Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၁၄.၁၀.၂၀၁၂

ဆောင်းပါးကဏ္ဍ

  1. မူဝါဒနှစ်ခုရဲ့ အစွန်းနှစ်ဘက်ကြားက ဖြစ်ပေါ်လာတဲ့အကျပ်အတည်း

*****************************************

ဆောင်းပါးကဏ္ဍ

မူဝါဒနှစ်ခုရဲ့ အစွန်းနှစ်ဘက်ကြားက ဖြစ်ပေါ်လာတဲ့အကျပ်အတည်း

ဗသုန်

အောက်တိုဘာ၁၄ရက်ထုတ် The Voice Weekly ဂျာနယ်အတွဲ(၈) အမှတ်(၄၁)တွင် ပါရှိသည့် ဆောင်းပါးကို ထုတ်နှုတ်တင်ပြချက်။

ယခုနှစ် မိုးရာသီရဲ့စောစောပိုင်းကာလမှာ ရာသီဥတုအကြီးအကျယ် ဖောက်ပြန်ခဲ့တာဖြစ်လို့ နိုင်ငံအတွင်းမှာ စိုက်ပျိုးကြတဲ့ ကောက်ပဲသီးနှံတွေရဲ့ ထွက်ရှိမှုနှုန်းများစွာ လျော့နည်းနိုင်တယ် လို့ စိုက်ပျိုးရေးပညာရှင်များက လေ့လာသုံးသပ် ပြောဆိုကြပါတယ်။ လက်ရှိအခြေအနေမှာတော့ မကွေးတိုင်း ဒေသကြီး၊ မန္တလေးတိုင်းဒေသကြီးနဲ့ စစ်ကိုင်းတိုင်းဒေသကြီးတို့အတွင်းမှာ အဓိက ဆီထွက်သီးနှံဖြစ်တဲ့ မိုးနှမ်းထွက်ရှိမှုဟာ ယခင်နှစ်များထက် များစွာ လျော့နည်းနေတာကို တွေ့ရှိရပါတယ်။ ဒီအခြေအနေဟာ ရောဂါသည်းနေတဲ့ နိုင်ငံအတွင်းက စားသုံးဆီ ကြိတ်ခွဲမှုလုပ်ငန်းများကိုတုတ်နဲ့ ထပ်ရိုက်သလို ဖြစ်နေပါလိမ့်မယ်။

ဒါနဲ့ပတ်သက်လို့တင်ပြရရင် ပြည်တွင်းအခြေခံကုန်ထုတ်လုပ်မှုများရဲ့ အစိတ်အပိုင်းတစ်ခုဖြစ်တဲ့ စားသုံးဆီကြိတ်ခွဲ ထုတ်လုပ်မှုလုပ်ငန်းဟာ အကျပ်အတည်းတွေ တွေ့နေရတာ ကာလအတန်ကြာခဲ့ပြီး ၂၀၁၂ ခုနှစ် နှစ်ဦးပိုင်းမှာတော့ ပြည်တွင်းရှိ စားသုံးဆီ ကြိတ်ခွဲထုတ်လုပ်မှု လုပ်ငန်း အများစုတို့ဟာ လည်ပတ်နိုင်ခြင်း မရှိတော့ဘဲ ရပ်နားလိုက်ကြရပါတယ်။ ဒါဟာ မြန်မာနိုင်ငံလွတ်လပ်ရေးရပြီးတဲ့ အချိန်ကစလို့ ပြည်တွင်းမှာ အဓိကကျတဲ့ အခြေခံကုန် ထုတ်လုပ်ငန်း တစ်ခု ပထမဆုံးအကြိမ်အဖြစ် ကြီးစွာသော အကျပ်အတည်း ကြုံတွေ့ရခြင်းဖြစ်ပါတယ်။

ဒီလိုအခြေအနေများကို ပြည်သူ့လွှတ်တော်ဥက္ကဋ္ဌ သူရဦးရွှေမန်းနဲ့ စီးပွားရေးအသင်းအဖွဲ့များမှ တာဝန်ရှိသူများ စီးပွားရေးလုပ်ငန်းရှင်များရဲ့ ၃၀-၆-၂၀၁၂ နေ့က တွေ့ဆုံပွဲမှာ UMFCCI ဒုတိယဥက္ကဋ္ဌ ဦးလှမောင်ရွှေနဲ့ မြန်မာနိုင်ငံ ဆန်စပါးလုပ်ငန်းရှင်များအသင်း ဥက္ကဋ္ဌ ဦးချစ်ခိုင်တို့က မြန်မာနိုင်ငံရဲ့ အခြေခံကုန်ထုတ်လုပ်ငန်းများဟာ အဆိုးဆုံးအခြေအနေနဲ့ ရင်ဆိုင်နေရပြီဖြစ်တဲ့အကြောင်း ပြည်သူ့လွှတ်တော် ဥက္ကဋ္ဌကြီးကို တင်ပြခဲ့ကြပါတယ်။

ပြည်တွင်းစားသုံးဆီ ကြိတ်ခွဲထုတ်လုပ်မှုလုပ်ငန်းဟာ ရှေးမြန်မာဘုရင်များ လက်ထက်ကပင် ရှိခဲ့တဲ့လုပ်ငန်း ဖြစ်ပါတယ်။ ထိုစဉ်က ရိုးရာသစ်သား ဆီကြိတ်ဆုံများကို နွားနဲ့လှည့်ကာ ကြိတ်ရတဲ့ လုပ်ငန်းဖြစ်ပြီး မြေလတ်ပိုင်းနဲ့ အညာဒေသကျေးရွာတိုင်းမှာ ရှိခဲ့တဲ့လုပ်ငန်းဖြစ်ပါတယ်။ ကိုလိုနီခေတ် နှောင်းပိုင်းနဲ့ လွတ်လပ်ရေးရပြီးကာလတွေကစလို့ စားသုံးဆီ ကြိတ်ခွဲထုတ်လုပ်မှုလုပ်ငန်းဟာ ခေတ်မီဆီကြိတ်ဆုံများ၊ စက်များနဲ့ထုတ်လုပ်တဲ့အဆင့် အထိတိုးတက်ဖွံ့ဖြိုးလာခဲ့ပါတယ်။

