Transparency Myanmar

ယခု အကြိမ်သည် လွန်ခဲ့သော (၂) နှစ်က နှစ်နိုင်ငံ ဆက်ဆံရေး ပျက်ပြားခဲ့ချိန် နောက်ပိုင်း ပထမဆုံး တရားဝင် ကူညီ ထောက်ပံ့မှု ဖြစ်ဖွယ် ရှိပါသည်။ မြောက်ကိုရီးယားတွင် ယခင်နှစ်က ကောက်ပဲ သီးနှံများ ပျက်ဆီး ဆုံးရှုံးခဲ့မှုကြောင့် စားနပ်ရိက္ခာ အကြီးအကျယ် ပြတ်လပ်ခဲ့သည်ဟု ကုလသမဂ္ဂက ပြောကြားပါသည်။

ထို့အပြင် မြောက်ကိုရီးယားသည် ဆင်းရဲဒုက္ခ ရောက်မှုကြောင့် နိုင်ငံတွင်းမှ ထွက်ပြေးရန် ကြိုးစားသော နိုင်ငံသားများကို ပြင်းထန်စွာ အပြစ်ပေးနေသည်ဟု ကုလသမဂ္ဂ အရာရှိတစ်ဦးက ထုတ်ဖော် ပြောဆိုပါသည်။ ယခင်နှစ်က မြောက်ကိုရီးယား လုပ်ဆောင်ခဲ့သော ဒုံးကျည်နှင့် နျူကလီးယား စမ်းသပ်မှုများအတွက် ချမှတ်ခဲ့သော ပြင်းထန်သည့် နိုင်ငံတကာ အရေးယူ ပိတ်ဆို့မှုများသည် တိုင်းပြည်ကို အထိနာစေခဲ့သည်ဟု အကဲခတ် လေ့လာရေးသမားများက ယုံကြည်ထားပါသည်။

ကူညီ ထောက်ပံ့မှုကို မှီခို နေရခြင်း

ကူညီရန် ကမ်းလှမ်း ထားသော စားနပ်ရိက္ခာ ပမာဏမှာ အရေးမပါ လှသော်လည်း ကူညီ ထောက်ပံ့မှုကို လက်ခံခဲ့ခြင်းသည် တောင်ကိုရီးယားနှင့် ဆက်ဆံရေး တိုးတက်မှု ရှိရန် ပြုံးယမ်းက ကြိုးစားနေသော လက္ခဏာ တစ်ခု ဖြစ်နိုင်သည်ဟု ဆိုးလ်မှ BBC သတင်းထောက် John Scrdwoth က ပြောကြားပါသည်။

သမ္မတ လီမြောင်ဘက်သည် ၂၀၀၈ ဖေဖော်ဝါရီလတွင် ၎င်းအာဏာ လွှဲပြောင်း ရယူပြီး နောက်ပိုင်းတွင် မြောက်ကိုရီးယားသို့ ခြွင်းချက်မရှိ ထောက်ပံ့ရေး အစီအစဉ်ကို ရပ်ဆိုင်းခဲ့ပြီး ထောက်ပံ့ရေး ကိစ္စကို နျူကလီးယား လက်နက် ဖျက်သိမ်းရေး လုပ်ငန်း တိုးတက်မှုနှင့် ဆက်စပ် ထားခဲ့ပါသည်။

သမ္မတလီ မတိုင်မီက ဆိုးလ်သည် မြောက်ကိုရီးယားသို့ စားနပ်ရိက္ခာ တန်ချိန် သိန်းနှင့် ချီ၍ နှစ်စဉ် ပေးပို့ ထောက်ပံ့ခဲ့ပါသည်။

၁၉၉၀ ခုနှစ်များတွင် မြောက်ကိုရီးယား၌ သဘာဝ ဘေးအန္တရာယ် ကပ်ဘေးများ ကျရောက်ပြီး လူပေါင်း သိန်းနှင့်ချီ သေဆုံး ခဲ့ပြီးချိန်မှ စ၍ ပြည်သူများကို ကျွေးမွေးရန် ပြည်ပ ထောက်ပံ့မှုများကို မှီခိုနေရပါသည်။

ကုလသမဂ္ဂ ကမ္ဘာ့ စားနပ်ရိက္ခာ အစီအစဉ်က စက်တင်ဘာ လကုန်တွင် ပြောကြားခဲ့ရာတွင် မြောက်ကိုရီးယား အမျိုးသမီးနှင့် ကလေး သူငယ်များ၏ သုံးပုံ တစ်ပုံခန့်မှာ အဟာရ ချို့တဲ့မှု ဖြစ်ပွားနေပြီး ၂၀၀၉ ခုနှစ်တွင် လိုအပ်သော စားနပ်ရိက္ခာ ပမာဏထက် တန်ချိန် (၁.၈)သန်း လျော့နည်းခဲ့သည်ဟု ဆိုပါသည်။

ဆွေးနွေး ညှိနှိုင်းရန် ကမ်းလှမ်းခြင်း

ပြုံးယမ်းသည် ၎င်း၏ တာဝေးပစ် ဒုံးကျည် စမ်းသပ် ပစ်လွှတ်မှုကို အားလုံးက ဝိုင်းဝန်း ပြစ်တင် ရှုံ့ချခဲ့သောကြောင့် နျူကလီးယား အစီအစဉ် ရပ်ဆိုင်းရေး ဆွေးနွေးပွဲမှ ပြီးခဲ့သော ဧပြီလတွင် နှုတ်ထွက်သွားခဲ့ပါသည်။

မေလတွင် မြေအောက် နျူကလီးယား စမ်းသပ် ဖောက်ခွဲမှု ထပ်မံ ပြုလုပ်ခဲ့သောကြောင့် နိုင်ငံတကာ ဖိအားပေးမှုများ ကြီးထွား လာခဲ့ပြီး ကုလသမဂ္ဂ အရေးယူ ပိတ်ဆို့မှုများဖြင့် ပြစ်ဒဏ် ချမှတ်ခံရသလို ၎င်းကလည်း ဒုံးကျည် စမ်းသပ်မှုများ ဆက်လက် လုပ်ဆောင်ခဲ့ပါသည်။

သို့ရာတွင် ပြီးခဲ့သော ဒီဇင်ဘာလကမူ ကျန်ရှိနေသေးသော ကွာဟမှုများ ကျဉ်းမြောင်း သွားစေရန် အမေရိကန်နှင့် ဆွေးနွေး ဆောင်ရွက်လိုကြောင်း မြောက်ကိုရီိးယားက ပြောကြားခဲ့ပြီး အရေးယူ ပိတ်ဆို့မှုများ အဆုံးသတ်ရေး၊ အမေရိကန်နှင့် ငြိမ်းချမ်းရေး စာချုပ် ချုပ်ဆိုရေး တို့အတွက် အလဲအလှယ် သဘောဖြင့် နျူကလီးယား လက်နက် ဖျက်သိမ်းရေး ဆွေးနွေးပွဲသို့ ပြန်လည် တက်ရောက်မည်ဟု ယခု သီတင်းပတ် အစောပိုင်းတွင် ထပ်မံ ပြောကြားခဲ့ပါသည်။

၁၉၅၀ - ၅၃ ကိုရီးယား စစ်ပွဲသည် အပစ် အခတ် ရပ်စဲရေးဖြင့် အဆုံးသတ်ခဲ့ခြင်း ဖြစ်ပြီး ငြိမ်းချမ်းရေး စာချုပ် ချုပ်ဆိုထားခြင်း မရှိပါ။

ယခုကဲ့သို့ စားနပ်ရိက္ခာ ထောက်ပံ့မှုကို လက်ခံခဲ့မှုနှင့် ပတ်သက်၍ မြောက်ကိုရီးယား အစိုးရ၏ လူ့အခွင့်အရေး ချိုးဖောက်မှုများကို စုံစမ်း စစ်ဆေးရန် ကုလသမဂ္ဂက ခန့်အပ်ထားသော အထူး ကိုယ်စားလှယ်က ပြောကြားရာတွင် ဖမ်းဆီးရမိသော စွန့်ခွာ ထွက်ပြေးသူများကို ပြုံးယမ်းက ပြင်းထန်စွာ အပြစ်ပေးမှုသည် ထွက်ပြေးရန် ကြိုးစားသူ ဒုက္ခသည် နည်းပါးသွားစေရန် ရည်ရွယ်ပုံ ရသည်ဟု ဆိုပါသည်။

မြောက်ကိုရီးယားတွင် စားနပ်ရိက္ခာ ရရှိရေး ကဲ့သို့သော အခြေခံ အခွင့်အရေးများကို ပိတ်ပင်ခြင်း အပါအဝင် ကြီးမားသော လူ့အခွင့်အရေး ချိုးဖောက်မှုများ ဖြစ်ပွားနေသည်ဟု ကုလ အထူးကိုယ်စားလှယ်၊ ထိုင်း ဥပဒေ ပါမောက္ခ ဗီတစ်မန် တပ်ဟွန်က သုံးသပ် ဆွေးနွေးခဲ့ပါသည်။

၎င်းသည် မြောက်ကိုရီးယားမှ ထွက်ပြေးလာသူ အစိုးရ ဝန်ထမ်းများ၊ မြောက်ကိုရီးယားတွင် အလုပ်လုပ်နေသော ကယ်ဆယ် ထောက်ပံ့ရေး အဖွဲ့များနှင့် မေးမြန်း စူးစမ်း ပြီးနောက် ဆိုးလ်တွင် ယခုကဲ့သို့ ပြောကြားခဲ့ခြင်း ဖြစ်သည်။

