Posts
 | yangonchronicle2011 |
၁. ၇.၂၀၁၂
ပြည်တွင်းသတင်းများ
- မှတ်ပုံတင် သက်တမ်းမတိုးသည့် ကုမ္ပဏီ ၁၇၀၀ ကျော်ဖျက်သိမ်းမည်
- လယ်ယာသုံး ကုန်ပစ္စည်း တင်သွင်းထုတ်လုပ် ရောင်းချမှုအပေါ် ကုန်သွယ်လုပ်ငန်းခွန် ကင်းလွတ်ခွင့်ပြု
- တရုတ်သွင်းကုန်အားလုံး သတိထားရန် လိုအပ်
ပြည်တွင်းပါတီ၊ နိုင်ငံရေးသတင်းများ
- မြန်မာ-ထိုင်း နယ်စပ်ဆက်ဆံရေးရုံးများဖွင့်လှစ်မည်
- မြန်မာပာု ပြောင်းလဲသုံးစွဲရန် NLD အား ကော်မရှင်မှ ထပ်မံသတိပေး အကြောင်းကြား
သတင်းနှင့် ဆောင်းပါးများမှ ကောက်နှုတ်ချက်များ
*****************************************
ပြည်တွင်းသတင်းများ
မှတ်ပုံတင် သက်တမ်းမတိုးသည့် ကုမ္ပဏီ ၁၇၀၀ ကျော်ဖျက်သိမ်းမည်
မှတ်ပုံတင်သက်တမ်းများ ကုန်ဆုံးသွားသော်လည်း မှတ်ပုံတင်သက်တမ်းတိုးခြင်းမရှိသည့် ပြည်တွင်းကုမ္ပဏီ ၁၇၀၀ကျော်ကို ဖျက်သိမ်းသွား တော့မည်ဖြစ်ကြောင်း အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ တာဝန်ရှိသူ တစ်ဦးက ပြောကြားသည်။
“မှတ်ပုံတင် သက်တမ်းကုန်ဆုံးသွားပေမယ့် ထပ်ပြီး သက်တမ်းမတိုးတဲ့ ကုမ္ပဏီ ၁၇၀၀ကျော်ကို ဖျက်သိမ်းသွားမှာပါ။ တရားဝင် ဆက်လုပ်နေ တဲ့ ကုမ္ပဏီတွေနဲ့ မှတ်ပုံတင်သက်တမ်းတိုးဖို့ ကျန်ရှိနေသေးတဲ့ ကုမ္ပဏီတွေကို ခွဲခြားလိုက်တဲ့သဘောပါပဲ”ပာု ၎င်းက ဆက်လက်ပြောကြားသည်။
မြန်မာနိုင်ငံတွင်း ရင်းနှိးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ၂၀၁၂-၂၀၁၃ ဘဏ္ဍာနှစ်မှ စတင်၍ ပြည်တွင်းရှိကုမ္ပဏီလုပ်ငန်းများအား မှတ်ပုံတင်သက်တမ်းတိုးရန် အကြောင်းကြားစာများ ပေးပို့ထားသော်လည်း ပြန်လည်အကြောင်းပြန်ခြင်းမရှိသည့်အတွက် ယခုကဲ့သို့ ဖျက်သိမ်းရခြင်းဖြစ် ကြောင်း သိရသည်။
ကုမ္ပဏီသက်တမ်းမတိုးသည့်အတွက် ဖျက်သိမ်းခံရမည့် ကုမ္ပဏီများတွင် သွင်းကုန်ထုတ်ကုန်နှင့် ကျောက်မျက်ရတနာ ကုမ္ပဏီများပါဝင် ကြောင်း သိရသည်။
Ref:Bi Weekly eleven
