Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

 

၁.၈.၂၀၁၂

ဘာသာပြန်သတင်းများ

  1. ရင်းနှီးမြှုပ်နှံမှုကို တံခါးဖွင့်ခြင်းကြောင့် မြန်မာနိုင်ငံတွင် လူ့အခွင့်အရေးစိန်ခေါ်မှုကြုံ

(30 July 2012 ရက်စွဲပါ VOA News မှ နိုင်ငံခြားရေးဝန်ကြီးဌာန၏ Opening for Investment, Burma faces human rights challanges ကိုဘာသာပြန်ဆိုသည်)

  1. မြန်မာနိုင်ငံ၏ ပြုပြင်ပြောင်းလဲမှုများ ရှေ့သို့ဆက်သွားဖွယ်ရှိ

(Reuters News မှ 31 July 2012 ရက်စွဲပါ“Myanmar reforms Likely to continue-US State Department official”သတင်းကို ဘာသာပြန်သည်။)

  1. မြန်မာနိုင်ငံတွင် သံရုံးဖွင့်ရန် အီရန်စီစဉ်

(Bernama News မှ 31July 2012 ရက်စွဲပါ “Iran plan to establish embassy in Myanmar”သတင်းကို ဘာသာပြန်ဆိုသည်။)

*****************************************

ဘာသာပြန်သတင်းများ

ရင်းနှီးမြှုပ်နှံမှုကို တံခါးဖွင့်ခြင်းကြောင့် မြန်မာနိုင်ငံတွင် လူ့အခွင့်အရေးစိန်ခေါ်မှုကြုံ

(30 July 2012 ရက်စွဲပါ VOA News မှ နိုင်ငံခြားရေးဝန်ကြီးဌာန၏ Opening for Investment, Burma faces human rights challanges ကိုဘာသာပြန်ဆိုသည်)

(အမေရိကန်သံအမတ်ကြီး Derek Mitchell ပြည်ပရင်းနှီးမြှုပ်နှံမှုများသည် တိုင်းပြည်ကိုပို၍ ပွင့်လင်းပြီး၊ တာဝန်ယူမှုပိုမိုဖြစ်စေနိုင်ပာု ပြောကြားမှုများအတွက် ရေးသားသော ဆောင်းပါးဖြစ်သည်)

မြန်မာနိုင်ငံတွင် နိုင်ငံရေးအရ ပြုပြင်ပြောင်းလဲမှုများကြောင့် အမေရိကန်နှင့် ဥရောပတို့မှအရေးယူမှုများ ဖြေလျော့သွားခြင်းနှင့်အတူ နိုင်ငံခြားကုမ္ပဏီများပို၍ မြန်မာနိုင်ငံသို့ဝင်ရောက်လာသည်။

သို့သော် အိုဘားမားအစိုးရက ပြောကြားရာတွင် အမေရိကန်ရင်းနှီးမြှုပ်နှံသူများအနေဖြင့် လုပ်သားအခြေအနေများ တိုးတက်ရေးကိုသာ ဦးတည်စေရန်မျှော်လင့်ပြီး၊ မြန်မာနိုင်ငံသည် ပို၍တံခါးဖွင့်လာခြင်းကြောင့် လူကုန်ကူးမှု ပိုမိုဆိုးရွားလာမည်ကို စိုးရိမ်ကြောင်းဆိုသည်။

အမေရိကန်နှင့်ဥရောအရေးယူမှုများသည် မြန်မာနိုင်ငံ၏ ဘဏ်လုပ်ငန်းကဏ္ဍကိုထိခိုက်ပြီး နိုင်ငံခြားကုမ္ပဏီများ ရင်းနှီးမြှုပ်နှံမှု ပြုလုပ်ရန် ခက်ခဲစေသည်။ သို့သော် ယခုအခါ အဆိုပါအရေးယူမှုများ ဖြေလျော့ပေးသောအခါ Google၊ ကိုကာကိုလာနှင့် General Motors တို့သည် မြန်မာနိုင်ငံသို့ ဦးဆောင်ဝင်ရောက်ရန်တာစူနေသည်။ မြန်မာနိုင်ငံသို့ အကြီးဆုံးအမေရိကန်ကုန်သွယ်ရေးမစ်ရှင်အဖြစ် သွားရောက်မည့်အဖွဲ့၏ ခေါင်းဆောင်များနှင့် တွေ့ဆုံရာတွင် အမေရိကန်နိုင်ငံခြားရေးဝန်ကြီး ပီာလာရီကလင်တန်က ပြောကြားရာတွင် တာဝန်ယူသော စီးပွားရေးလုပ်ငန်းများ လုပ်ကိုင်ခြင်းဖြင့် အပေါင်းလက္ခဏာဆောင်သော ပြောင်းလဲမှုများဆောင်ကြဉ်းပေးမည့် အေးဂျင့်များဖြစ်လာရန် မျှော်လင့်ကြောင်း ပြောကြားခဲ့သည်။

ကလင်တန်က မြန်မာသမ္မတဦးသိန်းစိန်အား ဝါရှင်တန်သည် လုပ်ဆောင်သောပြုပြင်ပြောင်းလဲမှုတစ်ခုခြင်းအပေါ် တုန့်ပြန် သွားမည်ပာု ပြောခဲ့သည်။

