Transparency Myanmar

transparency.myanmar@gmail.com

Quote & Comment and News in brief
Document

Snapshot of the item below:
Quote & Comment and News in brief

သတင်းဆောင်းပါးမှ ကောက်နှုတ်ချက်များ

 

“အဓိကအားဖြင့် အသေးစားနဲ့အလတ်စား လုပ်ငန်းတွေ၊ လယ်ယာစိုက်ပျိုးရေးနဲ့ အခြားအရေးကြီးတဲ့ ကဏ္ဍတွေမှာ ကျွန်တော်တို့နိုင်ငံ တိုးတက်လာဖို့အတွက် အားပေးချင်ပါတယ်။ ဒါ ဘာ့ကြောင့်လဲဆိုတော့ နိုင်ငံတကာရင်းနှီးမြှုပ်နှံသူတွေက ကမ်းလှမ်းလာချိန်မှာ ပြည်တွင်းစီးပွားရေးကိုလည်း ခိုင်မာအောင် လုပ်ပေးချင်တဲ့အတွက် ပြည်ပရင်းနှီးမြှုပ်နှံမှု ဥပဒေကို ပြဋ္ဌာန်းထားပေမယ့်  ဒါဟာ စင်းလုံးချော ကောင်းတယ်လို့တော့ မဆိုလိုပါဘူး။ လိုအပ်တဲ့ ပြုပြင်မှုတွေကိုလည်း ဆောင်ရွက်ဖို့ လွှတ်တော်က အဆင်သင့်ရှိရပါတယ်။”

ဇွန်လ ၈ ရက်နေ့ထုတ် ရွှေနိုင်ငံသစ် နေ့စဉ်ထုတ်သတင်းစာတွင် ပါရှိသော “ပြုပြင်ပြောင်းလဲရေးအတွက် ပေါ်ပေါက်လာသော လွှတ်တော်ဖြစ်တယ် နောက်ပြန်မလှည့်ရေးအတွက် ဖေးမကူညီချင်တယ်” သတင်းမှ ပြည်သူ့လွှတ်တော် ကိုယ်စားလှယ် သူရဦးရွှေမန်း၏ ပြောကြားချက်အားကောက်နှုတ်ချက်။


“လက်ရှိအချိန်မှာ ကရင်ပြည်နယ်အတွင်းရှိ လက်နက်ကိုင်အဖွဲ့အစည်းများနဲ့ အစိုးရ၏ အပစ်အခတ်ရပ်စဲရေး အတွက် ဆွေးနွေးညှိနှိုင်းမှုများစွာ ပမာဏအဆင့်သာရှိပြီး အပစ်အခတ်ရပ်စဲရေး ပိုမိုခိုင်မာ စွာ ဆောင်ရွက်ကာ နိုင်ငံရေးအဆင့် ဆွေးနွေးနိုင်ရေးတို့ ဖြစ်ပေါ်လာရန်အတွက် ကော်မတီမှ တိုက်တွန်းထားပါတယ်။”

ဇွန်လ ၁၀ ရက်နေ့ထုတ် Express Times Journal အတွဲ (၃) အမှတ် (၁၃) တွင်ပါရှိသော “ငြိမ်းချမ်းရေးလုပ် ငန်းစဉ် ထိခိုက်နိုင်သည့် သယံဇာတတူးဖော်ခြင်းနှင့်အကြီးစားစီမံကိန်းများကို ကန့်ကွက်ကြောင်းထုတ်ပြန်” သတင်းမှ ကရင်အမျိုးသားစည်းလုံးညီညွတ်ရေး နှီးနှောဖလှယ်ပွဲ ကျင်းပရေး ကော်မတီမှ ကော်မတီအဖွဲ့ဝင် နော်စူစန်နာလှလှစိုး၏ ပြောကြားချက်အားကောက်နှုတ်ချက်။


“ပြည်သူလူထုရဲ့ဘဝဟာ အခုထိဘယ်လိုမှ ပြောင်းလဲမှုမရှိသေးပါဘူး။ သာမန် လူတန်းစားတစ်ယောက်ကို သွားမေးမယ် ဆိုရင် လမ်းမပေါ်မှာ ကားတွေပိုများလာတာကို ပြောလိမ့်မယ်။ ဒါလူအများစုအတွက် လုပ်နိုင်တဲ့ လက်လှမ်းမှီတဲ့ အရာတွေ မဟုတ်ပါဘူး။ ကျွန်မတို့ မြန်မာနိုင်ငံရဲ့ လူဦးရေ ၆၀ ရာခိုင်နှုန်းဟာ ဒါတွေကို လက်လှမ်းမမှီပါဘူး။ လိုချင်တဲ့ ပြုပြင်ပြောင်းလဲမှုဟာ ကျေးလက်နေလူတန်းစားနဲ့ မြို့ပြင်နေဆင်းရဲတဲ့ လူတန်းစားတွေရဲ့ ဘဝပြုပြင်ပြောင်းလဲရေးကို လိုချင်တာ။ ပြုပြင်ပြောင်းမှုဟာ ဖြစ်သင့်သလောက် မကျယ်ပြန့်သေးဘူး။ ဘယ်လောက်ကြာကြာ စောင့်နေရမှာလဲ။ အဲတော့ ကျွန်မတို့က ဒီပြုပြင်ပြောင်းလဲမှုပေါ်မှာ ယုံကြည်မှုကို မပျောက်ကွယ် သွားစေချင်ပါဘူး။”

ဇွန်လ ၁၀ ရက်နေ့ထုတ် Street View Journal အတွဲ (၂) အမှတ် (၂၁) တွင်ပါရှိသော “ကျေးလက်နေ လူတန်းစားနဲ့ မြို့ပြင်နေဆင်းရဲတဲ့လူတန်းစားတွေ၏ ဘဝပြုပြင်ပြောင်းလဲရေးကို လိုချင်ကြောင်းဆို” သတင်းမှ ဒေါ်အောင်ဆန်းစုကြည်၏ ပြောကြားချက် အားကောက်နှုတ်ချက်။


“အားနည်းချက်ကလုပ်ငန်းရှင်တွေပဲ တွေ့ခဲ့ရတယ်။ တိုက်ရိုက်ခံစားရမယ့် အလုပ်သမားကိုယ်စားလှယ်တွေ ပါဝင်ခဲ့တာ မရှိဘူး။ အလုပ်သမားသမဂ္ဂ တွေလည်းမပါဘူး။ တောင်သူလယ်သမားအဖွဲ့တစ်ဖွဲ့ပဲ ပါတယ်။ လုပ်ထုံး၊လုပ်နည်းအရ လာ ဆွေးနွေးတဲ့ပွဲ သွားဖြစ်နေတယ်။”

