Transparency Myanmar

{Yangon Chronicle 2010:549} နိုင်ငံတကာညီလာခံများတွင် မြန်မာအစိုးရက ပြင်းထန်စွာ စည်းရုံးရေးဆင်းနေ

Posted by Transparency Myanmar 2010

Saturday, December 26, 2009

Mizzima News,24 Dec 2009

မြန်မာနိုင်ငံပိုင် သတင်းစာ New Light of Myanmar က နိုင်ငံခြားရေးဝန်ကြီး ဦးဥာဏ်ဝင်း သည် ကုလသမဂ္ဂ ရာသီဥတု ပြောင်းလဲခြင်းဆိုင်ရာ ညီလာခံ တက်ရောက်ပြီးနောက် ဒိန်းမတ်နိုင်ငံမှ ပြန်လည် ရောက်ရှိကြောင်း ဗုဒ္ဓဟူးနေ့က ဖော်ပြခဲ့ပါသည်။

အဆိုပါ သတင်းစာက ဆက်လက်၍ ဦးဥာဏ်ဝင်းသည် ညီလာခံတွင် မိန့်ခွန်းပြောကြားခဲ့ ကြောင်း၊ ထို့အပြင် ဆွီဒင်နိုင်ငံခြားရေးဝန်ကြီး Carl Bildt ဦးဆောင်သော ဥရောပသမဂ္ဂ နိုင်ငံခြားရေး ဝန်ကြီးများနှင့် လည်း ကိုပင်ဟေဂင် ညီလာခံ အဝန်းအဝိုင်းတွင် တွေ့ဆုံခဲ့ပြီး အိမ်ရှင် ဒိန်းမတ် နိုင်ငံခြား ရေးဝန်ကြီး Per.Stig Moller လည်း တက်ရောက်ခဲ့သည်ဟု ဖော်ပြပါသည်။

အထက်ပါ တွေ့ဆုံမှုတွင် မြန်မာနိုင်ငံဆိုင်ရာ အီးယူအထူး ကိုယ်စားလှယ် မစ္စတာ ပီယာရိုဖာစီနို လည်း တက်ရောက်ခဲ့ပြီး မြန်မာနိုင်ငံတွင် ဒီမိုကရေစီစနစ်သို့ ကူးပြောင်းရန် ရှေ့ရှုသော ထင်ရှားသည့် တိုးတက်မှုများ ဖြစ်ပေါ်ရေးနှင့် လူအခွင့်အရေးများကို လေးစားရေးတို့ကို ရည်မှန်းချက် ထားသော ဆွေးနွေးမှုများ ဆက်လက်ပြုလုပ်သွားမည့် ၎င်းတို့၏ ဆန္ဒကို အီးယူ နိုင်ငံခြားရေး ဝန်ကြီးများက ထပ်ဖန်တလဲလဲ ပြောကြားခဲ့သည်ဟု သတင်းစာ ရှင်းလင်းပွဲတွင် အီးယူက ထုတ်ပြန်ပါသည်။

မြန်မာနိုင်ငံတွင် ရင်ဆိုင်နေရသော နိုင်ငံရေး၊ လူမှုရေး၊ စီးပွားရေး ပြဿနာများကို ဖြေရှင်းရန် လိုအပ်ချက်ဖြစ်သည့် အမျိုးသား ပြန်လည်ပေါင်းစည်းရေးနှင့် ပတ်သက်၍ အရေးကြီးသော တိုးတက်မှု များကို ပြသနိုင်ရေး၊ အားလုံးပါဝင်ခွင့်ပြုနိုင်ရေးတို့အတွက် ၂၀၁၀ ရွေးကောက်ပွဲများသည် အရေး ကြီးသည့် အခွင့်အလမ်းတစ်ရပ်ဖြစ်ကြောင်း အီးယူနိုင်ငံခြားရေးဝန်ကြီးများက ဦးဥာဏ်ဝင်းကို ပြော ကြားခဲ့ပါသည်။

ထို့အပြင် မြန်မာတပ်မတော် အစိုးရအနေဖြင့် လွတ်လပ်၍ မျှတသော ရွေးကောက်ပွဲများကို ရှေ့ရှုသည့် အစစ်အမှန် ဆောင်ရွက်ချက်များ ပြုလုပ်ရန်ကိုလည်း ဝန်ကြီးများက တိုက်တွန်းခဲ့ပါသည်။

သီတင်းတပတ် အကြာတွင် ထွက်ပေါ်လာသော ဦးဥာဏ်ဝင်း၏ ဒိန်းမတ်ခရီးစဉ်နှင့် ပတ်သက် သော သတင်းဖော်ပြချက်သည် မြန်မာအစိုးရ အာဘော်သတင်းစာက ဖော်ပြနေသော အစိုးရတာဝန်ရှိ ပုဂ္ဂိုလ်များ၏ လှုပ်ရှားမှုများနှင့် ပတ်သက်သည့် သတင်းများအနက်မှ တခုဖြစ်ပါသည်။

တပ်မတော် ခေါင်းဆောင်များ၏ ဖွံ့ဖြိုးရေး ဆောင်ရွက်ချက်များကိုသာ သတင်းအဖြစ် ထုံးစံအတိုင်း ဖော်ပြလေ့ရှိသော အင်္ဂလိပ်ဘာသာ သတင်းစာသည် အပယ်ခံ မြန်မာနိုင်ငံသို့ လာရောက်ခဲ့သော ပြည်ပနိုင်ငံ ခေါင်းဆောင်အနည်းငယ်နှင့် ဒုတိယခေါင်းဆောင်များ၊ ပြည်ပအစိုးရ တာဝန်ရှိ ပုဂ္ဂိုလ်များ၏ သတင်းများကို လွန်ခဲ့သော သီတင်းပတ် အနည်းငယ်အတွင်း ဆက်တိုက် ဖော်ပြခဲ့သည်ကို တွေ့ရပါသည်။

ကြာသပတေးနေ့က ထုတ်ဝေသော သတင်းစာတွင် Central China Power Grid International Economic and Trade Co.Ltd ဥက္ကဌ မစ္စတာ လီချာအို ခေါင်းဆောင်သော ကိုယ်စား လှယ်အဖွဲ့၏ ခရီးစဉ်အပါအဝင် အဆိုပါ ကိုယ်စားလှယ်အဖွဲ့နှင့် အမှတ်(၂) လျှပ်စစ်စွမ်းအား ဝန်ကြီး ဗိုလ်ချုပ်ခင်မောင်မြင့်တို့ တွေ့ဆုံမှုကို ဖော်ပြခဲ့ပါသည်။

ဗုဒ္ဓဟူးနေ့က ထုတ်ဝေသော သတင်းစာတွင် ဂျပန်နိုင်ငံ စီးပွားရေး၊ ကုန်သွယ်ရေးနှင့် စက်မှုလုပ်ငန်း ဒုတိယဝန်ကြီး မစ္စတာ ဟီရိုယူကီအီရှီဂဲ၏ ခရီးစဉ်အပါအဝင် ၎င်းနှင့် ဝန်ကြီးချုပ် ဗိုလ်ချုပ်ကြီး သိန်းစိန်တို့၏ တွေ့ဆုံမှုကို ဖော်ပြခဲ့ပါသည်။

အင်္ဂါနေ့ထုတ် သတင်းစာတွင် တရုတ်နိုင်ငံ CTTIC အုပ်စု၏ အကြီးအကဲ ချန်ဇန်မင်း၏ ခရီးစဉ် အပါအဝင် ၎င်းနှင့် ပို့ဆောင်ရေးဝန်ကြီး ဗိုလ်ချုပ်သိန်းဆွေတို့၏ တွေ့ဆုံမှုကို ဖော်ပြခဲ့ပါသည်။

တနင်္လာနေ့ထုတ် သတင်းစာတွင် တရုတ်ဒုတိယသမ္မတ ဂျင်ဇီပင်း၏ ခရီးစဉ်အပါအဝင် ၎င်းနှင့် ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီး မောင်အေးတို့၏ တွေ့ဆုံမှုကို ဖော်ပြခဲ့ပါသည်။ လာရောက် လည်ပတ်သော ပြည်ပဧည့်သည်တော်အများစုမှာ နိုင်ငံခေါင်းဆောင်များ မဟုတ်၍ အရေး ပါသည်ဟု မဆိုနိုင်သော်လည်း အနောက်နိုင်ငံများက အရေးယူထားသော မြန်မာနိုင်ငံသို့ ပြည်ပဧည့် သည်များစွာ လာရောက်ခဲ့သည့်အချက်မှာ အရေးပါသည်ဟု မြန်မာအရေး အကဲခတ် လေ့လာသူတစ်ဦးက ဆိုပါသည်။

ထိုင်းနိုင်ငံအခြေစိုက်မြန်မာအကဲခတ်သမား ဝင်းမင်းက ယခုနောက်ပိုင်း မြန်မာအစိုးရထံ လာရောက်လည်ပတ်ဆက်ဆံရန် စိတ်ဝင်စားလာသော နိုင်ငံများတိုးပွားလာပြီး အမေရိကန် ပြည်ထောင်စု၏ မြန်မာနိုင်ငံမူဝါဒသစ်သည် ယင်းကဲ့သို့ပြောင်းလဲလာခြင်း၏ အကြောင်းအရင်းတစ် ချက်ဖြစ်နိုင်သည်ဟု ပြောကြားပါသည်။

အမေရိကန် ပြည်ထောင်စု၏ အရေးယူ ပိတ်ဆို့မှုနှင့် တပြိုင်တည်း ညှိနှိုင်းဆွေးနွေးရေး မူဝါဒသစ်သည် အခြားနိုင်ငံ ကိုယ်စားလှယ်များ လာရောက်နိုင်ရန်အတွက် တစိတ်တပိုင်း အားပေးမှုတစ်ခု ဖြစ်ဖွယ်ရှိသည်ဟု ၎င်းကဆိုပါသည်။

အမေရိကန် ပြည်ထောင်စုသည် မြန်မာအစိုးရအပေါ် ထားရှိမည့် မူဝါဒသစ်ကို စက်တင်ဘာလ က ကြေညာခဲ့ပြီး ၎င်းမူဝါဒအရ အမေရိကန်သည် ပိတ်ဆို့မှုများ ချမှတ်ထားဆဲ ကာလတွင် မြန်မာအစိုး ရနှင့် တိုက်ရိုက် ဆွေးနွေးလိုခြင်း ဖြစ်သည်။ အမေရိကန် - မြန်မာ ဆက်ဆံရေး ပထမအဆင့် အနေဖြင့် လက်ထောက် နိုင်ငံခြားရေးဝန်ကြီး Kurt Campbell ဦးဆောင်သော ကိုယ်စားလှယ်အဖွဲ့ နေပြည်တော်သို့ နိုဝင်ဘာလက ရောက်ခဲ့ပြီး ဝန်ကြီးချုပ် ဗိုလ်ချုပ်ကြီး သိန်းစိန်နှင့် ဆွေးနွေးခဲ့ပါသည်။

ပြည်နိုင်ငံ အများစုက ရွေးကောက်ပွဲ လုပ်ငန်းစဉ်ကို တံခါးဖွင့်စေရန် ရည်ရွယ်သော ၎င်းတို့၏ ခရီးစဉ်မှ အကျိုးရလဒ်များ ထွက်ပေါ်နိုင်သည်ကို မြင်တွေ့လိုကြသည့် အချိန်တွင် အချို့နိုင်ငံများက ရွေးကောက်ပွဲ မတိုင်မှီ ၎င်းတို့၏ ကိုယ်ကျိုးစီးပွား အကျိုးအမြတ်များ သေချာစိတ်ချရစေရန် ကြိုးစား နေကြသည်ဟု ဝင်းမင်းက မှတ်ချက်ပေးပါသည်။