ယူနီဆက်၏ မြန်မာနိုင်ငံကိုယ်စားလှယ် Ramesh Shrestha ကပြောကြားရာတွင် ဆင်းရဲမွဲတေမှုနှုန်း ၃၀ ရာခိုင်နှုန်းရှိသော မြန်မာနိုင်ငံတွင် အကြီးဆုံးအန္တရာယ်များထဲမှတစ်ခုမှာ ကလေးများအပေါ်မှ ခေါင်းပုံဖြတ်ခြင်းဖြစ်သည်ပာုဆိုသည်။ “တကယ်လို့ရှိရင် အရာရာကိုရှင်းရှင်းလင်းလင်း တံခါးဖွင့်ဖို့လိုပါတယ်။ ဆိုလိုတာက လက်ရှိအခြေအနေကို ဆိုးရွားစွာထိန်းချုပ်ထားခြင်းကို ဖြေလျော့ပေးရပါမယ်။ ဆိုလိုတာက ပြည်သူတွေပာာ ဆန္ဒရှိတာလုပ်ပါစေလို့။ တရားဝင်ဖြစ်ဖြစ်၊ တရားမဝင်ဖြစ်ဖြစ် အရာရာဘာမဆို ဖြစ်နိုင်ပါတယ်”ပာု ၎င်းကပြောသည်။

World Vision မှ ကလေးသူငယ်အကာအကွယ်ပေးရေး အကြီးတန်းမူဝါဒအကြံပေး Jesse Eaves ကပြောကြားရာတွင် အရေးကြီးသောအချက်မှာ အပေါင်းလက္ခဏာဆောင်သောခြေလှမ်းများ လှမ်းနေခြင်းပင်ဖြစ်ကြောင်းဆိုသည်။ “မြန်မာနိုင်ငံလိုနိုင်ငံမျိုးမှာ သူ့နယ်စပ်မှာ အမှန်တကယ်ဖြစ်ပျက်နေတာတွေ၊ သူ့နိုင်ငံသားတွေမှာ ဘာတွေဖြစ်နေသလဲဆိုတာ ကြည့်နေပြီး၊ သင့်လျော်တဲ့ တုန့်ပြန်မှုတွေ ကြိုးစားလုပ်ဆောင်နေတာ တွေ့နေရပါပြီ”ပာု ၎င်းက ပြောသည်။

Eaves ကပြောကြားရာတွင် World Vision သည် မြန်မာနိုင်ငံတွင် လူကုန်ကူးမှုနှင့် ကလေးသူငယ်များအပေါ် ခေါင်းပုံဖြတ်ခြင်းများအကြောင်း အသိပညာမြင့်လာရန် လုပ်ဆောင်လျက်ရှိသည်။ “အံ့သြဖွယ်ကောင်းတာက ပြောင်းလဲမှုကို တွေ့လာရတာပါပဲ။ အကြီးဆုံးပြဿနာအများစုက နားမလည်ကြတာပါပဲ။ သူတို့က ဒါတွေကို သာမန်လုပ်ရိုးလုပ်စဉ်လို့ထင်နေတာ။ ဒါကို ကျွန်တော်တို့က ရှင်းပြနေရတာ”ပာု ၎င်းကပြောသည်။

Brookings Institution မှ စီးပွားရေးပညာရှင် Lex Rieffel ကပြောကြားရာတွင် မြန်မာနိုင်ငံ၏ စီးပွားရေးပြုပြင်ပြောင်းလဲမှု အမြန်နှုန်းသည် လူမှုဖူလုံရေးနှင့် ဖွံ့ဖြိုးတိုးတက်ရေးအစီအစဉ်များကို စိန်ခေါ်လာနိုင်ဖွယ်ရှိသည်ပာု ဆိုသည်။ “သဘာဝသယံဇာတပေါ်တွင် များစွာရင်းနှီးမြှုပ်နှံသော တိုင်းပြည်များတွင် လူ့စွမ်းအားအရင်းအမြစ်တွင် ရင်းနှီးမြှုပ်နှံမှုနည်းပါးသည့်ပုံစံကို ကျွန်တော်တို့ တွေ့နေရပါတယ်။ ကျွန်တော်တို့ရဲ့ အတွေ့အကြုံအရ လူ့စွမ်းအားအင်းအမြစ်မှာ ရင်းနှီးမြှုပ်နှံခြင်းကသာ ရေရှည်အကျိုးစီးပွားဖြစ်မယ် ဆိုတာပါပဲ”ပာု ၎င်းကပြောသည်။

သို့သော် ဗြိတိန်၏ ရင်းနှီးမြှုပ်နှံမှုအကြီးအကဲ Nick Baird ကပြောကြားရာတွင် နိုင်ငံခြားကုမ္ပဏီများသည် မြန်မာနိုင်ငံပေါ်တွင် သက်ရောက်မှု ကြီးမားအောင်ပြုလုပ်နိုင်သည်ပာု ဆိုသည်။ “စီးပွားရေးလုပ်တာသက်သက်မပာုတ်ပါဘူး။ လွတ်လပ်ပွင့်လင်းပြီး တာဝန်ယူတဲ့ နည်းလမ်းများနဲ့အတူတကွ လုပ်ကိုင်ခြင်းဖြင့် တကယ်တမ်း တိုင်းပြည်တည်ငြိမ်ရေးကို အထောက်အကူဖြစ်စေပါတယ်”ပာု ၎င်းက ဆိုသည်။

                                                                            *****************************************

မြန်မာနိုင်ငံ၏ ပြုပြင်ပြောင်းလဲမှုများ ရှေ့သို့ဆက်သွားဖွယ်ရှိ

(Reuters News မှ 31 July 2012 ရက်စွဲပါ“Myanmar reforms Likely to continue-US State Department official”သတင်းကို ဘာသာပြန်သည်။)

