Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၁၉.၇.၂၀၁၂

ဆောင်းပါးကဏ္ဍ

  1. ပြည်သူများအပေါ် စေတနာရှိသော

*****************************************

ဆောင်းပါးကဏ္ဍ

ပြည်သူများအပေါ် စေတနာရှိသော

မိုးမြင့်ငြိမ်း

မြန်မာနိုင်ငံ၏ ဒီမိုကရေစီအသွင်ကူးပြောင်းမှုမှာ လူ့အဖွဲ့အစည်း၏ ပိရမစ်ထိပ်ပိုင်းရှိ အင်အားစုက ဦးဆောင်ပြောင်းလဲလာခဲ့ခြင်း ဖြစ်သည်။ ရှေ့ဆောင်ပုဂ္ဂိုလ်များကြား အပြန်အလှန် ညှိနှိုင်းဈေးဆစ် (Elite  Bargain) ပြီးမှ အပြောင်းအလဲများ ဖြစ်ထွန်းလာခဲ့ခြင်းဖြစ်သည်။ သို့နှင့် မြန်မာနွေဦး မှာ အာရပ်နွေဦးအပါအဝင် ဒီမိုကရေစီကျင့်သုံးမှု ရင့်ကျက်ပြည့်ဝနေပြီးဖြစ်သော အနောက်နိုင်ငံများ၏ ဒီမိုကရေစီအသွင်ကူးပြောင်းရေးပုံစံနှင့် တူညီနိုင် မည်မဟုတ်။ ကိုယ့်အရပ်၊ ကိုယ့်ဇတ်သာဖြစ်သည်။ ထိုကြောင့် ယခုအခါတွင် ထိပ်ပိုင်းမှ ဒီမိုကရေစီ လက်တွေ့ကျင့်သုံးရာတွင် အလေ့အကျင့်အရ အားနည်းချက်များရှိနေသော်လည်း အလုပ်ဖြစ်အောင်တော့ ဆောင်ရွက်နိုင်ကြသည်ကို တွေ့ရသည်။

သို့သော် အောက်ခြေပိုင်းမှာတော့ ပြောင်းလဲလာသည့် စနစ်သစ်နှင့်အညီ လိုက်ပါပြောင်းလဲရန် များစွာ လိုအပ်နေသေးကြောင်း တွေ့ရသည်။ အထူးသဖြင့် ဌာနဆိုင်ရာဝန်ထမ်းများဆိုလျှင် သာ၍ဆိုးပါသည်။ စာရေးသူအနေဖြင့် ပြည်သူ့ဝန်ထမ်းများကို ပုတ်ခတ်ပြောကြားလိုခြင်း မဟုတ်ပါ။ နိုင်ငံ တည်ဆောက်ရေးတွင် ပြည်သူရေးရာဝန်ဆောင်မှုများကို ပြည်သူများအား ပေးအပ်နေသော ယင်းတို့ အခန်းကဏ္ဍအရေးကြီးပုံကို မီးမောင်းထိုးပြလိုရင်း ပင် ဖြစ်သည်။ တနည်းအားဖြင့်ဆိုရလျှင် ကောင်းမွန်သည့် အုပ်ချုပ်ရေးဖြစ်ထွန်းလာအောင် ဆောင်ရွက်ကြဖို့ဖြစ်သည်။ အစိုးရဌာနဆိုင်ရာများတွင် အရိုးစွဲနေပြီဖြစ်သော အထက်လူကြီးအား ဘဝရှင်မင်းတရားကြီးသဖွယ် ဆက်ဆံနေသည့် ယဉ်ကျေးမှုကြီးစိုးနေသည်ကို တွေ့ရသည်။ ထိုသို့ ဆက်ဆံ ရခြင်းမှာလည်း နေရာတစ်နေရာရရှိရေးအပြင်၊ ရရှိပြီးနေရာကို လုံခြုံစေလို၍ ဖြစ်သည်။ သို့သော် အထက်လူကြီး၏ မျက်နှာသာပေးခြင်းခံရအောင်၊ မငြို ငြင်အောင် ထိုသို့ဆက်ဆံနေသော်လည်း လက်အောက်ငယ်သားကိုတော့ တလေးတစားဆက်ဆံသည့် လုပ်ငန်းခွင်မျိုးတော့ ဖြစ်မလာပါ။ စီမံခန့်ခွဲမှု ပညာရှင် ဒေါက်တာအောင်ထွန်းသက်ပြောသလို အပေါ်ဖားအောက်ဖိ ယိုးဒယားအကဟန်ပန် ဆက်ဆံရေးမျိုးသာ ဖြစ်သည်။

ဤနေရာ၌ စာရေးသူ၏ အတွေ့အကြုံတစ်ခုပြောပြလိုပါသည်။ ဌာနဆိုင်ရာတစ်ခုသို့ စာရေးသူရောက်ရှိချိန်၌ ရုံးဝန်ထမ်းများသည် အထက် လူကြီးအား လိုအပ်သည်ထက်ပိုသော ရိုသေလေးစားမှုမျိုးကို ကြုံတွေ့ခဲ့ရသည်။ စာရေးသူရောက်ရှိရာ အစိုးရရုံးရှေ့တွင် မိုးအသည်းအသန်ရာ၍ မိုးခို နေစဉ် လူကြီးလာမည်ဟူသော သတင်းကြောင့် ရုံးဝန်ထမ်းများက မိုးမခိုရန်နှင့် အခြားနေရာသို့ ထွက်သွားပေးရန် အတင်းအကြပ် တောင်းဆိုတော့ သည်။ စာရေးသူမှာ ထီးမပါသည့်အပြင် မိုးလွတ်ရန်ခိုနားရာ နောက်ထပ်နေရာမှာလည်း အတန်ငယ် ဝေးကွာနေသဖြင့် စိတ်ကသိကအောက် ဖြစ်သော်လည်း နားလည်ပေးလိုက်ပါသည်။ တစ်ခုဆိုးသည်မှာ ထိုအဆောက်အအုံရှေ့သို့ ဖြတ်သွားသော နိုင်ငံသားများကိုပင် အမြန်လျှောက်ရန် အတင်းအကြပ်ပြောဆိုနေခြင်းကြောင့် အချင်းပွားမှု အနည်းငယ်ဖြစ်သွားခဲ့သည်ကို မြင်တွေ့ခဲ့ရသည်။

