Transparency Myanmar

transparency.myanmar@gmail.com

yangonchronicle 2011- (1)
Document yangonchronicle 2011- (1)

Snapshot of the item below:
yangonchronicle 2011- (1)

 

၁၅.၁၁.၂၀၁၂

ဘာသာပြန်သတင်းများ

  1. မြန်မာဒီမိုကရေစီအရေးအိန္ဒိယအားပေးရန် ဒေါ်အောင်ဆန်းစုကြည်မေတ္တာရပ်ခံ

(BBC News မှ 14 Nov 2012 ရက်စွဲပါ “Burma’s Aung San Suu Kyi appeals for India support” သတင်းကိုဘာသာပြန်ဆိုသည်)

  1. အကျဉ်းသား ၄၅၀ ကို လွတ်ငြိမ်းချမ်းသာခွင့်ပေးကြောင်း မြန်မာကြေညာ

(The Associated Press မှ 14 Nov 2012 ရက်စွဲပါ “Myanmar says 450 prisoners to be freed in Amnesty” သတင်းကိုဘာသာပြန်ဆိုသည်)

***********************************************

ဘာသာပြန်သတင်းများ

မြန်မာဒီမိုကရေစီအရေးအိန္ဒိယအားပေးရန် ဒေါ်အောင်ဆန်းစုကြည်မေတ္တာရပ်ခံ

(BBC News မှ 14 Nov 2012 ရက်စွဲပါ “Burma’s Aung San Suu Kyi appeals for India support” သတင်းကိုဘာသာပြန်ဆိုသည်)

မြန်မာအတိုက်အခံခေါင်းဆောင် ဒေါ်အောင်ဆန်းစုကြည်က သူမ၏နိုင်ငံအတွက် ဒီမိုကရေစီကူးပြောင်းနေမှု အောင်မြင်အောင် ကူညီပေးကြပါရန် အိန္ဒိယပြည်သူများကို တိုက်တွန်းပန်ကြားလိုက်သည်။

ဒေါ်အောင်ဆန်းစုကြည်သည် နှစ်ပေါင်း ၄၀ ခန့်အတွင်း အိန္ဒိယသို့ ပထမဆုံးအကြိမ် ပြန်လည်ရောက်ရှိလာသော ခရီးစဉ်တွင် ဝန်ကြီးချုပ် မန်မိုဟန်ဆင်းနှင့် ဗုဒ္ဓဟူးနေ့က တွေ့ဆုံခဲ့သည်။ သောကြာနေ့တွင်မူ နယူးဒေလီတွင် သူမပညာသင်ကြားခဲ့ဘူးသော ကောလိပ်ကျောင်းသို့ သွားရောက် လည်ပတ်မည်ဖြစ်သည်။

မြန်မာနိုင်ငံတွင် စစ်အုပ်ချုပ်ရေးကို အဆုံးသတ်ပေးခဲ့သော ရွေးကောက်ပွဲများအပြီး နှစ်နှစ်ခန့်အကြာတွင် ယခုကဲ့သို့ သူမ၏အိန္ဒိယခရီးစဉ်ကို စီစဉ် နိုင်ခဲ့ခြင်း ဖြစ်သည်။

နှစ်ပေါင်းများစွာ နေအိမ်အကျယ်ချုပ် ထိန်းသိမ်းခံခဲ့ရသော အတိုက်အခံခေါင်းဆောင် ဒေါ်အောင်ဆန်းစုကြည်ကို ၂၀၁၀ ခုနှစ် နိုဝင်ဘာလ ရွေးကောက်ပွဲများပြီးပြီးချင်း မြန်မာအာဏာပိုင်များက လွှတ်ပေးခဲ့သည်။

ထို့နောက်တွင် အာဏာရလာသောသမ္မတဦးသိန်းစိန်က နိုင်ငံရေးကဏ္ဍပြောင်းလဲမှုများ ပြုလုပ်ခဲ့သောကြောင့် သူမနှင့် NLD ပါတီတို့တရားဝင် နိုင်ငံရေးလုပ်ငန်းစဉ်တွင် ပါဝင်ခွင့်ရရှိကာ ၂၀၁၂ ဧပြီလ ကြားဖြတ်ရွေးကောက်ပွဲတွင်အနိုင်ရရှိပြီး ယခုအခါ လွှတ်တော်အတွင်း၌ နေရာအနည်းငယ် ရရှိ ထားပြီးဖြစ်သည်။

သို့သော်လည်း မြန်မာနိုင်ငံမှ နိုင်ငံရေးအပြောင်းအလဲများအပေါ် အလွန်အကျွံ့အကောင်းမြင်လွန်းခြင်းမပြုရန် အိန္ဒိယနိုင်ငံကို ဒေါ်အောင်ဆန်း စုကြည်က သတိပေးထားသည်။

“ကျွန်မတို့ဟာ ဒီမိုကရေစီပန်းတိုင်ကို မရောက်သေးပါဘူး။ ကြိုးစားနေရတုန်းပါ။ ဒါ့ကြောင့် အိန္ဒိယပြည်သူတွေဟာ ကျွန်မတို့ထက် နှစ်ပေါင်း များစွာစောပြီး သူတို့သွားနိုင်ခဲ့ကြတဲ့လမ်းအတိုင်း လိုက်လာတဲ့ ကျွန်မတို့နဲ့အတူ ရပ်တည်ပေးကြလိမ့်မယ်လို့ မျှော်လင့်ပါတယ်”ဟု ဒေါ်အောင်ဆန်းစုကြည် က ပြောကြားသည်။

