Posts
 | yangonchronicle 2011- (1) |
၃.၆.၂၀၁၂
ဘာသာပြန်သတင်းများ
- ၂၀၁၃ ဆွေးနွေးပွဲ နေပြည်တော်၌ ကျင်းပရန် မြန်မာ၏ ဖိတ်ကြားချက်ကိုကမ္ဘာ့စီးပွားရေးဖိုရမ် လက်သင့်ခံ
(AP သတင်းဌာနမှ 2 May 2012 ရက်စွဲပါ WEF accepts 2013 Nay Pyi Taw venueoffer ကိုဘာသာပြန်ဆိုသည်)
- မဆင်မခြင် အကောင်းမြင်မှုများကိုရှောင်ရှားရန် ဒေါ်အောင်ဆန်းစုကြည် သတိပေး
(BBC သတင်းဌာနမှ 2 June 2012 ရက်စွဲပါ Suu Kyi Warns on Burma 'Optimism' ကို ဘာသာပြန်ဆိုသည်)
- မျက်နှာနှစ်ခု နှင့် ထိုင်းနိုင်ငံ
(31-May-2012 ရက်စွဲပါ The Diplomet မှ Luke Hunt ရေးသားသော Thailand's two faces ကို ဘာသာပြန်ဆိုသည်။)
*****************************************
ဘာသာပြန်သတင်းများ
၂၀၁၃ ဆွေးနွေးပွဲ နေပြည်တော်၌ ကျင်းပရန် မြန်မာ၏ ဖိတ်ကြားချက်ကိုကမ္ဘာ့စီးပွားရေးဖိုရမ် လက်သင့်ခံ
(AP သတင်းဌာနမှ 2 May 2012 ရက်စွဲပါ WEF accepts 2013 Nay Pyi Taw venueoffer ကိုဘာသာပြန်ဆိုသည်)
၂၀၁၃ ခုနှစ်တွင် ကျင်းပရန်ရှိသည့် ဖိုရမ်အား နေပြည်တော်၌ ကျင်းပရန် မြန်မာနိုင်ငံ၏ ဖိတ်ကြားမှုကို ကမ္ဘာ့စီးပွားရေးဖိုရမ်က လက်သင့်ခံလိုက် ပြီဖြစ်ကြောင်း သိရသည်။
ကမ္ဘာ့စီးပွားရေးဖိုရမ်(WEF)ကို တည်ထောင်သူနှင့် ဥက္ကဌဖြစ်သူ Klaus Schwab က မြန်မာနိုင်ငံတွင် သိသာထင်ရှားမှုရှိသော တိုးတက်ဖြစ်ထွန်း မှုများ ထွက်ပေါ်အောင် လုပ်ဆောင်နိုင်ပြီဖြစ်ကြောင်း၊ သို့သော် ထပ်မံလုပ်ဆောင်ရမည့် လုပ်ငန်းစဉ် များစွာ ကျန်ရှိနေသေးကြောင်း ပြောကြား သည်။
"မြန်မာနိုင်ငံရဲ့ ဖိတ်ကြားမှုကို ကျွန်တော်တို့လက်သင့်ခံလိုက်ပြီဖြစ်ပါတယ်။ လာမယ့်နှစ်မှာကျင်းပမယ့် ဖိုရမ်ကျရင် ဧည့်ဝတ်ကျေပွန်မှုတွေ အများ ကြီး ရရှိမယ်လို့ ကျွန်တော်တို့ မျှော်လင့်မိပါတယ်။ မြန်မာပြည်မှာ စဉ်ဆက်မပြတ် ဖြစ်မယ့်တိုးတက်ဖြစ်ထွန်းမှုတွေ တွေ့မြင်ရလိမ့်မယ်ဆိုတာ ကျွန်တော်တို့ ယုံကြည်တယ်"ဟု ထိုင်းနိုင်ငံ၊ ဘန်ကောက်မြို့တွင် သုံးရက်တာကျင်းပသွားသည့် ကမ္ဘာ့စီးပွားရေးဖိုရမ်၏ နောက်ဆုံးနေ့ရက်တွင် ပြောကြားသည်။
