Posts
 | yangonchronicle 2011 |
၂.၆.၂၀၁၁
ပြည်တွင်းသတင်းများ
ဧရာဝတီဘဏ် တိုးချဲ့ဖွင့်လှစ်ခွင့်မရ
ရန်ကုန်၊ ဇွန် ၂။
မြန်မာ့ထိပ်တန်းစီးပွားရေး လုပ်ငန်းရှင်တစ်ဦးဖြစ်သော ဦးဇော်ဇော်ပိုင် ဧရာဝတီဘဏ်အား ဘဏ်ခွဲများတိုးချဲ့ ဖွင့်လှစ်ခွင့်ကို ပြည်ထောင်စု အစိုးရ အဖွဲ့မှ ခွင့်ပြုခဲ့ကြောင်း အဆိုပါဘဏ်နှင့် နီးစပ်သောအသိုင်းအဝိုင်းမှ သိရှိရသည်။
ဧရာဝတီဘဏ်သည် ရန်ကုန်မြို့တွင် ဘဏ်ခွဲနှစ်ခု ဆက်လက်ဖွင့်လှစ်ရန် ပြင်ဆင်ထားပြီးဖြစ်သော်လည်း ယင်း ဘဏ်များကို ဖွင့်လှစ်ခွင့် မပြု ကြောင်း အဆိုပါဘဏ်မှ တာဝန်ရှိသူတစ်ဦးက ဆိုသည်။
အဆိုပါ တာဝန်ရှိသူက "ရန်ကုန်မှာ ဘဏ်ခွဲ နှစ်ခုဆက်လက်ဖွင့်ဖို့ အစီအစဉ်ရှိပါတယ်။ ဒီဘဏ်ခွဲတွေအတွက်လည်း ဝန်ထမ်းကော၊ အဆောက် အဦးကော၊ လိုအပ်တဲ့ ပစ္စည်းကိရိယာတွေကော ပြည့်စုံအောင် ထားပြီးပါပြီ။ ဗဟိုဘဏ်ကိုလည်း တင်ပြထားတာ ခွင့်ပြုချက်ရပါပြီ။ ဒါပေမယ့် ပြည်ထောင်စု အစိုးရက ခွင့်မပြုသေးပါဘူး"ဟု ဆိုသည်။
ဧရာဝတီဘဏ်မှ ဖွင့်လှစ်သော ဘဏ်ခွဲများမှာ ၁၀ ခုရှိပြီဖြစ်သဖြင့် ထပ်မံဖွင့်လှစ်ခွင့် မပြုခြင်း ဖြစ်သည်ဟုလည်း ပုဂ္ဂလိကဘဏ် အသိုင်းအဝိုင်းက သုံးသပ်နေကြသည်။
"ဘဏ်သစ် ၄ ဘဏ်ကို ဘဏ်ခွဲ ၁၀ ခုထက်ပိုပြီး မဖွင့်ရဘူးဆိုတာ အရင်အစိုးရက မှတ်တမ်းမှတ်ရာနဲ့ မသတ်မှတ်ပေမယ့် လုပ်ငန်းရှင်တွေကို ခေါ်ပြောပြီး ဒီစည်းကမ်းကို သတ်မှတ်သွားတာပါ။ အစိုးရသစ်ကကော ဒီသတ်မှတ်ချက်ကို ဆက်လက်ဆောင်ရွက်မလားဆိုတာ စောင့်ကြည့်ဖွယ်ရာပါပဲ"ဟု ဘဏ်အတိုင်ပင်ခံတစ်ဦးက ဆိုသည်။
၂၀၁၀ခုနှစ်တွင် ခွင့်ပြုခဲ့သော ပုဂ္ဂလိကဘဏ်သစ်လေးခုသည် ဘဏ်ခွဲများကို တိုးချဲ့ဖွင့်လှစ်နေသော်လည်း၊ မည်သည့်ဘဏ်မှ ဘဏ်ခွဲ ၁၀ခု ကျော်၍ ဖွင့်လှစ်ခြင်း မရှိကြောင်း သိရှိရသည်။
ပုဂ္ဂလိကဘဏ်များတွင် ဘဏ်ခွဲအများဆုံးအဖြစ် ဒု-ဗိုလ်ချုပ်မှုးကြီး မောင်အေး(ငြိမ်း)နှင့် နီးစပ်သူဟု အများကသိကြသည့် ဦးအောင်ကိုဝင်း ပိုင် ဆိုင်သော ကမ္ဘောဇဘဏ်မှာ ဘဏ်ခွဲ၄၅ ခု ဖွင့်လှစ်ထားကြောင်း သိရှိရသည်။
ကျော်စွာ
-----------------------------------------------------------------------------------------------------------------------------------
ရန်ကုန်လောင်းကစားမှုများ နေပြည်တော် အထူးအဖွဲ့စေလွှတ် နှိမ်နှင်း
ရန်ကုန်၊ ဇွန် ၂။
ရန်ကုန်တိုင်းဒေသကြီးအတွင်း လောင်းကစားမှုများအား စစ်ဆင်ရေးတစ်ရပ်အနေဖြင့် နှိမ်နှင်းရန်အတွက် နေပြည်တော်မှ အထူးအဖွဲ့ကို မေလ လယ်က စေလွှတ်လိုက်ကြောင်း ဒုစရိုက်နှိမ်နှင်းရေး(ဒန)ဌာနမှ အရာရှိတစ်ဦးက ဆိုသည်။
ယင်းအရာရှိက "နေပြည်တော်က လုပ်ဆောင်တဲ့ စစ်ဆင်ရေးက နှစ်လုံး၊သုံးလုံး ဒိုင်တွေအတွက်က အဓိကထားတာပါ။ အထူးအဖွဲ့က မေလလယ်က ရန်ကုန်ရောက်တယ်ဆိုပေမယ့် စစ်ဆင်ရေးကို ချက်ချင်းမစသေးဘဲ တိုင်းဒေသကြီးတစ်ခုလုံးရဲ့ သတင်းအချက်အလက်ကို အရင်တောင်းတယ်။ စစ်ဆင် ရေးကို မေလကုန်လောက်ကနေစပြီး အနောက်ပိုင်းခရိုင်ကနေ စတင်လုပ်ဆောင်တယ်"ဟု ဆိုသည်။
ယင်း အထူးအဖွဲ့သည် မြို့နယ်ရဲတပ်ဖွဲ့စခန်းများတွင် တည်းခိုကာ စစ်ဆင်ရေးကို စတင်ခဲ့ပြီး မေလနောက်ဆုံး ပတ်တွင် အနောက်ပိုင်းခရိုင်ရှိ ချဲ ထီဒိုင် ၁၀ ဦးခန့်အား ဖမ်းဆီးရမိခဲ့ကြောင်း၊ ယင်းတရားခံများကို တရားစွဲဆိုရန် ပြင်ဆင်နေသည်ဟု ရန်ကုန်တိုင်းဒေသကြီးမှ ရဲအရာရှိတစ်ဦးက ဆိုသည်။
