Transparency Myanmar: Jul 9, 2010

ယခုနှစ် ကမ္ဘာလုံးဆိုင်ရာ စီးပွားရေး တိုးတက်မှုသည် ၄ ရာခိုင်နှုန်းမှ ၄ ဒဿမ ၅ ရာခိုင်နှုန်း အထိ တိုးမြင့်လာကြောင်း နိုင်ငံတကာ ငွေကြေး ရန်ပုံငွေအဖွဲ့ (IMF) က ကြိုတင် ခန့်မှန်းချက်ကို တိုးမြှင့် ပြောဆိုလိုက်သည်။

အာရှဒေသ စီးပွားရေး စီးပွားရေး အဆမတန် ဖွံ့ဖြိုးမှုကြောင့် ယခုနှစ် ပထမပိုင်းတွင် ကမ္ဘာ့ စီးပွားရေးသည် အင်အား ကောင်းမွန်စွာ တိုးတက်လာကြောင်း IMF က ဆိုသည်။ ဖွံ့ဖြိုးပြီး နိုင်ငံများ စီးပွားရေး တိုးတက်မှုမှာ တော်သင့်ရုံ အနေအထားမျှသာ ရှိခဲ့သော်လည်း ပြန်လည် နာလန် ထူနိုင်ရေးအတွက် ပုံမှန် လုပ်ဆောင်နိုင်ခဲ့သည်။

သို့သော် စီးပွားရေး အကျပ်အတည်း ဖြစ်မည့် အန္တရာယ်များ တိုးမြင့်လာပြီး ငွေကြေး တည်ငြိမ်မှု ဖော်ဆောင်ရာတွင် အနှောင့်အယှက်များ၊ တုံ့ဆိုင်းမှုများ ရှိခဲ့သည်ကို တွေ့ရကြောင်း IMF က သတိပေးသည်။

ကြွေးမြီကိစ္စ

ပထမကမ္ဘာမှ အစိုးရများ၏ ဘဏ္ဍာ စဉ်ဆက်မပြတ် တည်တံ့ ခိုင်မြဲရေးနှင့် ပတ်သက်၍ စိုးရိမ်စရာများ ရှိကြောင်း၊ အထူးသဖြင့် ဂရိနှင့် ဥရောပ ဒေသမှ အခြားနိုင်ငံများမှ အစိုးရ ဘဏ္ဍာနှင့် ပတ်သက်သော အရေးကိစ္စများက ကမ္ဘာလုံးဆိုင်ရာ စီးပွားရေး နာလန်ထူမှုကို အဓိက ခြိမ်းခြောက်ခဲ့ကြောင်း IMF က ဆိုသည်။

အစိုးရများ အနေဖြင့် ဘဏ္ဍာရေး အခြေအနေ ကောင်းမွန်ရေးကို အဓိက အာရုံ စိုက်သင့်ကြောင်း၊ သို့သော် ဘဏ္ဍာသုံးစွဲမှု လျှော့ချခြင်းများ လွန်စွာ မပြုလုပ်သင့်ကြောင်း သတိပေးထားသည်။

လတ်တလော ရက်သတ္တပတ်များတွင် အစိုးရ အတော်များများသည် ဘဏ္ဍာရေး လိုငွေပြမှု လျှော့ချရေးအတွက် ချွေတာရေး အစီအမံများကို လုပ်ဆောင်ရန် တွန်းအား ပေးနေသည်ကို တွေ့ရသည်။

အထူးသဖြင့် ဥရောပဘဏ်များသည် အစိုးရများ၏ ကြွေးမြီနှင့် ပတ်သက်သော ပြဿနာများ၏ ရိုက်ခတ်မှု ဒဏ်ကို ခံစားနေရသည်ဟု IMF က ဆိုသည်။ ထို့ပြင် ဘဏ်များ အချင်းချင်း ငွေထုတ်ချေးရန် ဆန္ဒ လျော့နည်းနေသည်ဟု ဆိုသည်။ ကျယ်ပြန့်သော စီးပွားရေး တစ်ရပ်အတွက် ကြွေးမြီ နည်းပါးနေခြင်းသည် ပြန်လည် နာလန်ထူရေး ဆောင်ရွက်ချက်များကို ထိခိုက်စေသည်ဟု သတိပေးသည်။

BBC သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:1769} မြန်မာကို တရုတ်က သယံဇာတ ရရှိနိုင်ရေး အလေးပေး စောင့်ကြည့်ရမည့် စာရင်းသွင်း

Posted by Transparency Myanmar 2010

comments (0)

