယ်”ပာု ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်း က ဆိုသည်။

တိုင်းရင်းသားပေါင်းစုံပါဝင်သည့် ယင်းညီလာခံကြီးတွင် ဖွဲ့စည်းပုံအခြေခံဥပဒေပါ တိုင်းရင်းသားအခွင့်အရေးများနှင့် ပတ်သက်၍ ပေးနိုင်သမျှ ကို ပေးသွားမည်ဖြစ်ပြီး ယင်းအစည်းအဝေးမှရရှိသည့် သဘောတူဆုံးဖြတ်ချက်များကို လွှတ်တော်သို့ပေးပို့၍ အဆုံးအဖြတ်ယူသွားမည်ဖြစ်ကြောင်း ပြည်ထောင်စုဝန်ကြီးက ဆက်လက်ပြောကြားသည်။

“ဒီတိုင်းရင်းသားညီလာခံကို ၂၀၁၅ မတိုင်မီ ကျင်းပမှာဖြစ်ပါတယ်။ ၂၀၁၅ မှာ တာဝန်ယူမယ့် အစိုးရသစ်လက်ထက်ကို ဒီကိစ္စကို မလွှဲခဲ့ဘူး။ ဒီမတိုင်ခင် အပြီးလုပ်မှာဖြစ်တယ်”ပာု ပြည်ထောင်စုဝန်ကြီး ဦးအောင်မင်းက ပြောကြားကြောင်း ပြည်တွင်းသတင်းမီဒီများ၏ သတင်းဖော်ပြချက်အရ သိရှိရသည်။

မြန်မာနိုင်ငံသည် အစိုးရသစ်လက်ထက်မှ စတင်၍ ပြည်တွင်းငြိမ်းချမ်းရေးဖော်ဆောင်မှုများကို လုပ်ဆောင်လျက်ရှိသည့်အပြင် ပြည်တွင်းတိုင်း ရင်းသားလက်နက်ကိုင်အဖွဲ့များနှင့်လည်း တွေ့ဆုံညှိနှိုင်းဆွေးနွေးမှုများပြုလုပ်ခဲ့ပြီး လက်ရှိအချိန်တွင် ပြည်တွင်းလက်နက်ကိုင်တပ်ဖွဲ့(၁၁)ဖွဲ့အနက် (၁၀)ဖွဲ့နှင့် အပစ်အခတ်ရပ်စဲရေး သဘောတူညီချက်များကို ရရှိခဲ့ပြီးဖြစ်ကြောင်း သိရသည်။

YC

-----------------------------------------------------------------------------------------------------------------------------------

လာမည့်လွှတ်တော်စည်းဝေးပွဲများတွင် မီဒီယာနှင့်ပတ်သက်၍ အဆိုတင်သွင်းမည်

၂၀၁၂ ဇူလိုင် ၄ ရက်နေ့တွင် စတင်ကျင်းပမည့် စတုတ္ထအကြိမ်မြောက် ပထမလွှတ်တော်ပုံမှန်အစည်းအဝေးများတွင် မီဒီယာနှင့်ပတ်သက်၍ လွတ်လပ်စွာ ပြောဆို၊ ရေးသား၊ ထုတ်ဝေခွင့်များ ရရှိနိုင်စေရန် အဆိုတင်သွင်းမှုများ ပြုလုပ်သွားမည်ဖြစ်ကြောင်း ပြည်သူ့လွှတ်တော်ကိုယ်စားလှယ် တစ်ဦးက ပြောကြားချက်အရ သိရသည်။

“အခုကျင်းပမယ့် လွှတ်တော်ပုံမှန် အစည်းအဝေးမှာ မီဒီယာနဲ့ ပတ်သက်တဲ့ မေးခွန်းတွေ၊ အဆိုတွေကို တင်သွင်းသွားမှာပါ။ အခုလက်ရှိ မီဒီယာ နဲ့ ပတ်သက်ပြီး အားနည်းချက်တွေ တော်တော်များပါတယ်။ မီဒီယာကို အကာအကွယ်ပေးမယ့် ဥပဒေတွေ၊ နည်းဥပဒေတွေလည်း မရှိသေးပါဘူး။ ဒါကြောင့် မီဒီယာတွေအားလုံး လွတ်လပ်စွာ ပြောဆိုရေးသား ထုတ်ဝေခွင့်တွေရအောင် အဆိုတင်သွင်းမှာပါ”ပာု ၎င်းက ပြောကြားသည်။