ကမ္ဘာတစ်ဝန်းမှ စီးပွားရေးခေါင်းဆောင်နှင့် လုပ်ငန်းရှင် ၆၄၀ ကျော်တက်ရောက်ခဲ့သည့် အဆိုပါဖိုရမ်တွင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်လည်း တက်ရောက်ခဲ့ရာ အားလုံး၏ စိတ်ဝင်စားမှုခံခဲ့ရသည်။ ဒေါ်အောင်ဆန်းစုကြည်မှာမူ နှစ်ပေါင်း ၂၄ နှစ်အတွင်း ပထမဆုံး နိုင်ငံခြားခရီးစဉ်အဖြစ် ထိုင်းနိုင်ငံသို့ သွားရောက်ခဲ့ခြင်း ဖြစ်သည်။
ယခုနှစ် ဖိုရမ်တွင် မြန်မာနိုင်ငံရေးနှင့် လူမှုရေးပြုပြင်ပြောင်းလဲမှုများသည် အဓိကဆွေးနွေးစရာ အကြောင်းအရာ ဖြစ်ခဲ့သည်။ သို့သော် ယခုနှစ် ဆွေးနွေပွဲ သဘောတရားမှာ "ချိတ်ဆက်မှုများဖြင့် ဒေသတွင်းအနာဂတ်ကို ပုံဖော်ခြင်း" ဟူသော ခေါင်းစဉ်ဖြစ်သည်။
စွမ်းအင်ဝန်ကြီးဌာန ပြည်ထောင်စုဝန်ကြီး ဦးသန်းဌေးက မြန်မာနိုင်ငံ၏ အခြေခံအဆောက်အဦးများသည် လာမည့်နှစ် WEF အတွက် အသင့် ဖြစ်နေပြီဖြစ်ကြောင်း ပြောကြားသည်။ မြန်မာနိုင်ငံ၏ အနာဂတ်နှင့်ပတ်သက်၍ အဓိကထားဆွေးနွေးရာတွင် အခြေခံ ပြည်သူ့ဝန်ဆောင်မှုများ ပေါ်ထွက် ရေး၊ လူနေမှုအဆင့်အတန်းများနှင့် အခြေခံ အဆောက်အဦးများ တိုးတက်ကောင်းမွန်ရေး၊ လူမှုသာတူညီမျှဖြစ်ရေး အစရှိသည့် ပြုပြင်ပြောင်းလဲမှုများကို ဦးတည်ခဲ့ခြင်းဖြစ်သည်ဟု ဆိုသည်။
မြန်မာအစိုးရသည် စီးပွားရေးပြုပြင်ပြောင်းလဲမှုများ၊ နိုင်ငံခြားရင်းနှီးမြှုပ်နှံမှုများကို အကူအညီပေးထောက်ပံ့ရန် ရည်ရွယ်သည့် ရင်းနှီးမြှုပ်နှံမှု မြှင့်တင်ရေး အစရှိသည်တို့ကိုလည်း လုပ်ဆောင်လျက်ရှိသည်ဟု ဦးသန်းဌေးကဆိုသည်။ လတ်တလောအနေအထားတွင် စီးပွားရေးလုပ်ငန်းများ အဆင် ပြေချောမွေ့စွာလုပ်ကိုင်နိုင်ရေးအတွက် ငွေကြေးပြုပြင် ပြောင်းလဲမှုများကိုလည်း လုပ်ဆောင်လျက်ရှိသည်ဟု ၎င်း၏အဆိုအရသိရသည်။ မြန်မာနိုင်ငံ သည် ရေနံ၊ သဘာဝဓာတ် ငွေ့အစရှိသည့် သဘာဝသယံဇာတများပေါကြွယ်ဝသောနိုင်ငံဖြစ်သည့်တိုင် အခြားသော စွမ်းအင်ဆိုင်ရာ ထုတ်ကုန်များကို ပြည်ပမှ မှာယူတင်သွင်းနေရဆဲပင်ဖြစ်ကြောင်း၊ အကြောင်းမှာ ဓာတ်ဆီထုတ်လုပ်မှုမှာ စရိတ်စက မြင့်မားသောကြောင့် ဖြစ်ကြောင်း ၎င်းကဆိုသည်။
WEF ၏ ပူးတွဲဥက္ကဌ က အာဆီယံနှင့် ဒေသဆိုင်ရာနိုင်ငံများ ထဲထဲဝင်ဝင်ပူးပေါင်းဆောင်ရွက်မှုများက ဧရာမ အခွင့်အလမ်းကြီးများကို ဖော် ဆောင်ပေးသည်မှာ မှန်သော်လည်း စိန်ခေါ်မှုများကား ကျန်ရှိနေဆဲဖြစ်သည် ဟူသော အချက်ကို သဘောတူကြောင်း ပြောဆိုသည်။