အိန္ဒိယနိုင်ငံသည် မြန်မာ့ဒီမိုကရေစီလှုပ်ရှားမှုကို ကနဦးထောက်ခံ အားပေးခဲ့သော်လည်း ၁၉၉၀ ခုနှစ်များ အလယ်ပိုင်းကာလနောက်ပိုင်း မြန်မာ့ တပ်မတော်အစိုးရ(စစ်အစိုးရ)နှင့် ထိတွေ့ဆက်ဆံလာခဲ့ခြင်းအပေါ် စိတ်မကောင်းဖြစ်မိကြောင်းကိုလည်း ဒေါ်အောင်ဆန်းစုကြည်က ထုတ်ဖော်ပြောဆို ခဲ့သည်။

အိန္ဒိယနိုင်ငံ၏ လွတ်လပ်ရေးရပြီး ပထမဆုံးဝန်ကြီးချုပ် ဂျဝါဟာလာနေရူးအမှတ်တရ ဟောပြောမှုပို့ချစဉ် သူမက“အိန္ဒိယနိုင်ငံဟာ ကျွန်မတို့နဲ့ ဝေးကွာသွားခဲ့ပါပြီ။ ကျွန်မတို့ အခက်ခဲဆုံးအချိန်မှာ အိန္ဒိယနိုင်ငံကထားသွားခဲ့ပြီလို့ ကျွန်မစဉ်းစားပြီး စိတ်မကောင်းဖြစ်ခဲ့ရပါတယ်”ဟု ပြောကြားခဲ့သည်။

ဒေါ်အောင်ဆန်းစုကြည်၏ဖခင် ဗိုလ်ချုပ်အောင်ဆန်းသည် ဂျဝါဟလာနေရူးနှင့် ပုဂ္ဂိုလ်ရေးခင်မင်သူတစ်ဦး ဖြစ်ခဲ့သည်။

ဗုဒ္ဓဟူးနေ့ကတွေ့ဆုံမှုတွင် ဝန်ကြီးချုပ် မန်မိုဟန်ဆင်းက ဒေါ်အောင်ဆန်းစုကြည်၏ ချိုးဖဲ့မရနိုင်သောရဲရင့်မှုကို ချီးကျူးဂုဏ်ယူပြောဆိုခဲ့ပါသည်။

                                 *****************************************

အကျဉ်းသား ၄၅၀ ကို လွတ်ငြိမ်းချမ်းသာခွင့်ပေးကြောင်း မြန်မာကြေညာ

(The Associated Press မှ 14 Nov 2012 ရက်စွဲပါ “Myanmar says 450 prisoners to be freed in Amnesty” သတင်းကိုဘာသာပြန်ဆိုသည်)

မြန်မာသမ္မတဦးသိန်းစိန်က အကျဉ်သား ၄၅၀ ကျော်ကို လွတ်ငြိမ်းချမ်းသာခွင့်ပေးရန် အမိန့်ထုတ်ပြန်သည်ပာု မြန်မာနိုင်ငံပိုင်မီဒီယာက ကြေညာ သည်။

ယခုနောက်ဆုံးလွှတ်ပေးသူများထဲတွင် နိုင်ငံရေးအကျဉ်းသားးများပါ/မပါကို အတိအကျမသိရသေးသော်လည်း ယခင်က လွတ်ငြိမ်းချမ်းသာခွင့် ပေးမှုများတွင် ယုံကြည်ချက်အကျဉ်းသား(နိုင်ငံရေးအကျဉ်းသား)နှင့် သာမန်ရာဇဝတ်သား အကျဉ်သားနှစ်မျိုးစလုံး ပါဝင်ခဲ့ပါသည်။

သမ္မတဦးသိန်းစိန်အစိုးရသည် ပြီးခဲ့သောတစ်နှစ်လုံး ပြုပြင်ပြောင်းလဲမှုများ၏ အဓိကအစီအစဉ်အဖြစ် နိုင်ငံရေးအကျဉ်းသားများကို တစ်သုတ်ပြီး တစ်သုတ်လွှတ်ပေးကာ စစ်အုပ်ချုပ်ရေးအလွန် နိုင်ငံတကာ၏ သဘောကျမှုကိုရယူရန် ကြိုးစားခဲ့သည်။ အစောပိုင်းက လွတ်ငြိမ်းချမ်းသာခွင့် ကြေညာမှုများ သည် အမေရိကန်ပြည်ထောင်စုအပါအဝင် အနောက်အုပ်စုနိုင်ငံများက ယခင် အရေးယူချမှတ်ထားခဲ့သော Sanctions များရုတ်သိမ်းပေးအောင် အထောက်အကူ ဖြစ်စေခဲ့သည်။

အစိုးရအာဘော် New Light of Myanmar သတင်းစာပါ လွတ်ငြိမ်းချမ်းသာခွင့် ကြေညာချက်သည် သမ္မတအိုဘားမား တနလာင်္နေ့တွင် ပထမဆုံး မြန်မာနိုင်ငံရောက် အမေရိကန်ခေါင်းဆောင်အဖြစ် ရောက်ရှိမလာခင်ရက်ပိုင်းအလိုတွင် ထွက်ပေါ်လာခြင်းဖြစ်သည်။

