Transparency Myanmar

transparency.myanmar@gmail.com

International Media (1)
Document

Snapshot of the item below:
International Media (1)

နိုင်ငံတကာသတင်းများ (၁)

စင်ကာပူနိုင်ငံနှင့်ဒေါ်အောင်ဆန်းစုကြည်

(Newyorker မဂ္ဂဇင်းမှ 10 Oct 2013 ရက်စွဲပါ Singapore and Aung San Suu Kyi ကို ဘာသာပြန်ဆိုသည်)

အသက် ၆၈ နှစ်ရှိပြီဖြစ်သော မြန်မာ့ဒီမိုကရေစီခေါင်းဆောင်နှင့် နိုဗယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်သည် လွန်ခဲ့သည့် နှစ်ပတ်ကျော်ခန့်က စင်ကာပူနိုင်ငံတွင် ကျင်းပပြုလုပ်သော သတင်းစာ ရှင်းလင်း ပွဲတစ်ရပ်သို့ တက်ရောက်ခဲ့သည်။ သူမသည် ပန်းနုရောင်အင်္ကျီကို ဝတ်ဆင်ထားပြီး အနီရောင်ပန်း များကို ဦးခေါင်းထက်တွင် ပန်ဆင်ထားသည်။ ထိုအချိန်ကာလသည် သူမအတွက် ဥစ္စာဓနနှင့် စည်းမျဉ်းဥပဒေများ အလွန်များပြားလှသည့် မြို့တော်နိုင်ငံငယ်လေးဖြစ်သော စင်ကာပူသို့ ပထမဆုံးအကြိမ် ရောက်ရှိခဲ့ခြင်းလည်း ဖြစ်ပါသည်။ သတင်းစာရှင်းလင်းပွဲကို သူမ၏ ခရီးစဉ် ပြီးဆုံးခါနီးအချိန်တွင် ပြုလုပ်ခြင်း ဖြစ်သည်။

၂၀၁၀ ပြည့်နှစ်၊ လွတ်ငြိမ်းချမ်းသာခွင့် မရရှိသေးခင်အချိန်ကာလအထိ ဒေါ်အောင်ဆန်းစုကြည်သည် တစ်ချိန်တစ်ခါက ကမ္ဘာပေါ်တွင် ထင်ပေါ်ကျော်ကြားသည့် နိုင်ငံရေးအကျဉ်းသားများအနက် တစ်ဦးအပါအဝင် ဖြစ်ခဲ့သော် လည်း ယခုအခါတွင်မူ သြဇာကြီးမားလှသည့် အတိုက်အခံခေါင်းဆောင် တစ်ဦးမျှမက ရွေးကောက်တင်မြှောက်ခံထားရသည့် လွှတ်တော်ကိုယ်စားလှယ်တစ်ဦးပင် ဖြစ်နေပါသည်။

 မြန်မာနိုင်ငံ၏ စစ်ဘက်ခေါင်းဆောင်များက နိုင်ငံရေးနှင့် စီးပွားရေးပြုပြင်ပြောင်းလဲမှုများ ဆက်တိုက် ပြုလုပ်ခဲ့ပြီးနောက် ယမန်နှစ် (၂၀၁၂ခုနှစ်)တွင် ကျင်းပပြုလုပ်သည့် ဒီမိုကရေစီရွေးကောက်ပွဲ (ကြားဖြတ်ရွေးကောက်ပွဲ) ၌ ဒေါ်အောင်ဆန်းစုကြည် အနိုင်ရရှိခဲ့ပါသည်။ ယခု လူဦးရေ ၅ သန်းကျော်မျှရှိသည့် စင်ကာပူနိုင်ငံသို့ လေးရက် တာကြာမျှ လာရောက်လည်ပတ်သည့် ခရီးစဉ်တွင် ဒေါ်အောင်ဆန်းစုကြည် ဝန်ကြီးချုပ်လီရှန်လွန်း နှင့်တွေ့ဆုံခဲ့ပြီး စီးပွားရေးနှင့် နိုင်ငံရေးခေါင်းဆောင်များကို မိန့်ခွန်းများ ပြောကြားခဲ့သလို မြန်မာနိုင်ငံသား ထောင်ပေါင်းများစွာနှင့်လည်း စကားပြောခဲ့ သည်။ သူမအနေဖြင့် Formula 1 Grand Prix ကားပြိုင်ပွဲကိုပင် တက်ရောက်ကြည့်ရှုနိုင်ခဲ့ သေးသည်။

