Transparency Myanmar

transparency.myanmar@gmail.com

Q & C

Snapshot of the item below:
Q & C

 

သတင်းဆောင်းပါးမှ ကောက်နှုတ်ချက်များ

“မြွေတောင်၊ဖားတောင် စီမံကိန်းက မလုပ်သင့်ပါဘူး။ တကောင်းနီကယ်တောင် ကိုလည်း တရုတ်ကို ပေးပြီးသွားပြီ ။ နောက်တစ်နေရာကို ထပ်ပေးမယ်ဆိုရင် နောက်သားစဉ်မြေးဆက်အတွက် ကျန်မှာမဟုတ် တော့ဘူး။ ကိုယ့်နိုင်ငံက အဲ့လောက်တောင် ဆင်းရဲနေပြီလား မထုတ်ရောင်းလို့ မဖြစ်ဘူးလား ဆိုတာကို ပြန်စဉ်းစားသင့်ပါတယ်”

ဒီဇင်ဘာလ ၁၁ ရက်နေ့ထုတ် ရန်ကုန်တိုင်း(မ်) နေ့စဉ်ထုတ် သတင်းစာတွင် ပါရှိသော “ချင်းပြည်နယ်တွင် လုပ်ဆောင်မည့် မြွေတောင်၊ဖားတောင် စီမံကိန်းကို ရပ်ဆိုင်းထားရန် သတ္တုတွင်းပညာရှင် အချို့တောင်းဆို” သတင်းမှ သတ္တုတွင်းဝန်ကြီးဌာန၌ အထွေထွေမန်နေဂျာအဖြစ် ဆောင်ရွက်ခဲ့သူ ဦးစောမိုးမြင့် ၏ ပြောကြား ချက်အားကောက်နှုတ်ချက်။


“တပ်မတော် ထောက်လှမ်းရေးတွေကို နိုင်ငံသားအကျဉ်းသား စာရင်းမှာ ထည့်သွင်းမစဉ်းစားဘူး။ သူတို့ ထောင်ကျတာက အာဏာပြိုင်မှုပုဒ်မတွေ၊ အဂတိတိုက်ဖျက်ရေး ပုဒ်မတွေနဲ့ ကျကြတာ။ တစ်ချို့တွေကလည်း စာရင်းထဲမှာ ထည့်ချင်နေ ကြတာရှိတယ်။ ကော်မတီစကတည်းက ဦးစိုးသိန်း (ကော်မတီဥက္ကဌ) ကလည်း တပ်ထောက်လှမ်းရေးကို စာရင်းမှာထည့်မှာ မဟုတ်ဘူးဆိုတာကို ပြောပြီးသား”

ဒီဇင်ဘာလ ၁၁ ရက်နေ့ထုတ် Mizzima နေ့စဉ်ထုတ် သတင်းစာ တွင်ပါရှိသော “တပ်မတော် ထောက်လှမ်းရေး များ နိုင်ကျဉ်းစာရင်းတွင် ထည့်သွင်းမည်မဟုတ်” သတင်းမှ လက်ကျန်နိုင်ငံရေး အကျဉ်းသား စာရင်းစိစစ်ရေး ကော်မတီအဖွဲ့ဝင် ဦးရဲအောင် ၏ ပြောကြားချက်အား ကောက်နှုတ်ချက်။


“ဒီဆွေးနွေးပွဲမှာ ဆန္ဒပြတာတွေ၊ သပိတ်မှောက်တာတွေ ဖြစ်လာရင်၊ အစိုးရက ပြည်သူတွေကို အကြမ်းမဖက်ဖို့၊ အခြား သံသယတွေ ကင်းရှင်းဖို့အတွက် ဆွေးနွေးသွားမှာပါ”

ဒီဇင်ဘာလ ၁၁ ရက်နေ့ထုတ် The Voice နေ့စဉ်ထုတ်သတင်းစာ တွင်ပါရှိသော “အစိုးရနှင့် တက်ကြွလှုပ်ရှား သူများကြားရှိ ပဋိပက္ခများ ဖြေရှင်းရေး ဆွေးနွေးမည်” သတင်းမှ Grneration Wave အဖွဲ့မှ ဦးဘိုဘို ၏ ပြောကြားချက်အား ကောက်နှုတ်ချက်၊