ဆက်လက် တာဝန်ယူမည့် သူကို တာဝန် လွှဲပြောင်းရန် ပြင်ဆင်နေသူ မန်တပ်ဟွန်အား အဆိုပါ အထူး တာဝန်ရယူချိန် ၂၀၀၄ မှ စ၍ မြောက်ကိုရီးယားက လုံးဝ ဝင်ခွင့် မပေးခဲ့ပါ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:668} ဒေါ်အောင်ဆန်းစုကြည်အား လွှတ်ပေးရန် ဂျပန်က မြန်မာကို ဖိအားပေး

Posted by Transparency Myanmar 2010

comments (0)

newsinfo.inquirer.net, 17^th January 2010

ဂျပန် နိုင်ငံခြားရေး ဝန်ကြီး ကာဆူယာ အိုဆာဒါသည် ဒီမိုကရေစီ အရေး လှုပ်ရှားသူ ဒေါ်အောင်ဆန်းစုကြည်ကို လွှတ်ပေးရန်နှင့် တရား မျှတသော ရွေးကောက်ပွဲကို ကျင်းပရန် မြန်မာ အစိုးရအား တနင်္ဂနွေနေ့က တိုက်တွန်းခဲ့သည်ဟု ဂျပန် နိုင်ငံခြားရေး ဝန်ကြီးဌာနမှ ပြောကြားပါသည်။

အာရှနှင့် လက်တင် အမေရိက နိုင်ငံခြားရေး ဝန်ကြီးများ စည်းဝေးပွဲ၏ အဝန်းအဝိုင်းတွင် မိနစ် (၂၀) ကြာ တွေ့ဆုံ ဆွေးနွေးခဲ့စဉ်အတွင်း အိုကာဒါက မြန်မာ နိုင်ငံခြားရေး ဝန်ကြီး ဦးဥာဏ်ဝင်းကို အကယ်၍ လွတ်လပ်သော ရွေးကောက်ပွဲသာ ကျင်းပပေးမည် ဆိုပါက ကူညီ ထောက်ပံ့မှုများ ပိုမို ရရှိ နိုင်လိမ့်မည်ဟု ပြောကြားခဲ့ခြင်း ဖြစ်သည်။

ယခုတိုင် ရက်သတ်မှတ်ခြင်း မရှိသေးသည့် ရွေးကောက်ပွဲများ မတိုင်မီ ဒေါ်အောင်ဆန်းစုကြည် နှင့် နိုင်ငံရေး အကျဉ်းသားများကို လွှတ်ပေး စေလိုသည့် ဂျပန်နိုင်ငံ၏ မျှော်လင့်ချက်များကို အိုကာဒါက ထပ်မံ ပြောကြားခဲ့သည်ဟု ဂျပန် နိုင်ငံခြားရေး ဝန်ကြီးဌာနက ဆိုပါသည်။

ရွေးကောက်ပွဲများသည် ပါတီ အားလုံးနှင့် ပြည်သူများကို တံခါး ဖွင့်ပေးမည် ဖြစ်ပြီး၊ လူအများ မျှော်လင့်နေကြသော ဒေါ်အောင်ဆန်းစုကြည်၏ NLD ပါတီ ပါဝင် ယှဉ်ပြိုင်ရန်ကိုလည်း တံခါး ဖွင့်ထား မည်ဟု ဦးဥာဏ်ဝင်းက ပြောကြားသည်ဟု သိရှိရပါသည်။

မြန်မာ စစ်ဖက် အုပ်ချုပ်သူများသည် ငြိမ်းချမ်းရေး နိုဘယ်ဆုရှင် ဒီမိုကရေစီ ခေါင်းဆောင်ကို လွန်ခဲ့သော အနှစ် (၂၀) အတွင်း (၁၄) နှစ်ခန့် ထိန်းသိမ်း ထားခဲ့ပြီး ၁၉၉၀ ခုနှစ်က နောက်ဆုံး ကျင်းပခဲ့သော ဒီမိုကရေစီ ရွေးကောက်ပွဲများတွင် သူမ၏ ပါတီ အပြတ်အသတ် အနိုင်ရရှိခဲ့သော ရလဒ်များကို အသိအမှတ် ပြုရန် ငြင်းဆန်ခဲ့ပါသည်။

မြန်မာနိုင်ငံအား ၎င်း၏ အဓိက နိုင်ငံရေး ထောက်ခံသူနှင့် ကုန်သွယ်ဖက်၊ အိမ်နီးချင်း တရုတ်နိုင်ငံနှင့် ပိုမို နီးစပ်ရန် စစ်ဖက် အစိုးရက တွန်းအားပေးနိုင်သော အချက်ကို ပြင်းပြင်းထန်ထန် သတိပေးနေသော ဂျပန်နိုင်ငံသည် မြန်မာ အစိုးရ နှင့် ကုန်သွယ်ရေး၊ ညှိနှိုင်း ဆွေးနွေးရေး တို့ကို ဆက်လက် ဆောင်ရွက်နေဆဲ ဖြစ်ပါသည်။

{Yangon Chronicle 2010:667} အတိုက်အခံ ခေါင်းဆောင် ဒေါ်အောင်ဆန်းစုကြည်၏ အယူခံဝင်မှု ကြားနာ

Posted by Transparency Myanmar 2010

comments (0)

နေအိမ် အကျယ်ချုပ် ပြစ်ဒဏ် တိုးမြှင့် ကျခံနေရသော မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ အယူခံဝင်မှု အပေါ် မြန်မာနိုင်ငံ တရားရုံးချုပ်က အပြီးသတ် ကြားနာ စစ်ဆေးလျက် ရှိကြောင်း သတင်း ရရှိပါသည်။

ဒေါ်အောင်ဆန်းစုကြည်သည် ပြီးခဲ့သည့် ၂၀၀၉ ခုနှစ်က အင်းလျား ကန်စောင်းမှ သူမ၏ နေအိမ်သို့ အမေရိကန် အမျိုးသား တစ်ဦး ရေကူးကာ ဝင်ရောက်ခဲ့မှုနှင့် ပတ်သက်၍ နေအိမ် အကျယ်ချုပ် ပြစ်ဒဏ် ၁၈ လ တိုးမြှင့် ချမှတ်ခြင်း ခံခဲ့ရသည်။

ယင်းပြစ်ဒဏ် နှင့် ပတ်သက်၍ အစောပိုင်းက အောက်တရားရုံးသို့ အယူခံ ဝင်ခဲ့သော်လည်း ပယ်ချခြင်း ခံခဲ့ရသည်။ ဒေါ်အောင်ဆန်းစုကြည်နှင့် စစ်အစိုးရ အဖွဲ့ဝင် ကိုယ်စားလှယ်တို့ မကြာခဏ တွေ့ဆုံ ဆွေးနွေးပြီး နောက်ပိုင်းမှသာ ဤသို့ ကြားနာခွင့် ရသည့် အခြေအနေ ဖြစ်လာခဲ့ခြင်း ဖြစ်သည်။

အရှေ့တောင် အာရှဒေသ ဆိုင်ရာ BBC သတင်းထောက်၏ အဆိုအရ အဆိုပါ အမှုကို အမှုသွား အမှုလာ အကြောင်းရပ်ထက် တရားရေး ဆိုင်ရာ အရေးကိစ္စအပေါ် အခြေခံ၍ ကြားနာ ခဲ့ကြောင်းလည်း သိရပါသည်။

မြန်မာ စစ်အစိုးရက ပယ်ပျက်သွားပြီ ဖြစ်သော ဖွဲ့စည်း အုပ်ချုပ်ပုံ အခြေခံ ဥပဒေပါ ပုဒ်မကို အသုံးပြု၍ အမှုသည်အပေါ် စွဲချက် တင်ထားခြင်း ဖြစ်ပါသည်။

အယူခံလွှာကို မတင်သွင်းမီ ဒေါ်အောင်ဆန်းစုကြည်၏ ရှေ့နေများ အနက် တစ်ဦးကို BBC သတင်းဌာနက တွေ့ဆုံ မေးမြန်းရာတွင် အဆိုပါ ရှေ့နေက "တကယ့် အမှန်တရား ဥပဒေ ရှုထောင့်က ကြည့်ရင် ကျွန်တော်တို့ ဒေါ်စုဘက်က နိုင်မှာပါ" ဟု ပြောကြားပါသည်။

သို့သော် ရန်ကုန်မြို့ရှိ အနောက်တိုင်း သံတမန် ရပ်ကွက်ကမူ ဤကိစ္စတွင် မျှော်လင့်ရုံသာ ရှိပြီး အပြည့်အဝ မျှော်မှန်း၍ မဖြစ်နိုင်သေးဟု ဆိုကြသည်။ နောင် ရက်သတ္တပတ်အတွင်း ဆုံးဖြတ် နိုင်ဦးမည်လည်း မဟုတ်ကြောင်း သိရပါသည်။