The Irrawaddy, By William Boot, 7^th July 2010

တရုတ်နိုင်ငံသည် ၎င်းတွင် အလျင်အမြန် လိုအပ်လျက် ရှိသော သဘာဝ အရင်းအမြစ်များ ဖြစ်သည့် ကျောက်မီးသွေး၊ ရွှေ၊ ကြေးနီနှင့် ရေနံ သဘာဝ ဓာတ်ငွေ့ စသည်များ ဝယ်ယူနိုင်ရန် အလားအလာ ကောင်းသော နိုင်ငံများ စာရင်းတွင် မြန်မာနိုင်ငံအား ထည့်သွင်း၍ အလေးပေး စောင့်ကြည့်ရမည့် စာရင်းတွင်ပင် ထည့်သွင်းထားသည်။

အနာဂတ်တွင် ဝယ်ယူနိုင်ရန် ရည်ရွယ်၍ အိမ်နီးချင်း နိုင်ငံများ၏ သဘာဝ သယံဇာတများကို လေ့လာခြင်းအား ကိစ္စရပ် တစ်ခု အဖြစ် ပြုလုပ်ခဲ့ကြောင်း Beijing ၏ မြေယာနှင့် သယံဇာတ ဝန်ကြီးဌာနက တရုတ် တရားဝင် မီဒီယာများမှ တဆင့် လူသိရှင်ကြား ထုတ်ဖော် ပြောဆိုခဲ့သည်။

အဆိုပါ လေ့လာမှုသည် သယံဇာတ ပေါများသော သြစတြေးလျ နိုင်ငံတွင် တရုတ်နိုင်ငံပိုင် ကုမ္ပဏီများ လွှဲပြောင်း ရယူရန် အဆိုပြုထားသော လုပ်ငန်း အချို့ကို ပယ်ဖျက်ခြင်း ခံရပြီးနောက် ဖြစ်ပေါ်လာခြင်း ဖြစ်သည်။ တရုတ်နိုင်ငံသည် သြစတြေးလျတွင် ကျောက်မီးသွေးနှင့် သဘာဝ ဓာတ်ငွေ့ အတွက် ဒေါ်လာ ဘီလီယံနှင့် ချီ၍ အသုံးပြုထားခဲ့သည်။

နိုင်ငံခြားတွင် သွားရောက် ရင်းနှီး လုပ်ကိုင်မည့် တရုတ်နိုင်ငံပိုင် ကုမ္ပဏီများကို အမေရိကန် ဒေါ်လာ ၂ ထရီလီယံထက် ပိုသော အမျိုးသား အရန်ငွေ များစွာဖြင့် ထောက်ပံ့ရန် ပြင်ဆင်ထားသည်။ အိမ်နီးချင်းများ၏ သယံဇာတများကို လေ့လာခြင်းမှ ရရှိသော အချက်အလက်များကို ဘဏ္ဍာရေး ဝန်ကြီးဌာနမှ အကဲဖြတ်ခြင်း၊ တန်ဖိုးဖြတ်ခြင်းများ ပြုလုပ်မည် ဖြစ်ကြောင်း China Business Journal တွင် ဖော်ပြထားသည်။

အဆိုပါ လေ့လာမှုတွင် မြန်မာ၊ မွန်ဂိုလီးယား၊ ရုရှား၏ ဆိုက်ဘေးရီးယား အရှေ့ဖျား၊ ဗီယက်နမ်၊ ကာဇက်စတန်နှင့် ကာဂျစ်စတန်တို့ ပါဝင်ကြောင်း ဂျာနယ်တွင် ဖော်ပြထားသည်။

တရုတ်သည် ဘင်္ဂလား ပင်လယ်အော်ရှိ ရွှေသဘာဝ ဓာတ်ငွေ့ စီမံကိန်း အကွက် ၂ ခုမှ ထွက်ရှိသော သဘာဝ ဓာတ်ငွေ့များကို ဝယ်ယူပြီးနောက်တွင် မြန်မာနိုင်ငံ၏ အကြီးဆုံး သဘာဝ ဓာတ်ငွေ့ ဝယ်ယူသူ ဖြစ်လာမည် ဖြစ်ကြောင်း ဆိုသည်။

တရုတ်နိုင်ငံသည် ရေနံနှင့် သဘာဝ ဓာတ်ငွေ့ကို ပမာဏ ကြီးမားစွာ တိုးတက် တင်သွင်းနေသော်လည်း ၎င်း၏ အဓိက စွမ်းအင်မှာ ကျောက်မီးသွေး ဖြစ်နေဆဲ ဖြစ်ပြီး၊ ကျောက်မီးသွေးကို တန်ချိန် သန်းနှင့် ချီ၍ သြစတြေးလျ၊ အင်ဒိုနီးရှားနှင့် တောင်အာဖရိကတို့မှ ဝယ်ယူနေသည်။