GDF Suez ဒ အမှုဆောင်အရာရှိချုပ် Gerard Mestrallet က ဒေသတွင်း တစ်ခုတည်းသော ဈေးကွက်ဖန်တီးရေးမှာ ကြိုဆိုထိုက်သည့် ကိစ္စတစ်ခုဖြစ်သော်လည်း ချိတ်ဆက်လုပ်ကိုင်မှုပေါ်ပေါက်ရန် လိုအပ်နေဆဲဖြစ်ကြောင်း ပြောဆိုသည်။
"ဒီကိစ္စက ဒေသတွင်းနဲ့ အခြားကမ္ဘာ့နိုင်ငံတွေအကြား ကုန်သွယ်ရေးနဲ့ နိုင်ငံခြားရင်းနှီးမြှုပ်နှံမှုတွေ မဖြစ်အောင် ဟန့်တားမယ်လို့မထင်မိပါဘူး။ ဒေသတွင်းနဲ့ ကျန်ရှိတဲ့ကမ္ဘာ့နိုင်ငံတွေ ချိတ်ဆက်မိအောင် လုပ်ကိုင်ဖို့လိုအပ်ပါတယ်" ဟု ၎င်းက ဆိုသည်။
စီးပွားရေးစဉ်ဆက်မပြတ်တိုးတက်မှုမှာ အာရှဒေသ၏ စိန်ခေါ်မှုတစ်ခုဖြစ်ပြီး စီးပွားရေးတိုးတက်မှုက ပြည်သူ အများစုကို အကျိုးအမြတ် ဖြစ် ထွန်းစေရေးအတွက် မဖြစ်မနေဆောင်ကြဉ်းပေးရန်လိုအပ်ကြောင်း ၎င်းကပြောကြားသည်။ "လူတိုင်းအတွက် အလုပ်အကိုင်ဖန်တီးပေးမှုဆိုတာ အဓိက ကျတဲ့ မေးခွန်းပဲဖြစ်ပါတယ်"
ထိုင်း PTT Plc ကုမ္ပဏီ ဥက္ကဌ နှင့် အမှုဆောင်အရာရှိချုပ် Pailin Chuchottaworn က အာဆီယံအတွက် စိန်ခေါ်ချက်မှာ ယုံကြည်မှုနှင့် သတ္တိရှိမှု လိုအပ်ချက်ပင်ဖြစ်ကြောင်းပြောဆိုသည်။ ယုံကြည်မှုမရှိဘဲ အာဆီယံစီးပွားရေး အသိုင်းအဝိုင်းအပြည့်အဝ ဖြစ်ထွန်းရေးမှာ ခက်ခဲမည် ဖြစ် သည်ဟု ၎င်းကဆိုသည်။
--------------------------------------------------------------------------------------------------------------------------------
မဆင်မခြင် အကောင်းမြင်မှုများကိုရှောင်ရှားရန် ဒေါ်အောင်ဆန်းစုကြည် သတိပေး
(BBC သတင်းဌာနမှ 2 June 2012 ရက်စွဲပါ Suu Kyi Warns on Burma 'Optimism' ကို ဘာသာပြန်ဆိုသည်)
မြန်မာနိုင်ငံတွင် လုပ်ဆောင်နေသော ပြုပြင်ပြောင်းလဲမှုဖြစ်စဉ်အပေါ် မဆင်မခြင်သဘောဖြင့် အကောင်းမြင် စိတ်ထားရှိခြင်းမျိုးကို သတိပြုသင့် သည်ဟု အတိုက်အခံခေါင်းဆောင် ဒေါ်အောင်ဆန်းစုကြည်က ပြောကြားသည်။