မြို့နယ်ရဲတပ်ဖွဲ့မှူးတစ်ဦးကလည်း "မြို့နယ်တစ်မြို့နယ်ကို ဇွန်လကုန်ရင် ချဲထီအမှု ၃၀ ရအောင်တင်ဖို့ နေပြည်တော်က ညွှန်ကြားချက်လည်း ထုတ်ထားတယ်။ ဒီညွှန်ကြားချက်ကို မလုပ်ဆောင်နိုင်ရင် တာဝန်ရှိသူတွေကို ပြင်းပြင်းထန် ထန်အရေးယူမယ်ဆိုတဲ့ နောက်ဆက်တွဲ ညွှန်ကြားချက်လည်း ပါတယ်"ဟု ဆိုသည်။
"ဒီအဖွဲ့က မိပြီဆိုရင် တရားစွဲဖို့ပဲ စလုပ်တာ၊ နယ်မြေခံရဲတွေလို အမှုပေ့ါအောင် လုပ်လို့မရဘူး"ဟု ဖမ်းဆီးခံရသည့် ချဲဒိုင်နှင့် နီးစပ်သူတစ်ဦးက ဆိုသည်။ "ဆိုင်ကယ်တွေနဲ့ပတ်ပြီး ဝင်ဖမ်းတာ ကျွန်တော့်သူငယ်ချင်းမှာ ရှောင်ချိန်တောင်မရလိုက်ဘူး"ဟု ဆက်လက် ပြောကြားသည်။
ရန်ကုန်တိုင်းဒေသကြီးအတွင်းလောင်းကစားမှု ပပျောက်ရေးအတွက် ပြင်းထန်စွာ နှိမ်နှင်းမည်ဖြစ်ကြောင်း တိုင်းဒေသကြီးအစိုးရအဖွဲ့မှ သတင်း ထုတ်ပြန်ပြီးနောက်တွင် ယခုကဲ့သို့ လောင်းကစားမှု နှိမ်နှင်းသည့် စစ်ဆင်ရေး စတင်ခြင်းဖြစ်ပြီး၊ မေလအတွင်းထုတ်ဝေသော ပြည်တွင်းဂျာနယ်များတွင် လည်း ချဲထီကြောင့် ပြည်သူများ ဒုက္ခရောက်နေရပုံကို တိကျသေချာစွာ ပုံဖော်ရေးသားမှုများ ရှိခဲ့ကြောင်း ပြည်တွင်းဂျာနယ်တစ်ခုမှ သတင်းထောက်တစ် ဦးက ဆိုသည်။
ကျော်စွာ
-----------------------------------------------------------------------------------------------------------------------------------
လဲပေးသည့် ငွေအကြွေများ အမှန်တကယ် သုံးစွဲခြင်းရှိမရှိ ကွင်းဆင်းစစ်မည်
မြန်မာနိုင်ငံတော်ဗဟိုဘဏ်မှ သက်ဆိုင်ရာအလိုက် ငွေအကြွေများအား လဲလှယ်ပေးလျက်ရှိပြီး ယင်းငွေအကြွေများကို ပြည်သူများအကြား ပြန် လည်ဖြန့်ဝေ သုံးစွဲခြင်းရှိ၊ မရှိဆိုသည့်ကိစ္စရပ်အား ရန်ကုန်တိုင်းဒေသကြီးအစိုးရအဖွဲ့၊ ဘဏ္ဍာရေးနှင့် အခွန်ဝန်ကြီးဌာန ဝန်ကြီး ဦးသန်းမြင့် ကိုယ်တိုင်ကွင်းဆင်း စစ်ဆေးသွားမည်ဖြစ်ကြောင်း သိရသည်။
ယခုကဲ့သို့ကွင်းဆင်းစစ်ဆေးရာ၌ ပြန်လည်ဖြန်ဝေခြင်းမရှိဘဲ မသမာမှုများ ပြုလုပ်နေသည့်သူများကို တွေ့ရှိရပါက ထိရောက်စွာ အရေးယူဆောင် ရွက်သွားမည်ဖြစ်ကြောင်း သိရသည်။ ဝန်ကြီးကိုယ်တိုင် စစ်ဆေးဆောင်ရွက်ရာတွင် ဘတ်စ်ကားလိုင်းများ၊ ဈေးများနှင့် ကုန်တိုက်များ သို့ပါ သွားရောက်၍ စစ်ဆေးသွားမည်ဖြစ်ကြောင်း သိရသည်။
ထို့ပြင် ၂၀၁၁ ခုနှစ် မေလ ၁၁ ရက်နေ့၌ မြန်မာ့စီးပွားရေးဘဏ်၌ ပြုလုပ်ခဲ့သည့် တွေ့ဆုံဆွေးနွေးပွဲ၌လည်း ဗပိာု ဘဏ်မှလဲလှယ် ပေးလျက်ရှိသည့် ငွေအကြွေများအား အမှန်တကယ် ဖြန့်ဝေသုံးစွဲခြင်း ရှိ၊ မရှိ ကိစ္စရပ်အား မိမိကိုယ်တိုင် ကွင်းဆင်းလေ့လာသွားမည်ဖြစ်ကြောင်း၊ ပြည်သူများနှင့် တိုက်ရိုက် ထိတွေ့ဆက်ဆံနေရသည့် ပြည်သူများအနေနှင့်လည်း အမှားအယွင်းနည်းစွာဖြင့် ဆောင်ရွက်ကြရန်လိုအပ်ကြောင်း၊ လာဘ်ပေးလာဘ်ယူ ပြုလုပ်မှုများကို တွေ့ရှိပါက ထိရောက်စွာ အရေးယူ ဆောင်ရွက်သွားမည်ဖြစ်ကြောင်း ယင်းဆွေးနွေးပွဲ၌ ဝန်ကြီး ဦးသန်းမြင့်က ပြောကြားခဲ့သည်။
