ဘာသာပြန်သတင်းများ
မြောက်ကိုရီးယား ရိက္ခာ ပြတ်လပ်မှု အလွန်အမင်း ဆိုးရွားဟု သတိပေး
(BBC သတင်းကို ဘာသာ ပြန်ဆိုသည်)
မြောက်ကိုရီးယားမှ ပြန်လာသော အကူ အညီ ပေးရေး အေဂျင်စီ ငါးခုမှ တာဝန်ရှိ အရာရှိကြီး များ၏ မျက်မြင် ကိုယ်တွေ့ ပြောဆိုချက် များအရ နိုင်ငံတွင်း စားနပ် ရိက္ခာ ပြတ်လပ်မှု၊ အာဟာရ ချို့တဲ့ မှုများ ဆိုးဆိုး ရွားရွား ဖြစ်ပေါ်လျက် ရှိကြောင်း သိရသည်။ မြောက်ကိုရီးယား ပြည်သူ အချို့မှာ မြက်ရိုင်း ပင်များကို စားသုံးရန် ရိတ်ယူလျက် ရှိသည်ဟု ဆိုသည်။ မြောက်ကိုရီးယား အစိုးရက နိုင်ငံတွင်း ဖြစ်ပေါ်နေသော ရိက္ခာ ပြတ်လပ်မှု ပြေလည်ရေး အတွက် အစား အသောက် အကူ အညီများ ပေးပို့ရန် နိုင်ငံ အတော် များများကို တောင်းခံ ထားကြောင်း BBC သတင်းက ဆိုသည်။
မြောက်ကိုရီးယားတွင် ဖြစ်ပေါ် နေသော အခြေ အနေများကို အကဲဖြတ် လေ့လာရန် ကုလ သမဂ္ဂက နိုင်ငံတကာ ကျွမ်းကျင်သူများ အဖွဲ့ တစ်ဖွဲ့ကို စေလွှတ် ထားသည်ဟု ဆိုသည်။ ၁၉၉၀ ပြည့်နှစ် အတွင်း ကလည်း ငတ်မွတ် ခေါင်းပါးမှုကြီး ဆိုးရွားစွာ ဖြစ်ပေါ်ခဲ့ရာ လူထောင်ပေါင်း များစွာ သေဆုံးခဲ့ကြသည်။ ခန့်မှန်းချက် အရ ထိုစဉ်က ငတ်မွတ်မှု ကြောင့် သေဆုံးခဲ့သူ မြောက်ကိုရီးယား ပြည်သူ နှစ်သန်းခန့် ရှိသည်။
မြောက်ကိုရီးယားတွင် စားနပ် ရိက္ခာ ပြတ်လပ်မှု ဖြစ်ပေါ် နေစဉ် အတွင်း ပြည်သူများက ပေါင်းပင်များ၊ ဆေးဖက်ဝင်အပင်များ နှင့် မြက်ရိုင်းပင်များကို စားစရာ အဖြစ် ဆင်းရဲ ချို့တဲ့စွာ ရှာဖွေ စားသောက် ကြရကြောင်း မှတ်တမ်း များက ဆိုသည်။ နိုင်ငံတွင်း ဖြစ်ပေါ် နေသော အခြေ အနေများနှင့် ပတ်သက်၍ သိရှိရန် ခက်ခဲ့သည့် ကိစ္စမှာ "ဤဖြစ်ရပ်၏ အတိုင်း အတာ ပမာဏသည် ပုံမှန် သို့မဟုတ် ပုံမှန်ထက် ဆိုးသော အဆင့်တွင် ရှိ၊ မရှိ" ဟူသည်ပင် ဖြစ်၏။
မြောက်ကိုရီးယား နိုင်ငံ အစိုးရ၏ ဖိတ်ကြားချက် အရ Christian Friend of Korea၊ Global Resource Services၊ Mercy Corps၊ Samaritan's Purse နှင့် World Vision မှ စေတနာ့ ဝန်ထမ်းများ ဖေဖော်ဝါရီ လဆန်းပိုင်းက တစ်ပတ် ကြာမျှ သွားရောက် လုပ်ကိုင် ခဲ့ကြသည်။ ယင်းစေတနာ့ ဝန်ထမ်းများသည် မြောက်ကိုရီးယား ဆေးရုံများ၊ မိဘမဲ့ ကလေး ကျောင်းများ၊ အိမ်ထောင်စုများ အပါ အဝင် နိုင်ငံ အနောက်ပိုင်းနှင့် မြောက်ပိုင်း ဒေသ တို့မှ လယ်ယာ စိုက်ပျိုး မြေများ၊ ကုန်လှောင်ရုံများကို သွားရောက် လေ့လာ ခဲ့ကြကြောင်း ၎င်းတို့၏ အစီရင်ခံစာက ဆိုသည်။
မြောက်ကိုရီးယားတွင် နွေဦး ကာလ၌ ရိတ်သိမ်းနိုင်မည့် ဂျုံပင်နှင့် ကောက်ပဲ သီးနှံပင် ၅၀ မှ ၈၀ ရာခိုင်နှုန်း အပါအဝင် အာလူးပင်များမှာ လွန်ခဲ့သည့် နှစ်လတာ အတွင်း ဖြစ်ပေါ် ခဲ့သော ရာသီဥတု ဆိုးရွားစွာ အေးခဲမှုကြောင့် ပျက်စီး သေဆုံးခဲ့ ရသည်ကို တွေ့ရကြောင်း အေဂျင်စီများက ပြုံယမ်း အစိုးရကို သတင်း ပေးပို့ခဲ့သည်။ ထို့ပြင် ဆေးရုံများ တွင်လည်း အာဟာရ ပြတ်လပ်မှုကြောင့် ရောက်ရှိ လာသူ လူနာ ဦးရေ တိုးမြင့်လာကြောင်း၊ စေတနာ့ ဝန်ထမ်းများ ကိုယ်တိုင်ပင် အလွန် အမင်း ဆိုးရွားစွာ အာဟာရ ပြတ်လပ်မှု ဖြစ်ပေါ်နေသည့် လူနာများကို တွေ့မြင် ခဲ့ရကြောင်း အစီရင် ခံစာတွင် ထည့်သွင်း ရေးသား ထားသည်။ ကုလ သမဂ္ဂက လတ်တလော ကာလ အတွင်း မြောက်ကိုရီးယားသို့ စားနပ်ရိက္ခာ ဆိုင်ရာ ကျွမ်းကျင်သူ အဖွဲ့ တစ်ဖွဲ့ကို စေလွှတ်ထားသည်။ ကုလမှ ပြောရေး ဆိုခွင့် ရှိသူက ကောက်ပဲ သီးနှံနှင့် စားနပ် ရိက္ခာ လိုအပ်ချက်မှာ ထင်မှတ် ထားသည် ထက်ပင် ဆိုးရွားလျက် ရှိကြောင်း ပြောကြားသည်။
နိုင်ငံ တကာတွင် အခြေစိုက်သော မြောက်ကိုရီးယား သံရုံးများက ပြည်ပ နိုင်ငံများ အနေဖြင့် စားနပ် ရိက္ခာ အကူအညီ အထောက် အပံ့များ ပေးပို့ကြရန် တောင်းခံ ထားသည်။ ပြီးခဲ့သည့် ၂၀၀၉ ခုနှစ်အထိ မြောက်ကိုရီးယားသို့ စားနပ် ရိက္ခာ အများဆုံး ကူညီ ထောက်ပံ့ ခဲ့သော One concern of America က နိုင်ငံတွင်း အမှန် တကယ် လိုအပ်ချက် ရှိသော နယ်ပယ်များသို့ အကူအညီ ရိက္ခာများ ရောက်ရှိမှု ရှိ၊ မရှိ ကို စုံစမ်း စစ်ဆေးလျက် ရှိသည်။
---------------------------------------------------------------------------------- မဲဆောက် အမှိုက်ပုံမှ လူများ
(1st March 2011 ရက်စွဲပါ AlertNet မှ The People of the Mae Sot dump site ဆောင်းပါးကို ဘာသာပြန်ထားသည်။)
ထိုင်း နိုင်ငံ နယ်စပ်မြို့ မဲဆောက်၏ အပုပ် အသိုးများ ပစ်သော အမှိုက် ပုံကြီး အနီး တဝိုက်တွင် နေထိုင် ကြသော မြန်မာ ဒုက္ခသည် များ၏ သနားဖွယ်၊ စာနာဖွယ် နေထိုင် ရသော အဖြစ် အပျက် များသည် ဒုက္ခပေါင်း များစွာ ကြားထဲတွင် ရှင်သန် နေနိုင်သော လူသား သဘာဝ အကြောင်းကို ပြဆိုသော အဖြစ်များပင် ဖြစ်သည်။
ဒုက္ခသည် အများစုသည် ဆင်းရဲ မွဲတေခြင်း၊ ကျန်းမာရေး အတွက် အန္တရာယ် များခြင်း၊ ထိုင်း အာဏာပိုင် များ၏ စော်ကားခြင်း များကို အဆက် မပြတ် ကြုံတွေ့ နေရသည့် ကြားမှ ထိုနေရာတွင် နှစ်ပေါင်း များစွာ နေထိုင်လျက် ရှိသည်။ ၎င်းတို့သည် ပြန်လည် အသုံးပြု နိုင်သော ပလပ် စတစ်များ ကောက်ယူ၍ ရသော အနည်းငယ်သော ငွေဖြင့်သာ ရုန်းကန် နေရသည်။
“လောက ကြီးမှာ ရှိတဲ့ လူ့အခွင့် အရေး နှိပ်စက်မှု မျိုးစုံ ဒီနေရာမှာ တွေ့နိုင် ပါတယ်” ဟု Reuters ၏ ဓာတ်ပုံ ဆရာ Damir Sagolj က တယ်လီဖုန်း အင်တာဗျူးတွင် ပြောကြား ခဲ့သည်။
“ဒါပေမယ့် အမှိုက်ပုံ နားက ဒီလူတွေ ကတော့ ပျော်နေကြတယ်။ ဘာလို့လဲ ဆိုတော့ မြန်မာ ပြည်က အခြေ အနေမှာ ဒီထက် ပိုဆိုးတာကို သူတို့ သိတယ်လေ” ဟု ၎င်းက ပြောသည်။
မြန်မာ နိုင်ငံသည် ဆယ်စုနှစ် ငါးခု ကျော်ကျော် ဖိနှိပ်သော စစ်အစိုးရနှင့် နိုင်ငံရေး ဆန့်ကျင် မှုများ၊ တိုင်းရင်းသား အုပ်စုများ ကြားတွင် ပဋိ ပက္ခများကို ခံစား ခဲ့ရသဖြင့် ရလဒ် အားဖြင့် မြန်မာ လူမျိုး ၃.၅ သန်းခန့် အိုးမဲ့ အိမ်မဲ့ ဖြစ်ကြ ရသည်။
မဲဆောက်တွင် မြန်မာ ဒုက္ခသည် များနေသော နေရာကို ထိုဒေသက “Little Burma” ဟု ခေါ်ကြပြီး၊ နေထိုင်ကြသော ဦးရေကို အတိ အကျ မသိနိုင်ပါ။ သို့သော် အကူ အညီ ပေးရေး အုပ်စုများက ခန့်မှန်း ရာတွင် နှစ်သိန်းခန့် ရှိမည်ဟု ဆိုကြပြီး၊ အများစုမှာ တရား မဝင် ဒုက္ခသည်များ ဖြစ်ကြ သည်။
မဲဆောက် ဝန်းကျင်တွင် အဓိက စခန်း သုံးခု ရှိပြီး၊ ၎င်းတို့မှာ မဲလ၊ Noe Po နှင့် Umpium တို့ ဖြစ် ကြသည်။ ၎င်းတို့ အနက် မဲလ စခန်းမှာ အရှေ့တောင် အာရှတွင် အကြီးဆုံး ဒုက္ခသည် စခန်း ဖြစ်သည်။