၂၀၁၁ တွင် လက်ရှိအစိုးရကို အာဏာလွှဲပေးကာ ဖျက်သိမ်းသွားခဲ့သော ယခင်တပ်မတော်အစိုးရဟောင်း လက်ထက်တွင် နိုင်ငံရေးလှုပ်ရှားသူ များ၊ လူ့အခွင့်အရေး လှုပ်ရှားသူများ၊ အစိုးရကို ဝေဖန်သူများ၊ စုစုပေါင်း ၂၀၀၀ ကျော်ခန့်မှာ မတရားသဖြင့် ဖမ်းဆီးထောင်ချခြင်း ခံကြရသည်ဟု လူ့အခွင့်အရေးအုပ်စုများက ပြောကြားထားသည်။

အနည်းဆုံး နိုင်ငံရေးအကျဉ်းသား ၃၃၀ ခန့် အကျဉ်းထောင်များထဲတွင် ကျန်ရှိနေသည်ဟု အတိုက်အခံ NLD ပါတီက အစောပိုင်းတွင် ခန့်မှန်း ထားကြောင်း NLD ပြောရေးဆိုခွင့်ရှိသူ ဦးဥာဏ်ဝင်းထံမှ သိရှိရသည်။

ဦးဥာဏ်ဝင်းက ယခုနောက်ဆုံး လွတ်ငြိမ်းချမ်းသာခွင့်သည် သမ္မတအိုဘားမား၏ခရီးစဉ်မတိုင်မီ စိတ်ရင်းစေတနာကောင်းပြသမှု တစ်ခုဟု ယုံကြည်ကြောင်း ပြောကြားသည်။ “နိုင်ငံရေးအကျဉ်းသားအားလုံးကို လွတ်မြောက်စေချင်ပါတယ်”ဟု ၎င်းကဆိုပါသည်။

ကြာသပတေးနေ့တွင် လွှတ်ပေးသောအကျဉ်းသားအချို့မှာ ပြန်ပို့ရမည့် နိုင်ငံခြားသားများဖြစ်သည်ဟု နိုင်ငံပိုင်မီဒီယာက ပြောကြားသော်လည်း အသေးစိတ်ရှင်းလင်းထားခြင်း မရှိပါ။

ယခုအခါ မြန်မာနိုင်ငံ၏ဒီမိုကရေစီ ဦးတည်ကူးပြောင်းမှုကို ဦးဆောင်နေသော ဦးသိန်းစိန်အစိုးရက နိုင်ငံရေးအကျဉ်သားများ လွှတ်ပေးခြင်း၊ မီဒီယာဆင်ဆာ ဖြေလျော့ပေးခြင်း၊ တိုင်းရင်းသားလက်နက်ကိုင်များနှင့် အပစ်အခတ်ရပ်စဲခြင်း၊ အနောက်အုပ်စု ရင်းနှီးမြှုပ်နှံမှုများ စီးဝင်လာနိုင်အောင် တံခါးဖွင့်ပေးခြင်းတို့ကို ဆက်တိုက်လုပ်ဆောင်လျှက် ရှိသည်။

********************************************

 

                     


Google Drive: create, share, and keep all your stuff in one place. Logo for Google Drive

yangonchronicle2011 Op-Ed
Document yangonchronicle2011 Op-Ed

Snapshot of the item below:
yangonchronicle2011 Op-Ed

၆.၁၁.၂၀၁၂

ဆောင်းပါးကဏ္ဍ

  1. စူပါ ပါဝါနှင့်ဆက်ဆံရေး

*****************************************

ဆောင်းပါးကဏ္ဍ

စူပါ ပါဝါနှင့်ဆက်ဆံရေး

ကမ္ဘာပေါ်တွင် စူပါပါဝါနိုင်ငံအဖြစ် ဆယ်စုနှစ်ပေါင်းများစွာရပ်တည်လာသော အမေရိကန်နိုင်ငံ၏ သက်တမ်းနှစ်ဆက်တိုင် တာဝန်ထမ်းဆောင်ခွင့် ရသည့် သမ္မတဘားရက်အိုဘားမားသည် ဒီမိုကရေစီအသွင်ကူးပြောင်းမှုများကို မြန်မြန်ဆန်ဆန် ဆောင်ရွက်နေသည့်မြန်မာနိုင်ငံသို့ နိုဝင်ဘာ ၁၉ ရက်နေ့ တွင် Air Force One လေယာဉ်ကြီးဖြင့် ရောက်ရှိလာတော့မည်ဖြစ်သည်။ မြန်မာနိုင်ငံ၏ နိုင်ငံရေးအပြောင်းအလဲများသည် အမေရိကန်နိုင်ငံ၏ အကူအညီဖြင့် ပြောင်းလဲခဲ့ခြင်းမဟုတ်သည့်အတွက် အမေရိကန်ကို ဆရာတစ်ဆူအဖြစ် သဘောထားစရာမလိုသော်လည်း အင်အားကြီးနိုင်ငံ၏ အကူအညီဖြင့် မိမိတို့နိုင်ငံ၏ဘက်စုံဖွံ့ဖြိုးရေးကို ပါးနပ်စွာဆောင်ရွက်ရမည်ဟူသော အသိရှိမှသာလျှင် အမျိုးသားအကျိုးစီးပွားကို ထိရောက်အောင် ဆောင်ရွက်နိုင်မည်ဖြစ်သည်။