မြန်မာနိုင်ငံတော်ဗဟိုဘဏ်မှ ငွေအကြွေများကို မထသဌာနသို့ တစ်ပတ်လျှင် ကျပ်သိန်း ၂၀၀၊ မြို့တော် စည်ပင်ဈေးများဌာနသို့ ကျပ်သိန်း ၆၀၊ ကုန်တိုက်ကြီး ၁၈ ခုအတွက် ကျပ်သိန်း ၁၈၀၊ အထွေထွေလုပ်ငန်းဆိုင် ၃၀၀ ကျော်တို့အား လုပ်ငန်းအလိုက် တစ်လလျှင် ကျပ်နှစ်သိန်းမှ ခြောက်သိန်းထိ တိုင် လဲလှယ်ပေးလျက်ရှိကြောင်း သိရသည်။
(မြန်မာတိုင်းမ်၊ အတွဲ-၆၊ အမှတ်-၅၂၀ ပါ လဲပေးသည့် “ငွေစက္ကူများ အမှန်တကယ်သုံးစွဲခြင်းရှိ၊ မရှိ ကွင်းဆင်းစစ်ဆေးမည်” သတင်းအား အကျဉ်းချုံး ဖော်ပြသည်)
----------------------------------------------------------------------------------------------------------------------------------
ပုဂ္ဂလိကဆေးရုံများ ယာယီလိုင်စင်သာပေးထား
မြန်မာနိုင်ငံ၏ ကျန်းမာရေးဦးစီးဌာနမှ ထုတ်ပြန်ထားသည့် ညွှန်ကြားချက်များအား လိုက်နာဆောင်ရွက်ခြင်း မရှိသည့် ပုဂ္ဂလိကဆေးရုံများအား အချိန်မရွေးပိတ်သိမ်းနိုင်ရန် ယင်းဆေးရုံများအား ယာယီလိုင်စင်သာ ချထားပေးထားကြောင်း ရန်ကုန်တိုင်းဒေသကြီးအစိုးရအဖွဲ့ဝန်ကြီး ဦးဉာဏ်ထွန်းက ပြောကြားခဲ့သည်။
ပုဂ္ဂလိကဆေးရုံများ၌ ညွှန်ကြားချက်အတိုင်းလိုက်ပါဆောင်ရွက်နိုင်ခြင်း ရှိ၊ မရှိ စစ်ဆေးပြီးမှသာ ခွင့်ပြုချက် Per manent လိုင်စင်ထုတ်ပေးမည် ဖြစ်ပြီး လုပ်ထုံးလုပ်နည်းများအတိုင်းသာ ဆောင်ရွက်နေပြီဖြစ်ကြောင်း ရန်ကုန်တိုင်းဒေသ ကြီးအစိုးရအဖွဲ့မှ တာဝန်ရှိသူတစ်ဦးက ပြောကြားခဲ့သည်။
လိုင်စင်ရရှိထားပြီး တရားဝင်လုပ်ကိုင်ခွင့်ရရန်အတွက် ယာယီသဘောမျိုး ထုတ်ပေးထားခြင်းသာ ဖြစ်ကြောင်း၊ ဆက်လက်လုပ်ကိုင်ခွင့် ရရှိနေ ရန်သာ အဓိကဖြစ်ကြောင်း ၎င်းက ဆက်လက်ပြောကြားခဲ့သည်။
ပုဂ္ဂလိကဆေးရုံများ၌ ကျန်းမာရေးနှင့် သက်ဆိုင်သည့်လုပ်ငန်းတစ်ရပ်ရပ်အား လိုင်စင်မရှိဘဲ လုပ်ကိုင်နေကြောင်း တွေ့ရှိရပါက ဥပဒေအရ ထိ ရောက်စွာ အရေးယူဆောင်ရွက်သွားမည်ဖြစ်ကြောင်း၊ ထုတ်ပေးထားသည့် လိုင်စင်သတ်တမ်းမှာ တစ်နှစ်ဖြစ်ပြီး ဆက်လက်လုပ်ကိုင်လိုသည့် ဆေးရုံများ သည် လိုင်စင်သတ်တမ်းမကုန်မီ ရက်ပေါင်း ၆၀ အတွင်း ထပ်မံလျှောက်ထားရမည်ဖြစ်ကြောင်း သိရသည်။
ရန်ကုန်တိုင်းဒေသကြီးအတွင်းရှိ ပုဂ္ဂလိကဆေးရုံ၊ ပုဂ္ဂလိကအထူးကုဆေးခန်း ၁၉၆ ခန်း၊ ဓာတ်ခွဲခန်းလုပ်ငန်း ၄၃ ခု၊ ဓာတ်မှန်လုပ်ငန်း ၁၈ ခုနှင့် သူနာပြုစုခြင်းဂေဟာတစ်ခုတို့အား ဗဟိုမှစစ်ဆေး၍ လိုင်စင်ထုတ်ပေးထားပြီးဖြစ်ပြီး ကျန်ရှိနေသော ကျန်းမာရေးစောင့်ရှောက်မှု လုပ်ငန်းများကို ဆက် လက်ထုတ်ပေးသွားမည်ဖြစ်ကြောင်း သိရသည်။
(မြန်မာပို့စ်(ဂလိုဘယ်)၊ အမှတ်-၁၁ ပါ “ပုဂ္ဂလိကဆေးရုံများ စည်းကမ်းလိုက်နာမှုမရှိပါက အချိန်မရွေးပိတ်သိမ်းနိုင်ရန် ယာယီလိုင်စင်သာ ချပေး” သတင်းအား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
လွှတ်တော်ကိုယ်စားလှယ်များ ပြည်သူနှင့်ထိတွေ့မှု အားနည်း
ပြည်ထောင်စုလွှတ်တော်အတွင်းရှိ ပြည်သူတို့၏ လွှတ်တော်ကိုယ်စားလှယ်များမှာ ဒေသခံပြည်သူများနှင့် ထိတွေ့မှု အားနည်းလျှက်ပင် ရှိနေသေး ကြောင်း သိရသည်။
