Transparency Myanmar

transparency.myanmar@gmail.com

Q & C

Snapshot of the item below:
Q & C

  

သတင်းဆောင်းပါးမှ ကောက်နှုတ်ချက်များ

“ကျွန်တော်တို့ဆီမှာ ရှိနေတဲ့စိန်ခေါ်မှုတွေ အကုန်လုံးကို event တစ်ခုတည်းနဲ့ ဖြေရှင်းနိုင်မယ်လို့ စိတ်ကူးမယဉ်စေချင်ဘူး။ လုပ်ရမယ်။ ဒါကို Process အနေနဲ့လုပ်ရမယ်။ Event တစ်ခုတည်းနဲ့ အားလုံးကို ပြောင်းနိုင်မယ်ဆိုတာမျိုးက ကျွန်တော်တို့ လိုနိုင်ငံမျိုး၊ဒီလောက် အကွဲအပြဲများတဲ့နိုင်ငံမျိုးမှာ မဖြစ်နိုင်ပါဘူး”

နိုဝင်ဘာလ ၅ ရက်နေ့ထုတ် ရန်ကုန်တိုင်းမ် နေ့စဉ်ထုတ်သတင်းစာတွင်ပါရှိသော “ဖွဲ့စည်းပုံအခြေခံဥပဒေကို ပြောင်းလဲရန် ကြိုးစားရာတွင် ချိန်သားကိုက်မှုနှင့် ဦးစားပေးမှုကို စဉ်းစားရန်လိုအပ်ဟုဆို” သတင်းမှ နိုင်ငံရေး သိပံပညာရှင် ဦးမင်းဇင် ၏ပြောကြားချက်အား ကောက်နှုတ်ချက်။


“ဆရာ့အနေနဲ့ကတော့ ဘယ်လောက်ရှိနေတယ်ဆိုတာ မသိပေမယ့် Income Distribution မမျှတရင်တော့ အဲဒါက လူ့ အဖွဲ့အစည်း ပေါ်ပေါက်လာမယ့် Conflict တွေ၊အကြမ်းဖက်မှုတွေကလည်း ဒါတွေနဲ့ ဆက်နွယ်လာမှာပဲ။ ဒါဆိုတော့ နိုင်ငံရေး ကသွားပြီ၊ ဒါ အင်မတန်အရေးကြီးပါတယ်။ အဲဒီတော့ Economic ကပြောတယ်။ စီးပွားရေးတိုးတက်လာပြီဆိုရင် တိုင်းပြည်ဖွံ့ဖြိုးတိုးတက်လာပြီဆိုရင် ဒီလိုဝင်ငွေခွဲဝေမှုကို ကောင်းမွန်အောင် လုပ်ပေးနိုင်မယ်လို့ မြင်ကြပါတယ်။ ဒါပေမယ့် ပွင့်ပွင့်လင်းလင်း ပြောရရင် Economic တွေသုံးတဲ့ စကားလုံးနဲ့ဆိုရင် Growth only policy ပေါ့။ စီးပွားရေးတက်အောင် လုပ်မယ်ဆိုပြီး ဒါကို အရမ်း focus လုပ်တဲ့အနေအထားမျိူး၊ တိုးတက်အောင်လုပ်ပြီး Income ကို မျှအောင်လုပ်သွားမယ် ဆိုပေမယ့် အချိန်ကကြာတယ်။ အဲဒါက အစိုးရရဲ့ Fiscal Policy ပေါ့။ ဒါကို သုံးပြီးဝင်ပြီး ဆောင်ရွက်ပေးဖို့ လိုပါတယ်”

နိုဝင်ဘာလ ၅ ရက်နေ့ထုတ် Daily Eleven နေ့စဉ်ထုတ်သတင်းစာ တွင်ပါရှိသော “မြန်မာနိုင်ငံရှိ လက်တစ် ဆုပ်စာ လူတစ်စု၏ ပိုင်ဆိုင်မှု လွန်စွာမြင့်တက်နေပြီး ၉၉ ရာခိုင်နှုန်းကျော်သော ပြည်သူများ ဝင်ငွေခွဲဝေမှုထက် ပိုင်ဆိုင်မှုမမျှတသည့် ပြဿနာကို ရင်ဆိုင်နေရကြောင်း စီးပွားရေးပညာရှင်များ သုံးသပ် ” သတင်းမှ MCC Group of Companies ၏ ဥက္ကဌ ဦးတင်ဝင်းအောင်၏ ပြောကြားချက်အား ကောက်နှုတ်ချက်။

 


