Transparency Myanmar

transparency.myanmar@gmail.com

{Yangon Chronicle 2010:694} တရုတ်၏ လွတ်လပ်သော ကုန်သွယ်ရေးက အာရှ စီးပွားရေး အတွက် ယုံကြည်မှု ပိုရှိလာစေ

Posted by Transparency Myanmar 2010
Saturday, January 23, 2010
comments (0)

Asia Times online, By Marwaan Macan.Marker, 22nd January 2010

တရုတ် နိုင်ငံနှင့် ကနဦး အာဆီယံ အဖွဲ့ဝင် (၆) နိုင်ငံ တို့သည် ကမ္ဘာ့အကြီးဆုံး လွတ်လပ်သော ကုန်သွယ်ရေး နယ်မြေကို ယခုနှစ် အစပိုင်းတွင် စတင် လိုက်ကြပါသည်။ အာဆီယံ နိုင်ငံများ၏ စီးပွားရေးအတွက် ကြိုဆို ထိုက်သည့် အားဖြည့်မှု တစ်ခု အဖြစ် ပြောကြားခဲ့ကြပြီး ကမ္ဘာ့ ငွေကြေး အကြပ်အတည်းကို ကျော်လွန်ရန် တိုက်ပွဲဝင်နေကြသော ဒေသ တစ်ခုလုံးအတွက် ပြဿနာ အရပ်ရပ် ပြေလည်သွားနိုင်သည်ဟု အချို့ လေ့လာသူများက ဆိုပါသည်။

အဆိုပါ အကောင်းမြင်မှုသည် လွတ်လပ်သော ကုန်သွယ်ရေးနှင့် တွဲပါလာသည့် ဆက်ဆံမှုမှ မြစ်ဖျားခံခဲ့ခြင်း ဖြစ်ပြီး စီးပွားရေး အမြန်ဆုံး ကြီးထွားနေသူ တရုတ် နှင့် အာဆီယံ (၁၀) နိုင်ငံ အကြား ကုန်သွယ်မှု တန်ဖိုးသည် ၂၀၀၀ ခုနှစ် မှ စ၍ အမေရိကန် ဒေါ်လာ (၁၉၃) ဘီလျံ အထိ (၆) ဆ တိုးသွားသောကြောင့် ဖြစ်သည်။

တရုတ် - အာဆီယံ လွတ်လပ်သော ကုန်သွယ်ရေး နယ်မြေ CAFTA သည် ဇန်နဝါရီ (၁) ရက်တွင် စတင် အသက်ဝင်မည် ဖြစ်၍ ကမ္ဘာ့ လူဦးရေ၏ လေးပုံတစ်ပုံ (သို့) စားသုံးသူ (၁.၉) ဘီလျံ ပါဝင်လာသောကြောင့် အခြား လွတ်လပ်သော ကုန်သွယ်ရေး နယ်မြေများကို သေးငယ် သွားစေပါသည်။ တရုတ် စီးပွားရေးသည် ယခုအခါ ဂျပန် နှင့် ပခုံးချင်း ယှဉ်လျက် ရှိပြီး အမေရိကန်၏ နောက် ဒုတိယ နေရာယူရန် တာစူနေပါသည်။ ၂၀၀၉ ခုနှစ် ၏ စတုတ္တ လေးလပတ်တွင် စီးပွားရေး (၁၀.၇ %) တိုးတက်လာခြင်းသည် ၂၀၀၇ ခုနှစ် နောက်ပိုင်း အမြန်ဆုံး ဖြစ်၍ တစ်နှစ်ပတ်လုံး ဖွံ့ဖြိုးမှုနှုန်း GDP (၈.၇%) ရှိလိမ့်မည်ဟု အစိုးရက ယမန်နေ့တွင် ပြောကြားပါသည်။

အာဆီယံမှာ ကုန်သွယ်မှု ဦးဆောင် ကြီးထွားရေးနဲ့ ပြန်လည် နာလံထူရေး အတွက် ACFTA ဟာ အရေးကြီးတဲ့ ယာဉ် တစ်ခုပါဟု ပြောကြားသူမှာ အာရှဖွံ့ဖြိုးရေးဘဏ် ဒေသတွင်း စီးပွားရေး ပေါင်းစည်းမှု ဌာနမှ စီးပွားရေး ပညာရှင် အကြီးအကဲ Ganeshan Wignaraja ဖြစ်ပါသည်။ ကုန်သွယ်ရေး ဦးဆောင် နာလံထူမူဟာ ၂၀၀၉ ခုနှစ်အတွင်း (၃.၉%) ကနေ ၂၀၁၀ မှာ (၆.၄%) အထိ မြင့်တက်လာမယ်လို့ ကျွန်တော်တို့ ခန့်မှန်း ထားပါတယ်ဟု ၎င်းက ဆိုပါသည်။

တရုတ်၏ အင်အားကြီး စီးပွားရေး ကဏ္ဍနှင့် ထဲထဲဝင်ဝင် ဆက်ဆံကာ အကျိုးအမြတ် ရရှိကြမည့် ကနဦး အာဆီယံ နိုင်ငံများမှာ ဘရူနိုင်း၊ အင်ဒိုနီးရှား၊ စင်္ကာပူ၊ မလေးရှား၊ ဖိလစ်ပိုင် နှင့် ထိုင်းနိုင်ငံ တို့ဖြစ်၍ ကျန်အဖွဲ့ဝင်များ ဖြစ်သည့် မြန်မာ၊ လာအို၊ ကမ္ဘောဒီးယား နှင့် ဗီယက်နမ်တို့မှာ ACFTA သို့ ၂၀၁၅ တွင် ဝင်ရောက် ပူးပေါင်းကြမည် ဖြစ်သည်။

ကားလမ်းများ၊ ရထားလမ်းများ၊ လေကြောင်းလိုင်းများနှင့် တယ်လီဖုန်း ဆက်သွယ်ရေး လမ်းကြောင်းများ တိုးတက် အားကောင်း လာစေရန် တရုတ်နိုင်ငံက ဒေါ်လာ (၁၀) ဘီလျံ စတင် မြှုပ်နှံ လိုက်သောကြောင့် အာဆီယံ အိမ်နီးချင်းများ၏ ပြန်လည် နာလံထမှုကို မြန်ဆန်လာစေရန် အထောက်အကူ ပြုပါသည်။

ကမ္ဘာ့ ရေပန်း အစားဆုံး တရုတ်နိုင်ငံက ဒေသတွင်း စီးပွားရေး စုစည်းမှုကို အားပေးရန် အတွက် ဒေါ်လာ (၁၅) ဘီလျံ ချေးငွေ ထုတ်ပေးဦးမည် ဟုလည်း ကတိပြု ထားပါသေးသည်။

တန်ဖိုးရှိသည့် တရုတ် စီးပွားရေး ထုတ်လုပ်မှု ကွန်ယက်နှင့် ပူးပေါင်းခြင်းသည် အာဆီယံ နိုင်ငံများအတွက် ပိုမို အကျိုးရှိ စေပြီး တရုတ် စားသုံးသူများကိုလည်း ရောင်းချ နိုင်ပါလိမ့်မည်ဟု Wignaraja က ADB ၏ မနီလာ ဌာနချုပ်တွင် ပြောကြားခဲ့ပြီး အာဆီယံ ဒေသသည် ၂၀၁၇ အတွင်း ဒေါ်လာ (၈၂) ဘီလျံခန့် ရရှိနိုင်ဖွယ် ရှိ၍ ဘာမှ မရှိသည့် သုည အခြေအနေမှ သမားရိုးကျ ခန့်မှန်း တွက်ဆထားပြီး ဖြစ်သည်ဟုလည်း ဆိုပါသည်။

အာဆီယံ နိုင်ငံများသည် ၎င်းတို့၏ အယူအဆများကိုလည်း ပြောင်းလဲရမည် ဖြစ်ပြီး နယ်မြေသစ်တွင် ရင်းနှီး မြှုပ်နှံရန် ကုမ္ပဏီများ၏ ပြိုင်ဆိုင်နိုင်စွမ်းကို အားပေးရမည်ဟု ဘန်ကောက်ရှိ အာရှ ပစိဖိတ်ဆိုင်ရာ ILO ရုံးမှ ဝါရင့် စီးပွားရေး ပညာရှင် Gyorgy Szirackzi က ပြောကြားပါသည်။ ကျန်းမာရေး စောင့်ရှောက်မှု ကဏ္ဍ၊ ခရီးသွားလုပ်ငန်း ကဏ္ဍနှင့် တယ်လီဖုန်း ဆက်သွယ်ရေး ဈေးကွက်ကဏ္ဍ တို့သည် အာဆီယံ ဒေသတွင် စောစီးစွာ အကျိုးရှိမည့် ကဏ္ဍများ ဖြစ်သည်ဟုလည်း ၎င်းထံမှ သိရပါသည်။

သို့သော်လည်း ကုန်သွယ်ဘက် နိုင်ငံအသစ်များနှင့် အလုပ်သမား ကုန်ကျစရိတ်တွင် မယှဉ်နိုင်သော နိုင်ငံများ၌ အလုပ်လက်မဲ့ ပြဿနာများ ဖြစ်ပွားခြင်း အပါအဝင် နာကျင်မှု အချို့ကို CAFTA စတင်ချိန်တွင် ခံစား ရလိမ့်မည်ဟုလည်း ၎င်းက သတိပေးပါသည်။

တချို့လည်း နိုင်မယ်၊ တချို့လည်း ရှုံးမယ်၊ ထုတ်လုပ်မှု စံချိန် ဘယ်လို တိုးအောင် လုပ်မလဲဆိုတာ ကုမ္ပဏီတွေ စဉ်းစားရမယ်၊ စီးပွားရေး အမြင်ကျယ်အောင် လုပ်ပေးမယ့် နိုင်ငံကိုလည်း ရွေးချယ်ရလိမ့်မယ်ဟု Szirackzi က ဆိုပါသည်။

အထက်ပါ အချက်ပေး တပ်လှန့်သံသည် အင်ဒိုနီးရှားတွင်မူ ထွက်ပေါ်ခဲ့ပြီး ဖြစ်သည်။ အင်ဒိုနီးရှား ကုန်သွယ်ရေး ဝန်ကြီး Mari Panqestu က အာဆီယံ အတွင်းရေးမှူးချုပ်ထံ ယခုလ အတွင်း ညှိနှိုင်းလိုကြောင်း၊ အထည်အလိပ် နှင့် စားသောက်ကုန် စသော ဒေသတွင်း လုပ်ငန်းများမှာ ဈေးပေါသည့် တရုတ် သွင်းကုန်များ တဟုန်ထိုး ဝင်ရောက်လာသည့် ဒဏ်ကို ခံစားရလိမ့်မည် ဖြစ်ကြောင်း ဖေါ်ပြထားပါသည်။

ဖိလစ်ပိုင် လွှတ်တော် အမတ် စီးပွားရေး ပညာရှင် Walden Bello ကမူ ပိုမို ရှင်းလင်း ပြတ်သားသော ဝေဖန်ချက်ကို ပေးခဲ့ပါသည်။ အရှေ့အာရှ ဒေသကို စီးပွားရေး နိဗ္ဗာန်ဘုံကို ရောက်အောင် တရုတ်ခေါင်းတွဲက အမြန် လမ်းကြောင်းပေါ်မှာ ဆွဲသွားမယ် ဆိုတဲ့ မျှော်လင့်ချက်ထက် ပိုပြီးတော့ ရှုပ်ထွေးလာဖို့သာ ရှိပါတယ်ဟု ၎င်းက မနီလာ အခြေစိုက် သတင်းစာ Business Mirror တွင် တနင်္ဂနွေနေ့က ရေးသား ဖော်ပြခဲ့ပါသည်။ ဘယ်လိုပဲဖြစ်ဖြစ် အမှန်တကယ် ကတော့ ကောင်းကျိုး မှန်သမျှက တရုတ်ကို ရောက်သွားဖို့ပဲ များပါတယ်ဟု ဘန်ကောက် အခြေစိုက် ဥာဏ်ကြီးရှင်အဖွဲ့ Focus on the Global South မှ ဝါရင့် ပညာရှင် တစ်ဦးလည်းဖြစ်သူ Walden Bello က ဆိုပါသည်။