ယခုလို ဝါရှင်တန်- နေပြည်တော်နွေးထွေးမှု စတင်လာရခြင်းမှာလည်း ထူးခြားသည့်တိုက်ဆိုင်မှု တစ်ခုပင်ဖြစ်သည်။ အထူးသဖြင့် အမေရိကန် အစိုးရ၏ နိုင်ငံခြားရေးမူဝါဒဖြစ်သော ထိတွေ့ဆက်ဆံရေးမူဝါဒ(engagement policy)မှာ ကမ္ဘာ့တည်ငြိမ်ရေးအတွက် အလုပ်ဖြစ်နေချိန်လည်းဖြစ်၊ အရှေ့တောင်အာရှကို ပြန်လည်စိတ်ဝင်စားလာသည့်ကာလလည်း ဖြစ်နေချိန်တွင် မြန်မာနိုင်ငံမှာလည်း ဒီမိုကရေစီအသွင်ကူးပြောင်းမှုများကို နိုင်ငံတကာ မှချီးကျူးရလောက်အောင် ဆောင်ရွက်နိုင်သည့်အချိန်နှင့် တိုက်ဆိုင်လျက်ရှိနေသည်။ ကံအားလျော်စွာပင် အိုးဘားမားမှာ အမေရိကန်သမ္မတအဖြစ် နောက်ထပ်သက်တမ်းတစ်ကြိမ် ဆက်လက်အရွေးခံရသည့်အတွက် ယခုလိုခရီးစဉ်မျိုး ပေါ်ပေါက်လာရခြင်းဖြစ်သည်။

ထို့အပြင် အမေရိကန်သည်၎င်းနှင့်အပြိုင် အင်အားကြီးနိုင်ငံဖြစ်လာသည့် တရုတ်နိုင်ငံ၏ အာဆီယံဒေသတွင်း သြဇာလွှမ်းမိုးမှုကို လျော့ပါးစေချင် သည့်အတွက်ကြောင့်လည်း ယခုခရီးစဉ် ပေါ်ပေါက်လာခြင်းလည်း ဖြစ်သည်။ သို့သော် တရုတ်သြဇာလျော့ပါးစေချင်ရုံ သက်သက်ဆိုရင်တော့ အမေရိကန်တို့အနေဖြင့် ၎င်းတို့၏အကျိုးစီးပွားကိုသာ ကြည့်လွန်းရာကျနေမည်ဖြစ်သည်။ မြန်မာနိုင်ငံ၏ ဒီမိုကရေစီပြုပြင်ပြောင်းလဲရေးနှင့် စီးပွားရေး ဖွံ့ဖြိုးတိုးတက်မှုကို အထောက်အကူပြုသည့် ကူညီဖေးမမှုမျိုး ရှိမှသာလျှင် နှစ်နိုင်ငံရေရှည်တည်တံ့သည့် ဆက်ဆံရေးမျိုး ဖြစ်ထွန်းလာနိုင်ပေမည်။

မြန်မာနိုင်ငံအနေဖြင့်လည်း ယခုအချိန်တွင် ဒေသတွင်းနိုင်ငံများနှင့်ယှဉ်လျှင် စွဲဆောင်အားအကောင်းဆုံး နိုင်ငံတစ်နိုင်ငံ ဖြစ်နေခြင်းကြောင့် အခွင့်အလမ်းတွေ ကြီးကြီးမားမား ရှိနေသည်။ ထိုအခွင့်အလမ်းများကို အချိန်ကိုက်အသုံးချနိုင်မှသာလျှင် ပြည်သူသန်းခြောက်ဆယ် အကျိုးဖြစ်ထွန်းမည်။ သို့မဟုတ်ပါက အခွင့်အလမ်းများ အခြားအိမ်နီးချင်းနိုင်ငံများသို့ရောက်ရှိကာ လက်လွတ်ဆုံးရှုံးသွားနိုင်သည်ကို သတိထားသင့်သည်။ ခက်ခဲပြီး အန္တရာယ်ရှိနိုင်သည့်  မြန်မာနိုင်ငံ၏ ဒီမိုကရက်တိုက်ဇေးရှင်း အချိုးအကွေ့များကိုဖြတ်သန်းခဲ့သည့် မြန်မာအစိုးရအနေဖြင့် ယခုအမေရိကန်သမ္မတ အိုဘားမား ရောက်ရှိလာခြင်းကို တနည်းအမေရိကန်နှင့် ပြန်လည်သင့်မြတ်လာခြင်းအပေါ် နိုင်ငံဖွံ့ဖြိုးတိုးတက်ရေးအတွက် အထိရောက်ဆုံး ဆောင်ရွက် နိုင်ဖို့ လိုအပ်ပါကြောင်း….။

***************************************

     


Google Drive: create, share, and keep all your stuff in one place. Logo for Google Drive

yangonchronicle2011
Document yangonchronicle2011

Snapshot of the item below:
yangonchronicle2011

၁၅.၁၁.၂၀၁၂

ပြည်တွင်းသတင်း

  1. ဝန်ကြီးဌာန ၁၅ ခု၏ငွေအလွဲသုံးစားမှု စစ်ဆေးတွေ့ရှိ
  2. မြန်မာနိုင်ငံအတွင်းမှောင်ခိုကုန်သွယ်မှုပမာဏအမေရိကန်ဒေါ်လာ ၁၂ ဘီလျံခန့်ရှိ
  3. ဝန်ကြီးဌာနခြောက်ခု၏ နိုင်ငံပိုင်စီးပွားရေးအဖွဲ့အစည်းများငွေကျပ် ၄၃၀ ဘီလျံကျော် နိုင်ငံတော်ဘဏ်မှချေးယူ