တရုတ်သည် ကမ္ဘာပေါ်တွင် ကြေးနီ၊ သံရိုင်းနှင့် အချို့ စားသောက်ကုန် အတွက် အများဆုံး ဝယ်ယူသူ ဖြစ်သည်။

မြန်မာနိုင်ငံတွင် ကျောက်မီးသွေး၊ ကြေးနီနှင့် ရွှေတို့ ထွက်ရှိသည်။ မကြာသေးမီက မြန်မာနိုင်ငံတွင် ကျောက်မီးသွေးသိုက် အသစ် တွေ့ရှိမှုကို တရုတ်နိုင်ငံပိုင် မီဒီယာများတွင် ယခု အပတ်ကမှ မီးမောင်းထိုး ဖော်ပြခဲ့သည်။

"မြန်မာနိုင်ငံ၏ Mongma ဒေသတွင် အသစ် တွေ့ရှိသော ကျောက်မီးသွေးတွင်း၌ အရည်အသွေးမြင့် ကျောက်မီးသွေး အမြင့်ဆုံး ပါဝင်ပြီး တစ်နှစ်လျှင် တန်ထောင်ပေါင်း များစွာ ထွက်ရှိနိုင်သည်ဟု ခန့်မှန်းပါသည်" ဟု People's Daily က ပြောသည်။ တရုတ်နိုင်ငံသည် မြန်မာနိုင်ငံ၏ ကျောက်မီးသွေး ထုတ်လုပ်မှု တိုးတက်ရေး ကူညီရန် အခြားနိုင်ငံများနှင့်အတူ ပြိုင်ဆိုင်လျက် ရှိသည်။

ပြီးခဲ့သည့် ဇွန်လဆန်းတွင် တရုတ်ဝန်ကြီးချုပ် Wen Jiabao မြန်မာနိုင်ငံသို့ သွားရောက်စဉ်က မြန်မာနှင့် Beijing ကြားတွင် သတ္တု တူးဖော်ရေး ကဏ္ဍတွင် ပူးပေါင်း ဆောင်ရွက်ရန် သဘောတူညီမှု စာချုပ် ၁၅ ခု လက်မှတ် ရေးထိုးခဲ့သည်။

"တရုတ်နိုင်ငံရဲ့ အကြီးဆုံး စွမ်းအင် ကုမ္ပဏီကြီး ငါးခုအနက် တစ်ခုဖြစ်တဲ့ Guodian Corporation ဟာ မြန်မာနိုင်ငံမှာ ကျောက်မီးသွေးနဲ့ လည်ပတ်တဲ့ ဓာတ်အားပေး စက်ရုံတစ်ရုံ ဆောက်ဖို့ ရှိပါတယ်။ ဒါပေမယ့် လက်ရှိ မြန်မာနိုင်ငံက ထွက်တဲ့ ကျောက်မီးသွေးကို တရုတ်နဲ့ ထိုင်းနိုင်ငံကို ရောင်းနေတော့၊ စက်ရုံကို ဘယ်လို လည်ပတ်မလဲ မသိဘူး" ဟု စက်မှုလုပ်ငန်း သုံးသပ်သူ အကြံပေး ပညာရှင် Collin Reynolds က ယခုအပတ်တွင် ဧရာဝတီသို့ ပြောကြားခဲ့သည်။

"မြန်မာနိုင်ငံဟာ လျှပ်စစ်ဓာတ်အား လိုအပ်ချက် အလွန် များပြားနေပါတယ်။ မြန်မာနိုင်ငံရဲ့ ဓာတ်အား ပို့လွှတ်မှုဆိုင်ရာ အခြေခံ အဆောက်အဦးတွေကို ခေတ်နဲ့အညီ ပြောင်းလဲပစ်ဖို့ တရုတ်ရဲ့ နည်းပညာ အကူအညီ လိုကောင်း လိုမှာ ဖြစ်ပါတယ်။ မြန်မာနိုင်ငံ မြောက်ဖက်မှာ ထိစပ်နေတဲ့ တရုတ်ရဲ့ ယူနန်ပြည်နယ်ဟာလည်း လျှပ်စစ်ဓာတ်အား လိုအပ်ချက်နဲ့ ကျောက်မီးသွေး လိုအပ်ချက် အလွန် များနေပါတယ်" ဟု Reynolds က ပြောသည်။