CAFTA တွင် ကူးသန်း ရောင်းဝယ်နေသော ကုန်စည် (၉၀%) ၏ အခွန်များကို ဖယ်ရှားမည် ဖြစ်သည်။ အဆိုပါ စာရင်းတွင် ငရုတ်သီး၊ ငါး နှင့် ပဲ ငံပြာရည် စသော စားသောက်ကုန်များမှသည် လေအေးပေးစက်များ၊ မော်တော်ဆိုင်ကယ် စက်ပစ္စည်း အစိတ်အပိုင်းများအထိ ပါဝင်ပါသည်။ ၂၀၁၅ တွင် အရေးကြီး ကုန်စည်များအဖြစ် သတ်မှတ်ထားသည့် ဆန်၊ မော်တော်ကား နှင့် ရေနံ ဓာတု ထုတ်ကုန်များကို သွင်းကုန် အခွန်တဝက် လျော့ချရန် ရည်ရွယ်ထားပါသည်။

အာဆီယံ စီးပွားရေး အတွင်းသို့ နက်ရှိုင်းစွာ ဝင်ရောက်ရန် တရုတ်က အားထုတ်နေခြင်း ဖြစ်ပါသည်။ ဂျကာတာ အခြေစိုက် အာဆီယံ အတွင်းရေးမှူးချုပ်ရုံး၏ အဆိုအရ တရုတ် အာဆီယံ ကုန်သွယ်ရေးသည် ၂၀၀၃ မှ ၂၀၀၈ အတွင်း နှစ်စဉ် (၂၀%)  တိုးတက်ခဲ့သည်ဟု သိရပါသည်။ တရုတ်သို့ အာဆီယံ၏ ပို့ကုန်များအနက် သုံးပုံတစ်ပုံမှာ လျှပ်စစ်ပစ္စည်းများ ဖြစ်ပါသည်။

ဂျပန် နှင့် အီးယူ ပြီးလျှင် အာဆီယံ၏ တတိယ အကြီးဆုံး ကုန်သွယ်ဖက် နေရာကို အမေရိကန်ထံမှ တရုတ်က ရယူခဲ့ပြီး ဖြစ်သည်။

တရုတ် - အာဆီယံ ကုန်သွယ်ရေး သဘောတူညီချက် ခိုင်မာ အားကောင်းလာခြင်းအပေါ် ဝေဖန်မှုများသည် အမေရိကန် နိုင်ငံတွင်းရှိ ပို့ကုန် ဈေးကွက်နှင့် အီးယူ ကန်ထရိုက်များကို ဖြတ်တောက်ပစ်ခဲ့သည်။ ကမ္ဘာ့ငွေကြေး အကြပ်အတည်း၏ ရိုက်ချက်အပေါ် ၎င်းတို့ မည်သို့ ခံစားခဲ့ရသည် ဆိုသည့်အချက်ကို အလေးအနက် သတိပေးမှုပင် ဖြစ်သည်။ ယခင်နှစ်နှင့် နှိုင်းယှဉ်လျှင် တရုတ် ပို့ကုန်လုပ်ငန်းသည် ၂၀၀၉ အစောပိုင်းတွင် (၂၆%) ကျဆင်းခဲ့သည်ဟု ကမ္ဘာ့ဘဏ်၏ အဆိုအရ သိရှိရပြီး အင်ဒိုနီးရှားက (၃၂%)၊ မလေးရှားက (၃၄%)၊ ဖိလစ်ပိုင်က (၄၁%) အသီးသီး ကျဆင်းခဲ့သည်ဟု ဆိုပါသည်။

CAFTA ၏ အကျိုးကျေးဇူးများကို ခံစားခွင့်ရရန် ပြင်ဆင်နေသည့် အာဆီယံ နိုင်ငံများက "ကုန်သွယ်ရေး ချောမွေ့စေရေး" နှင့် ပတ်သက်၍ စိုးရိမ် ပူပန်မှုများကို ဖော်ပြခဲ့ကြသည်ဟု ပြောကြားသူမှာ ဘန်ကောက် အခြေစိုက် ကုလသမဂ္ဂ ဒေသခံ အဖွဲ့အစည်း အာရှ ပစ္စဖိတ်ဆိုင်ရာ စီးပွားရေးနှင့် လူမှုရေး ကော်မရှင် ESCAP မှ ကုန်သွယ်ရေး နှင့် ရင်းနှီးမြှုပ်နှံမှု ဌာန ဒါရိုက်တာ Ravi Ratnayake ဖြစ်ပါသည်။ အာဆီယံသည် ၎င်း၏ ပို့ကုန်လုပ်ငန်းအတွက် လိုအပ်သော ကုန်သွယ်ရေး လုပ်ထုံးလုပ်နည်းနှင့် အထောက်အထား စာရွက်စာတမ်းများကို ပိုမို ရိုးရှင်း လွယ်ကူအောင် လုပ်ဆောင်ရန် လိုအပ်သည်ဟုလည်း ၎င်းက မှတ်ချက်ပေးပါသည်။

ပို့ကုန်လုပ်ငန်းရှင်များသည် ဖောက်သည်များ (သို့) ဘဏ္ဍာရေး ဝန်ကြီးဌာနတို့နှင့် ဆက်ဆံရာတွင် ကြိုးနီစနစ် များစွာဖြင့် ကန့်သတ်ထားမှုကြောင့် အချို့မှာ ခြေကုန်လက်ပမ်း ကျသွားသည်ဟု ၎င်းက ဆိုပါသည်။ သွင်းကုန် အခွန်တွေကို သုံည အဆင့်အထိ လျော့ချခဲ့ရင်တောင်မှ ကြိုးနီစနစ် အားလုံးကို မဖယ်ရှားခဲ့ဘူးဆိုရင် ကုန်သွယ်ရေး တိုးတက် အားကောင်းလာတာကို မြင်ရမှာ မဟုတ်ပါဘူးဟု ၎င်းက အလေးအနက် ပြောကြားပါသည်။

အချို့ အာဆီယံ နိုင်ငံများတွင် ဗျူရိုကရေစီ လုပ်ထုံးလုပ်နည်းများ (ကြိုးနီစနစ်) ကြောင့် ပို့ကုန်လုပ်ငန်းများ ကြန့်ကြာမှုမှာ (၂၂) ရက်မှ (၂၉) ရက်အထိ ကြာမြင့်သွားသည်ဟု ESCAP စစ်တမ်းများက ထုတ်ဖော် တင်ပြလိုက်ပါသည်။

အာရှနိုင်ငံ အများစု၏ သွင်းကုန် ပို့ကုန် လုပ်ငန်းများ အတွက် လိုအပ်သော အထောက်အထားများ နှင့် အချိန်ကာလ ပျမ်းမျှ အရေအတွက်သည် ဖွံ့ဖြိုးပြီး နိုင်ငံများ၏ ပျမ်းမျှခြင်းထက် မြင့်မားနေဆဲ ဖြစ်သည်ဟုလည်း သိရှိရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:693} တစ်သင်းထဲ ကန်တဲ့ ဘောလုံးပွဲ အဖြစ် မခံနိုင်ဟု အမေရိကန်က မြန်မာကို သတိပေး

Posted by Transparency Myanmar 2010
comments (0)

Washington, By LALIT K. JHA, 22nd January 2010

အမေရိကန် အစိုးရ ထိပ်တန်းအရာရှိ တစ်ဦးက မြန်မာနိုင်ငံနှင့် တွေ့ဆုံ ဆွေးနွေးမှု သည် တစ်လမ်းသွား လမ်းစဉ် မဖြစ်နိုင်ဟု ပြောကြားခဲ့ပြီး အမေရိကန် ပြည်ထောင်စု အနေဖြင့်  မြန်မာအစိုးရထံမှ လုံလောက်သော တုန့်ပြန်မှု မရရှိခြင်းကို အဆိုပါ ပြောကြားမှုက ညွှန်ပြနေပါသည်။

စ်ိတ် အနှောင့်အယှက် ဖြစ်သည့် လက္ခဏာများကို ပြသနေသည့် အရှေ့အာရှ နှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး Kurt Campbell က ကြာသပတေးနေ့ ကွန်ဂရက် လွှတ်တော်  ရှင်းလင်းပွဲတွင် ဆီနိတ်တာများအား ပြောကြားရာ၌ ပထမဆုံး အဆင့်ကို ဆောင်ရွက်ရန် မိမိတို့ ကြိုးစားနေပါသည်။  သို့ရာတွင် ကပွဲ ကြမ်းပြင်တွင် တစ်ယောက်ထဲက ရသည့် အဖြစ်မျိုးကို လက်မခံ နိုင်ကြောင်း အလေးအနက် ပြောကြားလိုပါတယ် ဟု ဆိုပါသည်။

မြန်မာ အာဏာပိုင်များနှင့် တိုက်ရိုက် ဆွေးနွေးမှု စတင်ရန် မဟာဗျူဟာ ပထမအခန်း ကဏ္ဍတွင် အမေရိကန် ရောက်ရှိနေသည် ဟု Campbell က ကွန်ဂရက်တွင် ရှင်းလင်း ထွက်ဆိုပါသည်။

ယခုကိစ္စနှင့် ပတ်သက်၍ အစီရင်ခံစာ တင်ရန် အချိန်စောလွန်း နေသေးကြောင်း သို့သော်လည်း ယခုနှစ် နှောင်းပ်ိုင်း တချိန်ချိန်တွင် ရွေးကောက်ပွဲများ ကျင်းပရန် မြန်မာ အစိုးရ က ရည်ရွယ်ထား သောကြောင့် ၂၀၁၀ သည် အရေးကြီးသည့် ကာလ ဖြစ်သည် ဆိုသော အချက် ကို မိမိတို့ လက်ခံ နားလည်ထားကြောင်း ၎င်းက ပြောကြားပါသည်။

လုပ်ငန်းများ ပိုမို ဆောင်ရွက်နိုင်ရန် အတွက် ဒီမိုကရေစီ ထွန်းကားရေးနှင့် လူ့အခွင့်အရေး ရည်မှန်းချက်များ ဒေသတွင်းနှင့် ကမ္ဘာ့အရေး ကိစ္စများ ဖြစ်လာရေးသည် မိမိတို့၏ ဆန္ဒလည်း ဖြစ်ပါကြောင်း၊ သို့ဖြစ်၍ နှစ်နိုင်ငံ ဆွေးနွေးမှု မျှသာ မဟုတ်ပဲ ဒေသတွင်း အစည်းအဝေးများတွင် ပါ ထည့်သွင်း ဆောင်ရွက်သွားမည် ဖြစ်ကြောင်း ၎င်းက ဆက်လက် ပြောကြားပါသည်။

လက်ရှိ အချိန်တွင် နိုင်ငံခြားရေးဝန်ကြီး ကလင်တန်က မြန်မာနိုင်ငံနှင့် ပတ်သက်သည့် စိုးရိမ် ပူပန်စရာ ကိစ္စများကို ထုတ်ဖော် တင်ပြလျက် ရှိကြောင်း၊ သို့သော်လည်း မြန်မာနိုင်ငံတွင်း ကိစ္စမျှသာ မဟုတ်ပဲ ဒေသတစ်ခုလုံး အပေါ် ဆက်စပ်နေမှု များလည်း ပါဝင်ကြောင်း၊ ပူးပေါင်း အင်အား ဖြည့်တင်းရန် လိုအပ်သည် ဟု မိမိတို့ ယူဆထားသော လမ်းကြောင်းပေါ်ရှိ တန်ဖိုးများ၊ အကျိုးအမြတ်များနှင့် ပတ်သက်၍ ပိုမို ဆွေးနွေး ပြောဆိုလာသော အင်ဒိုနီးရှား၊ ဖိလစ်ပိုင် စသော နိုင်ငံများကို စိတ်ကျေနပ်ဖွယ် တွေ့မြင်နေရကြောင်း ဂျပန်၊ တောင်ကိုရီးယား၊ သြစတြေးလျား၊ ဖိလစ်ပိုင်၊ ထိုင်းနိုင်ငံ စသော နိုင်ငံများနှင့် ခိုင်မာ အားကောင်း နက်ရှိုင်းသည့် မိတ်ဆွေဖြစ် ဆက်ဆံရေး အုတ်မြစ် သည် အမှန်တကယ်၌ မိမိတို့၏ ယုံကြည် မျှော်လင့်ချက်များကို တိုးပွားစေကြောင်း Campbell က အကျယ်တဝင့် ပြောဆိုပါသည်။

တကယ့် အမှန်တရားကတော့ အချို့နိုင်ငံတွေနဲ့ မတူပဲ အမေရိကန်နဲ့ ပတ်သက်လို့ မြန်မာနိုင်ငံဟာ ခံစားချက်တွေ ရောထွေးနေပုံ ရပါတယ် ဟု Campbell က ဆိုပါသည်။ အရမ်းကြီးမားတဲ့ စိုးရိမ် ပူပန်စရာ ကိစ္စအချို့ ရှိနေတယ်လို့ ကျွန်တော် ထင်ပါတယ်။ ဘယ်လို ကိစ္စတွေလဲ ဆိုတော့ မြန်မာ အစိုးရက ပြည်သူတွေကို ဘယ်လိုမြင်သလဲ၊ ပြည်သူတွေရဲ့ ဘဝအဆင့်အတန်း၊ တိုင်းရင်းသားတွေနဲ့ သက်ဆိုင်တဲ့ ကိစ္စတွေ၊ တရားဝင် ရွေးကောက် တင်မြှောက်ခံရမယ့် အဖွဲ့တွေကို ဘယ်လို ပြုမူ ဆက်ဆံမလဲ၊ အမေရိကန်ကို ဘယ်လို သဘောထားမလဲ ကိစ္စတွေပါပဲ ဟုလည်း ၎င်းက ပြောကြားပါသည်။