ရွေးကောက်ပွဲ အစီအမံများ

ဒေါ်အောင်ဆန်းစုကြည်နှင့် စစ်အစိုးရ၏ ဆက်ဆံရေး ဝန်ကြီး ဦးအောင်ကြည်တို့ နှစ်ဦး တွေ့ဆုံ ဆွေးနွေး ညှိနှိုင်းပြီး ရက်ပိုင်း အတွင်း အယူခံ အမှုကို ကြားနာ စစ်ဆေးခဲ့ခြင်း ဖြစ်သည်။ သို့သော် ဆက်သွယ်ရေး ဝန်ကြီးနှင့် မည်ကဲ့သို့ ဆွေးနွေးခဲ့ကြသည် ကိုမူ အသေးစိတ် မသိရှိရပေ။

ဒေါ်အောင်ဆန်းစုကြည်သည် စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေနှင့် တိုက်ရိုက် တွေ့ဆုံကာ နိုင်ငံတကာ ပိတ်ဆို့မှု များ လျော့ပါးအောင် ညှိနှိုင်း ပြောဆိုမည်ဟု တောင်းဆိုခဲ့ဖူးသည်။

အဆိုပါ အကြံပြုမှုကို လွန်ခဲ့သော ၄ လက ဦးစွာ တောင်းဆိုခဲ့သော်လည်း ယခု အချိန်အထိ တရားဝင် တုံ့ပြန်ချက် တစ်စုံတရာ မရရှိသေးပေ။

မြန်မာ စစ်အစိုးရသည် ယခုနှစ်ထဲတွင် ရွေးကောက်ပွဲ လုပ်ရန် စီစဉ်လျက် ရှိသည်။ ၁၉၉၀ ပြည့်နှစ်က အမျိုးသား ဒီမိုကရေစီ ပါတီ(NLD) သည် မဲ အပြတ်အသတ်ဖြင့် အနိုင် ရရှိသော်လည်း စစ်အစိုးရက အသိအမှတ် မပြုဘဲ အာဏာ လွှဲပြောင်းပေးရန် ငြင်းဆန်ခဲ့သည်။

ဒေါ်အောင်ဆန်းစုကြည်အား နေအိမ် အကျယ်ချုပ် ထိန်းသိမ်းထားခြင်းဖြင့် ယခုနှစ် ကျင်းပမည့် ရွေးကောက်ပွဲသို့ ဝင်ရောက် ယှဉ်ပြိုင်ခြင်း မပြုနိုင်အောင် ပြုလုပ်ထားခြင်းပင် ဖြစ်ပါသည်။

BBC သတင်းဌာန၏ Burma court hears Suu Kyi appeal ကို ဘာသာပြန်ဆိုပါသည်။

{Yangon Chronicle 2010:666} ရွေးကောက်ပွဲ နီးလာသော်လည်း လွှတ်တော် ဆောက်လို့ မပြီးသေး

Posted by Transparency Myanmar 2010

comments (0)

Reuters, 16^th January 2010

တပ်မတော် အုပ်ချုပ်သော မြန်မာနိုင်ငံ၏ အနှစ် ၂၀ အတွင်း ပထမဆုံး အကြိမ် လွှတ်တော် ရွေးကောက်ပွဲများကို ယခုနှစ်တွင် ကျင်းပရန် စီစဉ်ထားပါသည်။ သို့သော် ဆောက်လုပ်ဆဲ လွှတ်တော် အဆောက်အဦးမှာ ယခုတိုင် မပြီးသေးသဖြင့် လာမည့် လ အနည်းငယ် အတွင်း မဲပေးပွဲများ ကျင်းပရန် အခွင့်အရေး အနည်းငယ်သာ ရှိပါသည်။

ရွေးကောက်ပွဲ ကျင်းပမည့် ရက်ကို စစ်ဖက် အစိုးရက ယခုတိုင် သတ်မှတ်ခြင်း မရှိသေးပါ။ သို့သော်လည်း အောက်တိုဘာလ (သို့) ယင်းထက် စော၍ ကျင်းပနိုင်သည်ဟု အချို့က မှန်းဆ နေပါ သည်။

မြန်မာနိုင်ငံ၏ မြို့တော် နေပြည်တော်ရှိ လွှတ်တော် အဆောက်အဦးကို ရှားရှားပါးပါး ခဏတာ မြင်တွေ့ခဲ့ရာတွင် မပြီးသေးသော လမ်းများမှသည် ငြမ်းဆင် ထားဆဲ စုလစ်မွန်းချွန် အမိုးများနှင့် အဆောက်အဦး ၃၁ လုံးကို ဆေးသုတ်ခြင်း အထိ လုပ်စရာများစွာ ကျန်ရှိနေသေး သည်။

အဆောက်အဦးများ၏ အတွင်းပိုင်း အပြီးသတ်ရန် အပါအဝင် လုပ်ငန်းများ မည်မျှ ကျန်ရှိ နေသေးသည် ဆိုသည်ကိုမူ တည်ဆောက်ရေး လုပ်ငန်းခွင်ကို တွေ့မြင်ခဲ့သူ ရိုက်တာ သတင်းထောက်က ပြောကြားနိုင်ခြင်း မရှိပါ။

သို့သော်လည်း မြန်မာနိုင်ငံ၏ အကြီးဆုံး မြို့တော်ဟောင်း ရန်ကုန်မှ ကီလိုမီတာ ၃၂၀ (မိုင်၂၀၀) ကွာဝေးသော၊ ရှောင်ပုန်းလိုသူ စစ်ဖက် အုပ်ချုပ်သူများ သီးခြား နေထိုင်ရန် ရွေးချယ်ခဲ့သော၊ နေပြည်တော်သည် လွန်ခဲ့သော ၄ နှစ် ဘာမှ မရှိသည့် အနေအထားမှ မြို့တော်အဖြစ် လျင်မြန်စွာ ပျံနှံ့ ကြီးထွားလာသည်ကို ကြီးမားသည့် ဖွံ့ဖြိုးမှုများက သက်သေပြ နေပါသည်။

ရှင်ဘုရင်များ နေထိုင်သော နေရာဟု အဓိပ္ပါယ် သက်ရောက်သည့် နေပြည်တော်သည် ဝန်ကြီးဌာန အဆောက်အဦးများ၊ အစိုးရ အိမ်တော်များ၊ အရပ်ဖက် ဝန်ထမ်း အိမ်ယာများ၊ ရောမပုံစံ တိုင်လုံးကြီး များဖြင့် ဆင်ယင်ထားသော မပြီးသေးသည့် သမ္မတ အိမ်တော်များဖြင့် ဖွဲ့စည်းထားသော ဝင်္ကပါ တစ်ခုသဖွယ် ဖြစ်၍ ၎င်းအရာ အားလုံးသည် ဖုံထူသော၊ ခြောက်သွေ့သော ဖုန်းဆိုးမြေ အဆင့်မှ ပေါ်ပေါက်လာခဲ့ခြင်း ဖြစ်သည်။

ဂုဏ်ယူစွာ တခမ်းတနား အလှဆင်မှုများ ဖြစ်သည့် ရေများစွာ အသုံးပြုထားသော မြက်ခင်းစိမ်းများ၊ မတွေဖူးသော ကျောက်တုံးစီ နံရံများသည် အာရှတိုက်၏ အဆင်းရဲဆုံး တစ်နိုင်ငံ ဖြစ်သည့် မြန်မာနိုင်ငံတွင်းမှ အခြား နေရာများနှင့် ကွဲပြားနေပါသည်။ သက်ကယ်မိုး ထရံကာ တဲများဖြင့် နေထိုင် ကြသော အနီးတဝိုက်မှ ရွာများနှင့်လည်း များစွာ ကွာခြားလှပါသည်။

ဂေါက်ကွင်း ၅ ကွင်း၊ အပန်းဖြေ ပုံစံ ဟိုတယ် ၇ လုံး၊ သောက်သုံးနိုင်သော အဆင့် ရှိသည့် ဘုံဘိုင် ရေပေးစနစ်၊ အနောက်တိုင်း ပုံစံ ဈေးဝယ် စင်တာ၊ ကြီးမားသော တိရိစ္ဆာန် ဥယျာဉ်၊ ကျယ်ပြောလှသော ရေပန်းဥယျာဉ်၊ ကြီးမား ခန့်ထည်သော အစိုးရ စံအိမ်ကြီးများဖြင့် ဆွဲဆောင်မှု ရှိစေရန် ပြင်ဆင်ထားသော နေပြည်တော်တွင် ၂၄ နာရီ လျှပ်စစ်မီး ပေးထားသော်လည်း ကျန်တစ်နိုင်ငံလုံး တွင် စွမ်းအင် မလုံလောက်၍ လျှပ်စစ်မီး ပျောက် ဒုက္ခရောက်လျက် ရှိပါသည်။

ပြောင်လက် တောက်ပလှသော ရုပ်ရှင်ရုံ အပါအဝင် နေပြည်တော်ရှိ အဆောက်အဦး များစွာကို ခေတ်မီ ဆောက်လုပ်ရေး စက်ကရိယာများ မပါဘဲ ပြင်းထန်သည့် အပူဒဏ် အောက်တွင် အလုပ်သမားများ ပင်ပန်း ဆင်းရဲစွာ လုပ်ကိုင်ရသည့် ကြောက်မက်ဖွယ် ဆောက်လုပ်ရေး စနစ်ဖြင့် တည် ဆောက်ခဲ့ခြင်း ဖြစ်သည်။