-----------------------------------------------------------------------------------------------------------------------------------
လယ်ယာသုံး ကုန်ပစ္စည်း တင်သွင်းထုတ်လုပ် ရောင်းချမှုအပေါ် ကုန်သွယ်လုပ်ငန်းခွန် ကင်းလွတ်ခွင့်ပြု
မြန်မာနိုင်ငံ၏ လယ်ယာကဏ္ဍဖွံ့ဖြိုးတိုးတက်လာနိုင်စေရန် ဓာတ်မြေသြဇာ၊ ပိုးသတ်ဆေး၊ လယ်ယာသုံးကိရိယာများ၊ လယ်ယာသုံး စက်ပစ္စည်း များ တင်သွင်းထုတ်လုပ် ရောင်းချမှုအပေါ် ကုန်သွယ်လုပ်ငန်းခွန် ၈ လ ကင်းလွတ်ခွင့်ပြုလိုက်ကြောင်း နိုင်ငံပိုင်သတင်းစာများ၌ ဖော်ပြပါရှိသည်။
ယခုကဲ့သို့ လယ်ယာသုံးကုန်ပစ္စည်းများအပေါ် ကုန်သွယ်လုပ်ငန်းခွန်ကင်းလွတ်ခွင့်ပြုရခြင်းမှာ နိုင်ငံတော်၏ စီးပွားရေးဦးတည်ချက်များနှင့် အညီ လယ်ယာကဏ္ဍ ပိုမိုဖွံ့ဖြိုးတိုးတက်လာစေရေးကို အထောက်အကူဖြစ်စေရန် ဘဏ္ဍာရေးနှင့် အခွန်ဝန်ကြီးဌာနမှ ဓာတ်မြေသြဇာ၊ ပိုးသတ်ဆေးနှင့် လယ်ယာသုံးကိရိယာများ၊ လယ်ယာသုံးစက်ပစ္စည်းများကို ပြည်ပမှ တင်သွင်းခြင်းအပေါ်တွင်လည်းကောင်း၊ ဓာတ်မြေသြဇာနှင့် လယ်ယာသုံးကိရိယာ များ၊ လယ်ယာသုံးစက်ပစ္စည်းများအား ပြည်တွင်း၌ ထုတ်လုပ်ရောင်းချခြင်းအပေါ်တွင်လည်းကောင်း ကျသင့်မည့် ကုန်သွယ်လုပ်ငန်းခွန်ကို ဇူလိုင် ၁ ရက် နေ့မှ စတင်၍ ၈ လ ကင်းလွတ်ခွင့်ပြုလိုက်ကြောင်း ထုတ်ပြန်ကြေညာခဲ့သည်။
“လယ်ယာသုံးပစ္စည်းတွေအပေါ်မှာ ခုလို ကုန်သွယ်ခွန် ကင်းလွတ်ခွင့်ပြုလိုက်ပြီဆိုတော့ ကုန်သည်တွေအတွက်ကော၊ တောင်သူတွေအတွက်ပါ အဆင်ပြေနိုင်တာပေါ့။ လက်မှုလယ်ယာစနစ်ကနေ စက်မှုလယ်ယာကဏ္ဍကို အမြန်ဆုံးပြောင်းနိုင်တော့မှာပါ”ပာု တောင်သူတစ်ဦးက ဆိုသည်။
မြန်မာ့လယ်ယာကဏ္ဍတွင် ရာသီဥတုဖောက်ပြန်မှုများ၊ လယ်ယာမြေလုပ်သားရှားပါးခြင်းနှင့် စိုက်စရိတ်ချေးငွေအပြည့်အဝမရရှိမှုများကြောင့် တောင်သူများမှာ အခက်အခဲ အကြပ်အတည်းနှင့် ရင်ဆိုင်ရလျက်ရှိကြောင်း သိရသည်။
YC
-----------------------------------------------------------------------------------------------------------------------------------