မြန်မာနိုင်ငံ မူဝါဒ အပေါ် အမေရိကန် အစိုးရအဖွဲ့၏ တရားဝင် ပြန်လည် သုံးသပ်ချက်က ပြည်သူတို့၏ အခွင့်အရေးများကို လေးစားသော ဒီမိုကရေစီ အစိုးရ ဖြစ်တည်ရေးနှင့် အိမ်နီးချင်း နိုင်ငံများနှင့် ငြ်ိမ်းချမ်းရေး စသော အခြေခံ ရည်မှန်းချက်များကို အတည်ပြုခဲ့သည် ဟု Campbell က ဆိုပါသည်။

မြန်မာ အာဏာပိုင်များနှင့် လက်တွေ့ကျကျ ညှိနှိုင်းဆွေးနွေးရေး မူဝါဒ အရ မိမိတို့ ရည်မှန်းချက်များ အောင်မြင်ရန် အတွက် အကောင်းဆုံး မျှော်လင့်ချက်ကို ဆုပ်ကိုင်ထားပါသည်။ အထက်ပါ လမ်းစဉ်အရ အမေရိကန်က စိုးရိမ် ပူပန်နေသော ကိစ္စများအပေါ် မှန်ကန်သော ပြောင်းလဲမှုများ ပြင်ဆင် ဆောင်ရွက်နေကြောင်း မြန်မာ အာဏာပိုင်များက ပြသနိုင်သည် အထိ အမေရိကန်၏ အရေးယူမှုများ ရှိနေမည် ဖြစ်သည်။ အတိုက်အခံ ဒီမိုကရေစီ ခေါင်းဆောင်များ ကလည်း ယခု ဆောင်ရွက်မှုကို ထောက်ခံ အားပေးကြောင်း မိမိတို့ထံ အတည်ပြု ပြောဆိုထားပါသည်။ မိမိတို့ ရည်မှန်းချက်များ အတွက် စည်းရုံး ဆောင်ရွက်ရာတွင် အသုံးပြုနေသော ဗျူဟာများ ကို အင်အား ဖြည့်ရန် အရံ နည်းလမ်း ဗျူဟာများလည်း လိုအပ်သည် ဟု မူဝါဒ ပြန်လည် သုံးသပ်ချက် က အတည်ပြု ခဲ့ပါသည် ဟု Campbell က ရှင်းလင်းပါသည်။

ယခု နည်းလမ်းရဲ့ အဓိက လမ်းကြောင်းက မြန်မာ ခေါင်းဆောင်ရဲ့ ကိုယ်စားလှယ်တွေနဲ့ ထိပ်ပိုင်းအဆင့် တိုက်ရိုက် ဆွေးနွေးရေးပဲ ဖြစ်ပါတယ်။ မြန်မာ ဝန်ကြီ်းချုပ် ဗိုလ်ချုပ်ကြီး သိန်းစိန် အပါအဝင် မြန်မာ အာဏာပိုင်တွေ၊ ဒေါ်အောင်ဆန်းစုကြည် နဲ့ တိုင်းရင်းသား အဖွဲ့အစည်း ကိုယ်စားလှယ်တွေ အပါအဝင် ဒီမိုကရေစီ ခေါင်းဆောင်တွေနဲ့ တွေ့ဆုံဖို့ နိုဝင်ဘာ  ၃ နဲ့ ၄ မှာ မြန်မာနိုင်ငံကို သွားခဲ့ပါတယ်။ အဲဒီ အစည်းအဝေးတွေမှာ ပြုပြင် ပြောင်းလဲရေး လုပ်ဖို့ နိုင်ငံရေး အင်အားစုတွေ အားလုံး တွေ့ဆုံ ဆွေးနွေးရေးဟာ အရေးကြီးတဲ့ အကြောင်း၊ ၂၀၁၀ ရွေးကောက်ပွဲတွေ ကို အသိအမှတ်ပြု ခံချင်ရင် နိုင်ငံရေး အကျဉ်းသားတွေ လွှတ်ပေးဖို့ လိုအပ်တဲ့ အကြောင်း အလေးအနက် ပြောကြားခဲ့ပါတယ်ဟု Campbell က ထုတ်ဖော် ရှင်းလင်း ခဲ့ပါသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:692} မြန်မာနိုင်ငံ၏ လူ့အခွင့်အရေး အခြေအနေ ယိုယွင်းဆဲ

Posted by Transparency Myanmar 2010
comments (0)

The Irrawaddy, By Arkar Moe, 21st January 2010

မြန်မာ နိုင်ငံတွင် ၂၀၁၀ ရွေးကောက်ပွဲ မတိုင်မီ ၂၀၀၉ ခုနှစ်တွင် လူ့အခွင့်အရေး မှတ်တမ်းများမှာ ဆက်လက် ယိုယွင်းလျက် ရှိကြောင်း လူ့အခွင့်အရေး စောင့်ကြည့်ရေးအဖွဲ့ (Human Rights Watch, HRW) ၏ အဆိုအရ သိရှိရပါသည်။

နယူးယောက် အခြေစိုက် NGO ဖြစ်သော HRW သည် ၎င်း၏ (၆၁၂) မျက်နှာပါ World Report 2010 တွင် မြန်မာ စစ်အစိုးရသည် လွတ်လပ်စွာ ဖော်ထုတ်ခွင့်၊ ဖွဲ့စည်းခွင့်၊ စုဝေးခွင့်များ အပါအဝင် နိုင်ငံသားများ၏ အခြေခံ လွတ်လပ်ခွင့်များကို စနစ်တကျ ငြင်းဆန်လျက် ရှိသည်ဟု ဖော်ပြထားပါသည်။

ထင်ရှားသော နိုင်ငံရေး လှုပ်ရှားသူများ၊ ဗုဒ္ဓဘာသာ ဘုန်းတော်ကြီးများ၊ အလုပ်သမား ရေးရာ လှုပ်ရှားသူများ၊ သတင်းစာ ဆရာများ နှင့် အနုပညာရှင် ဒါဇင်ပေါင်း များစွာမှာ ၂၀၀၉ ခုနှစ်အတွင်း အဖမ်းခံရပြီး တရားမျှတမှု မရှိသည့် တရားရုံးများမှ ထောင်ဒဏ်များ ချမှတ်ခြင်းကို ခံရကြောင်း၊ စစ်အစိုးရ၏ လူ့အခွင့်အရေး နှင့် ပတ်သက်သော မှတ်တမ်းများမှာ ပိုမို ဆိုးရွားလာကြောင်း HRW က ဖော်ပြထားပါသည်။

HRW သည် ၎င်း၏ အကြိမ် (၂၀) မြောက် ကမ္ဘာတဝှမ်း လူ့အခွင့်အရေး ကျင့်သုံးမှုများကို သုံးသပ်သည့် စာတမ်းတွင် ကမ္ဘာပေါ်ရှိ နိုင်ငံ (၉၀) ကျော်၏ အဓိက လူ့အခွင့်အရေး နှင့်ပတ်သက်၍ အနှစ်ချုပ် ဖော်ပြခဲ့ပါသည်။

မြန်မာနိုင်ငံနှင့် တရုတ်နိုင်ငံတို့ ကဲ့သို့သော အာဏာရှင် နိုင်ငံများတွင် လူ့အခွင့်အရေး စောင့်ကြည့်မှုများကို အကန့်အသတ်မရှိ တိုက်ခိုက်ခွင့် ပေးထားကြောင်း HRW က ပြောပါသည်။

လူ့အခွင့်အရေး ကာကွယ်သူများကို တိုက်ခိုက်မှုများကို တဖက်မှ ကြည့်လျှင် လူ့အခွင့်အရေး လှုပ်ရှားမှုများအား နည်းလမ်းတစ်မျိုးဖြင့် လေးစားအောင် လုပ်ပေးနေသလို ရှိကြောင်း၊ ထိုသို့ တိုက်ခိုက်မှုကြောင့် လှုပ်ရှားမှုများ ရပ်တန့် မသွားနိုင်ဟု အမှုဆောင် ဒါရိုက်တာ Kenneth Roth က World Report 2010 ၏ နိဒါန်းတွင် ရေးသားထားပါသည်။ ရက်စက်သော အာဏာရှင် အစိုးရများသည် လူ့အခွင့်အရေး လှုပ်ရှားမှု အဖွဲ့များကို မှားယွင်းသော အကြောင်းပြချက်များ ပြပြီး တိုက်ခိုက်လျက် ရှိကြောင်း ဆက်လက် ရေးသားထားပါသည်။

ထိုင်းနိုင်ငံ အခြေစိုက် Human Rights Education Institute of Burma မှ ဒါရိုက်တာ အောင်မျိုးမင်းက ကြာသပတေးနေ့က ဧရာဝတီသို့ ပြောကြားရာတွင် မြန်မာ စစ်အစိုးရသည် လူမဆန်သော ရာဇဝတ်မှုများနှင့် လူ့အခွင့်အရေး ချိုးဖောက်မှုများကို နှစ်စဉ် စနစ်တကျ ကျူးကျော်လျက် ရှိသည်ဟု ပြောကြားခဲ့ပါသည်။

မြန်မာနိုင်ငံရှိ နိုင်ငံရေး အကျဉ်းသားများကို အကူအညီပေးရေး အဖွဲ့မှ တွဲဖက်အတွင်းရေးမှူး ဘိုကြည်က တရုတ်နိုင်ငံနှင့် ရုရှားနိုင်ငံအား မြန်မာ အပါအဝင် လူ့အခွင့်အရေး ချိုးဖောက်နေသော နိုင်ငံများအား အကူအညီများ ပေးလျက်ရှိသည်ဟု စွပ်စွဲလိုက်ပါသည်။

ကုလသမဂ္ဂ အနေဖြင့် လူ့အခွင့်အရေး ချိုးဖောက်မှုများကို အရေးမယူနိုင်ခြင်းကြောင့် အားနည်းချက်များ ရှိကြောင်း၊ ၎င်း၏ လူ့အခွင့်အရေး ဆိုင်ရာ မူဝါဒနှင့် လုပ်ငန်းစဉ်များကို ပြန်လည် သုံးသပ်သင့်ကြောင်း ဘိုကြည်က ဖြည့်စွက် ပြောကြားခဲ့ပါသည်။

HRW ၏ အစီရင်ခံစာတွင် ယမန်နှစ်က ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ အမှုကို သုံးလခန့် ကြာအောင် အချိန်ဆွဲ စစ်ဆေးပြီး၊ နိုင်ငံတကာ တရားရုံးများ၏ တရားမျှတမှု စံများလည်း မရှိကြောင်း ဖော်ပြခဲ့ပါသည်။

အစီရင်ခံစာ၌ မြန်မာနိုင်ငံတွင် နိုင်ငံရေး အကျဉ်းသား (၂၁၀၀) ကျော်ခန့်သည် ငြိမ်းချမ်းစွာ လှုပ်ရှားမှုများကြောင့် ထောင်ချခံခဲ့ရပြီး၊ ဗုဒ္ဓဘာသာ ဘုန်းတော်ကြီး (၂၃၀) ကျော်မှာလည်း ၂၀၀၇ ခုနှစ်က ဆန္ဒပြမှုကြောင့် ထောင်ထဲတွင် ရှိနေဆဲ ဖြစ်ကြောင်း ဖော်ပြထားပါသည်။

၂၀၀၉ ခုနှစ်တွင် နိုင်ငံတကာက မြန်မာနိုင်ငံရှိ လူမဆန်သော ရာဇဝတ်မှုများနှင့် စစ်ရာဇဝတ်မှုများအတွက် စုံစမ်း စစ်ဆေးပေးရန်နှင့် ကုလသမဂ္ဂက မြန်မာနိုင်ငံအား လက်နက် ရောင်းချမှု ပိတ်ပင်ပေးရန် တောင်းဆိုမှုများ တိုးတက် ပြုလုပ်လာပါသည်။ သို့သော် တရုတ်၊ ရုရှားနှင့် မြောက်ကိုရိးယားတို့သည် မြန်မာစစ်အစိုးရကို လက်နက်များ ရောင်းချဆဲပင် ရှိနေပါသည်။