နေ့စား အလုပ်ကြမ်း လုပ်သူ အမျိုးသမီးများသည် ဆောက်လုပ်ရေး လုပ်ငန်းခွင်တွင် အုတ်ခဲများကို ခေါင်းပေါ်ရွက်၍ တပင်တပန်း သယ်ဆောင်ကြရသလို၊ အလုပ်ကြမ်းသမား အမျိုးသား များမှာလည်း သစ်သားရိုးတပ် တံစဉ်များ၊ ပေါက်တူး ပေါက်ပြားများဖြင့် မြေယာ ပြုပြင် ရှင်းလင်းမှုကို လုပ်ကိုင်နေကြပါသည်။ တပ်မတော်က အသစ် ဖောက်လုပ်ထားသော ရန်ကုန် နေပြည်တော် အဝေးပြေး လမ်းမပေါ်တွင် နွားလှည်းများဖြင့် သစ်များ သယ်ဆောင်နေသည်ကို တွေ့နိုင်ပါသည်။

နေပြည်တော် တည်ဆောက်ခြင်း၏ ကုန်ကျစရိတ်ကို ထုတ်ဖော် ပြောကြားရန် အစိုးရက ငြင်းဆန်ခဲ့သော်လည်း ဒေါ်လာဘီလျံနှင့် ချီ၍ ကုန်ကျလိမ့်မည်ဟု သံတမန် ရပ်ကွက်က ပြောကြားပါ သည်။ တိုင်းပြည် ရင်ဆိုင်နေရသော နာတာရှည် ဆင်းရဲ မွဲတေမှုများ၊ တစစီ စုတ်ပြတ်နေသော အခြေခံ အဆောက်အဦးများ စသည့် ဦးစားပေး ကိစ္စများကို ဆောက်ရွက်စေလိုသော ကူညီ ထောက်ပံ့ရေး အဖွဲ့ များ၏ ဝေဖန် ပြစ်တင်မှုများလည်း ပေါ်ထွက်လာပါသည်။

မြန်မာ အစိုးရ၏ လူ့အခွင့်အရေး ချိုးဖောက်မှုများကို တုန့်ပြန် ဆောင်ရွက်သည့် အနေဖြင့် အနောက်နိုင်ငံများက အရေးယူ ပိတ်ဆို့ထားသော်လည်း ကျွန်းနှင့် သစ်မာများ၊ သဘာဝ ဓာတ်ငွေ့များမှသည် အဖိုးတန် မြန်မာ ကျောက်မျက်များ အထိ ရှိသော ကြွယ်ဝသည့် မြန်မာ သယံဇာတ ရင်းမြစ်များကို မက်မောနေသူ တရုတ်နှင့် အရှေ့တောင် အာရှနိုင်ငံ များကြောင့် မြန်မာအစိုးရ၏ သံတမန်ရေးနှင့် ဘဏ္ဍာရေး အခြေအနေ တောင့်တင်း ခိုင်မာလာသည်ကို နေပြည်တော် မြင်ကွင်းက ထင်ဟပ်ပြနေပါသည်။

ပျောက်ဆုံးနေသော အသက်ဝိညဉ်

"မြို့တစ်ဝှမ်း ပြန့်ကျဲနေတဲ့ နိုင်ငံခေါင်းဆောင် အိမ်တော် ၃ လုံးရယ်၊ ဝန်ကြီးဌာန ရုံးတွေရယ် အပြင် အခု လွှတ်တော် အဆောက်အဦး ၃၁ လုံးကို အစိုးရက ဘယ်လို ပြီးအောင် ဆောက်မှာလဲ" ဟု နေပြည်တော်၏ အရွယ်အစား ကြီးမားမှုကို အံအားသင့်နေသူ ရန်ကုန်မှ အနောက်နိုင်ငံ သံတမန် တစ်ဦးက မေးခွန်း ထုတ်ပါသည်။

"ဆောက်လုပ်ဆဲ အဆင့်သာ ရှိသေးတဲ့ အဆောက်အဦးတွေကို ဘယ်လို မြန်မြန် ဆောက်မှာလဲ ဆိုတာ အံသြစရာပဲ" ဟု ၎င်းက ပြောကြားပါသည်။

သို့ရာတွင် အရေးကြီးဆုံး အရာတစ်ခု ပျောက်ဆုံးနေပါသည်။ အသက်ဝိညာဉ်ပင် ဖြစ်ပါသည်။ အစိုးရက ၎င်း၏ ဝန်ထမ်းများ၊ အလုပ်သမားများ အားလုံး နီးနီးကို နေပြည်တော်သို့ ရွှေ့ပြောင်းခဲ့ပြီး ၄ နှစ်ခန့် ကြာသည့် တိုင်အောင် လူစည်ကား ရှုပ်ထွေးနေသော မြို့လယ် နေရာများကို မတွေ့ရပါ။

နေပြည်တော်တွင် လူဦးရေ တစ်သန်း ရှိသည်ဟု အာဏာပိုင်များက ပြောကြားသော်လည်း အဆိုပါ အရေအတွက်မှာ ပတ်ဝန်းကျင်ရှိ မြို့နယ် ၄ ခုကြောင့် ဖောင်းပွနေခြင်းသာ ဖြစ်သည်။ နိုင်ငံခြားသားများကို တားမြစ်ထားသော်လည်း ပြည်ပ ခရီးသွား ဧည့်သည်များကိုမူ ကြိုဆိုသည်ဟု ဆိုပါသည်။ နေပြည်တော်ကို ကြည့်ရသည်မှာ အမြင့်ဆုံးမှ တစ္ဆေမြို့ တစ်ခု အလား ခံစားရပါသည်။

ဆယ်လမ်းသွား ၂ လမ်းစာ ကျယ်ပြန့်သော လမ်းမကြီး တစ်ခု အပါအဝင် နေပြည်တော် လမ်းများမှာ ရှုပ်ထွေး၍ ကျယ်ပြန့်သော်လည်း လူသူ ကင်းမဲ့နေပါသည်။ သာမန် အရပ်သားတို့၏ ကားများမှာ နည်းပါးလှသည်။ မြို့တော်၏ အလယ်ဗဟိုဟု ဆိုရမည့် လမ်းငါးခွ ဆုံရာ အဝိုင်းတွင် လူသူ ခြောက်ကပ် ၍ ကျူးဘား အုန်းပင်များနှင့် အလှစိုက် ပန်းပင်များသာ ရှိပါသည်။

စားသောက်ဆိုင်များတွင် ညအခါ လူစည်ကားသော်လည်း မြို့တော်၏ အဆင်တန်ဆာများ ဖြစ်သည့် ဥယျာဉ်များမှသည် မီးများ လင်းထိန်နေသော အဆင့် ၂ ဆင့်ပါ ဂေါက်သီး လေ့ကျင့်ရေးကွင်း အထိ ကြောက်မက်ဖွယ်ရာ လူသူ ဆိတ်သုဉ်းနေပါသည်။

ရန်ကုန်မှ နေပြည်တော်သို့ အမြန် လမ်းသစ်ကြီးပေါ်တွင် နာရီ အနည်းငယ် မောင်းနှင်ရပြီး ကား ၆ စီး ခန့်သာ တွေ့မြင်ခဲ့ရပါသည်။

အစိုးရ ခေါင်းဆောင်များ ပျော်ရွှင်စွာဖြင့် ရန်ကုန်တွင် ထားရစ်ခဲ့သူမှာ ငြိမ်းချမ်းရေး နိုဘယ် ဆုရှင်၊ ပြည်သူ ချစ်သော အတိုက်အခံ ခေါင်းဆောင် ဒေါ်အောင်ဆန်းစုကြည် ဖြစ်ပါသည်။ ယခင်နှစ် သြဂုတ်လက သူမအား အကျယ်ချုပ် ထိန်းသိမ်းထားခြင်းကို အစိုးရက ထပ်မံ သက်တမ်းတိုး ခဲ့ပါသည်။

ရွေးကောက်ပွဲ မတိုင်မီ ဒေါ်အောင်ဆန်းစုကြည် လွတ်မြောက် လာနိုင်သော်လည်း ၁၉၉၀ ရွေးကောက်ပွဲတွင် NLD ပါတီ အပြတ်အသတ် အနိုင်ရအောင် ဦးဆောင်ခဲ့သည့် သူမအား ယခု တစ်ကြိမ် နိုင်ငံရေးတွင် အဓိက ကဏ္ဍမှ ပါဝင်ခွင့်ကို မျှော်လင့်နိုင်မည် မဟုတ်ဟု နိုင်ငံရေး ကျွမ်းကျင်သူ တချို့က ပြောကြားပါသည်။

{Yangon Chronicle 2010:665} မြန်မာ-ဘင်္ဂလားဒေ့ရှ် နယ်စပ် ခြံစည်းရိုး ကိစ္စ BDR နှင့် Nasaka ဆွေးနွေး

Posted by Transparency Myanmar 2010

Monday, January 18, 2010

comments (0)

ဘင်္ဂလားဒေ့ရ်ှနှင့် မြန်မာ နယ်စပ်ဒေသ တစ်လျှောက်တွင် ဆောက်လုပ်လျက် ရှိသော ခြံစည်းရိုး ကာသည့် အရေးကိစ္စနှင့် ပတ်သက်၍ နှစ်ဦးနှစ်ဖက် ဆွေးနွေးပွဲကို ဘင်္ဂလားဒေ့ရှ် လက်နက်ကိုင်တပ်ဖွဲ့ ဖြစ်သော Bangladesh Rifle (BDR) နှင့် မြန်မာ နယ်စပ်ဒေသ စောင့်တပ် ဖြစ်သော Nasaka တို့ ပူးပေါင်းပြီး ဘန်ဒါဘန် ခရိုင် Naikhyongchhari ဒေသရှိ Chakdhala မြို့တွင် ကျင်းပ ပြုလုပ်ခဲ့ကြောင်း သတင်း ရရှိရသည်။

