Transparency Myanmar

transparency.myanmar@gmail.com

INTERNATIONAL MEDIA (1)
Document

Snapshot of the item below:
INTERNATIONAL MEDIA (1)

ဘာသာပြန်သတင်းများ

  1.  မြန်မာ - တရုတ် ဓါတ်ငွေ့ပိုက်လိုင်း အစမ်းလည်ပတ်မှု စတင်

(Platts News မှ 17 July 2013 ရက်စွဲပါ “Myanmar – China gas pipeline starts trial operations: CNPC” သတင်း ကိုဘာသာပြန်ဆိုသည်)

  1. ထိုင်းက ဆန်အတွက် ငွေစိုက်ထုတ်မှုများကြောင့် မြန်မာနိုင်ငံအကျိုးဖြစ်

(15 July 2013 ရက်စွဲပါ International Business Times မှ Sophie Song ရေးသားသော Myanmar Benefits from Thai rice subsidy as Thai traders increase rice trade ကိုဘာသာပြန်ဆိုသည်)

  1. လူ့အခွင့်အရေး ဆက်လက်တင်းကြပ်မှုနှင့် မြန်မာပြည်သူများရင်ဆိုင်နေရ

(UPI မှ 17 July 2013 ရက်စွဲပါ “Myanmar faces additional rights scrutiny ” သတင်းကိုဘာသာပြန်ဆိုသည်)


  မြန်မာ - တရုတ် ဓါတ်ငွေ့ပိုက်လိုင်း အစမ်းလည်ပတ်မှု စတင်

(Platts News မှ 17 July 2013 ရက်စွဲပါ “Myanmar – China gas pipeline starts trial operations: CNPC” သတင်း ကို ဘာသာပြန်ဆိုသည်)

မြန်မာ - တရုတ် ဓါတ်ငွေ့ပိုက်လိုင်းတွင် ဓါတ်ငွေ့ စတင်ဖြတ်သန်းနေပြီ ဖြစ်ပြီး၊ အစမ်းလည်ပတ်မှုကို စတင်ပြုလုပ် နေသည်ဟု တရုတ်နိုင်ငံပိုင် China National Petroleum Corporation က ဗုဒ္ဓဟူးနေ့တွင် ၎င်း၏ ၀က်ဘ်ဆိုဒ်တွင် ဖော်ပြ ထားသည်။

မြန်မာနိုင်ငံ အနောက်ကမ်းရိုးတန်း ရခိုင်ပြည်နယ်ရှိ ဓါတ်ငွေ့ပိုက်လိုင်း စတင်ရာ ကျောက်ဖြူဓါတ်ငွေ့ စတေရှင်မှ ပိုက်လိုင်းအား values များကို တနင်္လာနေ့မနက်တွင် ဖွင့်လိုက်ကြောင်း CNPC က ပြောကြားသည်။

တစ်နှစ်လျှင် ဓါတ်ငွေ့ကုဗမီတာ ၁၂ ဘီလျံ ဖြတ်သန်းတင်ပို့မည့် ပိုက်လိုင်းကို CNPC ၏ လက်အောက်ကုမ္ပဏီခွဲ Southeast Asia Pipeline Co က စီမံခန့်ခွဲမည်ဖြစ်ပြီး ဘင်္ဂလားပင်လယ်အော်ရှိ ရွှေဓါတ်ငွေ့စီမံကိန်းမှ ဓါတ်ငွေ့များကို တရုတတောင်ပိုင်း ယူနန်ပြည်နယ်သို့ တင်ပို့ကာ ထိုမှတစ်ဆင့် တရုတ်နိုင်ငံအတွင်းရှိ ပိုက်လိုင်းသို့ ဆက်သွယ်မည်ဖြစ်သည်။

အဆိုပါ ရွှေဓါတ်ငွေ့စီမံကိန်းကို ဇူလိုင် ၁၁ ရက်တွင် စတင်လည်ပတ်ရန် ရည်မှန်းထားသော်လည်း စီမံကိန်း အော်ပရေတာ Daewoo International သည် ၎င်း၏ ထုတ်လုပ်ရေးပလက်ဖောင်းတွင် ပြဿနာအချို့ ကြုံတွေ့ရသော ကြောင့် ယခင်သီတင်းပတ်အတွင်း ဖြေရှင်းရန် ကြိုးစားခဲ့ရသည်ဟု မြန်မာအစိုးရပိုင် ရေနံဓါတ်ငွေ့လုပ်ငန်း MOGE တာဝန်ရှိ သူများက ဇူလိုင် ၉ ရက်တွင် Platts သတင်းဌာနသို့ ပြောကြားသည်။

ရွှေစီမံကိန်းမှ တစ်ရက်လျှင် ဓါတ်ငွေ့ကုဗပေ ၅၀၀,၀၀၀ ထုတ်လုပ်သွားရန် အော်ပရေတာ Daewoo International က ရည်မှန်းထားပြီး CNPC သို့ တစ်ရက်လျှင် ဓါတ်ငွေ့ကုဗပေ ၄၀၀,၀၀၀ တင်ပို့ကာ ကျန်ဓါတ်ငွေ့ကို မြန်မာနိုင်ငံအတွင်း ဖြန့်ဖြူးမည်ဟု သိရှိရသည်။

