Transparency Myanmar

မြန်မာ စစ်အစိုးရအပေါ် ဝေဖန်မှုများနှင့် မြန်မာ့အရေး သတင်းများ ရေးသား ဖော်ပြလျက် ရှိသော ထိုင်းအခြေစိုက် ဧရာဝတီ (The Irrawaddy) မဂ္ဂဇင်း၏ အင်တာနက် ဝက်ဘ်ဆိုက်မှာ Hacker များ၏ ထိုးနှက် တိုက်ခိုက်မှု ခံနေရပြီး ပိတ်ပင်ခံ လိုက်ရကြောင်း ဧရာဝတီ၏ အယ်ဒီတာ ဦးအောင်ဇော်က စက်တင်ဘာလ ၂၇ ရက်နေ့တွင် ပြောကြားသည်။

ဧရာဝတီ အင်တာနက် ဝက်ဆိုက်သည် စက်တင်ဘာလ ၂၆ ရက်နေ့ည သန်းခေါင်ယံ ကျော်တွင် စတင် တိုက်ခိုက်ခံခဲ့ရခြင်း ဖြစ်ကြောင်း၊ ယခုတစ်ကြိမ် တိုက်ခိုက်ခံရမှုသည် ယခင် လွန်ခဲ့သော နှစ်နှစ်က ယာယီ တိုက်ခိုက်ခံရမှု ပုံစံထက် ပိုမို ရှုပ်ထွေးကြောင်း သိရသည်။

ယခု ဆိုက်ဘာ တိုက်ခိုက်မှုသည် မြန်မာနိုင်ငံထဲမှ သို့မဟုတ် မြန်မာနိုင်ငံ၏ အနီးကပ် မဟာမိတ် တရုတ်နိုင်ငံမှ တိုက်ခိုက်ခြင်း ဟုတ်၊ မဟုတ် ဟူသော အချက်ကို ရှင်းရှင်းလင်းလင်း မသိရသေးဟု ဦးအောင်ဇော်က ဆိုသည်။ www.irrawaddy.org ဝက်ဆိုက်သို့ ဝင်ရောက် ကြည့်ရှုသူများ အနေဖြင့် ပင်မ စာမျက်နှာကို ဖွင့်၍ မရဘဲ ဖြစ်နေပြီး Mirror Site (နည်းပညာ အခေါ်အဝေါ်) သို့သာ ရောက်ရှိနေသည်ကို တွေ့ရကြောင်း ဧရာဝတီက ဆိုသည်။

"ဒါဟာ စစ်အစိုးရက သူ့ကို ဆန့်ကျင်တဲ့ သူတွေအပေါ် တန်ပြန် ပြုလုပ်လိုက်တဲ့ ဂိမ်းအသစ် တစ်ခု၊ စစ်မျက်နှာပြင် တစ်ခုပါပဲ။ ကျွန်တော်တို့ ဘယ်လောက် ခံနိုင်ရည် ရှိသလဲ ဆိုတာကိုလည်း ဖော်ပြပါတယ်" ဟု ဦးအောင်ဇော်က ပြောသည်။

The New York Times မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2275} ဒေါ်အောင်ဆန်းစုကြည် မပါဝင်ပါက ရွေးကောက်ပွဲကို မယုံကြည်နိုင်ဟု ကုလပြော

Posted by Transparency Myanmar 2010

comments (0)

AFP, 28^th Sept 2010

မြန်မာနိုင်ငံမှ စစ်ဖက် အုပ်ချုပ်သူများ အနေဖြင့် နိုဘယ်ဆုရှင် အတိုက်အခံ ခေါင်းဆောင် ဒေါ်အောင်ဆန်းစုကြည်ကို လွှတ်ပေးခြင်း မရှိပါက ၎င်းတို့ စီစဉ်နေသော ရွေးကောက်ပွဲမှာ လက်ခံ ယုံကြည်ဖွယ် ရှိမည် မဟုတ်ကြောင်း ကုလသမဂ္ဂ ညီလာခံရောက် ဝန်ကြီးများ အုပ်စုက တနင်္လာနေ့တွင် ပြောကြားလိုက်သည်။

ကုလ သမဂ္ဂ အကြီးအကဲ ဘန်ကီမွန်းက အစည်းအဝေး အပြီး ပြောဆိုရာတွင် "တရုတ်၊ အိန္ဒိယ စသော အိမ်နီးချင်းများ အပါအဝင် ဗြိတိန်၊ အမေရိကန် ပြည်ထောင်စု စသော နိုင်ငံများမှ ဝန်ကြီးများ ပါဝင်သော အုပ်စုသည် မြန်မာနိုင်ငံ ရွေးကောက်ပွဲ လုပ်ငန်းစဉ် အတွက် လိုအပ်ချက် ဖြစ်သည့် ယခုထက် ပို၍ အားလုံး ပါဝင်နိုင်ရေး၊ ပိုမို ပွင့်လင်း မြင်သာရေးတို့ကို ရှင်းလင်းစွာ ထပ်မံ ပြောကြားခဲ့ကြသည်" ဟု ဆိုသည်။

"ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေကို လွှတ်ပေးဖို့ အဖွဲ့ဝင်တွေက တောင်းဆိုခဲ့ပါတယ်။ ရွေးကောက်ပွဲကို လက်ခံ ယုံကြည်နိုင်ဖို့၊ မြန်မာနိုင်ငံရဲ့ တည်ငြိမ်မှုနဲ့ ဖွံ့ဖြိုး တိုးတက်မှုကို ဖြစ်ပေါ်စေဖို့ ဆိုရင် ဒါကို မဖြစ်မနေ လုပ်ရမှာပါ'' ဟု မြန်မာဆိုင်ရာ မိတ်ဆွေများ အဖွဲ့အစည်း အပြီးတွင် ဘန်ကီမွန်းက သတင်းထောက်များအား ပြောကြားခဲ့သည်။

