Transparency Myanmar

transparency.myanmar@gmail.com

International media (2)

Snapshot of the item below:
International media (2)

ဘာသာပြန်သတင်းများ (၂)

(ဘာသာပြန်သတင်းများ - ၁ မှအဆက်)

ပြီးခဲ့သည့် ၂၀၁၂ ခုနှစ်တွင် ကျင်းပပြုလုပ်သော ကြားဖြတ်ရွေးကောက်ပွဲတွင် ဒေါ်အောင်ဆန်းစုကြည်နှင့် သူမ၏ NLD ပါတီမှ ကိုယ်စားလှယ်များသည် လွှတ်တော်ကိုယ်စားလှယ် ၄၅ နေရာအတွက် ဝင်ရောက်ယှဉ်ပြိုင်ကြရာ နှစ်နေရာမှလွဲ၍ ကျန်နေရာများအားလုံးကို ရရှိခဲ့ကြသည်။ သို့သော် ယင်းအချိန်ကာလမှစ၍ ဖွဲ့စည်းပုံအခြေခံဥပဒေ ပြင်ဆင်ရေးနှင့် ပတ်သက်၍ တိုးတက်မှုရှိအောင် အသေအချာ လုပ်ဆောင်နိုင်ခဲ့ခြင်း မရှိပေ။ NLD သည် ဖွဲ့စည်းပုံ အခြေခံဥပဒေကို စောင့်ရှောက်ပါမည်ဟူသော ကတိကဝတ်ပြု ပြောဆိုရမည့်ကိစ္စကို ကန့်ကွက်ခဲ့ပြီး အခြေခံဥပဒေတွင်း စစ်တပ်အာဏာ ကြီးထွားမှုကို လျှော့ချနိုင်ရေးအတွက် ပြင်ဆင်ရေးဆွဲရန်နည်းလမ်းရှာခဲ့သည်။

အကူအညီများနှင့် ဖွံ့ဖြိုးရေး မြန်မာအစိုးရသည် သေဒဏ်ကျခံနေရသူများ အပါအဝင် နိုင်ငံရေးအကျဉ်းသား ရာပေါင်းများစွာကို လွတ်ငြိမ်းချမ်းသာခွင့်ပြုခဲ့ပြီး မီဒီယာများအပေါ် ကန့်သတ်ပိတ်ပင်မှုများ ကိုလည်းလျှော့ချခဲ့သည်။ ထို့ပြင် တိုင်းရင်းသား လက်နက်ကိုင်သူပုန်များနှင့် ငြိမ်းချမ်းရေးဆွေးနွေးခြင်း၊ ရင်းနှီးမြှုပ်နှံမှုများ တိုးမြင့်အောင်လုပ် ဆောင်ပေးခြင်း အစရှိသည်တို့ကို လုပ်ကိုင်ခဲ့သည်။ မြန်မာသမ္မတဦးသိန်းစိန်ကမူ ယခုနှစ်ကုန်ပိုင်းတွင် နိုင်ငံရေး အကျဉ်းသားများ အားလုံးကို လွှတ်ပေးမည်ဟု ဆိုထားသည်။

အဆိုပါ တိုးတက်ဖွံ့ဖြိုးမှုများကို တုံ့ပြန်သောအားဖြင့် အီးယူ ပိတ်ဆို့အရေးယူမှုများ အားလုံး (စစ်လက်နက် ရောင်းချမှုအပေါ် ပိတ်ပင်ထားမှုမှအပ) ကိုရုပ်သိမ်းပေးလိုက်သည်။ ယခင်က စစ်ဘက်အရာရှိကြီးများနှင့် ထိပ်ပိုင်း နိုင်ငံရေးသမား ၅၀၀ ခန့်မှာ ခရီးသွားလာခွင့်ပိတ်ပင်ခံရခြင်း၊ ပိုင်ဆိုင်မှုများ ပိတ်ပင်ခံရခြင်းတို့ ခံခဲ့ကြရသည်။ သစ်ထုတ်လုပ်ရေး လုပ်ကိုင်သည့် နိုင်ငံပိုင်ကုမ္ပဏီများနှင့် သတ္တုအပါအဝင် အဖိုးတန်တွင်းထွက်ပစ္စည်း တူးဖော် ထုတ်လုပ်သည့် နိုင်ငံပိုင်လုပ်ငန်းများ နှင့်အတူ ရင်းနှီးမြှုပ်နှံမှုများကိုလည်း အီးယူကပိတ်ပင်ခဲ့သည်။

