Transparency Myanmar

transparency.myanmar@gmail.com

International media (2)

Snapshot of the item below:
International media (2)

ဘာသာပြန်သတင်းများ (၂)

နိုင်ငံခြားရင်းနှီးမြှုပ်နှံမှုနှင့် ပတ်သက်၍ မြန်မာနှင့်ဂျပန် သဘောတူစာချုပ်

(Stuff Business News မှ 16 December 2013 ရက်စွဲပါ “Myanmar trades debt for foreign investment” သတင်းကို ဘာသာပြန်ဆိုသည်။)

တစ်ခါက တံခါးပိတ် အမှောင်ချထားသော မြန်မာနိုင်ငံသည် ၎င်း၏မြန်ဆန်စွာ ကြီးထွားနေသော စီးပွားရေးခွင် သို့ နိုင်ငံခြားကုန်သွယ်မှုများ  ပိုမိုစီးဝင်လာအောင် တံခါးဖွင့်ပေးနေသည့်အလျှောက် ဂျပန်နှင့် မြန်မာတို့ ပိုမိုနီးကပ်စွာ စီးပွားရေးဆောင်ရွက်နိုင်အောင် ပျိုးထောင်ရန် ရင်းနှီးမြှုပ်နှံမှုစာချုပ်ကို တနင်္ဂနွေနေ့က လက်မှတ်ရေးထိုးလိုက်ကြသည်။

တိုကျိုတွင် ပြုလုပ်သော ဂျပန်နှင့် အာဆီယံနိုင်ငံခေါင်းဆောင်များ တွေ့ဆုံစည်းဝေးပွဲအပြီး မြန်မာသမ္မတ ဦးသိန်းစိန်နှင့် ဂျပန်ဝန်ကြီးချုပ် ရှင်ဇိုအာဘေးတို့ တွေ့ဆုံခဲ့ကြပြီး သဘောတူလက်မှတ် ရေထိုးခဲ့ကြခြင်းဖြစ်သည်။

ဂျပန်ကုမ္မဏီများသည် မြန်မာနိုင်ငံ၌ ရင်းနှီးမြှုပ်နှံရန် စိတ်ဝင်စားလျှက်ရှိပြီး။ ၂၀၁၁ခုနှစ်က နိုင်ငံတော်သမ္မတ ဦးသိန်းစိန်၏ ပြုပြင်ပြောင်းလဲရေး  အစိုးရအာဏာရလာပြီးနောက်တွင် ၎င်းတို့၏ လှုပ်ရှားမှုများ အရှိန်မြှင့်ခဲ့ကြသည်။

ယခု သဘောတူစာချုပ်သည် ရင်းနှီးမြှုပ်နှံသူများအတွက် တည်ငြိမ်သော ဥပဒေအခင်းအကျင်းနှင့် လုံခြုံသော ကာကွယ်စောင့်ရှောက်မှုများကိုပေးရန် ရည်ရွယ်သည်ဟု ဂျပန်ကုန်သွယ်ရေးဝန်ကြီးဌာနက ပြောကြားသည်။

ရင်းနှီးမြှုပ်နှံသူများ ဆွဲဆောင်ခြင်းနှင့် ချေးငွေထောက်ပံခြင်းသည် မြန်မာနိုင်ငံ၏ သံယံဇာတကြွယ်ဝသော စီးပွားရေး ဖွံ့ဖြိုးအောင် ကူညီရာတွင် အရေးပါသည်။

မြန်မာနိုင်ငံသည် ဖွံ့ဖြိုးမည့် အလားအလာ သိသိသာသာ ကောင်းနေသော်လည်း၊ ထိရောက်လုံလောက်မှု မရှိသော လယ်ယာကဏ္ဍအပေါ်တွင် ဝန်ပိနေသည်။ ထို့အပြင် ဆယ်စုနှစ်ချီ စစ်အုပ်ချုပ်ရေး ကာလဖိနှိပ်ထားသော ဥပဒေများနှင့် နိုင်ငံခြားအရေးယူ ပိတ်ဆို့မှုများအလွန်တွင် ကုန်ထုတ်လုပ်မှု စွမ်းရည်သည်လည်း ချို့တဲ့လျက်ရှိသည်။

ယခုစာချုပ်သည် နိုင်ငံတကာစည်းမျဉ်းများအတိုင်း နိုင်ငံခြားရင်းနှီးမြှုပ်နှံသူများကိုပေးမည့် ကာကွယ် စောင့်ရှောက်မှုများကို ဂျပန်ရင်းနှီးမြှုပ်နှံသူများ လက်ခံရရှိစေမည်ဖြစ်ပြီး၊ ယင်းကဲ့သို့ မြှုပ်နှံမှုများအတွက် အပြန်အလှန် အားဖြင့် ပို့ကုန်၊ နည်းပညာလွှဲပြောင်းမှုနှင့် အခြားလိုအပ်ချက်များ ချမှတ်ခြင်းကို တားမြစ်ထားသည်။

