Posts
 | yangonchronicle2011 Op-Ed |
၉.၉.၂၀၁၂
ဆောင်းပါးကဏ္ဍ
- နောက်ပြန်လန်မကျရေးနှင့် မြန်မာ့စီးပွား
*****************************************
ဆောင်းပါးကဏ္ဍ
နောက်ပြန်လန်မကျရေးနှင့် မြန်မာ့စီးပွား
ဇေယျသူ
စက်တင်ဘာ ၉ရက်ထုတ် The Voice Weekly ဂျာနယ်အတွဲ(၈)အမှတ်(၃၆)တွင်ပါရှိသည့် ဆောင်းပါးကို ထုတ်ယူဖော်ပြချက်။
မြန်မာ့ အပြောင်းအလဲကို နိုင်ငံတကာက စိတ်ဝင်တစား လက်ခုပ်တီးအားပေးကာ အစိုးရ၊ စီးပွားရေး လုပ်ငန်းရှင်၊ NGO၊ ကမ္ဘာလှည့် ခရီးသွားများ နေ့ညမဟူ ဝင်လာမစဲတသဲသဲ၊ နိုင်ငံတကာ သတင်းမီဒီယာများတွင် မြန်မာနိုင်ငံနှင့် သက်ဆိုင်သမျှ မည်သည့်အရာမဆို သတင်းဖြစ်နေချိန်၊ အချိန် ကောင်းတွင် ပြုပြင်လက်စ စီးပွားရေးကို ယခုထက် အရှိန်အဟုန် မြှင့်တင်ဆောင်ရွက်ချိန် တန်နေပြီ။
မြန်မာနိုင်ငံသည် မလာမဖြစ် လာရမည့်နေရာဟု အားလုံးက သဘောပေါက်ထားချိန်တွင် နိုင်ငံခြား တိုက်ရိုက်ရင်းနှီးမြှုပ်နှံမှုကို ဆွဲဆောင်ခြင်း၊ မြန်မာ့ပို့ကုန်ကို ပြည်ပသို့တင်ပို့မှု အရှိန်မြင့်ကာ ဈေးကွက်ချဲ့ခြင်း၊ ပြည်ပမှ စီးပွားရေး အထောက်အပံ့၊ နည်းပညာ အထောက်အပံ့တို့ကို ရယူခြင်းတို့ကို လုပ်ဆောင်လိုက်နိုင်မှ မြန်မာ့စီးပွားရေး တစ်ရှိန်ထိုးတက်မည်၊ သို့မဟုတ် အခြေခံကောင်းများ ချမှတ်နိုင်မည်။
လူတို့၏ စိတ်သည် တစ်နေရာတည်းတွင် ကြာမြင့်စွာ ကျက်စားတတ်ခြင်း မရှိသော သဘောအရ မြန်မာနိုင်ငံအပေါ် ကျရောက်နေသည့် စိတ်ဝင်စားမှုတို့သည် အချိန်ကြာလာသည်နှင့်အမျှ အာရုံညောင်းကာ တဖြည်းဖြည်း ကျဆင်းသွားချိန်တွင်မှ မြန်မာ့စီးပွားရေးကို ထူထောင်မည်ဆိုလျှင် များစွာ နောက်ကျပြီး လုပ်ရကိုင်ရလည်း ခက်သွားလိမ့်မည်။
နိုင်ငံရေးနှင့် စီးပွားရေး၊ စီးပွားရေးနှင့် နိုင်ငံရေးတို့ အပြန် အလှန် ဆက်စပ်ရောယှက်သည်ဟူသော နိုင်ငံရေး ဘောဂဗေဒ Political Economy သဘောအရ နိုင်ငံရေးအရ ပြုပြင်ပြောင်းလဲရေး တစ်နည်း ဒီမိုကရေစီစနစ် ဖော်ဆောင်ရာတွင် စီးပွားရေးတည်းဟူသော အခြေခံမမြင့်ဘဲ မဖြစ်နိုင်။ ဒီမိုကရေစီ စတင်ထူထောင် ကြသည်ချင်းတူတူ တစ်ဦးချင်း ဝင်ငွေမြင့်သော နိုင်ငံများတွင် ဒီမိုကရေစီ ရှင်သန်ပြီး ဝင်ငွေနည်း နိုင်ငံများတွင် မည်ကာမတ္တ အမည်ခံ ဒီမိုကရေစီမျှသာ ကျန်ခဲ့သည်ကို အထင်အရှား တွေ့နိုင်သည်။ ထို့ကြောင့် မြန်မာ့ပြုပြင် ပြောင်းလဲရေး အစီအစဉ်တွင် ဒုတိယ ဦးစားပေး ဖြစ်သည့် စီးပွားတက်ရေးသည် ပထမဦးစားပေး နိုင်ငံရေးအတွက် အခြေခံအုတ်မြစ် ဖြစ်သည်။ စီးပွားရေးအခြေအနေ မတက်လျှင် နိုင်ငံရေးတွင် နောက်ပြန် လန်ကျမည် ဖြစ်ကြောင်း ခန့်မှန်းရန် ပါရဂူဘွဲ့ရ နိုင်ငံခြားပြန်ဖြစ်ရန် မလိုပါ၊ အလွယ်လေးနှင့် မြင်နိုင်သည်။