သို့သော်လည်း ဖ.ဆ.ပ.လအစိုးရလက်ထက် ပြည်တွင်းစားသုံးဆီ လိုအပ်ချက်ရှိတဲ့နှစ်တွေမှာ အိန္ဒိယမှ မြေပဲဆီ တင်သွင်းခဲ့ရတယ်လို့ သိရပါတယ်။ မ.ဆ.လအစိုးရလက်ထက် စောစောပိုင်းကာလတွေမှာ နိုင်ငံခြားငွေယိုပေါက်တစ်ခု ပိတ်နိုင်ရေးအတွက် ပြည်တွင်းဆီထွက်သီးနှံ ပိုမိုစိုက်ပျိုး ရေးကို အားပေးခဲ့ပြီး ပြည်ပမှ စားသုံးဆီတင်သွင်းမှုကို ပိတ်ထားခဲ့ပါ တယ်။ ပြည်တွင်းမှထွက်ရှိတဲ့ ဆီထွက်သီးနှံများကိုလည်း နိုင်ငံခြားသို့ တင်ပို့ ရောင်းချခွင့် လုံးဝခွင့်မပြုခဲ့ပါဘူး။ ဒါကြောင့် မ.ဆ.လ အစိုးရရဲ့ ပထမပိုင်းကာလတွေလို့ ပြောရမယ့် ၁၉၇၄ ခုနှစ်လောက် အထိ ပြည်တွင်းစားသုံးမှုနဲ့ ဆီထွက်သီးနှံထွက်ရှိမှုတို့ဟာ မျှတနေတယ်လို့ ဆိုနိုင်ပါတယ်။

သို့သော် ၁၉၇၄ ခုနှစ်နောက်ပိုင်းကာလမှာ မ.ဆ.လရဲ့ အောင်မြင်မှုမရရှိခဲ့တဲ့ သမ၀ါယမစီးပွားရေးစနစ်ဟာ သီးနှံစိုက်ပျိုး ထုတ်လုပ်တဲ့ တောင်သူ လယ်သမားတွေကို အကျပ်အတည်း တွေ့စေခဲ့ပါတယ်။ စပါး၊ မြေပဲ၊ နှမ်းတို့ပါဝင်တဲ့ သီးနှံတချို့ကို စီမံကိန်းသီးနှံအဖြစ် သတ်မှတ်ပြီး ကာလဒေသ ခွဲခြား မနေဘဲ စိုက်ပျိုးစေခြင်း၊ ထွက်ရှိလာသော စီမံကိန်းသီးနှံများကို ကန့်သတ်ဈေးဖြင့် သတ်မှတ်ပေးသော အရေအတွက်အတိုင်း သမ၀ါယမသို့ ရောင်းချ စေခြင်းများ ရှိခဲ့ပါတယ်။

အဲဒီလုပ်ရပ်ဟာ တောင်သူလယ်သမား ညတွေကို အနိုင်ကျင့်သလိုဖြစ်ခဲ့ပြီး ပုဂ္ဂလိကစိုက်ပျိုးထုတ်လုပ်မှုသာ အဓိကဖြစ်နေတဲ့ လယ်ယာ ကုန်ထုတ်စွမ်းအားကို အကြီးအကျယ် ထိခိုက်ကျဆင်းစေခဲ့ပါတယ်။ အကျိုးဆက်အနေနဲ့ ပြည်တွင်းစားသုံးမှုအတွက် လောက်ငရုံသာဖြစ်နေတဲ့ ဆီထွက် သီးနှံထွက်ရှိမှုဟာလည်း ဖူလုံမှုမရှိတဲ့အခြေအနေကို ရောက်ခဲ့ရပါတယ်။ ဒါကြောင့် မ.ဆ.လအစိုးရခေတ် နှောင်းပိုင်းကစလို့ ပြည်ပမှ စားအုန်းဆီ တင်သွင်း ခဲ့ရပြီး မြန်မာပြည်သူတို့ဟာလည်း စားအုန်းဆီနဲ့ အကျွမ်းဝင်ခဲ့ရပါတယ်။ နောက်တော့ မ.ဆ.လအစိုးရရဲ့ မူဝါဒမှားယွင်းမှု တွေဟာ ပြည်သူ လူထုကို စားဝတ်နေရေးအထွေထွေ အကျပ်အတည်း ဖြစ်ပေါ်လာစေပြီး ၁၉၈၈ ခုနှစ်မှာ မ.ဆ.လ အစိုးရ ပြုတ်ကျခဲ့ပါတယ်။

မ.ဆ.လ အစိုးရပြုတ်ကျပြီး တက်လာတဲ့ အစိုးရအနေနဲ့လည်း တက်လာခါစ၊ အစောပိုင်းကာလတွေမှာ ပြည်သူလူထု ကြုံတွေ့နေရတဲ့ စားဝတ်နေရေးအကျပ်အတည်းပြဿနာ ပြေလည်စေဖို့ အပြင်းအထန်ကြိုးစားခဲ့ရတာကို တွေ့ရပါတယ်။ ဆန်အတွက် ဖြေရှင်းမှုကိုတော့ မ.ဆ.လ အစိုးရရဲ့ လက်ငုတ်စနစ်အတိုင်း လယ်သမားတွေထံမှ စပါးကို ကန့်သတ်ဈေးနဲ့ဝယ်ယူပြီး ဖြေရှင်း ပေးခဲ့ပါတယ်။ အဲဒီအချိန်က နိုင်ငံခြားသုံးငွေ နည်းပါးမှု အကျပ် အတည်းရှိနေတဲ့အတွက် အစိုးရဟာ စားသုံးဆီမလုံလောက်မှုအတွက် နည်းတစ်မျိုးနဲ့ ဖြေရှင်းခဲ့တာကို တွေ့ရပါတယ်။ အဲဒီ နည်းလမ်းကတော့ ဈေးကောင်းကောင်းရမယ့် ပြည်တွင်းဆီထွက် သီးနှံကုန်ကြမ်းများဖြစ်တဲ့ နှမ်းနဲ့မြေပဲဆံတို့ကို ပြည်ပသို့တင်ပို့ ရောင်းချခွင့်ပြုခဲ့ပြီး ဈေးချိုတဲ့ စားအုန်းဆီများကို ပြန်လည်တင် သွင်းစေခြင်း ဖြစ်ပါတယ်။ နောက်တော့ အဲဒီအစိုးရသက်တမ်း ကာလတစ်လျှောက်လုံး ဒီမူဝါဒကို မပိတ်မပင် မပြင်ဆင်ဘဲ ဆက်လက်ကျင့်သုံးခဲ့ပါတယ်။ အဲဒီမူကို လေ့လာဆန်းစစ်မှုမပြုဘဲ ဆက်လက်ကျင့်သုံးရတဲ့အကြောင်းကို လေ့လာကြည့်တဲ့အခါ တာဝန်ရှိသူတွေရဲ့ အမြင်မှာ ဆီထွက်သီးနှံစိုက်ပျိုးတဲ့တောင်သူတွေ ဈေးကောင်းကောင်းရပြီး ၀င်ငွေတိုးကြလိမ့်မယ်ဆိုတဲ့ အမြင်မျိုးသာရှိ နေခဲ့တာကို တွေ့ရပါတယ်။

