Transparency Myanmar

transparency.myanmar@gmail.com

yangonchronicle2013 (1)
Document yangonchronicle2013 (1)

Snapshot of the item below:
yangonchronicle2013 (1)

၂၅.၁.၂၀၁၃

ဘာသာပြန်သတင်းများ

  1. ကာကွယ်ရေးကဏ္ဍတွင် အိန္ဒိယ-မြန်မာ ဆက်ဆံရေး တိုးမြှင့်သင့်ဟု အိန္ဒိယကာကွယ်ရေးဝန်ကြီး ပြောကြား

(Bernama News မှ 23 Jan 2013 ရက်စွဲပါ “India,Myanmar should enhance in defence ties. Says Minister” သတင်းကို ဘာသာပြန်ပါသည်။)

  1. မြန်မာနိုင်ငံတွင် ကလေးစစ်သားများစုဆောင်းဆဲဟု CSI အစီရင်ခံ

(AFP News မှ 24 Jan 2013 ရက်စွဲပါ “Child Soldiers still recruited in Myanmar:group” သတင်းကို ဘာသာပြန်ပါသည်)

  1. တရုတ်သည် မြန်မာပဋိပက္ခဖြေရှင်းရာတွင် အပြုသဘောဆောင်သော ကဏ္ဍမှပါဝင်ဟု နိုင်ငံခြားရေးဌာန ကပြော

(23 Jan 2013 ရက်စွဲပါ Xinhua News မှ China plays constructive role in Myanmar conflict :FM ကို ဘာသာပြန်ပါသည်)

  1. မြန်မာသို့ ငွေလွှဲလုပ်ငန်း Seven Bank စတင်တော့မည်

(Daily Yomiuri မှ 25 Jan 2013 ရက်စွဲပါ “Seven Bank to offer remittances to Myanmar” သတင်းကို ဘာသာပြန်ပါသည်)

***************************************************************

ဘာသာပြန်သတင်းများ

ကာကွယ်ရေးကဏ္ဍတွင် အိန္ဒိယ-မြန်မာ ဆက်ဆံရေး တိုးမြှင့်သင့်ဟု အိန္ဒိယကာကွယ်ရေးဝန်ကြီး ပြောကြား

(Bernama News မှ 23 Jan 2013 ရက်စွဲပါ “India,Myanmar should enhance in defence ties. Says Minister” သတင်းကို ဘာသာပြန်ပါသည်။)

photo credit - internet

အိန္ဒိယနှင့် မြန်မာနှစ်နိုင်ငံသည် ကာကွယ်ရေးအပါအဝင်ကဏ္ဍအားလုံး၌ အပြန်အလှန်ဆက်ဆံမှုကို ဆက်လက်မြှင့်တင်ကြဖို့လိုကြောင်း အိန္ဒိယ ကာကွယ်ရေးဝန်ကြီး အေကေအန်တိုနီက ပြောကြားလိုက်ပါသည်။

နှစ်နိုင်ငံအကြားအစိုးရနှင့် အခြားအလွှာများ လတ်တလော အပြန်အလှန် လည်ပတ်မှုများက နှစ်နိုင်ငံဆက်ဆံရေးအတွက် အရှိန်အဟုန်သစ်ကို ဖြစ်ပေါ်စေသည်ဟု၎င်းက ဆိုသည်။

မြန်မာသမ္မတဦးသိန်းစိန်ထံ သွားရောက်တွေ့ဆုံခဲ့သူ ကာကွယ်ရေးဝန်ကြီးအန်တိုနီက ကာကွယ်ရေးဆိုင်ရာ ဆက်ဆံမှုခိုင်မာစေရန် နှစ်နိုင်ငံ စလုံး လုပ်ဆောင်နေကြောင်း ပြောကြားသည်။

ပြီးခဲ့သော ၁၈ လအတွင်း အိန္ဒိယအကြီးအကဲ ၃ ဦး မြန်မာနိုင်ငံသို့လာရောက်ခဲ့ခြင်းသည် ဆက်ဆံရေး ခိုင်မာလိုသော အိန္ဒိယအစိုးရ၏ ဆန္ဒကို ထင်ဟပ်နေသည်ဟု အန်တိုနီက ဆိုပါသည်။

“ဒီခရီးစဉ်တွေနဲ့ လတ်တလောကာလ အပြန်အလှန်ချစ်ကြည်ရေးဖလှယ်မှုတွေဟာ နှစ်ဦးနှစ်ဖက်၊ စိုးရိမ်စရာတွေ၊ လိုအပ်ချက်တွေ၊ ခွန်အား တွေကို ကောင်းစွာနားလည် သဘောပေါက်လာစေပါတယ်။” ဟု ၎င်းက ပြောကြားသည်။

မြေပြင်၊ ရေပြင် နယ်နိမိတ်ချင်း ထိစပ်နေကြသော အိမ်နီးချင်းများဖြစ်သည်နှင့်အညီ နှစ်ဖက်စလုံးနှင့် သက်ဆိုင်သော ကိစ္စရပ်များကို ဖြေရှင်းရန် အတူတကွလုပ်ဆောင် သွားကြရမည်ဟုလည်း အန်တိုနီက ဆက်လက် ပြောကြားသည်။

မြန်မာသမ္မတ ဦးသိန်းစိန်ကလည်း “မြန်မာနိုင်ငံအနေဖြင့် အိန္ဒိယနှင့်အရှေ့တောင်အာရှအကြား ပေါင်းကူးတံတားအဖြစ် ပါဝင်နိုင်ပါကြောင်း၊ မြန်မာပိုင်နက်ကို အိန္ဒိယသူပုန်များအား အသုံးပြုခွင့်ပေးမည် မဟုတ်ကြောင်း၊ နှစ်နိုင်ငံမြေပြင်၊ရေပြင် နယ်နမိတ်တစ်လျှောက် စိန်ခေါ်မှုများကို ကိုင်တွယ်ဖြေရှင်းရန်အတွက် နှစ်ဖက်လက်နက်ကိုင်တပ်များအကြား ပူးပေါင်းဆောင်ရွက်မှု တိုးတက်ကောင်းမွန်ရေးကို ကြိုဆိုပါကြောင်း” အိန္ဒိယ ကာကွယ်ရေးဝန်ကြီးအား ပြန်လည်ပြောကြားခဲ့သည်။