ထိုင်းနိုင်ငံ၊ ဘန်ကောက်မြို့တော်တွင် ကျင်းပပြုလုပ်သော ကမ္ဘာ့စီးပွားရေးဖိုရမ်၌ မိန့်ခွန်းပြောဆိုရာတွင် "မြန်မာ့ပြုပြင်ပြောင်းလဲရေးဖြစ်စဉ်သည် နောက်ကြောင်းပြန်မလှည့်နိုင်သည့် အနေအထားမျိုးသို့ မရောက်ရှိသေးကြောင်း" ၎င်းက ပြောဆိုသည်။ ထို့အတူ မိမိအနေဖြင့် ကိုယ်စားလှယ်အဖြစ် တက် ရောက်လျက်ရှိသည့် ပါလီမန်လွှတ်တော်ဟူသည်မှာလည်း ဒီမိုကရေစီအလေ့အထများနှင့် ဝေးကွာနေဆဲပင်ဖြစ်သည်ဟု ဒေါ်အောင်ဆန်းစုကြည်က ဆို သည်။
နိုင်ငံခြားရင်းနှီးမြှုပ်နှံသူများအနေဖြင့်လည်း မြန်မာပြည်၏ လိုအပ်ချက်များကို ဖြည့်ဆည်းပေးသင့်ကြောင်း၊ အလုပ်အကိုင်ဖန်တီးပေးမှုနှင့် သင် တန်းပို့ချမှုတို့သည် မြန်မာလူငယ်ထုအတွက် လွန်စွာအရေးကြီးကြောင်း ဒေါ်အောင်ဆန်းစုကြည်က ဆိုသည်။
"ကျွန်မအနေနဲ့ ရှင်တို့ဘာလုပ်ရမယ်ဆိုတာကိုပြောဖို့ ဒီကိုရောက်လာတာ မဟုတ်ပါဘူး။ ဒါပေမဲ့ ကျွန်မတို့တတွေ ဘာတွေလိုအပ်နေတယ် ဆိုတာကိုပြောမှာပါ"ဟု ကမ္ဘာ့စီးပွားရေးဖိုရမ်တွင် စတင်ပြောဆိုခဲ့သည်။ ၎င်း၏ ထိုင်းနိုင်ငံခရီးစဉ်သည် နှစ်ပေါင်း ၂၀ကျော်ကာလအတွင်း ပထမဆုံးအကြိမ် ဖြစ်သည်။
မြန်မာနိုင်ငံသို့လာရောက်ရင်းနှီးမြှုပ်နှံရန် စီစဉ်နေသူများအနေဖြင့် သာမန်မြန်မာပြည်သူလူထု၏ လူမှုဘဝများ တိုးတက်ကောင်းမွန်ရေးအတွက် လိုအပ်ချက်များကို သိရှိထားသင့်ကြောင်း ၎င်းက တိုက်တွန်းပြောဆိုသည်။ "ကျေးဇူးပြု၍ ကျွန်မတို့အတွက် လေးလေးနက်နက်စဉ်းစားပေးကြပါ"
ဒေါ်အောင်ဆန်းစုကြည်၏ ပထမဆုံး ထိုင်းနိုင်ငံခရီးစဉ်နှင့်ပတ်သက်၍ ဂုဏ်ပြုပြောဆိုမှုများစွာလည်း ဖြစ်ပေါ်ခဲ့သည်။ ၎င်းသည် စီးပွားရေးနှင့် နိုင်ငံရေးခေါင်းဆောင်များနှင့် တွေ့ဆုံဆွေးနွေးရာ၌ မြန်မာ့ပြုပြင်ပြောင်းလဲမှုများအပေါ် သတိထားစောင့်ကြည့်ရန်လည်း တိုက်တွန်းပြောဆိုသည်။ လက်ရှိ ပြုပြင်ပြောင်းလဲမှုများ၏ နောက်ကွယ်တွင် စစ်တပ်ပါဝင်ပတ်သက်မှု ရှိ၊ မရှိဟူသောကိစ္စမှာ ရှင်းရှင်းလင်းလင်းမရှိသေးကြောင်း၊ သို့အတွက်ကြောင့် နိုင်ငံတ ကာအသိုင်းအဝိုင်းအနေဖြင့် "မဆင်မခြင် အကောင်းမြင်မှု" မျိုး ရှောင်ရှားကြရန် တိုက်တွန်းပြောဆိုသည်။
မြန်မာနိုင်ငံ၏ ပြုပြင်ပြောင်းလဲမှုဖြစ်စဉ်ကို အားပေးအားမြှောက်ပြုလုပ်ရမည်ဖြစ်ကြောင်း၊ သို့သော် စစ်မှန်သည့် တရားဥပဒေမူဘောင်နှင့် လွတ် လပ်မှုရှိသော တရားစီရင်ရေးစနစ်တို့ မပေါ်ပေါက်သေးကြောင်း ပြောဆိုသည်။