Sagolj သည် မဲဆောက်သို့ မကြာ ခဏ သွား၍ ဒုက္ခသည်များ ဘဝကို မှတ်တမ်း ပြုလျက် ရှိရာ၊ မကြာသေး မီက ထိုဒေသတွင် အခြေ အနေများ အတော် အတန် တိုးတက်ခဲ့ကြောင်း Sagolj ၏ အဆို အရ သိရှိ ရသည်။ ထိုသို့ တိုးတက် လာရခြင်းမှာ ဗုဒ္ဓ ဘာသာ ဘုန်းတော်ကြီးများ တည်ထောင် ထားသော The Beot Friend အဖွဲ့၏ လုပ်ဆောင်ချက် ကျေးဇူး များကြောင့် ဖြစ်သည်။ ထိုအဖွဲ့သည် အနီး ပတ်ဝန်းကျင်တွင် မြေများ ငှားရမ်း၍ ဒုက္ခသည် မိသားစုများကို မြေပေါ်တွင် ပြောင်းရွှေ့ နေထိုင် အလုပ် လုပ်စေ ခဲ့ခြင်း ဖြစ်သည်။
“မဲဆောက် အမှိုက်ပုံကို ကျွန်တော် သွားတဲ့ အချိန်တိုင်း၊ အဲဒီက ဒုက္ခသည်တွေ ပြုံးနေ တာပဲ တွေ့ရတယ်။ ညမှာ ဖယောင်း တိုင်တွေ ထွန်းပြီး၊ သီချင်း ဆိုနေ ကြတာပဲ။ ဘဝရဲ့ ပျော်စရာကို အတော် ရှာတတ် တာပဲ” ဟု Sagolj က ပြောသည်။
“သူတို့ကို အဲဒီမှာ နေဖို့ ဘယ်သူကမှ ဇွတ်နေ ခိုင်းတာ မဟုတ်ပါဘူး။ ဒါပေမယ့် သူတို့ အိမ်လည်း မပြန် ချင်ကြဘူး” ဟု ၎င်းက ဆိုသည်။
----------------------------------------------------------------------------------------- နာဂ - မြန်မာ ကုန်သွယ်ရေး မြှင့်တင်ရန် ကြိုးစား
(1st March 2011 ရက်စွဲပါ MorungExpress တွင် ပါရှိသော Boost to Naga-Myanmar Trade ကို ဘာသာ ပြန်သည်။)
အိန္ဒိယ (နာဂမြေ) နှင့် မြန်မာ နိုင်ငံ တို့သည် နိုင်ငံ တကာ ကုန်သွယ်မှု ဗဟိုဌာန (ITC) ဖွင့်လှစ်ပြီး၊ အားကောင်း သော ဆက်ဆံ ရေးကို အုတ်မြစ် ချနိုင်မည် ဆိုပါက အရေး ကြီးသော သမိုင်း မှတ်တိုင် စိုက်ထူ နိုင်မည် ဖြစ်သည်။ ITC သာ တည်ထောင် နိုင်ခဲ့မည် ဆိုပါက အိန္ဒိယ-မြန်မာ ကြားတွင် အိပ်မက်များ အကောင် အထည် ပေါ်လာမည် ဖြစ်သည်။ အိန္ဒိယ-မြန်မာ နယ်စပ်တွင် ကူးသန်း ရောင်းဝယ်ရေး လှုပ်ရှားမှု များနှင့် နှစ်နိုင်ငံ နားလည်မှု ရှိသော ဆက်ဆံရေး အတွက် အစွမ်းကုန် ကြိုးစားလျက် ရှိသည်။
ITC အတွက် နေရာသည် Wazeho မှ Avangkhu သို့ ၇၀ ကီလို မီတာ အကွာ အဝေးတွင် ရှိပြီး၊ အဆိုပါ ITC Avangkhu သို့ ၆ ကီလို မီတာလမ်း ဆက်သွယ် ရန်သာ လိုသည်။ ထို ၆ ကီလို မီတာ လမ်းတွင် ကြီးမား လှသော ကျောက်တုံးကြီး ပိတ်လျက် ရှိရာ ရှင်းလင်းရန် ဗုံးဖောက် ခွဲမှု လိုအပ်မည် ဖြစ်သည်။ သို့သော် ယခု နှစ်ကုန်တွင် ပြီးစီးရန် ရည်မှန်း ထားသည်။
လမ်းတွင် အတား အဆီးများ ရှိနေ သော်လည်း နာဂမြေသည် ပထမ ခြေလှမ်း အဖြစ် ITC လျာထားမြေ နေရာတွင် ရဟတ်ယာဉ် ကွင်း တစ်ခု ဆောက်လုပ်ရန် သတ်မှတ် စတင် နေပြီ ဖြစ်သည်။ ITC အတွက် လျာထားမြေ နေရာသည် ဧက ၁၀၀၀ ထက် မနည်းရန် သတ်မှတ် ထားကြောင်း ဆိုသည်။ ဈေးကွက် မြှင့်တင်ရေး တဲငယ် လေးလုံး ကိုလည်း Avangkhu ရွာသားများက ဆောက်လုပ်ပြီး ဖြစ်သည်။
မြန်မာ နိုင်ငံ တွင်လည်း နာဂ လူမျိုး တစ်သိန်းကျော် အခြေချ နေထိုင်သည်ဟု ဆိုသည်။
ပါလီမန်၏ ခရီး သွားလာရေး ဥပဒေနှင့် တရားရေး အတွင်းဝန် Yitachu သည် ရွာသားများ၊ မီဒီယာမှ ပုဂ္ဂိုလ်များ ပါဝင်သော အဖွဲ့ဖြင့် ITC အတွက် တင်ပြ ထားသော မြေနေရာသို့ ဖေဖော် ဝါရီလ ၂၁ ရက်နေ့က ခြေလျင် သွားရောက် ခဲ့သည်။ ထိုသို့ သွားရောက် ခဲ့စဉ် ၎င်းက အဆိုပါ နေ့မှ နှစ်လ သုံးလ အတွင်း ရဟတ်ယာဉ် ကွင်းတစ်ခု ဆောက်လုပ် လိုကြောင်း ထုတ်ဖော် ပြောကြား ခဲ့သည်။
ရဟတ် ယာဉ်ကွင်း ဆောက်လုပ်ရန် လူအင်အား အပြည့် ရှိသည့် အတွက် အမြန်ဆုံး ပြီးစီး နိုင်မည်ဟု ၎င်းက ယုံကြည် နေသည်။ ၎င်းက ထုတ်ဖော် ပြောကြားရာတွင် ITC ကြောင့် နာဂမြေတွင် Dimapur သည် လည်းကောင်း၊ မြန်မာ နိုင်ငံတွင် လေရှီးသည် လည်းကောင်း ကုန်သွယ်မှု ဗဟိုချက် ဖြစ်လာ မည်ဟု ဆိုသည်။
“ITC ပြီးသွားရင် လူငယ်တွေ အတွက် ကုန်သွယ်မှု ပြုလုပ်ဖို့ အကြီး အကျယ် လမ်းပွင့် သွားပါ လိမ့်မယ်” ဟု Yitachu က အကောင်း ဘက်မှ ရှုမြင်ခဲ့သည်။ လမ်းအခြေ အနေမှာ ယခု မကောင်း သေးသော်လည်း၊ မကြာမီ ကျော်လွှား သွားနိုင် မည်ဟု ဖြည့်စွက် ပြောခဲ့သည်။
၎င်းက အခြေခံ အဆောက် အဦ တိုးတက်ရေး အတွက် လုပ်ဆောင် ကြမည့် ကန်ထရိုက်များ၊ ဌာန ဆိုင်ရာ များအား ယခု အစီ အစဉ်သည် နာဂများ အတွက် အနာဂတ် ကောင်းစားရေး အတွက် ဖြစ်၍ ရိုးသားသော စိတ်ကို အခြေခံ လုပ်ဆောင်ရန် တောင်းပန် အဆိုပြု ခဲ့သည်။
မြန်မာ နိုင်ငံနှင့် နယ်စပ် ကုန်သွယ်ရေး ဖွင့်လှစ် နိုင်ပါက အိန္ဒိယ နိုင်ငံ နာဂမြေမှ ရွာ ၃၄ ရွာသည် ချက်ချင်း အကျိုး ဖြစ်ထွန်းမည် ဖြစ်သည်။ မြန်မာ နိုင်ငံမှ လယ်ယာ ထွက်ကုန်များ၊ သစ်များ၊ ကျောက်မျက် ရတနာများ၊ တိုင်းရင်း ဆေးများ ရရှိ နိုင်မည် ဖြစ်ပြီး၊ အိန္ဒိယ နိုင်ငံမှ ကျောက်မီးသွေး၊ ဓာတ်မြေ သြဇာ၊ လက်ဖက်ခြောက်၊ သစ်အချော ထည်၊ လျှပ်စစ် ပစ္စည်းများ၊ အဝတ် အထည်များ၊ ဘိလပ်မြေ၊ သံနှင့် သံမဏိ ထွက်ကုန်၊ ဆေးဝါးများနှင့် အစား အသောက်များ တင်ပို့ နိုင်မည် ဖြစ်သည်။ မြန်မာ နိုင်ငံမှ ITC နေရာ အထိ ၁၂ ကီလို မီတာသာ ဝေးကွာသည်။
-------------------------------------------------------------------------------------------- ပြည်တွင်း NGO များ ဖွံ့ဖြိုးရေး တောင်းဆို
( 1st March 2011 ရက်စွဲပါ IRIN မှ Myanmar Call to Build up local NGO ကို ဘာသာ ပြန်သည်)
နိုင်ငံ တကာ အသိုင်း အဝိုင်း အနေဖြင့် မြန်မာ နိုင်ငံ တွင်းရှိ ပြည်တွင်း NGO များနှင့် လူ့အဖွဲ့ အစည်း အခြေခံ အဖွဲ့ အစည်း များအား ကောင်းမွန်စွာ အသုံးပြု သင့်ကြောင်း၊ တစ်ချိန် တည်းမှာပင် ၎င်းအဖွဲ့များ အတွင်း လူသား စွမ်းရည် တည်ဆောက် ရေးပါ ပြုလုပ် ပေးရန် လိုကြောင်း အကူ အညီ ပေးခြင်း ဆိုင်ရာ တာဝန် ရှိသူ တစ်ဦးက ပြောကြား ခဲ့သည်။
“ပြည်တွင်း NGO တွေဟာ ဒေသ ဆိုင်ရာ ဗဟုသုတ၊ အဆက် အသွယ်တွေ ရှိပါတယ်။ အချို့ အစီ အစဉ် တွေ၊ ရင်းမြစ်တွေ အတွက် ဗဟို ရုံးချုပ် ကနေ ခွင့်တောင်း စရာ မလိုပါဘူး။ တိုင်းပြည် အနှံ့ သွားရောက်ဖို့ အတွက် လည်း ပြဿနာ သိပ်မရှိ နိုင်ပါဘူး”ဟု ပေါင်းကူး အဖွဲ့မှ အစီ အစဉ် မန်နေဂျာ Walter Davis က ပြောကြား ခဲ့သည်။ ပေါင်းကူး အဖွဲ့မှာ မြန်မာ နိုင်ငံ အရပ်ဖက် လူ့အဖွဲ့ အစည်း အားကောင်းရေး အတွက် 2007 ခုနှစ်က နိုင်ငံ တကာနှင့် မြန်မာ နိုင်ငံမှ အဖွဲ့၁၁ ဖွဲ့ စုစုပေါင်း ဖွဲ့စည်း ထားသော အဖွဲ့ ဖြစ်သည်။