ဇန်နဝါရီလ အစောပိုင်း လောက်က အဆိုပါ နယ်စပ်ဒေသတွင် ခြံစည်းရိုး တည်ဆောက်သည့် ကိစ္စအပေါ် BDR နှင့် Nasaka တို့ ပူးပေါင်းကာ ဆန္ဒ ပြခဲ့ကြကြောင်း၊ ယင်းသို့ တည်ဆောက်မှုသည် နိုင်ငံတကာ နယ်နိမိတ်ဆိုင်ရာ ဥပဒေများကို လျစ်လျူရှု ထားခြင်း ဖြစ်သည်ဟု စွပ်စွဲ ပြောဆို ခဲ့ကြကြောင်း BDR နှင့် နီးစပ်သော သတင်း ရင်းမြစ်များက ဆိုပါသည်။

နယ်စပ်ဖြတ်ကျော် မှောင်ခို ရောင်းဝယ်မှု တိုက်ဖျက်ရေး လုပ်ရပ်များ၊ ရိုဟင်ဂျာ လူမျိုးများ ဝင်ရောက်သည့် ကိစ္စများ အပါအဝင် နယ်စပ်ဒေသ ငြိမ်းချမ်းမှု ထွန်းကားရေး ကိစ္စ အစရှိသည်တို့ကို အဆိုပါ ဆွေးနွေးပွဲတွင် ထည့်သွင်း ဆွေးနွေးခဲ့ကြသည်။

Nasaka တို့က Azizul Haque နှင့် Noor Mohammad အပါအဝင် ဘင်္ဂလားဒေ့ရှ် နိုင်ငံသား နှစ်ဦးအား BDR သို့ လွှဲပြောင်း ပေးအပ်ခဲ့သည်။

Azizul Haque နှင့် Noor Mohammad တို့နှစ်ဦးအား Nasaka တို့က လွန်ခဲ့သည့် နှစ်လခန့်က ဖမ်းမိခဲ့ခြင်း ဖြစ်သည် ဟု သတင်း ရင်းမြစ်များက ဆိုသည်။ ယခု ပြုလုပ်သည့် ဆွေးနွေးပွဲသို့ BDR နှင့် Nasaka နှစ်ဖက်စလုံးမှ အဖွဲ့ဝင် ကိုးဦးစီ ပါသော အဖွဲ့နှစ်ဖွဲ့ တက်ရောက်ခဲ့ကြသည်။

Naikhyongchhari တွင် အခြေစိုက်သော BDR အမှတ်-၁၅ တပ်ရင်းမှ ဒုတိယ ဗိုလ်မှူးကြီး Shafiul Azam က ဘင်္ဂလားဒေ့ရှ် ဘက် အခြမ်းကို ဦးဆောင်ပြီး မြန်မာ နယ်ခြားစောင့် တပ်ဖွဲ့ Nasaka မှ ဗိုလ်မှူးကြီး Umony Singh က မြန်မာဘက် အခြမ်းကို ဦးဆောင်ကာ ဆွေးနွေးခဲ့ ကြကြောင်း၊ Khagrachhari တွင် အခြေစိုက်သည့် Burma Net သတင်းထောက်၏ အဆိုအရ ဇန်နဝါရီလ ၁၄ ရက်နေ့တွင် ဘင်္ဂလားဒေ့ရှ် နိုင်ငံဘက် Guimara ဒေသတွင် မြန်မာ နိုင်ငံသား တစ်ဦးကို ဖမ်းဆီးရမိခဲ့ကြောင်း သိရသည်။

ဖမ်းဆီးခံရသူမှာ အသက် ၃၀ အရွယ်ရှိ Mohammad Rafiq ဆိုသူ ဖြစ်ပြီး ၎င်းသည် မြန်မာနိုင်ငံ နယ်နိမိတ်အတွင်း၊ ဘင်္ဂလားဒေ့ရှ် နယ်စပ်ဒေသရှိ Iaikep ခရိုင်ဒေသမှ ဖြစ်ကြောင်း သိရပါသည်။

Guimara ရဲတပ်ဖွဲ့၏ အဆိုအရ Mohammad Rafiq သည် ကော့ဘဇားတွင် လွန်ခဲ့သည့် ၇ နှစ် လောက်ကတည်းက ခိုအောင်း နေထိုင်ခဲ့ကြောင်း၊ ၎င်းသည် လွန်ခဲ့သည့် ရက် အနည်းငယ် လောက်တွင် သူနှင့် ပတ်သက်သူ အချို့ကို အဆိုပါ မြို့သို့ ခေါ်ဆောင်လာကြောင်း ပြောကြားပါသည်။ Mohammad Rafiq နှင့် အပေါင်းအသင်းများသည် Guimara ရဲတပ်ဖွဲ့ဝင်များ ဝင်ရောက် ဖမ်းဆီးစဉ် ထွက်ပြေး လွတ်မြောက်ရန် ကြိုးပမ်းခဲ့ပါသေးသည်။

Burma Net မှ သတင်းကို ဘာသာပြန်ဆိုပါသည်။

{Yangon Chronicle 2010:664} အီရန်အပေါ် အရေးယူရေး တရုတ်နှင့် ရုရှား သဘောတူ

Posted by Transparency Myanmar 2010

comments (0)

Bloomberg News, 16^th January 2010

နျူကလီးယား လက်နက် ထုတ်လုပ်ရန် ကြိုးစားနေသော အီရန်ကို တားဆီးရန် တင်းကြပ်သော ကုလသမဂ္ဂ အရေးယူ ပိတ်ဆို့မှုများ ချမှတ်ရေးအတွက် စဉ်းစား သုံးသပ်မည်ဟု တရုတ်နှင့် ရုရှားက ယနေ့ သဘောတူခဲ့ကြကြောင်း ဥရောပသမဂ္ဂ နိုင်ငံရေး ဆိုင်ရာ ညွှန်ကြားရေးမှူး Robert Cooper က ပြောကြားပါသည်။

ရှေ့ဆက်၍ ဆောင်ရွက်သင့်သော ကိစ္စများကို စဉ်းစား သုံးသပ်မှု စတင်နေပြီဟု အမေရိကန်၊ ဗြိတိန်၊ တရုတ်၊ ပြင်သစ်၊ ဂျာမဏီနှင့် ရုရှားနိုင်ငံများမှ ကိုယ်စားလှယ်များနှင့် နယူးယောက်မြို့တွင် တွေ့ဆုံအပြီးတွင် Cooper က သတင်းထောက်များကို ပြောကြားလိုက်ပါသည်။ အဆိုပါ အစီရင်ခံစာတွင် ဥရောပ သမဂ္ဂ ရုံးတွင် ကျင်းပသော အစည်းအဝေး၌ အများဆန္ဒအရ ဆုံးဖြတ်ခဲ့ခြင်း ဖြစ်သည်ဟု လည်း Cooperm ဆိုပါသည်။

ရုရှား ဒုတိယ နိုင်ငံခြားရေး ဝန်ကြီး Sergei Ryabkov က ပြောကြားတွင် အီရန်အပေါ် ကျင့်သုံးမည့် လုံခြုံရေး ကောင်စီ၏ မဟာဗျူဟာမှ ဒုတိယ နည်းလမ်းနှင့် ပတ်သက်၍ အများဆုံး ဆွေးနွေးခဲ့ကြသည်ဟု အရေးယူ ပိတ်ဆို့မှုကို ရည်ညွှန်းလိုက်ပါသည်။ အီရန်၏ နျူကလီးယား အစီအစဉ်နှင့် ပတ်သက်သော အကျပ်အတည်းကို ဖြေရှင်းရာတွင် စေ့စပ် ညှိနှိုင်းခြင်းသည် ပထမ နည်းလမ်း ဖြစ်သည်ဟုလည်း ဆိုပါသည်။

ကုလသမဂ္ဂ ဆိုင်ရာ တရုတ် မစ်ရှင်အဖွဲ့၏ ကောင်ဆယ်လာ အရာရှိ Kang Yong သည် တရုတ်အစိုးရ ကိုယ်စားပြုခဲ့ပြီး ယခု အစည်းအဝေးသို့ တက်ရောက်သည့် သံတမန်များအနက် ရာထူး အငယ်ဆုံး ဖြစ်ပါသည်။ ၎င်းက သတင်းထောက်များကို ပြောဆိုခြင်း မပြုခဲ့ပါ။

ကုလသမဂ္ဂ ဆိုင်ရာ တရုတ် သံအမတ်ကြီး Zhang Yesui က ဇန်နဝါရီ ၅ ရက်တွင် ပြောကြားရာ၌ ယခုအချိန်သည် အရေးယူ ပိတ်ဆို့မှုများ ပြုလုပ်ရန် အချိန် မဟုတ်သေးဟု ဆိုခဲ့ပြီး စေ့စပ် ဆွေးနွေးရေးကို ပိုမို ကြိုးစားရန် တောင်းဆိုခဲ့ပါသည်။