ဇွန်လ ၈ ရက်နေ့ထုတ် 7 Days နေ့စဉ်ထုတ်သတင်းစာတွင်ပါရှိသော “အနည်းဆုံးအခကြေးငွေ နည်းဥပဒေ မူကြမ်း ဆွေးနွေးပွဲအလုပ်သမား ကိုယ်စားလှယ်များမပါ” သတင်းမှ ၈၈ မျိုးဆက် ကျောင်းသားဟောင်းများ အဖွဲ့မှ ဦးအောင်သူ၏ ပြောကြားချက်အားကောက်နှုတ်ချက်။


“၂၀၁၅ မှာ ပါတီတစ်ခုတည်းကပဲ တစ်နိုင်ငံလုံး အတိုင်းအတာအရနိုင်မယ့် အနေအထားမရပါဘူး။ ကြံခိုင်ရေးပါတီလည်း အနိုင်ရအောင်ကြိုးစားမှာပဲ။ နောက်ပြီး တိုင်းရင်းသားပါတီတွေလည်း ရှိတယ်။ ဒါ့အပြင် ကျွန်တော်တို့လို တခြားပါတီတွေ လည်းရှိနေတော့ ဒီမိုကရက်တစ်အင်အားစုက သူ့အပေါ်အာရုံကျပြီး ဝိုင်းထောက်ခံပေးရင်တော့ ဖြစ်ကောင်းဖြစ်နိုင်တယ်။ လာမယ့် ရွေးကောက်ပွဲအပြီးမှာ အစိုးရတောင် ညွန့်ပေါင်းအစိုးရပဲ ဖွဲ့နိုင်မယ့်  အနေအထားပဲရှိတဲ့အတွက် ဖြစ်နိုင်မယ် မထင်ပါဘူး။”

ဇွန်လ ၈ ရက်နေ့ထုတ် ပြည်မြန်မာ နေ့စဉ်ထုတ်သတင်းစာတွင် ပါရှိသော “၂၀၁၅ ရွေးကောက်ပွဲတွင် ဒေါ်အောင်ဆန်းစုကြည် သမ္မတဖြစ်နိုင်၊ မဖြစ်နိုင်ခြင်းအပေါ် လွန်ဆွဲမှုများ ဖြစ်ပေါ်နေ” သတင်းမှ အမျိုးသား ဒီမိုကရေစီအင်အားစုပါတီ (NDF) ဥက္ကဋ္ဌဦးခင်မောင်ဆွေ၏ ပြောကြားချက်အား ကောက်နှုတ်ချက်။


သတင်းတိုများ

မြစ်ဆုံစီမံကိန်း အပြီးတိုင်ရပ်ဆိုင်းရန် ၈၈ အဖွဲ့ ကုမ္ပဏီကို တောင်းဆို

              တရုတ်နိုင်ငံရောက် ၈၈ မျိုးဆက်ကျောင်းသားများက ခန့်မှန်းရင်းနှီးမြှုပ်နှံငွေ အမေရိကန်ဒေါ်လာ သန်းပေါင်း ၃,၆၀၀ ခန့်ရှိသည့် မြစ်ဆုံရေအားလျှပ်စစ် စီမံကိန်း စီမံကိန်းတွင် အဓိက ရင်းနှီးမြှုပ်နှံသည့် China Power Investment ကုမ္ပဏီနှင့် ဇွန်လ ၆ ရက်နေ့က တရုတ်နိုင်ငံ ယူနန်ပြည်နယ်၌ တွေ့ဆုံဆွေးနွေးစဉ် အပြီးတိုင် ရပ်ဆိုင်းပေးရန် တောင်းဆိုခဲ့ကြောင်း ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း) ၏ သတင်းထုတ်ပြန်ချက်အရ သိရသည်။


ကမ္ဘာ့စီးပွားရေးဖိုရမ် ကျင်းပနိုင်ခြင်းက ကမ္ဘာတွင် မြန်မာဝင်ဆံ့လာခြင်း ဖြစ်ကြောင်း နိုင်ငံတော် သမ္မတ ဦးသိန်းစိန် ပြောကြား

နိုင်ငံတော်သမ္မတ ဦးသိန်းစိန်က အရှေ့အာရှ၏ ကမ္ဘာ့စီးပွားရေးဖိုရမ်ကို မြန်မာနိုင်ငံတွင် လက်ခံကျင်းပနိုင်ခြင်းသည် ကမ္ဘာ့မိသားစုဝင် နိုင်ငံတစ်နိုင်ငံအဖြစ် ဝင်ဆံ့သည့် အနေအထားသို့ ရောက်ရှိလာခြင်းကို ပြသခြင်းဖြစ်ကြောင်း ကမ္ဘာ့စီးပွားရေးဖိုရမ် နောက်ဆုံးနေ့တွင် ပြုလုပ်သည့် ဖိလစ်ပိုင်သမ္မတ အကွီနိုနှင့် အထူးစကားပြော အစီအစဉ်တွင် ပြောကြားသွားခဲ့သည်ဟု သိရသည်။


 

အကြမ်းဖက်မှုများ ဆက်ဖြစ်နေပါက မလေးရှားသို့ လုပ်သားစေလွှတ်မှု ရပ်ဆိုင်းမည်ဟု အလုပ်သမား ဒုဝန်ကြီးပြော

မြန်မာနိုင်ငံတွင် ဖြစ်ပေါ်နေသော ပဋိပက္ခများကြောင့် မလေးရှားနိုင်ငံရောက် မြန်မာနိုင်ငံသားများ အပေါ် အကြမ်းဖက်မှုများ ခံနေရပြီးနောက် အဆိုပါအကြမ်းဖက်မှုများ ဆက်လက်ဖြစ်ပွားနေပါက မလေးရှားနိုင်ငံသို့ အလုပ်သမား  စေလွှတ်မှုများ ရပ်ဆိုင်းသွားမည်ဖြစ်ကြောင်း အလုပ်သမားရေးရာဝန်ကြီးဌာန ဒုတိယဝန်ကြီး ဦးမြင့်သိန်း၏ ပြောဆိုချက်အရ သိရသည်။ မေလ ၃၀ ရက်မှ ဇွန်လ ၄ ရက်အထိ ဆလန်းဂါးပြည်နယ် အချို့နေရာနှင့် ကွာလာလမ်ပူမြို့တို့တွင် မြန်မာနိုင်ငံသားများနှင့် မလေးရှားဒေသခံများသည် အနည်းဆုံး ခုနစ်ကြိမ် တိုက်ခိုက်မှုများ ဖြစ်ပွားခဲ့ပြီး ယခုအချိန်ထိ မြန်မာနိုင်ငံသား လေးဦးသေဆုံးခဲ့ပြီး ခုနစ်ဦး ဒဏ်ရာရရှိကာ ၁,၀၀၀ ကျော် ဖမ်းဆီးခံထားရ ကြောင်း သိရှိရသည်။


