Transparency Myanmar

transparency.myanmar@gmail.com

Yangon Chronicle(Quotes & Comments)
Document Yangon Chronicle(Quotes & Comments)

Snapshot of the item below:
Yangon Chronicle(Quotes & Comments)

 

*

*

၂၄.၁.၂၀၁၃

သတင်းနှင့်ဆောင်းပါးကောက်နှုတ်ချက်များ

“ဝေဖန်ရေးဆိုတာ မိမိကိုယ်ကို ဝေဖန်ရေးနဲ့ သူတစ်ပါးကဝေဖန်ရေးဆိုပြီး ရှိတာပေါ့။ မီဒီယာ ပွင့်လင်းမှုကို ပိတ်ပင်လို့မရဘူး။ ကျွန်တော်တော့ လက်မခံဘူး။ မီဒီယာကို လွတ်လပ်ခွင့်ပေးရမယ်။ လွှတ်တော် ကိုယ်စားလှယ်တွေလည်း အဝေဖန်ခံရဲရမယ်။ အစိုးရလည်း အဝေဖန်ခံရဲရမယ်။ အစိုးရဆိုတာ ပြည်ထောင်စု ဟုတ်ချင်မှဟုတ်မယ်။ သူတို့မှာ သမ္မတကရွေးချယ်ထားတဲ့ လူတွေပါတာကိုး။ လွှတ်တော်ဆိုတာပြည်ထောင်စု မှာရှိတဲ့ လူထုတွေကို ကိုယ်စားပြုထားတာ။ လူထုရဲ့ဝေဖန်တာကို ခံယူခဲ့ရမယ်။ ပြင်ပမှာရှိတဲ့ လူတွေရဲ့ ဝေဖန်တာကိုလည်း ခံယူရဲရမယ်။”

ဇန်နဝါရီလ ၂၆ ရက်နေ့ထုတ် Unity Journal အတွဲ (၂) အမှတ် (၄) တွင်ပါရှိသော “လွှတ်တော်ကို ဝေဖန်သည့် ပုဂ္ဂိုလ်အား အရေးယူမည့်အဆို ပြည်ထောင်စုလွှတ်တော် အတည်ပြုသော်လည်း လွှတ်တော်ကိုယ်စားလှယ်အချို့ ဝေဖန်သည်ကို ကြိုဆိုဟုဆို” သတင်းမှ ရခိုင်တိုင်းရင်းသားများတိုးတက်ရေးပါတီဥက္ကဋ္ဌအမျိုးသား လွှတ်တော်ကိုယ်စားလှယ် ဒေါက်တာဦးအေးမောင်၏ ပြောကြားချက်အား ကောက်နှုတ်ချက်။

--------------------------------------------------------------------------------------------------------------

“စစ်မှန်တဲ့ ပြည်ထောင်စုစနစ်ကို ဖော်ဆောင်မယ်ဆိုရင်တော့ တပ်မတော်ဆိုတာ တစ်ခုပဲရှိသင့်တယ်။ လက်နက်ကိုင်အဖွဲ့အစည်းတွေ တည်ရှိနေတယ် ဆိုတာ လက်ရှိတပ်မတော်ကို ယုံကြည်မှုမရှိလို့ ပေါ်ပေါက်လာတာပါ။ တပ်မတော်မှာ တိုင်းရင်းသားလူမျိုးပေါင်းစုံ အခွင့်အရေးခွဲခြားမှုမရှိဘဲ ပါဝင်နိုင်မှ ပြည်ထောင်စုတပ်မတော်လို့ခေါ်နိုင်မယ်။”

ဇန်နဝါရီလ ၂၆ ရက်နေ့ထုတ် Unity Journal အတွဲ (၂) အမှတ် (၄) တွင်ပါရှိသော “ပြည်တွင်းစစ်ချုပ်ငြိမ်းရေး တိုင်းရင်းသားလူမျိုးပေါင်းစုံ ပါဝင်သော ပြည်ထောင်စုတပ်မတော်တစ်ရပ် လိုအပ်ဟုဆို” သတင်းမှ ရခိုင်တိုင်းရင်းသားများတိုးတက်ရေးပါတီဥက္ကဋ္ဌ အမျိုးသား လွှတ်တော်ကိုယ်စားလှယ် ဒေါက်တာ ဦးအေးမောင်၏ ပြောကြားချက်အားကောက်နှုတ်ချက်။

--------------------------------------------------------------------------------------------------------------