သို့သော် အလှူရှင် အများစုသည် နိုင်ငံတကာ NGO များ INGOS များ ထံသို့သာ ငွေများ ပံ့ပိုး နေကြသည်။ တစ်ချိန်တွင် ၎င်းတို့သည် ပြည်တွင်း အုပ်စုနှင့် ယှဉ်ပြိုင် လာရသည်။
“INGOs များဟာ လူသား စွမ်းရည် မြှင့်တင်ရေး လုပ်ငန်း တွေကို ပြောင်းလုပ်ဖို့ လိုအပ်ပါတယ်။ ဆက်ဆံရေး စည်းမျဉ်း ဥပဒေ တွေမှာ ပြည်တွင်း NGO တွေကို တစ်ဆင့်ခံ ကန်ထရိုက် ပေးဖို့ လောက်ပဲ ဖော်ပြ နေကြတယ်။ ဘာလို့လဲ ဆိုတော့ ပြည်တွင်း အဖွဲ့ အစည်း တွေမှာ လူသား စွမ်းရည် အားနည်း နေလို့ပါပဲ” ဟု မြန်မာ နိုင်ငံရှိ ကုလ သမဂ္ဂ ဌာန ညှိနှိုင်းရေး ဌာန အကြီးတန်း အကြံပေး ပညာရှင် ဦးအောင်ထွန်းသက်က ပြောကြား ခဲ့သည်။
INGOs တွေ အနေနဲ့ ပြည်တွင်း အဖွဲ့ အစည်း တွေနဲ့ တိုက်ရိုက် ပြိုင်ဆိုင် မှုတွေ လုပ်မလား။ ပြည်တွင်း NGO တွေကို အကြံ ပေးပြီး အကူ အညီတွေ ပေးမလား ဆိုတာ ဆုံးဖြတ်ဖို့ လိုအပ် လာပါပြီ” ဟု ၎င်းက ပြောသည်။
နာဂစ် အလွန် ကြီးထွား လာမှု
၂၀၀၈ ခုနှစ်က တိုက်ခတ်ခဲ့သော နာဂစ် မုန်တိုင်း သည် ၁၄၀၀၀၀ ခန့် သေဆုံးပြီး ၂.၄ သန်းခန့်ကို ထိခိုက် ခဲ့ကြောင်း ကုလ သမဂ္ဂမှ ခန့်မှန်း ခဲ့ရာ လူသားချင်း စာနာစွာ အဆိုပါ ဒုက္ခကြီး လွန်မြောက်ရေး အတွက် ကြိုးစားရင်း အရပ်ဖက် လူ့အဖွဲ့ အစည်း ရာပေါင်း များစွာ သန္ဓေ တည်ခဲ့သည်။
“နာဂစ်ဟာ ပြည်တွင်း NGO တွေ မှိုလို ပေါက်လာဖို့ အထောက် အကူ ပစ္စည်း တစ်ခုလို ဖြစ်ခဲ့ပါတယ်။ အခုဆိုရင် NGO တွေ အရင် ကထက် အဆ ငါးဆယ် လောက် ရှိနေ ပါတယ်” ဟု Dr အောင်ထွန်းသက်က ပြောသည်။
“နာဂစ် မုန်တိုင်းနဲ့ ကြုံတွေ့ ခဲ့ရစဉ်က အလှူရှင် တွေဟာ ငွေပေး လှူဖို့ အစိုးရက တစ်ဆင့် မပေးချင်တော့ နည်းလမ်းတွေ ရှာရ တာပေါ့” ဟု ၎င်းက ပြောသည်။ ပြည်တွင်း အုပ်စုများသည် ပြင်းထန်သော သက်ရောက် မှုများ ရှိပါက လျင်မြန်စွာ တုန့်ပြန် နိုင်စွမ်း ရှိသော သဘာဝက ပေးသော ငွေကြေး ယာဉ်ယန္တရားပင် ဖြစ်သည်။
သို့သော် အစိုးရသည် ၂၀၁၀ တွင် ဆူနာမီ အရေးပေါ် အဆင့်ကို ပြီးဆုံးကြောင်း ကြေညာ ခဲ့စဉ်က NGO အများစု ပြိုလဲ သွားခြင်း၊ အချို့က ဖွံ့ဖြိုးရေး လုပ်ငန်းများ ပြောင်းလဲ လုပ်ကိုင်ခြင်းများ ရှိခဲ့ရာ လုပ်ငန်း ဆက် လက် အကောင် အထည် ဖော်ရန် အခြေခံ စွမ်းရည် မရှိသောကြောင့် ဖြစ်သည်။
“နာဂစ်ကြောင့် NGO တွေ တဖြည်းဖြည်း ကနေ ရုတ်တရက် ပေါ်လာ ရပေမယ့် သူတို့ဟာ အသေးစိတ် ပြဿနာတွေကို သေချာစွာ ဖြေရှင်းဖို့ လိုအပ် နေပါသေးတယ်။ ဒီအုပ်စုတွေဟာ ရည်ရွယ်ချက် ကောင်းတွေ ရှိပေ မယ့်လို့၊ အခြေခံ စီမံ ခန့်ခွဲရေး ကျွမ်းကျင်မှုတွေ မရှိကြပါဘူး” ဟု အောင်ထွန်းသက်က ပြောသည်။
မကြာ ခဏ ဆိုသလို ပြည်တွင်း အုပ်စုများအား INGOs များ၏ ပရောဂျက်ကို တာဝန် ထမ်းဆောင်ရန် လိုအပ်သော လူများ ဖြည့်တင်း ပေးရခြင်း၊ အခြား အကူ အညီ ပေးရခြင်းမှ လွဲ၍ အခြား ဘာမျှ လုပ်မပေးနိုင် သေးကြောင်း ၂၀၀၄ ခုနှစ်ကတည်းက ပြည်တွင်း အုပ်စု ဒါဇင်ပေါင်း များစွာကို အကူ အညီ ပေးနေသော Norwegian People’s Aid မှ မြန်မာ နိုင်ငံ ဒါရိုက်တာ Ingeborg Moa က ပြောကြား ခဲ့သည်။
“အကယ်၍ ရန်ပုံငွေ ပိုမို ရရှိမယ် ဆိုရင် အဖွဲ့ အစည်း တွေရဲ့ ဖွံ့ဖြိုးမှု အတွက် လူ့စွမ်းရည် မြှင့်တင်ခြင်း အပြင် အဖွဲ့ အစည်း တစ်ခုလုံး စွမ်းဆောင်ရည် မြင့်မား လာအောင် အကူ အညီ ပေးလိုပါတယ်။ နိုင်ငံတကာ အဖွဲ့ အစည်း တွေရဲ့ အကောင် အထည် ဖော်ပေးတဲ့ ပါတနာ အဖြစ် မကပဲ လမ်းကြောင်းမှန် ပေါ်ကို တင်ပေး ချင်တာပါ” ဟု Moa က ပြောသည်။
အတား အဆီးများ ဖယ်ရှားခြင်း
ပြည်တွင်း စာရင်းအင်းနဲ့ စီမံ ခန့်ခွဲမှု၏ အမှားများကြောင့် လမ်းကြောင်း မှားခြင်းကို အာရုံပြု သင့်ကြောင်း “ပေါင်းကူး” အဖွဲ့၏ ဒီဇင်ဘာလ အစီရင် ခံစာ အရ သိရှိ ရသည်။ ပေါင်းကူး အဖွဲ့တွင် Save the Children ၊ Oxfam နှင့် Care အပြင် ပြည်တွင်း အုပ်စု များလည်း ပါဝင်သည်။
ဥပမာ အားဖြင့် မြန်မာ နိုင်ငံတွင် ပြေစာများ ရရှိရန် တစ်ခါ တစ်ရံ ခက်ခဲ ခြင်းကြောင့် နိုင်ငံတကာ ရန်ပုံငွေ အဖွဲ့များ လက်ခံ နိုင်သည့် စံရှိမည့် စာရင်း ပြုစုရာတွင် များစွာ အခက် အခဲ ရှိကြောင်း Davis က ပြောသည်။
“မြန်မာ နိုင်ငံမှာ ဟိုးရှေး ယခင်က စလို့ ဘာသာရေး ဆိုင်ရာ လှူဒါန်း မှုတွေနဲ့ ပတ်သက်လို့ တာဝန် ယူရဲတဲ့ အလေ့ အထ ရှိပါတယ်။ ဒါကို အပြန် အလှန် ထိန်းကျောင်းတဲ့ နေရာမှာ ဘုန်းတော်ကြီး များက အဓိက နေရာမှာ ရှိပါတယ်။ အဲဒီတော့ နိုင်ငံခြားက အလေ့အထ၊ သဘော ထားတွေ ယူလာပြီး တာဝန် ယူခိုင်း တာနဲ့ စာရင် ရှိပြီးသား အလေ့ အထကို ပိုမို အားကောင်းအောင် လုပ်ပေးတာက ယုံကြည်မှု၊ တာဝန်ယူမှု တည်ဆောက် ရာမှာ ပိုပြီး ထိ ရောက်မယ်လို့ ထင်ပါတယ်”ဟု Davis က ပြောသည်။
အစိုးရ၏ NGO မှတ်ပုံ တင်ခြင်း ဆိုင်ရာ နှေးကွေးပြီး ခက်ခဲမှု သည်လည်း ပြည်တွင်း အုပ်စုများ အဖို့ နိုင်ငံ တကာ ရန်ပုံငွေ အဖွဲ့များနှင့် ဆက်သွယ် နိုင်ရေး အတွက် အတား အဆီး တစ်ခုပင် ဖြစ်သည်။
“အစိုးရက အလှူငွေ လက်ခံမယ့် MOU မပါရင် မှတ်ပုံ တင်ခွင့် မပေးပါဘူး။ လိုအပ် တာကတော့ ပိုမို ပွင့်လင်း မြင်သာတဲ့ မှတ်ပုံတင် လုပ်ငန်းစဉ်တွေ ဖြစ်ဖို့ပါပဲ” ဟု အောင်ထွန်းသက်က ပြောသည်။
ဖျာပုံ အခြေစိုက် ကယ်ဆယ်ရေး ပြည်တွင်း NGO တစ်ခု ဖြစ်သော အောင်ရတနာမှ တာဝန်ရှိသူ တစ်ဦးက ပြောကြားရာတွင် ၎င်းတို့ ၂၀၀၈ ခုနှစ်က NGO တည်ထောင်ပြီး မှတ်ပုံ တင်ရန် လျှောက်ထား ခဲ့ရာ ယနေ့ထိ မည် သည့် သတင်းမျှ မရရှိဟု ဆိုသည်။
“အဲဒီ အချိန် အတွင်းမှ ကျွန်တော်တို့ မြို့နယ် အာဏာပိုင် တွေနဲ့ အဆင် ပြေအောင် လုပ်ပြီး လုပ်ငန်းတွေ လုပ်နေ ရပါတယ်”ဟု ၎င်းက ပြောသည်။
မြန်မာ နိုင်ငံ စိုက်ပျိုးရေး ဝန်ကြီး ဌာနနှင့် ပူးပေါင်း၍ UK Department for International Development မှ ငွေကြေး အထောက် အပံ့ဖြင့် နည်းပညာ အကူ အညီများ ပေးနေသော အုပ်စုသည် ယနေ့ထိ တရားဝင် မှတ်ပုံတင် ထားခြင်း မရှိပေ။
မြန်မာ နိုင်ငံတွင် NGO ပေါင်း သုံးရာခန့် ရှိသော်လည်း အများဆုံး ၁၀ % ခန့်သာ မှတ်ပုံ တင်ထားကြောင်း UN Myanmar Information management Unit (MIMU) ၏ အဆို အရ သိရှိ ရသည်။
---------------------------------------------------------------------------------------------------- အရှေ့ အလယ်ပိုင်း ပြဿနာကြောင့် မြန်မာ နိုင်ငံတွင် ဆန်တင်ပို့မှု ရပ်ဆိုင်း
(2nd March 2011 ရက်စွဲပါ Channel News Asia မှ “Myanmar Halts Rice Exports Over Mideast Fears” ကို ဘာသာ ပြန်ဆိုသည်)