ဌာနဆိုင်ရာ ဝန်ထမ်းများသည် တာဝန်ထမ်းဆောင်နေဆဲ ပြည်သူ့ဝန်ထမ်းများဖြစ်သည်နှင့်အညီ (In service) မိမိနေရာ တည်မြဲလုံခြုံလိုခြင်း ကြောင့် ယခုလို အကူးအပြောင်းကာလမျိုးတွင် ပို၍ သတိကြီးကြီး ထားတက်ကြသည်။ မှန်ကန်မှုရှိသည့် အပြောင်းအလဲကို မိမိတို့ကိုယ်တိုင်က ဦးဆောင် လုပ်ဆောင်နေရန် မဝံ့မရဲဖြစ်နေပြီး အထက်မှ အမိန့်ချမှတ်တော့မှသာ ဆောင်ရွက်ရဲတော့သည်။ စာရေးသူအတွေ့အကြုံတစ်ခုအရ ပညာရေးဝန်ကြီး ဌာနမှ ကျောင်းအုပ်တစ်ဦးသည် သူ၏ရုံးခန်းအတွင်း အစိုးရအပြောင်းအလဲ ဖြစ်သွားပြီးသော်လည်း ယခင်အစိုးရအကြီးအကဲ၏ ဓာတ်ပုံကိုသာ ချိတ်မြဲ တိုင်းချိတ်ထားသည်ကို အံ့သြစွာ တွေ့ရသည်။ သို့နှင့် စာရေးသူမှာလည်း မေးကြည့်ရာ အထက်မှ အမိန့်မကြသေးဘူးဟု ပြန်၍ ပြောလေသည်။ ထိုသို့ ဖြစ်ပွားပြီး ရက်ပိုင်းအတွင်းပင် တိုင်းဒေသကြီးဝန်ကြီးတစ်ပါးမှ ထိုကျောင်းသို့ သွားရောက်စစ်ဆေး လေ့လာတော့မှ ဓာတ်ပုံများ ပြောင်းလဲသွား တော့သည်။

နောက်တစ်ခုမှာ ဗျူရိုကရေစီယန္တရား၏ စီမံခန့်ခွဲမှု ညံ့ဖျင်းမှုပင်ဖြစ်သည်။ စီမံခန့်ခွဲမှုပညာရပ်ကို နားမလည်လျှင် နားလည်ဖို့မကြိုးစားလျှင် နားလည်သည့်အတိုင်း လက်တွေ့အကောင်အထည်မဖော်လျှင် အစိုးရအုပ်ချုပ်ရေးမှာ ညံ့ဖျင်းတိုင်း ညံ့ဖျင်းနေဦးမည်သာ ဖြစ်သည်။ စီမံခန့်ခွဲမှု ပညာရပ်မှာ ယင်းဘွဲ့ဖြင့် ကျောင်းပြီးလျှင် လစာကောင်းသည့်အတွက် ဆွဲဆောင်အားကောင်းသော (sexy) ဖြစ်သော ဘာသာရပ်သပ်သပ် မဟုတ်ပါ။ သမိုင်းနှင့်ချီ အသုံးဝင်ခဲ့သည့် ဘာသာရပ်ကြီးဖြစ်သည်။ စစ်အေးခေတ်တစ်ခေတ်လုံးတွင် ဆိုဗီယက်ယူနီယံနှင့် အနောက်အုပ်စုတို့ အားပြိုင်ရာ၌ အနောက်အုပ်စုအနိုင်ရသွားခြင်းမှာ ယင်းစီမံခန့်ခွဲမှု ပညာရပ်ကို ကုန်ထုတ်လုပ်မှုတွင် ထိထိရောက်ရောက် အသုံးချသွားနိုင်သောကြောင့် ဖြစ်သည်။ ယခု ဖွံ့ဖြိုးတိုးတက်သွားသည့် အာရှကျားနိုင်ငံများကို လေ့လာကြည့်ပါဦး။ ယင်းနိုင်ငံများ၏ ပုဂ္ဂလိကအပိုင်းရော၊ ပြည်သူပိုင်အပိုင်းတွင်ပါ စီမံခန့်ခွဲမှုများ ထိရောက်ထက်မြတ်မှုရှိသည်ကို တွေ့ရသည်။ အစိုးရဝန်ထမ်းများသည် ဌာနဆိုင်ရာ အရာရှိစာမေးပွဲများကို အဆင့်ဆင့်ဖြေဆိုပြီးတော့မှာသာ အရာရှိ များ ဖြစ်လာခဲ့ခြင်း ဖြစ်သည်။ ထိုသို့ တကယ် တတ်မြောက်သည့်အတွက်လည်း ရုံးလုပ်ငန်းများကို ထိထိရောက်ရောက် စီမံခန့်ခွဲနိုင်ပြီး ပြည်သူ့ရေးရာဝန် ဆောင်မှုကောင်းများကို ပြည်သူများအား ပေးအပ်နိုင်လေသည်။ အကျင့်ပျက်လာဘ်စားမှု လုံးဝကင်းစင်သည်ဟု မဆိုသာသော်လည်း လစာဝင်ငွေ ကောင်းပြီး ဂုဏ်သိက္ခာရှိရှိ အလုပ်လုပ်နိုင်သည့်အတွက် လာဘ်စားမှုနည်းသည်။ လာဘ်ပေးလာဘ်ယူမှုများကို ထိထိရောက်ရောက်အရေးယူမှုများ ဥပမာပေး လုပ်ဆောင်သည့်အတွက်ကြောင့်လည်း တော်ရုံဝန်ထမ်းက လာဘ်မစားရဲပေ။