အဆိုပါ အစီရင်ခံစာတွင် မြန်မာစစ်တပ်အား ဝေဖန်မှုများ ပြုလုပ်ထားပါသည်။ မြန်မာစစ်တပ်သည် တိုင်းရင်းသားများနှင့် ပဋိပက္ခ ဖြစ်နေသော ဒေသများတွင် အရပ်သားများကို ဥပဒေ ပြင်ပမှ သတ်ဖြတ်ခြင်း၊ အဓမ္မ လုပ်အားပေး စေခိုင်းခြင်းနှင့် လိင်မှုဆိုင်ရာ ရက်စက်မှုများကို ကျူးလွန်လျက် ရှိကြောင်း၊ ဖော်ပြထားသည့် အပြင် ကလေးစစ်သားများ၊ စစ်ပြေး ဒုက္ခသည်များ၊ ပြည်တွင်း အဓမ္မ ရွေ့ပြောင်းစေမှုများ နှင့်ပတ်သက်၍ စိုးရိမ် ပူပန်မှုများကိုလည်း ဖော်ပြထားပါသည်။

လူ့အခွင့်အရေး လှုပ်ရှားမှုများ တိုးတက် လာသော်လည်း၊ လူ့အခွင့်အရေး ကာကွယ်သူများမှာ တိုက်ခိုက် ခံနေရဆဲ ဖြစ်ပြီး၊ လူ့အခွင့်အရေး လေးစား လိုက်နာသော အစိုးရများ၏ ကူညီ ထောက်ခံမှုများ လိုအပ်လျက် ရှိသည်ဟု HRW က ပြောပါသည်။

မိမိကိုယ်မိမိ လူ့အခွင့်အရေးကို ထောက်ခံသူများဟု မှတ်ယူထားသည့် အစိုးရများကလည်း ၎င်းတို့၏ မဟာမိတ်များ၏ လူ့အခွင့်အရေး ချိုးဖောက်မှုများကို ပြောဆိုရန် ရေငုံနှုတ်ပိတ်နေပြီး သံတမန် ကိစ္စများနှင့် စီးပွားရေး ကိစ္စများကိုသာ ဦးစားပေးခဲ့သည်ဟု Roth က ပြောပါသည်။ ထိုသို့ ရေငုံ နှုတ်ပိတ်နေမှုကြောင့် ချိုးဖောက်မှုများ ပိုမို ပြုလုပ်ရန် အားပေးသလို ဖြစ်ရကြောင်း၊ လူ့အခွင့်အရေး ချိုးဖောက်သည့် နိုင်ငံများကို ပိုမို ဖိအား ပြင်းထန်စွာပေးရန် လိုအပ်ကြောင်း Rott က ဆက်လက် ပြောကြားခဲ့ပါသည်။

"ကမ္ဘာပေါ်မှာ လူ့အခွင့်အရေးကို အပြည့်အဝ လေးစား လိုက်နာတဲ့ နိုင်ငံ မရှိပါဘူး" ဟု အောင်မျိုးမင်းက ပြောပါသည်။ ကမ္ဘာ့အင်အားကြီး နိုင်ငံများ ဖြစ်သော အမေရိကန်၊ တရုတ်နှင့် ရုရှား နိုင်ငံတို့သည် အတူတကွ ပူးပေါင်း၍ လူ့အခွင့်အရေး ချိုးဖောက်မှုများကို အမျိုးသားကိစ္စ ဖြစ်သော်လည်း၊ စီးပွားရေး နှင့် နိုင်ငံခြားရေး မူဝါဒအရ သော်လည်းကောင်း တစ်စုံတစ်ခု လုပ်သင့်ကြောင်း ၎င်းက ပြောပါသည်။

HRW ၏ အစီရင်ခံစာတွင် ရုရှား၊ သီရိလင်္ကာ၊ ကင်ညာ၊ ဘူရမ်ဒီ နှင့် အာဖကန် နစ္စတန်တွင် လူ့အခွင့်အရေး စောင့်ကြည့်သူများကို သတ်ပစ်ခဲ့ပြီး၊ ဆူဒန် နှင့် တရုတ်တွင် လူ့အခွင့်အရေး အဖွဲ့များကို မှန်မှန် ပိတ်ပင်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:691} ၂၀၀၉ အတွင်း တရုတ် ဂျီဒီပီ ၈ ဒဿမ ၇ ရာနှုန်း မြင့်တက်

Posted by Transparency Myanmar 2010
comments (0)

          တရုတ်နိုင်ငံ၏ စီးပွားရေးသည် ပြီးခဲ့သည့် ၂၀၀၉ ခုနှစ်အတွင်း ၈ ဒဿမ ၇ ရာခိုင်နှုန်းခန့် မြင့်တက်လာကြောင်း တရုတ်အမျိုးသား စာရင်းအင်း ဆိုင်ရာ ဗျူရို (CNBS) ၏ သတင်း ထုတ်ပြန်ချက်က ဆိုပါသည်။

နှစ်စဉ် ပြုလုပ်သော တွက်ချက်မှုများအရ ၂၀၀၉ ခုနှစ် ပထမ လေးပုံတစ်ပုံ ကာလအတွင်း စီးပွားရေး တိုးတက်မှု ၁၀ ဒဿမ ၇ ရာခိုင်နှုန်းအထိ တိုးမြင့်ခဲ့သည်။ တရုတ် စီးပွားရေးသည် ပထမနှစ် လေးပုံသုံးပုံ လောက်မှ စ၍ တဖြည်းဖြည်းချင်း တိုးတက်လာရာမှ လေးပုံ တစ်ပုံခန့်တွင် ၆ ဒဿမ ၂ ရာခိုင်နှုန်းခန့် မြင့်တက်လာကြောင်း၊ လေးပုံ နှစ်ပုံခန့်တွင် ၇ ဒဿမ ၉ ရာခိုင်နှုန်းနှင့် လေးပုံတစ်ပုံ ခန့်တွင် ၉ ဒဿမ ၁ ရာခိုင်နှုန်းခန့် မြင့်တက်ခဲ့ကြောင်း CNBS က ဆိုပါသည်။

တရုတ်ပြည်၏ စုစုပေါင်း ပြည်တွင်း ထုတ်ကုန်မှာ ၂၀၀၉ ခုနှစ် အတွင်း အမေရိကန် ဒေါ်လာ ၄ ဒဿမ ၉ ထရီလီယံ ရှိခဲ့ပါသည်။ တရုတ် အစိုးရက စီးပွားရေး ပြန်လည် နာလန်ထူနိုင်ရေးအတွက် အမေရိကန် ဒေါ်လာ ၅၈၆ သန်း ထုတ်ပေးရာမှ နှစ်စဉ် တိုးတက်မှုနှုန်းများ မြင့်တက်ခဲ့ခြင်း ဖြစ်ပါသည်။

တရုတ်အစိုးရက ၂၀၀၉ ခုနှစ်တွင် ၈ ရာခိုင်နှုန်းအထိ တိုးမြင့်ရန် ဦးတည် သတ်မှတ်ချက် ထားရှိခဲ့သည်။ အဆိုပါ သတ်မှတ်ချက်သည် အလုပ် ခန့်အပ်နိုင်မှု နှုန်းကို ထိန်းသိမ်းနိုင်မည့် စံသတ်မှတ်ချက် ဖြစ်သည်ဟု တရုတ် အစိုးရက ရှုမြင်ပါသည်။

"ရာစုနှစ် တစ်ခုအတွင်း ကမ္ဘာလုံး ဆိုင်ရာ ဘဏ္ဍာရေး အကျပ်အတည်းကြောင့် အင်မတန် ဆိုးရွားတဲ့ အကျိုး သက်ရောက်မှုတွေ ဖြစ်ပွားစေခဲ့ပါတယ်။ တရုတ် အစိုးရဟာ ပြည်တွင်းနဲ့ ပြည်ပက အခြေအနေတွေကို အမိအရ ဖမ်းဆုပ်ကြည့်ပြီး တစ်နိုင်ငံစလုံးကို အခက်အခဲ အကျပ်အတည်း ဂယက်ထဲက ရုန်းထွက်နိုင်အောင် ဦးဆောင် နိုင်ခဲ့တာကြောင့် အခုလို စီးပွားရေး ပြန်လည် တိုးတက်လာတာပါ" ဟု CNBS ၏ ဒါရိုက်တာ Ma Jiantang က ပြောကြားပါသည်။

"တရုတ်အစိုးရဟာ မှတ်လောက် သားလောက်အောင် ကျဆင်းခဲ့တဲ့ စီးပွားရေး အခြေအနေကြီးကို ရပ်တန့်အောင် လုပ်နိုင်ခဲ့ပါတယ်၊ တရုတ်ဟာ စီးပွားရေး ပျက်ကပ်ထဲကနေ ပထမဆုံး ရုန်းထွက်နိုင်ခဲ့တဲ့ နိုင်ငံတစ်ခု ဖြစ်လာပါပြီ" ဟု ၎င်းက ဆိုပါသည်။

၂၀၀၉ ခုနှစ် အတွင်း လက်လီ ရောင်းချမှု နှုန်းမှာ ၁၆ ဒဿမ ၉ ရာခိုင်နှုန်း ခန့် မြင့်တက်ခဲ့သည်။ ကမ္ဘာလုံး ဆိုင်ရာ စီးပွားရေး ပျက်ကပ်ကြောင့် ကျဆင်းသွားသည့် ပြည်ပသို့ ကုန်ပစ္စည်း တင်ပို့မှုကို ခုသာခံသာ ဖြစ်စေရန် အစိုးရက ပြည်တွင်း သုံးစွဲမှုနှုန်း မြင့်တက်အောင် ကြိုးပမ်းခဲ့သည်။ သို့ရာတွင် အကျိုးဆက် အနေဖြင့်  တရုတ်ပြည်တွင်း အိမ်ရာမြေ ဈေးနှုန်းများ မြင့်တက်မှုများ ဖြစ်ပေါ်လာသောကြောင့် စိုးရိမ်မကင်း ဖြစ်လျက် ရှိသည်။

သို့အတွက်ကြောင့် တရုတ် အစိုးရက ပြည်တွင်းဘဏ်များအား ငွေထုတ်ချေးမှုကို ထိန်းချုပ်ရန် ညွှန်ကြားချက် ထုတ်ပြန်လိုက်ရသည်။

 BBC သတင်းဌာန၏ China GDP grows by 8.7 percent in 2009 ကို ဘာသာပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:690} နျူကလီးယား လုံခြုံရေး ဆွေးနွေးပွဲတက် မြန်မာကို အတိုက်အခံများ ဆန္ဒပြ

Posted by Transparency Myanmar 2010
comments (0)

ဂျပန်နိုင်ငံ၊ တိုကျိုမြို့တွင် ဇန်နဝါရီလ၂၂ ရက်နေ့က နိုင်ငံတကာ အဏုမြူ စွမ်းအင် အေဂျင်စီ(IAEA)မှ အရာရှိကြီးများနှင့်အတူ ကျင်းပပြုလုပ်သည့် နျူကလီးယား လုံခြုံမှုဆိုင်ရာ အာရှ နိုင်ငံများ ဆွေးနွေးပွဲတွင် မြန်မာနိုင်ငံ တက်ရောက်ခဲ့ရာ မြန်မာစစ်အစိုးရ၏ နျူကလီးယား ဖွံ့ဖြိုးရေး ကြိုးပမ်းချက်များကို ဆန့်ကျင် ကန့်ကွက်သည့် အနေဖြင့် မြန်မာ့ ဒီမိုကရေစီ လှုပ်ရှား သူများက ဆန္ဒပြ လမ်းလျှောက်မှုများ ပြုလုပ်ခဲ့ကြောင်း သတင်း ရရှိပါသည်။

          တိုကျိုမြို့တွင် အခြေစိုက် နေထိုင်သော ဒီမိုကရေစီ အရေးလှုပ်ရှားသူ မြန်မာ အမျိုးသမီးတစ်ဦးက စစ်အစိုးရ လက်အောက်မှ မြန်မာပြည်သူများ၏ ဘေးဒုက္ခ ဆိုးကြီးများကို ကွက်ကွက်ကွင်းကွင်း တွေ့မြင်စေရန်နှင့် စစ်အစိုးရက စီစဉ်ထားသော နျူကလီးယား စီမံကိန်းများကို ပုံပေါ်လာစေရန် ယင်းသို့ ဆန္ဒပြ လမ်းလျှောက်မှုများ ပြုလုပ်ခြင်း ဖြစ်ကြောင်း Mizzima သတင်းဌာနသို့ ပြောကြားပါသည်။

