Transparency Myanmar

transparency.myanmar@gmail.com

yangonchronicle2011
Document yangonchronicle2011

Snapshot of the item below:
yangonchronicle2011

၁၃.၁.၂၀၁၃

ပြည်တွင်းသတင်း

  1.  ၂၀၁၃- ၂၀၁၄ ဘဏ္ဍာရေးနှစ်တွင် နိုင်ငံ့ဝန်ထမ်းများအား ထောက်ပံကြေးတိုးမြင့်ပေးမည်
  2. အထူးစီးပွားရေးဇုန်ဥပဒေသစ် လာမည့်လွှတ်တော်တွင်တင်သွင်းမည်

နိုင်ငံရေးသတင်း

  1. အခြေခံဥပဒေဆိုင်ရာခုံရုံးဥပဒေ ပြင်ဆင်ချက် ပြည်ထာင်စုလွှတ်တော်အတည်ပြုပြီးသည့် အတိုင်းထား ရှိသင့်ကြောင်းတိုက်တွန်း
  2. AAPP နှင့် ပြည်တွင်းအင်အားစုများပူးပေါင်၍ လွတ်မြောက်ရန်ကျန်သော နိုင်ငံရေးအကျဉ်သားစာရင်းပြုစုမည်

သတင်းနှင့် ဆောင်းပါးများမှ ကောက်နှုတ်ချက်များ

************************************************************************************

ပြည်တွင်းသတင်း

 ၂၀၁၃- ၂၀၁၄ ဘဏ္ဍာရေးနှစ်တွင် နိုင်ငံ့ဝန်ထမ်းများအား ထောက်ပံကြေးတိုးမြင့်ပေးမည်

လာမည့် ၂၀၁၃-၂၀၁၄ ဘဏ္ဍာနှစ်မှစတင်ကာနိုင်ငံဝန်ထမ်းများကို ထောက်ပံကြေးများတိုးမြင့်ပေးသွားမည် ဖြစ်ကြောင်းကို နိုင်ငံတော်သမ္မတက ဇန်နဝါရီလ ၁ ရက်နေ့တွင် ပြည်ထောင်စုလွှတ်တော်သို့ပေးပို့သော နှစ်သစ်ကူး သဝဏ်လွှာတွင် ဖော်ပြထားကြောင်းသိရသည်။

အဆိုပါသဝဏ်လွှာကို ပြည်ထောင်စု လွှတ်တော်နာယက ဦးခင်အောင်မြင့်က ဇန်နဝါရီလ ၁၀ ရက် နေ့တွင်ကျင်းပသော ပထမအကြိမ် ပြည်ထောင်စုလွှတ်တော်၏ ဆဋ္ဌမပုံမှန် အစည်းအဝေးတွင် ဖတ်ကြားတင်ပြခဲ့ခြင်းဖြစ်ကြောင်းသိရသည်။

ထောက်ပံကြေးက ပင်စင်ခံစားခွင့်တွင် မပါရှိသည့်အတွက် ထောက်ပံကြေးပေးတာထက် လစာတိုးပေးမည် ဆိုပါက ဝန်ထမ်းများအတွက် ပိုမို အဆင်ပြေနိုင်မည်ဖြစ်ကြောင်း၊ ဒါပေမယ့် ခေတ်အဆက်ဆက်က ထောက်ပံကြေးနှင့် လစာတိုးပေးတိုင်း ငွေကြေးဖောင်းပွမှုကြောင့် ကုန်ဈေးနှုန်းကမြင့် တက်လာကြောင်း၊ အဆိုပါအချက်များကိုပါထိန်းချုပ်နိုင်ရန်စဉ်းစားသင့် ကြောင်းကို အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာနမှ အရာရှိဝန်ထမ်းတစ်ဦးမှပြောကြားသည်။

လက်ရှိ အစိုးရလက်ထက်တွင် နိုင်ငံဝန်ထမ်းများကို ၂၀၁၁ ဧပြီလတွင် လစာငွေကျပ် ၂၀၀၀၀ နှင့် ၂၀၁၂ ဧပြီလ တွင်ထောက်ပံကြေး ကျပ် ၃၀၀၀၀ ကိုခံစားခွင့်ပြုခဲ့ပြီးအငြိမ်းစားဝန်ထမ်းများအတွက် ပင်စင်လစာများကိုလည်း တိုးမြင့်ပေးခဲ့သည်။