ဒေါ်အောင်ဆန်းစုကြည်၏ မိခင်နိုင်ငံဖြစ်သော မြန်မာနိုင်ငံနှင့် များစွာကွဲပြားခြားနားလှသည့် အာရှနိုင်ငံအတော် များများအကြောင်းသိရှိရန် စိတ်ကူးကြည့်ရသည့်ကိစ္စမှာ လွယ်ကူလှသည်တော့မဟုတ်ပါ။ Transparency International အဖွဲ့က မြန်မာနိုင်ငံ၏ အများပြည်သူဆိုင်ရာ အခန်းကဏ္ဍသည် ကမ္ဘာပေါ်တွင် အဂတိလိုက်စား မှုအဆင့်တွင် နံပါတ် ၅ နေရာ၌ရှိသည်ဟု သတ်မှတ်ထားချိန်တွင် စင်ကာပူမှာ ယင်းကဏ္ဍ၌ အဂတိလိုက်စားမှု အနည်းဆုံးနိုင်ငံအဖြစ် အဆင့် ၅ နေရာတွင်ရှိသည်ဟု သတ်မှတ်ခံထားရသည်။ စင်ကာပူသည် စီးပွားရေး အောင်မြင်မှုတွင် အံ့အားသင့်စရာကောင်း လောက်သည့် နိုင်ငံတစ်ခုဖြစ်လာသည်။ လူတစ်ဦးချင်းစီ ဂျီဒီပီ (per-capita GDP) တွင် ကမ္ဘာ့သတ္တမမြောက် အမြင့်ဆုံးနိုင်ငံ (တစ်ဦးချင်း ဒေါ်လာ ၆၁၀၀ ကျော်ရှိသည်) ဖြစ်သည်။ မြန်မာနိုင်ငံ၏ လူတစ်ဦးချင်းစီ ဂျီဒီပီမှာ ဒေါ်လာ ၁၄၀ ခန့်သာရှိသည်။ စင်ကာပူပညာရေးစနစ်မှာ ယမန်နှစ်ကဆိုလျှင် ကမ္ဘာပေါ်အကောင်းဆုံး ပညာရေးစနစ်ရှိသည့် နိုင်ငံများစာရင်းတွင် အဆင့် ၅ နေရာ ကိုရရှိခဲ့သည်။ အဆိုပါ အကောင်းဆုံး ပညာရေးစနစ်ရှိသည့် နိုင်ငံစာရင်းတွင် နိုင်ငံပေါင်း ၄၀ ပါဝင်သည်။ မြန်မာနိုင်ငံမှာ အဆိုပါစာရင်းထဲ၌ပင် ပါဝင်နိုင်ခြင်းမရှိပေ။ ၂၀၁၁ ခုနှစ်ကဆိုလျှင် မြန်မာအစိုးရသည် ဂျီဒီပီ၏ ဒသမ ၈ ရာခိုင်နှုန်းမျှကိုသာ ပညာရေး၌ ရင်းနှီးမြှုပ်နှံခဲ့ရာ ကမ္ဘာပေါ်တွင် အီကွေတောဂီနီနိုင်ငံပြီးလျှင် ဒုတိယမြောက် အနိမ့်ကျဆုံး နိုင်ငံ ဖြစ်သည်။ အဆိုပါ ကိန်းဂဏန်းများမှာ လတ်တလောထွက်ပေါ်လာသည့် သတင်းအချက်အလက်များကို အခြေခံ၍ ရေးသားထားခြင်း ဖြစ်ပါသည်။ ၂၀၀၀ ပြည့်နှစ် ကုလသမဂ္ဂအဖွဲ့၏ သတ်မှတ်ချက်အရ စင်ကာပူ၏ ကျန်းမာရေး စောင့်ရှောက်မှုစနစ်မှာ ကမ္ဘာ့ကျန်းမာရေးစနစ် အကောင်းဆုံးနိုင်ငံများ စာရင်းတွင် အဆင့် ၅ နေရာ၌ရှိခဲ့သည်။ မြန်မာနိုင်ငံ၏ အဆင့်မှာ ၁၀၉ ဖြစ်သည်။

