Transparency Myanmar

transparency.myanmar@gmail.com

{Yangon Chronicle 2010:2420} နိုင်ငံရေးအကျဉ်းသားများအား လွှတ်ပေးရန် ဗြိတိသျှ နိုင်ငံခြားရေးဝန်ကြီး တိုက်တွန်း

Posted by Transparency Myanmar 2010
Friday, October 22, 2010
comments (0)

www.newkerala.com, 22nd October 2010

ဗြိတိသျှ နိုင်ငံခြားရေး ၀န်ကြီး William Hague က မြန်မာနိုင်ငံမှ ကိုမြအေးနှင့် နိုင်ငံရေး အကျဉ်းသား ၂၁၀၀ ကျော် လွတ်မြောက်ရေး အပေါ် ယင်း၏ ထောက်ခံမှုကို ကြာသပတေးနေ့က ထုတ်ဖော် ပြောကြားခဲ့ကြောင့် နိုင်ငံခြားရေးနှင့် ဓနသဟာယ ဌာနက သတင်း ထုတ်ပြန်သည်။

တပ်မတော်က ရက်စက်စွာ ကြိတ်ခြေ ပစ်ခဲ့သော ၁၉၈၈ ခုနှစ်၊ ကျောင်းသားများ ဦးဆောင်သော အရေးတော်ပုံ အပြီး စစ်ဖက်က အုပ်ချုပ်သော မြန်မာ နိုင်ငံတွင် ဒီမိုကရေစီ အတွက် တိုက်ပွဲ ၀င်နေသော အဖွဲ့အစည်း ဖြစ်သည့် ၈၈ မျိုးဆက် ကျောင်းသားများ အုပ်စုမှ ခေါင်းဆောင်ပိုင်း အဖွဲ့ဝင် တစ်ဦး ဖြစ်သူ ကိုမြအေး၏ အမှုကို 'Hague' က ရည်ညွှန်း ပြောကြားခဲ့ခြင်း ဖြစ်သည်။

ကိုမြအေးသည် ၁၉၈၈ ခုနှစ် နိုင်ငံလုံးကျွတ် အုံကြွမှုတွင် ပါဝင်ခဲ့ခြင်းကြောင့် ၁၉၈၉ မှ ၁၉၉၆ အထိ ပြစ်ဒဏ် ကျခံခဲ့ရပြီး ယခု ဒုတိယ အကြိမ် ဖမ်းဆီးထားခြင်း ခံနေရသည်။

သံဃာတော်များ၏ ၂၀၀၇ ရွှေဝါရောင် တော်လှန်ရေး အပြီးတွင် ကိုမြအေး ပြန်လည် အဖမ်းခံရကာ ထောင်ဒဏ် ၆၅ နှစ် အပြစ်ပေးခံခဲ့ရသည်။ ကျန်းမာရေး ချို့ယွင်းနေသည် ဟုလည်း သတင်းများက ဆိုသည်။

"ကိုမြအေးနှင့် နိုင်ငံရေး အကျဉ်းသား ၂၁၀၀ ကျော်ကို ဆက်လက် ဖမ်းဆီး ထိန်းသိမ်းထားခြင်းမှာ အလွန်အကျွံ ဆိုးဝါးလှသည်။ နိုင်ငံရေး အကျဉ်းသား အားလုံးကို ခြွင်းချက်မရှိ အမြန်ဆုံး လွှတ်ပေးရန်နှင့် မြန်မာ ပြည်သူတို့၏ လူ့အခွင့်အရေးကို လေးစားရန် စစ်ဖက် အစိုးရကို ကျွန်ုပ် တိုက်တွန်းသည်" ဟု Hague က ပြောကြားထားသည်။

ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား ၂၁၀၀ ကျော်ကို မြန်မာနိုင်ငံတွင် လက်ရှိ ဖမ်းဆီးထားပြီး ယင်းတို့ အများစုကို မိသားစုများနှင့် ဝေးရာ အကျဉ်းထောင်များတွင် ချုပ်နှောင် ထားသည်။ ထို့အပြင် တစ်ချို့ နိုင်ငံရေး သမားများ အပြစ်ပေးခံရသည့် နှစ်ရှည် ထောင်ဒဏ် ၆၅ နှစ်မှာ မကြုံဖူးသော တရား စီရင်မှုမျိုး ဖြစ်သည်။

Amnesty International က အထက်ပါ နိုင်ငံရေး အကျဉ်းသားများ လွတ်မြောက်ရေး အတွက် ကမ္ဘာတလွှား ဦးဆောင် လှုပ်ရှားရာတွင် လူပေါင်း ၅၀၀၀ ခန့်၏ ထောက်ခံမှုကို စုဆောင်းလျက် ရှိရာ Hague၊ ဒုတိယ ၀န်ကြီးချုပ် Nick Cleqq နှင့် နိုင်ငံခြားရေးနှင့် ဓန သဟာယ ဌာန၀န်ကြီး Jeremy Browne တို့ ပါဝင်ကြောင်း သိရှိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2419} နီးကပ်လာသော ရွေးကောက်ပွဲများသို့ အမှတ်စဉ် ရေတွက်ခြင်း