၎င်းက ဆက်လက် ပြောကြားရာတွင် စီးပွားရေး နိုဗယ်ဆုရှင် ဂျိုးဇက်စတစ်ဂလစ်၏ မြန်မာပြည် ခရီးစဉ်အတွင်း မြန်မာအစိုးရ ခေါင်းဆောင်များအား စီးပွားရေး ပြုပြင်ပြောင်းလဲမှုနှင့် ပတ်သက်၍ အကြံဥာဏ် ပေးနိုင်ဖွယ်ရှိပြီး ဂျပန်နိုင်ငံကလည်း ပိုမိုလွတ်လပ်သော စီးပွားရေးကဏ္ဍ၏ ဖြစ်နိုင်ချေများကို လေ့လာရန် စိတ်ဝင်စားဖွယ် ရှိသည်ဟု ဆိုပါသည်။

၂၀၁၀ တွင် ရွေးကောက်ပွဲများ ကျင်းပရန်စီစဉ်ထားသော အစိုးရ၏ လမ်းပြမြေပုံအတွက် နိုင်ငံတကာ အားပေးထောက်ခံမှုများ ရရှိအောင် မြန်မာအစိုးရက ပြင်းပြင်းထန်ထန် ကြိုးစားနေသည် ဆိုသော အချက်ကို နိုင်ငံခြား ဧည်သည်တော်များ၏ ခရီးစဉ်များက ရည်ညွှန်းနေသည်ဟု ဝင်းမင်းက ဖြည့်စွက် သုံးသပ်လိုက်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:548} မြန်မာနိုင်ငံမြို့တော်သစ် နေပြည်တော် ဆောက်လုပ်ရေးလုပ်ငန်းများ ဆက်လက် အကောင်အထည်ဖော်နေ

Posted by Transparency Myanmar 2010

Friday, December 25, 2009

comments (0)

မြန်မာနိုင်ငံ မြို့တော်သစ် နေပြည်တော်ဒေသတွင် ဌာနဆိုင်ရာ အဆောက်အအုံများ၊ အိမ်ရာများ ၊ လမ်းမကြီးများ၊ ဈေးများ၊ ဟိုတယ်-မော်တယ်နှင့် အပန်းဖြေစခန်းများ ထွက်ပေါ်လာပြ ဖြစ်သော်လည်း နေပြည်တော်ဒေသ ဆောက်လုပ်ရေး လုပ်ငန်းများမှာ ဆက်လက် အကောင်အထည် ဖော်လျက် ရှိသည်ကို တွေ့ရပါသည်။

အုပ်ချုပ်ရေး ယန္တရား တစ်ခုလုံး ရန်ကုန်မှ နေပြည်တော်သို့ ပြောင်းရွှေ့သွားသည့် နောက်ပိုင်း ကာလများတွင် နေပြည်တော်ဒေသ မြို့သစ်ကြီး ငါးမြို့ကို ဆက်လက် အကောင်အထည်ဖော် တည်ဆောက်နေဆဲ ဖြစ်သည်။

မြို့တော်သစ်ကြီး ငါး မြို့မှာ ဥတ္တရာသီရိ၊ ဒက္ခိဏသီရိ၊ ပုပ္ပါသီရိ၊ ဇဗ္ဗူသီရိနှင့် ဇေယျာသီရိတို့ ဖြစ်ပြီး ယခင်ရှိပြီးသား မြို့ဟောင်း သုံးခု ဖြစ်သော ပျဉ်းမနား၊ လယ်ဝေး၊ တက်ကွန် တို့နှင့် ပေါင်းပါက နေပြည်တော် ခရိုင်ဒေသ မြို့စုစုပေါင်း ၈ ခုဖြစ်လာမည်ဖြစ်သည်။ အဆိုပါ မြို့ဟောင်းသုံးခုမှာ ယခင်က မန္တလေးတိုင်းတွင် ပါဝင်ခဲ့သော်လည်း ယခုအခါ နေပြည်တော် ဒေသပိုင်အဖြစ် ပြောင်းလဲ သတ်မှတ်လိုက်ပြီ ဖြစ်သည်။

ဤအတောအတွင်းမှာပင် မြို့တော်ဟောင်း ရန်ကုန်တွင် ကျန်ရှိနေသော အစိုးရဌာန ရုံးများ ကို နေပြည်တော်သို့ ပြောင်းရွှေ့နေရာချရန် အစိုးရက စီစဉ်လျက်ရှိသည်။

သို့သော် ဝန်ကြီးဌာန ညွှန်ကြားရေး ရုံးခွဲမျာမှာ မြန်မာနိုင်ငံ တောင်ပိုင်း ဒေသ ဝန်ကြီးဌာန ရုံးခွဲများ အဖြစ် ရန်ကုန်မြို့တွင် ဆက်လက် ထားရှိမည် ဖြစ်ကြောင်း သတင်းပေးပို့ချက်များ အရ သိရသည်။

မြန်မာစစ်အစိုးရသည် ၂၀၀၅ခုနှစ် နိုဝင်ဘာလတွင် အုပ်ချုပ်ရေး ယန္တရားတစ်ခုလုံးကို ရန်ကုန်မြို့မှ မြောက်ဘက် ၃၉၀ ကီလိုမီတာ အကွာ နေပြည်တော်သို့ ပြောင်းရွှေ့ပစ်ခဲ့သည်။ နေပြည်တော် မြို့သစ်သည် ပဲခူးရိုးမ တောင်တန်းများနှင့် အရှေ့ဘက် ရှမ်းရိုးမ တောင်တန်းများ အကြားတွင် တည်ရှိပြီး ဧရိယာ စတုရန်းကီလိုမီတာ ၇၀၅၄ ဒဿမ ၃၇ ကျယ် ဝန်းသည်။ နေပြည်တော်တွင် လူဦးရေ စုစုပေါင်း ၉၂၄၆၀၈ ဦး ရှိကြောင်း အစိုးရက ထုတ်ပြန်သော စာရင်း ဇယားများအရ သိရသည်။

နေပြည်တော်သို့ ပြောင်းရွှေ့သွားပြီး တစ်နှစ်ကျော်ခန့် အကြာတွင် အစိုးရက ရန်ကုန်မြို့ တွင် ကျန်ရစ်သော အစိုးရပိုင် အဆောက်အအုံများ လေလံတင် ရောင်းချနိုင်ရေး အတွက် ကော်မတီတစ်ရပ်ကို ဖွဲ့စည်းစေခဲ့သည်။ အဆိုပါ ကော်မတီဥက္ကဋ္ဌမှာ အမျိုးသားစီးပွားရေး စီမံကိန်းနှင့် ဖွံ့ဖြိုးရေးဝန်ကြီး ဌာနဝန်ကြီး ဦးစိုးသာဖြစ်သည်။

လေလံတင် ရောင်းချသည့် အစီအစဉ်တွင် အစိုးရ ကြီးကြပ်မှုဖြင့် အကောင်အထည်ဖော် လျက်ရှိသော အိမ်ရာစီမံကိန်း အဆောက်အအုံများ၊ အဆိုပါစီမံကိန်းနှင့် ပတ်သက်သော မြေများလည်း ပါဝင်သည်။

မြန်မာအစိုးရက နေပြည်တော် မြို့တော်သစ် တည်ဆောက်ရာတွင် အစိုးရဌာနများ၌ ကာလ ကြာရှည်စွာ အမှုထမ်းခဲ့သော ဝန်ထမ်းများအား မြေယာသစ်များ ပေးခဲ့သည်။ ယင်းသို့ မြေပေးရာတွင် အစိုးရ ဝန်ထမ်းအဖြစ် ၁၀ နှစ်၊ နေပြည်တော်တွင် ၂ နှစ် တာဝန်ထမ်းခဲ့ဖူးသူများကို ဦးစားပေး ဝယ်ယူခွင့်ပေးခဲ့ခြင်း ဖြစ်သည်။

ပြီးခဲ့သည့် ၂၀၀၆ ခုနှစ်မှစ၍ နေပြည်တော် စည်ပင်သာယာရေးနှင့် ဖွံ့ဖြိုးရေး ကော်မတီ သည် မြန်မာနိုင်ငံသားများအား မြေယာများ ဝယ်ယူခွင့်ပြုပြီး နေပြည်တော်၌ လာရောက် ရင်းနှီးမြှုပ်နှံကြရန် ဖိတ်ခေါ် ခဲ့သည်။

အဆိုပါ မြေယာကွက်သစ်များသည် အိမ်ရာမြေများ၊ ရှော့ပင်းစင်တာများ၊ ဈေးများ၊ အဝေးပြေး ကားစခန်းများနှင့် ကားဝပ်ရှော့များ တည်ဆောက်ရန် လျာထားခြင်းဖြစ်သည်။

နေပြည်တော် စည်ပင်သာယာရေးနှင့် ဖွံ့ဖြိုးရေး ကော်မတီအဆိုအရ အဆောက်အအုံများ ဆောက်လုပ်ပြီးသည်နှင့် တစ်ပြိုင်နက် ၁၀ နှစ်အတွင်း လွှဲပြောင်း ရောင်းချခွင့် မရှိသော နှစ် ၃၀ မြေငှားရမ်း နေထိုင်ခွင့် လက်မှတ်ရရှိမည် ဖြစ်သည်။

ဤအတောအတွင်းမှာပင် မြန်မာအစိုးရသည် နေပြည်တော် ဖွံ့ဖြိုးတိုးတက်ရေး အစီအစဉ် ၏ တစ်စိတ်တစ်ပိုင်းအဖြစ် နေပြည်တော်နှင့် ချိတ်ဆက်မည့် လမ်းဖောက်လုပ်ရေး စီမံကိန်း များကိုပါ အကောင်အထည် ဖော်နေသည်။

ရန်ကုန်မြို့နှင့် နေပြည်တော် ချိတ်ဆက်ထားသည့် ၈ လမ်းသွား အဝေးပြေး လမ်းမကြီးကိုလည်း ပြီးခဲ့သည့် မတ်လက ဖွင့်လှစ်ခဲ့သည်။ အဆိုပါလမ်းမကြီး ဖောက်လုပ်ရေး စီမံကိန်းကို ဧရာမ ဆောက်လုပ်ရေး လုပ်ငန်းကြီး ၁၂ ခုက တာဝန်ယူ ဖောက်လုပ်ပေးခဲ့ခြင်း ဖြစ်သည်။

အဆိုပါ ရန်ကုန်-နေပြည်တော် အဝေးပြေး လမ်းမကြီးသည် ၃၂၃ ဒဿမ ၂ ကီလိုမီတာ ရှည်လျားသည်။ နေပြည်တော်သို့ ယခင်လမ်းဟောင်းဖြစ်သော ရန်ကုန် - မန္တလေးအဝေး ပြေး လမ်းမကြီးမှ သွားပါက ၅၆၃ ကီလိုမီတာခန့် ဝေးကွာသည်။

ထို့ပြင် မြန်မာအစိုးရသည် ယခင် ပျဉ်းမနားဘူတာနှင့် နီးကပ်သော နေရာတွင် နေပြည်တော် ဘူတာသစ်တစ်ခုကို တည်ဆောက်လျက် ရှိသည်။ နေပြည်တော်တွင် နေထိုင်သူများ လမ်းပန်း ဆက်သွယ်ရေး ကောင်းမွန်ရန် တည်ဆောက်ခြင်း ဖြစ်ကြောင်း၊ ဆောက်လုပ်ရေး အတွက် လိုအပ်သော လေ့လာ တိုင်းထွာမှုများကို ဆောင်ရွက်ဆဲဖြစ် ကြောင်း အစိုးရက ဆိုသည်။

အဆိုပါ ဘူတာသစ်မှာ မကြာသေးခင်က တည်ဆောက်မှု ပြီးဆုံးသွားပြီဖြစ်သည် ဟုဆိုသော နေပြည်တော် ဘူတာသစ်ကြီး ပြီးသည့်နောက် ဒုတိယမြောက် ဘူတာ ဖြစ်လာမည် ဖြစ်သည်။