မြို့တော်နိုင်ငံငယ်လေး တစ်နိုင်ငံဖြစ်သော စင်ကာပူ၏ မည်သည့်မူဝါဒများ သို့မဟုတ် မည်သည့် အင်စတီကျူးရှင်း များကို မြန်မာနိုင်ငံအနေဖြင့် အတုယူနိုင် မည်နည်းဟူသောမေးခွန်းကို ဒေါ်အောင်ဆန်းစုကြည် မြန်မာပြည်သို့မပြန်မီ မေးမြန်းခံခဲ့ရသည်။ သို့သော် သူမက အဆိုပါကိစ္စသည် လုပ်သားအင်အားနှင့် ပတ်သက်သည်ဟု ဦးစွာဖြေကြားသည်။ ထို့နောက်တွင် သူမက စင်ကာပူနိုင်ငံသားများသည် ရုပ်ဝါဒီသမားများ ဖြစ်ကြသည်ဟု ခံစားမိကြောင်း အလေးအနက် စဉ်းစားကာဖြေကြားသည်။

"စင်ကာပူနိုင်ငံအနေနဲ့ အောင်မြင်တိုးတက်မှုတွေ ရှိအောင်လုပ်ဆောင်နိုင်ခဲ့တဲ့ စံချိန်စံနှုန်းတွေကို ကျွန်မ အများကြီး လေ့လာသင်ယူချင်ပါတယ်။ ဒါပေမဲ့ ကျွန်မ၊ ဒါမှမဟုတ် ကျွန်မတို့အနေနဲ့ မြန်မာနိုင်ငံအတွက် တစ်စုံတစ်ရာလိုအပ်လား၊ မလိုအပ်ဘူးလားဆိုတာကိုတော့ သိဖို့လိုပါမယ်။ လုပ်သားအင်အားရဲ့ ရည်ရွယ်ချက်က ဘာလဲ၊ အလုပ်ရဲ့ဦးတည်ချက်က ဘာလဲ။ ရုပ်ပိုင်းဆိုင်ရာ ချမ်းသာမှုရဲ့ဦးတည်ချက်က ဘာလဲ။ လူသားတွေရဲ့ အဆုံးစွန် ဦးတည်ချက်က အဲဒါလား။ ကျွန်မတို့အားလုံး လိုချင်နေတာအဲဒါလားဟု ဖြေကြားသည်။ ထို့နောက် ယခုလိုဆက်ပြောပြန်သည်။ "စင်ကာပူရဲ့ အောင်မြင်မှုတွေကို ကျွန်မအသေးစိတ် လေ့လာကြည့်ချင်တယ်၊ ပြီးတော့ ကျွန်မတို့တတွေ ဘာတွေလုပ်နိုင်မလဲဆိုတာကို သိအောင်လုပ်ချင်တယ်"

ဒေါ်အောင်ဆန်းစုကြည်၏ ပြောကြားချက်မှာ မှတ်သားစရာကောင်းပြီး ထူးခြားမှုရှိလှသည်။ ကမ္ဘာပေါ်တွင် ဆင်းရဲနွမ်းပါးဆုံးဖြစ်သည့် နိုင်ငံများတွင်ပါဝင်သည့် မြန်မာနိုင်ငံ၏ လူကြိုက်များသော ခေါင်းဆောင်ဖြစ်သည့် ဒေါ်အောင်ဆန်းစုကြည်သည် ဥစ္စာဓနပေါကြွယ်ဝလှသည့် စင်ကာပူတစ်ခွင် လှည့်လည်ကြည့်ရှုခဲ့သည့်တိုင် သူမအနေဖြင့် များစွာစိတ်လှုပ်ရှားခြင်းမရှိခဲ့ပုံရပါသည်။ အထက်တွင်ဖော်ပြခဲ့သည့် စင်ကာပူ၏ စီးပွားရေးဆိုင်ရာ ကိန်းဂဏန်းများကို ကြည့်မည်ဆိုပါက ဒေါ်အောင်ဆန်းစုကြည်အနေဖြင့် သူမ၏တိုင်းပြည်ကို စင်ကာပူရရှိထားသည့် ဖွံ့ဖြိုးမှုမျိုးရရှိအောင် အားပေးအားမြှောက် မပြုသင့်ပေဘူးလော။