နိုင်ငံရေးသတင်း

  1. အကျဉ်းသား ၄၅၂ ဦးအားလွတ်ငြိမ်းချမ်းသာခွင့်ပြု

သတင်းနှင့် ဆောင်းပါးများမှ ကောက်နှုတ်ချက်များ

ပြည်တွင်းသတင်း

ဝန်ကြီးဌာန ၁၅ ခု၏ငွေအလွဲသုံးစားမှု စစ်ဆေးတွေ့ရှိ

              ၂၀၁၁-၂၀၁၂ ဘဏ္ဍာရေးနှစ်ဝန်ကြီးဌာနများ၏ အသုံးဘတ်ဂျက်တွင် ဝန်ကြီးဌာန ၁၅ ခုမှ စာရင်းမှားခြင်း၊ ငွေအလွဲသုံးစားမှုပြုလုပ်ခြင်းနှင့် မရိုးဖြောင့် မသမာသောသဘောဖြင့် ဆောင်ရွက်မှုများပါဝင်သည့် အမှုပေါင်း ၄၇ မှုကိုအရေးကြီး စစ်ဆေးတွေ့ရှိရကြောင်း ပြည်ထောင်စု စာရင်းစစ်ချုပ်မှ နိုဝင်ဘာလ ၁၄ ရက်နေ့တွင် ကျင်းပခဲ့သည့် ပြည်ထောင်စုလွှတ်တော်အစည်းအဝေးသို့ အစီရင်ခံစာတင်သွင်းခဲ့သည်။

ထိုသို့ ဝန်ကြီးဌာနများ၏ စာရင်းမှားယွင်းမှုများနှင့် ငွေအလွဲသုံးစားမှုများကြောင့် နိုင်ငံတော်အနေဖြင့် ကျပ်ငွေ ၅၈ ဘီလျံကျော်နှင့် အမေရိကန် ဒေါ်လာနှစ်သိန်းကျော် နစ်နာဆုံးရှုံးခဲ့ရကြောင်း သိရသည်။ ဝန်ကြီးဌာန ၁၅ ခုနှင့် သက်ဆိုင်ရာဌာနများနှင့် အဖွဲ့အစည်းများသည် နိုင်ငံတော်သို့ပေးသွင်း ရမည့်ငွေများအနက် ကျပ်သန်း ၁၇၄၂၆.၇၇၂ ကိုသာ ပေးသွင်းထားပြီး ကျပ်သန်း ၄၀၉၇၂.၀၃၈နှင့် အမေရိကန်ဒေါ်လာသန်း ၇၀၆၅၅.၀၂၁ တို့ကျန်ရှိ နေသေးကြောင်းသိရသည်။

ဝန်ကြီးဌာနများ၏ နိုင်ငံတော်သို့ပေးသွင်းရန်ငွေများ ကျန်ရှိရခြင်းမှာ ပုဂ္ဂလိကထံသို့ ချေးယူခြင်း၊ ဝန်ထမ်းများ၏ မှားယွင်းမှုနှင့် ငွေအလွဲသုံးစားမှု တို့ကြောင့်ဖြစ်ကြောင်း အစီရင်ခံစာတွင် ဖော်ပြထားသည်။ ပုဂ္ဂလိကထံမှ အကြွေးရရန်ရှိသည့် ဝန်ကြီးဌာနများမှာ မွေးမြူရေးနှင့် ရေလုပ်ငန်းဝန်ကြီးဌာနမှ ကျပ်သန်း ၃၆၅၃.၇၀၇ နှင့်အမေရိကန်ဒေါ်လာ ၇၀၆၅၅.၂၀၂၊ ပိာုတယ်နှင့် ခရီးသွားလာရေးဝန်ကြီးဌာနမှ ကျပ်သန်း ၄၈၁၅.၀၀၀၊ ပြန်ကြားရေးဝန်ကြီး ဌာနမှ ကျပ်သန်း ၈၈.၄၆၅ နှင့်စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ကျပ်သန်း ၂၇၀.၉၅၀ တို့ဖြစ်ကြောင်း သိရသည်။ ငွေကြေး အလွဲ သုံးစားမှုများပြုလုပ်ခဲ့သည့် ဝန်ကြီးဌာနများမှာ ပြန်ကြားရေးဝန်ကြီးဌာနမှ ကျပ်သန်း ၁၁၇.၇၀၁၊ ရထားပို့ဆောင်ရေးဝန်ကြီးဌာနမှ ကျပ်သန်း ၇.၁၅၈၊ ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနမှ ကျပ်သန်း ၁၉.၀၅၇ တို့ဖြစ်ကြောင်းသိရသည်။

ဝန်ထမ်းများ၏ မှားယွင်းမှုနှင့် ငွေကြေးအလွဲသုံးစားမှုများ ပြုလုပ်ခဲ့သည့် ဝန်ကြီးဌာန(၁၅)ခုမှာ လယ်ယာစိုက်ပျိုးရေးနှင့် ဆည်မြောင်းဝန်ကြီး ဌာန၊ သမဝါယမဝန်ကြီးဌာန၊ လျှပ်စစ်စွမ်းအားဝန်ကြီးဌာန၊ ကျန်းမာရေးဝန်ကြီးဌာန၊ သိပ္ပံနှင့် နည်းပညာဝန်ကြီးဌာန၊ မွေးမြူရေးနှင့် ရေလုပ်ငန်းဝန်ကြီး ဌာန၊ ပြန်ကြားရေးဝန်ကြီးဌာန၊ စက်မှုဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပတ်ဝန်းကျင်ထိန်းသိမ်းရေးနှင့် သစ်တောရေးရာ ဝန်ကြီးဌာန၊ ပညာရေးဝန်ကြီးဌာန၊ ဘဏ္ဍာရေးနှင့် အခွန်ဝန်ကြီးဌာန၊ ပိာုတယ်နှင့် ခရီးသွားလာရေး ဝန်ကြီးဌာန၊ ရထားပို့ဆောင်ရေးဝန်ကြီးဌာနနှင့် ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနတို့ဖြစ်ကြောင်း သိရသည်။