မြန်မာနိုင်ငံ၏ ဗျူရိုကရေစီမှာ မြန်မာ့ဆိုရှယ်လစ်လမ်းစဉ်ပါတီခေတ်က ပုံစံသွင်းထားသည့်အတိုင်း ဝန်ထမ်းများတွင် မလုပ်၊ မရှုပ်၊ မပြုတ် အမူ အကျင့်များ စွဲမြဲစွာ နစ်ဝင်နေသည်။ အကျင့်ပျက်လာဘ်စားမှုများ၊ ခေတ်မမီသည့်ဥပဒေများကြောင့် ဌာနဆိုင်ရာနှင့် ဆက်ဆံရသည့် အဖွဲ့အစည်းများက ဥပဒေလက်တစ်လုံခြား ဆောင်ရွက်နေမှုများ၊ အရည်အချင်းအဓိကမဟုတ်သည့် ရွေးချယ်မှုများကြောင့် အလုပ်မတွင်ကျယ်မှုများမှာ နိုင်ငံတစ်ဝန်း တွေ့ကြုံနေရသည်။ ယင်းကို အချိန်ယူ၍ ထိထိရောက်ရောက်ပြုပြင်သွားနိုင်လျှင် ဆယ်စုနှစ်တစ်စုစာအတွင်း ပြောင်းလဲသွားမည်ဟု ခန့်မှန်းရပါသည်။ ပြည်သူများအတွက် စေတနာပြည့်ဝသော ပြည်သူဝန်ထမ်းများ၊ ပြည်သူများက ယုံကြည်သော ပြည်သူ့ဝန်ထမ်းများ ဖြစ်စေချင်ပါသည်။

*****************************************

 

 

 

 

 


Google Drive: create, share, and keep all your stuff in one place.
Logo for Google Drive

Document yangonchronicle2011
yangonchronicle2011

၁၉.၇.၂၀၁၂

ပြည်တွင်းသတင်းများ

  1. စာချုပ်ပါအချက်အလက်များ ဖောက်ဖျက်သည့်အတွက် ငါးလုပ်ငန်းဦးစီးဌာနအား ကုမ္ပဏီတစ်ခု တရားစွဲဆို

ပြည်တွင်းပါတီ၊ နိုင်ငံရေးသတင်းများ

  1. ချက်သမ္မတနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးမှ နိုင်ငံတော်သမ္မတ ဦးသိန်းစိန်အား လာရောက်တွေ့ဆုံ
  1. နိုင်ငံတော်သမ္မတဦးသိန်းစိန်နှင့် ဒီမိုမိတ်ဆွေပါတီများတွေ့ဆုံ
  2. New Watch ဂျာနယ်၏ ပါတီဝင်အကူးအပြောင်း သတင်းဖော်ပြမှုအပေါ်  NDF သတင်းစာရှင်းလင်းပွဲပြုလုပ်
  3. NDF ပါတီမှ ဗဟိုကော်မတီပြန်လည်ဖွဲ့စည်းကြောင်း ကြေညာချက်ထုတ်ပြန်

သတင်းနှင့် ဆောင်းပါးများမှ ကောက်နှုတ်ချက်များ

*************************

ပြည်တွင်းသတင်းများ

စာချုပ်ပါ အချက်အလက်များဖောက်ဖျက်သည့်အတွက် ငါးလုပ်ငန်းဦးစီးဌာနအား ကုမ္ပဏီတစ်ခု တရားစွဲဆို

မြိတ်မြို့ရှိ အပြည်ပြည်ဆိုင်ရာ ငါးလေလံဈေးတည်ထောင်ရေးအတွက် သဘောတူညီခဲ့ကြသည့် စာချုပ်ပါအချက်အလက်များကို ဖောက်ဖျက်ခဲ့ သည့်အတွက် မွေးမြူရေးနှင့် ရေလုပ်ငန်းဝန်ကြီးဌာနလက်အောက်ရှိ ငါးလုပ်ငန်းဦးစီးဌာနအား ပြင်သစ်နိုင်ငံသားပိုင် Setraco International Co.,Ltd က တရားစွဲဆိုခဲ့ကြောင်း Setraco International Co.,Ltd မှတာဝန်ရှိသူတစ်ဦး၏ ပြောကြားချက်အရသိရသည်။

“မြိတ်မှာ ငါးလေလံဈေးတည်ထောင်ဖို့အတွက် Setraco International ကုမ္ပဏီနဲ့ ငါးလုပ်ငန်းဦစီးဌာနတို့ အကျိုးတူရင်းနှီးမြှုပ်နှံမှုတွေ လုပ်ခဲ့ပါ တယ်။ လုပ်ငန်းတည်ထောင်ခဲ့တဲ့ ၁၂ နှစ်တာကာလအတွင်း စာချုပ်ပါအချက်အလက်တွေကို ဖောက်ဖျက်ခဲ့တဲ့အတွက် တရားစွဲဆိုရတာပါ။ လက်ရှိ အချိန်မှာတော့ ကုမ္ပဏီက ရှေ့နေတွေနဲ့ တိုင်ပင်မှုတွေ ပြုလုပ်နေပါတယ်”ပာု အထက်ပါပုဂ္ဂိုလ်က ဆက်လက်ပြောကြားသည်။