ယခုအခါတွင်မူ အီးယူသည် ရန်ကုန်မြို့တွင် ရုံးခန်းဖွင့်လှစ်ထားပြီဖြစ်သည်။ ယင်းရုံးခန်းမှာ ပြီးခဲ့သည့် စက်တင်ဘာလမှ စ၍ စတင်လည်ပတ်လုပ်ကိုင်ခဲ့သည်။ သို့သော် မြန်မာနိုင်ငံ၏ နိုင်ငံရေးနှင့် လုံခြုံရေးပြဿနာများမှာ ဆက်၍ကြီးမား နေဆဲပင်ဖြစ်သည်။ လူ့အခွင့်အရေးသမားများမှာ ဆက်လက်ဖမ်းဆီး ထိန်းသိမ်းခံထားရဆဲဖြစ်ပြီး အချို့သော နယ်ပယ်များတွင် တိုက်ခိုက်မှုများ ဖြစ်ပွားနေဆဲပင်ဖြစ်သည်။ ယမန်နှစ်ကဆိုလျှင် ရိုဟင်ဂျာမွတ်စလင်များ အပေါ် အကြမ်းဖက် တိုက်ခိုက်မှုများ ဖြစ်ပွားခဲ့သည်။ သို့အတွက်ကြောင့် ဒုက္ခရောက်ခဲ့ကြသော ရိုဟင်ဂျာမွတ်စလင် များနှင့် အခြားသော ဒေသတွင် ပြည်တွင်းစစ်မက် ပဋိပက္ခဒဏ်သင့်ခဲ့သူများကို လူသားချင်းစာနာ ထောက်ထားသော အကူအညီများပေးရန် ထောက်ပံ့ငွေ ယူရိုငွေ ၁၉ ဒသမ ၅ သန်းပေးအပ်ခဲ့သည်။ အီးယူသည် နှစ်ကာလကြာရှည်စွာ မြန်မာနိုင်ငံကို အရေးပါ သည့် အကူအညီများနှင့် အလှူငွေများ ပေးခဲ့သည့်အဖွဲ့ ဖြစ်သည်။

နိုင်ငံရေးအရ အကဲဆတ်မှုနည်းပါးသည့် နယ်ပယ်များဖြစ်ကြသော ပညာရေး၊ကျန်းမာရေးနှင့် ကျေးလက်ဒေသ အသက်မွေးဝမ်းကျောင်းပညာဖွံ့ဖြိုးရေး အစရှိသည်တို့ကို အဓိကအလေးပေးခဲ့သည်။ မြန်မာနိုင်ငံတွင် ၂၀၁၁ ခုနှစ် ဒီမိုကရေစီ ပြုပြင်ပြောင်းလဲမှုများ စတင်ခဲ့သည့်အချိန်မှစ၍ အီးယူက ဖွံ့ဖြိုးရေးဆိုင်ရာ ရန်ပုံငွေများကို နှစ်ဆခန့်တိုးမြှင့် ပေးခဲ့သည်။


မြန်မာနိုင်ငံ ဆက်လက်ပြုပြင်အောင် ဒေါ်အောင်ဆန်းစုကြည် တွန်းအားပေးခြင်းကို ဗြိတိန် ဝန်ကြီးချုပ် ထောက်ခံအားပေး

AFP မှ 24 Oct 2013 ရက်စွဲပါ “Britain’s Cameron backs Suu Kyi push for Myanmar reform” သတင်း ကိုဘာသာပြန်ဆိုပါသည်)

အလည်အပတ်ရောက်ရှိနေသော အတိုက်အခံ ခေါင်းဆောင် ဒေါ်အောင်ဆန်းစုကြည်၏ မြန်မာနိုင်ငံ ဆက်လက် ပြုပြင်ပြောင်းလဲရေး တောင်းဆိုထားမှုများ ပြည့်မှီအောင် မြန်မာနိုင်ငံအပေါ် နိုင်ငံတကာဖိအားပေးရန် ကူညီပေး သွားမည်ဟု ဗြိတိန်ဝန်ကြီးချုပ် ဒေးဗစ်ကင်မရွန်း က ဗုဒ္ဒဟူးနေ့တွင် ပြောကြားလိုက်ပါသည်။

တပ်မတော်အစိုးရ လက်ထက်က ရေးဆွဲထားသော အခြေခံဥပဒေကို ပြင်ဆင်ပြောင်းလဲရန် လိုအပ်နေပြီး၊ ယင်းသို့ ပြောင်းလဲခြင်း မပြုပါက ၂၀၁၅ ရွေးကောက်ပွဲများတွင် ဒီမိုကရေစီရှိလိမ့်မည်မဟုတ်ဟု ဒေါ်အောင်ဆန်းစုကြည် က ပြောကြားထားသည်။

ဒေါင်းနင်းလမ်း ဝန်ကြီးချုပ် နေအိမ်သို့ ဒေါ်အောင်ဆန်းစုကြည် အားဖိတ်ခေါ်တွေ့ဆုံရာတွင် ဝန်ကြီးချုပ် ကင်မရွန်းက မြန်မာနိုင်ငံ၏ အခြေခံဥပဒေပြောင်းလဲအောင် ဗြိတိန်က ဖိအားပေးသွားမည်ဟု ပြောကြားခဲ့သည်။

“မြန်မာနိုင်ငံမှာ ဒီမိုကရေစီ ခေါင်းဆောင်ဖြစ်နေတဲ့ ပုဂ္ဂိုလ်ကို အမြင့်ဆုံးရာထူးမရအောင် ပိတ်ပင်ဖယ်ရှားထား တဲ့ အခြေခံဥပဒေနဲ့ ရွေးကောက်ပွဲတွေ ကျင်းပမယ်ဆိုရင် လုံးဝမှားယွင်းသွားပါလိမ့်မယ်” ဟု ဒေးဗစ်ကင်မရွန်း က ပြောကြားသည်။