ရွှေစီမံကိန်းမှ ဓါတ်ငွေ့များကို တရုတ်နိုင်ငံအတွင်း ပိုက်လိုင်းသွယ်တန်းမှု ပြီးစီး၍ မြန်မာ - တရုတ် ဓါတ်ငွေ့ပိုက် လိုင်း အမှန်တကယ် စတင်မည့်အချိန်အထိ မြန်မာနိုင်ငံ ပြည်တွင်းဈေးကွက်သို့ ရှေးဦးစွာ တင်ပို့သွားမည်ဟု MOGE က ယခင်လက ပြောကြားထားသည်။

ရွှေစီမံကိန်းမှ ဓါတ်ငွေ့သည် တရုတ်နိုင်ငံသို့ သြဂုတ်၊ စက်တင်ဘာ တစ်ဝိုက်တွင် ရောက်ရှိနိုင်မည်ဟု မျှော်လင့်ရ ကြောင်း MOGE တာဝန်ရှိသူများက ခန့်မှန်းပြောကြားခဲ့သည်။


ထိုင်းက ဆန်အတွက် ငွေစိုက်ထုတ်မှုများကြောင့် မြန်မာနိုင်ငံအကျိုးဖြစ်

(15 July 2013 ရက်စွဲပါ International Business Times မှ Sophie Song ရေးသားသော Myanmar Benefits from Thai rice subsidy as Thai traders increase rice trade ကိုဘာသာပြန်ဆိုသည်)

ထိုင်းအစိုးရသည် ၎င်း၏စပါးစိုက်သော လယ်သမားများ အကျိုးအမြတ်ရရှိစေရန် အန္တရာယ်ကြီးပြီး ငွေကုန်ကြေးကျ များသည့် ငွေစိုက်ထုတ်ပေးသည့် အစီအစဉ်တစ်ခုကို အကောင်အထည်ဖော်လျက်ရှိရာ အဆိုပါ အစီအစဉ်အရ အစိုးရသည် ပြီးခဲ့သည့်နှစ်က ဒေါ်လာ(၄.၄) ဘီလီယမ် ကုန်ကျခဲ့ပါသည်။ သို့သော် ထိုအစီအစဉ်အရ မမျှော်လင့်ပဲ အကျိုးအမြတ်ရှိ သွားသည်မှာ မြန်မာနိုင်ငံဖြစ်သွားပါသည်။ ထိုင်းကုန်သည်များသည် မြန်မာနိုင်ငံမှ ဆန်များကို သွားရောက်ဝယ်ယူပြီး ထိုင်းအ စိုးရထံ ဈေးမြင့်မြင့်ဖြင့် ပြန်လည်ရောင်းချကြပါသည်။

“ထိုင်းက မြန်မာနိုင်ငံကဆန်ကို မဝယ်တာအတော်ကြာပါပြီ။ ဒါပေမယ့် ဒီနှစ်အစပိုင်းမှာ ထိုင်းကုန်သည်တွေက မြန်မာနိုင်ငံက ပုံမှန်ဆန်နဲ့ ဆန်အကျိုးတွေကိုဝယ်ပြီး နယ်စပ်ကနေ တင်ပို့ပါတယ်”ပာု မြန်မာနိုင်ငံဆန်ကုန်သည်များအသင်း (MRMF)အတွင်းရေးမှူး ဦးရဲမင်းအောင်က ပြောခဲ့သည်ပာု ထိုင်းအခြေစိုက် ဧရာဝတီသတင်းစာ၏ အဆိုအရ သိရှိရပါသည်။

ထိုင်းနိုင်ငံ၏ စီမံကိန်းမှာ ရိုးရိုးလေးပင်ဖြစ်သည်ပာု Time မဂ္ဂဇင်းအဆိုအရ သိရှိရပါသည်။ ထိုင်းအစိုးရသည် ၎င်း၏လယ်သမားများထံမှဆန်ကို မြင့်မားသော ဈေးနှုန်းဖြင့် ဝယ်ယူပါသည်။ ဈေးနှုန်းမှာ ဈေးကွက်ပေါက်ဈေးထက် ၅၀ ရာခိုင်နှုန်းမြှင့်၍ ဝယ်ယူပြီး ကမ္ဘာတစ်ဝှမ်းသို့ ဆန်တင်ပို့မှုကို ရပ်ဆိုင်းမည်ဖြစ်ပါသည်။ ထိုင်းနိုင်ငံသည် ကမ္ဘာပေါ်တွင် အကြီး ဆုံးဆန်တင်ပို့သူဖြစ်သည့်အလျောက် ဆန်ပြတ်လပ်ပါက ကမ္ဘာ့ဆန်ဈေးနှုန်းတက်လာမည်ပာု ထိုင်းနိုင်ငံက မျှော်လင့်ပါသည်။ ထိုအချိန်တွင် ဈေးအမြင့်ဖြင့် ပြန်ထုတ်ရောင်းပါက အစိုးရက ကုန်ကျထားသောငွေများ ပြန်လည်ကာ မိနိုင်မည်ပာု မျှော်မှန်းပါ သည်။