တရိစ္ဆာန်ဥယျဉ်၊ ရေတံခွန်၊ ပရဆေးဥယျာဉ် ၊အမျိုးသားအထိမ်းအမှတ်ဥယျာဉ် နှင့် ငါးလိုက် ကန်သာ အပန်းဖြေစခန်း တို့မှာလည်း တည်ဆောက်ပြီးစီး သွားပြီဖြစ်သည်။ ထို့ပြင် မြန်မာပုဂ္ဂလိက ကုမ္ပဏီများက နေပြည်တော်တွင် ရှော့ပင်းစင်တာများ၊ ကုန်တိုက်များ စုစုပေါင်း ၄၂ ခုကို တာဝန်ယူ တည်ဆောက်လျက် ရှိသည်။ နေပြည်တော်သို့ လာရောက်လ ည်ပတ်မည့် သူများကို ဆွဲဆောင်နိုင်ရန် ရည်ရွယ်၍ တည်ဆောက်နေခြင်း ဖြစ်သည်။

နေပြည်တော်တွင် အစိုးရဌာနများ၊ အိမ်ရာစခန်းများ၊ ပုဂ္ဂလိကဆေးရုံနှင့်ဘဏ်များ၊ မြန်မာ့ ကုန်သည်ကြီးများနှင့် စက်မှုလုပ်ငန်းရှင်ကြီးများ အသင်း ကဲ့သို့သော ခေတ်မီသည့် အဆောက်အအုံ များလည်း ပေါ်ထွက်ခဲ့ပြီးဖြစ်သည်။ နာမည်ကျော် ရွှေပုဇွန်မုန့်တိုက်ပင် ပါရှိသေးသည်။

တစ်ချိန်တည်းမှာပင် အခြားသော ဆောက်လုပ်ရေး ကုမ္ပဏီများကလည်း ခေတ်မီ ရှော့ပင်းစင်တာကြီးများကို တရှိန်ထိုး တည်ဆောက်လျက်ရှိပြီး အချို့မှာ အပြီးသတ် အဆင့်သို့ ရောက်ရှိနေကြောင်း သိရသည်။ အဆိုပါ ရှော့ပင်းစင်တာများထဲတွင် နေပြည်တော် Junction Center ကို ပြီးခဲ့သည့် သြဂုတ်လက ဖွင့်လှစ်ခဲ့သည်။ Junction Centerကို ရွှေတောင် ဆောက်လုပ်ရေးက တည်ဆောက်ခဲ့ခြင်း ဖြစ်သည်။

ဆိုပါက မြန်မာနိုင်ငံ မြိုတော်သစ် နေပြည်တော်သည် လာမည့် ဆယ်စုနှစ် တစ်ခုလောက် တွင် မြို့တော်အင်္ဂါရပ်နှင့် ပြည့်စုံသော အဆင့်သို့ ရောက်ရှိလာမည်ဟု ခန့်မှန်းရပါသည်။

Xinhua သတင်းဌာန၏ Construction of Myanmar new capital continues ကို ဆီလျော်အောင် ဘာသာ ပြန်ဆိုပါသည်။

{Yangon Chronicle 2010:547} မြန်မာအစိုးရ၏ လူ့အခွင့်အရေးချိုးဖောက်မှုများကို ကုလသမဂ္ဂကပြင်းထန်စွာရှုတ်ချ

Posted by Transparency Myanmar 2010

comments (0)

Associated Press, 24 Dec 2009

ကြာသပတေးနေ့က ကျင်းပသော ကုလသမဂ္ဂ အထွေထွေညီလာခံက မြန်မာနိုင်ငံတွင်းရှိ လူ့အခွင့်အရေး ချိုးဖောက်မှုများကို ပြင်းထန်စွာ ရှုတ်ချလိုက်ပြီး ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသား ၂၀၀၀ ကျော်ကို လွှတ်ပေးရန် စစ်ဖက် အုပ်ချုပ်သူများကို တိုက်တွန်း လိုက်ပါသည်။

အရေးယူမည့် အစီအစဉ်များနှင့် ချိတ်ဆက်ထားခြင်း မရှိသော ကုလသမဂ္ဂ ဆုံးဖြတ်ချက် အရ လာမည့်နှစ် အထွေထွေ ရွေးကောက်ပွဲများကို နိုင်ငံရေး ပါတီအားလုံးအတွက် တခါးဖွင့်ပေးရန် အချက်ကိုလည်း တိုက်တွန်းထားပါသည်။

ဒေါ်အောင်ဆန်းစုကြည်၏ NLD ပါတီသည် ၁၉၉၀ ရွေးကောက်ပွဲတွင် အနိုင်ရရှိခဲ့သော်လည်း ၁၉၆၂ ကပင် နိုင်ငံကို အုပ်ချုပ်ခဲ့သော တပ်မတော်က အဆိုပါရလဒ်များကို အသိအမှတ်ပြု လေးစားခြင်း မရှိခဲ့ပါ။

အသက် ၆၄ နှစ်ရှိ ငြိမ်းချမ်းရေး နိုဗယ်ဆုရှင် ဒေါ်အောင်ဆန်းစုကြည်သည် လွန်ခဲ့သော အနှစ် ၂၀ အတွင်း ၁၄ နှစ်ခန့် နေအိမ်တွင် အကျယ်ချုပ် ထိန်းသိမ်းခြင်း ခံနေရကာ ပြီးခဲ့သော သြဂုတ်လက သူမ၏ အကျယ်ချုပ်ပြစ်ဒဏ်ကို နောက်ထပ် ၁၈ လ သက်တမ်း တိုးခဲ့ခြင်းကြောင့် အကယ်၍ဗဟို တရားရုံးကသာ သူမ၏ အယူခံလွှာကို ပြန်လည်ကြားနာ၍ ပြစ်ဒဏ်ကို လျော့ပေါ့ခြင်း မပြုလုပ်ခဲ့ပါက လာမည့်နှစ် ရွေးကောက်ပွဲများတွင် သူမပါဝင်နိုင်မည်မဟုတ်ပါ။

ကြာသပတေးနေ့ အစောပိုင်းက ကျင်းပခဲ့သော ကုလသမဂ္ဂ အဖွဲ့ဝင် ၁၉၂ နိုင်ငံ၏ ၂၀၀၉ ခုနှစ် နောက်ဆုံးအစည်းအဝေးတွင် မြန်မာနိုင်ငံ၏ လူ့အခွင့်အရေး ချိုးဖောက်မှုများကို ပြစ်တင် ရှုတ်ချသည့် ဆုံးဖြတ်ချက်အား ထောက်ခံမဲ ၈၆၊ ကန့်ကွက်မဲ ၂၃၊ ကြားနေ ၃၉ မဲနှင့် ပျက်ကွက် ၄၄ နိုင်ငံနှင့် လက်ခံ အတည်ပြုခဲ့ပါသည်။

ဒေါ်အောင်ဆန်းစုကြည်အား လတ်တလော ကြားနာစစ်ဆေးမှုနှင့် ပြစ်ဒဏ် ချမှတ်ထား မှုများနှင့် ပတ်သက်၍ အကြီးအကျယ် စိုးရိမ်ပူပန်နေကြောင်း ကုလသမဂ္ဂ ဆုံးဖြတ်ချက်တွင် ဖော်ပြ ထားပြီး သူမနှင့်တကွ နိုင်ငံရေး အကျဉ်းသား အားလုံးကို ခြွင်းချက်မရှိ လွှတ်ပေးရန် တောင်းဆို လိုက်ပါသည်။

မြန်မာပြည်သူများ၏ အခြေခံလွတ်လပ်ခွင့်များနှင့် လူ့အခွင့်အရေးများ အပေါ်စနစ်တကျ ချိုး ဖောက် ကျူးလွန်နေသော ကိစ္စများကို ကုလသမဂ္ဂက အပြင်းအထန် ရှုတ်ချကြောင်း ဆုံးဖြတ် ခဲ့ပါသည်။ ပျောက်ဆုံးနေသော (သို့) ထိန်းသိမ်း ဖမ်းဆီးထားသော ပြည်သူများ မည်သည့်နေရာ တွင် ရောက်ရှိနေသည် ဆိုသည်ကို ထုတ်ဖော် ရှင်းလင်းရန် မြန်မာအစိုးရကို တောင်းဆိုလိုက်ပါသည်။

အဆိုပါ ကုလသမဂ္ဂ ဆုံးဖြတ်ချက်ကို မြန်မာအစိုးရက ပယ်ချခဲ့ပြီး ကြီးမားသော နိုင်ငံရေး ထိုး နှက်မှု တစ်ခုသာ ဖြစ်သည်ဟု ပြောဆိုခဲ့ပါသည်။

မြန်မာနိုင်ငံသည် ဒီမိုကရေစီစနစ်သို့ ချော့မွေ့စွာ အသွင်းကူးပြောင်းရေး လမ်းကြောင်း ပေါ်တွင် ရှိနေပြီး လာမည့်နှစ် ပါတီစုံ ရွေးကောက်ပွဲများအတွက် ပြင်ဆင်နေသည်ဟု မြန်မာအစိုးရက အကြောင်းပြခဲ့ပါသည်။

နိုင်ငံရေးအရ ရည်ရွယ်ချက်ဖြင့် လူ့အခွင့်အရေး ကိစ္စများကို တလွဲအသုံးပြုခြင်းကို လက်မခံနိုင် ကြောင်း၊ မိမိတို့၏ ပြည်တွင်းနိုင်ငံရေးတွင် မည်သည့် ကြားဝင်နှောက်ယှက်မှုကိုမှ ခွင့်မပြုနိုင်ကြောင်း ဖြင့် မြန်မာအစိုးရက တင်းမာစွာ တုန့်ပြန်ခဲ့ပါသည်။

{Yangon Chronicle 2010:546} စစ်တပ်သည် မိုးတွင်းအတွက် လက်နက်များ စုဆောင်းနေသလော

Posted by Transparency Myanmar 2010

comments (0)

The Mizzima, By Mungpi,24 Dec 2009

မြန်မာစစ်အစိုးရသည် ရုရှားထံမှ လက်နက်များ ဝယ်ယူရန် ဆုံးဖြတ်ချက် ချခဲ့ရခြင်းမှာ ၂၀၁၀ ရွေးကောက်ပွဲအပြီး တက်လာမည့် အစိုးရသစ် လက်ထက်တွင် ဘတ်ဂျက် အကန့်အသတ်များ ရှိလာမည်ကို စိုးရိမ်သောကြောင့် ဖြစ်မည်ဟု ထင်ရကြောင်း ဝေဖန်သုံးသပ်သူတစ်ဦးက ပြောကြားခဲ့ပါသည်။

ထိုင်းနိုင်ငံ ချင်းမိုင် အခြေစိုက် မြန်မာ့အရေးလေ့လာသူ ဝင်းမင်းက စစ်အစိုးရအနေဖြင့် လာမည့် နှစ်ရွေးကောက်ပွဲအတွက် အလုပ်ရှုပ်နေချိန်တွင် ရုရှားမှ Mig 29 Fulcrum D တိုက်လေယာဉ်များ ဝယ်ယူရန် ဆုံးဖြတ်ခြင်းမှာ အထက်ပါ အကြောင်းကြောင့် ဖြစ်လိမ့်မည်ဟု ထင်ကြောင်း ပြောကြားခဲ့ပါ သည်။

ပြီးခဲ့သည့် ဗုဒ္ဓဟူးနေ့က ရုရှား၏ စီးပွားရေး နေ့စဉ်သတင်းစာ Vedomosti က မဇ္ဈိမသို့ ပြောကြားခဲ့ရာတွင် ရုရှားသည် Mig 29 K/KUB အစီး ၂၀ နှင့် Mi 35 တိုက်ခိုက်ရေးရဟတ်ယာဉ် ၈ စီး မှ ၁၀ စီးခန့်၊ စုစုပေါင်း တန်းဖိုးအမေရိကန်ဒေါ်လာသန်း ၆၄၀ ခန့်ကို ရောင်းချရန် စာချုပ်ချုပ်ဆိုပြီးဖြစ် ကြောင်း၊ ၂၀၁၀ တွင် ပေးအပ်ရန်ဖြစ်ကြောင်း ပြောခဲ့ပါသည်။