မီဒီယာဥပဒေ အမြန်ထွက်ပေါ်လာနိုင်စေရေးအတွက် လွှတ်တော်အစည်းအဝေးများတွင် ဥပဒေတစ်ရပ်ပြဋ္ဌာန်းရာတွင် အချိန်ကြန့်ကြာမှုများ မရှိစေရေးအတွက် ဥပဒေကြမ်းရေးဆွဲသူများအနေဖြင့် အချက်အလက် ပြည့်စုံမှန်ကန်စွာဖြင့် တင်ပြရန်လိုအပ်ပြီး အချက်အလက် ပြည့်စုံမှန်ကန်မှု မရှိ ပါက လွှတ်တော်တွင်း ဆွေးနွေးသည့်အခါများတွင် မလိုလားအပ်သည့် အချိန်ကြန့်ကြာမှုများရှိသောကြောင့် နိုင်ငံဖွံ့ဖြိုးတိုးတက်ရေး လုပ်ငန်းစဉ်များ မှာလည်း နှောင့်နှေးသွားနိုင်မည်ဖြစ်ကြောင်း အမျိုးသားလွှတ်တော်ကိုယ်စားလှယ်တစ်ဦးက ဆိုသည်။

“လွှတ်တော်ထဲမှာ ဥပဒေတစ်ရပ်ပြဋ္ဌာန်းတော့မယ်ဆိုရင် အချက်အလက်မပြည့်ရင် ငြင်းခုံတာတို့၊ ဆွေးနွေးတာတို့နဲ့ အချိန်တွေ တော်တော်ကို ကြာသွားပါတယ်။ ဒါဆို မလိုလားအပ်တဲ့ အချိန်ကုန်တာတွေ၊ လူပင်ပန်းတာတွေပဲ အဖက်တင်တယ်။ ဒါကြောင့် လွှတ်တော်ကိုယ်စားလှယ်တွေအနေနဲ့ အဆိုတစ်ခု တင်သွင်းပြီဆိုရင် အချက်အလက် ပြည့်စုံမှန်ကန်ဖို့လိုပါတယ်”ပာု ၎င်းက ပြောကြားသည်။

လက်ရှိအချိန်တွင် လွှတ်တော်ကိုယ်စားလှယ်များမှ ဥပဒေကြမ်းများကို လွှတ်တော်မခေါ်မီ တစ်လကြိုတင်၍ ပေးပို့ရပြီး အဆိုတင်သွင်းမည်ဆိုပါ က ၁၅ ရက်၊ မေးခွန်းမေးမြန်းမည်ဆိုပါက ၁၀ ရက်ကြိုတင်၍ လည်းကောင်း ပေးပို့ရကြောင်း သိရသည်။

YC

-----------------------------------------------------------------------------------------------------------------------------------

ရွေးကောက်ပွဲစနစ် ပြုပြင်ပြောင်းလဲရေးနှင့် ပတ်သက်၍ ဒီမိုမိတ်ဆွေပါတီများ ထုတ်ပြန်ကြေညာ

ဒီမိုကရေစီမိတ်ဆွေပါတီများမှ ရွေးကောက်ပွဲစနစ်ပြုပြင်ပြောင်းလဲရေးနှင့် ပတ်သက်၍ အမျိုးသားဒီမိုကရေစီအင်အားစု (NDF) ပါတီဌာနချုပ် တွင် ဒုတိယမြောက်နေ့ဆွေးနွေးပွဲအား ဆက်လက်ကျင်းပပြုလုပ်ခဲ့ပြီး သဘောထားများ ထုတ်ပြန်ကြေညာခဲ့သည်။