ဝန်ကြီးချုပ်ယင်လတ်အစိုးရအတွက် ကံမကောင်းသော အချက်တစ်ခုမှာ ကမ္ဘာ့ဈေးကွက်၏ပါဝါကို လျှော့တွက် မိခြင်းဖြစ်ပါသည်။ ကုန်သည်များသည် ထိုင်းနိုင်ငံတွင် ဝယ်ယူနေရာမှ အိန္ဒိယ၊ ပါကစ္စတန်၊ ဗီယက်နမ်နှင့် တစ်ခါတစ်ရံ မြန်မာနိုင်ငံတို့သို့ ပြောင်း၍ဝယ်ယူကြပါသည်။

အိန္ဒိယနှင့် ဗီယက်နမ်တို့ကဲ့သို့သော နိုင်ငံများသည် အခွင့်အရေးကို အမိအရအသုံးချ၍ လစ်ပာာနေသော ဈေးကွက် ကို အမြန်ဖြည့်ကြပါသည်။ ထိုင်းအစိုးရသည် ဆန်ဈေးတက်လာသည်ကို မျှော်မှန်းခဲ့သော်လည်း ၎င်းတို့သည် ကမ္ဘာ့ဆန်ဈေး ကျလာသည်ကို ထိုင်ကြည့်နေရသည့် အဖြစ်သို့ ရောက်ရလေသည်။ ၎င်းတို့ စုဆောင်းလာခဲ့သော ဆန်တန်ချိန်(၁၇)သန်းကို အစိုးရကုန်ကျထားသည့် ငွေပြန်ရမည့်ဈေးနှုန်းနှင့် ရောင်းချရန် အခက်အခဲရှိလာပါသည်။

ထိုင်းကုန်သည်များအဖို့ ဗီယက်နမ်၊ အိန္ဒိယတို့နှင့် ရောင်းဝယ်ခြင်းနှင့်မတူသောအချက်မှာ မြန်မာနိုင်ငံမှ ဝယ်ယူထား သည့် အများစုမှာ ဥပဒေနှင့်မညီခဲ့ပေ။

ဇူလိုင်လအစောပိုင်းက ထိုင်းအစိုးရတာဝန်ရှိသူများသည် မြဝတီ-မဲဆောက်နယ်စပ်တွင် ကုန်တင်ကားပေါ်မှ ဆန် (၂၅)တန်တွေ့ရှိခဲ့သည်ပာု Bangkok Post ၏အဆိုအရ သိရှိရပါသည်။ ၎င်းတွင် ဖော်ပြထားသည်မှာ အဆိုပါဆန်များသည် ထိုင်းအစိုးရ၏ ဆန်စီမံကိန်းသို့ ပြန်လည်ရောင်းချရန်ဖြစ်သည်ပာုဆိုပါသည်။

MRMF သည် ထိုင်းနိုင်ငံသို့ နယ်စပ်မှ ဆန်ရောင်းဝယ်နေမှုကို စစ်ဆေးလျက်ရှိပြီး စည်းမျဉ်းများနှင့်အညီ ဖြစ်သင့် ပြီး မြန်မာဆန်ကုန်သည်များလည်း ပါဝင်သဖြင့် ကြီးကြပ်မည်ပာု ဆိုပါသည်။

“ထိုင်းနိုင်ငံကို ထွက်သွားတဲ့ဆန်တွေပာာ တရားဝင်လား၊ တရားမဝင်လားဆိုတာ ဖော်ထုတ်ဖို့လိုအပ်ပါတယ်”ပာု ဦးရဲမင်းအောင်ကဆိုပါသည်။

မြန်မာနိုင်ငံ၏ GDP ဖြစ်သော ဒေါ်လာ ၄၅.၄ ဘီလီယမ်၏ လေးပုံတစ်ပုံသည် လယ်ယာကဏ္ဍမှလာသည်ပာု လယ်ယာစိုက်ပျိုးရေးဝန်ကြီးဌာနမှ ၂၀၁၁ တွင်ထုတ်ပြန်သော ကိန်းဂဏန်းများအရ သိရှိရပါသည်။

လွန်ခဲ့သော နှစ်နှစ်က မြန်မာနိုင်ငံမှ ဆန်တင်ပို့မှုသည် တန်ချိန်(၅၃၇၀၀၀)သာ ရှိခဲ့ရာမှ၊ ယခုဘဏ္ဍာနှစ်တွင် သုံးဆတိုး၍ တန်ချိန်(၁.၄)သန်းသို့ ရောက်ရှိလာပါသည်။

မြန်မာနိုင်ငံမှဆန်သည် တရုတ်နိုင်ငံသို့လည်း တရားမဝင်ရောင်းချလျက်ရှိပါသည်။ မြန်မာ-တရုတ်နယ်စပ်မှ တရား မဝင်ထွက်သွားသော ဆန်များမှာ များပြားလှပြီး တန်ချိန်ရှစ်သိန်းခန့်ရှိမည်ပာု ခန့်မှန်းကြောင်း ဦးရဲမင်းအောင်၏အဆိုအရ သိရှိရပါသည်။