“ဒီလိုသာဆိုရင် ဒီမိုကရေစီရွေးကောက်ပွဲတွေ ရှိလာမှာမဟုတ်ဘူး။ ဒီ အခြေခံဥပဒေကို ဒီနည်းနဲ့ ဖြစ်စေ၊ တစ်ခြားနည်းလမ်းတွေနဲ့ ဖြစ်စေပြောင်းလဲဖို့လိုပါတယ်။”

“ဒီလို ပြင်ဆင်ပြောင်းလဲမှုတွေလုပ်မှဖြစ်မယ်ဆိုတာကို မြန်မာအစိုးရထံ အရှင်းလင်းဆုံးသတိပေးနိုင်ဖို့အတွက် ကျွန်တော်တို့ လုပ်နိုင်သမျှ အရာရာကို လုပ်သွားမယ်။” ဟု ဒေးဗစ်ကင်မရွန်းက ဆက်လက် ပြောဆိုနိုင်သည်။

နေအိမ်အကျယ်ချုပ်မှ လွတ်မြောက်လာပြီးနောက် ဗြိတိန်သို့ ဒုတိယအကြိမ်အလည်အပတ်ရောက်ရှိလာသူ ဒေါ်အောင်ဆန်းစုကြည် က မြန်မာနိုင်ငံတွင် တိုးတက်ပြောင်းလဲမှုအချို့ရှိသော်လည်း နောက်ထပ်များစွာ ပိုမို ပြုပြင် ပြောင်းလဲရန် လိုအပ်နေသည်ဟု ဆိုပါသည်။

“လောလောဆယ် အရေးကြီးဆုံးကိစ္စကတော့ အခြေခံဥပဒေ ပြင်ဆင်ဖို့ ဖြစ်ပါတယ်။ တကယ်လို့ မြန်မာနိုင်ငံရဲ့ ဒီမိုကရေစီကူးပြောင်းရေး လုပ်ငန်းစဉ်ဟာ စဉ်ဆက်မပြတ် ရှေ့ကိုဆက်သွားနေတယ်ဆိုရင် စစ်မှန်ပြီး ဒီမိုကရေစီ ပြည့်ဝတဲ့ ထုံးတမ်းအစဉ်အလာထဲမှာ ကျွန်မတို့ လူ့အဖွဲ့အစည်းရဲ့ အနာဂါတ် အမြစ်တွယ်နိုင်စေဖို့အတွက် ဒီအခြေခံ ဥပဒေကို ဒီမိုကရေစီပြည့်ဝတဲ့ အခြေခံဥပဒေ ဖြစ်လာအောင် ပြင်ဆင်ရမှာပါ။” ဟု သူမက ရှင်းလင်း ပြောကြားသည်။

ဒေါ်အောင်ဆန်းစုကြည် သည် အီးယူ၏ ဂုဏ်သရေကြီးမားသော ဆာခါရော့ဗ် လူ့အခွင့်အရေးဆုကို အင်္ဂါနေ့က စတရာဘော့ဂ် တွင် လက်ခံရယူပြီးနောက် ဗုဒ္ဒဟူးနေ့တွင် ဗြိတိန်သို့ ရောက်ရှိလာခြင်း ဖြစ်သည်။

သူမ သည် ကြာသာပတေးနေ့တွင် မြောက်အိုင်ယာလန်သို့ သွားရောက်၍ မြန်မာနိုင်ငံအတွက် အသုံးတည့်နိုင် မည့် ငြိမ်းချမ်းရေးလုပ်ငန်းစဉ် သင်ခန်းစာများကို ကြည့်ရှု့လေ့လာရန်ရှိသည်။

မြန်မာနိုင်ငံတွင် လက်ရှိဖြစ်ပွားနေသော ဘာသာရေးခုတုံးလုပ် အကြမ်းဖက်မှုများနှင့် လူ့အခွင့်အရေး လှုပ်ရှား သူများကို ဖမ်းဆီးမှုများက ပြုပြင်ပြောင်းလဲမှုအပေါ်အကောင်းရှုမြင်မှုကို ထိခိုက်စေသည့်အချိန်တွင် တပ်မတော်နှင့် နိုင်ငံရေးမဟာမိတ်များက လွှတ်တော်ကို ဆက်လက်ထိန်းချုပ်ထားကြဆဲပင် ဖြစ်သည်။

မြန်မာနိုင်ငံတွင် တပ်မတော်အစိုးရ ဖျက်သိမ်းပြီးနောက် သုံးနှစ်ခန့်ရှိချိန်တွင် နိုင်ငံတကာက အသိအမှတ်ပြု လက်ခံလာခြင်း ၊ ၂၀၁၄ အာဆီယံအလှည့်ကျဥက္ကဌ တာဝန်ယူခြင်း၊ ဒေသတွင်းဆီးဂိမ်းအားကစားပွဲ လက်ခံ ကျင်းပခြင်း တိုင်းရင်းသားတို့နှင့် ငြိမ်းချမ်းရေးရန် အခြေအနေကောင်းလာခြင်း၊ အခြေခံဥပဒေပြင်ဆင်ရန် စီစဉ်နေခြင်း စသော အခြေအနေများ ပေါင်းဆုံမိချိန်မျိုး၌ ယခင်တပ်မတော်အစိုးရ အကြီးအကဲ၏ အရှိန်အဝါ မကုန်သေးကြောင်း ပြသသည့် လက္ခဏာအချို့ ထူးထူးခြားခြား ထွက်ပေါ်လာသည်ဟု ရန်ကုန်မြို့မှ အကဲခတ် လေ့လာသူများက ပြောကြား ထားသည်။