ဒီအမြင်ဟာ လက်တွေ့အခြေအနေနဲ့ အလွန်ကင်းကွာတဲ့အမြင်ဖြစ်နေပြီး ပြည်တွင်းစားသုံးဆီထုတ်လုပ် မှုလုပ်ငန်းကို လုံးဝဥပေက္ခာပြုတဲ့ အမြင်လည်း ဖြစ်နေပါတယ်။ နောက်ပြီး စားအုန်းဆီတင်သွင်းဖြန့်ဖြူးမှုကို သေချာကျနစွာ ကြီးကြပ်ခြင်း မရှိခဲ့တဲ့အတွက် ပြည်တွင်းစားသုံးသူများဟာ အဆင့်မမီတဲ့ စားအုန်းဆီများကို ပြည်တွင်းက နှမ်းဆီ၊ မြေပဲဆီတို့နဲ့ ဈေးမကွာဘဲ ၀ယ်ယူသုံးစွဲကြရပါတယ်။ တကယ်တော့ ပြည်ပကို သီးနှံများ တင်ပို့ရောင်းချလိုက်တဲ့အတွက် သီးနှံစိုက်ပျိုးတဲ့တောင်သူတွေ ဈေးကောင်းကောင်းရကြတယ် ဆိုတဲ့အမြင်ဟာ ပကတိအခြေအနေနဲ့ ကိုက်ညီတဲ့အမြင် မဟုတ်ပါဘူး။

ပြည်ပကို သီးနှံတင်ပို့ခွင့်ရကြသူများက ပြည်ပကိုပို့ဖို့ ၀ယ်ကြတဲ့အခါ သီးနှံတွေရဲ့ ပထမတန်းစား အနေအထားမျိုးကိုသာ ရွေးချယ်ဝယ်ယူ ကြတာဖြစ်ပါတယ်။ ဒီလိုပထမတန်းစားအနေအထားကို တောင်သူလယ်သမားတွေဆီက တိုက်ရိုက်ဝယ်ယူလို့ မရနိုင်ပါဘူး။ တောင်သူ လယ်သမားတွေ အနေနဲ့ စိုက်ပျိုးထုတ်လုပ်ထားတဲ့ သီးနှံတွေကို အမှိုက်နဲ့သဲ စတာတွေကို ဖယ်ရှားသန့်စင်တာကလွဲလို့ ပထမတန်းစား၊ ဒုတိယတန်းစား စသည်အားဖြင့် အတန်းအစားခွဲခြားမှု မလုပ်ကြပါဘူး။ ဒီသဘောအရ ပြည်ပသို့ သီးနှံတင်ပို့ခွင့်ရသူများဟာ သူတို့လိုချင်တဲ့ အတန်းအစားကို သီးနှံ အရောင်းအ၀ယ် လုပ်ကြတဲ့ သီးနှံ ကုန်သည်များထံကသာတဆင့် ၀ယ်ယူကြရတာဖြစ်ပါတယ်။ အဲဒီတော့ ပြည်ပကိုပို့ဖို့ အဆင့်အတန်းမီတဲ့ သီးနှံအတန်းအစားသာ ဈေးကောင်းရကြတာဖြစ်ပြီး ဒီအကျိုးကို တောင်သူလယ်သမားတွေ ခံစားကြရတာ မဟုတ်ပါဘူး။ ပြည်ပကိုပို့ဖို့ အဆင့်မမီတဲ့ အတန်းအစားတွေကိုတော့ ပြည်တွင်းဈေးကွက်မှာပဲ ပြန်လည် ရောင်းချကြရတာဖြစ်ပါတယ်။