တရုတ်သွင်းကုန်အားလုံး သတိထားရန် လိုအပ်
တရုတ်-မြန်မာ နယ်စပ်များမှ တစ်ဆင့် ပြည်တွင်းသို့ သွင်းလျက်ရှိသော တရုတ်နိုင်ငံထုတ် အစားအသောက်၊ ဆေးဝါးနှင့် ကုန်ပစ္စည်းများအပေါ် တွင် မြန်မာပြည်သူများအနေဖြင့် အထူးသတိထားရန်လိုအပ်လာပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူတစ်ဦး ၏ ပြောကြားချက်အရ သိရှိရသည်။
လက်ရှိ ပြည်တွင်းသို့ တင်သွင်းလျက်ရှိသည့် တရုတ်နိုင်ငံထုတ် အစားအသောက်များသည် ဓာတုဗေဒပစ္စည်းများ ရောနှောပါဝင်မှု များပြား လျက်ရှိပြီး ဘဲဥအတု၊ ဝက်နားရွက်အတု၊ စားအုန်းဆီအပါအဝင် ကလေးနို့မှုန်များတွင် ဓာတုဗေဒပစ္စည်း အချိုးအစားပါဝင်မှု များပြားလျက်ရှိသည့် အတွက် ပြည်သူများ၏ ကျန်းမာရေးကို ဆိုးရွားစွာထိခိုက်စေနိုင်မည်ဖြစ်ကြောင်း သိရသည်။
“တရုတ်နိုင်ငံထုတ် ကုန်ပစ္စည်းဆို ဘာပစ္စည်းမှကို မတင်သွင်းတော့ပါဘူး။ သူတို့ရဲ့ လုပ်ငန်းရှင်တွေက ဘယ်သူသေသေ ငတေမာရင်ပြီးရော ဆိုတဲ့ စိတ်မျိုးနဲ့ အစားအသောက်တွေထုတ်တယ်။ သူတို့လူမျိုးတော့ ပြန်မသုံးဘူး။ ပြည်ပကိုပို့တယ်။ ဒီကိစ္စကို နိုင်ငံတော်အနေနဲ့လည်း သေသေချာချာ ကိုင်တွယ်သင့်ပါပြီ။ ဒီလောက်စစ်ဆေးနေတဲ့ကြားကလည်း ပြည်တွင်းကိုရောက်အောင် ပို့နေတုန်းပဲ။ ကမ္ဘာကလည်း တရုတ်ပစ္စည်းတွေဆို ယုံကြည်ဖို့ အတော်ခက်ခဲနေပါပြီ”ပာု ပြည်တွင်းစီးပွားရေးလုပ်ငန်းရှင်တစ်ဦးက ဆိုသည်။
ထို့ပြင် ပြည်တွင်း၌ တရားမဝင် ကုန်သွယ်မှုပပျောက်စေရန်နှင့် ကုန်သွယ်မှုပမာဏ တိုးပွားလာနိုင်စေရန် နယ်စပ်မှ ကုန်ပစ္စည်းတင်သွင်းမှုများ အတွက် အဆင့်ဆင့်ဖြေလျော့မှုများပြုလုပ်၍ ခွင့်ပြုထားမှုအပေါ် အခွင့်ကောင်းယူ၍ ဇွန်လအတွင်း တရုတ်နယ်စပ်မှတစ်ဆင့် ပြည်တွင်းသို့ အချိုမှုန့်များ ပိုမိုတင်သွင်းလာကြောင်း နယ်စပ်ကုန်သွယ်ရေးစခန်းမှ တာဝန်ရှိသူတစ်ဦးက ဆိုသည်။