“မြန်မာနိုင်ငံနဲ့ တရုတ်နိုင်ငံပာာ ဆန်အတွက် နှစ်နိုင်ငံ သဘောတူညီချက်မရှိသေးပါဘူး။ မြန်မာအစိုးရကတော့ တရုတ်နဲ့တွေ့တိုင်း ဒီကိစ္စပြောနေတာပါပဲ”ပာု ဦးရဲမင်းအောင်က ပြောသည်ပာု ဧရာဝတီက သတင်းရေးသားထားပါသည်။ “ဒီတော့ ရိုးရိုးလေးပဲ။ မြန်မာနိုင်ငံက ဆန်တွေက နယ်စပ်ကိုဖြတ်ပြီး တရုတ်ပြည်ကို တရားမဝင်ထွက်နေပါတယ်။ တရုတ်အာ ဏာပိုင်တွေက ကုန်သည်တွေကို အရေးယူလို့ရနိုင်ပေမယ့် တရုတ်ပြည်ကဆန်လိုအပ်နေတော့ မျက်စိမှတ်ထားတာပေါ့”ပာု ၎င်းကဆိုပါသည်။

 


လူ့အခွင့်အရေး ဆက်လက်တင်းကြပ်မှုနှင့် မြန်မာပြည်သူများရင်ဆိုင်နေရ

(UPI မှ 17 July 2013 ရက်စွဲပါ “Myanmar faces additional rights scrutiny ” သတင်းကိုဘာသာပြန်ဆိုသည်)

မြန်မာနိုင်ငံတွင် လူ့အခွင့်အရေးလှုပ်ရှားသူများကို ဖမ်းဆီး၍ တရားစွဲ ဖိအားပေးမှုသည် တိုင်းပြည်တွင်း ဖြစ်ဆဲ၊ ရှိဆဲ ပြဿနာများ၏ ပုံရိပ်အဖြစ် တင်ဟပ်နေသည်ဟု လူ့အခွင့်အရေးအဖွဲ့အစည်းတစ်ခုက ပြောကြားသည်။

မြန်မာနိုင်ငံမှ နိုင်ငံရေး လွတ်လပ်ခွင့်များနှင့် ပတ်သက်၍ စိုးရိမ်ကြောင်း လူ့အခွင့်အရေးအုပ်စု The Obserratory for the protection of human rights defenders ကပြောကြားလိုက်ခြင်းဖြစ်စသည်။ မြန်မာ နိုင်ငံမှ Generation wave လူ့အခွင့်အရေးအဖွဲ့ဒါရိုက်တာ ဝေဖြိုးကို တမင်တကာတရားစွဲဖိအားပေးမှုအပေါ် စိတ်ပျက်လက်ပျက် ဖြစ်မိကြောင်း အဆိုပါ အဖွဲ့က ပြောကြားသည်။

ဝေဖြိုးနှင့် အဖွဲ့ဝင်များသည် တရားမဝင် ပုံနှိပ်စာတမ်းများ ဖြန့်ချီမှုကို တားမြစ်သော ၁၉၆၂ ဥပဒေအရ ဖမ်းဆီး ခံရခြင်း ဖြစ်သည်။ ဝေဖြိုးကို လောလောဆယ်တွင် အချုပ်ခန်းအတွင်း ဖမ်းဆီးထားပြီး၊ ဇူလိုင် ၂၅ ရက်နေ့ တွင် တရားရုံး ထုတ်မည်ဖြစ်သည်။ ၎င်း၏လုပ်ဖော်ကိုင်ဖက်နှစ်ဦးမှာမူ အလားတူစွဲချက်များဖြင့် ထောင်ဒဏ် ၃ လ ပြစ်ဒဏ် ပေးခြင်းခံရ သည်။

ဝေဖြိုးရဲ့ ငြိမ်းချမ်းတဲ့ လူ့အခွင့်အရေး လှုပ်ရှားမှုတွေကို ပိတ်ပင်ဖို့ တမင်တကာရည်ရွယ်လို့ယူဆရတဲ့ ဖမ်းဆီး တရားစွဲဆိုမှုကို ပြစ်တင်ရှုတ်ချလိုက်ပါတယ်ဟု လူ့အခွင့်အရေးအုပ်စုက အင်္ဂါနေ့တွင် ထုတ်ပြန်သည်။

မြန်မာနိုင်ငံသည် ၂၀၁၀ ရွေးကောက်ပွဲနှင့်အတူ စတင်ခဲ့သော ဒီမိုကရေစီ ပြုပြင်ပြောင်းလဲမှုများကြောင့် နိုင်ငံ တကာ၏ ချီးကျူးခြင်း၊ ကြိုဆိုခြင်းကို ခံယူနေရသော်လည်း ယင်းနိုင်ငံတော်၏ လူ့အခွင့်အရေးမှတ်တမ်း (သို့) အနေအထား မှာမူ ဆက်လက်တင်းကြပ်မှုကို ရင်ဆိုင်နေရဆဲပင်ဖြစ်သည်။

ယခုသီတင်းပတ်အတွင်း မြန်မာသမ္မတ ဦးသိန်းစိန်နှင့် ဗြိတိသျှဝန်ကြီးချုပ် ဒေးဗစ်ကင်မရွန်းတို့ လန်ဒန်တွင် တွေ့ဆုံစဉ် မြန်မာနိုင်ငံမှ ဗုဒ္ဓဘာသာ မွတ်ဆလင် ပဋိပက္ခကို ပိုမိုထိရောက်စွာ ကိုင်တွယ်ဖြေရှင်းရန် ကင်မရွန်း က တိုက်တွန်း ထားသည်။ မနေ့က ဦးသိန်းစိန်တွေ့ဆုံခဲ့သော ပြင်သစ်သမ္မတကလည်း အလားတူပင်တိုက်တွန်းခဲ့သည်။