လျှပ်စစ်စွမ်းအင် အရေးတကြီး လိုအပ်နေကြောင်း ကမ္ဘာ့စီးပွားရေးဖိုရမ် စွမ်းအင်ဆွေးနွေး ပွဲတွင် ထောက်ပြ

နေပြည်တော်၌ ကျင်းပပြုလုပ်သော ၂၂ ကြိမ်မြောက် အရှေ့အာရှဆိုင်ရာ ကမ္ဘာ့စီးပွားရေးဖိုရမ်မှ စွမ်းအင်ကဏ္ဍနှင့် ပတ်သက်၍ အကြံပြုချက် (၁၇) ချက်ပါဝင်သော အစီရင်ခံစာ ထုတ်ပြန်ခဲ့သည်ဟု  သိရသည်။ အဆိုပါအစီရင်ခံစာတွင်  မြန်မာနိုင်ငံလူဦးရေ၏ ၇၄ ရာခိုင်နှုန်းသည် လျှပ်စစ်စွမ်းအင် သုံးစွဲနိုင်ခြင်းမရှိသည့် မြန်မာနိုင်ငံတွင် စီးပွားရေးကဏ္ဍ ဖွံ့ဖြိုးတိုးတက်ရေးအတွက် လျှပ်စစ်စွမ်းအင်ပမာဏ အရေးတကြီးလိုအပ်နေကြောင်း ထောက်ပြခဲ့ပြီး  ကမ္ဘာ့စီးပွားရေးဖိုရမ် စွမ်းအင်လုပ်ငန်းများဆိုင်ရာဌာန  အကြီးတန်းဒါရိုက်တာ မစ္စတာ Roberto Boca ကလည်း မြန်မာနိုင်ငံသည် ကမ္ဘာ့ စီးပွားရေးတွင် အရေးပါသည့်နေရာကို ရယူနိုင်ရန် သမိုင်းဝင်အခွင့်အရေးတစ်ခုကို ရရှိထားပြီးဖြစ်ကြောင်း မြန်မာစွမ်းအင် ကဏ္ဍသည် နိုင်ငံစီးပွားရေး ရေရှည်ဖွံ့ဖြိုးတိုးတက်ရန် အရေးကြီးသည့် ကဏ္ဍမှပါဝင်နေကြာင်း ပြောဆိုသွားခဲ့သည်။


Microsoft ကုမ္ပဏီ ပြည်တွင်းဈေးကွက်သို့ စ၀င်

ကမ္ဘာ့အကြီးဆုံး Software ထုတ်လုပ်သူအဖြစ် သတ်မှတ်ခံထားရသည့် Microsoft ကုမ္ပဏီ၏ ထိပ်တန်း ခေါင်းဆောင်များ မြန်မာနိုင်ငံသို့ ရောက်ရှိနေစဉ် ပြည်တွင်းနည်းပညာ ကုမ္ပဏီတစ်ခု ဖြစ်သည့် MIT နှင့် ပူးပေါင်း၍ မြန်မာနိုင်ငံသို့ စတင်ဝင်ရောက်ပြီ ဖြစ်ကြောင်း ဇွန်လ ၆ ရက်နေ့တွင် Microsoft ကုမ္ပဏီ၏ အတည်ပြုပြောကြားချက်အရ သိရသည်။ Microsoft ကုမ္ပဏီ၏ Corporate Vice President ဖြစ်သူ Dan’l Lewin ဦးဆောင်သည့်အဖွဲ့သည် နေပြည်တော်တွင် ကျင်းပသည့် အရှေ့အာရှဆိုင်ရာ ကမ္ဘာ့စီးပွားရေးဖိုရမ်သို့ လာရောက်သည့် ခရီးစဉ်အတွင်း MIT ကို Microsoft ၏ မြန်မာနိုင်ငံဆိုင်ရာ ပထမဆုံးဈေးကွက် ဖွံ့ဖြိုးမှု မိတ်ဖက်သစ်အဖြစ် ရွေးချယ်လိုက်ကြောင်း ကြေညာ ခဲ့ခြင်းဖြစ်သည်။ Myanmar Information Technology Co.,Ltd (MIT) သည် မြန်မာနိုင်ငံရှိ အစိုးရဌာနများ၊ ကျန်းမာရေး၊ ငွေကြေးနှင့် ဘဏ်လုပ်ငန်းကဏ္ဍများတွင် နည်းပညာများ ပေးအပ်လျက်ရှိပြီး ဝန်ထမ်းပေါင်း ၃၀၀ ကျော် ရှိသည့် ပြည်တွင်း ကုမ္ပဏီကြီး တစ်ခုဖြစ်သည်။


ဂျပန်က မြန်မာနိုင်ငံကို ဖွံ့ဖြိုးရေးချေးငွေ ကန်ဒေါ်လာ ၅၂၈ သန်းကျော် ပေးအပ်

မြန်မာနိုင်ငံဖွံ့ဖြိုးရေးအတွက် ထောက်ပံ့မှုများစွာ ပေးအပ်နေသော ဂျပန်နိုင်ငံက ဖွံ့ဖြိုးရေးစီမံကိန်း လုပ်ငန်းသုံးရပ် အတွက် ချေးငွေ ဂျပန်ယန်း ၅၂ ဒသမ ၀၅၂ ဘီလီယံ (အမေရိကန်ဒေါ်လာ ၅၂၈ သန်းကျော်) ကို ပေးအပ်ရန် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) နှင့် မြန်မာအစိုးရတို့ ဇွန်လ ၇ ရက်နေ့တွင် လက်မှတ်ရေး ထိုးလိုက်ကြောင်း ဂျပန်အစိုးရ၏ ထုတ်ပြန်ချက်အရ သိရသည်။ အဆိုပါ နှစ်ရှည်ချေးငွေမှာ နှစ်ပေါင်း ၅၂ နှစ်အတွင်း ပထမဆုံး ပြန်လည်ပေးအပ်သည့် ချေးငွေအစီအစဉ် ဖြစ်ကြောင်း၊ ဇန်န၀ါရီလတွင် လက်မှတ်ရေး ထိုးခဲ့သည့် ချေးငွေများမှာ ကြွေးဟောင်းများကို ရှင်းလင်းရန် အကူအညီပေးသည့် ချေးငွေများ ဖြစ်ကြောင်း ၊ ယခုချေးငွေသည် အစီအစဉ်သစ် ဖြစ်ပြီး JICA ၏ ဖွံ့ဖြိုးရေးချေးငွေ အစီအစဉ် ပြန်လည်စတင်ခြင်းနှင့် ဂျပန်နိုင်ငံ၏ ပူးပေါင်းဆောင်ရွက်ရေး အစီအစဉ်သစ်များ မြန်မာနိုင်ငံတွင် အပြည့်အဝ ပြန်လည်လုပ်ဆောင်တော့မည့် ခြေလှမ်းတစ်ရပ်လည်းဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားချက်အရ သိရှိရသည်။