မြန်မာနိုင်ငံသည် အစိုးရသစ်လက်ထက်မှစတင်၍ ကုန်သွယ်မှုကဏ္ဍ မြင့်တက်လာနိုင်စေရန် ယခင် တရားဝင်ကုန်သွယ်မှုပိတ်ပင်ထားသော အချိုရည်၊ အချိုမှုန့်၊ ဘီစကစ်မျိုးစုံ၊ စည်သွပ်ဘူးမျိုးစုံ(အသားနှင့် အသီးစုံ)၊ ခေါက်ဆွဲခြောက်မျိုးစုံ၊ကို တရားဝင်ကုန်သွယ်ခွင့်ပြုခဲ့ကြောင်း သိရသည်။
YC
*****************************************
ပြည်တွင်းပါတီ၊ နိုင်ငံရေးသတင်းများ
မြန်မာ-ထိုင်း နယ်စပ်ဆက်ဆံရေးရုံးများဖွင့်လှစ်မည်
မြန်မာနိုင်ငံအတွင်း ဖြစ်ပေါ်လျက်ရှိသည့် လူကုန်ကူးမှုဆိုင်ရာ ကိစ္စရပ်များအား တားဆီးကာကွယ်နိုင်ရန်နှင့် နှစ်နိုင်ငံဆက်ဆံရေး တိုးမြှင့် ဆောင်ရွက်မှုများ ပြုလုပ်နိုင်ရန် မြန်မာ-ထိုင်းနယ်စပ်တွင် ဆက်ဆံရေးရုံးများ တိုးမြှင့်ဖွင့်လှစ်သွားမည်ဖြစ်ကြောင်း နယ်စပ်လူကုန်ကူးမှု တိုက်ဖျက်ရေး အဖွဲ့မှ တာဝန်ရှိသူတစ်ဦး၏ ပြောကြားချက်အရ သိရသည်။
“မြန်မာ-ထိုင်း နှစ်နိုင်ငံ နယ်စပ်မှာ ဆက်ဆံရေးရုံးတွေကို တိုးမြှင့်ဖွင့်လှစ်သွားမှာပါ။ လူကုန်ကူးမှုဆိုင်ရာ ကိစ္စတွေကိုလည်း ထိထိရောက်ရောက် အရေးယူဆောင်ရွက်သွားမှာပါ။ ကုန်သွယ်မှုကဏ္ဍတွေကိုလည်း အရင်ထက်ပိုဆောင်ရွက်နိုင်ဖို့အတွက် ရည်ရွယ်ပါတယ်”ပာု စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူတစ်ဦးက ပြောကြားသည်။
ထို့ပြင် မြန်မာ-ထိုင်း နှစ်နိုင်ငံနယ်စပ်မှတစ်ဆင့် လူကုန်ကူးခံရမှုများနှင့် ပတ်သက်၍ ထိုင်းတရားရုံး၌ တရားစွဲဆိုရာတွင် လူကုန်ကူးခံရသူများ မှာ သက်သေထွက်ဆိုရန် နှစ်ချီ၍ စောင့်ဆိုင်းရခြင်း၊ အခြား အလုပ်အကိုင် လုပ်ကိုင်ခွင့်မရှိခြင်းနှင့် မိသားစုအဆက်အသွယ်ရရှိရန် ခက်ခဲခြင်း စသည့် ကိစ္စရပ်များအတွက် ၂၀၁၂ ခုနှစ်မှစတင်၍ နှစ်နိုင်ငံညှိနှိုင်းကာ ပူးပေါင်းဆောင်ရွက်သွားတော့မည်ဖြစ်ကြောင်း မြန်မာနိုင်ငံ လူကုန်ကူးမှု တားဆီး ကာကွယ်ရေး ဗပိာုအဖွဲ့မှ တာဝန်ရှိသူတစ်ဦးက ဆိုသည်။
“မြန်မာ-ထိုင်း နှစ်နိုင်ငံ နယ်စပ်မှာခုချိန်ထိ လူကုန်ကူးမှုကိစ္စတွေက ရှိနေသေးတယ်။ ဒီကိစ္စကို တားဆီးကာကွယ်ဖို့အတွက် နှစ်နိုင်ငံအစိုးရချင်း ညှိနှိုင်းနေပါပြီ။ နယ်စပ်ဆက်ဆံရေးရုံးတွေကိုလည်း နယ်စပ်တွေမှာ ဖွင့်လှစ်ထားပါတယ်”ပာု အထက်ပါပုဂ္ဂိုလ်က ဆက်လက်ဆိုသည်။