Google Drive: create, share, and keep all your stuff in one place. Logo for Google Drive

International Media (1)

Snapshot of the item below:
International Media (1)

နိုင်ငံတကာသတင်းများ

(24 Oct 2013 ရက်စွဲပါ IRIN မှ Call to halt political detentions in Myanmar ကို ဘာသာပြန်ပါသည်)

Business Times မှ 24 Oct 2013 ရက်စွဲပါ “Yoma unit, Volkswagen in Myanmar deal” သတင်းကို ဘာသာပြန်ဆိုသည်)

(European Voice မှ 22 Oct 2013 ရက်စွဲပါ Suu Kyi urges EU’s support for reform ကိုဘာသာပြန်ဆိုသည်)


မြန်မာနိုင်ငံမှ နိုင်ငံရေးအရဖမ်းဆီးထိန်းသိမ်းမှုများရပ်တန့်ရန် တောင်းဆို

(24 Oct 2013 ရက်စွဲပါ IRIN မှ Call to halt political detentions in Myanmar ကို ဘာသာပြန်ပါသည်)

လူ့အခွင့်အရေး လှုပ်ရှားသူများနှင့် ကုလသမဂ္ဂအထူးကိုယ်စားလှယ် Toma Ojea Quintana တို့က အောက်တိုဘာလ အစောပိုင်းက သမ္မတ၏ လွတ်ငြိမ်းချမ်းသာခွင့်ဖြင့် ယုံကြည်ချက်ကြောင့် အကျဉ်းကျခံရသူ (၅၆) ဦး လွှတ်ပေးခဲ့ခြင်းကို ချီးကျူးခဲ့ကြပြီး၊ နိုင်ငံရေးအကျဉ်းသား (၁၃၅) ဦးနှင့် ရိုဟင်ဂျာလှုပ်ရှားသူများကို ဆက်လက်ထိန်းသိမ်း ထားခြင်း အပေါ် ဝမ်းနည်းကြောင်း ပြောဆိုခဲ့ပါသည်။

“ပြီးခဲ့တဲ့လက ကျွန်တော်တို့ရဲ့ တွေ့ရှိချက်အရ ဖမ်းခံထားရတဲ့ ရိုဟင်ဂျာတွေဟာ တစ်လနှစ်လလောက် ဆက်ပြီး နှိပ်စက်ခံရတယ်လို့ သိရပါတယ်။ နောက်ပြီး သူတို့ကို ဆက်ပြီး ဖမ်းဆီးထားတယ်လို့ သိရပါတယ်။” ဟု Quintana က IRIN သို့၎င်း၏ ဇာတိ ဗျုနိုအေရီတွင် စက်တင်ဘာလက ပြောကြားခဲ့ပါသည်။

ဘူးသီးတောင်ထောင်တွင် ရိုဟင်ဂျာများ ရာနှင့်ချီ၍ ဆက်လက်ဖမ်းဆီးနေခြင်းသည် ၂၀၁၁ ကတည်းက မြန်မာနိုင်ငံတွင် အသစ်တည်ဆောက်နေသော ဒီမိုကရေစီတွင် နိုင်ငံရေးအရ ရပိုင်ခွင့်များကို အကာအကွယ်ပေးရေး လုပ်ဆောင်ရာ၌ အဓိကအတားအဆီးဖြစ်ကြောင်း Quintana က ပြောကြားလိုက်ပါသည်။ ၎င်းသည် မြန်မာနိုင်ငံတွင် ပဋိပက္ခဒဏ်ခံရသော ရခိုင်ပြည်နယ်သို့ ၂၀၁၃ ခုနှစ် သြဂုတ်လက သွားရောက်ခဲ့ပြီး ၎င်း၏ တွေ့ရှိချက်များကို နယူးယောက်၌ ကုလသမဂ္ဂ အထွေထွေညီလာခံတွင် ယနေ့တင်ပြမည် ဖြစ်ပါသည်။

“လက်ရှိ မတရားဖမ်းဆီးနေမှုများသည် မြန်မာနိုင်ငံ၏ နိုင်ငံရေးအရ တိုးတက်ဖြစ်ပေါ်မှုများတွင် အမဲစက်ဖြစ်ပါ တယ်။ အစိုးရဆန့်ကျင်သူတွေကို ဖမ်းဆီးထိန်းသိမ်းတဲ့ ဓလေ့ဟာ ဒီမိုကရေစီနဲ့ အဝေးကြီးပါပဲ။” ဟု အရှေ့တောင်အာရှတွင် လူ့အခွင့်အရေးစောင့်ကြည့်သော ဂျီနီဗာ၌ မှတ်ပုံတင်ထားသည့် Fortify Rights မှ အမှုဆောင်ဒါရိုက်တာ Matthew Smith က ပြောကြားခဲ့ပါသည်။