စင်ကာပူရှိ ဝေဖန်ရေးဆရာ အတော်များများက ဒေါ်အောင်ဆန်းစုကြည်၏ ထင်မြင်သုံးသပ်ချက်ကို သဘောတူ ကြသည်။ ၎င်းတို့စင်ကာပူနိုင်ငံ၏ ယှဉ်ပြိုင်မှုများပြီး စိတ်ဖိစီးမှုဟူသော သောကတိုးပွားစေသည့် လူမှုပတ်ဝန်းကျင်ပုံစံကို နားလည်သဘောပေါက်ကြပြီး စင်ကာပူနိုင်ငံသားများအနေဖြင့် စိတ်ချမ်းမြေ့မှုကိုပိုမို ရှာဖွေကြရန် တိုက်တွန်းကြသည်။ အွန်လိုင်းဘလော့ဂ်ဂါတစ်ဦးကမူ "ဒေါ်အောင်ဆန်းစုကြည် မှန်ပါသည်။ စင်ကာပူခေါင်းဆောင်များသည် နိုင်ငံသားများ အတွက် နေစရာအိမ်များကို ဆောက်ပေးကြသည်။ သို့သော် မိသားစုတွေ ပျော်ပျော်ရွှင်ရွှင် နေနိုင်သည့် အိမ်ကိုတော့ မဖန်တီးပေးကြ" ဟု ရေးသားသည်။ အချို့သော မြန်မာများကမူ မြန်မာနိုင်ငံတွင် စင်ကာပူ၏ နိုင်ငံရေးဖိနှိပ်ချုပ်ချယ်မှုနှင့် ဆင်ဆာတည်းဖြတ်မှုမျိုး မရှိတော့ ကြောင်း၊ သို့သော် စင်ကာပူ၏ မြို့ပြစီမံကိန်း နည်းစနစ်များနှင့် ဘဏ္ဍာရေးစနစ်တို့မှာ အသုံးဝင်သော နည်းလမ်းကောင်းများပင်ဖြစ်ကြောင်းပြောဆိုကြသည်။

အမေရိကန်ပြည်ထောင်စု၊ ဝါရှင်တန်အခြေစိုက် Center for Strategic and International Studies ၏ ဥက္ကဌဖြစ်သူ Ernest Bower ကဒေါ်အောင်ဆန်းစုကြည်သည် အလုပ်အကိုင်နှင့်ပတ်သက်၍ စဉ်းစားသူ တစ်ဦးဖြစ်ကြောင်း၊ မြန်မာပြည်သူလူထုအတွက် အလုပ်အကိုင်ဟူသည် မည်သည့်အဓိပ္ပာယ်မျိုးဖြစ်သည်ဟူသော အချက်ကိုသာ စဉ်းစားကြောင်း ပြောကြားသည်။ "စီးပွားရေး ပြောင်းလဲမှုတွေက နေ့စဉ်လူမှုဘဝအတွက် ဘာတွေလုပ်ပေးနိုင်မလဲဆိုတဲ့အချက်ကိုပဲ ဒေါ်အောင်ဆန်းစုကြည်က ရိုးရိုးရှင်းရှင်းစဉ်းစားတာပါ"