ပြည်ပ ဖက်စပ်အထည်ချုပ်လုပ်ငန်း ၁၃ ခု ထပ်မံခွင့်ပြု

ထိုင်း၊ မလေးရှားနှင့် ကိုရီးယားနိုင်ငံတို့မှ ရင်းနှီးမြှုပ်နှံသူများ ပါဝင်သော လက်ခစား အထည်ချုပ်လုပ်ငန်း ၁၃ ခုကို ခွင့်ပြုထားကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ထုတ်ပြန်ချက်များအရ သိရသည်။ အဆိုပါ ထုတ်ပြန်ချက်တွင် ရင်းနှီးမြှုပ်နှံမှု ကော်မရှင်က ၂၀၁၃ ခုနှစ် ဇန်န၀ါရီလမှ မေလအတွင်း ပြည်ပ အထည်ချုပ်လုပ်ငန်း ၁၃ ခုကို ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ပဲခူးတိုင်းဒေသကြီးတို့တွင် လုပ်ကိုင်ခွင့်ပြုထားကြောင်း ဖော်ပြထားပြီး ခွင့်ပြုခဲ့သည့် အထည်ချုပ်လုပ်ငန်းများတွင် မြန်မာ့စီးပွားရေး ဦးပိုင်လီမိတက်နှင့် ကိုရီးယားနိုင်င့ Inno ကုမ္ပဏီလီမိတက်တို့ ဖက်စပ်လုပ်ကိုင်မည့် Myanmar Inno International Limited အထည်ချုပ်လုပ်ငန်း ပါဝင်ကြောင်း သိရသည်။



Google Drive: create, share, and keep all your stuff in one place. Logo for Google Drive

INTERNATIONAL MEDIA (2)
Document

Snapshot of the item below:
INTERNATIONAL MEDIA (2)

နိုင်ငံတကာသတင်းများ (၂)

မြန်မာအုပ်စုများအကြား လတ်တလောအကြမ်းဖက်မှု ပြဿနာတွင် ဒုက္ခသည်များ မပါဝင်ကြောင်း UNHCR ပြောကြား

(The Star News မှ 8 June 3013 ရက်စွဲပါ “UNHCR: No Refugees involved in recent cases of Myanmar Group violence”သတင်းကို ဘာသာပြန်ဆိုသည်)

မလေးရှားနိုင်ငံ ကလန်းဗယ်လီတွင် မြန်မာလူမျိုးစုများအကြား လတ်တလော အကြမ်းဖက်တိုက်ခိုက်မှုများ ဖြစ်ပွားရာတွင် ဒုက္ခသည် အထောက်အထားလက်မှတ် ကိုင်ဆောင်သူများ ပါဝင်ပတ်သက်သော သက်သေ အထောက်အထား မရှိကြောင်း UNHCR မလေးရှားက ပြောကြားလိုက်ပါသည်။

“ဒုက္ခသည်တွေ၊ ခိုလှုံခွင့်တောင်းခံသူတွေ အားလုံးဟာ သူတို့ခိုလှုံနေထိုင်တဲ့ တိုင်းပြည်တွေရဲ့ နိုင်ငံဥပဒေတွေကို လေးစားကြလိမ့်မယ်လို့ မျှော်လင့်ပါတယ်”ဟု UNHCR မလေးရှားရုံးခွဲ ပြောရေးဆိုခွင့်ရှိသူ ယန်တီအစ္စမေးလ်က ပြောကြား သည်။

မလေးရှားတွင် ရာဇဝတ်မှု ကျူးလွန်ကြောင်း စွပ်စွဲခံရသူ ဒုက္ခသည်များ (သို့မဟုတ်) ခိုလှုံခွင့်တောင်းခံသူများ အနေဖြင့် ဥပဒေအရ ရင်ဆိုင်ဖြေရှင်းလိုသော်လည်း သူတို့ဘဝလွတ်လပ်ခွင့်အတွက် အန္တရာယ်ရှိမည့်နိုင်ငံသို့ ပြန်ပို့ခြင်း မခံရစေရန် မျှော်လင့်ကြောင်း ယန်တီအစ္စမေးလ်က ဆက်လက်ပြောကြားသည်။

မေ ၃၀ နှင့် ဇွန် ၄ အကြား ကွာလာလမ်ပူနှင့် ဆီလန်ဂါတွင် မြန်မာများ ပါဝင်ပတ်သက်နေသော အကြမ်းဖက်မှု ၇ ကြိမ်ဖြစ်ပွားခဲ့ရာ မြန်မာနှစ်ဦးသေဆုံးပြီး ဒဏ်ရာရသူနှစ်ဦးမှာ စိုးရိမ်ရကြောင်း သိရှိရသည်။ အဆိုပါပြဿနာမှာ မြန်မာနိုင်ငံရှိ ရခိုင်-ရိုဟင်ဂျာ အဓိကရုဏ်းနှင့် ဆက်စပ်နေသည်ဟု ဆိုပါသည်။

UNHCR ဒုက္ခသည်လက်မှတ်ကိုင်ဆောင်ထားသူများကို အာဏာပိုင်များက ပြန်လွှတ်ပေးလိုက်ပြီဖြစ်ပြီး ကွာလာလမ်ပူမြို့ UNHCR ဌာနချုပ် အပြင်ဘက်တွင် စုဝေးခဲ့ကြသော ဒုက္ခသည်များက အကြမ်းဖက်တိုက်ခိုက်မှု ကိစ္စကို သိရှိသော်လည်း ၎င်းတို့ မပါဝင်ကြောင်း ထုတ်ဖော်ပြောဆိုခဲ့သည်။

အမည်မဖော်လိုသူ ဒုက္ခသည်တစ်ဦးက “ကျွန်တော်က အမှားမလုပ်ထားဘူးဆိုတော့ ကြောက်စရာအကြောင်းတော့ မရှိပါဘူး”ဟု ပြောကြားသည်။

ချင်းပြည်နယ်မှ ဒုက္ခသည်တစ်ဦးကမူ တင်းမာနေသော အသိုင်းအဝိုင်းများကို စိတ်အေးအေးထားကြရန် တိုက်တွန်းလိုက်ပါသည်။

ယခုနှစ် ဧပြီလအထိ UNHCR တွင် မှတ်ပုံတင်ထားသော မြန်မာနိုင်ငံမှ ဒုက္ခသည်နှင့် ခိုလှုံခွင့်တောင်းခံသူ ၉၄၇၆၀ ခန့် ရှိသည်ဟု သိရှိရသည်။