လက်ရှိ မြန်မာ-ထိုင်း နှစ်နိုင်ငံနယ်စပ်တစ်လျောက် ဆက်ဆံရေးရုံးများ ဖွင့်လှစ်ထားသည့် နေရာများမှာ တာချီလိတ်-မယ်ဆိုင်၊ မြဝတီ-မဲ ဆောက်၊ ကော့သောင်း-ရနောင်းမြို့များတွင် ဖွင့်လှစ်ထားရှိ၍ လူကုန်ကူးမှုဆိုင်ရာ ကိစ္စရပ်များကို နှစ်နိုင်ငံသဘောတူညီချက်အရ ပူးပေါင်းတိုက်ဖျက် လျက်ရှိပြီး မြန်မာနိုင်ငံ၏ လူကုန်ကူးမှုအဓိက ဦးတည်ရာ တရုတ်နိုင်ငံနှင့်လည်း လူကုန်ကူးမှုတားဆီးကာကွယ်ရေး လုပ်ငန်းစဉ်များအတွက် နယ်စပ် ဆက်ဆံရေးရုံးများကို မြန်မာ-တရုတ်နှစ်နိုင်ငံ နယ်စပ်ဖြစ်သည့် လွယ်ဂျယ်-ရွှေလီ၊ မူဆယ်-ကျယ်ခေါင်တို့တွင် ဖွင့်လှစ်ထားကြောင်း သိရသည်။
မြန်မာ-ထိုင်း နှစ်နိုင်ငံအကြား လူကုန်ကူးမှုပူးပေါင်းတိုက်ဖျက်ရေးအတွက် နားလည်မှုစာချွန်လွှာကို ၂၀၀၉ ခုနှစ် ဧပြီ ၂၄ ရက်နေ့တွင် ချုပ်ဆိုခဲ့ သည်။
YC
-----------------------------------------------------------------------------------------------------------------------------------
မြန်မာပာု ပြောင်းလဲသုံးစွဲရန် NLD အား ကော်မရှင်မှ ထပ်မံသတိပေး အကြောင်းကြား
ဧပြီ ၁ ရက် ကြားဖြတ်ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်(NLD)ပါတီအား မြန်မာနိုင်ငံအား မြန်မာပာု ပြောင်းလဲသုံးစွဲရန် ပြည်ထောင်စု ရွေးကောက်ပွဲကော်မရှင်၏ အကြောင်းကြားမှုအပေါ် လိုက်နာမှုမရှိသဖြင့် ပြည်ထောင်စုရွေးကောက်ပွဲကော်မရှင်မှ ထပ်မံအသိပေး အကြောင်းကြား သတင်းထုတ်ပြန်ခဲ့ကြောင်း နိုင်ငံပိုင်သတင်းစာများတွင် ဖော်ပြပါရှိသည်။
ပြီးခဲ့သည့် ၂၀၁၂ ဇွန်လ ၆ ရက်နေ့ ထိုင်းနိုင်ငံတွင် ပြုလုပ်ကျင်းပခဲ့သည့် ကမ္ဘာ့စီးပွားရေးညီလာခံ၌ အမျိုးသားဒီမိုကရေစီအဖွဲ့ချုပ်(NLD)ပါတီ ဥက္ကဋ္ဌ ဒေါ်အောင်ဆန်းစုကြည် (ပြည်သူ့လွှတ်တော်ကိုယ်စားလှယ်)မှ မိန့်ခွန်းပြောကြားရာတွင် မြန်မာနိုင်ငံအား Burma ပာု သုံးစွဲသွားမှုအပေါ် ပြည်ထောင်စု