စင်ကာပူနိုင်ငံအပေါ် ဒေါ်အောင်ဆန်းစုကြည်၏ အမြင်နှင့်ပတ်သက်၍ ဝေဖန်ဆန်းစစ်မှုများပြုလုပ်စဉ် တစ်ဖက်တွင် သူမအား နှစ်ပေါင်းများစွာ ချုပ်နှောင်ထားခဲ့သည့် မြန်မာစစ်အစိုးရနှင့် စင်ကာပူနိုင်ငံ၏ ကာလကြာရှည် သံတမန်ဆက်ဆံရေး ကို သိရှိထားရန်မှာလည်း လွန်စွာအရေးကြီးပါသည်။ မြန်မာစစ်ခေါင်းဆောင်များသည် ၎င်းတို့၏ ဒေါ်လာငွေ ဘီလီယံပေါင်း မြောက်မြားစွာကို စင်ကာပူနိုင်ငံ၌ နှစ်ပေါင်းများစွာ အပ်နှံထားခဲ့ကြသည်။ စစ်အစိုးရ ရပ်တည်နိုင်ရေးအတွက် စင်ကာပူနိုင်ငံ၏ အခန်းကဏ္ဍနှင့်ပတ်သက်၍ ပြောဆိုမှုများ မြန်မာပြည်သူ အချို့ကြားတွင်ရှိနေသည်ဟု Ernest Bower ကပြောကြားသည်။ (အဆိုပါကိစ္စနှင့် ပတ်သက်၍ထင်မြင်သုံးသပ် ချက်ပေးရန် မေးမြန်းသော်လည်း ဒေါ်အောင်ဆန်းစုကြည်က ဖြေကြားခြင်း မရှိပေ။ သို့အတွက်ကြောင့် တယ်လီဖုန်းမှတစ်ဆင့် အင်တာဗျူးလုပ်ရန် မည်သည့်အချိန်အခါတွင် ဆက်သွယ်ခွင့်ရရှိ နိုင်မည်နည်းဟု မေးမြန်းကြည့်ရာ သူမ၏ လက်ထောက်ဖြစ်သူက "ဝမ်းနည်းပါတယ်၊ ဒေါ်အောင်ဆန်းစုကြည်က တယ်လီဖုန်း က နေတစ်ဆင့် စကားပြော ဖြေကြားတာမျိုးမလုပ်ပါဘူး" ဟုဆိုသည်)

ဒေါ်အောင်ဆန်းစုကြည် စင်ကာပူအပေါ် ထင်မြင်မှုတွင် သမိုင်းကြောင်းဆိုင်ရာ အချက်တချို့ကို အလေးအနက် ထည့်သွင်း စဉ်းစားရန်လည်းလိုပါသည်။ "လူတွေအတော်များများ မေ့နေကြတယ်ထင်ပါတယ်။ ဒေါ်အောင်ဆန်းစုကြည် ဟာ မြန်မာနိုင်ငံ အရှေ့တောင်အာရှဒေသမှာ အလားအလားကောင်းနေတဲ့အချိန်မှာ မွေးဖွားကြီးပြင်းခဲ့တာလေ။ (အဲဒီတုန်းက) မြန်မာနိုင်ငံမှာ ဒေသတွင်းအကောင်းဆုံး တက္ကသိုလ်တွေနဲ့ ဆေးရုံတွေရှိခဲ့တယ်" ဟု Ernest Bower ကဆိုသည်။ မြန်မာနိုင်ငံသည် ယိုင်လဲပြိုကျသွားသော တိုင်းပြည်တစ်ခုဖြစ်သည်ဟု ဒေါ်အောင်ဆန်းစုကြည်က ရှုမြင်ခြင်းမရှိဘဲ ဆယ်စုနှစ်များစွာ ဒုက္ခခံခဲ့ရပြီး နောက်ထပ်တစ်ကြိမ် ပြန်လည် ခေါင်းထောင်လာမည့်နိုင်ငံအဖြစ် ရှုမြင်ထားသည်ဟု Ernest Bower ကဆိုသည်။

