Transparency Myanmar

transparency.myanmar@gmail.com

yangonchronicle 2011- (1)
Document yangonchronicle 2011- (1)

Snapshot of the item below:
yangonchronicle 2011- (1)

 

၃၀.၁၀.၂၀၁၂

ဘာသာပြန်သတင်းများ

  1. ဆန္ဒပြမှုများကြောင့် တရုတ်ရေနံဓာတု စက်ရုံတိုးချဲ့မည့်အစီအစဉ် ရပ်ဆိုင်း

(BBC သတင်းဌာနမှ 29 Oct 2012 ရက်စွဲပါ China protesters force halt to Zhejiang factory plan ကိုဘာသာပြန်ဆိုသည်)

  1. ဦးသိန်းစိန်နှင့် ၎င်း၏အာဏာရပါတီဟု မဆိုနိုင်သော ပါတီတို့ကြားရှိ စိတ်ဝင်စားဖွယ်ဆက်ဆံရေး

( 26 october 2012 ရက်စွဲပါ The Foreign policy မှ Min Zin ရေးသားသော The Curious relationship between Burma’s president and his not quite ruling party ကို ဘာသာပြန်ပါသည်။)

***********************************************

ဘာသာပြန်သတင်းများ

ဆန္ဒပြမှုများကြောင့် တရုတ်ရေနံဓာတုစက်ရုံ တိုးချဲ့မည့် အစီအစဉ် ရပ်ဆိုင်း

(BBC သတင်းဌာနမှ 29 Oct 2012 ရက်စွဲပါ China protesters force halt to Zhejiang factory plan ကိုဘာသာပြန်ဆိုသည်)

တရုတ်နိုင်ငံ အရှေ့ပိုင်း ဒေသတွင် ရေနံဓာတုစက်ရုံတိုးချဲ့တည်ဆောက်မည့်အစီအစဉ်ကို ကန့်ကွက်ဆန္ဒပြမှုများဖြစ်ပေါ်ခဲ့ခြင်းကြောင့် အစီအစဉ်

ရပ်ဆိုင်း ထားလိုက်ကြောင်း သိရသည်။

အောက်တိုဘာလ ၂၇ ရက်နေ့တွင် အဆိုပါ စက်ရုံတိုးချဲ့မည့် အစီအစဉ်ကို ကန့်ကွက်သည့် ဆန္ဒပြ လူအုပ်ကြီးက ဇီဂျန်းပြည်နယ်၊ နန်ဘိုမြို့ရှိရဲ တပ်ဖွဲ့ကို တိုက်ခိုက်မှုများ ပြုလုပ်ခဲ့သည်။

နန်ဘိုမြို့ အုပ်ချုပ်ရေးအဖွဲ့မှ အရာရှိကြီးများက ရေနံဓာတုစက်ရုံ တိုးချဲ့မည့် လုပ်ငန်းကို ဆက်လက်လုပ်ဆောင်သွားမည် မဟုတ်ဘဲ ရပ်ဆိုင်းထား ကြောင်း ကြေညာသည်။

အောက်တိုဘာလ ၂၈ရက်နေ့တွင် နန်ဘိုမြို့ရှိ အစိုးရရုံးများ ရှိရာသို့ ဆန္ဒပြသူများက ချီတက်သွားကြသည်။ ရေနံဓာတုစက်ရုံ တိုးချဲ့မည့် အစီအစဉ် ကို China Petroleum and Chemical Corporation၏ လက်အောက်ခံ လုပ်ငန်းတစ်ခုက လုပ်ဆောင်ရန် စီစဉ်ခဲ့ခြင်း ဖြစ်သည်။

"အစိုးရအပေါ်မှာ ပြည်သူလူထုရဲ့ယုံကြည်မှုဟာ အင်မတန် နည်းပါးပါတယ်။ သူတို့က ကျွန်တော်တို့ ဆန္ဒဆက်မပြတော့ စေတာ တစ်ခုတည်း ကြောင့် ရပ်ဆိုင်းတယ်လို့ ပြောနေတာ။ ပြီးတော့ စီမံကိန်းကို ဆက်လုပ်မယ်ဆိုရင် ဘယ်သူသိနိုင်မှာလဲ"ဟု ဆန္ဒပြသူ တစ်ဦးဖြစ်သူ Liu Liက APသတင်းဌာ နသို့ ပြောပြသည်။

ရုန်းရင်းဆန်ခတ်မှုများ

အောက်တိုဘာလ ၂၈ ရက်နေ့တွင် နန်ဘိုရဲတပ်ဖွဲ့က ဆန္ဒပြသူ ၁၀၀၀ ကျော်ကို အင်အားသုံး လူစုခွဲလိုက်သည်။ မျက်မြင်သက်သေများ အဆိုအရ

ရုန်ရင်းဆန်ခတ်မှုများ ဖြစ်ပေါ်ခဲ့သလို ဖမ်းဆီးထိန်းသိမ်းခံရမှုများလည်းရှိကြောင်းသိရသည်။