အမေရိကန်နိုင်ငံခြားရေးဌာန ထိပ်တန်းတာဝန်ရှိသူတစ်ဦးက “မြန်မာနိုင်ငံသည် နိုင်ငံရေးနှင့်စီးပွားရေးပြုပြင်ပြောင်းလဲမှု လမ်းကြောင်းပေါ်တွင်ဆက်ရှိနေမည်ဟု ၎င်းအနေဖြင့် အကောင်းဖက်က ရှုမြင်ထားကြောင်း အင်္ဂါနေ့ကပြောကြားသည်။ သို့သော် အမေရိကန်ရင်းနှီးမြှုပ်နှံသူများအနေဖြင့် ရှုပ်ထွေးသောစီးပွားရေးနယ်ပယ်ကို တွေ့ကြုံရမည့် အလားအလာရှိသည်ဟု သတိပေး ပြောဆိုသည်။

“မြန်မာ့ခေါင်းဆောင်တွေနဲ့ စကားပြောဆိုရာကနေတွေးမိတာကတော့ သူတို့ဟာအမှန်တကယ် ပြုပြင်ပြောင်းလဲလိုစိတ် ရှိကြတယ်ဆိုတဲ့ ယေဘူယူနားလည်မှုပါပဲ။ သူတို့အပေါ်မှာတော့ ကြီးမားတဲ့လူမှုရေးဖိအားတွေ ရှိနိုင်ပါတယ်။”ဟု နိုင်ငံခြားရေးဌာန တာဝန်ရှိသူ ရောဘတ်ဟောမတ်က Washington International Trade Association သို့ ပြောကြားသည်။

“ကျွန်တော်ရဲ့ ယေဘူယျခန့်မှန်းချက်ကတော့ သူတို့ဟာ ပြုပြင်ပြောင်းလဲရေးလမ်းကြောင်းအတိုင်း ဆက်သွားလိမ့်မယ်ဆိုတဲ့ အချက်ပါပဲ။ ဘာကြောင့်လဲဆိုရင် မြန်မာနိုင်ငံသားတိုင်းလိုလိုက စီးပွားရေးနဲ့ အရပ်သားလွတ်လပ်ခွင့်ပိုရဖို့ မျှော်လင့်ချက်ကြီးကြီး ထားနေကြတာကြောင့် အစိုးရဟာနောက်ပြန်လှည့်လို့ မဖြစ်နိုင်တော့လို့ပါပဲ”ဟု ၎င်းကပြောကြားသည်။

ကိုလိုနီခေတ်က အမည် Burma ဟုလည်း လူသိများသောမြန်မာနိုင်ငံသည် ယခင်တပ်မတော်အစိုးရအကြီးအကဲ ဗိုလ်ချုပ်မှူးကြီးသန်းရွှေက အရပ်သားတစ်ပိုင်းအစိုးရထံ အာဏာလွှဲပြောင်းပြီးချိန်မှစ၍ နှစ်ပေါင်းများစွာ အပယ်ခံအထီးကျန်ဘဝမှ စတင်ရုန်းထွက်လျက်ရှိသည်။

ဗိုလ်ချုပ်ကြီးဟောင်းတစ်ဦးဖြစ်သူ သမ္မတဦးသိန်းစိန်ခေါင်းဆောင်သောအစိုးရသစ်သည် စီိးပွားရေးကဏ္ဍပြောင်းလဲခြင်း မီဒီယာဆင်ဆာ ဖြေလျှော့ပေးခြင်း။ အလုပ်သမားသမဂ္ဂများနှင့်ဆန္ဒပြပွဲများကို တရားဝင်ခွင့်ပြုပေးခြင်း၊ နိုင်ငံရေးအကျဉ်းသားများကို လွှတ်ပေးခြင်းတို့ကို စတင်ပြုလုပ်ခဲ့သည်။

အမေရိကန်ပြည်ထောင်စုကလည်း Sanctions များဖြေလျော့ပေးခြင်ဖြင့် တုန့်ပြန်အသိအမှတ်ပြုခဲ့ပြီး အမေရိကန်ကုမ္ပဏီများ မြန်မာနိုင်ငံ၌ ရင်းနှီးမြှုပ်နှံခြင်းကိုခွင့်ပြုရန်နှင့် ငွေကြေးဝန်ဆောင်မှုလုပ်ငန်းများကို ခွင့်ပြုရန် ယခုလအတွင်းဆုံးဖြတ်ကာ စတင် အကောင်အထည်ဖော်ခဲ့သည်။

ဝါရှင်တန်အနေဖြင့် ကျန်ရှိနေသော Sanctions များကို ရုတ်သိမ်းရေးနှင့်ပတ်သက်ပြီး လက်တွေ့ကိုလက်တွေ့ဖြင့် တုန့်ပြန်ရန် ပြင်ဆင်ထားကြောင်း ဟောမတ်ကထပ်မံပြောဆိုခဲ့ပြီး၊ ပြုပြင်ပြောင်းလဲရေး နောက်တစ်ဆင့်ပြုလုပ်ရန် သမ္မတဦးသိန်းစိန်က ကတိပြုထားသည်ဟု ထောက်ပြပြောဆိုသည်။

ထိုအတောအတွင်း မြန်မာထွက်ကုန်တင်သွင်းမှု ပိတ်ပင်သည့်ဥပဒေကို ၂၀၁၅ ဇူလိုင်အထိ သက်တမ်းတိုးရန်အတွက် ကွန်ဂရက်လွှတ်တော်တွင် ဆွေးနွေးလျက်ရှိသော်လည်း၊ ယင်းဥပဒေနှင့် အခြား Sanctions များကို မြန်မာအစိုးရ၏ လက်တွေ့လုပ်ရပ်အပေါ် တုန့်ပြန်ဖြေလျော့ပေးရန် အိမ်ဖြူတော်ကိုခွင့်ပြုသွားမည် ဖြစ်သည်။