ရွေးကောက်ပွဲကော်မရှင်မှ ဇွန်လ ၆ ရက်နေ့ ရက်စွဲပါ စာအမှတ် ၄/နငရ-မပတ(၁)/ကမရဖြင့် နိုင်ငံတော်၏အမည်ကို ရေးသားဖော်ပြ ပြောဆိုရာတွင် ဖွဲ့စည်းပုံအခြေခံဥပဒေပါအတိုင်း မြန်မာ(Myanmar)ပာု ပြောင်းလဲသုံးစွဲရန် NLD ပါတီအား အကြောင်းကြားစာပေးပို့ခဲ့ကြောင်း သိရ သည်။
ထိုသို့ အကြောင်းကြားစာပေးပို့သော်လည်း အမျိုးသားဒီမိုကရေစီအဖွဲ့ချုပ်(NLD)ပါတီမှ လိုက်နာမှုမရှိဘဲ အမျိုးသားဒီမိုကရေစီအဖွဲ့ချုပ် (NLD) ပါတီဥက္ကဋ္ဌ ဒေါ်အောင်ဆန်းစုကြည် (ပြည်သူ့လွှတ်တော်ဥက္ကဋ္ဌ)၏ ဥရောပခရီးစဉ်အတွင်း မိန့်ခွန်းများပြောကြားရာတွင်လည်း မြန်မာနိုင်ငံကို Burma ပာုသာ ဆက်လက်သုံးနှုန်း ပြောဆိုနေသည့်အတွက် ပြည်ထောင်စုရွေးကောက်ပွဲကော်မရှင်အနေဖြင့် တရားဥပဒေစိုးမိုးရေးနှင့် ဖွဲ့စည်းပုံအခြေ ခံဥပဒေကို လေးစားလိုက်နာရေးအတွက် ရွေးကောက်ပွဲကော်ရှင်ဥပဒေ ပုဒ်မ ၁၀(ဌ)နှင့်အညီ အမျိုးသားဒီမိုကရေစီအဖွဲ့ချုပ်(NLD)ပါတီသို့ ဇွန်လ ၂၈ ရက်နေ့ရက်စွဲပါ စာအမှတ်၊၄/နငရ-မပတ(၁)/ကမရဖြင့် နိုင်ငံတော်၏အမည်ကို ဖွဲ့စည်းပုံအခြေခံဥပဒေပါအတိုင်း သုံးနှုန်းရေးသား/ပြောဆိုရန် ထပ်မံ အသိပေးအကြောင်းကြားလိုက်ကြောင်း နိုင်ငံပိုင်သတင်းစာများတွင် ဖော်ပြပါရှိသည်။
၂၀၀၈ ဖွဲ့စည်းပုံအခြေခံ ဥပဒေပုဒ်မ အခန်း(၁)၊ ပုဒ်မ ၂တွင် “နိုင်ငံတော်ကို ပြည်ထောင်စုသမ္မတမြန်မာနိုင်ငံတော်ပာု ခေါ်တွင်ရမည်”ပာု ပြဋ္ဌာန်းထားပြီး NLD ပါတီအနေဖြင့် နိုင်ငံရေးပါတီများမှတ်ပုံတင်ခြင်းဥပဒေပုဒ်မ ၆(ဂ)ပါ “ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ကို လေးစားလိုက်နာရေး”ဆိုသည့်အချက်ကို ပါတီမျတ်ပုံတင်လျှောက်ထားစဉ်ကပင် ဝန်ခံကတိပြုထားပြီဖြစ်ကြောင်း သိရသည်။
အမျိုးသားဒီမိုကရေစီအဖွဲ့ချုပ်(NLD)ပါတီသည် ပြီးခဲ့သည့် ဧပြီ ၁ ရက်နေ့၌ ကျင်းပခဲ့သည့် ကြားဖြတ်ရွေးကောက်ပွဲများတွင် လစ်လပ်မဲဆန္ဒ နယ် (၄၅)နေရာအနက် မဲဆန္ဒနယ်(၄၃)နေရာတွင် အနိုင်ရရှိခဲ့ပြီး လွှတ်တော်တွင်း ဒုတိယအင်အားအကြီးဆုံး အတိုက်အခံပါတီတစ်ခုအဖြစ် ရပ်တည် လျက်ရှိသည်။
