Transparency Myanmar

transparency.myanmar@gmail.com

INTERNATIONAL MEDIA (2)
Document INTERNATIONAL MEDIA (2)

Snapshot of the item below:
INTERNATIONAL MEDIA (2)

နိုင်ငံတကာသတင်းများ (၂)

  1. ဝါရှင်တန်တွင် မြန်မာသမ္မတ မိန့်ခွန်းပြောမည်

(AFP မှ 15.5.2013 ရက်စွဲပါ “Myanmar president to speak in Washington” သတင်းကို ဘာသာပြန်ဆိုသည်)

  1. ထားဝယ်စီမံကိန်းအတွက် အထူးလုပ်ငန်းအဖွဲ့ထူထောင်ရန် မြန်မာနှင့် ထိုင်း စီစဉ်

(Bangkok Post မှ 12 May 2013 ရက်စွဲပါ Myanmar-Thai SPV to run Dawei ops ကိုဘာသာပြန်ဆိုသည်)


ဝါရှင်တန်တွင် မြန်မာသမ္မတ မိန့်ခွန်းပြောမည်

(AFP မှ 15.5.2013 ရက်စွဲပါ “Myanmar president to speak in Washington” သတင်းကို ဘာသာပြန်ဆိုသည် )

မြန်မာနိုင်ငံမှ ပြောင်းလဲမှုများကို အမေရိကန်ပြည်ထောင်စုက အားပေးနေသည့်အလျှောက် ပေါ်ထွက်လာသော ဝါရှင်တန်ခရီးစဉ်အတွင်း တနင်္လာနေ့ ဝါရှင်တန်တွင် မြန်မာ့ပြုပြင် ပြောင်းလဲရေးဝါဒီသမ္မတက မိန့်ခွန်းပြောကြားမည်ဟု အိမ်ရှင် အမေရိကန်တို့က ဆိုပါသည်။

သမ္မတဦးသိန်းစိန်သည် တနင်္လာနေ့တွင် Johns Hopkins တက္ကသိုလ်၏ School of Advanced International Studies နှင့်အကြီးဆုံးစီးပွားရေးအသင်း US Chamber of Commerce တို့တွင် မိန့်ခွန်းပြောကြားလိမ့်မည်ဟု အဖွဲ့အစည်း နှစ်ခုလုံးမှ ပြောရေးဆိုခွင့်ရှိသူများက ပြောကြားသည်။

၁၉၆၆ ခုနှစ်က သမ္မတလင်ဒန်ဂျွန်ဆန်၏ ဖိတ်ကြားမှုဖြင့်လာရောက်သော မြန်မာအာဏာရှင်ခေါင်းဆောင် ဦးနေဝင်း ၏နောက်ပိုင်း မြန်မာအကြီးအကဲအနေဖြင့် ဝါရှင်တန်သို့ပထမဦးဆုံးလာရောက်လည်ပတ်သည့်  သမ္မတဦးသိန်းစိန်သည် ယခု ခရီးစဉ်တွင် အမေရိကန်သမ္မတ အိုဘားမားနှင့်လည်း တွေ့ဆုံ မည်ဟု မျှော်လင့်ရသည်။

အဆိုပါခရီးစဉ်နှင့် ပတ်သက်၍ ယခုလအစောပိုင်းတွင် AFP က သတင်းဖော်ပြခဲ့ပြီးနောက် ပြီးခဲ့သော တနင်္လာနေ့ တွင် မြန်မာ့ရုပ်သံက အတည်ပြုကြေညာခဲ့သော်လည်း ရက်အတိအကျ ဖော်ပြခြင်း မရှိပါ။

ကြာမြင့်စွာ ကြိုတင်ပြင်ဆင်ခဲ့ရသော ခရီးစဉ် စတင်တော့မည့်အချိန်တွင် အပူပိုင်းဆိုင်ကလုံး မဟာဆင်သည်လည်း ရိုဟင်ဂျာ ဒုက္ခသည်များ နောက်ဆုံးယာယီတဲများဖြင့်နေထိုင်ရာ ရခိုင်ပြည်နယ်သို့ဝင်ရောက်ရန် တာဆူလျှက်ရှိသည်။

ရိုဟင်ဂျာများအပေါ် ပစ်မှတ်ထားသော အကြမ်းဖက်မှုများနှင့်ပတ်သက်၍ အသစ်တဖန် ထပ်မံအပြစ်တင်နေသည့် လူ့အခွင့်ရေးအုပ်စုများက အမေရိကန်ပြည်ထောင်စုသည် မြန်မာအာဏာပိုင်များအပေါ် ဖိအားကိုဆက်ထိန်းမထားဘဲ အလျှော့ပေးမှု မြန်လွန်းနေသည်ဟု ထောက်ပြဝေဖန်လျှက်ရှိသည်။