"မြန်မာနိုင်ငံက ဗိုလ်ချုပ်တွေဟာ ရေတို ငွေရရှိမှုနဲ့ နိုင်ငံရေးအရ အကာအကွယ် ရရှိဖို့ အတွက် တိုင်းပြည်က သယံဇာတတွေကို ရောင်းဖို့ လက်မနှေးပါဘူး။ ဒီတော့ တရုတ်ရဲ့ နောက်ဆုံး ကြေညာချက်ကို ကြည့်ရင် မြန်မာနိုင်ငံက သယံဇာတတွေကို အပြောင်ရှင်းတော့မယ် ဆိုတာ အသေအချာပဲလို့ အတည် ပြုလိုက်တာနဲ့ အတူတူပဲ" ဟု ထင်ရှားသည့် မြန်မာ့စီးပွားရေး သုံးသပ်သူ ပညာရှင် Sean Turnell က ဧရာဝတီသို့ ပြောကြားခဲ့သည်။

ကျောက်မီးသွေးမှာ သဘာဝအားဖြင့် လေထု ညစ်ညမ်းမှု မြင့်မားစေကာမူ သဘာဝ ဓာတ်ငွေ့နှင့် ရေနံ အစား အပေါဆုံး အသုံးပြုနိုင်သည့် အကောင်းဆုံး အစားထိုး ပစ္စည်း အဖြစ် အာရှတိုက်တွင် အသုံးပြုလာသည်ကို ပိုမို တွေ့မြင်လာရသည်။ ကျောက်မီးသွေးကို နောက်ဆုံးပေါ် နည်းပညာဖြင့် ငွေကုန်ကြေးကျ ပိုများသော စက်ရုံများဖြင့် အသုံးပြုမှသာ လေထု ညစ်ညမ်းမှု လျော့ပါးနိုင်သည်။

ထိုင်းအစိုးရပိုင် သဘာဝ ဓာတ်ငွေ့နှင့် ရေနံ ကုမ္ပဏီကြီး ဖြစ်သော PTT က ယခု အပတ်တွင် ကြေညာရာ၌ ၎င်းသည် နိုင်ငံပြင်ပတွင် ကျောက်မီးသွေး တိုးချဲ့ ဝယ်ယူနိုင်ရန် ရည်ရွယ်သွားမည်ဟု ဆိုသည်။

PTT ၏ ထိုင်းပင်လယ်ကွေ့မှ ကမ်းလွန်ဓာတ်ငွေ့ အကွက်များနှင့် ၎င်း၏ လက်ခွဲ PTTEP က မြန်မာနိုင်ငံမှ ဝယ်ယူထားသော ဓာတ်ငွေ့များသည် ထိုင်းနိုင်ငံ လျှပ်စစ်ဓာတ်အား ထုတ်လုပ်မှု အတွက် လိုအပ်သော စွမ်းအင်၏ ၇၀ % ကို ဖြည့်ဆည်းပေးနေသည်။

သို့သော် ထိုင်းအစိုးရက စွမ်းအင် အတွက် သဘာဝ ဓာတ်ငွေ့ အပေါ်တွင် မှီခိုနေရမှုများအား လျှော့ချရန် အမိန့်ထုတ်ထားသည်။

{Yangon Chronicle 2010:1768} မြန်မာ၌ အဓမ္မ အခိုင်းခံ လုပ်သား ပြဿနာ ပြန့်နှံ့ဆဲ

Posted by Transparency Myanmar 2010

comments (0)

VOA News, 8^th July 2010

မြန်မာနိုင်ငံသည် အဓမ္မ ခိုင်းစေသော လုပ်သားများ အသုံးပြုမှု လျှော့ချရာတွင် အနည်းငယ်သော တိုးတက်မှုကိုသာ ကန့်သတ် လုပ်ဆောင်ခဲ့သည်ဟု ကုလသမဂ္ဂ၏ နိုင်ငံတကာ အလုပ်သမား အဖွဲ့ချုပ် ILO က ပြောဆိုလိုက်သည်။

အဆိုပါ နိုင်ငံ အတွင်း အဓမ္မ အခိုင်းခံ လုပ်သားများ အသုံးပြုမှုကို ဖယ်ရှားရန် ရည်ရွယ်၍ အရေးပါသော ဆောင်ရွက်ချက်များကို လွန်ခဲ့သော ၃ နှစ် အတွင်း လုပ်ဆောင်ခဲ့သော်လည်း ပုဂ္ဂလိက အဖွဲ့အစည်းများနှင့် အရပ်ဖက် စီမံအုပ်ချုပ်ရေး ကဏ္ဍတွင်သာ တိုးတက်မှု အများစု ရရှိခဲ့သည်ဟု မြန်မာနိုင်ငံဆိုင်ရာ ILO ဆက်ဆံရေး အရာရှိ Steve Marshall က ပြောကြားသည်။

