Transparency Myanmar

transparency.myanmar@gmail.com

Q & C

Snapshot of the item below:
Q & C

 

သတင်းဆောင်းပါးမှ ကောက်နှုတ်ချက်များ

“တိုင်းရင်းသား ၁၃၅ မျိုးဆိုတာကို ဘယ်သူက သုတေသန လုပ်ထားတာလဲ။ ဒီ အကြောင်းအရာကို အစိုးရက တိုင်းရင်းသား နိုင်ငံရေး ပါတီတွေနဲ့ တွေ့ဆုံဆွေးနွေးဖို့လိုတယ်။ သက်ဆိုင်ရာအစိုးရက တိုင်းရင်းသားလူမျိုးစုတွေကို ဖိတ်ကြားပြီး မျိုးနွယ်စု တိုင်းရင်းသားတွေနဲ့ အတည်ပြုဖို့ ကောင်းတယ်။ ကျွန်တော်တို့က တိုင်းရင်းသား ၁၃၅ မျိုးဆိုတာ လက်မခံပါဘူး”

ဒီဇင်ဘာလ ၁၈ ရက်နေ့ထုတ် ပြည်မြန်မာ နေ့စဉ်ထုတ် သတင်းစာတွင် ပါရှိသော “၂၀၁၄ ပြည်လုံးကျွတ် သန်းခေါင်စာရင်းတွင် တိုင်းရင်းသား ၁၃၅ မျိုးဟု ထည့်သွင်းခြင်း တိုင်းရင်းသား နိုင်ငံရေး ပါတီများ လက်မခံ” သတင်းမှ ဇိုမီဒီမိုကရေစီအဖွဲ့ချုပ်မှ ဦးဂင်ကမ်းလျန် ၏ ပြောကြားချက်အား ကောက်နှုတ်ချက်။


“ငွေသွင်း ငွေလွှဲ ငွေထုတ် ဒီစနစ်ပဲရှိတဲ့ ဘဏ်တွေက ဒီအဆင့်ကနေ အဆင့်ထပ်မြှင့်ကြဖို့လည်း ပါပါတယ်။ နောက်တစ်ခု ကတော့ ပြည်ပဘဏ်တွေလာရင် ယှဉ်ပြိုင်နိုင်ကြဖို့ ပြင်ဆင်ထားကြတာလည်း ပါပါတယ်”

ဒီဇင်ဘာလ ၁၉ ရက်နေ့ထုတ် Popular News Journal အတွဲ (၅) အမှတ် (၅၀) တွင်ပါရှိသော “ပုဂ္ဂလိက ဘဏ်အားလုံး ခေတ်မီဘဏ်စနစ် ကျင့်သုံးရန် သမ္မတရုံးဝန်ကြီးဌာန တိုက်တွန်း” သတင်းမှ အသေးစားနှင့် အလတ်စား ဖွံ့ဖြိုးတိုးတက်ရေးဘဏ် ဥက္ကဌ ဒေါက်တာသန်းထွန်း ၏ ပြောကြားချက်အား ကောက်နှုတ်ချက်။


“အခု လက်ရှိအပြောင်းအလဲကလည်း အာဏာရယူထားတဲ့ အစိုးရအဖွဲ့က သူ့ စိတ်ကြိုက်ပြောင်းခဲ့တဲ့ အပြောင်းအလဲ ဖြစ်နေ တယ်။ စစ်အစိုးရက ကမကထလုပ်ပြီး ဒီပြုပြင်ပြောင်းလဲရေးကို ချမှတ်ခဲ့တာ ဖြစ်တယ်”

ဒီဇင်ဘာလ ၁၈ ရက်နေ့ထုတ် ရန်ကုန်တိုင်းမ် နေ့စဉ်ထုတ်သတင်းစာ တွင်ပါရှိသော “မြန်မာ့နိုင်ငံရေး အပြောင်း အလဲတွင် တိုင်းရင်းသားတို့၏ တန်းတူညိမျှရရှိရေးသည် အရေးကြီးဟု ဦးကိုကိုကြီး ပြော” သတင်းမှ ဦးကိုကိုကြီး ၏ပြောကြားချက်အား ကောက်နှုတ်ချက်။


“ဒီ စီမံကိန်းကြောင့် ဒေသခံတွေကို လူမှုရေးနဲ့ပတ်ဝန်းကျင်ဆိုင်ရာတွေမှာ ထိခိုက်မှုမရှိအောင် ကာကွယ်တဲ့ လမ်းညွှန်ချက် တွေရှိပါတယ်။ အခုထိရှိနေတဲ့ စီမံကိန်းနဲ့ ပတ်သက်တဲ့ အထူးစိုးရိမ်ချက်တွေကြောင့် ဂျပန်အစိုးရနဲ့ ရင်းနှီး မြှုပ်နှံသူတွေအနေနဲ့ အဲဒီလိုလမ်းညွှန်ချက်တွေကို စီမံကိန်းမစမီ လိုက်နာရမှာ ဖြစ်ပါတယ်”

ဒီဇင်ဘာလ ၁၈ ရက်နေ့ထုတ် ပြည်ထောင်စုနေ့စဉ် သတင်းစာ တွင်ပါရှိသော “ထားဝယ်စီမံကိန်းတွင် နိုင်ငံတကာ စံနှုန်းများ အခြေမကျမီ ရင်းနှီးမြှုပ်နှံခြင်းမှ ရှောင်ရန် DDA မှ တောင်းဆို” သတင်းမှ ထားဝယ် ဖွံ့ဖြိုးရေးအဖွဲ့ ညှိနှိုင်းရေးမှူး ဦးသန့်ဇင် ၏ ပြောကြားချက်အား ကောက်နှုတ်ချက်။


“လက်နက်ကိုင်အဖွဲ့တွေ တစ်ဖွဲ့နဲ့တစ်ဖွဲ့တွေ့ဆုံတဲ့အခါမှာ လူမျိုးကြီးမူဝါဒတွေ အမိန့်အာဏာတွေ ညွှန်ကြား ချက်တွေက အဓိကမဟုတ်ပါဘူး။ လက်ဦးမှု ရယူမှုနဲ့ ရှင်းရတဲ့သဘောပါ။ တောထဲမှာ သူလည်းသေနတ်နဲ့ ကိုယ်လည်းသေနတ်နဲ့ တစ်ဖွဲ့ နဲ့တစ်ဖွဲ့ စိတ်မချရဘူး။ ဒီတော့ ပစ်ခတ်ကြတယ်။ ဒါ သဘာဝကျပါတယ်။ Idealogy နဲ့ စဉ်းစားတာနဲ့ မြေပြင်အခြေအနေနဲ့ မတူပါဘူး”

ဒီဇင်ဘာလ ၂၀ ရက်နေ့ထုတ် လူထုပုံရိပ် ဂျာနယ် အတွဲ (၂) အမှတ် (၁၂) တွင်ပါရှိသော “စစ်အာဏာရှင် စနစ်၏ ဖိနှိပ်မှုကြောင့် ပြည်တွင်းစစ် ကြာရှည်နေရဟု သုံးသပ်” သတင်းမှ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင် ၏ ပြောကြားချက်အား ကောက်နှုတ်ချက်။



Google Drive: create, share, and keep all your stuff in one place. Logo for Google Drive

0 comments:

Post a Comment