----------------------------------------------------------------------------------------------

မြန်မာနိုင်ငံတွင် ကလေးစစ်သားများစုဆောင်းဆဲဟု CSI အစီရင်ခံ

(AFP News မှ 24 Jan 2013 ရက်စွဲပါ “Child Soldiers still recruited in Myanmar:group” သတင်းကို ဘာသာပြန်ပါသည်)

photo credit - internet

မြန်မာနိုင်ငံတွင် လက်ရှိနိုင်ငံရေး ပြုပြင်ပြောင်းလဲမှုများ ပြုလုပ်နေသော်ငြားလည်း ကလေးစစ်သားများကို သိမ်းသွင်းစုဆောင်းနေဆဲ ဖြစ်သောကြောင့် အင်အားကြီးမြန်မာစစ်တပ်ကို ကောင်းစွာစောင့်ကြည့်လေ့လာကြရန် လူ့အခွင့်အရေးအုပ်စုက ဗုဒ္ဓဟူးနေ့တွင် တိုက်တွန်းပြောကြားသည်။

မြန်မာအစိုးရသည် နိုင်ငံတကာက အမြဲတမ်းအပြစ်တင်စရာ လူ့အခွင့်အရေးချိုးဖောက်မှုတစ်ခုဖြစ်သည့် ကလေးစစ်သားစုဆောင်းမှုအား အဆုံးသတ်ရေး အစီအစဉ်ကို ကုလသမဂ္ဂနှင့် ဇွန်လတွင် သဘောတူညီထားပြီး ဖြစ်သည်။

ထိုနောက်ပိုင်းတွင် တပ်မတော် (မြန်မာစစ်တပ်) က ကလေး ၄၂ ဦးကို ပြန်လွှတ်ပေးခဲ့ပြီး နောက်ထပ် လွှတ်ပေးဖွယ်ရှိသည်ဟု မြန်မာနိုင်ငံနှင့် ထိုင်းနိုင်ငံသို့ သုတေသန မစ်ရှင် ၃ ဖွဲ့ စေလွှတ်လေ့လာခဲ့သော Child Soldiers International က ပြောကြားသည်။

သို့သော်လည်း အစိုးရတပ်၊ နယ်ခြားစောင့်တပ်နှင့် သူပုန်အုပ်စုများသည် ကလေးစစ်သားများကို အသုံးပြုနေဆဲဖြစ်ပြီး တပ်မတော်သည် အောင်မြင်သော ဆုကြေးစား စုဆောင်းသူများနှင့် ရာထူးအဆင့် တိုးရေး (သို့) စောစီးစွာနှုတ်ထွက်ရေးစသော တပ်တွင်းဖိအားနှင့် ရင်ဆိုင်နေရသည်ဟု လန်ဒန်အခြေစိုက် အုပ်စုက ဆိုပါသည်။

“တပ်မတော်အရာရှိတွေနဲ့ တရားမဝင်စုဆောင်းရေး အေးဂျင့်တွေဟာ အသက် ၁၈ နှစ်အောက် အပါအဝင် တပ်သားသစ်ရရှိဖို့အတွက် ခြိမ်းခြောက်မှု အဓ္ဓမခေါ်ယူမှု၊ ကိုယ်ထိလက်ရောက် အကြမ်းဖက် မှုများကို ဆက်လက်ပြုလုပ်နေကြပါတယ်” ဟု Child Soldiers International အစီရင်ခံစာတွင် တင်ပြထားသည်။

ဘူတာရုံများ၊ ဈေးများ၊ ဘတ်စ်ကားဂိတ်များစသော လူထူထပ်သောနေရာများ (သို့) ကျောင်းသွား၊ ကျောင်းပြန်လမ်းများပေါ်တွင် လူငယ်များကို ရှာဖွေနေသောအရပ်သားများ၊ ရဲများကလည်း ကလေးများကို သိမ်းသွင်းခေါ်ယူနေသည်ဟု အစီရင်ခံစာက ဆိုသည်။

သို့သော်လည်း ပြဿနာ၏ ရှုပ်ထွေးသောသဘာဝကြောင့် ကလေးစစ်သားအရေအတွက်ကို အတိအကျ ကောက်ယူရန် ခက်ခဲသည်ဟု Child Solider International  က ပြောကြားသည်။ ၂၀၁၁ အတွင်း အသက်မပြည့်သူ ခေါ်ယူစုဆောင်းမှု ၂၄၃ မှုရှိသည်ဟု မနှစ်က ကုလသမဂ္ဂအစီရင်ခံစာက ဖော်ပြထားသော်လည်း ၎င်းကိန်းဂဏန်းသည် အဖြစ်မှန်၏ တစ်စိတ်တစ်ပိုင်းမျှသာဖြစ်သည်ဟု ၎င်းအုပ်စုက ထောက်ပြသည်။

မြန်မာအစိုးရက တိုင်းရင်းသားလက်နက်ကိုင်များနှင့် ငြိမ်းချမ်းရေးရအောင် ကြိုးပမ်းနေခြင်းကြောင့် ကလေးစစ်သားအသုံးပြုမှု ဖယ်ရှားရေး သဘောတူညီချက်များ ရလဒ်ထွက်ပေါ်လာလိမ့်မည်ဟု မျှော်လင့်ကြောင်း Child Soldier International က ထုတ်ဖော်ပြောကြားသည်။

တပ်ဖွဲ့ဝင်များ၏ အသက်ကိုစစ်ဆေးရေး၊ တပ်ရင်းတပ်ဖွဲ့အားလုံး၏ သတင်းအချက်အလက်ဆိုင်ရာ ဗဟိုစင်တာစနစ်ဖန်တီးရေးတို့အတွက် နည်းပညာအကူပေးမည်ဟုလည်း CSI အုပ်စုက အကြံပြုကမ်းလှမ်းသည်။

ထို့အပြင် အသက်သတ်မှတ်ချက်ကို ချိုးဖောက်သော စုဆောင်းသူများကို အရေးယူရန်၊ ကလေး စစ်သားများရှိနိုင်သောတပ်များသို့ ကုလသမဂ္ဂ စစ်ဆေးသူများ သွားရောက်လေ့လာရန်၊ ၎င်းကိစ္စနှင့် ပတ်သက်၍ သူပုန်များနှင့်လည်း ထိတွေ့ဆွေးနွေးရန် အစီရင်ခံစာတွင် တိုက်တွန်းဖော်ပြထားသည်။