Posted by Transparency Myanmar 2010
comments (0)

www.huffingtonpost.com, 21st October 2010

မြန်မာ နိုင်ငံတွင် လာမည့် သီတင်းပတ် သုံးပတ် မပြည့်တပြည့် အချိန်အတွင်း နှစ်ပေါင်း ၂၀ တွင် ပထမဆုံး လွှတ်တော် ရွေးကောက်ပွဲများကို ပြုလုပ်တော့မည် ဖြစ်သည်။ စိတ်မကောင်း စရာမှာ ရွေးကောက်ပွဲများကို နိုင်ငံရေး ဖိနှိပ်ချုပ်ချယ်မှုနှင့် အကြောက် တရားများဖြင့် နောက်ပြန် ဆွဲချမည့် လောင်းရိပ် မိုးနေခြင်း ဖြစ်သည်။

မြန်မာ လူဦးရေ သန်း ၅၀ အနက် အများစုမှာ ဆင်းရဲတွင်း နက်ကာ လူ့အခွင့်အရေး ညှင်းပန်း နှိပ်စက်မှုများကို ခံစားနေရသည်။ အစိုးရနှင့် ဆန့်ကျင်သည့် သဘောထားကို ထုတ်ဖော်သူများမှာ အနှောင့်အယှက် ပေးခြင်း၊ ဥပဒေမဲ့ ဖမ်းဆီးခြင်း၊ နှိပ်စက်ခြင်း၊ ထောင်ဒဏ် ချမှတ်ခြင်း၊ တစ်ခါတစ်ရံ သေဒဏ် ချမှတ်ခြင်း စသည်တို့နှင့် ရင်ဆိုင်နေရသည်။

ထို့အပြင် ယခု အချိန်အထိ ဖမ်းဆီးထားသော နိုင်ငံရေး အကျဉ်းသား အရေအတွက်မှာလည်း ၂၂၀၀ ကျော်ပြီ ဖြစ်သည်။

၁၉၉၀ ခုနှစ် နောက်ဆုံး ရွေးကောက်ပွဲများ ကျင်းပခဲ့စဉ်က ဒေါ်အောင်ဆန်းစုကြည် ခေါင်းဆောင်သည့် NLD ပါတီက အနိုင် ရရှိခဲ့သော်လည်း ဒီမိုကရေစီ မလိုလားသော စစ်ဖက် အုပ်ချုပ် သူများက ရွေးကောက်ပွဲ ရလဒ်များကို အသိအမှတ် မပြုဘဲ အတိုက်အခံ နိုင်ငံရေး လှုပ်ရှားသူများကို ဖမ်းဆီးခဲ့သည်။ ယင်းကိစ္စကြောင့် ထိုအချိန် မှစ၍ စစ်ဖက် အစိုးရကို ပြည်တွင်းရော ပြည်ပကပါ ယုံကြည်ခြင်း အလျဉ်း မရှိတော့ပါ။

ယခု လာမည့် ရွေးကောက်ပွဲများသည် ၁၉၉၀ ခုနှစ်က ရွေးကောက်ပွဲများ၏ အရိပ်မည်းကို အစားထိုးရန် အခွင့်အလမ်း ရှိနေသည်။ သို့သော်လည်း နိုင်ငံရေး ပါတီများမှာ လုံခြုံရေး တရားဥပဒေ စည်းကမ်းများနှင့် နိုင်ငံ တည်ငြိမ်မှုကို အန္တရာယ် ရှိနိုင်သည့် မဲဆွယ် စည်းရုံး လှုပ်ရှားမှုများ မပြုလုပ်ရန် တားဆီး ခံနေရသောကြောင့် ရွေးကောက်ပွဲ သစ်များ၏ သိက္ခာ အရည်အသွေးမှာ စွန်းပေနေခဲ့ပြီး ဖြစ်သည်။ ယင်းဥပဒေသည် ငြိမ်းချမ်းသော နိုင်ငံရေး လှုပ်ရှားမှုများကို ရာဇ၀တ်မှုဖြင့် အရေးယူရန် ခွင့်ပြု ထားသည့် အတွက် အဓိပ္ပာယ်များစွာ ကျယ်ပြန့်လွန်းနေသည်။