အဆိုပါ လက်နက်ဝယ်ယူမှု သတင်းသည် နိုဘယ်ဆုရ စီးပွားရေးပညာရှင် Joseph Stiglitz မြန်မာနိုင်ငံသို့ လာရောက်အပြီးတွင် ထွက်ပေါ်လာခဲ့ခြင်းဖြစ်ပြီး Stiglitz က မြန်မာအစိုးရကို စစ်တပ် အသုံးစရိတ်များ လျော့ချ၍ ပညာရေး ကဏ္ဍတွင် ရင်းနှီးမြှုပ်နှံရန် အကြံပြုခဲ့ပါသည်။ မြန်မာစီးပွားရေး သည် ပညာရေး စနစ် နိုးထလာမှု လိုအပ်သည်ဟု ဆိုပါသည်။

Stiglitz က ထပ်မံ အကြံပြုရာတွင် ရေနံနှင့် သဘာဝဓာတ်ငွေ့ကဲ့သို့သော သဘာဝအရင်း အမြစ်များ ရောင်းချရငွေသည် တိုင်းပြည်ကို ကဏ္ဍသစ်တစ်ရပ် ဖွင့်လှစ်နိုင်မည်ဖြစ်သော်လည်း မှန်ကန် အကျိုးရှိစွာ အသုံးချနိုင်ခြင်း မရှိပါက တန်ဖိုးရှိသော အခွင့်အရေးကို လက်လွှတ် ဆုံးရှုံးလိုက်ရမည် ဖြစ်ကြောင်း ပြောခဲ့ပါသည်။

ထို့အပြင် မြန်မာစစ်အစိုးရသည် စစ်တပ်ပိုင် စီးပွားရေး အဖွဲ့အစည်းများဖြစ်သော ပြည်ထောင်စု မြန်မာနိုင်ငံ စီးပွားရေးဦးပိုင်(UMEH) နှင့် မြန်မာ့စီးပွားရေး ကော်ပိုရေးရှင်း (MEC) တို့ကို ထပ်မံ တိုးချဲ့လျက်ရှိကြောင်း၊ အစိုးရအဖွဲ့သစ် တက်လာပြီး နောက် စစ်တပ်သည် ပါလီမန်၏ ထိန်းချုပ်မှုမှ ကင်းလွတ်သော စီးပွားရေး လုပ်ငန်းများမှ ၎င်း၏ ကိုယ်ပိုင်ဘတ်ဂျက်များ အတွက် အာမခံချက် ရှိစေရန် ဖြစ်ကြောင်း ဝင်းမင်းက ထပ်လောင်းပြောကြားခဲ့ပါသည်။

HMEH ကို ကာကွယ်ရေး ဝန်ကြီးဌာန ပစ္စည်းဝယ်ယူရေး ညွှန်ကြားရေးမှူးရုံးမှ တာဝန်လည်ပတ်ပြီး ဖက်စပ်လုပ်ငန်း အများအပြား လုပ်ကိုင်လျက်ရှိပါသည်။ MEC သည် စီးပွားရေး လုပ်ငန်းများမှ ဝင်ငွေကို ကာကွယ်ရေး အသုံးစရိတ်အတွက် အသုံးပြုပြီး၊ UMEH သည် စစ်သားများ နှင့် မိသားစုများကို ဝင်ငွေရရှိအောင် ပြုလုပ်ပေးပါသည်။

စစ်တပ်သည် ကလေးများ အမြဲတမ်း ကစားစရာ အရုပ်ကို လိုချင်သလို၊ သူတို့သည် လက်နက် အသစ်များကို အမြဲလိုချင်ကြောင်း ဝင်းမင်းကပြောပါသည်။ ဝမ်းနည်းစရာကောင်းသည့် အချက်မှာ Stiglitz အကြုံပြုသလို ကာကွယ်ရေး အသုံးစရိတ် လျော့ချပြီး ပညာရေးနှင့် ကျန်းမာရေးကဏ္ဍတွင် ရင်းနှီးမြှုပ်နှံရမည့် အစား အမြဲတမ်း လိုချင်စိတ် ဖြစ်နေသည့် အရုပ်သစ်များ ဝယ်ယူရေးကိုသာ စိတ်ဝင်စားနေခြင်း ပင်ဖြစ်ကြောင်း ၎င်းကပြောပါသည်။

လက်နက်ဝယ်ယူမှု စာချုပ်ကို ဆန့်ကျင်သည့် အနေဖြင့် နယူးဒေလီရှိ ဒီမိုကရေစီ လှုပ်ရှားသူ မြန်မာ ၁၂ ဦးခန့်သည် ကြာသပတေးနေ့ နေ့လည်က ရုရှားသံရုံးရှေ့တွင် ဆန္ဒပြခဲ့ကြပါသည်။

မြန်မာနိုင်ငံတွင် ရန်သူမရှိကြောင်း၊ လက်နက်ဝယ်ရန် မလိုအပ်ကြောင်း၊ ယခုလက်နက်များမှ မြန်မာနိုင်ငံသားများကို ဖိနှိပ်ရာတွင် အသုံချမှ ဖြစ်ကြောင်း ရွှေသဘာဝဓာတ်ငွေ့ လှုပ်ရှားမှုမှ Salong က မဇ္ဈိမသို့ ပြောကြားခဲ့ပါသည်။

ဆန္ဒပြရာတွင် ကြွေးကြော်သံများမှာ "ငြိမ်းချမ်းရေးကို အလိုရှိသည်၊ MIG 29 ကိုအလိုမရှိ"၊ "ဟေ့ရုရှား၊ ငါတို့ ငြိမ်းချမ်းရေးကို အလိုရှိသည်" ဟူ၍ ဖြစ်သည်။ ဆန္ဒပြသူများက ပြောကြားရာတွင် မြန်မာအစိုးရသည် ရေနံနှင့် သဘာဝဓာတ်ငွေ့ ရောင်းရငွေများကို ဖွံ့ဖြိုးရေး လုပ်ငန်းများတွင် အသုံးပြုရမည့် အစား လက်နက်များကိုသာ ဝယ်ယူနေသည်ဟု ပြောကြားခဲ့ပါသည်။

Vedomosti နေ့စဉ်၏ အဆိုအရ မြန်မာအစိုးရသည် Mig 29 K/KUB တိုက်လေယာဉ် ၁၂ စီး ကို ၂၀၀၁ ခုနှစ်က ဝယ်ယူခဲ့ဘူးကြောင်းသိရှိရပါသည်။ မြန်မာအစိုးရသည် ၁၉၈၉ ခုနှစ်ခုမှ စတင်၍ ယနေ့အထိ အမေရိကန်ဒေါ် ၂ ဘီလီယံ တန်ဖိုးရှိ လက်နက်များဝယ်ယူခဲ့ပြီး တရုတ်နိုင်ငံမှ အဓိက ဝယ်ယူခဲ့သည်ဟုဆိုပါသည်။

စစ်တပ်သည် မြန်မာနိုင်ငံကို လွန်ခဲ့သော အနှစ်နှစ်ဆယ်မှစ၍ အုပ်ချုပ်လာရာ GDP ၏ ၃% ထက်နည်းသော ငွေကိုသာ ကျန်းမာရေးနှင့် ပညာရေးတွင် အသုံးပြုပြီး ၄၀% ခန့်ကို စစ်တပ်အသုံးစရိတ်အဖြစ်အသုံးပြုပါသည်။

ယခုတိုက်လေယာဉ်များ ဝယ်ယူရခြင်း နောက်ထပ်အကြောင်းတစ်ခုမှ တရုတ်နှင့် ဘင်္ဂလာဒေ့ရှ် နယ်စပ်များ ကိစ္စအတွက် လေယာဉ်ကို အင်အား ပိုမိုတောင့်တင်းစေရန် ဖြစ်နိုင်ကြောင်း ဝင်းမင်းက ပြောပါသည်။

လက်နက်ကိုင် တိုင်းသားအဖွဲ့များကို ခြိမ်းခြောက်ရန်၊ အထူးသဖြင့် ဝ တပ်(UWSA)ကို နယ်ခြားစောင့် တပ်အသွင်ပြောင်းရေးအတွက် သဘောတူစေရန် လေတပ်ကို အားဖြည့်ပြီး ခြိမ်းခြောက်ရန် ရည်ရွယ်ပုံရကြောင်း ဝင်းမင်းကပြောပါသည်။

ထို့အပြင် ဘင်္ဂလာဒေ့ရ်ှနှင့် ရေပိုင်နက် အငြင်းပါမှုတွင် ညှိနှိုင်းရာ၌ ပါဝါရှိစေရေးအတွက် တိုက် လေယာဉ်များ ဝယ်ယူခြင်း ဖြစ်လိမ့်မည်ဟု ဝင်းမင်းကသုံးသပ်ပါသည်။

{Yangon Chronicle 2010:545} ကမ္ဘာ့ဘဏ်က ဗီယက်နမ်ကို ဒေါ်လာသန်း ၅၀၀ ချေးမည်

Posted by Transparency Myanmar 2010

comments (0)

BBC News, 23 Dec 2009

ဗီယက်နမ်နိုင်ငံသို့ ဒေါ်လာသန်း ၅၀၀ ငွေချေးမည့် အစီအစဉ်ကို ကမ္ဘာ့ဘဏ်က အတည်ပြုလိုက်ပြီး ၎င်းအစီအစဉ်သည် အရှေ့တောင်အာရှ နိုင်ငံတခုသို့ အကြီးမာဆုံး ငွေချေးငှားမှု ဖြစ်ပါသည်။

ယခုချေးငွေကို ကမ္ဘာ့ဘဏ်၏ အတိုးနှုန်းနိမ့် ချေးငှားခြင်းဆိုင်ရာ ဌာနခွဲတစ်ခုဖြစ်သော International Bank for Reconstruction and Development မှ ထောက်ပံ့မည် ဖြစ်သည်။

ယခုချေးငွေသည် ဆင်းရဲနွမ်းပါးသော နိုင်ငံများထက် အလယ်အလတ် ဝင်ငွေရှိသော နိုင်ငံများကို ချေးငှားသည့် အစီအစဉ်ဖြစ်၍ ဗီယက်နမ်နိုင်ငံသို့ ပထမဆုံးအကြိမ် ချေးငွေထုတ်ပေးခဲ့ ခြင်းဖြစ်သည်။

ယခုပိုက်ဆံများကို အများပိုင် ရင်းနှီးမြှုပ်နှံမှု ဆိုင်ရာ ပြုပြင်ပြောင်းလဲရေး အစီအစဉ်ကို တွန်းအားပေးရန် အသုံးပြုမည်ဖြစ်ပါသည်။

၇ နှစ်ပင် မပြည့်သော အချိန်အတောအတွင်း အကြွေးများ စွာတင်နေသော နိုင်ငံအဆင့်မှ အလယ်အလတ် ဝင်ငွေရှိသော နိုင်ငံအဆင့်အတန်းသို့ ရောက်ရှိလာသည့် ဗီယက်နမ်အတွက် ယခုကိစ္စသည် အရေးပါသော မှတ်တိုင်တစ်ခုဖြစ်သည်ဟု ကမ္ဘာဘဏ်မှ Jim Adams က ပြောကြား ပါသည်။

သို့သော်လည်း ကမ္ဘာ့စီးပွားရေးကျဆင်းမှု ရင်ဆိုင်နေရသော ၎င်း၏ အများပိုင် ရင်းနှီးမြှုပ်နှံမှု အစီအစဉ်ကို ရှေ့ဆက်နိုင်ရန်အတွက် ဗီယက်နမ်က ချေးငွေအကူအညီ လိုအပ်နေခြင်းဖြစ်သည်။

လွန်ခဲ့သော နှစ်နှစ်အတွင်းတွင် ဗီယက်နမ်သည် ၂၀၀၇ ၌ ကြီးမားသော မတည်ငွေရင်းများ စီးဝင်လာခြင်း၊ ၂၀၀၈ တွင် လူသုံးကုန်ပစ္စည်းများ ဈေးတက်သွားခြင်း၊ ထို့နောက် ကမ္ဘာ့စီးပွားကျကပ်၏ ရလဒ်ကြောင့် ပို့ကုန်လုပ်ငန်း ကျဆင်းသွားခြင်း စသော စီးပွားရေးလိုင်း တန်ဖိုးများကို အောင်မြင်စွာ ကျော်လွှားခဲ့သော အတွေ့အကြုံများ ရှိနေပါသည်ဟု ကမ္ဘာဘဏ်က ဆိုပါသည်။