ဒါကြောင့် ဆီထွက်သီးနှံများဟာလည်း ဒီသဘောအတိုင်း ဖြစ်နေပြီး ပြည်တွင်းက စားသုံးဆီကြိတ်ခွဲ ထုတ်လုပ်တဲ့လုပ်ငန်းရှင် များအတွက် ဒုတိယတန်းစား၊ တတိယတန်းစား စတဲ့အညံ့များကိုသာလျှင် ၀ယ်ယူကြိတ်ခွဲဖို့ အခွင့်အရေး ရှိပါတော့တယ်။ တစ်ဆက်တည်းဖြစ်လာတဲ့ အကျိုးဆက် တွေကတော့ ပြည်တွင်းမှာ စားသုံးဆီ သီးနှံကုန်ကြမ်းရှားပါးမှုနဲ့ ကြုံရပါတယ်။ ဒီအချက်ကိုသိတဲ့ သီးနှံကုန်သည်တွေရဲ့ ဈေးကစားမှုကြောင့် သီးနှံအညံ့များကိုပင် ဈေးကြီးစွာနဲ့ ၀ယ်ယူကြိတ်ခွဲရတဲ့ အခြေအနေမျိုးတွေ ရှိခဲ့ပါတယ်။ ဒုတိယတန်းစား၊ တတိယတန်းစားစတဲ့ အညံ့များကိုသာ ၀ယ်ယူ ကြိတ်ခွဲကြရတာဖြစ်လို့ ဆီထွက်နှုန်းနိမ့်ကျပြီး ထွက်လာတဲ့ ပဲဆီ၊ နှမ်းဆီဈေးနှုန်းတွေကို ချနိုင်ဖို့ ခက်ခဲလာပါတယ်။ ပြည်ပမှ စားအုန်းဆီတင်သွင်းသူ များကလည်း ပြည်တွင်းမှာ သူတို့ ရောင်းနိုင်တဲ့ဈေးနဲ့ ရောင်းတာမျိုး မလုပ်တော့ဘဲ ပြည်တွင်းက နှမ်းဆီ၊ ပဲဆီဈေးကိုကြည့်ပြီး စားအုန်းဆီဈေးကို မြှင့်လို့ရ သလောက်မြှင့်ပြီး ရောင်းချကြပါတယ်။ ဒီအခြေအနေမှာပဲ တရားဝင်တင်သွင်းတဲ့ စားအုန်းဆီထက် ပိုမိုအဆင့်မြင့်တဲ့စားအုန်းဆီများကို တရားမ၀င် လမ်းများမှ အကောက်ခွန်မဲ့ တင်သွင်းလာကာ ပြည်တွင်းစားသုံးဆီ ဈေးကွက်ကို ၀င်ရောက်လာပါတယ်။ နောက်ပိုင်းမှာ တရားမ၀င် လမ်းကြောင်းမှ စားသုံးရန်မသင့်တဲ့ဆီတွေ ပြည်တွင်းစားသုံးဆီ ဈေးကွက်ထဲ ၀င်ရောက်လာခဲ့ပြန်ကာ ပြည်တွင်းစားသုံးဆီလောကမှာ မသမာမှုတွေ၊ အဆင့်နိမ့်ကျမှုတွေ ပေါ်ပေါက်လာခဲ့ပါတယ်။ ပြည်သူတွေ ဈေးနှုန်းချိုသာစွာနဲ့ စားသုံးနိုင်စေဖို့ဆိုတဲ့ စေတနာ နဲ့ ရည်ရွယ်ချက်တွေ လုံးဝကွယ်ပျောက်သွားခဲ့ပြီး ပြည်တွင်း စားသုံးဆီ ကြိတ်ခွဲထုတ်လုပ်တဲ့ လုပ်ငန်းရှင်များဟာလည်း ငုတ်တုတ်မေ့ တဲ့အဖြစ်ကို ရောက်ခဲ့ရပါတယ်။

ပြည်တွင်းကထွက်ရှိတဲ့ ဆီထွက်သီးနှံကုန်ကြမ်းများကို ပြည်ပသို့ တင်ပို့ရောင်းချခြင်းကြောင့် ဆိုးကျိုးများကိုသာ ဖြစ်ပေါ်စေခဲ့တယ်ဆိုတာ လေ့လာတွေ့ရှိရပါတယ်။ အကျဉ်းချုပ်အားဖြင့် တင်ပြရလျှင် (၁) ပြည်တွင်းစားသုံးဆီလောကသို့ မမှန်ကန်သော ဆီများဝင်ရောက်လာသည့် မသမာမှုများ ဖြစ်ပေါ်လာခြင်း၊ (၂) တရားမ၀င်လမ်းကြောင်းမှ စားသုံးဆီများဝင်ရောက်လာသဖြင့် အခွန်ဘဏ္ဍာဆုံးရှုံးရခြင်း၊ (၃) အဆင့်မမီသော ဆီများ၊ စားသုံးရန် မသင့်သောဆီများ စားသုံးဆီဈေးကွက်သို့ ၀င်ရောက်လာခြင်းကြောင့် ပြည်သူလူထု၏ ကျန်းမာရေးပြဿနာများ ဖြစ်ပေါ်လာနိုင်ခြင်း၊ (၄) ပြည်တွင်း စားသုံးဆီကြိတ်ခွဲ ထုတ်လုပ်မှုလုပ်ငန်းနှင့်တကွ ယင်းလုပ်ငန်းနှင့် နှီးနွှယ်နေသော စက်မှုလုပ်ငန်းများ၌ အလုပ် အကိုင်ရရှိနေကြသည့် သိန်းဂဏန်းနီးပါးမျှ သော အလုပ်သမားများ အလုပ်လက်မဲ့ဖြစ်ရခြင်းစတဲ့ ဆိုးကျိုးတွေဖြစ် ပေါ်ခဲ့ရပါတယ်။

အမှန်အားဖြင့် ပြည်တွင်းဆီထွက်သီးနှံများ ထွက်ရှိမှုအခြေ အနေကို အနီးစပ်ဆုံးဖြစ်အောင် လေ့လာဆန်းစစ်နေသင့်ပြီး ထွက်ရှိတဲ့ ဆီထွက် သီးနှံတို့အခြေအနေအရ ပြည်တွင်းစားသုံးဖို့ အမှန်တကယ် မလုံလောက်မှသာလျှင် ပြည်ပမှစားသုံးဆီ တင်သွင်းခွင့်ပြုသင့်ပါတယ်။ ယခုအခါ နှစ်ပေါင်း များစွာ ကျင့်သုံးလာခဲ့တဲ့ ပြည်တွင်းမှာ စားသုံးဆီမလုံလောက်လို့ ပြည်ပမှ စားသုံးဆီ တင်သွင်းတဲ့မူဝါဒကို ညကျင့်သုံးလျက်ရှိပြီး တစ်ဖက်မှာလည်း ပြည်တွင်းက ဆီထွက်သီးနှံ ကုန်ကြမ်းများကို ပြည်ပသို့ တင်ပို့ရောင်းချခွင့်ပြုတာဟာ မူဝါဒတစ်ရပ်အပေါ်မှာ ဆန့်ကျင်စွာ ရပ်တည်လုပ်ဆောင်နေတဲ့ အစွန်းနှစ်ခု လို ဖြစ်နေပါတယ်။ အထူးသဖြင့် ယခုနှစ်ကဲ့သို့ ရာသီဥတုဖောက်ပြန်လို့ ဆီထွက်သီးနှံများ သေချာပေါက်အထွက်လျော့နည်းမယ့်အချိန်မှာ ဆီထွက်သီးနှံကုန်ကြမ်းများကို ပြည်ပသို့ လုံးဝတင်ပို့ခွင့်မပြုသင့်ပါဘူး။