ငါးလုပ်ငန်းဦးစီးဌာနသည် ၂၀၀၀ ပြည့်နှစ်ဝန်းကျင်မှ စတင်၍ မြိတ်မြို့၌ အပြည်ပြည်ဆိုင်ရာ ငါးလေလံဈေးတည်ထောင်ရန် Setraco International ကုမ္ပဏီမှ ရှယ်ယာအများစုနှင့် အကျိုးတူရင်းနှီးမြှုပ်နှံခဲ့ပြီး သဘောတူ စာချုပ်ပါအချက်အလက်များမှ အရင်းအနှီးပြန်လည်ရယူလိုမှုနှင့် J.V ကသဘောတူညီချက်ကို ဖောက်ဖျက်ခဲ့သည့် အချက်နှစ်ချက်ဖြင့် အဓိကတရားစွဲဆိုသွားမည်ဖြစ်ကြောင်း သိရသည်။

“ကျွန်မတို့ Setraco အနေနဲ့ ငါးလုပ်ငန်းအတွက် ရင်းနှီးမြှုပ်နှံမှုပေးခဲ့ရပေမယ့် သူတို့ သဘောတူညီချက်တွေဖောက်ဖျက်တာ ခံခဲ့ရတယ်။ ဒါ့အပြင် ဒီအပြည်ပြည်ဆိုင်ရာ ငါးလေလံဈေးကြီးရပ်တည်ရေးမှာ အရေးပါဆုံးအချက်ဖြစ်တဲ့ တစ်နေ့ငါးတန်ချိန် ၅၀၀ ကနေ ၁၀၀၀ အထိ ဒီလေလံ ဈေးပေါ် ရောက်ရှိလာစေရမယ်ဆိုတဲ့ ငါးလုပ်ငန်းရဲ့ ကတိကဝတ်တွေ ဒီဆယ်နှစ်ကျော် လုပ်ငန်းလည်ပတ်ခဲ့တဲ့ သက်တမ်းအတွင်းမှာ ငါးတွေက ဒီလေလံဈေးပေါ် ရောက်ရှိလာခဲ့ခြင်းမရှိခဲ့ပါဘူး”ပာု Setraco International မှ ဒါရိုက်တာ ဒေါ်ဌေးဌေးဝင်းက ပြောကြားကြောင်း ပြည်တွင်းအပတ်စဉ် ထုတ် မြန်မာပို့စ်ဂလိုဘယ်ဂျာနယ်တွင် ဖော်ပြပါရှိသည်။

လက်ရှိအချိန်တွင် တနင်္သာရီဒေသနှင့် ဆက်စက်နေသည့် ရနောင်းမြို့တွင် ငါးအအေးခန်းများ၊ အလုပ်ရုံများမြောက်မြားစွာရှိပြီး ယင်း အလုပ်ရုံ များသို့ မြန်မာ့ပင်လယ်ပြင်မှ ငါးတန်ချိန် ခန့်မှန်း ၁၀၀၀ ခန့်အထိ တရားမဝင် ဝင်ရောက်လျက်ရှိကြောင်း ရနောင်းမြို့ရှိ မြန်မာလုပ်သားတစ်ဦးက ဆို သည်။

Ref:မြန်မာပို့စ်ဂလိုဘယ်

*************************

ပြည်တွင်းပါတီ၊ နိုင်ငံရေးသတင်း

ချက်သမ္မတနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးမှ နိုင်ငံတော်သမ္မတ ဦးသိန်းစိန်အား လာရောက်တွေ့ဆုံ

ချက်သမ္မတနိုင်ငံ ဒုတိယဝန်ကြီးချုပ်(၁)နှင့် နိုင်ငံခြားရေးဝန်ကြီး H.E. Mr. Karel Schwarzenberg ဦးဆောင်သည့်ကိုယ်စားလှယ်အဖွဲ့သည် ၂၀၁၂ ဇူလိုင်လ ၁၈ ရက်နေ့ ညနေ ၃ နာရီတွင် နေပြည်တော်ရှိ နိုင်ငံတော်သမ္မတအိမ်တော် သံတမန်ဧည့်ခန်းမဆောင်တွင် နိုင်ငံတော်သမ္မတ ဦးသိန်းစိန်အား လာရောက်တွေ့ဆုံခဲ့ကြောင်း နိုင်ငံပိုင်သတင်းစာများတွင် ဖော်ပြပါရှိသည်။

ယင်းတွေ့ဆုံပွဲသို့ နိုင်ငံတော်သမ္မတဦးသိန်းစိန်နှင့်အတူ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်၊ သမ္မရုံးဝန်ကြီး ဌာနနှင့် ပြည်ထောင်စုဝန်ကြီး ဦးသိန်းညွှန့်၊ ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းနှင့် သက်ဆိုင်ရာဌာနဆိုင်ရာများအလိုက် တာဝန်ရှိသူများနှင့် မြန်မာနိုင်ငံဆိုင်ရာ ချက်သမ္မတနိုင်ငံ သံအမတ်ကြီး H.E. Mr.Jiri Sitler တို့တက်ရောက်ခဲ့သည်။

နိုင်ငံတော်သမ္မတ ဦးသိန်းစိန်နှင့် ၎င်းတို့ လာရောက်တွေ့ဆုံရာတွင် နှစ်နိုင်ငံ ချစ်ကြည်ရေးနှင့် ပူးပေါင်းဆောင်ရွက်မှုမြှင့်တင်ရေး၊ နှစ်နိုင်ငံ အကြား စီးပွားရေး၊ နည်းပညာ၊ ကျန်းမာရေး၊ ပညာရေး စသည့်ကဏ္ဍစုံတွင် ပူးပေါင်းဆောင်ရွက်ရေးနှင့် ပြုပြင်ပြောင်းလဲရေး လုပ်ငန်းစဉ်များ ဆောင်ရွက်နေမှုများနှင့် ပတ်သက်၍ ဆွေးနွေးခဲ့ကြသည်။