မြန်မာနိုင်ငံသည် အိမ်နီးချင်းနိုင်ငံများကို စီးပွားရေးအရ အမီလိုက်နိုင်မည်ဖြစ်ကြောင်း၊ သို့သော် အဂတိလိုက်စားမှုများကို ဦးစားပေး တိုက်ဖျက်မှ သာဖြစ်နိုင်ကြောင်း နိုဗယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်က ဆိုသည်။ အဂတိလိုက်စားမှုများနှင့် သာတူညီမျှမဖြစ်မှုတို့ကို ထပ်မံ ဖြစ်ထွန်း စေမည့်ရင်းနှီးမြှုပ်နှံမှုများကို မြန်မာနိုင်ငံအနေဖြင့် မလိုအပ်ပါကြောင်းလည်း ပြောကြားသည်။ "အလုပ်အကိုင်တွေရရှိစေဖို့အတွက် ကျွန်မတို့အနေနဲ့ ရင်းနှီး မြှုပ်နှံမှုတွေ လိုပါတယ်"
ဖြစ်ပေါ်လာမည့် အလုပ်အကိုင်သစ်များ ရရှိနိုင်ရန် မြန်မာလုပ်သားများ အဓိကလိုအပ်သည်မှာ အရည်အသွေး လေ့ကျင့်ပျိုးထောင်ပေးမှုသာ ဖြစ် သည်ဟု ဆိုသည်။
"အခြေခံအရည်အချင်းတွေ ရှိထားဖို့အတွက် အင်မတန်လိုအပ်နေပါတယ်။ အဆင့်မြင့်သင်တန်းတွေထက် အသက်မွေးဝမ်းကျောင်းဆိုင်ရာ သင်တန်းတွေကို ကျွန်မတို့ပိုလိုအပ်ပါတယ်"ဟု ဆိုသည်။
အဆင့်မြင့်ပညာရေးကို ၎င်းအနေဖြင့်ပို၍တန်ဖိုးထားသော်လည်း နိုင်ငံတကာအသိုင်းအဝိုင်းအနေဖြင့် မြန်မာပြည်၏ လိုအပ်ချက်ကို လက်တွေ့ ကျသည့် နည်းလမ်းဖြင့် ထည့်သွင်းစဉ်းစားသင့်သည်ဟု ဒေါ်အောင်ဆန်းစုကြည်က ဆိုသည်။
ဒေါ်အောင်ဆန်းစုကြည်သည် ထိုင်းနိုင်ငံသို့ရောက်ရှိနေစဉ် မြန်မာပြောင်းရွှေ့လုပ်သားများ အများဆုံးနေထိုင်သည့် ဆမတ်ဆတ်ခွန်ပြည်နယ်သို့ သွားရောက်ကာ မြန်မာလုပ်သားများနှင့်တွေ့ဆုံခဲ့ရာ ထောင်ပေါင်းများစွာက သူမကို ကြိုဆိုခဲ့ကြသည်။
--------------------------------------------------------------------------------------------------------------------------------
မျက်နှာနှစ်ခု နှင့် ထိုင်းနိုင်ငံ
(31-May-2012 ရက်စွဲပါ The Diplomet မှ Luke Hunt ရေးသားသော Thailand's two faces ကို ဘာသာပြန်ဆိုသည်။)
ယခုတစ်ပတ်တွင် ထိုင်းနိုင်ငံသည် သတင်းခေါင်းစဉ်များတွင် နှစ်ကြိမ်နေရာယူခဲ့ပါသည်။ ဘန်ကောက်သည် မြန်မာနိုင်ငံ၏ ဒီမိုကရေစီခေါင်း ဆောင် ဒေါ်အောင်ဆန်းစုကြည် ၂၄ နှစ်အတွင်း သူမ၏တိုင်းပြည်မှ ပထမဆုံးအဖြစ် ပြည်ပသို့ ခရီးထွက်ရာတွင် အိမ်ရှင်နိုင်ငံအဖြစ် လက်ခံခဲ့ခြင်းကြောင့် အများ၏ ချီးကျူးမှုကို ခံခဲ့ရပါသည်။ ဒေါ်အောင်ဆန်းစုကြည်သည် မြန်မာ့ရွှေ့ပြောင်းလုပ်သားများထံ သွားရောက်လည်ပတ်ခဲ့ပြီး ၎င်းတို့၏ အကြောင်းများ ကို နာထောင်ခဲ့ပြီး၊ ကျန်းမာရေးကဲ့သို့သောကိစ္စများကို အာရုံပြုခဲ့သည်။