ဒါကြောင့် လက်ရှိအစိုးရအဖွဲ့သစ်အနေနဲ့ ကောင်းကျိုးထက် အဆမတန် ဆိုးကျိုးများနေတဲ့ ပြည်တွင်းမှ စားသုံးဆီသီးနှံ ကုန်ကြမ်းများ ပြည်ပသို့ တင်ပို့နေမှုရယ် ပြည်ပမှ စားသုံးဆီတင်သွင်းမှု ကိစ္စတွေရယ်ကို လေ့လာဆန်းစစ်ပြီး အမြန်ဆုံးပြုပြင်ဖို့ လိုအပ်နေ ပြီဖြစ်ကြောင်း တင်ပြလိုက်ရပါတယ်။

****************************************


Google Drive: create, share, and keep all your stuff in one place.
Logo for Google Drive

Document yangonchronicle2011
yangonchronicle2011

၁၄.၁၀.၂၀၁၂

ပြည်တွင်းသတင်း

  1. မြန်မာ့ကြွေးမြီ ၂၀၁၃ တွင်ရှင်းပေးစေလိုကြောင်း ကမ္ဘာ့ဘဏ်နှင့် အာရှဖွံ့ဖြိုးရေးဘဏ်တို့တောင်းဆို
  2. လယ်သိမ်းခံတောင်သူအချို့ ကုမ္ပဏီကိုးခုနှင့်ပူးပေါင်းလိုကြောင်းတောင်းဆို

ပြည်တွင်းပါတီ၊ နိုင်ငံရေးသတင်း

  1. ပြည်ခိုင်ဖြိုးပါတီ အထွေထွေညီလာခံ အစိုးရတစ်ဖွဲ့လုံး တက်ရောက်
  1. KNLA ၏ကောလပာလသတင်းများ မပာုတ်မှန်ကြောင်းပြောကြား

သတင်းနှင့် ဆောင်းပါးများမှ ကောက်နှုတ်ချက်များ

******************************

ပြည်တွင်းသတင်း

မြန်မာ့ကြွေးမြီ ၂၀၁၃ တွင်ရှင်းပေးစေလိုကြောင်း ကမ္ဘာ့ဘဏ်နှင့် အာရှဖွံ့ဖြိုးရေးဘဏ်တို့တောင်းဆို

မြန်မာနိုင်ငံအပေါ်တင်ရှိလျက်ရှိသည့် ကြွေးမြီပောာင်းများအား လာမည့် ၂၀၁၃ ဇန်နဝါရီလတွင် ရှင်းလင်းပေးစေလိုကြောင်း ကမ္ဘာ့ဘဏ်နှင့် အာရှဖွံ့ဖြိုးရေးဘဏ်တို့က တောင်းဆိုထားကြောင်း နိုင်ငံပိုင်သတင်းစာများတွင် ဖော်ပြပါ ရှိသည်။

ဂျပန်နိုင်ငံအနေဖြင့် မြန်မာနိုင်ငံ၏ကြွေးမြီခန့်မှန်းခြေ ယန်းဘီလီယံ ၅၀၀ အနက် ယန်းဘီလီယံ ၃၀၀ ကို လျှော်ပစ်မည်ပာု ဧပြီလတွင် ပြောကြားခဲ့ပြီး ယင်းကြွေးမြီ လျှော်ပစ်ရေးစီမံချက်အရ မြန်မာနိုင်ငံသည် ဂျပန်နိုင်ငံ၏ နိုင်ငံတကာ ပူးပေါင်းဆောင်ရွက်မှုမှ ပေါင်းကူးချေးငွေများဖြင့် ၎င်း၏ ကြွေးမြီ ပောာင်းများကို နိုင်ငံတကာ မြီရှင်များထံသို့ ပေးဆပ်နိုင်မည်ဖြစ်ကြောင်း သိရသည်။

ဂျပန်နိုင်ငံက အိမ်ရှင်အဖြစ် လက်ခံကျင်းပနေသည့် ကမ္ဘာ့ဘဏ်နှင့် နိုင်ငံတကာ ငွေကြေးရန်ပုံငွေအဖွဲ့၏ နှစ်ပတ်လည် အစည်းအဝေးများ ကျင်းပနေစဉ် ကာလတွင် မြန်မာနိုင်ငံ၏ ကြွေးမြီပောာင်းများနှင့် ပတ်သက်၍ အစည်းအဝေးတစ်ရပ်ကို ထည့်သွင်းကျင်းပခဲ့ပြီး ယင်းအစည်းအဝေးတွင် ဂျပန် ဘဏ္ဍာရေးဝန်ကြီး ဂျိုဂျီမာက နိုင်ငံတကာအသိုင်းအဝိုင်းအနေဖြင့် မြန်မာနိုင်ငံ၏ ပြုပြင်ပြောင်းလဲရေး ကြိုးပမ်းအားထုတ်မှုများကို ထောက်ခံရန်၊ မြန်မာနိုင်ငံကို နိုင်ငံတကာအသိုင်းအဝိုင်း၏ အဖွဲ့ဝင်တစ်နိုင်ငံအဖြစ် ပြန်လည်လက်ခံရန် အချိန်တန်နေပြီဖြစ်ကြောင်း ပြောကြားခဲ့သည်။