ကုလသမဂ္ဂ ညီလာခံ အဝန်းအဝိုင်းတွင် ပြုလုပ်သော အစည်းအဝေးသို့ မြန်မာ အစိုးရ ကိုယ်စားလှယ်များ တက်ရောက်ခြင်း မရှိပါ။

တိုင်းပြည်၏ နှစ် ၂၀ အတွင်း ပထမဆုံး ရွေးကောက်ပွဲတွင် ဒေါ်အောင်ဆန်းစုကြည်၏ NLD ပါတီနှင့် အခြား အတိုက်အခံ ပါတီ ၉ ခုတို့ မပါဝင်နိုင်အောင် အစိုးရက တားဆီးထားသည်။ အတိုက်အခံများက ၎င်းရွေးကောက်ပွဲကို အတုအယောင်သာ ဖြစ်သည်ဟု ဝေဖန် ပြောဆိုလျက် ရှိသည်။

သို့သော်လည်း အတိုက်အခံ ခေါင်းဆောင် အနေဖြင့် မဲပေးခွင့် ရလိမ့်မည်ဟု အစိုးရက ပြောကြားသည်။

ဘန်ကီမွန်းသည် မြန်မာ နိုင်ငံခြားရေး ဝန်ကြီး ဦးဥာဏ်ဝင်းနှင့် ရွေးကောက်ပွဲ ကိစ္စများကို တနင်္ဂနွေနေ့က ကုလ သမဂ္ဂ ဌာနချုပ်တွင် တွေ့ဆုံ ဆွေးနွေးခဲ့သည်ဟု ကုလ ပြောရေးဆိုခွင့် ရှိသူက အတည်ပြု ပြောကြားသော်လည်း အသေးစိတ် ပြောဆိုခြင်း မရှိပေ။

{Yangon Chronicle 2010:2274} ဒေါ်အောင်ဆန်းစုကြည်ကို မြန်မာအစိုးရ လွှတ်ပေးရမည်

Posted by Transparency Myanmar 2010

comments (0)

Associated Press, 28^th Sept 2010

မြန်မာနိုင်ငံမှ အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများအား လွတ်ပေးရေး ကိစ္စသည် လာမည့် ရွေးကောက်ပွဲများကို လက်ခံ အသိအမှတ် ပြုနိုင်ရန် အတွက် မရှိမဖြစ် လိုအပ်ချက် ဖြစ်ကြောင်း အဓိက နိုင်ငံကြီးများမှ နိုင်ငံရေး ဝန်ကြီးများက မြန်မာစစ်ဖက် အစိုးရကို ပြောကြားလျက် ရှိသည်။

တနင်္လာနေ့ တံခါးပိတ် အစည်းအဝေး အပြီးတွင် ကုလ အထွေထွေ အတွင်းရေးမှူးချုပ် ဘန်ကီမွန်းက "မြန်မာ ရွေးကောက်ပွဲ လုပ်ငန်းစဉ်တွင် လူတိုင်း ပါဝင်ခွင့် ရှိရန်၊ ပိုမို ပွင့်လင်း မြင်သာမှု ရှိရန် လိုအပ်ကြောင်းကို ဝန်ကြီးများက ထပ်မံ ဖော်ပြခဲ့ကြသည်" ဟု ပြောကြားခဲ့သည်။

နိုဝင်ဘာ ၇ ရက် ရွေးကောက်ပွဲများသည် နှစ်ပေါင်း ၂၀ အတွင်း ပထမဆုံး အကြိမ် အဖြစ် ကျင်းပမည် ဖြစ်သော်လည်း နှစ်ပေါင်း ၅၀ နီးပါး သက်တမ်းရှိ စစ်အုပ်ချုပ်ရေးကို ခိုင်မာအောင် ရည်ရွယ် ပြုလုပ်ခြင်း ဖြစ်သည်ဟု ဝေဖန် ဆန်းစစ်သူများက သုံးသပ် ပြောကြားသည်။

ဖျက်သိမ်းခြင်း ခံထားရသော ဒေါ်အောင်ဆန်းစုကြည်၏ NLD ပါတီသည် ပါတီ၏ ၂၂ နှစ်မြောက် အထိမ်းအမှတ်နေ့ကို အစိုးရက တင်းကြပ်စွာ စောင့်ကြည့် နေသည့်ကြားမှ တနင်္လာနေ့တွင် ပြုလုပ်ခဲ့သည်။

လာမည့် ရွေးကောက်ပွဲကို သပိတ်မှောက်ရန် ဆုံးဖြတ်ခဲ့ပြီးနောက် ယခုနှစ် အစောပိုင်းတွင် အတိုက်အခံ ပါတီကို ဖျက်သိမ်းခဲ့ခြင်း ဖြစ်သည်။

{Yangon Chronicle 2010:2273} ရွေးကောက်ပွဲတွင် မဲပေးကြရန် မဲဆန္ဒရှင် လူထုကို ဒီမိုကရေစီ ပါတီများ တိုက်တွန်း

Posted by Transparency Myanmar 2010

comments (0)

Monsters and Critics, 27^th Sept 2010

မြန်မာနိုင်ငံတွင် ဆယ်စုနှစ် နှစ်စုအတွင်း ပထမဦးဆုံး အကြိမ် ပြုလုပ်မည့် နိုဝင်ဘာ (၇) ရက် ရွေးကောက်ပွဲတွင် နိုင်ငံသားများ အနေဖြင့် ပါဝင်ကြရန် ဒီမိုကရေစီ လိုလားသော နိုင်ငံရေး ပါတီ တစ်ခုက တနင်္လာနေ့က တိုက်တွန်းခဲ့သည်။