သူက လုပ်သားများအား ၎င်းတို့၏ကိစ္စများကို ထိုင်းအာဏာပိုင်များထံ တင်ပြမည်ဖြစ်ကြောင်းနှင့် လာမည့် ဂျီနီဗာတွင် ကျင်းပမည့် နိုင်ငံတကာ အလုပ်သမားကွန်ဖရင့်၌လည်း တင်ပြမည်ဖြစ်ကြောင်း ပြောကြားခဲ့ပါသည်။
ထိုင်းနိုင်ငံကလည်း သူ့အကျိုးစီးပွားနှင့် ယှဉ်၍ စဉ်းစားမှုများရှိသည်။ မြန်မာနိုင်ငံသည် တံခါးဖွင့်လှစ်ပြီး ဒီမိုကရေစီအတွက် ကတိက၀တ်များ ပေး လာသောအခါ၊ အာဆီယံနိုင်ငံများသည် ၂၀၁၅ခုနှစ်တွင် ပေါ်ပေါက်လာတော့မည့် အာဆီယံစီးပွားရေးအသိုင်းအ၀ိုင်းတွင် မြန်မာနိုင်ငံပါဝင်နိုင်ရေးအတွက် မနေမနား ကြိုးစားလျက် ရှိကြသည်။
မြန်မာနိုင်ငံမှ ရွှေ့ပြောင်းလုပ်သားများသည် ထိုင်းနိုင်ငံအတွက် ဈေးပေါသော လုပ်အားအရင်းအမြစ်များအဖြစ် နှစ်ပေါင်းများစွာ တည်ရှိခဲ့ရာ ၎င်း တို့အိမ်ပြန်မည်ကို ထိုင်းနိုင်ငံက စိတ်ပူပါသည်။ မည်သို့ပင်ဆိုစေ ဒေါ်အောင်ဆန်းစုကြည်မှာမူ တခဲနက်ကြိုဆိုခြင်းကို ခံခဲ့ရသည်။
အထက်ပါ လုပ်ဆောင်ချက်မှာ ထိုင်းနိုင်ငံက ၎င်းတို့ လူမျိုးတစ်ဦးကို ပြစ်ဒဏ်ပေးခြင်းနှင့် ခြားနားသော တွေ့ကြုံရမှု ဖြစ်သည်။ ဘန်ကောက်တရား ရုံးသည် ထိုင်းအမျိုးသမီး ChiranuchPremchaipornအား ကွန်ပြူတာရာဇ၀တ်မှု ကျူးလွန်သည်ဟုဆိုကာ ထောင်ဒဏ်တစ်နှစ် ချမှတ်ခဲ့ပါသည်။ ထောင် ဒဏ်ကိုရှစ်လလျော့ချပြီး ယာယီရုတ်သိမ်းပေးခဲ့သည်။ Chiranuch သည် Prachatai တွင် အွန်လိုင်းသတင်းစာစောင်မှ ၀က်ဆိုဒ်မန်နေဂျာ ဖြစ်သည်။
သူမကျူးလွန်ခဲ့သည့်ပြစ်မှုမှာ အွန်လိုင်းပေါ်မှ အချို့တိုင်းပြည်၏ တော်ဝင်မိသားစုကို ထိပါးသည့် မှတ်ချက်များကို အချိန်မီ ဖျက်ပစ်နိုင်မှုမရှိ၍ဟု ဆိုပါသည်။ တစ်နည်းအားဖြင့် တော်ဝင်မိသားစုများကို စော်ကားသည့် ပြစ်မှုမျိုးဖြစ်ပြီး၊ တရားဥပဒေအရ ထိုင်းနိုင်ငံတွင် လွတ်လပ်စွာဖော်ထုတ်ခွင့်ကို စမ်း သပ်မှုတစ်ခုပင် ဖြစ်ပါသည်။