Google Drive: create, share, and keep all your stuff in one place. Logo for Google Drive

INTERNATIONAL MEDIA (1)
Document

Snapshot of the item below:
INTERNATIONAL MEDIA (1)

ဘာသာပြန်သတင်းများ

  1. မြန်မာတွင် MasterCard ဝန်ဆောင်မှုလုပ်ငန်းများ ထပ်မံတိုးချဲ့

(Jakarta Globe မှ 8 June 2013 ရက်စွဲပါ MasterCard Further Cements Myanmar Presence ကို ဘာသာပြန်ဆိုသည်)

  1. ကျပ်တန်ဖိုးကျခြင်းမှာ ပုံမှန်သာဖြစ်ဟု IMF တာဝန်ရှိသူပြော

(7 June 2013 ရက်စွဲပါ Wall Street Journal မှ Natagha Brereton ရေးသားသော IMF Official: Kyat’s fall normal ကိုဘာသာပြန်ဆိုသည်)

  1. မြန်မာနိုင်ငံတွင် လူပေါင်း ၁၄၀,၀၀၀ ခန့် အိမ်မပြန်ရသေးကြောင်း UNHCR ပြောကြား

(China.org မှ 8 Jun 2013 ရက်စွဲပါ “140,000 peoples still displaced in Myanmar” သတင်းကို ဘာသာပြန်ဆိုသည်)


မြန်မာတွင် MasterCard ဝန်ဆောင်မှုလုပ်ငန်းများ ထပ်မံတိုးချဲ့

(Jakarta Globe မှ 8 June 2013 ရက်စွဲပါ MasterCard Further Cements Myanmar Presence ကိုဘာသာပြန်ဆိုသည်)

ကမ္ဘာကျော် MasterCard မြန်မာနိုင်ငံသို့ ဝင်ရောက်လာပြီးနောက် တစ်နှစ်မပြည့်မီ အချိန်ကာလမှာပင် ပြည်တွင်းမှ အင်အားကြီးဘဏ်လုပ်ငန်းတစ်ခုဖြစ်သော ကမ္ဘောဇဘဏ်(Kanbazwa Bank-KBZ) က ယင်းဘဏ်၏ ATM စက်များတွင် MasterCard များကို စတင်လက်ခံအသုံးပြုလာသည်။

လတ်တလောအနေအထားတွင် KBZ သည် ရန်ကုန်၊ မန္တလေးနှင့် ရှမ်းပြည်နယ်အပါအဝင် မြန်မာနိုင်ငံတစ်ဝန်း၌ ATM စက်အလုံးပေါင်း ၅၅ လုံး တပ်ဆင်လည်ပတ်အသုံးပြုခွင့်ပြုထားပြီးဖြစ်သည်။ ထိုသို့ MasterCard ကွန်ယက်နှင့် လုပ်ငန်း ပူးပေါင်းလိုက်ခြင်းအားဖြင့် မြန်မာနိုင်ငံတွင် MasterCard လက်ခံအသုံးပြုနိုင်သော ATM စက်အလုံးပေါင်း ၁၄၀ အထိ ရောက်ရှိလာပြီဖြစ်ကြောင်း ယင်းကုမ္ပဏီက သောကြာနေ့တွင် ကြေညာချက်ထုတ်ပြန်သည်။

"မြန်မာနိုင်ငံတွင် ဝင်ရောက်လုပ်ကိုင်ခွင့်ရရှိလာသည့် အချိန်မှစ၍ ကျွန်ုပ်တို့ထားရှိသော ဦးတည်ချက်မှာ တိုင်းပြည်၏ ငွေပေးချေမှုဆိုင်ရာ အခြေခံအဆောက်အဦ တည်ဆောက်ပေးရေး၊ ငွေပေးချေမှု အရည်အသွေးနှင့် စွမ်းဆောင်မှုများ မြှင့်တင်ပေးရေးနှင့် ဘဏ္ဍာရေးစနစ်ဖွဲ့စည်းတည်ဆောက်မှု လွယ်ကူချောမွေ့စေရေး အစရှိသည်တို့ ဖြစ်သည်။ ဆိုလိုသည့်အဓိပ္ပာယ်မှာ လုံခြုံမှုရှိပြီး လွယ်ကူချောမွေ့သော ငွေကြေးလွှဲပြောင်းမှုများ ပြုလုပ်နိုင်သည့် နယ်ပယ်များ တိုးပွားလာရန်ဖြစ်သလို ကြီးထွားလာသည့် စီးပွားရေး၏ အစိတ်အပိုင်းများဖြစ်သည့် စီးပွားရေးလုပ်ငန်းများကို ထောက်ပံ့မှု ပြုရန်လည်းဖြစ်ပေသည်" ဟု ထိုင်းနှင့် မြန်မာနိုင်ငံဆိုင်ရာ MasterCard ၏ Country Manager ဖြစ်သူ Antonio Corro က ထုတ်ပြန်သော ကြေညာချက်တွင်ဖော်ပြထားသည်။

ထိုသို့ ATM ကွန်ယက်သစ်များ ထပ်တိုးလာမှုသည် ကြာသပတေးနေ့က မြန်မာနိုင်ငံတွင် စတင်ကျင်းပသော အရှေ့အာရှ ကမ္ဘာ့စီးပွားရေးဖိုရမ် မတိုင်မီ ထွက်ပေါ်လာခြင်းဖြစ်သည်ဟု Antonio Corro က ဆက်လက်ပြောဆိုသည်။

MasterCard ကုမ္ပဏီသည် ပြီးခဲ့သည့် နိုဝင်ဘာလတွင် ပြည်တွင်ဘဏ်လုပ်ငန်းတစ်ခုဖြစ်သော သမဝါယမဘဏ် (CB Bank) နှင့် သဘောတူညီမှုတစ်ရပ် လက်မှတ်ရေးထိုးနိုင်ခဲ့သည်။ ယင်းသဘောတူညီမှုမှာ ရန်ကုန်မြို့ရှိ CB Bank ၏ ATM စက်များတွင် MasterCard များလက်ခံအသုံးပြုရေးပင်ဖြစ်သည်။

ထို့ပြင် MasterCard သည် United Amara Bank၊ Myanmar Apex Bank၊ Myanmar Citizens Bank အစရှိသည့် ဘဏ်များနှင့်လည်း သဘောတူညီမှုများရရှိထားပြီးဖြစ်သည်။