ဂျပန်နိုင်ငံ “ကြွေးကျန်ရှင်းလင်းရေးစီမံချက်”ပာု ခေါ်သည့်အစီအစဉ်ကို လာမည့်ဇန်နဝါရီလတွင် အကောင် အထည် ဖော်ရန်နှင့် မြန်မာနိုင်ငံအား ယန်းငွေဖြင့်ငွေထုတ်ချေးပေးမှုကို လာမည့်နှစ်တွင် ပြန်လည်စတင်နိုင်ရန် စီစဉ်လျက်ရှိပြီး ယင်းအတိုးနှုန်းနည်းသော ချေးငွေသစ်များဖြင့် လျှပ်စစ်ဓာတ်အား ထုတ်လုပ်ရေး၊ လမ်းဖောက်လုပ်ရေး၊ ကျေးလက် ဖွံ့ဖြိုးရေးနှင့် ဆိပ်ကမ်းအဆောက်အအုံဖွံ့ဖြိုးရေးအပါအဝင် ဘဏ္ဍာရေးစီမံချက်များအတွက်ပါ တိုးမြှင့် ထုတ်ပေးသွားမည် ဖြစ်ကြောင်း ဂျပန်နိုင်ငံမှ တာဝန်ရှိသူတစ်ဦးက ပြောကြားသည်။

              YC

-------------------------------------------------------------------------------------------------------------------

လယ်သိမ်းခံတောင်သူအချို့ ကုမ္ပဏီကိုးခုနှင့်ပူးပေါင်းလိုကြောင်း တောင်းဆို

              ရန်ကုန်တိုင်းဒေသကြီးအတွင်းရှိ လယ်သိမ်းခံတောင်သူအချို့မှ ကုမ္ပဏီကိုးခုနှင့် အကျိုးတူ ပူးပေါင်းဆောင်ရွက်မှုများ ပြုလုပ်လိုကြောင်း လယ်ယာမြေ သိမ်းဆည်းခံရမှုများ စုံစမ်းရေးကော်မရှင်ထံ တောင်းဆိုခဲ့ကြောင်း သိရသည်။

“လယ်သိမ်းခံတောင်သူတွေကို သူတို့ဖြစ်ချင်တဲ့ဆန္ဒ ဘာရှိလဲဆိုတာကို သိဖို့အတွက် ကော်မရှင်ဥက္ကဋ္ဌက ဆန္ဒပြုခိုင်းတယ်။ အဲ့ဒီမှာ တောင်သူ အချို့က ကုမ္ပဏီကိုးခုနဲ့ ပူးပေါင်းဆောင်ရွက်လိုတယ်ဆိုတဲ့အချက် ထွက်လာတယ်။ နှစ်ဖက်စလုံး မနစ်နာနိုင်တဲ့ ပူးပေါင်းမှုမျိုးဆိုရင်တော့ အရမ်းကို ကောင်းမှာပါ။ ဒါ့ကြောင့် လယ်သမားတွေနဲ့ ကုမ္ပဏီတွေ ဆွေးနွေးညှိနှိုင်းလို့ရအောင် ဆောင်ရွက်ပေးသွားမှာပါ”ပာု လယ်ယာမြေသိမ်းဆည်းခံရမှုများ စုံစမ်းရေးကော်မရှင်မှ တောင်သူတစ်ဦးက ပြောကြားသည်။

တောင်သူများမှ အကျိုးတူပူးပေါင်းဆောင်ရွက်မှုများပြုလုပ်ရန်ဆန္ဒရှိသည့် ကုမ္ပဏီကိုးခုမှာ ဧဒင်ကုမ္ပဏီ၊ အမျိုးသားကြီးပွားတိုးတက်ရေးကုမ္ပဏီ၊ ရွှေတောင်ကုမ္ပဏီ၊ ပင်လယ်ကိုးသွယ်ကုမ္ပဏီ၊ Max Myanmar ကုမ္ပဏီ၊ Green Asia ကုမ္ပဏီ၊ ရွှေပိာန်းထက်ကုမ္ပဏီ၊ ရွှေနဂါးမင်းကုမ္ပဏီနှင့် Good Brothers ကုမ္ပဏီတို့ဖြစ်ကြောင်းသိရသည်။

ထို့ပြင် လယ်ယာမြေများနှင့်ပတ်သက်သော အခက်အခဲများ၊ မတရားခံရမှုများအတွက် လယ်ယာမြေနှင့် အခြားမြေများသိမ်းဆည်းခံရမှု စုံစမ်းရေး ကော်မရှင်ထံသို့ ပေးပို့တိုင်ကြားနိုင်ပြီး ယင်းကော်မရှင်မှ လယ်ယာမြေသိမ်းဆည်းခံရမှုများတွင် လယ်သမားများ မနစ်နာနိုင်စေရန် စီမံဆောင်ရွက် ပေးသွားမည်ဖြစ်ကြောင်း သိရသည်။

လယ်ယာမြေနှင့် အခြားမြေများ သိမ်းဆည်းခံရမှုများကြောင့် ပြည်သူများ နစ်နာမှု မရှိစေရေးအတွက် စုံစမ်းရေးကော်မရှင်ကို အဖွဲ့ဝင် ၆၀ ဦး ဖြင့် သြဂုတ်လ ၈ ရက်နေ့တွင် စတင်ဖွဲ့စည်းခဲ့ကြောင်း သိရသည်။

YC

******************************

ပြည်တွင်းပါတီ၊ နိုင်ငံရေးသတင်း

ပြည်ခိုင်ဖြိုးပါတီ အထွေထွေညီလာခံ အစိုးရတစ်ဖွဲ့လုံး တက်ရောက်

ရန်ကုန်၊ အောက်တိုဘာ ၁၄။

ယခင်စစ်အစိုးရခေါင်းဆောင်ဟောင်းများဖြင့် ဖွဲ့စည်းကာ ကြံ့ဖွံ့အစိုးရဟု အတိုက်အခံများ၏ ပြောင်လှေင်ခြင်းခံနေရသော နိုင်ငံတော်သမ္မတ ဦးသိန်းစိန်၏ အစိုးရအဖွဲ့သည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ပထမအကြိမ် အထွေထွေညီလာခံဖွင့်ပွဲ အခမ်းအနားသို့ အောက်တိုဘာလ ၁၄ရက်နေ့တွင် တက်ရောက်ခဲ့ကြောင်း သိရသည်။