ထို့ပြင် ဒုတိယဝန်ကြီးချုပ်(၁)နှင့် နိုင်ငံခြားရေးဝန်ကြီး H.E. Mr. Karel Schwarzenberg ဦးဆောင်သည့်ကိုယ်စားလှယ်အဖွဲ့သည် ၂၀၁၂ ဇူလိုင် ၁၈ ရက်နေ့ မွန်းလွဲ ၂ နာရီတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော် ဇမ္ဗူသီရိအဆောင်ဧည့်ခန်းမ၌ ပြည်သူ့လွှတ် တော်ဥက္ကဋ္ဌ သူရဦးရွှေမန်းနှင့် သွားရောက်တွေ့ဆုံခဲ့ကြောင်း သိရသည်။

ချက်သမ္မတနိုင်ငံမှ တာဝန်ရှိသူများနှင့် သူရဦးရွှေမန်းတို့တွေ့ဆုံရာတွင် နှစ်နိုင်ငံအကြား ချစ်ကြည်ရေးနှင့် ပူးပေါင်းဆောင်ရွက်ရေး ကိစ္စရပ် များအပေါ် ဆွေးနွေးခဲ့ကြောင်း နိုင်ငံပိုင်သတင်းစာများတွင် ဖော်ပြပါရှိချက်အရ သိရှိရသည်။

YC

-----------------------------------------------------------------------------------------------------------------------------------

နိုင်ငံတော်သမ္မတဦးသိန်းစိန်နှင့် ဒီမိုမိတ်ဆွေပါတီများတွေ့ဆုံ

၂၀၁၂ ဇွန်လ ၁၈ ရက်နေ့တွင် နေပြည်တော် ပုဗ္ဗသီရိမြို့နယ် စက်မှုလယ်ယာစနစ် တောင်သူပညာပေး ဧက ၅၀၀ စိုက်ခင်းရှိ အစည်းအဝေး ခန်းမတွင် နိုင်ငံတော်သမ္မတဦးသိန်းစိန်နှင့် ဒီမိုမိတ်ဆွေပါတီ(၁၀)ခုမှ တာဝန်ရှိသူများတွေ့ဆုံခဲ့ပြီး မြန်မာနိုင်ငံတွင်းရှိ ပြည်သူများ၏ စားဝတ်နေရေး ပြေလည်စေရန်နှင့် နိုင်ငံတည်ဆောက်ရေးလုပ်ငန်းစဉ်များတွင် ပြုပြင်ပြောင်းလဲရေးလုပ်ဆောင်ချက်များ ဆက်လက် အကောင်အထည်ဖော်ရန် ကိစ္စရပ်များအား ဆွေးနွေးခဲ့ကြောင်း သိရသည်။

“ယခုတွေ့ဆုံမှုပာာ ပထမဆုံးအကြိမ်တွေ့ဆုံတာဖြစ်ပြီး နောင်အခြေအနေပေးပါက မကြာခဏတွေ့ဆုံကြဖို့ ဖိတ်ခေါ်ပါတယ်။ မိမိတို့ပာာ တစ်နိုင်ငံတည်းမှာ အတူနေထိုင်ပြီး တစ်လှေတည်းစီး၊ တစ်ခရီးတည်း အတူသွားနေကြတဲ့သူတွေဖြစ်ပါတယ်။ နိုင်ငံရေးမှာ မတူညီတဲ့ အတွေးအခေါ်၊ အယူအဆတွေရှိတဲ့အတွက် တိုင်းပြည်အတွက် အကျိုးရှိမယ့် ဘုံအကျိုးစီးပွားကို အားလုံးဝိုင်းဝန်းပူးးပေါင်းဆောင်ရွက်ကြဖို့ မေတ္တာရပ်ခံလိုပါတယ်။ မိမိတို့နိုင်ငံပာာ ဒီမိုကရေစီအတွေ့အကြုံ နည်းသေးတဲ့ နိုင်ငံဖြစ်တဲ့အတွက် ခြေလှမ်းတိုင်းကို သတိထားလျှောက်လှမ်းနေရပါတယ်။ မိမိတို့အစိုးရပာာ တိုင်းပြည်အကျိုးစီးပွားအတွက် လုပ်ကိုင်ဆောင်ရွက်နေခြင်းဖြစ်တဲ့အတွက် အဲ့လိုဆောင်ရွက်မှုတွေကို ရဲရဲတင်းတင်းဝေဖန်ပြီးတော့ အကြံဉာဏ်များ ပေးပါ။ တချို့ကိစ္စတွေပာာ ထိတွေ့ဆက်ဆံပူးပေါင်းဆောင်ရွက်ကြဖို့ ဖိတ်ခေါ်ပါတယ်”ပာု နိုင်ငံတော်သမ္မတဦးသိန်းစိန်က ပြောကြားသည်။

ထို့ပြင် ယင်းဆွေးနွေးပွဲတွင် ဒီမိုမိတ်ဆွေ(၁၀)ပါတီမှ ပါတီတစ်ခုချင်းစီအလိုက် နိုင်ငံတွင်း တရားဥပဒေစိုးမိုးရေးကိစ္စရပ်များ၊ နိုင်ငံတည် ဆောက်ရေးနှင့် ပြုပြင်ပြောင်းလဲရေးကိစ္စရပ်များ၊ လယ်ယာမြေပြဿနာကိစ္စရပ်များနှင့် ပြည်တွင်းတိုင်းရင်းသား ဖွံ့ဖြိုးတိုးတက်ရေးကိစ္စရပ်များကို တင်ပြ ဆွေးနွေးခဲ့ပြီး ယင်းတင်ပြလာသည့် အကြောင်းအရာများအပေါ်မူတည်၍ သမ္မတကြီးမှ အတက်နိုင်ဆုံး ကြိုးစားလုပ်ဆောင်ပေးသွားမည်ဖြစ်ကြောင်း ကတိပေး ပြောကြားခဲ့သည်။