မြန်မာနိုင်ငံသားအတော်များများမှာ ဘဏ်လုပ်ငန်းနှင့် အကျွမ်းတဝင် မရှိသေးပေ။ သို့သော် အီလက်ထရွန်နစ် ငွေပေးချေမှု နည်းပညာက တိုင်းပြည်ကို ကမ္ဘာလုံးဆိုင် ရာစီးပွားရေးနှင့် ထပ်မံချိတ်ဆက်ပေးနိုင်မည်ဖြစ်ပြီး စီးပွားရေး လုပ်ငန်းများအား လုပ်ငန်းဆောင်ရွက်မှုများ ပိုမိုလွယ်ကူချောမွေ့စွာ လုပ်ဆောင်နိုင်စေမည်ဖြစ်သလို ဘဏ္ဍာရေးဝန်ဆောင်မှု လုပ်ငန်းများ တိုးချဲ့မှုအပါအဝင် ပိုမိုကောင်းမွန်သော စီးပွားရေးအခွင့်အလမ်းများရရှိရေးအတွက် လမ်းဖွင့်ပေးနိုင်မည် ဖြစ်သည်။

လတ်တလောအနေအထားတွင် ဘဏ္ဍာရေးဝန်ဆောင်မှုများကို မြန်မာနိုင်ငံ လူဦးရေ၏ ၁၀ ရာခိုင်နှုန်းနီးပါးမျှကသာ ထိတွေ့အသုံးပြုလျက်ရှိသည်။

"ဘဏ္ဍာရေးပါဝင်ပတ်သက်မှုက မြန်မာပြည်သူတွေကို ဝန်ဆောင်မှုလုပ်ငန်းတွေ၊ရင်းမြစ်တွေနဲ့ ထိတွေ့မှုရရှိစေပြီး သူတို့ရဲ့ စီးပွားရေးဖွံ့ဖြိုးရေးမှာ ပူးပေါင်းပါဝင်နိုင်အောင် ထောက်ပံ့ကူညီပေးသွားမှာဖြစ်ပါတယ်။ အဲဒီ ဝန်ဆောင်မှုတွေဟာ တခါတရံမှာ သိပ်ပြီးအရေးမကြီးဘူးလို့ ထင်ရပေမယ့်လည်း တကယ်တမ်းကျတော့ တိုင်းပြည်စီးပွားရေး ဦးတည်ချက်တွေ ပြည့်မီအောင် အကူအညီပေးတဲ့နေရာမှာ အရေးကြီးတဲ့ အစိတ်အပိုင်းတွေဖြစ်နေပါတယ်" ဟု Corro က ပြောကြားသည်။

MasterCard ၏ အဆိုအရ မြန်မာနိုင်ငံရှိ စားသောက်ဆိုင်၊ လက်လီအရောင်းဆိုင်နှင့် ဟိုတယ် ၅၀၀ ခန့်တွင် ယခုနှစ်ကုန်ပိုင်းမှစ၍ MasterCard များကို စတင်လက်ခံအသုံးပြုလာတော့မည်ဖြစ်ကြောင်း၊ အကြောင်းမှာ ၎င်း၏ စီးပွားရေးမဟာမိတ် CB ဘဏ်နှင့် ချိတ်ဆက်ကာ အရောင်းဌာနများဖွင့်လှစ်လိုက်သောကြောင့်ဖြစ်ကြောင်း သိရသည်။


ကျပ်တန်ဖိုးကျခြင်းမှာ ပုံမှန်သာဖြစ်ဟု IMF တာဝန်ရှိသူပြော

(7 June 2013 ရက်စွဲပါ Wall Street Journal မှ Natagha Brereton ရေးသားသော IMF Official: Kyat’s fall normal ကိုဘာသာပြန်ဆိုသည်)

ယခုတစ်လော မြန်မာကျပ်ငွေတန်ဖိုး ကျဆင်းနေခြင်းသည် စိုးရိမ်စရာအကြောင်းတစ်ခု မဟုတ်ပေ။ အဘယ့်ကြောင့် ဆိုသော် ယခင်က ရှိသင့်သည့်တန်ဖိုးထက်ပို၍ တက်နေခြင်းကြောင့် ဖြစ်ပါသည်။ သို့သော် ငွေကြေးနှင့် ပတ်သက်၍ မိမိကိုယ်မိမိ ယုံကြည်မှုရှိရေးကို ဆက်လက်ထိန်းသိမ်းထားနိုင်ရန် သင့်လျော်သော မူဝါဒကိရိယာများလိုအပ်သည်ဟု နိုင်ငံတကာငွေကြေးရန်ပုံငွေအဖွဲ့ တာဝန်ရှိသူတစ်ဦးက ပြောကြားခဲ့ပါသည်။

IMF ဒုတိယမန်နေဂျင်း ဒါရိုက်တာ Nao Yuki Shinohara က အင်တာဗျူးတွင် ပြောကြားခဲ့ရာတွင် ယခုအခါ ကျပ်ငွေ၏ တန်ဖိုးကို ဈေးကွက်က ဆုံးဖြတ်နေခြင်းမှာ အပေါင်းလက္ခဏာဆောင်ကြောင်း သွင်းကုန်တိုးတက် လာခြင်းသည် ကျပ်ငွေတန်ဖိုးလျော့မှုနောက်ကွယ်မှ အရေးပါသောမောင်းနှင်အားဖြစ်ကြောင်း၊ ကျပ်ငွေတန်ဖိုးမှာ ကုန်သွယ်မှုပမာဏ နိမ့်ကျနေမှုကြောင့် ရှိသင့်သည်ထက်ချဲ့ကားမှု ရှိနေကြောင်း ဆိုပါသည်။

“ကျွန်တော့်အနေနဲ့ကတော့ ငွေလဲလှယ်နှုန်းမှာ ရေတိုလှုပ်ခတ်မှုတွေကို စိုးရိမ်စရာလို့မထင်ပါဘူး။ အရေးကြီး တာက ကျပ်ငွေတန်ဖိုးကို အတုအယောင်ဆုံးဖြတ်မှုတွေ မလုပ်ဖို့ပါပဲ။” ဟု Mr.Shinohara က အရှေ့အာရှ ကမ္ဘာ့စီးပွားရေး ဖိုရမ် တက်ရောက်ရင်းကြာသာပတေးနေ့ ကပြောကြားခဲ့ပါသည်။

“ကျပ်ငွေဟာ ရှိသင့်တဲ့ တန်ဖိုးထက်ပိုမိုနေရာကနေ သင့်လျော်တဲ့ တန်ဖိုးကို ကျလာပုံရပါတယ်” ဟု ၎င်းက ပြောပါသည်။ သို့သော်ဆက်လက်ကျဆင်းရန်အတွက် မမျှော်လင့်ကြောင်း ထပ်လောင်း ပြောကြားခဲ့ပါသည်။