အီရန်နိုင်ငံက ရှေ့ဆက်၍ ကျင်းပမည့် အစည်းအဝေးများကို ငြင်းပယ်ခဲ့ခြင်း၊ နိုင်ငံတကာ အနုမြူ စွမ်းအင် အေဂျင်စီ IAEA နှင့် ထိရောက်စွာ ပူးပေါင်း ဆောင်ရွက်မှု မရှိခြင်းတို့ကြောင့် ယနေ့ တွေ့ဆုံ ဆွေးနွေးခဲ့သော ၆ နိုင်ငံ စလုံးက စိုးရိမ် ပူပန်နေကြသည်ဟု Cooper က ဆိုပါသည်။ ဆေးဝါးဆိုင်ရာ အိုင်ဆိုတုပ် ထုတ်လုပ်မည့် ဓာတ်ပေါင်းဖိုအတွက် လိုအပ်သော သန့်စင်ပြီး ယူရေနီယမ် နှင့် ပတ်သက်သည့် အောက်တိုဘာ (၁) ရက် အဆိုပြုချက် အပေါ် အီရန်၏ တုံ့ပြန်မှုမှာ လုံလောက်မှု မရှိ ဟု ၆ နိုင်ငံစလုံးက သဘောတူခဲ့ကြသည်ဟု Cooper က ပြောကြားပါသည်။

ပိတ်ဆို့ အရေးယူမှု အစီအစဉ်များ

လက်နက် ထုတ်လုပ်ရန် ရည်ရွယ်နေသည်ဟု အမေရိကန်နှင့် ဥရောပ နိုင်ငံများက ယုံကြည်ထားကြသော အီရန်၏ နျူကလီးယား အစီအစဉ် ရုတ်သိမ်းရေးနှင့် ယူရေနီယမ် သန့်စင်ခြင်းကို ရပ်ဆိုင်းရေးအတွက် အီရန်ကို ဖိအားပေးရန် ရည်ရွယ်သည့် အရေးယူ ပိတ်ဆို့မှု အစီအစဉ် ၃ ခုကို လုံခြုံရေး ကောင်စီက လက်ခံခဲ့ပါသည်။ အီရန်နိုင်ငံကမူ အရပ်ဖက် စွမ်းအင် စီမံကိန်းများ အတွက်သာ ဖြစ်သည်ဟု အခိုင်အမာ ငြင်းဆိုနေဆဲ ဖြစ်ပါသည်။

အစည်းအဝေးနှင့် ပတ်သက်၍ ရုရှား ဒုတိယ နိုင်ငံခြားရေး ဝန်ကြီးက ပြောကြားရာ၌ မည်သည့် ဆုံးဖြတ်ချက်မှ မချရသေးသောကြောင့် စဉ်းစား သုံးသပ်နေဆဲ အဆင့်သာ ဖြစ်သည်ဟု ဆိုပါသည်။ ယခု အစီအစဉ်၏ ကဏ္ဍသစ်ကို စတင်နေပြီ ဖြစ်သည်။ အောက်တိုဘာ ၁ ရက် အဆိုပြုချက်၏ အခြေခံ အချက်များနှင့် ပတ်သက်၍ အီရန်နှင့် တွေ့ဆုံ ဆွေးနွေးလိုသော မိမိတို့၏ ဆန္ဒကို အတည်ပြုခဲ့ကြသည်။ ပြဿနာ၏ အဖြေကို ရရှိရေးအတွက် ကြိုးစားရန်၊ မှန်ကန်သော နိုင်ငံရေး ညှိနှိုင်း ဆွေးနွေးမှု ပြုလုပ်ရန် အချိန် ရှိသေးသည်ဟု မိမိတို့ ယုံကြည်နေသည်ဟုလည်း ၎င်းက ဆက်လက် ပြောကြားခဲ့ပါသည်။

ယခု အစည်းအဝေးသည် အလွန် အရေးပါသည်ဟု အမေရိကန် နိုင်ငံခြားရေး ဝန်ကြီး၏ လက်အောက်မှ အရာရှိ William Burms က ပြောဆိုပါသည်။ ယူရေနီယမ် သန့်စင်ခြင်း ဆိုင်ရာ အဆိုပြုချက်အား အီရန်မှ တုန့်ပြန်ရန် အတွက် ဒီဇင်ဘာ ၃၁ ရက်ကို နောက်ဆုံးရက် အဖြစ် အမေရိကန် ပြည်ထောင်စုက သတ်မှတ်ခဲ့ပါသည်။

ချမှတ်ဖွယ် ရှိသည့် အရေးယူ ပိတ်ဆို့မှု အများစုသည် ကုလသမဂ္ဂ လက်နက် ကုန်သွယ်မှု တားမြစ်ချက်ကို ချိုးဖောက်သည်ဟု စွပ်စွဲ ခံနေရသော သင်္ဘော ကုမ္ပဏီများနှင့် အီရန် တော်လှန်ရေး အစောင့် တပ်ဖွဲ့ကို ပစ်မှတ်ထားမည် ဖြစ်ပြီး ကမ္ဘာဘဏ် ကဲ့သို့သော နိုင်ငံတကာ ငွေကြေးအဖွဲ့များ၊ ကမ္ဘာ့နိုင်ငံများအား လူသားခြင်း စာနာမှုနှင့် ဖွံ့ဖြိုးရေး ကိစ္စများမှ လွဲ၍ အီရန်အား အာမခံပေးခြင်း၊ ငွေချေးခြင်း၊ ငွေကြေး အကူအညီ ပေးခြင်းများကို တားမြစ်သွားမည် ဖြစ်ပါသည်။

{Yangon Chronicle 2010:663} FTA သဘော တူညီချက်အရ အခွန် ဖယ်ရှားရေး မြန်မာက မဆောင်ရွက်သေးသော်လည်း တရုတ်အတွက် ပြဿနာ မရှိ

Posted by Transparency Myanmar 2010

comments (0)

Irrwaddy News, 16^th January 2010

အရှေ့တောင် အာရှ နိုင်ငံများ အဖွဲ့နှင့် တရုတ်နိုင်ငံ အကြား လွတ်လပ်သော ကုန်သွယ်ရေး သဘောတူညီမှု အသစ်အရ သွင်းကုန် အခွန်များ ဖယ်ရှားပေးရေး လုပ်ငန်းစဉ်ကို ဆောင်ရွက်ရန် ကျန်ရှိ နေသေးသော အာဆီယံ အဖွဲ့ဝင် ၄ နိုင်ငံတွင် မြန်မာနိုင်ငံလည်း ပါဝင်ပါသည်။

မြန်မာ၊ ဗီယက်နမ်၊ လာအိုနှင့် ကမ္ဘောဒီးယား နိုင်ငံတို့သည် ၎င်းတို့၏ စီးပွားရေး ဖွံ့ဖြိုးဆဲ အခြေအနေကြောင့် သွင်းကုန် အခွန် ဖယ်ရှားရေး လုပ်ငန်းကို ၂၀၁၅ အထိ ဆောင်ရွက်မည် မဟုတ်ပါ။

ကျန် အာဆီယံ အဖွဲ့ဝင် ၁၀ နိုင်ငံနှင့် တရုတ် နိုင်ငံတို့သည် ကုန်စည်များ၊ လယ်ယာ ထွက်ကုန်များ ကူးသန်း ရောင်းဝယ်ရာတွင် အခွန် ကောက်ခံခြင်းကို ဇန်နဝါရီ (၁) ရက်မှ စ၍ အဆုံးသတ်ရန် စီစဉ် ထားကြပါသည်။

ဆင်းရဲ နွမ်းပါးသော အဖွဲ့ဝင် ၄ နိုင်ငံမှာ ၎င်းတို့၏ စီးပွားရေးကဏ္ဍနှင့် ပြည်ပ ကုန်သွယ်ရေး ချိန်ညှိနိုင်ရေးအတွက် အချိန် ပိုပေးရန် လိုအပ်သောကြောင့် လောလောဆယ် ကင်းလွတ်ခွင့် ပေးရန် စီစဉ်ထားသည်ဟု အာဆီယံ အရာရှိများက ပြောကြားပါသည်။

အဆိုပါ ၄ နိုင်ငံ အနက်မှ ၃ နိုင်ငံသည် တရုတ်နိုင်ငံနှင့် ကုန်သွယ်ရေးအရ လည်းကောင်း၊ နိုင်ငံရေးအရ လည်းကောင်း အလွန် ရင်းနှီးစွာ ဆက်ဆံ ပတ်သက်နှင့်နေပြီးသား ဖြစ်သည်ဟု အကဲခတ် အချို့ က ထောက်ပြ ပြောဆိုပါသည်။

မြန်မာ၊ လာအိုနှင့် ကမ္ဘောဒီးယားသည် မည်သည့် ကိစ္စတွင် မဆို တရုတ်နိုင်ငံ၏ ကြီးမားသော ဖောက်သည် နိုင်ငံများ ဖြစ်သည်ဟု ဘန်ကောက် စွမ်းအင် လုပ်ငန်းများ၏ အတိုင်ပင်ခံ ပညာရှင် Collin Reynolds က ပြောကြားပါသည်။