နာမည်အပျက်ဆုံးကလေးစစ်သားအမှုများထဲမှ တစ်ခုမှာ အရပ်ထက်ပိုရှည်သော သေနတ်များကိုင်ကာ စီးကရက်သောက်ရင်း ဓါတ်ပုံအရိုက်ခံထားသော အသက် ၁၂ နှစ်အရွယ် ကရင်သူပုန်တပ်ဖွဲ့မှ ဂျော်နီနှင့် လူသာထူးတို့ပင်ဖြစ်သည်။

ယခုအခါ အသက် ၂၀ ကျော်အရွယ်ရှိနေပြီဖြစ်သော ဂျော်နီ နှင့် လူသာထူး တို့သည် ၂၀၀၁ ခုနှစ်က ထိုင်းတပ်ဖွဲ့များထံ လက်နက်ချခဲ့ကြသည်။

----------------------------------------------------------------------------------------------------

တရုတ်သည် မြန်မာပဋိပက္ခဖြေရှင်းရာတွင် အပြုသဘောဆောင်သော ကဏ္ဍမှပါဝင်ဟု နိုင်ငံခြားရေးဌာနက ပြော

(23 Jan 2013 ရက်စွဲပါ Xinhua News မှ China plays constructive role in Myanmar conflict :FM ကို ဘာသာပြန်ပါသည်)

တရုတ်နိုင်ငံသည် မြန်မာနိုင်ငံမှ ပဋိပက္ခကို ဖြေရှင်းရာတွင် တရုတ်နိုင်ငံသည် အပြုသဘောဆောင်သောကဏ္ဍမှ ပါဝင်နေကြောင်း နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် Hong Lei က ဗုဒ္ဓဟူးနေ့က ပြောကြားခဲ့ပါသည်။

မြန်မာနိုင်ငံမြောက်ပိုင်းမှ တိုင်းရင်းသားလက်နက်ကိုင်များကို တရုတ်မှ လက်နက်များဖြည့်ဆည်းပေးနေကြောင်း စွပ်စွဲချက်မေးခွန်းအပေါ် Hong က ပြန်လည်တုန့်ပြန်ဖြေကြားရာတွင် တရုတ်သည်မြန်မာနိုင်ငံမှ ပဋိပက္ခများကို နှစ်ဦးနှစ်ဖက် ဆွေးနွေးညှိနှိုင်းခြင်းဖြင့် ငြိမ်းချမ်းစွာ အဖြေရှာရေးကိုသာ အမြဲတစေ ပြောဆိုခဲ့ကြောင်း ဆိုပါသည်။

၎င်းကပြောကြားရာတွင် တရုတ်သည် အပစ်အခတ်ရပ်စဲရေး ချက်ခြင်းလုပ်ဆောင်ရန် ထပ်တလဲလဲ တောင်းဆိုခဲ့ပြီး တရုတ်-မြန်မာ နယ်စပ်တွင် လုံခြုံရေးနှင့် ငြိမ်းချမ်းရေးထိန်းသိမ်းနိုင်ရန် ပူးပေါင်းကြိုးပမ်းမှုများအတွက် ပြောဆိုခဲ့သည်ဟု ဆိုပါသည်။

မြန်မာအစိုးရသည် ယခုအပတ်အစောပိုင်းက ၎င်းသည် ကချင်လွတ်လပ်ရေးတပ်မတော် (KIA) နှင့် တိုက်ခိုက်နေမှုများကို ရပ်ဆိုင်း မည်ဖြစ်ကြောင်း ကြေညာခဲ့ပါသည်။ ယခု နောက်ဆုံးဖြစ်ပေါ်နေသော တိုက်ပွဲများကြောင့် တရုတ်ကိုစိုးရိပ်ပူပန်မှုများ တိုးပွားစေပါသည်။ တရုတ်သည် မြန်မာနိုင်ငံနှင့် ၂၂၀၀ ကီလိုမီတာ ရှည်သော နယ်စပ်ချင်းထိစပ်နေပါသည်။

အပစ်အခတ်ရပ်စဲရေးသည် တရုတ်အစိုးရ၏ အထူးကိုယ်စားလှယ် Fu Ying သည် ရန်ကုန်သို့ သွားရောက်၍ မြန်မာသမ္မတ ဦးသ်ိန်းစိန်နှင့် စနေနေ့က တွေ့ဆုံအပြီးတွင် ထွက်ပေါ်လာခဲ့ခြင်း ဖြစ်ပါသည်။

---------------------------------------------------------------------------------------------------

မြန်မာသို့ ငွေလွှဲလုပ်ငန်း Seven Bank စတင်တော့မည်

(Daily Yomiuri မှ 25 Jan 2013 ရက်စွဲပါ “Seven Bank to offer remittances to Myanmar” သတင်းကို ဘာသာပြန်ပါသည်)

ဖေဖဝါရီလ ၁ ရက်တွင် မြန်မာနိုင်ငံသို့ ငွေလွှဲသည့် ဝန်ဆောင်မှုစတင်တော့မည်ဟု ဂျပန်ဘဏ် Seven Bank က ထုတ်ပြန်ကြေညာသည်။

ဂျပန် လက်လီလုပ်ငန်းကြီး Seven & I Holdings Co ၏ ဆက်စပ်ကုမ္ပဏီ Seven Bank သည် ကမ္ဘာတစ်လွှားနိုင်ငံနှင့် ဒေသ ၂၀၀ ကျော်အတွက် ယင်းကဲ့သို့ ငွေလွှဲဝန်ဆောင်မှုလုပ်ငန်းကို လုပ်ကိုင်လျက်ရှိသည်။

မြန်မာနိုင်ငံအတွက် ဝန်ဆောင်မှုအစီအစဉ်တွင် ဂျပန်နိုင်ငံတစ်လွှားတပ်ဆင်ထားသော ဘဏ်၏ ATM စက် ၁၇,၀၀၀ ခန့်မှတဆင့် ယန်းငွေ ၅၀၀,၀၀၀ အထိ ငွေလွှဲနိုင်မည်ဟု Seven Bank တာဝန်ရှိသူများက ဆိုပါသည်။

