Posts
၁.၅.၂၀၁၂
ဆောင်းပါးကဏ္ဍ
- မြန်မာ့နိုင်ငံရေးတွင် ပြောင်းလဲမှုအမျိုးအစားသည်သာ စိန်ခေါ်မှုဖြစ်သည်
*****************************************
ဆောင်းပါးကဏ္ဍ
မြန်မာ့နိုင်ငံရေးတွင် ပြောင်းလဲမှုအမျိုးအစားသည်သာ စိန်ခေါ်မှုဖြစ်သည်
ရာမက်ရ်ှဆရက်ရ်ှသာ (ယူနီဆက်ဖ်မြန်မာ)
(စာရေးသူသည် ယူနီဆက်ဖ်၏ မြန်မာနိုင်ငံဆိုင်ရာ ဌာနေကိုယ်စားလှယ် ဖြစ်သည်။)
(ခင်အောင်နှင့်ညွန့်ညွန့်ဝင်း ဘာသာပြန်ဆိုသည်။)
(MYANMAR TIMES အတွဲ (၂၉) ၊ အမှတ် (၅၆၆) ထုတ်နှုတ် ဖော်ပြသည်)
ကမ္ဘာပေါ်ရှိ မည်သည့်အစိုးရအဖွဲ့မျှ ၎င်းတို့၏ ပြည်သူများ မျှော်လင့်အားထားချက်ကို ပြည့်ဝစွာ ဖြည့်ဆည်းပေးနိုင်ခြင်း မရှိသောကြောင့် မြန်မာနိုင်ငံအဖို့လည်း ဤနေရာတွင် ခြွင်းချက်အဖြစ် မရပ်တည်နိုင်ပေ။ နိုင်ငံအစိုးရအပေါ် ပြည်သူတို့က မျှော်လင့်ချက် ကြီးမားစွာ ထားပေလိမ့်မည်။ ကမ္ဘာ့ နိုင်ငံအများကလည်း 'ယခုထက်ပိုလုပ်ဆောင်ပေးရန်' ဖိအားပေးလိမ့်မည်။ စီးပွားရေးလုပ်ငန်းများလုပ်ခွင့် ပိုမိုလုပ်ကိုင်ရေးအတွက်နှင့် ရင်းနှီး မြှုပ်နှံမှု အခွင့်အလမ်းများ ပိုမိုဖွင့် လှစ်ပေးရန်အတွက်လည်း ဖိအားပေးကြပေလိမ့်မည်။
မြန်မာနိုင်ငံ၏ နိုင်ငံရေးမြင်ကွင်းသည် ပြောင်းလဲနေသည်။ ပြောင်းလဲနှုန်းသည် မသေချာပေ။ လူအချို့အတွက် သိပ်မြန်သည်ဟု ထင်ရပြီး အခြားသူများအတွက် သိပ်နှေးနေသည်ဟု ထင်ရသည်။ ဖြစ်နေသည့်အနေအထားအရ တစုံတရာ ပြောင်းလဲမှုမရှိသေးပေ။ ပြုပြင်ပြောင်းလဲ မှုများအတွက် ကတိ ပေးထားမှုများသည် စဉ်ဆက်မပြတ် အကြောင်းခံပြီး မိန့်ကြားထားသရွေ့ ပြောင်းလဲမှုနှုန်းသည် သိပ်အရေးမပါသင့်ပေ။ မြန်မာနိုင်ငံအတွက် စိန်ခေါ်မှုသည် ပြောင်းလဲမှု၏ နှုန်း မဟုတ်ဘဲ စတင်တင်သွင်းသည့် ပြောင်းလဲမှုအမျိုးအစားများသာ ဖြစ်သည်။
ဒီမိုကရေစီရရှိစေရန် အဆိုပါ ပြုပြင်ပြောင်းလဲမှုများ တင်သွင်းလာသောအခါ မြန်မာနိုင်ငံအနေဖြင့် ၎င်း၏ ယဉ်ကျေးမှုဆိုင်ရာဖြင့် ရိုးရာလက္ခဏာ များနှင့် လူမှုရေးတန်ဖိုးထားမှုကို မည်သို့ထိန်းသိမ်းနိုင်မည်နည်း။ ၁၀၀ ကျော်ရှိသော တိုင်းရင်းသားမျိုးနွယ်စုများ၏ ထွေပြားသောယဉ်ကျေးမှု၊ ဘာသာ စကားနှင့် ရိုးရာကိုယ်ပိုင်လက္ခဏာများကို မြန်မာနိုင်ငံအနေဖြင့် ကာကွယ်စောင့်ရှောက်နိုင်မည်လား။ ဝန်ကြီးချုပ်ဟောင်းတစ်ဦးက သမ္မတအဖြစ် ဦးဆောင် သည့် စစ်ဘက်ဆိုင်ရာ အရာရှိဟောင်း အများအပြားပါဝင်သော အရပ်သားအစိုးရသစ်နှင့် မြန်မာနိုင်ငံ၏ ခေတ်ပြိုင်သမိုင်းတွင် ခေတ်အပိုင်း အခြားသစ် စတင်ခဲ့သည်မှာ တစ်နှစ်ရှိပါပြီ။