မြန်မာနိုင်ငံသည် ရေနံနှင့်ဓါတ်ငွေ့၊ ကျွန်းနှင့် သစ်မာ၊ ကျောက်မျက်သတ္တုနှင့် လယ်ယာထွက်ကုန်စသော သယံဇာတများ ကြွယ်ဝသော်လည်း ထိုင်း၊ တရုတ်၊ ဗီယက်နမ်စသော အိမ်နီးချင်းနိုင်ငံများနှင့် နှိုင်းယှဉ်လျှင် ကုန်ချောပြုပြင်ထုတ်လုပ်မှု လုပ်ငန်းလွန်စွာ နည်းပါးပြီး၊ ဆင်းရဲနွမ်းပါးလျက်ရှိသည်။

ယင်းအခြေအနေက အမေရိကန်နှင့် နိုင်ငံခြားကုမ္ပဏီများအား နောက်ဆုံးပေါ်မြန်မာဈေးကွက်သို့ ငွေရင်းများများဖြင့် နေရာဝင်ယူကြရန် စိတ်ကူးကို လှုံဆော်ပေးနေသည်။

၎င်းအလားလာသည် အချိန်တိုအတွင်းမဖြစ်နိုင်သေးကြောင်း မှတ်ချက်ပေးသည့် ဟောမတ်က “ငွေတွေအပုံလိုက် လှိမ့်ဝင်လာတာကို ကျွန်တော်မတွေ့သေးပါဘူး”ဟု ပြောကြားသည်။

မြန်မာအစိုးရက ယင်း၏စီးပွားရေးမျက်နှာစာကို ခွဲဖြန့်ထားရန်အတွက် အမေရိကန်ရင်းနှီးမြှုပ်နှံမှုများကို မျှော်လင့်နေသော်လည်း စီးပွားရေးအဆိုပြု လျှောက်လွှာများကို အဆင့်ဆင့်စီမံဆောင်ရွက်ရန် ကျွမ်းကျင်ဝန်ထမ်း ရှားပါးမှုကဲ့သို့သော စိန်ခေါ်မှုများနှင့် ရင်ဆိုင်နေရသည်။

“အမေရိကန် ငွေရင်းငွေနှီးတွေ မြန်မာနိုင်ငံထဲကိုစီးဝင်လာဖို့တော့ ရှိပါတယ်။ ချက်ခြင်းတော့ မဖြစ်နိုင်သေးပါဘူး”ဟု ၎င်းက ပြောကြားသည်။

“မြန်မာနိုင်ငံဟာ အလွန်ရှုပ်ထွေးတဲ့နိုင်ငံပါ။ ခင်ဗျား အဲ့ဒီမှာရင်းနှီးမြှုပ်နှံမယ်ဆိုရင် အများကြီးဂရုတစိုက် လုပ်ရလိမ့်မယ်”ဟု ဟောမတ်က ဆိုသည်။

ထောက်ပြစရာကိစ္စရပ်တစ်ခုမှာ တိုင်းရင်းသားလူမျိုးစုများ၏ အကဲဆတ်မှုများပင်ဖြစ်ပြီး၊ ၎င်းတို့သည် တပ်မတော်အစိုးရဟောင်းနှင့် အတိတ်ကဆက်ဆံရေးဆိုးဝါးခဲ့မှုများ၊ ၎င်းတို့၏နယ်မြေအချို့ လက်လွှတ်ပေးခဲ့ရသော ယခင်ရင်းနှီးမြှုပ်နှံမှု စာချူပ်များကို သတိတရရှိနေကြဆဲဖြစ်သည်ဟု ဟောမတ်က ပြောကြားသည်။

ရင်းနှီးမြှုပ်နှံမှုစီမံကိန်းများ၏အကျိုးဆက်ကြောင့် လူမှုနှင့်သဘာဝပတ်ဝန်းကျင်ထိခိုက်မည်ကို ဒေသခံများက စိုးရိမ်ကြသောကြောင့် ကုမ္ပဏီများအနေဖြင့် ဂရုတစိုက်ကိုင်တွယ်ဖြေရှင်းရန်လိုအပ်သည်ဟု ဟောမတ်က သုံးသပ် ပြောဆိုသွားသည်။

                                                                        ********************************************

မြန်မာနိုင်ငံတွင် သံရုံးဖွင့်ရန် အီရန်စီစဉ်

(Bernama News မှ 31July 2012 ရက်စွဲပါ “Iran plan to establish embassy in Myanmar”သတင်းကို ဘာသာပြန်ဆိုသည်။)

မြန်မာနိုင်ငံတွင် မွတ်စလင်များရင်ဆိုင်နေရသောပြဿနာများကို ကူညီဖြေရှင်းရန်အတွက် မြန်မာနိုင်ငံတွင် သံရုံးဖွင့်လှစ်ရန် စီစဉ်နေသည်ဟု အီရန်နိုင်ငံခြားရေးဝန်ကြီး အလီအက်ကဘာဆာလီဟီက ပြောကြားကြောင်း အီရန်နိုင်ငံမှ Mehr News Agency(MNA) က သတင်းထုတ်ပြန်သည်။

“မြန်မာအာဏာပိုင်တွေနဲ့ ကျွန်တော်တို့ဆွေနွေးမှုတွေ ပြုလုပ်နေပါတယ်။ အဲဒီနိုင်ငံမှာ အီရန်သံရုံးဖွင့်ဖို့ စီစဉ်နေပါတယ်။ အီရန်သံရုံး ထားရှိခြင်းကြောင့် နှစ်နိုင်ငံဆက်ဆံမှုအားကောင်းအောင် အထောက်အကူပြုမှာဖြစ်ပြီး မြန်မာနိုင်ငံက မူစလင်လူမျိုးတွေရဲ့ ပြဿနာတွေကိုကူညီဖြေရှင်းရာမှာ မြန်မာအစိုးရရဲ့ပူးပေါင်းဆောင်ရွက်မှုနဲ့အတူ ထိရောက်တဲ့လုပ်ဆောင်မှုတွေကိုပြုလုပ်နိုင်မယ်လို့ ကျွန်တ်ာယုံကြည်ပါတယ်”စသဖြင့် နိုင်ငံခြားရေးဝန်ကြီး ဆာလီဟီက ပြောကြားခဲ့သည်။