Seven Bank ၏ အမေရိကန်စီးပွားဖက် Western Union ၏ မြန်မာပြည်တွင်း ငွေထုတ်ရန်နေရာ ၁၅၅ နေရာတွင် လွှဲငွေကို မြန်မာကျပ်ငွေဖြင့် ထုတ်ယူနိုင်သည်ဟု သိရှိရသည်။

ဂျပန်နိုင်ငံတွင် မြန်မာနိုင်ငံသား ၈၀၀၀ ခန့် နေထိုင်လျက်ရှိပြီး ၎င်းတို့အတွက် ဝန်ဆောင်မှုကောင်းကောင်းပေးရန် မျှော်လင့်ထားသည်ဟု Seven Bank က ပြောကြားသည်။

***************************************************************


Google Drive: create, share, and keep all your stuff in one place. Logo for Google Drive

Yangon Chronicle(Quotes & Comments)
Document Yangon Chronicle(Quotes & Comments)

Snapshot of the item below:
Yangon Chronicle(Quotes & Comments)

 

*

*

၂၅.၁.၂၀၁၃

သတင်းနှင့်ဆောင်းပါးကောက်နှုတ်ချက်များ

“ဖွဲ့စည်းပုံကိုကြည့်ရင် ပြင်ဆင်ဖို့တစ်ပေါက်ပဲဖွင့်ပေးထားတယ်။ ဒါကတော့ လွှတ်တော်မှာပဲ ပြင်ဆင်ရမှာ ဖြစ်တယ်။ လွှတ်တော်မှာပြင်ဆင်နိုင်ဖို့ဒါကို အဆိုအဖြစ်တင်နိုင်ရေးအတွက် လွှတ်တော် ကိုယ်စားလှယ် ၂၀% ထောက်ခံမှုလိုမယ်။ အဆင့်ဆင့်ဆွေးနွေးပြီး ၇၅% ပါနိုင်ရင် လူထုဆန္ဒခံယူပွဲ လုပ်ဦးမှာ၊ လုပ်ထုံးလုပ်နည်းအရ ၂၀၀၈ ဖွဲ့စည်းပုံ ပြင်ဆင်ဖို့ လက်တွေ့မှာ မလွယ်သလိုဖြစ်နေတယ်။”

ဇန်နဝါရီလ ၂၅ ရက်နေ့ထုတ် မော်ဒန်ဂျာနယ် အမှတ် (၃၄၃) တွင် ပါရှိသော “၂၀၀၈ ခုနှစ် ဖွဲ့စည်းပုံ အခြခံဥပဒေကို ပြင်ဆင်ကြည့်ခြင်း လွှတ်တော်တွင်း၊ လွှတ်တော်ပြင်ပ ဘယ်လိုပြင်ကြမလဲ” သတင်းမှ နိုင်ငံရေး အကျဉ်းသားဟောင်းများအဖွဲ့မှ ဦးတိုးကျော်လှိုင် ၏ပြောကြားချက်အား ကောက်နှုတ်ချက်။

-----------------------------------------------------------------------------------------------------------------------------

“စစ်ပွဲကိုကြည့်ရင် အရှုံးကြီးရှုံးတဲ့စစ်ပွဲပဲဖြစ်တယ်။ လူထုတစ်ရပ်လုံးအတွက် ပညာရေး၊ ကျန်းမာရေးအတွက် သုံးရမယ့် ငွေတွေအလဟဿဖြစ်ရတယ်။ မသေသင့်တဲ့ တပ်မတော်သားတွေရဲ့ ဘဝတွေနစ်နာ ပျက်စီးဆုံးရှုံးရတယ်။ ပြည်တွင်းငြိမ်းချမ်းရေးကို ဘယ်လိုတည်ဆောက်သင့်တယ်ဆိုတာ တာဝန်ရှိသူတွေ အနေနဲ့ ပြန်သုံးသပ်သင့်ပြီ”

ဇန်နဝါရီလ ၂၅ ရက်နေ့ထုတ် မော်ဒန်ဂျာနယ် အမှတ် (၃၄၃) တွင် ပါရှိသော “စစ်ရပ်ဖို့ ထုတ်ပြန်ချက် နောက်ပိုင်း ကေအိုင်အေ စခန်းနှစ်ခု အသိမ်းခံရ” သတင်းမှ ရှေ့နေဦးအောင်ထူး ၏ပြောကြားချက်အား ကောက်နှုတ်ချက်။

-----------------------------------------------------------------------------------------------------------------------------

“ကျွန်မတို့ လူမှုအဖွဲ့အစည်းတွေဆိုတာ အခြေခံလူထုနဲ့ တိုက်ရိုက်အနီးကပ် ထိတွေ့ဆက်ဆံနေရာတာ ဖြစ်တဲ့အတွက် သူတို့အခက်အခဲကို အသိဆုံးပါ။ သူတို့ဆီကပြန်ကြားတာက သမ္မတကြီးကတစ်ခုခုအမိန့်ထုတ်ပေးလိုက်ပေမယ့် ပြည်သူလူထုဆီရောက်နေတာကတစ်မျိုး ဖြစ်နေတယ်။ တစ်ခါတစ်ရံ ပြည်သူလူထု လုံးဝမသိလိုက်ဘူး”

ဇန်နဝါရီလ ၂၅ ရက်နေ့ထုတ် News Watch Journal အတွဲ (၇) အမှတ် (၈၂) တွင်ပါရှိသော “သမ္မတထုတ်ပြန်ချက် အချို့ အောက်ခြေရောက်လျှင် တစ်မျိုးဖြစ်နေကြောင်း သမ္မတတိုက်ရိုက်ပြောပြီ” သတင်းမှ ဒေါ်သန်းမြင့်အောင်၏ ပြောကြားချက်အား ကောက်နှုတ်ချက်။

-----------------------------------------------------------------------------------------------------------------------------