YC
****************************************
သတင်းနှင့် ဆောင်းပါးများမှ ကောက်နှုတ်ချက်များ
Veuns: ပါတီကိုစွန့်ခွာသွားတဲ့သူတွေထဲက လွှတ်တော်ကိုယ်စားလှယ်တွေကို အမတ်အဖြစ်ကနေ ထုတ်ပယ်ဖို့ လွှတ်တော်ကော်မရှင်မှာ တင်ပြမယ် ဆိုတာ ဘာကြောင့်လုပ်မှာလဲ။
UKMS: ဒါက နှစ်ပိုင်းရှိပါတယ်။ ဒါကမူအရပါ။ ဒီမူကလည်း သြစတြေးလျနိုင်ငံအပါအဝင် တချို့နိုင်ငံကြီးတွေမှာ ပါတီတစ်ရပ်ကနေ လွှတ်တော်ကိုယ်စား လှယ်တစ်ယောက်က ထွက်သွားပြီဆိုလို့ရှိရင် သူ့ကို ပြည်သူက အဲဒီပါတီကနေ မဲပေးထားတာကို လေးစားသောအားဖြင့် ပါတီကနေထွက်တာနဲ့ လွှတ်တော်ကိုယ်စားလှယ်ရာထူးကနေ နုတ်ထွက်ပါတယ်။ ဒါ နိုင်ငံတကာမှာ တော်တော်များများ ကျင့်သုံးပါတယ်။ အဲဒီအတိုင်းပဲ ကျွန်တော်တို့က မူအရ လုပ်သင့်ပါတယ်လို့ ကော်မရှင်ကိုတင်ပြပြီးတော့ကာ နောင်လာမယ့်ဟာတွေ ဖြစ်ခဲ့လို့ရှိရင် ဒီလိုတော့ဖြင့် မသင့်တော်ဘူး၊ ပြည်သူကို လေးလေးစားစားနဲ့ ဆက်ဆံဖို့လိုတယ်။ ပြည်သူ့ဆန္ဒကို သစ္စာမဖောက်သင့်ဘူးပေါ့ဗျာ။ ပြည်သူကို အလေးအမြတ်ပြုတဲ့အနေနဲ့ ဒီပါတီကနေ ရွေးထားတဲ့ ကိုယ်စားလှယ်က ဒီပါတီအလံကို မကိုင်တော့ဘူး။ အခြားပါတီအလံကို ကိုင်မယ်ဆိုရင်တော့ ကိုယ်စားလှယ်ရာထူးပါ တစ်ခါတည်း နုတ်ထွက်သွားဖို့လိုပါတယ်ဆိုတာ ကော်မရှင်ကို တင်ပြတာပါ။ အလားတူဖြစ်ရပ်မျိုးဖြစ်လာရင် ကန့်ကွက်တဲ့သဘောပါ။ ဒီလိုဖြစ်ရပ်မျိုးတွေကို ကန့်ကွက်ပါတယ်ပေါ့၊ ဒီထွက်ပြီးသား လူတွေကို ကန့်ကွက်တဲ့သဘော မပါပါဘူး။ ကျွန်တော်တို့က မူအရ ဆောင်ရွက်တာပါ။ ကြားဖြတ်ရွေးကောက်ပွဲမှာ တစ်နေရာမှ မရလိုက်ဘူး။ ဒီလို အခက်အခဲဖြစ်နေတဲ့အချိန်မျိုးမှာ ပါတီအပေါ်မှာ သစ္စာဖော်ပြီးတော့ ထွက်သွားတယ်လို့ ကျွန်တော်တို့ပါတီဝင်များက တတိယနေ့ ဗဟိုဦးစီးအစည်း အဝးမှာ တတိယအကြိမ် ကျင်းပတဲ့အခမ်းအနားမှာ ပါတီဝင်များ ဆန္ဒပြုကြတယ်။ ဒီလူတွေကို ဒီလိုလုပ်တာကို ရှုတ်ချသင့်တယ်။ ရှုတ်ချဖို့အဆိုတင်တော့ အားလုံးကလည်း သဘောတူကြတယ်။