“ကျွန်တော်တို့လွှတ်တော်နဲ့ အစိုးရနဲ့ မလိုလားအပ်သော အထင်အမြင်လွဲမှားမှုမဖြစ်စေချင်ဘူး။ အစိုးရကို အကျပ်ကိုင်ခြင်း၊ ချောင်ပိတ်စေခြင်းစတဲ့ ဒီလိုအဆိုမျိုးတွေ မဖြစ်စေချင်ဘူး။ မလုပ်ပေးနိုင်တဲ့ ကိစ္စများကိုလည်း ကျွန်တော်တို့အားနဲ့ လွှတ်တော်အားနဲ့ အတင်းအဆိုကို အတည်ပြုတာမျိုးလည်း မဖြစ်စေချင်ဘူး”

ဇန်နဝါရီလ ၂၅ ရက်နေ့ထုတ် မြန်မာပို့စ် ဂလိုဘယ် အမှတ် (၅၉) တွင်ပါရှိသော “လွှတ်တော်ကို အထင်အမြင်သေးစေသည့် အဆိုများမတင်သွင်းစေချင်ဟု သူရဦးရွှေမန်းပြောကြား” သတင်းမှ ပြည်သူ့လွှတ်တော်ဥက္ကဋ္ဌ သူရဦးရွှေမန်း၏ ပြောကြားချက်အား ကောက်နှုတ်ချက်။

--------------------------------------------------------------------------------------------------------------

“တစ်နှစ်ကျော်ကြာဖြစ်ပွားခဲ့တဲ့စစ်ပွဲတွေကြောင့် နှစ်ဖက်စလုံး ဆုံးရှုံးခဲ့ရတယ်။ KIO ရဲ့ဆုံးရှုံးမှုများဟာလည်း နိုင်ငံတော်ရဲ့ဆုံးရှုံးမှုလို့ပဲယူဆပါတယ်။ ဒါကြောင့် ဒီဆုံးရှုံးမှုတွေရပ်တန့်ဖို့ စားပွဲဝိုင်းမှာ ဆွေးနွေးအဖြေရှာတဲ့နည်းကလွဲပြီး အခြားနည်းလမ်းမရှိတဲ့အတွက် ငြိမ်းချမ်းရေးစားပွဲဝိုင်းကို ရောက်လာဖို့ အစဉ်တိုက်တွန်းရခြင်း ဖြစ်ပါတယ်။”

ဇန်နဝါရီလ ၂၅ ရက်နေ့ထုတ် မြန်မာပို့စ် ဂလိုဘယ် အမှတ် (၅၉) တွင်ပါရှိသော “အပစ်အခတ်ရပ်စဲထားသည့် လက်နက်ကိုင် ၁၀ ဖွဲ့နှင့် နိုင်ငံရေးဆွေးနွေးမည်” သတင်းမှ သမ္မတဦးစိန်၏ ပြောကြားချက်အား ကောက်နှုတ်ချက်။

--------------------------------------------------------------------------------------------------------------

“ပြည်တွင်းနဲ့နိုင်ငံတကာ စီးပွားရေးလုပ်ငန်းရှင်တွေအကြား တန်ဖိုးရှိတဲ့ ပူးပေါင်းဆောင်ရွက်မှုတွေဖြစ်ပေါ်ဖို့အတွက် ဒီဆွေးနွေးပွဲက အထောက်အကူ ဖြစ်ပါလိမ့်မယ်။ အခုဆို ကျွန်တော်တို့နိုင်ငံဟာ နိုင်ငံတကာ အသိုင်းအဝိုင်းတွေနဲ့ တစ်ဖန်ပြန်လည်သင့်မြတ်လာတဲ့အတွက် ကျွန်တော်တို့နိုင်ငံကို လူမှုရေးနဲ့ စီးပွားရေးအရ ဆွဲဆောင်မှုရှိတဲ့ နိုင်ငံတစ်နိုင်ငံအဖြစ် နိုင်ငံတကာ စီးပွားရေး လုပ်ငန်းရှင်တွေ လက်ခံလာတဲ့အထိဆောင်ရွက် သွားဖို့ ရည်ရွယ်ထားပါတယ်။”

ဇန်နဝါရီလ ၂၅ ရက်နေ့ထုတ် မြန်မာတိုင်းမ်ဂျာနယ် အတွဲ (၃၁) အမှတ် (၆၀၅) တွင်ပါရှိသော “နိုင်ငံခြားရင်းနှီးမြှုပ်နှံမှု အဓိကလိုအပ်သောကဏ္ဍများအတွက် ညှိနှိုင်းဆွေးနွေးပွဲများ ပြုလုပ်ရန် သဘောတူစာချုပ်ချုပ်ဆို” သတင်းမှ ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဒု-ဥက္ကဋ္ဌ ဒေါက်တာမောင်မောင်လေး၏ ပြောကြားချက်အားကောက်နှုတ်ချက်။

  **************************************************************

 

 


Google Drive: create, share, and keep all your stuff in one place. Logo for Google Drive

0 comments:

Post a Comment