“ပုဒ်မ (၁၈) ဟာ မတရားဘူးလို့ယူဆတယ်။ မွေးရာပါ အခွင့်အရေးတစ်ရပ်အနေနဲ့ လွတ်လပ်စွာ ယုံကြည်ခွင့်၊ ထင်မြင်ယူဆခွင့်၊ ပြောဆိုခွင့်၊ ရေးသားခွင့်၊ ဆန္ဒဖော်ထုတ်ခွင့်ရှိတယ်။ သမ္မတဦးသိန်းစိန် မြို့နယ်ရဲတပ်ဖွဲ့ကပေးမှရတဲ့ အခွင့်အရေးမဟုတ်ဘူး။ လူတိုင်းအတွက် ဒီတောင်းဆိုမှုက မွေးရာပါ အခွင့်အရေး ဖြစ်တယ်။ နောင်လည်း ပြည်သူလူထုအတွက် လိုအပ်လို့ရှိရင် ဆန္ဒဖော်ထုတ်မယ်ဆိုရင် စာတင်ပြသွားမှာ မဟုတ်ဘူး။ ဒီမူလအခွင့်အရေးနှောင့်ယှက်တဲ့ ဥပဒေကို ဆန့်ကျင်တယ်။ ဆန္ဒဖော်ထုတ်ချိန် စာမတင်ခဲ့ရင် ဖြစ်လာနိုင်တဲ့ နောက်ဆက်တွဲပြဿနာတွေက များတဲ့အတွက် လက်ရှိသတ်မှတ်ထားတဲ့ ပုဒ်မ (၁၈) ကိုမရှိအောင်၊ ရုပ်သိမ်းသွားအောင် ဆက်လက်ကြိုးစားဆောင်ရွက်သွားမယ်။”

ဇန်နဝါရီလ ၂၅ ရက်နေ့ထုတ် မွန်းတည့်နေ ဂျာနယ် အတွဲ (၁) အမှတ် (၇) တွင် ပါရှိသော “ပုဒ်မ (၁၈) အား အယုံအကြည်မရှိသော ကြောင့် ဆန္ဒဖော်ထုတ်မှုတွေအား စာတင်ပြသွားမည် မဟုတ်” သတင်းမှ ဗကသအဖွဲ့ဝင်ဖြစ်သူ ကိုအောင်မှိုင်းဆန်း၏ ပြောကြားချက်အား ကောက်နှုတ်ချက်။

-----------------------------------------------------------------------------------------------------------------------------

“ဒါတွေပေးမှ တံခါးဖွင့်ပေးတယ်ဆိုတာမျိုးကို ကျွန်တော်တို့ အစိုးရလက်ထက်မှာ ပျောက်ကွယ်အောင် လုပ်ရမှာပေါ့။ ကျွန်တော်တို့အနေနဲ့ မြန်မာနိုင်ငံရဲတပ်ဖွဲ့နဲ့အတူ သက်ဆိုင်ရာအဖွဲ့အစည်းတွေနဲ့ တိုင်ပင်ပြီး တိတိကျကျ တိုင်ကြားလာပါက ပြင်းထန်စွာ အရေးယူဆောင်ရွက်သွားမည် ဖြစ်သည်။”

ဇန်နဝါရီလ ၂၅ ရက်နေ့ထုတ် မွန်းတည့်နေ ဂျာနယ် အတွဲ (၁) အမှတ် (၇) တွင် ပါရှိသော “တရားမဝင်မှောင်ခိုတင်သွင်းသူနှင့် ခွင့်ပြုသူနှစ်ဦးလုံးအား ထိရောက်စွာ အရေးယူမည်ဟု ဝန်ကြီးပြော” သတင်းမှ စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနပြည်ထောင်စု ဝန်ကြီး ဦးဝင်းမြင့်၏ ပြောကြားချက် အားကောက်နှုတ်ချက်။

  **************************************************************

 

 


Google Drive: create, share, and keep all your stuff in one place. Logo for Google Drive

yangonchronicle 2013
Document yangonchronicle 2013

Snapshot of the item below:
yangonchronicle 2013

 

*

*

၂၅.၁.၂၀၁၃

နေ့စဉ်ထုတ်သတင်းလွှာ

  1. လွှတ်တော်တွင်းမဲခွဲဆုံးဖြတ်မှုများတွင် ပြည်သူ့အကျိုးအတွက် လွှတ်တော်အမတ်များ ကြားနေမဲမပေးသင့်ကြောင်း တိုက်တွန်း
  2. လက်ပံတောင်းတောင်အရေး ကော်မရှင်မှ ကြားဖြတ်အစီရင်ခံစာတင်မည်
  3. မြန်မာ-တရုတ် ရေနံနှင့်သဘာဝဓာတ်ငွေ့ပိုက်လိုင်း ပြည်တွင်းစစ်ကို ကြီးထွားစေနိုင်ဟုဆို
  4.   မြန်မာ့ဆက်သွယ်ရေးလုပ်ငန်းအား အများပိုင်ကုမ္ပဏီဖွဲ့မည်

***********************************************************************************

နေ့စဉ်ထုတ်သတင်းလွှာ

လွှတ်တော်တွင်းမဲခွဲဆုံးဖြတ်မှုများတွင် ပြည်သူ့အကျိုးအတွက် လွှတ်တော်အမတ်များ ကြားနေမဲမပေးသင့်ကြောင်း တိုက်တွန်း

photo credit - internet

လက်ရှိ လွှတ်တော်တွင်းရှိလွှတ်တော်အမတ်များအနေဖြင့် လွှတ်တော်တွင်းအဆိုပြုချက်များအား မဲခွဲဆုံးဖြတ်ရာတွင် ပြည်သူများ၏ အကျိုးအတွက် ကြားနေမဲမပေးသင့်ကြောင်း ခေတ်သစ်ပြည်သူ့ပါတီမှ တာဝန်ရှိသူတစ်ဦးကပြောကြားကြောင်း သိရသည်။

လွှတ်တော်အမတ်ဆိုသည်မှာ နိုင်ငံဖွံ့ဖြိုးတိုးတက်ရေးအတွက် လွှတ်တော်တွင်းပြောဆိုပေးနိုင်ရန် ပြည်သူလူထုတစ်ရပ်လုံးမှ ယုံယုံကြည်ကြည် ဖြင့် လွှတ်တော်သို့ပို့ဆောင်လိုက်သူများဖြစ်သည့်အတွက် အဆိုပြုချက်များဆွေးနွေးရာတွင် မဲတစ်မဲ၏တန်ဖိုးကိုသိရှိ၍ ကြားနေမဲပေးခြင်းများကို ရှောင်ကြဉ်သင့်ကြောင်း ပြောကြားသည်။