"မြန်မာပြည်တွင်း ဘာတွေ ဖြစ်နေတယ် ဆိုတာကို တစ်ကမ္ဘာလုံး သိအောင် မီးမောင်းထိုး ပြရမယ့် ကိစ္စဟာ ကျွန်မတို့ရဲ့ တာဝန်ပါပဲ၊ မြန်မာစစ်အစိုးရရဲ့ နျူကလီးယား ရည်မှန်းချက် အပေါ် နိုင်ငံတကာ အသိုင်းအဝိုင်းက ပိုပြီး အာရုံစိုက် လာစေချင်ပါတယ်" ဟု ၎င်း ကပြောပါသည်။

 

          ဂျပန် နိုင်ငံခြားရေး ဝန်ကြီးဌာန၏ သတင်း ထုတ်ပြန်ချက်အရ IAEA နှင့် ဂျပန် နိုင်ငံခြားရေး ဝန်ကြီးဌာနတို့ ပူးပေါင်းကာ အာရှ နျူကလီးယား လုံခြုံမှု အင်အား တိုးမြှင့်ရေးဟူသော ခေါင်းစဉ်ဖြင့် အဆိုပါ ဆွေးနွေးပွဲကို ကျင်းပခြင်း ဖြစ်ကြောင်း သိရပါသည်။

ထို ဆွေးနွေးပွဲသို့ အာဆီယံ အဖွဲ့ဝင် ၁၀ နိုင်ငံ အပါအဝင် အာရှနိုင်ငံပေါင်း ၁၇ နိုင်ငံ တက်ရောက်ကြကြောင်း၊ အဆိုပါ ဆွေးနွေးပွဲကို နျူကလီးယား ပစ္စည်းများ ထိန်းချုပ်ရေး ဆိုင်ရာ စင်တာ(NMCC) ၏ ဥက္ကဋ္ဌ Kaoru Naito က သဘာပတိ အဖြစ် ဆောင်ရွက်ကြောင်း နိုင်ငံခြားရေး ဝန်ကြီးဌာနက ဆိုသည်။

ယခု ဆွေးနွေးပွဲသည် ၂၀၀၆ ခုနှစ်အတွင်း ကျင်းပခဲ့သော စီမီနာ၏ နောက်ဆက်တွဲ ဖြစ်သည်။ ဆွေးနွေးပွဲသို့ တက်ရောက်လာသည့် နိုင်ငံများက နျူကလီးယား လုံခြုံမှု ဆိုင်ရာ အစီအမံများ တိုးမြှင့်ရေးအတွက် ဆွေးနွေးကြမည် ဖြစ်ကြောင်း သိရသည်။ မြန်မာ စစ်အစိုးရသည် ပြီးခဲ့သည့် ၂၀၀၉ ခုနှစ်အတွင်း အမေရိကန် ရေတပ်က မြန်မာနိုင်ငံသို့ ဦးတည်သွားသည်ဟု ယူဆရသော မြောက်ကိုရီးယား စစ်သင်္ဘော တစ်စင်းကို စုံစမ်း တွေ့ရှိပြီးနောက် နိုင်ငံတကာ မီဒီယာများ၏ အာရုံစိုက်မှု ခံလာရသည်။

Mizzima သတင်းဌာန၏ Rally at Nuclear Security seminar to protest Burma's presence ကို ဘာသာပြန်ဆိုသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:689} နောက်ထပ် နျူကလီယာ အချက်ပေးသံ တစ်ခု

Posted by Transparency Myanmar 2010
comments (0)

By Rajeev Sharma, the-diplomatc.om, 19th January 2010

          ယခုအချိန်သည် အီရန်နိုင်ငံ အနေဖြင့် ၎င်း၏ လျှို့ဝှက်သော နျူကလီယာ အစီအစဉ်များ အပေါ် နိုင်ငံတကာ ဆန့်ကျင်မှုများကို လျစ်လှူရှုသော သတင်းများက နေရာယူထားပါသည်။ တစ်ချိန်တည်းမှာပင် အမေရိကန် ပြည်ထောင်စုကလည်း မြောက်ကိုရီးယားကို ခြောက်နိုင်ငံ နျူကလီယာ ဖျက်သိမ်းရေး အစည်းအဝေးသို့ ပြန်လာရန် လုပ်ဆောင်နေချိန် ဖြစ်ပါသည်။ ထိုအချိန်တွင် နောက်ထပ် နျူကလီယာ အရေးကိစ္စ တစ်ခုသည် နာရီ စက္ကန့်သံလို တစ်ချက်ခြင်း မှန်မှန် အရှေ့တောင် အာရှဆီမှ ထွက်ပေါ်လာနေ ပါသည်။

          ၁၉၆၂ ကတည်းက စစ်တပ်မှ အုပ်ချုပ်ခဲ့သော မြန်မာနိုင်ငံသည် ၂၀၀၂ ခုနှစ် ကတည်းက စစ်ရေးအတွက် ရည်ရွယ်ခြင်း မဟုတ်သော နျူကလီးယား သုတေသန ဓာတ်ပေါင်းဖို ဆောက်လုပ်ရန် အစီအစဉ်ကို ရုရှား၏ အကူအညီဖြင့် စတင်ခဲ့သည်ဟု အတည်ပြုနိုင်သော သတင်းများအရ သိရှိရပါ သည်။ ထိုအချိန်မှ စ၍ ကျောင်းသားများနှင့် စစ်တပ် အရာရှိများကို ရွေးချယ်ပြီး မော်စကိုတွင် နျူကလီယားနှင့် ပတ်သက်၍ ရှေ့ပြေးသင်တန်းများ တက်ရောက်စေခဲ့ပါသည်။ ရန်ကုန် တက္ကသိုလ်နှင့် မန္တလေး တက္ကသိုလ်တို့တွင် နျူကလီယာ ရူပဗေဒ ဌာနကို ဖွင့်လှစ်ပြီး တက်ရောက်မည့် ကျောင်းသားများကို စစ်တပ်က ချုပ်ကိုင်ထားပါသည်။

          ထို့အပြင် မြန်မာနိုင်ငံမှ ထွက်ပြေးလာသူများ၏ သတင်း အချက်အလက်များ အရ မြောက်ကိုရီးယား အကူအညီဖြင့် လျှို့ဝှက် အစီအစဉ်များ အကောင်အထည် ဖော်လျက် ရှိကြောင်း၊ အဆက်မပြတ် သတင်းပေးပို့မှု များလည်း ရှိကြောင်း သိရှိရသည် ဖြစ်ရာ အိန္ဒိယနိုင်ငံ မူဝါဒ ရေးဆွဲသူများကို ဒုက္ခ ရောက်စေပါသည်။ ၎င်းတို့သည် မူလကတည်းက တရုတ်၊ ပါကစ္စတန်တို့နှင့် နယ်စပ်တင်းမာမှု ပြဿနာများ ရှိနေရာ ယခု မြန်မာနိုင်ငံ နျူကလီးယား ကိစ္စမှာ ၎င်းတို့အတွက် ဗူးလေးရာ ဖရုံဆင့် ဖြစ်နေပေပြီ။

          တောင်အာရှ ရေးရာ ကျွမ်းကျင်သူ စစ်ထောက်လှမ်းရေး သုတေသန အရာရှိဟောင်း ဗိုလ်မှူးကြီး ဟောင်း R Hariharan က ပြောကြားရာတွင် အထက်ပါ သတင်းများသာ မှန်ကန်ခဲ့ပါက အိန္ဒိယ အနေဖြင့် ဒေသတွင်းတွင် နျူကလီယာ ပါရာဒိုင်း မဟာဗျူဟာ အသစ်ကို အသုံးပြုလိမ့်မည် ဖြစ်ပြီး၊ အိန္ဒိယ စစ်ရေး စီမံချက် ရေးဆွဲသူများကို ပိုမို ရှုပ်ထွေးစေမည် ဖြစ်ကြောင်း ပြောကြား ခဲ့ပါသည်။

          "အိန္ဒိယတို့ ပါကစ္စတန်ရဲ့ နျူကလီယာ ကိစ္စ၊ မတည်ငြိမ်တဲ့ အခြေအနေတွေ ကြုံတွေ့နေရတာ မျိုးနဲ့ မတူတဲ့ အခြေအနေကို ကြုံတွေ့ရနိုင်တယ်"ဟု ၎င်းက ပြောပါသည်။ မြန်မာနိုင်ငံ အနေဖြင့် ဤကဲ့သို့ နျူကလီးယား ကစားဝိုင်း အတွင်းသို့ ဝင်ရန် ငွေကုန်ခံလိမ်ည်ဟု မိမိ မထင်ကြောင်း၊ သို့သော် အိန္ဒိယ အနေဖြင့် နျူကလီယာနှင့် ပတ်သက်၍ တိုးတက်မှုများ ရှိမရှိ သေချာစွာ စောင့်ကြည့်နေရန် လိုအပ်ကြောင်း ၎င်းက ဆက်လက် ပြောကြားခဲ့ပါသည်။

          မြန်မာနိုင်ငံကို နျူကလီယာနှင့် ပတ်သက်၍ စိတ်ဝင်စားမှုကို မီးထိုး ပေးလိုက်သော ကိစ္စမှာ မကွေး၊ တောင်တွင်းကြီးနှင့် အချို့ နေရာများတွင် ယူရေနီယံ တွေ့ရှိမှုပင် ဖြစ်သည်။ တနင်္သာရီတိုင်း တောင်ပိုင်းတွင် မတူးဖော်ရသေးပဲ များစွာ တွေ့ရှိထားပြီး၊ ရုရှားသည် ကန့်သတ် သတ္ထု တူးဖော်ရေး စီမံကိန်းများတွင် ပါဝင်လျက် ရှိသည်ဟု ဆိုပါသည်။

          အစိုးရသည် တကောင်းနှင့် မိုးမိတ် ဒေသများတွင်လည်း ယူရေနီယံကို ရှာဖွေလျက် ရှိကြောင်း၊ ၂၀၀၇ ခုနှစ် အစောပိုင်း ကတည်းက ရုရှားနှင့် မြန်မာ အင်ဂျင်နီယာ အဖွဲ့များ၊ စမ်းသပ် တူးဖော်လျက် ရှိ ကြောင်း သတင်း ပေးပို့မှုများ အရ သိရှိရပါသည်။

          ထို့သို့သော လှုပ်ရှားမှုများ အပြင်၊ မြန်မာအစိုးရနှင့် မြောက်ကိုရီးယားတို့၏ ပါဝင် ပတ်သက်မှု၊ အာဏာ ဆုပ်ကိုင်ရေးအတွက် ဘာမဆို လုပ်မည့် မြန်မာ စစ်အစိုးရ၊ စသည့် အချက်အလက်များကို ပေါင်းလိုက်သော် အိန္ဒိယ မူဝါဒ ရေးဆွဲသူများအတွက် ရှေ့ဆက် ဘာဖြစ်နိုင်သည်ကို ရေးဆွဲခဲ့ကြရ ကြောင်း၊ အဆိုပါ စာတမ်းကို အမည် မဖော်လိုသူ အိန္ဒိယ အစိုးရအရာထမ်း တစ်ဦးက ပြသ၍ စာရေးသူ ကြည့်ခဲ့ရပါသည်။

          အဆိုပါ စာတမ်းတွင် နျူကလီးယား နည်းပညာနှင့် ပတ်သက်၍ မြန်မာတို့ စတင် စိတ်ဝင်စားသည့် ဒီဇင်ဘာ ၂၀၀၀ ခုနှစ်မှ စတင် ဖော်ပြခဲ့ပါသည်။ ၁၀ မဂ္ဂါဝပ် Light-Water သုတေသန ဓာတ်ပေါင်းဖိုပါ ဝင်သော နျူကလီယာ သုတေသန ဗဟိုဌာန တည်ထောင်ရန် ရုရှား အကူအညီဖြင့် လုပ်ဆောင်ရန် စီစဉ်ခဲ့ သည်ဟု ဆိုပါသည်။

          သို့သော် ၂၀၀၅ ခုနှစ် စက်တင်ဘာလတွင် ဓာတ်ပေါင်းဖိုအတွက် အားလုံးကို မြန်မာဖက်မှ အားလုံး အကုန်အကျ ခံရန် မတတ်နိုင်ကြောင်း တွေ့ရှိခဲ့ရသဖြင့် ရုရှား Atomic စွမ်းအင် ဝန်ကြီးဌာနသည် ကြီးကြပ်မှု တာဝန် ယူပြီး၊ လိုအပ်သည့် လောင်စာနှင့် နည်းပညာများကို ဖြည့်ဆည်းပေးမည် ဖြစ်ပြီး၊ မြန်မာဘက်မှ ဆောက်လုပ်ရေးကို ကိုင်တွယ်ရန် ဆုံးဖြတ်ခဲ့ကြပါသည်။ အဆိုပါ သဘောတူညီချက်ကို ၂၀၀၇ ခုနှစ် မေလတွင် နှစ်နိုင်ငံ လက်မှတ် ရေးထိုးခဲ့ကြပါသည်။