အစိုးရသစ်က အကြွင်းမဲ့ နိုင်ငံရေး ပြုပြင်ပြောင်းလဲမှုသည် လူတိုင်းကို အံ့အားသင့်သွားစေခဲ့သည်။ တရားစီရင်ရေးနှင့် အုပ်ချုပ်ရေးရုံးဖြစ်သော လွှတ်တော်သည် တစ်ဦးနှင့်တစ်ဦး၏ ဆုံးဖြတ်ချက်ချမှတ်သည့် ယန္တရားကို ဩဇာမသက်ရောက်ဘဲ မျှော်လင့်သည့်အတိုင်း လည်ပတ်နေပုံရသည်။ ဒီမို ကရေစီသို့ လမ်းပြမြေပုံခုနစ်ဆင့်သည် အမှန်တကယ်တည်ရှိသည်မှာ အထင်အရှားဖြစ်ပြီး စီစဉ်ထားသည့်အတိုင်း အရေးယူ ဆောင်ရွက်ခဲ့သည်။ အစိုးရ ဟောင်း၏ အုပ်ချုပ်မှုနှင့် စီမံ ခန့်ခွဲမှု၏ အားနည်းချက်များအားလုံးကို ကိုင်တွယ်ရန် ပြတ်ပြတ် သားသား ဆုံးဖြတ်ပြီးဖြစ်သည်။
သမ္မတ၏ အဖွင့်မိန့်ခွန်းတွင် ဖော်ပြသည့် ပြည်သူအား တာဝန်ခံသော ဒီမိုကရက်တစ် အုပ်ချုပ်မှုအတွက် ကတိပေးပြီးသော အလုပ်များဖြင့် မြန်မာ နိုင်ငံသည် ကမ္ဘာအနှံ့ ဖွံ့ဖြိုးတိုးတက်ရေး စိန်ခေါ်မှုများကို တဖြည်းဖြည်း ယုံကြည်လက်ခံလာသည်။ မကြာမီ အချိန်မရွေး ပျောက်သွားရန် အလားအလာ မရှိသော အချို့ကိစ္စတွင် သံသယရှိနေဆဲဖြစ်သည်။
မြန်မာနိုင်ငံတွင် ပြောင်းလဲမှုများ အမှန်တကယ် ဖြစ်ပျက်နေသည်ဆိုသောအချက်ကို နိုင်ငံတကာအသိုင်းအဝိုင်းက ကူးပြောင်းလက်ခံရန်အချိန် ဖြစ်သည်။ ၎င်းကို အပြင်ပန်းအမြင်ဖြင့်သာ ယူရမည်။ လွန်ခဲ့သော ဆယ်စုနှစ်အချို့အတွင်း မည်သည့်နိုင်ငံရေးစနစ်မဆို လူသား ဖွံ့ဖြိုး တိုးတက်ရေး အတွက် အခြေခံအဖြစ် ဒီမိုကရေစီ၊ တစ်ဦးချင်း လွတ်လပ်မှုနှင့် ဈေးကွက်စီးပွားရေးနှင့် နိုင်ငံတကာ ဖွံ့ဖြိုးတိုးတက်မှုမူဝါဒတွင် ကမ္ဘာတွင် ထူးထူး ကဲကဲ ပြောင်းလဲမှု ကို ရှိခဲ့သည်။
ဒီမိုကရေစီ၏ လွတ်လပ်သောသဘော တရားအသစ်၊ တစ်ဦးချင်းလွတ်လပ်မှုနှင့် လွတ်လပ်သော ဈေးကွက်စီးပွားရေးကို လူသား ရှင်သန်နိုင်ရန် မရှိမဖြစ်သည့် အပြန်အလှန် ဆက်သွယ်သော အသိုင်းအဝိုင်းအဖြစ် ကမ္ဘာအနှံ့ ဖြန့်ဝေပေးခဲ့သည်။
၎င်း၏ ကွန်မြူနစ်ဝါဒကြောင့် ဝေဖန်ခံရဆဲဖြစ်သော တရုတ်နိုင်ငံသည် ယခုအခါ အကြီးဆုံးနိုင်ငံတကာ ဦးဆောင်သူ ဖြစ်ပြီး အဓိက နိုင်ငံပေါင်းစုံ ကုမ္ပဏီအားလုံးနီးပါးတွင် ရှယ်ယာများ ရှိသည်။ တရုတ်ပြည်မှ ကွာလှမ်းသော မလေးရှားနှင့် စင်ကာပူနိုင်ငံတို့သည် အနောက်နိုင်ငံ ဒီမိုကရေစီသဘော တရားနှင့် သိသိသာသာ ကွဲပြားသည့် အုပ်ချုပ်မှုစနစ်ဖြင့် ကြီးပွားတိုး တက်နေသည်။ စီးပွားရေးကြီးပွားတိုးတက်မှု ပြုလုပ်နေစဉ် ဒီမိုကရက်တစ် အခြေခံ သဘောတရားအချို့ကို ဖီဆန်သည့် ဗီယက်နမ်နိုင်ငံသည် အခြားသာဓက ဖြစ်သေးသည်။ အထူးသဖြင့် နိုင်ငံရေး အပြန်အလှန် ဆွေးနွေးမှု၊ ကုန် သွယ်ရေး နှင့် စီးပွားရေးအတွက် နိုင်ငံတကာ အသိုင်းအ၀ိုင်းသို့ မြန်မာနိုင်ငံက တံခါးဖွင့်ပေးရာတွင် အလှူရှင်မြို့တော်များတွင် တန်းစီနေသော မြန်မာ့ကျွမ်းကျင်သူ များ၏ အကြံပေးခံရသော ရင်းနှီးမြှုပ်နှံသူများအား ကျေနပ်စေရန် အကြောင်း ပြချက်နှင့် စိတ်ခိုင်ခိုင် ဆုံးဖြတ်ချက်ယူရန် လိုအပ်သည်။