အမျိုးသား ဒီမိုကရေစီ အင်အားစု (NDF) ခေါင်းဆောင် ဦးခင်မောင်ဆွေက လူ (၂၅၀) ခန့်အား စုဝေး၍ ပြောကြားရာတွင် ရွေးကောက်ပွဲတွင် ဆန္ဒမဲ မပေးခြင်းသည် နိုင်ငံရေး ပြစ်မှုကို ကျူးလွန်ခြင်း ဖြစ်ကြောင်း ပြောကြားခဲ့သည်။ NDF ခေါင်းဆောင်က သန့်ရှင်းသော အစိုးရ အတွက် မဲပေးကြရန် မဲဆန္ဒရှင်များကို တိုက်တွန်းခဲ့သည်။

အဓိက အတိုက်အခံ ပါတီများ ဖြစ်သော အမျိုးသား ဒီမိုကရေစီ အင်အားစုနှင့် ဒီမိုကရေစီ ပါတီ (မြန်မာ) တို့သည် ကိုယ်စားလှယ်လောင်း ၁၆၀ နှင့် ၄၉ ဦးမျှသာ အသီးသီး မှတ်ပုံတင် နိုင်ခဲ့ကြသည်။

အစိုးရ လိုလားသော ပါတီများ ဖြစ်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုး တိုးတက်ရေး ပါတီ၊ တိုင်းရင်းသား စည်းလုံး ညီညွတ်ရေး ပါတီတို့မှာမူ ကိုယ်စားလှယ်လောင်း ၁၁၆၀ နှင့် ၉၉၀ စီ အသီးသီး ပါဝင် ယှဉ်ပြိုင်ကြမည်ဟု သိရသည်။

မြန်မာနိုင်ငံတွင် မှတ်ပုံတင်ထားသော ပါတီ ၃၇ ခု ရှိသော်လည်း စစ်တပ်က လိုလားသော ပါတီများ သာလျှင် အမျိုးသားလွှတ်တော၊် ပြည်ထောင်စု လွှတ်တော်၊ တိုင်းဒေသကြီး လွှတ်တော်များတွင် အများစု အနိုင်ရရန် ကိုယ်စားလှယ်လောင်း လုံလုံလောက်လောက် ကွင်းဆင်း စည်းရုံးနိုင်ခဲ့သည်။

လူတစ်ဦး၏ တစ်နှစ် ပျှမ်းမျှဝင်ငွေ ဒေါ်လာ ၆၀၀ ပင် မပြည့်သော တိုင်းပြည်တွင် ကိုယ်စားလှယ်လောင်း မှတ်ပုံတင်ကြေး ဒေါ်လာ ၅၀၀ မှာ ကြီးမားသော အတားအဆီး တစ်ခု ဖြစ်သည်ဟု အများစုက စောဒက တက်ခဲ့ကြသည်။

မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကမူ လာမည့် ရွေးကောက်ပွဲတွင် မဲမပေးကြရန် သူမ၏ ထောက်ခံသူများကို တိုက်တွန်းလျက် ရှိသည်။

ဒေါ်အောင်ဆန်းစုကြည်နှင့် သူမ၏ အဖျက်သိမ်းခံ NLD ပါတီတို့က ၎င်းတို့ ရွေးကောက်ပွဲ မဝင်နိုင်အောင် တားမြစ်ရန် ရည်ရွယ်ထားပုံ ရသည့် အစိုးရ ပြဋ္ဌာန်းသော ရွေးကောက်ပွဲ ဥပဒေများကို ဆန္ဒပြသည့် အနေဖြင့် လာမည့် ရွေးကောက်ပွဲများကို သပိတ်မှောက်ထားသည်။

၁၉၉၀ ခုနှစ်က နောက်ဆုံး ရွေးကောက်ပွဲတွင် NLD ပါတီ အနိုင် ရရှိခဲ့စဉ်က အနိုင်ရ ပါတီအား အာဏာ လွှဲပြောင်းပေးရန် စစ်အုပ်ချုပ်သူများက ငြင်းဆန်ခဲ့ကြသည်။

ရွေးကောက်ခံ ဝန်ကြီးချုပ် ဦးနုအား ဗိုလ်ချုပ်ကြီး နေဝင်းက အာဏာ သိမ်းခဲ့သည့် ၁၉၆၂ နောက်ပိုင်း ပထမဆုံး ကျင်းပသော ၁၉၉၀ ဒီမိုကရေစီ ရွေးကောက်ပွဲများတွင် ပါတီပေါင်း ၉၃ ခု ပါဝင် ယှဉ်ပြိုင်ခဲ့ကြသည်။

အကယ်၍ နိုဝင်ဘာလ ရွေးကောက်ပွဲတွင် ဒီမိုကရေစီ လိုလားသော ပါတီများ အနိုင် ရရှိခဲ့သည့် တိုင်အောင် လက်ရှိ စစ်အုပ်ချုပ်သူများက ၂၅ % ကြိုတင်နေရာယူထားသည့် အထက် လွှတ်တော်တွင် ဥပဒေ ပြဋ္ဌာန်းမှုကို တပ်မတော်က ပိတ်ဆို့နိုင်စေရန် အခြေခံ ဥပဒေသစ်က အခွင့်အရေး ပေးထားပြီး ဖြစ်သည်။

{Yangon Chronicle 2010:2272} မြောက်ကိုရီးယား ခေါင်းဆောင်သစ် ရွေးချယ်မည့် ကွန်ဖရင့်ကြီးကျင်းပ

Posted by Transparency Myanmar 2010

comments (0)