ထိုသို့ ဆောင်ရွက်ရာတွင် အလွန် အရေးကြီးသည့် ပထမအဆင့် ဖြစ်သော အဓမ္မ လုပ်သားများ အသုံးပြုမှု တရားမဝင်ကြောင်း ဖော်ပြသည့် ဥပဒေများကို အစိုးရ ထုတ်ပြန်ခဲ့ပြီးနောက် ဒေသ အာဏာပိုင်များ အထူးသဖြင့် စစ်တပ် အတွင်း၌ ဥပဒေနှင့် ဥပဒေအရ တာဝန်ရှိမှုများနှင့် စပ်လျဉ်းသည့် ပညာပေး လှုပ်ရှားမှုများကို အစိုးရက တိတ်တဆိတ် လုပ်ဆောင်ခဲ့သည်ဟု ၎င်းက ဆိုသည်။

မြန်မာ စစ်ဖက် အစိုးရသည် လမ်းဖောက်လုပ်ခြင်းမှသည် စစ်ဖက် ထောက်ပံ့ရေး ပစ္စည်းများ တောတွင်းသို့ ပို့ဆောင်ခြင်းအထိ အရာရာတိုင်းတွင် အဓမ္မ အခိုင်းခံ လုပ်သားများကို ကာလရှည်ကြာ အသုံးပြုခဲ့ကြသည်။ အဆိုးဆုံးမှာ ဒေသခံ ရွာသားများကို လူသား မိုင်းရှင်း ကိရိယာများ အဖြစ် မိုင်းကွင်းကို လမ်းဖြတ်လျှောက်ခိုင်းသည့် သတင်းများ ထွက်ပေါ်လာခြင်း ဖြစ်သည်။

လူ့အခွင့်အရေး အဖွဲ့များက "ကလေးသူငယ်နှင့် သက်ကြီးပိုင်းများ ပါဝင်သော မြန်မာ အရပ်သား ထောင်ပေါင်းများစွာသည် ၎င်းတို့၏ ဆန္ဒမပါဘဲ အဓမ္မ ခိုင်းစေခြင်း ခံနေရသည်" ဟု ပြောကြားခဲ့သည်။ အများစုမှာ အုပ်စုဖွဲ့ မုဒိန်းကျင့်ခြင်း၊ သတ်ဖြတ်ခြင်း အပါအဝင် ညှင်းပန်း နှိပ်စက်မှုများကို ကြုံတွေ့ ခံစားနေရသည်ဟုလည်း သိရှိရသည်။

မြန်မာ စစ်တပ်သည် အထူးသဖြင့် အဓမ္မ ခိုင်းစေမှုကို ဆက်လက် အသုံးပြုနေသည်ဟု steve Marshall က ကြာသပတေးနေ့တွင် ဘန်ကောက်၌ ပြောကြားသည်။

"အရပ်ဖက် အုပ်ချုပ်ရေး ဘက်မှာတော့ သိပ်ကို ကောင်းတဲ့ တိုးတက်မှု တချို့ ရှိနေပါပြီ" ဟု ပြောကြားခဲ့သော Steve Marshall က "စစ်တပ် အုပ်ချုပ်တဲ့ ဘက်မှာတော့ တစ်စုံတစ်ရာ ပြောင်းလဲမှုလို့ ပြောလို့ ရတဲ့ အထောက်အထားကို ရှင်းလင်းစွာ မတွေ့ရသေး" ဟု ဆိုသည်။

ပြောင်းလဲ တိုးတက်သော အပိုင်းတွင်မူ နိုင်ငံသားများအား ILO ထံ တိုင်ကြား ခွင့်ပြုသည့် စနစ်သစ် တစ်ခု ရှိနေပြီ ဖြစ်သည့် အချက်သည် အတင်းအကျပ် စစ်သားအဖြစ် စုဆောင်းခံရသော ကလေးများကို ကယ်တင်ရာတွင် အထောက်အကူ ဖြစ်ခဲ့သည်။

ယခုအခါ အစိုးရသည် အသက် မပြည့်သော စစ်သားများအား တိုင်ကြားမှုများ ရရှိပါက ပုံမှန် ပြန်လွှတ်ပေးနေသည်ဟု ILO အစီရင်ခံစာ အသစ်တွင် ဖော်ပြထားသည်။

အချို့သော တိုင်းရင်းသား လက်နက်ကိုင် အဖွဲ့များကလည်း ကလေး စစ်သားများကို အသုံးပြုနေသဖြင့် ထိုသို့ အသုံးပြုမှု အဆုံးသတ်သွားအောင် ကြိုးစားရန် ၎င်းတို့နှင့် ဆွေးနွေးခွင့်ကို ILO အား မြန်မာ အစိုးရက ခွင့်ပြုထားသည်။

ယခုနှစ် ရွေးကောက်ပွဲ အပြီး လွှတ်တော်သစ် အစည်းအဝေး ကျင်းပချိန်တွင် အလုပ်သမား သမဂ္ဂများ ဖွဲ့စည်းခွင့် ပြုရေး အတွက် အလုပ်သမား ဥပဒေသစ်များ ရေးဆွဲရန် လှုပ်ရှားနေသည်ဟု Marshall က ပြောကြားသည်။