ဒေသခံရဲများကမူ ဆန္ဒပြသူများသည် ရဲအရာရှိများအား ကျောက်ခဲများ၊ အုတ်ခဲများနှင့် ပစ်ပေါက်ကြကြောင်း ပြောဆိုသော်လည်း အနီးရှိ ရပ်ကွက် များတွင် နေထိုင်သူများအဆိုအရ ရဲတပ်ဖွဲ့ဝင်များက မျက်ရည်ယိုဗုံးများဖြင့် စတင်ပစ်ခတ်မှုကြောင့်သာ ပဋိပက္ခများ ဖြစ်ပေါ်ခဲ့ခြင်း ဖြစ်ကြောင်းသိရသည်။

မည်သို့ပင်ဆိုစေ ဒေသခံအရာရှိကြီးများက ဆန္ဒပြသူများနှင့်ယင်းနေ့တွင်ပင်တွေ့ဆုံပြီး ၎င်းတို့၏ တောင်းဆိုမှုများကို နားထောင်ခဲ့ကြသည်။ တရုတ်နိုင်ငံတွင် စီးပွားရေး အဆမတန် တိုးတက်လာမှုက သဘာဝပတ်ဝန်းကျင် ထိခိုက်မှုများကိုလည်း များစွာဖြစ်ပေါ်စေလျက်ရှိသည်။

တရုတ်နိုင်ငံသား အတော်များများမှာ ယခုအခါ သဘာဝ ပတ်ဝန်းကျင် ထိန်းသိမ်းရေး အသိစိတ်ဓာတ်များ ပိုမိုနိုးကြားလာပြီး လေထုညစ်ညမ်းမှု များနှင့် ပတ်သက်၍လည်း လွန်စွာစိုးရိမ် ပူပန်လျက်ရှိကြောင်း သတင်းထောက်များက ဆိုသည်။

------------------------------------------------------------------------------------------------------------

ဦးသိန်းစိန်နှင့် ၎င်း၏အာဏာရပါတီဟု မဆိုနိုင်သော ပါတီတို့ကြားရှိ စိတ်ဝင်စားဖွယ်ဆက်ဆံရေး

( 26 october 2012 ရက်စွဲပါ The Foreign policy မှ Min Zin ရေးသားသော The Curious relationship between Burma’s president and his not quite ruling party ကို ဘာသာပြန်ပါသည်။)

မြန်မာနိုင်ငံမှ အရပ်သားစစ်စစ် သမ္မတ မဟုတ်သော ဦးသိန်းစိန်သည် ပြီးခဲ့သည့် အပတ်က ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ဥက္ကဌအဖြစ် ပြန်လည် ရွေးကောက်တင်မြှောက်ခံရပြီးနောက် တနင်္ဂနွေနေ့က ပြည်တွင်းမီဒီယာများနှင့် ပထမဆုံးအကြိမ် သတင်းစာရှင်းလင်းပွဲ ပြုလုပ်ခဲ့ သည်။ USDPသည် 2010 ရွေးကောက်ပွဲတွင် ၈၀ရာခိုင်နှုန်း အနိုင်ရခဲ့ရာ ဝေဖန်သူများက တရားမျှတမှု မရှိကြောင်း ဝေဖန်ခဲ့ကြသည်။

ဦးသိန်းစိန်သည် ထူးခြားမည့် သတင်းများကိုလည်း ရှောင်ရှားခဲ့သည်။ ၎င်းသည် ကချင်ပြည်နယ်မှ စစ်ပွဲအကြောင်း၊ အများမျှော်လင့်နေသော ရင်းနှီးမြှပ်နှံမှု ဥပဒေ၊ ဖြစ်လာနိုင်သည့် အမေရိကန်-မြန်မာ စစ်တပ်ဆက်ဆံရေးနှင့် အခြားအကြောင်းအရာများကို အမြင်ကျယ်သော စကားလုံးများသုံး၍ ဖြေ ကြားခဲ့သည်။ ၎င်း၏ အဖြေစကားများအနက် စာရေးသူအား သတိပြုစေသော အဖြေတခုမှာ USDPနှင့် ၎င်း၏ဆက်ဆံရေးကို ဖြေကြားသော စကားဖြစ် သည်။ ၎င်းအားမေးမြန်းသော မေးခွန်းမှာ တိုင်းပြည်၏ အခြေခံဥပဒေကို ပြင်ဆင်ရန် ၎င်း၏ပါတီမှ လွှတ်တော်ကိုစားလှယ်များအားတိုက်တွန်းမည်လော ဟူသော မေးခွန်းဖြစ်သည်။ ”အခြေခံဥပဒေအရ သမ္မတဟာ သူရဲ့သက်တမ်းအတွင်းမှာ ပါတီရဲ့လုပ်ငန်းများတွင် ပါဝင်ခွင့် မရပါဘူး။ သူတို့ ဘာလုပ်ပါလို့ သွားပြီး တိုက်တွန်းလို့ မရပါဘူး။ အခြေခံဥပဒေ ပြင်ဆင်ရေး ကိစ္စဟာ USDP ကလွှတ်တော်ကိုယ်စားလှယ်များ၊ အခြားပါတီတွေ ကလွှတ်တော် ကိုယ်စား လှယ်များ အပေါ်မူတည်မှာပါ ” ဟုဖြေကြားခဲ့ပါသည်။