တနင်္ဂနွေနေ့က သတင်းစာရှင်းလင်းပွဲတွင် မြန်မာနိုင်ငံမှ ရိုဟင်ဂျာမွတ်စလင်များ သေဆုံးမှုအပေါ် အီရန်နိုင်ငံခြားရေးဝန်ကြီးဌာန၏ သဘောထားကိုမေးမြန်းရာတွင် အီရန်နိုင်ငံခြားရေးဝန်ကြီးက အထက်ပါအတိုင်းမှတ်ချက်ပေး ပြောဆိုသွားခြင်းဖြစ်သည်။

*****************************************************************************************************                                


Google Drive: create, share, and keep all your stuff in one place.
Logo for Google Drive

Document yangonchronicle2011 Op-Ed
yangonchronicle2011 Op-Ed

၁.၈.၂၀၁၂

ဆောင်းပါးကဏ္ဍ

  1. ထွန်းသစ်စနိုင်ငံတွင်းက ရုန်းကန်နေရဆဲစတုတ္ထမဏ္ဍိုင်၏ မီဒီယာလွတ်လပ်ခွင့်ဟူသည်မှာ…။

*****************************************

ဆောင်းပါးကဏ္ဍ

ထွန်းသစ်စနိုင်ငံတွင်းက ရုန်းကန်နေရဆဲ စတုတ္ထမဏ္ဍိုင်၏ မီဒီယာလွတ်လပ်ခွင့်ဟူသည်မှာ…။

နိုင်မော်

မြန်မာနိုင်ငံသည် ရွေးကောက်ပွဲသစ် လွှတ်တော်သစ် အစိုးရသစ်ဖြင့် ပြုပြင်ပြောင်းလဲမှုကို စတင်လိုက်သော အရှေ့တောင်အာရှမှ ဒီမိုကရေစီ နိုင်ငံသစ်တစ်ခုဖြင့်သည်။ ယခုကာလသည် အာဏာရှင်စနစ်မှဒီမိုကရေစီ နိုင်ငံသစ်ကို ကူးပြောင်းရဆဲ အချိန်ဖြစ်ရာ ဒီမိုကရေစီနိုင်ငံတွင် ရှိသင့်ရှိအပ် သော ဒီမိုကရေဒီကို ရှင်သန်ဖွံ့ဖြိုးအောင် ထောက်ပံ့ပေးမည့် မဏ္ဍိုင်တို့သည် အားနည်းလျက်ရှိသည်။

နိုင်ငံတစ်နိုင်ငံတွင် အုပ်ချုပ်ရေး၊ ဥပဒေပြုရေး၊ တရားစီရင်ရေးဟူသော အဓိကမဏ္ဍိုင်ကြီးသုံးရပ်ဖြင့် တိုင်းပြည်ကို မောင်းနှင်ကြရသည်။ ထို မောင်းနှင်နေသော မဏ္ဍိုင်ကြီးသုံးရပ်နှင့် ပြည်သူကို ကြားမှပွင့်လင်းမှု ရှိအောင် ဆက်သွယ်ပေးသည့် နိုင်ငံ၏ နိုင်ငံရေး၊ စီးပွားရေးနှင့် လူသားတို့၏ အသိဥာဏ်ဖွံ့ဖြိုးရေးတွင် အရေးပါသော မဏ္ဍိုင်တစ်ရပ် ရှိသည်။ အဆိုပါ မဏ္ဍိုင်ကား နိုင်ငံ၏ မီဒီယာဟူသော စတုတ္ထမဏ္ဍိုင်ပင် ဖြစ်သည်။

မီဒီယာလွတ်လပ်ခွင့်ရှိမှု၊ မရှိမှုသည် ထိုတိုင်းပြည်၏ ဒီမိုကရေစီရေချိန်ကိုတိုင်းတာသည့် ပေတံတစ်ခုဟုပင် ဆိုနိုင်သည်။ ထို့ကြောင့်ပင် ဒီမို ကရေစီ၏ အခြေခံသဘောတွင် ပြည်သူ့လွတ်လပ်ခွင့်နှင့် လူ့အခွင့်အရေး ဖြစ်သည်ဟု ဆိုထားသည်။ လွတ်လပ်ခွင့်ဆိုရာတွင် လွတ်လပ်စွာ ပြောဆိုခွင့်၊ လွတ်လပ်စွာရေးသားခွင့်၊ လွတ်လပ်စွာ ရွေးကောက်ပိုင်ခွင့် စသည့်အချက်များ ပါဝင်နေသည်ဖြစ်ရာ လွတ်လပ်စွာ ရေးသားပိုင်ခွင့် မရှိသေးလျှင် ထိုနိုင်ငံ၏ ဒီမိုကရေစီကို ခရီးရောက်ဦးမည် မဟုတ်ပေ။