အရှေ့ အလယ်ပိုင်း ဒေသ မငြိမ်သက်မှု ကြောင့် ရေနံ ဈေးနှုန်းများ တက်လာခြင်း ကြောင့် စားသောက်ကုန် ဈေးနှုန်းများ တက်လာ နိုင်ခြင်းကို ကာကွယ်ရန် မြန်မာ နိုင်ငံ တွင် ဆန်တင်ပို့ ခြင်းကို ရပ်ဆိုင်း ထားခဲ့ကြောင်း အစိုးရ တာဝန် ရှိသူ တစ်ဦးက ဗုဒ္ဓဟူးနေ့က ပြောကြား ခဲ့သည်။
“အာဏာပိုင် တွေက ပြည်တွင်း စားသုံးမှု အတွက် စိုးရိမ်တယ်လို့ ထင်တယ်၊ လစ်ဗျားမှာ ဖြစ်တာကို ကြည့်ပြီး စိုးရိမ်ပုံ ရတယ်” ဟု အမည် မဖော် လိုသူ UMFCCI မှ တာဝန်ရှိသူ တစ်ဦးက AFP သို့ ပြောကြား ခဲ့သည်။
ဆီဈေးများ တက်လာသောကြောင့် သယ်ယူ ပို့ဆောင်ရေး စရိတ်များ တက်လာကာ စားသောက်ကုန် ဈေးနှုန်းများ တက်လာ နိုင်ကြောင်း ယင်းက ရှင်းပြသည်။
“ဆန် တစ်ခုတည်းတင် မကပါဘူး၊ ကုန်ပစ္စည်း ဈေးနှုန်းတွေဟာ ပို့ဆောင်ရေး စရိတ် ပေါ်မှာ မူတည် နေပါတယ်” ဟုလည်း ၎င်းက ဖြည့်စွက် ပြောကြားသည်။
ဆန်သင်္ဘော တင်ပို့မှု အားလုံးနှင့် နိုင်ငံခြားသို့ တင်ပို့မှု စာချုပ်များ ဖျက်ပစ်ရန် ကုမ္ပဏီ များအား ခေါ်ယူ ပြောကြား ခဲ့ကြောင်း ၎င်းက ပြောသည်။
စစ်တပ်မှ နှစ်ပေါင်း ငါးဆယ်ခန့် လွှမ်းမိုး ခဲ့သော မြန်မာ နိုင်ငံတွင် ဆန် ပြန်လည် တင်ပို့ရန် ပါလီမန် စနစ် စတင် လုပ်ဆောင်သည် အထိ စောင့်ဆိုင်းဖွယ် ရှိပြီး အာဏာပိုင် များသည် အရှေ့ အလယ်ပိုင်း မငြိမ်သက် မှုများ၏ နိုင်ငံရေး ရှုတ်ထွေးမှု များကိုလည်း စိုးရိမ်ပုံ ရသည်။
“အစိုးရသစ် ဖွဲ့စည်းပြီး နိုင်ငံရေး အခြေအနေတွေ ငြိမ်သက် ပြီးတဲ့ အချိန် ဇူလိုင် လလောက်မှာ ဆန်တင်ပို့မှု ပြန်လည် စတင် နိုင်မယ် လို့ မျှော်လင့် ပါတယ်” ဟု ယင်းက ပြောသည်။
အရှေ့ အလယ်ပိုင်းနှင့် အာဖရိက မြောက်ပိုင်းတွင် အာဏာရှင် များအား စိတ်ကုန် လာခြင်း ကြောင့် အယ်လ်ဂျီးရီးယား၊ ယီမင် တို့တွင် မငြိမ်သက်မှုများ ကူးစက်ကာ ယခင်က မထိခိုက် ခဲ့သော ပင်လယ်ကွေ့ နိုင်ငံများ ဖြစ်သော ကူဝိတ်၊ အိုမန် နိုင်ငံများ သို့တိုင် ပျံ့နှံ့ ခဲ့သည်။
လစ်ဗျားတွင် ကဒါဖီ၏ နှစ်ပေါင်း လေးဆယ်ကျော် အုပ်စိုးမှုအား ဆန္ဒ ပြသူ များသည် စစ်တပ်မှ သွေးထွက် သံယို တိုက်ခိုက် သော်လည်း တိုင်းပြည်၏ နေရာ အတော် များများကို ထိန်းချုပ် နိုင်ခဲ့ပြီ ဖြစ်သည်။
မြို့တော် ထရီပိုလီတွင်သာ ယင်း၏ ထိန်းချုပ်မှု အောက်တွင် ငြိမ်းချမ်းလျက် ရှိသော်လည်း အရှေ့ဘက်ရှိ အဓိက ရေနံတွင်းများမှာ အတိုက် အခံများ လက်အောက်သို့ ရောက်ရှိ သွားခဲ့ပြီ ဖြစ်သည်။
နယူးယောက် ရေနံစိမ်း ဈေးနှုန်းမှာ ဗုဒ္ဓဟူးနေ့က အာရှ ရောင်းဝယ် ရေးတွင် တစ်စည်လျှင် ဒေါ်လာ ၁၀၀ ကို ရောက်ခဲ့ပြီး ဖြစ်သည်။ စီးပွားရေး ပညာရှင် များက ဖြစ်လာ နိုင်သည့် ငွေကြေး ဖောင်းပွမှု အန္တရာယ်ကို စိုးရိမ်လျက် ရှိသည်။
---------------------------------------------------------------------------------------------------------- လစ်ဗျား ပိုင်ဆိုင်မှု ဒေါ်လာ (၃၀) ဘီလီယံအား အမေရိကန်က စံချိန်တင် ထိန်းသိမ်း
(Helene Cooper ရေးသားသော “U.S Freezes a Record $ 30 Billion in Libyan Assets” ကို ဘာသာ ပြန်ဆိုသည်)
အမေရိကန် ပြည်ထောင်စုသည် သောကြာနေ့ ညနှောင်းပိုင်းက သမ္မတ အိုဘားမားမှ လစ်ဗျား ခေါင်းဆောင် ကဒါဖီ၊ သူ၏ မိသားစု တို့အပေါ် ချမှတ်သော Sanctions များအတွက် အမိန့် (Executive Order) ထုတ်ပြန် ပြီးနောက် မှစ၍ လစ်ဗျား အစိုးရ ပိုင်ဆိုင်သော ဒေါ်လာ သန်း (၃၀) အား ပိတ်ဆို့ ထားနိုင် ခဲ့ကြောင်း တနင်္လာနေ့က ပြောကြား ခဲ့သည်။ ယခု နိုင်ငံခြား ပိုင်ဆိုင်မှု ထိန်းချုပ် ထားမှုမှာ အမေရိကန် Sanction ကြောင့် ပိတ်ဆို့မှုမှာ အများဆုံး ပမာဏ ဖြစ်သည်။ အကြမ်းဖက်နှင့် ငွေကြေး ဆိုင်ရာ ထောက်လှမ်းရေး ခေတ္တ တာဝန်ခံ David Cohen က ပြောကြား ရာတွင် ယခု အပတ် အကုန်တွင် အမည် မဖော်ပြ လိုသော အမေရိကန် ငွေကြေး အဖွဲ့ အစည်း များသည် ရေနံကြောင့် ချမ်းသာသော လစ်ဗျား အစိုးရ၏ ငွေစာရင်းနှင့် ကဒါဖီ မိသားစု၏ ပိုင်ဆိုင် မှုများကို ဆက်သွယ် မှုများအား ပိတ်ဆို့ ထားနိုင် ခဲ့သည် ဟု ဆိုသည်။ ထိုသို့ ပြုလုပ် ရခြင်းမှာ လွန်ခဲ့သော ဆယ်ရက် အတွင်း ဆန္ဒပြသူ များအား ရက်စက်စွာ နှိမ်နင်းမှု ကြောင့် ကဒါဖီအား ဒဏ်ခတ်ခြင်း၏ အစိတ် အပိုင်း တစ်ခု ဖြစ်သည်။
သုံးရက် အတွင်း ပိတ်ဆို့ နိုင်ခဲ့သော ပိုင်ဆိုင်မှု တန်ဖိုးများသည် လစ်ဗျား အာဏာရှင် ကဒါဖီ ဆယ်စုနှစ် လေးခုခန့် အာဏာ ရယူ ထားစဉ် အတွင်း ကဒါဖီနှင့် ရေနံကြောင့် ချမ်းသာသော တိုင်းပြည်၏ ပိုင်ဆိုင်မှု ပမာဏကြီးကို ပြသနေသည်။ “ကျွန်တော် Sanction အစီ အစဉ်တွေ ကိုင်တွယ် ခဲ့သမျှ အကြီးမားဆုံး ပမာဏကို ပိတ်ဆို့ ခဲ့ရတာပါပဲ” ဟု Mr.Cohen က ပြောသည်။ ယခု အမေရိကန် အစိုးရက ပိတ်ဆို့ အရေးယူ ခဲ့သော ဒေါ်လာ (၃၀) ဘီလီယံ အပြင် ဥရောပ တိုင်းပြည် များနှင့် ဘဏ်များက သီးခြား အမိန့် များဖြင့် အရေးယူ ခဲ့သော ရန်ပုံငွေ များ ရှိနေ သေးသည်။
အုပ်ချုပ်မှု ဆိုင်ရာ တာဝန်ရှိ ပုဂ္ဂိုလ်များက ပြောကြားရာတွင် ကဒါဖီနှင့် လစ်ဗျားသည် အမေရိကန် ပြည်ထောင်စုနှင့် လွန်ခဲ့သော နှစ်နှစ်ကမှ သံတမန် ဆက်ဆံရေး အပြည့်အဝ ပြုလုပ် ခဲ့သည် ပင်လျှင် အမေရိကန်၌ ဒေါ်လာ (၃၀) ဘီလီယံ ရှိသည် ဆိုရာ ဥရောပ တလွှား ချမ်းသာ ကြွယ်ဝမှုများ များစွာ ပျံ့နှံ့ နေမည်မှာ မုချ ဖြစ်သည်ဟု ဆိုသည်။
--------------------------------------------------------------------------------------------------------- ကျူးဘား ကွန်မြူနစ်ပါတီ ခေါင်းဆောင်အဖြစ်မှ ဖီဒယ်ကပ်စထရို နုတ်ထွက်မည်ဟု မျှော်လင့်
(Reuters သတင်း ဌာနမှ 1 Mar 2011 ရက်စွဲပါ “Fidel Castro expected to resign as cuba party chief” သတင်းကို ဘာသာ ပြန်ဆိုသည်)
ကျူးဘား ကွန်မြူနစ် ပါတီမှ သက်တမ်းရှည် ပါတီ ခေါင်းဆောင် ဖီဒယ် ကတ်စထရို နုတ်ထွက်မည်ဟု မျှော်လင့် ရသောကြောင့် ဧပြီလတွင် ကျင်းပမည့် ကွန်ဂရက်တွင် ခေါင်းဆောင်သစ် တင်မြှောက်ရန် ကွန်မြူနစ် ပါတီက ပြင်ဆင်လျက် ရှိသည်ဟု ပါတီနှင့် နီးစပ်သော သတင်း ရပ်ကွက်က ပြီးခဲ့သော သီတင်းပတ် ကုန်တွင် ပြောကြားသည်။
အသက် ၈၄ နှစ် ရှိပြီ ဖြစ်သော ဖီဒယ် ကတ်စထရိုက ပထမ အတွင်းရေးမှူး တာဝန် အများစုကို ယခင်ကပင် လွှဲပြောင်း ထားခဲ့သော်လည်း ခေါင်းဆောင် နေရာကို ဆက်၍ ယူထား ခဲ့သည်။ သူ၏ နောက်ဆုံး ခေါင်းဆောင် နေရာမှ တရားဝင် နှုတ်ဆက် ထွက်ခွာမှုသည် ၄၉ နှစ် တိုင်တိုင် အုပ်ချုပ် ခဲ့သော ကျူးဘားကျွန်း အတွက် ခေတ်သစ် တစ်ခုသို့ ဦးတည်မည့် အထိမ်းအမှတ် သဖွယ် အရေး ကြီးသည့် ခြေလှမ်း တစ်ရပ် ဖြစ်ဖွယ် ရှိသည်။