နိုင်ငံတော်သမ္မတအပါအဝင် ဒုသမ္မတ ဦးဥာဏ်ထွန်းနှင့် ပြည်ထောင်စုဝန်ကြီးအဖွဲ့ဝင် ဝန်ကြီးအားလုံးလည်း အဆိုပါ အခမ်းအနားသို့ တက်ရောက် ရာတွင် ပါဝင်ခဲ့ကြောင်း အဆိုပါ အခမ်းအနားတက်ရောက်ခဲ့သူ တစ်ဦးက ဆိုသည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အထွေထွေညီလာခံသည် လစ်လပ်နေသော ပါတီဥက္ကဋ္ဌ နေရာရွေးချယ်ခြင်းနှင့် ပါတီခေါင်းဆောင် ပိုင်းများ ပြင်ဆင်ပြောင်းလဲမည်ဖြစ်ကာ ယင်းပါတီဝင်များ အားလုံးအတွက် အရေးအကြီးဆုံး အစည်းအဝေးတစ်ရပ်လည်း ဖြစ်သည်။

နိုင်ငံတော်သမ္မတ ဦးသိန်းစိန်၏ ပြည်သူ့လွှတ်တော်ကိုယ်စားလှယ် ကိုယ်ရေးမှတ်တမ်းတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ ဥက္ကဋ္ဌ ဟူ၍ရေးသားထားသည်ကို တွေ့ရသည်။

ဖွဲ့စည်းပုံအခြေခံဥပဒေ ပုဒ်မ ၆၄ တွင်နိုင်ငံတော်သမ္မတ သို့မဟုတ် ဒုတိယသမ္မတများသည် နိုင်ငံရေး ပါတီတစ်ခုခု၏ အဖွဲ့ဝင်ဖြစ်လျှင် နိုင်ငံတော် သမ္မတ သို့မဟုတ် ဒုတိယသမ္မတများအဖြစ် ရွေးချယ် တင်မြောက်ခြင်း ခံရသည့်နေ့မှစ၍ မိမိတို့ ရာထူးသက်တန်းအတွင်း ယင်းပါတီအဖွဲ့အစည်း၏ ပါတီ လုပ်ငန်းများတွင် ပါဝင်ဆောင်ရွက်ခြင်းမပြုရဟူ၍ ပါရှိသည်။

YC

-------------------------------------------------------------------------------------------------------------------

KNLA ၏ ကောလပာလသတင်းများ မပာုတ်မှန်ကြောင်းပြောကြား

ပြည်တွင်း၊ ပြည်ပ မီဒီယာများနှင့် ပြင်ပ၌သတင်းများ ထွက်ပေါ်လျက်ရှိသော ကရင်အမျိုးသား အစည်းအရုံး (KNU)မှ ကရင်အမျိုးသား လွတ် မြောက်ရေး တပ်မတော်(KNLA)၏ ထိပ်ပိုင်းခေါင်းဆောင်သုံးဦးအား ထုတ်ပယ်လိုက်သည့်ပာူသည့် သတင်းများမှာ မှန်ကန်မှုမရှိကြောင်း KNLA မှ ပြောရေး ဆိုခွင့်ရှိသူတစ်ဦး၏ပြောကြားချက်အရ သိရသည်။

“KNLA က ထိပ်ပိုင်းခေါင်းဆောင်သုံးဦးကို ထုတ်ပယ်လိုက်တယ်ဆိုပြီးတော့ အပြင်မှာ သတင်းတွေ ထွက်ပေါ် နေပါတယ်။ ဒီသတင်းက မှန်ကန်မှု မရှိပါဘူး။ ကောလပာလတွေပါပဲ။ KNLA က ခုထိ အခြေအနေ ကောင်းကောင်းမွန်မွန်နဲ့ ဆက်လက်သွားနေပါတယ်။ ခုချိန်ထိလည်း ထိပ်ပိုင်းခေါင်းဆောင် တွေက ထုတ်တာတွေနဲ့ပတ်သက်လို့ ဘာမှ တရားဝင် ပြောထားတာမရှိသေးပါဘူး”ပာု ၎င်းက ဆက်လက်ပြောကြားသည်။

ပြင်ပ၌သတင်းများထွက်ပေါ်လျက်ရှိသည့် KNLA ၏ စည်းကမ်းများ ဖောက်ဖျက်သည့်အတွက် ထုတ်ပယ်ခြင်း ခံလိုက်ရသည်ပာုဆိုသည့် ထိပ်ပိုင်းခေါင်းဆောင်သုံးဦးမှာ စစ်ဦးစီးချုပ်ဗိုလ်ချုပ်ကြီး မူတူးစေးဖိုး၊ ဗပိာုတရားရေးဌာနမှ ပဒိုဒေးဗစ်ထောနှင့် လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင်တို့ဖြစ်ပြီး KNU မှ ကြေညာချက် ထုတ်ပြန်ပြီးနောက်ပိုင်း ယခုကဲ့သို့ သတင်းများထွက်ပေါ်လာခြင်းဖြစ်ကြောင်း သိရသည်။

“ဒီကိစ္စကို ဘယ်သူကမှတရားဝင် အတည်ပြုပြောတာမျိုးမရှိပါဘူး။ ဒါကို အပြင်မှာ ကောလပာလတွေ ထွက်ပေါ်လာတာပါ။ ဒီကိစ္စအမြန်ဆုံး ဖြေရှင်းဆောင်ရွက်နိုင်အောင်လည်း ကျွန်တော်တို့ကြိုးစားနေပါတယ်။ ခုလောလောဆယ်တော့ အဖွဲ့ထဲမှာ အေးအေးဆေးဆေးပါပဲ”ပာု KNLA မှ တာဝန် ရှိသူတစ်ဦးက ပြောကြားသည်။