မြန်မာ အစိုးရသည် ရွေးကောက်ပွဲများ မတိုင်မီ အလုပ်သမားနှင့် စီးပွားရေး ကိစ္စများကို ကိုင်တွယ်ရာတွင် သတိကြီးစွာ ထား၍ လုပ်ဆောင်နေသည့် လက္ခဏာ ရှိသည်ဟု ဒေသတွင်း နိုင်ငံရေး အကဲခတ်များက ပြောကြားသည်။ လာမည့် ရွေးကောက်ပွဲသည် အနှစ် ၂၀ အတွင်း ပထမဆုံး ဖြစ်၍ မြန်မာ အစိုးရကို နိုင်ငံတကာ မီးရောင်အောက်သို့ ပြသရန် မျှော်လင့်ထားခြင်း ဖြစ်သည်။

{Yangon Chronicle 2010:1767} တောင်ကိုးရီးယား စစ်သင်္ဘော နစ်မြုပ်မှု ကုလ ပြစ်တင် ရှုတ်ချ

Posted by Transparency Myanmar 2010

comments (0)

AFP, 8^th July 2010

ယခုနှစ် အစောပိုင်းတွင် တောင်ကိုးရီးယား စစ်သင်္ဘောကို နှစ်မြှုပ်ခဲ့သည့် တိုက်ခိုက်မှုအပေါ် ပြစ်တင် ရှုတ်ချသည့် ကြေညာချက်ကို ကုလသမဂ္ဂ လုံခြုံရေးကောင်စီက လက်ခံ ဆုံးဖြတ်လိုက်ကြောင်း ကြာသပတေးနေ့က ထုတ်ပြန်သည့် ကြေညာချက် မူကြမ်းအရ သိရှိရသည်။

သောကြာနေ့တွင် လက်ခံ ဆုံးဖြတ်မည့် ကြေညာချက်တွင် "ပင်လယ်ဝါရှိ အငြင်းပွား ရေပြင် နယ်နိမိတ် အနီး ချိုနန် သင်္ဘောကို နစ်မြုပ်စေခဲ့သည့် တိုက်ခိုက်မှုကို ပြစ်တင် ရှုတ်ချကြောင်း'' ဖော်ပြထားသည်။

"တောင်ကိုးရီးယား အပေါ် ဆက်လက် ရန်လို တိုက်ခိုက်မှုများကို တားဆီးရေး၏ အရေးကြီးပုံကို လုံခြုံရေး ကောင်စီက အလေးအနက် လက်ခံကြောင်းနှင့် တိုက်ခိုက် ခံရမှု ဖြစ်ရပ်အပြီး လပေါင်း အတန်ကြာ သည်းခံ ထိန်းချုပ်မှုကို ပြသခဲ့သည့် ဆိုးလ် အစိုးရကို ချီးကျူးး ဂုဏ်ပြုကြောင်း'' ဆက်လက် ဖော်ပြထားသည်။

သို့ရာတွင် မြောက်ကိုးရီးယား တိုပီဒိုကြောင့် သင်္ဘော နစ်မြုပ်ခဲ့ခြင်း ဖြစ်သည်ဟု စွပ်စွဲထားသည့် နိုင်ငံပေါင်းစုံ စစ်ဆေးရေး အဖွဲ့၏ တွေ့ရှိချက်များ ရှိနေသည့်ကြားမှပင် ရေတပ်သား ၄၆ ဦး သေဆုံးခဲ့ရသည့် မတ်လ ၂၆ ရက် တိုက်ခိုက်မှု အတွက် ယခု ကြေညာချက်တွင် မြောက်ကိုးရီးယားကို တိုက်ရိုက် အပြစ်တင် စွပ်စွဲထားခြင်း မရှိပါ။

ဤအစား ချိုနန် နစ်မြှုပ်မှု အတွက် မြောက်ကိုးရီးယားတွင် တာဝန်ရှိကြောင်း ကောက်ချက် ချထားသည့် စုံစမ်း စစ်ဆေးမှု ရလဒ်များကို သုံးသပ်ရာတွင် လုံခြုံရေး ကောင်စီ အနေဖြင့် အထူးပင် စိုးရိမ် ပူပန်မိသည် ဟူ၍သာ ဖော်ပြထားသည်။

