Posts
တရုတ် စီးပွားရေး ရင်းနှီးမြှုပ်နှံသူများ အနေဖြင့် တရုတ်နိုင်ငံ၏ စီးပွားရေး အင်အားကြီးမားမှု အတိုင်းအတာနှင့် နှိုင်းယှဉ်ကြည့်ပြီး မြန်မာနိုင်ငံတွင် ရင်းနှီးမြှုပ်နှံမှုများ ပိုမို လုပ်ကိုင်ခွင့် ရရှိလာမည် ဖြစ်ကြောင်း မြန်မာထိတ်တန်း သံတမန်တစ်ဦးက ဘေဂျင်းမြို့တွင် ပြောကြားလိုက်သည်။
"တရုတ်နိုင်ငံ အနေနဲ့ မြန်မာနိုင်ငံမှာ စီးပွားရေး ပူးပေါင်း ဆောင်ရွက်မှုတွေနဲ့ အခြေခံ အဆောက်အအုံ ဖွံ့ဖြိုး တိုးတက်ရေး လုပ်ငန်းတွေ ပိုမို လုပ်ကိုင်လာနိုင်မှာပါ" ဟု သံအမတ်ကြီး ဦးသိန်းလွင်က China Daily က အီးမေးလ်ဖြင့် မေးမြန်းသော အင်တာဗျူးကို ပြန်လည် ဖြေဆို ပေးပို့သည်။
စွမ်းအင်၊ သယ်ယူ ပို့ဆောင်ရေးနှင့် တယ်လီ ဆက်သွယ်ရေး အစရှိသည့် အရေးပါသော အခန်းကဏ္ဍများတွင် တရုတ် နိုင်ငံအနေဖြင့် ဝင်ရောက် ရင်းနှီးမြှုပ်နှံမှု ပြုလုပ်နိုင်ကြောင်း၊ သဘာဝ ရင်းမြစ် ကြွယ်ဝ ချမ်းသာသော မြန်မာနိုင်ငံသည် အခြေခံ အဆောက်အအုံများ မြှင့်တင်ရန် စိတ်အား ထက်သန်လျက် ရှိကြောင်း အီးမေးလ်မှ တစ်ဆင့် China Daily ၏ မေးမြန်းမှုကို ဖြေကြားသည်။
တရုတ်သည် မြန်မာနိုင်ငံ၏ ဒုတိယ အကြီးဆုံး ကုန်သွယ်ဘက် နိုင်ငံဖြစ်ပြီး နိုင်ငံခြား ရင်းနှီး မြှုပ်နှံမှုတွင် စတုတ္ထ အကြီးဆုံး နိုင်ငံလည်း ဖြစ်သည်။ ပြီးခဲ့သည့် ၂၀၀၉ ခုနှစ်၊ ဇန်နဝါရီလမှ သြဂုတ်လအထိ နှစ်နိုင်ငံ အပြန်အလှန် ကုန်သွယ်မှု တန်ဖိုးမှာ အမေရိကန် ဒေါ်လာ ၁ ဒဿမ ၇၃ ဘီလီယံ အထိ ရောက်ရှိခဲ့သည်။ တရုတ် နိုင်ငံခြားရေး ဝန်ကြီးဌာနက ထုတ်ပြန်သော စာရင်းဇယားများအရ မြန်မာနိုင်ငံတွင်း တရုတ် ရင်းနှီးမြှုပ်နှံမှု စုစုပေါင်းမှာ ဒေါ်လာသန်း ၃၃၀ ဖြစ်သည်။
တရုတ်-မြန်မာ ရေနံနှင့် သဘာဝဓာတ်ငွေ့ ပိုက်လိုင်း သွယ်တန်းရေး စီမံကိန်းသည် နှစ်နိုင်ငံ စလုံးအတွက် အကျိုးအမြတ် ဖြစ်ထွန်းစေမည် ဖြစ်ကြောင်း သံအမတ်ကြီး ဦးသိန်းလွင်က ရည်ညွှန်း ပြောဆိုသည်။
ဒေသတွင်း ဆိုင်ရာ ဖွံ့ဖြိုးတိုးတက်ရေး၊ အခြေခံ အဆောက်အအုံ တည်ဆောက်ရေး၊ ပြည်တွင်း အလုပ်အကိုင် ရှာဖွေရေးနှင့် သဘာဝ ပတ်ဝန်းကျင် ထိန်းသိမ်း စောင့်ရှောက်ရေး အစရှိသော အချက်များကိုလည်း ထည့်သွင်း စဉ်းစားသင့်ကြောင်း မြန်မာ သံအမတ်ကြီးက ပြောသည်။
၂၀၀၈ ခုနှစ် နိုဝင်ဘာလတွင် တရုတ်-မြန်မာ နှစ်နိုင်ငံသည် ဒေါ်လာ ၁ ဒဿမ ၅ ဘီလီယံ တန်ဖိုးရှိ ရေနံ ပိုက်လိုင်း တည်ဆောက်ရန်နှင့် ဒေါ်လာ ၁ ဒဿမ ၀၄ သန်း တန်ဖိုးရှိ သဘာဝ ဓာတ်ငွေ့ ပိုက်လိုင်း သွယ်တန်းရန် သဘောတူညီ ခဲ့ကြသည်။ သတင်း ပေးပို့ချက်များအရ ရေနံ ပိုက်လိုင်းဖြင့် တစ်နေ့လျှင် ရေနံစည် ၂၄၀၀၀၀ ခန့် ပို့လွှတ်နိုင်ပြီး ဓာတ်ငွေ့ပိုက်လိုင်းဖြင့် တစ်နေ့လျှင် ဓာတ်ငွေ့ ကုဗမီတာ ၁၂ ဘီလီယံ တင်ပို့နိုင်မည် ဖြစ်သည်။