နိုင်ငံရေးတွင် ဒီမိုကရေစီစနစ် ပြောင်းသည်နှင့် ဥုံဖွဆိုပြီး စီးပွားရေး အလိုအလျောက် လိုက်ပါမြင့်တက်လာခြင်း မရှိသည်ကို သတိထားရန် လိုသည်။ နိုင်ငံရေးတွင် ဗဟိုဦးစီးစနစ်ကျင့်သုံးသည့် ကမ္ဘာ့အကြီးဆုံးနိုင်ငံ တရုတ်နှင့် နိုင်ငံရေးတွင် ဒီမိုကရေစီစနစ် အားကောင်းမောင်းသန် ကျင့်သုံးသည့် ကမ္ဘာ့အကြီးဆုံးနိုင်ငံ အိန္ဒိယတို့ မည်သည့်နိုင်ငံတွင် နေမည်နည်းဟု နှစ်နိုင်ငံလုံးကို ရောက်ဖူးသူတို့ကို မေးလျှင် လူနေမှုအဆင့် ပိုမြင့်သည့်၊ စီးပွားရေး တောင့်သည့် တရုတ်တွင် နေမည့်သူက များသည်။ လတ်တလော ရင်ဆိုင်နေရသည့် အောက်ပါစိန်ခေါ်မှုများကို မြန်မြန်ဆန်ဆန် ထိထိရောက်ရောက် ကိုင်တွယ်နိုင်မှသာ မြန်မာ့စီးပွားရေး နာလန်မြန်မြန်ထမည်။
နိုင်ငံခြား တိုက်ရိုက်ရင်းနှီးမြှုပ်နှံမှု
ကိစ္စရပ်များကို တိတ်တိတ်ဆိတ်ဆိတ် ကိုင်တွယ်လေ့ရှိသည့် ဂျပန်တို့ပင် နိုင်ငံခြား တိုက်ရိုက်ရင်းနှီးမြှုပ်နှံမှုနှင့် ပတ်သက်၍ အသံ ဆူဆူညံညံ ထွက်ပေါ်လာခဲ့သည်။ ပြည်ပကုမ္ပဏီများ မြန်မာနိုင်ငံတွင်း ရင်းနှီးမြှုပ်နှံမှုကို ဆုံးဖြတ်မည့် နိုင်ငံခြားတိုက်ရိုက်ရင်းနှီးမြှုပ်နှံမှုဥပဒေ ထွက်ပေါ်လာခြင်း မရှိသေး။
ထိုဥပဒေသည် မြန်မာနိုင်ငံအတွက် အလွန်အရေးကြီးသောကြောင့် နှိုင်းနှိုင်းချိန်ချိန်ဖြင့် ဆောင်ရွက်နေခြင်း ဖြစ်သည်။ အထူးသဖြင့် ပြည်တွင်း နေသူတို့ထက် နိုင်ငံခြားသားတို့က အခွင့်အရေး သာလွန်သွားလျှင် မြန်မာနိုင်ငံသား ဖြစ်ရသည်ထက် နိုင်ငံခြားသား ဖြစ်ရသည်ကပင် ကောင်းသလိုလို ဖြစ်သွားနိုင်သောကြောင့် ပြည်တွင်း လုပ်ငန်းရှင်တို့ မနစ်နာစေရန် စဉ်းစားဆောင်ရွက် နေကြကြောင်း မြင်တွေ့ရသည်။ သို့သော် ဝင်လိုသူတို့ အပြိုင်အဆိုင် တာစူနေချိန်ကို လွတ်သွားသည်အထိ ကြန့်ကြာခြင်းမူ မရှိသင့်။ အခြား အလားအလာကောင်း နိုင်ငံ တစ်နိုင်ငံက စည်းမျဉ်းစည်းကမ်းများ ပိုကောင်းအောင် မနက်ဖြန် သဘက်ခါ ပြုပြင်လိုက်လျှင် ရင်းနှီးမြှုပ်နှံသူများ ထိုနိုင်ငံသို့ မြားဦးလှည့်သွားကြလိမ့်မည်။ တစ်ချိန်တည်းတွင် ထိုဥပဒေသည် မြန်မာနိုင်ငံ လိုသော လုပ်ငန်းများ လာစေပြီး မလိုသော လုပ်ငန်းများ မလာအောင် တားထား နိုင်ရမည်။ ဥပမာ- ဆေးလိပ်၊ အရက်တို့ ပြည်တွင်းတွင် ထုတ်ပြီး ပြည်တွင်းတွင်ပင် ရောင်းခြင်းသည် မြန်မာတို့ အတွက် အကျိုးရှိမည်မဟုတ်။ လုပ်အားများများ သုံးရသည့် လုပ်ငန်း များ၊ မြန်မာတို့ ပညာ ရနိုင်သည့် လုပ်ငန်းများ၊ ထို ကုန်ပစ္စည်းများ၊ ‘Made in Myanmar မြန်မာပြည်တွင်လုပ်သည်’ ဟု ဝင့်ဝင့်ကြွားကြွား ဖြစ်စေမည့် ဂုဏ်သိက္ခာရှိ လုပ်ငန်းများ ဝင်ရောက်လာရန် ဖန်တီး ပေးနိုင်ရန် လိုသည်။ အထူးသဖြင့် နိုင်ငံခြား တိုက်ရိုက်ရင်းနှီးမြှုပ်နှံမှုသည် ပြည်တွင်းလုပ်ငန်းရှင်တို့ကို အပြန်အလှန် အားဖြည့် ကွက်လပ်ဖြည့်ပေး (Complementary) အောင် စီမံထားရန် လိုသည်။
ငွေကြေးဈေးနှုန်း နှင့် ငွေဖောင်းပွမှု
ဈေးနှုန်းတကာတို့၏ မိခင်ကြီး (ဝါ) ကုန်ဈေးနှုန်းအားလုံးကို ဆုံးဖြတ်သည့် ဈေးနှုန်း ‘mother of all prices’ဟု စီးပွားရေး ပညာရှင်များက တင်စား ခံရသည့် ငွေကြေးလဲလှယ်နှုန်း (ဝါ) ဒေါ်လာဈေးသည် ၈၅၀နှင့် ၉၀၀ ကြား ရှိနေသောကြောင့် လုပ်သာကိုင်သာ ရှိပြီ၊ ပို့ကုန်ကို အားပေးနိုင်ပြီ ဖြစ် သော်လည်း ထိုဈေးနှုန်းအတိုင်း လေးငါးဆယ်နှစ် ဆက်လက် ရှိနေရန်မှာမူ စိန်ခေါ်မှု ဖြစ်နိုင်သည်။ ငွေဖောင်းပွမှု သည် ဂဏန်း တစ်လုံးသာ ရှိသော ကြောင့် မြန်မာနိုင်ငံစံနှင့် ကြည့်လျှင် အခြေအနေကောင်းသည်ဟု ဆိုနိုင်သော်လည်း အခြားကုန်ပစ္စည်းများနှင့် ယှဉ်လျှင် စားသောက်စရိတ်၊ သွားလာ စရိတ်တို့က ကြီးနေခြင်းမှာ စီးပွားရေး တည်ငြိမ်တိုးတက်မည့် နိုင်ငံတစ်ခု၏ အင်္ဂါရပ် မဟုတ်ပေ။ ထမင်းဖိုးသည် မြန်မာနိုင်ငံထက် ဝင်ငွေ အဆများစွာ သာလွန်သော ဘန်ကောက်နှင့် မတိမ်းမယိမ်း ဖြစ်နေခြင်းသည် မူမမှန် စိုးရိမ်ဖွယ် ကောင်းသည်။ ထို့အတူ အငှားကားခဖြင့် အသင့်အတင့် အင်္ကျီ တစ်ထည်၊ ပုဆိုးတစ်ထည် ဝယ်ဝတ်နိုင်သည်။
အရေးယူပိတ်ဆို့မှု
မြန်မာနိုင်ငံသို့ အရေးယူ ပိတ်ဆို့မှုများ ရှိနေဆဲဖြစ်ပြီး ထိုအရေးယူ ပိတ်ဆို့မှုများသည် စီးပွားရေး စီမံခန့််ခွဲမှု အားနည်းချက်နည်းတူ မြန်မာ့ စီးပွားရေး နာလန် မထူနိုင်ရခြင်း၏ အဓိကအကြောင်းတစ်ရပ် ဖြစ်သည်။ အရေးယူပိတ်ဆို့မှုကြောင့် မြန်မာနိုင်ငံတွင်းသို့ ငွေကြေး ပြင်ပမှ လွှဲပို့ရာတွင် အခက်အခဲများ ရှိနေဆဲဖြစ်သည်။ အရေးယူပိတ်ဆို့မှုများ မပြုလုပ်မီက အမေရိကန်ပြည်ထောင်စုသို့ အဓိကတင်ပို့ခဲ့သည်မှာ လုပ်အားများများ သုံးစွဲရသည့် အထည်ချုပ် လုပ်ငန်းများဖြစ်သောကြောင့် အရေးယူ ပိတ်ဆို့မှုများ ဖွင့်လှစ်လိုက်လျှင် လုပ်သားပေါများသည့် မြန်မာနိုင်ငံမှ ထိုအထည်ချုပ် လုပ်ငန်းများ ထိုးတက်သွားပြီး အလုပ်အကိုင် များစွာပေးနိုင်လိမ့်မည်။ ကမ္ဘာ့ အရည်အသွေး ထိန်းသိမ်းစစ်ဆေးမှု အကောင်းဆုံး ဈေးကွက်ကြီးတစ်ခုဖြစ်သည့် အမေရိကန် ပြည်ထောင်စုတွင်းသို့ မြန်မာ့ပို့ကုန်များ ဝင်ရောက်ခွင့်ကို ပိတ်ပင်ထားဆဲ ဖြစ်ခြင်းကြောင့် မြန်မာ့စီးပွားရေး ပုံမှန်တိုးတက်ရေးကို ဟန့်တား ထားသလို ဖြစ်နေသည်။ ထိုလုပ်ငန်းများသည် ဆူလွယ်နပ်လွယ် မဟုတ်ဘဲ စောက်ချလုပ်မှ ရသည့်အတွက် Cronyများ စိတ်ဝင်စားသည့် လုပ်ငန်းများ လည်း မဟုတ်။ လုပ်အားရင်းရသည့် လုပ်ငန်းများကို အဓိက ပစ်မှတ် ထားသလို ဖြစ်နေသည့် မြန်မာ့ ပို့ကုန် ပိတ်ဆို့မှုကို အမေရိကန်၊ မြန်မာနှစ်ဖက် လုံးက ကြိုးပမ်းနိုင်လျှင် မြန်မာ့စီးပွား အားတက်စရာ စာမျက်နှာတစ်ချပ် ပွင့်လာမည်။ သမ္မတကြီး ဦးသိန်းစိန်၏ အမေရိကန်ပြည်ထောင်စုသို့ သမိုင်းဝင် ခရီးစဉ်တွင် အဆိုပါ ကိစ္စကို ထိထိရောက်ရောက် ပြောဆို နိုင်မည်ဟု ထင်မှတ်ရသည်။
လူသိန်းသန်း စိတ်ဝင်စားခံရသောအရာတိုင်း ဝေဖန်ထောက်ပြမှုများ ခံကြရမြဲဖြစ်သောကြောင့် မြန်မာ့ပြုပြင်ပြောင်းလဲရေးသည်လည်း ထိုကံကြမ္မာနှင့် ရင်ဆိုင်ရသည်။ လွယ်လင့်တကူ ထောက်ပြလေ့ ရှိသည်မှာ ပြုပြင်ပြောင်းလဲရေးသည် ထိပ်ပိုင်းမှာသာ ရှိနေပြီး သာမန်ပြည်သူတို့ထံသို့ မရောက်သေး သို့မဟုတ် အနည်းအကျဉ်းသာ ရောက်သေးသည်ဟုပင်ဖြစ်သည်။ စီးပွားရေးကောင်းလာသည်နှင့်အမျှ ဒီရေတက်လျှင် လှေ၊ သင်္ဘော အားလုံး မြင့်တက်သည် ဆိုသကဲ့သို့ ပြည်သူများ၏ဘဝ တိုးတက်လာမည် ဖြစ်သောကြောင့် အဆိုပါ ဝေဖန်ချက် အလိုလိုပပျောက်သွားမည်။
A hungry man is an angry man ‘ဆာလောင်သော သူသည် ဒေါသ ထွက်တတ်သည်’ ဟူသော ဆိုရိုးစကားက နိုင်ငံရေး နှင့် စီးပွားရေး တိုက်ရိုက် ဆက်စပ်နေကြောင်း၊ မြန်မာ့ပြုပြင် ပြောင်းလဲရေးကြီး အောင်မြင်ရန် စီးပွား မဖြစ်မနေ အမြန်ရှာရတော့မည် ဖြစ်ကြောင်း မီးမောင်း ထိုးပြသည်။
*****************************************
Google Drive: create, share, and keep all your stuff in one place.