"လုံခြုံရေး ကောင်စီ အနေဖြင့် လူ့အသက်များ ဆုံးရှုံးပြီး ဒဏ်ရာများ ရရှိမှုအတွက် ဆိုးဝါးသော လုပ်ရပ် အဖြစ် ရှုတ်ချပြီး၊ ကာယကံရှင်များနှင့် ၎င်းတို့၏ မိသားစုများနှင့် ထပ်တူ ဝမ်းနည်း ကြေကွဲပြီး၊ ကိုယ်ချင်းစာနာမှု ဖြစ်ရသည်။ ကိုးရီးယား ရီပတ်ပလစ် နိုင်ငံအစိုးရနှင့် ပြည်သူများနှင့်လည်း ထပ်တူ ဝမ်းနည်းရပါသည်။ အဆိုပါ အရေးကိစ္စ ငြိမ်းငြိမ်းချမ်းချမ်း ပြီးဆုံးရေး အတွက် တာဝန်ရှိသူ အပေါ် သင့်လျော်သည့်၊ ငြိမ်းငြိမ်းချမ်းချမ်း ဖြစ်စေမည့် ဆောင်ရွက်မှုများ ပြုလုပ်ရန် တောင်းဆိုပါသည်'' ဟု မူကြမ်းတွင် ရေးသား ဖော်ပြထားသည်။

အဆိုပါ ကြေညာချက်ကို လုံခြုံရေး ကောင်စီ၏ အမြဲတမ်း အဖွဲ့ဝင် နိုင်ငံများ ဖြစ်သော အမေရိကန်၊ တရုတ်၊ ဗြိတိန်၊ ပြင်သစ်နှင့် ရုရှားတို့က အတည်ပြုပြီး ဖြစ်ရာ အဖွဲ့ဝင် (၁၅) ဦးပါ လုံခြုံရေး ကောင်စီ အနေဖြင့် တညီတညွတ်တည်း လက်ခံရတော့မည် ဖြစ်သည်။

ပြုံးယမ်းကမူ Chonan စစ်သင်္ဘော နစ်မြုပ်မှုနှင့် ပတ်သက်၍ အဆက်မပြတ် ငြင်းဆိုနေဆဲ ဖြစ်သည်။

ကိုးရီးယား နှစ်နိုင်ငံမှာ ၁၉၅၃ ခုနှစ်က ဆက် မတိုက်ကြရန် သဘောတူပြီး ကိုးရီးယား စစ်ပွဲပြီး ကတည်းက အဆက်မပြတ် တင်းမာမှုများ ဖြစ်လျက် ရှိရာ ရာစုနှစ် တစ်ဝက်မျှ ရှိနေပြီ ဖြစ်သည်။ မည်သည့် ငြိမ်းချမ်းရေး စာချုပ်မျှ မရှိခဲ့ခြင်းကြောင့် ဥပဒေကြောင်း အရဆိုလျှင် စစ်ပွဲမှာ အသက်ဝင်နေဆဲ ဖြစ်သည်။

Seoul က ကုလသမဂ္ဂ လုံခြုံရေး ကောင်စီ၏ မြောက်ကိုးရီးယား အပေါ် ဝေဖန်မှု ပြုရန် ကြိုးစားခဲ့သည်။ သို့သော် ပြုံးယမ်းက ကုလသမဂ္ဂ၏ အရေးယူမှုများကို စစ်ရေးဖြင့် တုန့်ပြန်မည် ဖြစ်ကြောင်း ခြိမ်းခြောက်ခဲ့သည်။

{Yangon Chronicle 2010:1766} အိန္ဒိယ ကားရောင်းချမှု ဇွန်လတွင် မြင့်တက်

Posted by Transparency Myanmar 2010

comments (0)

AFP, 8^th July 2010

အိန္ဒိယနိုင်ငံ၏ ကားရောင်းချမှုသည် ဇွန်လအတွင်း ယခင်နှစ်ကထက် ၃၀.၈ % မြင့်တက်ခဲ့ပြီး ၎င်းသည် နိုင်ငံ၏ စက်မှုကဏ္ဍ ခိုင်မာစွာ ကျယ်ပြန့်လာခြင်းကို ထင်ဟပ်နေခြင်း ဖြစ်ကြောင်း ကြာသပတေးက ထုတ်ပြန်သော သတင်း အချက်အလက်များက ပြသနေသည်။

Society of Indian Automobile Manufacturers SIAM က ထုတ်ပြန်သော အချက်အလက်များအရ ယခင်နှစ် ရောင်းချရမှု ကားစင်းရေ ၁၀၇၉၈၄ ကို ကျော်၍ ယခုနှစ် ဇွန်လ အတွင်း ကားစင်းရေ ၁၄၁၁၈၄ စင်းအထိ ရောင်းချခဲ့ရပြီး ကုန်တင်ကားနှင့် ဘတ်စကား ရောင်းချမှုမှာလည်း ၄၄ % တိုးကာ ၅၂၂၁၁ စင်း ရောင်းချရသည်ဟု သိရှိရသည်။