လက်ရှိတွင် လွှတ်တော်နှင့်သမ္မတအကြား သဘောထားကွဲလွဲလျက်ရှိသည့် ဖွဲ့စည်းပုံအခြေခံဥပဒေဆိုင်ရာ ခုံရုံးဥပဒေကြမ်း ပြင်ဆင်ပြဋ္ဌာန်းရေး ကိစ္စရပ်နှင့်ပတ်သက်၍ လွှတ်တော်တွင် ဝေဝါးမနေဘဲ ပြတ်ပြတ်သားသားဆုံးဖြတ်နိုင်သူများ များစွာလိုအပ်ကြောင်း ၎င်းကဆက်လက်ပြောကြားသည်။

ထို့ပြင် နိုင်ငံတစ်နိုင်ငံတည်ဆောက်ရာတွင် အုတ်၊ သဲ၊ ကျောက်တို့ဖြင့် တည်ဆောက်ခြင်းမပာုတ်ဘဲ စိတ်ဓာတ်များဖြင့်သာ တည်ဆောက် သည့်အပြင် နိုင်ငံတစ်နိုင်ငံ၏ ကံကြမ္မာအလှအပကိုပုံဖော်သည့်နေရာတွင် နိုင်ငံရေးသမားများဖြင့်သာ ပုံဖော်လေ့ရှိသည့်အတွက် နိုင်ငံရေးသမားများ၏ ဝေဖန်အကြံပြု ထောက်ပြချက်များကို လွှတ်တော်အမတ်များအနေဖြင့် လက်သင့်ခံသင့်ကြောင်း ၎င်းကဆက်လက်ပြောကြားသည်။

YC

------------------------------------------------------------------------------------------------------

လက်ပံတောင်းတောင်အရေး ကော်မရှင်မှ ကြားဖြတ်အစီရင်ခံစာတင်မည်

photo credit - internet

မုံရွာခရိုင်အတွင်း မြန်မာအစိုးရ၏ ဦးပိုင်ကုမ္ပဏီလီမီတက်နှင့် တရုတ်ဝမ်ပေါင်ကုမ္ပဏီတို့မှ ပူးပေါင်း၍ဆောင်ရွက်လျက်ရှိသော လက်ပံတောင်းတောင် ကြေးနီစီမံကိန်းအတွင်း ဒေသခံများနှင့်ပဋိပက္ခဖြစ်စဉ် ဖြစ်ပွားခဲ့မှုများနှင့်ပတ်သက်၍ လက်ပံတောင်းတောင်ကြေးနီစီမံကိန်း စုံစမ်းစစ်ဆေးရေးကော်မရှင်မှ ကြားဖြတ်အစီရင်ခံစာ တင်သွင်းမည်ဖြစ်ကြောင်း သတင်းထုတ်ပြန်ချက်အမှတ် ၂/၂၀၁၂ ကိုထုတ်ပြန်ကြေညာခဲ့သည်။

လက်ပံတောင်းတောင် ကြေးနီစီမံကိန်းနှင့်ပတ်သက်၍ ကော်မရှင်မှ ထပ်မံတင်သွင်းမည့် ကြားဖြတ်အစီရင်ခံစာတွင် ကော်မရှင်၏ဆောင်ရွက်နေမှု လုပ်ငန်းများ၊ လက်ပံတောင်းတောင်၊ စံပယ်တောင်၊ ကြေးစင်တောင် သတ္တုတွင်းတူးဖော်ရေး လုပ်ငန်းဆောင်ရွက်နေမှုများနှင့်ပတ်သက်၍ သဘာဝ ပတ်ဝန်းကျင်၊ လူမှုရေး၊ ကျန်းမာရေးဆိုင်ရာကိစ္စရပ်များနှင့်ပတ်သက်၍ ကော်မရှင်၏ လေ့လာတွေ့ရှိချက်များ၊ ပညာရှင်ပေါင်းစုံပါဝင်ဖွဲ့စည်းထားသည့် မြန်မာ့ပတ်ဝန်းကျင်သိပ္ပံအဖွဲ့၏ တင်ပြတွေ့ရှိချက်များ၊ တရုတ်ဝမ်ဘောင်ကုမ္ပဏီနှင့် တွေ့ဆုံဆွေးနွေးချက်များ၊ ထိခိုက်ဒဏ်ရာရရှိသည့် ရပာန်း သံဃာများ၏ ဆေးကုသမှုနှင့်ပတ်သက်၍ ကော်မရှင်၏ ညှိနှိုင်းဆောင်ရွက်မှုများ၊ သက်ဆိုင်ရာအာဏာပိုင်များနှင့် ဆွေးနွေးချက်များ အစရှိသည်တို့ ပါဝင်မည်ဖြစ်ကြောင်း သိရသည်။

ယခုတင်သွင်းမည့် ကြားဖြတ်အစီရင်ခံစာသည် ကော်မရှင်၏လုပ်ဆောင်ချက်များ၊ တွေ့ရှိချက်များကို တင်ပြသည့်အစီရင်ခံစာသာဖြစ်ပြီး ပြည်သူလူထုသိရှိနိုင်စေရန် အသေးစိတ်အချက်အလက်များကိုမူ ကော်မရှင်၏အပြီးသတ်အစီရင်ခံစာ ထုတ်ပြန်သည့်အချိန်မှသာ ထုတ်ပြန်ပေး သွားမည်ဖြစ်ကြောင်း သိရသည်။

ထို့ပြင် လက်ပံတောင်းတောင် ကြေးနီစီမံကိန်းနှင့်ပတ်သက်၍ မြန်မာအစိုးရ၏ ဆုံးဖြတ်ချက်သည် စီမံကိန်းနှင့်ကုမ္ပဏီ၏ အကျိုးစီးပွားကို ထိခိုက်လာမည်ဆိုပါက စာချုပ်ပါအတိုင်း တရားဥပဒေလမ်းကြောင်းအရ မြန်မာအစိုးရအား တရုတ်ဝမ်ပေါင်ကုမ္ပဏီမှ တရားစွဲဆိုသွားမည်ဖြစ်သည့်အပြင် ပြည်တွင်းသို့ဝင်လာမည့် နိုင်ငံခြားရင်းနှီးမြှုပ်နှံမှုများလည်း ရပ်တန့်သွားနိုင်ကြောင်း တရုတ်ဝမ်ပေါင်ကုမ္ပဏီမှ ပြောရေးဆိုခွင့်ရှိသူတစ်ဦးက သုံးသပ်ပြောကြားခဲ့သည်။