မိမိတို့အင်းစိန်မြို့နယ်၌ ရွေးကောက်ပွဲမတိုင်မီကာလကတည်းကပင် လာရောက်မဲဆွယ်မှုများ ပြုလုပ်ကြကြောင်း၊ ယခုအင်းစိန် မြို့နယ်အတွင်းမှ လွှတ်တော်အမတ်များမှာ ပြည်သူများအကြားဆင်းမတွေ့ရုံမျှမက ပြည်သူများမှာ မည်သူ လွှတ်တော်ကိုယ်စားလှယ် ဖြစ်သွားသည်ကိုပင် မသိရှိကြောင်း အင်းစိန်မြို့နေ မြို့ခံတစ်ဦးက ပြောကြားခဲ့သည်။
အလားတူအဖြစ်အပျက်မျိုးပင် အချို့မြို့နယ်များတွင်လည်း အရွေးချယ်ခံ လွှတ်တော်ကိုယ်စားလှယ်များအား စည်းရုံးရေးဆင်းသည့်ကာလ တည်း ကပင် တွေ့မြင်ရခြင်းမရှိကြောင်း ဒေသခံများ၏ အဆိုအရသိရသည်။
မိမိတို့မြို့နယ်၌ လွှတ်တော်ပြီးသွားခဲ့သော်လည်း လွှတ်တော်အတွေ့အကြုံ ရှင်းလင်းပွဲဟူ၍ ဒေါ်ခင်ဝိုင်းကြည်တို့ လုပ်သွားသည်ပာု ကြားကြောင်း၊ အမှန်မှန်မှာ လွှတ်တော်အမတ်များအနေဖြင့် ပြည်သူများသိရှိစေရန် ဆိုက်ကားနှင့်ဖြစ်စေ၊ လော်စပီကာနှင့်ဖြစ်စေ လိုက်လံကြော်ငြာ ပေးသင့်ကြောင်း မြောက်ဒဂုံမြို့နယ်က တာဝန်ရှိသူတစ်ဦးက ပြောကြားခဲ့သည်။
အချို့လွှတ်တော်ကိုယ်စားလှယ်များမှာမူ စည်းရုံးရေးဆင်းသည့်ကာလကတည်းကပင် ပေးထားသည့်ကတိများကို လုပ်ဆောင်ပေးခြင်း မရှိသေး ကြောင်း သိရသည်။
စည်းရုံးရေးကာလအတွင်း၌ မိမိတို့ဆီသို့ လာသွားသည့် လွှတ်တော်အမတ်များသည် ပညာရေးနှင့်ပတ်သတ်၍ လုပ်ဆောင်ပေးမည်ဟု ကတိများပေးထားကြကြောင်း၊ ကျန်းမာရေးနှင့်ပတ်သတ်၍လည်း ကတိများ ပေးသွားကြကြောင်း၊ သို့သော် လွှတ်တော်အမတ်ဖြစ်သည့်အခါ၌ လွှတ် တော်အတွင်း၌ပင် အဆိုတင်သွင်းခြင်းမျိုးကိုပင် လုပ်ဆောင်ခြင်း မရှိသေးကြောင်း အလုံမြို့နယ်အတွင်းမှ ဒေသခံတစ်ဦးကလည်း ပြောကြားခဲ့သည်။
မိမိတို့ဆီသို့ လွှတ်တော်အမတ်ဖြစ်သွားသည့် သူများလာရောက်ခြင်းမရှိသေးကြောင်း၊ တစ်ချို့အချိန်များတွင်သာ ယခင်တစ်သီးပုဂ္ဂလအဖြစ် ဝင်ရောက်ယှဉ်ပြိုင်ရာ၌ မနိုင်လိုက်သည့်သူအချို့သာ လာရောက်ကြောင်း တာမွေမြို့နယ်အတွင်းမှ မြို့ခံတစ်ဦးက ပြောကြားခဲ့သည်။
လွှတ်တော်ကိုယ်စားလှယ်ဆိုသည်မှာ ပြည်သူများ၏အသံကို လွှတ်တော်တွင်းသို့ရောက်အောင် ပို့ဆောင်ရမည့် ပြည်သူတို့၏ ကိုယ်စားလှယ်ပင် ဖြစ်ပြီး ပြည်သူတို့၏ ပြဿနာ၊ အခက်အခဲများကို အတတ်နိုင်ဆုံး ဖြေရှင်းပေးရမည် ဖြစ်သော်လည်း ယခုအချိန်ထိတိုင် လွှတ်တော်အမတ်များမှာ ပြည်သူတို့ အကြားဆင်းခြင်း သိပ်မရှိသေးသည့်အတွက် ပြည်သူများ၏အသံမှာ လွှတ်တော်အတွင်းရောက်အောင် ပို့ဆောင်နိုင်ခြင်း မရှိသေးသည့်အတွက် စစ်မှန် သော အဆိုတင်သွင်းမှုများ၊ ဥပဒေပြုမှုများကို ဆောင်ရွက်နိုင်ဦးမည် မပာုတ်သေးကြောင်း နိုင်ငံရေးလေ့လာသုံးသပ်သူများက ပြောကြားသည်။
(Popular News၊ အတွဲ-၃၊ အမှတ်-၂၁ ပါ “လွှတ်တော်ကိုယ်စားလှယ်များ ပြည်သူများနှင့် ထိတွေ့မှုအားနည်း” သတင်းအား အကျဉ်း ချုံး ဖော်ပြသည်)
-----------------------------------------------------------------------------------------------------------------------------------
တရားရုံးဆိုင်ရာအခေါ်အဝေါ်များ စတင်ပြောင်းလဲ
ပြည်ထောင်စု မြန်မာနိုင်ငံတော် အစိုးရသစ်စတင်ပြောင်းလဲပြီးချိန်မှစ၍ နိုင်ငံ၏ အမြင့်ဆုံးတရားရုံးဖြစ်သည့် ပြည်ထောင်စု တရားလွှတ်တော် ချုပ်က တရားရုံးဆိုင်ရာအခေါ်အဝေါ်များ ပြုပြင်ပြောင်းလဲခေါ်ဆိုရန် သတ်မှတ်လိုက်ပြီဖြစ်ကြောင်း သိရသည်။