Human Rights Watch ၏ နောက်ဆုံးအစီရင်ခံစာ တစ်စောင်တွင် “မြန်မာနိုင်ငံ၌ ရိုဟင်ဂျာတို့ လူမျိုးတုံး သန့်စင်မှု ပြုလုပ်နေကြောင်း” စွပ်စွဲတင်ပြထားသည်။

သို့သော်လည်း အိုဘားမားအစိုးရက သမ္မတဦးသိန်းစိန်၏ အတူယှဉ်တွဲနေထိုင်ရေး သဘောထားကို ချီးကျူးကြိုဆို ခဲ့ပြီး၊ ၎င်းပြဿနာများသည် ဆိုးဝါးသော်ငြားလည်း ဦးသိန်းစိန်လက်ထက် မတိုင်မီကပင် ရှိခဲ့သည်ဟု စောဒကတက်ထား သည်။

ဗိုလ်ချုပ်ဟောင်းတစ်ဦးဖြစ်သူ ဦးသိန်းစိန်သည် အာဏာရပြီး၊ လအနည်းငယ်အကြာတွင် ဒေါ်အောင်ဆန်းစုကြည် နှင့် NLD ပါတီကို တရားဝင်နိုင်ငံရေး လှုပ်ရှားခွင့်ပြုခြင်း၊ နိုင်ငံရေး အကျဉ်းသားများကို လွှတ်ပေးခြင်း၊ လူထုကန့်ကွက်သော မြစ်ဆုံတမံကို ရပ်ဆိုင်းခြင်း၊ အာဏာရှင်ဟောင်းများနှင့် ခရိုနီများက တိတ်တိတ်ပုန်းကြိတ်၍ ဟန့်တားခဲ့ကြသော တန်ဖိုးနည်း မိုဘိုင်းဖုန်းအစီအစဉ်ကို ဖြစ်မြောက်အောင် အကောင်အထည်ဖော်ခြင်းတို့ဖြင့် ပြစ်တင်ဝေဖန်သူများကို ဆက်တိုက်အံ့အား သင့်စေခဲ့သည်။

မြန်မာနိုင်ငံ၏ ပြောင်းလဲမူကိုအားပေး ထောက်ခံရန် ကတိပြုထားသော အိုဘားမားအစိုးရကလည်း ထင်သာမြင်သာ အပြောင်းအလဲများကို အသိအမှတ်ပြုသည့်အနေဖြင့် ယခင်ချမှတ်ထားသော sanctions များကို ဆက်တိုက်ဖြေလျှော့ ရုတ် သိမ်းပေးလျှက်ရှိသည်။          


ထားဝယ်စီမံကိန်းအတွက် အထူးလုပ်ငန်းအဖွဲ့ထူထောင်ရန် မြန်မာနှင့် ထိုင်း စီစဉ်

(Bangkok Post မှ 12 May 2013 ရက်စွဲပါ Myanmar-Thai SPV to run Dawei ops ကိုဘာသာပြန်ဆိုသည်)

ထားဝယ်ရေနက်ဆိပ်ကမ်းနှင့် အထူးစီးပွားရေးဇုန်တို့ကို စီမံခန့်ခွဲရေးအတွက် အထူးစီမံချက် လုပ်ငန်းအဖွဲ့(SPV) တစ်ရပ် ဖွဲ့စည်းရန် လာမည့် မေလ ၂၇ ရက်နေ့တွင် မြန်မာနှင့် ထိုင်းနိုင်ငံတို့ သဘောတူလက်မှတ် ရေးထိုးမည်ဖြစ်သည်။

အဆိုပါ သဘောတူလက်မှတ် ရေးထိုးပွဲကို မေလ ၂၆ ရက်နေ့မှ ၂၈ ရက်နေ့အထိ ထိုင်းနိုင်ငံတွင် ကျင်းပပြုလုပ်မည့် အဆင့်မြင့်ပုဂ္ဂိုလ်များ ပူးပေါင်းဆောင်ရွက်ရေး ကော်မတီဆွေးနွေးပွဲ၌ ကျင်းပပြုလုပ်သွားမည်ဖြစ်သည်ဟု ထိုင်းဝန်ကြီးချုပ် ရုံးဝန်ကြီး Niwatthamrong Bunsongphaisan ကပြောကြားသည်။ ယင်းဆွေးနွေးပွဲကို မြန်မာနိုင်ငံ ဒုတိယသမ္မတ ဦးဉာဏ်ထွန်းနှင့် ထိုင်းဘဏ္ဍာရေးဝန်ကြီး Kittirat Na Ranong တို့က ပူးတွဲကြီးမှူးကျင်းပပေးမည်ဖြစ်သည်။