ကွန်မြူနစ် ပါတီ ဒုတိယ အတွင်းရေးမှူး ဖြစ်သူ သမ္မတ ရာအူး ကပ်စထရိုက ၂၀၀၈ တွင် ဖီဒယ် ကပ်စထရို နုတ်ထွက်သွားသည့် သမ္မတ ရာထူးကို ဆက်ခံခဲ့သည့် အတိုင်း သူ့အကို၏ ပါတီ ခေါင်းဆောင် ရာထူးကို ဆက်ခံရန် တန်းစီလျက် ရှိသည်။
သို့သော်လည်း လက်ရှိ ထိပ်ပိုင်း ရာထူး နေရာများတွင် အခြား ကပ်စထရို မိသားစုဝင် တစ်ဦးမျှ မရှိသောကြောင့် ၁၉၆၅ ပါတီ တည်ထောင်ပြီး နောက်ပိုင်း ကပ်စထရို မိသားစုဝင် မဟုတ်သူ တစ်ဦးက ပထမဆုံး အကြိမ် ဒုတိယ အတွင်းရေးမှူး နေရာကို ရရှိမည့် အလား အလာ ရှိနေသည်။
ကပ်စထရို ညီအကိုများက ပထမနှင့် ဒုတိယ အတွင်း ရေးမှူးများ အဖြစ် ပါတီ၏ ရှေ့ဆောင် ဗဟို ကော်မတီကို ဦးဆောင် နေကြပြီး အဆိုပါဗဟိုကော်မတီရွေးကောက်ပွဲများကို ယခု နှစ်ကုန်တွင် ပြုလုပ်မည့် ပါတီ ညီလာခံ၌ ကျင်းပရန် မူလက မျှော်လင့် ထားခဲ့ကြသည်။ သို့သော်လည်း ရွေးကောက်ပွဲကို တရားဝင် ကွန်ဂရက်၌သာ ကျင်းပ ရမည်ဟု လွှတ်တော် ဥပဒေများက ဆိုသောကြောင့် ဧပြီလသို့ ရွေးပြောင်း လိုက်ခြင်း ဖြစ်သည်ဟု ပါတီ သတင်း ရပ်ကွက်က ပြောကြားသည်။
ကာရစ်ဘီယံ ကျွန်းနိုင်ငံကို ဖီဒယ် ကပ်စထရိုက အာဏာ သိမ်းခဲ့သည့် ၁၉၅၉ တော်လှန်ရေး အတွင်း ပထမဆုံး အာဏာ စတင် ရယူခဲ့ကြသော ကပ်စထရို ညီအကိုများနှင့် အခြား သက်တမ်းလွန် ခေါင်းဆောင်များ၏ နေရာကို မည်သူက အစားထိုး ရယူ နိုင်မည် ဆိုသည်ကို ပါတီ ထိပ်တန်း ရာထူး အပြောင်း အလဲ များက ညွှန်ပြ နိုင်ဖွယ် ရှိသည်ဟု နိုင်ငံတကာ အစိုးရများ၊ ကျူးဘား အရေး လေ့လာ စောင့်ကြည့်သူ များနှင့် ဒေသခံ ပြည်သူများက မျှော်လင့် နေကြသည်။
------------------------------------------------------------------------------------------------------------ ၁၅ မိနစ် လွှတ်တော်
(The Economist မှ 2 March 2011 ရက်စွဲပါ “The 15 minutes Parliament” ကို ဘာသာ ပြန်ဆိုသည်)
မြန်မာ အစိုးရ ဆန့်ကျင် သူများက Burma ဟု ယခုထိ ခေါ်ဝေါ်လျက် ရှိသေးသည့် မြန်မာ နိုင်ငံမှ နောက်ဆုံး သတင်းများကို ရရှိရန် အတွက် ထိုင်းနိုင်ငံ ချင်းမိုင်သို့ ကျွန်တော် ရောက်ရှိ နေပါသည်။ ဇန်နဝါရီ ၃၁ ရက်နေ့က လူသိ ရှင်ကြား ဖွင့်လှစ် လိုက်သည့် မြန်မာ လွှတ်တ်ာသစ်၏ တိုးတက် ဖြစ်ပေါ်မှုနှင့် ပတ်သက်၍ ကျွန်တော် စိတ်ဝင် တစား သိချင် နေမိသည်။ မြန်မာ နိုင်ငံတွင် ၂၂ နှစ် အတွင်း ပထမဆုံး ခေါ်ယူသော ပါလီမန် လွှတ်တော်သည် အရပ်ဖက် အုပ်ချုပ်ရေး စနစ် အောက်ရှိ ဒီမိုကရေစီ စနစ်သစ်ဆီသို့ ထိထိ ရောက်ရောက် လမ်းညွှန် နိုင်ပါ့မည်လား ဆိုသည်မှာ မေးစရာ အချက် ဖြစ်နေပါသည်။
ချင်းမိုင်သည် မြန်မာ နယ်စပ်နှင့် နီးကပ်နေသည့် အားလျော်စွာ နိုင်ငံ တကာ မြန်မာ အစိုးရ ဆန့်ကျင်သူ များ၏ မြို့တော် တစ်ခု သဖွယ် ဖြစ်လာ သည်။ ချင်းမိုင်တွင် နိုင်ငံရေး အကျဉ်းသား ဟောင်းများ၊ ပြည်ပရောက် နိုင်ငံရေး သမားများနှင့် စည်းရုံး လှုပ်ရှားသူများ အပါအဝင် နိုင်ငံ တကာ NGO လုပ်သားများ၊ ပညာရှင်များ၊ နိုင်ငံရေး မူဝါဒ လေ့လာသူများ ရာနှင့် ချီ၍ ရှိနေပြီး ၎င်းတို့ အားလုံး မြန်မာ နိုင်ငံ၏ အရေး ကိစ္စ များနှင့် နက်နက် ရှိုင်းရှိုင်း ပါဝင် ပတ်သက် နေကြသည်။ ထို နေရာတွင် မြန်မာ နိုင်ငံ၏ လက်ရှိ အနေ အထားနှင့် ပတ်သက်သည့် သဘောထား အမြင် များစွာ ရှိနေမည် ကိုလည်း တွေ့မြင် ကြားသိ ခဲ့ရသည်။
ဧရာဝတီ အွန်လိုင်း သတင်းစာကို တင်ဆက် နေသည့် မြန်မာ စာနယ်ဇင်း သမားများ ကဲ့သို့သော နိုင်ငံရေး လှုပ်ရှား သူများသည် နောက်ဆုံး ခံစစ် အဖြစ် ကြိုးပမ်း နေသူများ ဖြစ်၍ နေပြည်တော်မှ အရပ်ဖက် မျက်နှာဖုံး တပ်ထားသော စစ်အစိုးရနှင့် စေ့စပ် ညှိနှိုင်းရေးကို ယင်းတို့က လက်မခံ ကြပေ။ တပ်မတော်သည် တစ်ခု တည်းသော Game ဖြစ်နေ၍ မြန်မာ နိုင်ငံ အတွက် ကောင်းရာ ကောင်းကျိုး ကြိုးစား လိုသူ မှန်သမျှသည် တပ်မတော်နှင့်သာ လက်တွဲ လုပ်ဆောင် ရလိမ့် မည်ဟု စောဒက တက်သူများလည်း ရှိသည်။
၎င်းတို့ကမူ ပြဿနာကို လက်တွေ့ကျကျ ဖြေရှင်း လိုသူများ ဖြစ်သည်။ အာဏာရှင် စနစ်ထက် ဒီမိုကရေစီသို့ ပို၍ ဦးတည်ရန် စစ်အစိုးရက သိသိသာသာ ကြိုးစား လာသည့် အပေါ်တွင် ယုံကြည်မှု ထားလိုသူများ ဖြစ်ကြသည်။
ယခု အခါ သဘော တရားရေး ကျွမ်းကျင် သူများ အပါအဝင် အများစုက အနောက် နိုင်ငံမှ Sanctions များ ရုတ်သိမ်းရေးကို အငြင်း ပွားနေကြသည်။ မြန်မာ နိုင်ငံ၏ ကြွယ်ဝသော ရေနံ၊ ဓာတ်ငွေ့ သတ္တု သယံ ဇာတများကို ကျင့်ဝတ် သိက္ခာ မရှိသည့် တရုတ် နိုင်ငံနှင့် ထိုင်း နိုင်ငံ တို့က နှိုက်ယူ နေခြင်းကို Sanctions များက လုံးဝ တားဆီး နိုင်ခြင်း မရှိ ဟူသော အချက်ကို ငြင်းခုန် နေကြခြင်း ဖြစ်သည်။
သို့သော်လည်း မြန်မာ့ လွှတ်တော် သစ်က အနည်းငယ် မျှသာ အလုပ် လုပ်သည့် လက္ခဏာ ရှိသည် ဟူသော အကြောင်း အရာကိုမူ လူတိုင်းက သဘော တူကြ ပါလိမ့်မည်။
လွှတ်တော် စတင် ဖွင့်လှစ်ပြီး နောက်ပိုင်း တစ်လ အတွင်း စည်းဝေးသည့် အချိန် စုစုပေါင်းမှာ ၉ နာရီ မျှသာ ရှိသည်ကို သိသာ ထင်ရှားစွာ တွေ့မြင် ရပါမည်။ လွှတ်တော် သစ်၏ အစည်း အဝေးများသည် မိနစ် ၂၀ သာ အလွန်ဆုံး ကြာမြင့် သောကြောင့် ကိုယ့်ကိုယ်ကို လေးစားမှု ရှိသော ဗြိတိသျှ ပါလီမန် အမတ် တစ်ဦး လည်ချောင်း ရှင်းသည့် အချိန် လောက်သာ ရှိသည်ဟု ဆိုရမည် ဖြစ်သည်။ လွှတ်တော် အစည်း အဝေးများ၏ ပျမ်းမျှ ကြာချိန် ၁၅ မိနစ် ကြောင့် “၁၅ မိနစ် လွှတ်တော်” ဟူသော ဟာသ စကားလုံး ရေပန်း စားနေသည်။
၁၅ မိနစ် ဆိုသော အချိန်သည် လွှတ်တော် လုပ်ငန်းများ ဆောင်ရွက်ရန် ခွင့်ပြုခြင်း မဟုတ်ပါ ဟုဆိုလျှင် အံ့ဩစရာ မရှိပါ။ စစ်အစိုးရ၏ လွှတ်တော် ကိုယ်စားလှယ် များက လွှတ်တော် လုပ်ငန်း အားလုံးကို ထိန်းချုပ်ကာ အတိုက် အခံ တို့၏ သဘောထား တင်ပြ ငြင်းခုန်ခွင့် အခွင့် အလမ်းကို အင်တိုက် အားတိုက် ကန့်သတ် လိမ့်မည် ဟု ဝေဖန် ဆန်းစစ်သူ များက ယခင်ကပင် စိုးရိမ် ခဲ့ကြပြီး ဖြစ်သည်။ ယခု အချိန် အထိ လွှတ်တော် တွင်းမှ စစ်အစိုးရ လိုလားသော အမတ် အများစုက သမ္မတသစ်နှင့် ဒုတိယ သမ္မတ သစ်များကို တာဝန် ကျေပွန်စွာ ရွေးချယ် ခဲ့ကြ သော်လည်း အစိုးရသစ် ဖွဲ့စည်းခြင်း မရှိသေးပါ။