          အဆိုပါ စာချုပ်အရ "မြိုင်ဓာတ်ပေါင်းဖို (သို့) ညောင်ကုန်း စီမံကိန်း" ဖြင့် အနီးစခန်းရှိ တောင်ပတ်လည် ဝိုင်းနေသော မြေပြန့် တစ်နေရာတွင် IAEA ၏ ဥပဒေများ နှင့်အညီ ဆောက်လုပ်ခဲ့ပါ သည်။ ၎င်းသည် လက်နက် ထုတ်နိုင်သည့် ပလူတိုနီယံ ထုတ်လုပ်ရန် မဟုတ်ပါ။

          သို့သော် မြန်မာနိုင်ငံဖက်မှ IAEA ၏ လမ်းညွှန်ချက်ကို လိုက်နာရန် ပျက်ကွက်မှုကြောင့် အဆိုပါ စီမံကိန်းကို အကောင်အထည် မဖော်နိုင်ခဲ့ပါ။ IAEA ၏ လမ်းညွှန်ချက်မှာ၊ အဆိုပါ စီမံကိန်း ပါ နျူကလီးယား ကိစ္စများကို IAEA ၏ အကြံပေးချက်များ ရယူရန် ဖြစ်ရာ၊ မြန်မာနိုင်ငံဖက်မှ လိုက်နာရန် ပျက်ကွက်ခဲ့ပါသည်။ ရုရှားက IAEA ကို ဆက်သွယ်ရန် အဆက်မပြတ် တိုက်တွန်းခဲ့သော်လည်း မြန်မာ တို့က မဆက်သွယ်ခဲ့သဖြင့် နှစ်နိုင်ငံကြား အဆိုပါ စီမံကိန်းနှင့် ပတ်သက်၍ တိုးတက်မှု ရပ်ဆိုင်းခဲ့ရသည်။ ရုရှားသည် ပွင့်လင်း မြင်သာစေရန် အကြံဥာဏ် ပေးခဲ့ရာ၊ မြန်မာ အစိုးရသည် နောက်ထပ် ကူညီ မည့်သူကို ပြောင်း၍ ရှာဖွေခဲ့ရာ မြောက်ကိုရီးယားကို တွေ့ရှိခဲ့ပါသည်။

          အဆိုပါ စာတမ်းတွင် ရေးသား ထားချက်များအရ မြန်မာနိုင်ငံ မြောက်ဖက် နောင်လိုင်ရှိ တောင်ကြားများတွင် 10 မဂ္ဂါဝပ် Light Water သုတေသန ဓာတ်ပေါင်းဖို ဆောက်လုပ်မည် ဖြစ်ပြီး၊ မြောက်ကိုရီးယားသည် တောင်တွင်းကြီးရှိ ယူရေနီယံ တူးဖော်သည့် နေရာဘေးတွင် ကြီးမားသော မြေအောက်ဘန်ကာ ဆောက်လုပ်မည် ဖြစ်ပါသည်။

          တစ်ချိန်တည်းမှာပင် နာမည်ဆိုး ရှိသော ပါကစ္စတန် သိပ္ပံပညာရှင် A Q Khan ၏ လက်ထောက် သိပံ္ပပညာရှင် Dr.Zaifullah ခေါင်းဆောင်သော ကိုယ်စားလှယ်အဖွဲ့သည် ၂၀၀၅ ခုနှစ် သြဂုတ်နှင့် ဒီဇင်ဘာလတွင် မြန်မာနိုင်ငံသို့ လာရောက်ခဲ့ရာ၊ ပါကစ္စတန် သည်လည်း နျူကလီးယား နည်းပညာ ပူးပေါင်း ဆောင်ရွက်ရန် ပါဝင်လိမ့်မည်ဟု ယုံကြည်ရပေသည်။ သဘော တူညီချက်အရ သိပ္ပံနှင့် နည်းပညာ ဝန်ကြီးဌာနနှင့် စစ်တပ်မှ အရာရှိများသည် နျူကလီးယားနှင့် ဇီဝလက်နက်များ၏ ဆိုးကျိုး များ ခေါင်းစဉ်ဖြင့် တစ်နှစ်သင်တန်း တက်ရောက်လျက် ရှိကြပါသည်။

          မြန်မာနိုင်ငံ၏ နျူကလီယာ ကဏ္ဍကို သေချာစွာ လေ့လာသူ C S Kuppuswamy က ၂၀၁၀ ခုနှစ်က ပါကစ္စတန် သမ္မတ မူရှာရက်ဖ် သွားရောက်ခဲ့ပြီး၊ ပါကစ္စတန် စစ်သင်္ဘော သုံးစီး ဖြစ်သော၊ ရေငုပ်သင်္ဘော တစ်စီး၊ Tanker တစ်စီး၊ ဖျက်သင်္ဘော တစ်စီးတို့ မြန်မာနိုင်ငံသို့ သွားရောက် လည်ပတ် ခဲ့ပြီး၊ ပါကစ္စတန်သည် ရိုးရိုးလက်နက်များ မြန်မာနိုင်ငံသို့ ရောင်းချခဲ့ပါသည်။

          အဆိုပါ ပူးပေါင်း ဆောင်ရွက်မှုများကြောင့်၊ Arunachal Praderh တွင် တရုတ်နှင့် နယ်စပ်ကိစ္စ တင်းမာမှု၊ နျူကလီးယား လက်နက် ပိုင်သော ပါကစ္စတန်နှင့် မတည်ငြိမ်မှုများအပြင် မြန်မာနိုင်ငံ အရေး ကိုပါ အိန္ဒိယ အာဏာပိုင်များ ခေါင်းထဲ ထည့်စဉ်းစားလာရလိမ့်မည် ဖြစ်ပါသည်။

          မြန်မာနိုင်ငံ၏ ပထဝီ မဟာဗျူဟာ အရေးပါမှုကို အိန္ဒိယ သမုဒ္ဒရာ ဒေသ(Indian Ocean Region IOR) တွင် မြင်တွေ့ လာရတော့မည်ဟု အိန္ဒိယက ယုံကြည်နေပြီး၊ တရုတ်ကလည်း စစ်ရေးနှင့် မဟာဗျူဟာ ကျသောကြောင့် အကူအညီများ လျှို့ဝှက်စွာ ပေးလျက် ရှိပါသည်။

          အိန္ဒိယ ဝန်ကြီးချုပ် မန်မိုဟန်ဆင်း၏ မီဒီယာ အကြံပေး ပုဂ္ဂိုလ်ဟောင်း Sanjaya Baru ၏ အဆိုအရ IOR တွင် တပ်အင်အား ဖြည့်တင်းရန် ရေးဆွဲထားရေးအတွက် လိုအပ်ကြောင်း ဆိုပါသည်။ အရှေ့အာဖရိကတွင် မိမိတို့၏ အောင်မြင်သော ပင်လယ်ဒမြ တိုက်ဖျက်ရေး မစ်ရှင် အောင်မြင်သည်ကို တွေ့ရသလို၊ အိန္ဒိယ သမုဒ္ဒရာ ဒေသတွင်လည်း အိန္ဒိယတပ်များ ချထားရေးကို ပြန်လည် စဉ်းစား၍ ပြသရန် လိုကြောင်း Sanjaya က ပြောပါသည်။

          အိန္ဒိယ သမုဒ္ဒရာ ဒေသသည် အာဖရိကမှ သြစတြေးလျထိ ကျယ်ပြန့်ပြီး၊ ကမ္ဘာပေါ်တွင် တတိယ အကြီးဆုံး ရေထု ရှိပြီး ကမ်းရိုးတမ်းနိုင်ငံ ၃၃ နိုင်ငံ ပါဝင်ပါသည်။ တရုတ်၏ ၈၀ % သော ဆီနှင့် အိန္ဒိယ၏ ၆၅% သော ဆီသည် IOR မှ ဖြတ်၍ သင်္ဘောဖြင့် သယ်ယူရပါသည်။

          အိန္ဒိယနိုင်ငံ Chennai ရှိ အမြတ် မယူသည့် ရန်ပုံငွေအဖွဲ့ Takshashila Institution မှ အဖွဲ့ ဝင် Nitin Pai က ပြောကြားရာတွင် IOR သည် အိန္ဒိယနိုင်ငံ၏ စွမ်းအင်နှင့် ကုန်သွယ်ရေးအတွက် သယ်ဆောင်ရာတွင် အရေးကြီးသဖြင့် ကာကွယ်ဖို့ လိုအပ်ကြောင်း ပြောဆိုခဲ့ပါသည်။ တရုတ်နိုင်ငံက လည်း မဟာဗျူဟာ ရွေ့လျားမှုများ ပြုလုပ်နေခြင်းကြောင့် မိမိတို့ကလည်း၊ မဟာဗျူဟာအရ ကာကွယ် ရေးအတွက် မိမိတို့၏ တပ်များကို IOR တွင် ပြန်လည် နေရာ ချထားသင့်ကြောင်း ပြောခဲ့ပါသည်။

          နယူးဒေလီ အခြေစိုက် Think Tank ဖြစ်သော National Maritime Foundation မှ အကြီးအကဲ တစ်ဦး ဖြစ်သူ ရေတပ် ဗိုလ်မှူးကြီးဟောင်း Uday C.Bhaskar က ပြောရာတွင် ယခု အရေး ကိစ္စတွင် အိန္ဒိယသည် နောက်ပြန် သွားနေကြောင်း ဆိုခဲ့ပါသည်။ ၂၀၀၄ ဆူနာမီ ပြီးစက တည်ထောင်ခဲ့ သော အိန္ဒိယ၏ သြဇာ ရှိမှုသည် ယခု အရှေ့တောင် အာရှနှင့် IOR ဒေသ တွင်းတွင် လစ်ဟာမှုများ ကြောင့် လျော့ကျနေပြီဟု ၎င်းက ပြောပါသည်။

          အနီးကပ်ဆုံး အိန္ဒိယ သံတမန်များ အနေဖြင့် မိမိတို့ ခြေကုတ် ယူနိုင်ရေးအတွက် ပထမဆုံး လုပ်ရမည့် တာဝန်မှာ မြန်မာနိုင်ငံတွင် ပြုလုပ်မည့် ပါတီစုံ ရွေးကောက်ပွဲနှင့် မည်သို့ ရင်ဆိုင် ကိုင်တွယ်မည့် စိန်ခေါ်မှုပင် ဖြစ်ပါသည်။

          သို့သော် စစ်တပ်မှလည်း အာဏာကို ဆက်လက် ဆုပ်ကိုင်ထားပြီး ပါကစ္စတန်နှင့် မြောက်ကိုရီး ယားတို့မှ လျှို့ဝှက် အကူအညီများလည်း ဆက်လက် ရယူနိုင်ပြီး၊ တရုတ်မှလည်း စိတ်ဓာတ်ရေးရာ အကူအညီများ ပေးထားဦးမည် ဆိုလျှင်၊ မြန်မာနိုင်ငံ၏ နျူကလီးယား လမ်းစဉ်ကို အိန္ဒိယရော အခြားနိုင်ငံများကပါ နှောင့်နှေးအောင် ပြုလုပ်နိုင်လိမ့်မည် မဟုတ်ပေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:688} လူ့အခွင့်အရေး လှုပ်ရှားသူများ အပေါ် အစိုးရ နောက်ခံပြု တိုက်ခိုက်မှုများ တိုးပွားလာ

Posted by Transparency Myanmar 2010
comments (0)

DVB News, 21st January 2010

လူ့အခွင့်အရေး ကာကွယ် စောင့်ရှောက်သူများ အပေါ် အစိုးရများ ပါဝင် ပတ်သက်သည့် ဆန့်ကျင် တိုက်ခိုက်မှု  အရေအတွက် ကမ္ဘာတဝှမ်း တိုးပွားလာသကဲ့သို့ နစ်နာသူများ အပေါ် ကာကွယ်ပေးသည့် လူ့အခွင့်အရေး လှုပ်ရှားမှုများ စွမ်းရည် ကျဆင်းလာပြီး အခြေအနေ ပိုမို ဆိုးဝါးလာသည်ဟု ထိပ်တန်း လူ့အခွင့်အရေး စောင့်ကြည့် လေ့လာရေး အဖွဲ့က အစီရင်ခံစာ ထုတ်ပြန်ပါသည်။