SPV ကို ဦးပိုင်ကုမ္ပဏီတစ်ခုအဖြစ် တည်ထောင်မည်ဖြစ်ပြီး ထိုင်းနိုင်ငံ၏ အိမ်နီးချင်းနိုင်ငံများ စီးပွားရေးဖွံ့ဖြိုးမှု ပူးပေါင်းဆောင်ရွက်ရေး အေဂျင်စီနှင့် မြန်မာအမျိုးသားစီမံကိန်းနှင့် စီပွားရေးဖွံ့ဖြိုးရေးဝန်ကြီးဌာန လက်အောက်ရှိ နိုင်ငံပိုင် အဖွဲ့အစည်းတစ်ခုတို့က စီမံအုပ်ချုပ်သွားမည်ဖြစ်သည်။

SPV တည်ထောင်လိုက်သည်နှင့် တစ်ပြိုင်နက်တည်း အထူးစီမံချက် ကုမ္ပဏီ(SPC)များကိုလည်း ယင်းအဖွဲ့ လက်အောက်တွင် ထူထောင်သွားမည်ဖြစ်ကာ လမ်းများ၊ ရေနက်ဆိပ်ကမ်းများနှင့် အခြားသော စီမံကိန်းကြီးများတွင် ရင်းနှီး မြှုပ်နှံရေးကို စီစဉ်လုပ်ကိုင် သွားမည်ဖြစ်သည်။ အဆိုပါစီမံကိန်းများကို ထိုင်းနှင့် အခြားသောနိုင်ငံများမှ ရင်းနှီးမြှုပ်နှံသူများ က ငွေကြေးပံ့ပိုးပေးရန် စီစဉ်ထားသည်။

SPV အဖွဲ့တွင် ပူးပေါင်းပါဝင် လုပ်ကိုင်နိုင်ရေးအတွက် အခြားသော နိုင်ငံနှစ်နိုင်ငံကိုလည်း ဖိတ်ခေါ်ရန် စီစဉ်ထားသည်။ သို့သော် မည်သည့်နိုင်ငံများကို ခေါ်ယူမည်ဟူသည့် အချက်ကို ဆုံးဖြတ်မှု မပြုလုပ်ရသေးပေ။

SPV သည် ထိုင်းနိုင်ငံ၏  အကြီးဆုံးဆောက်လုပ်ရေး လုပ်ငန်းကြီးဖြစ်သည့် Italian-Thai Development Plc အတွက် စီမံခန့်ခွဲမှုဆိုင်ရာ လိုက်လျောချက် ရယူသွားမည်ဖြစ်သည်။

မည်သို့ပင်ဆိုစေ Italian-Thai အနေဖြင့် လမ်းနှင့်ဆိပ်ကမ်းများ ဖောက်လုပ်တည်ဆောက်ရေး အပါအဝင် အခြေခံ အဆောက်အဦး ဖွံ့ဖြိုးရေးလုပ်ငန်းစဉ်ကို ဆက်လက်လုပ်ကိုင်သွားမည်ဖြစ်ကြောင်း Mr Niwatthamrong ကပြောကြားသည်။


 

 


Google Drive: create, share, and keep all your stuff in one place. Logo for Google Drive

INTERNATIONAL MEDIA (1)
Document INTERNATIONAL MEDIA (1)

Snapshot of the item below:
INTERNATIONAL MEDIA (1)

ဘာသာပြန်သတင်းများ

  1. မြောက်ကိုရီးယားသည် မြန်မာနိုင်ငံမှ ဘာတွေလေ့လာသင်ယူနိုင်သလဲ

(14 May 2013 ရက်စွဲပါ CNN မှ John Kim နှင့် Daniel Freedman တို့ရေးသားသော “What North Korea could learn from Myanmar” ကို ဘာသာပြန်ဆိုပါသည်)

  1. ဆိုင်ကလုံးနီးကပ်လာစဉ် ရိုဟင်ဂျာများစက်လှေနစ်မြုပ် ပျောက်ဆုံးနေ

(The News မှ 15 May 2013 ရက်စွဲပါ “ Dozens of Rohingya Muslims missing as Cyclone looms” သတင်းကိုဘာသာပြန်ဆိုသည်)