မြောက်ကိုရီးယား နိုင်ငံ၊ ပြုံယမ်း မြို့တော်တွင် စက်တင်ဘာလ ၂၈ ရက်နေ့က ကျင်းပ ပြုလုပ်သော ကွန်မြူနစ်ပါတီ ကိုယ်စားလှယ်များ တွေ့ဆုံ ဆွေးနွေးပွဲသည် ခေါင်းဆောင်ကြီး ကင်ဂျုံအီလ်၏ သားသုံးဦး အနက် တစ်ဦးနှင့် အခြား မိသားစုဝင်များအား ပါတီ၏ ခေါင်းဆောင်ပိုင်း ရာထူး အပ်နှင်းရန် ဖြစ်ကြောင်း သတင်းဌာနများက ရေးသားဖော်ပြသည်။

ထို့ပြင် အဆိုပါ အစီအစဉ်သည် ကင်ဂျုံအီလ်၏ နေရာကို ဆက်ခံမည့်သူ ရွေးချယ်မည့် အစီအစဉ် တစ်စိတ် တစ်ပိုင်းလည်း ဖြစ်သည်။ မြောက်ကိုရီးယား နိုင်ငံပိုင် သတင်းဌာန ဖြစ်သော KCNA က အာဏာရ အလုပ်သမား ပါတီသည် ပါတီ၏ အရေးကြီးသော ခေါင်းဆောင်ပိုင်း နေရာ ရွေးချယ် ခန့်အပ်နိုင်ရေး အတွက် ကွန်ဖရင့်ကြီး တစ်ရပ်ကို စက်တင်ဘာလ ၂၈ ရက်နေ့တွင် ကျင်းပ ပြုလုပ်မည် ဖြစ်ကြောင်း ပြီးခဲ့သည့် ရက်သတ္တပတ်က ကြေညာချက် ထုတ်ပြန်သည်။ မူလက အဆိုပါ ဆွေးနွေးပွဲကို စက်တင်ဘာ လဆန်းပိုင်းတွင် ကျင်းပမည်ဟု ဇွန်လ အတွင်းက ကြေညာချက် ထုတ်ပြန်ခဲ့သော်လည်း မည်သည့် အကြောင်းကြောင့် နှောင့်နှေးခဲ့ရသည် ဟူသော အချက်ကို KCNA က ထုတ်ပြန်မှု မပြုပေ။

ပြုံယမ်းမြို့တော် ဘူတာရုံသို့ အလုပ်သမား ပါတီ ကိုယ်စားလှယ်များ စက်တင်ဘာလ ၂၈ ရက်နေ့က ရောက်ရှိလာပုံကို APTN သတင်းဌာနက ထုတ်လွှင့် ပြသသည်။ "ကိုရီးယား အလုပ်သမား ပါတီ ဆွေးနွေးပွဲသို့ တက်ရောက်လာသော ကိုယ်စားလှယ်များကို နွေးထွေးစွာ ကြိုဆိုသည်" ဟူသော ပိုစတာဖြင့် ကြိုဆိုခဲ့ကြပုံကိုလည်း ထုတ်လွှင့်ပြသည်။

မြောက်ကိုရီးယား နိုင်ငံပိုင် သတင်းဌာနက ကိုယ်စားလှယ်များ ရောက်ရှိလာမှုကို သတင်း အကျဉ်းချုံး ထုတ်ပြန် ကြေညာသော်လည်း ဆွေးနွေးပွဲနှင့် ပတ်သက်၍ အသေးစိတ် သတင်း ထုတ်ပြန်မှု မပြုပေ။

မြောက်ကိုရီးယား ထိပ်တန်း သတင်းစာ တစ်စောင် ဖြစ်သော Rodong Sinmun က အလုပ်သမား ပါတီကို ချီးကျူး ဂုဏ်ပြုသော ဆောင်းပါးတစ်ပုဒ် ရေးသား ဖော်ပြသည်။ ခေါင်းဆောင်ကြီး ကင်ဂျုံအီလ်အပေါ် ပါတီ၏ သစ္စာ စောင့်သိမှုကိုလည်း ထုတ်ဖော်ခဲ့သည်။

BBC သတင်းကို ဘာသာ ပြန်ဆိုသည်။

{Yangon Chronicle 2010:2271} ပျက်စီးသွားသော ကင်းလှည့်သင်္ဘောများအတွက် တရုတ်ကို လျော်ကြေးတောင်းမည်ဟု ဂျပန် ဆို

Posted by Transparency Myanmar 2010

Monday, September 27, 2010

comments (0)

နှစ်နိုင်ငံ နယ်နိမိတ် ပိုင်ဆိုင်မှုဖြင့် အငြင်းပွားလျက် ရှိသော ရေပြင်အတွင်း ဂျပန် ကင်းလှည့်သင်္ဘော နှစ်စင်းအား တရုတ် ငါးဖမ်းသင်္ဘောက တိုက်မိခဲ့သည့် ကိစ္စအတွက် ဂျပန်နိုင်ငံက တရုတ်နိုင်ငံကို လျော်ကြေး တောင်းခံမည်ဟု တိုကျိုက ဆိုသည်။

"ကျွန်ုပ်တို့ အနေဖြင့် အတိုက်ခံလိုက်ရသော ကင်းလှည့် သင်္ဘောများ နဂိုမူလ အခြေအနေ အတိုင်း ပြန်ဖြစ်နိုင်ရေး အတွက် တောင်းဆိုပါမည်" ဟု ဂျပန်အစိုးရ ပြောရေးဆိုခွင့် ရှိသူ Yoshito Sengoku က သတင်းစာ ရှင်းလင်းပွဲတွင် ပြောကြားလိုက်ခြင်း ဖြစ်သည်။