နယူးရောက် အခြေစိုက် လူ့အခွင့်အရေး စောင့်ကြည့် လေ့လာရေးအဖွဲ့ HRW က ထုတ်ပြန်သော နှစ်ပတ်လည် အစီရင်ခံစာတွင် မြန်မာနှင့် တရုတ် စသော အာဏာရှင် အစိုးရများ၏ လူ့အခွင့်အရေး စောင့်ကြည့်သူများ အပေါ် တိုက်ခိုက်မှုများသည် အကန့်အသတ် မရှိကြောင်း၊ သို့ရာတွင် ယခုအခါ ရုရှား၊ သီရိလင်္ကာ၊ ဘူရွန်ဒီ နှင့် အာဖဂန် နစ္စတန် ကဲ့သို့သော နိုင်ငံများအထိ ပျံ့နှံ့လာနေကြောင်း ဖော်ပြထားပါသည်။

မြန်မာနိုင်ငံ ကိစ္စတွင် ကြည့်ပါက ၂၀၀၉ ခုနှစ် အတွင်း စစ်ရာဇဝတ်မှုများ၊ လူ့အခွင့်အရေး ချိုးဖောက်မှုများကို စုံစမ်း စစ်ဆေးရန် အုပ်ချုပ်သူ စစ်ဖက် အစိုးရအား တောင်းဆိုမှုများ ကြီးထွားလာရမည့်အစား ယခုအချိန်အထိ ကုလသမဂ္ဂတွင် ဦးဆောင် ကမကထပြုမည့် နိုင်ငံမရှိသေးဟု HRW က ဆိုပါသည်။

 ထိန်းသိမ်း ခံနေရသော ထင်ရှားသည့် ပြင်ပရောက် မြန်မာ လူ့အခွင့်အရေး လှုပ်ရှားသူ အမေရိကန် နိုင်ငံသား ကျော်ဇောလွင် နှိပ်စက် ညှင်းပန်းခံ နေရသည်ဟု သတင်းများ ထွက်ပေါ်နေသည့် ကြားမှ နိုင်ငံတကာ ကြက်ခြေနီ ကော်မတီ ICRC ကို အကျဉ်းထောင်သို့ သွားရောက် ခွင့်ပြုရန် မြန်မာ အစိုးရက ငြင်းဆန်နေမှုနှင့် ပတ်သက်၍လည်း စိုးရိမ် ပူပန်နေသည်ဟု အစီရင်ခံစာတွင် ဖော်ပြပါသည်။

ထိုင်းနိုင်ငံ အခြေစိုက် မြန်မာနိုင်ငံရေး အကျဉ်းသားများ ကူညီ စောင့်ရှောက်ရေး အဖွဲ့ AAPP ၏ အဆိုအရ ၂၀၀၉ ခုနှစ် အတွင်း လူ့အခွင့်အရေး လှုပ်ရှားသူများ၊ ရှေ့နေများ၊ သတင်းထောက်များနှင့် နိုင်ငံရေးသမားများ (၂၃၁) ဦးကို အစိုးရက ထောင်ဒဏ် ချမှတ်ခဲ့ပြီး ၎င်းတို့ အများစုမှာ ၂၀၀၇ ခုနှစ် သံဃာလှုပ်ရှားမှု (၂) နှစ်မြောက် ကာလ တစ်ဝိုက်တွင် ဖမ်းဆီး ပြစ်ဒဏ် ချမှတ်ခံရခြင်း ဖြစ်သည်။

HRW ၏ အမှုဆောင် ဒါရိုက်တာ Kenneth Roth က ပြောကြားရာတွင် အဆိုပါ ဆန့်ကျင် တိုက်ခိုက်မှုများသည် လူ့အခွင့်အရေး လှုပ်ရှားမှုများကို တမင်တကာ ရိသဲ့သဲ့လုပ်နေ သကဲ့သို့ ထင်ရသော်လည်း အန္တရာယ်များ လျော့ပါးသွားခြင်း မရှိဟု ဆိုပါသည်။ လူ့အခွင့်အရေး ချိုးဖောက်သူ အစိုးရများသည် မမှန်ကန်သော အကြောင်းပြချက် များစွာပြ၍ လူ့အခွင့်အရေး လှုပ်ရှားမှုများ၏ အဓိက ဇစ်မြစ်များကို တိုက်ခိုက်နေခြင်း ဖြစ်သည်ဟု ၎င်းက ပြောကြားပါသည်။

အမေရိကန် သမ္မတ ဘားရက် အိုဘားမား၏ ထင်ရှားသော မိန့်ခွန်း "မူဝါဒ နှင့် လက်တွေ့ ကျင့်သုံးရေး ဆီသို့" အပေါ် မပြီးစီးနိုင်သည့် ဆောင်ရွက်နေမှုကိုလည်း Kenneth Roth က ဝေဖန် လိုက်ပါသည်။

နှစ်ပေါင်းများစွာ ပစ်ပယ်ထားခဲ့ပြီးနောက် မြန်မာအစိုးရ နှင့် တွေ့ဆုံ ဆွေးနွေးမည်ဟု ကြေညာခြင်းဖြင့် အမေရိကန်သည် ယိုယွင်းနေသော မြန်မာနိုင်ငံရေး အနေအထားကို ယမန်နှစ်က စတင် ကိုင်တွယ်ခဲ့သည်။သို့သော် ယခု သီတင်းပတ် အစောပိုင်းကမူ နိုင်ငံတွင်း ဒီမိုကရေစီ ပြုပြင် ပြောင်းလဲမှုကို ရှေ့ရှုသော တိုးတက်မှုများ အားနည်းနေသည့် အတွက် စိတ်မရှည်သည့် လက္ခဏာကို ပြသခဲ့ပါသည်။

သို့သော်လည်း ဝါရှင်တန်ထံမှ အလေးထား ဂရုစိုက်မှု တိုးပွားလာရမည့်အစား အမေရိကန် ပြည်တွင်း စွမ်းဆောင်မှုများ အပေါ် မကျေနပ်မှုများ တိုးပွားလာနေသည်။ ယင်းကြောင့် အိုဘားမား အမေရိကန် ပြည်တွင်းရေးသို့ ပြန်လှည့်နေချိန်တွင် အရှေ့အလယ်ပိုင်းရှိ အမေရိကန်၏ ပုံရိပ်ကို အသွင်ပြောင်းလဲရန်အတွက်လည်း ကြီးမားသော ဖိအားများနှင့် ရင်ဆိုင်နေရသည်။ ထို့ကြောင့် အမေရိကန် ပြည်ထောင်စု အတွက် မြန်မာနိုင်ငံ အရေးကိစ္စမှာ အရောင်းထိုင်း ပစ္စည်းအဖြစ် အမည်တပ်၍ ချောင်ထိုးထားရဆဲ ဖြစ်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:687} ရေနံချောင်းက ဖေကံကောင်းအသစ်

Posted by Transparency Myanmar 2010
comments (0)

Up Stream online.com, 21st January 2010

          စင်ကာပူနိုင်ငံ၏ နာမည်ကြီး Interra Resources က ရှယ်ယာ ၆၀% ပိုင်ဆိုင်သော လက်အောက်ခံ ကုမ္ပဏီ Goldpetrol ဖက်စပ် တူးဖော်ရေး ကုမ္ပဏီသည် မြန်မာနိုင်ငံ ရေနံချောင်း ရေနံ မြေတွင် ရေနံ ထုတ်လုပ်သူအဖြစ် တူးဖော်နေခြင်းကို ဆောင်ရွက် ပြီးစီးခဲ့ပါသည်။

          ရေနံတွင်း အမှတ် YNO 3234 ကို Goldpetol ၏ Cooper LTO 350 ရေနံတွင်း တူးစက်ဖြင့် အသုံးပြု တူးဖော်ခဲ့ပြီး အနိမ့်ပိုင်း အပေါ်ယံ သဲလွှာ ၅ လွှာကို ဖောက်ထွင်းခဲ့ပြီးနောက် ယခုအချိန်တွင် တစ်ရက်လျှင် ရေနံစိမ်း ၆၈ စည် ထွက်ရှိနေပါသည်။

          YNO 3234 သည် ယခင် မှတ်တမ်းများအရ တစ်ရက်လျှင် ရေနံစိမ်း ၆၀ စည် ထွက်ရှိသော အနေအထားမှ ထပ်မံ တူးဖော်ရန် စီစဉ်ခဲ့ခြင်း ဖြစ်သည်။ Gold Petrol သည် လောလောဆယ်တွင် စက်မှုပိုင်းဆိုင်ရာ ကိစ္စကြောင့် ခေတ္တ ရပ်နားထားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:686} ထိုင်း ရွာသူကြီး DKBA စစ်သားများ၏ ပစ်ခတ်ခြင်းခံရ

Posted by Transparency Myanmar 2010
comments (0)

DVB News, 21st January 2010

          ယခင် သီတင်းပတ်က မြန်မာနိုင်ငံ အရှေ့ပိုင်းမှ ထိုင်းနိုင်ငံ အတွင်း ဖြတ်ကျော် ဝင်ရောက်ခဲ့သော မြန်မာအစိုးရ ဘက်တော်သား လက်နက်ကိုင် တပ်ဖွဲ့၏ (၂) ကြိမ်တိုင် ပစ်ခတ်မှုကြောင့် ထိုင်းကျေးရွာ လူကြီး တစ်ဦး ပြင်းထန်စွာ ဒဏ်ရာ ရရှိသွားပါသည်။

ဇန်နဝါရီ (၁၆) ရက်တွင် DKBA အဖွဲ့ဝင် နှစ်ဦးသည် မြန်မာပြည် အရှေ့ပိုင်း ကရင်ပြည်နယ် မွိုင်မြစ်ကို ဖြတ်ကျော်၍ သတ်ဖြတ်မှု ပြုလုပ်ရန် ကြိုးစားခဲ့သည်ဟု ကရင် သတင်း အချက်အလက် ကော်မတီ KIC က ပြောကြားပါသည်။

ပစ်ခတ်မှုတွင် အသက်ရှင်ခဲ့သူ ဥဖုထ ရွာသူကြီး ချာချိုင်းမှာ ယခုအခါ ဆေးရုံတွင် ကုသမှု ခံယူနေသည်ဟု ၎င်း၏ ဆွေမျိုးများက KIC သို့ ပြောကြားပါသည်။

DKBA စစ်သား နှစ်ဦးသည် ချာချိုင်း၏ အိမ်သို့ ည (၈း၄၅) ခန့်တွင် ရောက်ရှိလာပြီး ၎င်းအား သေနတ်ဖြင့် (၂) ချက် ပစ်ခတ်ခဲ့ပါသည်။ ပေါင်တွင် တစ်ချက်၊ ဆီးအိမ်တွင် တစ်ချက် ဒဏ်ရာ ရရှိသွားပြီး အဆိုပါ စစ်သားများ၏ မျက်နှာကို မမှတ်မိဟု ၎င်း၏ ဆွေမျိုးက ပြောကြားပါသည်။

ချာချိုင်းအား ဖိုးပ ဆေးရုံသို့ အမြန် ပို့ဆောင်ခဲ့သော်လည်း ဆရာဝန်များက ကုသနိုင်ခြင်း မရှိ၍ မဲဆောက် ဆေးရုံသို့ လွှဲပြောင်း ပို့ဆောင်ခဲ့ရပါသည်။ ၎င်း၏ အခြေအနေမှာ ပြင်းထန်ပြီး အသက် အန္တရာယ် ရှိသည်ဟု ဆိုပါသည်။

မြန်မာအစိုးရနှင့် ရင်းနှီးသော မဟာမိတ် ဖြစ်သည့် DKBA တပ်ဖွဲ့သည် ထိုင်း ပိုင်နက် အတွင်းသို့ မကြာခဏ ကျူးကျော် ဝင်ရောက်လေ့ ရှိသော်လည်း ထိုင်းအစိုးရ၏ ပြန်လှန် အရေးယူမှု နည်းပါးပါသည်။

ထိုင်းနိုင်ငံ နယ်စပ် မဲဆောက်မြို့တွင် ပစ်ခတ်ခံရ၍ သေဆုံးသွားခဲ့သူ ယခင် KNU ခေါင်းဆောင် ဖဒိုမန်းရှာ အား ၂၀၀၈ ခုနှစ်အတွင်းက လုပ်ကြံ သတ်ဖြတ်မှုသည် DKBA တွင် တာဝန်ရှိသည်ဟု အများက ယုံကြည်ထားပါသည်။