ပြီးခဲ့သည့်နှစ် ဧပြီက မြန်မာနိုင်ငံဗဟိုဘဏ်သည် ၎င်း၏ငွေကြေးကို စီမံခန့်ခွဲမည့် အရှင်မျောစနစ်ကို ကျင့်သုံးပြီး တရားဝင်ငွေကြေးလဲလှယ်မှုနှုန်းနှင့် တရားမဝင်ငွေကြေးလဲလှယ်မှုနှုန်းကို ပေါင်းစည်းပေးခဲ့ပါသည်။ ၂၀၁၃ ခုနှစ် အစပိုင်းကတည်းက မြန်မာကျပ်သည် ဒေါ်လာနှင့် လဲလှယ်နှုန်းတွင် ၁၀% ဝန်းကျင်တန်ဖိုးလျော့လာခဲ့ရာ ယခုအခါ တစ်ဒေါ်လာလျှင် ၉၄၁ ကျပ်ခန့်တွင် ရပ်တည်နေပါသည်။

Mr.Shinohara ကပြောကြားရာတွင် မြန်မာနိုင်ငံတွင် ငွေကြေးဖောင်းပွမှုနှုန်းမှာ ထိန်းချုပ်နိုင်လာသည့် သဘောရှိရာ ဈေးနှုန်းများတိုးရန်ဖိအားပေးမှုတိုးလာမှုမှာ သဘာဝဖြစ်ကြောင်း၊ လုပ်ခများ၊ အိမ်ဈေးနှုန်းများ တက်နေပြီ ဖြစ်ရာ ရင်းနှီးမြှုပ်နှံလိုသူ နိုင်ငံတကာပလေယာများလည်း တိုးလာနေသည်ဟု ဆိုပါသည်။

“ပြည်တွင်းငွေကြေးအတွက် ကိုယ့်ကိုကိုယ်ယုံကြည်မှုရှိရေးမှာ အဆိုးဆုံးရန်သူကတော့ ငွေကြေးဖောင်းပွမှုပဲ ဖြစ်ပါတယ်။ ဒါ့ကြောင့် ကိုယ့်ကိုကိုယ် ယုံကြည်မှုကို  ဆက်လက်ထိန်းသိမ်းဖို့ဆိုရင် သင့်လျော်တဲ့ ငွေကြေး မူဝါဒ ကိရိယာများကို မိတ်ဆက်ပေးဖို့လိုမယ်လို့ ထင်ပါတယ်” ဟု ၎င်းကပြောပါသည်။

Mr.Shinohara က ပြောကြားရာတွင် IMF သည် မြန်မာအာဏာပိုင်များနှင့် သင့်လျော်သော ငွေကြေးမူဝါဒ ကိရိယာများ ဖွံ့ဖြိုးလာရေးအတွက် အတူပူးပေါင်းလုပ်ကိုင်နေသည်ဟု ဆိုပါသည်။ မြန်မာနိုင်ငံတွင် ဘဏ်အချင်းချင်း ကြားတွင် ဈေးကွက်မရှိခြင်းကြောင့် အခြားနိုင်ငံများကဲ့သို့ ငွေအမြန်ဖော်နိုင်သော ပစ္စည်းများ၏ အခြေအနေကိုချိန်ညှိရန် အတိုးနှုန်းကို အသုံးပြု၍ မရနိုင်သေးပါ။

IMF နှင့် ပြည်တွင်းမှ အစိုးရတာဝန်ရှိသူများသည် ဘဏ်ကဏ္ဍတွင် ငွေအမြန်ဖော်နိုင်သော ပစ္စည်း ပိုမိုတိုးလာ စေရန် ငွေတိုက်စာချုပ်ဈေးကွက်ကို ဖန်တီးပေးနိုင်ရန် လုပ်ကိုင်လျက်ရှိပါသည်။ သို့သော် အစပိုင်းအဆင့်တွင် သာရှိပါသေးသည်။ စက်တင်ဘာလတွင် ငွေတိုက်စာချုပ်များစတင်ထုတ်ဝေနိုင်ရန် ဥပဒေများပြင်ဆင်လျက် ရှိသည်ဟု ၎င်းကပြောပါသည်။

ထိုသို့သော မူဝါဒများသေချာစေရေးအတွက်အရေးပါသော ခြေလှမ်းများသည် ဗဟိုဘဏ်ကို အစိုးရလက်အောက်မှ လွတ်လပ်သော အဖွဲ့အစည်းဖြစ်ရေးအတွက် ထိရောက်စွာ အထောက်အကူပြုပါသည်။ ရှေ့လာမည့်အပတ်များတွင် ဗဟိုဘဏ် ဥပဒေသစ်ကို လွှတ်တော်မှ အတည်ပြုရန်ရှိပါသည်။

လွှတ်တော်တွင် ဥပဒေတွင် စကားလုံးအသုံးအနှုန်းများကို ပြင်ဆင်လျက်ရှိရာ “ဗဟိုဘဏ်ဥပဒေမှာ ဘတ်ဂျက်ဆိုင်ရာနဲ့ လုပ်ထုံးလုပ်နည်းဆိုင်ရာမှ ကိုယ်ပိုင်ပြဋ္ဌာန်းခွင့်တွေ သေချာစေမှာဖြစ်လို့ ကျွန်တော်တို့ များစွာ ကျေနပ်ပါတယ်” ဟု Mr.Shinohara ကပြောပါသည်။ အကောင်အထည်ဖော်ရေးကိစ္စသည် နောက်ထပ်ကြီးမားသော ကိစ္စရပ်ဖြစ်၍ ၊ IMF သည် ဗဟိုဘဏ်နှင့်အတူ လုပ်ကိုင်ရန် အသင့်ရှိသည်ဟု ၎င်းကပြောပါသည်။


မြန်မာနိုင်ငံတွင် လူပေါင်း ၁၄၀,၀၀၀ ခန့် အိမ်မပြန်ရသေးကြောင်း UNHCR ပြောကြား

(China.org မှ 8 Jun 2013 ရက်စွဲပါ “140,000 peoples still displaced in Myanmar” သတင်းကို ဘာသာပြန်ဆိုသည်)

မြန်မာနိုင်ငံမှ ပြည်တွင်း အိုးမဲ့၊အိမ်မဲ့ဖြစ်သူများအားလုံးကို မှတ်ပုံတင်ရာတွင် အစိုးရကို ကူညီအားပေးရန်နှင့် မိမိဆန္ဒအလျောက် ဘေးကင်း၊ရန်ကင်း ပြန်လာအောင် ညှိနှိုင်းဆောင်ရွက်မှုကို အားပေးရန် အဆင်သင့်ရှိကြောင်း ကုဘဒုက္ခသည်ဆိုင်ရာမဟာမင်းကြီးရုံး UNHCR ကပြောကြားလိုက်ပါသည်။