မြောက်ကိုရီးယားသည် မြန်မာနိုင်ငံမှ ဘာတွေလေ့လာသင်ယူနိုင်သလဲ

(14 May 2013 ရက်စွဲပါ CNN မှ John Kim နှင့် Daniel Freedman တို့ရေးသားသော “What North Korea could learn from Myanmar” ကို ဘာသာပြန်ဆိုသည်)

Photo Credit By CNN

မူဝါဒ ရေးဆွဲသူများအနေဖြင့် မြောက်ကိုရီးယားနှင့်ပတ်သက်သော ရေရှည်မဟာဗျူဟာကို ရေးဆွဲရာတွင် လစ်လျူ ရှုခဲ့သည်ဟုယူဆရသော မေးခွန်းတစ်ခုမှာ မြောက်ကိုရီးယားမှမင်းဆက်သည် နောက်ထပ် မြန်မာနိုင်ငံကဲ့သို့သော နိုင်ငံတစ်ခု ဖြစ်လာမလားဆိုသည့် မေးခွန်းဖြစ်ပါသည်။

မြန်မာနိုင်ငံသည် တစ်ချိန်က အပယ်ခံနိုင်ငံဖြစ်ခဲ့ပြီး၊ ယခုအခါ လူတိုင်းကိုအံ့အားသင့်စေပြီး အနောက်နိုင်ငံ ရင်းနှီး မြှုပ်နှံသူများ၏ အိမ်မက်ပင် ဖြစ်လာစေပါသည်။ မြန်မာနိုင်ငံနှင့် မြောက်ကိုရီးယားကြားတွင် သိသာထင်ရှားသော ခြားနား မှုများရှိသော်လည်း အရှေ့တောင်အာရှ ရင်းနှီးမြှုပ်နှံသူများ ချက်ခြင်းဝင်ရောက် လာနိုင်သည့်ဆင်တူမှုများ ရှိပါသည်။ အရှေ့ တောင်အာရှ ရင်းနှီးမြှုပ်နှံသူတို့သည် မြန်မာနိုင်ငံ၏ အချိုးအကွေ့ကို မှန်ကန်စွာခန့်မှန်းနိုင်ခဲ့သလို မြောက်ကိုရီးယား၏ အနာဂါတ်ကိုလည်း အကောင်းမြင်ခဲ့ပါသည်။

မကြာသေးမီကထိ မြန်မာနိုင်ငံ၏ တစ်ခုတည်းသောမဟာမိတ် တရုတ်ဖြစ်ခဲ့ပါသည်။ နိုင်ငံတကာအသိုင်းအဝိုင်း သည် ဆယ်စုနှစ်တစ်ခုကျော်ကျော် မြန်မာနိုင်ငံအပေါ်အရေးယူမှုများ ချမှတ်ထားခဲ့ပါသည်။ သို့သော် မြန်မာအစိုးရသည် ဦး တည်ချက်ပြောင်းပြီး၊ အမေရိကန်၏ ပြုပြင်ပြောင်းလဲရေးလမ်းပြ မြေပုံများကိုထောက်ခံခဲ့ရာ အမေရိကန်သည် စက်တင်ဘာ လတွင် ပို့ကုန်ပိတ်ပင်ထားမှုများကို ရုတ်သိမ်းပေးခဲ့ပါသည်။ ယခုအခါ ဒေါ်အောင်ဆန်းစုကြည် သည်လည်း အစိုးရသစ်နှင့် ပြုပြင်ပြောင်းလဲရေး လုပ်ငန်းများတွင် အတူလုပ်ကိုင်လျက် ရှိပြီး၊ အနောက် နိုင်ငံသားများသည် ငွေထုတ်ကိုင်၍ မြန်မာနိုင်ငံ တွင် ရင်းနှီးမြှုပ်နှံရန်ရှာဖွေလျက် ရှိပါသည်။