ပြည်တွင်း သတင်းအရင်းအမြစ်များက  သတင်းပေးပို့ရာတွင် ခန့်မှန်းခြေ ရိုဟင်ဂျာ (၁၀၀၀) ခန့်ထိန်းသိမ်း ခံထားရ ဆဲဖြစ်ပြီး (Human Rights Watch အဆိုအရ မူရင်းအားဖြင့် ၁၁၅၈ ဟုဆို) ၂၀၁၂ ခုနှစ် ဇွန်လနှင့် အောက်တိုဘာလ လူမျိုးရေးအကြမ်းဖက်မှုများ ဖြစ်ကတည်းက ဖမ်းဆီးထားခြင်း ဖြစ်သည်ဟု ဆိုပါသည်။ ရေအားလျှပ်စစ်၊ သတ္တုတွင်း တူးဖော်ခြင်းများနှင့် ပတ်သက်၍ ငြိမ်းချမ်းစွာ ဆန္ဒပြသူများမှာလည်း မြေယာသိမ်းဆည်းမှုများနှင့် ပတ်သက်၍ ပြောဆိုမှုများ ကြောင့် ဖမ်းဆီးခံရမည့် အန္တရာယ်ကို ကြုံတွေ့နေရကြောင်း လှုပ်ရှား သူများက ပြောပါသည်။

၂၀၁၁ ခုနှစ်ကတည်းက ကျောင်းသားလှုပ်ရှားသူများ၊ ယခင် NLD အဖွဲ့ဝင်များ၊ အစိုးရမဟုတ်သော လက်နက် ကိုင် အုပ်စုများမှ အဖွဲ့ဝင်များအပါအဝင် ယုံကြည်ချက်ကြောင့် အကျဉ်းကျခံရသူ (၁၀၂၀) ခန့် လွတ်မြောက် လာခဲ့ကြောင်း မဲဆောက်အခြေစိုက် မြန်မာနိုင်ငံမှ နိုင်ငံရေးအကျဉ်းသားများကို အကူအညီပေးရေးအဖွဲ့ (AAPB) ၏ အဆိုအရ သိရှိရပါသည်။

“၂၀၁၃ နှစ်ကုန်မှာ ကျန်တဲ့နိုင်ငံရေး အကျဉ်းသား (၁၃၅) ဦးကို အားလုံးလွှတ်ပေးဖို့ အစိုးရက ပြင်ဆင်နေပါ တယ်။” AAPB ဝန်ထမ်း ခင်ချိုမြင့် ကပြောပါသည်။ ၎င်းသည် ၁၉၉၈ ခုနှစ် ဒီမိုကရေစီလှုပ်ရှားမှုတွင် ပါဝင်မှု ကြောင့် ထောင် (၁၀) နှစ်ကျခဲ့သူ ဖြစ်ပါသည်။

“ကျွန်တော်တို့ဟာ နိုင်ငံရေးယုံကြည်ချက်အရ ဒါမှမဟုတ် လှုပ်ရှားမှုကြောင့် ထောင်ကျနေသူတွေ မကျန်အောင် သေချာကြိုးပမ်း နေပါတယ်။ အမှုအားလုံးကို ပြန်ပြီးစိစစ်နေပါတယ်။” ဟု သမ္မတ ဦးသိန်းစိန်က မကြာမီက ပြောကြားသော မိန့်ခွန်းတွင် ပြောကြားခဲ့ပါသည်။

သို့သော် ငြိမ်းချမ်းစွာ ဆန္ဒပြသူများနှင့် တိုင်းရင်းသားများကို ကိုယ်စားပြုသော လက်နက်ကိုင်အဖွဲ့မှ အဖွဲ့ဝင် များကို ဖမ်းဆီးမှုများ ဆက်လက်ပြုလုပ်နေဆဲ ဖြစ်ပါသည်။

“အာဏာပိုင်တွေဟာ ထောင်ကလွှတ်ပေးနေတဲ့တချိန်တည်းမှာပဲ ဆန့်ကျင်သူတွေ လူ့အခွင့်အရေး ကာကွယ် သူတွေကို ဆက်ပြီး ဖမ်းနေပါသေးတယ်။” ဟု Fortify Rights မှ Smith ကပြောပါသည်။

မကြာမီက ဖမ်းဆီးသူများတွင် တရုတ်စွမ်းအင်စီမံကိန်းရှိရာ မဒေးကျွန်းတွင် ဆန္ဒပြသော ဒေသခံ အနည်းဆုံး (၁၀) ဦး နှင့် စစ်ကိုင်းတိုင်း လက်ပံတောင်းကြေးနီစီမံကိန်းကို ဆန္ဒပြသူ အနည်းဆုံး (၃) ဦးခန့် ပါဝင်သည်ဟု ပြည်တွင်းသတင်း များက ဆိုပါသည်။