ဒီမိုကရက်တစ် အုပ်ချုပ်မှုကို စီးပွားရေး ပညာရှင်များ ၏ Big Mac အညွှန်း သို့မဟုတ် မြို့တွင် KFC ကြက်ကင်ဆိုင်များ၊ သို့မဟုတ် starbucks ကော်ဖီဆိုင်များ အရေအတွက် သို့မဟုတ် CocaCola အအေးပုလင်းသွင်း စက်ရုံအရေ အတွက်များနှင့် အကဲဖြတ်ရန် မသင့်ပေ။ သဘာဝ အရင်းအမြစ်များ၊ ပြည်သူများနှင့် ရင်းနှီးမြှုပ်နှံမှုသူများကို တန်းတူရည်တူ ကာကွယ်ပေးသည့် သင့်တော်သော ဥပဒေပြုပတ်ဝန်းကျင်ကို မြန်မာနိုင်ငံက ပထမခြေလှမ်းအနေဖြင့် ဖန်တီးပေးရမည်။
မြန်မာနိုင်ငံက ထုတ်ပေးမည့် ကုန်သွယ်ရေးအတွက် လိုင်စင်တိုင်းတွင် မြန်မာနိုင်ငံ၏ သဘာဝကို ကာကွယ်ရန်၊ ဧရာဝတီမြစ်ကို ညစ်ညမ်းမှုမှ တားဆီးရန်၊ သစ်တောများထဲမှ ဒေသရင်း သစ်ပင်များ၊ တိရစ္ဆာန်များကို ကာကွယ်ရန်နှင့် ပင်လယ်ကမ်းခြေနှင့် ရေနေသတ္တဝါများကို ကာကွယ်ရန် စသည့် ဆုံးရှုံးမှုဆိုင်ရာ နိုင်ငံတကာ ပူးတွဲထိန်းသိမ်းမှုအတွက် အပိုဒ်ငယ်ပါရှိရမည်။ ၎င်းတို့ပျောက်ကွယ်လျှင် အမြဲဖြစ်သွားမည် ဖြစ်သည်။ ဖွံ့ဖြိုးဆဲနိုင်ငံ အများ အပြားတွင် ၎င်းတို့ကို ဆုံးရှုံးခဲ့ပြီးဖြစ်သည်။ မြန်မာနိုင်ငံအနေဖြင့် ယင်းကိစ္စများကို ထိန်းချုပ်ရန်နှင့် မျှတသော ဆုံးဖြတ်ချက်ချမှတ်ရန်အချိန် ရှိသေးသည်။ ပြည်ပကုမ္ပဏီများနှင့် တွဲဖက်လုပ်မည့် ဒေသခံစီးပွားရေး လုပ်ငန်းရှင်များအပါအဝင် လူတိုင်းသည် အကျိုးအမြတ် မြန်မြန်ရရှိရန် လိုလားကြသဖြင့် အခက်အခဲရှိနိုင်မည်။
အစိုးရသည် ၎င်း၏ အကျင့်ဟောင်းများကို ပြန်သွားရာတွင် ဝေဖန်ခံရမည်မှာ သေချာသည်။ ရေရှည်အကျိုးအတွက် မိမိ၏ စီးပွားရေး တည် ဆောက်၍ မိမိ၏ နိုင်ငံသားများအား ကာကွယ်စောင့် ရှောက်ရန်အတွက် အဆိုပါ ဝေဖန်ချက်ကို အစိုးရအနေဖြင့် သည်းညည်းခံရမည်။ နောင်လာမည့် မျိုးဆက်များအတွက် ရေရှည်အပျက်သဘောဆောင်သော အကျိုးဆက်များမှ မြန်မာနိုင်ငံအား ယခုလက်ခံသည့် လုပ်ဆောင်ချက်များက ကာကွယ်လိမ့် မည် ဖြစ်သည်။