မြန်မာနိုင်ငံသို့ ဦးလှည့်ရန် အကြောင်းပြချက်ကောင်း များစွာရှိပါသည်။

မြန်မာနိုင်ငံစိုက်ပျိုးရန် မြေသြဇာပြည့်ဝသော မြေများစွာ ရှိပါသည်။ ကျောက်မျက်ရတနာများ ရှိပါသည်။ ရေနံ၊ ဓါတ်ငွေ့၊ သတ္တုနှင့် ကျောက်မီးသွေးသိုက်များ ရှိပါသည်။ ရန်ကုန်မြို့လယ်တွက် ရုံးခန်းငှားရမ်းခများသည် တိုကျိုမြို့လယ် ထက်ကျော်လွန်သွားပြီ ဖြစ်ပါသည်။  လမ်းဘေးတွင်တောင်းရမ်း စားသောက်နေကြသော ကလေးများကပင် ရင်းနှီးမြှုပ်နှံမှု ဥပဒေကော်ပီစာအုပ်များကို ရောင်းချနေကြပြီ ဖြစ်ပါသည်။

မြန်မာနိုင်ငံ ပြုပြင်ပြောင်းလဲလာရခြင်း အကြောင်းတစ်ရပ်မှာ ခေါင်းဆောင်ပိုင်းက တရုတ်အပေါ်အလွန်အကျွံ့ မှီခို မှုများသည် အမျိုးသားလုံခြုံရေးကို အန္တရာယ်ရှိကြောင်း သဘောပေါက်လာခြင်းကြောင့် ဖြစ်ပါသည်။ အစိုးရသည် ကုန်သွယ် မှုနိုင်ငံ အများအပြားရှိလာရေးကို ဦးစားပေး၍ အခြားနိုင်ငံ အများအပြားနှင့် ဆက်ဆံရေး တိုးတက်ကောင်းမွန်အောင် စတင် လုပ်ဆောင်လာပါသည်။

တရုတ်အပေါ် အလွန်အကျွံ့မှီခိုခြင်းကိစ္စမှာ မြောက်ကိုရီးယားအတွက်လည်း ကြီးမားသောကိစ္စရပ် ဖြစ်လာနိုင်ပါ သည်။

တရုတ်သည် မြောက်ကိုရီးယားအား အကူအညီများပေးခြင်း၊ သံတမန်ရေးရာ ထောက်ခံမှုများပေးခြင်းဖြင့် ထောက် ကူပြုထားပါသည်။ နိုင်ငံခြားဆက်ဆံရေးကောင်စီ၏ အဆိုအရ တရုတ်သည် မြောက်ကိုရီးယားအား စွမ်းအင်လိုအပ်ချက် အများစု လူသုံးကုန်ပစ္စည်းများနှင့် စားနပ်ရိက္ခာလိုအပ်ချက် တစ်ဝက်နီးပါးကို ဖြည့်ဆည်းပေးနေသည်ဟု ဆိုပါသည်။ ထိုသို့ ထောက်ပံ့ပေးနေသော်လည်း၊ မြောက်ကိုရီးယား ခေါင်းဆောင်ပိုင်းသည် တစ်ခါတစ်ရံ Beijing ၏ တောင်းဆိုမှုများကို လစ်လျူရှုတက်ကြပါသည်။ မြောက်ကိုရီးယားသည် ဖေဖော်ဝါရီလက တရုတ်က လူသိရှင်ကြား တားမြစ်နေသည့်ကြားမှ တတိယအကြိမ် နျူကလီးယားစမ်းသပ်မှုကို ပြုလုပ်ခဲ့ပါသည်။

မြောက်ကိုရီးယားအပေါ် ချမှတ်သော စီးပွားရေးနှင့် နိုင်ငံရေးဖိအားများသည် အလုပ်မဖြစ်လှပေ။ အဘယ့်ကြောင့် ဆိုသော် ကိုယ့်ကိုကိုယ်အားကိုးသော ခံယူချက်ကို ဗဟိုပြုခြင်းကြောင့် ပြင်ပဖိအားများကို အနုတ်လက္ခဏာဆောင်သော တုန့်ပြန်မှုကိုသာ ပြုလုပ်စေပါသည်။ ၎င်းမှာ ရာစုနှစ်ပေါင်းများစွာ အားကောင်းသော တရုတ်နှင့် ဂျပန်အိမ်နီးချင်းများအပေါ် ရိုကျိုးခဲ့ရခြင်းကြောင့် ထွက်ပေါ်လာရသော အငုံ့စိတ်ဖြစ်ပါသည်။ အစိုးရသည်ရန်စသည်ဟု ခံစားလာရပါက ဆန့်ကျင်ဘက် ကိုသာ တုန့်ပြန်လေ့ ရှိပါသည်။