ဥပုတ ရွာ ဆယ်အိမ်ခေါင်း တီးဒါ နှင့် မေးမြန်း ပြောဆိုခဲ့သော KIC ၏ အဆိုအရ ယခုကိစ္စမှာ လယ်ထွန်စက် ဝယ်ယူမှုနှင့် ပတ်သက်သည့် အငြင်းပွားမှုမှ စတင် ဖြစ်ပွားခဲ့ခြင်း ဖြစ်သည်ဟု ဆိုပါသည်။ ချာချိုင်း၏ နာမည်ပေါက် လယ်ထွန်စက်ကို DKBA က ဝယ်ယူခဲ့ရာတွင် အရစ်ကျ ပေးချေရန် ပျက်ကွက်ခဲ့သဖြင့် ချာချိုင်းက လယ်ထွန်စက်ကို ပြန်ယူသွားခဲ့ပါသည်။

ရွာသူကြီး ချာချိုင်းသည် DKBA ၏ ရန်သူ KNU အဖွဲ့နှင့်လည်း ဆက်သွယ် ဆောင်ရွက်ခဲ့သည်ဟု တီးဒါက ပြောကြားပါသည်။

KNLA တပ်ဖွဲ့အတွင်း လူများစု ခရစ်ယာန် ဘာသာဝင်များက ဗုဒ္ဓဘာသာဝင်များကို ဘာသာရေးအရ ဖိနှိပ်သည်ဟု စွပ်စွဲ၍ ၁၉၉၅ ခုနှစ်တွင် KNLA မှ ခွဲထွက်ခဲ့သူများက DKBA ကို မြန်မာစစ်တပ် ကျောထောက် နောက်ခံဖြင့် ဖွဲ့စည်းခဲ့ခြင်း ဖြစ်သည်။

အဆိုပါ ကရင် လက်နက်ကိုင် (၂) ဖွဲ့သည် ယခင်နှစ် ဇွန်လက အကြီးအကျယ် ရင်ဆိုင် တိုက်ခိုက်ခဲ့ကြသော်လည်း သြဇာကြီး ကရင် ဘုန်းတော်ကြီး တစ်ပါးက ငြိမ်းချမ်းရေး စေ့စပ် ညှိနှိုင်းရန် တောင်းဆိုသဖြင့် အောက်တိုဘာလတွင် ဆွေးနွေးပွဲများ ကျင်းပခဲ့ကြပါသည်။ သို့သော်လည်း တိုးတက် ဆောင်ရွက်မှု အနည်းငယ်သာ ရှိပါသေးသည်။

ယခင် အပတ်ကလည်း ကျောက်ကြီးမြို့နယ် ကျေးရွာတစ်ရွာကို ဝင်ရောက် ပစ်ခတ်သော မြန်မာစစ်သားများကြောင့် ကရင် ရွာသား နှစ်ဦး သေဆုံးခဲ့သည်ဟု KIC က ပြောကြားပါသည်။

ကရင်ပြည်နယ်အတွင်း လုပ်ငန်း ဆောင်ရွက်နေသော ဆေးဝါး ကယ်ဆယ်ရေး အဖွဲ့ Free Burma Rangers က အဆိုပါ ဖြစ်ရပ်ကို အတည်ပြုခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:685} တရုတ်က အာဆီယံ ကုန်ပစ္စည်း (၉၀) ကို သွင်းကုန် အခွန် ဖယ်ရှား

Posted by Transparency Myanmar 2010
comments (0)

Mizzima News, 20th January 2010

တရုတ်နိုင်ငံသည် အာဆီယံ နိုင်ငံများမှ တင်သွင်းသော ကုန်ပစ္စည်း အမျိုးအစား (၉၀) ကို FTA အစီအစဉ်အရ သွင်းကုန်ခွန် ကောက်ခံတော့မဟုတ်ကြောင်း ပြည်ထောင်စု မြန်မာနိုင်ငံ ကုန်သည်ကြီးများနှင့် စက်မှု လုပ်ငန်းရှင်များ အသင်း UMFCCI က ယနေ့ ပြောကြားပါသည်။

အာဆီယံ နိုင်ငံတွေက တင်သွင်းတဲ့ ကုန်ပစ္စည်း (၉၀) ကို သွင်းကုန် အခွန် ဖယ်ရှားဖို့ တရုတ်က ခွင့်ပြုလိုက်ပြီ။ ဒါပေမယ့် အရေးမကြီးတဲ့ ပစ္စည်း အမျိုးအစားတွေပဲ စာရင်းမှာ ပါပြီး အရေးကြီးတဲ့ ကုန်ပစ္စည်းတွေ မပါဘူးဟု အမည်မဖေါ်လိုသူ UMFCCI အမှုဆောင် အရာရှိ တစ်ဦးက မဇ္ဈိမ သတင်းဌာနသို့ ပြောကြားပါသည်။

ဘရူနိုင်း၊ အင်ဒိုနီးရှား၊ စင်္ကာပူ၊ မလေးရှား၊ ဖိလစ်ပိုင် နှင့် ထိုင်းနိုင်ငံတို့က အာဆီယံ - တရုတ် လွတ်လပ်သော ကုန်သွယ်ရေးဇုံသို့ အရင် ဝင်ရောက်ကြမည် ဖြစ်ပြီး ကမ္ဘောဒီးယား၊ လာအို၊ မြန်မာ နှင့် ဗီယက်နမ် တို့က ၂၀၁၅ တွင် ဝင်ရောက်နိုင်ရန် မျှော်လင့်ထားကြပါသည်။

တရုတ်နှင့် အာဆီယံ နိုင်ငံများသည် ၂၀၀၁ နိုဝင်ဘာ (၆) ရက်၌ ဘရူနိုင်းတွင် ကျင်းပသော (၇) ကြိမ်မြောက် အာဆီယံ ညီလာခံတွင် အာဆီယံ - တရုတ် လွတ်လပ်သော ကုန်သွယ်ရေး နယ်မြေ ဆိုင်ရာ သဘောတူ စာချုပ်ကို လက်မှတ် ရေးထိုးခဲ့ကြပါသည်။ အဆိုပါ သဘောတူ စာချုပ်သည် ၂၀၁၀ ဇန်နဝါရီ (၁) ရက်တွင် စတင် အာဏာ သက်ရောက်မည် ဖြစ်သည်။

သို့ရာတွင် ဖွံ့ဖြိုးဆဲ နိုင်ငံများသည် နည်းပညာ အင်အား၊ ငွေကြေး အင်အား ချို့တဲ့မှုကြောင့် ဖွံ့ဖြိုးပြီး နိုင်ငံများနှင့် စီးပွားရေးအရ ယှဉ်ပြိုင်ရန် အခက်အခဲ ရှိသည်ဟု မြန်မာ့စီးပွားရေး ပညာရှင်များက ပူပန်နေပါသည်။

သွင်းကုန် အခွန် ဖယ်ရှားမှုကို စတင်နေပြီ ဆိုပေမယ့် အသေးစိတ် အရည်အသွေး သတ်မှတ်ချက်တွေ အဆင့်အတန်း မီရေး၊ အခွန်နှင့် ကုန်သွယ်ရေး အတားအဆီးတွေ ဖယ်ရှားရေး၊ ဝန်ဆောင်မှုများကို လွတ်လပ်စွာ ခွင့်ပြုရေး၊ ဒေသတွင်း ရင်းနှီးမြှုပ်နှံမှုများ ခွင့်ပြုရေး စတဲ့ အချက် တော်တော်များများ လွတ်လပ်တဲ့ ကုန်သွယ်ရေး သဘောတူညီချက် FTA မှာ ရှိနေပါသေးတယ်ဟု မြန်မာ့စီးပွားရေး ပညာရှင် ဦးခင်မောင်ညို က ပြောဆိုပါသည်။

ထို့အပြင် အငယ်တန်းနှင့် အလတ်တန်း စီးပွားရေး လုပ်ငန်းများ၊ ဖွံ့ဖြိုးဆဲ နိုင်ငံများသည် ဖွံ့ဖြိုးပြီး နိုင်ငံများမှ လုပ်ငန်းကို ယှဉ်ပြိုင်နိုင်မည် မဟုတ်ပါ။ နောက်ကျကျန်နေသော နိုင်ငံများမှ အငယ်တန်းနှင့် အလတ်တန်း စီးပွားရေး လုပ်ငန်းများသည် ရင်းနှီးမြှုပ်နှံမှုကိုလည်း ရရှိနိုင်မည် မဟုတ်ပါ။ အခြား နိုင်ငံများ၏ အသေးစိတ် အရည်အသွေး သတ်မှတ်ချက်များကိုလည်း နည်းပညာ နောက်ကျနေမှုကြောင့် သိရှိနိုင်မည် မဟုတ်သလို အကယ်၍ နားလည် သိရှိသည့် တိုင်အောင်လည်း လိုက်ပါ ဆောင်ရွက်နိုင်လိမ့်မည် မဟုတ်ပါ။ လွတ်လပ်သော ကုန်သွယ်ရေး ဇုံအတွင်း ဖွံ့ဖြိုးပြီး နိုင်ငံများနှင့် ယှဉ်ပြိုင်ရာတွင် အခြေခံ အဆောက်အဦးများ ချို့တဲ့မှု၊ ဆက်သွယ်ရေး နည်းပညာ ချို့တဲ့မှုတို့သည် ဖွံ့ဖြိုးဆဲ နိုင်ငံများ၏ ယှဉ်ပြိုင်နိုင်မှုကို အားနည်းစေလိမ့်မည်ဟု ၎င်းက ဆက်လက် ပြောကြားခဲ့ပါသည်။

ရန်ုကုန် စီးပွားရေး တက္ကသိုလ်မှ အငြိမ်းစား ပါမောက္ခ ဒေါ်ဆင်းသိင်္ဂီက ပြောကြားရာတွင် ယေဘူယျအားဖြင့်တော့ လွတ်လပ်တဲ့ ကုန်သွယ်ရေးဆိုတာ ကောင်းပါတယ်။ ဒါပေမယ့် အာဆီယံ နိုင်ငံတွေ ကြားမှာ ပြိုင်ဆိုင်မှုတွေ ရှိလာလိမ့်မယ်။ ကျွန်မတို့ ကုန်ပစ္စည်းတွေက အရည်အသွေး ကောင်းပြီး ဈေးနှုန်း ချိုသာရလိမ့်မယ်။

တရုတ်က သွင်းကုန် အခွန် ဖယ်ရှားလိုက်ပြီ ဆိုပေမယ့် ကျွန်မတို့ ကုန်ပစ္စည်းတွေ အရည်အသွေး မကောင်းရင် စားသုံးသူတွေက ဝယ်မှာ မဟုတ်ဘူး။ ဒါ့ကြောင့် ထုတ်လုပ်ရေး အခြေခံကောင်းတဲ့ နိုင်ငံတွေ ကြားမှာပဲ အဓိက ပြိုင်ဆိုင်မှုတွေ ရှိလာလိမ့်မယ်ဟု ဆိုပါသည်။

"တကယ်လို့ မြန်မာနိုင်ငံက လွတ်လပ်တဲ့ ကုန်သွယ်ရေးဇုံကို ဝင်မယ်ဆိုရင် အစိုးရက သူတို့ရဲ့ နိုင်ငံခြား ငွေလဲလှယ်နှုန်းကို အရင်ပြောင်းရမယ်" ဟု ပြောကြားသူမှာ ထိုင်း တက္ကသိုလ်မှ စီးပွားရေး ပညာ Ph.D ကျောင်းသူတစ်ဦး ဖြစ်ပါသည်။

မြန်မာအစိုးရက သူတို့ရဲ့ ကုန်သွယ်ဘက် နိုင်ငံတွေကို ဘယ်လို အခွင့်အလမ်းမျိုးတွေ ပေးနိုင်မလဲဆိုတာ စဉ်းစားရလိမ့်မယ်။ နိုင်ငံခြား ငွေလဲနှုန်း ပြဿနာကို မဖြေရှင်းနိုင် သေးသရွေ့တော့ ဘယ်လို စီမံကိန်းမျိုးမှ ဆောင်ရွက်နိုင်မှာ မဟုတ်ဘူးဟု သူမက ဆက်လက် ပြောဆိုပါသည်။

အာဆီယံ ဖွံ့ဖြိုးရေးဘဏ်၏ စာရင်းဇယားများအရ တရုတ် နှင့် အာဆီယံ အကြား ကုန်သွယ်မှု တန်ဖိုးသည် ၂၀၀၃ မှ ၂၀၀၉ အတွင်း အမေရိကန် ဒေါ်လာ (၁၉၃) ဘီလျံ အထိ ရောက်ရှိခဲ့သည်ဟု သိရှိရသည်။

အာဆီယံ၏ အကြီးဆုံး ကုန်သွယ်ဖက်မှာ ဂျပန်နိုင်ငံ ဖြစ်ပြီး ဥရောပ သမဂ္ဂ EU က ဒုတိယ နေရာတွင်ရှိကာ တရုတ်က အမေရိကန်ကို ကျော်၍ တတိယ နေရာသို့ ရောက်ရှိနေပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)