ဖွံ့ဖြိုးဆဲနိုင်ငံများတွင် အစိုးရ၏ ကြိုးပမ်းမှုများကို အများပြည်သူအဖွဲ့ အစည်းများက ဖြည့်ဆည်းပေးသောကြောင့် ၎င်းတို့သည် ဧကန်မုချ အရေးကြီးသည်။ သို့သော် အခြေခံဝန်ဆောင်မှုများကို ပြည်သူများအား စီစဉ်ပေးခြင်းသည် အထူးသဖြင့် ကျန်းမာရေးနှင့်၊ ပညာရေးကိစ္စများနှင့် ပတ်သက်၍ အစိုးရ၏ အဓိကအကျဆုံး တာဝန်ဖြစ်သည်။ လောလောဆယ် ဦးစားပေးကိစ္စအဖြစ် ၎င်း၏ အခြေခံလိုအပ်ချက်များကို မြန်မာနိုင်ငံ အနေဖြင့် သတ်မှတ်ရန် လိုအပ်ပြီ။ အခြေခံပညာရေးမှ အထက်တန်း၊ ၎င်းမှ အဆင့်မြင့်ပညာရေးသို့ အကူးအပြောင်းတွင် ကွာဟချက် ကျယ်ကျယ် ရှိနေ သည်။
အသိပညာအခြေခံသော လူ့အဖွဲ့အစည်းကို ဖန်တီးရန် သမ္မတက မျှော်မှန်းထားသည့်အတိုင်း မြန်မာနိုင်ငံသည် အလယ်အလတ်မှ ရေရှည် စီမံကိန်းအထိ ရှေ့ရေးမျှော်မှန်း၍ လူသားအရင်းအမြစ်စီမံကိန်းများကို ပြင်ဆင်ရန် လိုအပ်သည်။ အနည်းဆုံး အခြေခံပညာရေးအတွက် အခြေခံ အဆောက်အအုံ တည်ရှိသည်။ သို့သော် အထက်တန်းနှင့် အဆင့် မြင့်ပညာရေးအတွက် အခြေခံအဆောက်အအုံကို ၎င်းတို့၏ အရည်အသွေးတိုးတက် ကောင်းမွန်ရန် ရည် ရွယ်၍ များပြား သော ရင်းနှီးမြှုပ်နှံမှုဖြင့် အလေးအနက် ချဲ့ထွင်ရန်လိုအပ်သည်။
ကိုယ်ပိုင်ရိုးရာဓလေ့များ၊ ယဉ်ကျေးမှုနှင့် ဘာသာစကားများဖြင့် မြန်မာနိုင်ငံ၏ တိုင်းရင်းသားမျိုးနွယ်စု ၁၃၅ စုကို ထိန်းသိမ်းထား ရမည်။ မျိုးနွယ်စု ယဉ်ကျေးမှုနှင့် ပြည်နယ်နယ်နိမိတ်များ သာမက အမျိုးသားဂုဏ်ဆောင်မှု၊ အသိတရား ရှိဖို့လည်း လိုအပ်သည်။ လော လောဆယ် အတိတ်က သမိုင်းသည် အကောင်းဆုံးကို ဖန်တီးနိုင်ခြင်း မရှိသေးပေ။ များမကြာမီက လက်နက်ကြီးများ အပြည့်အ၀ တပ်ဆင်ထားသော တိုင်းရင်းသား လူနည်းစုများနှင့် အပစ် အခတ်ရပ်စဲမှု ရယူ နိုင်ခဲ့ခြင်းသည် စိတ်အားတက်ကြွဖွယ်ရာဖြစ်သည်။
တိုင်းရင်းသားလူနည်းစု အခြေခံသော ခေါင်းဆောင်အဖွဲ့အစည်းများအနေဖြင့် အုပ်စုကွဲပြားအောင်ပြု၍ အုပ်ချုပ်ကွပ်ကဲခြင်းခံရမှုမှ ရှောင်ရှားနိုင် စေရန် - ဒေသဆိုင်ရာ အစိုးရ၊ နိုင်ငံတော်အစိုးရတို့နှင့် လက်တွဲဆောင်ရွက်ရန် လမ်းစဉ်များ ချမှတ်ထားသင့်ပေသည်။ ယခုအချိန်တိုင်မူ အဆိုပါ ဒေသဆိုင်ရာနှင့် နိုင်ငံတော်အစိုးရတို့၏ အုပ်ချုပ်မှုအောက်ရှိ ဒေသများတွင် စီးပွားကုန် သွယ်မှုဆိုင်ရာ လွတ်လပ်မှု သို့မဟုတ် တစ်ဆင့်ခံအုပ်ချုပ်မှုအတွက် အားသွန် လုပ်ဆောင်မှု ပြုနေကြခြင်းဖြစ်သည်။
ပြည်တွင်းနှင့် ပြင်ပမှ ဖျက်မြင်းများ အမြောက်အမြားတည်ရှိနေဆဲ ဖြစ်သည်။ ၎င်းတို့၏ သဘောကွဲလွဲမှုများကို စေ့စပ်ပေါင်းစည်းရန် နိုင်ငံရေး ဆိုင်ရာ စိတ်ဆန္ဒကင်းမဲ့မှု ရှိနေကြသော်လည်း ၎င်းတို့ နိုင်ငံတကာအသိုင်းအဝိုင်းမှ ရရှိနေကြသော ဇွတ်မှိတ် ထောက်ခံအားပေးမှုများ ရပ်တန့်ပစ်ကြရမည် ဖြစ်သည်။ အမျိုးသားပြန်လည် ပေါင်းစည်း သင့်မြတ်ရေး ဟူသည့် မြန်မာ့အနာဂတ် မျိုးဆက်သစ်များအတွက် ဖြစ်သည်။