မြန်မာနိုင်ငံတွင် ဒီမိုကရေစီအခွင့်အရေးနှင့် လူ့အခွင့်အရေးကို အပြည်အဝပေးလိုက်ပါက ယခင်အကြီးအကဲ ဟောင်းနှင့် အပေါင်းအပါများ၏ မတရားမှုများနှင့် ကိုယ်ကျိုးရှာမှုများ (ညောင်မြစ်တူး၊ ပုတ်သင်ဥပေါ်သကဲ့သို့) ဖော်ထုတ်ခံ ရမည်ကို စိုးရိမ်သောကြောင့် အကန့်အသတ်နှင့် ဖြေလျှော့ကာ တင်းကြပ်ထားခြင်းဖြစ်သည်ဟု ရန်ကုန်မြို့မှ အကဲခတ် လေ့လာသူများက မှတ်ချက်ပေးထားကြသည်။               



Google Drive: create, share, and keep all your stuff in one place. Logo for Google Drive

Q & C
Document

Snapshot of the item below:
Q & C

သတင်းဆောင်းပါးမှ ကောက်နှုတ်ချက်များ

“တိုင်းရင်းသား လက်နက်ကိုင်တွေရဲ့ အာဘော်အရဆိုရင်တော့ တိုင်းရင်းသားတွေဘက်ကလည်း တစ်ပြည်လုံး အပစ်ရပ်ရေး ဆိုတာကို သဘောတူဖို့ နိုင်ငံရေးဆွေးနွေးပွဲ အချိန်ဇယားတွေပါ တစ်ပါတည်းထည့်ပြီး လက်မှတ် ရေးထိုးမယ်ဆိုရင်တော့ ဖြစ်လာနိုင်ပါတယ်။ နို့မို့ဆိုရင်တော့ အဓိပ္ပာယ်ပြည့်ဝတဲ့ တစ်ပြည်လုံး အပစ်ရပ်ရေး သဘောတူမှုဆိုတာ မရနိုင်ပါဘူး”

၂၀၁၃ ဇူလိုင်လ ၁၈ ရက်နေ့ Yangon Times နေ့စဉ်ထုတ်သတင်းစာတွင် ပါရှိသော “တစ်ပြည်လုံး အပစ်ရပ်ရေး သဘောတူညီမှုလုပ်လျှင် တိုင်းရင်းသားလက်နက်ကိုင်များဘက်မှ လက်ခံနိုင်ဖွယ်ရှိ” သတင်းမှ ယခင် ကေအိုင်အို ဒုတိယဥက္ကဋ္ဌ ဒေါက်တာတူးဂျာ၏ ပြောကြားချက်အား ကောက်နှုတ်ချက်။


“ကျွန်တော်တို့ဆီမှာ ထုတ်ပြန်ထားတဲ့ တချို့ မီဒီယာဥပဒေတွေမှာတော့ နိုင်ငံရဲ့ လုံခြုံရေး၊ တည်ငြိမ်အေးချမ်း ရေးနဲ့ ပတ်သက်ပြီး တချို့တစ်ဝက်ကတော့ ထိန်းချုပ်ထားတာ ကောင်းပါလိမ့်မယ်။ ဒါ ကျွန်တော်တို့ နိုင်ငံတင် မဟုတ်ပါဘူး။ တချို့ နိုင်ငံတွေမှာလည်း ဒီလိုပါပဲ။ မီဒီယာလွတ်လပ်ခွင့်ကတော့ ကျွန်တော်တို့ အစိုးရသက်တမ်း ၂ နှစ်အတွင်း အတိုင်းအတာအရ တော့ တော်တော်များများ ပေးထားပြီးပြီလို့ ပြောနိုင်ပါတယ်”

၂၀၁၃ ဇူလိုင်လ ၁၈ ရက်နေ့ 7 Day Daily နေ့စဉ်ထုတ်သတင်းစာတွင် ပါရှိသော “မီဒီယာဥပဒေများ နိုင်ငံလုံခြုံ ရေးနှင့် နိုင်ငံ တည်ငြိမ်ရေးအတွက် ထိန်းချုပ်ထားမှုများ ပါဝင်နိုင်ဟု သမ္မတပြော” သတင်းမှ နိုင်ငံတော်သမ္မတ ဦးသိန်းစိန်၏ ပြောကြားချက်အား ကောက်နှုတ်ချက်။


“လိုင်စင် ကျွန်တော်တို့လက်ထဲကို ရောက်နေပြီဆိုတာနဲ့ အဲဒါရပြီး ရှစ်လကြာတာနဲ့ လုပ်ငန်းစမယ်။ လုပ်မယ့် လုပ်ငန်း အသေးစိတ် အချက်အလက်တွေကို အဲဒီ အချိန်ကျရင် ထပ်ကြေညာပေးမယ်”

၂၀၁၃ ဇူလိုင်လ ၁၈ ရက်နေ့ Empire Daily နေ့စဉ်ထုတ်သတင်းစာတွင် ပါရှိသော “Telenor ကုမ္ပဏီ၏ ဖုန်း ဆင်းမ်ကတ်များကို မြန်မာပြည်အတွင်း အရောင်းဌာနပေါင်း ၇ သောင်းဖွင့်၍ ရောင်းချမည်” သတင်းမှ Telenor Myanmar အမှုဆောင်အရာရှိချုပ် Petter Furberg ၏ ပြောကြားချက်အား ကောက်နှုတ်ချက်။