နိုင်ငံ၏ အနာဂတ်ဖွံ့ဖြိုးရေး ယုံကြည် စိတ်ချရစေရန်အတွက် ချေးငွေအကူအညီ လိုအပ်နေခြင်း ဖြစ်သည်ဟုလည်း ပြောကြားခဲ့ပါသည်။

{Yangon Chronicle 2010:544} တရုတ်ပြည်တွင် လူမှုရေးမတည်မငြိမ်မှုများ မြင့်တက်

Posted by Transparency Myanmar 2010

comments (0)

တရုတ်ပညာရှင်ကြီးများအဖွဲ့ (Think-Tank) တစ်ခုက လေ့လာ သုတေသနပြုချက် အရ တရုတ်နိုင်ငံ လူ့အဖွဲ့အစည်းတွင် မတည်မငြိမ်မှုများ ဖြစ်ပေါ်လျက် ရှိကြောင်း သိရသည်။

တရုတ်နိုင်ငံသည် မကြုံစဖူးသော ဆိုရွားလှသည့် လူမှုရေး ပြဿနာများဖြင့် ရင်ဆိုင် ကြုံတွေ့နေရသည်ဟု တရုတ်ပြည် လူမှုရေးသိပ္ပံ အကယ်ဒမီ (CASS) ကထုတ်ပြန်သော အစီရင်ခံစာ တစ်ရပ်က ဆိုသည်။

တရုတ်တစ်ပြည်လုံး အတိုင်းအတာဖြင့် လူမှုရေး မတည်မငြိမ်မှုများကို ထိန်ချုပ်ရန် ကြိုးစားနေသော်လည်း ရာဇဝတ်မှုများ အဆမတန် များပြားလာကြောင်း CSAA က ဆိုသည်။

တရုတ်ပြည်၏ စီပွားရေး ဖွံ့ဖြိုးတိုးတက်မှုကြောင့် အလုပ်အကိုင် အခွင့်အလမ်း များစွာကို ဖန် တီး ပေးနိုင်ခဲ့ကြောင်း၊ သို့တိုင်အောင် ၂၀၀၉ ခုနှစ်အတွင်း တရုတ်နိုင်ငံတွင် မကြုံဖူးသော လူမှုရေး မတည်မငြိမ်မှုများ ဖြစ်ပေါ်ခဲ့ကြောင်း အဆိုပါ အစီရင်ခံစာက ဆိုသည်။

အဆိုပါ လူမှုရေးဆိုင်ရာ သုံးသပ်ချက် အစီရင်ခံစာနှင့် လက်ရှိအခြေအနေတို့က တရုတ်ပြည်၏ ပေါ်လစီ ရေးဆွဲသူများကို များစွာ တပ်လှန့်လိုက်ရာ ရောက်သွားသည်။

တရုတ်အစိုးရ အရာရှိများ၏ ရာထူးအဆင့်လိုက် ပါဝါအလွဲသုံးစား ပြုလုပ်မှုကြောင့် တရုတ် လူ့အဖွဲ့အစည်းအတွင်း ဆိုးရွားသော မတည်မငြိမ်မှုများ ထွက်ပေါ်လာခြင်း ဖြစ်သည်ဟု အစီရင်ခံစာ ရေးသူများက ယုံကြည်ကြသည်။

ပြီးခဲ့သည့် ဇွန်လအတွင်းက တရုတ်ပြည် အလယ်ပိုင်းတွင် ဖြစ်ပွားခဲ့သော ဆန္ဒပြမှုတွင် ပါဝင်သူများစွာကို အင်တာဗျူး ပြုလုပ်ပြီးနောက် အဆိုပါ အစီရင်ခံစာကို ထုတ်ပြန်ခဲ့ခြင်း ဖြစ်ကြောင်း CASS က ပြောကြားသည်။ သို့သော် အနောက်မြောက်ပိုင်း ဒေသရှိ ဇီကျန်း ပြည်နယ်တွင် ဖြစ်ပွားခဲ့သော လူမျိုးရေး ပဋိပက္ခကိစ္စကို ထည့်သွင်း ရေးသားခဲ့ခြင်း မရှိဟု ဆိုသည်။

ကျေးလက်-မြို့ပြ ကွာဟချက်

၂၀၀၉ ခုနှစ် ဇန်နဝါရီမှ အောက်တိုဘာ လအတွင်း ရာဇဝတ်မှုများ ပိုမိုဖြစ်ပွားခဲ့သည် ဟု အစိုးရက ထုတ်ပြန်သော စာရင်းဇယားများက ဆိုသည်။ အဆိုပါ ကာလအတွင်း လူပေါင်း လေးသန်းကျော်မှာ ရာဇဝတ်မှု အကြီးစားကို ကျူးလွန်ခဲ့ကြကြောင်း၊ အဆိုပါ ကိန်းဂဏန်း မှာ ၁၀၀၈ ခုနှစ်ကထက် ၁၅ ရာခိုင်နှုန်းခန့် မြင့်တက်လာခြင်း ဖြစ်ကြောင်း သိရသည်။

တရုတ်ပြည်၏ ပေါ်လစီများမှာ စီပွားရေး ဖွံ့ဖြိုးတိုးတက်မှု အသီးအပွင့်များကို ပြည်သူအများစု မျှဝေ မခံစားရအောင် ဟန့်တား ထားသကဲ့သို့ ရှိသည်ဟု အစီရင်ခံစာက ဆိုသည်။

ကျေးလက်နှင့် မြို့ပြဒေသ ကွာဟမှုမှာ ပိုမိုကြီးထွားလာသည် ကိုတွေ့ရကြောင်း၊ တရုတ်ပြည် ၏ GDP တိုးတက်မှု နှုန်းသည် ကျေးလက်ဒေသ လူဦးရေကို အသုံးချကာ မြင့်တက်လာခြင်း ဖြစ်ကြောင်း CASS က ဥပမာများဖြင့် ညွှန်းဆို ရေးသားခဲ့သည်။

တရုတ်ကွန်မြူနစ် အစိုးရက အကောင်အထည်ဖော် ဆော်သြလျက်ရှိသော ဟန်ချက်ကျ သည့် လူ့အဖွဲ့အစည်း ဟူသော ဆောင်ပုဒ်ကို အဆိုပါ အစီရင်ခံစာက ပြစ်တင် ဝေဖန်ထားသည်။ တရုတ်အစိုးရက မီဒီယာများကို ချုပ်ကိုင်ရန် ကြိုးပမ်းလာသည်နှင့် အမျှ တရုတ်ပြည်သူများမှာ အင်တာနက်ကို ပိုမိုအသုံးချ ပြီး အစိုးရအရာရှိကြီးများ၏ အလွဲသုံးစားမှုများကို ထုတ်ဖော်နေသည်မှာ အားရဖွယ် ဖြစ်သည်ဟု လည်း အဆိုပါ အစီရင်ခံစာက ချီးကျူးထားသည်။

BBC သတင်းဌာနမှ Social Unrest Rising in China ကို ဘာသာပြန်ဆိုသည်

{Yangon Chronicle 2010:543} ရုရှားမှ ဒေါ်လာသန်း ၅၇၀ တန်ဖိုးရှိ MiG-29 ဂျက်တိုက်လေယာဉ်အစင်း ၂၀ မြန်မာဝယ်ယူ

Posted by Transparency Myanmar 2010

Thursday, December 24, 2009

comments (0)

ရုရှားနိုင်ငံထုတ် MiG-29 ဂျက် တိုက်လေယာဉ် အစင်း ၂၀ ဝယ်ယူရန် မြန်မာနှင့် ရုရှား နှစ်နိုင်ငံ အကြား သဘောတူ စာချုပ် ချုပ်ဆိုလိုက်ပြီဖြစ်ကြောင်း ရုရှားနိုင်ငံထုတ် Kommersant သတင်းစာက ရေးသားဖော်ပြသည်။

အဆိုပါ တိုက်လေယာဉ်များ ဝယ်ယူရန် ချုပ်ဆိုလိုက်သော စာချုပ်ကို ပြီးခဲ့သည့် ရက်သတ္တပတ် အနည်းငယ်ခန့် က လက်မှတ် ရေးထိုးခဲ့ခြင်းဖြစ်ကြောင်း၊ တိုက်လေယာဉ်အစင်း ၂၀ အတွက် စုစုပေါင်းတန်ဖိုးမှာ ယူရို သန်း ၄၀၀(အမေရိကန် ဒေါ်လာ သန်း ၅၇၀) နီးပါး ဖြစ်ကြောင်း ရုရှား လက်နက်ရောင်းဝယ်ရေး ကုမ္ပဏီတစ်ခု ဖြစ်သော Rosoboronexport နှင့်နီးစပ်သော သတင်းရင်းမြစ်ကို ကိုးကား၍ Kommersant သတင်းစာကဖော်ပြသည်။

အမေရိကန်နှင့် အနောက်ကမ္ဘာ၏ ပိတ်ဆို့ အရေးယူခြင်းခံထား ရသော်လည်း မြန်မာနိုင်ငံ စစ်အစိုးရသည် အိမ်နီးချင်းနှင့် မဟာမိတ်နိုင်ငံများဖြစ်သော တရုတ်၊ အိန္ဒိယ နှင့် ရုရှားကဲ့သို့သော နိုင်ငံများ၏ လက်နက်ထောက်ပံ့ ရောင်းချမှုကို ပုံမှန်ရရှိလျက်ရှိကြောင်း လူ့အခွင့်အရေး ဆော်သြသူများက ပြောကြားသည်။

ယခု တိုက်လေယာဉ်များ ရောင်းချသည့် Rosoboronexport ကုမ္ပဏီနှင့် နီးစပ်သော သတင်းရင်းမြစ်၏ အဆိုအရ မြန်မာနိုင်ငံကို တရုတ်နိုင်ငံက လွန်စွာအဆင့်မြင့်သည့်"Ultra-Modern J-10" နှင့် FC-1 အမျိုးအစား ဂျက်တိုက်လေယာဉ်များ ရောင်းချရန် ကမ်းလှမ်းခဲ့ကြောင်း၊ သို့သော် နောက်ဆုံးတွင် ရုရှားကုမ္ပဏီ၏ ကမ်းလှမ်းချက်ကို သဘောတူညီလိုက်ခြင်း ဖြစ်ကြောင်း သိရသည်။

ရုရှားနိုင်ငံသည် မြန်မာနိုင်ငံကို ပြီးခဲ့သည့် ၂၀၀၁ ခုနှစ် က အဆိုပါ MiG-29 အမျိုးအစား တိုက်လေယာဉ် ၁၂ စင်း ရောင်းချခဲ့ဖူးသည်။

ယခုပြုလုပ်လိုက်သော အရောင်းအဝယ်သည် MiG တိုက်လေယာဉ် အမျိုးအစားအတွက် ပမာဏ အများဆုံး ရောင်းဝယ်မှု တစ်ခုဖြစ်သည်။ ယခင်၂၀၀၇ ခုနှစ် ကလည်း အယ်လ်ဂျီးရီးယား နိုင်ငံက အလားတူ ပမာဏများသောတန်ဖိုးဖြင့် ဝယ်ယူမှုပြုလုပ်ခဲ့ဖူးသည် ဟု အဆိုပါ ရုရှားသတင်းစာက ဆိုသည်။

ပြီးခဲ့သည့် ၂၀၀၈ ခုနှစ်တွင် အယ်လ်ဂျီးယားနိုင်ငံက ယူရို ၉၈၇ သန်းတန်ဖိုးရှိသော MiG-29 တိုက်လေယာဉ် ၃၄ စင်း ဝယ်ယူရန် ကမ်းလှမ်း ခဲ့ဖူးကြောင်း၊ သို့သော် တိုက်လေယာဉ်များ၏ အရည်အသွေးမှ မျှော်လင့်ထားသလောက် ကောင်းမွန်မှု မရှိသောကြောင့် ဝယ်ယူမည့် အစီအစဉ်ကို ဖျက်သိမ်း လိုက်ကြောင်း အဆိုပါ သတင်းစာက ဆိုသည်။