ထို့ပြင် လက်ပံတောင်းတောင်ကြေးနီစီမံကိန်းနှင့်ပတ်သက်၍ ကော်မရှင်မှ စုံစမ်းစစ်ဆေးနေစဉ်ကာလအတွင်း တရုတ်ဝမ်ပေါင်ကုမ္ပဏီမှ ကြေးနီစီမံကိန်းထွက် အက်ဆစ်များကို ပြန်လည်အသုံးပြုခဲ့သည့်အတွက် ဒေသခံရွာသူရွာသားများ အက်ဆစ်ထိခိုက်မှုများဖြစ်ပေါ်ခဲ့ကြောင်း သတင်းများ ထွက်ပေါ်လျက်ရှိသည်။

လက်ပံတောင်းတောင် ကြေးနီစီမံကိန်းလုံးဝရပ်တန့်သွားနိုင်စေရေးအတွက် လက်ပံတောင်းတောင် ပြည်သူ့အကျိုးစီးပွားကာကွယ် စောင့်ရှောက်ရေးကော်မတီမှ နိုင်ငံတော်ထံ တင်ပြတောင်းဆိုသွားမည်ဖြစ်ပြီး စုံစမ်းစစ်ဆေးရေးကော်မရှင်ဥက္ကဋ္ဌ ဒေါ်အောင်ဆန်းစုကြည်ကလည်း လက်ပံတောင်းတောင်ကြေးနီစီမံကိန်း အစီရင်ခံစာနှင့်ပတ်သက်၍ အားလုံးကျေနပ်သည့် ရလဒ်အဖြေများထုတ်နိုင်မည်မပာုတ်သော်လည်း မှန်ကန်သည့် အတိုင်း တွေ့ရှိသည့်အတိုင်း နိုင်ငံတော်သမ္မတထံ တင်ပြပေးသွားမည်ဖြစ်ကြောင်း ပြောဆိုထားသည်။

YC

--------------------------------------------------------------------------------------------------

မြန်မာ-တရုတ် ရေနံနှင့်သဘာဝဓာတ်ငွေ့ပိုက်လိုင်း ပြည်တွင်းစစ်ကို ကြီးထွားစေနိုင်ဟုဆို

မြန်မာနိုင်ငံ ရခိုင်ပြည်နယ် ကျောက်ဖြူမြို့မှ တရုတ်နိုင်ငံ၊ ယူနန်ပြည်နယ်အထိ သွယ်တန်းထားသည့် မြန်မာ-တရုတ် သဘာဝဓာတ်ငွေ့ ပိုက်လိုင်းလုပ်ငန်းသည် ပြည်တွင်းစစ်ကို ပိုမိုကြီးထွားစေရန်အတွက် အားပေးသည့်အသွင်ဆောင်နေသည်ဟု ယင်းပိုက်လိုင်းစောင့်ကြည့်ရေး ကော်မတီက သဘောထားထုတ်ပြန်ခဲ့ကြောင်း သိရသည်။

ယင်းပိုက်လိုင်းဖြတ်သန်းသွားရာ ရှမ်းပြည်နယ်၊ နောင်ချိုမြို့နယ် နောင်ဖာကျေးရွာအတွင်း လယ်သမား ၇၀ ခန့်၏ လယ်ယာဧက ၄၅၀ ကျော်မှ လျော်ကြေးမဲ့ ဆုံးရှုံးခဲ့ရကြောင်း သိရသည်။

မြန်မာ-တရုတ် ရေနံနှင့်သဘာဝဓာတ်ငွေ့ပိုက်လိုင်းစောင့်ကြည့်ရေးကော်မတီက ၎င်းပိုက်လိုင်းစီမံကိန်းသည် မြန်မာနိုင်ငံ၏ တိုင်းနှင့်ပြည်နယ် လေးခုကို ဖြတ်သန်းသွားရသည့်အတွက် လယ်ယာမြေနှင့် စိုက်ခင်းများပျက်စီးခြင်း၊ အများပိုင်ကျေးရွာသောက်သုံးရေကန်များ၊ လမ်းများ၊ သဘာဝ ရေထွက်များနှင့် ရေထိန်းတောများ၊ ရှားပါး ရေနေ၊ ကုန်းနေသတ္တဝါများ၊ သစ်တောများ စသည့် သဘာဝပတ်ဝန်းကျင် ဂေဟစနစ်ကို များစွာ ထိခိုက်ကြောင်း၊ ထို့ပြင် လူ့အခွင့်အရေးချိုးဖောက်မှုများ၊ အလုပ်သမားအခွင့်အရေးချိုးဖောက်မှုများ၊ ကလေးသူငယ်အခွင့်အရေးချိုးဖောက်မှုများနှင့် အမျိုးသမီးများ၏ ဘဝကို ထိခိုက်သက်ရောက်မှုများဖြစ်ပေါ်စေသောကြောင့် သက်ဆိုင်ရာ ကုမ္ပဏီနှင့် တာဝန်ရှိသူတို့အနေဖြင့် အဆိုပါအခြေအနေများကို ဖြေရှင်းပေးရန် ဖော်ပြထားသည်။

ထို့ပြင် ကျောက်ဖြူမြို့နယ် ရွှေဓာတ်ငွေ့ပိုက်လိုင်းတည်ဆောက်ရေး စီမံကိန်းအတွက် မြေယာသိမ်းယူခြင်းမခံရသော်လည်း ဆောက်လုပ်ရေး လုပ်ငန်းများကြောင့် ပျက်စီးသွားသည့် လယ်ယာမြေ၊ စားကျက်မြေများအတွက် တစ်ဧကလျှင် ကျပ်သုံးသိန်းခွဲနှုန်းဖြင့် နှစ်နှစ်စာလျော်ကြေး သတ်မှတ်ထားကာ လယ်သမား ၉၀ ရှိသည့်အနက် ၅၈ ဦးသာ လျော်ကြေးရ၍ နစ်နာကြေးမရသည့် လယ်သမားများရှိနေကြောင်း သိရသည်။

မြန်မာ့ရေနံနှင့် သဘာဝဓာတ်ငွေ့လုပ်ငန်းမှ ဖွဲ့ထားသည့် မြေယာနှင့် သီးနှံလျော်ကြေးပေးရေးအဖွဲ့ကမူ ငွေကြေးအခြေအနေပေါ်မူတည်ပြီး အတိုင်းအတာနှင့်လုပ်ရခြင်းဖြစ်ကြောင်း၊ အားလုံးကို ပေးမည်ဖြစ်ကြောင်း ပြန်လည်ပြောကြားသည်။