ဘီဂျင်းက ၎င်း၏ အနီး တစ်ဝိုက်တွင် ရှာဖွေနေသော ရေနံနှင့် ဓာတ်ငွေ့များမှာ မြန်မာနှင့် ကမ္ဘောဒီးယားတွင် ရှိနေပါသည်။ တရုတ်က စိတ်ဝင်စားကြောင်း ပြသနေသည့် သစ်တော ထွက်ကုန်များ၊ သစ်သီးဝလံများ၊ အခြား သဘာဝ ထွက်ကုန်များမှာ မြန်မာ၊ လာအိုနှင့် ကမ္ဘောဒီးယားတွင် ထွက်ရှိပါသည်။ သို့ဖြစ်၍ ယခု အခွန်ကိစ္စမှာ ဆောင်ရွက် ပြီးလုနီး ဖြစ်နေသည်ဟု ဆိုရပါလိမ့်မည်။

{Yangon Chronicle 2010:662} သတင်း ပေါက်ကြားမှုကြောင့် စစ်ရုံး အရာရှိများအား နေရာပြောင်းခြင်းလား

Posted by Transparency Myanmar 2010

comments (0)

Irrawaddy News, 16^th January 2010

မြန်မာ စစ်ဖက် အစိုးရသည် နေပြည်တော် စစ်ရုံးမှ တပ်မတော် အရာရှိ (၆) ဦးကို ယခင် အပတ်က ရှေ့တန်း စစ်မြေပြင်သို့ တာဝန် ပြောင်းရွှေ့ ချထားလိုက်ပြီး မြန်မာနှင့် မြောက်ကိုရီးယား အကြား လျှို့ဝှက် စစ်ရေး သဘော တူညီမှုများ ယခင်နှစ်က သတင်း ပေါက်ကြားခဲ့ခြင်းနှင့် ပတ်သက်၍ ယင်းကဲ့သို့ ဆောင်ရွက်ခဲ့ခြင်း ဖြစ်ပုံ ရပါသည်။

ကြည်း ၊ ရေ ၊ လေ ပူးတွဲ စစ်ဦးစီး အရာရှိချုပ် ဗိုလ်ချုပ်ကြီး ရွှေမန်း လက်အောက်မှ ဗိုလ်မှူးကြီး ဝင်းသိန်း အပါအဝင် အခြား အရာရှိ (၆) ဦးကို စစ်ရုံးမှ ရှေ့တန်း စစ်မြေပြင် ရာထူးများသို့ ပြောင်းရွှေ့ခံခြင်း ဖြစ်သည်ဟု စစ်ဖက် သတင်း ရပ်ကွက်မှ သိရှိရသည်။

အခြား အရာရှိများမှာ အောင်ဇော်အေး၊ သိုက်စိုး၊ သိန်းထွန်းဦး၊ ဝင်းမင်းထွန်း နှင့် အောင်ဇော်ဦးတို့ ဖြစ်သည်။ ၎င်းတို့ အားလုံးမှာ ဒုတိယ ဗိုလ်မှူးကြီး အဆင့် ဖြစ်၍ စစ်ဦးစီးမှူး ပထမတန်း ရာထူးရှိသူများ ဖြစ်သည်။ အောင်ဇော်ဦးမှာ စစ်ဖက် လုံခြုံရေးရာ ဌာန (တပ်မတော် ထောက်လှမ်းရေး) မှ ဖြစ်သည်။

ဒုတိယ ဗိုလ်မှူးကြီး နှင့် ဗိုလ်မှူးကြီး အဆင့်ရှိသူ အရာရှိ (၃၀) ခန့်မှာလည်း ယခင်လက နေရာ ပြောင်းရွှေ့ခြင်း ခံရသည်ဟု စစ်ဖက် သတင်း ရပ်ကွက်က ဆိုပါသည်။

မြန်မာ အစိုးရ၏ တတိယ အာဏာ အရှိဆုံး ပုဂ္ဂိုလ် ဗိုလ်ချုပ်ကြီး ရွှေမန်း၏ ၂၀၀၈ ခုနှစ် နိုဝင်ဘာ ပြုံးယမ်း ခရီးစဉ်နှင့် ပတ်သက်သော ဓာတ်ပုံများ၊ အသေးစိတ် အချက်အလက်များ ပြီးခဲ့သော ဇွန်လက နိုင်ငံတကာ မီဒီယာများသို့ ပေါက်ကြား ခဲ့ပါသည်။ အဆိုပါ အထောက်အထားများတွင် မြန်မာအစိုးရက မြောက်ကိုရီးယား အကူအညီဖြင့် တည်ဆောက်နေသော ဥမင် လိုဏ်ခေါင်းများ၏ ဓာတ်ပုံများလည်း ပါဝင်ပါသည်။

အဆိုပါ သတင်း ပေါက်ကြားမှုကို အစိုးရသို့ တင်ပြပြီး မကြာမီတွင်ပင် နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီရုံး (SPDC) ညွှန်ကြားရေးမှူးချုပ် ဗိုလ်မှူးကြီး ကျော်ကျော်ဝင်း အပါအဝင် ကာကွယ်ရေး ဝန်ကြီးဌာနနှင့် နိုင်ငံခြားရေး ဝန်ကြီးဌာနမှ အရာရှိများစွာကို ဖမ်းဆီး၍ စစ်ကြော မေးမြန်းခဲ့ပါသည်။

ယခုလ အစောပိုင်းတွင် ဗိုလ်မှူးဟောင်း ဝင်းနိုင်ကျော်နှင့် နိုင်ငံခြားရေး ဝန်ကြီးဌာနမှ ဝန်ထမ်းတစ်ဦးကို သတင်း ပေါက်ကြားမှုတွင် အဓိက ပါဝင်မှုဖြင့် သေဒဏ် ချမှတ်ခဲ့ပါသည်။ နိုင်ငံခြားရေး ဝန်ကြီးဌာနမှ အခြား ဝန်ထမ်း တစ်ဦးကိုမူ နှစ်ရှည် ထောင်ဒဏ် စီရင် ခဲ့ပါသည်။

သို့ဖြစ်၍ ယခင် အပတ်က တပ်မတော်တွင်း ရာထူး ပြောင်းရွှေ့မှုများသည် စစ်ရေး သတင်း ပေါက်ကြားမှုနှင့် ဆက်စပ် ပတ်သက်နိုင်သည်ဟု အကဲခတ် လေ့လာရေးသမား အချို့က မှန်းဆခဲ့ ကြခြင်း ဖြစ်သည်။

မြန်မာ့ တပ်မတော်အတွင်း တာဝန် ပြောင်းရွှေ့ ချထားမှုမှာ ပုံမှန် လုပ်နေကျ ဖြစ်သော်လည်း ယခင် အပတ်က စစ်ရုံးမှ အရာရှိ (၆) ဦးကို တပြိုင်နက် ရွှေ့ပြောင်းခဲ့ခြင်းမှာမူ ပုံမှန်ဖြစ်စဉ် မဟုတ်ဟု မိမိယူဆသည်ဟု တရုတ် မြန်မာ နယ်စပ် အခြေစိုက် မြန်မာ အကဲခတ် လေ့လာသူ အောင်ကျော်ဇောက ပြောကြားပါသည်။

လတ်တလော ပြောင်းရွှေ့မှုများတွင် ဗိုလ်မှူးကြီး ဝင်းသိန်းကို အရှေ့မြောက်တိုင်း စစ်ဌာနချုပ် ဒုတိယ တိုင်းမှူးအဖြစ်သို့ လည်းကောင်း၊ အခြား စစ်ဦးစီး အရာရှိများကို ယာယီ စစ်ဗျူဟာမှူးများအဖြစ် ဒေသခံ စစ်ဌာနချုပ်များနှင့် စစ်ဆင်ရေး ကွပ်ကဲမှု ဌာနချုပ်များသို့ လည်းကောင်း ပြောင်းရွှေ့ တာဝန်ပေးခဲ့ပါသည်။ ရှမ်းပြည်နယ်တွင် (၄) နေရာ နှင့် ရခိုင် ပြည်နယ်တွင် (၁) နေရာ ဖြစ်ပါသည်။

စစ်ဖက် သတင်း ရပ်ကွက်၏ အဆိုအရ စစ်ရုံးမှ စစ်ဦးစီးမှူး ပထမတန်းများသည် ရှေ့တန်းမှ ယာယီ စစ်ဗျူဟာမှူးများထက် ပို၍ လုပ်ပိုင်ခွင့် ရှိသည်ဟု သိရပါသည်။ ဗိုလ်မှူးကြီး ဝင်းသိန်းကို အရှေ့မြောက်တိုင်း စစ်ဌာနချုပ် ဒုတိုင်းမှူး အဖြစ် ပြောင်းရွှေ့ခြင်းမှာ ရာထူးချခြင်းသာ ဖြစ်သည်ဟု ၎င်းတို့က ထောက်ပြပါသည်။

"ဒေသခံ စစ်ဌာနချုပ် တိုင်းမှူးအဖြစ် ခန့်အပ်တယ် ဆိုရင်တော့ ရာထူးတိုးတယ်လို့ ပြောနိုင်ပေမယ့်၊ အခု ဒုတိုင်းမှူး အဖြစ် ခန့်တာကတော့ ရာထူးတိုးတယ်လို့ ပြောဖို့ခက်ပါတယ်" ဟု ထိုင်းနိုင်ငံ အခြေစိုက် မြန်မာ အကဲခတ် လေ့လာရေးသမား ဝင်းမင်းက ပြောကြားပါသည်။