AFP သတင်းဌာန၏ Russia to deliver 20 MiG fighters to Myanmar : Report ကို ဘာသာပြန်ဆိုသည်။

{Yangon Chronicle 2010:542} မြန်မာနိုင်ငံတွင် ပြန်လည်ပေါင်းစည်းရေးလိုအပ်

Posted by Transparency Myanmar 2010

comments (0)

Asian Tribune, By Nehginpao Kipgen, 24 Dec 2009

၂၀၀၉ ခုနှစ်ကုန်ရန် ရက်ပိုင်းမျှသာလိုတော့သည် မြန်မာနိုင်ငံအတွင်း နေထိုင်ကြ သူများရော နိုင်ငံတကာအသိုင်းအဝိုင်းကပါ ၂၀၁၀ ခုနှစ်တွင် ကျင်းပပြုလုပ်မည်ဟုဆို ထားသော အထွေထွေရွေးကောက်ပွဲကို စောင့်ကြည့်လျက်ရှိကြပါသည်။ ရွေးကောက်ပွဲ ဥပဒေများကို ကြေညာခြင်းမရှိသေးသော်လည်း စစ်အစိုးရသည် ရွေးကောက်ပွဲကို စစ်တပ်အုပ်ချုပ်မှုအား တရားဝင်အောင် ပြုလုပ်ပေးမည့် အခွင့်အရေးတစ်ခုအဖြစ် ရှုမြင် ထားပါသည်။ သို့သော် တိုင်းပြည်တွင် ဖြေရှင်းစရာ အရေးကြီးသော ကိစ္စရပ်များစွာရှိနေ ပါသေးသည်။

မြန်မာနိုင်ငံအနေဖြင့် အနှေးနှင့် အမြန်ဆိုသလို ပေါင်းစည်း ညီညွှတ်ရေး လိုအပ် နေပါသည်။ ပြင်အကူအညီများ သို့မဟုတ် ဝင်ရောက် စွက်ဖက်ခြင်းသည် ဒီမိုကရေစီ လုပ်ငန်းစဉ်များကို ချောမွေ့အောင် အကူအညီ ပေးရုံသာရှိပြီး၊ အမှတ်တကယ် ပြုပြင် ပြောင်းလဲမှုများမှာ မြန်မာနိုင်ငံသားများ ကိုယ်တိုင်က ပြုလုပ်ကြရမည်ဖြစ်ပါသည်။ အမေရိကန် ကဲ့သို့သော အင်အားကြီးနိုင်ငံများက စစ်ရေးအရ ဝင်ရောက် စွက်ဖက်ခြင်းမျိုး သည်သာ စစ်အစိုးရကို ဖယ်ရှားရန် အမြန်ဆုံး နည်းလမ်း ဖြစ်ပေလိမ့်မည်။

၁၉၆၂ ခုနှစ်မှ စတင် အုပ်ချုပ်ခဲ့သော စစ်တပ်သည် ၁၉၇၄ တွင် မြန်မာဆိုရှယ် လစ် လမ်းစဉ်ပါတီမှာ လွှတ်တော် ရွေးကောက်ပြီး အုပ်ချုပ်ကာ ၁၉၈၈ တွင် နိုင်ငံတော် ငြိမ်ဝပ်ပိပြားမှု တည်ဆောက်ရေး ကော်မတီ၊ ၁၁၉၉၇ တွင် နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီ စသည်ဖြင့် အမည်အမျိုးမျိုး ပြောင်းကာ အုပ်ချုပ်ခဲ့ပြီး အတိုက်အခံ အုပ်စုများကို ရက်ရက်စက်စက် ဖိနှိပ်ခဲ့ပြီး၊ တိုင်းပြည်ကို အထီးကျန် တိုင်းပြည် ဖြစ်စေခဲ့ပါသည်။

ဖွဲ့စည်းပုံ အခြေခံဥပဒေ အသစ်တွင် ပါလီမန်၌ ၂၅% ကို စစ်တပ်မှ နေရာယူ ထားမည်ဖြစ်ပြီး၊ ကာကွယ်ရေး ဦးစီးချုပ်က ခန့်ထားမည်ဖြစ်ပါသည်။ အရေးပေါ် အခြေ တွင် ကာကွယ်ရေး ဦးစီးချုပ်သည် ဥပဒေပြုအာဏာ၊ တရားစီရင်ရေး အာဏာနှင့် အုပ်ချုပ် ရေးအာဏာ တို့ကို ကိုင်တွယ်နိုင်မည်ဖြစ်သည်။ အခြေခံဥပဒေကို ပြင်ဆင်မည် ဆိုလျှင် ပါလီမန်၏ ၇၅% နှင့် အထက် ထောက်ခံမဲရရန် လိုအပ်မည်ဖြစ်ပါသည်။

အခြေခံဥပဒေကို ပြင်ဆင်ခြင်းမပြုလျှင်၊ ဒီမိုကရေစီအမည်ခံပြီး စစ်တပ်မှ ဆက်လက်အုပ်ချုပ်မည်ဟုသာ ကောက်ချက်ဆွဲရလိမ့်မည်ဖြစ်ပါသည်။ SPDC မှ စစ်တပ်က ကြိုးကိုင်သော ပါလီမန်စနစ်သို့ပြောင်းသွားခြင်းပင်ဖြစ်သည်။

ရွေးကောက်ပွဲ ကျင်းပခြင်းသည် စစ်အစိုးရ၏ စည်းကမ်းပြည့်ဝသော ဒီမိုကရေစီ အတွက် လမ်းပြမြေပုံ (၇)အဆင့်တွင် နံပါတ်(၅) အဆင့် ဖြစ်ပါသည်။ ကျန်ရှိသော ၂ ဆင့်မှာ ရွေးကောက် တင်မြှောက်ခံရသော ကိုယ်စားလှယ်များနှင့် ခေတ်မှီ ဖွံ့ဖြိုးတိုးတက်သော ဒီမိုကရက်တစ် နိုင်ငံတို့ ဖြစ်သည်။

မြန်မာနိုင်ငံသည် ရွေးကောက်ပွဲဆီသို့ ဦးတည်နေပြီ ဖြစ်သော်လည်း အဓိက အတိုက်အခံ ပါတီအနေဖြင့် ရွေးကောက်ပွဲတွင် ပါဝင်မည်လား (သို့မဟုတ်) ပါဝင်ခွင့်ပြု မည်လား ဆိုသည့် အချက်ကိုမူ ရှင်းရှင်းလင်းလင်း မသိရှိရသေးပါ။ မည်သို့ပင် ဆိုစေ၊ ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် မပါဝင်ခဲ့လျှင် ကြီးမားသော အရေးကိစ္စဖြစ်ပါမည်။ အနောက်နိုင်ငံများက ထိုအချက်ကို ထောက်ပြပြီး ရွေးကောက်ပွဲ ရလဒ်ကို လက်ခံကြလိမ့်မည် မဟုတ်ပေ။ အကယ်၍ ရွေးကောက်ပွဲတွင် NLD မပါဝင်ခဲ့ သော်လည်း NLD အနေဖြင့် ၁၉၉၀ ရွေးကောက်ပွဲ ရလဒ်ကို ပစ်ပယ်လိုက်သလို ဖြစ်သွားမည် ဖြစ်ပါသည်။

ပြီးခဲ့သည့် စက်တင်ဘာ လကလည်း အိုဘားမားအစိုးရသည် မြန်မာနိုင်ငံနှင့် ဆက်ဆံရေး မူဝါဒကို စတင်ခဲ့သော်လည်း NLD နှင့် စစ်အစိုးရတို့၏ ပေါင်းစည်းမှု ဖြစ်စဉ်မှာ နှေးကွေး လွန်းလှပါသည်။ ပြန်လည်ပေါင်းစည်းရေး ဖြစ်စဉ်သည် အစပြုရုံသာ ရှိသေးသဖြင့် သုံးသပ်ရန် စောလွန်းနေပါသေးသည်။ သို့သော် တိုင်းပြည်၏ ဒီမိုကရေစီ လုပ်ငန်းတွင် အပေါင်းလက္ခဏာ ဆောင်သော တိုးတက်မှုများ ရှိပါသေးသည်။ ဒေါ်အောင်ဆန်းစုကြည်သည် စက်တင်ဘာလက တစ်ကြိမ်၊ နိုဝင်ဘာလကတစ်ကြိမ်၊ ဗိုလ်ချုပ်မှူးကြီးသန်းရွှေထံသို့ စာရေးသားပေးပို့ခဲ့ပါသည်။ ပထမအကြိမ် စာရေးသား ပေးပို့ခြင်းကြောင့် ဒေါ်အောင်ဆန်းစုကြည်သည် အမေရိကန် ပြည်ထောင်စု၊ ဥရောပသမဂ္ဂ နှင့် သြစတြေးလျတို့မှ သံတမန်များနှင့် အရေးယူ ပိတ်ဆို့မှု ကိစ္စရပ်များကို ဆွေးနွေးခွင့် ရရှိ ခဲ့ပါသည်။

ဒုတိယစာအရ ဒေါ်အောင်ဆန်းစုကြည်သည် NLD မှ သက်ကြီးခေါင်းဆောင် ၃ ဦးဖြစ်သော၊ ဦးအောင်ရွှေ၊ ဦးလွင်နှင့် ဦးလွန်းတင်တို့ဖြင့် ဒီဇင်ဘာ ၁၆ ရက်နေ့က တွေ့ ဆုံခွင့်ရရှိခဲ့ပါသည်။

ဒုတိယစာတွင် ဒေါ်အောင်ဆန်းစုကြည်သည် မြန်မာနိုင်ငံအပေါ် အနောက်နိုင်ငံ များက ချမှတ်ထားသော အရေးယူမှုများ ဖြေလျော့ရေးအတွက် ဗိုလ်ချုပ်မှူးကြီးသန်းရွှေ နှင့် တွေ့ခွင့်ပြုရန် တောင်းဆိုခဲ့ပါသည်။ ဗိုလ်ချုပ်မှူးကြီး သန်းရွှေသည် စစ်အစိုးရ၏ အကြွင်းမဲ့ အာဏာရှင် ဖြစ်သည့်အလျှောက်၊ ၎င်းတို့နှစ်ဦး တွေ့ဆုံမှုသည် အမျိုးသား ပြန်လည် ပေါင်းစည်းရေးအတွက် အရေးကြီးသော ခြေလှမ်းဖြစ်ပေလိမ့်မည်။

ဝါရှင်တန်သည် တိုးတက်မှုအတွက် မျှော်လင့်ချက်က အပြည့်ရှိနေပါသည်။ အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် Ian Kelly က ဒီဇင်ဘာ ၁၆ ရက်နေ့က ပြောကြားရာတွင် မိမိတို့သည် မြန်မာအစိုးရအား ဒေါ်အောင်ဆန်းစုကြည်အပါအဝင် ဒီ မိုကရက်တစ် အတိုက်အခံများ၊ တိုင်းရင်းသား ခေါင်းဆောင်များနှင့် အခြားနိုင်ငံရေးနှင့် ပတ်သက်သူများနှင့် တွေ့ဆုံဆွေးနွေးရေးကို တိုက်တွန်း သွားမည်ဖြစ်ကြောင်း ပြောကြားခဲ့ ပါသည်။

နိုင်ငံတကာ အသိုင်းအဝိုင်း အနေဖြင့်လည်း မြန်မာနိုင်ငံအပေါ် ငြိမ်းချမ်းသော ဒီမိုကရေစီ နိုင်ငံဖြစ်ပေါ်စေရေး ဦးတည်ချက်ဖြင့် ဆက်ဆံရေးများ ပြုလုပ်ရန် လိုအပ်ပါ သည်။

