Transparency Myanmar

transparency.myanmar@gmail.com

Q & C
Document

Snapshot of the item below:
Q & C

 

သတင်းဆောင်းပါးမှ ကောက်နှုတ်ချက်များ 

“စီမံကိန်းအကောင်အထည်ဖော်ဖို့ North Mininy Investment Company နဲ့ ပြည်ထောင်စုအစိုးရကြားမှာ သဘောတူစာချုပ် ချုပ်ဆိုထားတာ မရှိသေးဘူးလို့တော့ပြောတယ်။ နောက်ပြည်ထောင်စုအဆင့်နဲ့ ဆွေးနွေးဖို့၊ အခုရထားတဲ့ အချက်အလက် တွေကိုလည်း သက်ဆိုင်ရာ အစိုးရဌာန၊ ကုမ္ပဏီ၊ သံရုံးတွေကို ဆက်သွယ်ရှင်းပြမှာပေါ့။ ဒါ့အပြင် ပြည်ထောင်စု လွှတ်တော် အထိ ဆွေးနွေးနိုင်အောင် ဆောင်ရွက်မယ်။ နိုင်ငံတကာရဲ့ သဘော ထား အကြံဥာဏ်တွေကိုလည်း တောင်းခံသွားမယ်။”

စက်တင်ဘာလ ၂၇ ရက်နေ့ထုတ် မြန်မာတိုင်း(မ်)ဂျာနယ် အတွဲ (၃၂) အမှတ် (၆၄၀) တွင်ပါရှိသော “မြွေတောင် ဖားတောင် သတ္တုစီမံကိန်း ပွင့်လင်းမြင်သာစွာ ဆောင်ရွက်ရန် ချင်းပြည်နယ် ဒေသခံများတောင်း ဆို” သတင်းမှ ချင်းအမျိုးသားပါတီ ဥက္ကဌ ဦးဇိုဇမ် ၏ပြောကြားချက်အားကောက်နှုတ်ချက်။


“ကျွန်တော်တို့ပါတီ အနေနဲ့က တရားမျှတစွာ ယှဉ်ပြိုင်ခဲ့တဲ့အတွက် အနိုင်ရခဲ့တာ။ ကျွန်တော်တို့သာ ဥပဒေမဲ့ ဆောင်ရွက်ခဲ့ရင် ကော်မရှင်ကအရေးယူမှာပဲ။ အင်အားကြီးပါတီဆိုပေမယ့် ကျွန်တော်တို့ ဥပဒေမဲ့တာမျိုး မလုပ်ပါဘူး။ အခြားပါတီတွေတော့ မသိဘူး”

စက်တင်ဘာလ ၂၆ ရက်နေ့ထုတ် Mizzima နေ့စဉ်ထုတ်သတင်းစာတွင် ပါရှိသော “၂၀၁၅ ရွေးကောက်ပွဲ မျှတမှုရှိရေး ရွေးကောက်ပွဲကော်မရှင်သာမက ပါတီများပါရိုးသားရန်လိုအပ်ဟု တ-စ-ညပါတီပြော” သတင်းမှ အမျိုးသားဒီမိုကရေစီ အဖွဲ့ချုပ် (NLD) ပါတီမှ ဗဟိုအလုပ်အမှုဆောင် ဦးဝင်းမြင့် ၏ပြောကြားချက်အား ကောက်နှုတ်ချက်။


“လွှတ်တော်တွင်းတပ်မတော်သား ၂၅ ရာခိုင်နှုန်းပါဝင်မှုက တစ်စုံတစ်ရာ ဘာမှထိခိုက်စရာ အကြောင်းမရှိဘူး။ နောက်ပြီးတော့ လွှတ်တော်တို့ရဲ့ လွှတ်တော်တွင်း ဆွေးနွေးချက်တွေနဲ့ ပတ်သက်ပြီးတော့လည်း၊ သူတို့က သဘောတူရင် တူတယ်။ မတူရင်မတူဘူးပြောဆိုတာပဲလေ။ လက်ရှိတပ်မတော်ရဲ့ အခန်းကဏ္ဍလို့ ပြောရမယ်ဆိုရင် ကျွန်တော်တို့ တိုင်းပြည်မှာမတည်ငြိမ်မှု၊ မအေးချမ်းဖြစ်နေတဲ့ အနေအထားတွေအများကြီးရှိတယ်။ ဒီကနေ့ လူတိုင်းက လိုချင်နေကြတဲ့ တည်ငြိမ်အေးချမ်းမှုဆိုပြီး၊ အဲဒီတည်ငြိမ်အေးချမ်းမှုကို တကယ်လုပ်ပေးနိုင်တာတပ်ပဲ။ ဘယ်နိုင်ငံရေးသမားမှလည်း မလုပ်ပေးနိုင်ဘူး။ ဒါ့ကြောင်းတပ်ရဲ့ အခန်းကဏ္ဍသည်လိုဦးမှာပဲ၊ အချို့နေရာတွေက တပ်ကထဲထဲဝင်ဝင် မပါတော့ဘူး ဆိုသော်လည်း တည်ငြိမ်အေးချမ်းမှုပျက်ပြားနိုင်တဲ့အရာ တွေရှိနေဦးမယ်ဆိုရင် တပ်ရဲ့အခန်းကဏ္ဍက လိုဦးမှာပဲ”