ဇွန် ၂၈ Venus News အတွဲ (၃) အမှတ် (၄၉) တွင်ပါသည့် “အမျိုးသားဒီမိုကရေစီအင်အားစုပါတီ (NDF) ဥက္ကဋ္ဌ ဦးခင်မောင်ဆွေနှင့် အင်တာဗျူး”မှ ကောက်နှုတ်ချက်
-----------------------------------------------------------------------------------------------------------------------------------
“ဝန်ထမ်းတွေဆိုတာကမတစ်ထောင်သားနဲ့ စုစည်းထားတဲ့အတွက် မသင့်လျော်တာတွေ လုပ်ခဲ့မှုတွေကရှိခဲ့မှာပဲ။ ဒါကို ကျွန်တော်တို့ အရေးယူနေပါ တယ်။ ရာထူးနိမ့်ပစ်လိုက်တာတို့၊ အလုပ်ဖြုတ်ပစ်လိုက်တာတို့အပြင် ကျွန်တော်တို့ တရားစွဲဆိုတာမျိုးတွေတောင် လုပ်ခဲ့ဖူးပါတယ်”
ဇွန် ၂၈ ထုတ် Popular News အတွဲ (၄) အမှတ် (၂၅) တွင်ပါသည့်“နိုင်ငံသားစိစစ်ရေးကတ် နှစ်သန်ုးတ်ပေးပြီးဟုဆို” သတင်းမှ လူဝင်မှုကြီးကြပ်ရေး နှင့် ပြည်သူ့အင်အားဦးစီးဌာနညွှန်ကြားရေးမှူးချုပ် ဦးမောင်မောင်သန်း၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“သမ္မတကြီးက အောက်ခြေမှာဖြေရှင်းနိုင်တာတွေကို ချက်ချင်းဖြေရှင်းပေးပြီး လမ်းမပေါ်ထွက်ပြီး ဆန္ဒပြစရာမလိုဘဲ ဒီမိုကရေစီကျင့်စဉ်နဲ့ စနစ်တကျ ဖြေရှင်းဖို့ပြောပေမယ့် လက်တွေ့မှာမလွယ်ပါဘူး။ အောက်ခြေဌာနဆိုင်ရာတွေဘက်က တာယန်ယူမှုလည်း ရှိဖို့လိုပါတယ်။ လယ်သမားတွေက အစိုးရ ကချမှတ်ထားတဲ့ မူဝါဒတွေကို ဆန့်ကျင်နေတာ မဟုတ်ပါဘူး။ သူတို့လိုချင်တာက ပွင့်လင်းမြင်သာမှုပါ”
ဇွန် ၂၈ ထုတ် Popular News အတွဲ (၄) အမှတ် (၂၅) တွင်ပါသည့် “မြေယာပြုပြင်ပြောင်းလဲရာတွင် အောက်ခြေဌာနများ၏ ပူးပေါင်းပါဝင်မှုရရှိရန် လိုအပ်” သတင်းမှ လယ်သမားများ၏ လယ်ယာမြေအငြင်းပွားမှုကိစ္စရပ်များတွင် ပါဝင်ဆောင်ရွက်ပေးနေသူရှေ့နေဦးဝင်းချို၏ ပြောကြားချက်အပေါ် ကောက်နှုတ်ချက်
**************************************
Google Docs makes it easy to create, store and share online documents, spreadsheets and presentations.