ဗဟိုချုပ်ကိုင်မှုဖျက်ပယ်ထားသော ဖွဲ့စည်းပုံ အခြေခံဥပဒေသစ်ကို အတည်ပြုပြဋ္ဌာန်းခဲ့ခြင်းသည် တိုင်းဒေသကြီးအဆင့်တွင် သန့်ရှင်း၍ ထင်သာမြင်သာ ရှိသော ကောင်းမွန်ပီပြင်သည့် အုပ်ချုပ်မှုအာဏာကို ချမှတ်ပေးရန် ကောင်းမွန်သော ခြေလှမ်းဖြစ်သည်။ ယင်းအုပ်ချုပ်မှု အာဏာကို ဒေသ ဆိုင်ရာလွှတ်တော်များက နိုင်ငံတော်နှင့် မဲဆန္ဒနယ်မြေများသို့ တာဝန်နှင့် ဝတ္တရားသိစွာဖြင့် အသုံးပြုသွားရမည်ဖြစ်သည်။ ၎င်းပြင် သဘာဝ သယံဇာတများမှ ရရှိသောဘဏ္ဍာငွေကို သက်ဆိုင်ရာ ဒေသအစိုးရအဖွဲ့အစည်းများ၏ ဒေသတွင်း ဖွံ့ဖြိုးတိုးတက်မှု စီမံချက်များကို အထောက်အကူ ပြုရန်အတွက် မျှတစွာ ခွဲဝေပေးရန်လည်း လိုအပ်ပေသည်။ ဤကဲ့သို့သော ကြွယ်ဝချမ်းသာမှုကို မျှဝေခံစားစေခြင်းသည် တိုင်းဒေသကြီး အစိုးရများနှင့် နိုင်ငံတော် အစိုးရတို့အကြား ယုံကြည်မှု တည်ထောင်ရေးနှင့် မျှတမှုအတွက် လိုအပ်ချက်ဖြစ်သည်။
ကမ္ဘာပေါ်ရှိ မည်သည့်အစိုးရအဖွဲ့မျှ ၎င်းတို့၏ ပြည်သူများ မျှော်လင့်အားထားချက်ကို ပြည့်ဝစွာဖြည့်ဆည်းပေးနိုင်ခြင်း မရှိသောကြောင့် မြန်မာ နိုင်ငံအဖို့လည်း ဤနေရာတွင် ခြွင်းချက်အဖြစ် မရပ်တည်နိုင်ပေ။ နိုင်ငံအစိုးရအပေါ် ပြည်သူတို့က မျှော်လင့်ချက် ကြီးမားစွာထားပေလိမ့်မည်။
ကမ္ဘာ့နိုင်ငံအများကလည်း 'ယခုထက် ပိုလုပ်ဆောင်ပေးရန်' ဖိအားပေးလိမ့်မည်။ စီးပွားရေးလုပ်ငန်းများ လုပ်ခွင့် ပိုမိုလုပ်ကိုင်ရေးအတွက်နှင့် ရင်းနှီးမြှုပ်နှံမှုအခွင့်အလမ်းများ ပိုမိုဖွင့်လှစ်ပေးရန်အတွက်လည်း ဖိအားပေးကြပေလိမ့်မည်။ ယင်းဖိအားပေးမှုများအတွက် အဆုံးအဖြတ်ပေးမှုများကို သတင်းအချက်အလက် ပြည့်ပြည့်စုံစုံနှင့် ဆင်ခြင်တုံတရား ပြည့်ဝစွာ ပြုလုပ်ရပေလိမ့်မည်။ မှန်ကန်သော ရွေးချယ်မှုနှင့် အဆုံးအဖြတ်ပေးမှုတို့အား ချစ် ခြင်း၊ မုန်းခြင်းစသော အဂတိတရား များနှင့် ဖိအားပေးမှုများက မလွှမ်းမိုးစေရန် အရေးကြီးပေသည်။
ကုန်သွယ်မှုတစ်ခုခု၊ ရင်းနှီးမြှုပ်နှံမှုတစ်ခုခုနှင့် အခြားနိုင်ငံလုံးဆိုင်ရာ ဆုံးဖြတ်ချက်ချမှတ်မှု တစုံတခုပြုရန် အတွက် ထိန်းချုပ်ကွပ်ကဲမှုစည်းမျဉ်း စည်းကမ်းများပြုစုရန်နှင့် စည်းမျဉ်းဥပဒေများ ရေးဆွဲအတည်ပြုရန် အစိုးရအနေဖြင့် လုံလောက်သော အချိန်ယူဖို့ အရေးကြီးပေသည်။ ယခု လောလောဆယ် တစ်မျိုးသားလုံးအတွက် အရေးပါသော ပြဿနာ မှာ စွမ်းအင်ဖြန့်ဝေရေး ဖြစ်သည်။