ယခုလ အစောပိုင်း ကာလတွင် ဖြစ်ပေါ်ခဲ့သော အဆိုပါ တရုတ် ငါးဖမ်းသင်္ဘောနှင့် ဂျပန် ကင်းလှည့်သင်္ဘော နှစ်စင်း တိုက်မိမှုကြောင့် နှစ်နိုင်ငံ ဆက်ဆံရေးမှာ နှစ်များစွာအတွင်း အဆိုးရွားဆုံး အဆင့်သို့ ရောက်ရှိခဲ့သည်။

ဂျပန်နိုင်ငံက အဆိုပါ တရုတ် ငါးဖမ်းသင်္ဘော ကပ္ပတိန်ကို ရက်သတ္တ နှစ်ပတ်ကြာမျှ ဖမ်းဆီး ထိန်းသိမ်းခဲ့ပြီးနောက် ပြီးခဲ့သည့် ရက်သတ္တပတ်က ပြန်လွှတ်ပေးလိုက်သည်။

အဆိုပါ သင်္ဘော တိုက်မိမှုမှာ နယ်နိမိတ် ပိုင်ဆိုင်မှုဆိုင်ရာ အငြင်းပွားနေရသော အရှေ့ တရုတ် ပင်လယ်ရှိ လူသူ မနေထိုင်သော ကျွန်းစုများ အနီးတွင် ဖြစ်ပွားခဲ့ခြင်း ဖြစ်သည်။ ထိုကျွန်းများကို ဂျပန်နိုင်ငံတွင် ဆန်ကာကူ ကျွန်းများဟု ခေါ်ဆိုပြီး တရုတ်နိုင်ငံတွင် ဒန်အိုယူ ကျွန်းများဟု ခေါ်ကြသည်။

ထိုကိစ္စ ဖြစ်ပွားပြီးနောက် တရုတ်အစိုးရက နှစ်နိုင်ငံ အဆင့်မြင့် အရာရှိကြီးများ ဆက်ဆံမှုကို ဖြတ်တောက်ပစ်လိုက်ပြီး ဂျပန်သို့ သွားရောက် လည်ပတ်မည့် တရုတ် တိုးရစ်များ၏ ခရီးစဉ်ကိုလည်း ဖျက်သိမ်းလိုက်သည်။

ရှန်ဟိုင်းမြို့တွင် သွားရောက် ဖျော်ဖြေမည့် ဂျပန် ထိပ်တန်း တေးဂီတ တီးဝိုင်း SMAP ၏ အစီအစဉ်ကိုလည်း တရုတ်ဘက်မှ ကြီးမှူးသူများက ဖျက်သိမ်းလိုက်သည်။

ဤအတောအတွင်း ပြီးခဲ့သည့် ရက်သတ္တပတ် အတွင်း ဂျပန်နိုင်ငံသား လေးဦးကို တရုတ်နိုင်ငံက ဖမ်းဆီးလိုက်ရာ တင်းမာမှုမှာ ပို၍ ကြီးထွားသွားရသည်။ အဆိုပါ ဂျပန်လေးဦးသည် စစ်ဘက် တားမြစ် နယ်မြေထဲသို့ ဝင်ရောက်ပြီး ဗီဒီယို ရိုက်ကူးသည် ဟူသော စွပ်စွဲချက်ဖြင့် ဖမ်းဆီး ထိန်းသိမ်းခံလိုက်ရခြင်း ဖြစ်သည်။

BBC သတင်းကို ဘာသာ ပြန်ဆိုသည်။

{Yangon Chronicle 2010:2270} ရုရှားသမ္မတ တရုတ်သို့ သွား

Posted by Transparency Myanmar 2010

comments (0)

ရုရှား နိုင်ငံ သမ္မတ ဒီမစ်ထရီမီဒီဒက်ဗ် တရုတ်နိုင်ငံသို့ စက်တင်ဘာလ ၂၆ ရက်နေ့က သုံးရက်တာ ချစ်ကြည်ရေး ခရီးအဖြစ် ရောက်ရှိလာကြောင်း နိုင်ငံပိုင် မီဒီယာက ရေးသား ဖော်ပြသည်။

သမ္မတ မီဒီဒက်ဗ်သည် တရုတ် အနေက်မြောက်ပိုင်း ဒေသရှိ ဒါလင်း ဆိပ်ကမ်းမြို့သို့ ရောက်ရှိလာပြီး ခရီးစဉ်အတွင်း တရုတ် သမ္မတ ဟူဂျင်တောင်းနှင့်လည်း တွေ့ဆုံ ဆွေးနွေးမည်ဟု Xinhua သတင်းဌာနက ရေးသား ဖော်ပြသည်။

ယခု ခရီးစဉ်သည် မစ္စတာ မီဒီဒက်ဗ်အတွက် ၂၀၀၈ ခုနှစ်၊ မေလတွင် ရုရှားသမ္မတ ဖြစ်လာပြီးနောက် ဒုတိယမြောက် တရုတ် ခရီးစဉ် ဖြစ်သည်ဟု Xinhua သတင်းက ဆိုသည်။

မစ္စတာ မီဒီဒက်ဗ်သည် တရုတ် ပြည်နယ် ခေါင်းဆောင်များ၊ တရုတ်၊ ရုရှား စစ်မှုထမ်းဟောင်းများ၊ ရုရှား ဘာသာစကား ပေါမောက္ခများ၊ ကျောင်းသား ကျောင်းသူများနှင့်လည်း တွေ့ဆုံမည် ဖြစ်သည်။

၎င်းသည် စက်တင်ဘာလ ၂၇ ရက်နေ့တွင် ဘေဂျင်းမြို့သို့ သွားရောက် လည်ပတ်ပြီး သမ္မတ ဟူဂျင်းတောင်နှင့် တွေ့ဆုံခဲ့ပြီးနောက် ရှန်ဟိုင်းမြို့သို့ သွားရောက်ပြီး တရုတ် ဒုတိယ သမ္မတ Xi Jinping နှင့် တွေ့ဆုံကာ ကမ္ဘာ့ ကုန်စည်ပြပွဲသို့ သွားရောက် ကြည့်ရှုမည်ဟု ဆိုသည်။