                YC

*********************************************

မြန်မာနိုင်ငံအတွင်းမှောင်ခိုကုန်သွယ်မှုပမာဏအမေရိကန်ဒေါ်လာ ၁၂ ဘီလျံခန့်ရှိ

မြန်မာနိုင်ငံအတွင်း နယ်စပ်ဒေသများမှတစ်ဆင့် မှောင်ခိုကုန်သွယ်မှုပမာဏမှာ အမေရိကန်ဒေါ်လာ ၁၂ ဘီလျံခန့် ရှိသည့်အတွက် ရွေ့လျား ရှာဖွေမှောင်ခိုကုန်သွယ်မှုစစ်ဆေးရေး Mobile Team အဖွဲ့မှ နိုဝင်ဘာလ ၂၀ ရက်နေ့မှစတင်၍ တရားမဝင်ကုန်သွယ်မှုများကို စစ်ဆေးသွားမည် ဖြစ်ကြောင်း သိရသည်။

မြန်မာနိုင်ငံနှင့် ထိုင်း၊ တရုတ်နိုင်ငံတို့၏ နယ်စပ်ကုန်သွယ်မှု ပမာဏမှာ ၃.၅ ဘီလျံကျော်ရှိပြီး ယင်းတရားမဝင်ကုန်စည်များ လမ်းကြောင်း မှန်ပေါ်သို့ ပြန်လည်ရောက်ရှိလာပါက တရားဝင်ကုန်သွယ်မှုများမှာ အမေရိကန်ဒေါ်လာ ၃၀ ဘီလျံနီးပါးခန့် တိုးတက်လာနိုင်မည်ဖြစ်ကြောင်း သိရသည်။

ထိုင်း(မဲဆောက်အကောက်ခွန်ဌာန)မှ ထုတ်ပြန်ချက်အရ ၂၀၁၂ ဇန်နဝါရီလမှ စတင်၍ ကိုးလအတွင်း မြန်မာ-ထိုင်း နယ်စပ်ကုန်သွယ်မှုသည် အမေရိကန်ဒေါ်လာ ၈၂၁ သန်းကျော်အနက် မြန်မာနိုင်ငံမှ တရားဝင်လိုင်စင်ဖြင့် ကုန်သွယ်သည့်ပမာဏမှာ အမေရိကန်ဒေါ်လာ ၈၅ သန်းကျော်သာ ရှိကြောင်း သိရသည်။

မြန်မာ-တရုတ်နှစ်နိုင်ငံ၏ နယ်စပ်ဒေသမှတစ်ဆင့် ကျောက်မျက်၊ ကျောက်စိမ်းနှင့် သစ်များကို တရားမဝင်ကုန်သွယ်မှုများ ပြုလုပ်ခဲ့ပြီး တရားမဝင်ကုန်သွယ်မှုပမာဏကို စာရင်းအတိအကျ ထုတ်ပြန်နိုင်ခြင်းမရှိသေးကြောင်း သိရသည်။

                                                                                                                                        YC

*********************************************

ဝန်ကြီးဌာနခြောက်ခု၏ နိုင်ငံပိုင်စီးပွားရေးအဖွဲ့အစည်းများငွေကျပ် ၄၃၀ ဘီလျံကျော် နိုင်ငံတော်ဘဏ်မှချေးယူ

၂၀၁၂-၂၀၁၃ ဘဏ္ဍာရေးနှစ်အတွက် ဝန်ကြီးဌာနခြောက်ခု၏ နိုင်ငံပိုင်စီးပွားရေးအဖွဲ့အစည်းများမှ လှည့်ပတ်ရန်ပုံငွေအဖြစ် ငွေကျပ် ၄၃၀.၃၉၅ ဘီလျံကို နိုင်ငံတော်ဘဏ်မှချေးယူလိုကြောင်း နိုင်ငံတော်သမ္မတက ပြည်ထောင်စုလွှတ်တော်သို့ အောက်တိုဘာလ ၂၀ ရက်နေ့တွင် ပေးပို့ခဲ့သည့် သဝဏ်လွှာအား နိုဝင်ဘာလ ၁၄ ရက်နေ့တွင်ကျင်းပခဲ့သည့် ပထမအကြိမ် ပြည်ထောင်စုလွှတ်တော်အစည်းအဝေးပဉ္စမနေ့တွင် ဖတ်ကြားခဲ့သည်။

ယင်းပြည်ထောင်စုလွှတ်တော် အစည်းအဝေးတွင် သဝဏ်လွှာနှင့်ပတ်သက်၍ မင်းလှမဲဆန္ဒနယ်မှ ဦးမောင်တိုး၏ဆွေးနွေးမှုအား ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီး ဦးဝင်းရှိန်က ပြန်လည်ရှင်းလင်းတင်ပြခဲ့ပြီး ဝန်ကြီးဌာနများ၏ နိုင်ငံပိုင်စီးပွားရေး အဖွဲ့အစည်းများ ချေးငွေရယူ လိုခြင်းနှင့်ပတ်သက်၍ လွှတ်တော်က အတည်ပြုခဲ့သည်။