ကားမော်ဒယ် အသစ်များ၊ အစိုးရ၏ လှုံ့ဆော် အားထုတ်မှုများ၊ အထွေထွေ ဝင်ငွေ တိုးလာမှုများကြောင့် အာရှ၏ တတိယအကြီးဆုံး ကားဈေးကွက်တွင် လက်ရှိ လများ အတွင်း ကားရောင်းချမှု တိုးတက်ခဲ့ခြင်း ဖြစ်သည်။

ကမ္ဘာ့စီးပွားရေး အကျပ်အတည်း၏ ရိုက်ခတ်မှုကြောင့် ၂၀၀၈ ခုနှစ်အတွင်း မော်တော်ကား ဝယ်လိုအား ကျဆင်းခဲ့ပြီးနောက် ၂၀၀၉ ခုနှစ်တွင် အစိုးရက စီးပွားရေး ကဏ္ဍကို အထောက်အကူ ပေးရန် လှုံ့ဆော်မှု ဆောင်ရွက်ချက်များတွင် စတင် လုပ်ဆောင်ခဲ့သည်။

လောင်စာဆီ ဈေးနှုန်း တက်လာခြင်း၊ အတိုးနှုန်း မြင့်မားလာသည့် အကျိုးဆက် အဖြစ် ချေးငွေဖြင့် ကားဝယ်ယူမှု စရိတ် ကြီးမြင့်လာခြင်း စသည်တို့ကြောင့် လာမည့်လများ အတွင်း ကားရောင်းချမှု ကျဆင်းသွားလိမ့်မည် ဟု အကဲခတ်များက ခန့်မှန်းနေကြသည်။

အာရှ၏ တတိယ အကြီးဆုံး အိန္ဒိယ စီးပွားရေးသည် ၂၀၁၀ မတ်လတွင် ပြီးဆုံးခဲ့သည့် ဘဏ္ဍာရေး နှစ်အတွင်း မျှော်လင့်ထားသည်ထက် ပို၍ ၇.၄ % အထိ ကောင်းမွန်စွာ တိုးတက်ခဲ့ခြင်းကြောင့် ၂၀၁၁ မတ်လတွင် ကုန်ဆုံးမည့် လက်ရှိ ဘဏ္ဍာရေးနှစ်တွင် ၈.၅ % တိုးတက်ရန် ခန့်မှန်းထားကြသည်။

အိန္ဒိယ ကားဈေးကွက်သည် လက်ရှိ ကားစင်းရေ ၂ သန်းမှ လာသည့် ဆယ်စုနှစ် အပြီးတွင် ၃ ဆ ပွားကာ စင်းရေ ၆ သန်း အထိ ရောက်ရှိရန် မျှော်မှန်းထားကြသည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:1770} ကမ္ဘာ့စီးပွားရေး တိုးတက်မှုနှုန်းကို IMF တိုးမြှင့် ခန့်မှန်း

{Yangon Chronicle 2010:1769} မြန်မာကို တရုတ်က သယံဇာတ ရရှိနိုင်ရေး အလေးပေး စောင့်ကြည့်ရမည့် စာရင်းသွင်း

{Yangon Chronicle 2010:1768} မြန်မာ၌ အဓမ္မ အခိုင်းခံ လုပ်သား ပြဿနာ ပြန့်နှံ့ဆဲ

{Yangon Chronicle 2010:1767} တောင်ကိုးရီးယား စစ်သင်္ဘော နစ်မြုပ်မှု ကုလ ပြစ်တင် ရှုတ်ချ

{Yangon Chronicle 2010:1766} အိန္ဒိယ ကားရောင်းချမှု ဇွန်လတွင် မြင့်တက်

Transparency Myanmar

transparency.myanmar@gmail.com

Subscribe To

Welcome

Blog Archive

Labels

{Yangon Chronicle 2010:1770} ကမ္ဘာ့စီးပွားရေး တိုးတက်မှုနှုန်းကို IMF တိုးမြှင့် ခန့်မှန်း

{Yangon Chronicle 2010:1769} မြန်မာကို တရုတ်က သယံဇာတ ရရှိနိုင်ရေး အလေးပေး စောင့်ကြည့်ရမည့် စာရင်းသွင်း

{Yangon Chronicle 2010:1768} မြန်မာ၌ အဓမ္မ အခိုင်းခံ လုပ်သား ပြဿနာ ပြန့်နှံ့ဆဲ

{Yangon Chronicle 2010:1767} တောင်ကိုးရီးယား စစ်သင်္ဘော နစ်မြုပ်မှု ကုလ ပြစ်တင် ရှုတ်ချ

{Yangon Chronicle 2010:1766} အိန္ဒိယ ကားရောင်းချမှု ဇွန်လတွင် မြင့်တက်