ငြိမ်းချမ်းစွာ နိုင်ငံရေး အမြင် ကွဲလွဲမှုကို ဖိနှိပ်ရန်အတွက် လက်ရှိ အစိုးရကေ၀၀ါးသည့် စကားလုံးများ ပါဝင်သော လုံခြုံရေး ဥပဒေများကို နှစ်ပေါင်းများစွာ အသုံးပြုခဲ့သည်။ ရွေးကောက်ပွဲများ နီးကပ်လာသည် နှင့်အမျှ နိုင်ငံရေး လှုပ်ရှားသူများ အထူးသဖြင့် တိုင်းရင်းသား အုပ်စုများနှင့် ရွေးကောက်ပွဲကို သပိတ်မှောက်ထားသော NLD ပါတီဝင်များ အပေါ် ဖိနှိပ် ချုပ်ချယ်မှုများ တိုးမြင့်လာမည်ကို စိုးရိမ် ပူပန်လျက် ရှိနေကြသည်။

မြန်မာ အစိုးရ အနေဖြင့် နိုင်ငံရေးနှင့် လူ့အခွင့်အရေး လှုပ်ရှားသူများ အပေါ် ဖိနှိပ် ချုပ်ချယ်မှုများကို ရပ်ဆိုင်းသင့်နေပြီ ဖြစ်ပြီး မြန်မာ ပြည်သူ ပြည်သားများ အားလည်း ရွေးကောက်ပွဲ ကာလနှင့် ရွေးကောက်ပွဲ အလွန်တွင် လွတ်လပ်စွာ ပြောဆိုခွင့်၊ ငြိမ်းချမ်းစွာ စုဝေးခွင့်နှင့်၊ အသင်း ဖွဲ့စည်းခွင့် စသော အခွင့်အရေးများကို ခံစားခွင့် ပေးရမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2418} ရွေးကောက်ပွဲအတွက် အာဆီယံ တောင်းဆိုမည်

Posted by Transparency Myanmar 2010
comments (0)

The Straits Times, 21st October 2010

အာဆီယံ ခေါင်းဆောင်များသည် လာမည့် အပတ် ထိပ်သီး အစည်းအဝေးတွင် မြန်မာနိုင်ငံ၏ ရွေးကောက်ပွဲအား အားလုံး ပါဝင်ရန်၊ လွတ်လပ်၍ တရားမျှတရန် တောင်းဆို လိမ့်မည်ဟု ကြာသပတေးနေ့က သတင်း ကြေညာချက် မူကြမ်းတွင် ပြောသည်။

အာဆီယံ နိုင်ငံများမှ သမ္မတများ၊ ဝန်ကြီးချုပ်များနှင့် အိမ်နီးချင်း ခြောက်နိုင်ငံမှ ခေါင်းဆောင်များသည် ဗီယက်နမ် နိုင်ငံ မြို့တော်တွင် အောက်တိုဘာလ (၃၀) ရက်နေ့တွင် တွေ့ဆုံကြမည် ဖြစ်သည်။

နိုဝင်ဘာ (၇) ရက် ရွေးကောက်ပွဲသည် နှစ် (၂၀) အတွင်း ပထမဆုံး အကြိမ် ပြုလုပ်သော ရွေးကောက်ပွဲ ဖြစ်ပြီး၊ ဝေဖန် သုံးသပ်သူများက စစ်တပ် အုပ်ချုပ်မှု အမြစ် တွယ်ရေး အတွက် လိမ်ညာမည် ဖြစ်ကြောင်း ပြောခဲ့ကြသည်။

"ကျွန်ုပ်တို့သည် မြန်မာနိုင်ငံတွင် အမျိုးသား ပြန်လည် စည်းလုံးရေးကို အလေးထား ပြောကြားလိုပြီး၊ ရွေးကောက်ပွဲကိုလည်း အားလုံး ပါဝင်ပြီး လွတ်လပ်၍ တရား မျှတစေလိုပါသည်။ သို့မှသာ မြန်မာနိုင်ငံ၏ တည်ငြိမ်ရေးနှင့် ဖွံ့ဖြိုး တိုးတက်ရေး အတွက် အထောက်အကူ ပြုမည် ဖြစ်သည်" ဟု အရှေ့အာရှ ထိပ်သီး အစည်းအဝေး ဥက္ကဋ္ဌ၏ သတင်း ထုတ်ပြန်ချက် မူကြမ်းတွင် ဖော်ပြထားသည်။

မြန်မာနိုင်ငံ၏ အတိုက်အခံ ခေါင်းဆောင် ဒေါ်အောင်ဆန်းစုကြည်သည် နေအိမ် အကျယ်ချုပ် ကျခံနေရဆဲ ဖြစ်ပြီး၊ ရွေးကောက်ပွဲအပြီး ရက်များ မကြာမီ အကျယ်ချုပ် ပြီးဆုံးမည်ဟု မျှော်လင့်ရသည်။ သူမသည် ရွေးကောက်ပွဲတွင် ပါဝင်လိမ့်မည် မဟုတ်ပါ။