“ဒီဆွေးနွေးပွဲမှာ ပါတီတစ်ခုချင်းစီကလည်း သူတို့လိုအပ်တဲ့၊ လိုချင်တဲ့ ကိစ္စရပ်တွေအတွက် သမ္မတကြီးကို တင်ပြဆွေးနွေးခဲ့ပါတယ်။ သမ္မတ ကြီးကလည်း ပါတီတစ်ခုချင်းစီက တင်ပြလာတဲ့ကိစ္စရပ်တွေကို အတက်နိုင်ဆုံး ဖြည့်ဆည်းပေးမယ်လို့ ကတိပေးပြောခဲ့ပါတယ်”ပာု ယင်းဆွေးနွေးပွဲသို့ တက်ရောက်ခဲ့သည့် နိုင်ငံရေးပါတီတစ်ခုမှ တာဝန်ရှိသူတစ်ဦးက ပြောကြားသည်။

နိုင်ငံတော်သမ္မတကြီးဦးသိန်းစိန်နှင့် တွေ့ဆုံဆွေးနွေးမှုများပြုလုပ်ခဲ့သည့် ဒီမိုမိတ်ဆွေ(၁၀)ပါတီမှာ ဒီမိုကရက်တစ်ပါတီ (မြန်မာ)၊ အမျိုးသား ဒီမိုကရေစီအင်အားစုပါတီ၊ ရခိုင်တိုင်းရင်းသားများတိုးတက်ရေးပါတီ၊ ချင်းအမျိုးသားပါတီ၊ မွန်ဒေသလုံးဆိုင်ရာဒီမိုကရေစီပါတီ၊ ဖလုံ-စဝေါ် ဒီမိုကရက် တစ်ပါတီ၊ ရှမ်းတိုင်းရင်းသားများဒီမိုကရက်တစ်ပါတီ၊ ဒီမိုကရေစီနှင့် ငြိမ်းချမ်းရေးပါတီ၊ ပြည်ထောင်စုဒီမိုကရေစီပါတီနှင့် ညီညွှတ်ရေးနှင့် ငြိမ်းချမ်းရေး ပါတီတို့ဖြစ်သည်။

YC

-----------------------------------------------------------------------------------------------------------------------------------

New Watch ဂျာနယ်၏ ပါတီဝင်အကူးအပြောင်း သတင်းဖော်ပြမှုအပေါ်  NDF သတင်းစာရှင်းလင်းပွဲပြုလုပ်

ဇူလိုင်လ ၁၈ ရက်နေ့ နေ့လည် ၁နာရီအချိန်၌ တာမွေမြို့နယ် မေတ္တာညွန့်ရပ်ကွက်ရှိ အမျိုးသားဒီမိုကရေစီအင်အားစုပါတီ (NDF) ရုံးချုပ်တွင် ဂျာနယ်အသီးသီးမှ သတင်းမီဒီယာသမားများအား ဖိတ်ခေါ်၍ NDF ပါတီမှ ပါတီဝင် ၁၅၀၀၀ ကျော် NLD ပါတီသို့ ကူးပြောင်းမည်ဆိုသည့် သတင်းမှား ရေးသားမှုနှင့် ပတ်သက်၍ သတင်းစာရှင်းလင်းပွဲတစ်ခုပြုလုပ်ခဲ့ကြောင်း အမျိုးသားဒီမိုကရေစီအင်အားစုပါတီမှ တာဝန်ရှိသူတစ်ဦး၏ ပြောကြားချက်အရ သိရသည်။

"သတင်းမီဒီယာတွေကိုဖိတ်ပြီး သတင်းစာရှင်းလင်းပွဲလုပ်တာက ကျွန်တော်တို့ NDF ပါတီကနေ ပါတီဝင် ၁၅၀၀၀ ကျော် NLD ပါတီကို ကူးသွားတယ်ဆိုတဲ့ ပြည်တွင်းဂျာနယ်တစ်ခုဖြစ်တဲ့ New Watch ဂျာနယ်ရဲ့ သတင်းဖော်ပြတာနဲ့ပတ်သက်ပြီး အခုလိုမျိုး လုပ်ရတာဖြစ်ပါတယ်။ ဒီသတင်းဖော်ပြမှုက သေသေချာချာ ဒီကိစ္စနဲ့ ပတ်သက်တဲ့ ပါတီနှစ်ခုလုံးကို မေးပြီးတော့မှ ရေးသားသင့်ပါတယ်။ ပြည်သူကြားထဲကို ပျံ့သွားရင် လုံးဝ အဖတ်ဆယ်လို့ရတော့မှာ မဟုတ်ပါဘူး"ဟု ယင်းသတင်းစာရှင်းလင်းပွဲ၌ NDF ပါတီ ဒု-ဥက္ကဋ္ဌ ဦးစိန်လှဦးက ပြောကြားသည်။

အမှန်တကယ်၌ ပဲခူးတိုင်းဒေသကြီးမှ ပါတီဝင်လူဦးရေ ၁၅၀၀၀ဆိုသည်မှာ အမှန်မဟုတ်ကြောင်းနှင့် ပါတီဝင် ရာဂဏန်းနီးပါးလောက်သာရှိပြီး ပါတီဝင်လျှောက်လွှာများလည်း မပြည့်ဆုံသေးကြောင်း အဆိုပါသတင်းစာရှင်းလင်းပွဲ၌ ဒေါက်တာဝင်းနိုင်က ဆက်လက်ပြောကြားသည်။

ထို့ပြင် ယင်းသတင်းအမှားဖော်ပြမှုနှင့် ပတ်သက်၍ ဇူလိုင်လ ၁၈ ရက်နေ့ရက်စွဲဖြင့် NDF ပါတီမှ သတင်းထုတ်ပြန်ချက် တစ်ရပ်ထုတ်ပြန်ခဲ့ ကြောင်း သိရှိရပြီး ယင်းထုတ်ပြန်ချက်၌ NDFပါတီမှ ဦးအောင်မျိုးဝင်းနှုတ်ထွက်ရာ၌လည်း အီးမေးလ်ဖြင့်သာ နှုတ်ထွက်စာအား ပေးပို့ခဲ့ပြီး ကျန်ပါတီ အဖွဲ့ဝင်များ၏ နှုတ်ထွက်စာများ ပါဝင်ခြင်းမရှိကြောင်း ထည့်သွင်းဖော်ပြထားချက်အရ သိရှိရသည်။