YC

--------------------------------------------------------------

အထူးစီးပွားရေးဇုန်ဥပဒေသစ် လာမည့်လွှတ်တော်တွင်တင်သွင်းမည်

ပြည်ပရင်းနှီးမြှုပ်နှံလိုသူများအတွက် ဆွဲဆောင်မှုအားနည်းခဲ့သော ယခင်ပြဋ္ဌာန်းခဲ့သည့်အထူးစီးပွားရေးဇုန်ဥပဒေ ကိုပြန်လည်ပြင်ဆင်ရေးဆွဲ ကာလာမည့်လွှတ်တော်အစည်းအဝေးများတွင် တင်သွင်းတော့မည်ဖြစ်ကြောင်းကို အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန ဒုဝန်ကြီး ဦးဆက်အောင်က ပြောကြားသည်။

၂၀၁၁ ခုနှစ် ဇန်နဝါရီလ ၂၇ ရက်နေ့တွင်ပြဌာန်းခဲ့သော အဆိုပါဥပဒေ၏ ၈၀ ရာခိုင်နှုန်းကို ပြန်လည်ပြင်ဆင် ရေးဆွဲရကြောင်းကို ဇန်နဝါရီလ ၉ ရက်နေ့တွင် မြန်မာနိုင်ငံကုန်သည်စက်မှုလက်မှုအသင်းချုပ်တွင် ပြုလုပ်သောသီလဝါ စက်မှုဇုန်အကောင်အထည်ဖော် ရှင်လင်းဆွေးနွေးပွဲတွင် ပြောကြား ခဲ့ခြင်းဖြစ်သည်။

ယခုအချိန်တွင် ပွင်လင်းမြင်သာမှုရှိလာပြီဖြစ်သည့်အတွက် အထူးစီးပွားရေးဇုန်တွင်လုပ်ကိုင်လိုသော ပြည်တွင်း၊ ပြည်ပရှိလုပ်ငန်းရှင်များ အပေါ် တွင်အားလုံးသာတူညီမျှလုပ်ကိုင်နိုင်သော ဥပဒေမျိုးဖြစ်လိမ့်မည်ဟုမျှော်လင့်ကြောင်း မြန်မာနိုင်ငံကုန်သည်များနှင့်စက်မှုလက်မှု လုပ်ငန်းရှင်များ အသင်း ချုပ်ဥက္ကဌ ဦးဝင်းအောင်ကပြောကြားကြောင်းသိရသည်။

မြန်မာနိုင်ငံတွင်အကောင်အထည်ဖော်လျှက်ရှိသော အထူးစီးပွားရေးဇုန်များကိုနယ်မြေအလိုက်ခွဲခြားကာ ဥပဒေ ပြဋ္ဌာန်တော့မည်မဟုတ်ပဲ အထူးစီးပွားရေးဇုန်အားလုံးနှင့်သက်ဆိုင်သော ဥပဒေတစ်ခုတည်းဖြင့်သာအကောင်အထည်ဖော် ဆောင်ရွက်သွားမည်ဖြစ်ကြောင်းသိရသည်။

YC

***********************************************************************

နိုင်ငံရေးသတင်း

အခြေခံဥပဒေဆိုင်ရာ ခုံရုံးဥပဒေပြင်ဆင်ချက် ပြည်ထာင်စုလွှတ်တော် အတည်ပြုပြီးသည့်အတိုင်းထား ရှိသင့် ကြောင်းတိုက်တွန်း

သမ္မတနှင့် ပြည်ထောင်စုလွှတ်တော်အကြား လိုအပ်ချက်များ ပြင်ဆင်ချက်များဖြင့် အပြန်အလှန် မှတ်ချက်ပြုပေးပို့လျက်ရှိသော နိုင်ငံတော် ဖွဲ့စည်းပုံအခြေခံဥပဒေဆိုင်ရာခုံရုံးကို ပြင်ဆင်သည့် ဥပဒေမူကြမ်းအား ပြည်ထာင်စု လွှတ်တော်မှ အတည်ပြုသည့်အတိုင်း သာထားရှိသင့်ကြောင်း အမျိုးသာလွှတ်တော် ဥပဒေကြမ်းကော်မတီဝင်တစ်ဦးဖြစ်သော ဦးစိုင်းထွန်းနုတ်က လွှတ်တော်နှစ်ရပ်ပေါင်း ကျင်းပသည့် ပြည်ထောင်စုလွှတ်တော်တွင် ဇန်နဝါရီလ ၁၀ ရက် နေ့ ကသုံးသပ်တင်ပြခဲ့ကြောင်းသိရှိရသည်။