 

“ပြောတော့ သူတို့က လွတ်လပ်စွာ တရားစီရင်နိုင်ရေး၊ လွတ်လပ်တဲ့ တရားရုံးတွေ ဖွဲ့စည်းထားတယ် ဆိုပြီးတော့ ဆောင်ရွက်တာလေ။ ဒါပေမယ့် တကယ်တမ်း မြင်ရတာက အဲ့လိုမှမဟုတ်ပဲ ဥပဒေရေးရာအရ အမှုတိုင်းလိုလို အစိုးရက ဝင်ရောက် ကြိုးကိုင်နေဆဲ ဖြစ်တယ်။ ဒါ ဒီနေ့အထိပဲ ။ ဒီအမှုဟာ မထင်ရှားဘူး”

ဒီဇင်ဘာလ ၁၃ ရက်နေ့ထုတ် လူထုပုံရိပ် ဂျာနယ် အတွဲ (၂) အမှတ် (၁၁) တွင် ပါရှိသော “မြန်မာအစိုးရ၏ လူ့အခွင့်အရေး ယုံကြည်စရာမရှိဟုဆို” သတင်းမှ ကျောင်းသားသမဂ္ဂများ အဖွဲ့ချုပ် (ဖြစ်မြောက်ရေးကော်မတီ) အထွေထွေ အတွင်းရေးမှူး ကိုရဲမင်းဦး ၏ ပြောကြားချက်အား ကောက်နှုတ်ချက်။


“လယ်ယာတွေကတော့ တပ်ကနေ သီးစားချနေတယ်။ ဒါတွေ ဒါတွေ လုပ်နေတယ်။ တိုင်တန်းချက်တွေ အများကြီးရှိပါတယ်။ ဒီမြို့မှာတော့ ကျွန်တော်တို့ဆီ ရောက်တာဟာ အမှုတွဲ (၁၄) ခုရှိတယ်။ ဒါတွေကို ကွင်းဆင်း စစ်ဆေးမယ်။ ပြီးရင် အစိုးရကို တင်ပြမယ်။ အခုမှလာတဲ့ ကိစ္စတွေကိုတော့ မစစ်ဆေးသေးပါဘူး။ လွှတ်တော်တင်လို့ လွှတ်တော်က ဒါတွေ ဒါတွေ လုပ်ပါ ဆိုပြီး တာဝန်ပေးမှလည်း ကျွန်တော်တို့က ကွင်းဆင်း စစ်ဆေးရတာပါ။ ကျွန်တော်တို့ စုံစမ်းစစ်ဆေးတဲ့ အပိုင်းမှာလည်း ၈၈ ခုနှစ်ထက် အရင်ဖြစ်ခဲ့တဲ့ ကိစ္စတွေကို လက်မခံပါဘူး။ အလှမ်းဝေးလို့ပါ။ ၈၈ နောက်ပိုင်းမှာ ဖြစ်လာတဲ့ သိမ်းဆည်းမှုတွေကိုပဲ ဆောင်ရွက်ပေးပါတယ်”

ဒီဇင်ဘာလ ၁၂ ရက်နေ့ထုတ် Popular News Journal အတွဲ (၅) အမှတ် (၄၉) တွင်ပါရှိသော “လွှတ်တော်လယ်ယာမြေနှင့် အခြားမြေများ သိမ်းဆည်းခံရမှု စုံစမ်းစစ်ဆေးရေး ကော်မရှင် ကလေးမြို့တွင် ကွင်းဆင်းစစ်ဆေး” သတင်းမှ တန့်ဆည်နယ် ပြည်သူ့လွှတ်တော် ကိုယ်စားလှယ် ဦးတင်မြင့် ၏ ပြောကြားချက် အားကောက်နှုတ်ချက်။



Google Drive: create, share, and keep all your stuff in one place. Logo for Google Drive

0 comments:

Post a Comment