၎င်းသည်အခြေအနေအရ လိုအပ်သောကြောင့် မေးခွန်းကိုရှောင်၍ ဖြေကြားသွားခဲ့ပါသည်။ သို့သော် ၎င်း၏အဖြေသည် စိတ်ဝင်စားဖွယ် ကောင်း သည့် နိုင်ငံရေးအရ သက်ရောက်မှုများ ဖြစ်လာနိုင်သည်။ စာရေးသူအနေဖြင့် အရေးကြီးသည်ဟု ထင်ရသော ကိစ္စသုံးခုကို မီးမောင်းထိုး ပြလိုပါသည်။

ပထမအချက်အားဖြင့် ၂၀၀၈ အခြေခံဥပဒေအရ ရှုမြင်ထားခြင်း ဖြစ်သည်။ အောက်တိုဘာ ၁၆ရက်နေ့က ဦးသိန်းစိန်အား (USDP) ဥက္ကဌ အဖြစ် အားလုံး သဘောတူညီမှုဖြင့် ပြန်လည်ရွေးချယ် တင်မြှောက်ခြင်းသည် အခြေခံဥပဒေနှင့် မညီပေ။ သမ္မတရုံးမှ ညွှန်ကြားရေးမှုးကမူ ဦးသိန်းစိန်သည် ပါတီ လုပ်ငန်းများတွင် ပါဝင်ပတ်သက်ခြင်း မရှိသောကြောင့် အခြေခံဥပဒေနှင့်ညီကြောင်း ကာကွယ်ပြောကြားခဲ့သည်။ အဆိုပါ ကာကွယ်ပြောကြားမှုမှာ ဆင်ခြေ ပေးခြင်းမျှသာ ဖြစ်သည်။ USDP၏ နှစ်ပတ်လည် အစည်းအဝေးသို့ သမ္မတ တက်ရောက်ခြင်းသည် ပါတီ၏ လုပ်ငန်းဆောင်တာများတွင် ပါဝင်ခြင်းမရှိဟု မည်သူ ပြောနိုင်အံ့နည်း။ ဦးသိန်းစိန်သည် ကိုယ်စားလှယ်ရာပေါင်းများစွာကို နှုတ်ဆက်ခဲ့ပါသေးသည်။ ၎င်း၏အိမ်အပြန်လမ်းတွင် မိတ်ဆွေအားရပ်၍ နှုတ် ဆက်သည့် အဆင့်မျိုးထက် သာလွန်ပေသည်။

ဒုတိယကိစ္စရပ်မှာ ဦးသိန်းစ်ိန်သည်မကြာသေးမီက BBC ၏ Hardtalk နှင့် အင်တာဗျူးတွင် ကြော်ငြာဆန်ဆန် လူထုဆက်ဆံရေး သတင်းစကားကို ပြန်လည်၍ ပြောကြားခြင်းဖြစ်သည်။ ဦးသိန်းစ်ိန်က ပြောကြားရာတွင် အကယ်၍ ပြည်သူများက ဒေါ်အောင်ဆန်းစုကြည်အား သမ္မတအဖြစ် လက်ခံခဲ့ပါက ၎င်းအနေဖြင့်လည်း လက်ခံမည်ဖြစ်ကြောင်း ဆိုခဲ့ပါသည်။ သို့သော် အခြေခံဥပဒေက ဒေါ်အောင်ဆန်းစုကြည်အား သမ္မတအဖြစ် အမည်စာရင်း တင် သွင်း ခွင့်ကို တားဆီးထားသည်။