သမ္မကြီးအနေဖြင့် ရာစုနှစ်တစ်ဝက်ခန့် စစ်အုပ်ချုပ်ရေးနှင့် အာဏာရှင်စနစ်မှ ဒီမိုကရေစီသို့ ဒီမိုကရေစီကို မလျော့တမ်းသွားနေချိန်တွင် ယခုဖမ်းဆီးမှုများသည် နိုင်ငံရေးအကျဉ်းသား အတန်းအစားသစ်တစ်ခုကို ဖန်တီးနေခြင်းပင် ဖြစ်သည်ဟု Human Rights Watch ၏ အာရှဌာနခွဲ ဒုတိယအမှုဆောင် ဒါရိုက်တာ Phil Robertson က ပြောကြား ခဲ့ပါသည်။


 Yoma Volkswagen မြန်မာတွင် ဖက်စပ် ဆားဗစ်စင်တာဖွင့်ရန် သဘောတူ

(Business Times မှ 24 Oct 2013 ရက်စွဲပါ “Yoma unit, Volkswagen in Myanmar deal” သတင်းကို ဘာသာပြန်ဆိုသည်)

မြန်မာနိုင်ငံ၏ ထိပ်တန်းစာရင်းဝင် Yoma Strategic Holdings သည် မြန်မာနိုင်ငံတွင် Volkswagen ၏ ပထမဆုံး ဆားဗစ်စင်တာကို ပူးတွဲလုပ်ကိုင်ရန် သဘောတူညီမှု ရရှိသွားပြီ ဖြစ်သည်။

Yoma က ၇၀ ရာခိုင်နှုန်းပိုင်ဆိုင်သော German Car Industries Company-GCI သည် Volkswagen Aktiengesellschaft VW နှင့် လက်တွဲကာ မြန်မာနိုင်ငံတွင် ဆားဗစ်စင်တာ ဖွင့်လှစ်ရန် ဖက်စပ်လုပ်ငန်း သဘောတူညီမှုကို လက်မှတ်ထိုးလိုက်ပြီဟု ကုမ္မဏီက မနေ့ကပြောကြားသည်။

အဆိုပါ ဆားဗစ်စင်တာသည် ရန်ကုန်မြို့တွင် တည်ရှိပြီး ယခုလမှ စတင်ကာ ဖွင့်လှစ်လုပ်ကိုင်ရန် စီစဉ်ထား သည်ဟု သိရှိရသည်။

Yoma  ၏ စီအီးအို အင်ဒရူးရစ်ကတ် က “မြန်မာ နိုင်ငံဟာ မော်တော်ကားတင်သွင်းမှု ဖြေလျှော့ပေးပြီးတဲ့ နောက်ပိုင်းမှာ အာဆီယံဒေသတွင်း အရေးပါဆုံး ကားဈေးကွက်တစ်ခု ဖြစ်လာမယ့် အလားအလာရှိတဲ့အတွက် ဒီလို အခွင့်အလမ်းကို ဖမ်းဆုပ်ခြင်းဟာ သိပ်ကို အရေးကြီးပါတယ်။” ဟု ပြောကြားသည်။

အဆိုပါ ဆားဗစ်စင်တာသည် Volkswagen ကားများအတွက် ပြုပြင်ခြင်း၊ ထိန်းသိမ်းခြင်း ဝန်ဆောင်မှုများ လုပ်ကိုင်မည် ဖြစ်ပြီး မူလရှိရင်းစွဲ ကားပိုင်ရှင်များအတွက်လည်း Volkswagen ကားပစ္စည်း အစိတ်အပိုင်း အစစ်အမှန်များကို ရောင်းချပေးသွားမည်ဟု ဆိုပါသည်။


အခြေခံဥပဒေပြင်ဆင်ပြောင်းလဲရေးကို ထောက်ပံ့ပေးရန် အီးယူကို ဒေါ်အောင်ဆန်းစုကြည် တိုက်တွန်း

(European Voice မှ 22 Oct 2013 ရက်စွဲပါ Suu Kyi urges EU’s support for reform ကိုဘာသာပြန်ဆိုသည်)

မြန်မာနိုင်ငံတွင် ဖွဲ့စည်းပုံအခြေခံဥပဒေ ပြင်ဆင်ရေးဆွဲရေးအတွင် ဥရောပသမဂ္ဂ(အီးယူ)အနေဖြင့် ရှင်းလင်း ပြတ်သားသော ထောက်ပံ့မှုပြုလုပ်ပေးရန်လိုအပ်သည်ဟု ဒေါ်အောင်ဆန်းစုကြည်က တိုက်တွန်းပြောဆို လိုက်သည်။

အောက်တိုဘာလ ၂၂ ရက်နေ့ အီးယူနိုင်ငံခြားရေးဝန်ကြီးများနှင့် တွေ့ဆုံဆွေးနွေးပွဲ ပြုလုပ်ရာတွင် အီးယူ အနေဖြင့် စစ်တပ်ကျောထောက်နောက်ခံ မြန်မာအစိုးရအား နိုင်ငံရေးပြုပြင်ပြောင်းလဲမှုများ ဆက်လက်လုပ်ဆောင် လာစေရေးအတွက် ဖိအားပေးရန်လိုအပ်ကြောင်း မြန်မာအတိုက်အခံခေါင်းဆောင် ဒေါ်အောင်ဆန်းစုကြည်ကပြောသည်။