၂၀၁၁ ခုနှစ် မေလ ၁၃ ရက်နေ့ နေ့စွဲပါ အမိန့်ကြော်ငြာစာအမှတ် ၉၃/၂၀၁၁ အရ ယခင်တရားရုံးချုပ်အစား ယခု ပြည်ထောင်စု တရား လွှတ်တော်ချုပ်ဟုလည်းကောင်း၊ ယခင် နိုင်ငံတော်တရားသူကြီးချုပ်အစား ယခု ပြည်ထောင်စု တရားသူကြီးချုပ်ဟု လည်းကောင်း ပြောင်းလဲခေါ်ဝေါ် သုံးစွဲ ရန် သတ်မှတ်လိုက်ပြီဖြစ်ကြောင်း သိရသည်။
ထို့ပြင် ထပ်မံ၍ အမိန့်ကြော်ငြာစာအမှတ်(၉၄/၂၀၁၁) အရ ယခင်တရားရုံးချုပ်ရှေ့နေအား ယခု တရားလွှတ်တော်ရှေ့နေဟု လည်းကောင်း၊ ယခင် တရားရုံးချုပ်ရှေ့နေများကောင်စီအား ယခု တရားလွှတ်တော်ရှေ့နေများကောင်စီဟု လည်းကောင်း ခေါ်ဝေါ်သုံးစွဲရန် သတ်မှတ်လိုက်ကြောင်း သိရသည်။
၁၉၇၄ ခုနှစ် မှ ၁၉၈၈ ခုနှစ်ထိတိုင် နိုင်ငံ၏အမြင့်ဆုံးတရားရုံးမှာ ဗဟိုတရားရုံးပင်ဖြစ်ကြောင်း၊ ယင်းတရားရုံးမှ ရှေ့နေများအား ဗဟိုတရားရုံး ရှေ့နေဟု လည်းကောင်း၊ နောက်ပိုင်းကာလများတွင်မူ နိုင်ငံတော်၏ အမြင့်ဆုံးတရားရုံးမှာ နိုင်ငံတော်တရားရုံးချုပ်ပင်ဖြစ်ကြောင်း၊ ယခင်အတိုင်းပင် ရုံး အခေါ်အဝေါ်ပေါ်မှီ၍ တရားရုံးချုပ်ရှေ့နေဟုသာ ခေါ်ဝေါ်ခဲ့ကြကြောင်း၊ မိမိတို့နိုင်ငံ၌ တရားရုံးဆိုင်ရာ အခေါ်အဝေါ်များမှာ အစိုးရသစ်ပြောင်းတိုင်းပင် လိုက်ပါပြောင်းလဲနေတတ်ကြောင်း ရှေ့နေလိုင်စင်ရထားသူတစ်ဦးကလည်း ပြောကြားခဲ့သည်။
(7DayNews၊ အတွဲ-၁၀၊ အမှတ်-၁၁ ပါ “တရားရုံးဆိုင်ရာအခေါ်အဝေါ်များ ပြောင်းလဲ” သတင်းအား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"လောလောဆယ်တော့ မှတ်ပုံတင်၊ အိမ်ထောင်စုစာရင်း စသည်ဖြင့် လာလုပ်တဲ့သူတွေရဲ့ အချက်အလက်ပြည့်စုံရင် အားချင်းဆောင်ရွက်ပေးသွားဖို့ ဆွေးနွေးနေပါတယ်။ ဒါ့အပြင် တိုင်း/ခရိုင်အဆင့်ထိ အချက်အလက်တွေတင်ပြီး ကျလာဖို့အထိ စောင့်စရာမလိုဘဲ အောက်ခြေမှာတင် ပြီးသွားအောင် လုပ် ပိုင်ခွင့် ချပေးဖို့အထိ ဆွေးနွေးနေပါတယ်။ အထောက်အထားတွေကိုလည်း လျှော့နိုင်သလောက် လျှော့နိုင်အောင် ဆောင်ရွက်သွားဖို့လည်း ရှိပါတယ်"
ဇွန် ၂ရက်ထုတ် The Yangon Time အတွဲ(၇)၊ အမှတ်(၂၀)တွင်ပါသည့် "နိုင်ငံသားစိစစ်ရေးကတ်ပြား လျင်မြန်စွာ ထုတ်ပေးရေး အောက်ခြေအဆင့်မြို့နယ်များ၌ပင် ဆုံးဖြတ်လုပ်ပိုင်ခွင့် ပြုသွားတော့မည်" သတင်းမှ လူဝင်မှု ကြီးကြပ်ရေးနှင့် ပြည် သူ့အင်အားဝန်ကြီးဌာနမှ တာဝန်ရှိသူတစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
လူမှုအရင်းအနှီးသည် အဘယ်ကြောင့် နိုင်ငံတစ်နိုင်ငံ သို့မဟုတ် လူ့အဖွဲ့အစည်းတစ်ခု ဖွံ့ဖြိုးတိုးတက်ရေးအတွက် အရေးပါရသနည်း။ ရုပ်ပိုင်းဆိုင်ရာ၊ အရင်းအနှီးငွေကြေး အရင်းအနှီး၊ လူ့စွမ်းအားအရင်းအမြစ်များနဲ့တင် မလုံလောက်ဘူးလားဆိုသည့် မေးခွန်းမျိုး မေးလာနိုင်လေသည်။ လူမှုအရင်းအနှီး များ၏ ဖွံ့ဖြိုးတိုးတက်မှုကို အဓိက အထောက်အကူ ပြုနိုင်သည့် အချက်ကတော့ စီးပွားရေး၊ လူမှုရေးဆိုင်ရာ လုပ်ငန်းများ၊ လုပ်ဆောင်ရာတွင် transaction costs လို့ခေါ်ဆိုသည့် ပုံမှန်စာချုပ်စာတမ်း၊ တရားရုံးများ၊ အစိုးရရုံးများမှတစ်ဆင့် ဆောင်ရွက်ရသည့်အတွက် ကုန်ကျသော စရိတ်စကများကို လျော့နည်း သွားစေခြင်းမျိုး ဖြစ်သည်။ တစ်ဦးနှင့်တစ်ဦး အပြန်အလှန် ယုံကြည်မှုရှိသည့်၊ စံတန်ဖိုးများ တူညီသည့် လူ့အဖွဲ့အစည်းတွင် ရုံးကနားများကို အထူးအားကိုး နေစရာ မလိုဘဲ။ နာလည်မှုဖြင့် အလုပ်လုပ်ကြခြင်းမျိုး ဖြစ်လေသည်။ စီးပွားရေးဆိုင်ရာ ပဋိပက္ခများကိုလည်း တရားရုံးများတွင် ဖြေရှင်းခြင်းထက် ရပ်ရွာ အဖွဲ့အစည်းအတွင်းရှိ သြဇာတိက္ကမရှိ သည့် ပုဂ္ဂိုလ်များမှ ကြားဝင် ဖြေရှင်းပေးနိုင်းခြင်းတို့ကြောင့် ကုန်ကျစရိတ်များ သက်သာခြင်းမျိုးဖြစ်လေသည်။