မနှစ်က ရခိုင်-ရိုဟင်ဂျာ အဓိကရုဏ်းကြောင့် နေအိမ်စွန့်ခွာထွက်ပြေးရသူများကို ရေနှင့်သန့်ရှင်းရေးစနစ်၊ ကျန်းမာရေး စောင့်ရှောက်မှုစနစ်များ ဖြည့်ဆီးပေးရန်အတွက် UNHCR က အာဏာပိုင်များ၊ လုပ်ဖော်ကိုင်ဖက် အေဂျင်စီများနှင့်အတူတကွ ပူးပေါင်းလုပ်ဆောင်နေသည်။

မနှစ်က ရခိုင်ပြည်နယ်တွင် ဇွန်လပထမအကြိမ် အဓိကရုဏ်းကြောင့် လူပေါင်း ၇၅,ဝ၀၀ ခန့်နှင့် အောက်တိုဘာလ ဒုတိယအကြိမ် အဓိကရုဏ်းကြောင့် နောက်ထပ် ၃၆,၀၀၀ ခန့် အိုးမဲ့၊အိမ်မဲ့ ဖြစ်ခဲ့ရသည်။

“အဓိကရုဏ်းကြောင့် တိုက်ရိုက်မထိခိုက်တဲ့သူတွေကလည်း လုံခြုံရေးတင်းကျပ်မှု ရလဒ်အဖြစ် အသက်မွေး ဝမ်းကျောင်းလုပ်ငန်းတွေ ဆုံးရှုံးခဲ့ရပါတယ်။” ဟု UNHCR ပြောရေးဆိုခွင့်ရှိသူ အေဒရီယမ်အက်ဒွပ်က ဂျီနီဗာတွင် ပြောကြားသည်။

စစ်တွေမြို့တော် အနီးတဝိုက်မှ ယာယီစခန်းများတွင် ဒုက္ခသည် ၁၃,၀၀၀ ခန့်နေထိုင်လျက်ရှိပြီး၊ မောင်းတော မြို့နယ်မှ ၂၈၀၀ ခန့်မှာမူ တရားဝင်ဒုက္ခသည်အဖြစ် သတ်မှတ်ခြင်းမခံရသောကြောင့် စာနာမှုအကူအညီကို လက်ခံရရှိခြင်း မရှိဟု သိရှိရသည်။

ပြီးခဲ့သောနှစ်က UNHCR ဥည် ဒုက္ခသည် ၇၅,၀၀၀ ခန့် အတွက် ပလတ်စတစ်အခင်းအမိုးနှင့် မီးဖိုချောင်သုံး ပစ္စည်းများ ထောက်ပံ့ပေးအပ်ခဲ့သည်။ လူပေါင်း ၄၅,၀၀၀ ခန့် အတွက် အစိုးရ၏ ယာယီဒုက္ခသည်စခန်းတည် ဆောက်မှုအစီအစဉ်ကိုလည်း ကူညီပေးခဲ့သည်။ မိုးရာသီတွင် ဒုက္ခတွေ့မည့်ပေါက်တောနှင့် မြေပုံမြို့နယ်တို့မှ ဒုက္ခသည် ၂၅,၀၀၀ ခန့်အတွက်လည်း ထပ်တိုးယာယီစခန်းများကို UNHCR ကဆောက်လုပ်ပေးနေသည်။

ပြောရေးဆိုခွင့်ရှိသူ မစ္စတာအက်ဒွပ်က UNHCR သည် ပြည်တွင်းဒုက္ခသည်များအတွက် ရေနှင့်သန့်ရှင်းမှု စနစ်၊ ကျန်းမာရေးစနစ်များရရှိအောင် အာဏာပိုင်များ၊ အေဂျင်စီများနှင့်အတူ လုပ်ဆောင်နေကြောင်း သို့သော် အချို့ ဒေသများတွင် ကယ်ဆယ်ရေးလုပ်သားများ ခြိမ်းခြောက်ခံရမှု၊ ဒုက္ခသည်များ လွတ်လပ်စွာ သွားလာခွင့် မရှိမှုတို့ကြောင့် အခက်အခဲများ ရှိနေကြောင်း ဆက်လက်ပြောကြားသည်။

ဒုက္ခသည်များအား အထောက်အပံ့များ ဖြန့်ဖြူးရေးနှင့် လိုအပ်ချက်များ တုန့်ပြန်ဖြည့်ဆည်းပေးနိုင်ရေးအတွက် ပြည်တွင်းဒုက္ခသည်အားလုံးကို စနစ်တကျမှတ်ပုံတင် စာရင်းသွင်းရန် အရေးပေါ်လိုအပ်နေသည်ဟု UNHCR က ထုတ်ဖော်ပြောကြားသည်။

“UNHCR ဟာ ဒီလိုစာနာမှု အကူအညီတွေ ပေးနေတဲ့အပြင် ဒုက္ခသည်တွင် မိမိဆန္ဒအလျောက် နေရပ်ပြန်လာပြီး ငြိမ်းချမ်းစွာအတူယှဉ်တွဲနေထိုင်နိုင်ရေးကို ဆွေးနွေးညှိနှိုင်းကြဖို့ကိုလည်း တိုက်တွန်းအားပေးနေပါတယ်” ဟု မစ္စတာ အက်ဒွပ်ကပြောကြားသည်။

ထို့အပြင် အကာအကွယ်လိုအပ်နေသူများအတွက် တံခါးဖွင့်ပေးထားရန် ဒေသတွင်းအစိုးရများ တိုက်တွန်းခဲ့ပြီး၊ ရခိုင်ပြည်နယ်မှ ရိုဟင်ဂျာဒုက္ခသည်များ စက်လှေများဖြင့် ပင်လယ်ဖြတ်ကူးထွက်ပြေးနေမှုများကို ရပ်ဆိုင်းအောင် အရေးပေါ် ဖြေရှင်းဆောင်ရွက်ရန် မြန်မာအာဏာပိုင်များကို တောင်းဆိုထားသည်။

ရခိုင်ပြည်နယ်၊ ကချင်ပြည်နယ်၊ ကရင်ပြည်နယ် တို့မှဒုက္ခသည် ပြည်သူများ၏ လိုအပ်ချက်များကို ပြည့်မှီအောင် ကူညီရန်အတွက် ဒေါ်လာသန်း ၈၀ ခန့် လိုအပ်နေသော်လည်း ယခုအချိန်ထိ ၁၈ ရာခိုင်နှုန်းခန့်သာ လက်ခံရရှိကြောင်း UNHCR က ပြောကြားခဲ့သည်။


 

 

              


Google Drive: create, share, and keep all your stuff in one place. Logo for Google Drive