ဤဆောင်းပါးတွင် အဆိုပါ ကိစ္စနှင့်ပတ်သတ်၍ ဆက်လက်၍ တင်ပြသွားပါမည်။ နိုင်ငံတော်တွင် အစိုးရသစ် တက်လာပြီး တစ်နှစ်ကျော် ကာလအတွင်း မီဒီယာနှင့်ပတ်သတ်၍ ပြန်လည်လေ့လာကြည့်လျှင် မီဒီယာများသည် ယခင်နှင့်စာလျှင် ပိုမိုရေးသားလာနိုင်ပြီဟု ဆိုရမည်။ ယခင် ထက်တော့ ပိုမိုရေးသားနိုင်ရုံဖြင့်တော့ မီဒီယာလွတ်လပ်ခွင့်ရပြီဟု ကမ္ဘာ့အလည်တွင် အရှက်မရှိ အော်လို့တော့ မဖြစ်သေးပါ။ အဘယ့်ကြောင့်ဆိုသော် မီဒီယာများတွင် နေ့စဉ်နှင့်အမျှ ခြိမ်းခြောက်မှုဖြင့် ရင်ဆိုင်နေရသောကြောင့်ပင်တည်း။ ဘာ့ကြောင့် ကျွန်တော် ထိုသို့ပြောသနည်း။ ကျွန်တော်တို့ နိုင်ငံတွင် စာပေစိစစ်ရေး ရှိနေသေးသည်။ (ထုတ်တင်ဟုပြောပြော တင်ထုတ်ဟုပြောပြော စာပေစိစစ်ရေး တင်နေရတာတော့ သေချာသည်) အစိုးရ ဝန်ကြီးဌာနများကလည်း ကြောင်ကိုကြွက်ဖမ်းသကဲ့သို့ အပြစ်ကို ချောင်းနေကြသည်ကို တွေ့ရနေသေးသည်။­ ပြောရလျှင် ဂျာနယ်တွေမှာ ငွေထုပ်ကို ဆောင်ထားရသည့် သဘောပင်။ အပိတ်ခံမည့်အရေး စောင့်နေရသည့်သဘော ဖြစ်နေသည်။ ဘယ်နေ့ တရားရုံး။ အမှန်အတိုင်း ဝန်ခံရလျှင် နယ်ပယ် ကဏ္ဍအသီးသီးသည် အတွေ့အကြုံနုနယ် နေသေးသည်။ နိုင်ငံရှိ အစိုးရအနေနဲ့သော်လည်းကောင်း၊ ဥပဒေပြု လွှတ်တော်သည်သော်လည်းကောင်း အတွေ့အကြုံ နုနယ်သေးသည်။ ထိုနည်းတူ စတုတ္ထမဏ္ဍိုင်ဟူသော မီဒီယာပင်လျှင် နုနယ်သေးသည်။ ဂျာနယ်တွေထွက်တာ ကြာပြီမှန်သည်။ သို့သော် ၂၀၁၁မတိုင်မီကာလများက ဂျာနယ်များသည် အာဏာရှင်အောက်တွင် သူတို့အလိုကျ ရေးရသည့်သဘော၊ မိမိတို့ မဖော်ပြလိုသည့် အကြောင်း အရာများကို ဖော်ပြရသည့် အခြေအနေမျိုး ဖြစ်နေခဲ့သည်။

အတွေ့အကြုံ နုနယ်လှသေးသည်ဖြစ်ရာ အစိုးရအနေဖြင့် မီဒီယာကိုရန်သူသဘောမထားသင့်ပါ။ အဆိုပါ မီဒီယာကဏ္ဍ တိုးတက်အောင်၊ ရှင်သန်အောင် ရေလောင်းပေါင်းသင် ထောက်ပံ့ပေးသင့်ပါသည်။ ယခုကား ထိုသို့မဟုတ်ဘဲ အကွက်ထောင်ဖမ်းနေသည့်သဘော သက်ရောက် နေသည်။ တစ်နှစ်တာကာလအတွင် မြန်မာဂျာနယ်လောကတွင် ဂျာနယ်ကြီး(၃)ခုသည် အကန့်အသတ်မရှိ အပိတ်ခံထားရသည်။ အဆိုပါဂျာနယ်ကြီး သုံးခုကား လျှပ်တပြက်ဂျာနယ်၊Envoy ဂျာနယ်နှင့် The Voice ဂျာနယ်တို့ပင်တည်း။

လျှပ်တစ်ပြက်ဂျာနယ်သည် ဇွန်လအတွင်းကဖြစ်ပေါ်ခဲ့သော ရခိုင်ပြည်နယ်အရေးကိစ္စတွင် အစိုးရမီဒီယာ၏အမှားကို မည်သူတာဝန်ယူမလဲ ဟူသောကိစ္စဖြင့် အပိတ်ခံရခြင်းဖြစ်သည်။ အဆိုပါကိစ္စကို ရှုမြင်ရလျှင် အစိုးရပိုင် သတင်းစာက မှာယွင်းမှုများကို ထောက်ပြသည့် သဘောဖြင့် ရေးသားမှုပင် ဖြစ်သည်။ မှန်ပါသည်။ အဆိုပါ ရခိုင်ပြည်နယ်က လူသတ်မှုတွင် အစိုးရမီဒီယာများက ကုလားလူမျိုး၊ ရခိုင်လူမျိုးဟူ၍ ခွဲခြားဖော်ပြခဲ့သည်။ အဆိုပါလုပ်ရပ်သည် နိုင်ငံပိုင်မီဒီယာအနေဖြင့် မလုပ်သင့်၍ သတင်းသမားတို့၏ ရှုထောင့်အရတင်ပြခြင်း ဖြစ်ရာထိုသို့ ဂျာနယ်ကို ပိတ်ထားခြင်းသည် မမျှတကြောင်း ရှုမြင်မိသည်။ ရန်ကုန်တိုင်းဒေသကြီး ဝန်ကြီးချုပ်ဦးမြင့်ဆွေက ဇွန်လ ၁၀ရက်နေ့က မီဒီယာများကို ရခိုင်ကိစ္စနှင့်ပတ်သက်၍ ခေါ်ယူ သတိပေးသည်။ သို့သော် လျှပ်တပြက်ဂျာနယ်က အစိုးရအနေနှင့် ကိုယ်ရဲ့မီဒီယာကိုလည်း ထိန်းသိမ်းဦးဟု သတိပေးလိုက်သည့်သဘော ဖြစ်သည်ဟု ကျွန်တော့်အနေဖြင့်ရှုမြင်မိသည်။မီဒီယာ၏ ထိုသို့သော ဆိုလိုရင်းကို နားမလည် ကြပါက မီဒီယာ၏ လွတ်လပ်ခွင့်ဟူသည်မှာ..။