“အသင်းချုပ်မှာ အသင်းသားဦးရေ (၂၀၀၀၀) ကျော်ရှိတဲ့အထဲမှာ ဆန္ဒမဲပေးသူ (၄၀၀) ကျော်ပဲရှိပါတယ်။ ဒါပေမဲ့ တချို့ ဆန္ဒမဲပေးသူတွေက ဆန္ဒမဲငါးစောင်ကနေ ဆယ်စောင်အထိ မဲပေးတဲ့အတွက် ဆန္ဒမဲ (၇၂၂) မဲရှိသွားပါတယ်။ ရွေးချယ်ပွဲမှာ တရားမျှတမှုရှိအောင် ပညာရှင် (၁၁) ဦး ရွေးချယ်သော်လည်း တကယ် လက်တွေ့မှာ ရွေးချယ်မှု မမှန်ကန်ခဲ့ပါဘူး။ ဒါကြောင့် တရားမျှတတဲ့ နည်းလမ်းနဲ့ ပြန်လည် ရွေးချယ်ပေးစေလိုပါတယ်”

၂၀၁၃ ဇူလိုင်လ ၁၉ ရက်နေ့ထုတ် Hot News ဂျာနယ် အတွဲ(၃)၊ အမှတ် (၁၄၉) တွင် ပါရှိသော “UMFCCI အမှု ဆောင် ရွေးချယ်မှုဂယက်ကြောင့် ကြေညာချက် ထုတ်ပြန်ရ” သတင်းမှ ဇောတိကသင်္ကန်းတိုက် ပိုင်ရှင် ဦးခင်လှိုင်၏ ပြောကြားချက်အား ကောက်နှုတ်ချက်။


“မြန်မာနိုင်ငံမှာ ဒေါ်လာဈေးကို မြင့်တက်လာအောင် လုပ်ချင်တဲ့အုပ်စုနဲ့ မလုပ်ချင်တဲ့ အုပ်စုဆိုပြီး နှစ်မျိုးပေါ်နေတယ်။ ဒေါ်လာဈေးတက်တော့ ပို့ကုန်ဈေးကွက်အတွက် အဆင်ပြေတာမှန်တယ်။ သွင်းကုန်အတွက်ကျတော့ အရမ်းထိခိုက်တယ်။ မြန်မာနိုင်ငံက ပို့ကုန်ရငွေကို အဓိကမှီခိုနေရတာ မှန်ပေမယ့် အသုံးများတာကတော့ နိုင်ငံခြားပစ္စည်း၊ ဆေးဝါးကအစ စားသောက်ကုန်အဆုံး၊ ဒီတော့ ဒေါ်လာ ဈေးမြင့်တက်မှုက လူနည်းစုကောင်းစားရေး အတွက်ပဲလားလို့ မေးခွန်းထုတ်စရာ ဖြစ်နေတယ်”

၂၀၁၃ ဇူလိုင်လ ၁၈ ရက်နေ့ စံတော်ချိန်နေ့စဉ်ထုတ်သတင်းစာတွင် ပါရှိသော “မြန်မာငွေနှင့် ကန်ဒေါ်လာ တန်ဖိုးကွာပာမှု ရွှေ့ပြောင်းသယ်ယူရာ၌ အခက်အခဲရှိနေ”သတင်းမှ  စီးပွားရေးပညာရှင် ဦးရူပ၏ ပြောကြား ချက်အား ကောက်နှုတ်ချက်။


သတင်းတိုများ

နိုင်ငံရေး

အစိုးရနှင့် တိုင်းရင်းသား လက်နက်ကိုင်များအကြား ဖော်ဆောင်နေသည့် ငြိမ်းချမ်းရေး လုပ်ငန်းစဉ်များတွင် အမျိုး သားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ပါဝင်ရန် လိုအပ်ကြောင်း ကရင် အမျိုးသား အစည်းအရုံး KNU နှင့် ရှမ်းပြည် ပြန်လည် ထူထောင်ရေး ကောင်စီ RCSS တို့က ဇူလိုင်လ ၁၇ ရက်နေ့တွင် ပူးတွဲ ကြေညာချက် တစ်ရပ် ထုတ်ပြန် သည်။ ငြိမ်းချမ်းရေး လုပ်ငန်းစဉ်များနှင့် နိုင်ငံရေး ဆွေးနွေးမှု ကဏ္ဍများတွင် နှစ်ဖက် အဖွဲ့အစည်းများ သာမက တပ်မတော်၊ လွှတ်တော်၊ နိုင်ငံရေး ပါတီများ၊ အရပ်ဘက် လူမှု အဖွဲ့အစည်းများနှင့် ဒေါ်အောင်ဆန်းစုကြည် စသည့် အဓိက အဖွဲ့အစည်း ခေါင်းဆောင်အားလုံး တက်တက်ကြွကြွ ပါဝင်ရန် လိုအပ်ကြောင်း ယင်းကြေညာချက်တွင် ဖော်ပြထားသည်။ ဇူလိုင်လ ၁၆ ရက်နေ့တွင် KNU ဥက္ကဋ္ဌ ဗိုလ်ချုပ်ကြီး မူတူးစေးဖိုးနှင့် RCSS ဥက္ကဋ္ဌ ဒုတိယ ဗိုလ်ချုပ်ကြီး ရွက်ဆစ်တို့ တွေ့ဆုံ ဆွေးနွေး မှုအပြီး ယင်းသို့ ထုတ်ပြန် ကြေညာခြင်းဖြစ်သည်။

တပ်မတော်သား၂၅ ရာခိုင်နှုန်း ပါဝင် တက်ရောက်လျက်ရှိသော လွှတ်တော် အစည်းအဝေးများတွင် ရင့်သီး ပုတ်ခတ်သည့် စကားလုံးများဖြင့် တပ်မတော် ကို ဝေဖန်ခြင်း မပြုရန် လွှတ်တော် ကိုယ်စားလှယ်များကို တားမြစ်သွား မည် ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြောကြားသည်။ ပြည်သူ့လွှတ်တော် ဥက္ကဋ္ဌ သူရ ဦးရွှေမန်း က ဇူလိုင်လ ၁၇ ရက်နေ့တွင် ကျင်းပသည့် ပြည်သူ့ လွှတ်တော် အစည်းအဝေးအပြီး သတင်းထောက် များနှင့် တွေ့ဆုံစဉ် ယင်းသို့ ပြောကြားခဲ့ခြင်း ဖြစ်သည်။ ပြီးခဲ့သည့် တစ်ပတ်က ကျင်းပခဲ့သည့် ပြည်ထောင်စု လွှတ်တော် အစည်းအဝေးတွင် လယ်မြေများနှင့် အခြားမြေများ သိမ်းဆည်းခံရမှု စုံစမ်းရေး ကော်မရှင်က ပြည်ထောင်စု လွှတ်တော်သို့ တင်သွင်းသော အစီရင်ခံစာ အပိုင်း (၁)၊ အပိုင်း (၂)ကို အတည်ပြုရန် လွှတ်တော် ကိုယ်စားလှယ် အချို့က ဆွေးနွေးစဉ် တပ်မတော်ကို စစ် အစိုးရ၊ စစ် အာဏာရှင်စသည့် အသုံးအနှုန်းများ သုံးနှုန်းခဲ့ပြီး ယင်းအသုံးအနှုန်းများ သည် တစ်ဖက်နှင့်တစ်ဖက် ထိခိုက် နစ်နာမှုများ ရှိလာစေသောကြောင့် တားမြစ်ရခြင်း ဖြစ်ကြောင်း ၎င်းက ဆိုသည်။

ထားဝယ်ဒေသနှင့် အခြားဒေသများရှိ ထားဝယ်လူမျိုးများ စုစည်း၍ ထားဝယ်တိုင်းရင်းသားများပါတီ တစ်ခု တည် ထောင်သွားမည် ဖြစ်ကြောင်း အဆိုပါ ပါတီဖြစ်မြောက်ရေး အဖွဲ့ဝင်တစ်ဦးဖြစ်သူ ဦးဇော်ဦးက The Voice သို့ ပြောကြား သည်။အဆိုပါ ထားဝယ်တိုင်းရင်းသားများပါတီ ဖြစ်မြောက်ရေးကို အဖွဲ့ဝင် ၁၉ ဦးဖြင့် ဖွဲ့စည်းထားပြီး ပါတီတည်ထောင်ခွင့် ပြည်ထောင်စုရွေးကောက် ပွဲ ကော်မရှင်ထံသို့ ဇူလိုင်လ ၁၆ ရက်နေ့တွင် တရားဝင် လျှောက်ထား ခဲ့ကြောင်း ၎င်းကထပ် လောင်း ပြောကြားသည်။ထားဝယ်တိုင်းရင်းသားများပါတီ အနေဖြင့် လာမည့် ၂၀၁၅ ရွေးကောက်ပွဲတွင် ပါဝင်ယှဉ်ပြိုင်မည် ဖြစ်သော် လည်း ပြည်ထောင်စုမြန်မာ နိုင်ငံတော် တည်ဆောက်ရေး လုပ်ငန်းစဉ်များတွင် ထားဝယ် တိုင်းရင်းသားများ ပါဝင်နိုင်ရေး၊ တိုင်းရင်းသား ဆိုင်ရာ သမိုင်းနှင့် ယဉ်ကျေးမှု ကိစ္စရပ်များကို ပိုမိုထိရောက်စွာ ဆောင်ရွက်နိုင်ရေးနှင့် ထားဝယ် ရေနက်ဆိပ်ကမ်း စီမံကိန်းကြောင့် မဲခေါင်ဒေသ၏ အချက်အချာနေရာ တစ်ခု ဖြစ်လာသည့်အခါ နိုင်ငံရေး ပလက်ဖောင်း

တစ်ရပ် ဖြည့်ဆည်းနိုင်ရေး အဓိက ရည်ရွယ်ကြောင်း ဦးဇော်ဦးက ပြောကြားသည်။


ပဋိပက္ခစီမံခန့်ခွဲမှု

ငြိမ်းချမ်းရေးဖော်ဆောင်ရေးအတွက် နိုင်ငံဘတ်ဂျက်၊ ပြည်သူ့ငွေများကို အဓိကထား စဉ်းစား၍ သုံးစွဲခြင်းအားဖြင့် ငြိမ်းချမ်းရေးဖော်ဆောင်ရာတွင် အချိန်တိုအတွင်း အောင်မြင်မှုရရှိနိုင်ကြောင်း၊ ငြိမ်းချမ်းရေး အတွက် အခြားနိုင်ငံအဖွဲ့ အစည်းများကို အားကိုးမည့်အစား ပြည်တွင်းရှိ ပြည်သူတို့၏ ငွေများဖြင့်သာ ဆောင်ရွက်သွားမည်ဆိုပါက လွှတ်တော် အနေဖြင့် ၀မ်းမြောက်စွာ ကြိုဆို၍ ပါဝင်ဆောင်ရွက်သွားမည် ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ဇူလိုင်လ ၁၇ ရက်နေ့ လွှတ်တော် အစည်းအဝေး အပြီး သတင်းမီဒီယာများနှင့် တွေ့ဆုံချိန်တွင် ပြောကြားသွားခဲ့သည်။


အုပ်ချုပ်ရေး

အဆိုးဝါးဆုံး ပုံစံဖြင့် ကလေးသူငယ် လုပ်သားများကို ခိုင်းစေမှု ပပျောက်ရေး ပြဋ္ဌာန်းချက် ၁၈၂ ကို မြန်မာနိုင်ငံ သမ္မတ လက်မှတ်ရေးထိုးရန် သဘောတူညီထားကြောင်း အပြည်ပြည်ဆိုင်ရာ အလုပ်သမားရေးရာအဖွဲ့ (ILO) ၏ မြန်မာနိုင်ငံ ဆိုင်ရာ ဆက်သွယ် ညှိနှိုင်းရေး အရာရှိ Steve Marshall က ပြောကြားသည်။ အဆိုးဝါးဆုံး နေရာဟု ခေါ်ဆိုသည့် အသက် အန္တရာယ်နှင့် အလုပ် မလုပ်ကိုင်သင့်သည့် နေရာများ ဖြစ်သော မိုင်းတွင်း၊ ကလေး စစ်သား၊ ပြည့်တန်ဆာ စသည့် လုပ်ငန်း များတွင် ကလေးသူငယ်များ ပပျောက်ရေးအတွက်ဖြစ်ပြီး မြန်မာနိုင်ငံ အစိုးရက အာဆီယံ ဥက္ကဋ္ဌ တာဝန် မယူမီ လက်မှတ် ရေးထိုး နိုင်မည်ဟု ယူဆကြောင်း ILO မှ စီမံကိန်း တာဝန်ခံ ဦးချစ်တင်က ဆိုသည်။ အဆိုပါ ပြဋ္ဌာန်းချက် အပါအဝင် အိမ်ဖော်များနှင့် ပတ်သက်သည့် ပြဋ္ဌာန်း ချက် တစ်ရပ်ကိုပါ လက်မှတ် ရေးထိုးရန် သဘောတူညီမှု ရရှိထားကြောင်း Steve Marshall က ဆက်လက် ပြောကြားသည်။

မြန်မာနိုင်ငံတွင် အလုပ် လုပ်ကိုင်နေသည့် အလုပ်သမား ဦးရေကို ၂၀၁၄ ခုနှစ်တွင် ကောက်ယူမည့် သန်းခေါင်စာ ရင်း ကောက်ခံစဉ် တစ်ပြိုင်တည်း ကောက်ခံရန် နိုင်ငံတော် သမ္မတက ခွင့်ပြုထားကြောင်း အပြည်ပြည်ဆိုင်ရာ အလုပ်သမား ရေးရာအဖွဲ့ (ILO) မြန်မာနိုင်ငံဆိုင်ရာ ဆက်သွယ် ညှိနှိုင်းရေး အရာရှိ Steve Marshall က ပြောကြားသည်။ အလုပ်သမား စာရင်း ကောက်ခံရာတွင် အခြားသူထံတွင် အလုပ် လုပ်ကိုင် သည့် ဦးရေ၊ ကိုယ်ပိုင် လုပ်ငန်း လုပ်ကိုင်သူ ဦးရေ၊ လုပ်ငန်း အမျိုးအစား လိုက် အလုပ်သမား ဦးရေနှင့် အလုပ်လက်မဲ့ ဦးရေများကို ကောက်ခံ မည်ဖြစ်ပြီး စာရင်း ကောက်ယူမှု လိုအပ် ချက်များကို နိုင်ငံတော်ကို တင်ပြ သွားမည်ဖြစ်သည်။ မြန်မာနိုင်ငံတွင် အမှန်တကယ် အလုပ် လုပ်ကိုင်နိုင်သော ဦးရေ ၅၆ ဒသမ ၅၄ရာခိုင်နှုန်းရှိပြီး အလုပ် လက်မဲ့နှုန်းမှာ ၂၈ ဒသမ ၄ ရာခိုင်နှုန်းရှိသဖြင့် လူဦးရေဖြင့်ဆိုလျှင် ၁၀ သန်း ဝန်းကျင် အလုပ်လက်မဲ့ရှိကြောင်း ၂၀၁၂ ခုနှစ် ဇူလိုင်လ ၂၇ ရက်နေ့က နိုင်ငံပိုင် သတင်းစာတွင် ဖော်ပြခဲ့သည်။



Google Drive: create, share, and keep all your stuff in one place. Logo for Google Drive