ဇွန် ၂ ထုတ် ပြည်သူ့ခေတ် အတွဲ(၁) အမှတ် (၄၅) တွင်ပါသည့် ဆောင်းပါးရှင်း ခိုင်ဝင်း၏ "လူမှုအရင်းအနှီး နှင့် ဖွံ့ဖြိုးမှု" ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
နိုင်ငံကူးလက်မှတ်နှင့် တယ်လီဖုန်းကိစ္စ အကျိုးဆောင်ခြင်းဖြင့် မိတ်ဆွေဖြစ်သူမှာ နှစ်ပေါင်းများစွာ မိသားစုကို ထမင်းရှာကျွေးခဲ့သည်။ ကျွန်တော့်မိတ်ဆွေ လိုပဲ သည်အနီးအနားတစ်ဝိုက်မှာ တစ်နိုင်တစ်ပိုင် ထမင်းရှာစားနေကြသူတွေ ဘယ်လောက်ရှိမယ် မပြောတတ်။ ဒါက လက်တွေ့မြင်နေရသော ရန်ကုန်မြို့ ၏ လူတန်းစားတစ်ရပ် ဖြစ်သည်။ တစ်နိုင်ငံလုံး အတိုင်းအတာနှင့်ဆိုလျှင် ဘယ်လောက်ရှိမည်မသိ။ သည်လူတန်းစားတစ်ရပ်လုံး၏ ဝင်ငွေသည် နိုင်ငံတော် ၏ ကုန်ထုတ်လုပ်မှု (Production) မှ ရရှိသောဝင်ငွေမဟုတ်။ တရားဝင်မဟုတ်သဖြင့် အမျိုးအမည်ဖော်ပြ၍မရသော ဝန်ဆောင်မှု (Service) မှရရှိသော ဝင်ငွေလည်း မခေါ်ဆိုနိုင်။ ကိစ္စတစ်ရပ်ပြီး မြောက်အောင်မြင်ဖို့အတွက် အပိုကုန်ကျစရိတ် (Transa ctional Cost) ဟုဆိုလျှင်ပို၍ သင့်လျှော်မည် ထင် သည်။ သည်ငွေတွေက နိုင်ငံတော်အတွက် ယိုဖိတ်မှုဖြစ်သော်လည်း လူတန်းစားတစ်ရပ်အဖို့မှာမူ သက်မွေးဝမ်းကျောင်းတစ်ခု ဖြစ်နေသည်။
ဇွန် ၃ ထုတ် BiWeekly ELEVEN အတွဲ(၄) အမှတ်(၉) တွင်ပါသည့် ဆောင်းပါးရှင် ချစ်ဝင်းမောင် "တန်းစီကြ သူများ(၂)" ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
"အခုလွှတော်ဆွေးနွေးပွဲတွေမှာ အဓိကထားပြီး ဆွေးနွေးတဲ့အချက်တွေက တည်ဆဲဥပဒေတွေနဲ့ ပတ်သက်တဲ့ အကြောင်းအရာတွေပါပဲ။ အဲဒီအထဲမှာ နံပါတ်(၁)က ပြည်သူ့ကို ဝန်ထုတ်ဝန်ပိုးဖြစ်စေတဲ့ ဥပဒေတွေကို အမြန်ဆုံးဖျက်သိမ်းရန်၊ ဥပမာပြောရရင် နိုင်ငံခြားငွေကိုင်ဆောင်မှုပေါ့။ နံပါတ်(၂) တည်ဆဲ ဥပဒေများမှာ ခေတ်စနစ်နဲ့မလျော်ညီသည့် ဥပဒေတွေကို ပြင်ဆင်ရန်၊ အဲဒါတွေကတော့ ၁၉၂၁က ပြဋ္ဌာန်းတဲ့ ကျေးလက်ဥပဒေ မြို့ပြဥပဒေတွေလိုမျိုး ခေတ်နဲ့ မလျှော်တော့တဲ့ ဥပဒေတွေပါ။ နံပါတ်(၃) ပြည်သူ့အတွက် လိုအပ်သည့် ဥပဒေများအသစ်ပြဋ္ဌာန်းရန်ဖြစ်ပါတယ်။ ဥပမာ- ကျန်းမာရေး အာမခံ ဥပဒေဆိုတာမျိုး ဥပဒေတွေကိုဖော်ဆေင်ဖို့ ရည်ရွယ်တာဖြစ်ပါတယ်"
ဇွန် ၂ရက်ထုတ် The Yangon Time အတွဲ(၇)၊ အမှတ်(၂၀)တွင်ပါသည့် အမျိုးသားလွှတ်တော်ကိုယ်စားလှယ် ဒေါက်တာ မြတ်ဉာဏစိုး ၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ရေးရာကော်မတီများနှင့် စည်းမျဉ်းစည်းကမ်းများခိုင်ခံလာမှု