အကြီးဆုံး တရားဝင် အတိုက် အခံ ပါတီ ဖြစ်သော အမျိုးသား ဒီမိုကရေစီ အင်အားစု NDF ပါတီ၏ လွှတ်တော် အမတ် များသည် ယခု အခါ အလွန်တရာ စိတ်ပျက် လက်ပျက် ဖြစ်နေကြသည် ဟု နိုင်ငံခြားသား အကဲခတ် လေ့လာသူ တစ်ဦး၏ အဆို အရ သိရသည်။ NDF ပါတီသည် နိုဝင်ဘာ ရွေးကောက်ပွဲကို ပါဝင် ယှဉ်ပြိုင်မှုကြောင့် ဒေါ်အောင်ဆန်း စုကြည်၏ NLD ပါတီနှင့် လက်တွဲပြုတ် သွားသည့် အတိုက် အခံ အုပ်စု ဖြစ်သည်။
NDF ပါတီက ရွေးကောက်ပွဲ ဝင်ရောက် ယှဉ်ပြိုင်မှုကို မှန်ကန်ကြောင်း ထုတ်ဖော် ပြောဆို ခဲ့ချိန်က လွှတ်တော် သစ်၏ ထိရောက် မှု အပေါ်တွင် မျှော်လင့်ချက် များစွာ ပုံအပ် ခဲ့ကြချိန် ဖြစ်သည်။ အကယ်၍ လွှတ်တော် သစ်သည် ယခင်လက အတိုင်း အသွား မရှိသော လွှ တစ်ချောင်းသာ ဖြစ်ကြောင်း ပေါ်လွင် ထင်ရှား လာခဲ့လျှင်မူ NDF ၏ ထောက်ခံမှု သည်လည်း သေချာ ပေါက် အားနည်း သွားပါလိမ့်မည်။
အမှန် စင်စစ် NDF က စိုးရိမ် ပူပန် နေခဲ့ သလိုပင် ပြောဆို တင်ပြရန် အခွင့် အလမ်း ကင်းမဲ့သည် သာမကပါ။ အမည် မဖော် လိုသော လွှတ်တော် အမတ် တစ်ဦး ပြောကြားသည့် အတိုင်း ဧရာဝတီက ဖော်ပြ ထားသည်မှာ “ကျွန်တော်တို့ ဒီကို (နေပြည်တော် လွှတ်တော်) ရောက်တဲ့ အခါ လွတ်လွတ် လပ်လပ် သွားခွင့် မရှိဘူး လို့ သတိပေး ခံရပါတယ်။ ထောက်ပံ့ကြေး ရတယ် ဆိုပေမဲ့လည်း ထောင်သားတွေ လိုပါပဲ၊ ကျွန်တော်တို့ အစည်း အဝေး တက်နေချိန်မှာ လက်ဖက် ရည်ခန်း ကိုပဲ သွားခွင့် ရှိတယ်၊ ပြီးရင်တော့ အိမ်ဆောင်ကို ပြန်ပေတော့ပဲ” ဟု ဆိုသည်။
--------------------------------------------------------------------------------------------------------------- ဒုက္ခနွံထဲမှ မြန်မာနိုင်ငံတွင် မျှော်လင့်ချက် တည်ဆောက်ရန် ရှာဖွေခြင်း (သို့) ဒေါ်အောင်ဆန်းစုကြည်နှင့် အမေးအဖြေ
(New Zealand Herald မှ looking to build hope in troubled Burma အမေး အဖြေ ဆောင်းပါးကို ဘာသာ ပြန်ဆိုသည်)
နိုင်ငံရေး ခေါင်းဆောင်များက သူတို့၏ လှုပ်ရှားမှု ကာလ အတွင်း အပြော များသည့် အကြောင်း အရာမှာ သမိုင်းက မေ့လျော့ သလောက် ဖြစ်နေသည့် “အရေးကြီး ပါလျက်နှင့် ကြွင်းကျန် နေသော ကိစ္စရပ် အချို့” ၏ အကြောင်းပင် ဖြစ်သည်။
သူတို့၏ သြဇာနှင့် ကျော်ကြားမှုသည် သူတို့ အာဏာ ရသည်နှင့် တစ်ပြိုင်တည်း စတင် ကုန်ဆုံးလေ့ ရှိပြီး များသော အားဖြင့် သူတို့ ပြောခဲ့သည့် စကားများ အတိုင်း လုပ်ဆောင် နိုင်ခြင်း မရှိကြ သည်ကို တွေ့ရသည်။ မကြာခဏ ဆိုသလိုပင် နိုင်ငံရေး ခေါင်းဆောင်များ၏ ဘဝသည် စာကြည့်တိုက် စာအုပ်စင်ရှိ စာအုပ် တစ်အုပ်ထဲမှ နာမည် တစ်ခု အဖြစ်၊ ကျောင်းသုံး သမိုင်း စာအုပ်ထဲမှ စာပိုဒ် တစ်ခု အဖြစ်၊ ညပိုင်း ပဟေဠိ ဥာဏ်စမ်း အစီ အစဉ်မှ အဖြေ တစ်ခု အဖြစ်သို့ ရောက်ရှိ သွားသည် ကိုလည်း တွေ့မြင် ကြရသည်။
ဒေါ်အောင်ဆန်း စုကြည်မှာမူ ထိုသို့ မဟုတ်ပဲ သူမ၏ နိုင်ငံရေး ဘဝကို အရှည် သဖြင့် ရပ်တည် လှုပ်ရှား သွားရန် ရည်ရွယ် ထားပုံ ရသည်။
သူမ၏ ပြည်သူများက ချစ်စနိုးဖြင့် လေဒီဟု ခေါ်ကြသော ဒေါ်အောင်ဆန်း စုကြည်သည် မြန်မာ ဒီမိုကရေစီ လှုပ်ရှားမှု၏ ပြောရေး ဆိုခွင့် ရှိသူ အမျိုးသမီး တစ်ဦး အဖြစ် သာမကပဲ ထိုလှုပ်ရှားမှု၏ လက္ခဏာ ပြယုဂ် တစ်ခု အဖြစ် ရပ်တည်လျက် ရှိသည်။
ခေတ်သစ် ဂန္ဓီနှင့် တူသော သူမသည် လူသားတို့ အတွက် အမြဲတမ်း အားကိုး အားထား ပြုရမည့် လွတ်လပ်မှု၊ စွန့်လွှတ်မှု၊ ခံနိုင်ရည် ရှိမှု၊ ငြိမ်းချမ်းမှု၊ ရဲရင့်မှု၊ ခွင့်လွှတ်မှု၊ အရေးကြီးဆုံး ဖြစ်သည့် မျှော်လင့်မှု စသည့် အချိန်မရွေး အမြဲ မှန်ကန်သည့် အတွေး အမြင် များဖြင့် နေထိုင် ရှင်သန်လျက် ရှိပေရာ ထို့အတွက် အကြောင်း ပြချက် အနည်းငယ်သာ ရှိပါလိမ့်မည်။
မြန်မာ နိုင်ငံမှ ဖိနှိပ် ချုပ်ချယ်သော စစ်ဖက် အုပ်ချုပ် သူများကို လူသိ ရှင်ကြား ဆန့်ကျင်မှုကြောင့် ရန်ကုန်မြို့ နေအိမ်တွင် ၁၅ နှစ် ရှိပြီ ဖြစ်သော်လည်း ယနေ့တိုင် အကြောက် အရွံ့ မရှိ ရဲရင့် နေထိုင်ဆဲ ဖြစ်သည်။
နေအိမ် အကျယ်ချုပ်မှ လွတ်လာသည်မှာ ၂ လမျှသာ ရှိသေး သော်လည်း မြန်မာနိုင်ငံမှ အခက် အခဲများနှင့် ပတ်သက်၍ လူသိ ရှင်ကြား ပြောဆိုမှုကြောင့် သူမ၏ လွတ်လပ်ခွင့် အပေါ် ထိခိုက် နိုင်သည့် အလား အလာနှင့် ရင်ဆိုင် နေရသည်။
မြန်မာ အစိုးရကက ဒေါ်အောင်ဆန်း စုကြည်ကို လွှတ်ပေး ခဲ့သော်လည်း မြန်မာနိုင်ငံမှ သံတိုင်များ၏ နောက်တွင် နိုင်ငံရေး အကျဉ်းသား ၂၀၀၀ ကျော် ကျန်ရှိ နေဆဲ ဖြစ်သည်။
မြန်မာ နိုင်ငံ၏ ထင်ရှားသော လွတ်လပ်ရေး ဗိသုကာ ဗိုလ်ချုပ် အောင်ဆန်း၏ သမီး ဖြစ်သူ ငြိမ်းချမ်းရေး နိုဘယ်ဆုရှင် ဒေါ်အောင်ဆန်း စုကြည်သည် မြန်မာ့ နိုင်ငံရေး နယ်ပယ်ထဲသို့ ၁၉၈၈ တွင် ဝင်ရောက်လာခဲ့ပြီး သူမ ဦးဆောင်သော NLD ပါတီက ၁၉၉၀ ရွေးကောက်ပွဲတွင် အောင်ပွဲ ခံခဲ့သော်လည်း အာဏာ လက်မလွှတ် လိုသည့် တပ်မတော် အစိုးရက အဆိုပါ ရလဒ်ကို ငြင်းပယ်ကာ သူမကို ထိန်းသိမ်း ခဲ့သည်။
သူမတွင် သားနှစ်ယောက် ရှိပြီး သားအငယ် Kim Aris သည် မကြာ သေးမှီက မြန်မာ ပြည်ဝင်ခွင့် ဗီဇာ ရရှိသောကြောင့် ၁၀ နှစ် အတွင်း ပထမဆုံး အကြိမ် အဖြစ် သူမနှင့် တွေ့ဆုံခွင့် ရခဲ့သည်။
Herald : ၂၀၁၁ ကနေ ရှေ့ကို ကြည့်မယ် ဆိုရင် မြန်မာ နိုင်ငံရဲ့ အနာဂတ်ကို ခင်ဗျား ဘယ်လို မြင်သလဲ၊ ဒီအနာဂတ်မှာ ခင်ဗျားက ဘယ်လို ကဏ္ဍမျိုးကနေ ပါဝင်မလဲ၊
ASSK : ကောင်းပါပြီ၊ ၂၀၁၁ အတွက် ပြောရမယ် ဆိုရင် ပြည်သူတွေက သူတို့မှာ အပြောင်း အလဲကို ဆောင်ကြဉ်းဖို့ စွမ်းရည် ရှိတယ် ဆိုတာကို နားလည် သဘော ပေါက်အောင် လုပ်ဖို့ အတွက် ကြိုးစားဖို့ လိုအပ် နေတယ်လို့ မြင်ပါတယ်။ ကျွန်မ အဖြစ် ချင်ဆုံး ဆန္ဒကတော့ ပြည်သူတွေကို ခွန်အား ဖြည့်ပေးဖို့နဲ့ ဒီနိုင်ငံမှာ အပြောင်း အလဲကို လုပ်ဆောင် နိုင်သူဟာ သူတို့ ကိုယ်တိုင် ပဲလို့ နားလည် သဘော ပေါက်အောင် လုပ်ပေး ချင်တာပါ။
Herald : မြန်မာ ပြည်သူတွေက သူတို့ရဲ့ မျှော်လင့်ချက် တွေကို ခင်ဗျားအပေါ် ပုံအပ်ထား တယ်လို့ ထင်ပါတယ်။ ခင်ဗျားအပေါ် ပုံအပ် ထားတယ်လို့ ထင်ပါတယ်။ ခင်ဗျားကို မြန်မာ နိုင်ငံရဲ့ ကယ်တင်ရှင်လို့ မြင်နေ တာဟာ သူတို့ အတွက် မှန်ကန် တယ်လို့ ယူဆ ပါသလား၊