"ဒီကိစ္စနဲ့ပတ်သက်ပြီးကတော့ သတင်းရေးသားသူကော ဂျာနယ်က တာဝန်ရှိသူတွေကိုပါ ကျွန်တော်တို့ပါတီက တရား ဥပဒေလမ်းကြောင်း အတိုင်း ဆောင်ရွက်သွားမှာပါ။ ဘာဖြစ်လို့လဲဆိုတော့ ဒီကိစ္စမှ ပြည်သူတွေက ယုံကြည်မှုလျော့နည်းတာတွေ၊ လိမ်လည်လုပ်ကြံပြောဆိုရာ ရောက်သလို ပါတီစည်း ရုံးရေးကိုလည်း ထိခိုက်စေတဲ့ကိစ္စ ဖြစ်နေလို့ပါပဲ"ဟု NDF ပါတီမှ တာဝန်ရှိသူတစ်ဦးက ပြောသည်။

ထို့နောက် ယင်းသတင်းစာရှင်းလင်းပွဲအား ညနေ ၂နာရီခွဲအချိန်ခန့်၌ ရုပ်သိမ်းခဲ့ပြီး ဇူလိုင်လ ၁၈ ရက်နေ့၌ နိုင်ငံတော်သမ္မတ ဦးသိန်းစိန်နှင့် ဆယ်ပါတီတွေ့ဆုံမှုနှင့် ပတ်သက်၍ အခြေအနေများအား ပြောကြားသွားခဲ့ကြောင်း NDF ပါတီမှ တာဝန်ရှိသူတစ်ဦး၏ ပြောကြားချက်အရ ထပ်မံ သိရှိရသည်။

ATM

-----------------------------------------------------------------------------------------------------------------------------------

NDF ပါတီမှ ဗဟိုကော်မတီပြန်လည်ဖွဲ့စည်းကြောင်း ကြေညာချက်ထုတ်ပြန်

ဇူလိုင်လ ၁၈ရက်နေ့၌ အမျိုးသားဒီမိုကရေစီအင်အားစု(NDF) ပါတီမှ တတိယအကြိမ် ဗဟိုဦးစီးကော်မတီအစည်းအဝေး ဆုံးဖြတ်ချက်ဖြင့် ဗဟိုအလုပ်အမှုဆောင်ကော်မတီအဖွဲ့အား ပြန်လည်ဖွဲ့စည်းခဲ့ကြောင်း NDF ပါတီမှ တာဝန်ရှိသူတစ်ဦး၏ ပြောကြားချက်အရ သိရှိရသည်။

ယင်းသို့ ဖွဲ့စည်းရာတွင် NDFပါတီမှ ၈/၂၀၁၂ ဖြင့် ကြေညာချက်တစ်စောင် ထုတ်ပြန်ခဲ့ပြီး အဆိုပါကြေညာချက်ထဲ၌ ဗဟိုအလုပ်အမှုဆောင် ကော်မတီ ဥက္ကဋ္ဌအဖြစ် ဦးခင်မောင်ဆွေ၊ ဒု-ဥက္ကဋ္ဌ (၁) အဖြစ် ဦးစိုးဝင်းနှင့် ဒု-ဥက္ကဋ္ဌ (၂) အဖြစ် ဦးစိန်လှဦးတို့အား အသီးသီးတာဝန်ခွဲဝေ၍ ပြန်လည်ဖွဲ့ စည်းခဲ့ကြောင်း သိရှိရသည်။

ထို့ပြင် ဗဟိုအလုပ်အမှုဆောင်ကော်မတီ၏ အထွေထွေအတွင်းရေးမှူးအဖြစ် ဒေါက်တာဝင်းနိုင်၊ အတွင်းရေးမှူး (၁) အဖြစ် ဦးကြည်သန်း၊ အတွင်းရေးမှူး (၂) အဖြစ် ဦးနေမင်းကျော်၊ အတွင်းရေးမှူး (၃) အဖြစ် ဦးကျော်သူရနှင့် ဘဏ္ဍာရေးမှူးတာဝန်အား ဦးသာမြင့်ထူးတို့မှ အသီးသီး တာဝန် ယူခဲ့ကြောင်း ယင်းကြေညာချက်ထုတ်ပြန်ချက်အရ သိရှိရသည်။

ထို့နောက် အဆိုပါကော်မတီတွင် အဖွဲ့ဝင်များအဖြစ် ဦးစိန်ဝင်း၊ ဦးမြင့်ဖေ၊ ဦးကျော်အောင်၊ ဒေါ်ခင်ဝိုင်းကြည်၊ ဦးသာဆိုင်၊ ဦးသက်ထွန်းမောင် နှင့် ဦးတိုးတိုးတို့ဖြင့် ပါဝင်ဖွဲ့စည်းခဲ့ကြောင်း သိရှိရပြီး ယင်းသို့ ပြန်လည်ဖွဲ့စည်းခြင်းအား ဇူလိုင်လ ၄ ရက်နေ့၌ ကျင်းပပြုလုပ်သည့် ဗဟိုအလုပ်အမှု ဆောင်ကော်မတီ ပုံမှန်အစည်းအဝေး၏ ဆုံးဖြတ်ချက်အရဖြစ်ကြောင်း NDF ပါတီမှ တာဝန်ရှိသူတစ်ဦးက ပြောကြားသည်။