တရုတ်အတွက်မူ မြောက်ကိုရီးယား၏ လစ်လျူရှုမှုကို စိတ်ဆိုးပါသည်။ တရုတ်၏ မဟာဗျူဟာမှာ လက်ရှိ စီးပွားရေး အရ ဆက်ဆံရေးများနှင့် သတိပေးမှုကိုရောထားသည့် ဗျူဟာဖြစ်ပြီး၊ ၎င်း၏သြဇာလွှမ်းမိုးမှုမှာ မြောက်ကိုရီးယား၏ စိတ်ဓါတ် ကို ပြောင်းလဲပေးနိုင်လိမ့်မည်ဟု မျှော်လင့်၍ဖြစ်ပါသည်။ တစ်ချိန်တည်းမှာပင် မြောက်ကိုရီးယား၏ ခေါင်းဆောင်ပိုင်းသည် တရုတ်အပေါ် မှီခိုမှုတိုးလာရခြင်းကို သိလာပြီး၊ ကိုယ့်အားကိုယ်ကိုးမည့် ခံယူချက်က မြန်မာနိုင်ငံကဲ့သို့ ကွဲပြားခြားနားမှု လမ်းကြောင်းကို ပြောင်းကောင်း ပြောင်းနိုင်ပါသည်။

မြန်မာနိုင်ငံကဲ့သို့ပင် မြောက်ကိုရီးယားအပေါ် ရင်းနှီးမြှုပ်နှံသူများ ခံတွင်းတွေ့လာစေနိုင်ပါသည်။

၎င်းတွင်လည်း မထုတ်ယူရသေးသော တွင်းထွက်များကြွယ်ဝစွာရှိပြီး၊ တောင်ကိုရီးယား အစိုးရ၏ ခန့်မှန်းချက်အရ ဒေါ်လာ(၆)ထရီလီယံခန့် ရှိမည်ဟုဆိုပါသည်။ ၎င်းအတွက် ဈေးပေါသော လုပ်သား အင်အားစုရှိပြီး၊ မြန်မာနိုင်ငံထက်ပို၍ စာ တက်မှုနှုန်း ပိုမြင့်ပါသည်။

နှစ်နိုင်ငံ၏ ကြီးမားသောခြားနားချက်မှာ အနောက်နိုင်ငံများအပေါ် ပြည်သူများ၏ ခံယူချက်သဘောထား ဖြစ်ပါ သည်။

အမေရိကန်ကမြန်မာနိုင်ငံအပေါ် အရေးယူမှုများချမှတ်စဉ်က ပြည်သူများကို အမေရိကန်အားမုန်းရန် သင်ကြားပေး ခဲ့ခြင်းမရှိပေ။ သို့သော် မြောက်ကိုရီးယားတွင် ဝါဒဖြန့်မှုများ မှန်မှန်ပြုလုပ်မှုကြောင့် အမေရိကန်အပေါ် အနုတ်လက္ခဏာ ဆောင်သော အမြင်များ ရှိလာပါသည်။ သို့သော် မကြာသေးမီက Google ဥက္ကဋ္ဌ Eric Schmidt နှင့် NBA နာမည်ကျော် Dennis Rodman တို့ မြောက်ကိုရီးယားသို့ သွားရောက်ခဲ့ခြင်းမှ အမေရိကန်အပေါ် နှစ်သက်မှု ရှိနေသေးကြောင်း ပြသပြီး၊ ပါဝါအပျော့ထည်ဖြင့် သြဇာလွှမ်းမိုးနိုင်သေးကြောင်း တွေ့ရပါသည်။

နိုင်ငံခြားရေးရာဝန်ကြီးဌာနက Schmidt ကို သွားရောက်ရန် အချိန်ကျနေပြီဟု ပြသနေသော်လည်း၊ အချိန်ကိုက် ဖြစ်မှုသည်အထောက်အကူ ပြုလှသေးသည်မဟုတ်ကြောင်းဝေဖန်ခဲ့ပါသည်။ ကမ္ဘာ့စာမျက်နှာတွင် အမေရိကန်နှင့်ထိပ်တိုက် စကားပြောမှုများ ရှိနေမည့်အချိန်တွင်ပင် အမေရိကန်စီးပွားရေးကိုယ်စားလှယ်မှာ မြောက်ကိုရီးယားနိုင်ငံအတွင်းတွင် အရေး ပါနေမည် ဖြစ်ပါသည်။