ရွေးကောက်ပွဲစနစ်ပြုပြင်ပြောင်းလဲရေးနှင့် ပတ်သက်၍ ဒီမိုမိတ်ဆွေပါတီများ၏ ထုတ်ပြန်ကြေညာချက်ရခြင်းမှာ နောင်လာမည့် ရွေးကောက်ပွဲ များတွင် ပါတီငယ်များ၊ တိုင်းရင်းသားလူမျိုးများစွာရှိသော မြန်မာနိုင်ငံနှင့် သင့်တော်ပြီး စစ်မှန်သောပါတီစုံဒီမိုကရေစီစနစ် ဖြစ်ပေါ်လာနိုင်စေရန်၊ ဒီမိုက ရေစီစနစ် အဓွန့်ရှည်စေရန်အတွက် ကမ္ဘာ့နိုင်ငံအသီးသီးတွင် ကျင့်သုံးလျက်ရှိသော ခေတ်မီသည့်ရွေးကောက်ပွဲစနစ်ကို ပြောင်းလဲရန် ရည်ရွယ်ခြင်း ဖြစ်ကြောင်း သိရသည်။

ဒီမိုမိတ်ဆွေပါတီများ၏ သဘောထားကြေညာချက်မှာ မြန်မာနိုင်ငံ၏ လွတ်လပ်ရေးရပြီးနောက်ပိုင်း ကျင်းပပြီးစီးခဲ့သည့် ရွေးကောက်ပွဲများတွင် ဝင်ရောက်ယှဉ်ပြိုင်သူ ကိုယ်စားလှယ်လောင်းများအနက် မဲအများဆုံးရရှိသူတစ်ဦးသာ အနိုင်ရသည့်စနစ် (First Past The Post-FPTP System)ကို ကျင့်သုံးလာခြင်းဖြစ်သည့်အတွက် ရွေးကောက်ပွဲကိုယ်စားလှယ်များနှင့် မဲဆန္ဒရှင်ပြည်သူများအတွက် အဆင်မပြေဖြစ်ရကြောင်း၊ ထို့ကြောင့် (FPTP) စနစ်အား နိုင်ငံရေးအုပ်စုများကို မိမိတို့ရရှိသည့် ဆန္ဒမဲအနည်းအများအလိုက် လွှတ်တော်၌ ကိုယ်စားပြုခွင့်ရစေမည့် (Proportional Representat- ive-PR System)ကို အသုံးပြုစေလိုကြောင်း ဖော်ပြပါရှိသည်။

ထို့ပြင် လက်ရှိ ကမ္ဘာ့နိုင်ငံအသီးသီးတွင်လည်း (PR) စနစ်ကို အသုံးပြုလျက်ရှိပြီး (Proportional Representative-PR)စနစ်ကို အသုံးပြုခြင်း အားဖြင့် မဲဆန္ဒရှင်ပြည်သူများ၏ ကွဲပြားခြားနားသော ဆန္ဒသဘောထားများကို လွှတ်တော်၌ ထင်ပာပ်နိုင်ပြီး မဲများ အလပာဿဆအကျိုးမဲ့ဖြစ်ထွန်းမှုကို နည်းသွားနိုင်မည်ဖြစ်သည့်အတွက် ရွေးကောက်ပွဲတွင် ပြည်သူလူထုပါဝင်မှု တိုးတက်လာခြင်း၊ ပါတီငယ်များ၊ တိုင်းရင်းသားပါတီများ၊ တစ်သီးပုဂ္ဂလ ကိုယ်စားလှယ်လောင်းများအတွက် မျှတသည့် ကိုယ်စားပြုခွင့်ရခြင်းအပြင် စစ်မှန်သော ပါတီစုံထွန်းကားရေး ရွေးကောက်ခံ အာဏာရှင်စနစ်(Electrol Dictatorship) ကို တားဆီးနိုင်မည်ဖြစ်ကြောင်း ထုတ်ပြန်ကြေညာချက်ထဲ၌ ထည့်သွင်းဖော်ပြထားသည်။

ထို့ကြောင့် နောင်လာမည့် ရွေးကောက်ပွဲများတွင် ခေတ်မီပြီး တရားမျှတသည့် အချိုးကျကိုယ်စားပြုစနစ် (RP) (သို့) (PR)နှင့် (FPTP) နှစ်မျိုး လုံးမှ ကောင်းမွန်သည့် အချက်များ ပေါင်းစပ်ကျင့်သုံးသည့် ကိုယ်စားလှယ်နှောအချိုးကျစနစ် (Mixed Member Proportional-MMP System) ကို ကျင့်သုံးနိုင်ရေးအတွက် ကြိုးပမ်းသွားမည်ဖြစ်ကြောင်း သိရသည်။