စက်တင်ဘာလ ၂၇ ရက်နေ့ထုတ် Hot News Journal အတွဲ (၄) အမှတ် (၁၅၉) တွင်ပါရှိသော “နိုင်ငံရေး သမားတွေ မလုပ်နိုင်တဲ့ တည်ငြိမ်အေးချမ်းမှုကို တပ်မတော်ကပဲ လုပ်ပေးနိုင်တယ်ဟုဆို”သတင်းမှ ဦးဌေးဦး၏ ပြောကြားချက်အား ကောက်နှုတ်ချက်။


“အခုဆောင်ရွက်မယ့် စီမံကိန်းက မြန်မာ့စွမ်းအင်ကဏ္ဍအတွက် ပိုမိုထိရောက်ပြီး ပွင့်လင်းမြင်သာမှုရှိစေဖို့ လုပ်ဆောင်တဲ့ ကမ္ဘာဘဏ်ရဲ့ ပထမဦးဆုံးအစီအစဉ်ဖြစ်ပါတယ်။ ဒီ အစီအစဉ်ကြောင့် အထူးသဖြင့် ဆင်းရဲနွမ်းပါးသူတွေနေထိုင်တဲ့ ကျေးလက်ဒေသအတွက် ကောင်းမွန်တဲ့ ဝန်ဆောင်မှုတွေကို ဆောင်ကြဉ်းပေးနိုင်လိမ့်မယ်”

စက်တင်ဘာလ ၂၈ ရက်နေ့ထုတ် Trade Times Journal အတွဲ (၂) အမှတ် (၇၆) တွင်ပါရှိသော “ကမ္ဘာ့ ဘဏ်မှ အတိုးမဲ့ချေးငွေ ဒေါ်လာ သန်း ၁၄၀ ပေးမည်” သတင်းမှ မြန်မာနိုင်ငံဆိုင်ရာ ဌာနေ ကိုယ်စားလှယ် မစ္စတာ ခန်သန်ရှန်ကာ ၏ပြောကြားချက်အားကောက်နှုတ်ချက်။


“ရခိုင်ပြည်နယ်အတွက် သယံဇာတ ခွဲဝေရေးကို ပါတီရဲ သဘောထားကတော့ ၅၀ ရာခိုင်နှုန်းတော့ရှိသင့်တယ်။ အခုရနေတဲ့ ရာခိုင်နှုန်းတွေက ပြောမပြတက်လောက်အောင်သေးသေးလေးတွေ။ ဒေသခံတွေကို အခွင့်အရေးပေးသင့်တယ်။ ဒီလိုမှ မဟုတ်ရင် ဒေသခံတွေလုပ်လို့ ရင်းနှီးမြှုပ်နှံမှုတွေ နောက်ဆုတ်လာနိုင်တယ်။”

စက်တင်ဘာလ ၂၈ ရက်နေ့ထုတ် Unity Journal အတွဲ (၂) အမှတ် (၃၈) တွင်ပါရှိသော “ရခိုင်အဖွဲ့အစည်း၊ ပါတီများနှင့် သူရဦးရွှေမန်း တွေ့ဆုံကာ ရခိုင်ပြည်နယ်တွင် လျှပ်စစ်မီးရရှိရေးနှင့် သယံဇာတ ခွဲဝေရေးအပိုင်း တို့အား ဆွေးနွေးမည်” သတင်းမှ ရခိုင်ဒီမိုကရေစီအဖွဲ့ချုပ်ပါတီအတွင်းရေးမှူး ဦးမျိုးကျော်၏ ပြောကြားချက် အားကောက်နှုတ်ချက်။


 

 


Google Drive: create, share, and keep all your stuff in one place. Logo for Google Drive

0 comments:

Post a Comment