ပြီးခဲ့သည့်အောက်တိုဘာလ ၃ ရက်နေ့တွင် ကရင်အမျိုးသားအစည်းအရုံး(KNU)မှ ကရင်အမျိုးသားလွတ်မြောက်ရေး တပ်မတော်(KNLA)၏ စစ်ဦးစီးချုပ် ဗိုလ်ချုပ်ကြီး မူတူးစေးဖိုးအပါအဝင် KNLA ထိပ်ပိုင်းခေါင်းဆောင်သုံးကို KNU ဗပာို၏ ခွင့်ပြုချက်မရှိဘဲ ဘားအံမြို့၌ KNU ဆက်ဆံရေးရုံး သွားရောက်ဖွင့်လှစ်ခဲ့သည့်အတွက် တာဝန်မှရပ်စဲလိုက်ကြောင်း သတင်းများထွက်ပေါ်လာခြင်းဖြစ်သည်။

YC

******************************

သတင်းနှင့် ဆောင်းပါးများမှ ကောင်နှုတ်ချက်များ

ဆန္ဒပြခွင့်ဥပဒေနဲ့ ပတ်သက်ပြီး တတ်နိုင်သလောက် ဆွေးနွေးင်္ပြီးတော့ ဒီမိုကရေစီစံနှုန်း  များနှင့် ကိုက်ညီအောင် ဖြည့်သွင်းပေးခဲ့တာတွေ ရှိခဲ့ပါတယ်။ ဒါပေမယ့် ကာလဒေသ ပုဂ္ဂလအားဖြင့်  အထူးသဖြင့် ဒီမိုကရေစီထူထောင်တဲ့ ကာလ(၁)နှစ် ကျော်လောက်ရှိသေးတယ်။ အဲဒါက ယခင့်ယခင်က အဖွဲ့အစည်း ဟောင်းတွေ၊ ပုဂ္ဂိုလ်ဟောင်းတွေ အစွဲဟောင်းတွေ လုပ်ထုံးလုပ်နည်းဟောင်းတွေ Mind setဟောင်းတွေအများကြီး စွဲကျန်နေကြသေးတယ်။ အဲဒါတွေကို ဖြတ်ကျော်ရတာ အရမ်းခက်ပါတယ်။

အောက်တိုဘာ ၁၄ရက်ထုတ် Messengerဂျာနယ်အတွဲ(၃)အမှတ်(၂၀)တွင်ပါရှိသည့် “ငြိမ်းချမ်းစွာ ဆန္ဒ ဖော် ထုတ်မှုကို ဦးဆောင်သူ အများအပြား အရေးယူခံရလာ ပြည်သူ့အတွက် ပြဋ္ဌာန်းသော ဥပဒေ ပြည်သူ့အကျိုးမရှိပါက ပြန်လည်ဆန်းစစ်ရမည်ဖြစ်”သတင်းမှ ပြည်သူ့လွှတ်တော် ကိုယ်စားလှယ် ဦးည်ြမြင့်(လသာ)၏ ပြောကြားချက်အပေါ် ကောက်နှုတ်ချက်။

-------------------------------------------------------------------------------------------------------------------

အရင်ကစီမံကိန်းတွေချပေးယ်ဆိုတာ မြေစာရင်းက သေချာမြေပြင်မှာတိုင်းပြီး ချပေးတာမဟုတ်ဘူး။ ဒီကုမ္ပဏီက ဧကဘယ်လောက် ဟိုကုမ္ပဏီက ဧကဘယ်လောက် ဒီလိုချပေးခဲ့တာ။ အဲဒီလိုချပြီးတော့ မြေစာရင်းကိုတိုင်းဖို့ ခေါ်တာတယ်။ အဲဒီအခါမှာ ကုမ္ပဏီက သူ့ကိုချပေးတဲ့အတိုင်း ဧကပြည့် မြေစာရင်းက တိုင်း ပေးတယ်။ အဲဒီမှာ လယ်သမားတွေရဲ့ မြေတွေရော ၊စားကျက်မြေတွေပါ ပါသွားတာပေါ့။

အောက်တိဘာ၁၄ရက်ထုတ် Flower Newsဂျာနယ်အတွဲ(၈) အမှတ်(၄၀)တွင် ပါရှိသည့် စုံစမ်းရေး ကော်မရှင် ဥက္ကဋ္ဌ ဦးမန်းမောင်မောင်ဥာဏ်နှင့် တွေ့ဆုံခြင်းမှ ဦးမန်းမောင်မောင်ဥာဏ်၏ ပြောကြားချက်အပေါ် ကောက်နှုတ် ချက်။

-------------------------------------------------------------------------------------------------------------------

နေရာတော်တော်များများမှာ ပြည်သူတွေဟာ ဝန်ထမ်းတွေနဲ့ ဆက်ဆံရမှာ ကြောက်နေတယ်။ ပြောရမယ်ဆိုရင် တော့ နှစ်ဘက်စလုံး လူ့အခွင့်အရေး အားနည်းနေသေးတာပဲ။ ဝန်ထမ်းတွေကလည်း လူ့အခွင့်အရေးအသိ အားနည်းနေတဲ့အတွက် တစ်ဖက်လူရဲ့ အခွင့်အရေး ဘာရှိတယ်ဆိုတာ သူမသိဘူး။ သူ့တာဝန်ကိုပဲ သူအာရုံစိုက်နေတယ်။ အထက်ကအမိန့်အရ၊ အထက်အမိန့်အရဆိုတာ ဒီခေတ်ဒီအချိန်မှာ မလုပ်သင့်တော့ဘူးလို့ မြင်တယ်။

အောက်တိုဘာ၁၄ရက်ထုတ် News Day ဂျာနယ်အတွဲ(၁) အမှတ်(၃၂)တွင် ပါရှိသည့် ပြည်သူ့ဝန်ထမ်းများကို လူ့အခွင့်အရေး သင်တန်းပေးသင့် ကြောင်း လူအခွင့်အရေး လှုပ်ရှားသူအချို့သုံးသပ်သတင်းမှ ဦးစောတင့်နိုင်၏ ပြောကြားချက်အပေါ် ကောက်နှုတ်ချက်။

******************************

 

 

 


Google Drive: create, share, and keep all your stuff in one place.
Logo for Google Drive