အမှန် ထိုပြစ်မှုအတွက် Chiranuch သည် ထောင်ဒဏ် အနှစ်နှစ်ဆယ်ပင် ကျနိုင်ပါသည်။ သို့သော် ထိုင်းဝန်ကြီးချုပ်၏ အတွင်းရေးမှူးထံသို့ တယ် လီဖုန်း SMS လေးခု ၀င်ရောက်လာပြီး ထိုင်းဘုရင်အပေါ် ဆန့်ကျင်ဝေဖန်ထားမှုနှင့် ပတ်သက်၍ သာမန်အလုပ်လုပ်ကိုင်နေသူ ၆၆ နှစ်ရှိ Ampon Tangnoppakul အား ထောင်ဒဏ် အနှစ်နှစ်ဆယ်ချခဲ့ရာ Ampon မှာ ၎င်းမသိရသောပြစ်မှုအတွက် ခံခဲ့ရပါသည်။ ၎င်းသည် ထောင်ထဲတွင် ပါးစပ်ကင်ဆာ ဖြင့် သေဆုံးသွားခဲ့ခြင်းကြောင့် တရားရုံးသည် Chiranuch အပေါ် လျော့ပေါ့သော ပြစ်ဒဏ် ချခဲ့ခြင်းဖြစ်ပါသည်။ တော်ဝင်မိသားစုအား ကာကွယ်သည့် ဥပ ဒေတွင် ထိုင်းဘုရင်အပေါ် မတရားရေးသားခြင်း၊ စော်ကားခြင်းများကို တင်းကြပ်စွာ တားမြစ်ထားပါသည်။ သို့သော်ဝေဖန်သုံးသပ်သူများက ၎င်းတို့ကို နိုင်ငံရေးသမားများနှင့် ၎င်းတို့ကို ထောက်ခံသူများက ၎င်းတို့၏ အတိုက်အခံများကို ပါးစပ်ပိတ်သွားစေရန် အသုံးချခံရခြင်းဖြစ်ကြောင်း ဆိုသည်။ ထိုင်း ဘုရင်ဘူမိဘောကဘုရင်အပေါ် ဝေဖန်မှုများကို မဆန့်ကျင်ကြောင်း ပြောကြားခဲ့သည်။
Chiranuch သည် အဘီဆစ် စတင်လုပ်ဆောင်ခဲ့သည့် အွန်လိုင်းမီဒီယာတွင် ဘုရင်ကို ဆန့်ကျင်သည်ဟု အစိုးရက ယူဆရသော ပါဝင်မှုများကို နှိမ်နင်းစဉ် အဖမ်ခံခဲ့ရသည်။ သို့သော် သူမက အပြစ်မရှိကြောင်း လျှောက်ထားနိုင်မည်ဟု ထင်ခဲ့ပြီး၊ အင်တာနက်တွင် ဆင်ဆာတည်းဖြတ်မှုနှင့် တတိယလူ က တင်ထားသော မှတ်ချက်များကို ၀က်ဆိုဒ်အော်ပရေတာမှ တာဝန်ရှိ၊ မရှိဆိုသည့်အပေါ် နိုင်ငံတကာ၏ စိတ်ဝင်စားမှုကို ဆွဲဆောင်နိုင်ခဲ့သည်။
ထိုင်းနိုင်ငံသည် လွန်ခဲ့သည့် ၆ နှစ်အတွင်း နိုင်ငံရေးအရ လှုပ်ခတ်မှု ကြီးမားစွာဖြစ်ခဲ့ရာ ရှပ်နီ၊ ရှပ်ဝါများ၏ အားပြိုင်မှုတွင် ပြည်သူများ ကျယ် ကျယ်ပြန့်ပြန့် ပါဝင်ခဲ့သည်။
ဒေါ်အောင်ဆန်းစုကြည်၏ သမိုင်းဝင် လာရောက်လည်ပတ်မှုသည် ထိုင်းနိုင်ငံအတွက် အကောင်းဆုံး ဥပမာပေးရန်နှင့် လေကောင်းလေသန့် ပေးရန် လိုပါသည်။ သို့သော် Chiranuch အပေါ် အဆုံးအဖြတ်မျိုးကြောင့် ထိုင်းနိုင်ငံကို ကောင်းမွန်သည်ဟု အဆင့်သတ်မှတ်ရန် ခဲယဉ်းသည်။
*****************************************
Google Docs makes it easy to create, store and share online documents, spreadsheets and presentations.
