Transparency Myanmar

transparency.myanmar@gmail.com

International Media (2)
Document

Snapshot of the item below:
International Media (2)

ဘာသာပြန်သတင်းများ (၂)   

မြန်မာနိုင်ငံတံခါးအဖွင့် - အမြတ်ရသူများနှင့် ဆုံးရှုံးသူများ (အဆက်)

(21 Oct 2013 ရက်စွဲပါ BBC News မှ Jonathan Head ရေးသားသော Burma’s opening up : The Winners and Losers ကိုဘာသာပြန်ဆိုသည်)

ရန်ကုန်မြို့လယ်မှ ကီလိုမီတာအနည်းငယ်သာ ဝေးကွာသောအရပ်တွင် စစ်အစိုးရလက်ထက်က စက်မှုဇုန်ဟု သတ်မှတ်ထားသော တောင်ဒဂုံ တည်ရှိပါသည်။ ၎င်း၏ အစိတ်အပိုင်းအတော်များများသည် သံထည်လုပ်ငန်းလေးများ ဖြစ်ပြီး၊ ရှေးကျသော နည်းပညာများဖြင့်သာ လုပ်ကိုင်နေကြခြင်း ဖြစ်ပါသည်။

စာရေးသူသည် ပစ်ကပ်ယာဉ်ငယ်များ တပ်ဆင်သော ဦးမေတ္တာနှင့် တွေ့ဆုံခဲ့ပါသည်။ ၎င်း၏ အလုပ်သမားများ သည် လက်ဖြင့်ဂဟေဆော်နေသည်ကို တွေ့ရပါသည်။ စစ်အစိုးရလက်ထက် မော်တော်ကား တင်သွင်းမှုများ ကန့်သတ် ထားစဉ်က ဤလုပ်ငန်းသည် လုပ်၍ကောင်းခဲ့သည်ဟု ဆိုပါသည်။ ယခုကားများ တင်သွင်းခွင့် ရရှိ သောအခါ ဤလုပ်ငန်းမှာ လုပ်၍မကောင်းတော့ဘဲ ယခုတွေ့ရသော ထရပ်ကားသုံးစီးမှာ နောက်ဆုံးလက်ကျန် ဖြစ်ကြောင်း ပြောပါသည်။

မြန်မာနိုင်ငံတွင် စက်မှုလုပ်ငန်း အခြေပြုမှုများချဲ့ထွင်ရန် ကြီးမားသော အစီအစဉ်များ ချမှတ်ရာတွင် ဆုံးရှုံးမှု များကို ကြုံတွေ့ရနိုင်ပါသည်။

ရည်မှန်းချက် ကြီးကြီးထားသော ပရော့ဂျက်မှာ ရန်ကုန်မြို့တောင်ဖက်ရှိ သီလဝါဆိပ်ကမ်းဘေးမှ စက်မှုဇုန် စီမံကိန်းဖြစ်ပါသည်။ ဂျပန်စက်မှုလုပ်ငန်းရှင်များအတွက် အာမခံချက်ရှိမည့် လျှပ်စစ်စွမ်းအင်နှင့် အခြေခံအဆောက်အဦး များ ဖြည့်ဆီးပေးရမည် ဖြစ်ပါသည်။

သို့သော် ထိုသို့လုပ်ဆောင်ရန်အတွက် ထိုနေရာတွင် နှစ်ပေါင်းများစွာ နေထိုင်လာသူများကို ဖယ်ရှားပစ်ရန် လိုအပ်ပါသည်။

ဒေါ်ဌေးဌေးနှင့် အနီးအနားမှ လူများကပြောကြားရာတွင် စစ်အစိုးရလက်ထက်က ၎င်းတို့အား လျော်ကြေးအ နည်းငယ်ဖြင့် ထိုနေရာမှ နှင်ခဲ့ကြောင်း သို့သော် လုပ်ငန်းမစနိုင်သောကြောင့် ဆက်လက်၍ စိုက်ပျိုးနေခဲ့ကြောင်း ပြောပါ သည်။

ယခုအခါ အစိုးရသည် သီလဝါတွင် ဆောက်လုပ်ရေးများအလျင်အမြန် ယခုနှစ်ကုန်မတိုင်မီ စတင် လိုသော ကြောင့် စပါးရာသီခြောက်ခုစာ တန်ဖိုးငွေနှင့် မြေကွက်အစားပေးမည့် အစီအစဉ်ကို ကမ်းလှမ်းလာပါသည်။

ဒေါ်ဌေးဌေး ကပြောကြားရာတွ် တာဝန်ရှိသူများက လက်ခံရန်ဖိအားပေးလာကြောင်း၊ သို့သော် လျော်ကြေးမှာ လုံလောက်မှုမရှိကြောင်း ခံစားရသည်ဟု ဆိုပါသည်။

ယခုကဲ့သို့ပြောင်းလဲနေသည့် ကာလမျိုးတွင် မိမိတို့သာ ဆုံးရှုံးနေရသည်ဟု ခံစားရကြောင်း ၎င်းက စာရေးသူ အားပြောပါသည်။

သို့သော် တစ်ကယ်တမ်းတွင် သူတစ်ဦးတည်းသာ မဟုတ်ပေ။ မြေယာအငြင်းပွားမှုများမှာ တစ်ပြည်လုံးတွင် ဖြစ်ပွားလျက်ရှိပါသည်။ စီးပွားရေးအခွင့်အလမ်းသစ်များ ထွက်ပေါ်လာခြင်းကြောင့် ယခင်က တန်ဖိုးမရှိသော မြေများ သည်တန်ဖိုးတက်လာခြင်းကြောင့် ဖြစ်ပါသည်။

ယခု ကိစ္စများမှာ ခံစားမှုနှင့် သက်ဆိုင်သော ကိစ္စရပ်များဖြစ်ပြီး၊ ယခုတလော ထွက်ပေါ်လာသော မြန်မာနိုင်ငံမှ သတင်းကောင်းများကို လွှမ်းမိုးအရိပ်ထိုးနိုင်မည့် အလားအလာများမှာ မြေယာအငြင်းပွားမှုမှ ထွက်ပေါ် လာနိုင်ဖွယ် ရှိနေပါသည်။


 

                                                


Google Drive: create, share, and keep all your stuff in one place. Logo for Google Drive

0 comments:

Post a Comment