အဆိုပါဥပဒေ ပြင်ဆင်ချက်များတွင် သမ္မတနှင့် လွှတ်တော်အတွင်း သဘောထားကွဲလွဲမှုများ ရှိနေကြောင်း၊ သမ္မတက လွှတ်တော်မှ တင်ပြမှုများ သည် ဖွဲ့စည်းပုံအခြေခံဥပဒေကို ဆန့်ကျင်တယ်ဆိုပြီးတင်ပြသလို၊ လွှတ်တော်ဘက်မှ လည်းသမ္မတ၏ တင်ပြမှုများသည် ဖွဲ့စည်းပုံအခြေခံဥပဒေမှာ မပါဝင်ဘူးလို့ ပြန်လည်တင်ပြထားသည့် အတွက်ကြောင့် လာမည့်ပြည်ထောင်စုလွှတ်တော် အစည်းအဝေတွင် အတည်ပြုပြဋ္ဌာန်းတဲ့ကိစ္စကို ဆက်လက် ဆွေးနွေးရန်ရှိကြောင်းကို လသာမြို့နယ် ပြည်သူ့လွှတ်တော်ကိုယ်စာလှယ် ဦးကြည်မြင့်ကပြောကြားသည်။

ယင်းဥပဒေမူကြမ်းကို  ၂၀၀၈ ဖွဲ့စည်းအုပ်ချုပ်ပုံအခြေခံဥပဒေ ပုဒ်မ ၁၀၅ အပိုဒ်ခွဲ (က) အရသမ္မတမှ လက်မှတ်ထိုး၍ ဥပဒေအဖြစ်ကြေငြာနိုင် ရန် ၂၀၁၂ ခုနှစ် နိုင်ဝင်ဘာလ ၁၀ ရက်နေ့တွင် ပြည်ထောင်စုလွှတ်တော်နာယက မှပေးပို့ခဲ့သည်။ နိုင်ငံတော်သမ္မတကလည်း သဘောထား မှတ်ချက်များ နှင့်အတူ ၂၀၁၂ ခုနှစ် နိုင်ဝင်ဘာလ ၂၃ ရက်နေ့ တွင် ပြန်လည်ပေးပို့ခဲ့သည်။

နိုင်ငံတော်သမ္မတထံမှ ပြန်လည်ပေးပို့ထားသော သဘောထားမှတ်ချက်များကို ပြည်ထောင်စုလွှတ်တော်မှ ဆွေးနွေးဆုံးဖြတ်ပြီး သဘောတူနိုင် သလိုသဘောထားမှတ်ချက်ကို လက်မခံဘဲ ဥပဒေကြမ်းကိုမူလအတိုင်းအတည်ပြုနိုင် ကြောင်း ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၁၀၆ အပိုဒ်ခွဲ (က) အရသိရသည်။

YC

---------------------------------------------------------

AAPP နှင့် ပြည်တွင်းအင်အားစုများပူးပေါင်၍ လွတ်မြောက်ရန်ကျန်သော နိုင်ငံရေးအကျဉ်သားစာရင်းပြုစုမည်

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP အဖွဲ့အနေဖြင့် မြန်မာနိုင်ငံတွင်ရှိသော  အမျိုးသားဒီမိုကရေစီ အဖွဲ့ချုပ် NLD နှင့် ၈၈ မျိုးဆက်သစ် ကျောင်းသားများမှ ပြုစု ထားသော လွတ်မြောက်ရန် ကျန်ရှိနေသော နိုင်ငံရေးအကျဉ်းသားများစာရင်းများတွင် ကွာခြားမူများ မရှိရန် တိုက်ဆိုင် ညှိနှိုင်းသွားမည်ဖြစ်ကြောင်းကို AAPP တွဲဖက် အတွင်းရေးမှု ဦးဘိုကြည်က ပြောကြားကြောင်းသိရသည်။

နိုင်ငံရေး အကျဉ်းသားဆိုသည့် အဓိပ္ပါယ်ဖွင်ဆိုချက်ကို ပြန်လည်ဆွေးနွေးရန်နှင့် လွတ်မြောက်ပြီးနိုင်ငံရေး အကျဉ်းသားဟောင်းများ၏ ဘဝပြန် လည်ထူထောင်ရာတွင် မည်ကဲ့သို့ကူညီရန်နှင့် အမျိုးသား ဒီမိုကရေစီအဖွဲ့ချုပ်နှင့် ၈၈ မျိုးဆက်သစ် ကျောင်းသားများမှ ပြုစုထားသော စာရင်းများအကြား ကွာဟမှုများကို ညှိနှိုင်းသွားမည်ဖြစ်ကြောင်း ၎င်းကဆက်လက်ပြောကြားသည်။