ပြီးတော့ ယာယီ စစ်ဗျူဟာမှူးတွေက စစ်ရုံးက စစ်ဦးစီးမှူး အရာရှိတွေလောက် အာဏာ မရှိပါဘူးဟု ၎င်းက ဆက်လက် သုံးသပ် ပြောကြားခဲ့ပါသည်။

{Yangon Chronicle 2010:661} မြန်မာနိုင်ငံနှင့် လေကြောင်းမှတစ်ဆင့် ကုန်သွယ်မှု မြှင့်တင်ရန် ဗီယက်နမ် စတင်ကြိုးပမ်း

Posted by Transparency Myanmar 2010

comments (0)

မြန်မာနိုင်ငံနှင့် ကုန်သွယ်မှု တိုးချဲ့နိုင်ရေးအတွက် ဗီယက်နမ်နိုင်ငံက တွန်းအားပေး လုပ်ဆောင်မှု တစ်ရပ်ကို အကောင်အထည်ဖော် ဆောင်ရွက်လျက် ရှိကြောင်း၊ ယခု ရက်သတ္တပတ်အတွင်း ကုန်သွယ်မှု ဆိုင်ရာ ကိုယ်စားလှယ်တော် အဖွဲ့ကြီး တစ်ဖွဲ့ကိုလည်း ရန်ကုန်မြို့သို့ စေလွှတ်ခဲ့ကြောင်း သိရှိရပါသည်။

ဗီယက်နမ် နိုင်ငံပိုင် Vietnamese News Agency(VNA) သတင်းဌာန၏ အဆိုအရ ဗီယက်နမ် သည် မြန်မာနိုင်ငံ ရန်ကုန်မြို့နှင့် ဗီယက်နမ်နိုင်ငံ ဟနွိုင်းမြို့အကြား ပုံမှန် စီးပွားရေး လေကြောင်းလိုင်း တစ်ခုကို ဖွင့်လှစ်ရန် ကြိုးပမ်းလျက် ရှိကြောင်း၊ ထိုမှတစ်ဆင့် ငါး၊ လျှပ်စစ်ပစ္စည်းများ၊ ဓာတုနှင့် ပလတ်စတစ် ထုတ်ကုန်များကို အရောင်းအဝယ် ပြုလုပ်လိုကြကြောင်း သိရပါသည်။

မြန်မာနိုင်ငံ၏ နိုင်ငံရေးနှင့် စီးပွားရေး အသွင် ကူးပြောင်းသည့် အချိန်ကာလတွင် ဗီယက်နမ် အနေဖြင့် မြန်မာနှင့် ချိတ်ဆက်ကာ ကုန်သွယ်ရေး လုပ်ကိုင်လိုကြောင်း VAN က ဆိုပါသည်။

ဗီယက်နမ်နိုင်ငံ၏ စီးပွားရေး အုပ်စုကြီး တစ်ခုသည် ပြီးခဲ့သည့် နိုဝင်ဘာလတွင် မြန်မာနိုင်ငံသို့ လာရောက်ကာ ကုန်စည်ပြပွဲ တစ်ရပ်ကို ကျင်းပ ပြုလုပ်ခဲ့ကြောင်း၊ ယခု နောက်ဆုံး ရောက်ရှိနေသော အဖွဲ့သည် အဆိုပါ အဖွဲ့၏ လုပ်ဆောင်ချက်များ အတိုင်း လိုက်လံ အကောင်အထည် ဖော်မည် ဖြစ်ကြောင်း VNA က ဆိုသည်။

VNA သတင်းဌာန၏ Vietnam makes new push for trade, air links with Burma ကို ဘာသာပြန်ဆိုသည်။

{Yangon Chronicle 2010:660} ဆန်တင်ပို့မှု မြှင့်တင်ရန် ဆန်လုပ်ငန်း ဆိုင်ရာ အမျိုးသား အသင်းကြီးတစ်ခု ထူထောင်

Posted by Transparency Myanmar 2010

comments (0)

ထိုင်း၊ ဗီယက်နမ် အစရှိသည့် နိုင်ငံများနှင့် အပြိုင် ကမ္ဘာ့ဈေးကွက်သို့ ဆန်တင်ပို့မှုကို မြှင့်တင်နိုင်ရေးအတွက် မြန်မာနိုင်ငံက ဆန်လုပ်ငန်းဆိုင်ရာ အသင်းကြီး တစ်ရပ်ကို ဖွဲ့စည်း ထူထောင်လိုက်ပြီ ဖြစ်ကြောင်း ပြည်တွင်း မီဒီယာများ၏ သတင်း ပေးပို့ချက်များအရ သိရှိရပါသည်။

သတင်းများအရ ဇန်နဝါရီလ ၁၂ ရက်နေ့တွင် မြန်မာ့ ဆန်လုပ်ငန်း အသင်း (MRIA) ကို အမျိုးသား အသင်းကြီး တစ်ခုအနေဖြင့် ဖွဲ့စည်းလိုက်ပြီး MRIA နှင့်အတူ မြန်မာ့ ဆန်စပါး ကုန်သည်ကြီးများ အသင်း၊ မြန်မာနိုင်ငံ ဆန်စက် လုပ်ငန်းရှင်များ အသင်းနှင့် မြန်မာ့ဆန်စပါး ထုတ်လုပ်သူများ အသင်း စသည့် အသင်းအဖွဲ့ သုံးခု ပူးပေါင်း ဆောင်ရွက် သွားမည် ဖြစ်သည်။

"အခုလို မြန်မာနိုင်ငံရဲ့ ဆန်လုပ်ငန်း ဖွံ့ဖြိုး တိုးတက်ရေးအတွက် လတ်တလော ထူထောင်ထားတဲ့ ဆန်စပါး ကုမ္ပဏီ၂၉ ခုနဲ့ အတူ ရှိပြီးသား အသင်းကြီး သုံးခုကို စည်းရုံးလိုက်တာဟာ ကျွန်တော်တို့အတွက် ပထမဆုံးပါပဲ" ဟု MRIA ၏ ဥက္ကဋ္ဌ ဦးချစ်ခိုင် က ပြောကြားသည်။

"နိုင်ငံတကာ ဈေးကွက်ကို အရည်အသွေး ပြည့်မီတဲ့ ဆန်တွေ တင်ပို့ရာမှာ ကျွန်တော်တို့ နိုင်ငံရဲ့ ဆန်လုပ်ငန်းဟာ ထိုင်းနဲ့ ဗီယက်နမ်တို့နဲ့ နှိုင်းယှဉ်ရင် ဒေသတွင်းမှာ နောက်ကျ ကျန်ရစ်နေတာကို တွေ့ရပါတယ်"

"အဲဒါကြောင့် မြန်မာနိုင်ငံဟာ ဆန် အဓိက တင်ပို့တဲ့ နိုင်ငံကြီးတစ်ခု ဖြစ်လာဖို့ လုပ်ဆောင်ရာမှာ အဲဒီ နိုင်ငံတွေကို အမီလိုက်ဖို့ လိုအပ်ပါလိမ့်မယ်။ အဲဒီအတွက် အခု ကျွန်တော်တို့ အသစ် ဖွဲ့လိုက်တဲ့ အမျိုးသား အသင်းကြီးက လုပ်သလိုမျိုး မတူညီတဲ့ ရင်းမြစ်တွေကို စုစည်းစေပြီး အတူလက်တွဲ လုပ်ကိုင်သွားကြရပါမယ်" ဟု ၎င်းက ဖြည့်စွက် ပြောဆိုပါသည်။

မြန်မာနိုင်ငံသည် ယခင်က ကမ္ဘာပေါ်တွင် ဆန် အများဆုံး တင်ပို့သည့် နိုင်ငံတစ်ခု ဖြစ်ခဲ့ဖူးသည်။ ပြီးခဲ့သည့် ၂၀၀၉ ဘဏ္ဍာရေးနှစ်တွင် မြန်မာနိုင်ငံသည် ဆန်တန်ချိန် ငါးသိန်း (၅၀၀၀၀၀) ခန့် ပြည်ပသို့ တင်ပို့နိုင်ခဲ့သည်။

မှတ်တမ်းများအရ ၂၀၀၉ ခုနှစ်တွင် ဗီယက်နမ်သည် ဆန်တန်ချိန် ၅ သန်း တင်ပို့ခဲ့ပြီး ထိုင်းနိုင်ငံက ၉ သန်း တင်ပို့နိုင်ခဲ့သည်ကို တွေ့ရပါသည်။

၁၉၆၂ ခုနှစ် နောက်ပိုင်း မြန်မာနိုင်ငံတွင် 'မြန်မာ့နည်း မြန်မာ့ဟန် ဆိုရှယ်လစ် စနစ်' ကို စတင် အကောင်အထည် ဖော်သည့် အချိန်မှ စ၍ ထိုင်းနိုင်ငံသည် ယခင် မြန်မာနိုင်ငံ၏ နေရာကို ဝင်ရောက် ရယူကာ ကမ္ဘာပေါ်တွင် ဆန်အများဆုံး တင်ပို့သည့် နိုင်ငံတစ်ခု ဖြစ်လာတော့သည်။

Monster Sand Critics ဝက်ဘ်ဆိုက်မှ Myanmar forms national association to boost rice exports ကို ဘာသာပြန်ဆိုပါသည်။

Transparency Myanmar