The Voice ဂျာနယ်ကိစ္စတွင် အစိုးရဝန်ကြီးများ ပြောင်းသည့်ကိစ္စကို မသေချာဘဲထည့်မှု၊ တားမြစ်ထားသည့် သရုပ်ဖော်ကာတွန်းကို ဖော်ပြ မှုတို့ ပါဝင်နေသည်။ အစိုးရဝန်ကြီးများ ပြောင်းမည့်ကိစ္စတွင် မီဒီယာအနေဖြင့် သတင်းရ၍သာ ထည့်ဖော်ပြခြင်း ဖြစ်နိုင်သည်။ မည်သည့်မီဒီယာကမျှ လိမ်လည်ရေးခြင်းမဖြစ်နိုင်။သို့သော် သတင်းအရင်းအမြစ် မခိုင်လုံ၍ မှားကောင်းမှားနိုင်သည်။ မီဒီယာသမားဟူသည် ရသမျှသတင်းကိုပြည်သူသို့ အသီးအဖျား အသိပေးလိုသည့် ဆန္ဒရှိသည် ဖြစ်ရာမိမိရသမျှကို ဂျာနယ်မှတစ်ဆင့် တင်ပြကြပေသည်။ ထိုသို့သောမီဒီယာ၏ သဘောတရားကို ထည့်မစဉ်းစားသ၍ မီဒီယာ၏ လွတ်လပ်ခွင့်ဟူသည်မှာ..။

ပြည်သူများသည် မီဒီယာမှတစ်ဆင့်သာ အသိပညာရရပေသည်။ ၂၀၁၀ရွေးကောက်ပွဲ အကြိုကာလက မီဒီယာ၏ ကြိုးပမ်းအားထုတ်မှုသည် တစ်ခန်းတစ်ကဏ္ဍမှ ပါဝင်ခဲ့သည်။ မြစ်ဆုံဆည်တည်ဆောက်မှု တားမြစ်ရေးကိစ္စတွင် ပညာရှင်များ အရပ်ဖက် လူ့အဖွဲ့အစည်းများက ပြည်သူသို့ ဆော်သြပေးမှုပါသကဲ့သို့ မီဒီယာ၏ဆော်သြပေးမှုလည်း ပါသည်။ ထို့ကြောင့်ပင် ပြည်သူများ၏အသံသည် အရာထင်ခဲ့သည်။ တိုင်းပြည်၏ ဖြစ်ပေါ် ပြောင်းလဲမှုများကို မီဒီယာရှိနေ၍သာ ပြည်သူများ အသိအမြင် ပွင့်လင်းလာရသည် ဖြစ်သည်။

ထိုကဲ့သို့ပြည်သူများကို အကျိုးရှိစေသော မီဒီယာကို မကြာသေးမီက သတ္ထုတွင်းဝန်ကြီးဌာနနှင့် The Voice Weekly တို့အမှုတွင် တရားလိုပြ အစိုးရအရာရှိတစ်ဦးက ရုံးချိန်းတွင် ပြည်သူတွေ အကျိုးရှိအောင် ရေးတယ်ဆိုပြီး ဘာမှလည်းအကျိုးမရှိဟု ဆင်ခြင်တုံတရာမရှိ အမြောအမြင် ကင်းမဲ့စွာ ဖြေကြားခဲ့သည်။ ဤကဲ့သို့သော မီဒီယာကို အဆိုးမြင်သော မီဒီယာ၏အကျိုးများမှုကို နားမလည်သော အမှုထမ်းများရှိနေသ၍ မီဒီယာ၏ လွတ်လပ်ခွင့် ဟူသည်မှာ…။

သမ္မတကြီးက C.N.Aရုပ်သံလိုင်းနှင့် တွေ့ဆုံပွဲတွင် ဒေါ်အောင်ဆန်စုကြည်တို့ အဖွဲ့ထဲမှာရော အစိုးရအဖွဲ့မှာရော ရှေးရိုးစွဲအမြင် ရှိသည်ဟု ဖြေထားသည်။ မှန်ပါသည်။ ရှေးရိုးစွဲအမြင်ရှိသူများ ရှိနေသော နိုင်ငံတွင် မီဒီယာလွတ်လပ်ခွင့် ဟူသည်မှာ..။

ဤသို့ဆိုလျှင် ပြန်ကြားရေးဝန်ကြီးဌာနမှာရော စာပေစိစစ်ရေးမှာပါထိုသို့သော အမြင်ဟောင်း အယူအဆဟောင်းများ ရှိနေလျှင် မီဒီယာ လွတ်လပ်ခွင့်ဟူသည်မှာ..။

ယနေ့အချိန်တွင် မြန်မာနိုင်ငံအစိုးရအပါအဝင် လွှတ်တော်အမတ်များကပါ အမေရိကန်၏ စီးပွားရေးပိတ်ဆို့မှုကို အပြီးတိုင်ဖယ်ရှားလိုသည်။ အမေရိကန်မှ၏  “BURMESE FREEDOM AND DEMOCRACY ACT OF 2003” တွင် မြန်မာ နိုင်ငံကို လူ့အခွင့်အရေးနှင့် လွတ်လပ်ခွင့်ကို ချိုးဖောက်မှုဟူသော တွေ့ရှိချက်များဖြင့် ချမှတ်အရေးယူထားသည်။ မြန်မာနိုင်ငံ မီဒီယာလောကတွင် လက်ရှိဖြစ်ပေါ်နေသော အခြေအနေအရ မီဒီယာ လွတ်လပ်ခွင့်ဟူသည်။ လွတ်လပ်ခွင့်ဟုပြောလျှင် တွဲပါလာသော မီဒီယာလွတ်လပ်ခွင့်မရှိလျှင် မြန်မာနိုင်ငံအနေဖြင့် အမေရိကန်၏ အပြီးတိုင် စီးပွားရေး ပိတ်ဆို့မှု ဖယ် ရှားရေးကြိုးပမ်းမှုသည် မည်သို့ဖြစ်မည်ကိုစဉ်းစားဖို့လိုပေသည်။