Xinhua သတင်းကို ဘာသာ ပြန်ဆိုသည်။

{Yangon Chronicle 2010:2269} ကုလ အတွင်းရေးမှူးချုပ်က အာရှအား မြန်မာနိုင်ငံကို ဖိအားပေးရန် တိုက်တွန်း

Posted by Transparency Myanmar 2010

comments (0)

Bangkok Post, 26^th September 2010

မြန်မာနိုင်ငံတွင် နိုဝင်ဘာလ ရွေးကောက်ပွဲ မတိုင်မီတွင် အာရှ နိုင်ငံများ အနေဖြင့် မြန်မာနိုင်ငံ အပေါ် တင်းတင်းကြပ်ကြပ် မကိုင်တွယ်ဘဲ လွယ်လွယ် အသိအမှတ် ပြုခဲ့ပါက ခံစား သွားရနိုင်ကြောင်း၊ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက သတိပေးခဲ့သည်။

ဘန်ကီမွန်းသည် မြန်မာ၏ အိမ်နီးချင်းများအား တနင်္လာနေ့တွင် ကုလသမဂ္ဂ အထွေထွေ ညီလာခံ၏ အရန် ဆွေးနွေးမှုများ အနေဖြင့် မြန်မာ နိုင်ငံနှင့် ပတ်သက်၍ ပိုမို တွေ့ဆုံ ဆွေးနွေးကြရန် တိုက်တွန်းခဲ့သည်။

အဆိုပါ အစည်းအဝေးတွင် လူ့အခွင့်အရေး အခြေအနေများ၊ လူသားချင်း စာနာမှု အခြေအနေများနှင့် နိုဝင်ဘာ (၇) ရက် ရွေးကောက်ပွဲအတွက် ပြင်ဆင်မှုများကို ဆွေးနွေးကြမည် ဖြစ်သည်။ ရွေးကောက်ပွဲသည် ဖိနှိပ်မှုများသော အခြေအနေတွင် ကျင်းပခြင်း ဖြစ်ကြောင်း ဗြိတိန်၊ အမေရိကန်နှင့် ကနေဒါတို့က ပြောကြားခဲ့သည်။

နိုဘယ်ဆုရှင် ဒေါ်အောင်ဆန်းစုကြည်နှင့် အခြား အတိုက်အခံများကို ရွေးကောက်ပွဲတွင် ပါဝင်ခွင့် မပြုခြင်းအတွက် ကုလသမဂ္ဂ အထွေထွေ အတွင်းရေးမှူးချုပ်က မကျေမနပ် ဖြစ်မှုကို ဖော်ပြခဲ့သည်။

ဘန်ကီမွန်းက အာဆီယံ (၁၀) နိုင်ငံအား သောကြာနေ့က ပြောကြားခဲ့ရာတွင် ကုလ သမဂ္ဂနှင့် အာဆီယံသည် မြန်မာနိုင်ငံ တည်ငြိမ်ရေးနှင့် ဖွံ့ဖြိုး တိုးတက်ရေးအတွက် ဝေမျှ လုပ်ဆောင်ကြရန် ပြောကြားခဲ့သည်။

"ကျွန်တော်တို့ဟာ မြန်မာနိုင်ငံမှာ လွတ်လပ်ပြီး တရား မျှတတဲ့ ရွေးကောက်ပွဲ ဖြစ်ဖို့၊ အမျိုးသား ပြန်လည် ပေါင်းစည်းရေးနဲ့ ဒီမိုကရေစီ အသွင် ကူးပြောင်းရေးဟာ မရှိမဖြစ် လိုအပ်တယ်ဆိုတာ သဘောတူကြပါတယ် " ဟု ဘန်က ဆက်လက် ပြောသည်။

"ဒါပေမယ့် ဒီအချက်တွေ မဖြစ်ခဲ့ဘူး ဆိုရင်တော့ ရွေးကောက်ပွဲကို အသိအမှတ် ပြုမှုအပေါ် ယုတ်လျော့လာမှာ ဖြစ်ပြီး တစ်ဖက်မှာ အာဆီယံရဲ့ မူဝါဒတွေ တန်ဖိုးတွေပေါ်မှာလည်း ရောင်ပြန်ဟပ် လာနိုင်ပါတယ် " ဟု ယင်းက ဖြည့်စွက် ပြောသည်။

ဘန်က ပြောကြားရာတွင် ကုလသမဂ္ဂနှင့် အာဆီယံသည် မြန်မာနိုင်ငံကို ကူညီရမည် ဖြစ်ပြီး သို့မှသာ မြန်မာနိုင်ငံ အနေဖြင့် လူသားချင်း စာနာမှု ဆိုင်ရာနှင့် ဖွံ့ဖြိုး တိုးတက်မှု ဆိုင်ရာ စိန်ခေါ်မှုများကို ဖော်ထုတ်နိုင်မည် ဖြစ်သည်ဟု ပြောခဲ့သည်။

အာဆီယံသည် အဖွဲ့ဝင် နိုင်ငံများ၏ ပြည်တွင်းရေးကို ၀င်ရောက် မစွက်ဖက်သော မူဝါဒကို ကိုင်စွဲထားရာ အဖွဲ့ကြီးအတွင်း ဒီမိုကရေစီ ကျသော အဖွဲ့ဝင်များသည် မြန်မာနိုင်ငံကြောင့် စိတ်မသက်မသာ ခံစားနေရသည်။