ပါဝါအပျော့ထည် မဟာဗျူဟာသည်တင်းမာမှုများ မြင့်တက်နေသည့်အချိန်တွင် ကျင့်သုံးရန်ခက်ခဲပါသည်။ မြောက် ကိုရီးယားသည် ဖေဖော်ဝါရီလက နျူကလီးယား စမ်းသပ်မှုပြီးကတည်းက အာရှရှိ အမေရိကန် အခြေခံစစ်စခန်းများကို တိုက် ခိုက်မည်ဟု ခြိမ်းခြောက်လျက်ရှိပါသည်။ ၎င်းသည် တောင်နှင့်မြောက် ပူးတွဲစက်မှုဇုန် Kaesong ကိုပိတ်ပစ်ခဲ့ပြီး၊ တောင်ကို ရီးယားနှင့် စစ်အခြေအနေဟု ကြေညာခဲ့ပါသည်။ ၎င်းတို့မှာလစ်လျူရှု၍မရနိုင်သော လုပ်ဆောင်မှုများဖြစ်ပါသည်။ သို့သော် တုန့်ပြန်မှုပြုလုပ်ရန်စဉ်းစားလျှင်မူ ခေါင်းဆောင်ပိုင်းကမည်သို့ စဉ်းစားနေသည်ဆိုသည်နှင့် အနာဂတ်တွင် မည်သို့ ဖြစ်လာ နိုင်သည်ကို နားလည်ရန်အရေးကြီးပါသည်။

တစ်ချိန်တည်းမှာပင် အရှေ့တောင်အာရှမှ ရင်းနှီးမြှုပ်နှံသူများက တရုတ်-မြောက်ကိုရီးယား ဆက်ဆံရေးကို အနီး ကပ် ကြည့်ရှု့နေကြပါသည်။ မြောက်ကိုရီးယားသည် မြန်မာနိုင်ငံမှ တန်ဖိုးမဖြတ်နိုင်သော သင်ခန်းစာများကို လေ့လာနိုင်ပါ သည်။


ဆိုင်ကလုံးနီးကပ်လာစဉ် ရိုဟင်ဂျာများစက်လှေနစ်မြုပ် ပျောက်ဆုံးနေ

( The News မှ 15 May 2013 ရက်စွဲပါ “ Dozens of Rohingya Muslims missing as Cyclone looms” သတင်းကိုဘာသာပြန်ဆိုသည်)

Photo Credit By The News

ခနော်ခနဲ့ ယာယီဒုက္ခသည်စခန်းများ ရှိရာဒေသကို ဆိုင်ကလုံးမုန်တိုင်းဝင်ရန် နီးကပ်လာမူကြောင့် ထွက်ပြေးရင်း စက်လှေ နစ်မြုပ်သွားသူ ရိုဟင်ဂျာမွတ်ဆလင် ၅၈  ဦးကို ကယ်ဆယ်ရေးဝန်ထမ်းများက ရှာဖွေနေကြောင်း နိုင်ငံပိုင်ရုပ်သံက ထုတ်လွှင့်ကြေညာသည်။

တနင်္လာနေ့က ကျောက်ဆောင်နှင့်တိုက်ပြီး နစ်မြုပ်သွားခဲ့သော စက်လှေသည် ရခိုင်ပြည်နယ် ပေါက်တောမြို့နယ် ဒုက္ခသည်စခန်းတစ်ခုမှ ကုန်းမြင့်ပိုင်းဆီသို့ထွက်ပြေးရန် ကြိုးစားသူရိုဟင်ဂျာများကို တင်ဆောင်လာသော စက်လှေ ၇ စီး အနက်မှ တစ်စီးဖြစ်သည်ဟု သိရှိရသည်။

၄၂ ဦးကို ကယ်ဆယ်နိုင်ခဲ့ပြီး ၅၈ ဦး ပျောက်ဆုံးနေဆဲ ဖြစ်ကြောင်း၊ ရှာဖွေရေးလုပ်ငန်းများ ဆက်လက်ဆောင်ရွက် နေကြောင်း သတင်းများက ဆိုပါသည်။

နှစ်ကြိမ်နှစ်ခါ အကြမ်းဖက်အဓိကရုဏ်းကြောင့် အိုးမဲ့အိမ်မဲ့ဖြစ်ရသူ ရိုဟင်ဂျာအများစု အပါအ၀င် ဒုက္ခသည် ၁၄၀၀၀၀ ခန့်နေထိုင်ရာ ရခိုင်ပြည်နယ်သည် ဆိုင်ကလုံးမုန်တိုင်းဝင်မည့် အန္တရာယ်ကို ရင်ဆိုင် နေရသည်။