“ဒါက တကယ်တော့ အသေးစား၊ အလတ်စား စက်မှုလုပ်ငန်းရှင်တွေကို သတ်လိုက်တာနဲ့ အတူတူပဲ။ အညွန့် ချိုးခံရတယ်လို့ ထင်တယ်။ စက်မှုလုပ်ငန်းကို တိုးတက်ရာမပြုပဲ နှိမ့်ချရာရောက်နေတယ်။ ကိုယ့်အနေနဲ့ အသေးစား၊ အလတ်စား စက်မှု၊ လက်မှု လုပ်ငန်းတွေ တိုးတက်ဖို့မြှင့်တင်ပေးမယ့် SME ကအတွင်းရေးမှူး တစ်ယောက်ပါ။ သမ္မတကြီးအနေနဲ့ အသေးစား၊ အလတ်စားစက်မှုလုပ်ငန်းတွေကို မြှင့်တင်နိုင်ဖို့ SME အနေနဲ့ ငွေကြေးပံ့ပိုးပေးဖို့ ပြောဆိုထားပေမယ့် တစ်ဖက်က လျှပ်စစ်ဈေးနှုန်း အဆမတန် မြင့်တက်မှုမှာ လုပ်ငန်းရှင်ကို သတ်လိုက်တာနဲ့ အတူတူပဲ”

နိုဝင်ဘာလ ၇ ရက်နေ့ထုတ် Venus News Journal အတွဲ (၅/၁၅) တွင်ပါရှိသော “လျှပ်စစ်မီတာခများ တိုးမြှင့် ကောက်ခံခြင်းကြောင့် လုပ်ငန်းများ ထိခိုက်ကြောင်း မန္တလေးစက်မှုဇုန် လုပ်ငန်းရှင်များ ပြောကြား” သတင်းမှ စက်မှုဇုန် (၂) မှ ဦးခင်မောင် ၏ ပြောကြားချက်အား ကောက်နှုတ်ချက်။


“KIO ပြောနေတာက အခြားသူများပါဝင်ပြီးတော့ ရှေ့ဆက်သွားနိုင်မယ့် အစီအစဉ်များအတွက် ချုပ်ဆိုတဲ့ ကတိကဝတ်မျိုးကို ဖြစ်ချင်ပါတယ်။ ဒီဟာကို အဖြေရှာနိုင်ဖို့ ကွန်ဖရင့်ကို ဦးစီးကျင်းကတာ ဖြစ်ပါတယ်”

နိုဝင်ဘာလ ၅ ရက်နေ့ထုတ် ကုမုဒြာဂျာနယ် အတွဲ (၃) အမှတ် (၃၁) တွင်ပါရှိသော “ယုံကြည်မှု တည်ဆောက်ဖို့ နှစ်ဖက်လက်တွေ့ပြကြဖို့လိုတယ်” သတင်းမှ ဗိုလ်ချုပ်ဂွမ်မော် ၏ ပြောကြားချက်အားကောက်နှုတ်ချက်။


“ရေးဆွဲတဲ့ ဥပဒေတွေထဲမှာ ဘယ်လိုအဖွဲ့အစည်းတွေဖွဲ့စည်းပြီး ဆောင်ရွက်မယ်။ ဥပဒေမှာ အကျုံးဝင်တဲ့ စီးပွားရေး လုပ်ငန်းရှင်တွေ၊ စက်မှုလုပ်ငန်းရှင်တွေ၊ သူတို့ရဲ့တာဝန်လုပ်ပိုင်ခွင့်တွေ၊ ရပိုင်ခွင့်တွေ၊ အခွန်အကောက် သက်သာခွင့်တွေပါ မယ်။ ဒီဥပဒေကို အကောင်အထည်ဖော်ပေးတဲ့ ဦးဆောင်တဲ့အဖွဲ့တွေ၊ သူတို့ရဲ့တာဝန်တွေနဲ့ လုပ်ပိုင်ခွင့်တွေပါမယ်။ တည်ဆဲဥပဒေကိုသွားပြီး ထိခိုက်မယ့်ကိစ္စမျိုးတွေ ကျရင်တော့ ပြစ်မှု၊ပြစ်ဒဏ်ဖော်ပြတာတွေ ပါမှာပေါ့။”

နိုဝင်ဘာလ ၅ ရက်နေ့ထုတ် ကုမုဒြာ ဂျာနယ် အတွဲ (၃) အမှတ် (၃၁) တွင်ပါရှိသော  “SME ဖွံ့ဖြိုးရေး ဥပဒေ ကြမ်း လာမယ့်လွှတ်တော်မှာ တင်မည်” သတင်းမှ ညွှန်ကြားရေးမှူး ဦးသောင်းမြင့် ၏ ပြောကြားချက် အား ကောက်နှုတ်ချက်။


 

 

 


Google Drive: create, share, and keep all your stuff in one place. Logo for Google Drive

0 comments:

Post a Comment