လှည့်ပတ်ရန်ပုံငွေအဖြစ် သုံးစွဲနိုင်ရန် နိုင်ငံတော်ဘဏ်မှ ငွေချေးယူခဲ့သည့် ဝန်ကြီးဌာနများမှာ ပြန်ကြားရေးဝန်ကြီးဌာနမှ ကျပ်သန်း ၁၃၁၃.၃၉၅၊ ဆောက်လုပ်ရေးဝန်ကြီးဌာနမှ ၂၁၀၃၇.၁၇၇ သန်း၊ ပို့ဆောင်ရေးဝန်ကြီးဌာနမှ ၈၅၂၄.၄၄၆ သန်း၊ ရထားပို့ဆောင်ရေးဝန်ကြီးဌာနမှ ၁၁၄.၉၇၈ သန်း၊ စွမ်းအင်ဝန်ကြီးဌာနမှ ၃၅၇၄၉၉.၉၄၁ သန်းနှင့် အမှတ်(၂)လျှပ်စစ်စွမ်းအားဝန်ကြီးဌာနမှ ၄၁၉၀၄.၇၂၉ သန်းတို့ဖြစ်ကြောင်းသိရသည်။

နိုင်ငံတော်ဘဏ်မှ ငွေချေးယူခဲ့သည့် ဝန်ကြီးဌာနများအနက် ပြန်ကြားရေးဝန်ကြီးဌာန၊ ရထားပို့ဆောင်ရေး ဝန်ကြီးဌာန၊ လျှပ်စစ်စွမ်းအား ဝန်ကြီးဌာနတို့တွင် ဝန်ထမ်းများ၏ မှားယွင်းမှုနှင့် ငွေကြေးအလွဲသုံးစားမှုများကို စစ်ဆေးတွေ့ရှိရကြောင်း ပြည်ထောင်စုလွှတ်တော် အစည်းအဝေးတွင် ပြည်ထောင်စုစာရင်းစစ်ချုပ်မှ အရေးကြီးတွေ့ရှိချက်အဖြစ် အစီရင်ခံစာတင်သွင်းခဲ့သည်။

နိုင်ငံတော်ဘဏ်မှ နိုင်ငံပိုင်စီးပွားရေးအဖွဲ့အစည်းများ သာမန်လုပ်ငန်းများ လုပ်ကိုင်နိုင်ရန်အတွက် လှည့်ပတ်ရန်ပုံငွေအဖြစ် ထုတ်ချေးရန် မူလ လျာထားချက် ငွေကျပ် ၁၇၈၄.၆၈၈ ဘီလျံအနက် ပြည်ထောင်စုလွှတ်တော်မှ ကျပ် ၁၅၀၅.၄၄၈ ဘီလျံကို ခွင့်ပြုပေးခဲ့သည်။

YC

*********************************************

နိုင်ငံရေးသတင်း

 အကျဉ်းသား ၄၅၂ ဦးအားလွတ်ငြိမ်းချမ်းသာခွင့်ပြု

              နိုင်ငံတော်သမ္မတက နိုင်ငံတော်ဖွဲ့စည်းပုံ အခြေခံဥပဒေပုဒ်မ ၂၀၄၊ ပုဒ်မခွဲ(က)နှင့်အညီ အကျဉ်းထောင်အသီးသီးမှ အကျဉ်းသားစုစုပေါင်း ၄၅၂ ဦးကို ပြစ်မှုဆိုင်ရာကျင့်ထုံးဥပဒေပုဒ်မ ၄၀၁(၁)အရ နိုဝင်ဘာလ ၁၅ ရက်နေ့တွင် ပြစ်ဒဏ်အသီးသီးမှ လွတ်ငြိမ်းသက်သာခွင့်ပြုခဲ့ကြောင်း နိုင်ငံပိုင် သတင်းစာများတွင် ထုတ်ပြန်ကြေညာခဲ့သည်။

ပြစ်ဒဏ်အသီးသီးမှ လွတ်ငြိမ်းချမ်းသာခွင့်ပေးခဲ့သည့် အကျဉ်းသားများတွင် အသက်အရွယ်ကြီးရင့်သူများ၊ ကျန်းမာရေးချို့တဲ့သူများနှင့် နိုင်ငံခြားသား အကျဉ်းသားများ ပါဝင်ကြောင်းသိရသည်။ ယခု လွတ်ငြိမ်းချမ်းသာခွင့်ပေးခဲ့သည့် နိုင်ငံခြားသား အကျဉ်းသားများကိုလည်း ပြည်နှင်ဒဏ် ပေးမည်ဖြစ်ကြောင်း ဖော်ပြပါရှိသည်။

နိုင်ငံတော်သမ္မတသည် အမေရိကန်နိုင်ငံသမ္မတMr.Barack Obama မလာရောက်မီ မြန်မာနိုင်ငံ၏ ပြုပြင်ပြောင်းလဲမှုများကို ပြသလိုသည့် အတွက် ယခုကဲ့သို့ အကျဉ်းထောင်အသီးသီးရှိ အကျဉ်းသားများကို လွတ်ငြိမ်းချမ်းသာခွင့်ပြုခြင်းဖြစ်ကြောင်း ပြင်ပ၌ သတင်းများ ထွက်ပေါ်လျက်ရှိသည်။