ဦးသိန်းစ်ိန်သည်        Hardtalkအင်တာဗျူးတွင် ၎င်းအနေဖြင့် ဒေါ်အောင်ဆန်းစုကြည်ကို သမ္မတအဖြစ် တွေ့မြင်ရရေး ပြဿနာမရှိကြောင်း ရှင်းပြခဲ့ သည်။ အဆိုပါ အင်တာဗျူးသည် မြန်မာနိုင်ငံတွင်းမှ ပြည်သူများနှင့် စောင်ြ့ကည့်လေ့လာနေသူများအပေါ် မျှော်လင့်ချက်များ (မျှော်လင့်ချက် အမှားများ ဖြစ်ဖို့ များပါသည်) ဖြစ်ပေါ်စေသည်မှာ ယုံမှားသံသယ ဖြစ်ဖွယ်မရှိပေ။ ဒေါ်အောင်ဆန်းစုကြည် သည်ပင်လျှင် ဦးသိန်းစ်ိန်၏ အဆိုပါ မှတ်ချက်က်ို သတင်းစာ ရှင်း လင်းပွဲတွင် တုံ့ပြန်ခဲ့သည်။ သူက သမ္မတအဖြစ် တိုင်းပြည်ကို ဦးဆောင်ရန်ဆန္ဒရှိကြောင်း၊ သူ၏ပါတီသည် အခြေခံဥပဒေတွင် သူ့အားသမ္မတ ဖြစ်ရန် ကန့်သတ် ထားမှု များကိုပြင်ဆင်နိုင်ရန် လုပ်ကိုင်သွားမည် ဟု ဆိုပါသည်။ ၂၀၁၅ ခုတွင် သူ၏ပါတီ NLD သည် လွှတ်တော်၌ ၇၅ရာခိုင်နှုန်း အနိုင်ရရှိခဲ့သည့် တိုင် စစ်တပ်မှ ၂၅ရာခိုင်နှုန်း ရှိနေသောကြောင့် အခြေခံဥပဒေ ပြင်ဆင်ရေးအတွက် ၇၅ရာခိုင်နှုန်းကျော် ထောက်ခံမှုရရန် မလွယ်ကူပေ။ လက်ရှိအားဖြင့် သူ၏ပါတီသည် လွှတ်တော်တွင် နေရာရထားမှုမှာ ၇ရာခိုင်နှုန်းထက် နည်းပါသည်။ ထိုကြောင့် ဒေါ်အောင်ဆန်းစုကြည်သည် အခြေခံဥပဒေ ပြင်ဆင်ရေးအတွက် သမ္မတအား ၎င်း၏သြဇာ အသုံးပြု၍ လုပ်ဆောင်ရေးကို မျှော်လင့်နေသည့်ပုံ ရှိသည်။ ဦးသိန်းစ်ိန်ကမူ ယခင်ပြောကြားခဲ့မှုအပေါ် ၎င်းက စတင် လုပ်ဆောင်မည် မဟုတ်ဘဲ ပြည် သူများအပေါ်သာ တာဝန်များ ပုံချကာ ဦးတည်ချက် ပြောင်းခဲ့သည်။

ဦးသိန်းစ်ိန်၏ အခြေခံ ဥပဒေကို ကိုးကား၍ သူ့ပါတီ၏အလုပ် လုပ်ကိုင်ခြင်း မရှိကြောင်း ပြောကြားမှုမှ ဖြစ်ပေါ်လာသော တတိယ အရေးကြီးသော သက်ရောက်မှုမှာ ဦးသိန်းစ်ိန်သည် လက်ရှိပြုပြင်ပြောင်းလဲမှုများကို အဘယ်ကြောင့် လုပ်ကိုင်ရသနည်း ဆိုသည်ကို ရှင်းလင်းပြသည့်သဘော သက်ရောက် သွားခြင်းပင် ဖြစ်သည်။ သမ္မတသည်လည်းကောင်း၊ ကက်ဘိနက် ရာထူးများ ပေးခြင်းခံရ သူများသည် လည်းကောင်း၊ USDPကို တရားဝင် တာဝန်ခံရခြင်း မရှိပေ။ ၎င်းတို့သည် USDP ချမှတ်ထားသော အစီအစဉ်များကို လိုက်၍်လုပ်ဆောင်ရန် မလိုအပ်ပေ။ ၎င်းတို့သည် USDP၏ မူဝါဒများကို အကောင်အထည် ဖော်နေခြင်း မဟုတ်ပေ။

ထိုအချက်သည် အရေးကြီးပါသည်။ အဘယ်ကြောင့်ဆိုသော် USDPသည် သမ္မတ ဦးသိန်းစ်ိန်နှင့်လည်းကောင်း၊ သူ၏အဖွဲ့နှင့်၎င်း ယှဉ်လျှင် များစွာ ခေတ်နောက်ပြန်ဆွဲသော အယူအဆရှိသည်။ USDP သည် ၂၀၁၂ နှစ် ကြားဖြတ်ရွှေးကောက်ပွဲတွင် ဒေါ်အောင်ဆန်းစုကြည် နှင့် သူ၏ပါတီ အနိုင်ရ မည်ကို ကြိုတင်သိမြင် ခဲ့သည့်အလျှောက် ၊ NLDပါဝင်မှုကို ဆန့်ကျင်ခဲ့ကြသည်။ USDPသည် ၎င်း၏ပါတီဝင်များ ဖြစ်သော အစိုးရအဖွဲ့မှ ပုဂ္ဂိလ်များ ပါတီ တာဝန် ထမ်းဆောင်ခွင့် ပြန်ရရန် အခြေခံဥပဒေပြင်ဆင်ရေးကို တိုက်တွန်းခဲ့ပါသေးသည်။ သို့သော် သမ္မတသည် အဆိုပါ အဆိုပြုမှုများကို ပယ်ချနိုင်ခဲ့သည်။ ၎င်းသည် ကြားဖြတ်ရွေးကောက်ပွဲ ကျင်းပပြီးနောက် ကမ္ဘာသို့ ၎င်း၏ပြုပြင်ပြောင်းလဲမှုများကို သက်သေပြ လိုသောကြောင့်ဖြစ်သည်။