မြန်မာနိုင်ငံတွင်နိုင်ငံရေးအကျဉ်းသားပေါင်း ၂၂၂ ဦးမှလွတ်မြောက်ရန် ကျန်ရှိနေပြီနိုင်ငံရေးအမှုဖြင့် တရားစွဲဆိုခြင်း ခံနေရသောသူပါင်း ၁၆၀ ဦး ရှိကြောင်းကို ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP  မှစာရင်းများတွင်ဖော်ပြထားသည်။

YC

*******************************************************************

သတင်းနှင့် ဆောင်းပါးများမှ ကောက်နှုတ်ချက်များ

“ငြိမ်းချမ်းရေး ဆွေးနွေးပွဲဆိုတာက စစ်ပွဲတွေအရှိန်မလျှော့ပဲနဲ့ ဘာမှမဖြစ်နိုင်ဘူး။ ဘယ်ဘက်ကပဲ ဖြစ်ဖြစ် ကိုယ်လိုချင်သမျှ အရာအားလုံးကို တစ်ထိုင် တည်းနဲ့မရနိုင်ဘူး။ အားလုံးက လက်တွေ့ကျဖို့လိုတယ်။ အနိမ့်ဆုံးသဘောတူညီချက်လေးတွေကစပြီး ဒါကိုမွမ်းမံတာလုပ်သွားလို့ရတယ်။ အနိမ့်ဆုံးသ ဘောတူညီချက် ကိုရှာဖွေနိုင်ဖို့လိုတယ်။”

ဇန်နဝါရီလ ၁၄ ရက်နေ့ထုတ် The Street View Journal အတွဲ (၂) အမှတ် (၂) တွင်ပါရှိသော “KIA အနေနဲ့ ဆွေးနွေးဖြေရှင်းမှ ရမယ်ဆို တဲ့မူဝါဒကို ဆက်လက်ဆုပ်ကိုင်ထားတယ်ဟု ကိုမြအေးပြော” သတင်းမှ ကိုကိုကြီး ၏ပြောကြားချက်အား ကောက်နှုတ်ချက်။

----------------------------------------------------------

 “အဲဒါက ခေတ်နဲ့ညီတဲ့ တောင်းဆိုချက်ပါ။ အရေးကြီးတာက ဘယ်နည်းပညာသုံးသုံး အများပြည်သူ သိသင့်သိထိုက်တာကို အသိပေးရမယ့် သဘောပါပဲ။ ပွင့်လင်းမြင်သာမှုရှိရမယ်၊ ငြိမ်းချမ်းရေးအတွက် ဆောင်ရွက်ချက်တွေက ဘယ်အထိရောက်နေပြီ၊ ဘယ်လိုပုံစံရှိနေပြီဆိုတာ ပြည်သူတွေသိခွင့်ရှိရမယ်။”

ဇန်နဝါရီလ ၁၄ ရက်နေ့ထုတ် The Voice Journal အတွဲ (၉) အမှတ် (၂) တွင်ပါရှိသော “ကေအိုင်အိုနှင့် အစိုးရ Online ကဆွေးနွေးရန် လွှတ်တော်ကတိုက်တွန်း” သတင်းမှ ဒေါ်အောင်ဆန်းစုကြည်၏ ပြောကြားချက်အား ကောက်နှုတ်ချက်

-------------------------------------------------------------

“ပဋိပက္ခဖြစ်ပြီဟေ့ဆိုရင် ပထမဆုံးဖြေရှင်းရတာ စစ်သားပဲ။ ပထမဆုံးအသက်ပေးရတာ စစ်သားတွေပဲ။ အသက်နဲ့ရင်းပြီး တည်ဆောက်ရတာဖြစ်တဲ့ အတွက် ငြိမ်းချမ်းရေးအလိုချင်ဆုံးကစစ်သားပါ”

ဇန်နဝါရီလ ၁၄ ရက်နေ့ထုတ် The Voice Journal အတွဲ (၉) အမှတ် (၂) တွင်ပါရှိသော “တပ်မတော်သည် ငြိမ်းချမ်းရေး အလိုချင်ဆုံးဖြစ် ကြောင်း ကာကွယ်ရေးဦးစီးချုပ် ပြေားကြား ” သတင်းမှ တပ်မတော်ကာကွယ်ရေး ဦးစီးချုပ် ဒုတိယဗိုလ်ချုပ်မှုကြီး မင်အောင်လှိုင် ၏ ပြောကြားချက်အားကောက်နှုတ်ချက်

**********************************************************************

 

 

 

 

 

 

 

 

 

 

 

 

 

 

 

 


Google Drive: create, share, and keep all your stuff in one place. Logo for Google Drive

0 comments:

Post a Comment