မြန်မာနိုင်ငံတွင် စီးပွားရေးအရရော မဟာဗျူဟာအရပါ လွှမ်းမိုးနိုင်ရန် ပြိုင်ဆိုင်လျက် ရှိကြသော တရုတ်နိုင်ငံနှင့် အိန္ဒိယနိုင်ငံတို့ အနေဖြင့် သဘောပေါက်သင့် သည်မှာ မြန်မာနိုင်ငံတွင် စစ်အာဏာရှင် စနစ်ကြောင့် ဆယ်စုနှစ်များနှင့် ချီ၍ ဆိုးရွားသော အကျိုးဆက်များ ဖြစ်ခဲ့ရသည်ကို နားလည် သင့်ပေသည်။ အကျယ်ချဲ့၍ ရှင်းပြရန် လိုအပ်လိမ့်မည် မဟုတ်ပေ၊ အိမ်နီးချင်း နိုင်ငံများသို့ စစ်ပြေးဒုက္ခသည်များ ထောင်သောင်း ချီ၍ ထွက်ပြေးနေရခြင်း၊ တိုင်းပြည်တွင်းတွင် အိမ်ခြေမဲ့သူများ၊ ဆင်းရဲ မွဲတေနေမှုများ တိုးပွားလာမှု တို့ကို ကြည့်ရုံဖြင့် နားလည်ရမည်ဖြစ်ပါသည်။

စစ်အစိုးရနှင့် စစ်ရေးအရ သော်လည်းကောင်း၊ စီးပွားရေးအရ သော်လည်း ကောင်း ပူးပေါင်း ဆောင်ရွက်ရုံမျှဖြင့် ပြဿနာ ပြေလည်သွားလိမ့်မည် မဟုတ်ပေ။ မြန်မာနိုင်ငံသည် သဘာဝအရ တိုင်းရင်းသားများနှင့် ပတ်သက်သော နိုင်ငံရေး ပြဿနာများ ရှိခဲ့ပါသည်။ တရုတ်နှင့် အိန္ဒိယတို့က မြန်မာအစိုးရကို စစ်ရေး ကူညီထောက်ပံ့မှုများ ပေးခြင်းသည် နိုင်ငံတွင်းရှိ တိုင်းရင်းသား လူမျိုးစုများကို ဒုက္ခများ ပိုမိုတွေ့စေပြီး ခံစားစေသည် နှင့် အတူတူပင်ဖြစ်ပါသည်။

ထို့ကြောင့် Asean အဖွဲ့ဝင်နိုင်ငံများ အနေဖြင့် အနည်းဆုံးတော့ လူ့အခွင့်အရေး ကိစ္စနှင့် နိုင်ငံရေး အကျဉ်းသားများ ကိစ္စများကို အသံကျယ်ကျယ် ပြတ်ပြတ်သားသား ပြောကြားရန် လိုလိမ့်မည်ဖြစ်ပါသည်။ ယခုအခါ Asean သည် ဝါရှင်တန်ကို မြန်မာနိုင်ငံ အား ပစ်ပယ်ထားသည်ဟု အပြစ်တင်၍ မရတော့ပေ။ ယခုအချိန်သည် မြန်မာနိုင်ငံအဖို့ အမျိုးသား ပြန်လည်စည်းလုံး ညီညွတ်ရေး လမ်းကြောင်းကို စတင်ရန် အချိန်ရောက်နေပြီ ဖြစ်ကြောင်း ပြောလိုပါသည်။

{Yangon Chronicle 2010:541} မြန်မာနိုင်ငံက ဆန်တင်ပို့မှုကို မြှင့်တင်ရန် ဈေးကွက်တိုးချဲ့မည်

Posted by Transparency Myanmar 2010

comments (0)

Bernama news, 23 Dec 2009

မြန်မာနိုင်ငံသည် ဥရောပသမဂ္ဂ နိုင်ငံများ ကဲ့သို့သော ပြည်ပ နိုင်ငံများသို့ ဆန်တင်ပို့မှုကို မြှင့်တင်ရန် ကြိုးစားခြင်းဖြင့် ၎င်း၏ နိုင်ငံတကာဆန်ဈေးကွက်ကို ချဲ့ထွင်ရန် ကြိုးပမ်းနေသည်ဟု တရုတ် Xinhua news agency သတင်းများအရ သိရပါသည်။

ယခု အောက်တိုဘာလက ဖိလစ်ပိုင်တွင် ကျင်းပသော ကမ္ဘာ့ဆန် ကွန်ဖရင့်တွင် မြန်မာနှင့် ဥရောပ ဆန်ထုတ်လုပ်သူများ အကြား ညှိနှိုင်းမှုများ ပြုလုပ်ခဲ့ပြီးနောက် မြန်မာ နိုင်ငံ၏ အဆင့်မြင့် ဇီယာဆန်ကို ဥရောပသို့ တင်ပို့နိုင်ခဲ့ခြင်း ဖြစ်သည်။

ယခု ဈေးကွက် ချဲ့ထွင်မှုများအရ မြန်မာနိုင်ငံသည် ၎င်း၏ အရည်အသွေးဖြင့် ဆန်ကောင်းကို ကူဝိတ်၊ အရှေ့အလယ်ပိုင်းနှင့် အာဖရိက နိုင်ငံများသို့ တင်ပိုရန် စီစဉ် ထားပါသည်။

မြန်မာနိုင်ငံသည် ယခုနှစ်ဇွန်လ အစောပိုင်းက ဒူဘိုင်းတွင် ကျင်းပသော အရှေ့ အလယ်ပိုင်း၊ အာဖရိက၊ အာရှဆန်နှင့် ကောက်နှံဆိုင်ရာ ကမ္ဘာ့ထိပ်သီး ညီလာခံသို့ လည်း တက်ရောက်ခဲ့ပါသည်။

ညီလာခံကျင်းပစဉ်အတွင်း ရင်းနှီးမြုပ်နှံမှု အခွင့်အလမ်းများ ဆန်စပါးနှင့် နှံစားသီးနှံကဏ္ဍ ရင်ဆိုင်နေရသော စိန်ခေါ်မှုများ သတင်းအချက်အလက် ဖလှယ်မှု အားကောင်းရေး ကိစ္စများ၊ လယ်ယာထွက်ကုန် ရင်းနှီးမြှုပ်နှံမှုနှင့် ထုတ်လုပ်မှုများ အင် အားဖြည့် လုပ်ကိုင်နိုင်ရန် လုပ်ဖော်ကိုင်ဘက် ဆက်ဆံရေး ဆိုင်ရာ ကိစ္စများကို ဆန်စပါး ထုတ်လုပ်သူများ၊ ကုန်သည်များနှင့် ကျွမ်းကျင်သူများက ဆွေးနွေး ခဲ့ကြပါသည်။

မြန်မာနိုင်ငံသည် နှစ်စဉ် ဆန်စပါး အပိုဆောင်း ထုတ်လုပ်မှု တန်ချိန် ၅ သန်းခန့် ရှိသည်ဟု Xinhua က ဆိုပါသည်။

မတ်လတွင် ကုန်ဆုံးခဲ့သည့် ၂၀၀၈ - ၂၀၀၉ ဘဏ္ဍာရေးနှစ် အတွင်း မြန်မာနိုင်ငံ သည် စပါးစိုက် ဧရိယာ ဟက်တာ ၈.၂၆ သန်းမှ ဆန်တန်ချိန် သိန်း ၃၀ ခန့် ထုတ်လုပ် နိုင်ခဲ့သည်ဟု တရားဝင် စာရင်းများ အရ သိရပါသည်။

စပါးစိုက်ပျိုးမှု ကြီးထွား လာခြင်းကြောင့် မြန်မာနိုင်ငံ၏ ဆန်တင်ပို့မှုလည်း မြင့်တက် လာခဲ့ပြီး ၂၀၀၈-၂၀၀၉ ရာသီတွင် စံချိန်သစ် တင်သည့် အနေဖြင့် ဆန်တန်ချိန် ၇သိန်းကျော် တင်ပို့နိုင်ခဲ့သည်။ လွန်ခဲ့သော ၆ နှစ်က ဆန်တန်ချိန် ၁ သိန်းသာ တင်ပို့နိုင်ခဲ့ခြင်းနှင့် နှိုင်းယှဉ်ကြည့်နိုင်ပါသည်။

၂၀၀၈-၂၀၀၉ ရာသီ ဆန်တင်ပို့မှု အမေရိကန် ဒေါ်လာ သန်း ၂၀၀ ခန့် ဝင်ငွေရရှိ ခဲ့ပါသည်။ လက်ရှိ အချိန်အထိ တောင်အာဖရိက၊ စင်ကာပူ၊ သီရိလင်္ကာ၊ ယူအေအီး၊ တောင်ကိုရီးယားနှင့် အီဂျစ်နိုင်ငံများသို့ ဆန်တင်ပို့နေသည့် ပုဂ္ဂလိက ကုမ္ပဏီ ၃၅ စု ခန့် မြန်မာနိုင်ငံတွင် ရှိပါသည်။

ယခင်နှစ် မေလက ဖြစ်ပွားခဲ့သော ဆိုင်ကလုန်း နာဂစ်တိုက်ခတ်မှုကြောင့် ဆန်တင်ပို့မှု ၅ လခန့် ရပ်ဆိုင်း သွားခဲ့သော်လည်း အောက်တိုဘာလတွင် ဆန်တင်ပို့ မှုကို ပြန်လည် စတင်နိုင်ခဲ့ပြီး လစဉ်တန် တစ်သိန်းခန့် အထိ တင်ပို့ နိုင်ခဲ့ပါသည်။

ဆိုင်ကလုံး နာဂစ် ဖျက်ဆီးခဲ့သော စပါးစိုက် ဟက်တာ ၉ သိန်းခန့်သည် တစ်နိုင်ငံလုံး စုစုပေါင်း စိုက်ပျိုးဧရိယာ၏ ၂၄% ရှိသည်ဟု ခန့်မှန်းခဲ့ကြပြီး အဆိုပါ ဒေသသည် စပါး တန်ချိန် ၁.၃၅ သန်းခန့် ထွက်ရှိသော ဒေသဖြစ်သည်ဟု စာရင်းဇယားများကို ကိုးကား ၍ Xinhua က ဖော်ပြပါသည်။

မြန်မာနိုင်ငံသည် လာမည့်နှစ် အနည်းငယ်အတွင်း စပါးတန်ချိန် သန်း ၄၀ နှစ်စဉ် ထုတ်လုပ်သွားရန် လျာထားချက် အသစ်ချမှတ်ထားပြီး အဆိုပါ ဆောင်ရွက်မှုသည် ပြည်တွင်း ဖူလုံရေးအတွက် သာမကဘဲ စားနပ်ရိက္ခာ ပိုလျှံရေး အတွက်ပါ ရည်ရွယ်သည်ဟု အစိုးရ အထူးစီမံကိန်းများ အကောင်အထည်ဖော်ရေး ကော်မတီက ဆိုပါသည်။

လယ်ယာ စိုက်ပျိုးရေး ကဏ္ဍသည် မြန်မာနိုင်ငံ၏ အဓိက စီးပွားရေး ကဏ္ဍတစ်ရပ် ဖြစ်ပြီး နိုင်ငံလူဦးရေ ၅၇.၃၇ သန်း၏ ၇၀%သည် အဆိုပါကဏ္ဍတွင် ပါဝင် လုပ်ကိုင်နေ ကြပါသည်။ ပြည်တွင်း အသားတင် ထုတ်လုပ်မှုတန်ဘိုး GDP ၏ ၄၀% ကိုလည်း ဖြည့်ဆည်း ပေးနေပါသည်။

မြန်မာနိုင်ငံသည် လာမည့် မတ်လတွင် ကုန်ဆုံးမည့် ၂၀၀၉-၂၀၁၀ ရာသီတွင် ဆန်တန်ချိန် ၃၂ သန်း ထုတ်လုပ်ရန် ရည်မှန်းထားပြီး ၎င်းအနက်မှ တန်ချိန် ၁၀၅ သန်းကို ပြည်ပသို့ တင်ပို့မည်ဖြစ်သည်။