“ကျွန်မတို့နိုင်ငံမှာ စစ်မှန်တဲ့ဒီမိုကရေစီအစိုးရပေါ်ထွန်းဖို့ တကယ့်ကို အဝေးကြီး(အဝေးကြီး) လိုပါသေးတယ်” ဟု ဒေါ်အောင်ဆန်းစုကြည်က ဆိုပြီး ဖွဲ့စည်းပုံအခြေခံဥပဒေ ပြင်ဆင်ရေးသည် တိုင်းပြည်တိုးတက် ဖွံ့ဖြိုးရေးအတွက်

အခြေခံကျသောအရေးကိစ္စတစ်ခုဖြစ်သည်ဟု ထောက်ပြသည်။

ဒေါ်အောင်ဆန်းစုကြည်သည် ၂၀၁၀ ပြည့်နှစ် နေအိမ်အကျယ်ချုပ်မှ လွတ်မြောက်လာပြီးနောက် ဥရောပ ဒေသသို့ ဒုတိယအကြိမ်အဖြစ် အလည်အပတ်ရောက်ရှိ နေခြင်းဖြစ်သည်။ သူမသည် ယမန်နှစ်က ယခင်နေထိုင်ခဲ့ဖူး သော ဗြိတိန်နိုင်ငံနှင့် နော်ဝေနိုင်ငံသို့ သွားရောက်လည်ပတ်ခဲ့သည်။ အောက်တိုဘာလ ၂၂ ရက်နေ့ လူဇင်ဘတ်တွင် ဒေါ်အောင်ဆန်းစုကြည်နှင့် အီးယူနိုင်ငံခြားရေးဝန်ကြီးများ ညစာအတူစားကြသည်။ ယင်းခရီးစဉ်သည် လွန်ခဲ့သည့် ၁၈ လကတည်းက အီးယူအဖွဲ့ဝင်နိုင်ငံများက ဖိတ်ကြားထားခဲ့သော ခရီးစဉ်လည်းဖြစ်သည်။

ဒေါ်အောင်ဆန်းစုကြည်သည် အောက်တိုဘာလ ၂၀ ရက်နေ့တွင် ဥရောပကောင်စီ ဥက္ကဌ Herman Van Rompuy နှင့်တွေ့ဆုံပြီး အောက်တိုဘာ ၂၂ ရက်နေ့တွင် Strasbourg မြို့ရှိ ဥရောပပါလီမန်တွင် မိန့်ခွန်းပြောကြားကာ ဥရောပ ပါလီမန်က ပေးအပ်သော ဆုကိုလက်ခံရယူသည်။ အဆိုပါဆုသည် ဒေါ်အောင်ဆန်းစုကြည် နှစ်ပေါင်း ၂၀ နီးပါးခန့် နေအိမ်အကျယ်ချုပ်ဖြင့် ဖမ်းဆီးထိန်းသိမ်းခံရစဉ် ကာလအတွင်း ရရှိခဲ့ခြင်းဖြစ်သည်။

အီးယူ အင်စတီကျူးရှင်းကြီးများနှင့် ဒေါ်အောင်ဆန်းစုကြည် တို့တွေ့ဆုံမှုသည် သူမ နေအိမ်အကျယ်ချုပ်မှ လွတ်မြောက်မှုကြောင့် ဖြစ်ပေါ်လာသော အခြေအနေအရပ်ရပ်ကို အသိအမှတ်ပြုရေးနှင့် မြန်မာနိုင်ငံတွင် အီးယူ ကုမ္ပဏီကြီးများ ဝင်ရောက်ရင်းနှီးမြှုပ်နှံရေးအတွက် အီးယူကပင် ကမကထပြုလုပ်မည့် အစီအစဉ်မတိုင်မီ ထွက်ပေါ်လာ ခြင်းဖြစ်သည်။

ယင်းအစီအစဉ်ကို လာမည့်နိုဝင်ဘာလတွင် စတင်ရန် စီစဉ်ထားသော်လည်း အသေးစိတ် အချက်အလက်ကို ထုတ်ပြန်ခြင်း မရှိသေးပေ။ သို့သော် အီးယူလုပ်ငန်း အကောင်အထည်ဖော် ဆောင်ရွက်ရေးအဖွဲ့အနေဖြင့် နိုဝင်ဘာလ အတွင်း ပြုလုပ်မည့် သုံးရက်တာဆွေးနွေးပွဲတွင် မြန်မာနိုင်ငံကို ထောက်ပံ့မှုပြုလုပ်မည့် ကိစ္စနှင့်ပတ်သက်၍ ထုတ်ပြန် ကြေညာလိမ့်မည်ဟု မျှော်လင့်ရသည်။ အီးယူနိုင်ငံခြား မူဝါဒရေးရာအကြီးအကဲ Catherine Ashton က အီးယူလုပ်ငန်း အကောင်အထည်ဖော် ဆောင်ရွက်ရေးအဖွဲ့သည် မြန်မာနိုင်ငံ၏ နိုင်ငံရေးနှင့် စီးပွားရေးအတွက် ခိုင်မာသော ထောက်ပံ့ ပေးမှုများကို ပြသလိမ့်မည်ဖြစ်ကြောင်း ပြောကြားသည်။ ယင်းအဖွဲ့က အီးယူ အင်စတီကျူးရှင်းကြီးများ၊ အေဂျင်စီများ၊ စီးပွားရေး လုပ်ငန်းများနှင့် အရပ်ဘက် လူ့အဖွဲ့အစည်းများကို တစ်ပါးတည်း ခေါ်ဆောင်လာမည်ဖြစ်သည်။