ထို့အပြင် ဆိုးဆိုးဝါးဝါး အဂိတိလိုက်စားမှု ပြဿနာဖြင့် ရုန်းကန်နေရသော မြန်မာနိုင်ငံအတွက် သော့ချက် သဖွယ် အရေးပါသော ပွင့်လင်းမြင်သာမှု တိုးတက်စေရန်လည်း ယခုစာချုပ်က ရည်းမှန်းထားသည်။

ဂျပန်နိုင်ငံသည် မြန်မာနိုင်ငံ၏ အကြီးဆုံးအလှူရှင်ဖြစ်သည်။ ရင်းနှီးမြှုပ်နှံမှု လမ်းကြောင်းပွင့်သွားစေရန် အတွက် မြန်မာနိုင်ငံက ဂျပန်နိုင်ငံသို့ ပေးစာရှိသည့် ကြွေးမြီးဟောင်း အမေရိကန်ဒေါ်လာ ၅.၃၂ ဘီလီယံကို လျှော်ပေးရန် တိုကျိုက သဘောတူညီခဲ့သည့်အပြင် ကျန်ကြွေးမြီးများ ရှင်းလင်းအောင် ပေါင်းကူချေးငွေပေးခဲ့သည်။

အခြေခံ အဆောင်အဦးစနစ် တည်ဆောက်ရန် ချေးငွေသစ်ပေးခြင်း၊ မြန်မာနိုင်ငံတွင် ဂျပန်စီးပွားရေး လုပ်ငန်းရှင်များကို အထောက်အကူဖြစ်စေမည့် ဖွံ့ဖြိုးရေး အကူအညီများပေးခြင်း အပါအဝင် လူထုကဏ္ဍ၊ ပုဂ္ဂလိက ကဏ္ဍအကူအညီများဖြင့် မြန်မာနိုင်ငံ၏ စီးပွားရေး၊ နိုင်ငံရေး ပြုပြင်ပြောင်းလဲမှုမှုများကို ပံပိုးကူညီပေးသွားမည်ဟု ဝန်ကြီးချုပ်ရှင်ဇိုအာဘေး က ကတိပေးထားသည်။

ဂျပန်နိုင်ငံသည် ၁၉၈၈ခုနှစ် စစ်တပ်က အာဏာမသိမ်းခင်က မြန်မာနိုင်ငံနှင့် ရင်းနှီးသောဆက်ဆံရေး ရှိခဲ့ပြီး၊ အဓိက စီမံကိန်းများအတွက် တိုကျိုက ချေးငွေများ ထောက်ပံခဲ့သည်။ တပ်မတော်အစိုးရက ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ် ထိန်းသိမ်းထားချိန်တွင် ဂျပန်နိုင်ငံက အနောက်အုပ်စုနိုင်ငံများကဲ့သို့ အရေးယူပိတ်ဆို့မှု Sanctions များချမှတ်ခြင်းမပြုခဲ့ပေ။ သို့သော် စီးပွားရေး လုပ်ကိုင်မှုများကို လျှော့ချခဲ့ပြီး၊ အစိုးရ အထောက်အပံများကို ဖြတ်တောက်ခဲ့သည်။

လောလောဆယ်တွင် မြန်မာနိုင်ငံ၌ ဂျပန်တို့၏ ရင်းနှီးမြှုပ်နှံမှုသည် တရုတ်နှင့် အိန္ဒိယတို့၏ နောက်တွင် ရှိနေဆဲဖြစ်သည်။

ဂျပန်နိုင်ငံမှ မစ်ဆူဘီရှီ၊ မာရူဘီနီ၊ ဆူမှုတိုမို ကော်ပရေးရှင်းသုံးခုသည် လတ်တလောမြန်မာနိုင်ငံ၌ ဂျပန်တို့၏ အကြီးဆုံးရင်းနှီးမြှုပ်နှံမှုအဖြစ် ရန်ကုန်မြို့တော်အနီးတွင် ၂၄၀၀ ဟက်တာ (၉၅၀၀ ဧက) ကျယ်ဝန်းသော သီလဝါ အထူး စီးပွားရေးဇုန်ကို အကောင်အထည်ဖော်ရန် ဦးဆောင်လုပ်ကိုင်နေကြသည်။


 

 

 

 

 

 

 

 

 

 

 


Google Drive: create, share, and keep all your stuff in one place. Logo for Google Drive

0 comments:

Post a Comment