နိုင်ငံ၏ ဆန်တစ်ဦးချင်း စားသုံးမှုမှာ ကျေးလက် လူထုအတွက် တနှစ်လျှင် ၅၁၀ ကီလိုဂရမ် ဖြစ်ပြီး မြို့ပြ လူထုအတွက် တစ်နှစ်လျှင် ၄၀၈ ကီလိုဂရမ်ဖြစ်ပါသည်။ တစ်နိုင်ငံလုံး အတိုင်းအတာ အနေဖြင့် တစ်နှစ်ပတ်လုံး ဆန်စားသုံးမှုမှာ တန်ချိန် ၁၄ သန်း ခန့်ရှိသည်ဟု စာရင်းဇယားများ အရ သိရပါသည်။

တစ်ချိန်ထဲတွင်ပင် အဓိက စပါးစိုက် ဒေသများဖြစ်သော စစ်ကိုင်းတိုင်း၊ ဧရာဝတီ တိုင်းနှင့် ပဲခူးတိုင်းတို့တွင် ကန်ထရိုက် စိုက်ပျိုးရေး စနစ်ကို အပိုအနေဖြင့် တိုးချဲ့ရန် ကြိုးစားနေပြီး အရံအနေဖြင့် ရန်ကုန်တိုင်းတွင် စမ်းသပ် လုပ်ကိုင်လျက် ရှိပါသည်။

ဆန်စပါး၏ နောက်တွင် ဒုတိယအဓိက သီးနှံအဖြစ် ရပ်တည်နေသော မြန်မာ့ပဲမျိုးစုံသည်လည်း နိုင်ငံအတွက် နိုင်ငံခြားငွေ ပမာဏများစွာ ရှာဖွေပေးနေပါ သည်။

၂၀၀၇-၀၈ တွင် တန်ချိန် ၁.၃ သန်းတင်ပို့နိုင်ခဲ့သော ပဲမျိုးစုံသည် ၂၀၀၈-၀၉ တွင် ၁၅.၃%မြင့်တက်လာကာ တန်ချိန် ၁.၅ သန်းတင်ပို့နိုင်ခဲ့ပါသည်။ ပဲစိုက်ဧရိယာ ဟက်တာ ၄.၂၅ သန်းမှ ထွက်ရှိသော ပဲမျိုးစုံတင်ပို့မှုမှ အမေရိကန်ဒေါ်လာ ၈၀၆ သန်းရရှိခဲ့ပါသည်။

မြန်မာနိုင်ငံသည် ကမ္ဘာ့ဒုတိယအကြီးဆုံး ပဲတင်ပို့သူအဖြစ် ကနေဒါ၏ နောက်တွင် ရပ်တည်နေပြီး ၇၀% ကို အိန္ဒိယသို့ တင်ပို့နေခြင်းဖြစ်သည်။

{Yangon Chronicle 2010:540} ဖမ်းဆီးရမိသော မြောက်ကိုရီးယား လက်နက်များနှင့် ဆက်နွယ်မှုမရှိဟု အီရန်ငြင်းဆို

Posted by Transparency Myanmar 2010

comments (0)

Mizzima news,23 Dec 2009

အီရန်တွင် အဆုံးသတ်မည်ဟု ယူဆနေကြသော ထိုင်းနိုင်ငံတွင် ဖမ်းဆီးရမိသည့် လေယာဉ် ပေါ်မှ လက်နက်များသည် ၎င်းတို့နှင့်မည်သည့်ဆက်နွယ်မှုမှမရှိကြောင်း အီရန်က ငြင်းဆိုလိုက်ပါ သည်။

အပတ်စဉ် သတင်းစာရှင်းလင်းပွဲတွင် အီရန် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ Ramin Mehanparast က ယနေ့ကမ္ဘာကြီးတွင် ယင်းကဲ့သို့ လုပ်ဆောင်မှုများသည် အဓိပ္ပါယ်ရှိသည် ဟု မိမိတို့ မထင်ကြောင်းနှင့် ၎င်းကိစ္စကို မိမိတို့ပြင်းပြင်းထန်ထန်ငြင်းဆိုသည်ဟု ပြောကြားပါသည်။

အမြဲတမ်းဆိုသလိုပင် အနောက်နိုင်ငံများသည် မိမိတို့၏ နျူကလီးယားရပိုင်ခွင့်များကို ဟန့် တားရန် ကြိုးစားနေသည်မှာ စိတ်မကောင်းစရာပင်ဖြစ်သည်။ အထက်ပါသတင်းသည် ကမ္ဘာအနှံ့ လျှင် မြန်စွာ ပြန့်နှံ့နေပြီး အီရန်အပေါ် ပို၍ဖိအားပေးရန် ကြိုးစားနေကြသည်ဟု ၎င်းက ဆက်လက် ပြောကြားခဲ့ကြောင်း Xinhua သတင်းဝက်ဘ်ဆိုက်တွင် အင်္ဂါနေ့က ဖော်ပြထားပါသည်။

အဆိုပါသတင်းများသည် အီရန်အပေါ် နိုင်ငံရေးအရ ဖိအားပေးရန် ကြိုးစားမှုနှင့် ၎င်းတို့၏ စိတ်ဓာတ် စစ်ဆင်ရေး ပြုလုပ်မှုအဖြစ် လုပ်ကြံဇာတ်လမ်း ဖန်တီးခြင်းသာ ဖြစ်သည်ဟု Mehman Parast ကဆိုပါသည်။

လက်နက် မှောင်ခိုလေယာဉ်သည် လမ်းတွင် အကြိမ်ပေါင်းများစွာ အယောင်ပြ ရပ်နား၍ အီရန်သို့ ပျံသန်းမည်ဟူသော သတင်းထွက်ပေါ်လာပြီးနောက် အီရန်က တုန့်ပြန် ပြောဆိုခဲ့ခြင်း ဖြစ်သည်။

ဘယ်လဂျီယံ အခြေစိုက် IPIS နှင့် အမေရိကန် အခြေစိုက် TransArms အဖွဲ့အစည်းများမှ လက်နက် တရားမဝင် ကုန်သွယ်ရေးဆိုင်ရာ သုတေသန အရာရှိများ၏ လေယာဉ်သည် အီရန်သို့ ဦးတည်ခဲ့ခြင်း ဖြစ်သည်" ဟူသော အစီရင်ခံစာ အသစ်ကို ကိုးကား၍ Assonated Press (AP) သတင်း ထုတ်ပြန်ခဲ့ခြင်းဖြစ်သည်။

မြောက်ကိုရီးယားသည် နျူကလီးယား စမ်းသပ်ဖောက်ခွဲမှုကို ၂၀၀၆ တွင် ပထမအကြိမ်နှင့် ၂၀၀၈ မေတွင် ဒုတိယအကြိမ် ပြုလုပ်ခဲ့သောကြောင့် နိုင်ငံတကာ အသိုင်းအဝိုင်းက ကုလသမဂ္ဂဆုံး ဖြတ်ချက်အမှတ် ၁၈၇၄ ကို ချမှတ်ကာ လက်နက်ကုန်သွယ်မှုတားမြစ်ခြင်း၊ ဘဏ္ဍာရေးအရ ပိတ်ဆို့ ခြင်းနှင့် နျူကလီးယား လက်နက်များ၊ ဒုံးပျံများ၊ အဖျက်စွမ်းအားကြီး လက်နက်များ၊ သမားရိုးကျ လက်နက်များ ကြားဖြတ် ဟန့်တားခြင်း စသည်တို့ကို ဆောင်ရွက်ရန် တောင်းဆိုခဲ့ပါသည်။ မြောက်ကို ရီးယားသည် အီရန်၊ ဆီးရီးယားနှင့် မြန်မာစသော နိုင်ငံများသို့ ဒုံးကျည်များ၊ ဒုံးပျံအစိတ်အပိုင်းများ၊ အခြားလက်နက်များ ရောင်းချခြင်းဖြင့် နှစ်စဉ် ဝင်ငွေကြီးမားစွာ ရရှိနေသည်ဟု ယုံကြည်ရပါသည်။

သုတေသန အရာရှိများ၏ ပြောကြားချက်အရ ဖမ်းဆီးခံ လေယာဉ်၏ ယခင်မှတ်ပုံတင် အထောက်အထားများ ဖြစ်သော Air Cess နှင့် Centratrican Air Lines များသည် မတ်လ ၆ ရက်က ထိုင်းနိုင်ငံတွင် ဖမ်းဆီးခံ အကျဉ်းကျနေသော လက်နက်မှောင်ခိုကုန်သည် Victor Bout နှင့် ဆက် သွယ်မှုရှိသည်ဟု စွပ်စွဲမှုများ ရှိနေကြောင်း သိရပါသည်။ သို့ရာတွင် Bout နှင့် ဆက်နွယ်နေသည်ဟု အတိအကျ ပြောဆိုရန် လုံလောက်သော အထောက်အထားများ မရှိသေးဟု အစီရင်ခံစာက ဖော်ပြပါ သည်။

ဒီဇင်ဘာ ၁၂ ရက်က မြောက်ကိုရီးယားမှ ပျံတက်လာခဲ့သော ရုရှားနိုင်ငံလုပ် စစ်ဘက် ပို့ဆောင်ရေး လေယာဉ် (အီလူးရှင်း ၇၆ အမျိုးအစား)သည် ဘန်ကောက် ဒွန်မောင်းလေဆိပ်တွင် ဆီဖြည့်ရန် ခွင့်တောင်းရပ်နားစဉ် ထိုင်းလုံခြုံရေးအရာရှိ ၁၀၀ ကျော်က တက်ရောက်ရှာဖွေ ဖမ်းဆီးလိုက်ခြင်း ဖြစ်သည်။

ဖမ်းဆီးရမိသော လက်နက် ၃၅ တန်တွင် ဒုံးပစ်လောင်ချာ ဗုံးသီးများ(အာပီဂျီ) လေယာဉ်ပစ် SAM ဒုံးကျည် အစိတ်အပိုင်းများနှင့် ခဲယမ်းမီးကျောက်များ ပါဝင်ပါသည်။

ဖမ်းဆီးမိသော လက်နက်များကို ထိုင်းစစ်တပ်၏ လက်နက်ဂိုဒေါင်သို့ သိမ်းဆည်းသယ် ဆောင်သွားခဲ့ပါသည်။

အဆိုပါ လေယာဉ် ငှားရမ်းထားသူ ပိုင်ရှင် နယူးဇီလန်မှ SP Trading က "အီလူးရှင်း လေယာဉ်သည် ပြုံယမ်းသို့ မထွက်ခွာမီ ယူကရိန်းသို့ လက်နက်များ ပို့ဆောင်ရန် သွားရောက်မည်ဟု မိမိတို့ကို အသိပေးခဲ့ကြောင်း ပြောကြားခဲ့သည်ဟု တနင်္လာနေ့က ထုတ်ပြန်သော အစီရင်ခံစာတွင် ဖော်ပြထား ပါသည်။

ယခုဖမ်းဆီးရမိသော မြောက်ကိုရီးယားမှ လက်နက်များကို ကုလသမဂ္ဂ ဆုံးဖြတ်ချက်အရ အကုန်လုံး ဖျက်ဆီးရမည် (သို့) တစိတ်တပိုင်း ဖျက်ဆီးရမည်စသဖြင့် မည်သို့ဆောင်ရွက်ရမည်ကို ဆုံးဖြတ်ရန် ထိုင်းအစိုးရအနေဖြင့် အချိန်ပိုမို၍ လိုအပ်ကြောင်း ထိုင်းဒုတိယဝန်ကြီးချုပ် ဆူသက်သောင်ဆူဂန်က လတ်တလော ပြောကြားခဲ့ပါသည်။

လက်နက်များကို အကုန်လုံး ဖျက်ဆီးပစ်ရမလား ဒါမဟုတ် ထိုင်းစစ်တပ်မှာ သုံးဖို့ တချို့ကို သိမ်းထားရမလား ဆိုတာကို သေချာ မဆုံးဖြတ်ရ သေးပါဘူး။ လက်နက်တွေကို စစ်ဆေးဖို့၊ အမျိုးအစားခွဲဖို့၊ ကုလသမဂ္ဂ ဆုံးဖြတ်ချက် စည်းကမ်းတွေကို လိုက်နာဖို့ အချိန်ပိုပြီး ပေးရလိမ့်မယ်"ဟု ဆူသက် က ဆက်လက် ပြောကြားခဲ့ပါသည်။

Transparency Myanmar