ယင်းဒီမိုမိတ်ဆွေ ၁၀ ပါတီအစည်းအဝေးသို့ အမျိုးသားဒီမိုကရေစီအင်အားစု(NDF)ပါတီ၊ ဒီမိုရက်တစ်ပါတီ(မြန်မာ)၊ ချင်းအမျိုးသားပါတီ၊ ညီ ညွှတ်ရေးနှင့် ငြိမ်းချမ်းရေးပါတီ၊ ဒီမိုကရေစီနှင့် ငြိမ်းချမ်းရေးပါတီ၊ ပြည်ထောင်စုငြိမ်းချမ်းရေးပါတီ၊ ဖလုံ-စဝေါ် ဒီမိုကရက်တစ်ပါတီ၊ မွန်ဒေသလုံးဆိုင်ရာ ပါတီ၊ ရခိုင်တိုင်းရင်းသားများ တိုးတက်ရေးပါတီနှင့် ရှမ်းတိုင်းရင်းသားဒီမိုကရက်တစ်ပါတီတို့မှ တာဝန်ရှိသူများ တက်ရောက်ခဲ့သည်။

YC

****************************************

သတင်းနှင့် ဆောင်းပါးများမှ ကောက်နှုတ်ချက်များ

“လူငယ်တွေ ဘယ်လိုအကျိုးရှိသလဲဆိုတာ ပြောရရင်တော့ အာဆီယံနဲ့ ထိတွေ့ဆက်ဆံမှုတွေ တိုးလုပ်နေလို့ မြန်မာနိုင်ငံက လူငယ်တွေအတွက် ဘယ် လိုသက်ရောက်မှုမျိုးတွေ ရှိတယ်ဆိုတာ ကြည့်ရပါမယ်။ လူငယ်တွေအတွက် ပိုကောင်းတဲ့ စီးပွားရေးအခွင့်အလမ်းတွေ ပိုကောင်းမွန်တဲ့ ပညာအခွင့် အလမ်းတွေ ရှိမှာလားဆိုတဲ့အပေါ်မှာ မူတည်ပါတယ်။ လောလောဆယ်တော့ အာဆီယံကြောင့် မြန်မာလူငယ်များ ဘယ်လိုအကျိုးတွေ ရရှိနေတယ် ဆိုတာ ပြောလို့မရသေးပါဘူး”

ဇူလိုင်လ၂ရက်နေ့ထုတ် Newsweek ဂျာနယ် အတွဲ(၂) အမှတ်(၃၇) တွင်ပါရှိသည့် "ဒေါ်အောင်ဆန်းစုကြည်နှင့် Sorbonne တက္ကသိုလ် ကျောင်းသား/ ကျောင်းသူများ တွေ့ဆုံဆွေးနွေး"သတင်းမှ အာဆီယံဖွဲ့ဝင်ဖြစ်ခြင်းကြောင့် မြန်မာနိုင်ငံမှလူငယ်များ ဘယ်လိုအကျိုးရှိသည်ဆိုသော မေးခွန်းအပေါ် ဒေါ်အောင်ဆန်းစုကြည်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ဆိုလိုတာက ကြားဖြတ်ရွေးကောက်ပွဲကိုပဲကြည့်။ မဲအရပြောရင် ကြံ့ခိုင်ရေးလည်း မဲအများကြီးရတာပဲ။ တစညတို့၊ ကျွန်တော်တို့ပါတီတို့လည်း မဲရခဲ့ တာပဲ။ ဒါပေမယ့် ရာခိုင်နှုန်းနဲ့တွက်ရင် ကျန်တဲ့ပါတီတွေက ဘေးရောက်ပြီး သုညတွေချည်းပဲ ဖြစ်ကုန်တယ်။ လွှတ်တော်တက်ခွင့်မရဘူး။ ဒီတော့ မဲပေး ခဲ့တဲ့ မဲဆန္ဒရှင်တွေအတွက် နစ်နာတာပေါ့။ နှစ်ပါတီတည်းဖြစ်သွားလို့ balance ဖြစ်နေရင် ကိစ္စမရှိဘူး။ တစ်ပါတီတည်းမဲပေးနိုင်ပြီး လွှတ်တော်ထဲ ရောက်သွားမယ်ဆိုရင် လုပ်ချင်တာလုပ်လို့မရဘူး။ ဒါဆိုရင် ရွေးကောက်ခံအာဏာရှင်စနစ် ဖြစ်လာနိုင်တယ်။ ဒါကြောင့် ကျွန်တော်တို့က ပြောင်းလဲဖို့ ဆွေးနွေးကြတာပါ”