ဘန်က ယင်းအနေဖြင့် မြန်မာအစိုးရနှင့် အလုပ်အတူ လုပ်လိုကြောင်း၊ ဒီမိုကရက်တစ် အုပ်ချုပ်ရေးနှင့် အရပ်သား အုပ်ချုပ်ရေးသို့ အသွင် ကူးပြောင်းရေး ချောမွေ့ရေး ကူညီလိုကြောင်း၊ အာဆီယံအား မြန်မာနိုင်ငံက ကုလသမဂ္ဂ အဖွဲ့အစည်းများနှင့် ဆက်ဆံရေးအား အားပေးရန် တိုက်တွန်းခဲ့သည်။

ဘန်သည် နယူးယောက်တွင် ဖိလစ်ပိုင် သမ္မတသစ် Benigo Aquino အပါအ၀င် အာဆီယံ ခေါင်းဆောင်များနှင့် နှစ်ဦးချင်း တွေ့ဆုံ၍ အဆိုပါ ကိစ္စများကို အလေးအနက်ထား ပြောကြားခဲ့သည်။ ဘန်က Aquino အား ဒေသတွင်း နိုင်ငံများ၏ ဆက်ဆံရေး၏ အရေးကြီးပုံကို ဖိအားပေးခဲ့သည်ဟု ကုလသမဂ္ဂ ပြောခွင့်ရ ပုဂ္ဂိုလ်က ပြောကြားခဲ့သည်။

ယခုလ အတွင်း ဘန်ကီမွန်းသည် မြန်မာ အာဏာပိုင်များနှင့် ထိတွေ့မှုအပေါ် စိတ်မသက်မသာ ဖြစ်မှုအား ဖော်ပြခဲ့ပြီး ဒေါ်အောင်ဆန်းစုကြည်၏ NLD နှင့် အခြားပါတီ ကိုးခုအား ဖျက်သိမ်းခဲ့ခြင်း အတွက် စိုးရိမ်မှုများကို ဖော်ပြခဲ့သည်။

"နိုင်ငံတကာ အသိုင်းအ၀ိုင်း အနေနဲ့ကလည်း ခေါင်းမာတဲ့ မြန်မာ အစိုးရကို ဘယ်လို ဆက်ဆံရမယ်ဆိုတာ အဆိုပြုဖို့ လမ်းစပျောက်နေသလို ဖြစ်နေပါတယ်" ဟု ကုလသမဂ္ဂ လုံခြုံရေးကောင်စီ သံတမန် တစ်ဦးက ပြောသည်။

"အထွေထွေ အတွင်းရေးမှူးချုပ်ကလည်း ဒါကို ပြောပြီးပါပြီ။ မြန်မာနိုင်ငံမှာ လူ့အခွင့်အရေး အခြေအနေတွေ ဆိုးဝါးနေပါတယ်။ လူတွေရဲ့ နေ့စဉ်ဘ၀တွေလည်း အတော် ဆိုးဝါးနေပါတယ်" ဟု ယင်းက ပြောသည်။

အမေရိကန် သမ္မတ Barack Obama ကလည်း ထိုနေ့ နေ့လည်က အာဆီယံ (၁၀) နိုင်ငံအား နေ့လည်စာ တည်ခင်းရာ၌ အဆိုပါ ကိစ္စကို ဖိအားပေးခဲ့သည်။

ဒီမိုကရေစီ ပြောင်းလဲမှုများအတွက် စကားပြောရန် ကြိုးပမ်းမှုများမှာလည်း စိတ်ပျက်ဖွယ် ဖြစ်ခဲ့ကြောင်း ၀ါရှင်တန်ကလည်း ၀န်ခံခဲ့ပြီး ဖြစ်သည်။

"သမ္မတကြီး အနေဖြင့် ဒီမိုကရေစီ ပြောင်းလဲမှုများနှင့် လူ့အခွင့်အရေး ကာကွယ်ပေးမှုများ၏ အရေးကြီးပုံကို ယုံကြည်မှု ရှိပြီး၊ မြန်မာနိုင်ငံ၏ အမျိုးသား ပြန်လည် စည်းလုံးရေး လုပ်ဆောင်ရေး အတွက် တိုက်တွန်းမှုများကို ပြန်လည် လုပ်ဆောင်လိုပါတယ်" ဟု နေ့လည်စာ စားပွဲအပြီး အမေရိကန် ၏ သတင်း ထုတ်ပြန်ချက်တွင် ဖော်ပြထားသည်။

Obama က ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံး လွှတ်ပေးရန် တောင်းဆိုခဲ့သည်။

အာဆီယံ ခေါင်းဆောင်များကလည်း လွတ်လပ်သော ရွေးကောက်ပွဲ ဖြစ်ရန် တောင်းဆိုခဲ့ကြပြီး အမေရိကန်၏ မြန်မာနိုင်ငံနှင့် ဆက်ဆံရေးကိုလည်း ကြိုဆိုခဲ့သည်။ ထို့အပြင် စစ်အစိုးရအား နိုင်ငံရေးနှင့် စီးပွားရေး ပြုပြင် ပြောင်းလဲမှုများ ပြုလုပ်ရေးအတွက် အားပေးနိုင်လိမ့်မည်ဟု မျှော်လင့်ကြသည်။

{Yangon Chronicle 2010:2268} ဂျပန်၏ ကုန်သွယ်ရေးပိုငွေ သြဂုတ်လတွင် ၃၇.၅% ကျဆင်း

Posted by Transparency Myanmar 2010

comments (0)