USDP၏ ရန်ကုန်တိုင်းဥက္ကဋ္ဌ ဦးအောင်သိန်းလင်းက တရုတ်မီဒီယာသို့ ပြောကြားခဲ့ရာတွင် သမ္မတ၏ အရေးကြီးသော ဆုံးဖြတ်ချက် အချို့သည် ၎င်း၏ ကိုယ်ပိုင်အိုင်ဒီယာသာဖြစ်ပြီး ပါလီမန်၏ ဆုံးဖြတ်ချက်များ မပာုတ်ကြောင်း ပြောခဲ့သည်။ ၎င်းကဆက်လက် ပြောကြားရာတွင် ပါတီသည် သမ္မတ၏ ဆုံးဖြတ်ချက်များကို ဆန့်ကျင်ကြောင်း ပြောကြားခဲ့သည်။ သူကတရုတ်နှင့် မြန်မာဆက်ဆံရေးကို ပြတ်တောက်အောင် ကြိုးစားနေတာပါပာု ဦးအောင်သိန်း လင်းက ပြောသည်။ ၎င်းမှာဦးသိန်းစိန်နှင့် ဒေါ်အောင်ဆန်းစုကြည်တို့အပေါ် ဆန့်ကျင်မှတ်ချက် ပြုမှုများကြောင့် ၎င်း၏နေရာမှ ဖယ်ရှားခံခဲ့ရသည်။                

                ထိုနေရာတွင် USDPသည် ၂၀၁၀ ရွေးကောက်ပွဲတွင် အနိုင်ရခဲ့သော်လည်း အာဏာရပါတီ မပာုတ်ပာု ဆိုရမည်ဖြစ်သည်။ ထိုအချက်သည် ဦးသိန်း စိန်က ၎င်း၏မူဝါဒဆိုင်ရာ လုပ်ဆောင်ချက်များအား ပညာရှင်များအပေါ် မှီခိုလုပ်ဆောင်ရန် ဖြစ်လာသည်။ အခြေခံဥပဒေပါ ဥပဒေများ၏ ဖွဲ့စည်း ထားပုံက ဦးသိန်းစိန်အား ပြုပြင်ပြောင်းလဲရေး အစီအစဉ်များ ပြုလုပ်ရာတွင် ပါတီ၏ ကန့်သတ်ထားမှုများ မရှိဘဲ လုပ်ဆောင်ခွင့် ရစေခဲ့သည်။

*****************************************************************


Google Drive: create, share, and keep all your stuff in one place. Logo for Google Drive

yangonchronicle2011
Document yangonchronicle2011

Snapshot of the item below:
yangonchronicle2011

၃၀.၁၀.၂၀၁၂

ပြည်တွင်းသတင်း

ရန်ကုန်အပြည်ပြည်ဆိုင်ရာ လေဆိပ်ဝန်ဆောင်မှု ပုဂ္ဂလိကသို့ မကြာမီလွှဲပြောင်းမည်

ကျောက်ဖြူရေနက်စီမံကိန်းအား အရည်အသွေးနိမ့် ကုန်ကြမ်းများဖြင့် တည်ဆောက်လျက်ရှိ

  1. ပြည်တွင်းပါတီ၊ နိုင်ငံရေးသတင်း

ရင်းနှီးမြှုပ်နှံမှုကော်မရှင် ၏လုပ်ပိုင်ခွင့် လျှော့ချရေးအပေါ် လွှတ်တော်တွင်ဆွေးနွေးမည်

  1. သတင်းနှင့် ဆောင်းပါးများမှ ကောက်နှုတ်ချက်များ

******************************

ပြည်တွင်းသတင်း

 ရန်ကုန်အပြည်ပြည်ဆိုင်ရာ လေဆိပ်ဝန်ဆောင်မှု ပုဂ္ဂလိကသို့ မကြာမီလွှဲပြောင်းမည်

တစ်နှစ်လျှင် ပြည်တွင်းပြည်ပခရီးသည် ၂.၈သန်းခန့်အား ဝန်ဆောင်မှုပေးနေသော ရန်ကုန် အပြည်ပြည် ဆိုင်ရာ လေဆိပ်သည် လေကြောင်း လိုအပ်ချက် ကြီးမားလာခြင်းကြောင့် ၂၀၁၃မေလကုန်မှစ၍ လေဆိပ်တိုးချဲ့ တည်ဆောက်ခြင်း၊ လေဆိပ်ဝန်ဆောင်မှုတို့ကို ပုဂ္ဂလိကနှင့် ပူးပေါင်းဆောင် ရွက် သွားမည်ဖြစ်ကြောင်း လေကြောင်း ပို့ဆောင်ရေး ညွှန်ကြားမှု ဦးစီးဌာနမှ သိရသည်။