“ဘင်္ဂလားပင်လယ်အော်တွင် ဗဟိုပြုရင်း အရှေ့မြောက်ဖက်သို့ ကွေ့နေသော မဟာဆင်မုန်တိုင်းသည် ကြာသ ပတေးနေ့တွင် မြန်မာဘင်္ဂလားဒေ့ရှ် နယ်စပ်ကမ်းခြေသို့ဝင်လာမည်ဟု မြန်မာမိုးလေ၀သဌာနက ထုတ်ပြန်ကြေငြာထား သည်။

လူမျိုးရေးအဓိကရုဏ်း နှစ်ကြိမ်ဖြစ်ပွားခဲ့ခြင်းကြောင့် ခုတ်ဖြတ်ကြေမွသွားသော ရခိုင်ပြည်နယ်၏ လူသားချင်းစာနာ ကူညီရေး ပြဿနာကို ပိုမိုဆိုးဝါးအောင် ယခုဆိုင်ကလုံးက ခြိမ်းခြောက်လျက်ရှိသည်။

 

အဆိုပါဒေသတစ်ဝိုက်မှ လူဦးရေသန်းနှင့်ချီသော ပြည်သူများ မုန်တိုင်းဒဏ်ခံရဖွယ် ရှိကြောင်း၊ ဂျီနီဗာအခြေစိုက် ကုလသမဂ္ဂဒုက္ခသည် အေဂျင်စီက သတိပေးထားပြီး ၊ အထူးသဖြင့် ၃ နေရာခန့်မှ ဒုက္ခသည် ၆၉၀၀၀ ခန့်မှာ အန္တရာယ် ရှိကြောင်း နောက်ဆုံးခန့်မှန်း ပြောဆိုထုတ်ပြန်ထားသည်။

အာဆီယံသဘာဝ ဘေးအန္တရာယ် ကယ်ဆယ်ရေးအဖွဲ့ကလည်း “ပေါက်တောမြို့နယ်ရှိ လယ်ကွင်းများထဲမှ ဒုက္ခ သည်စခန်းများသည် ရေလှိုင်းတက်လာပါက နစ်မြုပ်သွားဖွယ်ရှိသဖြင့် အဆိုပါအိုးအိမ်မဲ့ဒုက္ခသည်  ၁၇၀၀၀ ခန့်မှာ အထူး သဖြင့် ဘေးဒဏ်သင့်ခံရဖွယ် ရှိကြောင်း” နောက်ဆုံးသတိပေးချက် ထုတ်ပြန်ထားသည်။

စစ်တွေအနီး ရိုဟင်ဂျာ ဒုက္ခသည်စခန်းတစ်ခုမှ ဦးမောင်မောင်က အာဏာပိုင်တွေက “သတင်းအချက်အလက်နဲ့ အကူအညီတစ်ချို့ ပေးပါတယ်။ ဒါပေမယ့် ကျွန်တော်တို့ မိုးရေထဲမှာ နေထိုင်နေရတုန်းပဲ” ဟု ပြောကြားသည်။

အချို့သော ရိုဟင်ဂျာများကလည်း လက်ရှိ ဒုက္ခသည်စခန်းနေရာမှ ရွှေ့ပြောင်းလိုခြင်းမရှိကြဟု သိရှိရသည်။

မြန်မာအာဏာပိုင်များအနေဖြင့် ကြိုတင်ကာကွယ်ရေး အစီအမံများကို အရှိန်မြှင့် လုပ်ဆောင်နေသော်ငြားလည်း လုံ လောက်မှုမရှိကြောင်း၊ ယခုနှစ် မုတ်သုံရာသီတွင် ဒုက္ခသည်စခန်းများ အန္တရာယ်ရှိနိုင်သည်ဟု လအတန်ကြာ ကြိုတင်သတိ ပေးခဲ့သော်လည်း ဆောင်ရွက်မူများ နောက်ကျလွန်းကြောင်း  နိုင်ငံတကာ အကဲခတ်အချို့က မှတ်ချက်ပေးကြသည်။                                                                    

Human Rights Watch မှ အာရှရေးရာ ဒါရိုက်တာ ဘရက်အဒမ်က “အခုလို ကြိုတင် သတိပေးထားရက်နဲ့ အစိုးရ ဘက်ကနှောင့်နှေးမူကြောင့် စောင့်ရှောက်ကယ်ဆယ်ဖို့ ပျက်ကွက်ခဲ့တယ်ဆိုရင် ဒီဘေးအန္တရာယ်က သဘာဝ မဟုတ်တော့ ဘူး၊ လူလုပ်တာဖြစ်သွားပြီ” ဟု ပြောဆိုခဲ့သည်။



Google Drive: create, share, and keep all your stuff in one place. Logo for Google Drive