မြန်မာနိုင်ငံအဖို့ စက်မှုနိုင်ငံအသွင် ပြောင်းလဲရေးနှင့် ပြည်သူတို့၏ နေအိမ်များ အလင်းရရေးအတွက် ကြီးမားသော လျှပ်စစ်စွမ်းအင် ဖြန့်ဝေမှု လိုအပ်ပါသည်။ မြန်မာနိုင်ငံ၏ကြီးမားသော ရေအားလျှပ်စစ် အလားအလာများကို ပြည်တွင်းသုံးစွဲမှု လုံလောက်ရေးနှင့် ပိုလျှံသော စွမ်းအင်တို့ကို အိမ်နီး ချင်းနိုင်ငံများသို့ တင်ပို့ရောင်းချရေးအတွက် မြန်မာနိုင်ငံအနေဖြင့် 'အမျိုးသား စွမ်းအင်ပေါ်လစီ' တစ်ရပ် လိုအပ်ပေသည်။ ယင်းအမျိုးသား ပေါ်လစီ အနေဖြင့် သင့်တော်သော သဘာဝပတ်ဝန်း ကျင်ထိန်းသိမ်းမှုဆိုင်ရာ တိုင်းတာချိန်ဆမှုများ သေချာအောင် လုပ်ဆောင်ကြောင်းနှင့် ပတ်ဝန်းကျင် ညစ် ညမ်းမှု လျော့နည်းအောင် လုပ်ဆောင်မှုများ ထည့်သွင်းအသုံးချကြောင်း သေချာစေရန် လုပ်ဆောင်ရမည်ဖြစ်သည်။ ကြီးမားသော စီမံကိန်းတစ်ရပ်ကို လုပ် ဆောင်ရာတွင် မိမိတို့နေရပ်များမှ ပြောင်းရွှေ့ပေးရမည့် ပြည်သူလူထုအား သင့်တော်သော လျော်ကြေးပေးမှု အစီအစဉ်များ ပါဝင်ရမည်လည်း ဖြစ်ပါသည်။ ၎င်းတို့သည် မှန်ကန်သော တွေးတောဆင်ခြင်မှု ပြုရမည့် ပြဿနာများဖြစ်ပြီး ယင်းအစီအစဉ်များကို မြန်မာ့အနာဂတ်ကို စောင့်ကြပ် ထိန်းသိမ်းသူများဖြစ်သည့် ဗျူရိုကရက်အရာရှိများနှင့် နည်းပညာကျွမ်းကျင်သူများက ထည့်သွင်းစဉ်းစားနေကြပြီး ဖြစ်သည်ဟု ကျွန်တော် ယုံကြည်ပါသည်။ စွမ်း အင်ပေါ်လစီ ကို အကောင်အထည်ဖော်ရာတွင် သဘာဝပတ်ဝန်းကျင် စောင့်ကြပ်ရေးသမားများ ဆန့်ကျင်ကြမည်သာ ဖြစ်သည်။ 'အပူစွမ်းအင်' အသုံးချနိုင်ရန် လုပ်ဆောင်မှုသည် စရိတ်ကြီးမားလှပြီး လေထုကိုညစ်ညမ်းစေသည်။
များမကြာမီက တွေ့ရှိချက်များအရ ဒီမိုကရေစီကို လွတ်လပ်သောကုန်သွယ်မှုနှင့် ဈေးကွက်စီးပွားရေးတို့နှင့် ပူးတွဲ တည်ထောင်သည့် အယူအဆသည် တစ်ဦးချင်းလွတ်လပ်ခွင့် မညီမျှမှုနှင့် စီးပွားရေး ဝေါဟာရသုံး 'အသန်စွမ်းဆုံး တို့သာ အသက်ရှင်ကျန်ရစ်မည်' ဟူသောအချက်များကို ရှင်သန်စေကြောင်း တွေ့ရှိရသည်။ ဂရိ၊ အိုင်ယာလန်နှင့် အိုင်စလန်နိုင်ငံတို့ တွေ့ကြုံခဲ့ကြသော ပြဿနာများသည် ခေတ်သစ်စီးပွားရေးစနစ်ကို လွတ်လပ် သော ကုန်သွယ်မှုနှင့် ဒီမိုကရေစီတို့နှင့် ပေါင်းစပ်ထားရာမှ ပေါက်ပေါက်လာသော ထင်ရှားသော သာဓကများ ဖြစ်သည်။ ဒီမိုကရေစီ စင်မြင့်ပေါ်သို့ အသစ် စက်စက်ရောက်ရှိလာသည့် မြန်မာနိုင်ငံအဖို့မှာမူ ဒီမိုကရေစီအကြောင်း သင်ကြားပြသနေသော ဆရာကြီးများနှင့် လွတ်လပ်သော ဈေးကွက်စီးပွားရေး လက်သစ်ဆရာကြီးများ၏ ဩဝါဒများကို တစ်သွေမတိမ်း လိုက်နာခြင်းအားဖြင့် တွေ့ကြုံရမည့် အမှားများကို ယခင်လူများနောက်သို့ လိုက်၍မမှားမိရန် သာဓကမြောက်မြားစွာမှ ရှောင်ရှားနိုင်ပေလိမ့်မည်။