ထို့ပြင် ဇူလိုင်လ ၁၉ရက်နေ့ နေ့လည် ၁၁နာရီကျော်တွင် အမျိုးသားဒီမိုကရေစီအင်အားစု(NDF)ပါတီ ရုံးချုပ်၌ အာဇာနည် နေ့ အထိမ်းအမှတ် အဖြစ် သံဃာတော်များအား နေ့ဆွမ်းကပ်လှူရန်ရှိကြောင်း အထက်ပါပုဂ္ဂိုလ်၏ ထပ်မံပြောကြားချက်အရ သိရှိရသည်။

ATM

**************************

သတင်းနှင့် ဆောင်းပါးများမှ ကောက်နှုတ်ချက်များ

သမ္မတက ပြောထားတယ်။ အုပ်ချုပ်ရေပိုင်းမှာ တပ်မတော်ပါဝင်ပတ်သက်မှု နည်းပါမယ်လို့ ပြောပြီးချိန်မှာ စစ်တပ်က တိုက်ရိုက်လာဖို့ မဖြစ်နိုင်ဘူးလို့ ထင်တယ်။ တပ်မတော်ကနေပြီးတော့ တိုက်ရိုက်လာမယ်ဆိုရင် နိုင်ငံတကာအမြင်မှာ မကောင်းနိုင်ဘူးဆိုတော့ ဒီလိုဖြစ်လာဖို့ မဖြစ်နိုင်ဘူးထင်တယ်။

ဇူလိုင်လ ၁၉ရက်နေ့ထုတ် Weekly Eleven ဂျာနယ်အတွဲ (၅) အမှတ် (၁၆) တွင်ပါရှိသည့် ပြည်ထောင်စုလွှတ်တော်တွင် ဒုတိယသမ္မတနေရာအတွက် ဆွေးနွေးမှုမရှိသေးသတင်းမှ လွှတ်တော်ဆိုင်ရာ လေ့လာသူတစ်ဦး၏ ပြောကြားချက်အပေါ် ကောက်နှုတ်ချက်

--------------------------------------------------------------------------------------------------------------------------------

ကျွန်တော်တို့ အခုလည်း သတင်းတွေမှာပဲ မြင်နေရတာ။ အဲဒီတော့ ၁၇(၁) ဆိုတာက နိုင်ငံတစ်ခုမှာ ပြဌာန်းထားတဲ့ ဥပဒေဖြစ်တယ်။ အဲဒီတော့ ဒီဥပဒေ ကို နှုတ်မိန့်နဲ့တော့ ရုတ်သိမ်းလို့မရဘူး။ ဒါပေမယ့် ဒီ ၁၇(၁)အပေါ်မှာ ဘယ်လိုအသုံးချသလဲဆိုတဲ့အပေါ်မှာပဲ အဓိကထားပြီး ကြည့်ရမှာပါ။

ဇူလိုင်လ ၁၉ရက်နေ့ထုတ် ရန်ကုန်တိုင်းမ်ဂျာနယ် အတွဲ (၂၉) အမှတ် (၅၈၇) တွင်ပါရှိသည့် KIA ၏ ဒုတိယစစ်ဦးစီးချုပ် ဗိုလ်ချုပ်ဂုန်မော်နှင့် တွေ့ဆုံခြင်း အင်တာဗျူးမှ ရန်ကုန်တိုင်းမ်ဂျာနယ်၏ မေးမြန်းချက်အား ဗိုလ်ချုပ်ဂွမ်မော်၏ ပြန်လည် ဖြေကြားချက်အပေါ် ကောက်နှုတ်ချက်

--------------------------------------------------------------------------------------------------------------------------------

မသွားရဲကြတာပါ။ နှင်ချတာမဟုတ်ဘူး။ ဒေသခံတွေက နှစ်ဖက်စလုံးကို ကြောင်နေရတာ။ အရင်းအနှီးထည့်စိုက်ပြီးမှ တိုက်ပွဲဖြစ်ရင် ထားခဲ့ရမှာ။ အရင် တုန်းကလို တိုက်ပွဲပြီးရင် ပြန်လာလုပ်လို့တော့ရပေမယ့်  အဲဒီလိုဘယ်သူမှ မလုပ်ချင်ကြတော့ဘူး။

ဇူလိုင်လ ၁၉ရက်နေ့ထုတ် ရန်ကုန်တိုင်းမ်ဂျာနယ် အတွဲ (၂၉) အမှတ် (၅၈၇) တွင်ပါရှိသည့် “ကချင်တောင်သူများ ဆက်လက်လုပ်ကိုင်ရန် ခက်ခဲနေ” သတင်းမှ ဆာမော်ကျေးရွာမှ ကိုထူးအောင်၏ ပြောကြားချက်အပေါ် ကောက်နှုတ်ချက်

**************************

အမှားပြင်ဆင်ချက်။

Yangon Chronicle ၏ နေ့စဉ်ဖြန့်ဝေလျက်ရှိသည့် နေ့စဉ်သတင်းများမှ ဇူလိုင်လ ၁၆ ရက်နေ့တွင် ဖြန့်ဝေခဲ့သည့် သတင်းဖော်ပြချက်များ၌ “အာဇာနည်နေ့အခမ်းအနား နိုင်ငံရေးပါတီအသီးသီး ကျင်းပပြုလုပ်မည်”ခေါင်းစဉ်ပါ သတင်းဖော်ပြချက်မှ ပထမအပိုဒ် ပထမစာကြောင်းတွင်ပါရှိသည့် “၂၀၁၂ ဇူလိုင်လ ၁၂ ရက်နေ့တွင် ကျရောက်မည့် (၆၅) နှစ်မြောက် အာဇာနည်နေ့” အစား “၂၀၁၂ ဇူလိုင်လ ၁၉ ရက်နေ့တွင် ကျရောက်မည့် (၆၅) နှစ် မြောက် အာဇာနည်နေ့”ဟု ပြောင်းလဲဖတ်ကြားပေးပါရန် မေတ္တာရပ်ခံအပ်ပါသည်။


Google Drive: create, share, and keep all your stuff in one place.
Logo for Google Drive