ထိုသို့စီမံရခြင်းမှာလည်း မြန်မာနိုင်ငံသို့ လာရောက်သည့် ခရီးသည်များမှာ တစ်နှစ်ထက်တစ်နှစ် တိုး၍များပြားလာခြင်းကြောင့် ဖြစ်ကြောင်း သိရသည်။ သို့သော်အကြောင်းတိုက်ဆိုင်စွာ မြန်မာနိုင်ငံသည် လွန်ခဲ့သော လေးလခန့်မှစ၍ နိုင်ငံ၏အနောက်ပိုင်း ရခိုင်ပြည်နယ်တွင် ဒေသခံ ရခိုင်များနှင့် ရွှေ့ပြောင်းလာသူ လူမျိုးစုများ၏ လူမျိုးရေး အဓိကရုဏ်းကြောင့် ထိုသို့ ပုဂ္ဂလိကသို့ လွှဲပြောင်းခြင်းအပေါ် အများစုက လုံခြုံရေးအရ စိုးရိမ်မကင်းမှုများ ရှိနေ သည်။

ထိုသို့ပုဂ္ဂလိကပိုင် ပြုခြင်းကြောင့် ရန်ကုန်အပြည်ပြည်ဆိုင်ရာ လေဆိပ်၏ လုပ်ငန်း စွမ်းဆောင် ရည် ပိုမိုမြင့်မား လာစေမည်ဖြစ်ပြီး မြင့်တက်လာ သည့် ဈေးကွက်လိုအပ်ချက်ကိုလည်း ဖြည့်ဆည်းနိုင်မည်ဖြစ် ကြောင်း သိရသည်။

၁၉၄၇တွင် စတင်တည်ဆောက်ခဲ့သော ရန်ကုန်အပြည်ပြည်ဆိုင်ရာ လေဆိပ်သည် အရှေ့တောင်အာရှတွင် အကောင်းဆုံး လေဆိပ် ဖြစ်ခဲ့ပြီး ၂၀၀၇ခုနှစ်မေလတွင် နိုင်ငံတကာ လေကြောင်းလိုင်းများ ပြေးဆွဲရန် အဆင့်မြှင့်တင် တိုးချဲ့ခဲ့သည်။ ယခုအခါတွင် ရန်ကုန်အပြည်ပြည်ဆိုင်ရာ လေဆိပ်၌ ပြည်တွင်း လေကြောင်းလိုင်း ၅ခုနှင့် နိုင်ငံတကာ လေကြောင်းလိုင်း ၁၇ခုခန့် ပြေးဆွဲလျက်ရှိသည်။

 -------------------------------------------------------------------------------------------------------------------

ကျောက်ဖြူရေနက် ဆိပ်ကမ်းစီမံကိန်းအား အရည်အသွေးနိမ့် ကုန်ကြမ်းများဖြင့် တည်ဆောက်လျက်ရှိ

ရခိုင်ပြည်နယ် ပဒဲကျွန်းရှိ ကျောက်ဖြူရေနက်စီမံကိန်း တည်ဆောက်မှုတွင် အသုံးပြုရန်လိုအပ်သည့် ကျောက်၊ သဲ၊ ကျောက်စရစ် စသည့် ကုန်ကြမ်းများကို ယခင်က ပြည်တွင်းလုပ်ငန်းရှင်များထံမှ ဝယ်ယူ ခဲ့သော်လည်း ယခုချိန်တွင် တရုတ်ပြည်မှ အစားထိုးတင်သွင်းလာသော ကုန်ကြမ်းများ ပြောင်းလဲ အသုံးပြုမှုကြောင့် ပြည်တွင်းကျောက်လုပ်ငန်းများ ရပ်ဆိုင်းထားရပြီး အလုပ်သမားတွေလည်း အလုပ်လက်မဲ့ဖြစ်နေရကြောင်းကို ပြည်တွင်းကျောက်မိုင်း လုပ်ငန်းရှင် တစ်ဦးမှပြောကြားသည်။

၂၀၁၀ခုနှစ်မှ စတင်တည်ဆောက်သော အဆိုပါ ရေနက်စီမံကန်း၏ တည်ဆောက်ရေးလုပ်ငန်းအတွက် ကျောက်ဖြူမြို့နယ်မှ ကျောက်စရစ်၊ အမ်းမြို့နယ်မှ ရေချိုသဲနှင့် မော်လမြိုင်မှ နိုင်ငံတကာအဆင့်မှီ ဂရပ်နက်ကျောက်များအား တင်ပို့ရောင်းချရကြောင်း ၊ ယခုအခါတွင် မိုင် ၃၅၀၀ ဝေးသော တရုတ်ပြည်မှ တန်ချန် ၃၀၀၀၀ဆန့် ရေယာဉ်ဖြင့် ကုန်ကြမ်းများကို အစားထိုး တင်သွင်းနေကြောင်းကို ပြည်တွင်း ရေယာဉ်ပိုင်ရှင်များ အသင်းမှ လုပ်ငန်းရှင် တစ်ဦးက ပြောကြားသည်။

တရုတ်ပြည် CITIC GROUP ကုမ္ပဏီမှ တာဝန်ယူတည်ဆောက်နေသော အဆိုပါရေနက်စီမံကိန်းတွင် အဆင့်မြင့်အိမ်ယာ၊ လေဆိပ်နှင့် ရေယာဉ် ဆိပ်ကမ်းများ ပါဝင်မည်ဖြစ်ကြောင်းသိရသည်။