ဂျာနယ်များ တစ်တိုက်ပြီးတစ်တိုက် ပိတ်သိမ်းခံရခြင်းသည် မီဒီယာမဏ္ဍိုင်ကို မပျက်ပျက်အောင် အစီစဉ်တကျ ရိုက်ချိုးနေသည့် သဘောပင် ဖြစ်နေသည်။ အထက်တွင် ကျွန်တော်ဖော်ပြခဲ့သည့် အတိုင်းမီဒီယာကဏ္ဍသည် အတွေ့ အကြုံ နုနယ်သေးသဖြင့် ဂျာနယ်များကို ချုပ်စည်းမှု ပြုထားလျှင် အစိုးရမှပြောနေသော မီဒီယာလွတ်လပ်ခွင့်ကို မည်ကဲ့သို့ နားလည်ရမည်နည်း။ဂျာနယ်တစ်ခုကို ပိတ်ရန်အမိန့်ထုတ်ခြင်းသည် ပြည်သူတို့၏ နား မျက်စိတို့ကို ထိုးဖောက်ပိတ်ဆို့ လိုက်သည်နှင့် တူပေလိမ့်မည်။ မီဒီယာတို့သည် လူသားအရင်းအနှီး၊ ငွေကြေးအရင်းအနှီး၊ ဂုဏ်သိက္ခာ အရင်းအနှီးတို့ဖြင့် သူတို့၏ ဂျာနယ်ကိုတည်ဆောက်ကာ ပြည်သူများအား မျက်စိပွင့်နားပွင့်ဖြစ်စေရန် ရသမျှသတင်းကို ပြည်သူသို့ တင်ပြကြ သည် ဖြစ်ရာယခုကဲ့သို့သော ပြင်းထန်သည့် လုပ်ရပ်များက မီဒီယာကဏ္ဍ ဖွံ့ဖြိုးရေးနှင့် ပြည်သူတို့အကြား နေ့စဉ်နှင့်အမျှ အမြင်ကျယ်ရေးတို့မှာ အဟန့်အတားများစွာ ရှိနေကြောင်းနှင့် မီဒီယာကဏ္ဍ လွတ်လပ်ခွင့်ဟူသည် မြန်မာနိုင်ငံတွင် မပီပြင်သေးဟု ဆိုရပေလိမ့်မည်။

အချို့က၂၀၁၂ဇူလိုင်လတွင် ဒေါ်အောင်ဆန်းစုကြည်နှင့် နိုင်ငံတော်သမ္မတ တွေ့ဆုံပြီးနောက်ပိုင်းတွင် ဒေါ်အောင်ဆန်းစုကြည်အကြောင်း မီဒီယာတွင် ရေးကြပြောကြနိုင်လာသည်။ သို့သော် ထိုသို့ရေးနိုင်ရုံဖြင့် မီဒီယာလွတ်လပ်ခွင့်ရှိပြီဟု ဆိုနိုင်ပါမည်လော။ နိုင်ငံရေးပါတီများ၏ ဆောင်ရွက် ချက်များ ဖော်ပြခွင့်ရရုံဖြင့် မီဒီယာလွတ်လပ်ခွင့်ရှိပြီဟု ဆိုနိုင်မည်လော။ နိုင်ငံရေးရာအိုင်ဒီရော်လော်ဂျီများတင်ပြခွင့်ပြုရုံဖြင့် မီဒီယာလွတ်လပ်ခွင့်ဟု ဆိုနိုင်မည်လော။

ကျွန်တော့်အမြင်အရပြောရလျှင် မီဒီယာများအနေဖြင့် ဘက်လိုက်မှုမပါဘဲ မိမိတို့ရရှိလာသမျှ သတင်းများ၊ ပြည်သူပရိတ်သတ်တို့ သိသင့်သော အတွေးအခေါ်များစသော သတင်းထွက်ကုန်များကို တင်ပြနိုင်မှသာ မီဒီယာလွတ်လပ်ခွင့် ရှိသည်ဟု ဆိုနိုင်မည်ဖြစ်သည်။ တိုင်းပြည်ကလည်း နုနယ် သည်၊ စတုတ္ထမဏ္ဍိုင်လည်း နုနယ်သည်၊ နိုင်ငံရေးအတွေ့အကြုံလည်း နုနယ်သည်။   ထို့ကြောင့် နိုင်ငံတော်အနေဖြင့် မီဒီယကဏ္ဍနှင့်ပတ်သက်၍ ကိုင် တွယ်ရာတွင် တနည်းအားဖြင့် မီဒီယာ လွတ်လပ်ခွင့်ကို ဖော်ဆောင်ရာတွင် ထိန်းထိန်းသိမ်းသိမ်း လုပ်ဆောင်သင့်ကြောင်း တာဝန်ရှိသူများအား သိစေ ရန် တင်ပြလိုက်ရပေသည်။

မီဒီယာလွတ်လပ်ခွင့်ဟူသည်မှာ………………………………………………….။

                *****************************************


Google Drive: create, share, and keep all your stuff in one place.
Logo for Google Drive