YC

 ********************************************************************************************

သတင်းနှင့် ဆောင်းပါးများမှ ကောက်နှုတ်ချက်များ

“အလုပ်သမားတွေကို စက်ရုံကနေအပြင်ဆိုဒ်မပို့ဖို့ တောင်းဆိုတာက အလုပ်သမားတွေကို ပိုက်ဆံပေးနိုင်ရင် ခိုင်းလို့ရတယ်ဆိုတဲ့ စနစ်ပျောက်အောင် တိုက်ပွဲဝင်တာ၊ ဂုဏ်သိက္ခာအတွက် တိုက်ပွဲဝင်တာပါ၊ ခုံသမာဓိအဖွဲ့ရဲ့ဆုံးဖြတ်ချက်က အလုပ်ရှင်နဲ့ အလုပ်သမားတိုက်ပွဲကြားမှာ ကြားဝင်ဆုံးဖြတ်ပေးခဲ့ ရတာပါ။ အခု အလုပ်သမားတွေက တိုက်ပွဲမှာ အနိုင်ရတယ်။ အရင်က စာချုပ်တွေချုပ်ပြီး လုပ်တယ်။ အခုစာချုပ်မဟုတ်ဘူး အဆုံးအဖြတ်ချတာ အလုပ်ရှင်ဘက်က လိုက်နာကိုလိုက်နာရမယ်။ မလိုက်နာဘူးဆိုရင် အလုပ်သမားရုံးမှာ တာဝန်ရှိတယ်။”

နိုဝင်ဘာလ ၁၆ ရက်နေ့ထုတ် လူထုပုံရိပ်ဂျာနယ် အတွဲ (၁) အမှတ်(၈)တွင်ပါရှိသော “အလုပ်သမားရေးခုံရုံးအဖွဲ့ ဆုံးဖြတ်ချက် အလုပ်ရှင်ဘက်မှ လိုက်နာမှုရှိ၊မရှိ စောင့်ကြည့်မည်ဆို”သတင်းမှ အလုပ်သမားအခွင့်အရေးဆောင်ရွက်သူ ကိုကျော်ကျော်၏ ပြောကြား ချက်အား ကောက်နှုတ်ချက်။

*************************************

“ဥပဒေကပြည်သူတွေအပေါ်မှာ တစ်ပြေးညီရှိမနေဘူး။ လက်ရှိပုဂံမှာကို ဥပဒေကနှစ်မျိုး ဖြစ်နေတယ်။ အာဏာရှိတဲ့သူ၊ ငွေကြေးချမ်းသာတဲ့သူကို ဥပဒေကကာကွယ်ပေးတဲ့ ဥပဒေရယ်၊ ဆင်းရဲသားလူတန်းစားကို ဥပဒေက ထိန်းချုပ်ထားတဲ့ဥပဒေရယ်ပါ၊ တစ်ခြားနေရာမှာ မပြောဘူး၊ လက်ရှိ ပုဂံမှာ တွေ့နေရတဲ့ ဥပဒေအမှန်တွေပါ။”

နိုဝင်ဘာလ ၁၆ ရက်နေ့ထုတ် လူထုပုံရိပ်ဂျာနယ် အတွဲ (၁) အမှတ်(၈)တွင်ပါရှိသော “ပုဂံယဉ်ကျေးမှု အမွေအနှစ် ၄၀ ရာခိုင်နှုန်း ပျောက်ကွယ်နေမှုကို လုံးဝလက်မခံနိုင်သဖြင့် ဒေသခံများထပ်ခါတလဲလဲ ဆန္ဒဖော်ထုတ်မည်”သတင်းမှ ကိုဝင်းမောင်၏ ပြောကြား ချက်အား ကောက်နှုတ်ချက်။

******************************************

“ဘာတွေတစ်ကယ်တမ်း ဖြစ်နေတယ်ဆိုတာကို သေသေချာချာလေ့လာ ကြည့်သင့်ပါတယ်။ အရမ်းကြီး အကောင်းမမြင်သင့်ပါဘူး။ ထောက်ခံအားပေးဖို့ လိုတာကိုပဲ ထောက်ခံအားပေးသင့်ပါတယ်။ ဘာ့ကြောင့်လဲဆိုတော့ အလွန်အကျွံ့အကောင်းမြင်သွားတဲ့အခါ အကျိုးမရှိဘူးလို့ ကျွန်မထင်လို့ပါပဲ။ အကောင်းမြင်လွန်းရင် ဘာတွေမှားနေတယ်ဆိုတာကို လျစ်လျူရှုမိကြပါလိမ့်မယ်။ ဒီအခါ ဘာတွေကမှန်နေတယ်ဆိုတာကိုလည်း လျစ်လျူရှုမိ ကြပါလိမ့်မယ်။ ဒီတော့အမှန်တွေကလည်း အမှားတွေဖြစ်လာတော့တာပေါ့”

နိုဝင်ဘာလ ၁၆ ရက်နေ့ထုတ် မြန်မာပို့စ်ဂလိုဘယ် ဂျာနယ် အမှတ်(၈၅)တွင်ပါရှိသော “မြန်မာနိုင်ငံအပေါ် အလွန်အကျွံ့အကောင်းမမြင်ရန် အိန္ဒိယနိုင်ငံအား ဒေါ်အောင်ဆန်းစုကြည် သတိပေး”သတင်းမှ ဒေါ်အောင်ဆန်းစုကြည်၏ပြောကြားချက်အား ကောက်နှုတ်ချက်။

 *******************************************************************************************

 

 

 


Google Drive: create, share, and keep all your stuff in one place. Logo for Google Drive