ဤသို့ဆိုလျှင် ဒေါ်အောင်ဆန်းစုကြည်သည် စင်ကာပူနိုင်ငံကိုကြည့်ပြီး "ငါတို့တိုင်းပြည် ဒီလိုမျိုးဖြစ်နေရမှာ" ဟု စဉ်းစားတွေးခေါ်နေခဲ့ဟန်ရှိပါသည်။

မှန်ပါသည်။ ရုပ်ပိုင်းဆိုင်ရာ ချမ်းသာကြွယ်ဝမှုတစ်ခုတည်းက လူတစ်ဦး၏ ပုဂ္ဂိုလ်ရေးစိတ်ချမ်းသာမှုအတွက် အာမခံပေးနိုင်ခြင်းမရှိဟု ဒေါ်အောင်ဆန်းစုကြည်က ထုတ်ဖော်ပြောဆိုချင်ခဲ့ဟန် ရှိပါသည်။ ပြီးခဲ့သည့် စက်တင်ဘာအတွင်း ကုလသမဂ္ဂ စဉ်ဆက်မပြတ်ဖွံ့ဖြိုးမှုဆိုင်ရာ ကွန်ယက်က "ကမ္ဘာ့ပျော်ရွှင်မှု အစီရင်ခံစာ ၂၀၁၃" ကိုထုတ်ပြန်ခဲ့သည်။ ပျော်ရွှင်မှုအတွက် အဓိကအကြောင်းအရင်းများဖြစ်သော ဝင်ငွေအပါအဝင်  ပျမ်းမျှအသက်၊ ဘဝအတွက် လွတ်လပ်စွာ ရွေးချယ်ခွင့်၊ လူမှုကူညီမှုကွန်ယက် အစရှိသည်တို့ကို ထည့်သွင်းကာ ထုတ်ပြန်ခဲ့ခြင်းဖြစ်သည်။ စင်ကာပူနိုင်ငံမှာ အဆိုပါ အဆင့်သတ်မှတ်ချက်တွင် ထိပ်ပိုင်းနေရာကိုမရရှိနိုင်ခဲ့ပေ။ အဆင့် ၃၀ သာရခဲ့သည်။ အဆိုပါအချက်ကို ဒေါ်အောင်ဆန်းစုကြည်က ထုတ်ဖော်လိုခဲ့ဟန်ရှိသည်။(မည်သို့ပင်ဆိုစေ မြန်မာနိုင်ငံမှာ ၁၃၁ နေရာတွင်သာရှိခဲ့သည်)

စီးပွားရေးဖွံ့ဖြိုးမှုအပေါ် ဒေါ်အောင်ဆန်းစုကြည်၏ အမြင်များသည် လာမည့်လများနှင့် နှစ်များအတွင်း ပြောင်းလဲလာမည့် သဘောတွင်ရှိပါသည်။ ၂၀၁၅ ခုနှစ်အတွင်း ကျင်းပရန်ရှိသည့် ရွေးကောက်ပွဲတွင် ဝင်ရောက်ယှဉ်ပြိုင်ပြီး သမ္မတရာထူးကိုရယူရန် ဆန္ဒရှိကြောင်း ဒေါ်အောင်ဆန်းစုကြည်ကထုတ်ဖော် ပြောဆို ထားသည်။ သို့ဖြစ်ရာ နိုင်ငံရေးသမားကြီးအဖြစ် မဲဆန္ဒရှင်များနှင့် ရှေ့ဆက်ထိတွေ့ စကားပြောဆိုရာတွင် ဆင်းရဲနွမ်းပါးသူ မဲဆန္ဒရှင်များသည် စင်ကာပူစတိုင်မူဝါဒများသည် ရုပ်ဝါဒဘက်သို့ မည်သို့ပင် ဦးတည်သည့်တိုင် ယင်းဝါဒများကိုပင် လှိုက်လှိုက်လှဲလှဲ ကြိုဆိုကောင်း ကြိုဆိုနိုင်သည်ဟူသော အချက်ကို ဒေါ်အောင်ဆန်းစုကြည် အနေဖြင့် တွေ့ရှိလာနိုင်ပါသည်။

 


Google Drive: create, share, and keep all your stuff in one place. Logo for Google Drive

0 comments:

Post a Comment