ASSK : သူတို့ရဲ့ မျှော်လင့် ချက်တွေကို သူတို့ အပေါ်မှာပဲ ပုံအပ် သင့်တယ်လို့ ကျွန်မ ထင်ပါတယ်။ စွန့်စား ကြိုးပမ်းမှု မရှိရင် မျှော်လင့် လို့လည်း မရနိုင်ဘူးလို့ ပြည်သူတွေကို ကျမ အမြဲတမ်း ပြောပါတယ်။ တကယ်လို့ သူတို့မှာ မျှော်လင့်ချက် တစ်ခုခု ရှိတယ် ဆိုရင် သူတို့ရဲ့ မျှော်လင့်ချက်တွေ တကယ် ဖြစ်လာအောင် သူတို့ လုပ်ကြရမှာပါ။ ကျွန်မတို့ တိုင်းပြည်ရဲ့ မျှော်လင့်ချက်တွေ တကယ် ဖြစ်လာအောင် ကူညီဖို့ အတွက် ကျွန်မ တတ်နိုင် သမျှ အရာ အားလုံးကို လုပ်သွားမှာပါ။ ဒါပေမဲ့ သူတို့ ကလည်း သူတို့ရဲ့ အပိုင်းကို သူတို့ လုပ်ကြရမှာပါ။
Herald : ၂၀၁၁ နှစ် ကုန်မှာ အရေး ကြီးတဲ့ ဖြစ်ရပ် နှစ်ခု မြန်မာ နိုင်ငံမှာ ဖြစ်ပေါ် ခဲ့ပါတယ်။ နိုဝင်ဘာ ရွေးကောက်ပွဲ နဲ့ ခင်ဗျားရဲ့ လွတ်မြောက်မှုပေါ့။ ဒီဖြစ်ရပ် တွေကို အပြု သဘော ဆောင်တဲ့ ပြောင်းလဲမှု လက္ခဏာ အဖြစ် မြင်လို့ ရနိုင်မယ်လို့ ထင်ပါသလား။
ASSK : ကျွန်မ အကျယ်ချုပ် ကနေ လွတ်လာ တာကတော့ ကျွန်မကို ထိန်းသိမ်း ထားတဲ့ သက်တမ်း ပြည့်သွားလို့ ဆိုတဲ့ အချက်ကြောင့်ပါ။ ဘယ်လိုပဲ ဖြစ်ဖြစ်၊ ကျွန်မကို ဆက်ပြီး ထိန်းသိမ်း ထားဖို့ ဆိုတာက တရားဝင် မဖြစ်နိုင်ဘူးလေ။ တကယ် ကတော့ သူတို့ လုပ်ချင်ရင် ဘာမဆို လုပ်နိုင်တာပါပဲ။ ဒါပေမဲ့ တရားဝင်အောင် လုပ်တာက ပိုကောင်း တယ်လို့ သူတို့ ဆုံးဖြတ် ခဲ့တယ်လို့ ကျွန်မ ထင်ပါတယ်။ ဒါကြောင့် ဒီကိစ္စကို သာမန်ထက် ထူးခြားတဲ့ ဖြစ်ရပ် တစ်ခုလို့ ကျွန်မ မယူဆပါဘူး။ ရွေးကောက်ပွဲ ကိစ္စကို ပြောရမယ် ဆိုရင် ဒါက သူတို့ လွန်ခဲ့တဲ့ နှစ်အနည်းငယ်က စီစဉ် ရေးဆွဲ ထားကြတဲ့ လမ်းညွှန် မြေပုံရဲ့ အဆင့် တစ်ခုပါ။ ဒါကြောင့် ရွေးကောက်ပွဲကို အသစ် ဖြစ်ပေါ် တိုးတက်မှု တစ်ခုလို့ ကျွန်မ မယူဆပါဘူး။ ဒီရွေးကောက်ပွဲဟာ သူတို့ ထုတ်ပြန် ထားပြီးသား လမ်းညွှန် မြေပုံရဲ့ အဆင့် တစ်ခုသာ ဖြစ်ပါတယ်။
Herald : ဝေဖန် ဆန်းစစ်သူတွေ ကတော့ နိုဝင်ဘာ ရွေးကောက်ပွဲဟာ မြန်မာနိုင်ငံရဲ့ လက်ရှိ အုပ်ချုပ်ရေး ပုံစံကို ဆက်ပြီး ထိန်းသိမ်းဖို့ ရည်ရွယ်တဲ့ လှည့်စားမှုကြီး တစ်ခု ဖြစ်ပြီး နိုင်ငံတကာ အသိုင်း အဝိုင်းရဲ့ အမြင်မှာ တရားဝင် ဖြစ်အောင် လုပ်တာလို့ ပြောကြပါတယ်။ ခင်ဗျားကော သဘော တူပါသလား။ ဒီရွေးကောက်ပွဲ ကနေ ထွက်ပေါ် လာတဲ့ ကောင်းတဲ့ အချက် တစ်ခုလောက် ရှိတယ်လို့ ထင်ပါသလား။
ASSK : ရွေးကောက်ပွဲ တွေမှာ ဘယ်လို ကိစ္စမျိုးတွေ မရှိသင့်ဘူး။ ရွေးကောက်ပွဲ တွေကို ဘယ်လို ပုံမျိုးနဲ့ မပြုလုပ်သင့်ဘူး စတာတွေကို ပြည်သူ တချို့ နားလည်သွားအောင် လုပ်နိုင် ခဲ့တယ်လို့ ကျွန်မ ထင်ပါတယ်။ တကယ်လို့ ရွေးကောက်ပွဲ တွေမှာ ဒီမိုကရေစီ ရှိတယ်လို့ ဆိုနိုင်ဖို့ ဆိုရင် ဘယ်အရာ တွေကို မလုပ်သင့်ဘူး ဆိုတာကို ပြည်သူတွေ နားလည်အောင် စပြီး လုပ်ပေး နိုင်ခဲ့တယ် ဆိုရင် ဒါဟာ ကောင်းတဲ့ အချက် တစ်ခုလို့ ကျွန်မ ထင်ပါတယ်။
Herald : စစ်ဖက် အုပ်ချုပ်သူ တွေကို နှောင်ဖွဲ့ ထားတဲ့ အရာတွေ ရှိတယ်လို့ ထင်ပါတယ်။ တကယ်လို့ ဒီမိုကရေစီ စနစ်ကို ဦးတည် ချင်တယ်လို့ သူတို့ အမှန် တကယ် ဆုံးဖြတ် ခဲ့မယ် ဆိုရင်တောင် ပြည်သူတွေကို အာဏာ ပိုမို လွဲပြောင်း ပေးခြင်း အားဖြင့် သူတို့ကိုယ် သူတို့ အန္တရာယ် တွင်းထဲ တွန်းပို့သလို ဖြစ်မှာကို စိုးရွံ့နေမယ် ဆိုတာ သံသယ ရှိစရာ မလိုပါဘူး။ ဥပမာ လူသားထု အပေါ် ကျူးလွန်တဲ့ ရာဇဝတ်မှုတွေ အတွက် စစ်ဆေး ခံရတာ မျိုးပေါ့။ ဒီစိုးရွံ့မှု အနှောင် အဖွဲ့ကနေ လွတ်နိုင်မယ့် နည်းလမ်း မရှိဘူးလား။
ASSK : နှစ်ဖက် စလုံး အတွက် စဉ်းစားပုံ စဉ်းစားနည်း အသစ် လိုအပ်မယ်လို့ ကျွန်မ ထင်ပါတယ်။ ပြည်သူ တွေဖက် ကလည်း အရာရာကို ပြောင်းလဲနိုင်ဖို့ သူတို့ရဲ့ စွမ်းရည် အပေါ် ပိုမို ယုံကြည်မှု ရှိဖို့ လိုအပ် သလို၊ တစ်ချိန် တည်းမှာပဲ အာဏာပိုင်တွေ ဖက်ကလည်း ပြည်သူတွေကို ရန်သူလို သဘော မထား သင့်ဘူး ဆိုတဲ့ အတွေး အခေါ်မျိုး ရှိလာဖို့ လိုအပ် တယ်လို့ ကျွန်မ ထင်တယ်လေ။
Herald : နယူးဇီလန် ပြည်သူ အများစုက ခင်ဗျားနဲ့ ခင်ဗျားရဲ့ မြန်မာ့ ဒီမိုကရေစီ အရေး လှုပ်ရှားမှုကို အားပေး ထောက်ခံကြပါတယ်။ သူတို့ အတွက် ပြောချင်တဲ့ စကား တစ်ခုခု မရှိဘူးလား။ မြန်မာ နိုင်ငံမှာ ပြောင်းလဲမှု တစ်ခုခု ဖြစ်အောင် လုပ်ဖို့ သာမန် နယူးဇီလန် ပြည်သူတွေ အတွက် အမှန် တကယ် ဖြစ်နိုင်ခြေ ရှိရဲ့လား။
ASSK : အို မှန်တာပေါ့ရှင်၊ တကယ်ကို ရှိပါတယ်။ ကျွန်မတို့ရဲ့ လှုပ်ရှားမှုကို ထောက်ခံသူ မှန်သမျှဟာ ကျွန်မတို့ကို ခွန်အားတွေ အများကြီး ပေးပါတယ်။ ဘယ်လောက်ပဲ သေးငယ် ပါစေ တစ်နည်းနည်း နဲ့တော့ အထောက် အကူ ပြုပါတယ်။ ကျွန်မတို့ လှုပ်ရှားမှုကို စိတ်ဝင် တစား ရှိတဲ့ အတွက် နယူးဇီလန် ပြည်သူတွေကို ကျွန်မက တကယ့်ကို နှစ်နှစ် ကာကာ ကျေးဇူး တင်ပါတယ်လို့ ပြောပါရစေ။ ဒါတင် မကသေး ပါဘူး။ နယူးဇီလန် ဆိုတာ ကျွန်မတို့နဲ့ အလှမ်း ဝေးတဲ့ အပြင် လုံးဝ ကွဲပြား ခြားနားတဲ့ လူ့အဖွဲ့အစည်း တစ်ခု ဖြစ်နေ ပါလျက်နဲ့ မြန်မာ ပြည်သူတွေရဲ့ အခွင့် အရေး တွေနဲ့ ပတ်သက်ပြီး ထိထိ ရောက်ရောက် ဂရုတစိုက် ရှိကြတဲ့ အချက်ကြောင့် ကျွန်မတို့ရဲ့ စိတ်ဓာတ်ကို အကြီး အကျယ် မြှင့်တင် ပေးနိုင်ပြီး ခွန်အား ဖြစ်စေပါတယ်။ မြန်မာ နိုင်ငံမှာ ဒီမိုကရေစီ ကွန်ယက် ထူထောင်ဖို့ ကျွန်မ ကြိုးစား နေပါတယ်။ နယူးဇီလန် ပြည်သူ တွေဟာ ဒီလှုပ်ရှားမှုမှာ အားကောင်းပြီး တက်ကြွတဲ့ အစိတ် အပိုင်း တစ်ရပ် ဖြစ်လာ မယ်လို့ ကျွန်မ မျှော်လင့်ချင်ပါတယ်။
Herald : 2010 ဇန်နဝါရီလ မှာ သြစတြေးလျနဲ့ နယူးဇီလန် ကုန်သွယ်ရေး၊ လွတ်လပ်ဇုန် (FTA) ကို ထူထောင် ခဲ့ပါတယ်။ ဒီစာချုပ်ဟာ သြစတြေးလျ၊ နယူးဇီလန်နဲ့ မြန်မာ ပါဝင်တဲ့ အာဆီယံ အဖွဲ့ဝင် နိုင်ငံတွေ အကြား ကုန်သွယ်ရေး သဘော တူညီချက် တစ်ခုပါ။ နယူးဇီလန်လို နိုင်ငံတွေ အနေနဲ့ မြန်မာ နိုင်ငံနဲ့ စီးပွားရေး၊ ကုန်သွယ်ရေး ပူးပေါင်း ဆောင်ရွက်မှု အဆင်ပြေ ချောမွေ့စေမယ့် ဒီလို သဘောတူ စာချုပ်မျိုးကို လက်မှတ် ထိုးသင့်တယ်လို့ ထင်ပါသလား။
ASSK : မြန်မာ နိုင်ငံနဲ့ ပတ်သက်လို့ နယူးဇီလန်က ဘယ်လို စီးပွားရေး လှုပ်ရှားတွေကိုပဲ လုပ်လုပ်၊ ဒီနိုင်ငံမှာ အလုပ်သမား အခွင့် အရေးတွေနဲ့ သက်ဆိုင်တဲ့၊ တာဝန်သိမှု၊ ပွင့်လင်း မြင်သာမှု တခြား မရှိမဖြစ် ဒီမိုကရေစီ တန်ဖိုး တွေနဲ့ သက်ဆိုင်တဲ့ ဒီလို မူဝါဒမျိုးတွေ ရှိဖို့ လိုအပ်တယ် ဆိုတာကို တကယ်ကို ရှင်းရှင်း လင်းလင်း ထည့်သွင်း စဉ်းစားတာ သေချာတယ် ဆိုရင် ကျွန်မတို့က လိုလို လားလား သဘောကျ လက်ခံရမှာပါ။
Herald : မြန်မာနိုင်ငံကို လာလည်ချင်တဲ့ နယူးဇီလန် တိုးရစ်တွေကို လတ်တလော ဘယ်လို အကြံဥာဏ် ပေးမလဲ၊ ဘာကြောင့်လဲ