မြန်မာနိုင်ငံသည် အာဏာပိုင်စနစ်မှ ဒီမိုကရေစီစနစ်ကို ကူးပြောင်းပြီးဖြစ်သည့်အလျှောက် ဒီမိုကရေစီစနစ်၏ အားသာချက်များကို မြင်ဝါးထင် ထင် မြင်တွေ့ ရတော့မြင်ဖြစ်လေသည်။ အရွေးချယ်ခံ လွှတ်တော်ကိုယ်စားလှယ်များအဖြစ် လွှတ်တော်အရပ်ရပ်သို့ ရောက်ရှိသွားကြသော အမတ်မင်းများ သည် မိမိအားရွေးချယ်လိုက်သည့် ပြည်သူ့အကျိုးကိုရှေ့ရှု၍ ပြည်သူ့အတွက် လွှတ်တော်အတွင်း အကောင်းဆုံး ကိုယ်စားပြုလုပ်ဆောင်ဖို့ လိုအပ်လာလေပြီ ဖြစ်သည်။ လွှတ်တော်အမတ်မင်းများသည် မူဝါဒရေးရာနှင့် ဥပဒေကြမ်း ရေးဆွဲမှုတွင် လွန်စွာအရေးပါသော ရေးရာကော်မတီ အဖွဲ့ဝင်များအဖြစ် တာဝန် ထမ်းဆောင်နိုင်ရမည်ဖြစ်ပေသည်။
ဤသည်တို့ကြောင့် ပြည်သူ့လွှတ်တော်၊ အမျိုးသားလွှတ်တော် ကော်မတီဝင်များ၊ တိုင်းဒေသကြီး၊ ပြည်နယ်လွှတ်တော် ဥက္ကဋ္ဌများ၏ လွှတ်တော် လုပ်ငန်းဆိုင်ရာဆွေးနွေးပွဲကို နေပြည်တော်ရှိ လွှတ်တော်ရုံးခန်းမတွင် မေလ ၂၃ ရက် နေ့က စတင်ကာ ရက်သတ္တပတ်သုံးပတ်ကြာ နေ့စဉ်ဆွေးနွေးပွဲများ ကျင်းပလျက် ရှိလေသည်။ အဆိုပါ ဆွေးနွေးပွဲသို့ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော်ဥက္ကဋ္ဌ ဦးခင်အောင်မြင့်၊ ပြည်သူ့လွှတ် တော် ဒုဥက္ကဋ္ဌ ဦးနန္ဒကျော်စွာ၊ အမျိုးသားလွှတ်တော်တို့၏ ဥပဒေကြမ်းကော်မတီ၊ ပြည်သူ့ငွေစာရင်းကော်မတီ၊ လွှတ်တော်အခွင့်အရေး ကော်မတီနှင့် အစိုး ရ၏ အာမခံချက်များ၊ ကတိများနှင့် တာဝန်ခံချက်များ၊ စိစစ်ရေးကော်မတီတို့မှ ကော်မတီဝင်များ၊ တိုင်းဒေသ ကြီးနှင့် ပြည်နယ်များမှ လွှတ်တော်ဥက္ကဋ္ဌများ စုစုပေါင်း ၁၃၀ကျော် တက်ရောက်ပြီး လွှတ်တော်လုပ်ငန်းဆိုင်ရာ ကိစ္စများကို ဆွေးနွေးလျက်ရှိပါသည်။
ပြည်သူ့လွှတ်တော်၊ အမျိုးသားလွှတ်တော် ရေးရာကော်မတီများ၏ တာဝန်များနှင့် ကော်မတီဝင်များကို အပိုင်းသုံးပိုင်းခွဲ၍ ရှင်းလင်းဖော်ပြ ထားလေသည်။ ယင်းတို့မှာ ပြည်သူ့လွှတ်တော်၊ အမျိုးသားလွှတ်တော် ဥပဒေကြမ်း ကော်မတီ၏ တာဝန်များ၊ ကော်မတီ၏ လုပ်ပိုင်ခွင့်များနှင့် ကော်မတီဝင် ၏ ရပိုင်ခွင့်နှင့် အခွင့်အရေးများဟူ၍ ဖြစ်လေသည်။ ပြည်သူ့လွှတ်တော်၊ အမျိုးသားလွှတ်တော် ဥပဒေကြမ်းကော်မတီ၏ အဓိကတာဝန်မှာ ဖွဲ့စည်းပုံ အခြေခံဥပဒေကို အလေးထား သည့် ဥပဒေစိုးမိုးမှု၊ နိုင်ငံတော် တည်ငြိမ်ရေးနှင့် လုံခြုံရေးအခြေအနေကို အထူးသတိထားသည် ဥပဒေမူကြမ်းများ ဖြစ်၊ မဖြစ် အဓိက ဆန်းစစ်သုံးသပ်ရန် ဖြစ်လေသည်။ ကော်မတီ၏ လုပ်ပိုင်ခွင့်များတွင် နိုင်ငံတော်နှင့် ပြည်သူတို့အား အကျိုးဖြစ်ထွန်း စေမည့် အကြံပြုချက်များကို ပြည်သူ့လွှတ်တော်သို့ တင်ပြခွင့်ရှိနေခြင်း၊ ပြည်သူများနှင့် သက်ဆိုင်ရာ ကျွမ်းကျင်ပညာရှင်များ၏ ဥပဒေရေးရာ အကြံပြုချက်များ၊ ဝေဖန်သုံးသပ် ချက်များကို စိစစ်သုံးသပ်ကာ ပြည်သူ့လွှတ်တော်သို့ တင်ပြခွင့်ရှိခြင်း၊ ခေတ်နှင့်မလျှော်ညီသော အရေးအသား၊ အသုံးအနှုန်းများကို ဥပဒေရှုထောင့်မှ ပြင်ဆင်ဆောင်ရွက်ခွင့် ရှိခြင်းတို့ ဖြစ်လေသည်။ ကော်မတီဝင်များ၏ ရပိုင်ခွင့်နှင့် အခွင့်အရေးများတွင် ကော်မတီဝင်များသည် ပြည်သူ့လွှတ်တော် ကိုယ်စားလှယ်များ ဖြစ်သည့်အလားလျော်စွာ ကော်မတီလုပ်ငန်းတာဝန်ကို ဆောင်ရွက်ရန်နှင့် ကော်မတီ အစည်းအဝေး တက်ရောက်အတွက် ကော်မတီရုံးစိုက် ရာဒေသတွင် ရောက်ရှိနေစဉ်သော်လည်းကောင်း၊ တာဝန်အရ ခရီးသွားလာရာ၌လည်းကောင်း၊ ယင်းတို့နှင့်သက်ဆိုင်သည့် ချီးမြှင့်ငွေနှင့် စရိတ်များဆိုင်ရာ ဥပဒေပါ ရပိုင်ခွင့်များကိုသာမက ပြည်ထောင်စုအစိုးရအဖွဲ့က သတ်မှတ်သည့် ရပိုင်ခွင့်များ ကိုလည်း ခံစားခွင့်ရှိသည်။