အခြေခံဥပဒေ ပြဿနာများ အဆိုပါအဖွဲ့သည် ဇူလိုင်လအတွင်း အီးယူက ချမှတ်ခဲ့သည့် သုံးနှစ်တာ မဟာဗျူဟာ၏ အစိတ်အပိုင်းတစ်ခုဖြစ်ပြီး ယင်းမဟာဗျူဟာမှာ ကုန်သွယ်ရေး၊ လုံခြုံရေး၊ဖွံ့ဖြိုးရေးနှင့် မြန်မာနိုင်ငံကို ကမ္ဘာလုံးဆိုင်ရာ စနစ်ထဲသို့ ပူးပေါင်းပါဝင်နိုင်ရေးအတွက် ချမှတ်ထားခြင်းဖြစ်သည်။ မြန်မာနိုင်ငံအပေါ် အီးယူ၏ ကမ်းလင့်ထောက်ကူမှု ပြုသည့် အစီအစဉ်များထဲတွင် အီးယူ စက်မှုလုပ်ငန်းပိုင်းဆိုင်ရာ မဟာမင်းကြီး Antonio Jajani နှင့် လယ်ယာစိုက်ပျိုးရေး ဆိုင်ရာ မဟာမင်းကြီး Dacian Ciolos တို့၏ မြန်မာနိုင်ငံခရီးစဉ်များ လည်းပါဝင်သည်။

မည်သို့ပင်ဆိုစေ ဒေါ်အောင်ဆန်းစုကြည်က မြန်မာနိုင်ငံ၏ အခြေခံဥပဒေ ပြင်ဆင်ရေးဆွဲရေး အရေးကြီးပုံကို အဓိက မှတ်ချက်ပြု ပြောဆိုထားသည်။ လတ်တလော ဖွဲ့စည်းပုံ အခြေခံဥပဒေအရ သူမအနေဖြင့် ၂၀၁၅ ရွေးကောက်ပွဲ တွင် နိုင်ငံတော် အကြီးအကဲအဖြစ် ယှဉ်ပြိုင်နိုင်ခွင့်မရှိပေ။ ယင်းရာထူးကို စစ်တပ်တွင် အမှုထမ်းဖူးသူများသာ ရပိုင်ခွင့် ရှိသည်။ ထို့အတူ စစ်တပ်အနေဖြင့် ပါလီမန်လွှတ်တော်ကိုယ်စားလှယ် ၂၅ ရာခိုင်နှုန်းကို တိုက်ရိုက်ခန့်အပ်ထားနိုင်သည်။

အရေးကြီးသည့်ကိစ္စတစ်ခုမှာ မြန်မာဖွဲ့စည်းပုံအခြေခံဥပဒေတွင် စစ်တပ်အပေါ် အရပ်ဘက်က ထိန်းချုပ်မှုနှင့် ပတ်သက်၍ ရှင်းလင်းဖော်ပြမှု မရှိခြင်းပင် ဖြစ်သည်။ အီးယူနိုင်ငံခြားရေးဝန်ကြီးများသည် ပြီးခဲ့သည့် ဇူလိုင်လအတွင်း ကြေညာချက် တစ်ရပ်ကို လက်မှတ်ရေးထိုးခဲ့သည်။ ယင်းကြေညာချက်တွင် မြန်မာနိုင်ငံ၏ အခြေခံဥပဒေကို ခေတ်မီဒီမိုကရေစီစနစ်နှင့် ကိုက်ညီမှုရှိအောင် ပြင်ဆင်ရေးဆွဲသင့်သည်ဟု ဖော်ပြထားသည်။ ဒေါ်အောင်ဆန်းစုကြည်၏ အမြင်ဖြင့်ပြောရလျှင် အီးယူ၏ ကြေညာချက်မှာ ပို၍ပင် ခိုင်မာပြတ်သားမှုရှိသင့်ပေသည်။ “ဖွဲ့စည်းပုံအခြေခံဥပဒေ ပြင်ဆင်ရေးဆွဲရေးအတွက် လိုအပ်ချက်တွေနဲ့ ပတ်သက်ပြီး အီးယူအနေနဲ့ ပြတ်ပြတ်သားသား အလေးပေး လုပ်ဆောင်စေလိုပါတယ်” ဟု ဒေါ်အောင်ဆန်းစုကြည်ကဆိုသည်။ (ဘာသာပြန်သတင်းများ - ၂ တွင်ဆက်လက်ဖတ်ရှုပါရန်)


 


Google Drive: create, share, and keep all your stuff in one place. Logo for Google Drive