ယင်းပိုက်လိုင်းသွယ်တန်းမှုလုပ်ငန်းမှာ ၂၀၁၃ ခုနှစ် မေလတွင် ပြီးစီးတော့မည်ဖြစ်ကြောင်း၊ လာမည့်ဇွန်လအစောပိုင်းတွင် ရေနံနှင့် သဘာဝဓာတ်ငွေ့ဖြန့်ဖြူးမှု စတင်ပြုလုပ်နိုင်တော့မည်ဖြစ်ကြောင်း တရုတ်အမျိုးသားရေနံကော်ပိုရေးရှင်းမှ ပြောကြားသည်။

ကျောက်ဖြူမြို့မှ ကူမင်းမြို့သို့ သွယ်တန်းထားသည့် ၇၇၁ ကီလိုမီတာရှည်သော ရေနံပိုက်လိုင်း ပြီးစီးသွားပါက တစ်နှစ်လျှင် ရေနံတန်ချိန် ၂၂ သန်းပို့လွှတ်ဖြန့်ဖြူးနိုင်မည်ဖြစ်ကာ ကျောက်ဖြူမြို့မှပင် ကူမင်း၊ ကိုင်ကျို့နှင့် ကျန်စီမြို့များအထိ သွယ်တန်းထားသော ၂၈၀၆ ကီလိုမီတာအရှည်ရှိသည့် သဘာဝဓာတ်ငွေ့ပိုက်လိုင်းမှာ တစ်နှစ်လျှင် ဓာတ်ငွေ့ ၁၂ ဘီလီယံ ကုဗမီတာခန့် ပို့လွှတ်နိုင်မည်ဖြစ်သည်။

YC

--------------------------------------------------------------------------------------------------

  မြန်မာ့ဆက်သွယ်ရေးလုပ်ငန်းအား အများပိုင်ကုမ္ပဏီဖွဲ့မည်

photo credit - internet

သတင်းအချက်အလက်နှင့် နည်းပညာဝန်ကြီးလက်အောက်တွင်ရှိသော မြန်မာ့ဆက်သွယ်ရေးလုပ်ငန်းကို အများပိုင်ကုမ္ပဏီအဖြစ်ပြောင်းလဲပြီး  ဆက်သွယ်ရေးကဏ္ဍဝန်ဆောင်မှုများကို တဖြည်းဖြည်းချင်း ပြောင်းလဲသွားမည်ဖြစ်ကြောင်းသိရသည်။

ယင်းသတင်းအချက်အလက်နှင့် နည်းပညာဝန်ကြီးဌာန လက်အောက်တွင် ဆက်သွယ်ရေးနှင့် ညွှန်ကြားမှုဦးစီးဌာန၊ မြန်မာ့ဆက်သွယ်ရေးနှင့် ရတနာပုံတယ်လီပို့ဟူသော ဌာနကြီးသုံးခုရှိ၍ မြန်မာ့ဆက်သွယ်ရေးလုပ်ငန်းကို အများပိုင်ကုမ္ပဏီအဖြစ်ပြောင်းမည်ဖြစ်သည်။ ထို့သို့ပြောင်းလဲထားသော မြန်မာ့ဆက်သွယ်ရေးလုပ်ငန်း၊ ရတနာပုံတယ်လီပို့နှင့် အခြားကုမ္ပဏီနှစ်ခု စုစုပေါင်း ကုမ္ပဏီလေးခုတို့က မြန်မာ့ဆက်သွယ်ရေးဝန်ဆောင်မှုကဏ္ဍကို အပြိုင်အဆိုင် နေရာယူရန် ကြိုးပမ်းကြရမည်ဖြစ်သည်။ ယင်းသို့ အပြိုင်ဝန်ဆောင်မှုပေးရန်အတွက် အခြားကုမ္ပဏီနှစ်ခုကိုလည်း တင်ဒါခေါ်ယူပြီး ဖြစ်ကြောင်းသိရသည်။

အဆိုပါအစီအစဉ်အရ ၂၀၁၃ ပထမနှစ်ဝက်အတွင်းတွင် တစ်နိုင်ငံလုံး ဆက်သွယ်ရေးကဏ္ဍ တိုးတက်ဖွံ့ဖြိုးလာမည်ဖြစ်ကြောင်း၊ ထို့ပြင် ဆက်သွယ်ရေးနှင့် အိုင်စီတီကဏ္ဍတိုးတက်ရေးအတွက် ဝန်ဆောင်မှုပေးမည့် ကုမ္ပဏီများအား ယှဉ်ပြိုင်အကောင်အထည်ဖော်နိုင်ရန် မူဝါဒများချမှတ် ဆောင်ရွက်သွားမည်ဖြစ်ကြောင်း သိရသည်။

ဆက်သွယ်ရေးဥပဒေနှင့်ပတ်သက်၍လည်း ယင်းဥပဒေကြမ်းအား လူသုံးများသော လူမှုကွန်ယက်တစ်ခုဖြစ်သည့် ဖေ့စ်ဘုတ်ပေါ်တွင် ထင်မြင်ချက်များပေးသင့်ကြောင်း၊ အစိုးရအနေဖြင့် ဖေ့ဘုတ်ပေါ်မှ ထင်မြင်ချက်များကို စောင့်ကြည့်ကာ ပြုပြင်ပြောင်းလဲမှုများ ပြုလုပ်လျှက်ရှိလာသည့် အတွက် အင်တာနက်မှတဆင့် လိုအပ်ချက်များကို ထောက်ပြသင့်ကြောင်း၊ ဆက်သွယ်ရေးဥပဒေဆိုသည်မှာ အားလုံးနှင့်သက်ဆိုင်သော ဥပဒေတစ်ခု ဖြစ်သည့်အတွက် အတည်မပြုရသေးမီ အကြံပြုတင်ပြချက်များပေးရန် လိုအပ်ကြောင်းတို့ကို ဘားကမ့် ရန်ကုန် ၂၀၁၃ တွင်ဆွေးနွေးသွားကြောင်း သိရသည်။

YC

       *************************************************************************


Google Drive: create, share, and keep all your stuff in one place. Logo for Google Drive