******************************

ပြည်တွင်းပါတီ၊ နိုင်ငံရေးသတင်း

ရင်းနှီးမြှုပ်နှံမှုကော်မရှင် ၏လုပ်ပိုင်ခွင့် လျှော့ချရေးအပေါ် လွှတ်တော်တွင်ဆွေးနွေးမည်

              NLDလွှတ်တော် အမတ်များသည် နိုင်ငံခြားရင်းနှီးမြှုပ်နှံမှု ဥပဒေပါ မြန်မာနိုင်ငံ ရင်းနှီးမြှုပ်နှံမှု ကော် မ ရှင်၏ လုပ်ပိုင်ခွင့်အာဏာ များနေသည်ဟု ယူဆသဖြင့် လွှတ်တော်၌ တင်ပြဆွေးနွေးမည်ဖြစ်ကြောင်း သိရသည်။

              အဆိုပါ နိုင်ငံခြားရင်းနှီးမြှုပ်နှံမှု ဥပဒေသည် ပြည်ထောင်စုလွှတ်တော်တွင် ဥပဒေကြမ်းအဖြစ် အ တည်ပြုပြီး နိုင်ငံတော်သမ္မထံသို့ လက်မှတ် ရေးထိုး အတည်ပြုရန် ရောက်ပြီးခါမှ ပြင်ဆင်ရန် လိုအပ်ချက်များ ရှိ ခြင်းကြောင့် ပြင်ဆင်ပြီး လွှတ်တော်သို့ ပြန်လည်ပေးပို့ထား ခြင်းဖြစ်သည်။ အဆိုပါ နိုင်ငံတော် သမ္မတ၏ ပြင်ဆင်ချက်ကို လွှတ်တော်သို့ မတင်ပို့မီ နိုင်ငံခြားရင်းနှီးမြှုပ်နှံမှု ကော်မတီတွင် လည်းကောင်း၊ ပြည်ထောင်စု လွှတ်တော်တွင် လည်း ကောင်း တင်ပြဆွေးနွေးမည်ဖြစ်ကြောင်း သိရသည်။

              သို့သော် နိုင်ငံခြား ရင်းနှီးမြှုပ်နှံမှု ဥပဒေကြမ်းတွင်  ရင်းနှီးမြှုပ်နှံမှု ကော်မရှင်သည် ရင်းနှီးမြှုပ်နှံမှု အမျိုးအစား၊ ရင်းနှီးမြှုပ်နှံမှု တန်ဖိုးပမာဏ၊ လုပ်ငန်းသက်တမ်း တို့ကို သတ်မှတ်ခြင်း၊ ပြောင်းလဲ သတ်မှတ်ခြင်းများကို ပြည်ထောင်စုအစိုး၏ သဘောတူညီချက်ဖြင့်ဆောင်ရွက်နိုင်ခြင်းနှင့် အခွန်ကင်း လွတ်ခွင့်နှင့် သက်သာခွင့်ပေးရန်မလိုသော ရင်းနှီးမြှုပ်နှံမှုလုပ်ငန်းများကို သတ်မှတ်ခြင်း စသည်တို့လုပ်ဆောင် နိုင်သည့်အတွက် ကော်မရှင်၌ ဆုံးဖြတ်နိုင်သည့်အာဏာ များပြားနေသည်ဟု ဝေဖန်သုံးသပ်ကြသည်။

တစ်ဖက်၌လည်း နိုင်ငံခြား ရင်းနှီးမြှုပ်နှံမှု ကော်မရှင်သည် တိုင်းပြည်တွင် ဝင်ရောက်လာမည့် ရင်းနှီး မြှုပ်နှံမှုသူများနှင့် ချိတ်ဆက် ဆက်သွယ် သွားမည့် အဖွဲ့အစည်းတစ်ခုဖြစ်ရာ ထိုသို့လုပ်ပိုင်ခွင့်များ ပေးထားခြင်းသည် ပေးသင့်ပေးထိုက်သော အခွင့်အာဏာများ ဖြစ်သည်ဟုလည်း သုံးသပ်ကြခြင်း များလည်းရှိ သည်။

ယခုကျင်းနေသည့် ပထမအကြိမ် ပဉ္စမပုံမှန် လွှတ်တော်အစည်းအဝေတွင် နိုင်ငံခြား ရင်းနှီးမြှုပ်နှံမှု ဥပဒေနှင့် နိုင်ငံသား ရင်းနှီးမြှုပ်နှံမှု ဥပဒေတို့ကို တစ်ပြိုင်နက်တည်း အတည်ပြုသွားဖွယ်ရှိသည်ဟု သိရသည်။            

******************************

သတင်းနှင့် ဆောင်းပါးများမှ ကောင်နှုတ်ချက်များ

မ္မတက ငြိမ်းချမ်းရေးဟာ ပြည်သူသန်း၆၀နဲ့ သက်ဆိုင်တယ်သာပြောနေတာ ငြိမ်းချမ်းရေး လုပ်ငန်း စဉ်တွေမှာ ပြည်သူတွေ ပါဝင်ရမယ့် အခန်းကဏ္ဍက တိတိကျကျ ဆောင်ရွက်ထားတာ တစ်ခုမှမရှိသေးဘူး။