"အဲဒီ စီမံကိန်းက မြန်မာနိုင်ငံကို တရုတ်စီးပွားရေး လုပ်ငန်းရှင်တွေ ပိုပြီး လာရောက်အောင် လုပ်ပေးလိမ့်မယ်လို့ ကျွန်တော် မျှော်လင့်မိပါတယ်" ဟု သံအမတ်ကြီးက ပြောကြားသည်။
တရုတ်နှင့် အရှေ့တောင် အာရှ နိုင်ငံများ အဖွဲ့ (အာဆီယံ) အကြား လွတ်လပ်စွာ ကုန်သွယ်မှု သဘောတူညီချက် (FTA) ကလည်း စီးပွားရေး ပူးပေါင်း ဆောင်ရွက်မှုများ ပိုမို လုပ်ကိုင် လာနိုင်ရေးအတွက် အကူအညီ ပေးလိမ့်မည် ဖြစ်ကြောင်း ၎င်းက သုံးသပ်သည်။
"စီးပွားရေးသမား အများစုကတော့ လွတ်လပ်စွာ ကုန်သွယ်ရေး သဘောတူညီချက်ကို ကြိုဆိုကြတယ်" ဟု ဆိုသည်။ ယင်း သဘောတူညီချက်ကို လူဦးရေ ဟူသော အကြောင်းကိစ္စဖြင့် ပြောပါက ကမ္ဘာ့အကြီးဆုံး လွတ်လပ်စွာ ကုန်သွယ်မှု ဧရိယာ ဖြစ်ကြောင်း ညွှန်းဆိုသည်။ တရုတ် အာဆီယံ FTA မှာ ပြီးခဲ့သည့် ဇန်နဝါရီလတွင် စတင်ခဲ့ခြင်း ဖြစ်သည်။
ဘေဂျင်း အစိုးရသည် မြန်မာနိုင်ငံ ငြိမ်းချမ်းရေးနှင့် တည်ငြိမ်ရေးကို အကူအညီ ပေးရန် အမြဲတစေ အသင့် ရှိနေခဲ့ကြောင်း၊ သို့အတွက်ကြောင့် တရုတ်သည် မြန်မာနိုင်ငံ၏ အိမ်နီးချင်းကောင်း ဖြစ်သလို စစ်မှန်သော မိတ်ဆွေလည်း ဖြစ်ကြောင်း မြန်မာ သံအမတ်ကြီးက သတ်မှတ် ဖော်ပြသည်။
ပြီးခဲ့သည့် ဧပြီလတွင် တရုတ် နိုင်ငံခြားရေး ဝန်ကြီးဌာန၊ ပြောခွင့်ရ ပုဂ္ဂိုလ် Jiang Yu က "ဘေဂျင်း အစိုးရသည် မြန်မာနိုင်ငံတွင်း အမျိုးသား ပြန်လည် သင့်မြတ်ရေး၊ တည်ငြိမ် အေးချမ်းရေး၊ ဒီမိုကရေစီ ဖြစ်ထွန်းရေးနှင့် ဖွံ့ဖြိုး တိုးတက်ရေးတို့ ပေါ်ထွန်းသည်ကို တွေ့မြင်လိုသည့် ဆန္ဒ ရှိပါကြောင်း" ဟြေကြားသည်။
မြန်မာ သံအမတ်ကြီး ဦးသိန်းလွင်က မြန်မာနှင့် တရုတ် နှစ်နိုင်ငံသည် ရည်ရှည် ချစ်ကြည် ရင်းနှီးမှုများကို ခံစားနိုင်ခဲ့သည်ဟု ဆိုသည်။ တရုတ်ပြည်သူ့ သမ္မတ နိုင်ငံတော် ထူထောင်ပြီးနောက် များမကြာမီ ကာလအတွင်း တရုတ်နှင့် သံတမန် ဆက်ဆံရေး စတင် ထူထောင်သည့် အာရှနိုင်ငံ အနည်းငယ်တွင် မြန်မာလည်း ပါဝင်ခဲ့သည်။ တရုတ်နှင့် မြန်မာသည် ပြီးခဲ့သည့် ဆယ်စုနှစ်များ အတွင်း အဆင့်မြင့် အရာရှိကြီးများ၊ သံတမန်များ အပြန်အလှန် စေလွှတ်မှုများ ပြုလုပ်ပြီး နှစ်နိုင်ငံ သံတမန် ဆက်ဆံရေးကို ထိန်းသိမ်းနိုင်ခဲ့သည်။
တရုတ်-မြန်မာ ပြည်သူများ အပြန်အလှန် ဆက်ဆံမှု မြှင့်တင်ရေး သိသာ ထင်ရှားလာသည့် ကိစ္စကိုလည်း သံအမတ်ကြီး ဦးသိန်းလွင်က အရေးစိုက် ပြောဆိုသည်။
လက်ရှိ နှစ်များအတွင်း တရုတ်သည် မြန်မာ ကျောင်းသားများအတွက် ပညာရေး အခွင့်အလမ်း ရှာရာ နေရာသစ် တစ်ခု ဖြစ်လာသည်ကို တွေ့မြင်ရသည်မှာ လွန်စွာ ဝမ်းမြောက်ဝမ်းသာ ဖြစ်မိကြောင်း ၎င်းက ဆိုသည်။ ယခင်က မြန်မာ ကျောင်းသားများသည် ပညာရေး အခွင့်အလမ်းများ ရှာရာ၌ စင်ကာပူနှင့် အမေရိကန် ပြည်ထောင်စုတို့ကိုသာ ပထမ ဦးစားပေး ရွေးချယ်ခဲ့ကြသည်။
China Daily သတင်းစာမှ သတင်းကို ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.