အဆိုပါဆွေးနွေးပွဲတွင် တင်ပြခဲ့သည့် စာတမ်းခေါင်းစဉ်များမှာ ၂၈ ခုရှိပြီး ရေးရာကော်မတီများတွင် ဆွေးနွေးရန် ရွေးချယ်စုစည်းထားသည် များတွင် အမျိုးသမီးအခွင့်အရေး၊ စားသုံးသူ အခွင့်အရေး၊ ကျေးလက်ဒေသဖွံ့ဖြိုးတိုးတက်ရေး၊ နိုင်ငံတော်ဖွံ့ဖြိုးတိုးတက်ရေးနှင့် အခွန်အခ၊ နိုင်ငံတော်မှ ချုပ်ဆိုထားသည့် စာချုပ်စာတမ်းများ၊ ဘတ်ဂျက်သုံးစွဲမှုဆိုင်ရာ ဆွေးနွေးသုံးသပ်ခြင်း စသည်တို့ပါဝင်လေသည်။ ဤကဲ့သို့ ရေးရာကော်မတီများ ပေါ်ပေါက် လာခြင်းအတွက် နိုင်ငံ၏ စီးပွားရေးဖွံ့ဖြိုးတိုးတက်မှု၊ လူမှုစီးပွားရေး ဘဝသက်သာချောင်ချီရေးအတွက် လိုအပ်သည့် ဥပဒေများကို ပြဋ္ဌာန်းပေးဖို့ ဆုံးဖြတ် ခြင်းအပါအဝင်၊ မလိုအပ်သည့် ဥပဒေ၊ စည်းမျဉ်းစည်းကမ်းများကို ပယ်ဖျက်နိုင်ဖို့ အခွင့်အလမ်း များသွားပြီဖြစ်လေသည်။ ဥပမာ ယခုတလော စီးပွားရေး အသိုင်းအဝိုင်းတွင် အသံကျယ်လောင်စွာ ကြားနေရသော ကိစ္စတစ်ရပ်ရှိပါသည်။ စီးပွားရေး လုပ်ငန်းများ၊ လုပ်ငန်းရှင်များနှင့် တိုက်ရိုက်သက်ဆိုင်နေသော စီးပွားရေးဆိုင်ရာ တည်ဆဲဥပဒေ ၃၆ ခုအား ခေတ်ကာလနှင့်ညီသော ဥပဒေနှင့် လုပ်ထုံးလုပ်နည်းများ ဖြစ်စေရန် စီးပွားရေးလုပ်ငန်းရှင်များ လိုလားနေ ခြင်း ဖြစ်လေသည်။ ဤသည်မှာလည်း မှန်ပါသည်။ အခွန်နှင့်သက်ဆိုင်သော ဥပဒေပါ စည်းမျဉ်းစည်းကမ်းများ အပါအဝင်၊ စည်းမျဉ်းစည်းကမ်းနှင့် လွတ်လပ်စွာ ယှဉ်ပြိုင်နိုင်ခွင့်ကို ယှဉ်ပြိုင်လိုစိတ်ရှိသည့် စီးပွားရေးသမားတိုင်း တောင်းဆိုမည့် အရာပင် ဖြစ်သည်။
ထို့အပြင် လွှတ်တော်ရေးရာကော်မတီ အစည်းအဝေးမှ ဆွေးနွေးမည်အကြောင်းအရာများထဲတွင် လယ်ယာကဏ္ဍ ဖွံ့ဖြိုးတိုးတက်ရေးအတွက် အကန့်အသတ်ဖြစ်စေသော ဥပဒေများကို လေ့လာတင်ပြခြင်း၊ ကျေးလက်ဒေသ ဖွံ့ဖြိုးတိုးတက်ရေး လုပ်ငန်းစဉ်နှင့် ပတ်သက်၍ လေ့လာတင်ခြင်းနှင့် Land use policy ကို စိစစ်ခြင်းစသည့် ခေါင်းစဉ်များ ပါဝင်လေသည် ဖြစ်လေရာ မြန်မာနိုင်ငံ လယ်ယာစိုက်ပျိုးရေး စီးပွားရေးကဏ္ဍအတွက် အကျိုးကျေးဇူး များစွာ ဖြတ်ထွန်း စေသည့် ဥပဒေအသစ်များ ပြဋ္ဌာန်းပေးခြင်း၊ မူဝါဒကောင်းများ ချမှတ်ပေးခြင်းအပါအဝင်၊ Rice Industry ကို အထောက်အကူမပြုတော့ သည့် ဥပဒေများကို ဖြတ်သန်းခြင်းများကို ထိထိရောက်ရောက်ပြုလုပ်လာနိုင်မည်ဟု မျှော်လင့်နိုင်ပါသည်။
ပြည်သူ့ကိုယ်စား၊ ပြည်သူ၏ရွေးချယ်မှုဖြင့် လွှတ်တော်အရပ်ရပ်သို့ ရောက်ရှိသွားကြသည့် အမတ်မင်းများ အနေဖြင့် ပြည်သူ့အကျိုးစီးပွားကို ထမ်းရွက်ရန် အကျိုးဖြစ်ထွန်းမည့် လွတ်တော်ရေးရာကော်မတီများတွင် တက်တက်ကြွကြွပါဝင်ကာ ဆွေးနွေးအကြံပြု ကြားနာနေနိုင်ရမည်ဖြစ်သည်။ ပြည်သူများမှလည်း မိမိရွေးချယ်လိုက်သည် လွှတ်တော်ကိုယ်စားလှယ်မှာ မိမိတို့အကျိုး၊ နိုင်ငံအကျိုးအတွက် မည်ကဲ့သို့ ထူးထူးချွန်ချွန် ဆောင်ရွက်သွားနိုင် မည်ကို လေ့လာ စောင့်ကြည့်ရင်း နိုင်ငံအတွက် ဖွံ့ဖြိုးတိုးတက်ရာ လမ်းကြောင်းမှန်ပေါ်သို့ လျှောက်လှမ်းနိုင်ပါစေကြောင်း။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