အောက်တိုဘာ၃၀ရက်ထုတ် မဇ္ဈိမဂျာနယ် အတွဲ(၁) အမှတ်(၆)တွင် ပါရှိသည့် ရန်ကုန်ဝင်ဒါမီယာ တွင်ငြိမ်း ချမ်းရေး စင်တာဖွင့်မည်၊ လက်နက်ကိုင်များနှင့် ငြိမ်းချမ်းရေး ဆွေးနွေးမည် သတင်းမှ ကချင်ငြိမ်းချမ်းရေး ကွန် ယက်မှကို ဂျော်ဂွန်း၏ ပြောကြားချက်အပေါ် ကောက်နှုတ်ချက်။

-----------------------------------------------------------------------------------------------------------------------------------

နိုင်ငံခြားရင်းနှီးမြှပ်နှံမှု ဥပဒေကြမ်းမှာ စဉ်းစားရမယ့်အပိုင်းနှစ်ခုရှိတယ်လို့ ကျွန်တော်မြင်တယ်။ တစ်ခုက ကော်မရှင်ဟာ သြဇာသိပ်များနေလား။ နောက်ဆုံးဆုံးဖြတ်ချက်တွေကို သူကလုပ်နေတယ်ဆိုရင်တော့ ဒါဟာအဟန့် အတားဖြစ်နိုင်တယ်။ တစ်ဖက်မှာလည်းကော်မရှင်အနေနဲ့ နိုင်ငံခြားကတိုက်ရိုက်ရင်းနှီးမြှုပ်နှံမှုတွေကို တိုင်းပြည်အတွက် အကျိုးရှိလား၊ မရှိဘူးလားဆိုတာ ကြီးကြပ်စိစစ်ဖို့လည်း လိုတော့ သူမှာငြင်းပယ်ခွင့်လည်း ရှိမှဖြစ်မယ်။ လိုအပ်တဲ့အာဏာ ရရရှိဖို့တေတတာ့ လိုမယ်။ သူ့ကိုပြည်ထောင်စု အစိုးရအဖွဲ့ကပြန်ပြီးကြီးကြပ်ဖို့တော့ လိုပါတယ်။

အောက်တိုဘာ၃၀ရက်ထုတ် Floewr Newsဂျာနယ် အတွဲ(၈) အမှတ်(၄၂)တွင် ပါရှိသည့် နိုင်ငံခြားရင်းနှီးမြှုပ်နှံမှု ကော်မရှင်၏ လုပ်ပိုင်ခွင့်အာဏာ လျှော့ချရေး လွှတ်တော်ကိုယ်စားလှယ်များ တိုက်တွန်းဆွေးနွေးမည် သတင်းမှ နိုင်ငံရေးလေ့လာသုံးသပ်သူ ဦးကျော်လင်းဦး၏ ပြောကြားချက်အပေါ် ကောက်နှုတ်ချက်။

-----------------------------------------------------------------------------------------------------------------------------------

ဒေသနဲ့ဆိုင်တဲ့ နာမည်အသစ်နဲ့   ဖွဲစည်းမယ့် ပြည်ထောင်စု ၊အဲဒါကိုလည်းပဲ ဒီမို၁၀ပါတီကနေပြီးတော့ သမ္မ တ အကြံပေးအဖွဲ့နဲ့ တွေ့တော့ အဲဒါကို ထပ်ပြီးတော့တင်တယ်လေ။ အဲဒီတော့ ကျွန်တော်တို့အဖွဲ့တွေက လက်မခံ နိုင်ဘူး။ ဒါကိုငြင်းဆန်တာပေါ့နော်၊ ဒါကို ဒေသအပေါ် အခြေခံသော အမည်သစ်ဆိုတော့ ရှမ်းပြည် နယ်က ကမ္ဘောဇတိုင်း ဖြစ်သွားမယ်။ ရှမ်းပြည်နယ် မဟုတ်တော့ဘူး။ လူမျိုးကို အစွဲပြုပြီးတော့ ပေးတဲ့နာမည် မဟုတ်တော့ဘူး။

အောက်တိုဘာ ၃၀ရက်ထုတ် Venus News ဂျာနယ်အတွဲ(၄) အမှတ်(၁၅)တွင်ပါရှိသည့် “ဒေသအပေါ် အခြေခံ သော အမည်သစ်များဖြင့် ဖွဲ့စည်းမည့်ပုံစံကို SNLD ဆန့်ကျင်” သတင်းမှ ရှမ်းတိုင်းရင်းသားများ ဒီမိုကရေစီ အဖွဲ့ချုပ်မှ အတွင်းရေးမှူး ဦးစိုင်းညွန့်လွင်၏ ပြောကြားချက်အပေါ် ကောက်နှုတ်ချက်။

*****************************************

 

 

 


Google Drive: create, share, and keep all your stuff in one place. Logo for Google Drive