ဇူလိုင်လ၂ရက်နေ့ထုတ် Weekly Eleven ဂျာနယ် အတွဲ(၇) အမှတ်(၃၉) တွင်ပါရှိသည့်"ရွေးကောက်ပွဲကျင်းပပုံစနစ် ပြောင်းလဲရန် ဒီမိုကရေစီ မိတ်ဆွေပါတီများ ဆွေးနွေး"သတင်းမှ အမျိုးသားဒီမိုကရေစီအင်အားစု ပါတီခေါင်းဆောင် ဒေါက်တာသန်းငြိမ်း၏ ပြောကြားချက်အပေါ် ကောက်နှုတ် ချက်

-----------------------------------------------------------------------------------------------------------------------------------

“နိုင်ငံခြားငွေလဲနှုန်းတက်လာတော့ ပို့ကုန်လုပ်ငန်းရှင်တွေ ပိုအဆင်ပြေလာနိုင်တယ်။ အခုအချိန်မှာ အခြေခံစိုက်ပျိုး ထုတ်လုပ်သူလက်ထဲမှာ ကုန် ပစ္စည်းမရှိရင်တော့ လက်ငင်းအကျိုးခံစားခွင့် နည်းနိုင်တယ်။ ဒါပေမယ့် ပို့ကုန်တင်ပို့မှု များလာရင်တော့ ဈေးပြန်ရလာမယ်လို့ မျှော်လင့်တယ်။ အခု လည်း ငွေလဲနှုန်းပြန်တက်လာတာက အစိုးရက အလုပ်ဖြစ်အောင် လုပ်ပေးတဲ့သဘောလို့ ယူဆပါတယ်။ အလုပ်ပိုဖြစ်လာရင် ငွေကြေးလည်ပတ်မှုလည်း ပိုအဆင်ပြေလာနိုင်တယ်။ ငွေလဲနှုန်းက စီပွားရေးလုပ်ငန်းတွေ လုပ်သာကိုင်သာရှိတဲ့နှုန်း ဖြစ်ဖို့လိုသလို တည်ငြိမ်မှုရှိဖို့ လည်းအရေးကြီးပါတယ်။ ဒါကြောင့် ဖြစ်သင့်ဖြစ်ထိုက်တဲ့ နှုန်းထားတစ်ခုဖြစ်လာရင် တည်ငြိမ်အောင်ထားဖို့ အဓိကကျတယ်။ ငွေကြေးဖောင်းပွမှုနှုန်း ဖြစ်သင့်တာ ထက် ပိုမမြင့်ဖို့ လိုတယ်။ အခုအနေအထားမှာ ပို့ကုန်တင်ပို့မှု တိုးလာမှာဖြစ်တဲ့အတွက် သွင်းကုန်တင်သွင်းမှုတွေလည်း ပိုများလာနိုင်တယ်။ ကုန်သွယ်ရေးနဲ့ ရင်းနှီးမြှပ်နှံ မှုတိုးလာရင် မြန်မာ့စီးပွားရေး အိပ်ပျော်နေရာက ပြန်နိုးလာမှာပါ”

ဇူလိုင်လ၂ရက်နေ့ထုတ် Weekly Eleven ဂျာနယ် အတွဲ(၇) အမှတ်(၃၉) တွင်ပါရှိသည့်"နိုင်ငံခြားငွေလဲနှုန်း နှုန်းရှင်သတ်မှတ်ပြီး နှစ်လကျော်အတွင်း မြန်မာငွေတန်ဖိုး ၁၀ရာခိုင်နှုန်းခန့်ထိုးကျ ငွေကြေးမတည်မငြိမ်ဖြစ်လာမည်ကို လူအများစိုး ရိမ်"သတင်းမှ ပါမောက္ခဒေါ်လှမြင့် (ဌာနမှူး (ငြိမ်း)၊ စီမံခန့်ခွဲ မှုပညာဌာန၊ ရန်ကုန်စီးပွားရေးတက္ကသိုလ်)၏ ပြောကြားချက်အပေါ် ကောက်နှုတ်ချက်

**************************************

 

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs