Transparency Myanmar

transparency.myanmar@gmail.com

INTERNATIONAL MEDIA (2)
Document

Snapshot of the item below:
INTERNATIONAL MEDIA (2)

ဘာသာပြန်သတင်းများ (၂)

မြန်မာနိုင်ငံရဲ့ စစ်မှန်သော ပြုပြင်ပြောင်းလဲရေးသမား ကြာရှည်စွာရပ်တည်နိုင်ပါ့မလား

(The Manila Times မှ 28 July 2013 ရက်စွဲပါ Roger Mitton ရေးသားသော Will Myanmar’s real reformer please stand up? ကိုဘာသာပြန်ဆိုသည်)

ပြုပြင်ပြောင်းလဲမှုများ လုပ်ဆောင်လျက်ရှိသော မြန်မာနိုင်ငံတွင် လတ်တလော နေ့ရက်များအတွင်း အခန်းကဏ္ဍအသီးသီး၌ တစ်မူထူးခြားစွာ ပြောင်းပြန်ဖြစ်နေသည်ကို တွေ့မြင်ရပေလိမ့်မည်။ တစ်ချိန်က အာဏာရှင်ဖြစ်ခဲ့သူက အမျိုးသားရေးပြုပြင်ပြောင်းလဲမှုများအတွက် တွန်းအားပေးလျက်ရှိပြီး စိန်ခေါ်မှုများနှင့် ဆန့်ကျင်ဘက် သဘောတရားများကို ရင်ဆိုင်ကာ အမျိုးသားရေးဟန်ချက်ညီအောင်လုပ်ဆောင်လျက်ရှိသည်။ နာမည်ကြီး ဒီမိုကရေစီခေါင်းဆောင်များကမူ ချမ်းသာကြွယ်ဝသူများ၊ နာမည်ဆိုးထွက်သူများနှင့် မိတ်ဆွေဖွဲ့ လျက်ရှိသည်။

ဆိုခဲ့ပါ ပြုမူဆောင်ရွက်ချက်များမှာ နောက်ဆုံးတွင် သတင်းထဲ၌ပါလာတော့သည်။ သမ္မတဦးသိန်းစိန်နှင့် ဒေါ်အောင်ဆန်းစုကြည်တို့သည် မြန်မာနိုင်ငံ၏ မူးယစ်ရာဇာ လောစစ်ဟန် သေဆုံးသည့်သတင်းတွင် အတူပူးတွဲပါဝင် လာသည်။

ဘိန်းဖြူဘုရင်အဖြစ် အမေရိကန်ပြည်ထောင်စုက သတ်မှတ်ပြောဆိုခဲ့သည့် လော်စစ်ဟန်သည် ဇူလိုင်လ အစောပိုင်းက ရန်ကုန်မြို့ရှိ ၎င်း၏ နေအိမ်တွင်ကွယ်လွန်ခဲ့သည်။ အဆိုပါ ရန်ကုန်မြို့တွင်ပင် လွန်ခဲ့သည့် ၁၀ နှစ် ကျော်ခန့်၊ ၂၀၀၀ ပြည့်နှစ်က စိတ်ကြီးသော်လည်း ခင်မင်တတ်သည့် လော်စစ်ဟန်နှင့် ကျွန်တော်တွေ့ဆုံခဲ့သည်။

ထိုစဉ်က ဒေါ်အောင်ဆန်းစုကြည်နှင့် တွေ့ဆုံအင်တာဗျူးပြုလုပ်ပြီးနောက် တစ်နေ့တွင် သူနှင့်တွေ့ ဆုံခဲ့ခြင်းဖြစ်သည်။ လော်စစ်ဟန်မှာ စကားကို ပေါ့ပေါ့ပါးပါးပင်ပြောနိုင်သည်။ အကြောင်းမှာ သူသည် သူ၏ စိတ်ထဲတွင် ရှိသမျှကို ရိုးရှင်းစွာထုတ်ဖော်ပြောသောကြောင့်ဖြစ်သည်။ ဒေါ်အောင်ဆန်းစုကြည်နှင့် ဦးသိန်းစိန်တို့ ပြောသည့်စကားမှာ သူတို့စိတ်ထဲက လာသည့်စကားဟုတ်၊ မဟုတ်ဟူသည်ကိုမူ ဘယ်တော့အခါမှ ရှင်းရှင်းလင်းလင်းမသိနိုင်ပေ။

ယနေ့အချိန်ထိပင် နိုင်ငံရေးသမားများသည် သူတို့ဘာတွေ စဉ်းစားနေသည်၊ ဘာတွေလုပ်နေသည်ကို ပွင့်ပွင့်လင်းလင်းထုတ်ဖော်ပြောဆိုသည်မှာ နည်းပါးလှသည်။

ဦးသိန်းစိန်ကိုကြည့်မည်ဆိုလျှင် လွန်ခဲ့သည့် နှစ်ပေါင်းများစွာက ကျွန်တော်နှင့် ရှမ်းပြည်နယ်မြောက်ပိုင်းတွင် ပထမဆုံးတွေ့ဆုံခဲ့စဉ်က စကားအနည်းအကျဉ်းမျှသာပြောခဲ့သည်။ သူဘာတွေစဉ်းစားနေသည်ဟူသည်ကို အတွင်းစိတ်ကို သိနိုင်စွမ်းရှိသူသာ သိပေလိမ့်မည်။ ထိုစဉ်က ဦးသိန်းစိန်သည် စကားပြောရာတွင် ရှက်ကိုးရှက်ကန်းပင် ဖြစ်နေပုံရသည်။ ထို့ကြောင့် တိုင်းရင်းသားလက်နက်ကိုင်ပုန်ကန်မှုများ၊ မူးယစ်ဆေးဝါးရောင်းဝယ်ဖောက်ကားမှုများနှင့် နယ်စပ်ပြဿနာများရှိနေသော ရှမ်းပြည်နယ်မြောက်ပိုင်း၌ စစ်ဦးစီးမှူးတာဝန်ထမ်းကို ဦးသိန်းစိန်ရယူ ထားသည် ဟူသောကိစ္စမှာ ကျွန်တော့်အတွက် အံ့အားသင့်စရာကောင်းခဲ့သည်။ ယင်းရာထူးကို ဦးသိန်းစိန် မည်သို့မည်ပုံခန့်အပ်ခြင်း ခံရသည်ဟူသောကိစ္စနှင့် နောက်ပိုင်းတွင် စစ်အစိုးရ၏ ထိပ်တန်းရာထူးရယူနိုင်ခဲ့သည့်ကိစ္စမှာ ယနေ့အထိ ဇဝေဇဝါ ဖြစ်စရာပင်ဖြစ်နေသည်။ ၂ နှစ်ခန့်အကြာတွင်မူ ဦးသိန်းစိန်သည် မြန်မာနိုင်ငံသမ္မတအဖြစ် ရွေးကောက်တင်မြှောက် ခံရသည်။

ယခုနှစ် ဇူလိုင်လ ၂၂ ရက်နေ့၊ လန်ဒန်မြို့သို့ အလည်အပတ်ရောက်ရှိလာသောအခါ ဦးသိန်းစိန်က သူ၏ အစိုးရသည် ဖွဲ့စည်းပုံအခြေခံဥပဒေသစ်ရေးဆွဲပေးခြင်း၊ ရွေးကောက်ပွဲကျင်းပပေးခြင်း၊ မီဒီယာလွတ်လပ်ခွင့်ပေးခြင်း၊ အင်တာနက်ဆင်ဆာတည်းဖြတ်မှုများ ဖျက်သိမ်းပေးခြင်း၊ လွတ်လပ်စွာ စုရုံးခြင်းနှင့် ထုတ်ဖော်ပြောဆိုခွင့်အပါအဝင် သတင်းစာ လွတ်လပ်ခွင့်များကို ကာကွယ်နိုင်မည့် ဥပဒေများရေးဆွဲခြင်း အစရှိသည်တို့ကို လုပ်ဆောင်ပေးခဲ့သည်ဟု မှတ်ချက်ပေးပြောဆိုသည်။

လွန်ခဲ့သည့် ဆယ်စုနှစ်ကျော်ကာလ၊ ရှမ်းပြည်မြောက်ပိုင်းတွင် တာဝန်ထမ်းဆောင်ခဲ့စဉ်က အထက်ပါ အကြောင်းအရာများကို ဦးသိန်းစိန်သာ ထုတ်ဖော်ပြောဆိုခဲ့မည်ဆိုပါက လှောင်ပြောင်စရာဖြစ်ရုံမျှမက ဖမ်းဆီးချုပ်နှောင်ပင်ခံရလိမ့်မည်ဖြစ်သည်။

သို့သော် ယနေ့ယခု ဦးသိန်းစိန်မှာ အံ့သြစရာကောင်းလှသည့် ပြုပြင်ပြောင်းလဲမှုများကို အကောင်အထည် ဖော်လျက်ရှိသလို ဒေါ်အောင်ဆန်းစုကြည်သည်လည်း ကျွန်တော်တို့ကို အံ့သြစရာများဖြစ်အောင် လုပ်ဆောင်လျက် ရှိသည်။ သို့သော် သူတို့၏ ပါတီမှ တပည့်ရင်းချာများနှင့် ဖော်လံဖား အနောက်တိုင်းသံတမန်များကို ကသိကအောက် ဖြစ်စေသည့် နည်းလမ်းဖြင့် လုပ်ဆောင်နေကြခြင်းဖြစ်သည်။

ကသိကအောက်ဖြစ်စေသည့် လုပ်ရပ်များတွင် ဒေါ်အောင်ဆန်းစုကြည်နှင့် ယခင်စစ်အာဏာရှင်ကြီးများ၏ ခင်မင်ရင်းနှီးမှုက ဆိုးဆိုးရွားရွားမဟုတ်လှသော်လည်း စစ်အစိုးရနှင့် ဆယ်စုနှစ်များစွာ စစ်ခင်းလိုက်၊ ပြန်ပေါင်းထုတ်လိုက် လုပ်ခဲ့သည့် ခရိုနီစီးပွားရေးသမားများ(အထူးသဖြင့် လောစစ်ဟန်နှင့် သူ၏သားဖြစ်သူ စတိဗ်လော်)နှင့် အကြည်စိုက်မှုတို့က ပို၍ပင်စိတ်ပျက်စရာဖြစ်စေသည်။

ဒေါ်အောင်ဆန်းစုကြည်သည် ဦးဇော်ဇော်နှင့် ဦးကျော်ဝင်းကဲ့သို့သော ခရိုနီကြီးများထံမှ အခွင့်အရေး များရနေသည့်အပြင် မြန်မာနိုင်ငံတွင် နာမည်ဆိုးဖြင့် အကျော်ကြားဆုံးခရိုနီတစ်ဦးဖြစ်သည့် ဦးတေဇထံမှ ၎င်း၏ လေကြောင်းလိုင်းများတွင် တစ်သက်တာ အခမဲ့စီးနင်းခွင့်ကိုလည်း ရရှိထားသည်။

ဦးတေဇသည် အမေရိကန်ပြည်ထောင်စုက သူ၏ အဲယားပုဂံအပေါ် သတ်မှတ်ပြဋ္ဌာန်းထားသော ပိတ်ဆို့အရေးယူမှုများကို ရှောင်ရှားနိုင်ရေးအတွက် Asian Wings အမည်ရသည့် လေကြောင်းလိုင်းသစ်တစ်ခုကို လွန်ခဲ့သည့် သုံးနှစ်တာကာလက တည်ထောင်လိုက်သည်။

ယခုအခါတွင်မူ ဒေါ်အောင်ဆန်းစုကြည်သည် ယင်းလေကြောင်းလိုင်းအသစ်တွင် Instant Platinum Frequent Flyer တစ်ဦးဖြစ်လာပြီဖြစ်ရာ သူနှင့်အတူ အခြားပုဂ္ဂိုလ်နှစ်ဦး အခမဲ့စီးနင်းခွင့်ရှိသည်။

 ဦးတေဇ၏ လက်ထောက်တစ်ဦးက သူတို့အနေဖြင့် ယခုကဲ့သို့ အခွင့်အရေးပေးရခြင်းမှာ ဒေါ်အောင်ဆန်းစုကြည် ဘဝတစ်လျှောက်လုပ်ကိုင်ခဲ့သည်များကို လွန်စွာအသိအမှတ်ပြု၊ လေးစားနှစ်သက် မိခြင်းကြောင့်ဖြစ်သည်ဟု ရှင်းပြသည်။

သူတို့အနေဖြင့် လေးစားအသိအမှတ်ပြုသည်ဟူသည်မှာ ဟုတ်ပါလိမ့်မည်။ ဦးသိန်းစိန်သမ္မတဖြစ်မလာမီ သူတို့အနေဖြင့် ဒေါ်အောင်ဆန်းစုကြည်၏ ဂုဏ်ဒြပ်ကို ယင်းသို့ချီးမွမ်းထုတ်ဖော်ပြောဆိုရန် မေ့ခဲ့ဟန်ရှိပါသည်။ ယခု ဒေါ်အောင်ဆန်းစုကြည်က ပိတ်ဆို့အရေးယူခံထားရသော ခရိုနီကြီးများထံမှ အသိအမှတ်ပြုမှုများနှင့် အခွင့်ထူးများ လက်ခံရရှိနေစဉ် သမ္မတဦးသိန်းစိန်ကလည်း ပြုပြင်ပြောင်းလဲမှုများပြုလုပ်ပေးမည်၊ ယခုနှစ်ကုန်သည်နှင့် တစ်ပြိုင်နက် တည်း နိုင်ငံရေးအကျဉ်းသားများကိုလွှတ်ပေးမည်ဟူသည့် ကတိကဝတ်များပေးလျက်ရှိသည်။

Chatham House ၌ မိန့်ခွန်းပြောဆိုရာတွင် ဦးသိန်းစိန်က မိမိ၏ အစိုးရအနေဖြင့် ဘာသာရေးလူမျိုးရေးဆိုင်ရာ ဆူပူအကြမ်းဖက်မှုများ ထပ်မံပေါ်ပေါက်လာပါက ရာနှုန်းပြည့် သည်းခံမှုဖြင့်ချဉ်းကပ်ဖြေရှင်းသွားမည်ဟု ကတိကဝတ်ပြုပြောဆိုခဲ့ရာ မွတ်စလင်ဆန့်ကျင်ရေးလှုပ်ရှားမှုများနှင့်ပတ်သက်၍ ရေငုံနှုတ်ပိတ်နေမှုကြောင့် ဝေဖန်ခံနေရ သည့် ဒေါ်အောင်ဆန်းစုကြည်ကို သွယ်ဝိုက်လှောင်ပြောင်လိုက်သလိုဖြစ်ခဲ့သည်။

အမှန်တွင်လည်း ဦးသိန်းစိန်သည် ပြောသည့်အတိုင်း လုပ်ကိုင်ဆောင်ရွက်ခဲ့ပြီးဖြစ်သည်။ ရိုဟင်ဂျာ မွတ်စလင်များကို ဖိနှိပ်ညှဉ်းပန်းမှုများပြုလုပ်လျက်ရှိသည်ဟု နာမည်ထွက်နေသည့် နစက အမည်ရ နယ်စပ်လုံခြုံရေး တပ်ဖွဲ့ကို ဖျက်သိမ်းခဲ့ပြီးဖြစ်သည်။

International Crisis Group ကမူ သမ္မတဦးသိန်းစိန်၏ လုပ်ရပ်များထဲမှ အဆိုပါ နစကအဖွဲ့ကို ဖျက်သိမ်းလိုက်ခြင်းသည် တစ်ခုတည်းသော ကောင်းသည့်လုပ်ရပ်ဖြစ်ကြောင်း ထုတ်ဖော်ချီးမွမ်းသည်။ ထိုသို့သော လုပ်ကိုင်ဆောင်ရွက်မှုကောင်းများမှာ ရွေးကောက်ပွဲမဲဆွယ်သည့် လုပ်ရပ်များဟု ဆိုနိုင်ပါသည်။ သို့သော် ပြင်သစ်နိုင်ငံ၌ မိန့်ခွန်းပြောရာ၌ ဦးသိန်းစိန်က “အခုအချိန်ထိတော့ လာမယ့်ရွေးကောက်ပွဲမှာ ပါဝင်ယှဉ်ပြိုင်ဖို့ ကျွန်တော်ပြင်ဆင် ထားတာ မရှိပါဘူး” ဟုပြောသည်။

သူ့အနေဖြင့် သမ္မတရွေးကောက်ပွဲဝင်ရောက်ယှဉ်ပြိုင်ရေးအတွက် စဉ်းစားလိမ့်မည်ဟုသာ ကျွန်တော်တို့ မျှော်လင့်ရမည်ဖြစ်သည်။ ထိုမှသာ မြန်မာပြည်သူများအနေဖြင့် အဆင့်မြင့်သော ပြုပြင်ပြောင်းလဲမှုများလုပ်လိုသည့် ခေါင်းဆောင်နှင့် ကိုယ့်အလုပ်ကိုဆက်လုပ်လိုသည့် ခေါင်းဆောင်နှစ်ဦးအနက် တစ်ဦးကို ရွေးချယ်ခွင့်ရမည်ဖြစ်သည်။



Google Drive: create, share, and keep all your stuff in one place. Logo for Google Drive

INTERNATIONAL MEDIA (1)
Document

Snapshot of the item below:
INTERNATIONAL MEDIA (1)

ဘာသာပြန်သတင်းများ

  1. မြန်မာနိုင်ငံ၏ အမျိုးသားလေကြောင်းမူဝါဒ ၂၀၁၄တွင် အဆင်သင့်ဖြစ်မည်ဟုဆို

( 31 July 2013 ရက်စွဲပါ  e Turbo News မှ Myanmar’s national aviation policy should be ready by 2014 ကို ဘာသာပြန်သည်)

  1. မြန်မာနိုင်ငံ၏ ပြုပြင်ပြောင်းလဲမှု အခြေအနေကို လန်ဒန်စိုးရိမ်နေဆဲ

(UPI မှ 31 July 2013 ရက်စွဲပါ “Myanmar reform progress troubles London” သတင်းကိုဘာသာပြန်ဆိုသည်)

  1. ထိုင်း- မြန်မာနယ်စပ် ရေကြီး

(Bangkok Post မှ  31 July 2013  ရက်စွဲပါ “Flood hit Thai-Myanmar border “ သတင်းကို ဘာသာပြန်ဆိုသည်)


မြန်မာနိုင်ငံ၏ အမျိုးသားလေကြောင်းမူဝါဒ ၂၀၁၄တွင် အဆင်သင့်ဖြစ်မည်ဟုဆို

( 31 July 2013 ရက်စွဲပါ  e Turbo News မှ Myanmar’s national aviation policy should be ready by 2014 ကို ဘာသာပြန်သည်)

နိုင်ငံတကာလေကြောင်းပို့ဆောင်ရေးအဖွဲ့ (IATA) ကမြန်မာနိုင်ငံတွင် အမျိုးသားလေကြောင်းမူဝါဒ တစ်ခုလိုအပ်ကြောင်း ပြောကြားခဲ့ပါသည်။

မေးခွန်းမေးမြန်းမှုကို  IATA က စာဖြင့်ရေးသားဖြေကြားရာတွင် မူဝါဒတွင်ထည့်သွင်းရမည့်အချက်များမှာ တိုးလာနိုင်သည့် ဆင်းသက်မည့် လေကြောင်းလိုင်းများ၊ အစိုးရစည်းမျဉ်းများနှင့် ဝန်ထမ်းလေ့ကျင်မှုများ ဖြစ်သည်ဟု ဆိုပါသည်။

မြန်မာနိုင်ငံမြို့ပြလေကြောင်းဌာနကလည်း ထိုသို့သောမူဝါဒတစ်ခုကိုရေးဆွဲလျက်ရှိပြီး၊ ၂၀၁၄တွင် အသင့်ဖြစ်မည်ဟု ပြောကြားခဲ့ပါသည်။

မြန်မာနိုင်ငံတွင် ဆယ်စုနှစ်ပေါင်းများစွာ အပယ်ခံဘဝရောက်ခဲ့ရသောကြောင့် မြန်မာနိုင်ငံ၏လေကြောင်းဏ္ဍသည် ယခုကဲ့သို့ ဦးဆောင်ကဏ္ဍကို ရောက်ရှိလိမ့်မည်ဟု ဘယ်သောအခါကမျှ စဉ်းစားခြင်းမရှိပေ။

သို့သော် တိုင်းပြည်က အသွင်းပြောင်းလျက်ရှိခြင်းကြောင့် မြန်မာနိုင်ငံသည် အရှေ့တောင်အာရှ၏ လေကြောင်းဗဟို ဌာနတစ်ခု ဖြစ်လာနိုင်သည်ဟု မြန်မာနိုင်ငံမြို့ပြလေကြောင်းဌာနက ယုံကြည်နေပါသည်။

မြို့ပြလေကြောင်းဌာန ဒုတိယညွှန်ကြားရေးမှူးချုပ် ဦးဝင်းဆွေထွန်းက ပြောကြားရာတွင် “ကျွန်တော်တို့မှာ တိကျသည့် လေကြောင်းမူဝါဒ မရှိတာအတော်ကြာပါပြီ။ အခုတော့ ကျွန်တော်တို့ နိုင်ငံခြားအော်ပရေတာတွေကို လက်ခံထားပါတယ်။ ကျွန်တော်တို့မှာ နိုင်ငံခြားအော်ပရေတာတွေကို ဆွဲဆောင် တာတို့ ဈေးကွက်မြှင့်တင်တာတို့ မလုပ်ခဲ့ဘူးပါဘူး။ အခုတော့ နိုင်ငံတကာနှင့်ဆက်ဆံဖို့ ပိုပြီးအခွင့်အလမ်းကောင်းတွေရှိလာပါပြီ။ တဖက်ကလည်း ကျွန်တော်တို့အတွက် စိန်ခေါ်မှုပါပဲ။ ဒါကြောင့် ကျွန်တော်တို့ မူဝါဒတစ်ခုလိုအပ်တာ အတိအကျပါပဲ” ဟုဆိုပါသည်။

လက်ရှိအားဖြင့် မြန်မာနိုင်ငံ၏ မြို့ပြလေကြောင်းအာဏာပိုင်အဖွဲ့သည် မူဝါဒကြီးကြပ်သူနှင့် လေဆိပ်များကို စီမံခန့်ခွဲသူဖြစ်ပါသည်။

သို့သော် လေဆိပ်ဝန်ဆောင်မှုများ လုပ်ကိုင်ရန် အခြားအေဂျင်စီများသို့ လွှဲပေးရန် လုပ်ဆောင်နေပြီဖြစ်ကြောင်း ဦးဝင်းဆွေထွန်းက ဆိုပါသည်။

နောက်ထပ်စိန်ခေါ်မှုတစ်ခုမှာ နှစ်ခြိုက်မှုနည်းပါးပြီး ပုံရိပ်မကောင်းသော ပြည်တွင်းလေကြာင်းလိုင်းများကို မြှင့်တင်ရန် လိုအပ်ချက်ဖြစ်ပါသည်။ ယခုအခါ အာဏာပိုင်များသည် ထိုကိစ္စကို ဦးစားပေးကာ အထူးအလေးပေး ဆောင်ရွက်နေပါသည်။

ဦးဝင်းဆွေထွန်းက ပြောကြားရာတွင် “ ကျွန်တော်တို့အနေနဲ့က လေယာဉ်နဲ့ပတ်သတ်ပြီး ကန့်သတ်ထားတာမရှိပါဘူး။ ဒါပေမယ့်၂၀၁၁ခုနှစ်မှာတော့ လက်ရှိလေယာဉ်တွေကို ၂၅နှစ်ကျော်ရင် အသုံးမပြုဖို့ ကန့်သတ်ခဲ့ပါတယ်။ အသစ်ရောက်လာတဲ့လေယာဉ်တွေရော အနှစ် ၂၀ ထိသာ သုံးနိုင်ပါတယ်။ ကျွန်တော်တို့ လုံခြုံရေးစီမံခန့်ခွဲရေးစနစ်ရှိပါတယ်” ဟုဆိုပါသည်။

လွန်ခဲ့သောနှစ်လကျော်က မြန်မာ့လေကြောင်းတွင်  အဖြစ်အပျက်နှစ်ခုကြုံတွေ့ခဲ့ရာတစ်ခုမှာ လေယာဉ်ပြေးလမ်း ချော်သွားခြင်းနှင့် အခြားတစ်ခုမှာ ပြေးလမ်းကို ကျော်လွန်သွားခြင်းဖြစ်ပြီး နှစ်ဦးဒဏ်ရာရမှုဖြစ်ခဲ့ပါသည်။

ပြီးခဲ့သည့် ဒီဇင်ဘာလကလည်း အဲပုဂံလေကြောင်း လေယာဉ်အဆင်းတွင် ပျက်ကျခဲ့ရာ နှစ်ဦးသေဆုံးပြီး (၁၀)ဦး ဒဏ်ရာ ရခဲ့ပါသည်။ မြန်မာနိုင်ငံတွင်းတွင် လေကြောင်းဖြင့်ခရီးသွားမှုများတိုးလာခြင်းကြောင့် လုံခြုံမှုရှိရေးမှာ အဓိက အကြောင်းအရာ ဖြစ်လာပါသည်။

အဲပုဂံမှ ဒုတိယမန်နေဂျင်းဒါရိုက်တာ စစ်သန္တာနွဲ့ကပြောကြားရာတွင် “ပြည်သူတွေဟာ မြန်မာနိုင်ငံမှ လေကြောင်း လိုင်းတွေလုံခြုံမှုရှိရေးကို နားလည်ဖို့လိုအပ်တယ်ဆိုတာ သဘောတူနားလည်ပါတယ်။ ကျွန်မတို့လေကြောင်းလိုင်းဟာ အသစ်တွေဝယ်ယူနေပါတယ် ကျွန်မတို့ဝန်ထမ်းတွေကိုလည်း နိုင်ငံတကာစံချိန်မီအောင် လေ့ကျင့်သင်ကြားမှုတွေ ပြုလုပ်နေပါတယ်”ဟုပြောကြားခဲ့ပါသည်။

ရွှေမြန်မာလေကြောင်းလိုင်းမှ မန်နေဂျင်းဒါရိုက်တာ ဦးအောင်ကြီးကပြောကြားရာတွင် “ မြန်မာနိုင်ငံရဲ့ လေကြောင်းလုပ်ငန်းကြီးကိုပြောရမယ်ဆိုရင် သူငယ်တန်းအဆင့်မှာပဲရှိပါသေးတယ်။ လောလောဆယ်တော့ နာမည်ကောင်းလဲ သိပ်မရသေးပါဘူး။ ဒါပေမယ့် ကြီးကြီးမားမား နာမည်ပျက်တာမဟုတ်လို့ အချိန်တိုအတွင်း အဆင့်တစ်ခုကိုရောက်လာနိုင်မယ်လို့ ထင်ပါတယ်။ ဒီလုပ်ငန်းမှာ ဝင်ရောက်လုပ်ကိုင်တဲ့သူတွေအနေနဲ့ ခေတ်မီတဲ့၊ နောက်ဆုံးနည်းပညာတွေနဲ့ လုံခြုံမှုရှိရေးကို လုပ်ဆောင်ရပါမယ်။ ဒါကြောင့် ကျွန်တော်တို့ အမြဲပြောနေတာက လုံခြုံမှုရှိရေး စီမံခန့်ခွဲမှုစနစ်ပါပဲ” ဟုဆိုပါသည်။

ရွှေမြန်မာလေကြောင်းလိုင်းသည် ၄င်း၏ဝန်ထမ်းများကို လေ့ကျင့်နိုင်ရန် နိုင်ငံခြားသားပညာရှင်များ ငှားရမ်းထားပါသည်။

၎င်းတို့က အစိုးရအနေဖြင့် လေ့ကျင့်သင်ကြားမှုများတွင် အကူအညီပေးရန်နှင့် ဝန်ထမ်းလေ့ကျင့်မှုများတွင် ပို၍ကြပ်ကြပ်မတ်မတ်ရှိရေး ကူညီရန် မျှော်လင့်နေပါသည်။

IATA ကပြောကြားရာတွင် မြန်မာနိုင်ငံ၏ အမျိုးသားလေကြောင်းမဟာဗျူဟာသည် ခရီးသွားလုပ်ငန်းနှင့် စီးပွားရေးလုပ်ငန်းများပိုမို ထိတွေ့မှုရှိရေးဖြစ်သည်ဟု ဆိုပါသည်။ လေကြောင်းလုပ်ငန်းသည် အလုပ်အကိုင်ဖန်တီးပေးမှုများကဲ့သို့သော လူမှုရေးနှင့်စီးပွားရေး အကျိုးအမြတ်များရနိုင်ပါသည်။

IATA ကမြန်မာနိုင်ငံ၏ မူဝါဒကြီးကြပ်ရေးစနစ် ဖွံ့ဖြိုးတိုးတက်ရေးလုပ်ဆောင်မှုကို  အသိအမှတ်ပြုခဲ့ပြီး လေကြောင်းခရီးများစီမံခန့်ခွဲမှု၊ လေဆိပ်အခြေခံအဆောက်အဦးများ လုပ်ဆောင်မှု အရှိန်အဟုန်ဆက်လက်ထိန်းသိမ်းရန် မျှော်လင့်နေပါသည်။


 

မြန်မာနိုင်ငံ၏ ပြုပြင်ပြောင်းလဲမှု အခြေအနေကို လန်ဒန်စိုးရိမ်နေဆဲ

(UPI မှ 31 July 2013 ရက်စွဲပါ “Myanmar reform progress troubles London” သတင်းကိုဘာသာပြန်ဆိုသည်)

မြန်မာနိုင်ငံတွင် လုပ်ဆောင်နေဆဲ ပြုပြင်ပြောင်းလဲမှုများ၏ အနေအထားနှင့်ပတ်သက်၍ လွန်စွာစိုးရိမ်ပူပန်မိ ကြောင်း ဗြိတိသျှကိုယ်စားလှယ်အဖွဲ့က မြန်မာနိုင်ငံသို့ မထွက်ခွာမီ ဗုဒ္ဓဟူးနေ့တွင် ပြောကြားလိုက်ပါသည်။

ဗြိတိန်နိုင်ငံ အောက်လွှတ်တော်ဥက္ကဋ္ဌ ဂျွန်ဘာကိုးသည် ဗြိတိသျှလွှတ်တော်အမတ်များ ပါဝင်သော ကိုယ်စားလှယ်အဖွဲ့ကို ဦးဆောင်၍ မြန်မာနိုင်ငံသို့ ယခုသီတင်းပတ်အတွင်း သွားရောက်ခြင်း ဖြစ်သည်။

မြန်မာနိုင်ငံ ခရီးစဉ်အတွင်း ဒီမိုကရေစီလှုပ်ရှားမှုခေါင်းဆောင် ဒေါ်အောင်ဆန်းစုကြည်နှင့်လည်းကောင်း၊ မူဝါဒ ချမှတ်သူများ (အာဏာပိုင်များ)နှင့် လည်းကောင်း၊ အရပ်ဖက်အဖွဲ့အစည်းများနှင့် လည်းကောင်း၊ တွေ့ဆုံရန် မျှော်လင့် ထားသည်ဟု ဂျွန်ဘားကိုးက ပြောကြားသည်။

စစ်ဖက်ခေါင်းဆောင်ဟောင်းတစ်ဦးဖြစ်သူ လက်ရှိမြန်မာသမ္မတ ဦးသိန်းစိန်သည် ဇူလိုင်လအတွင်းက ဗြိတိန်နိုင် ငံသို့ ရောက်ရှိလာခဲ့ပြီး ဗြိတိသျှဝန်ကြီးချူပ် ဒေးဗစ်ကင်မရွန်နှင့် တွေ့ဆုံခဲ့ပြီးဖြစ်သည်။

ဗြိတိသျှဝန်ကြီးက မြန်မာနိုင်ငံ၏ ၂၀၁၀ ရွေးကောက်ပွဲအပြီး ပြုပြင်ပြောင်းလဲမှုများနှင့် ပတ်သက်၍ မြန်မာ ခေါင်းဆောင်ကို ချီးကျူးထောပနာပြုခဲ့သည်။ သို့သော် ရခိုင်ကမ်းရိုးတမ်းဒေသတွင် မွတ်ဆလင်များကို ပစ်မှတ် ထားအကြမ်းဖက်မှုကို စိုးရိမ်ပူပန်မိသည်ဟု ထုတ်ဖော်ပြောဆိုခဲ့သည်။

မြန်မာနိုင်ငံသို့သွားရောက်သည့် ဗြိတိန်အောက်လွှတ်တော် ဥက္ကဋ္ဌ “မြန်မာနိုင်ငံမှာ လက်ရှိပြောင်းလဲနေတဲ့ အခြေအနေကို ကြိုဆိုပါတယ်။ ဒါပေမယ်လည်း လူမျိုးရေး အကြမ်းဖက်မှုတွေ အခြေခံဥပဒေနဲ့ ဒီမိုကရေစီ ပြုပြင်ပြောင်းလဲရေး ကိစ္စတွေကို အလွန်အမင်း စိုးရိမ်နေမိတုန်းပါပဲ။ ဒီလိုစိုးရိမ်မိတာကို သမ္မတကြီးနဲ့တွေ့ဆုံ တဲ့အချိန်မှာ တိုက်ရိုက်တင်ပြပြောဆိုမှာပါ” ဟုရှင်းလင်းပြောကြားသည်။

မြန်မာနိုင်ငံသည် ၂၀၁၀ ရွေးကောက်ပွဲအပြီးတွင်စတင်ခဲ့သော နိုင်ငံရေးပြုပြင်ပြောင်းလဲမှုများကြောင့် နိုင်ငံတကာ၏ ချီးကျူးဂုဏ်ပြုမှုကို လက်ခံရရှိနေသော်ငြားလည်း၊ လူ့အခွင့်အရေးပြဿနာများနှင့် လူမျိုးရေး အကြမ်းဖက်မှုများက ပြောင်းလဲမှုများကို လောင်းရိပ်မိုးလျက်ရှိသည်။

မြန်မာနိုင်ငံသည် နောက်ကြောင်းပြန်လှည့်မည် မဟုတ်သော်ငြားလည်း၊ အပြောင်းအလဲကို နှေးကွေးစေလိုသူ များက တိုင်းပြည်တွင်း အခြေအနေများ ရှုတ်ထွေးအောင် ကြိုးကိုင်ဖန်တီးနေသည်ဟူသော မှတ်ချက်ပေးမှုများ လည်းပေါ်ထွက်နေသည်။

ပြီးခဲ့သော သီတင်းပတ်အတွင်းက နိုင်ငံရေးအကျဉ်းသား ၇၃ ဦးကိုမြန်မာအစိုးရက လွှတ်ပေးခဲ့ပြီး၊ မနှစ်ကလည်း နိုင်ငံရေးအကျဉ်းသား ၆၀၀ ကျော်ကို တစ်ပြုံ့တစ်မ လွှတ်ပေးခဲ့ပြီးဖြစ်သည်။

ယခင်က နိုင်ငံရေးအကျဉ်းသား အနည်းငယ်ကို ရာဇဝတ်အကျဉ်းသားမြောက်များစွာနှင့် ရော၍လွှတ်ပေးလေ့ရှိ သော်လည်း ယခုအခါ နိုင်ငံရေး အကျဉ်းသားများကို သီးသန့်ရွေးချယ်လွှတ်ပေးလာခြင်းသည် မြန်မာအစိုးရ၏ တိုးတက်ပွင့်လင်းလာမှုကို ထင်ဟပ်နေသည်ဟု အကဲခတ်လေ့လာသူများက ဆိုပါသည်။


 

ထိုင်း- မြန်မာနယ်စပ် ရေကြီး

(Bangkok Post မှ  31 July 2013  ရက်စွဲပါ “Flood hit Thai-Myanmar border “ သတင်းကို ဘာသာပြန်ဆိုသည်)

မြန်မာနိုင်ငံ အရှေ့ပိုင်းဒေသတွင် ရေလွှမ်းမိုးမှုကြောင့် ဒုက္ခသည် ၂၅၀၀၀ ခန့်ကို  ယာယီစခန်းများတွင်  စောင့်ရှောက်ပေးထားပြီး ရေလျှံနေသော ဝေးလံခက်ခဲသောနေရာများသို့ ရောက်ရှိနိုင်ရန် ကယ်ဆယ်ရေးအဖွဲ့ ကြိုးစားနေကြောင်း တာဝန်ရှိသူတစ်ဦးက ဗုဒ္ဓဟူးနေ့တွင် ပြောကြားသည်။

ကရင်ပြည်နယ်တွင် ရက်ပေါင်းများစွာ မိုးသည်းထန်စွာ ရွာသွန်းမှုကြောင့် ရေလွှမ်းမိုးကာ ယာယီကယ်ဆယ်ရေးစခန်း ၈၀တွင် ဒေသခံများ ခိုလှုံနေရကြောင်း လူမှုဖူလုံရေး၊ကယ်ဆယ်ရေးနှင့် နေရာချ ထားရေး ညွှန်ကြားရေးမှူးက ပြောကြားပါသည်။

ကရင်ပြည်နယ်အတွင်း ရေဘေးသင့်ဒုက္ခသည် ၂၄,၄၉၉ ဦးကို ကယ်ဆယ်စောင့်ရှောက်ပေးထားပြီး  မွန်ပြည်နယ်နှင့် ရခိုင်ပြည်နယ်တွင်လည်း ရေဘေးသင့်ဒုက္ခသည် များစွာရှိနေသည်ဟု ၄င်းကဆက်လက် ပြောကြားသည်။

ရာသီဥတုဆိုးဝါးမှုနှင့် မြေပြိုမှုများကြောင့် သဘာဝဘေးသင့်ဒေသ အချို့သို့ ရောက်ရှိနိုင်ရန် လွန်စွာခက်ခဲနေပြီး ဟယ်လီကော်ပတာများ စေလွှတ်ထားသည်ဟု ၄င်းက ဆိုပါသည်။

ယခုကဲ့သို့ မိုးသည်းထန်စွာ ရွာသွန်းမှုကြောင့် ထိုင်း-မြန်မာနယ်စပ်ဒေသများတွင်လည်း ရေလွှမ်းမိုးနေ သည်ဟု  သိရှိရသည်။

ထိုင်းနိုင်ငံ၏ ပြည်နယ် ၇ခုတွင် ဗုဒ္ဓဟူးနေ့အထိ ရေလျှံနေဆဲဖြစ်ပြီး သေဆုံးသူ ၃ဦးရှိပြီဟု ထိုင်းပြည်ထဲရေးဝန်ကြီးဌာနက သတင်းထုတ်ပြန်သည်။

မြန်မာနိုင်ငံ၏ ရေလွှမ်းမိုးဒေသနှင့် နယ်စပ်ခြင်း ထိစပ်နေသော မဲဆောက်ခရိုင်တွင် မြို့သည်ရေများကျ သွားသော်လည်း နယ်စပ်စစ်ဆေးရေးဂိတ်တစ်ဝိုက်တွင် ရေကြီးနေဆဲဟု သိရှိရသည်။

မဲဆောက်မြူနီစပယ် အုပ်ချုပ်ရေးမှူး ပရာမွတ်ချန်ဆရီက “မဲဆောက်မှာ အခြေအနေ ပုံမှန်ပြန်ဖြစ်နေပါ ပြီ။ တောင်ကျနေတွေ ကျလာတဲ့ တနင်္လာနေ့ကတော့ အဆိုးဆုံးပါပဲ။ နှစ်နိုင်ငံအကြား နယ်စပ်ကူးတံတားကို တော့ ဖွင့်ပေးထားပါတယ်” ဟု ၄င်းက ပြောကြားသည်။

ထိုင်းနိုင်ငံသည် ၂၀၁၁ ခုနှစ်အတွင်းက အဆိုးဝါးဆုံး ရေလျှံမှုကို ကြုံတွေ့ခဲ့ရပြီး၊ လူပေါင်း ၈၀၀ ကျော် သေဆုံးကာ နိုင်ငံ၏ အမြတ်အစွန်းကြီးမားသော ကုန်ပစ္စည်းထုတ်လုပ်ရေး လုပ်ငန်းများ ရပ်ဆိုင်းကာ မြို့တော် ဘန်ကောက်နေရာ အနှံ့အပြားတွင် လပေါင်းအတန်ကြာ ရေကြီးမှု ဖြစ်ပွားခဲ့သည်။



Google Drive: create, share, and keep all your stuff in one place. Logo for Google Drive