ASSK : ခရီးသွား လုပ်ငန်း Tourism နဲ့ ပတ်သက်တဲ့ မူဝါဒကို ကျွန်မတို့ စဉ်းစား လုပ်ကိုင် နေတုန်းပါ။ ဘယ်လို တိုးရစ် အမျိုး အစားလဲ၊ တိုးရစ်တွေ လာအောင် ဘယ်လို နည်းနဲ့ ကြိုဆိုမလဲ၊ သူတို့ ဘယ်လို လာကြမလဲ၊ တိုင်းပြည် အနှံ့ ဘယ်လို သွားကြမလဲ၊ ဘယ်လို ဟိုတယ် အမျိုး အစားကို သုံးသင့်သလဲ၊ ဘယ်လို Facilities တွေကို အသုံးပြု သင့်သလဲ၊ ဘာတွေကို လေ့လာ ကြည့်ရှု သင့်သလဲ စတဲ့ အချက်တွေ ပါဝင်ပါတယ်။
Herald : ဒီလို ပုံစံနဲ့ လုပ်မယ် ဆိုရင် ပိုက်ဆံတွေ အစိုးရ ဆီထက် ပြည်သူတွေ ဆီကို တိုက်ရိုက် ရောက်လာ မယ်လို့ ခင်ဗျား ဆိုလို ချင်တာလား။
ASSK : မှန်တာပေါ့၊ ဒီနည်းနဲ့ ဆိုရင် ခရီးသွား Tourism လုပ်ငန်းဟာ အာဏာပိုင် တွေထက် ပြည်သူ တွေကိုသာ အကျိုး ဖြစ်ထွန်း စေမှာပါ။
Herald : ခင်ဗျားရဲ့ သားငယ် Kim က ၁၀ နှစ်အတွင်း ပထမဆုံး အကြိမ် ခင်ဗျားနဲ့ တွေ့ဖို့ မကြာ သေးခင်ကပဲ မြန်မာပြည်ကို လာခွင့် ရတယ်နော်။ အချိန်တွေ ကြာပြီးမှ သူ့ကို မြင်ရတော့ ဘယ်လို ဖြစ်သွားလဲ၊
ASSK : ကြည်နူးစရာပေါ့ရှင်၊ ၁၀ နှစ်လောက် ခွဲခွာ နေရ တယ်လို့ ကျွန်မတို့ မခံစား မိတာကတော့ သဘော ကျစရာ အကောင်းဆုံး ပဲလို့ ကျွန်မ ထင်ပါတယ်။ တကယ် ပျော်စရာပါ။ ကျွန်မတို့ အမြဲတမ်း ရင်းနှီး ခဲ့သလိုပဲ တစ်ဦးနှင့် တစ်ဦး အရမ်း ရင်းနှီးမှု ရှိတယ်လို့ ခံစား ရပါတယ်။
Herald : ခင်ဗျားရဲ့ သား လာလည်တဲ့ အတော အတွင်း အထူး တလည် အမှတ်ရ စရာ ကိစ္စ တစ်ခုခု မရှိဘူးလား
ASSK : အတူ ရှိနေကြရုံ လောက်ပါပဲလို့ ကျွန်မ ထင်ပါတယ်။ တစ်ရက် ကတော့ သိပ်ကိုကောင်း မနက်စာကို သူက ချက်ပေး တယ်လေ၊ ကျွန်မကတော့ သူ့ကို ချက်ပြုတ် ကျွေးဖို့ အချိန် မရှိပါဘူး။
Herald : သူက ဘာတွေ ချက်ပေးသလဲ။
ASSK : မှိုနဲ့ ကြက်ဥ မွှေကြော်လေ၊ အရမ်း အရသာ ရှိပါတယ်။ သူက ဟင်းချက် ကောင်းတဲ့သူ တစ်ယောက်ပဲ။
Herald : သူ့ကို နောက်တစ်ကြိမ် ထပ်တွေ့ရဖို့ ခင်ဗျား မျှော်လင့်ချက် ထားသလား၊ သူနောက် တစ်ကြိမ် လာခွင့် ရဦး မယ်လို့ ထင်ပါ သလား။
ASSK : မျှော်လင့် တာပေါ့ရှင်။ မကြာခင်မှာ သူနောက်ထပ် လာခွင့် ရဦးမယ်လို့ ကျွန်မတို့ နှစ်ဦးလုံး မျှော်လင့်ထား ကြပါတယ်။ ဒါပေမဲ့ ဒီကိစ္စက အကြောင်း အရာ အများကြီး ပေါ်မှာ မူတည် နေတယ်လေ။ သူ့မှာလည်း တစ်ခြား တာဝန်တွေ ရှိတာကိုး။
Herald : ခင်ဗျားအခု အကျယ်ချုပ် ကနေ လွတ်လာပြီ ဆိုတော့ ခင်ဗျားရဲ့ လုံခြုံမှု၊ ဘေးကင်းမှုနဲ့ ပတ်သက်လို့ စိုးရိမ်မှု ရှိသလား၊ ထပ် အဖမ်းဆီး ခံရနိုင်တဲ့ အန္တရာယ်ကို စိုးရွံ့မှုရှိသလား။
ASSK : အမှန် အတိုင်း ဝန်ခံ ရမယ် ဆိုရင် ကျွန်မ အဲဒီ ကိစ္စကို အများကြီး မစဉ်းစားပါဘူး။ ပြည်သူတွေ ကတော့ ကျွန်မ လုံခြုံရေးနဲ့ ပတ်သက်ပြီး ပြောဆို နေကြတာတော့ ရှိပါတယ်။ ဒါပေမဲ့ ကျွန်မ အပါ အဝင် မြန်မာ နိုင်ငံသား အားလုံးရဲ့ လုံခြုံမှုကို စောင့်ရှောက် ရမှာက အစိုးရရဲ့ တာဝန် ပဲလို့ ကျွန်မ ယုံကြည် ထားပါတယ်။
----------------------------------------------------------------------------------------------------------------- ရုရှားနိုင်ငံမှ MiG-29 ဂျက်တိုက် လေယာဉ်များ မတ်လတွင်း မြန်မာသို့ရောက်မည်
(Flight Global မှ သတင်းကို ဘာသာ ပြန်ဆိုခြင်း ဖြစ်သည်)
မြန်မာ နိုင်ငံသည် ယခု မတ်လ အတွင်း ရုရှား နိုင်ငံမှ RSK MiG-29 အမျိုး အစား ဂျက်တိုက် လေယာဉ် အစင်း ၂၀ လက်ခံ ရယူမည် ဖြစ်ကြောင်း Flight Global သတင်း ဌာန ရေးသားချက် အရ သိရသည်။ အမေရိကန် ဒေါ်လာ ၅၅၃ သန်း တန်ဖိုးဖြင့် အရောင်း အဝယ် ဖြစ်ထားသော အဆိုပါ ဂျက်တိုက် လေယာဉ် အစင်း ၂၀ ရောက်ရှိ လာပါက မြန်မာ နိုင်ငံ တွင် MiG အမျိုး အစား လေယာဉ် စင်းရေ နှစ်ဆ ပိုဖြစ် လာမည်ဟု ဆိုသည်။
ပြီးခဲ့သည့် ၂၀၀၉ ခုနှစ်၊ နိုဝင် ဘာလတွင် အော်ဒါ မှာယူ ခဲ့သည့် အဆိုပါ လေယာဉ်များကို မြန်မာ နိုင်ငံသို့ သုံးသုတ် ခွဲကာ တင်ပို့မည် ဖြစ်ကြောင်း၊ ပထမ အသုတ်တွင် MiG-29B အမျိုးအစား ၁၀ စင်း၊ ဒုတိယ အသုတ်တွင် ပိုင်းလော့ တစ်ဦးသာ မောင်းနှင် နိုင်သည့် MiG-29SE အမျိုး အစား ခြောက်စင်း၊ တတိယ အသုတ်တွင် MiG-29UB အမျိုး အစား လေးစင်း ပါဝင်မည် ဖြစ်ကြောင်း Flight Global ကဆိုသည်။ ယခု အရောင်း အဝယ် ဖြစ်မှုကြောင့် MiG-29 ထုတ်လုပ် သောRSK Lukhovitsy စက်ရုံ၌ MiG-29B/SE အမျိုး အစားများ လက်ကျန် ရှိတော့မည် မဟုတ်ပေ။
မြန်မာ နိုင်ငံမှ ဝယ်ယူသော အဆိုပါ ဂျက်တိုက် လေယာဉ်များကို သာမန် ပြည်ပ တင်ပို့မှု အစီ အစဉ်ဖြင့် လွှဲပြောင်း ပေးပို့မည် ဖြစ်ပြီး Analogue Instruments နှင့် Phazotron N-019 အမျိုး အစား ရေဒါများလည်း ပါဝင်မည် ဖြစ်သည်ဟု ဆိုသည်။ မြန်မာနိုင်ငံသည် ယခင်က ဘီလာရုစ် နိုင်ငံမှ အသုံးပြု ပြီးသား MiG-29 ဂျက်တိုက် လေယာဉ်များကို ဝယ်ယူ ခဲ့သော်လည်း နောက်ပိုင်း ကာလ များတွင် ယင်းလေယာဉ်များ ထုတ်လုပ်သည့် မူလ ကုမ္ပဏီနှင့် ရုရှား စစ်လက်နက် တင်ပို့ ရောင်းချရေး ကုမ္ပဏီ တစ်ခု ဖြစ်သော Rosoboronexport ကို ဆက်သွယ် ခဲ့သည်။
မော်စကို အစိုးရကလည်း လက်နက်များနှင့် အပို ပစ္စည်းများ ရောင်းဝယ် ရာတွင် လည်းကောင်း၊ လေ့ကျင့်ရေး သင်တန်းများ ပေးရာတွင် လည်းကောင်း မြန်မာ နိုင်ငံကို အကူ အညီ ပေးခဲ့သည်။ ထို့ပြင် မြန်မာ နိုင်ငံရှိ လေတပ် အခြေစိုက် စခန်း တစ်ခုတွင်လည်း Stimulator တစ်ခု တပ်ဆင် ပေးခဲ့သည်။
ယခုလို RSK MiG မှ ဂျက်တိုက် လေယာဉ်များ ထပ်မံ ဝယ်ယူ လိုက်ခြင်းသည် မြန်မာ နိုင်ငံရှိ လေတပ် အင်အားကို ပိုမို ကောင်းမွန် သွားစေပြီး စစ်မက် ဖြစ်ပွားရန် ပြင်ဆင် ပေးလိုက် သကဲ့သို့ ဖြစ်ကြောင်း သတင်း ရင်းမြစ် များက ဆိုသည်။ လက်ရှိ အနေ အထားတွင် မြန်မာ့ တပ်မတော် (လေ) ၌ MiG-29 အမျိုးအစား ဂျက်တိုက် လေယာဉ် ၁၂ စင်း ပိုင်ဆိုင် ထားကြောင်း Flight Global ၏ MiliCAS သတင်း အချက် အလက်များ အရ သိရသည်။
ဤအတော အတွင်းမှာပင် RSK MiG က အိန္ဒိယ ကုမ္ပဏီများနှင့် ပူးပေါင်းကာ ထောက်ပံ့ ပို့ဆောင်ရေး စနစ်သစ် တစ်ခုကို ထူထောင်မည် ဖြစ်ကြောင်း၊ အဆိုပါ စနစ်သစ်က အိန္ဒိယရှိ MiG-29 ဂျက်တိုက် လေယာဉ်များ အပါအဝင် မြန်မာနှင့် မလေးရှား နိုင်ငံ လေတပ်များမှ ဂျက်တိုက် လေယာဉ်များ အတွက် Customer Support များ ပြုလုပ် ပေးနိုင် မည် ဖြစ်ကြောင်း ပြောကြား လိုက်သည်။
| 
Posts