မြန်မာနိုင်ငံသည် နိုင်ငံရပ်ခြားမှ ကူညီထောက်ပံ့မှုများကို အနည်းပါးဆုံး ခံစားရရှိသည့်နိုင်ငံဖြစ်သည်။ မြန်မာနိုင်ငံသည် ဤရာစုခေတ် ခြောက် ခေတ်လုံးသောကာလတွင် နိုင်ငံခြားကူညီ ထောက်ပံ့မှုအနည်းဆုံးဖြင့် ရပ်တည်ရှင်သန်ခဲ့သော နိုင်ငံဖြစ်သည်။ သို့သော် အခက်အခဲမရှိခြင်း မဟုတ်သော် ငြား စီးပွားရေးအခြေအနေချင်း တူညီသော၊ ဒေါ်လာ ဘီလျံ ပေါင်းများစွာ ကူညီထောက်ပံ့ ရင်းနှီးမြှုပ်နှံခံခဲ့ရသော အခြား မျက်နှာသာအရဆုံး အာရှနှင့် အာဖရိက နိုင်ငံများနှင့်စာလျှင် မြန်မာနိုင်ငံ၏ အခြေခံအဆောက် အအုံများနှင့် လူမှုရေးအခြေပြ အချက်အလက်များသည် ကောင်းမွန်သည့် အနေအထား ရှိနေဆဲ ဖြစ်ကြောင်း တွေ့ရှိရပေလိမ့်မည်။
မြန်မာနိုင်ငံသည် နိုင်ငံရေးနှင့်စီးပွားရေး ပြုပြင်ပြောင်းလဲမှုများကို စတင်အကောင်အထည်ဖော်နေပြီဖြစ်ရာ ခေါင်းဆောင်များသည် အဆိုပါ ပြောင်းလဲမှုများ၏ မလိုအပ်သော ထိခိုက်နစ်နာစေမှုများလည်း ပေါ်ပေါက်လာမည်ဖြစ်ရာ ၎င်းတို့၏ ထိခိုက်နစ်နာစေမှုများ ပျော့ပျောင်း သက်သာစေရန် ထိန်းသိမ်းမှု စည်းကမ်းနည်းလမ်းများ ကြို၍လုပ်ဆောင်ထားကြောင်း သေချာစေရပေလိမ့်မည်။ ယင်း စည်းကမ်းနည်းလမ်းများက အချို့သော နိုင်ငံရပ်ခြား အစိုးရအဖွဲ့များနှင့် အတိုက်အခံအုပ်စုတို့အား မကျေမချမ်းဖြစ်စေမည် မှန်သော်လည်း ယင်းသည် ပြုပြင် ပြောင်းလဲမှုများအတွက် မြန်မာက ပေးဆပ်ရမည့်အရာများသာ ဖြစ်ပါသည်။
လက်သစ် လွတ်လပ်သော စီးပွားရေးဝါဒီများက လွတ်လပ်စွာ ရွေးချယ်ခွင့်ကို အကြောင်းပြုပြီး လိုသည်ထက်ပိုသော ရွေးချယ်မှုကိုပြုရန် အကြံ ဉာဏ်ပေးကောင်း ပေးပေလိမ့်မည်။ မြန်မာနိုင်ငံသည် အပြိုင်အဆိုင် ဝယ်ယူလိုကြသည့် ဝယ်လက်နိုင်ငံများ များပြားသည့် သဘာဝသယံဇာတများ ပေါများ ကြွယ်ဝသော ကိုယ့်ကိုယ့်ကိုယ် အားကိုးနိုင်သည့်နိုင်ငံ ဖြစ်ပြီး မြန်မာနိုင်ငံ၏ တံခါးဝသို့ မိမိတို့ထုတ်ကုန်များ ရောင်းချလိုသည့်နိုင်ငံများ မလွဲမသွေ ရောက်ရှိလာကြပေလိမ့်မည်။
မြန်မာနိုင်ငံသည် ၎င်း၏ စီးပွားရေးလုပ်ငန်းများ ဖွံ့ဖြိုးမှုအတွက်နှင့် ပြည်သူလူထုအား အကျိုးပြုနိုင်ရေးအတွက် နည်းပညာဆိုင်ရာ လုပ်နည်း ကိုင်နည်းများနှင့် အဆင့်မြင့် နည်းပညာ စက်ပစ္စည်းများ လိုအပ်ပေသည်။ မြန်မာနိုင်ငံသည် ကြီးပွား တိုးတက်ရေးအတွက် အသုံးထက် အဖြုန်းကို အားပေးသော 'များများသုံး၊ များများထုတ်၊ များများ ရောင်း' အယူအဆ ထောင်ချောက်တွင်းသို့ မကျရောက်ရန် အရေးကြီးပေသည်။ ယင်းသို့ မကျရောက် စေရန် မြန်မာ့သဘာဝဝန်းကျင်နှင့် သစ်တောများအား စောင့်ကြပ်ထိန်းသိမ်းရေး၊ မြန်မာ့စီးပွား