အနောက်နိုင်ငံ အစိုးရများနှင့် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းတို့က ဒေါ်အောင်ဆန်းစုကြည်နှင့်  အခြား အတိုက်အခံများကို လွှတ်ပေးခြင်း မရှိလျှင် ရွေးကောက်ပွဲသည် အများ လက်ခံဖွယ် မရှိကြောင်း အကြိမ်ကြိမ် ပြောခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2417} ၂၀၁၀ တတိယ လေးလပတ်တွင်း တရုတ်စီးပွား တိုးတက်မှုနှုန်း နှေးကွေး

Posted by Transparency Myanmar 2010
comments (0)

တရုတ် နိုင်ငံ စီးပွားရေးသည် ယခုနှစ် တတိယ လေးလပတ် အတွင်း နှေးကွေးသော နှုန်းထားဖြင့် ဆက်လက် ကြီးထွား ဖွံ့ဖြိုးလျက် ရှိကြောင်း ဘေဂျင်း အစိုးရက ထုတ်ပြန် ကြေညာသည်။ တရုတ် အစိုးရ၏ ကိန်းဂဏန်းများအရ စီးပွားရေး တက်မှုနှုန်းသည် ၁၀ ရာခိုင်နှုန်းမှ ၉ ဒဿမ ၆ ရာခိုင်နှုန်းထိ ကျဆင်းသွားသည်။

အဆိုပါ အနေအထားကြောင့် တရုတ်နိုင်ငံ အနေဖြင့် အခြားသော စီးပွားရေး အင်အားကြီး နိုင်ငံများထက် သာလွန်သည့် အနေအထားတွင် ရှိနေဆဲဟု ဆိုနိုင်သည်။ သို့သော် တရုတ် နိုင်ငံ အနေဖြင့် ကမ္ဘာလုံးဆိုင်ရာ စီးပွားရေး ပြန်လည် နာလန်ထူမှုတွင် ပါဝင် လုပ်ဆောင်မှု လျော့နည်းသွားနိုင်ကြောင်း စီးပွားရေး ကျွမ်းကျင်သူများက သုံးသပ်သည်။

တရုတ် အစိုးရသည် လတ်တလော အနေအထားတွင် တရုတ် အစိုးရက စဉ်ဆက်မပြတ် တိုးတက်မှု ရှိသည့် အဆင့်သို့ ရောက်ရှိနိုင်ရေး အတွက် ငွေထုတ် ချေးမှုများကို လျှော့ချရန် လုပ်ကိုင် ဆောင်ရွက်လျက် ရှိသည်။ သို့သော် တိုးတက်မှုနှုန်း နှေးကွေးနေသည့် အတွက်ကြောင့် လောင်စာ၊ သံမဏိ၊ စက်ရုံသုံး ပစ္စည်း ယန္တရားများနှင့် အခြားသော သွင်းကုန် ပစ္စည်းများ အပေါ် တရုတ်နိုင်ငံ၏ ဝယ်လိုအား ကျဆင်းလာဖွယ် ရှိသည်။

အစိုးရ၏ တရားဝင် စာရင်းဇယားများ အရ စားသုံးသူ ဈေးနှုန်းသည် ၂ နှစ်တာ ကာလအတွင်း အမြန်ဆုံးသော ခြေလှမ်းဖြင့် မြင့်တက်လျက် ရှိသည်။ တရုတ်ပြည်တွင်း စားသောက်ကုန် ဈေးနှုန်းများသည် ၂၀၀၈ ခုနှစ်၊ အောက်တိုဘာလ မှစ၍ နှစ်စဉ် နှစ်တိုင်း ၃ ဒဿမ ၆ ရာခိုင်နှုန်းဖြင့် မြင့်တက်နေသည်။ ယခုလ အစောပိုင်း ကာလတွင် တရုတ် အစိုးရက အတိုးနှုန်းထားများ မြှင့်တင်ပေးလိုက်ပြီး ဈေးကွက် ပိုမို ကောင်းမွန်အောင် ရုတ်တရက် လုပ်ဆောင် ပေးလိုက်ကြောင်း၊ အဆိုပါ လုပ်ရပ်ကြောင့် ငွေကြေး ဖောင်းပွမှု ဆိုင်ရာ ဖိအားပေးမှုများ ဖြစ်ပေါ်လာနိုင်ကြောင်း ဘေဂျင်း အခြေစိုက် BBC သတင်းထောက် Chris Hogg က ပြောကြားသည်။

တရုတ်ပြည်၏ ယခုနှစ် သီးနှံထွက်နှုန်းမှာ ကောင်းမွန်သည့် အနေအထားတွင် ရှိရာ အစား အသောက် ဈေးနှုန်း မြင့်တက်မှုကို လျော့ကျစေနိုင်သည် ဟုလည်း ၎င်းက ဆိုသည်။

BBC သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)