AFP, 27^th September 2010

ဂျပန်နိုင်ငံ၏ ကုန်သွယ်ရေး ပိုငွေပြမှုသည် သြဂုတ်လတွင် ၃၇.၅ % ကျသွားခဲ့ကြောင်း၊ ယင်းမှာ သယံဇာတ ဆင်းရဲသော နိုင်ငံ အနေဖြင့် ရေနံစိမ်းများနှင့် သဘာဝ ဓာတ်ငွေ့ရည်များ ပိုမို တင်သွင်းရခြင်းကြောင့် ဖြစ်ကြောင်း အစိုးရက တနင်္လာနေ့က ပြောကြားခဲ့သည်။

ပိုငွေပြမှုမှာ သြဂုတ်လတွင် (၁၀၃.၂) ဘီလီယံ ယန်း (၁.၂၂ ဘီလီယံ ဒေါ်လာ) သာ ရှိပြီး လွန်ခဲ့သော ၁၅ လအတွင်း ပထမဆုံး အကြိမ် လျော့ကျခြင်း ဖြစ်ကြောင်း ဘဏ္ဍာရေး ၀န်ကြီးဌာန၏ အဆိုအရ သိရှိရသည်။

အဆိုပါ ကိန်းဂဏန်းမှာ ဈေးကွက်က မျှော်လင့်ထားသည်ထက် ပိုနည်းသော ပမာဏ ဖြစ်သည်။

{Yangon Chronicle 2010:2267} ယန်းငွေ တန်ဖိုးချရန် ဂျပန် အဆင်သင့်ရှိ

Posted by Transparency Myanmar 2010

comments (0)

BBC News, 26^th Spt 2010

ယန်းငွေ တန်ဖိုး တက်နေခြင်းကို ထိန်းချုပ်ရန် အတွက် ငွေကြေး ဈေးကွက်အတွင်း ကြားဝင် ဆောင်ရွက်မှုများကို ဂျပန် ဗဟိုဘဏ် အုပ်ချုပ်သူက ဖယ်ရှားခြင်း မပြုဟု ဆိုသည်။

ကိုဘေးမြို့တွင် ပြုလုပ်သော အစည်းအဝေးတွင် မိန့်ခွန်း ပြောကြားသော မာဆာဘီ ရှီရာကာဝါက "အကယ်၍ လိုအပ်ပါက သင့်လျော်သော လှုပ်ရှားမှုများကို အကောင်အထည် ဖော်ရန် ဂျပန်ဘဏ် BOJ က အဆင့်သင့် ရှိနေသည်" ဟု ပြောကြားခဲ့သည်။

ယခုလ အစောပိုင်းတွင် ဂျပန်ဘဏ် BOJ သည် ၆ နှစ်အတွင်း ပထမဆုံး အကြိမ်အဖြစ် ငွေကြေးဈေးကွက်တွင် ကြားဝင် လှုပ်ရှားမှု ပြုလုပ်ခဲ့သည်။ ယန်းငွေ အမြောက်အမြား ရောင်းချမည့် ဆုံးဖြတ်ချက်သည် ငွေတန်ဖိုးချရာတွင် အထောက်အကူ ဖြစ်စေမည်ဟုလည်း ၎င်းက ပြောသည်။

ယခင်က ယန်းငွေသည် ဒေါ်လာနှင့် ချိတ်ဆက်လျှင် ၁၅ နှစ်အတွင်း အမြင့်ဆုံးသို့ ရောက်ရှိနေရာ ဂျပန်ပို့ကုန် လုပ်ငန်းရှင်များက ၎င်းတို့၏ အမြတ်ငွေများ အဆိုပါ ငွေလဲနှုန်းကြောင့် လျှော့ပါးသွားမည်ကို စိုးရိမ်လျက် ရှိနေကြသည်။

တန်ဖိုးထက် ယန်းငွေ၏ စီးပွားရေး လောကအပေါ် သက်ရောက်မှု အကျိုးကို BOJ က အနီးကပ် စောင့်ကြည့်နေသည်ဟု ရှီရာကာဝါက ဆိုသည်။

"စီးပွားရေးကဏ္ဍ အကျဖက် မရောက်ခင် ကျွန်တော်တို့ ပိုပြီး သတိထား စောင့်ကြည့်ရပါလိမ့်မယ်၊ တကယ်လို့ လိုအပ်တယ်လို့ ဆုံးဖြတ်ခဲ့ရင် သင့်လျော်တဲ့ လှုပ်ရှားမှုကို အချိန်ကိုက် အကောင်အထည် ဖော်ဖို့ အဆင်သင့် ရှိပါတယ်" ဟု ၎င်းက ပြောကြားခဲ့သည်။ ဒေါ်လာနှင့် ချိတ်ဆက်ရာတွင် ယန်းငွေ၏ တန်ဖိုး ၁ % ကျော်ကျော် သိသိသာသာ ကျဆင်းသွားစေခဲ့သည်။ ငွေကြေး ဈေးကွက်အတွင်း ကြားဝင်မှုကို ဂျပန်ဘဏ် BOJ က ဒုတိယအကြိမ် ပြုလုပ်ခဲ့သည်ဟု သံသယ ရှိခဲ့ကြပြီးနောက် အထက်ပါ မှတ်ချက်များ ထွက်ပေါ်လာခြင်း ဖြစ်သည်။

ဂျပန် ဝန်ကြီးချုပ် နာတိုကန်က "BOJ ၏ ဒုတိယ အကြိမ်မြောက် ကြားဝင်မှုကို ၎င်းအနေဖြင့် မသိရှိခဲ့" ဟု နောက်ပိုင်းတွင် ပြောကြားခဲ့သည်။

ထိုနောက်ပိုင်း ယန်းငွေ တန်ဖိုး ပြန်တက်လာခဲ့ပြီး ယခုအခါ တစ်ဒေါ်လာလျှင် ၈၄.၂၁၂ ယန်းနှုန်း ဈေးပေါက်သည်ဟု သိရှိရသည်။

Transparency Myanmar