ကုန်သွယ်ရေးအား စောင့်ကြပ်ထိန်း သိမ်းရေး၊ မြန်မာ့ ရိုးသားဖြောင့်မတ်မှုကို မပျက်ပြားအောင် ထိန်းသိမ်းစောင့်ရှောက်မှုတို့ လိုအပ်ပေသည်။ ဤ အကြောင်းခြင်းရာများ ရရှိရန် အချိန်ပေးရန် လိုအပ်ပြီး ဖြတ်လမ်းလိုက်၍ မရပေ။ ပြည်တွင်းကုမ္ပဏီများ ဆုံးရှုံးပျက်စီးခြင်း မရှိအောင် အကာအကွယ်ပေးခြင်းနှင့် ဖွံ့ဖြိုးဆဲနိုင်ငံများ၏ သဘာဝဝန်းကျင်ကို ကာကွယ်စောင့်ရှောက်ခြင်း သည် လွတ်လပ်သော ကုန်သွယ်မှု လုပ်ငန်းများ တွင် ပါဝင်ခြင်းမရှိပေ။
လွတ်လွတ်လပ်လပ် ရောင်းဝယ်မှုပြုသော စီးပွားရေးအယူအဆရှိသည့် ဖွံ့ဖြိုးဆဲနိုင်ငံတစ်နိုင်ငံသည် ၎င်း၏ သဘာဝသယံဇာတများအား ရောင်း ချပြီး အပြန်အလှန်အားဖြင့် ကုန်ချောများ နိုင်ငံခြားတိုင်းပြည်တစ်ခုမှ တင်သွင်းခြင်းသည် မြန်မာလို နိုင်ငံတစ်နိုင်ငံအဖို့ ဘေးအန္တရာယ် ကြီးမား လှပေသည်။ မြန်မာနိုင်ငံက ၎င်း၏စီးပွားရေးကို လွတ်လပ်စွာ လုပ်ဆောင်ခွင့်ပြုသည်နှင့်အမျှ ၎င်း၏ အာရုံစူးစိုက်မှုသည် အလုပ်အကိုင်ဖန်တီးရေးနှင့် ညီညွတ်မျှတမှု ရှိသော ကုန်သွယ်ရေးတို့အပေါ်တွင် ဖြစ်စေရမည်။
အလုပ်အကိုင် ဖန်တီးရေးသည် အလယ်အလတ်နှင့် အဆင့်မြင့်တန်ဖိုးရှိသော ထုတ်ကုန်များထုတ်လုပ်မှုကို ပြည်တွင်းနှင့် ပြည်ပဈေးကွက် အတွက် ရည်ရွယ်ထုတ်လုပ်မှုများ ဖြစ်စေရမည်ဖြစ်ပြီး ငယ်ရွယ်သူဆယ်ကျော်သက် လုပ်သားများကို ခေါင်းပုံဖြတ်စားသည့် နဖူးကချွေး ခြေမကျအောင် ခိုင်းစေသည့်လုပ်ငန်းများ ပေါ်ပေါက်ရေး ဦးစားပေးမှု မဖြစ် စေရပေ။ တရုတ်ပြည်တွင် လုပ်အားခများ တိုးမြှင့်လျက်ရှိရာ မြန်မာနိုင်ငံသည် လုပ်ခဈေးပေါ ပေါရသည့် လုပ်သားဈေး ကွက်သစ်ဖြစ်လာရန် အလားအလာ ရှိနေပြီး နိုင်ငံအများအပြားတွင် ခွ၍ လုပ်ငန်းလုပ်သော မဟာကုမ္ပဏီကြီးများအဖို့ အမြတ် အစွန်း မာဂျင်များပြားစွာ ကျန်သည့် ပစ်မှတ်နိုင်ငံ ဖြစ်လာနိုင်ပေသည်။
မြန်မာနိုင်ငံအနေဖြင့် ယင်း အဖြစ်မျိုးသို့ မည်သည့်အခါမျှ ကျရောက် မခံသင့်ပေ။ အနှစ်ချုပ်ကို ပြောရပါမူ မြန်မာနိုင်ငံအနေဖြင့် မိမိနှင့် သင့် တော်သည့် ခြေလှမ်းဖြင့် လှမ်းလျှောက်ပြီး မိမိနိုင်ငံအတွင်းရှိ ပြည်သူသန်းပေါင်း ၆၀ ၏ ကောင်းစားရေးကို ဦးထိပ်ပန်ဆင်လုပ်ဆောင်ရန် ဖြစ်သည်။ မြန်မာရွှေနိုင်ငံ၏ ကာလကြာရှည်စွာ သီးပွင့်ခံစားရမည့် စီးပွားရေး တိုးတက်မှုနှင့် နိုင်ငံရေးတည်ငြိမ်မှုကို လတ်တလော အကျိုးခံစားရမှုနှင့် အစားထိုးလဲလှယ်မှု မပြုရန် အရေးကြီးလှပေသည်။
*****************************************
 | Attached: yangonchronicle2011 Op-Ed |
